ពិសា​ទឹក​ផ្លែឈើ​ស្រស់​ជួយ​សម្អាត​ពោះវៀន​

​ការ​ពិសា​ទឹក​ផ្លែឈើ​កិន​ស្រស់ៗ ១ ថ្ងៃ 240 360 ម​.​ល (​លាយ​ជាមួយ​ទឹក​) អាច​ជួយ​ឲ្យ​ប្រព័ន្ធ​បន្ទោបង់​ដំណើរការ​ល្អ និង​ពោះវៀន​ជ្រះ​ស្អាត ។ បើ​មិន​អាច​កិន​ទឹក​ផ្លែឈើ​ស្រស់ ពិសា​ដោយ​ខ្លួនឯង​បាន​អាច​រក​ទិញ​ទឹក​ផ្លែឈើ មក​ផ្សំ​ជាមួយ​ទឹក ឲ្យ​សាបជាតិ​ស្ករ ជំនួស​ក៏បាន ៕​

​ប្រការ​គួរ​ធ្វើ ៦ ចំណុច​ដើម្បី​អាយុ​វែង

អ្នកជំនាញ​ផ្នែក​សុខភាព បាន​ណែនាំ​ពី​ប្រការ​គួរ​ធ្វើ ៦ ចំណុច​ដែល​ជួយ​ឲ្យ​មនុស្ស​យើង​ឲ្យ​អាយុ​វែង ប្រកប​ដោយ​សុខភាព​ល្អ​។​


​១-​អាហារ​: គួរ​ទទួល​ទាន​អាហារ ឲ្យ​សមល្មម​នឹង​រាង កាយ និង​វ័យ​របស់​បុគ្គល​នី​មួយៗ​។ អ្វី​ដែល​ល្អ​បំផុត គឺ​អាហារ​ស្រស់​ពី​ធម្មជាតិ ដែល​ចម្អិន​ឆ្អិន មិន​ឆ្លងកាត់​ដំណើរការ​កែ​ច្នៃ​ច្រើន​ដំណាក់កាល ព្រោះ​គុណប្រ យោជន៍​របស់​អាហារ នឹង​ថយចុះ ឬ​មាន​ការបន្ថែម​សារធាតុ​ការពារ ខូច​អាហារ​ចូលទៅ​។ បើ​ផ្តោតលើ​ការ​ទទួលទាន​បន្លែ និង​ផ្លែឈើ​ច្រើន វា​នឹង​អាច​ជួយ​កាត់បន្ថយ​ការ​ប្រឈម នឹង​ការ​កើត​ជំងឺមហារីក​។ ការ​ទទួលទាន​អាហារ​ដែល​មាន​ប្រយោជន៍ អាច​ពន្យារ​អាយុ​បាន ១០​ឆ្នាំ​។​


​​២-​ការ​ហាត់ប្រាណ​: មនុស្ស​មាន​សុខភាព​ជា​រួម ពេញ​លក្ខណៈ​នៅ​អាយុ ២៥-៣០​ឆ្នាំ បន្ទាប់ពីនោះ សភាព​រាងកាយ នឹង​ចាប់ផ្តើម​ខ្សោយ អត្រា​ដុតបំផ្លាញ​ថាមពល ក៏​ថយចុះ​។ ការ​ហាត់ប្រាណ​បែប​អ៊ែ​រ៉ូ​ប៊ិក​ជាប្រចាំ យ៉ាងតិច​៣​ដង ក្នុង​មួយ​សប្តាហ៍ ម្តង ៣០​នាទី​ឡើង​ទៅ ជួយ​បង្កើន​អត្រា​ដុតបំផ្លាញ​ថាមពល ជួយ​ឲ្យ​ប្រព័ន្ធ​បេះដូង និង​សរសៃ ឈាម​ធ្វើការ​បាន​ល្អ ធ្វើឲ្យ​ឈាមទៅ​ចិញ្ចឹម​គ្រប់​អវយវៈ​កាន់តែ​ច្រើនឡើង ជួយ​រក្សា​សភាព​របស់​សរសៃពួរ​សន្លាក់ សាច់ដុំ ធ្វើឲ្យ​រាងកាយ​ចុះខ្សោយស​ភាព​កាន់តែយឺ​ត ប្រព័ន្ធ​ការពារ​រាងកាយ​កាន់តែ​រឹងមាំ និង​ឈឺ​ថ្កាត់​តិចតួច ដោយ​ការ​ហាត់ប្រាណ​ជាប្រចាំ ជួយ​ពន្យារ​អាយុ​បាន ២​ឆ្នាំ​។​


​​៣-​ការ​សម្រាក​: ការ​គេង​លក់ ជាការ​សម្រាក​ល្អ​បំផុត​។ មនុស្ស​ម្នាក់ៗ អាច​ប្រើ​ពេល​ក្នុងការ​គេង​មិន​ស្មើគ្នា ប៉ុន្តែ​អាច​កំណត់ថា ភ្ញាក់​ពី​គេង ហើយ​មាន​អារម្មណ៍​ស្រស់ថ្លា មិន​អស់កម្លាំង​ល្ហិតល្ហៃ គឺជា​ការ​គ្រប់គ្រាន់​ហើយ​។​


៤-​ទទួល​ពន្លឺ​ថ្ងៃ​: ស្ត្រី​ភាគច្រើន តែង​គេច​កម្តៅថ្ងៃ​ធ្វើឲ្យ​អ្នក​រំលង​ឱកាស​ដែល​អាច​បាន​ទទួល​ប្រយោជន៍​ចំពោះ​ការ​មានជីវិត​យឺនយូរ គឺ​វីតាមីន D ជា​វិធី​ដែល​ជួយ​ការពារ​ការកើត​ជំងឺមហារីក សម្ពាធ​ឈាម​ខ្ពស់ និង​ពុក​ឆ្អឹង​បាន​។ កង្វះ​វីតាមីន D អាច​ធ្វើឲ្យ​សាច់ដុំ​ខ្សោយ​កម្លាំង និង​មាន​ការ​ប្រឈម​នឹង​ការ​ដួល និង​បាក់ឆ្អឹង​បាន​។ ជាពិសេស មនុស្ស​ចាស់ ដោយ​ការ​បាន​ទទួល​កម្តៅថ្ងៃ ពេលព្រឹក និង​ពេល​ល្ងាច ដែល​មិន​ក្តៅ​ខ្លាំង អាចជួយ​ពន្យារ​អាយុ​បាន​២​ឆ្នាំ​។​


​៥-​ចាក់​វ៉ាក់សាំង​ការពារ​ជំងឺ​: អាចជួយ​ពន្យារ​អាយុ​បាន​២​ឆ្នាំ​។ ការចាក់​វ៉ាក់សាំង មិនមែន​មិន​ចាំបាច់​តែ​ចំពោះ​ក្មេង​ឡើយ មនុស្ស​ធំ ក៏​គួរ​បាន​ទទួល​ការចាក់​វ៉ាក់សាំង ការពារ​ជំងឺ​ដូចគ្នា​ដែរ មិន​ថា​ជា​វ៉ាក់សាំង​តេតាណូស ឬ​វ៉ាក់សាំង​ជំងឺ​ផ្តាសាយ ដែល​ក្លាយជា​រឿង​កាន់តែ​ធំ អាច​បំប្លែង​ពូជ​ជារឿយៗ​។ សាកល្បង​ប្រឹក្សា​ជាមួយ​គ្រូពេទ្យ ដើម្បី​មើល​ថា គួរ​ចាក់​វ៉ាក់សាំង​ការពារ​ជំងឺ​អ្វី​ខ្លះ​?


​​៦-​ឧស្សាហ៍​ពិនិត្យ​រាងកាយ​: អាចជួយ​ពន្យារ​អាយុ​បាន​ថែម ៤​ឆ្នាំ​។ មនុស្ស​ភាគច្រើន មើលឃើញ​ភាព​សំខាន់​របស់​រាងកាយ នៅពេល​យើង​ឈឺ​ថ្កាត់ មិន​ស្រួលខ្លួន ដែល​ដល់​ពេល​នោះ ក៏​អាច​ហួស​ទៅ​ហើយ​។ ដូច្នេះ គួរ​ព្យាយាម​ត្រួតពិនិត្យ​រាងកាយ​នៅពេល​សុខភាព​នៅ​ល្អ ដើម្បី​រក​សញ្ញា​ដាស់តឿន​ពីដំបូងៗ​៕​

បុរសគ្មានពងស្វាសនឹងអាយុវែងជាង

​តាម​ពួក​អ្នកវិទ្យាសាស្ត្រ​កូរ៉េខាងត្បូង បុរស​ត្រូវ​កាត់​ពងស្វាស​នឹង​អាយុ​វែង​ជាង​មនុស្ស​ធម្មតា ។​
​តាំងពី​ច្រើន​ឆ្នាំមុន ការពិសោធន៍​កាត់ចោល​ពងស្វាស ពោលគឺ​កម្ចាត់​ចោល​ប្រភព​ផលិត​អ័រម៉ូន ពូជ​ឈ្មោល​របស់​ពពួកសត្វ​មាន​ដោះ​មួយចំនួន (​ឆ្កែ ស្វា គោ​) របស់​ពួក​អ្នកវិទ្យាសាស្ត្រ​លោកខាងលិច សុទ្ធតែ​ផ្តល់​លទ្ធផល​អូសបន្លាយ​បាន​អាយុ​របស់​វា ។ ប៉ុន្តែ​រហូតមកដល់​មុននេះ មិនយូរប៉ុន្មាន វិទ្យាសាស្ត្រ​នៅតែ​ពុំទាន់​មាន​គ្រប់​ភស្តុតាង​បញ្ជាក់​ពី​ភាពដូចគ្នា​នេះ​នៅ​មនុស្ស ។​
​អាយុ​របស់​ពួក​អា​មាត្រ​រជ្ជកាល Choson (​កូរ៉េខាងត្បូង​) ខ្ពស់ជាង​ច្រើន​ប្រៀប​នឹង​មនុស្ស​ដទៃ ត្រូវបាន​ចាត់ទុកថា ដោយសារ ឥទ្ធិពល​របស់​ការ "​ក្រៀវ​"
​ពួក​អ្នកវិទ្យាសាស្ត្រ​កូរ៉េខាងត្បូង​បាន​ស្រាវជ្រាវ​មហាតលិក​ជាច្រើន​ជំនាន់ ក្នុង​រជ្ជកាល Choson(1392-1910) នៅ​ប្រទេស​នេះ ។ ពួកគេ​ជា​បុរស​បាន​ត្រូវ​ក្រៀវ​ភ្លាម​ពេល​ចាប់ផ្តើម​ជីវិត​អ្នកបម្រើ​នៅក្នុង​រាជវាំង ។ ជីវិត​របស់​ពួកគេ​អូសបន្លាយ​ប្រហាក់ប្រហែល​៧០​ឆ្នាំ ពោលគឺ​ខ្ពស់​ជា​១៤-១៩​ឆ្នាំ ប្រៀប​នឹង​អាយុ​មធ្យម​(​ពី​៥១-៥៥​ឆ្នាំ )​របស់​មនុស្ស​ធម្មតា (​មិនត្រូវ​ក្រៀវ​) ។ ជាងនេះទៀត ក្នុងចំណោម​មហាតលិក ៨១​នាក់ មាន​៣​នាក់ អាយុ​ដល់​១០០​ឆ្នាំ និង​ខ្ពស់ជាង ។​
​ប្រៀប​នឹង​បច្ចុប្បន្ន ជា​មធ្យម​ក្នុងចំណោម​ជនជាតិ​ជប៉ុន ៣,៥​ពាន់​នាក់ និង​ជនជាតិ​អាមេរិក ៤,៤​ពាន់​នាក់ នោះ​ទើប​មាន​ម្នា​ក់មាន​អាយុ​១០០​ឆ្នាំ ដូច្នេះ​អត្រា​អាយុ​វែង​របស់​មហាតលិក កូរ៉េខាងត្បូង​សតវត្សរ៍ ១៤-១៩ ខ្ពស់ជាង​១៣០​ដង ។​
​ពួក​អ្នកស្រាវជ្រាវ​សង្កត់ធ្ងន់ថា មិនអាច​បកស្រាយ​បាតុភូត​ខាងលើ​តែ​១​គត់ ដោយសារ​លក្ខខណ្ឌ​រស់​នៅ​ល្អ​ជាង​ធម្មតា នៅក្នុង​រាជវាំង ព្រោះ​ក្រៅពី​មហាតលិក​មួយចំនួន​ដែល​សំណាង​បាន​បម្រើ​ក្នុង​រាជវាំង នោះ​ភាគច្រើន​រស់នៅ​ក្រៅ​វាំ​ស្តេច និង​មាន​វត្ត​មាននៅ​ទីនោះ តែ​ក្នុងពេល​អនុវត្ត​កាតព្វកិច្ច​រាជវាំង ។ ក្រៅពីនេះ អាយុ​មធ្យម​របស់​អធិរាជ និង​សមាជិក​រាជ​ង្ស​ប្រុស គឺ​ត្រឹមតែ​៤៥​ឆ្នាំ ។​
Testosteron ធ្វើ​ឲ្យ​ចុះខ្សោយ​ប្រព័ន្ធ​អង្គ​បដិបក្ខ​
​តាម​ពួក​អ្នកស្រាវជ្រាវ គំហើញ​ខាងលើ​បានផ្តល់​ភស្តុតាង​អះអាងថា អ័រម៉ូន​ភេទបុរស ជា​"​ឃាតករ​" កាត់បន្ថយ​អាយុ​បុរស ។ ពួក​អ្នកវិទ្យាសាស្ត្រ​ឲ្យ​ដឹងថា testosteron ធ្វើ​ឲ្យ​ចុះខ្សោយ​សកម្មភាព​របស់​ប្រព័ន្ធ​អង្គ​បដិបក្ខ ។ ក្រៅពីនេះ អ័រម៉ូន​នេះ​ក៏​ឥទ្ធិពល​ធ្វើ​ឲ្យ​កើន​គ្រោះថ្នាក់​កើត​ជំងឺ​ប្រព័ន្ធ​ចរាចរ​ឈាម និង​សរសៃឈាម​បេះដូង​គំរាមកំហែង​ដល់​អាយុជីវិត ៕M​

វីតាមីន B3 ក៏មានប្រសិទ្ធភាពដូច Viagra

​តាម​ការស្រាវជ្រាវ​ថ្មី​មួយ បាន​ឲ្យ​ដឹងថា វីតាមីន B6 មាន​ប្រសិទ្ធភាព​កែប្រែ​ឲ្យ​ប្រសើរឡើង​សមត្ថភាព​ផ្លូវភេទ​នៅ​បុរស​មាន​កម្រិត​កូ​ឡេ​ស្តេ​រ៉ូ​ល​ខ្ពស់ ។​
​ការស្រាវជ្រាវ​បង្ហាញថា បុរស​៨០​នាក់ ដែលមាន​ភាពមិនប្រក្រតី​នៃ​ការឡើង​រឹង​របស់​លិង្គ នៅ​កម្រិត​មធ្យម និង​ធ្ងន់ធ្ងរ ក្រោយពេល​ប្រើ Niacin ស្ថានភាព​ជំងឺ​ត្រូវបាន​កែប្រែ​ប្រសើរ​គួរ​ជាទី​គាប់ចិត្ត ។ បុរស 80 នាក់​ផ្សេង​ដែលមាន​សភាព​ស្រាល​ជាង​ត្រូវបាន​ព្យាបាល​ដោយ​ឱសថ​ក្លែងបន្លំ (Placebo) រោគសញ្ញា​ពុំមាន​អ្វី​ប្រែប្រួល ។ បរិមាណ​លីពីត និង​កូ​ឡេ​ស្តេ​រ៉ូ​ល នៅ​ពួកគេ​សុទ្ធតែ​ដូចគ្នា ។​
Niacin មាន​ប្រសិទ្ធភាព​សកម្ម ក្នុងការ​ព្យាបាល​ភាពច្របូកច្របល់​នៃ​ការឡើង​រឹង
​តាម Chi-Fai អ្នកដឹកនាំ​ការស្រាវជ្រាវ​នៅ​មហាវិទ្យាល័យ​ហុងកុង នៅ​អ្នកជំងឺ​សរសៃឈាម​បេះដូង Niacin មាន​ប្រសិទ្ធភាព​នាំ​កម្រិត​លីពីដ និង​កូ​ឡេ​ស្តេ​រ៉ូ​ល ត្រឡប់​ទៅ​ធម្មតា​វិញ ។ ដូច្នេះ​ពុំមាន​អ្វី​ភ្ញាក់ផ្អើល​ឡើយ​ដែលថា វា​ព្យាបាល​បាន​ជំងឺ​អសមត្ថភាព​ផ្លូវភេទ ដោយសារ​បញ្ហា​សរសៃឈាម​បេះដូង និង​ច្របូកច្របល់ នៃ​ការឡើង​រឹង ព្រោះ​ជំងឺ​ទាំង ២​នេះ មាន​មូលហេតុ​តែមួយ ។​
​វេជ្ជបណ្ឌិត Howart Hermann នៅ​មហាវិទ្យាល័យ​វេជ្ជសាស្ត្រ ផេ​ន​ស៊ី​ល​វ៉ា​នៀរ (​អាមេរិក​) អ្នក​បាន​ស្រាវជ្រាវ​បញ្ហា​នេះ​ពី​ឆ្នាំ ២០០៦ អះអាង​ដូចខាងលើ និង​បកស្រាយ​បន្ថែមថា​"​និយាយ​ឲ្យ​ត្រូវ​ជាង​គឺ​ជំងឺ​ទាំង​២​សុទ្ធ​តែមាន​ស្តែងចេញ​ដូចគ្នា​" ។ តាម​លោក ជំងឺ​បេះដូង ក្រិន​រឹង​សរសៃឈាម​... មាន​មូលហេតុ​គឺ​បរិមាណ​កូ​ឡេ​ស្តេ​រ៉ូ​ល​ខ្ពស់ រារាំង​ការនាំ​ឈាម​ទៅដល់​លិង្គ លទ្ធផល​គឺ​ច្របូកច្របល់​នៃ​ការឡើង​រឹង ។ ដូច្នេះ អសមត្ថភាព​ផ្លូវភេទ​ក៏​ជា​ផលវិបាក​របស់​កូ​ឡេ​ស្តេ​រ៉ូ​ល ។​
​ការស្រាវជ្រាវ​ថ្មី​មួយ​អំពី Niacin នៅ​បង្ហាញថា បុរស​ដែល​ប្រើ Niacin ពុំ​ត្រឹមតែ​សម្រេចបាន​លទ្ធផល​ល្អ​ក្នុងការ​កែប្រែ​ឲ្យ​ប្រសើរឡើង​មុខងារ​ឡើង​រឹង​ប៉ុណ្ណោះ​ទេ តែ​នៅ​បន្ថយ​បាន​បរិមាណ​លីពីដ​(​ខ្លាញ់​)​ក្នុង​ឈាម ។​
​ដើម្បី​ព្យាបាល​ជំងឺ​មិន​ប្រក្រតី​នៃ​ការឡើង​រឹង ចាំបាច់​ត្រូវ​ប្រើ​ថ្នាំ​មុនពេល​រួមភេទ​ប៉ុន្មាន​ម៉ោង ។ ភាគច្រើន​នៃ​អ្នកជំងឺ​ឲ្យ​ដឹងថា ជាមួយនឹង​ថ្នាំ​ទាំងនោះ មុខងារ​ឡើង​រឹង​កែប្រែ​ប្រសើរឡើង បានតែ​ក្នុងអំឡុងពេល​ខ្លី ។ បណ្ឌិត Chi-Fai អះអាងថា "​ប្រើ Niacin ល្អ​ជាង​ច្រើន ។ អ្នក​គ្រាន់តែ​ប្រើ​ម្តង​ក្នុង​មួយថ្ងៃ និង​អាច​រួមភេទ​នៅ​គ្រប់​ពេលដែល​អ្នក​ចង់​" ។​
​ក្នុងការ​ពិសោធន៍​ថ្មី​មួយ គេ​ប្រើ Niacin ក្រោម​សណ្ឋាន​គ្រាប់​រលាយ​យឺត ដើម្បី​រំដោះ​សន្សឹមៗ​ទៅក្នុង​ឈាម​ពេញ​មួយថ្ងៃ ។ បុរស​ពីដំបូង​គួរប្រើ Niacin តែ​ក្នុង​បរិមាណ ៥០០mg ក្នុង​មួយថ្ងៃ ដើម្បី​ធានា គ្មាន​ឥទ្ធិពល​បន្ទាប់បន្សំ បន្ទាប់មក​បង្កើន​ដល់​១០០០mg រួច​ដល់ ១៥០០mg ។​
​វេជ្ជបណ្ឌិត Hermann និយាយថា នៅមាន​បញ្ហា​មួយចំនួន ជា​បណ្តោះអាសន្ន​ពុំទាន់​អនុញ្ញាត​ឲ្យ​គេ​ប្រើ​សារជាតិ​នេះ ដើម្បី​រក្សាបាន​ជំងឺ​ច្របូកច្របល់​មុខងារ​ឡើង​រឹង​នៅ​បុរស ។ លទ្ធផល​ទាំងឡាយ​ទប់​តែ​បង្ហាញ​នៅ​បុរស​មាន​បរិមាណ​កូ​ឡេ​ស្តេ​រ៉ូ​ល​ខ្ពស់​ផង និង​សមត្ថភាព​ផ្លូវភេទ​ផង ប៉ុន្តែ​ពួក​អ្នកវិទ្យាសាស្ត្រ​ទាំងនេះ​ឲ្យ​ដឹងថា ពួកគេ​នៅ​ចង់​ស្វែងយល់ Niacin ឥទ្ធិពល​យ៉ាងដូចម្តេច​ទៅដល់​អ្នកជំងឺ​គ្រាន់តែ​ច្របូកច្របល់ នៃ​ការឡើង​រឹង​តែប៉ុណ្ណោះ ៕​M

រោគសញ្ញា៩អាចជួបពេលកើតមហារីកឈាម

ធ្វើយ៉ាងណា​ដើម្បី​រកឃើញ​ឆាប់ និង​ព្យាបាល​ប្រសិទ្ធភាព​ជំងឺមហារីក​ឈាម​? ចូរ​យកចិត្តទុកដាក់​ដល់​រោគសញ្ញា​ទាំងឡាយ​ខាងក្រោម​នេះ ព្រោះ​អាចជា​ស្តែងចេញ​របស់​ជំងឺមហារីក​ឈាម​!
​ក្នុង​វេជ្ជសាស្ត្រ ជំងឺមហារីក​ឈាម​នៅ​ត្រូវបាន​ហៅថា ជំងឺ​ឈាម​? ។ នេះ​ជា​ជំងឺ​មួយ​គ្រោះថ្នាក់​បំផុត​ចំពោះ​ប្រព័ន្ធ​ឈាម និយាយ​ដោយឡែក និង​សុខភាព​និយាយ​រួម ។ ជំងឺមហារីក​ឈាម​ច្រើន​អម​ជាមួយ​ការស្រុតចុះ បំផ្លាញ​កោសិកា​ឈាម (​ឈាមក្រហម​) យ៉ាងច្រើន ។ អត្រា​បាត់បង់​ជីវិត​នៅ​អ្នកជំងឺ​នេះ​គឺ​ខ្ពស់បំផុត ។​
​ដូច្នេះ​ធ្វើយ៉ាងណា​ដើម្បី​រកឃើញ​ឆាប់ និង​ព្យាបាល​ប្រសិទ្ធភាព​ជំងឺ​នេះ ?
-​ស្នាម​អុចៗ​ក្រហម​លើ​ស្បែក​
​ប្រសិន​អ្នកឃើញ​មាន​ស្នាម​អុចៗ​ពណ៌​ក្រហម​ឬ​ពណ៌​ស្វាយ​លេច​ឡើងលើ​ស្បែកនោះ​ចូរ​ប្រញាប់​ទៅ​ជួប​វេជ្ជបណ្ឌិត​ភ្លាម ។ ព្រោះ​អាច​ណាស់​ថា​បាតុភូត​នោះ​ជា​លទ្ធផល​របស់​ការស្រុត​ចុះ​បរិមាណ​ប្លា​កែ​ត​ក្នុង​សរីរាង្គ ។ ប្លា​កែ​ត​ជា​កោសិកា​ឈាម​ចូលរួម​នៅក្នុង​ការទប់ស្កាត់​ហូរឈាម ជួយ​ឲ្យ​ឈាមកក ។ ពេល​ប្លា​កែ​ត​ធ្លាក់ចុះ វា​នឹង​បង្ក​ជាស​ញ្ញា​ប្រែ​ពណ៌​លើ​ស្បែក ។​
-​ឈឺ​ឆ្អឹង​
​រោគសញ្ញា​មួយ​ក្នុងចំណោម​រោគសញ្ញា​សំខាន់ៗ​របស់​មហារីក​ឈាម​គឺ​ឈឺ​ឆ្អឹង ។ ការឈឺ​អាច​លេចឡើង​អាស្រ័យ​ទៅតាម​កម្រិត​របស់​ជំងឺ និង​ច្រើន​កើត​នៅ​សន្លាក់ឆ្អឹង​ជើង ក្បាលជង្គង់ ដៃ ខ្នង​... ប្រភព​របស់​ការឈឺ​នេះ គឺ​ពី​ខួរឆ្អឹង កន្លែង​ផលិត​កោសិកា​ឈាម ។​
-​ឈឺក្បាល​
​អ្នកជំងឺ​ត្រូវបាន​វិនិច្ឆ័យ​កើត​មហារីក​ឈាម​ច្រើន​ឈឺក្បាល​ខ្លាំង​សម្បើម អម​ជាមួយ​នោះ​គឺ​បាតុភូត​បែកញើស ស្បែក​ស្លេកស្លាំង ។ មូលហេតុ​របស់​បាតុភូត​នេះ គឺ​ដោយសារ​ការ​ទ្រុឌទ្រោម​បរិមាណ​ចរាចរ​ឈាម​នាំ​ឡើង​ខួរក្បាល ធ្វើ​ឲ្យ​ខួរក្បាល​មិនត្រូវ​បាន​ផ្គត់ផ្គង់​គ្រប់​អុកស៊ីហ្សែន ហេតុនេះ​បង្ក​ឲ្យ​ឈឺក្បាល ។​
-​ហើម​ក្រឡទែន​
​ពេល​កើត​មហារីក​ឈាម ពពួក​កោសិកា​ឈាមស បាត់​សន្សឹមៗ​លទ្ធភាព​ការពារ​សរីរាង្គ​ចំពោះ​បាក់តេរី វីរុស​លុកលុយ​ពី​ខាងក្រៅ ។ រលាក​ក្រឡទែន ជា​សណ្ឋាន​រលាក​ឈាមស​មួយ​បង្កដោយ​បាក់តេរី ។ ដូច្នេះហើយ ហើម​ក្រឡទែន​ច្រើន​លេច​ក្រោម​ស្បែក​របស់​អ្នកជំងឺ​មហារីក​ឈាម​និង​មិន​បង្ក​ឲ្យ​ឈឺ ។​
-​ស្លេកស្លាំង អស់កម្លាំង​
​ពេល​កើត​មហារីក​ឈាម បរិមាណ​កោសិកា​ក្រហម​មាន​ក្នុង​ឈាម​ត្រូវ​ថមថយ​យ៉ាងច្រើន បាតុភូត​នេះ​នៅបាន​ហៅថា "​ខ្វះ​ឈាម​" ។ កោសិកា​ក្រហម​ជា​កោសិកា​ឈាមមាន​មុខងារ​សំខាន់ គឺ​ដំណក​ដង្ហើម វា​ដឹកជញ្ជូន​អុកស៊ីហ្សែន​ទៅដល់​បណ្តា​ផ្នែក ជាលិកា​ទាំងអស់ ។ ខ្វះ​ឈាម​បណ្តាល​ឲ្យ​សរីរាង្គ​អស់កម្លាំង​ស្លកស្លាំង ព្រោះ​សរីរាង្គ​មិន​បំពេញបាន​តម្រូវការ​បំប្លែង​អុកស៊ីហ្សែន ។​
-​ហូរឈាម​ច្រមុះ​
​ហូរឈាម​ច្រមុះ​ជា​បាតុភូត​ច្រើន​ជួបប្រទះ​គួរសម ប៉ុន្តែ​មនុស្ស​ជាច្រើន​តែង​មើលស្រាល​អាកា​រៈ​ជំងឺ​នេះ ។ ធម្មតា ហូរឈាម​ច្រមុះ​ច្រើនតែ​កើតឡើង​នៅ​កម្រិត​ស្រាល និង​ងាយ​ឃាត់ឈាម​ច្រមុះ​ច្រើនតែ​កើតឡើង​នៅ​កម្រិត​ស្រាល និង​ងាយ​ឃាត់ឈាម​ភ្លាម ។ ប៉ុន្តែ ប្រសិន​ជួប​ករណី​បរិមាណ​ឈាម​ហូរ​ច្រើន​កើត​មិន​ឈប់ឈរ​ក្នុង​រយៈពេល​ច្រើន​ថ្ងៃ នោះ​ត្រូវ​ទៅ​មន្ទីរពេទ្យ​ជាបន្ទាន់ ។ ព្រោះ​អាច​ណាស់​ថា អ្នក​បានកើត​ជំងឺមហារីក​ឈាម ព្រោះនេះ​អាចជា​លទ្ធផល​របស់​កា​រ​ថយចុះ​បរិមាណ​ប្លា​កែ​ត កោសិកា​មាន​ប្រសិទ្ធភាព​ឃាត់ឈាម ។​
-​គ្រុនក្តៅ​ខ្លាំង​ជាប្រចាំ​
​អ្នកជំងឺ​មហារីក​ឈាម​ច្រើន​ថមថយ​ធ្ងន់ធ្ងរ​សមត្ថភាព​ការពារ​សរីរាង្គ ។ មូលហេតុ​គឺ​ដោយសារ​កោសិកា​ឈាមស​បាត់​សន្សឹមៗ លទ្ធភាព​កម្ទេច និង​ប្រឆាំង​ទប់ទល់ បាក់តេរី​ពី​ខាងក្រៅ​ទន្ទ្រាន​ចូល​សរីរាង្គ ។ អាស្រ័យហេតុនេះ សរីរាង្គ​យើង​ជាប្រចាំ​ត្រូវ​បាក់តេរី វីរុស​ពី​ខាងក្រៅ​លុកលុយ​ចូល ។ បាតុភូត​ចុះខ្សោយ​ប្រព័ន្ធ​ការពារ​សរីរាង្គ​តែង​ស្តែងចេញ​តាមរយៈ​ការ​គ្រុនក្តៅ​ខ្លាំង ស្នាមរបួស​ឆ្លង​មេរោគ​ពិបាក​សះ ។​
-​ពិបាក​ដកដង្ហើម​
​ដូច​បាន​និយាយ​ខាងលើ មហារីក​ឈាម​នាំ​ដល់​ការថយចុះ​ឈាមក្រហម រឿងនេះ​បណ្តាល​ឲ្យ​សរីរាង្គ​ពុំមាន​គ្រប់​អុកស៊ីហ្សែន ដើម្បី​អនុវត្ត​រាល់​មុខងារ​ដំណក​ដង្ហើម និង​បំប្លែង​អុកស៊ីហ្សែន ក្នុង​សរីរាង្គ ។ សរីរាង្គ​អ្នកជំងឺ​ជានិច្ចកាល​ស្ថិតក្នុង​ស្ថាន​ភាពខ្វះ​អុកស៊ីហ្សែន​នាំ​ដល់​ការពិបាក​ដកដង្ហើម​ធ្ងន់ធ្ងរ ។​
-​ឈឺពោះ​
​ពេល​ការ​វិ​វត្តរីកចម្រើន​របស់​ជំងឺមហារីក​ឈាម​កើនឡើង​នៅ​ថ្លើម និង​ផាល វា​អាច​បង្ក​ការ​ហើម​ដរ​នៅ​ផ្នែក​ទាំងនេះ ។ អាស្រ័យហេតុនេះ អ្នកជំងឺ និង​មាន​អារម្មណ៍​ឈឺពោះ ទល់ខ្យល់ ។ បាត់​អារម្មណ៍​ឆ្ងាញ់​មាត់ ចង់​ក្អួត និង​ក្អួតចង្អោរ តែង​ជា​លទ្ធផល​ផ្តើមចេញពី​ថ្លើម និង​ផាល​ត្រូវរបួស ៕M

ទឹកសមុទ្រ​ជួយ​បន្ថយ​ហានិភ័យ​មហារីក និង​ដំបៅ​ក្រពះ

ទទួលទាន​ទឹកសមុទ្រ -​ត្រូវបាន​យក​ពី​ជម្រៅ ២០០ ម៉ែ​ទ្រ - អាចជួយ​បន្ថយ​ឈឺចាប់ ដោយ​អាការ​ពិបាក​រំលាយ​អាហារ និង​ធ្វើ​ឲ្យ​ថយចុះ​ការ​ប្រឈម​កើត​មហារីក និង​រលាក​ដំបៅ​ក្រពះ ។​
​ទទួលទាន​ទឹកសមុទ្រ​ត្រូវបាន​យក​នៅ​ជម្រៅ ២០០ ម៉ែត្រ អាចធ្វើ​ឲ្យ​ថយចុះ​បរិមាណ​បាក់តេរី​រស់នៅក្នុង​សរីរាង្គ​យើង ដែលជា​ភ្នាក់ងារ​សំខាន់​បង្ក​ការ​រលាក​ដំបៅ និង​មហារីកក្រពះ​
​ក្នុងការ​ពិសោធន៍​ថ្មី​មួយ ពួក​អ្នកវិទ្យាសាស្ត្រ​អង់គ្លេស បាន​សំណូមពរ​អ្នកជំងឺ​ទទួលទាន​ទឹកសមុទ្រ នៅ​ជម្រៅ ២០០ ម៉ែត្រ ដោយ​ពួកគេ​ចាត់ទុកថា វា​នឹង​ជួយ​កំទេច​ពពួក​បាក់តេរី Helicobacter pylori ។​
​អតិបរមា​មាន​មនុស្ស ៤ នាក់ ក្នុងចំណោម ១០ នាក់ ត្រូវ​ឆ្លងកាត់​បាក់តេរី​នេះ នៅ​ដំណាក់កាល​មួយចំនួន ក្នុង​ជីវិត ។ វា​ច្រើន​ត្រូវបាន​ជួបប្រទះ​នៅ​កុមារ ។ បាក់តេរី Helicobacter pylori ជា​មូលហេតុ​សំខាន់ បង្ក​ការ​រលាក​ដំបៅ​ក្រពះ ។ ទោះបី​បាក់តេរី​១​ចំនួន ក្មាន​គ្រោះថ្នាក់​ក្នុង​សរីរាង្គ​របស់​មនុស្ស​ជាច្រើន តែ​វា​ក៏​អាច​បង្ក​ជា​ស្នាមដំបៅ​មួយ នៅ​ប្រមាណ ១៥% នៃ​អ្នក​ត្រូវ​ឆ្លង​ជំងឺ ។​
​ប្រសិន​នរណា​នោះ​ត្រូវ​ឈឺក្រពះ ត្រូវបាន​រកឃើញ​មាន​បាក់តេរី (​វា​ត្រូវបាន​រកឃើញ​តាមរយៈ​ដង្ហើម ឬ ពិសោធន៍​លាមក​) គេ​នឹងត្រូវ​បានទទួល​វេជ្ជ​ប​ណ្ជា​រ​ថ្នាំ​អង់​ទី​ប៊ី​យ៉ូ​ទិ​ក និង​ថ្នាំ​បន្ថយ​បញ្ចេញ​អាស៊ីត​ក្រពះ​មួយចំនួន ។​
​ប៉ុន្តែ មានការ​ព្រួយបារម្ភ មានការ​ព្រួយបារម្ភ​អំពី​ឥទ្ធិពល​បន្ទាប់បន្សំ​រប​ស់​ថ្នាំ​ទាំងពីរ​ប្រភេទ​នេះ ដូចជា​វា​អាចធ្វើ​ឲ្យ​អ្នកជំងឺ​ឈឺក្បាល​, រាករូស​, វិលមុខ និង​ចង់​ក្អួត ។​
​ការស្រាវជ្រាវ​១​លើស​ត្វ នៅ​សាលា​វេជ្ជសាស្ត្រ Kochi នៅ​ជប៉ុន បាន​បង្ហាញថា ទឹកសមុទ្រ​នៅ​ជម្រៅ​ជ្រៅ -​ជាមួយនឹង​បរិមាណ​អំបិល​ត្រូវបាន​កម្ចាត់​ចេញ អាច​ប្រើប្រាស់​ជំនួស​ថ្នាំ​, ជួយ​ធ្វើ​ឲ្យ​ថយចុះ​បរិមាណ​បាក់តេរី ។​
​ក្រៅពីនេះ មានការ​ពិសោធន៍​ថ្មី​មួយ នៅ​មន្ទីរពេទ្យ​សាកលវិទ្យាល័យ​តៃវ៉ាន់ កំពុង​ត្រូវបាន​អនុវត្ត​លើ​អ្នកជំងឺ ៦០ នាក់ ។ ពាក់កណ្តាល​ក្នុងចំណោម​នោះ នឹង​ទទួលបាន ២០០ មី​លី្ល​លីត្រ ទឹកសមុទ្រ​ជ្រៅ ៤ ដង ក្នុង​១​ថ្ងៃ​, ១​ម៉ោង មុនពេល​ទទួលទាន និង​មុនពេល​ចូល​កេង ។ ក្នុងពេលនោះ អ្នកជំងឺ​ផ្សេងទៀត នឹង​ទទួលទាន​ទឹក​ធម្មតា ហើយ​គេ​នឹង​ប្រៀបធៀប​លទ្ធផល ក្រោយ​២​សប្តាហ៍​, ក្នុងពេលនោះ ការពិសោធន៍​ដំណាក់កាល​ដំបូង បង្ហាញថា ទឹកសមុទ្រ​ជ្រៅ អាច​ទប់ស្កាត់​ការលូតលាស់​របស់​កោសិកា​មហារីក ។​
​ក្នុងការ​ស្រាវជ្រាវ ត្រូវបាន​ប្រកាស​លើ​ទស្ស​នាវ​ដ្តី​មហារីក​អន្តរជាតិ​, ពួក​អ្នកវិទ្យាសាស្ត្រ​កូរ៉េខាងត្បូង បាន​បន្ថែម​ទឹកសមុទ្រ​ទៅក្នុង​បំពង់​ពិសោធន៍ ដាក់​កោសិកា​មហារីក ។ ពួកគេ​រកឃើញថា ទឹកសមុទ្រ​ជួយ​ទប់ស្កាត់​កោសិកា​មហារីក​គុណ​ឡើង ។ ក្រុម​ស្រាវជ្រាវ​សង្ឃឹមថា នឹង​ប្រើប្រាស់​ទឹកសមុទ្រ​ក្នុងការ​ពិសោធន៍​ធំ​ជាង និង​និយាយថា វា​អាចជា​វិធី​ព្យាបាល​សក្តានុពល​មួយ ដើម្បី​ទប់ស្កាត់​ដុំ​គិ​ស​រីកចម្រើន ឬ​រាលដាល​ទៅ​ពាសពេញ​សរីរាង្គ ៕M​

​កាហ្វេ អាច​កាត់បន្ថយ​ការ​ប្រឈម​នឹង​រោគ​មហារីក​សុដន់​

យោង​តាម​ការស្រាវជ្រាវ​របស់​អ្នកវិទ្យាសាស្ត្រ​នៅ​ឯ​វិទ្យាស្ថាន ខា​រ៉ូ​លីន​ស្កា (Karolinska Institute) ក្នុង​ទីក្រុង​ស្តុក​ហូ​ម (Stockholm) ដែ​បាន​ចុះផ្សាយ​ក្នុង​ព្រឹត្តិបត្រ Breast Cancer Research បាន​បង្ហាញ​ឲ្យដឹងថា ស្ត្រី​ដែល​ទទួលទាន​កាហ្វេ មានការ​ប្រឈម​តិចតួច​ក្នុងការ​កើតរោគ​មហារីក​សុដន់​។


​លទ្ធផល​នេះ​បានមក​ពី​ការសិក្សា​ស្ត្រី​ជិត ៦.០០០ នាក់ ដែល​មាន​អាយុ​ចន្លោះ​ពី ៥០ ទៅ ៧០​ឆ្នាំ រក​ ឃើញថា ស្ត្រី​ដែល​ទទួលទាន​កាហ្វេ យ៉ាងហោច ណាស់ ៥ ពែ​ង ក្នុង​មួយ​ថ្ងៃ មាន ៥៧% មាន​ទំនោរ​តិចតួច​ក្នុងការ​កើតរោគ​មហារីក​សុដន់ បើ​ធៀប​ទៅ​នឹង​ស្ត្រី​ដែល​ទទួល​ទាន​កាហ្វេ តែ​១​ពែង ក្នុង​មួយ​ថ្ងៃ​។ នេះ​ដោយសារ​បរិមាណ​សមាស​ធាតុ ហ្វៃ​តូ​អេ​ស្ត្រូ​ចេ​ន (Phytoestrogen) ដែល​មាន​ក្នុង​កាហ្វេ មាន​ឥទ្ធិពល​ចំពោះ​រាងកាយ​។

 

​ទោះបីយ៉ាងណា ទំនាក់ទំនង​រវាង​កាហ្វេ នឹង​ការកាត់បន្ថយ​ការ​ប្រឈម​នឹង​មហារីក​សុដន់ នៅ​មិនទាន់​ជាក់ច្បាស់​នៅឡើយ ដែល​ទាមទារ​ឲ្យមាន​ការស្រាវជ្រាវ​បន្តទៀ​៕

ក្តីសង្ឃឹម​ថ្មី​សម្រាប់​អ្នកជំងឺ​ខ្សោយ​តម្រងនោម

​ពួក​អ្នកវិទ្យាសាស្ត្រ​អាមេរិក​បាន​ឲ្យ​ដឹងថា ពី​តម្រងនោម​របស់​សត្វ​កណ្តុរ​ពិសោធន៍មួយ គេ​បាន​បង្កើត​ឡើងវិញ​តម្រងនោម​ដោយ​ជោគជ័យ ដោយ​បច្ចេកវិទ្យា​ជីវសាស្ត្រ​, ផ្តល់​ក្តីសង្ឃឹម​ថ្មី​ក្នុងការ​ជំនួយ និង​ព្យាបាល​អ្នកជំងឺ​ខ្សោយតម្រងនោម​។​
ដំណើរការ​នេះ ត្រូវបាន​ចាប់ផ្តើម​ដោ​យស​ល្យ​កម្មបក​ផ្តាច់​ទាំងស្រុង​កោសិកា​រស់​ពី​តម្រងនោមរ​ប់ស​កណ្តុរ​ពិសោធន៍ ដោយ​បន្សល់ទុក​តែ​ស្រទាប់​ខាងក្រៅ​មានការ​រួមផ្សំ​ដោយសារ​ជាតិ​បង្កើត Collagen ។​
​មជ្ឈដ្ឋាន​អ្នកវិទ្យាសាស្ត្រ​បាន​បង្កើត​ជាថ្មី​ដោយ​ជោគជ័យ​តម្រងនោម​ដោយ​បច្ចេកវិទ្យា​ជី​វិ​សាស្ត្រ ពី​តម្រងនោម​របស់​កណ្តុរ​
​បន្ទាប់មក ដោយ​បំពង់​សាច់ដុំ ឬ​ហៅថា បំពង់​ផ្លូវ​ម៉ូត​, ពួក​អ្នកវិទ្យាសាស្ត្រ បាន​ផ្សាំ​កោសិកា​រស់​ផ្សេង​ទៅក្នុង​ផ្នែក​សមស្រប​របស់​តម្រង​នោម "​ទទេ​" នេះ​, រួមមាន​បណ្តា​ស្រទាប់​កោសិកា​មនុស្ស -​ច្រើន​លេចឡើង​នៅ​សរសៃឈាម​របស់​តម្រង​នោម​មនុស្ស -​និង​កោសិកា​តម្រងនោម​របស់​សត្វ​កណ្តុរ​ទើប​កើត​។ ជំហាន​ចុងក្រោយ គេ​ផ្សាំ​ភ្ជាប់​តម្រងនោម​ដ៏​សុ​ក្រិត​ទៅក្នុង​សរីរាង្គ​សត្វ​កណ្តុរ ដែល​មុន​នោះបាន​យក​តម្រងនោម​ចេញ​។​
​លទ្ធផល​ពិតជា​គួរ​ឲ្យ​ភ្ញាក់ផ្អើល ពេល​តម្រងនោម​បង្កើត​ជាថ្មី​នេះ ចាប់ផ្តើម​អនុវត្ត​ដំណើរការ​ច្រោះ​ឈាម និង​ផលិត​ទឹកនោម​តាមរយៈ Ureters, ទន្ទឹម​នោះ​នៅ​កន្លែង​ផ្សាំ​ភ្ជាប់ ក៏​ពុំមាន​សញ្ញា​ហូរឈាម ឬ​ស្ទះឈាម​។​
អ្នកដឹកនាំ​ក្រុម​ស្រាវជ្រាវ Harald Ott ឲ្យ​ដឹងថា ផ្សាំ​ភ្ជាប់​ពពួក​កោសិកា​ផ្សេងៗ​គ្នា​លើ​គ្រោង​តម្រងនោម​មាន​ស្រាប់ អនុញ្ញាត​ឲ្យ​ផ្នែក​នេះ​ធ្វើ​សកម្មភាព​ប្រសិទ្ធិភាព​ជាង​។ ប៉ុន្តែ តាម​លោក Ott ត្រូវ​ចម្រាញ់​សម្រួល​ពពួក​កោសិកា​សំដៅ​កែប្រែ​ឲ្យ​ប្រសើរ​មុខងារ​សកម្មភាព​របស់​តម្រងនោម និង​នៅមាន​ច្រើន​ជំហាន ត្រូវ​ដំណើរការ សំដៅ​បង្ការ​ឧបសគ្គ​អាច​កើតឡើង ពេល​បច្ចេកទេស​ត្រូវបាន​អនុវត្ត​នៅ​មនុស្ស​។​
លោក Ott សង្ឃឹមថា ជំហាន​អភិវឌ្ឍ​ថ្មី​ក្នុងការ​ស្រាវជ្រាវ​ខាងលើ នឹង​ជា​មូលដ្ឋានគ្រឹះ សំដៅ​អភិវឌ្ឍ​ទំហំ​ជាលិកា​ផ្សាំ​ភ្ជាប់​ធំៗ​ដូច​នៅ​មនុស្ស​, អនុញ្ញាត​ឲ្យ​អ្នកជំងឺ​អាច​ទទួលយក​តម្រងនោម​ថ្មី ត្រូវបាន​បង្កើត​ពី​កោសិកា​ក្នុង​សរីរាង្គ​ខ្លួន ដោយ​មិនចាំបាច់​ត្រូវ​រង់ចាំ​មាន​អ្នកផ្តល់​ឲ្យ​។ រឿងនេះ ក៏​សំដៅ​រារាំង​ភាព​ប្រតិកម្ម​របស់​តម្រងនោម​ទើប​ផ្សាំ និង​បន្ថយ​ការរារាំង​សកម្មភាព​របស់​ប្រព័ន្ធ​អង្គ​បដិបក្ខ ក្នុង​រយៈពេល​វែង​៕M

​ប៉ូវ​ខួរក្បាល​ដោយ​ការ​ទទួលទាន​សាច់គោ​

បើ​យោងតាម​ការសិក្សា​ស្រាវជ្រាវ របស់​អ្នកវិទ្យាសាស្ត្រ​នៃ​សាកលវិទ្យាល័យ អុក​ហ្វ​ត បាន​បង្ហើប​ឲ្យដឹងថា អ្នក​ទទួល​ទាន​អាហា​របួស ឬ​មិន​ទទួលទាន​សាច់សត្វ​នោះ នឹង​ជះ​ឥទ្ធិពល​ដល់​ខួរក្បាល ធ្វើឲ្យ​សាច់​ខួរក្បាល​រួម​តូចជាង​អ្នកទទួលទាន​សាច់ស​ត្វ រហូតដល់​ទៅ ៦ ដង​ឯណោះ ។
ទិន្នន័យ​ដែល​គេ​ទទួលបាន​ក្រោយពេល​បាន​ពិសោធន៍ ទៅលើ​ក្រុម​អ្នកស្ម័គ្រចិត្ត​អាយុ ៦១-៨៧ ឆ្នាំ ចំនួន ១០៧ នាក់ ដោយ​បាន​ត្រួតពិនិត្យ​រាងកាយ​ខួរក្បាល និង​ពិសោធន៍​មើល​ការចងចាំ​អស់​រយៈពេល ៥ ឆ្នាំ​មក គេ​បែរជា​រក​ឃើញ​ម្តងទៀត​ថា អ្នក​មាន​វិតាមីន B12 ក្នុង​កម្រិត​ទាប​បំផុត​នៃ​រាងកាយ​ខួរក្បាល នឹង​រួម​នៅ​តូច​ជាង​អ្នក​ដទៃ ។
ការអះអាង​លទ្ធិ​ផល​ពិសោធន៍​កន្លងមក​បាន​បង្ហាញ ឲ្យឃើញ​ពី​ទំនាក់ទំនង​នៃ​ការ​មាន​កម្រិត​វីតាមីន B12 ទាប​សាច់​ខួរក្បាល​រួម​តូច​ដោយសារ​ថា វិតាមីន​ភាគច្រើន​ស្ថិត​នៅក្នុង​សាច់សត្វ ទើប​ធ្វើឲ្យ​អ្នក​ទទួលទាន​អាហារបួស​បាត់បង់​វីតាមីន ។ ក្រៅពី​ខួរក្បាល​រួម​តូច​ហើយ​នោះ អាច​ធ្វើឲ្យ​កើតរោគ​ខ្វះ​ឈាម និង​រលាក​ប្រព័ន្ធ​សរសៃប្រសាទ​ទៀតផង ។
ក្រៅពី​នោះ​អ្នក​ទទួល​ទាន​អាហា​របួស អ្នក​ផឹក​ស្រា​រាល់ថ្ងៃ​ខួរក្បាល​នឹង​ស្វិត​តូច​ដូចគ្នា​ផងដែរ ។ លទ្ធផល​ពី​ការពិនិត្យ ទៅលើ​អ្នក​ទទួល​ទាន​ស្រា​ជា​ង ១៨០០ នាក់​គេ​បាន​រកឃើញថា ខួរក្បាល​ពួកគេ​រួម​តូច​ជាង​អ្នក​ដែល​មិន​ទទួលទាន​ស្រា រហូតដល់​ជាង ១.៦ ភាគរយ ក្នុងនោះ​រួម​ទាំង​អ្នក​ទទួល​ទាន​ស្រាក្រហម រួម​តូច​ជាង​អ្នក​ដែល​ទទួល​ទាន​ស្រា​បៀ​រហើយ ចំណែក​អ្នក​ទទួល​ទាន​ស្រា​បៀរ​ក៏​រួម​តូច​ជាង​អ្នក​ដែល​ទទួលទាន​ស្រាក្រហម​ផងដែរ ។ ដូច្នេះ​គួរ​ងាក​មក​ទទួល​សាច់សត្វ​ពពួក​សាច់ ត្រី ទឹកដោះគោឆៅ ឬ​ថ្លើម ដើម្បី​ប៉ូវ​ខួរក្បាល និង​ចៀសវាង​ការ​ទទួលទាន​ភេសជ្ជៈ ដែល​មាន​អាល់កុល​ផងដែរ ៕

ធាត់បង្កឲ្យឈឺបេះដូង និងស្ត្រូក ក្រោយសម្រាលកូន

​តាម​ការស្រាវជ្រាវ​ថ្មី​១ ស្ត្រី​ធាត់​នឹង​មានការ​ប្រឈម​ឈឺបេះដូង និង​ស្ត្រូ​ក​ខ្ពស់ជាង​២​ដង​ប្រៀប​នឹង​ស្ត្រី​មាន​ទម្ងន់​ធម្មតា ក្នុង​រង្វង់​៤-៥​ឆ្នាំ ក្រោយពេល​សម្រាលកូន ។​
ពួក​អ្នកស្រាវជ្រាវ​បាន​វិភាគ​ទិន្នន័យ​ពី​ស្ត្រី​ជាង ២៧៣.០០០​នាក់ នៅ​ដា​ណឺ​ម៉ាក មាន​អាយុ​មធ្យម​៣០​ឆ្នាំ និង​បាន​សម្រាលកូន​ក្នុងដំណាក់កាល ២០០៤-២០០៩ ។ គ្មាន​នរណាម្នាក់​ក្នុងចំណោម ពួកគេ​មាន​ប្រវត្តិ​ជំងឺ​បេះដូង ស្ត្រូ​ក ឬ​ជំងឺ​ពាក់ព័ន្ធ​ដល់​តម្រងនោម ។ ក្នុង​រយៈពេល​តាមដាន​៦​ឆ្នាំ បាន​មាន​ស្ត្រី​៦៨​នាក់​ត្រូវ​ឈឺបេះដូង និង​១៧៥​នាក់ ត្រូវ​ស្ត្រូ​ក ។ គ្រោះថ្នាក់​នេះ​ខ្ពស់ជាង​នៅ​ស្ត្រី​ក្មេងៗ​ដែល​ធាត់ ។ ថ្វី​ត្បិត​ឈឺបេះដូង និង​ស្ត្រូ​ក​កម្រ​កើត​នៅ​ស្ត្រី​វ័យ​នេះ តែ​ពួក​អ្នកស្រាវជ្រាវ​ឲ្យ​ដឹងថា រវាង​ការ​លើស​ទម្ងន់ និង​កើន​គ្រោះថ្នាក់​មាន​ទំនាក់ទំនង​មួយ​យ៉ាង​ច្បាស់លាស់ ។​
​ពួកគេ​ក៏​រកឃើញថា ចំពោះ​ស្ត្រី​ក្មេង​មាន​រូ​បរាង្គ​ស្គាំងស្គម​(​ខ្វះ​ទម្ងន់​) គ្រោះថ្នាក់​ឈឺបេះដូង និង​ស្ត្រូ​ក​ក៏​កើន​បន្តិច​ដែរ ។ បណ្ឌិត Michelle Schmiegelow នៅ​សាកលវិទ្យាល័យ Copenhaghen ជា​អ្នកដឹកនាំ​ការស្រាវជ្រាវ​ឲ្យ​ដឹងថា "​ស្ត្រី​ក្មេងៗ​ចាំបាច់​ត្រូវ​យល់​ដឹងថា មាន​គ្រោះថ្នាក់​សុខភាព​ធ្ងន់ធ្ងរ​ពាក់ព័ន្ធ​ដល់​ធាត់ និង​របៀប​រស់នៅ​ខ្វះ​ការយល់ដឹង ។ គ្រោះថ្នាក់​ទាំងនេះ​នឹង​ឆាប់​កើតឡើង​" ។​
​ថ្វី​ត្បិត​ការស្រាវជ្រាវ​នេះ​ទើប​អនុវត្ត តែ​ចំពោះ​ស្ត្រី​បាន​សម្រាលកូន តែ​វេជ្ជបណ្ឌិត Shmiegelow មានជំនឿថា គំហើញ​នេះ នឹង​ត្រូវបាន​អនុវត្ត​សម្រាប់​ស្ត្រី​ក្មេងៗ​ទាំងអស់ ៕​M

អាហារគួរចៀសវាងពេលឈឺពោះ

​ប្រសិន​អ្នក​កំពុង​ឈឺពោះ នោះ​គួរ​ចៀសវាង​អាហារ​មួយចំនួន​ដូចខាងក្រោម​នេះ​ដើម្បី​កុំ​ឲ្យ​ជំងឺ​អូសបន្លាយ​យូរអង្វែង ។​
១.​ស្ករស​
​ពពួក​អាហារ​កំពូល​ផ្អែម​អាចធ្វើ​ឲ្យ​បរិមាណ​អាំង​ស៊ុយ​លីន​ក្នុង​ឈាម​កើន​ខ្ពស់​ប្រថុចញ៉ុច បណ្តាល​ឲ្យ​បរិមាណ​ស្ករ​ក្នុង​ឈាម​ប្រែប្រួល ។ រឿងនេះ​អាចមាន​ឥទ្ធិពល​ផ្ទាល់​ដល់​ក្រពះ​របស់​អ្នក តែ​ធ្វើ​ឲ្យ​អ្នកមាន​អារម្មណ៍ ត្រជាក់ និង​ញាក់ញ័រ ។​
២.​ទឹកដោះគោ​
​បណ្តា​ផលិតផល​ពី​ទឹកដោះ​ដូចជា​ទឹកដោះគោ និង​ហ្វ្រូ​ម៉ា ឈរ​លំដាប់​ដំបូង​ក្នុង​បញ្ជី​អាហារ​ដែល​អ្នក​មិនត្រូវ​ទទួលទាន​ពេល​កំ​ពុង​ឈឺពោះ ។ ជាង​ពាក់កណ្តាល​នៃ​ចំនួន​ប្រជាជន​ពិភពលោក​មិនអាច​ស្រូបយក Lactose មានន័យថា ពួកគេ​ខ្វះ​ប្រភេទ​អង់​ហ្ស៊ី​ម​ចាំបាច់ ដើម្បី​រំលាយ​ផលិតផល​ទឹកដោះគោ ។ អ្នក​មិន​ស្ថិតក្នុង​ចំណោម​នេះ នោះ​ការឆ្លង​វីរុស ឬ​បាក់តេរី​អាច​ឥទ្ធិពល​ដល់ Lactose ទាំងស្រុង ។ រឿងនេះ​អាច​បណ្តាល​ឲ្យ​សរីរាង្គ​អ្នក​បណ្តោះអាសន្ន ឬ​អាចជា​ស្ថាពរ​មិន​រំលាយ​បាន Lactose ។​
៣.​ភេសជ្ជៈ​មាន​ហ្គាស​
​ពពួក​សារជាតិ​គីមី​ដូចជា​អាស៊ីត​ស៊ី​ទ្រិ​ក និង​សារជាតិ​ថែទាំ Sodium benzoate អាច​បង្ក​ការពិបាក​ឲ្យ​ក្រពះ​របស់​អ្នក ។ ភេសជ្ជៈ​បែបនេះ​មាន​ផ្ទុក​កាបូ​ណាត ធ្វើ​ឲ្យ​អ្នកមាន​អារម្មណ៍​ទល់ខ្យល់ ។​
៤.​សូកូឡា និង​កាហ្វេ​អ៊ី​ន​
​មូលហេតុ​មួយ​ក្នុងចំណោម​មូលហេតុ​សំខាន់ៗ ដែល​កាហ្វេ​អ៊ី​ន និង​សូកូឡា​ធ្វើ​ឲ្យ​អ្នក​កាន់តែ​ពិបាក​ទ្រាំ​នៅ​ពោះ​ជាង​ពេល​កំពុង​ឈឺពោះ គឺ​ព្រោះតែ​វា​ធ្វើ​ឲ្យ​យារ​សាចដុំ​រង្វង់​បំពង់ក​ក្រោម អនុញ្ញាត​ឲ្យ​នាំ​អាស៊ីត​ក្រពះ​ចូល ។ កាហ្វេ​អ៊ី​ន​ក៏​អាច​បណ្តាល​ឲ្យ​លាមក​ត្រូវ​រាវ រឿងនេះ​ពិតជា​មិនល្អ​ប្រសិន​អ្នក​កំពុង​រាករូស ។ ក្រៅពីនេះ សូកូឡា​អាច​ផ្ទុក​ផលិតផល​ពី​ទឹកដោះ​ឬ​ពពួក​គ្រាប់ ដូច្នេះ​ប្រសិន​អ្នក​មិន​ស្រូប​យកបាន lactose ឬ​អាលែកហ្ស៊ី នេះ​គឺជា​អាហារ​ធ្វើ​ឲ្យ​អ្នក​ពិបាក​រលាយ ។​
៥.​អាហារ​សម្បូរ​ជាតិ​ខ្លាញ់​
​ការ៉េម សាច់ ហ្វ្រូ​ម៉ា​ទន់ សុទ្ធតែជា​ប្រភេទ​សម្បូរ​ជាតិ​ខ្លាញ់ អ្នក​មិនគួរ​ទទួលទាន​ប្រសិន​កំពុង​ឈឺពោះ ។ វា​ធ្វើ​ឲ្យ​អ្នក​ពិបាក​រំលាយ មាន​អារម្មណ៍​ធ្ងន់​ពោះ ។​
៦.​ផ្លែឈើ​សម្បូរ​អាស៊ីត រួមជាមួយ​បណ្តា​ផលិតផល​មាន​ប្រភពពី​ប៉េងប៉ោះ (​ប៉េងប៉ោះ​ក៏​ជា​ផ្លែឈើ​មួយ​សម្បូរ​អាស៊ីត​)​អាច​បង្ក​បាតុភូត​ច្រាល​បញ្ច្រាសអាស៊ីត ។ ដូច្នេះ​ប្រសិន​កំពុង​ឈឺពោះ​អ្នក​គួរ​ជ្រើស​យក​ទឹក​ផ្លែ​ប៉ោម ជំនួស​ឲ្យ​ទឹកក្រូច​ច្របាច់ ៕​M

ស្ត្រីឆាប់មានរដូវងាយកើតមហារីកដោះ

​ការស្រាវជ្រាវ​ជាច្រើន​ចង្អុល​បង្ហាញថា ពេលវេលា​មក​រដូវរ​បស់​ស្ត្រី​មាន​ពាក់ព័ន្ធ​ដល់​ការរីកចម្រើន​មហារីក​ដោះ ។ ស្ត្រី​មាន​រដូវ​លើកដំបូង​មុន​អាយុ​១៣​ឆ្នាំ នោះ​ប្រឈម​កើត​ជំងឺមហារីក​ដោះ​ខ្ពស់ជាង​២​ដង ប្រៀប​នឹង​ស្ត្រី​ចាប់ផ្តើម​មាន​រដូវ នៅ​អាយុ​១៣​ឆ្នាំ ឬ​លើស​នេះ ។​
​ការស្រាវជ្រាវ​មួយ​នៅ​អ៊ីតាលី លើ​ស្ត្រី 579​នាក់ អាយុ​ពី​២២-៣៩​ឆ្នាំ​ក៏​បង្ហាញថា ស្ត្រី​ដែល​ចាប់ផ្តើម​មាន​រដូវ​នៅ​អាយុ​១៥​ឆ្នាំ ឬ​លើស​នេះ នោះ​គ្រោះថ្នាក់​កើត​មហារីក​ដោះ​ថយចុះ​ពាក់កណ្តាល​ប្រៀប​នឹង​ស្ត្រី​មាន​រដូវ​លើកដំបូង​មុន​អាយុ​១២​ឆ្នាំ ។​
​អាយុ​អស់​រដូវ​ក៏​ពាក់ព័ន្ធ​ដល់​មហារីក​ដោះ ។ ស្ត្រី​អស់​រដូវ​នៅក្រោយ​អាយុ​៥៥​ឆ្នាំ មានការ​ប្រឈម​ខ្ពស់ជាង​២​ដង ប្រៀប​នឹង​ស្ត្រី​អស់​រដូវ​មុន​អាយុ​៤៥​ឆ្នាំ មានការ​ប្រឈម​ខ្ពស់ជាង​២​ដង ប្រៀប​នឹង​ស្ត្រី​អស់​រដូវ​មុន​អាយុ​៤៥​ឆ្នាំ ។ ការវះកាត់​អូវែ (​សំបុក​កូន​) ចោល​នៅ​ស្ត្រី​អាយុ​ចន្លោះ ៣៥-៤៤​ឆ្នាំ បន្ថយ​បាន​គ្រោះថ្នាក់​មហារីក​ដោះ​ពី ១,៦៥-១,៦៨​ដង តែ​គ្រោះថ្នាក់​កើត​មហារីក​ដោយ​មិន​ថយចុះ​ពេល​ស្ត្រី​មាន​អាយុ​លើស ៥៥​ឆ្នាំ ឬ​ស្ត្រី​បាន​អស់​រដូវ​ឆាប់​តាម​ធម្មជាតិ ទោះបី​បាន​កាត់ចោល​អូវែ ៕M​

ផល​ប៉ះពាល់​សុខភាព​ពី​ការប្រើប្រាស់​ទឹកអប់​

ទឹកអប់​ត្រូវបាន​គេ​និយម​ប្រើប្រាស់​យ៉ាង​ខ្លាំង​សព្វថ្ងៃនេះ ហើយ​វា​ត្រូវបាន​គេ​ប្រើប្រាស់​ស្ទើរតែ​នៅ​គ្រប់​ទីកន្លែង​គឺ​ចាប់ពី​ បន្ទប់ទឹក បន្ទប់​ដេក ក្នុង​រថយន្ត និង​នៅ​លើ​សម្លៀកបំពាក់ ហើយ សូម្បី​តែ​ស្រោមជើង​ក៏​ត្រូវបាន​គេ​បាញ់​ទឹកអប់​ពី​លើ​ផង​ដែរ ប៉ុន្តែ ផលប៉ះពាល់​ដ៏​ខ្លាំង​របស់​វា​លើ​​បញ្ហា​សុខភាព​នោះ គឺមាន​មនុស្ស​មិន​ច្រើន​ដែល​ដឹង​ពី​ផលប៉ះពាល​សុខភាព​ពី​ការប្រើប្រាស់​ ទឹកអប់​នោះ​។​

​កាលពី​ពេល​ថ្មីៗ​នេះ សេចក្តីរាយការណ៍​ព័ត៌មាន​អំពី​ការប្រើប្រាស់​ទឹកអប់​បានអះអាងថា ផលិតផល​ទឹកអប់​ឬ​ទឹកអប់​ធ្វើអោយប៉ះពាល់​ដល់​​សុខភាព ដោយ​បង្ក​អោយមាន​បញ្ហា​ជាច្រើន​ដូចជា ប្រតិកម្ម​ស្បែក ពិបាក​ដកដង្ហើម ឈឺក្បាល និង​ធ្វើអោយ​ចុះខ្សោយ​ផ្លូវភេទជាដើម​។​

​ក្រុម​អ្នកជំនាញ​ ផែ្ន​ក​សុខភាព និយាយ​ថា​ជិត​១​ភាគ​៣​នៃ​ចំនួន​មនុស្សទទួលរង​ផលប៉ះពាល់​សុខភាព​ខ្លាំង​ពី​ ក្លិន​ទឹកអប់ ហើយ​បញ្ហា​ដ៏​ធំ​នោះ​គឺ​​វា​ធ្វើអោយ​ស្បែក​មានប្រតិកម្ម​ទៅ​ជា​កន្ទួល​​ ក្រហម​តូចៗ​នៅលើ​ស្បែក ។

​ម្នាក់​ក្នុងចំណោម​មនុស្ស​២០​នាក់​ត្រូវបាន​គេ​គិត​ថា​បាន​ទទួលរង​ប៉ះពាល់​ពី​ប្រតិកម្ម​ទឹកអប់​។​

​ លោក Susannah Baron វេជ្ជបណ្ឌិត​ផែ្ន​ករោគ​សើ​ស្បែក​នៅ​ប្រទេស​អង់គ្លេស បាន​និយាយថា ជម្ងឺ​ប្រតិកម្ម​ស្បែក​នឹង​កើនឡើង បើសិន​​ផលិតផល​ទឹកអប់​ឬ​ការប្រើប្រាស់​ទឹកអប់​មាន​ចំនួន​កើនឡើង​ខ្ពស់​នោះ៕

ព្យាបាល​ជំងឺ​មហារីក​ដោយ​... វីរុស​ហ៊ី​វ​

ពួក​អ្នកវិទ្យាសាស្ត្រ​អាមេរិក បាន​ទទួល​ជោគជ័យ​ក្នុង​ការប្រើប្រាស់​វីរុស​ហ៊ី​វ ដោយ​ធ្វើឱ្យ​ប្រែប្រួល​ដើម្បី​ប្រឆាំង តប​ជំងឺមហារីក​ឈាម​។​

ក្មេងស្រី Emma Brooke Shitechead អាយុ​៦​ឆ្នាំ រស់នៅ Phillipsburg, ផេន​ស៊ីល​វ៉ានៀ អាមេរិក បាន​តស៊ូ ទប់ទល់​នឹង​ជំងឺមហារីក​ឈាម​ក្នុង​រយៈពេល​ជិត​២​ឆ្នាំ​។ ដល់​ខែ​មេសា ពួក​វេជ្ជបណ្ឌិត​នៅ​មន្ទីរពេទ្យ​កុមារ​ហ្វីឡា ដេល​ហ្វី បាន​ប្រកាស​ប្រាប់​ថា ជំងឺ​នាង​តូច​អស់​វិធី​ព្យាបាល​។ អាស្រ័យហេតុនេះ ឪពុកម្តាយ Emma បាន​ប្រថុយ​ផ្សង​គ្រោះថ្នាក់ ដោយ​សាកល្បង​ប្រើ​វិធី​ព្យាបាល​ថ្មី​មួយ គឺ​ប្រើបាស់​វីរុស​ហ៊ី​វ ដែល​ត្រូវបាន​អនុវត្តន៍​នៅ​មជ្ឈមណ្ឌល​មហារីក​នៃ​មន្ទីរពេទ្យ​កុមារ​ហ្វី​ឡា​ដេល​ហ្វី​។​

​​តាមរយៈ​នោះ ពួក​វេជ្ជបណ្ឌិត បាន​កម្ចាត់​ចោល​កោសិកា​ឈាមស ប្រឆាំង​ជំងឺ​រាប់​លាន​ក្នុង​សរីរាង្គ Emma និង​ប្រើប្រាស់​វីរុស​ហ៊ី​វ​ដែល​បាន​ប្រែប្រួល​ហ្សែ​ន -​វីរុស​មួយ ដែល​ងាយ​លុកលុយ​ទៅក្នុង​ប្រព័ន្ធ​អង្គ​បដិបក្ខ ដើម្បី​ប្រែក្លាយ​កោសិកា​របស់ Emma ទៅ​ជា​សណ្ឋាន  «​យុទ្ធជន​» ពិសេស​មួយ​ត្រូវបាន​បង្កើត​កម្មវិធី​ដើម្បី​កម្ទេច​កោសិកា​មហារីក​ឈាម​។ កោសិកា​ទាំងនេះ ក្រោយមក ត្រូវបាន​បញ្ជូន​ត្រឡប់​ទៅ​សរីរាង្គ Emma វិញ្ញ​។ ពួក​គេ​សង្ឃឹមថា កោសិកា​ឈាម ស ថ្មី​នេះ នឹង​បង្កើត​កម្មវិធី​ប្រព័ន្ធ​អង្គ​បដិបក្ខ របស់​សរីរាង្គ​ក្មេងស្រី​ឡើងវិញ ជួយ​ឱ្យ​ស្គាល់​កោសិកា​មហារីក និង​ចាប់ផ្តើម​កម្ទេច​វា​។​

​​លោក​វេជ្ជបណ្ឌិត Stephan Grupp អ្នកជំនាញ​ផ្នែក​មហារីក​កុមារ នៅ​មន្ទីរពេទ្យហ្វី​ឡា​ដេល​ហ្វី បានឱ្យដឹងថា​«​យើងខ្ញុំ​បាន​កម្ចាត់​ចោល​ទាំងអស់​នូវ​ភ្នាក់ងារ​បង្ក​ជំងឺ​របស់​វីរុស​ហ៊ី​វ និង​ប្រើប្រាស់​វា​សម្រាប់​គោលបំណង​តែមួយគត់ គឺ​នាំ​កំណាត់​ហ្សែ​ន​ទៅក្នុង​កោសិកា​ឈាម ស​។ វា​ពុំ​មាន​គ្រោះថ្នាក់​ធ្វើឱ្យ​នាង​ត្រូវ​ឆ្លង​ហ៊ី​វ ហើយក៏​ពុំ​នៅ​មាន​វីរុស​ហ៊ី​វ​»​។​

​​មនុស្ស​ធំ​មួយចំនួន​បាន​ចូលរួម​ការពិសោធន៍​នេះ​នៅ​មន្ទីរពេទ្យ​មហាវិទ្យាល័យ​ផេន​ស៊ីល​វ៉ានៀ និង​ផ្តល់​លទ្ធផល​ល្អ ប៉ុន្តែ​រឿង​នោះ​ពុំ​មានន័យថា វិធី​ព្យាបាល​នេះ​គ្មាន​គ្រោះថ្នាក់​នោះ​ឡើយ​។ ប៉ុន្តែ​ពេល​វេលា​បាន​អស់​ចំពោះ Emma ។ ដូច្នេះ​ហើយ​នៅ​ថ្ងៃ ១៧​ខែ​មេសា​ឆ្នាំ​២០១២ Emma បាន​ក្លាយជា​អ្នកជំងឺ​កុមារ​ដំបូង​លើ​ពិភពលោក ត្រូវបាន​ព្យាបាល​ដោយ​វិធី​នេះ​។​


អ្នកស្រី Kari Whitehead ម្តាយ​របស់ Emma បានឱ្យដឹងថា «​ដំបូង​នាង​ខ្សោយ​ខ្លាំងណាស់ គ្រុនក្តៅ​ដល់ 40.6 អង្សារ ហើយ​ពួក​វេជ្ជបណ្ឌិត​បាន​ព្រមាន​ថា នាង​អាច​មិន​ឆ្លង​ផុត​នៅ​យប់នោះ​»​។ ពេលនោះ ពួក​វេជ្ជបណ្ឌិត បាន​សង្កេតឃើញ ប្រូតេអ៊ីន​មួយ​ប្រភេទ​កើន​ខ្ពស់​ខុសធម្មតា ផលវិបាក​របស់​ការ​ដែល​កោសិកា​ឈាមស​ថ្មី​រីកចម្រើន​ក្នុង​សរីរាង្គ Emma ។ ប្រូតេអ៊ីន​នេះ​ក៏​ពាក់ព័ន្ធ​ដល់​ជំងឺ​រលាក​សន្លាក់​សណ្ឋាន​ទាប​និង​មាន​ថ្នាំ​ព្យាបាល​មួយ​ប្រភេទ​។ អាស្រ័យហេតុនេះ ពួកគេ បាន​សាក​ប្រើ​ថ្នាំ​នោះ​សម្រាប់​ក្មេងស្រី ហើយ​លទ្ធផល ពិតជា​គួរឱ្យ​ភ្ញាក់ផ្អើល គឺ​១២​ម៉ោង​ក្រោយ​នាង​បាន​ស្ថិរភាព​សន្សឹមៗ​។​

​បណ្ឌិត Grupp បានឱ្យដឹងថា «៨​ខែ ក្រោយពេល​ត្រូវ​បាន​ព្យាបាល​ដោយ​វិធីសាស្ត្រ​ថ្មី ស្ថានភាព​ជំងឺ​របស់ Emma បាន​ធូរស្បើយ​»​។​

បណ្ឌិត Grupp បាន​មានប្រសាសន៍ថា​«​ការ​ធ្វើ​វិភាគ​ទាំងអស់​ដែល​យើងខ្ញុំ​អាចធ្វើ​បាន រាប់​ទាំង​ការវិភាគ​រំញោច​បំផុត ក៏​បង្ហាញថា ពុំ​នៅ​មាន កោសិកា​ឈាម ស មហារីក​ក្នុង​សរីរាង្គ Emma ។ យើងខ្ញុំ​ចាំបាច់​ត្រូវ​តាមដាន​ដំណើរការ​ធូរស្បើយ​ជំងឺ ក្នុង​រយៈពេល​ប៉ុន្មាន​ឆ្នាំ​ទៀត មុន​ពេល​អាច​អះអាងថា ជំងឺ​ត្រូវ​បាន​ព្យាបាល​ជា​ឬ​នៅ ? វា​នៅ​ឆាប់​ពេក​ដើម្បី​អាច​និយាយ​រឿង​អ្វី​ឱ្យ​ប្រាកដ​» ។​


បើតាម​សំដី​របស់​លោក Grupp បានឲ្យថា វិធី​ព្យាបាល​នេះ​កំពុង​ត្រូវបាន​អនុវត្ត​សាកល្បង​នៅ​មន្ទីរពេទ្យ​ពីរ និង​សម្រាប់​កុមារ​កើត​មហារីក​ឈាម​។ រាល់​ករណី ត្រូវបាន​ចាត់ទុក​ថា គ្មាន​វិធី​សង្គ្រោះបាន​។ ពួក​វេជ្ជបណ្ឌិត​សង្ឃឹមថា វិធី​នេះ​នឹង​ជំនួស​បាន​ការ​ផ្សាំ​ភ្ជាប់​ខួរ​ឆ្អឹង​។​

​​លោក​វេជ្ជបណ្ឌិត Grupp បាន​មានប្រសាសន៍ថា​«​វិធី​ព្យាបាល​នេះ​ជា​ឱកាស​តែមួយគត់​របស់ Emma​។ នាង​តូច​ត្រូវបាន​ព្យាបាល​ដោយ​វិធី​គីមី តែ​គ្មាន​ប្រសិទ្ធភាព​។ ចំពោះ​ខ្ញុំ​រឿង​នេះ​ពិតជា​ស្មាន​មិន​ដល់​» ។​

​Emma ឥឡូវនេះ មាន​អាយុ ៧​ឆ្នាំ និង​បាន​វិលត្រឡប់​ទៅ​ជីវភាព​ធម្មតា​វិញ​។​

​ពួក​អ្នក​ស្រាវជ្រាវ បានឱ្យដឹងថា មាន​អ្នកជំងឺ​៩​នាក់ ក្នុងចំណោម​១២​នាក់ ក្នុងនោះ​មាន Emma បាន​ឆ្លើយតប​ចំពោះ​ការព្យាបាល​៕​

​ហេតុអ្វី​អង្គុយ​ច្រើន ងាយ​បណ្តាល​ឲ្យ​ឆាប់​ស្លាប់​?

ជំងឺ​ធ្ងន់ធ្ងរ​ជាច្រើន អាច​កើត នៅពេល​មនុស្ស​ម្នាក់ អង្គុយ​ច្រើនពេក ក្នុង​១​ថ្ងៃ ដែល​ការ​អង្គុយ​នោះ នាំ​ឲ្យ​ឈឺ​ក , ឈឺ​ខ្នង , រឹង​សាច់ដុំ , លំនឹង​ខ្សោយ និង​ថែមទាំង​ស្ពឹក ។​

-​ឥទ្ធិពល​ដល់​ការ​បំប្លែង​សារជាតិៈ​
​ពេល​អង្គុយ , សកម្មភាព​របស់​សាច់ដុំ នឹងធ្វើ​ឲ្យ​អត្រា​កាឡូរី ដុតបំផ្លាញ ក្នុង​សរីរាង្គ ថយចុះ ។ ដូច្នេះ​ការ​អង្គុយ​ច្រើនពេក នឹងធ្វើ​ឲ្យ LDL កូ​ឡេ​ស្តេ​រ៉ូ​ល (​កូ​ឡេ​ស្តេ​រ៉ូ​ល​អាក្រក់​) នឹង​កើនឡើង​។ ដោយ​វិធី​នេះ , ការ​បំប្លែង​សារជាតិ ក្នុង​សរីរាង្គ ក៏​ថយចុះ ។ ទន្ទឹម​នោះ សាច់ដុំ ពុំមាន​ប្រសិទ្ធភាព ដោយសារ​ការ​ស្រូបយក កម្រិត​ជាតិ​ខ្លាញ់ និង​ស្ករ​ក្នុង​ឈាម នឹង​កើនឡើង ។​

-​បង្ក​ឲ្យ​ឡើង​ទម្ងន់ៈ​
​ក្រោយ ២ សប្តាហ៍ នៃ​ការ​អង្គុយ​ច្រើនពេក , សរីរាង្គ នឹងមាន​បាតុភូត​ស្វិត​សាច់ដុំ ឬ​កន្ត្រាក់​រួញ និង​បន្ថយ​ប្រើប្រាស់​អុកស៊ីហ្សែន ។ ចុងក្រោយ​រឿងនេះ នឹង​បង្កលក្ខណៈ​ឲ្យ​ឡើង​ទម្ងន់ ។ អាក្រក់​ជាងនេះទៀត​វា​នៅតែ​នឹង​កើតឡើង សូម្បីតែ​ពេល​អ្នក​ហាត់ប្រាណ​រាល់ថ្ងៃ ។​

-​ជិត​នឹង​សេចក្តីស្លាប់ៈ​
​នៅក្នុង​ការស្រាវជ្រាវរ​បស់​ខ្លួន ក្រុម​អ្នកវិទ្យាសាស្ត្រ បាន​បង្ហាញថា ពេល​អ្នក​អង្គុយ​ច្រើន ជាង​១១​ម៉ោង ក្នុង​១​ថ្ងៃ , ហានិភ័យ​បាត់បង់​ជីវិត នឹង​កើន ៤០% ក្នុង​រង្វង់ ៣ ឆ្នាំ បើ​ប្រៀបធៀប​នឹង​អ្នក​អង្គុយ​តិចជាង ៤ ម៉ោង ។​
​ការ​អង្គុយ​ច្រើន ក៏​អាចធ្វើ​ឲ្យ​កើន​ហានិភ័យ​នៃ​ជំងឺមហារីក , ជំងឺ​ធាត់ , ជំងឺ​ទឹកនោមផ្អែម , ជំងឺ​បេះដូង និង​ថែមទាំង​បាត់បង់​ជីវិត ៕M/V/L

​ហ្សែ​ន​ធាត់ ធ្វើ​ឲ្យ​កើន​ហានិភ័យ មហារីក​សុដន់​

ស្ត្រី​មាន​ហ្សែ​ន​ធាត់ នឹង​កើត​ជំងឺមហារីក​សុដន់ ខ្ពស់ជាង​ច្រើន ប្រៀប​នឹង​ស្ត្រី​ធម្មតា​ដទៃទៀត ។​
​ក្នុងការ​ស្រាវជ្រាវ​ថ្មី​បំផុត , ស្ត្រី​ស្បែ​កស មាន​ហ្សែ​ន​កើត​ជំងឺ​ធាត់ (​អាច​ជីដូន ឬ ម្តាយ​របស់គេ ត្រូវ​ធាត់​) នោះ​នឹងមាន​ហានិភ័យ កើត​ជំងឺមហារីក​សុដន់ ខ្ពស់​គឺ​ដល់​ទៅ ៧០% ប្រៀប​នឹង​ស្ត្រី​គ្មាន​ហ្សែ​ន​នេះ​ក្នុង​ខ្លួន​។​
​ប្រសិន​ស្ត្រី​ម្នាក់ រាង​លើស​ទម្ងន់​បន្តិច ឬ​ធាត់ និង​ត្រូវបាន​វិនិច្ឆ័យ មាន​ហ្សែ​ន​ធាត់​នោះ ហានិភ័យ​មហារីក​សុដន់ នឹង​កើន​ដល់ ២១០% ។ ហ្សែ​ន​ធាត់ ត្រូវបាន​រកឃើញ មាន​ឈ្មោះថា mTOR , នេះ​ជា​ប្រភេទ​ហ្សែ​ន ត្រូវបាន​រកឃើញ​ក្នុង​ខ្លួន​ស្ត្រី​ធាត់ ។​

​ហេតុអ្វី​ធាត់​ប្រឈម​នឹង​គ្រោះថ្នាក់​ដូច្នេះ , ពិសេស​គឺ ចំពោះ​ជំងឺមហារីក​សុដន់​? នោះ​គឺ​ដោយសារ ពេល​អ្នក​ត្រូវ​ធាត់ , estrogen នឹង​កើន​ខ្ពស់ ហើយ​វា​ធ្វើ​ឲ្យ​ថយចុះ ប្រសិទ្ធភាព​ចំពោះ​វិធី​ព្យាបាល មហារីក​សុដន់ ដោយ​អ័រម៉ូន ។ ស្ត្រី​មាន​សញ្ញា​តំណពូជ ជំងឺ​ធាត់​នឹងមាន estrogen មហារីក​សុដន់​ខ្ពស់ជាង ប្រៀប​នឹង​អ្នកដទៃ ។​

​វិធី​មួយ​ក្នុងចំណោម​វិធី​ល្អ​បំផុត ដើម្បី​បន្ថយ​ហានិភ័យ​មហារីក​សុដន់ គឺ​បញ្ចុះទម្ងន់ កាន់តែ​ឆាប់​កាន់តែ​ល្អ​៕M/V/L​

​កាត់​ក្រពះ - ដំណោះស្រាយ​សម្រាប់​មនុស្ស​ធាត់​កើត​ជំងឺ​ទឹកនោមផ្អែម​

​ពួក​អ្នកវិទ្យាសាស្ត្រ​អាមេរិក​ទើបនឹង​ប្រកាស​លទ្ធផល​ស្រាវជ្រាវ​មួយ​បង្ហាញថា វះកាត់​ចោល​ក្រពះ​មួយផ្នែក ឬ​កាត់​ច្បិច​ក្រពះ​ជា​ដំណោះស្រាយ ២ មាន​ប្រសិទ្ធភាព​បំផុត ចំពោះ​អ្នកជំងឺ​ធាត់​កើត​ជំងឺ​ទឹកនោមផ្អែម​ប្រភេទ ២ ។​
​ក្នុង​អត្ថបទ​ចុះផ្សាយ​លើ​ទស្សនា​វ​ដ្តី​វេជ្ជសាស្ត្រ New England លេខ​ចេញ​ថ្ងៃ ៣១ មីនា ក្រុម​ស្រាវជ្រាវ​ឲ្យ​ដឹងថា វិធីសាស្ត្រ​វះកាត់​ក្រពះ​ជួយ​អ្នកជំងឺ​គ្រប់គ្រង​តួលេខ​ស្ករ​ក្នុង​ឈាម​ល្អ​ជាង​ប្រៀប​នឹង​ការ​លេបថ្នាំ ឬ​ការអនុវត្តន៍​រប​បទ​ទួល​ទាន​បញ្ចុះទម្ងន់​តា​ម​ការណែនាំ​របស់​វេជ្ជបណ្ឌិត ។​
​នេះ​ជាការ​សន្និដ្ឋាន​របស់​ពួក​អ្នកវិទ្យាសាស្ត្រ​នៅ​សកល​វិទ្យាល័យ Cleveland Clinic បន្ទាប់ពី​ធ្វើការ​ស្រាវជ្រាវ​លើ​អ្នកជំងឺ ១៥០ នាក់ ក្នុង​រយៈពេល ៣ ឆ្នាំ ។ ក្នុងចំណោម​នេះ មនុស្ស​មួយចំនួន​ត្រូវបាន​កំណត់​ឲ្យ​វះកាត់​ក្រពះ , មួយចំនួនទៀត​ឲ្យ​លេបថ្នាំ និង​ព្យាបាល​តាម​ការណែនាំ​របស់​ជំនាញការ​ព្យាបាល​ចលនា ។​
​ក្រោយ ៣ ឆ្នាំ លទ្ធផល​បង្ហាញថា មានតែ ៥% នៃ​ចំនួន​អ្នកជំងឺ​ក្នុង​ក្រុម​លេបថ្នាំ មាន​តួលេខ​ជាតិ​ស្ករ​ក្នុង​ឈាម​មធ្យម​៣​ខែ​ក្រោម ៦% ទាប​ជាង​កម្រិតស្តង់ដារ ៧% ។ ក្នុងពេលនោះ​អត្រា​នេះ​ឡើងដល់ ៣៧,៥% សម្រាប់​ក្រុម​កាត់​ក្រពះ​១​ផ្នែក និង ២៤,៥% សម្រាប់​ក្រុម​កាត់​ច្បិច​ក្រពះ ។ ពុំ​ត្រឹមតែ​ប៉ុណ្ណឹង​ទេ ទម្ងន់​ខ្លួន​របស់​អ្នកជំងឺ​ត្រូវបាន​វះ​ក្រពះ​បាន​ថយចុះ ២៥% និង ២១% ខ្ពស់ជាង​ច្រើន​ប្រៀប​នឹង​អត្រា​ថយចុះ ៤% នៅ​ក្រុម​មិន​វះកាត់ ។​
​ផ្អែកលើ​លទ្ធផល​ខាងលើ , អ្នកដឹកនាំ​ក្រុម​ស្រាវជ្រាវ Sangeeta Kashyap ចាត់ទុកថា ពួក​វេជ្ជបណ្ឌិត​អាច​ពិនិត្យមើល​នាំយក​វិធី​វះកាត់​នេះ​ទៅក្នុង​ដំណើរការ​ព្យាបាល​ឲ្យ​អ្នកជំងឺ​ធាត់​កើត​ជំងឺ​ទឹកនោមផ្អែម​ប្រភេទ ២ ៕M/T/L​

​ពិសា​ផ្លែ​ឈើ​ស្រស់ ល្អ​ចំពោះ​សុខភាព

ការ​ទទួលទាន​ផ្លែឈើ ល្អ​ចំពោះ​រាងកាយ ព្រោះ​ផ្លែឈើ​ស្រស់ សម្បូរ​ដោយ​វីតាមីន​ជាច្រើន​ប្រភេទ មិន​ថា​កាល់ស្យូម សារធាតុ​រ៉ែ ជាតិ​ដែក ផូស្វ័​រ ដែល​ជួយ
បំប៉ន​ផ្នែក​ផ្សេងៗ របស់​រាងកាយ​ដូច​ជា វីតាមីន C ក្នុង​ផ្លែឈើ ជួយ​ក្នុង​រឿង​សរសៃឈាម ធ្វើឲ្យ​សរសៃឈាម​ឆ្មា​រៗ​រឹងមាំ និង​ការពារ​ជំងឺ​ឈាម​ចេញ​តាមជើងធ្មេញ​ទៀតផង ។​
ប្រសិនបើ​អ្នក​ចាប់ផ្តើម​សង្កេតឃើញថា មាន​ជំងឺ​ដូច​រៀបរាប់​មកនេះ គួរ​ប្រញាប់​រក​ផ្លែឈើ ដែល​មាន​វីតាមីន C ទទួលទាន​ដូចជា ត្របែក ប៉េង​បោះ កន្ទួត​ព្រៃ ។ រីឯ​វីតាមីន​ប្រភេទ​ផ្សេងៗ ដែល​មាន​ក្នុង​ផ្លែឈើ ដូចជា វីតាមីន A ជួយ​បំប៉ន​ភ្នែក​បាន​ល្អ ។ ម្យ៉ាងទៀត ដោយសារ​ផ្លែឈើ ជា​ប្រភេទ​រួម​របស់​កាកសរសៃ​អាហារ ទើប​វា​ជួយ​ធ្វើឲ្យ​ប្រព័ន្ធប​ន្ទោ​បង់​ល្អ មិន​ធ្វើឲ្យ​ទល់លាមក ។​
ដូច្នេះ អ្នក​ដែល​មិន​ចូល​ទទួលទាន​ផ្លែឈើ ឬ​ចូល​ចិត្ត​ផ្លែឈើ​ត្រាំ គួរ​ងាក​មក​ទទួល​ផ្លែឈើ​ស្រស់​ល្អ​ជាង ព្រោះ​ប្រយោជន៍​ដែល​ទទួល​ពី​ផ្លែឈើ​ស្រស់
ប្រាកដជា​មាន​ច្រើន​ជាង​ផ្លែឈើ​ត្រាំ ។ លើសពីនេះ បើ​ជ្រើសរើស​ទិញ​ផ្លែឈើ​ត្រាំ ដែល​គ្មាន​អនាម័យ អាច​ធ្វើឲ្យ​រាករួស​ទៀតផង ៕

ˆ​ថ្នាំ​ប្រភេទ​ស្តា​ទីន​មួយចំនួន អាច​បង្កឱ្យមាន​ការកើត​ជំងឺ​ទឹកនោមផ្អែម​

យោងតាម​អ្នកស្រាវជ្រាវ​នៅ​ប្រទេស​កាណាដា បាន​ឲ្យ​ដឹងថា ថ្នាំ​មួយចំនួន​ដែល​ត្រូវបាន​ប្រើ​សម្រាប់​ជួយ​ការពារ​សុខភាព​បេះដូង អាច​បង្កើន​គ្រោះថ្នាក់​នៃ​ការកើត​ជំងឺ​ទឹកនោមផ្អែម​ប្រភេទ​ទី​ពីរ​។​

​ការសិក្សា​របស់​អ្នកស្រាវជ្រាវ​ទាំងនោះ ទៅលើ​មនុស្ស​ប្រមាណ​១,៥ លាន​នាក់ ដែល​ត្រូវបាន​ចុះ​នៅក្នុង​ទិន្នានុប្បវត្តិ British Medical Journal បាន​បង្ហាញថា ថ្នាំ​ប្រភេទ​ស្តា​ទីន (Statins) អាច​បង្កើន​គ្រោះថ្នាក់​នៃ​ការកើតមាន​ជំងឺ​ទឹកនោមផ្អែម ២២​ភាគរយ បើ​ធៀប​ជាមួយនឹង​ថ្នាំ​ប្រភេទ​ខ្សោយ​ជាង​នេះ​។​

​ថ្នាំ​អា​តូ​វ៉ា​ស្តា​ទីន (Atorvastatin) មានការ​ពាក់ព័ន្ធ​ជាមួយនឹង​ករណី​នៃ​ការកើតមាន​ជំងឺ​ទឹកនោមផ្អែម​សម្រាប់​រាល់​អ្នកជំងឺ​១៦០​នាក់ ដែល​ត្រូវ​បានទទួល​ការព្យាបាល​។​

​ក្រុម​អ្នកជំនាញ បាន​និយាយថា ផលប្រយោជន៍​នៃ​ការប្រើប្រាស់​ថ្នាំ​ប្រភេទ​ស្តា​ទីន នៅតែមាន​ច្រើនជាង​ផលវិបាក​នៅឡើយ​។​

​ថ្នាំ​ប្រភេទ​ស្តា​ទីន ជា​ប្រភេទ​ថ្នាំ​ដែល​តែងតែ​ត្រូវបាន​បង្គាប់​ឱ្យប្រើ​តាម​វេជ្ជបញ្ជា ដែល​អាច​បន្ទាប​សារធាតុ​កូ​ឡេ​ស្តេ​រ៉ូ​ល ចេញពី​ឈាម​ហើយ​នេះ គឺអាច​កាត់បន្ថយ​គ្រោះថ្នាក់​នៃ​ការកើត​ជំងឺ​គាំងបេះដូង ឬ​ដាច់​សរសៃឈាម​។​

​គ្រប់​ថ្នាំ​ទាំងអស់ ជា​អាវុធ​មុខ​ពីរ ប៉ុន្តែ​ក្រុម​អ្នកស្រាវជ្រាវ មកពី​មន្ទីរពេទ្យ នៅ​ក្រុង​តូ​រ៉ុ​ន​តូ​(Toronto) បាន​និយាយថា មាន​ភាពចម្រូងចម្រាស​ជុំវិញ​ការ​អាច​កើតមាន​ជំងឺ​ទឹកនោមផ្អែម ដែល​មកពី​ការប្រើ​ថ្នាំ​ប្រភេទ​ស្តា​ទីន​ផ្សេងៗ​។​

​ពួកគេ​បាន​ពិនិត្យ​ទៅលើ​កំណត់ត្រា​សុខាភិបាល​នៃ​មនុស្ស​ចំនួន​១,៥ លាន​នាក់ ដែលមាន​វ័យ​៦៦​ឆ្នាំ និង​លើសពីនេះ ហើយ​បានធ្វើការ​ប្រៀបធៀប​កម្រិត​នៃ​ការ​អាច​កើតមាន​ជំងឺ​ទឹកនោមផ្អែម ក្នុងចំណោម​មនុស្ស​ដែល​ប្រើ​ថ្នាំ​ប្រភេទ​ស្តា​ទីន​ផ្សេងៗ​។​

​របាយការណ៍​របស់​ពួកគេ បាន​និយាយថា​“​យើង​បាន​រកឃើញថា អ្នកជំងឺ​ដែល​ត្រូវបាន​ប្រើ​ថ្នាំ​អា​តូ​វ៉ា​ស្តា​ទីន ឬ​ស៊ីម​វ៉ា​ស្តា​ទីន (Simvasstatin) អាចមាន​គ្រោះថ្នាក់​នៃ​ការកើត​ជំងឺ​ទឹកនោមផ្អែម ច្រើនជាង​អ្នក​ដែល​ប្រើ​ថ្នាំ​ប្រា​វ៉ា​ស្តា​ទីន​(Pravastatin)​។ អ្នកជំនាញ​សុខាភិបាល​គួរតែ​ពិចារណា​ទៅលើ​គ្រោះថ្នាក់​នេះ នៅពេល​ពួកគេ​សម្រេច​ចេញ​វេជ្ជបញ្ជា ឱ្យ​អ្នកជំងឺ​ប្រើ​ថ្នាំ​ប្រភេទ​ស្តា​ទីន​”៕

ប្រើ​អាស្ពីរីន​អាច​បង្ការ​ប្រឆាំង​មហារីក​

អាស្ពីរីន​អាច​បន្ថយ​តិច​បំផុត ៥០% ហានិភ័យ​បាត់បង់​ជីវិត​ដោយសារ​មហារីក​ពោះវៀន​

​ប្រើ​អាស្ពីរីន​ទៀងទាត់​អាចធ្វើ​ឲ្យ​ថយចុះ​ហានិភ័យ​រីកចម្រើន​មហារីក ឬ​បន្ថយ​អត្រា​បាត់បង់​ជីវិត​របស់​ជំងឺ ។​
​ការស្រាវជ្រាវ​វិទ្យាសាស្ត្រ​មួយ​ចង្អុល​បង្ហាញថា អ្នក​កើត​មហារីក​ខ្នែងពោះវៀន​នឹងមាន​លទ្ធភាព​នៅរស់​ខ្ពស់ជាង​ប្រសិន​គេ​ប្រើប្រាស់​អាស្ពីរីន ក្នុង​ដំណើរការ​ព្យាបាល ។​
​ការស្រាវជ្រាវ​មួយ​ពី​សកល​វិទ្យាល័យ​វេជ្ជសាស្ត្រ​នៅ​ហុ​ល្លង់ នៅលើ​អ្នកជំងឺ​មហារីក​ផ្តល់​លទ្ធផល​ថា ប្រសិន​អ្នកជំងឺ​ប្រើ​ថ្នាំ​អាស្ពីរីន​ជាប្រចាំ​ក្រោយ​វះកាត់​អាច​បន្ថយ​តិច​បំផុត ៥០% ហានិភ័យ​បាត់បង់​ជីវិត​ដោយសារ​មហារីក​ពោះវៀន ។ អាស្ពីរីន​ក្នុងករណីនេះ​មាន​ប្រសិទ្ធភាព​ទប់ស្កាត់​លទ្ធភាព​រាលដាល​របស់​ជំងឺ ។​



​ការស្រាវជ្រាវ​ក៏​បង្ហាញ​បន្ថែម​ភស្តុតាង​មួយចំនួន​ឲ្យ​ឃើញថា អាស្ពីរីន​មាន​មុខងារ​ទប់ស្កាត់​ជំងឺ និង​បង្កើន​លទ្ធភាព​នៅរស់​ឲ្យ​អ្នកជំងឺ ។​
​អាស្ពីរីន​ទប់ស្កាត់បាន​ឥទ្ធិពល​របស់​អង់​ហ្ស៊ី​ម COX - ជា​អង់​ហ្ស៊ី​ម​មួយ​រំញោច​សកម្មភាព​រលាក និង​បង្កើន​ហានិភ័យ​កើត​ជំងឺមហារីក​មួយចំនួន ។​
​ការស្រាវជ្រាវ​ថ្មីៗ​នេះ​បំផុត​ត្រូវបាន​អនុវត្ត​លើ​អ្នកជំងឺ ៩៩៩ នាក់ កើត​មហារីក​ពោះវៀនធំ​បាន​ឆ្លងកាត់​ការវះកាត់​ក្នុងអំឡុង​ពី​ឆ្នាំ ២០០២ -២០០៨ ។​
​អ្នកជំងឺ​សឹងតែ​ទាំងអស់​សុទ្ធតែ​ត្រូវបាន​វិនិច្ឆ័យ​កើត​ជំងឺ​នៅ​ដំណាក់កាល ៣ ឬ​ធ្ងន់​ជាង ។ លទ្ធផល​បង្ហាញថា ក្នុង ១៨២ នាក់ ប្រើប្រាស់​អាស្ពីរីន​ជាប្រចាំ​ក្រោយ​វះកាត់​នោះ​មាន ៦៩​នាក់ បាត់បង់​ជីវិត , ដណ្តើម​អត្រា ៣៨% ។ រីឯ​ក្នុងចំណោម​អ្នកជំងឺ ៨១៧ នាក់ មិន​ប្រើប្រាស់​ថ្នាំ នោះ​មាន ៣៦៩​នាក់ បាត់បង់​ជីវិត គឺមាន​អត្រា​ជិត ៥០% ។​
​ដូច្នេះ​អ្នកជំងឺ​កើត​មហារីក​ពោះវៀនធំ​ប្រើប្រាស់​អាស្ពីរីន អាច​បង្កើន​លទ្ធភាព​នៅ​រស់​ដល់​ជាង ៥០% ប្រៀប​នឹង​អ្នក​មិន​ប្រើ ។​

អាស្ពីរីន​មាន​មុខងារ​ទប់ស្កាត់​ជំងឺ និង​បង្កើន​លទ្ធភាព​នៅរស់​ឲ្យ​អ្នកជំងឺ​

​ឆ្នាំ ២០១១ ការស្រាវជ្រាវ​មួយ​ពី​សកល​វិទ្យាល័យ​អង់គ្លេស​បានបង្ហាញ​ថា ប្រើ​អាស្ពីរីន​រាល់ថ្ងៃ​អាច​ទប់ស្កាត់​មហារីក​រី​ក​ចម្រើន​ដល់ ៦០% ។​
​ពួក​ជំនាញការ​នៅ​និយាយថា មនុស្ស​ម​ជ្ឈឹ​ម​វ័យ​មាន​សុខ​ភាពល្អ​អាច​ចាប់ផ្តើម​លេបថ្នាំ​ឈឺក្បាល , សង្ឃឹម​បញ្ចៀស​បាន​ជំងឺមហារីក​ទៅ​ថ្ងៃមុខ ។​
​ប៉ុន្តែ​ពួក​ជំនាញការ​ចាត់ទុកថា ឥទ្ធិពល​បន្ទាប់បន្សំ​ហូរឈាម និង​បញ្ហា​អំពី​ក្រពះ​របស់​ថ្នាំ​អាស្ពីរីន ជា​បញ្ហា​គួរ​ឲ្យ​បារម្ភ​ចំពោះ​អ្នកប្រើប្រាស់​ថ្នាំ​សឹងតែ​ទាំងអស់ ។ ដូច្នេះ​មិនគួរ​ប្រើប្រាស់​ថ្នាំ​អាស្ពីរីន សម្រាប់​អ្នកមាន​ហានិភ័យ​មធ្យម​ចំពោះ​មហារីក​ពោះវៀនធំ ៕​M/T/L

រូបសាក់ទប់ស្កាត់ការបាក់កម្លាំង

Sensor ជីវសាស្ត្រ​ធ្វើជា​សណ្ឋាន​រូបសាក់​ដើម្បី​វាស់​បរិមាណ Lactate
រូបសាក់​ដែលជា Sensor ជីវសាស្ត្រ ត្រូវបាន​ផលិតឡើង​ប្រយោជន៍​រារាំង​ស្ថានភាព​ដែល​កីឡាករ​ប្រើ​កម្លាំង​ហួសហេតុ តាមរយៈ​ការ​វាស់​បរិមាណ Lactat ដែលមាន​ក្នុង​ញើស ។​
​កីឡាករ​ណាក៏ដោយ​ពិសេស​អ្នករត់​ម៉ា​រ៉ា​តុង សុទ្ធសឹង​ធ្លាប់​ដឹង​ពី​ស្ថានការណ៍ "​ដាច់ដង្ហើម​" ពោលគឺ​ខណៈពេលដែល​ថាមពល​ធ្លាក់ចុះ​ដល់​ថ្នាក់​ពុំ​អាច​បន្ត​ការប្រកួត​បាន​តទៅទៀត ។​
​ប្រការ​បែបនេះ​កើតឡើង​ពេលដែល​បរិមាណ នៃ​សារធាតុ​ហៅថា Lactate ស្ទុះ​ឡើង​ខ្ពស់​ក្នុង​សរីរាង្គ​បង្ក​ជា​ភាព​នឿយហត់​ខ្លាំង​មែនទែន ។​
​ដោយ​ពិនិត្យ​ឃើញបែបនេះ ក្រុម​អ្នកជំនាញ​ការដឹកនាំ​ដោយ​សាស្ត្រាចារ្យ Joseph Wang នៃ​សកល​វិទ្យាល័យ​កាលីហ្វ័រ​ញ៉ា នា​ក្រុង San Diego អាមេរិក បាន​ផលិត Sensor ជីវសាស្ត្រ​គីមី​អគ្គិសនី ដែលមាន​ប្រព័ន្ធ​រស់​រវើក បំពាក់​ជា​បណ្តោះអាសន្ន​លើ​សរីរាង្គ​របស់​កីឡាករ ។​
​នៅពេលដែល​បិទ​លើ​ស្បែក Sensor នេះ នឹង​វាស់​បរិមាណ Lactate ជា​បន្តបន្ទាប់​ក្នុង​ញើស​ដែល​ហូរ​ចេញ​នៅពេល​កីឡាករ​ចលនា ។​
​លទ្ធផល​សាកល្បង​លើ​អ្នកស្ម័គ្រចិត្ត​បានបង្ហាញ​ថា Sensor​នេះ សម្រេចបាន​យ៉ាង​ល្អ​នូវ​ភារកិច្ច​របស់ខ្លួន ពិសេស​ពេល​គេ​ប្រើ​វា​សម្រាប់​វាស់​នៅពេល​កំពុង​ចលនា​តែម្តង ។​
​វិធី​ធ្វើតេស្ត​វាស់​ស្ទង់​បរិមាណ Lastate បន្ត​ហូរ​ពិបាក​អនុវត្ត​ចាំបាច់​ត្រូវយក​គំរូ​ឈាម នឹង​ពុំ​ផ្តល់​លទ្ធផល​បាន​ភ្លាមៗ​ទេ ។​
​ក្នុងពេល​ហ្វឹកហាត់ ឬ​ប្រកួត គ្រា​ដែល​សាច់ដុំ​ត្រូវការ​ថាមពល​លើសពី​តម្រូវការ​ផ្គត់ផ្គង់​រប​ស់​សរីរាង្គ នោះ​ជា​ពេលដែល​អាស៊ីត Lactic និង Lactate កកើតឡើង ។​
Sensor ថ្មី​នេះ ជួយ​ឲ្យ​កីឡាករ បានដឹងថា ពេលណា​សរីរាង្គ​ជិត​ដល់ពេល​អស់​ថាមពល​សម្រាប់​ផ្គង់​ផ្គង់​ដល់​សាច់ដុំ ៕​M

ˆ​អាហារ​៨​ប្រភេទ​ដែល​មិន​ខ្លាច​ឡើង​ទម្ងន់

អ្នក​អាច​ទទួល​ទាន​ដោយ​សេរី​នូវ​ពពួក​អាហារ​ខាងក្រោម​នេះ ដោយ​មិនបាច់​បារម្ភ​អំពី​បរិមាណ​ជាតិ​ខ្លាញ់ ក៏ដូចជា​ឥទ្ធិពល​អាក្រក់​របស់​វា​ទៅ​ដល់​ការឡើង​ទម្ងន់​សរីរាង្គ​នោះទេ​។​

​១-​ផ្លែ​ប៉ោមៈ​
​​ផ្លែ​ប៉ោម មាន​បរិមាណ Pectin  និង​វីតាមីន C ដ៏​ច្រើន មាន​ប្រសិទ្ធភាព​បញ្ចុះ​លីពីដ​ឈាម​យ៉ាង​ល្អ​។ វិទ្យាស្ថាន​ជាតិ​អំពី​ឈើ​ហូប​ផ្លែ​ជប៉ុន បាន​ប្រកាស​ពី​គម្រោង​ស្រាវជ្រាវ​មួយ ដែល​ក្នុងនោះ​ឱ្យដឹងថាៈ ទទួលទាន​ផ្លែ​ប៉ោ​ម​១-២​ផ្លែ   (៤០០​ក្រាម​) ក្នុង​មួយ​ថ្ងៃ អាច​ជួយ​បញ្ចុះ​ឲ្យទាប​នូវ​បរិមាណ​ជា​តិខ្លាញ់​ម្យ៉ាង​ក្នុង​ឈាម (​សារជាតិ​នេះ​បង្ក​ការ​ក្រិន​រឹង​សរសៃឈាម ធ្វើឱ្យ​កើន​គ្រោះថ្នាក់​ស្ត្រូក និង​ធ្វើឱ្យ​លើសឈាម​)​។​

​​ការស្រាវជ្រាវ​ថ្មី​បំផុត ឱ្យដឹងថា ស្ត្រីភេទ​ទទួលទាន​ផ្លែ​ប៉ោ​ម ៧៥​ក្រាម ក្នុង​មួយ​ថ្ងៃ អាច​ធ្វើឱ្យ​កូ​ឡេ​ស្តេ​រ៉ូល​អាក្រក់​ថយចុះ​២៥​ភាគរយ ទន្ទឹម​នោះ​បង្កើន​កូ​ឡេ​ស្តេ​រ៉ូល​ល្អ​។​

​​ទទួលទាន​ផ្លែ​ប៉ោម​ជួយ​ឱ្យ​យើង​មាន​អារម្មណ៍​ឆ្អែត ដូច្នេះ​ទទួលទាន​ផ្លែ​ប៉ោម​មួយ​ផ្លែ​មុន​ពេលបាយ នឹង​ជួយ​អ្នក​បញ្ចៀស​បាន​ពី​ការ​ទទួលទាន​បាយ​ច្រើន ។ ក្រៅពីនេះ ផ្លែ​ប៉ោម​នៅ​ជួយ​បង្កើន​បរិមាណ​វីតាមីន C -​បង្កើន​ភាព​មាំ​គែម​សរសៃឈាម និង​សមត្ថភាព​ប្រឆាំង​របស់​សរីរាង្គ​។​

​    ​២-​ទំពាំងបាយជូ​រៈ​
​​ទំពាំងបាយជូ​រ ទឹក​ទំពាំងបាយជូរ និង​ស្រា​ទំពាំងបាយជូ​រ សុទ្ធតែ​ផ្ទុក resveratraol, អាច​ធ្វើឱ្យ​ថយ​ចុះ​កូ​ឡេ​ស្តេ​រ៉ូ​លតាម​ធម្មជាតិ​។ ការពិសោធន៍​លើ​សត្វ ក៏​បាន​បញ្ជាក់ថា ទំពាំងបាយជូ​រ និង​បណ្តា​ផលិតផល​ពី​ទំពាំងបាយជូ​រ អាច​ធ្វើឱ្យ​ថយ​ចុះ​កូ​ឡេ​ស្តេ​រ៉ូល​រារាំង​ការ​ផ្តុំ​ប្លាកែ​ត​។ អាស្រ័យហេតុនេះ ទំពាំងបាយជូរ​ជា​អាហារ​ល្អ​បំផុត​មួយ​សម្រាប់​អ្នកជំងឺ មាន​បរិមាណ​លីពីដ​ក្នុង​ឈាម​ខ្ពស់​។​

​    ​៣-​ពោតៈ​
​​ពោត​មាន​ផ្ទុក​បរិមាណ​កាល់ស្យូម ហ្វូស​ហ្វ័​រ Selen និង lecithin, វីតាមីន E ដ៏​ច្រើន មាន​ប្រសិទ្ធភាព​បន្ថយ​កូ​ឡេ​ស្តេ​រ៉ូល​ក្នុងឈាម​។ ប្រទេស​ឥណ្ឌា ហាក់ដូចជា​ពុំ​មាន​អ្នក​កើត​ជំងឺ​លើសឈាម​និង​ជំងឺ​សរសៃឈាម​បេះដូង​ច្រើន​នោះ​ទេ ព្រោះ​ប្រជាជន​នៃ​ប្រទេស​នេះ មាន​ទម្លាប់​ប្រើប្រាស់​ពោត​ក្នុង​មុខ​អាហារ​ប្រចាំ​ថ្ងៃ​របស់​ពួកគេ​។​
​    ​
​    ​៤-​ខ្ទឹម​សៈ​
​​ខ្ទឹម​ស អាច​ធ្វើឱ្យ​កូ​ឡេ​ស្តេ​រ៉ូលក្នុង​ឈាម​ថយចុះ និង​ទប់ស្កាត់​កំណក​ឈាម​។​

​    ​៥-​ដើម​ខ្ទឹមបារាំងៈ​
​​ក្រៅពី​កាល់ស្យូម ហ្វូស​ហ្វ័​រ ដែក ស្ករ ប្រូតេអ៊ីន វីតាមីន A, C  ដើម​ខ្ទឹមបារាំង​នៅ​ផ្ទុក Carotene និង​ជាតិ​សរសៃ អាច​បង្កើន​ភាព​រំអិល​ក្រពះ ជួយ​កម្ចាត់​ចោល​សារជាតិ​សំណល់​ក្នុង​ផ្លូវ​ពោះវៀន រួម​មាន​ជាតិ​ខ្លាញ់​មិនចាំបាច់​។​


​៦-​ទឹកដោះគោៈ​
​​ទឹកដោះគោ​សម្បូរ​អាស៊ីត Whey  និង​កាល់ស្យូម អាច​រារាំង​ការរង​ក​កកូ​ឡេ​ស្តេ​រ៉ូលក្នុង​គែម​សរសៃឈាម​។ ទន្ទឹម​នោះ ទឹកដោះគោ​ក៏មាន​ឥទ្ធិពល បន្ថយ​បរិមាណ​កូ​ឡេ​ស្តេ​រ៉ូល​កកើតឡើង​ដោយសារវា​រារាំង​សកម្មភាព​រប​ស់​ពពួក​អង់​ហ្ស៊ី​ម​សំយោគកូ​ឡេ​ស្តេ​រ៉ូល​។​

​    ​៧-​ផ្សិតៈ
​​ផ្សិត​ជា​ប្រភេទ​អាហារ​សម្បូរ​តម្លៃ​ជីវជាតិ វីតាមីន (B, C, D) និង​សម្បូរ​ដែក Selen សូ​ដ្យូ​ម ប៉ូ​តា​ស្យូម ម៉ា​ញ៉​ស្យូម និង​ហ្វូស​ហ្វ័​រ​)​។ ក្រៅពីនេះ បរិមាណ​ប្រូតេអ៊ីន​ក្នុង​ផ្សិត​ខ្ពស់ ប៉ុន្តែ​ពុំ​សូវ​មាន​ជាតិ​ខ្លាញ់ ហេតុនេះ​វា​ជា​ជម្រើស​ដ៏​សុវត្ថិភាព​សម្រាប់​អ្នក​លើស​ទម្ងន់ ឬ​ចង់​សម្រក​ទម្ងន់​។​

​    ​៨-​ខ្ទឹម​បារាំងៈ​
​​ក្នុង​សមាសធាតុ​ជីវជាតិ​របស់​ខ្ទឹម​បារាំង ពុំ​ត្រឹមតែ​មិន​ផ្ទុក​ជាតិ​ខ្លាញ់​ប៉ុណ្ណោះ​ទេ តែ​នៅ​មាន​លទ្ធភាព​រក្សា​សម្ពាធ​ឈាម ស្ថិរភាព​ដំណើរការ​បញ្ចោ​ញ​អំបិល​ក្នុង​សរីរាង្គ បញ្ចៀស​ការ​ផ្តុំអំបិល​ច្រើន​។ អាស្រ័យហេតុនេះ ខ្ទឹមបារាំង​មាន​ឥទ្ធិពល​បញ្ចុះ​សម្ពាធ​ឈាម​យ៉ាង​មាន​ប្រសិទ្ធភាព និង​សុវត្ថិភាព​ជាង​ពពួក​ថ្នាំ​បញ្ចុះ​សម្ពាធ​ឈាម​៕​

កីឡា និង​លំ​ហាត់ប្រាណ បែបណា​ដើម្បី​ឲ្យ​អាច្រមក់​ខ្លាំង​?

​ធ្លាប់មាន​ការស្រាវជ្រាវ​ដោយ​ការបញ្ចូល​គ្នា​រវាង​កម្រិត​កំពូល​នៃ​ការ​រួមភេទ​ជាមួយ​ប្រភេទ​កីឡា និង​លំ​ហាត់ប្រាណ អាច​ទទួលបាន​អត្រា​នៃ​ការ​ឈានទៅ ដល់​កម្រិត​កំពូល​ដូច​លទ្ធផល​ខាងក្រោម​។​
​ចំពោះ​អ្នក​ហាត់ប្រាណ​តាមរបៀប (​មានការ​ពន្យល់​នៅ​ខាងក្រោម​អត្ថបទ​) គឺ​សុទ្ធតែ​ទទួលបាន​នូវ​ផល​សម្រេច កម្រិត​កំពូល​នៃ​ការ​រួមភេទ ក្នុង​អត្រា ១០០ ភាគរយ​។​
-​កីឡា​វាយ​ហ្គោល មាន​អត្រា ៧៧​ភាគរយ
-​កីឡា​រំអិល​ដោយ​ពាក់​ស្បែ​ជើង​ស្គី មាន​អត្រា ៦៧​ភាគរយ
-​កីឡា​រត់ប្រណាំង​ល្បឿន​លឿន មាន​អត្រា ៥៨​ភាគរយ
-​កីឡា​រត់​យឺតៗ និង ហែល​ទឹក មាន​អត្រា ៥៥​ភាគរយ​
-​កីឡា​លើក​ទម្ងន់ និង​ដើរ​លម្ហែរ​កាយ មាន​អត្រា ៥១​ភាគរយ
-​កីឡា​វូ​ស៊ូ មាន​អត្រា ៥០​ភាគរយ
-​លំ​ហាត់ប្រាណ​យោ​ហ្គា មាន​អត្រា ៤៤​ភាគរយ
-​ក្បាច់​តៃ​ជិ មាន​អត្រា ៣០​ភាគរយ
-​លោតអន្ទាក់ មាន​អត្រា ២២​ភាគរយ​។​
​មនុស្ស​ទាំងឡាយ​តែង​យល់ឃើញថា ការហូរ​ញើស​ស្រោច​ពេញ​ប្រាណ និង​ការឈឺ​ចុកចាប់​ពេញ​រាងកាយ ទើប​មាន​ប្រសិទ្ធភាព​នៃ​និមិត្តរូប​កីឡា ជា​ពិ សេស​ពួក​បុរសៗ តែងតែ​យល់ឃើញថា ការហ្វឹកហាត់ ទាល់តែ​ឡើងសាច់​ដុំ ទើបបាន​ហៅថា​ជា​គោលដៅ​នៃ​ការហ្វឹកហាត់​។ ប៉ុន្តែ​បើ​និយាយ​ពី​ជីវិត​ផ្លូវភេទ ដើម្បី​សុខភាព​ល្អ គឺ​គ្រាន់តែ​ជា​ចំណែក​មួយ​ប៉ុណ្ណោះ ហើយ​វា​ពិតមែនតែ​វា​អាច ពន្យា​ពេល​ក្នុងការ​រួមភេទ​ឲ្យ​បានយូរ​ក្តី តែ​វា​ពុំបាន​ជួយ​បង្កើន​គុណភាព​ជីវិត​ផ្លូវ ភេទ​ឡើយ ពីព្រោះ​ភាពស្វិតស្វាញ និង​ភាពរហ័សរហួន​នៃ​ចំនុច​ផ្សេងៗ ក្នុង​រាង បុរាណ ទើបបាន​ហៅថា​ជា​គុណភាព​ជីវិត​ផ្លូវភេទ​ពិតៗ​។
​ខាងក្រោម​នេះ​ជាការ​ណែនាំ​ក្នុង​ការធ្វើ​លំ​ហាត់ប្រាណ​តាម​ក្បួន “Pilates” ដើម្បី​ជួយ​បង្កើន​ជីវិត​ផ្លូវភេទ ឲ្យ​ឈានទៅដល់​កម្រិត​កំពូល ប្រកបដោយ​ជោគ ជ័យ​៖
១-​ដេក​ផ្ងារ​ដោយ​សណ្តូក​ដងខ្លួន​ឲ្យ​ត្រង់ បន្ធូរ​ភាព​តានតឹង​នៅត្រង់​ក​ញ្ចឹ​ង​-​ក និង​រក្សា​ការបត់បែន​នៃ​ឆ្អឹងទ្រនង់ខ្នង​តាមបែប​ធម្មតា បន្ទាប់មក​ត្រូវ​ដកដង្ហើម​មួយៗ និង​បញ្ចេញ​ខ្យល់​មកវិញ​។ ម្យ៉ាងទៀត​ក្នុងពេល​ជាមួយគ្នា​នោះដែរ ត្រូវ​បន្តឹង​ក្បាលពោះ​ទាំង​ងើប​ដងខ្លួន​ផ្នែក​ខាងលើ ឲ្យ​ផុតពី​កម្រាល​។​
២-​ដេក​ផ្កាប់មុខ​ដោយ​អវយវៈ​ទាំង​បួន​ផ្អឹប​ផ្ទាល់ នឹង​កម្រាល បន្ទាប់មក​ត្រូវ​បង្រួញ​សាច់​ក្បាលពោះ និង​ខំប្រឹង​បង្ហើប​ផ្ចិត ឲ្យ​ផុតពី​កម្រាល រួចហើយ​ទម្លាក់​ចុះ​យឺតៗ ដោយ​ត្រូវ​ស្រូបយក​ខ្យល់ និង​ងើប​ក្បាល រីឯ​ដើមដៃ និង​ដើមទ្រូង ត្រូវ​ឲ្យ​ហើប​ពី​កម្រាល និង​បន្តឹង​សាច់ដុំ​ខ្នង​។​
៣-​ដៃ​ទាំងពី​ត្រូវ​ច្រត់​កម្រាល និង​សណ្តូក​ចុងជើង​ត្រង់​ទៅក្រោយ បន្ទាប់មក​ត្រូវ​បណ្តឹង​ក្បាលពោះ ចង្កេះ និង​ដើមដៃ ដែល​អាចជួយ​សម្រួល​ចង្វាក់​នៃ​ការដកដង្ហើម ហើយក៏​ជា​វិធី​ដ៏​ល្អ​ប្រពៃ សម្រាប់​កែសម្រួល​សមត្ថភាព​ជីវិត​ផ្លូវភេទ​ទៀតផង​៕


​វីតាមីន D ជួយ​កាត់បន្ថយ​មហារីក​សុដន់​

យោង​តាម​ការស្រាវជ្រាវ​ថ្មី​មួយ ពី​ប្រទេស​កាណាដា បានបង្ហាញ​ថា ប្រសិន​បើ​ស្ត្រី​ទទួលទាន​វីតាមីន D និង​កាល់ស្យូម ក្នុង​របប​អាហារ នឹង​ជួយ​កាត់បន្ថយ​ការ​ប្រឈម​នឹង​មហារីក​សុដន់​។​

​ទាក់ទិន​នឹង​បញ្ហា​នេះ អ្នកជំនាញ​នៃ​មជ្ឈមណ្ឌល​ថែទាំ​មហារីក អន​តា​រី​អូ (Cancer Care Ontario) ក្នុង​ទីក្រុង​តូ​រុន​តូ (Toronto) ប្រទេស​កាណាដា បានឲ្យដឹងថា កោសិកា​សុដន់ មាន​ផ្នែក​ទទួល​វីតាមីន D ដែល​ជួយ​បង្កើន​ឱកាស​លូតលាស់​កោសិកា​សុដន់ ទើប​អាច​កាត់បន្ថយ​មហារីក​សុដន់​បាន​។ តាម​ការសិក្សា​វែកញែក​ពី​ឥទ្ធិពល​នៃ​វីតាមីន D និង​កាល់ស្យូម​ចំពោះ​ការ​ប្រឈម​មហារីក​សុដន់ រកឃើញថា ស្ត្រី​ដែល​ទទួលទាន​វីតាមីន D400 IU (​ខ្នាត​អន្តរជាតិ​) ជា​រៀងរាល់ថ្ងៃ អាច​ជួយ​កាត់បន្ថយ​ការ​ប្រឈម​នឹង​មហារីក​សុដន់​បាន​ដល់​ទៅ ២៤ ភាគរយ​។​

​អ្នកជំនាញ​ក៏​បញ្ជាក់​ផង​ដែរ​ថា វីតាមីន D មាន​សារសំខាន់​សម្រាប់​ការ​បឺត​ស្រូប​ជាតិ​កាល់ស្យូម​។ ដូច្នេះ​បើ​ស្ត្រី​ចង់​មាន​ឆ្អឹង​រឹងមាំ គួរ​ទទួល​ទាន​ទាំង​ពីរ​យ៉ាងនេះ នៅពេល​អាយុ​កាន់តែច្រើន ហើយ​អាហារ​សម្បូរ​វីតាមីន D គឺ​ទឹកដោះគោ​៕​

ឯតទគ្គកម្ម សម្រាលកូនភ្លោះ ២គូ ក្នុងពេលតែមួយ

ស្ត្រី​ជា​មាតា​ម្នា​ក់នៅ Texas អាមេរិក បាន​បង្កើត​នូវ​ស្នាដៃ​ដ៏​កម្រ ១/៧០​លាន​នាក់ គ្រា​ដែល​សម្រាល​កូនភ្លោះ ២​គូ សុទ្ធតែ​ប្រុសៗ ហើយ​ដូចគ្នា​បេះបិទ ក្នុងពេល​តែមួយ ។​
​នាង Tressa សប្បាយរីករាយ បន្ទាប់ពី​សម្រាល​បាន​បុត្រា​៤​នាក់ ចំ​ថ្ងៃបុណ្យ​នៃ​ក្តី​ស្រឡាញ់ (១៤/២)
​ស្ត្រី​ជា​ម្តាយ Tressa Montalvo អាយុ​៣៦​ឆ្នាំ បាន​បង្កើត​កូនប្រុស​ភ្លោះ​៤​នាក់ តាមរយៈ​ការវះកាត់​នៅ​សប្តាហ៍​ទី​៣១ នៃ​គភ៌ នា​មន្ទីរពេទ្យ​សម្ភព Texas Houston (​អាមេរិក​) ។ នេះ​បើតាម​របាយការណ៍​ចំពោះ​អ្នកសារព័ត៌មាន​របស់​មន្ទីរពេទ្យ ។​
​នាង Tressa និង​ស្វាមី​លោក Manuel Montalvo Jr ឲ្យ​ដឹងថា ពួកគេ​ពុំបាន​ប្រើ​ឱសថ​ជំនួយ​ណាមួយ​ឡើង ដោយ​គ្រាន់តែ​ប៉ងប្រាថ្នា​បង្កើត​បន្ថែម​បានកូន​ប្រុស​ឬ​ស្រី​ម្នាក់ គ្រាន់​មាន​គ្នា​លេង​ជាមួយ​កូនច្បង ដែល​អាយុ​បាន​២​ឆ្នាំ​ហើយ ។​
​នៅពេលដែល Tressa មានគភ៌​ដល់​សប្តាហ៍​ទី​១០ វេជ្ជបណ្ឌិត​ប្រាប់ថា នាង​មានគភ៌​ភ្លោះ ។ រហូត​ដល់ពេល​ពិនិត្យ​គភ៌​បន្ត វេជ្ជបណ្ឌិត​ប្រាប់ថា មាន​សង្វាក់​បេះដូង​៣ ។ ក្រោយមក​គ្រួសារ​របស់​នាង​បានទទួល​ព័ត៌មាន​បន្ថែមថា នាង​មាន​បុត្រ​ដល់​ទៅ​៤ ហើយ​ជា​កូន​គភ៌​ភ្លោះ ២​គូ ឯណោះ ។​
​ក្មេងប្រុស​ឈ្មោះ Ace និង Blaine បានកើត​នៅវេលា​ម៉ោង ៨​និង​៥១​នាទី ព្រឹក​ថ្ងៃទី​១៤/២ មាន​ទម្ងន់ ១,៦៤kg និង ១,៧៩kg ។ ១​នាទី​ក្រោយមក​កូន​ទី​៣ Cash និង​ទី​៤ Dylan ក៏បាន​ចេញផុត​ពី​គភ៌​ម្តាយ ដែលមាន​ទម្ងន់ ១,៣៣kg និង 1,53kg ។​
​យើងខ្ញុំ​ដាក់ឈ្មោះ​កូន​តាម​ព្យញ្ជនៈ A , B , C , D ។ យើងខ្ញុំ​ចង់បាន​១ តែ​ព្រះ​បាន​ប្រទាន​ដល់​ទៅ​៤ ឯណោះ ,​នាង Tressa ពោល ។​
​ស្វាមី​របស់​នាង​ប្រកាសថា ពួកគេ​ពុំទាន់​បញ្ឈប់​ការ​មានកូន​ទេ ព្រោះ​ចង់បាន​កូនស្រី​ម្នាក់ ៕​M

​ជំងឺ​រលាក​សន្លាក់ នឹង​ត្រូវបាន​ព្យាបាល​ជា​ទាំងស្រុង​

​រលាក​សន្លាក់​ជា​ជំងឺ​ពិបាក​ព្យាបាល , អ្នកជំងឺ​មានតែ​វិធី​ផ្លាស់​សន្លាក់ ឬ​លេបថ្នាំ​បន្ថយ​ឈឺចាប់ ។ តែ​គម្រោងការ​ថ្មី​តម្លៃ ៩ លាន​អឺរ៉ូ​របស់​គណៈកម្មការ​អឺរ៉ុប (EC) , អាចធ្វើ​ឲ្យ​ស្ថានភាព​មានការ​ប្រែប្រួល​ទាំងស្រុង ។​
​គម្រោងការ​ផ្អែកលើ​ការស្រាវជ្រាវ​កោសិកា​ពន្លក​យក​ពី​សរីរាង្គ​អ្នកជំងឺ​ផ្ទាល់ ។ កោសិកា​ត្រូវបាន​យក​ពី​ជាលិកា​ខ្លាញ់ រួច​នាំចូល​ទៅកាន់​សន្លាក់​, ដែល​នៅ​កន្លែង​នេះ​វា​ចាប់ផ្តើម​បង្កើត​ឡើងវិញ​នូវ​ឆ្អឹងខ្ចី ។ ការពិសោធន៍​ជាក់ស្តែង​ថ្មី​បំផុត​ទទួលបាន​ជោគជ័យ និង​បង្ហាញថា នេះ​ជា​ដំណោះស្រាយ​ជាក់ស្តែង​បង្ការ​រលាក​សន្លាក់ ។​
​ក្នុង​រយៈពេល ៥ ឆ្នាំ​ខាងមុខ , វេជ្ជបណ្ឌិត​នឹង​អាច​ចាក់​កោសិកា​ទៅក្នុង​សន្លាក់​ជង្គង់​អ្នកជំងឺ ។ សាស្ត្រាចារ្យ ហ្វ្រេ​ង ប៊ែ​រី​(Frank Berry) នាយក​បច្ចេកទេស​វិទ្យាស្ថាន​វេជ្ជសាស្ត្រ​បង្កើត​ជាថ្មី​អាយ​លៀន (Ailen) សង្កត់ធ្ងន់ថា ៖ "​អ្នកជំងឺ​នឹង​ជាសះស្បើយ​ជា​ស្ថាពរ​" ។​
​ពត៌មាន​រីករាយ​មួយទៀត​ចំពោះ​អ្នកជំងឺ​រលាក​សន្លាក់​គឺ​ថ្មីៗ​នេះ​ពួក​ជំនាញការ​នៅ Ailen ក៏បាន​រកឃើញ​លក្ខណៈ​ពិសេស​របស់​ថ្នាំ Spironolacton ដែលមាន​តម្លៃថោក ដែល​ត្រូវបាន​ប្រើ​សម្រាប់​ព្យាបាល​ជំងឺលើសឈាម និង​ខ្សោយបេះដូង , ការពិត​វា​នៅ​ជួយ​បន្ថយ​ការឈឺ​បន្ទាន់​សម្រាប់​អ្នកជំងឺ​រលាក​សន្លាក់​ដោយ​មិន​បង្ក​ឥទ្ធិពល​បន្ទាប់បន្សំ​ណាមួយ​ឡើយ ។​
​គេ​បានដឹងថា Spironolacton រារាំង​អ័រម៉ូន aldosterone មាន​ពាក់ព័ន្ធ​ដល់​ជំងឺ​រលាក​សន្លាក់ ទន្ទឹម​នោះ Spironolacton នៅ​ធ្វើ​ឲ្យ​កើន​កម្រិត Cortisol ដែល​ជួយ​បន្ថយ​ការឈឺចាប់ ។​
​ពួក​អ្នកវិទ្យាសាស្ត្រ Ailen ចាត់ទុកថា Spironolacton អាច​ជំនួស​ថ្នាំ​បន្ថយ​ការឈឺចាប់​នាពេល​បច្ចុប្បន្ន ហើយ​ពួកគេ​គ្រោង​ពិសោធន៍​ថ្នាំ​នេះ​លើ​ទ្រង់ទ្រាយ​ធំ​ជាង ៕M/T/L​

អាថ៌កំបាំងរបស់អ្នកមិនដែលឈឺ

ដំបូន្មាន និង​ទម្លាប់​សាមញ្ញៗ​ខាងក្រោម​នេះ​នឹង​ជួយ​អ្នក​បញ្ចៀស​បាន​គ្រុន​រងា ផ្តាសាយ​យូរថ្ងៃ និង​ជំងឺ​ទាំងឡាយ​ពាក់ព័ន្ធ​ពេល​ធាតុអាកាស​ប្រែប្រួល​ខុស​ប្រក្រតី ។​
-​ម៉ាស្សា​ជាប្រចាំ​
​ម៉ាស្សា​ទូទាំង​ខ្លួនប្រាណ​ជួយ​បន្ថយ​តានតឹង ធ្វើ​ឲ្យ​សម្ពាធ​ឈាម និង​ចង្វាក់បេះដូង​ស្ថិរភាព ទន្ទឹម​នោះ​បន្ថយ​ស្ត្រេ​ស ជា​កូនសោ​មួយ​ក្នុងចំណោម​កូនសោ​សំខាន់ៗ​ដើម្បី​បង្កើន​សមត្ថភាព​អង្គ​បដិបក្ខ​ឲ្យ​សរីរាង្គ ។​
​ពុំមាន​ការបញ្ជាក់​វិទ្យាសាស្ត្រ​ណា​អំពី​កម្រិត​ជាប្រចាំ​ដែល​អ្នក​ត្រូវ​ម៉ាស្សា ប៉ុន្តែ​អ្នកជំនាញការ​ទូន្មាន​អ្នក​គួរ​អនុវត្ត​មួយខែ​ម្តង អាច​ច្រើនជាង​ប្រសិន​សរីរាង្គ​អ្នក​ចង់ និង​ធានា​ហិរញ្ញវត្ថុ ។ អ្នក​ក៏ត្រូវ​យកចិត្តទុកដាក់ ម៉ាស្សា​ខ្លាំងពេក​អាចធ្វើ​ឲ្យ​ឈឺ និង​របួស​ផ្សេងៗ​ដល់​សរីរាង្គ ។​
-​ងូតទឹក​ត្រជាក់​
​ក្នុង​ធាតុអាកាស​ត្រជាក់​នៅ​រដូវរងា ចូរ​អ្នក​ប្រឹងប្រែង​ងូតទឹក​ត្រជាក់ ព្រោះ​វា​ពុំ​សូវ​ធ្វើ​ឲ្យ​អ្នក​បាត់បង់​ថាមពល បន្ថយ​រោគសញ្ញា​ឈឺ​មួយ​ចំហៀង​ក្បាល បង្កើន​ចរាចរ​ឈាម និង​បន្ថយ​ឈឺចាប់​យ៉ាង​ប្រសិទ្ធិភាព ។ ប៉ុន្តែ​ប្រសិន​អ្នកមាន​បញ្ហា​អំពី​បេះដូង ចូរ​ប្រយ័ត្នប្រយែង ព្រោះ​ទឹក​ត្រជាក់​អាចធ្វើ​ឲ្យ​អ្នក​ថយចុះ​សម្ពាធ​ឈាម​ប្រថុចញ៉ុច ។​
-​ប្រើ​ខ្ញី​ច្រើនជាង​
​ខ្ញី​កម្ចាត់​ជំងឺ​ពាក់ព័ន្ធ​ដល់​ផ្លូវ​រំលាយ​អាហារ រួមមាន​ទល់លាមក ។ សារជាតិ​ចម្រុះ​ក្នុង​ខ្ញី​ជួយ​រំញោច​រំលាយ​អាហារ ជួយ​បន្លាស់​ទី​អាហារ​តាមផ្លូវ​រំលាយ​អាហារ​ប្រសិទ្ធភាព​ជាង ។ អ្នក​អាច​បន្ថែម​ខ្ញី​ស្រស់​ទៅក្នុង​ទឹកតែ ឬ​ទទួលទាន​ផ្ទាល់​ក្នុង​ពេលបាយ ។​
-​លាងដៃ​
​តាម​មជ្ឈមណ្ឌល​គ្រប់គ្រង​និង​បង្កា​ជំងឺឆ្លង (Centerns for Disease Control and Prevention) លាងដៃ​ជា​វិធានការ​មួយ​ក្នុងចំណោម​វិធានការ​បង្កា​ជំងឺ​សាមញ្ញ​បំផុត បញ្ចៀស​ពពួក​បាក់តេរី​បង្ក​គ្រោះថ្នាក់​ដូចជា E-coli និង Salmonella មូលហេតុ​បង្ក​ជំងឺ​ពី​អាហារ ។​
​លាងដៃ​ជាមួយ​សាប៊ូ និង​ទឹក​ឧណ្ណៗ​ជាប្រចាំ​ក្នុង​រយៈពេល​តិច​បំផុត​២០​នាទី បន្ទាប់មក​អ្នក​អាច​ជូត​ស​ម្ងួ​ត​ដោយ​កន្សែង ក្រដាស់ ឬ​កន្សែងដៃ​សម្រាប់​សមាជិក​ក្នុង​គ្រួសារ​ម្នាក់ៗ ។​
-​បង្កើន​វីតាមីន C និង ស័ង្កសី​
​វីតាមីន C ជួយ​បន្ថយ​អប្បរ​មា​ភាព​តានតឹង ហើយ​រួមជាមួយ​ស័ង្កសី​ទប់ស្កាត់​គ្រុន​រងារ ។ បំពេញ​វីតាមីន C (​ប្រមាណ​៥០០mg ក្នុង​១​ថ្ងៃ​) ភ្លាម​ពេល​អ្នកមាន​សញ្ញា​គ្រុន​រងា ។ ក្រៅពីនេះ អ្នក​អាច​ប្រើ​ថ្នាំ​គ្រាប់​ស័ង្កសី​ពេល​ត្រូវ​គ្រុន​រងា​តាម​ការណែនាំ​របស់​វេជ្ជបណ្ឌិត ។​
-​បន្ថែម​ខ្ទឹមស​ទៅក្នុង​របប​ទទួលទាន​
​ខ្ទឹមស​សម្បូរ​សារជាតិ​ប្រឆាំង​អុកស៊ីតកម្ម បង្កើន​សមត្ថភាព​អង្គ​បដិបក្ខ និង​ប្រឆាំង​រលាក​ប្រសិទ្ធភាព​។ ក្រៅពី​បង្កើន​សមត្ថភាព​ទប់ទល់​ឲ្យ​សរីរាង្គ​ប្រឆាំង​តប​ជំងឺ​រាល់ថ្ងៃ ខ្ទឹមស​នៅ​ជួយ​ប្រឆាំង​មហារីក និង​ធានា​សុខភាព​ប្រព័ន្ធ​សរសៃឈាម​បេះដូង ។ ប្រសិន​អ្នក​បារម្ភ​ពី​ក្លិន និង​ដង្ហើម​ដោយសារ​ការទទួល​ទាន​ខ្ទឹមស នោះ​ផលិតផល​ចម្រាញ់​ពី​ខ្ទឹមស​ក៏​ជា​ជម្រើស​ដ៏​ល្អ​មួយ​ដែរ ។​
-​ត្រិះរិះ​សកម្ម​ជាង​
​តំបន់​ខួរក្បាល​ពាក់ព័ន្ធ​ជិតស្និទ្ធ​ជាមួយ​ប្រព័ន្ធ​ការពារ​សរីរាង្គ និង​អម​ជាមួយ​អាកប្បកិរិយា​សកម្ម ដើម្បី​ផលិត​បរិមាណ​ដ៏​ច្រើន​នៃ​អង់ទីគ័រ​ប្រឆាំង​ផ្តាសាយ ។ ពេល​អ្នក​ត្រិះរិះ​សកម្ម តិច​បំផុត​អ្នក​អាច​ផ្លាស់ប្តូរ​ទង្វើ​របស់ខ្លួន​ប្រែជា​ល្អ​ជាង ៕​M

ស្ត្រី​គួរ​យល់​ដឹង​អំពី​ជំងឺ​ធ្លាក់​ស​

ធ្លាក់ស​ជា​បញ្ហា​មួយ​ក្នុងចំណោម​បញ្ហា​ទាំងឡាយ ទាក់ទង​ទៅនឹង​សុខភាព​ជីវសាស្ត្រ ដែល​ត្រូវ​ការចាប់អារម្មណ៍​បំផុត ។ ធ្លាក់​ស វិវត្តន៍​ទៅ​ទន្ទឹម​នឹង​ពេល​ប្រដាប់​ភេទស្ត្រី មាន​សកម្មភាព​រាប់​ចាប់​តាំងពី​អាយុ គ្រប់ការ​រហូត​ដល់​វយ័​ចំណាស់ ហើយ​ពិសេស​មាន​ទំនាក់ទំនង​ជាមួយ​នឹង​ជំងឹ​ផ្លូវភេទ​តែម្តង ។​
នៅពេល​ផ្នែក​ជីវសាស្ត្រ​ដំណើរការ​ទៅ​បែប​ប្រក្រតី សារធាតុ​រំអិល​តែងតែ​ហូរ​ចេញ​មក​ធម្មតា​ពី​រន្ធ​យោ​នី ដូច​ផ្នែក​ពណ៌​ស នៃ​ស៊ុត​យ៉ាង​ដូច្នោះ​ហើយ​មាន​ក្លិនឆ្អាប​បន្តិច ។ នេះ​ហៅថា វត្ថុ​រាវ​ជីវសាស្ត្រ ដែល​ផ្សើម​យោនី​ជា​អចិន្ត្រៃយ៍ ។ សារធាតុ​រាវ​ថ្លា​ដែល​ហូរ​ចេញ​មក​នេះ​មាន​ក្លិនឆ្អាប​ខ្លាំង ឬ​តិច​បរិមាណ​ហូរ​មក​ច្រើន ឬ​តិច​ក៏​អា​ស្រយ័​ទៅ​ដោយ​បរិមាណ​នៃ​អរ័​ម៉ូ​ន អេ​ស្ត្រូ​ហ្សេ​ន “Estrogen” ដែល​មាន​នៅក្នុង​រូប​កាយ​របស់​ស្ត្រី​នោះ​ហើយ ។​
ឧទាហរណ៍ : នៅពេល​ដែល​កុមារី​នៅ​មាន​អាយុ​តិច​នៅឡើយ ហើយ​ប្រដាប់ភេទ​ក៏​មិន​ទាន់​លូតលាស់​គ្រប់លក្ខណៈ បើ​ពិនិត្យ​មើល​ក្នុង​រន្ធ​យោនី​របស់​ក្មេងស្រី​នោះ ក៏​មិន​ឃើញ​មាន​ជាតិ​សំណើម ជា​វត្ថុ​រាវ​មាន​ពណ៌​ស​ថ្លា​នោះដែរ ។ ដល់​មាន​អាយុ​គ្រប់កា​រហើយ​សំបុ​កពង (Ovary) ក៏​រីក​លូតលាស់ ហើយ​ប្រែប្រួល​បន្តិច​ម្តងៗ ជាមួយនឹង​ការផលិត​នូវ​សារធាតុ​រំញោច​ផ្លូវភេទ ធ្វើឲ្យ​ប្រដាប់​បន្ត​ពូជ (​យោ​នី​) ផលិត​ចេញ​មក​នូវ​ជាតិ​រំអិល ដែល​ហៅថា វត្ថុ​រាវ​ពណ៌​ស ។​
អាយុ​កាន់តែ​ពេញ​វយ័ (​អាច​រៀប​ការ​បាន​មាន​គូស្រករ ឬ​និយាយឲ្យចំ​ឈាន​ចូល​ដល់​វយ័​បង្ក​កំណើត​បាន ឬ​មាន​ម​ត្ថភាព​ទទួលការ​រួមរក័បា​ន​) សំបុ​កពង (Ovary) ក៏​មាន​លក្ខណៈ​គ្រប់គ្រាន់ ។ ចាប់ពីពេលនោះ​មក រៀងរាល់​ខែ​តែងតែ​បញ្ចេញ​អរ័​ម៉ូន “Estrogen” និង “Progesteron” ។ ដោយសារតែ​ហេតុនេះហើយ​ទើបបានជា “​ធ្លាក់​ស​” តែងតែ​មាន​ការប្រែប្រួល​ទៅតាម​វិវត្តន៍ នៃ​រដូវ​ប្រចាំខែ (Menstrual cycle) ដែល​នាំ​ឲ្យ​ធ្លាក់​ស​នោះ មានមក​តិច ឬ​ច្រើន ។ នៅក្នុង​វិវត្តន៍​ដំបូង​ប្រចាំខែ (​ពេល​មក​ខែ​) ពេល​ដែល​ប​រី​មាណ​អរ័​ម៉ូន Estrogen ផលិត​បាន​ច្រើន ដោយសារ​តែ​មាត់ស្បូន​ផលិត​វត្ថុ​រាវ​មក​ច្រើន ទើប​បរិមាណ​វត្ថុ​រាវ​នោះ​កាន់តែ​កើនឡើង ដែល​នាំឲ្យ​គេ​សង្កេតមាន​ជាតិ​រំអិល ហូរ​ចេញ​មក​កក្លាក់​ដូច​ផ្នែក​ពណ៌​ស​នៃ​ស៊ុត​សត្វ មាន​សភាព​អន្លាយ​ស្អិតៗ ។ ជាពិសេស​នៅ​មុន​ពេល​ពង​អូវុល​ធ្លាក់ចុះ​មក​ប្រមាណ​ពី ១២-២៤ ម៉ោង សារធាតុ​រាវ​នេះ​ក៏​ចេះ​តែ​ហូរ​ចេញ​មក​ច្រើន​លើស​មុន ។ ដោយសារ​តែ​ដូច្នេះ ហើយ​ទើប​ស្ត្រីភេទ​តែងតែ​ទទួល​អារម្មណ៍​ថា ទ្វារមាស​របស់​នាង​សើម​ជោក​ជានិច្ច ។ ក្រោយពេល​អូវុល​ធ្លាក់​មក​ហើយ បរិមាណ​អរ័​ម៉ូន Progesterone នោះ ក៏​កាន់តែ​កើនឡើង​ថែម​ទៀត នៅពេល​នោះ​ធ្លាក់ស​ក៏​មាន​ទឹក​ខាប់ ដូចជា​ទឹកដោះគោ​ស្អិត​បន្តិច ។​
ក្រៅពី​មាន​សភាព​ដូច​ខាងលើ​នោះ ពេល​ចាប់ផ្តើម​មានគភ៌​ហើយ​នោះ បើ​ធ្វើការ​ធ្ងន់ ឬ​ក្នុង​ករណី​កើត​អារម្មណ៍​ស្រៀវ​ស្រើប​ចង់​រួមរក័ វត្ថុ​ធាតុ​រាវ​ហៅថា ធ្លាក់ស​នោះ ក៏​កាន់តែ​ហូរ​មក​ច្រើនឡើង​ថែម​ទៀត រហូតដល់​ពេល​ខ្លះ​ហូរ​ធ្លាក់​មក​ស្អិត​អន្លាយ ដូច​ប្រេងម៉ាស៊ីន ខាប់​មក​ក្រៅ​ទ្វារមាស ។ ដូច្នេះ​ហើយ​នៅពេល​ជីវសាស្ត្រ មាន​ភាព​ជា​ប្រក្រតី​នោះ ធ្លាក់ស​អាច​មាន​ច្រើន ឬ​តិច រាវ ឬ​ខាប់ មាន​ការប្រែប្រួល​តែ​បន្តិចបន្តួច​ប៉ុណ្ណោះ ហើយ​បើ​និយាយ​ជាមួយ​វិញ មិន​មាន​បញ្ហា​អ្វី​ដែល​នាំឲ្យ​ប៉ះពាល់​ដល់​សុខភាព ឬ​មិន​មាន​ជំងឺ​អ្វី​កើត​មាន​ឡើយ​ចំពោះ​ស្ត្រី​នោះទេ ៕

ទម្លាប់​អាក្រក់​ៗទាំងឡាយ​មាន...ប្រយោជន៍សម្រាប់សុខភាព

- ខាំ​ក្រចកដៃ​ធ្លាប់​ត្រូវបាន​ចាត់ទុកថា ជា​ទម្លាប់​អាក្រក់ និង​មាន​គ្រោះថ្នាក់​សម្រាប់​សុខភាព តែ​វា​ពិតជា​ល្អ បណ្ឌិត Hilary Longhurst នៅ​មជ្ឈមណ្ឌល​ប្រឹក្សា​អង្គ​បដិបក្ខ NHS Trust អង់គ្លេស​ឲ្យ​ដឹង​។ លើកលែងតែ​ដៃ​របស់​អ្នក​កខ្វក់ លោក​ឲ្យ​ដឹងថា "​ខាំ​ក្រច​កដៃ​ជា​ប្រតិកម្ម​ធម្មជាតិ​មួយ​របស់​ការវិវត្តន៍ ព្រោះ​ក្នុង​យុគ​បុរាណ យើង​ពុំមាន​ឧបករណ៍​កាត់​ក្រចក អាស្រ័យហេតុនេះ ខាំ​ក្រចកដៃ​ជា​វិធី​តែមួយគត់​ដែល​យើង​បន្ថយ​ប្រវែង និង​ទប់ស្កាត់​វា ធ្វើ​ឲ្យ​របួស​ខ្លួនឯង​" ។​

 

 

 

 

 

 

 

- តើ​ជា​ប្រតិកម្ម​ធម្មតា​មួយ​របស់​ប្រព័ន្ធ​រំលាយ​អាហារ ជួយ​រំដោះ​អាស៊ីត​ក្នុង​ក្រពះ បណ្ឌិត Nick Read នៅ​មជ្ឈមណ្ឌល​ប្រឹក្សា​រំលាយ​អាហារ IBS ឲ្យ​ដឹង​។ ប្រសិន​អ្នក​មិន​ភើ និង​ឲ្យ​ឧស្ម័ន​ផ្តុំ​ក្នុង​ក្រពះ ប្រការនេះ​អាច​បង្ក​ជា​ជំងឺ​ភើ​ក្តៅ មិនតែប៉ុណ្ណោះ បង្ក​ការ​កន្ត្រាក់​ដើមទ្រូង​។​

 

 

 

- កាច់​សន្លាក់​ម្រាមដៃ មាន​ប្រសិទ្ធិភាព​ធ្វើ​ឲ្យ​សន្លាក់ឆ្អឹង របស់​អវៈយវៈ​រហ័សរហួន​ជាង​។ តាម​បណ្ឌិត Chris Edwards ជំនាញការ​ខាង​ឆ្អឹងសន្លាក់​នៅ​មន្ទីរពេទ្យ Southampton ឲ្យ​ដឹង​។​

 

 

 

 

 

 

 

 

- ផោមៈ កើតចេញពី​ការឡើង​មេ​ប្រូតេអ៊ីន និង​កាបូ​អ៊ី​ដ្រា​ត​។ ផោម ជួយ​បន្ថយ​ការ​តឹង​ពោះ ពិសេស​ចំពោះ​អ្នកជំងឺ​ពោះវៀន​រំញោច​។​

 

 

 

 

 

 

- ទទួលទាន​លើ​គ្រែៈ ការស្រាវជ្រាវ​ថ្មី​បំផុត​បង្ហាញថា ទទួលទាន​លើ​គ្រែ អាច​ជំនួយ​រំលាយ​អាហារ ។ ប៉ុន្តែ ចូរ​ប្រាកដថា អ្នក​អង្គុយ​ត្រង់​ខ្នង​ពេល​ទទួលទាន​។​

 

 

 

 

- ស្តោះ​ទឹកមាត់ៈ អាចជា​ទម្លាប់​ស្មោគគ្រោក តែ​សកម្មភាព​នេះ​ជួយ​មាត់ និង​បំពង់​.​ក ផលិត​អង់​ហ្ស៊ី​ម ប្រសិទ្ធិភាព​ជាង​, តាម​បណ្ឌិត John Dickinson សាស្ត្រាចារ្យ​នៅ​សាកលវិទ្យាល័យ Kent ៕​M

គួរទទួលទានអ្វីនៅពេលយប់ ដើម្បីកុំឲ្យឡើងទម្ងន់?

​ការងារ​រវល់​អ្នក​ត្រូវ​អត់ងងុយ​ដល់​យប់​ជ្រៅ ។ ដើម្បី​បំពេញ​ថាមពល​ឲ្យ​សរីរាង្គ អ្នក​អាច​ទទួលទាន​អាហារ​ស្រាលៗ​មួយចំនួន ដែល​ល្អ​សម្រាប់​សុខភាព​ផង និង​មិន​បណ្តាល​ឲ្យ​ឡើង​ទម្ងន់​ផង ។​
-​ស៊ុតមាន់​
​តាម​ការស្រាវជ្រាវ​រប​ស់​ពួក​អ្នកវិទ្យាសាស្ត្រ ទទួលទាន​ស៊ុតមាន់​នៅពេល​យប់​ពុំ​ត្រឹមតែ​មិន​បង្ក​គ្រោះថ្នាក់​ចំពោះ​សុខភាព​ប៉ុណ្ណោះ​ទេ តែ​ផ្ទុយ​មកវិញ ស៊ុតមាន់​ជា​ប្រភព​បំពេញបន្ថែម​ជីវជាតិ ថាមពល​សម្រាប់​ប្រព័ន្ធ​សរសៃប្រសាទ ជួយ​រក្សា​ភាពភ្លឺស្វាង​សម្រាប់​អ្នកធ្វើការងារ​ខួរក្បាល ។​
-​ទឹករ៉ែ​
​មុនពេល​ទទួលទាន អ្នក​ត្រូវ​ដាំ​កម្តៅ​ប្រមាណ​ពី ៣-៥​នាទី ។ មូលហេតុ​គឺ​ដោយសារ​ពេល​ដាំ ពពួក​សារជាតិ​បង្ក​គ្រោះថ្នាក់​មាននៅ​ក្នុង​ទឹក​ដូចជា​ក្លរួ នី​ទ្រី​ត នឹងត្រូវ​កំទេច ។ ទទួលទាន​ទឹក​ពេលធ្វើការ​ពេលយប់​នឹង​ជួយ "​លាប​រំអិល​" សកម្មភាព​របស់​ប្រព័ន្ធ​សរសៃប្រសាទ និង​បង្កើន​ថាមពល​ភ្នែក ធ្វើ​ឲ្យ​អ្នក​ប្រែជា​ភ្លឺស្វាង​ជាង ។​
-​បន្លែ មើម​
​បន្លែ មើម សម្បូរ​វីតាមីន សារជាតិ​រ៉ែ និង​ជីវជាតិ​ចាំបាច់​សម្រាប់​សរីរាង្គ ទន្ទឹម​នោះ​មាន​ផ្ទុក​ទឹក ដូច្នេះ​អ្នកនឹង​ពុំមាន​អារម្មណ៍​ស្រេកទឹក ។ បន្លែ មើម ពុំ​សូវ​មាន​កាឡូរី និង​ជាតិ​ខ្លាញ់ ដូច្នេះ​ទទួលទាន​ច្រើន​ក៏​មិន​បារម្ភ​ពី​ការឡើង​ទម្ងន់ ។​
​អាហារ​កែច្នៃ​ពី​បន្លែ​បៃតង នឹងមាន​ប្រយោជន៍​សម្រាប់​ប្រព័ន្ធ​រំលាយ​អាហារ និង​បង្ក​ការ​ស្តុក​ទុក​ថាមពល បង្ក​ជា​ជំងឺ​ធាត់ ។​
-​ធញ្ញជាតិ​នៅ​ទាំង​គ្រាប់​
​នេះ​ជា​អាហារ​សម្បូរ​កាបូ​ស៊ី​ដ្រា​ត​ជួយ​បង្កើន​បរិមាណ Tryptophan អាស៊ីត​មួយ​បង្កើត Serotonin ។​
-​ទឹកដោះគោ​ក្តៅ​
​មុនពេល​ចូល​គេង​ទទួលទាន​ទឹកដោះ​ក្តៅ​១​កែវ នឹង​ជួយ​ឲ្យ​គេង​លក់​ស្រួល​ជាង និង​ស្កប់​ជាង ។ ព្រោះ​ទឹកដោះ​មាន​ផ្ទុក Tryptophan សារជាតិ​មួយ​មាន​ឥទ្ធិពល​ធ្វើ​ឲ្យ​ងងុយគេង ។ ទឹកដោះគោ​ក្តៅ​១​កែវ​មុនពេល​ចូល​គេង​នឹងមិន​ធ្វើ​ឲ្យ​យើង​ឡើង​ទម្ងន់ តែ​នឹង​បំពេញ​កាល់ស្យូម​ឲ្យ​សរីរាង្គ ៕M

បរិភោគ​ត្រី​អំឡុង​មាន​ផ្ទៃពោះ​កាត់បន្ថយ​រោគ​សោកសៅ​ក្រោយ​ឆ្លងទន្លេ​

ការបរិភោគ​ត្រី​ក្នុងអំឡុង​ការ​មាន​ផ្ទៃពោះ អាច​ជួយ​កាត់បន្ថយ​ឱកាស នៃ​ការ​កើតរោគ​តប់ប្រមល់​របស់​ស្ត្រី​ក្រោយ​ពេល​ឆ្លងទន្លេ ។ ការស្រាវជ្រាវ​ថ្មី​មួយ​បាន
អះអាងថា អាស៊ីដ​ខ្លាញ់​អូ​មេហ្គា​-៣ ដែល​មាន​ច្រើន​នៅក្នុង​ត្រី​សម្បូរ​ខ្លាញ់ ដូចជា​ត្រី​សាល់​ម៉ុង​ជា​ដើម​នោះ អាច​ការពារ​ប្រឆាំងនឹង​រោគ​សោកសៅ​របស់​ស្ត្រីបន្ទាប់​ពី​សម្រាលកូន​ហើយ ។ ការទទួល​បាន​សារធាតុ​អូ​មេហ្គា​-៣ គ្រប់គ្រាន់​នៅ​ពេល​ពពោះ​អាច​ផ្តល់​នូវ​ភាព​ប្រ​សើរ​ឡើង​ខាង​សុខភាព​ផ្លូវចិត្ត ។​
ស្ត្រី​ជា​ម្តាយ​ថ្មីថ្មោង​ចំនួន ១៣ ភាគរយ កើតរោគ​សោកសៅ​ក្រោយ​ពេល​សម្រាល់កូន ហើយ​ក្នុង​ករណី​ធ្ងន់​រោគ​នេះ កើត​ឡើង​រហូត​ដល់​ទៅ​មួយ​ឆ្នាំ បើ​ទោះ​ជា​ស្ត្រី​ជា​ម្តាយ​នោះ​ទទួល​បាន​ការផ្តល់​យោបល់ និង​លេបថ្នាំ​ក៏ដោយ ។ ទោះបីជា​យ៉ាងណា​ក៏ដោយ ការទទួល​បាន​ខ្លាញ់ត្រី​ច្រើន​ពេក​ពេល​មាន​គភ៌ អាច​ផ្តល់​ផល​អាក្រក់​ដល់​ការវិវត្ត​របស់​ទារក ដូច្នេះហើយ​បានជា​អ្នកជំនាញ​និយាយថា វា​ជា​រឿង​ចាំបាច់​ណាស់​ដែល​ស្ត្រី​ជា​ម្តាយ​ត្រូវតែ​ព្យាយាម​ធ្វើឲ្យ​មាន​តុល្យភាព ក្នុង​ការទទួល​បាន​ជាតិអូមេ​ហ្គា​-៣នេះ ។​
នៅ​ក្នុង​ការស្រាវជ្រាវ​មាន​ស្ត្រី​ចូលរួម​ចំនួន ៤២ នាក់ ត្រូវបាន​គេ​ចែក​ជា​ពីរ​ក្រុម ។ ក្រុម​ទី​មួយ​មាន ២៦ នាក់ លេបថ្នាំ​ខ្លាញ់ត្រី​មាន​ផ្ទុក​ជាតិ​អូ​មេហ្គា​-៣ DHA ចំនួន ៣០០ មិល្លីក្រា​ម មួយ​សប្តាហ៍ ៥ ដង ចាប់ពី​សប្តាហ៍​ទី ២៤ នៃ​ការ​មាន​គភ៌ ។ ចំណែកឯ​ក្រុម​មួយ​ទៀត​ប្រើប្រាស់​ថ្នាំ​ធម្មតា ។ បន្ទាប់​ពី​ទារករបស់​ពួកគេ​ចាប់កំណើត ស្ត្រី​លេបថ្នាំ​ដែល​មាន​ផ្ទុក​ជាតិ​អូ​មេហ្គា​-៣ ទទួលបាន​ពិន្ទុ​ល្អ​ជាង​នៅក្នុង​កម្រង​សំណួរ​ដែល​គេ​បង្កើតឡើង ដើម្បី​ពិនិត្យមើល​រោគសញ្ញា​សោកសៅ​ក្រោយ​ពេល​សម្រាលកូន ។​
អ្នក​ស្រាវជ្រាវ​នៅ​សាកលវិទ្យាល័យ Connecticut អ្នកស្រី​បណ្ឌិត មី​សែ​ល ប្រា​យ ចា​ត (Michelle Price Judge) និយាយថា ‹​ការទទួល​បាន​ជាតិ​អូ
មេហ្គា​-៣ DHA ក្នុង​អំឡុង​ពេល​មាន​ផ្ទៃពោះ​ក្នុង​កម្រិត​ដ៏​សមរម្យ​គឺ​អាច​កាត់បន្ថយ​រោគសញ្ញា នៃ​ការ​កើតរោគ​សោកសៅ​បន្ទាប់​ពី​ សម្រាលកូន​ហើយ​› ។​
ថ្នាំ​ជំនួយ​ជាតិ​អូ​មេហ្គា​-៣ អាច​លេប​បាន​នៅពេល​មាន​ផ្ទៃពោះ ប្រសិនបើ​ថ្នាំ​ទាំងនោះ​ មិន​មាន​ផ្ទុក​វីតាមីន A ទេនោះ ។ ប៉ុន្តែ​អ្នកស្រី​បណ្ឌិត​បាន​បន្ថែមថា ស្ត្រី
មួយ​ចំនួន​ចូលចិត្ត​លេបថ្នាំ ដើម្បី​ទទួលបាន​ ជាតិ​អូ​មេហ្គា​-៣ ប៉ុន្តែ​តាម​ពិត ការហូប​ត្រី​ គឺ​វា​មាន​ជាតិ​បំប៉ន​ច្រើនជាង ៕



កើតជំងឺទឹកនោមផ្អែមប្រភេទ២ ងាយកើតបន្ថែមមហារីកឈាម

តាម​ការស្រាវជ្រាវ​១​ត្រូវបាន​ប្រកាស​លើ​ទស្ស​នាវ​ដ្តី Nature Genetics ថ្ងៃទី​១៤/៧ គុណវិបត្តិ​អំពី DNA របស់​អ្នក​កើត​ជំងឺ​ទឹកនោមផ្អែម​ប្រភេទ​២​អាច​បកស្រាយ​ហេតុអ្វី​ពួកគេ​បែរជា​ងាយ​កើត​ជំងឺមហារីក​ឈាម​ជាង​អ្នកដទៃ ។​
​ក្រោយពេល​ស្រាវជ្រាវ​គំរូ​ឈាម​របស់​មនុស្ស​ជិត ៧៥០០​នាក់ ក្នុងនោះ​មាន​២២០០​នាក់ កើត​ជំងឺ​ទឹកនោមផ្អែម​ប្រភេទ​២ ពួក​អ្នកស្រាវជ្រាវ​នៅ​មជ្ឈមណ្ឌល​ស្រាវជ្រាវ​វិទ្យាសាស្ត្រ​ជាតិ​បារាំង និង​សាលា Imperial College London (​អង់គ្លេស​) បាន​រកឃើញ​មហារីក​មាន​ពាក់ព័ន្ធ​ដល់​បម្រែបម្រួល​ទាំងនេះ អាច​នាំ​ដល់​កោសិកា​មួយចំនួន​ក្លូន​ខុស​ប្រក្រតី ឬ​ក្លូន​ខ្វះ​កូដ​ហ្សែ​ន ។​
​តាម​ការស្រាវជ្រាវ​នេះ ក្នុងចំណោម​អ្នក​កើត​ជំងឺ​ទឹកនោមផ្អែម​ប្រភេទ​២ , CME5 តែង​កម្រ​ឃើញ​ក្នុង​មនុស្ស​វ័យក្មេង​តែ​បែរជា​ទូទៅ​មនុស្ស​ចាស់ ។​
​តាម​ការស្រាវជ្រាវ​មុននេះ មាន​ប្រមាណ​២% នៃ​មនុស្ស​អាយុ​លើស ៧០​ឆ្នាំ មាន​បម្រែបម្រួល​នេះ ធ្វើ​ឲ្យ​គេ​មាន​ប្រឈម​កើត​ជំងឺមហារីក​ឈាម​ខ្ពស់ជាង​១០​ដង​ប្រៀប​នឹង​វ័យ​ទាប​ជាង ។​
​តាម​លោក Philppe Froguel នៅ​សាលា Imperial Collage London ប្រធាន​ក្រុម​ស្រាវជ្រាវ គំ​ហើយ​ខាងលើ​អាច​បកស្រាយ​ហេតុអ្វី​អ្នក​កើត​ជំងឺ​ទឹកនោមផ្អែម​ប្រភេទ​២​ងាយ​កើត​ជំងឺមហារីក​ឈាម​ជាង ។ មុននេះ​មជ្ឈដ្ឋាន​សាស្ត្រ​ប​បានដឹង​ទំនាក់ទំនង​រវាង​ជំងឺ​ទឹកនោមផ្អែម​ប្រភេទ​២​ជាមួយ​ជំងឺមហារីក​ឈាម តែ​ពុំទាន់​ដឹង​មូលហេតុ ។​
​លោក Froguel ឲ្យ​ដឹងថា ក្នុង​អនាគត ការវិភាគ​ហ្សែ​ន​អាចជួយ​កំណត់​អ្នកជំងឺ​ទឹកនោមផ្អែម​ប្រភេទ​២​ងាយ​កើត​ជំងឺ CME5 ។ អ្នកជំងឺ​ទាំងនេះ​នឹង​ត្រូវបាន​តាមដាន​ជាប់​ដើម្បី​រកឃើញ​ឆាប់​រោគសញ្ញា​របស់​ជំងឺ​ឈាមស និង​អាច​ត្រូវបាន​ព្យាបាល​ដោយ​វិធី​គីមី​ស្រាល ។​
​តាម​អង្គការ​សុខភាព​ពិភពលោក (WHO) លើ​ពិភពលោក​មាន​មនុស្ស ៣៤៧ លាន​នាក់ កើត​ជំងឺ​ទឹកនោមផ្អែម ក្នុងនោះ​ប្រមាណ​៩០% ជំងឺ​ទឹកនោមផ្អែម​ប្រភេទ​២ មានការ​ប្រឈម​ខ្ពស់​កើត​ជំងឺ​អំពី​តម្រងនោម ភ្នែក និង​បេះដូង ។ ជំងឺ​ទឹកនោមផ្អែម​ជា​ជំងឺ​បណ្តាល​ពី​សរីរាង្គ​មិនអាច​បំប្លែង​គ្លុយកូស​ក្នុង​ឈាម​ដោយ​អាំង​ស៊ុយ​លីន ។ មនុស្ស​ធាត់ និង​ពុំ​សូវ​ធ្វើ​ចលនា​ងាយ​កើត​ជំងឺ​ទឹកនោមផ្អែម​ប្រភេទ​២ ហើយ​ជំងឺ​នេះ​តែង​លេចឡើង​នៅពេល​ពេញវ័យ ៕​M

ស្ករ បង្ក​ឲ្យ​លើសឈាម​

គ្រូពេទ្យ​ទាំងឡាយ តែង​សំណូមពរ​អ្នកជំងឺ​លើសឈាម គួរ​កំហិត​ប្រើ​អំបិល និង​ជាតិ​ខ្លាញ់ តែ​ការស្រាវជ្រាវ​មួយ ទើបត្រូវ​បានប្រកាស​លើ​ទ​ស្ស​នាវ​ដ្តី "​បេះដូង​វិទ្យា​អាមេរិក​" ដោយ​ព្រមាន​អំពី​សមាសធាតុ​អាហារ អាចធ្វើ​ឲ្យ​កើន​សម្ពាធ​ឈាម​ផ្សេង តែ​ពុំ​សូវ​ត្រូវបាន​ចាប់អារម្មណ៍ គឺ​ស្ករ​។​
​ក្រុម​ស្រាវជ្រាវ​បាន​ប្រមែប្រមូល​ទិន្នន័យ​របស់​មនុស្ស​ជិត ៤០០.០០០ នាក់ ពាក់ព័ន្ធ​ដល់​ការស្រាវជ្រាវ​មុននេះ និង​វិភាគ​តាម​ទិន្នាការ​សុខាភិបាល​សាធារណៈ​។
លទ្ធផល​បង្ហាញថា អ្នក​ប្រើ​ស្ករ​ច្រើន មាន​សម្ពាធ​ឈាម និយាយ​រួម​ខ្ពស់ជាង​ពី ២៦% ទៅ ៧៦% ហើយ​ហានិភ័យ​លើសឈាម​រ៉ាំរ៉ៃ ទ្វេដង​ប្រៀប​នឹង​អ្នក​ប្រើ​ស្ករ​តិច​។
អ្នក​ប្រើ​ស្ករ​ច្រើន គិត​ក្នុងការ​ស្រាវជ្រាវ ត្រូវបាន​ប៉ាន់ស្មាន​ប្រហាក់ប្រហែល នឹង​ការ​ទទួលទាន ៣ កំប៉ុង​ទឹកក្រូច ឬ​ទឹក​ផ្លែឈើ មាន​ស្ករ​ក្នុង ១​ថ្ងៃ​។​
​ក្រុម​ស្រាវជ្រាវ​បកស្រាយ​ថា ស្ករ​ធ្វើ​ឲ្យ​ថយចុះ​កម្រិត​អុកស៊ីត​នី​ទ្រិ​ក ជួយ​សរសៃឈាម​រីក​យារ​។ ម្យ៉ាងវិញទៀត ពេល​ស្ករ ត្រូវបាន​បំប្លែង ពេលនោះ ម៉ាញ៉េ​ស្យូ​ម ត្រូវ​ប្រើប្រាស់​ផ្ទាល់ អាច​បង្ក​ការខ្វះខាត​ម៉ាញ៉េ​ស្យូ​ម ក្នុង​ប្រព័ន្ធ​ចរាចរ​ធ្វើ​ឲ្យ​លើ​ឈាម​ខ្ពស់​។​
​ការស្រាវជ្រាវ​មួយចំនួន​ផ្សេងទៀត ក៏​បង្ហាញថា ការប្រើ​ស្ករ​ច្រើន ធ្វើ​ឲ្យ​កើន​ធ្ងន់​ជំងឺ​ផ្សេងៗ ដូចជា ទឹកនោមផ្អែម​ប្រភេទ​២ រលាក​សន្លាក់ និង​ថែមទាំង​ជំងឺមហារីក​៕M/H/L

អ្នក​ប្រើ​ស្ករ​ច្រើន​មាន​ហានិភ័យ លើសឈាម​រ៉ាំរ៉ៃ ជាង​ទ្វេដង ប្រៀប​នឹង​អ្នក​ប្រើ​ស្ករ​តិច​

"គោលការណ៍" ៥ពេលប្រើប្រាស់វីតាមីន

​ចំពោះ​មនុស្ស​ធម្មតា​ម្នាក់ បរិមាណ​វីតាមីន​ចាំបាច់​សម្រាប់​សរីរាង្គ​តាមរយៈ​ប្រភព​អាហារ​រាល់ថ្ងៃ​គឺ​គ្រប់គ្រាន់ មិនចាំបាច់​បំពេញបន្ថែម ។ បណ្តា​ករណី​ពិសេស​សរីរាង្គ​មិន​ស្រូប​បាន​គ្រប់​វីតាមីន នោះ​ទើប​បំពេញ​ថែម​តាម​ការណែនាំ​របស់​វេជ្ជបណ្ឌិត​ជំនាញ ។​
​ពេល​បំពេញ​ថែម​វីតាមីន​ឲ្យ​សរីរាង្គ យើង​មិនត្រូវ​រំលង​ចោល​គោលការណ៍​ទាំងឡាយ​ខាងក្រោម​នេះ ៖
-​មូលហេតុ​ប្រើប្រាស់​ច្បាស់លាស់​
​មនុស្ស​មួយចំនួន​ចាត់ទុកថា វីតាមីន​ជា​ថ្នាំ​ប៉ូវ ហេតុនេះ​សុវត្ថិភាព ។ ដូច្នេះ​ដើម្បី​បង្កើន​សមត្ថភាព​ទប់ទល់ ធ្វើ​ឲ្យ​សរីរាង្គ​រឹងមាំ​ជាង ស្បែក​រលោង​ទន់​ជា​សក់ខ្មៅ​រលោង​ជាង​...​ពួកគេ​បាន​ប្រើប្រាស់​វីតាមីន​ស្រេច​តែ​ចិត្ត ហើយ​រឿងនេះ​គ្រោះថ្នាក់​បំផុត​សម្រាប់​សុខភាព ។ ត្រូវ​ចាំ​ថា តែ​ពេលណា​ដែល​គ្រូពេទ្យ​វិនិច្ឆ័យ​ច្បាស់លាស់​សរីរាង្គ​ខ្វះ​ប្រភេទ​វី​មីន​ណា នោះ​ទើប​បំពេញបន្ថែម ដាច់ខាត​មិនត្រូវ​ប្រើប្រាស់​ស្រេច​តែ​ចិត្ត ។​
២.​បរិមាណ​ប្រើ​
​ថ្នាំ​ទោះបី​ល្អ និង​ប៉ូវ​ដល់​កម្រិតណា​ក៏ត្រូវ​ប្រើ​ក្នុង​បរិមាណ​សមស្រប ។ ប្រសិន​ប្រើប្រាស់​វីតាមីន D ហួស​កម្រិត និង​ពេលវេលា​នឹងត្រូវ​ពុល ។ សរីរាង្គ​សល់​វីតាមីន A អាច​ត្រូវ​ពុល​ជាមួយនឹង​រោគសញ្ញា​ស្បែក​ត្រូវរបួស រលាក​សន្លាក់ របកស្បែក​ពេញ​ខ្លួន មានការ​ប្រឈម​ត្រូវ​រលាក​ថ្លើម ។ ស្ត្រី​មានគភ៌​ប្រើ​វីតាមីន A ច្រើនពេក មាន​គ្រោះថ្នាក់​បណ្តាល​ឲ្យ​ទារក​មាន​រូបរាង​ខុស​ប្រក្រតី ។ ចំពោះ​វី​មីន E ប្រសិន​ប្រើ​ហួស​បរិមាណ នឹង​បង្ក​ការ​រាករូស ឈឺពោះ ច្របូកច្របល់​រំលាយ​អាហារ អស់កម្លាំង និង​ទ្រុឌទ្រោម​សរីរាង្គ ។​
៣.​រក​មូលហេតុ​បំពេញបន្ថែម​ឲ្យ​ច្បាស់លាស់​
​ករណី​ខ្វះ​វីតាមីន​ជាច្រើន គឺ​បង្កឡើង​ដោយសារ​ជំងឺ​មួយចំនួន ។ អាស្រ័យហេតុនេះ​ត្រូវ​ឲ្យ​គ្រូពេទ្យ​ពិនិត្យ​កំណត់​ជំងឺ​ច្បាស់លាស់ បន្ទាប់មក​ទើប​បំពេញបន្ថែម​វីតាមីន​យ៉ាងណា​ឲ្យ​ប្រសិទ្ធភាព ។​
៤.​ពេលវេលា​ប្រើ​បន្ថែម​
​វីតាមីន C , B1 , B2.... ជា​ពពួក​វីតាមីន​រលា​យ​បាន​ក្នុង​ទឹក ដូច្នេះ​លេប​ក្រោយ​បាយ​គឺ​សមស្រប​ព្រោះ​វីតាមីន​ទាំងនេះ​នឹង​ឆាប់​ជ្រាប​កាត់​ក្រពះ និង​គែម​ពោះវៀន ។ ប្រសិន​លេប​ពេល​ឃ្លាន ភាគច្រើន​នៃ​វីតាមីន នឹងត្រូវ​សរីរាង្គ​កម្ចាត់​ចេញ​ក្រៅ​ពេល​ជាលិកា​ក្នុង​សរីរាង្គ​ស្រូបយក​ពុំទាន​អស់ ។​
​ក្រៅពីនេះ ពពួក​វីតាមីន​រលាយ​ក្នុង​ខ្លាញ់​ដូចជា​វីតាមីន A , D ,E.... ត្រូវ​ប្រើ​ក្រោយ​ពេលបាយ ព្រោះ​ពេលនោះ​ផ្លូវ​ពោះវៀន និង​ក្រពះ​ស្តុក​ទុក​បរិមាណ​ខ្លាញ់​១​ពី​អាហារ ហេតុនេះ​មាន​ប្រយោជន៍​សម្រាប់​ការ​រលាយ​វីតាមីន ធ្វើ​ឲ្យ​សរីរាង្គ​ស្រូបយក​ងាយស្រួល ។​
៥.​ក្តាប់បាន​ឥទ្ធិពល​ទៅវិញទៅមក​របស់​វីតាមីន​ជាមួយ​ពពួក​ថ្នាំ​ផ្សេងៗ​
​វីតាមីន​អាច​ឥទ្ធិពល​ទៅវិញទៅមក​ជាមួយ​ថ្នាំ​មួយចំនួន ធ្វើ​ឲ្យ​ថយចុះ​ប្រសិទ្ធភាព​របស់​ថ្នាំ ឬ​បន្ថយ​ប្រសិទ្ធភាព​របស់​វីតាមីន ។ ឧទាហរណ៍ ថ្នាំ Paraphin សណ្ឋាន​រាវ​អាចធ្វើ​ឲ្យ​ថយចុះ​ការ​ស្រូបយក និង​បង្កើន​ការ​កម្ចាត់​ចេញ​វីតាមីន​រលាយ​ក្នុង​ខ្លាញ់ ថ្នាំ​អង់​ទី​ប៊ី​យូ​ទិ​ក និង​រារាំង​បាក់តេរី​ផ្លូវ​ពោះវៀន ធ្វើ​ឲ្យ​ថយចុះ​ការ​សំយោគ​វីតាមីន K ក្នុង​សរីរាង្គ ។ ពពួក​ថ្នាំ​មាន​ប្រសិទ្ធភាព​ធ្វើជា​សារជាតិ​កាតាលីករ​ដូចជា Phenal barbital និង aspirin... អាចធ្វើ​ឲ្យ​កើន​ការបញ្ចេញ​វីតាមីន B1 វីតាមីន C និង​កំទេច​វីតាមីន B12 , វីតាមីន C និង B1 មិន​សមស្រប​ទទួលទាន​ក្នុងពេល​តែមួយ​ជាមួយ​ថ្នាំ​ពន្យារកំណើត ព្រោះ​ធ្វើ​ឲ្យ​ថយចុះ​ប្រសិទ្ធភាព​របស់​ថ្នាំ​ពន្យារកំណើត ។ ថ្នាំ​ជាតិ​ដែក ប្រសិន​លេប​ជាមួយ​វីតាមីន C និង​ធ្វើ​ឲ្យ​កើន​ការ​ស្រូបយក​ដែក​របស់​សរីរាង្គ ៕​M

​រសជាតិ​ជូរ មាន​ប្រយោជន៍​ច្រើនយ៉ាង​ចំពោះ​សុខភាព​

ទោះបីជា​រសជាតិ​ជូរ មាន​សារប្រយោជន៍​ចំពោះ​សុខភាព​យ៉ាង​ក្តី ប៉ុន្តែ​លោក​គ្រូពេទ្យ​ជំនាញ បានធ្វើការ​ដាស់តឿន​ថា ការបរិភោគ​ជាតិ​ជូរ​ច្រើនពេក ក៏​ជះឥទ្ធិពល​មិន​ល្អ​ដល់​រាងកាយ​ដែរ​។ ជាតិ​ជូរ​មាន​ពីរបែប ទី​មួយ​រសជាតិ​ជូរ បាន​ពី​សារធាតុបំប្លែង និង​រសជាតិ​ជូរ​បាន​ពីរ​បន្លែ​ផ្លែឈើ​។​

​ចំពោះ​រសជាតិ​ជូរ​បាន​ពី​ជាតិ​បំប្លែង​ក្នុង​ទឹក​ខ្មេះ មាន​ចំណែក​ផ្សំ​ពិសេស​គឺ Glacial Acetic Acid ដែល​បង្ក​ឲ្យមាន​រសជាតិ​ជូរ​កើតឡើង ឬ​ហៅ​ថា​អាស៊ី​ដ ស៊ី​ទ្រី​ច ដោយ​ផ្តល់​រសជាតិ​ជូរ​ជំនួស​ក្រូចឆ្មារ​។ រសជាតិ​ជូរ​ដែល​បានមក​ពី​វត្ថុ​ទាំងនេះ បើ​យើង​បរិភោគ​បន្តិចបន្តួច ក៏​មិន​ថ្វី​ទេ ប៉ុន្តែ​បើ​យើង​បរិភោគ​ច្រើន នឹង​ផ្តល់​ទោស​ចំពោះ​រាងកាយ​ទៅវិញ​។ ភាព​ជូរ​ដែល​បានមក​ពី​បន្លែ​ផ្លែឈើ​ផ្សេងៗ​ដូចជា ក្រូចឆ្មារ ស្វាយ កន្ទួត អម្ពិល សន្តាន់ ម្នា​ស់ ។​ល​។ មិន​បង្ករ​គ្រោះថ្នាក់​ចំពោះ​សុខភាព​ដល់​រាងកាយ​ទេ​។ ចំណែក​ផលប្រយោជន៍​ពី​រសជាតិ​ជូរ​មានដូចជា​៖

​បំបាត់​អា​ការឈឺ​ក​: យក​ក្រូចឆ្មារ​បី​ផ្លែ មក​លាយ​ជាមួយ​ទឹកឃ្មុំ​មួយ​ស្លាបព្រា ហើយ​ផឹក​នឹង​អាចជួយ​បំបាត់​អាការ​ក្អក ឈឺ​កបាន​យ៉ាង​ល្អ ព្រោះថា​ក្រូចឆ្មារ ជួយ​កាត់បន្ថយ​អាការ​ក្អក​បាន​មួយកម្រិត ហើយ​ទឹកឃ្មុំ​ជួយ​កាត់បន្ថយ​អាការ​ឈឺ​ក​។​

​ការពារ​កើតរោគ​ផ្តាសាយ​: រសជាតិ​ជូរ​ដូចជា​ក្រូចឆ្មារ ឬ​ភាព​ជូរ​បាន​ពីរ​បន្លែ​ដទៃទៀត តែងតែ​ផ្តល់​ផល​ល្អ​ក្នុង​ការជួយ​ឲ្យ​ប្រព័ន្ធ​រំលាយ​អាហារ អាច​កិន​បានល្អ​។​

​ជួយ​កាត់បន្ថយ​អាការ​ស្រែក​ទឹក​: រសជាតិ​ជូរ​បាន​ពី​ក្រូចឆ្មារ ពិសេស​នៅ​ពេល​ផឹក​ច្រើន អាច​ជួយ​កាត់បន្ថយ​អាការ​ស្រែក​ទឹក បាន​មួយកម្រិត​។ បើ​ថ្ងៃ​ណាមួយ​មាន​អារម្មណ៍​ថា​ក្តៅ​ក្នុង ស្រេកទឹក ត្រូវ​យក​ក្រូចឆ្មា​រលាយ​ជាមួយ​ស្ករ​បន្តិចបន្តួច ដែល​អាច​បំបាត់​អាការ​ស្រែក​ទឹកបាន​យ៉ាង​ល្អ​ដូចគ្នា​៕​

បណ្តាបញ្ហាសុខភាពចាំបាច់ត្រូវយកចិត្តទុកដាក់ទៅតាមវ័យ

​ប្រសិន​អ្នកជា​មនុស្ស​យកចិត្តទុកដាក់​ជាប្រចាំ​ទៅដល់​សុខភាព​របស់ខ្លួន​នោះ​អ្នក​ប្រាកដជា​នឹង​ឃើញ​រឿង​មួយ គឺ​នៅ​វ័យ​នីមួយៗ យើង​មានការ​ប្រែប្រួល​យ៉ាងច្បាស់​លាស់​អំពី​បញ្ហា​សុខភាព ។​
​សូម្បីតែ​ពេល​អ្នក​កំពុង​នៅ​វ័យ​២០​ឆ្នាំ កុំ​គិតថា ខ្លួន​មិនចាំបាច់​ត្រូវ​គិត​ទៅដល់​បញ្ហា​សុខភាព​អ្វី​ទាំងអស់ ។ ដើម្បី​ដឹងថា សុខភាព​ប្រែប្រួល​យ៉ាងដូចម្តេច ក្នុង​ជីវិត​របស់​អ្នក ចូល​ស្វែងយល់​រាល់​បញ្ហាសំខាន់ៗ របស់​សរីរាង្គ​ទៅតាម​វ័យ​នីមួយៗ​ដូចខាងក្រោម ៖
. អាយុ​២០​ឆ្នាំ​
-​បំពេញបន្ថែម ១០០០mg កាលស្យូម និង​២០០​ដល់​៤០០០IU វីតាមីន D ដើម្បី​ជួយ​ឆ្អឹង​រីកចម្រើន​ល្អ ។ កាល់ស្យូម​អាចបំពេញ​ពី​អាហារ​ឬ​បណ្តា​ផលិតផល​ពី​ទឹកដោះ ដើម្បី​បន្ថយ​រាល់​បញ្ហា​សុខភាព​ពាក់ព័ន្ធ​ដល់​ឆ្អឹង ។​
-​បង្កើន​ការហាត់​ពត់ ចលនា​រាងកាយ ។ ចៀង​វាង​អង្គុយ​ច្រើន អង្គុយ​យូរពេក​ពីមុខ​កុំព្យូទ័រ ។ គេង​គ្រប់​ពី 6-8 ម៉ោង​ក្នុង​១​សប្តាហ៍ ។​
. អាយុ​៣០
-​គេង​គ្រប់ 6-8 ម៉ោង​ក្នុង​១​ថ្ងៃ ។ ត្រូវ​ចលនា​ហាត់ប្រាណ​ប្រមាណ 20-30​នាទី ក្នុង​១​ថ្ងៃ ។​
-​យកចិត្តទុកដាក់ និង​ទៅធ្វើ​វិភាគ ត្រួតពិនិត្យ​សុខភាព​ដូចជា ត្រួតពិនិត្យ​សម្ពាធ​ឈាម បរិមាណ​កូ​ឡេ​ស្តេ​រ៉ូ​ល Papsmear (​វិភាគ​មហារីក​កោសិកា​មាត់ស្បូន​) ប្រឹក្សា​វេជ្ជបណ្ឌិត​អំពី​ជំងឺផ្លូវចិត្ត ស្ត្រេ​ស​... ។​
. អាយុ​៤០
-​កំហិត​ទទួលទាន​អាហារ មាន​ស្ករ​ច្រើន ខ្លាញ់ និង​រក្សា​ទម្ងន់​ស្ថិរភាព​គួបផ្សំ​ជាមួយ​ការព្យាយាម​ហាត់ប្រាណ​រាល់ថ្ងៃ ។​
-​ការត្រួតពិនិត្យ​សុខភាព​ត្រូវធ្វើ​គឺ ៖ ត្រួតពិនិត្យ​សម្ពាធ​ឈាម កូ​ឡេ​ស្តេ​រ៉ូ​ល papsmear ស្បែក មុខងារ​ក្រពេញ​ទី​រ៉ូ​អ៊ី​ដ​... ។ ឆ្លង​ចូល​វ័យ​៤៥​ឆ្នាំ ត្រូវ​ទៅ​ត្រួតពិនិត្យ​ជាតិ​ស្ករ ក្នុង​ឈាម​ដើម្បី​វិនិច្ឆ័យ​ការ​ប្រឈម​កើត​ជំងឺ​ទឹកនោមផ្អែម ។​
. អាយុ​៥០
​យកចិត្តទុកដាក់​ដល់​របស់​ទទួលទាន​ទៀងទាត់ តុល្យភាព ដើម្បី​ស្ថិរភាព​ទម្ងន់ បរិមាណ​ស្ករ ក្នុង​ឈាម និង​ពន្យឺត​ដំណើរការ​ចំណាស់​នៅ​ផ្នែក​ទាំងឡាយ ។​
-​ហាត់ប្រាណ កីឡា សមស្រប ដូចជា​ដើរ ជិះ​កង់​... ២០​នាទី ក្នុង​១​ថ្ងៃ និង​តិច​បំផុត​៣​ដង​ក្នុង​១​សប្តាហ៍ ។​
-​មិនត្រូវ​រំលង​ចោលការ​ត្រួតពិនិត្យ​សុខភាព​ពាក់ព័ន្ធ​ដល់​សរសៃឈាម​បេះដូង ទឹកនោមផ្អែម ឆ្អឹងសន្លាក់ ខ្លាញ់​ក្នុង​ឈាម​...
. អាយុ​៦០
-​សកម្មភាព​កីឡា​សមស្រប​តែ​ប្រសិទ្ធភាព​
-​ជានិច្ចកាល​យកចិត្តទុកដាក់​ដល់​របប​ជីវជាតិ ។​
-​របប​ជីវជាតិ​១​មិនល្អ​បូក​ជាមួយ​ការ​ពុំ​សូវ​ធ្វើ​សកម្មភាព នឹង​អាច​ពន្យឺត​សកម្មភាព​របស់​ខួរក្បាល ។​
-​ត្រួតពិនិត្យ​សុខភាព​ទូទៅ​តាម​កាលកំណត់ ៕​M

ចង់បាន​ភ្នែក​ស្អាត​ភ្លឺ​ថ្លា មិនជា​ការពិបាក

អាហារ​ខាងក្រោម​នេះ​អាចជួយ​បាន ដូចជា ត្រី​សមុទ្រ​ទឹក​ជ្រៅ​រួមមាន​ត្រី​ធូ​ណា ឬ​ត្រីសូ​ម៉ុង ជា​អាហារ​សមុទ្រ​ដែល​សម្បូរ​ទៅដោយ​អូ​មេ​ហ្គា ៣ ហើយ​មិនតែប៉ុណ្ណោះ​ថែមទាំង​ជួយ​ខួរក្បាល​ឲ្យ​ចងចាំ​ល្អ​ទៀតផង ។
- សណ្តែក​សម្បក​រឹង
ដូចជា​គ្រាប់ស្វាយចន្ទី និង​សណ្តែក​វ៉​ល​ណាត់​ជាដើម ។ សណ្តែក​ប្រភេទ​នេះ​សុទ្ធតែ​សម្បូរ​ទៅដោយ​អូ​មេ​ហ្គា ៣ ដែលជា​សមាសធាតុ​ផ្សំ​ដ៏​សំខាន់ សម្រាប់​ជំនួយ​ទឹកភ្នែក ហូប​កាន់តែច្រើន​ទឹកភ្នែក​ក៏មាន​ច្រើន​ទៅតាម​ហ្នឹង​ដែរ ។ កែវភ្នែក​ត្រូវមាន​ទឹក​មក​ទ្រទ្រង់​ទើប​ស្អាត​ភ្លឺ​ថ្លា ។
- ចេក
អត្ថប្រយោជន៍​ដែល​បានមកពី​ការទទួល​ទាន​ចេក​មិនមែន​ធម្មតា​ឡើយ ពីព្រោះ​ផ្លែឈើ​ប្រភេទ​នេះ​មាន​ប៉ូ​តា​ស្យូ​ម​ខ្ពស់ ជួយ​ឲ្យ​រាងកាយ​រក្សា​ទឹកបាន​ល្អ ពេលនោះ​ភ្នែក​ស្ងួតៗ នឹង​ត្រឡប់មក​មាន​សំណើម​ឈប់​ក្រហាយ​ទៀតផង ។
- ប្រេង​ក្រចៅ ឬ ប្រេង​គ្រាប់​លី​នី​ន (Linen Oil)
អាចជា​រឿង​ថ្មី​មួយ​សម្រាប់​ក្រុម​អាហារ​ដើម្បី​សុខភាព ប៉ុន្តែ​អាហារ​ថ្មី​មួយ​នេះ​មាន​ប្រយោជន៍​មែនទែន ពីព្រោះ ប្រេង​ក្រចៅ​មាន​អាស៊ីដ​វីតាមីន​ដ៏​សំខាន់ ដែល​ជួយ​ឲ្យ​រាងកាយ​បឺត​ស្រូបយក​អាស៊ីដ​ខ្លាញ់​អូ​មេ​ហ្គា ៣ បានល្អ ។ សូម​សាកល្បង​ទទួលទាន​មួយថ្ងៃ ១ ស្លាបព្រា​បាយ ៕

ទឹក​ផ្លែឈើ និង បន្លែ​ជួយ​លាង​សម្អាត​ជាតិពុល​ពី​ក្រពះអាហារ

រៀងរាល់​ថ្ងៃនេះ​មនុស្ស​យើង​ម្នាក់ៗ​តែង​បរិភោគ​អាហារ​ចូលទៅ តែ​មិនដឹងថា​នរណាម្នាក់​បានទទួល​សារជាតិ​ពុល ឬ សារជាតិ​គីមី​លាយឡំ តិច​ឬ​ច្រើន​នោះទេ ។ បើ​ចង់​បំបាត់​សារជាតិ​ពុល​ចេញពី​ខ្លួន យើង​អាច​ជ្រើសរើស​ប្រើ​រូបមន្ត​លាង​សម្អាត​ដូចខាងក្រោម :
ប្រើ​ឪឡឹក​លឿង​ដែល​សម្បូរ​ទៅដោយ​សារជាតិ​បេ​តា​ឃែ​រ៉ូ​ទូ​ន ព្រោះថា​ផ្លែឈើ​ប្រភេទ​នេះ​អាច​ប្រើ​ក្នុង​ការលាង​សម្អាត​សារជាតិ​ពុល​ចេញពី​ក្នុង​ខ្លួន​បាន​យ៉ាង​ល្អ ជាពិសេស​ថែមទាំង​អាចជួយ​កាត់បន្ថយ​សម្ពាធ​ឈាម បំបាត់​អាការ​ខ្យល់​ដង្ហើម​មាន​ក្លិន​អាក្រក់​ទៀតផង ។​
ក្រៅពីនេះ​នៅមាន​ផ្លែ​ប៉េងប៉ោះ​ដែលមាន​រ៉ាឌីកាល់​សេរី​ប្រឆាំង​ការបង្ក​ឲ្យ​ឈាមកក ជំនួយ​ប្រព័ន្ធ​រំលាយ​អាហារ និង ផ្លែ​ការ៉ុត​ដែលមាន​កាល់ស្យូម និង​ម៉ាញ៉េ​ស្យូ​ម ជួយ​ក្នុង​ការលាង​សម្អាត​សារជាតិ​ពុល​ពី​រាងកាយ​បានល្អ​ដូចគ្នា ។​
+​គ្រឿងផ្សំ​បំបាត់​សារជាតិ​ចេញពី​ក្រ​ពេះ​មាន​ដូច :
-​ឪឡឹក​លឿង ២ កូនចាន​
-​ប៉េងប៉ោះ ១ កូនចាន​
-​ការ៉ុត ១ កូនចាន​
+​ដំណាក់កាល​ក្នុងការ​អនុវត្ត :
ចាប់ផ្តើម​ចិត​ឪឡឹក​ជា​ចំណិតៗ​បន្ទះ​ធំ​ល្មម​ដោយ​មិនបាច់​ប្រឡេះ​យក​គ្រាប់​ចេញ​ទេ រួច​ចិត​ប៉េងប៉ោះ​ជា​បន្ទះ​ស្តើងៗ ឯ​ការ៉ុត​គ្រាន់តែ​កោស​ជា​សរសៃៗ​ចូរ​យក​របស់​ទាំងអស់​នេះ​មក​កិន​លាយ​ផ្សំ​បញ្ចូល​គ្នា បន្ថែម​ទឹកកក​ដើម្បី​ឲ្យ​មាន​រសជាតិ​ឆ្ងាញ់ ព្រោះ​ជួយ​ឲ្យ​ជាប់ចិត្ត និង ពិសេស​អាច​លាង​សម្អាត​សារជាតិ ពុល​ពី​ក្រ​ពេះ​បាន​ថែមទៀត ។

​ˆ​របប​ទទួលទាន​មាន​ជាតិ​ខ្លាញ់​ច្រើន​ធ្វើឱ្យ​ថយ​ចុះ​បរិមាណ​មេ​ជីវិត

បើ​តាម​ការស្រាវជ្រាវ​មួយ បាន​ត្រូវ​បង្ហាញថា បុរស​ដែល​ទទួលទាន​ខ្លាញ់​មិន​រលាយ​ច្រើន ត្រូវ​ថយ​ចុះ​បរិមាណ​មេ​ជីវិត​។​

​ពួក​អ្នក​ស្រាវជ្រាវ​មកពី Copenhagen នៃ​ប្រទេស​ដា​ណឺ​ម៉ាក បាន​សិក្សា អង្កេត និង​ពិនិត្យមើល​បុរស​ដា​ណឺ​ម៉ាក ចំនួន ៧០១​នាក់ ដែល​សុទ្ធតែ​មាន​អាយុ​ប្រមាណ​២០​ឆ្នាំ កំពុង​ចូលរួម​ពិនិត្យ​កាតព្វកិច្ច​យោធាក្នុង អំឡុងពី​ឆ្នាំ​២០០៨ ដល់​ឆ្នាំ​២០១០​។ ក្រុម​អ្នក ស្រាវជ្រាវ បាន​សួរ​ពួកគេ​អំពី​អាហារ​ទទួលទាន ក្នុង​៣​ខែ​មុន និង​យក​គំរូ​ទឹកកាម​ដើម្បី​ត្រួតពិនិត្យ​។​


លទ្ធផល បានបង្ហាញ​ថា បុរស​ទទួលទាន​ខ្លាញ់​មិន​រលាយ​ច្រើន​បំផុត មាន​កម្រិត​មេ​ជីវិត​ទាប​ជាង​៣៨​ភាគរយ និង​បរិមាណ​មេ​ជីវិត​ទាប​ជាង​៤១​ភាគរយ ប្រៀប​នឹង​អ្នក​មាន​របប​ទទួលទាន​មាន​ជាតិ​ខ្លាញ់​តិច​បំផុត​។​

​ឆ្លើយតប​កិច្ចសម្ភាសន៍​របស់​ទីភ្នាក់ងារ​ព័ត៌មាន Reuters, អ្នកដឹកនាំ​ការស្រាវជ្រាវ​គឺ​លោក Tina Jensen បានឱ្យដឹងថា «​យើងខ្ញុំ​មិន​អាច​បញ្ជាក់​ពី​ទំនាក់ទំនង ហេតុ និង​ផល តែ​ខ្ញុំ​ចាត់ទុកថា ការស្រាវជ្រាវ​ផ្សេងៗ បានបង្ហាញ​ថា ជាតិ ខ្លាញ់​មិន​រលាយ មាន​ពាក់ព័ន្ធ​ជាមួយ​បញ្ហា​សុខភាព ហើយ​ឥឡូវ គឺ​បរិមាណ​មេ​ជីវិត​»៕​

​ˆ​វិធី​ព្យាករណ៍​អាយុ​របស់​អ្នក

ការស្រាវជ្រាវ​មួយ​នៅ​ប្រទេសប្រេ​ស៊ីល បានបញ្ជាក់​ថា ដោយ​គ្រាន់តែ​ធ្វើ​លំ​ហាត់​ត្រួតពិនិត្យ​សាមញ្ញ​មួយ​អំពី​សមត្ថភាព​ឈរ និង​អង្គុយ ក៏​អាច​កំណត់​បាន​អាយុ​របស់​អ្នក​។​

​ការស្រាវជ្រាវ​នេះ ដឹកនាំ​ដោយ បណ្ឌិត Claudio Gil Araujo នៅ​មន្ទីរពេទ្យ​វេជ្ជសាស្ត្រ Clinimex-Exercise នៅ​ទីក្រុង Rio de Janero។ ពួកគេ​បាន​សិក្សា​ស្រាវ ជ្រាវ​លើ​បុរស និង​ស្ត្រី​ជាង ២.០០០​នាក់ មាន​អាយុ​ពី ៥០ ទៅ ៨០​ឆ្នាំ ពី​ឆ្នាំ​២០០២ រហូតដល់​៦​ឆ្នាំក្រោយ  ឬ​រហូត​ដល់​ពេល​ពួកគេ​ទទួលមរណភាព​។ មុន​លំ​ហាត់​ត្រួតពិនិត្យ​, បណ្ឌិត  Araujo ណែនាំ​គ្រប់គ្នា អង្គុយ​ចុះ​លើដី រួច​បន្ទាប់​មក​ក្រោកឈរ ប្រឹងប្រែង កុំ​ប្រើ​ជំនួយ​ពី​ដៃ ឬ​ផ្នែក​ផ្សេងៗ​នៃ​សរីរាង្គ​។ ពួក​អ្នក​ស្រាវជ្រាវ បាន​រកឃើញថា អ្នក​ក្រោកឈរ​ងាយស្រួល​នឹងមាន សមត្ថភាព​អនុវត្តន៍​ជោគជ័យ​បណ្តា​សកម្មភាព​ប្រចាំថ្ងៃ ដូចជា​ឱន​យក​កាសែត ឬ​យក​វ៉ែនតា​នៅក្រោម​តុ​។ ប្រការ​នេះ​មានន័យ​ថា អាយុ​របស់គេ នឹង​ខ្ពស់ជាង​អ្នកដទៃ​។ ក្នុង​អំឡុង​ពេល​ស្រាវជ្រាវ មាន​មនុស្ស​១៥៩​នាក់ បាន​ទទួលមរណភាព ហើយ​សឹងតែ​ទាំងអស់​នៃ​ចំនួន នេះ​សុទ្ធតែ​មាន​ពិន្ទុ​យ៉ាង​ទាប​ក្នុង​លំ​ហាត់​ត្រួតពិនិត្យ​ឈរ​-​អង្គុយ​។​

​​ពួក​អ្នក​ស្រាវជ្រាវ នៅ​បាន​ធ្វើការ​សន្និដ្ឋាន​ថា អ្នក​មាន​ពិន្ទុ​ក្នុង​លំ​ហាត់​ត្រួតពិនិត្យ​ទាប​ជាង​៣ នឹង​មាន​ការ​ប្រឈម​ឆាប់​បាត់បង់​ជីវិត​ខ្ពស់ជាង​៦ ដង បើ​ប្រៀបធៀប​នឹង​អ្នក​សម្រេច​បាន​ពិន្ទុ​លើស ៨ ៕​

មូលហេតុ​អ្វី​ស្ត្រី​ងាយ​កើត​ជំងឺ​ពុក​ឆ្អឹង​ជាង​បុរស​?

ពុក​ឆ្អឹង ជា​ជំងឺ​មួយ​តែង​ជួបប្រទះ​ទាំង​នៅ​បុរស​និង​ស្ត្រី តែ​ស្ត្រី​មាន​អត្រា​កើត​ជំងឺ​ខ្ពស់ជាង​។ បច្ចុប្បន្ននេះ នៅលើ​ពិភពលោក មាន​មនុស្ស​ប្រមាណ ២០០​លាន​នាក់ កើត​ជំងឺ​នេះ​។​
​ពុក​ឆ្អឹង អាច​បង្ក​ការប្រែប្រួល​ធ្ងន់ធ្ងរ គឺ​បាក់ឆ្អឹង​។ វា​អាច​បង្ក​របួស​នៅ​ទីតាំង​ផ្សេងៗ​គ្នា​ជាច្រើន​លើ​សរីរាង្គ​ដូចជា​ឆ្អឹងខ្នង ឆ្អឹងជំនីរ ក ឆ្អឹងភ្លៅ ឆ្អឹងស្មង​ដៃ ឆ្អឹងត្រគាក​...​។​
​ពុក​ឆ្អឹង​ចំពោះ​ស្ត្រីៈ​
​ជំងឺ​ពុក​ឆ្អឹង តែង​កើតឡើង ចំពោះ​ស្ត្រី​អាយុ​ច្រើន​។ ស្ត្រី​មាន​អាយុ​លើសពី​៤៥​ឆ្នាំ ជំងឺ​ពុក​ឆ្អឹង​ដណ្តើម​អត្រា​ខ្ពស់ជាង​ជំងឺ​ដទៃទៀត រួមមាន ទឹកនោមផ្អែម គាំងបេះដូង និង​មហារីក​ដោះ​។​
​គេ​វាយតម្លៃថា ក្រោយ​អាយុ ៥០ ឆ្នាំ មាន​ស្ត្រី​ម្នាក់​ក្នុងចំណោម​៣​នាក់ នឹង​ក្លាយជា​ជនរងគ្រោះ​នៃ​ការបាក់​ឆ្អឹង​មួយ​បណ្តាលមកពី​ពុក​ឆ្អឹង​។ អត្រា​ពុក​ឆ្អឹង​ស្ត្រី​ក្នុង​វ័យ​៥០-៥៩​ឆ្នាំ គឺ​១០​ភាគរយ​។ ប៉ុន្តែ​អត្រា​នេះ​កើនឡើង​យ៉ាង​រហ័ស​ទៅតាម​វ័យ និង​ឈានដល់ ៧០​ភាគរយ នៅលើ​ស្ត្រី​អាយុ​លើស​៨០ ឆ្នាំ​។​
ស្ត្រី​ក្រោយ​អស់​រដូវ​ពី ៥-១០​ឆ្នាំ តែង​ត្រូវ​សឹក​ឆ្អឹង​កង​ខ្នង​។ ពេល​ភាព​សឹក​ឆ្អឹង​ឆ្លង​ហួស​កម្រិត​នោះ គឺ​១១​ភាគរយ នឹង​បង្ក​ឱ្យ​ស្រុត​ឆ្អឹងខ្នង ពិសេស​គឺ​ឆ្អឹង​កង​ខ្នង​ត្រង់​ចង្កេះ​។ ការ​ស្តែងចេញ​តែង​ជួបប្រទះ គឺ​ថយចុះ​កម្ពស់ គម​ខ្នង ឈឺ​ឆ្អឹង​កង​ខ្នង ឈឺ​សរសៃប្រសាទ ប្រទាក់​ឆ្អឹងជំនីរ ឬ​សរសៃប្រសាទ​អ​វយៈ​។ នៅ​ដំណាក់កាល​យឺត ភាព​សឹក​ឆ្អឹង​ប្រព្រឹត្តឡើង​នៅ​ទាំង​ឆ្អឹង​វែងៗ​។ ពេលនោះ ស្ត្រី​ងាយ​ត្រូវ​បាក់ ក ឆ្អឹងភ្លៅ ឬ​បាក់ឆ្អឹង​វែង​ផ្សេងៗ​ទៀត​។​
​ហេតុអ្វី​ស្ត្រី​កើត​ជំងឺ​ពុក​ឆ្អឹង​ច្រើនជាង​បុរស​?
​ដំបូង គឺ​ស្ត្រី​មាន​ប្រវត្តិ​គ្រួសារ យាយ ឬ​ម្តាយ​ត្រូវ​ពុក​ឆ្អឹង​។​
​ទី​២)​គឺ​ស្ត្រី​មាន​ទំហំ​គ្រោងឆ្អឹង​តូច និង​ទម្ងន់​ឆ្អឹង​ទាប​ជាង​បុរស​។ ពិសេស​ជនជាតិ​អាស៊ី មាន​គ្រោះថ្នាក់​ខ្ពស់ជាង​ដោយសារ​គ្រោងឆ្អឹង​តូច តែង​ស្គម ខ្សោយ និង​មាន​របៀបរបប​រស់នៅ​ស្ងប់ស្ងៀម​ជាង​បុរស​។ ពួកគេ​ក៏​ច្រើន​តែមាន​របប​ជីវជាតិ មិន​គ្រប់គ្រាន់ ពិសេស​គឺ​របប​កាល់ស្យូម​ក្នុង​អាហារ​ខ្វះ​។​
ទី​៣) ស្ថានភាព​បាត់​រដូវ ឬ​អស់​រដូវ​នៅ​ស្ត្រី​។ រដូវ​នៅ​ស្ត្រី​ជា​ផ្ទាំង​កញ្ចក់​មួយ​ឆ្លុះបញ្ចាំង​សុខភាព​បង្កើតកូន​របស់គេ ធានា​ដោយ​សកម្មភាព​ស៊ីសង្វាក់​គ្នា​របស់​ប្រព័ន្ធ​អ័រម៉ូន ពិសេស​គឺ​តួនាទី​របស់​អ័រម៉ូន​ភេទ​។ ប៉ុន្តែ​រដូវ ទន្ទឹម​នោះ​ក៏​រួមចំណែក​វាយតម្លៃ​សុខភាព​របស់​ឆ្អឹង​។ ស្ត្រី​ដែល​លេង​កីឡា​អាជីព ដូចជា​កីឡាការិនី​រត់​ម៉ា​រ៉ា​តុង  អ្នក​សម្តែង​របាំ​បា​ឡេ តែង​ត្រូវ​បាត់​រដូវ គឺ​សុទ្ធតែ​ថយចុះ​ដង់ស៊ីតេ​ឆ្អឹង​។ ស្ត្រី​ដែល​បាត់​រដូវ អូសបន្លាយ​លើស​១២​ខែ ស្ត្រី​អស់​រដូវ ឬ​ឆាប់​អស់​រដូវ​មុន​អាយុ ៤៥​ឆ្នាំ គឺ​ត្រូវ​សឹក​ឆ្អឹង​ច្រើនជាង និង​ងាយ​កើត​ជំងឺ​ពុក​ឆ្អឹង​។ ការវះកាត់​ស្បូន​ចោល ធ្វើឱ្យ​សឹក​ឆ្អឹង​ឆាប់រហ័ស​(១២ ភាគរយ​ក្នុង​មួយឆ្នាំ​)​។​
​ទី​៤) គឺ​ស្ត្រី​ត្រូវ​ឆ្លងកាត់​ពេលវេលា​មានគភ៌ និង​ឱ្យ​កូន​បៅដោះ​។ ពេលនោះ​សរីរាង្គ​ពួកគេ​ត្រូវ​ផ្គត់ផ្គង់ ប្រភព​កាល់ស្យូម​យ៉ាង​ធំ​សម្រាប់​ការរីកចម្រើន​គភ៌ និង​ចិញ្ចឹម​កូន​ដោយ​ទឹកដោះ​ម្តាយ​។ អាស្រ័យហេតុនេះ ពួកគេ​ត្រូវ​ថយចុះ​បរិមាណ​កាល់ស្យូម​យ៉ាង​លឿន ប្រសិន​មិនត្រូវ​បាន​ផ្គត់ផ្គង់​បរិមាណ​កាល់ស្យូម​គ្រប់គ្រាន់ ។ ស្ត្រី​ដែល មានកូន​ចាប់ពី​៣​នាក់​ឡើងទៅ រមែង​ត្រូវ​ពុក​ឆ្អឹង​។​
ទី​៥) គឺ​ស្ត្រី​ច្រើនតែ​កើត​ជំងឺ​មួយចំនួន ដូចជា​រលាក​សន្លាក់​ស​ណ្ឋា​ន​ទាប រលាក​ឆ្អឹង​កង​ខ្នង​ជាប់​សន្លាក់​។ ជំងឺ​ទាំងនេះ និង​ថ្នាំ​ព្យាបាល​ជំងឺ​ដូចជា Corticoid ជា​ជនល្មើស​បង្ក​ជាការ​សឹក​ឆ្អឹង​ហួសប្រមាណ​។ ជំងឺ​ទាំងឡាយ ដូចជា​ទឹកនោមផ្អែម ថ្លើម តម្រងនោម ជំងឺ​ផ្លូវ​រំលាយ​អាហារ ជំងឺ​ក្រ​ពេញទី​រ៉ូ​អ៊ី​ត ក៏​ធ្វើឱ្យ​កើន​គ្រោះថ្នាក់​ពុក​ឆ្អឹង​។​
ទី​៦) ជា​លក្ខណៈពិសេស​រចនា​សម្ព័ន្ធ​និង​ទ្រង់ទ្រាយ​ឆ្អឹង​របស់​ស្ត្រី​។ ឆ្អឹង​ត្រូវ​ពុក​មាន​សភាព​ស្តើង​សម្បក​ឆ្អឹង ប្រហោង​ក្នុង​សម្បក​ឆ្អឹង​។​
​បង្ការ​ពុក​ឆ្អឹង​យ៉ាងដូចម្តេច​?
​ទិសដៅ​បង្ការ​ពុក​ឆ្អឹង គឺ​ធ្វើឱ្យ​ទម្ងន់​របស់​ឆ្អឹង​ល្អប្រសើរ​បំផុត តាំងពី​ពេល​នៅ​ក្មេង​រក្សា​ដង់ស៊ីតេ​ឆ្អឹង និង​បន្ថយ​ការ​សឹក​ឆ្អឹង​នៅពេល​ចាស់​។ របប​ជីវជាតិ ត្រូវតែ​ត្រឹមត្រូវ​សម្បូរបែប តុល្យភាព និង​សមស្រប​។ អាហារ​ទទួលទាន​ចាំបាច់​ត្រូវ​ផ្តល់​គ្រប់​ថាមពល និង​ប្រូតេអ៊ីន ដូចជា​សាច់ ត្រី ស៊ុត ទឹកដោះគោ​។ ត្រូវ​បរិភោគ​អាហារ​សម្បូរ​សារជាតិ​រ៉ែ ដូចជា​កាល់ស្យូម ម៉ាញ៉េ​ស្យូ​ម ហ្វូ​ស​ហ្វ័​រ វីតាមីន D ។ ក្រៅពីនេះ នៅមាន​ពពួក​ទឹកដោះគោ និង​ផលិតផល​ទឹកដោះគោ​(​យ៉ា​អួ ហ្វ្រូ​ម៉ា​...) ព្រោះ​វា​មាន​បរិមាណ​កាល់ស្យូម​ខ្ពស់ ងាយ​ស្រូបយក​។ វីតាមីន D ក្នុង​ទឹក ដោះ​គោ​ជួយ​សរីរាង្គ​ស្រូបយក​កាល់ស្យូម​ល្អ​ជាង​។ បរិមាណ​កាល់ស្យូម សរុប​ប្រើប្រាស់​ប្រចាំថ្ងៃ តិច​បំផុត​គឺ ១.០០០​ដង​។ បំពេញបន្ថែម​វីតាមីន D ៨០០ UI ក្នុង​មួយថ្ងៃ ប្រសិន​ពុំ​សូវ​ប្រាស្រ័យ​នឹង​ពន្លឺព្រះអាទិត្យ​។ បំពេញ​វីតាមីន K  ហ្វូ​ស​ស្វ័​រ ម៉ាញ៉េ​ស្យូ​ម ធ្វើឱ្យ​កើន​កម្រិត​ភ្ជាប់​កាល់ស្យូម​ទៅក្នុង​ឆ្អឹង​។ វីតាមីន K មាននៅ​ក្នុង​ពពួក​បន្លែ​មាន​ស្លឹក​បៃតងចាស់ ប្រេង​រុក្ខជាតិ សណ្តែក​ក្រៀម​, សណ្តែកសៀង ចៀសវាង​ស្រា បារី កាហ្វេ ៕

​អាំង​ថ្ងៃ​ពេលព្រឹក​ជួយ​គ្រប់គ្រង​ទម្ងន់​

អាំង​ថ្ងៃ​នៅពេល​ព្រឹក​ពុំ​ត្រឹមតែ​ជួយ​បំពេញបន្ថែម​វីតាមីន D ឲ្យ​សរីរាង្គ​តែប៉ុណ្ណោះ​ទេ តែ​នៅ​ជួយ​គ្រប់គ្រង​ទម្ងន់​ថែមទៀត ។​
​តាម​ទស្សនា​វ​ដ្តី The New Indian Express (​ឥណ្ឌា​) , ពួក​អ្នកវិទ្យាសាស្ត្រ​អាមេរិក​នៅ​សកល​វិទ្យាល័យ Northwestern បាន​រកឃើញថា អ្នក​ប្រាស្រ័យ​ជាមួយ​ពន្លឺ​ថ្ងៃជា​ប្រចាំ ទោះបី​ពន្លឺ​ស្រាល​នៅពេល​ព្រឹក , មាន​តួលេខ BMI (The body mass index -​ខ្នាត​ប្រើ​សម្រាប់​វាស់​មនុស្ស​គ្រប់​ទំងន់​,​លើស​ទំងន់ និង​លើស​ទំងន់​...)​ទាប​ជាង​ច្រើន​ប្រៀប​នឹង​អ្នក​ប្រាស្រ័យ​ជាមួយ​ពន្លឺព្រះអាទិត្យ​នៅពេល​រសៀល ។​
​ពួក​ជំនាញការ​សង្កេតឃើញ​ពេលវេលា , កម្រិត និង​អាំង​តង់​ស៊ី​តេ​ប្រាស្រ័យ​ជាមួយ​ពន្លឺ​ស្រាល​ដំបូង​ក្នុង​ថ្ងៃ​មាន​ពាក់ព័ន្ធ​ដល់​ទម្ងន់ ។​
សាស្ត្រាចារ្យ Kathryn Reid នៅ​សកល​វិទ្យាល័យ Northwestern និយាយថា​"​ការប្រាស្រ័យ​ជាមួយ​ពន្លឺព្រះអាទិត្យ​កាន់តែ​ប្រព្រឹត្តទៅ​ឆាប់​ក្នុង​ថ្ងៃនោះ តួលេខ BMI សរីរាង្គ​កាន់តែ​ថយចុះ​"  ។​
​ក៏​តាម​ជំនាញការ​រូបនេះ​ដែរ , ការប្រាស្រ័យ​ជាមួយ​ពន្លឺ​ថ្ងៃ​ក្នុង​ថ្ងៃ​កាន់តែ​យឺត​តួលេខ BMI កាន់តែ​ខ្ពស់ ។​
​ប្រធាន​ក្រុម​ស្រាវជ្រាវ phyllis C-Zee បកស្រាយ​ថា "​ពន្លឺ​ជា​ភ្នាក់ងារ​ខ្លាំង​បំផុត​ធ្វើ​ឲ្យ​នាឡិកា​ជីវសាស្ត្រ​ក្នុង​សរីរាង្គ​ស៊ីសង្វាក់ , ផ្តើម​ពី​នោះ​ក៏​ជួយ​សម្រួល​តុល្យភាព​ថាមពល​" ។​
​តាម​ជំនាញការ Zee"​ប្រសិន​មិន​ទទួលបាន​គ្រប់​ពន្លឺ​នៅពេល​វេលា​សមស្រប​ក្នុង​ថ្ងៃ , វា​អាចធ្វើ​ឲ្យ​បាត់​លក្ខណៈ​ស៊ីសង្វាក់​នៃ​នាឡិកា​ជីវសាស្ត្រ , ត្រូវបាន​ចាត់ទុកថា​ធ្វើ​ឲ្យ​ប្រែប្រួល​ដំណើរការ​បំប្លែង​សារជាតិ និង​អាច​នាំ​ដល់​ឡើង​ទម្ងន់​"   ។​
​ពួក​អ្នកវិទ្យាសាស្ត្រ​ទូន្មាន​ថា អ្នក​គួរ​អាំង​ថ្ងៃ​ក្នុងអំឡុងពេល​ពី​ព្រឹក​ព្រលឹម​ដល់​ជិត​ថ្ងៃត្រង់ ។ អាំង​ក្នុង​រង្វង់ ២០-៣០​នាទី នៅពេល​ព្រឹក​គឺ​គ្រប់​ឥទ្ធិពល​ដល់​តួលេខ BMI ៕M/T/L​

ធ្វើ​ចលនា​កណ្តាលវាល​នៅពេល​ព្រឹក​ព្រលឹម​មាន​ប្រសិទ្ធភាព​កែប្រែ​ប្រសើរ​ទម្ងន់​សរីរាង្គ​

កាហ្វេ ហាត់ប្រាណជួយបង្ការមហារីកស្បូន

៖ ស្ត្រី​ហាត់ប្រាណ​៣៨​នាទី​ក្នុង​១​ថ្ងៃ អាចធ្វើ​ឲ្យ​ថយចុះ​ហានិភ័យ​កើត​មហារីក​ស្បូន​ដល់​៤៤%
ហាត់ប្រាណ​៣៨​នាទី​ក្នុង​១​ថ្ងៃ រួមជាមួយ​របប​ទទួល​ទាន​ត្រឹមត្រូវ​រួមមាន​កាហ្វេ ជួយ​បន្ថយ​ហានិភ័យ​មហារីក​ស្បូន យោងតាម​ការស្រាវជ្រាវ​មួយ​នៅ​អង់គ្លេស ។​
​ដោយ​ត្រូវការ​តែ​សកម្មភាព​រាងកាយ​៣៨​នាទី​ក្នុង​១​ថ្ងៃ គួបផ្សំ​ជាមួយ​ការរក្សា​ទម្ងន់​ខ្លួន​អាចជួយ​ទប់ស្កាត់ ៤៤% បណ្តា​ករណី​កើត​មហារីក​ស្បូន​នៅ​ស្ត្រី​នៅ​អង់គ្លេស ។​
​តាម​របាយការណ៍​ត្រូវបាន​ប្រកាស​ដោយ​ពួក​អ្នកស្រាវជ្រាវ​នៅ​សាលា Imperial College London (​អង់គ្លេស​) នឹងមាន​៣៧០០​ករណី​មហារីក​ស្បូន​អាច​ត្រូវបាន​ទប់ស្កាត់​ក្នុង​១​ឆ្នាំៗ "​ប្រសិន​ស្ត្រី​ហាត់ប្រាណ​៣៨​នាទី ក្នុង​១​ថ្ងៃ និង​រក្សា​ទម្ងន់​សរីរាង្គ​ល្អ​" ។​
​លទ្ធផល​នេះ​ត្រូវបាន​ពួក​អ្នកស្រាវជ្រាវ​ផ្គូរ​ផ្គង និង​ពិនិត្យមើល​ទាំងអស់​នូវ​ការស្រាវជ្រាវ​វិទ្យាសាស្ត្រ​អំពី​ការបង្ការ​ប្រឆាំង​មហារីក​ស្បូន​ផ្អែកលើ​របប​ទទួលទាន សកម្មភាព​រាងកាយ និង​ទម្ងន់​ខ្លួន​ចាប់ពី​ឆ្នាំ​២០០៧ ។​
​ទន្ទឹម​នោះ​ក្នុង​របាយការណ៍​មួយ​ថ្មីៗ​នេះ​របស់​មូលនិធិ​ស្រាវជ្រាវ​មហារីក​ពិភពលោក ពួក​អ្នកវិទ្យាសាស្ត្រ​ក៏​រកឃើញថា ការប្រើប្រាស់​កាហ្វេ​អាចជួយ​ប្រឆាំង​តប​ជំងឺមហារីក​ស្បូន ។​
​តាម​ការស្រាវជ្រាវ ស្ត្រី​ដែល​ទទួលទាន​កាហ្វេ​ច្រើនជាង​៤​កែវ​ក្នុង​១​ថ្ងៃ មានលទ្ធភាព​ថយចុះ​២៥% ហានិភ័យ​កើត​មហារីក​ស្បូន​ប្រៀប​នឹង​អ្នក​ទទួលទាន​ឬ​ទទួលទាន​តែ​១​កែវ​ក្នុង​១​ថ្ងៃ ។ ទទួលទាន​ពី ២-៣​ពែង​ក្នុង​១​ថ្ងៃ មានលទ្ធភាព​ថយចុះ​ហានិភ័យ ៧% ។​
​ប៉ុន្តែ​ការទទួល​ទាន​៤​កែវ​កាហ្វេ​ក្នុង​១​ថ្ងៃ ក៏​ពុំមែន​ជា​ទម្លាប់​ល្អ​ចំពោះ​ពួក​អ្នក​រំញោច​ជាមួយ​សារជាតិ​កាហ្វេ​អ៊ី​ន ។ វិធានការ​ប្រសិទ្ធភាព​បំផុត ដើម្បី​បង្ក​មហារីក​គឺ​រក្សា​ទម្លាប់​ទទួលទាន​ល្អ​ត្រឹមត្រូវ និង​ហាត់ប្រាណ​ជាប្រចាំ ។​
​មហារីក​ស្បូន​សំខាន់​ឥទ្ធិពល​ទៅដល់​ស្ត្រី​អាយុ​លើស​៦០​ឆ្នាំ ៕​M

ទទួលទាន​ទឹកតែ​បី​ពែង​ក្នុង​មួយថ្ងៃ​អាច​បន្ថយ​សម្ពាធ​ឈាម​របស់​អ្នក​បាន​

ក្រុម​អ្នកវិទ្យាសាស្ត្រ​នៅ​សាកលវិទ្យាល័យ The University of Western Australia and Unilever បាន​រកឃើញថា ការទទួល​ទាន​ទឹកតែ​បី​ពែង​ក្នុង​មួយថ្ងៃ​អាចជួយ​បន្ថយ​កំរិត​សម្ពាធ​ឈាម Systolic និង  Diastolic បាន ។​

​ការ​វាស់​សម្ពាធ​ឈាមមាន​ពីរ​លេខ។ លេខ​ទីមួយ​គេ​ហៅថា Systolic ដែល​វាស់​សម្ពាធ​ឈាម​នៅពេលណា​ដែល​បេះដូង​លោត ឬ បង្រួម​ដើម្បី​រុញ​ឈាម​ឲ្យ​ឆ្លងកាត់​ក្នុង​រាងកាយ ។ លេខ​ទី​ពីរ​គឺ Diastolic ដែល​វាស់​នូវ​ចំនួន​សម្ពាធ​ឈាម​នៅ​ចន្លោះ​ចង្វាក់បេះដូង នៅពេលដែល​បេះដូង​ពុំ​សូវ​មមាញឹក ។​

​តែ​គឺជា​ភេសជ្ជៈ​ពេញនិយម​បំផុត​ទី​ពីរ​បន្ទាប់ពី​ទឹក​ធម្មតា ។ វា​សម្បូរ​ទៅដោយ​សារ​ធារ​ប្រឆាំង​អុកស៊ីតកម្ម​ឈ្មោះថា Polyphenols ដែល​អាច​បញ្ឈប់​កោសិកា​មហារីក​មិន​ឲ្យ​លូតលាស់​បាន ។ ការសិក្សា​មួយទៀត​ពី​សាកលវិទ្យាល័យ​ហា​វើដ​បាន​រកឃើញថា ទឹកតែ​អាច​បង្កើន​ប្រព័ន្ធ​ភាពស៊ាំ​បាន​ផងដែរ ។​

​​ឥឡូវនេះ​ក្រុម​អ្នកស្រាវជ្រាវ​បាន​រកឃើញ​ភស្ដុតាង​ច្រើន​ថែមទៀត​ដែលថា​ទឹកតែ​អាចជួយ​រក្សា​ឲ្យ​បេះដូង​មាន​សុខ​ភាពល្អ​បាន ។ អ្នកនិពន្ធ​ការស្រាវជ្រាវ​គឺ សាស្ត្រាចារ្យ លោក ចូ​ណា​ថា​ន ហុក​សុន បាន​និយាយថា "​មាន​ភស្តុតាង​ជាច្រើន​រួចទៅហើយ​ដែលថា​ទឹកតែ​ល្អ​សម្រាប់​សុខភាព​បេះដូង​នោះ ក៏ប៉ុន្តែ​នេះ​គឺជា​ការរកឃើញ​ដ៏​សំខាន់​មួយ ព្រោះ​វា​បានបង្ហាញ​នូវ​ទំនាក់ទំនង​មួយ​រវាង តែ និង កក្តា​ហានិភ័យ​ដ៏​ចម្បង​សម្រាប់​ជំងឺ​បេះដូង ។​

​​នៅក្នុង​ការសិក្សា​តូច​មួយ អ្នកចូលរួម​សញ្ជាតិ​អូស្ត្រាលី​ចំនួន ៩៥ នាក់​អាយុ​ចន្លោះ​ពី ៣៥ និង ៧៥ ត្រូវបាន​ជ្រើសរើស​ឲ្យ​មក​ទទួលទាន​ទាំង​ទឹកតែ​ខ្មៅ​បី​ពែង និង ថ្នាំ​សាកល្បង (placebo) ដែលមាន​រសជាតិ និង ផ្ទុក​នូវ​សារធាតុ​កាហ្វេ​អ៊ី​ន​ដូចគ្នា ប៉ុន្តែ​មិនមាន​ប្រភព​ចេញពី​តែ​នោះទេ ។​

​​ប្រាំ​មួយខែ​ក្រោយមក ក្រុម​អ្នកស្រាវជ្រាវ​បាន​រកឃើញថា បើ​ប្រៀបធៀប​ជាមួយ​ក្រុម​ដែល​ផឹកថ្នាំ​សាកល្បង​នោះ អ្នកចូលរួម​ដែល​ផឹក​ទឹកតែ​ខ្មៅ​បាន​ថយចុះ​តួលេខ​រង្វាស់​សម្ពាធ​ឈាម systolic និង diastolic នៅ​ចន្លោះ ២ និង ៣ mmHg (​មី​ល្លី​ម៉ែត្រ​បារត​) ។​

​​អ្នកនិពន្ធ​ការស្រាវជ្រាវ​ជឿថា ការធ្លាក់ចុះ​សម្ពាធ​ឈាម​ចំនួន ២ ទៅ ៣ មី​ល្លី​ម៉ែត្រ​បារត​ក្នុង​រាងកាយ​អាច​នឹង​នាំទៅដល់​ការធ្លាក់ចុះ​សម្ពាធ​ឈាម ១០ ភាគរយ​ក្នុង​ខ្លួន​មនុស្ស​ដែល​កើត​ជំងឺ​បេះដូង និង ជំងឺលើសឈាម ។​
​    ​
​​លោក ត្រេ​ស៊ី ផាក​ឃើ គ្រូពេទ្យ​ជំនាញ​ខាង​អាហារ​នៅ​អង់គ្លេស​បាន​និយាយថា "​ទន្ទឹមនេះដែរ ការកាត់បន្ថយ​អាហារ​សម្បូរ​ជាតិ​ប្រៃ និង សុរា​, ការទទួល​ទាន​បន្លែ និង ផ្លែឈើ​ឲ្យ​បាន​ច្រើន​, និង ការរក្សាបាន​នូវ​លំ​ហាត់ប្រាណ​ដ៏​សកម្ម គឺ​សុទ្ធតែជា​វិធី​នាំទៅរក​ការកាត់បន្ថយ​សម្ពាធ​ឈាម​របស់​អ្នក​បាន​ផងដែរ​"៕

មនុស្សធាត់ងាយកើតជំងឺផ្តាសាយ

​តាម​លទ្ធផល​ស្រាវជ្រាវ​មួយ មនុស្ស​ធាត់​មានការ​ប្រឈម​បាត់​បង់ជីវិត​ខ្ពស់ជាង​៣​ដង ពេល​ត្រូវ​ឆ្លង​ផ្តាសាយ ។ ដូច្នេះ​មនុស្ស​ធាត់​គួរ​អាទិភាព​ការចាក់​វ៉ាក់សាំង​បង្ការ​ផ្តាសាយ ។​
​ការស្រាវជ្រាវ​ថ្មី​រកឃើញថា ហានិភ័យ​បាត់បង់​ជីវិត​ដោយសារ​ផ្តាសាយ​កើនឡើង​ពេល​តួលេខ​ទម្ងន់​សរីរាង្គ (BMI) របស់​អ្នកជំងឺ​នៅ​កម្រិត​លើ​៣០ ។ តាម​ដំបូន្មាន​របស់​អ្នកជំនាញការ មនុស្ស​ធាត់​មាន​តួលេខ BMI លើ ៤០ ចាំបាច់​ត្រូវ​អាទិភាព​វ៉ាក់សាំង​បង្ការ​ផ្តាសាយ ។​
​តាម​ពួក​អ្នកជំនាញការ​ស្រាវជ្រាវ​ឲ្យ​ដឹងថា គេ​ពុំទាន់​ច្បាស់​ថា តើ​ជំងឺ​ធាត់​ធ្វើ​ឲ្យ​កើន​ការ​ប្រឈម​បាត់បង់​ជីវិត​ដោយសារ​ផ្តាសាយ ឬ​ជំងឺ​ផ្សេងៗ​ដូចជា​ទំ​ងឺ​ទឹកនោមផ្អែម មាន​និន្នាការ​អម​ជាមួយ​ជំងឺ​ធាត់ ធ្វើ​ឲ្យ​កើន​គ្រោះថ្នាក់​នេះ ។​
​ពួក​អ្នកស្រាវជ្រាវ​បាន​ពិនិត្យមើល​កត្តា​វិវត្តន៍​ប្រែប្រួល​ធ្ងន់ធ្ងរ​របស់​ផ្តាសាយ​ដូចជា​រលាក​សួត និង​រកឃើញថា ធាត់​ជា​កត្តា​ហានិភ័យ​សំខាន់​មួយ​ចំពោះ​លទ្ធភាព​បាត់បង់​ជីវិត​ដោយសារ​មហន្តរាយ​ផ្តាសាយ ឬ​ផ្តាសាយ​តាម​រដូវ ។ ក្រៅពីនេះ​អ្នក​កើត​ជំងឺ​សរសៃឈាម​បេះដូង ឬ​សាច់ដុំ​សរសៃប្រសាទ​ក៏មាន​ការ​ប្រឈម​វិវត្តន៍​ប្រែប្រួល​ពី​ផ្តាសាយ​ខ្ពស់ជាង បណ្តាល​ឲ្យ​ពួកគេ​គួរ​ស្ថិតក្នុង​ចំណោម​ក្រុម​អាទិភាព​ត្រូវបាន​ចាក់​វ៉ាក់សាំង និង​ព្យាបាល​ប្រឆាំង​វីរុស ។​
​តាម​ការស្រាវជ្រាវ​១​របស់​មជ្ឈមណ្ឌល​គ្រប់គ្រង​ជំងឺឆ្លង (CDC) នៅ​អាមេរិក​បង្ហាញថា 90% នៃ​ករណី​ត្រូវដាក់​បំពង់​ដកដង្ហើម​ដោយសារ​ឆ្លង​វីរុស​ធ្ងន់ធ្ងរ​គឺ​ដោយសារ​ធាត់ ហើយ​៣%​ក្នុងចំណោម​នេះ​បាត់បង់​ជីវិត​ដោយសារ​ជំងឺ​ធ្ងន់​ពេក ។​
​ការស្រាវជ្រាវ​របស់ CDC បង្ហាញថា ស្ថានភាព​លើស​ទម្ងន់​នឹង​ឥទ្ធិពល​ដល់​សួត និង​ធ្វើ​ឲ្យ​អ្នកជំងឺ​ងាយ​ឆ្លង ជាង​មួយ​វីរុស​ឆ្លងតាម​ផ្លូវដង្ហើម ក្នុងនោះ​មាន​វីរុស​ផ្តាសាយ ។ ជាងនេះទៀត​សម្ពាធ​កើនឡើង​របស់​ប្រអប់​ទ្រូង​និង​ពោះ​ក្នុងករណី​ធាត់​អាច​រារាំង​សកម្មភាព​ដំណក​ដង្ហើម និង​បំប្លែង​ខ្យល់​របស់​សួត ។​
​ចំណែក​តាម​តួលេខ​របស់​អង្គការ​សុខភាព​ពិភពលោក ៨០% នៃ​អ្នកជំងឺ​ធ្ងន់​ក្នុង​គ្រោះមហន្តរាយ​ផ្តាសាយ ឆ្នាំ​២០០៩ មាន​បញ្ហា​យូរអង្វែង​អំពី​សុខភាព​មុន​នោះ ។ បញ្ហា​មួយ​ក្នុងចំណោម​បញ្ហា​អំពី​សុខភាព​ដែល​អ្នកជំងឺ​ផ្តាសាយ H1N1 ជួបប្រទះ​មុននេះ គឺ​ធាត់ ពិសេស​គឺ​ធាត់​ធ្ងន់ធ្ងរ និង​ជំងឺ​ពាក់ព័ន្ធ​ដល់​ធាត់​ដូចជា​ជំងឺ​បេះដូង លើសឈាម និង​ទឹកនោមផ្អែម​ប្រភេទ​២ ។​
​ជាក់ស្តែង​អ្នកជំងឺ​ធាត់​ជាច្រើន នោះ​មិនដឹងថា គេ​មាន​គ្រោះថ្នាក់​ប្រឈម​នឹង​បញ្ហា​យ៉ាងច្រើន​អំពី​សុខភាព ហើយ​គេ​ក៏​ជា​មុខសញ្ញា​ងាយ​ឆ្លង​វីរុស​ផ្តាសាយ​ថ្មីៗ​ជាង ៕​M

វីតាមីន D បូក​ជាមួយ​កាល់​សូម​ធ្វើ​ឲ្យ​មនុស្ស​អាយុ​វែង​

ឯកសារ​ស្រាវជ្រាវ​ថ្មី​មួយ​បាន​លើកឡើងថា មនុស្ស​វ័យ​ចំណាស់​ដែល​លេប​វីតាមីន D និង កាល់​សូម​បន្ថែម​អាច​រស់នៅ​បានយូរ​ជាង​មនុ​ស្សវ័យ​ចំណាស់​ដូចគ្នា ។​

​ក្រុម​អ្នកស្រាវជ្រាវ​បាន​រកឃើញថា មនុស្ស​ចាស់​ដែល​ត្រូវបាន​គេ​ផ្តល់​ថ្នាំ​វីតាមីន D និង កាល់​សូម​បន្ថែម​ឲ្យ​ផឹក​មាន​អត្រា​ស្លាប់ ៩ % ក្នុងអំឡុងពេល​បី​ឆ្នាំ​តិចជាង​អ្នក​ដែល​ផឹកថ្នាំ Placebo ។ ទោះជា​យ៉ាងណា វីតាមីន D ខ្លួន​វា​ផ្ទាល់​មិនបាន​បង្ហាញ​ពី​ផលប៉ះពាល់​លើ​អត្រា​មរណៈ​នោះទេ ។​

​លទ្ធផល​ស្រាវជ្រាវ​នេះ​គឺ​ផ្អែកលើ​ទិន្នន័យ​នៃ​ការសាកល្បង​ស្រាវជ្រាវ​ផ្នែក​វេជ្ជសាស្ត្រ​ចំនួន​ប្រាំបី​នាពេល​កន្លងមក​ដែល​មនុស្ស​ជាច្រើន​ត្រូវបាន​គេ​កំណត់​ចោះៗ​ឲ្យ​លេប​វីតាមីន D (​ដោយមាន​ឬ​គ្មាន​កាល់​សូម​) ឬ ផឹកថ្នាំ Placebo អសកម្ម​ដើម្បី​ធ្វើការ​ប្រៀបធៀប​គ្នា ។​

​វេជ្ជបណ្ឌិត​លោក ឡាស រ៉េ​ន​ច៍​ម៉ាក អ្នកដឹកនាំ​ស្រាវជ្រាវ​លើ​ឯកសារ​នេះ​បាន​និយាយថា ប្រភេទ​នៃ​ការស្រាវជ្រាវ​នេះ​ផ្តល់នូវ​ភស្តុតាង​ដ៏​រឹងមាំ​បំផុត​បញ្ជាក់ថា​តើ​ថ្នាំ​បន្ថែម​ទាំងនេះ​មាន​ឥទ្ធិពល​លើ​សុខភាព​ដែរ​ឬក៏​អត់ ។ ការថយចុះ​ហានិភ័យ​នៃ​ការស្លាប់​ចំនួន ៩ ភាគរយ​ក្នុងអំឡុងពេល​បី​ឆ្នាំ​ស្តាប់ទៅ​ហាក់ដូចជា​តិច​ខ្លាំងណាស់ ។

​រ៉េ​ន​ច៍​ម៉ាក ជំនួយការ​សាស្ត្រាចារ្យ​នៅ​សាកលវិទ្យាល័យ Aarhus University ក្នុងប្រទេស​ដា​ណឺ​ម៉ាក​បាន​និយាយថា ប៉ុន្តែ​ឥទ្ធិពល​មួយ​នេះ​យ៉ាងហោចណាស់​ក៏មាន​អត្ថប្រយោជន៍​អស្ចារ្យ​ដូច​អត្ថប្រយោជន៍​ដែលមាន​ជាប់​ពាក់ព័ន្ធ​នឹង​ថ្នាំ​បញ្ចុះ​កូ​ឡេ​ស្តូ​រ៉ូ​ល និង ថ្នាំ​លើសឈាម​ដែរ ។​

​សម្រាប់​ការស្រាវជ្រាវ​របស់​ពួកគេ ក្រុម​អ្នកស្រាវជ្រាវ​បាន​ផ្គុំ​លទ្ធផល​បានមកពី​ការសាកល្បង​ស្រាវជ្រាវ​ផ្នែក​វេជ្ជសាស្ត្រ​ចំនួន​ប្រាំបី​ដែលមាន​ការចូលរួម​ពី​មនុស្ស​ចាស់​ចំនួន​៧​ម៉ឺន​នាក់​ភាគច្រើន​ជា​ស្ត្រី ។ នៅក្នុង​ការសាកល្បង​និ​មួយៗ មនុស្ស​ទាំងនោះ​ត្រូវបាន​គេ​កំណត់​ចោះៗ​ឲ្យ​លេប​វីតាមីន D ឬ ថ្នាំ Placebo ហើយ​ការសិក្សា​មួយចំនួន​បាន​ប្រើការ​ផ្គុំ​ចូលគ្នា​នៃ​វីតាមីន D និង​កាល់​សូម ។​

​ដូ​ស (​កំរិត​ចំនួន​ថ្នាំ​) មានការ​ប្រែប្រួល​ប៉ុន្តែ​ការសាកល្បង​ភាគច្រើន​បាន​ប្រើ ដូ​ស​វីតាមីន D ពី ១០ ទៅ ២០ មីក្រូ​ក្រាម ។ នៅ​សហរដ្ឋអាមេរិក ក្រុមមន្ត្រី​សុខាភិបាល​បានស្នើ​ឲ្យ​មនុស្ស​ចាស់​ភាគច្រើន​លេប​វីតាមីន D ចំនួន ១៥ មីក្រូ​ក្រាម​ក្នុង​មួយថ្ងៃ ចំណែកឯ​មនុស្ស​ចាស់​អា​យុ​ចាប់ពី ៧០ ឆ្នាំ​ឡើងទៅ​គួរតែ​លេប​ឲ្យ​បាន ២០ មីក្រូ​ក្រាម ។​

​នៅក្នុង​ការសាកល្បង​ដែល​ប្រើ​កាល់​សូម ដូ​ស​ថ្នាំ​គឺមាន​កំរិត ១.០០០ មី​ល្លី​ក្រាម​ក្នុង​មួយថ្ងៃ ។ ជាទូទៅ ស្ត្រី​វ័យចាស់​ជាង ៥០ ឆ្នាំ និង មនុស្ស​ចាស់​អាយុ​ច្រើនជាង ៧០ ឆ្នាំ​ត្រូវបាន​គេ​ប្រាប់​ឲ្យ​លេប​កាល់​សូម​ចំនួន ១.២០០ មី​ល្លី​ក្រាម​ក្នុង​មួយថ្ងៃ ។​

​វីតាមីន D និង កាល់​សូម​គឺ​ល្បី​បំផុត​ខាង​ជួយ​ពង្រឹង​ឆ្អឹង ។ ស្ត្រី​ចំណាស់​ឧស្សាហ៍​លេបថ្នាំ​បន្ថែម​ទាំងនេះ​ដើម្បី​បង្ការ​ជំងឺ​ពុក​ឆ្អឹង ។ ការសិក្សា​មួយចំនួន​បាន​រកឃើញថា​ការរួមបញ្ចូល​ថ្នាំ​បន្ថែម​ទាំងនេះ​អាច​បង្ការ​ការ​ប្រេះ​ឆ្អឹង​ដោយសារ​ដួល​ក្នុងចំណោម​មនុស្ស​ចាស់​ផងដែរ ៕

​៧​ប្រការ​ស្តីពី​សុដន់​

ជាទូទៅ នារី​ទាំងឡាយ តែង​យកចិត្តទុកដាក់​ទៅលើ​សុដន់​បស់​ខ្លួន ប៉ុន្តែ​តាម​ការពិត ពួកគេ​មិនបាន​យល់ដឹង​ច្រើន​ចំពោះ​វា​នោះទេ​។ ដូច្នេះ​ការពិត​ទាំង​៧ ប្រការ​ខាងក្រោម​ប្រាកដជា​ធ្វើ​ឲ្យ​បងប្អូន​ស្ត្រី​យើង​មានការ​ភ្ញាក់ផ្អើល​។​
​១-​ដើមទ្រូង​ខាងឆ្វេង​ធំ​ជាង​ខាងស្តាំ​
​​យើង​ពិបាក​ក្នុងការ​ដឹងថា ដើមទ្រូង​ខាងឆ្វេង តែងតែ​ធំ​ជាង​ខាងស្តាំ ជាការ​ពិត​វា​មិន​ស្មើគ្នា​នោះទេ​។ ចំណែក​ចុង​សុដន់​វិញ ក៏មាន​ទំហំ​មិន​ដូចគ្នា​ដែរ ហើយ​វា​ក៏​តម្រង់​ទៅកាន់​ទិសដៅ​ផ្សេងៗ​ខុសគ្នា​។​
​​២-​ស្ត្រី​ទាំងអស់​សុទ្ធ​តែមាន​រោម​នៅ​ចុង​សុដន់​
​ស្ត្រី​ម្នាក់ៗ​មាន​រោម​ពី ២ ទៅ ១៥ សរសៃ នៅលើ​ដើមទ្រូង រោម​ទាំងនេះ​មាន​សភាព​ត្រង់​និង​នៅ​សងខាង​ដើមទ្រូង​។ ស្បែក និង​សក់​របស់​អ្នក​កាន់តែ​ខ្មៅ រោម​ទាំងនោះ​ក៏​នឹងមាន​ពណ៌​ខ្មៅ​ទៅតាម​នោះដែរ​។ ចុង​សុដន់​អាច​ហើម ឬ​កើតមុន ដូច្នេះ​ចូរ​ថែរក្សា​វា​ឲ្យ​បាន​ត្រឹមត្រូវ​។​
​៣-​ទម្ងន់​មធ្យម​របស់​ដើមទ្រូង​ពី ០,៥ គីឡូក្រាម​
​ដើមទ្រូង​មាន​ទម្ងន់​ជា​មធ្យម​ប្រមាណ ០,៥ គីឡូក្រាម​។ ចុង​សុដន់​ម្ខាងៗ​ផ្តល់​ជាតិ​ខ្លាញ់​ប្រមាណ ៤ ទៅ ៥ ភាគរយ សម្រាប់​រាងកាយ គឺ​ប្រហាក់ប្រហែល​នឹង ១ ភាគរយ​នៃ​ទម្ងន់​សរុប របស់​ស្ត្រី​។ ដើមទ្រូង នឹងត្រូវ​ធំ​ឡើង នៅពេល​ស្ត្រី​មាន​វ័យ​ចំណាស់​។ ប៉ុន្តែ​យើង​ក៏ត្រូវ​ចាំ​ថា ស្ត្រី​ដែលមាន​ទម្លាប់​ជក់បារី សុដន់​របស់​ពួកគេ​តែង​យារ​ធ្លា​ក់ជាង បើ​ធៀប​នឹង​អ្នក​មិន​ជក់បារី​។​
​​៤-​ស្ត្រី​ជាង ២​លាន​នាក់​មាន​សុដន់​ក្លែងក្លាយ
​​យោងទៅតាម​ទិន្ន័យ​នៃ​ការស្រាវជ្រាវ​នៅក្នុង​ពិភពលោក មាន​ស្ត្រី​ជាង ២​លាន​នាក់ កំពុង​ប្រើប្រាស់​សុដន់​ក្លែងក្លាយ​។ ចំនួន​នេះ​បានបង្ហាញ​ពី​ការយល់ឃើញ​របស់​ស្ត្រី​ចំពោះ​ដើមទ្រូង​របស់​ពួកគេ​។ អាយុ​មធ្យម​នៃ​ស្ត្រី​ដែល​បានទទួល​ការវះកាត់​កែ​សុដន់​ពី ៣៤ ឆ្នាំ​។​
​​៥-​ដើមទ្រូង​ធំ​ឡើង​នៅពេល​ត្រូវធ្វើ​ឲ្យ​ស្រើបស្រាល​
​​ដូច​ទៅនឹង​ប្រដាប់ភេទ​របស់​បុរស​ដែរ សុដន់​ក៏​នឹង​ធំ​ឡើង នៅពេល​វា​ត្រូវបាន​គេ​ស្ទាបអង្អែល ចំណែក​ចុង​សុដន់ ក៏មាន​សភាព​ដូច្នោះ​ដែរ​។​
​​៦-​សុដន់​រីក​ធំ​ដោយសារ​ការ​រលាក់​
​​ការធ្វើសកម្មភាព​ដោយ​ថ្មើរជើង រត់ ឬ​ហាត់ប្រាណ​ជាដើម អាចធ្វើ​ឲ្យ​សុដន់​ត្រូវ​រលាក់ និង​រីក​ធំ​។ ចូរ​ពាក់អាវ​ទ្រនាប់​ឲ្យ​បាន​ត្រឹមត្រូវ ដើម្បី​កាត់បន្ថយ​ការ​រលាក់​ដែល​អាច​បណ្តាល​ឲ្យ​ឈឺ​សុដន់​។ ចូរ​ចងចាំ​ថា មុខងារ​សំខាន់​របស់​អាវទ្រនាប់ គឺ​ការពារ​សុខភាព​របស់​ដើមទ្រូង​។​
​​៧-​សុដន់​អាច​បាត់បង់​ទម្រង់
​​ការ​ដេក​ផ្កាប់​ខ្លាំង ជួនកាល​អាច​បណ្តាល​ឲ្យ​សុដន់ ត្រូវ​បាត់បង់​សភាព​ដើម ឬ​បាត់បង់​ទម្រង់​របស់​វា​។ ចូរ​យកចិត្តទុកដាក់​ចំពោះ​កាយវិការ​ដេក ដើម្បី​ធានា​ឲ្យ​បាន​នូវ​ទម្រង់ និង​ភាពស្រស់ស្អាត​របស់​សុដន់​។ កាយវិការ​ដេក​ដែល​ល្អ​សម្រាប់​សុដន់​នោះ គឺ​ការ​ដេក​ផ្អៀង​ទៅ​ម្ខាង​ដោយមាន​ខ្នើយ​ទន់​ទ្រ​ពីក្រោម​៕​

​មិន​ធ្លាប់​រួមភេទ ក៏​មាន​ជំងឺ​ផ្លូវភេទ​

សូម្បី​តែ​នារី​វ័យក្មេង​ដែល​មិន​ធ្លាប់​រួមភេទ ប៉ុន្តែ​ក៏​មាន​លទ្ធភាព​ក្នុង​ការឆ្លង HPV ដែល​ជា​ប្រភេទ​មេរោគ​បង្ក​ឲ្យ​កើត​មាន​ជំងឺ​មហារីក​។ នេះ​បើ​តាម​លទ្ធផល​នៃ​ការស្រាវជ្រាវ​មួយ កាលពី​ពេល​ថ្មីៗ​នេះ​របស់​ក្រុម​អ្នកស្រាវជ្រាវ​។​

​ការស្រាវជ្រាវ​នេះ បាន​ធ្វើឡើង​ដោយ​លោក​សាស្ត្រាចារ្យ លា​វីដ ឌី​ស ធ្វើការ​ផ្នែក​កុមារ​នៅ​មន្ទីរពេទ្យ​ស៊ីន​ស៊ីន​ណា​ធី​(​អាមេរិក​)​។ លោក​និង​សហការី បាន​ប្រមូល និង​វិភាគ​ទិន្នន័យ​របស់​នារី​ចំនួន ២៥៩​នាក់ ដែល​មាន​អាយុ​ចាប់ពី ១៣​ឆ្នាំ ដល់ ២១​ឆ្នាំ នៅ​បន្ទប់​ពិនិត្យ ដោយ​ក្នុង​នោះ ៧៨​ភាគរយ ជា​ជនជាតិ​អាមេរិក ដើមកំណើត​អាហ្វ្រិក​។​

​នារី​ទាំងឡាយ​ដែល​បាន​ចូលរួម​ក្នុង​ការស្រាវជ្រាវ​នេះ ត្រូវ​ឆ្លើយ​ទៅ​នឹង​សំណួរ “​តើ​ធ្លាប់​រួមភេទ​ឬទេ ?”​។ តាមរយៈ​សំណួរ​នេះ គេ​រកឃើញ​ថា នារី​ចំនួន ១៩០​នាក់ (​ស្មើនឹង ៧៣​ភាគរយ​) ធ្លាប់​រួមភេទ ក្នុង​នោះ​ភាគច្រើន ពួកគេ​មាន​ដៃគូ​ស្នេហា​ច្រើន​។ ក្រោយមក ក្រុមគ្រូពេទ្យ បាន​ប្រើ​បន្ទះ​មួយ កៀរ​យក​កោសិកា​នៅត្រង់​ទ្វារមាស និង ក​-​ស្បូន ដើម្បី​ពិនិត្យមើល​ថា មាន​មេរោគ HPV ដែរ​ឬ​អត់​?


​លទ្ធផល​បាន​បង្ហាញថា នៅក្នុង​ចំណោម​មនុស្ស ១៩០​នាក់ ដែល​ធ្លាប់​បាន​រួមភេទ មាន ១៣៣​នាក់ (​ស្មើនឹង ៧០​ភាគរយ​) ត្រូវ​បាន​ពិនិត្យ​រកឃើញ​មេរោគ HPV​។ ចំណែក​មនុស្ស ៦៥​នាក់ ដែល​មិន​ទាន់​បាន​រួមភេទ គឺមាន ៨​ករណី ដែល​មាន​ជំងឺ HPV ក្នុងនោះ​មាន​ពីរ​នាក់ បាន​ឆ្លង​ជំងឺ  HPV-១៦ និង HPV-១៨​។​

HPV ជា​មេរោគ​មួយ​ប្រភេទ​ដែល​ឆ្លង​តាមរយៈ​ការ​រួមភេទ​តាម​ប្រដាប់ភេទ ឬ​រន្ធ​គូទ​។ ក្រៅពីនេះ វា​ក៏​ឆ្លង​តាម​ការ​ប៉ះ​ស្បែក​ត្រង់​ប្រដាប់ភេទ ឬ​ដៃ​ប៉ះ​ប្រដាប់ភេទ​។ ការរកឃើញ​នេះ ត្រូវបាន​អ្នកស្រាវជ្រាវ​បកស្រាយ​នូវ​មូលហេតុ ដែល​នារី​មួយចំនួន​មិនទាន់​បាន​រួមភេទ ប៉ុន្តែ​បែរជា​ត្រូវ​ឆ្លង​ជំងឺ HPV ។ យោង​តាម​ការ​ឲ្យដឹង​ពី​សមាគមមហារី​ក​ជាតិ មេរោគ HPV គឺ​មាន​ចំនួន ១០​ប្រភេទ (​ក្នុងចំណោម ៤០​ប្រទេស​) គឺជា​កត្តា​ដែល​បង្ករ​ជំងឺមហារីក​។​

​ជាទូទៅ ការឆ្លង​ជំងឺ HPV មិន​មាន​គ្រោះថ្នាក់ ប៉ុន្តែ​ប្រសិន​រលាក​ក្នុងពេល​យូរ វា​នឹង​នាំឲ្យ​កើត​ជំងឺមហារីក​មាត់ស្បូន​។ ការរកឃើញ​នេះ ត្រូវបាន​អ្នកស្រាវជ្រាវ​ស្នើ​ទៅ​កាន់​ស្ថាប័ន​សុខាភិបាល​ថា គួរតែ​ចាក់​ថ្នាំ​បង្ការ​មេរោគ HPV សម្រាប់​ក្មេងស្រី​ដែល​មាន​អាយុ ១១ និង ២១​ឆ្នាំ មុន​នឹង​ពួកគេ​អាច​មាន​សកម្មភាព​ផ្លូវភេទ​។​

​លោក​សាស្ត្រាចារ្យ លា​វីដ ឌី​ស បាន​ថ្លែង​នៅលើ​គេហទំព័រ Archives of Pediatric & Adolescent Medecine ថា “​គ្រូពេទ្យ និង​ឪពុក​ម្តាយ​ទាំងឡាយ មិន​ត្រូវ​មើលស្រាល​ការចាក់​ថ្នាំ​បង្ការ​មេរោគ HPV សម្រាប់​កូនស្រី​របស់​ខ្លួន​នោះទេ​។ សូម្បី​តែ​មុនពេល​រួមភេទ ពួកគេ​អាច​ឆ្លង​មេរោគ​នេះ​បានដែរ ដូចនេះ​ការចាក់​ថ្នាំ​បង្ការ​នៅពេលនេះ មិនមែន​ឆាប់​ពេក​នោះ​ទេ​”៕​

​ˆ មូលហេតុ​បណ្តាលឱ្យ​អ្នក​ងាយ​ធាត់

ជំងឺ​•​ធាត់​គឺ​បង្កឡើង​ដោយ​បាក់តេរី ដូច្នេះ​វា​មាន​លក្ខណៈ​ឆ្លង​។ វា​អាច​ឆ្លង​មក​ពី​កត្តាបរិស្ថាន​មិន​ច្បាស់​មួយ​ចំនួន ឬ​មក​ពី​ឪពុកម្តាយ​។​

​បើ​តាម​ការស្រាវជ្រាវ​មួយ ក្រុម​អ្នកវិទ្យាសាស្ត្រ បានបង្ហាញ​ថា ជំងឺ​ធាត់​គឺ​បង្កឡើង​ដោយ​បាក់តេរី គឺ​ពុំមែន​ដោយសារ​របប​ទទួលទាន​លើស​ចំណុះ​, មិនសូវ​ហ្វឹកហាត់ ឬ​កត្តា​តំណពូជ​នោះទេ​។

 

រឿង​នេះ​អាច​មាន​ឥទ្ធិពល​យ៉ាង​ធំ​ទៅដល់​ប្រព័ន្ធ​សុខាភិបាល​សាធារណៈ  វិស័យឱសថ​សាស្ត្រ និង​វិស័យកែច្នៃ​អាហារ​។​

​ពួក​អ្នកវិទ្យាសាស្ត្រ​ពិភពលោក  បាន​ស្រាវជ្រាវ​ក្នុង​រយៈពេល​៨​ឆ្នាំ និង​បាន​បកស្រាយ​អំពី​ទំនាក់ទំនង​រវាង​បាក់តេរី​ផ្លូវ​ពោះវៀន​ជាមួយនឹង​ជំងឺ​ធាត់​។​

​ពួក​អ្នក​ស្រាវជ្រាវ​សៀង​ហៃ បាន​រកឃើញ​បាក់តេរី​នៅក្នុង​មនុស្ស​ធាត់​ដែល​ពាក់ព័ន្ធ​ដល់​ជំងឺ​ធា​ត់ និង​បាន​ចិញ្ចឹម​ពិសោធន៍​លើ​សត្វ​កណ្តុរស រួច​ដំណើរការ​ប្រៀបធៀប​ការ​កើន​ទម្ងន់​ចំពោះ​កណ្តុរ​មិន​ចិញ្ចឹម​បាក់តេរី​។ ថ្វី​ត្បិត​សត្វ​កណ្តុរ​មិន​ចិញ្ចឹម​បាក់តេរី ត្រូវបាន​ឱ្យ​ស៊ី​អាហារ​សម្បូរ​ជីវជាតិ​ខ្លាញ់ និង​មិន​ឱ្យ​ហ្វឹកហាត់ តែ​វា​បែរ​ជា​ពុំ​មាន​រោគសញ្ញា​ធាត់​។​

​សាស្ត្រាចារ្យ Zhao Liping ស្ថិតក្នុង​ក្រុម​ស្រាវជ្រាវ​នៃ​មហាវិទ្យាល័យ​គមនាគមន៍​សៀង​ហៃ និង​ជា​អ្នកដឹកនាំ​ការស្រាវជ្រាវ​នេះ បានឱ្យដឹងថា  «​នេះ​ជា​បាតុភូត​មួយ​សំខាន់​អស្ចារ្យ​។ វា​ជា​ភស្តុតាង​នៅ​ខ្វះ​ចុងក្រោយ​ដែល​បញ្ជាក់ថា បាក់តេរី​បង្ក​ជំងឺ​ធាត់​»​។​

​អ្នក​សត្តវិទ្យា David Weinkove  នៅ​មហាវិទ្យាល័យ Durham បាន​ចាត់ទុកថា   ប្រសិន​បើ​ជំងឺ​ធា​ត់ គឺ​បង្កឡើង​ដោយ​បាក់តេរី   ដូច្នេះ​វា​មាន​លក្ខណៈ​ឆ្លង អាចមកពី​កត្តាបរិស្ថាន​មិន​ច្បាស់​មួយចំនួន ឬ​មក​ពី​ឪពុកម្តាយ​។ ទោះជា​យ៉ាងណា​ក៏ដោយ លោក​បាន​អះអាង​ថា «​ការស្រាវជ្រាវ​របស់​សាស្ត្រាចារ្យ Zhao បាន​បើកផ្លូវ​សម្រាប់​ការព្យាបាល​ជំងឺ​ធាត់​ដោយ​ឱសថ​»៕

មនុស្ស​ចាស់​ទទួលទាន​ត្រី​ច្រើន បន្ថយ​ហានិភ័យ​កើត​ជំងឺ ដល់​ទៅ ៣៩%

ត្រី​ផ្ទុក​ច្រើន​នូវ​ប្រូតេអ៊ីន , អាស៊ីត​ខ្លាញ់ Omega-3 មាន​ប្រយោជន៍​បំផុត ដើម្បី​កសាង​សាច់ដុំ , ជួយ​មិន​ឲ្យ​ដួល , បន្ថយ​ឈឺសន្លាក់ ក៏ដូចជា បញ្ចៀស​បាន ការ​ថមថយ​សតិបញ្ញា ។​

​ពួក​អ្នកស្រាវជ្រាវ នៅ​វិទ្យាស្ថាន​សុខភាព និង​ជីវជាតិ​ជប៉ុន ទើប​ដំណើរការ​ស្រាវជ្រាវ​មួយ ចំពោះ​មនុស្ស​ចាស់ ១.០០០ នាក់ ដើម្បី​ស្វែងយល់​ការ​ហាត់ពត់​ស្មារតី និង​រាងកាយ​របស់​ពួកគេ ។ មនុស្ស​ចាស់ ត្រូវបាន​សួរ អំពី​ការចូលរួម​គមនាគមន៍​សាធារណៈ ឬ​បង់ប្រាក់​វិក្ក​យ​ប័ត្រ​លំបាក​យ៉ាងដូចម្តេច , កម្រិត​ទៅលេង សាកសួរ​សុខទុក្ខ មិត្តភក្តិ​របស់​ពួកគាត់​ដូចម្តេច​ដែរ , គាត់​មាន​ត្រូវការ​អ្នកដទៃ ជួយ​ជាប្រចាំ ឬ​អត់ ។ ពិសេស​អ្នកចូលរួម ក៏ត្រូវ​បាន​សួរ​អំពី​របប​ទទួលទាន ។​

​​ផ្តើម​ពី​នោះ ពួក​អ្នកស្រាវជ្រាវ រកឃើញថា អ្នកទទួល​ទាន​ត្រី​ច្រើន អាច​បន្ថយ​បាន ៣៩% នៃ​ហានិភ័យ​កើត​ជំងឺ​ខាង​ផ្លូវចិត្ត ក៏​ដូច​រាងកាយ ក្រោយ ៧ ឆ្នាំ ។​

​ប្រូតេអ៊ីន​សត្វ ជា​កូនសោ ដើម្បី​កសាង​សាច់ដុំ , ជួយ​ការពារ​សរីរាង្គ , ប្រឆាំង​ជំពប់​ដួល និង​បាក់ឆ្អឹង ។ ប៉ុន្តែ​ពេល​យើង​ចាស់​ទៅ សរីរាង្គ​នឹង​ពិបាក​ស្រូបយក និង​ដោះស្រាយ​សារជាតិ​ជីវជាតិ ជាង​ពេល​នៅ​ក្មេង ។ ដូច្នេះ​យើង​ត្រូវ​ទទួលទាន​ត្រី​ឲ្យ​បាន​ច្រើនជាង ដើម្បី​រក្សាសុខ​ភាពល្អ ៕M/V/L

មូលហេតុបណ្តាលឲ្យឡើង​ទម្ងន់​ដែលស្មានមិនដល់

ឡើង​ទម្ងន់​ពុំ​គ្រាន់​តែដោយសារ​ចូលចិត្ត​ទទួលទាន​, ទទួលទាន​ច្រើន តែ​នៅ​ដោយសារ​មូលហេតុ​ជាច្រើន​ផ្សេងទៀត​
​-គេង​មិន​លក់​
​បណ្ឌិត Dan Dtunna ជំនាញការ​បញ្ចុះទម្ងន់​នៅ​មជ្ឈមណ្ឌល​ថែទាំ​សុខភាព​ឯកជន Harley Street GP ឲ្យ​ដឹងថា គេង​មិន​លក់​នឹង​ឥទ្ធិពល​ទៅដល់​ដំណើរការ​បំប្លែង​សារជាតិ ហើយ​ចុងក្រោយ​នាំ​ដល់​ការឡើង​ទម្ងន់​។ ក្រៅពីនេះ ប្រសិន​មនុស្ស​ម្នាក់​គេង​មិន​គ្រប់គ្រាន់ នោះ​សរីរាង្គ​មនុស្ស​នោះ​នឹងមិន​រំលាយ​អាហារ​ដោយ​ធម្មតា​បាន​។ ជាងនេះទៀត អ្នក​គេង​មិន​លក់​នឹង​ចាប់ផ្តើម​ទទួលទាន​កំប៉ិកកំប៉ុក​នៅពេល​យប់ ឬ​ទទួលទាន​តែ និង​កាហ្វេ ដែល​ធ្វើ​ឲ្យ​បញ្ហា​កាន់តែ​អាក្រក់​ជាង​។​
​ដើម្បី​ជំនះ​បញ្ហា អ្នក​ត្រូវ​ហាត់​ទម្លាប់​ចូល​គេង និង​ភ្ញាក់​ត្រូវ​ម៉ោង សូម្បីតែ​នៅ​បណ្តា​ថ្ងៃ​ចុង​សប្តាហ៍​។ ក្រៅពីនេះ ចៀសវាង​កាហ្វេ​ក្រោយ​ម៉ោង ៤ រសៀល និង​មិនត្រូវ​ប្រើ iPhone ឬ​មើល​ទូរទស្សន៍​ក្នុង​បន្ទប់​គេង តែ​អ្នក​ជំនួស​ដោយ​ការអាន​សៀវភៅ​មុនពេល​ចូល​គេង ។​
-​រោគ​ផ្លូវចិត្ត​
​វេជ្ជបណ្ឌិត​វះកាត់ Christopher Wong នៅ​មន្ទីរពេទ្យ Spires Bristol (​អង់គ្លេស​) ឲ្យ​ដឹងថា មនុស្ស​ពេល​នឿយណាយ ឬ​មាន​រោគ​ផ្លូវចិត្ត មាន​និន្នាការ​ទទួលទាន​ច្រើន​ម៉ោង​។ ក្រៅពីនេះ ថ្នាំ​ប្រឆាំង​រោគ​ផ្លូវចិត្ត ក៏​អាច​រំញោច​ភាព​ឃ្លាន​។​
ប្រមាណ ២៥% នៃ​អ្នក​ប្រើ​ថ្នាំ​ប្រឆាំង​រោគ​ផ្លូវចិត្ត​យូរអង្វែង​ត្រូវ​ឡើង​ទម្ងន់ -​ជា​ឥទ្ធិពល​បន្ទាប់បន្សំ​មួយ​របស់​ថ្នាំ​។​
​ដើម្បី​បំបាត់​បញ្ហា រឿង​សំខាន់​គឺ​មិនត្រូវ​ចាត់ទុក​សភាព​ឃ្លាន​ជា​លេស​មួយ ដើម្បី "​បញ្ចូល​" ស្រេច​តែ​ចិត្ត​នូវ​ចំណីអាហារ​មាន​គ្រោះថ្នាក់​។ អ្នក​ត្រូវ​ជ្រើស​យក​អាហារ​ស្រាលៗ​, ល្អ ដូចជា ផ្លែឈើ និង​ពពួក​គ្រាប់ ។​
-​ស្ត្រេ​ស
​ពេល adrenaline - អ័រម៉ូន​បង្ក​ភាព​តានតឹង​លេចឡើង សរីរាង្គ​នឹង​ផលិត Cortisol ច្រើន​ធ្វើ​ឲ្យ​យើង​មាន​អារម្មណ៍​ឃ្លាន​។ ដើម្បី​បញ្ចៀស​បញ្ហា សូម្បីតែ​ក្នុងពេល​តានតឹង​បំផុត ក៏ត្រូវ​ភ្លឺស្វាង​ក្នុងការ​ជ្រើសរើស​ចំណីអាហារ​ល្អ​ត្រឹមត្រូវ​។​
-​ក្រ​ពេញទី​រ៉ូ​អ៊ី​ដ​
​ខ្សោយ​ក្រ​ពេញទី​រ៉ូ​អ៊ី​ដ ធ្វើ​ឲ្យ​យឺត​ដំណើរការ​បំប្លែង​សារជាតិ ដូច្នេះ សរីរាង្គ​នឹង​រលស់​ថាមពល​តិចជាង​។ នោះ​ជា​មូលហេតុ ហេតុអ្វី​មនុស្ស​ជាច្រើន​មាន​អារម្មណ៍​ឡើង​ទម្ងន់ ទោះបី​ពុំទាន់​វិនិច្ឆ័យ​ចេញ​ជំងឺ​។ ថ្វី​ត្បិត​ដូច្នោះ អ័រម៉ូន​នឹង​តុល្យភាព ប្រសិន​បាន​ព្យាបាល ហើយ​ទម្ងន់​នឹង​ឆាប់​វិល​ត្រលប់មក​ធម្មតា​វិញ​។​
​រោគសញ្ញា​ខ្សោយ​ក្រ​ពេញទី​រ៉ូ​អ៊ី​ដ រួមមានៈ អស់កម្លាំង​, ទល់លាមក​, ឈឺ​ពឺត​, ស្បែក​ស្ងួត​, សក់​ខ្វះ​ភាពរស់រវើក និង​មាន​អារម្មណ៍​រងារ​។ ប្រសិន​អ្នកមាន​រោគសញ្ញា​មួយ ក្នុងចំណោម​រោគសញ្ញា​ទាំងនេះ ចូរ​ទៅពិនិត្យ​ឈាម​។​
-​ទទួលទាន​យប់​ជ្រៅ​
​ការស្រាវជ្រាវ​បានចង្អុលបង្ហាញ​ថា អ្នក​ទទួលទាន​អាហារ​ក្នុង​បរិមាណ​កាឡូរី​ដូច​អ្នកដទៃ តែ​ទទួលទាន ១-២ ម៉ោង មុនពេល​ចូល​គេង​នឹង​កើន​ទម្ងន់​លឿន​ជាង ប្រៀប​នឹង​អ្នកទទួល​ទាន​មុន​នោះ​, លោក Wong ឲ្យ​ដឹង​។​
ដើម្បី​ជំនះ​បញ្ហា ចូរ​ទទួលទាន​ច្រើន​នៅ​ថ្ងៃត្រង់ ហើយ​បន្ទាប់ពីនោះ ទទួលទាន​តិចជាង​នៅពេល​យប់​, តិច​បំផុត ៣ ម៉ោង​មុនពេល​ចូល​គេង​៕M


​ˆ​ការភាន់ច្រឡំ​៥ " បំផ្លាញ " សុខភាព​របស់​អ្នក​

មានរឿង​មួយចំនួន​ដែល​អ្នក​តែង​គិតថា ល្អ​សម្រាប់​សុខភាព តែ​ការពិត​ពុំមែន​ដូច្នេះ​ឡើយ មិនតែប៉ុណ្ណោះ វា​នៅ​បង្ក​គ្រោះថ្នាក់​ដល់​សុខភាព​របស់​អ្នក​ទៅវិញ​ទេ​។​

*​ទឹក​ទទួលទានៈ​
​ក្នុងពេល​យើង​តែង​ឮ​ពាក្យ​ទូន្មាន​ថា គួរ​ទទួលទាន​ទឹក ៨​កែវ ក្នុង​មួយថ្ងៃ​នោះ អ្នកមាន​ដឹង​ទេ​ថា ការទទួល​ទាន​ទឹក​ច្រើន​ហួស គឺ​មិនល្អ​បន្តិច​ណា​ឡើយ​។ ព្រោះ​ពេលនោះ ទឹកនឹង​បង្ក​គ្រោះថ្នាក់​ឱ្យ​អ្នក ព្រោះ​វា​បណ្តុះ​កម្រិត​អំបិល​ក្នុង​ឈាម​របស់​អ្នក​។ ប្រសិន​កម្រិត​អំបិល​ទាប​ពេក សរីរាង្គ​នឹង​បង្កើត​អ័រម៉ូន aldosterone ធ្វើឱ្យ​កើន​បរិមាណ​អំបិល​ក្នុង​តម្រងនោម បង្ក​គ្រោះថ្នាក់​ឱ្យ តម្រងនោម​។​

​ក្រៅពីនេះ អ្នក​ក៏ត្រូវ​យកចិត្តទុកដាក់​ពេល​ទទួលទាន​ទឹក​ដាក់​ដប​ដែរ​។ ការស្រាវជ្រាវ​ជាច្រើន បាន​បង្ហាញថា ពពួក​សារជាតិ​គីមី (Phthalate) ពី​ដប​ជ័រ អាច​ជ្រាបចូល​ទឹក និង​បំផ្លាញ​តុល្យភាព​អ័រម៉ូន​របស់​មនុស្ស ពេល​ត្រូវបាន​ផឹក​ចូលក្នុង​ខ្លួន​។​

*•​ហាត់ប្រាណ​ធ្ងន់​ពេលព្រឹក​ព្រហាមៈ​
​មនុស្ស​គ្រប់គ្នា សុទ្ធតែ​ទទួលស្គាល់​ប្រសិទ្ធភាព​របស់​ការហាត់​ប្រាណ​រាល់ថ្ងៃ គឺ​ល្អ​បំផុត​សម្រាប់​សុខភាព ប៉ុន្តែ​តាម​ពួក​អ្នកស្រាវជ្រាវ បាន​អះអាងថា ការហាត់​ប្រាណ​នៅពេល​ព្រឹក​ព្រហាម អាច​ពុំមាន​ប្រយោជន៍​ប៉ុន្មាន​ឡើយ​។ ការស្រាវជ្រាវ​ពី​មហាវិទ្យាល័យ  Brunel, Middlesex បាន​បង្ហាញថា ការហាត់​ប្រាណ​ធ្ងន់ (​លើក​ដុំ​ដែក លើក​វត្ថុ​ធ្ងន់ នៅពេល​ព្រឹក​ព្រហាម អាច មាន​ឥទ្ធិពល​ដល់​ប្រព័ន្ធ​អង្គ​បដិបក្ខ និង​ធ្វើឱ្យ​អ្នក​ហាត់ប្រាណ​ប្រឈមមុខ​ជាមួយ​លទ្ធភាព​កើន​គ្រោះថ្នាក់​ឆ្លង​មេរោគ ដោយសារ​បាក់តេរី ឬ​វីរុស​។ ល្អ​បំផុត ប្រសិន​ហាត់ប្រាណ​ធ្ងន់​នោះ គួរ​ហាត់​នៅពេល​ផ្សេង គឺ​ពុំមែន​ពេលព្រឹក​ព្រហាម​ទេ​។​

*​បំពេញ​ថែម​ជីវជាតិៈ​
​យើង​សុទ្ធតែ​ដឹងថា ពពួក​វីតាមីន​សុទ្ធតែ​ល្អ​សម្រាប់​សុខភាព តែ​ការបំពេញ​ថែម​វីតាមីន មិនបាន​ត្រឹមត្រូវ បែរជា​ផ្តល់​គ្រោះថ្នាក់​ដល់​សុខភាព​ទៅវិញ​ទេ​។ ការស្រាវជ្រាវ​ជាច្រើន បាន​សន្និដ្ឋានថា ប្រសិន​បន្ថែម​ម៉ាញ៉េ​ស្យូ​ម ដែក និង​វីតាមីន B6 ក្នុង​បរិមាណ​ខ្ពស់ នឹងធ្វើ​ឱ្យ​កើន​អត្រា​បាត់បង់​ជីវិត​ចំពោះ​ស្ត្រី​ដែលមាន​អាយុ​ច្រើន បន្ថែម​ហួស​កម្រិត​វីតាមីន E អាចធ្វើឱ្យ​កើន​គ្រោះថ្នាក់​មហារីក​ក្រពេញ​ប្រូ​ស្តា​ត​ចំពោះ​បុរស​។

​ប្រសិន​ខ្វះ​វីតាមីន និង​ជីវជាតិ (​ឧទាហរណ៍​ខ្វះ​វីតាមីន D ឬ​វីតាមីន B12 ចំពោះ​អ្នក​ទទួលទាន​បួស​) នោះ​ជំនួស​ឱ្យ​ការប្រើ​ថ្នាំ អ្នក​គួរ​មាន​របប​អាហារ​មួយ​សម្បូរ​ជីវជាតិ​ពី​ផ្លែឈើ និង​បន្លែ គឺ​ល្អ​បំផុត​។​

*​ចៀស​ពន្លឺព្រះអាទិត្យៈ​
​តាំងពី​ច្រើន​ឆ្នាំ​មកនេះ ភាពគ្រោះថ្នាក់​របស់​មហា​រីក​ស្បែក ត្រូវបាន​ព្រមាន​ទូលំទូលាយ​លើ​ប្រព័ន្ធ​ផ្សព្វផ្សាយ​ជាច្រើន​។ ប៉ុន្តែ​ការការពារ​ស្បែក​ជ្រុល​ហួសហេតុ បែរជា​បង្ក​ផលវិបាក​ទៅវិញ គឺ​ស្បែក​មិនបាន​ប្រាស្រ័យ​ជាមួយ​ពន្លឺព្រះអាទិត្យ នាំឱ្យ​ខ្វះ​ធ្ងន់ធ្ងរ​ប្រភព​វីតាមីន  D ធម្មជាតិ​មួយ​។ ខ្វះ​វីតាមីន D អាច​បណ្តាលឱ្យ​ក្រឹ​ន​ឆ្អឹង ពុក​ឆ្អឹង និង​កើត​ជំងឺ​សោកសៅ​។​

​តាម​ការស្រាវជ្រាវ​មួយ​របស់​អង់គ្លេស បាន​លើកឡើងថា ដើម្បី​បន្ថយ​គ្រោះថ្នាក់​ក្រឹ​ន​ឆ្អឹង មនុស្ស​អាច​សំដិល​ថ្ងៃ អតិបរមា ១០​នាទី ដោយ​មិនចាំបាច់​ប្រើ​ក្រែ​ម​ការពារ​កម្តៅថ្ងៃ​។​

*•​មិន​ទទួលទាន​ខ្លាញ់ៈ​
​ពេល​ចាប់ផ្តើម​យកចិត្តទុកដាក់​ដល់​ការ​ទទួលទាន​ត្រឹមត្រូវ មនុស្ស​ជាច្រើន​បាន​ជ្រើស​យក​អាហារ​គ្មាន​ជាតិ​ខ្លាញ់ ដី​ម្បី​ជួយ​បន្ថយ​ទម្ងន់​។ ប៉ុន្តែ​ការ​កម្ចាត់​ចេញ​ជាតិ​ខ្លាញ់​ទាំងអស់ រួមមាន​ទាំង​អាស៊ីត​ខ្លាញ់ Omega-3 នឹង​អាច​បង្ក គ្រោះថ្នាក់​ឱ្យ​សុខភាព​របស់​អ្នក​ទៅវិញ​។ អាស៊ីត​ខ្លាញ់ Omega-3 ត្រូវបាន​រកឃើញ​នៅក្នុង​ប្រេង​ត្រី និង​ពពួក​គ្រាប់​មួយចំនួន​។ វា​ពុំ​ត្រឹមតែ​ជួយ​រក្សា​ឱ្យ​ស្បែក​របស់​អ្នក​តឹង​ស្អាត​ប៉ុណ្ណោះ​ទេ តែ​វា​នៅ​បញ្ចៀស​បាន​ស្នាម​ជ្រួញ​។ Omega-3  ក៏​ចាំបាច់​បំផុត​សម្រាប់​ខួរក្បាល និង​សុខភាព​សរសៃឈាម​បេះដូង អាចជួយ​ទប់ស្កាត់​ជំងឺ​រលាក​សន្លាក់​៕

ហេតុអ្វីអត្រាបាត់បង់ជីវិតដោយសារជំងឺបេះដូងនៅរដូវត្រជាក់ខ្ពស់ជាង?

អាកាសធាតុត្រជាក់ធ្វើឲ្យកើនការផ្តុំខ្លាញ់ក្នុងសរសៃឈាម
យោងតាមការស្រាវជ្រាវត្រូវបានប្រកាសលើទស្សនាវដ្តី Cell Metobolism ពួកអ្នកវិទ្យាសាស្ត្របានមានជំហានលោតផ្លោះ១ក្នុងការបកស្រាយហេតុអ្វីមានមនុស្សស្លាប់ដោយសារជំងឺបេះដូងច្រើនជាងនៅរដូវត្រជាក់ ។
មុននេះការកើនឡើងអត្រាបាត់បង់ជីវិតដោយសារជំងឺសរសៃឈាមបេះដូង នៅរដូវត្រជាក់ច្រើនត្រូវម្លាក់ទៅឲ្យពលករប្រើកម្លាំងកាយដូចជាចូកព្រិល តែការស្រាវជ្រាវថ្មីៗនេះបង្ហាញថា ខ្លាញ់១ប្រភេទដែលមុននេះត្រូវបានចាត់ទុកថា មានប្រយោជន៍ ឥឡូវនេះអាចជាមូលហេតុនាំដល់ការរួញចង្អៀត សរសៃឈាមពេលមនុស្សម្នាក់ប្រាស្រ័យជាមួយសីតុណ្ហភាពទាប ។
ខ្លាញ់ពណ៌ត្នោត ប្រភេទខ្លាញ់ត្រូវបានសរីរាង្គប្រើប្រាស់ដើម្បីបង្កើតកម្តៅ មុននេះត្រូវបានចាត់ទុកថាមានឥទ្ធិពលសកម្មទៅដល់សុខភាពមនុស្ស ព្រោះវាធ្វើឲ្យថយចុះស្តុកខ្លាញ់សក្នុងសរីរាង្គ ។ ប៉ុន្តែពួកអ្នកវិទ្យាសាស្ត្របានរកឃើញថា ពេលយន្តការបង្កើតកម្តៅពីខ្លាញ់ពណ៌ត្នោតត្រូវបានរំញោចក្រោមអាកាសធាតុត្រជាក់ វាទន្ទឹមនោះជំរុញលឿនល្បឿនរីកចម្រើនរបស់ផ្ទាំងច្បាមក្រិនរឹងសរសៃឈាម បង្កើតជាជាតិខ្លាញ់ និងកូឡេស្តេរ៉ូលក្នុងសរសៃឈាម ។
ការពិសោធន៍លើសត្វកណ្តុរប្រែប្រួលហ្សែន ក្រុមអ្នកស្រាវជ្រាវស៊ុយអែត និងចិនសង្កេតឃើញថា ប្រាស្រ័យជាមួយសីតុណ្ហភាពទាបនឹងធ្វើឲ្យកើនល្បឿនដំណើរការនាំដល់ជំងឺបេះដូង និងហូរឈាមខួរក្បាល ។
បណ្ឌិត Yihai Cao ជំនាញការអំពីជីវសាស្ត្រសរសៃឈាម ប្រធានក្រុមស្រាវជ្រាវនិយាយថា "ពីដំបូង យើងខ្ញុំគិតថា ការរំញោចសកម្មភាពជាតិខ្លាញ់ពណ៌ត្នោតក្រោមអាកាសធាតុត្រជាក់គ្រាន់តែធ្វើឲ្យសត្វកណ្តុរស្គម និងមានសុខភាពល្អឡើង ។ តែយើងខ្ញុំរកឃើញថា សត្វកណ្តុរត្រូវងាប់ជាមួយនឹងសរសៃឈាមផ្ទុកខ្លាញ់ពេញ ។ នេះពិតជារឿងភ្ញាក់ផ្អើល១ និងផ្ទុយបញ្ច្រាសទាំងស្រុងប្រៀបនឹងអ្វីដែលយើងខ្ញុំគិត" ។
ការពិសោធន៍លើសត្វកណ្តុរក៏រកឃើញថា យន្តការរំញោចខ្លាញ់ពណ៌ត្នោតក្រោមអាកាសធាតុត្រជាក់រំដោះ Lipoprotein (កូឡេស្តេរ៉ូលអាក្រក់ ក្នុងបរិមាណទាប១ ក្នុងពេលបរិមាណខ្លាញ់ក្នុងសរសៃឈាមកើនឡើងមិនឈប់ឈរ ។
បណ្ឌិត Yihai ថ្លែងថា "នេះជាគំហើញដ៏សំខាន់អស្ចារ្យប្រសិនយើងក៏រកឃើញរឿងដូចគ្នានៅមនុស្ស ។ ប្រសិនរឿងនេះត្រឹមត្រូវនៅទាំងមនុស្ស វាអាចជាដំបូន្មានមួយសម្រាប់អ្នកកើតជំងឺសរសៃឈាមបេះដូងត្រូវចៀសវាងប្រាស្រ័យជាមួយអាកាសធាតុត្រជាក់ និងស្លៀកពាក់ឲ្យកក់ក្តៅពេលចេញក្រៅផ្ទះនៅរដូវរងា ៕M

​ច្រោះ​សម្អាត​សរីរាង្គ​ដោយ​ទឹករ៉ែ​ធម្មជាតិ​រាល់​ព្រឹក​

មនុស្ស​ជាច្រើន តែង​គិតថា ដើម្បី​បង្កើន​សុខភាពរំដោះ​ជាតិពុល​សរីរាង្គ​នោះ ត្រូវ​ប្រើ​ថ្នាំ ឬ​ទទួលទាន​អាហារ​ពិសេស​ណាមួយ​នោះ​។

 

ប៉ុន្តែ​មាន​វិធី​សាមញ​មួយ​ដែល​គ្រូ​វេជ្ជសាស្ត្រ​បុរាណ​ឥណ្ឌា Ayurveda ធ្លាប់​អនុវត្ត​ប្រកបដោយ​ប្រសិទ្ធភាព ដើម្បី​នាំមក​នូវ​សុខភាព​ឱ្យ​មនុស្ស គឺ​រាល់​ព្រឹក​ព្រលឹម មុន​ពេល​ស្រស់ ស្រូប​អាហារ ចូរ​ទទួលទាន​ទឹក​មួយ​កែវ​ធំ អប្បបរមា​គឺ​៣០០​មិ​ល្លី​លីត្រ​។

 

ល្អ​បំផុត​គឺ​ទទួលទាន​ទឹករ៉ែ​ធម្មជាតិ​ត្រជាក់ នឹង​ជួយ​រំដោះ​ជាតិពុល ចម្រោះ​សរីរាង្គ សម្រួល​ដល់​ការ​បត់ជើងតូច ល្អ​ចំពោះ​ប្រមាត់ ជួយ​ដល់​ការរំលាយ​អាហារ​ខ្លាំង​ជាង​ថ្នាំ​ជាច្រើន​ប្រភេទ​។​
​    ​
​ពី​អតីតកាល នៅ​អាល្លឺម៉ង់ មាន​បព្វជិត​មួយរូប​ឈ្មោះ Sebastian Kneipp ធ្លាប់​ល្បីឈ្មោះ​ដោយសារ​ជួយ​អ្នកជំងឺ​ឱ្យ​ផុត​ពី​ជំងឺ​ទ្រុឌទ្រោម​សរសៃប្រសាទ ឈឺក្បាល ទល់លាមក​រ៉ាំរ៉ៃ​... ដោយ​គ្រាន់តែ​ទទួលទាន​ទឹករ៉ែ​ធម្មជាតិ ជំនួស​ពេលបាយ ក្នុង​រង្វង់​ប៉ុន្មាន​ថ្ងៃ ដល់​មួយ​សប្តាហ៍​។ អាស្រ័យហេតុនេះ លោក​ត្រូវបាន​ស្តេច​លើក​ឱ្យធ្វើ​ជា​គ្រូពេទ្យ​ប្រចាំ​វាំង​។ វិធីសាស្ត្រ​នេះ បច្ចុប្បន្ន នៅ​ត្រូវបាន​ប្រើប្រាស់​នៅ​មជ្ឈមណ្ឌល​ព្យាបាល​មួយចំនួន នៅ​ប្រទេស​អាល្លឺម៉ង់​ទំនើប​។​


គ្រូពេទ្យ​ក្នុង​សម័យ​វេជ្ជសាស្ត្រ​ទំនើប ក៏​ទទួលស្គាល់​ទឹក ក្នុងនោះ​មាន​ទឹករ៉ែ​ធម្មជាតិ​ថា ជា​ផ្នែក​ចាំបាច់​មួយ​របស់​ជីវិត និង​បាន​ចាត់ទុកថា បើ​ចង់​រក្សា​សរីរាង្គ និង​ខួរក្បាល ឲ្យ​មាំមួន ត្រូវ​ផឹក​ទឹករ៉ែ​ធម្មជាតិ ព្រោះ​វា​គឺជា​ឱសថ​ដ៏​មាន​សារប្រយោជន៍​របស់​ធម្ម​ជាតិ​។

 

ក្នុង​ករណី​ពុំ​មាន​អាហារ មនុស្ស​យើង​អាច​នៅ​រស់​បាន​ប៉ុន្មាន​សប្តាហ៍ ដល់​បួន​ខែ ក៏​ប៉ុន្តែ​បើ​ខ្វះ​ទឹក​វិញ​នោះ មនុស្ស​យើង​អាច​នៅ​រស់​បាន តែ​ពី​ពីរ​ទៅ​បួន​ថ្ងៃ​ប៉ុណ្ណោះ​។ ពេល​ខ្វះ​ទឹក​ធ្ងន់ធ្ងរ សរីរាង្គ​នឹងត្រូវ​ចុះ​សម្ពាធ​ឈាម បេះដូង​លោត​ញាប់ ស្វិត​ខួរក្បាល សរីរាង្គ​បាត់​លំនឹង បាក់​កម្លាំង នាំ​ដល់​បាត់បង់​ជីវិត​។​

​ទន្ទឹម​នោះ ទឹករ៉ែ​ធម្មជាតិ នៅ​ត្រូវបាន​កំណត់​ជា​ប្រភព​បំពេញ​សារជាតិ​រ៉ែ​ដ៏​ច្រើន​មួយ​សម្រាប់​សរីរាង្គ​។ ពពួក​សារជាតិ​រ៉ែ​មាន​នៅក្នុង​ទឹករ៉ែ​ធម្មជាតិ មានដូចជា កាល់ស្យូម​, ម៉ាញ៉េ​ស្យូម​, ប៉ូ​តា​ស្យូម​, សូ​ដ្យូ​ម​...​ចាំបាច់​បំផុត​ដើម្បី​សរីរាង្គ​រីកចម្រើន​ល្អ ហើយ​ស្មារតី​ភ្លឺស្វាង​៕​

ចំណុច​សំខាន់​ដែល​គួរ​ចាប់អារម្មណ៍​ដល់​អាការ​រលាក​ក្រពះ

ជា​ការកត់សំគាល់​មួយ ដោយសារ​មាន​អ្នកជំងឺ​មួយ​បាន​លើកឡើង​អំពី​អាការ​របស់​ខ្លួន​ថា ពេល​ថ្ងៃ​ត្រង់​បន្ទាប់​ពី​បរិ​ភាគ​បាយ​រួចមក គាត់​តែងតែ​សម្រាក​ថ្ងៃត្រង់​មួយ​ស្របក់ រយៈពេល​ប្រមាណ ៣០ នាទី ដើម្បី​កុំឲ្យ​នៅ​ពេល​បំពេញការ​ងារ នៅ​ពេល​រសៀល​មាន​អាការ​អស់កម្លាំង និង​ងងុយ​ទន់​ភ្នែក​ពេក ។ ប៉ុន្ដែ​កាលពី​ពេល​ថ្មីៗ​នេះ គាត់​បែរជា​មាន​ការចាប់អារម្មណ៍ ដោយ​ខ្លួនឯង​ថា ក្រោយ​ពេល​ភ្ញាក់​ពី​សម្រាន្ត​ពេល​ថ្ងៃត្រង់​រួចមក នៅ​ពេល​រសៀល​កំពុង​បំពេញការងារ បែរ​ជា​ទទួល​អារម្មណ៍​ពិបាក​ទ្រាំ​នៅក្នុង​ខ្លួន និង​ឈឺ​នៅក្នុង​ក្រពះ ហើយ​ថែមទាំង​ភើ​មក​ទៀត​ផង ។ តើ​នេះ​បណ្ដាលមកពី​អ្វី ឬ​មក​ពី​ក្រពះ​មាន​បញ្ហា ?

​    ​ប្រសិន​បើ​លោក​អ្នក​ពិតជា​មាន​អាការ​ដូចដែល​បាន​រៀបរាប់​មកនេះ សូម​អញ្ជើញ​តាមដាន​ការបកស្រាយ​ជម្រាប​ជូន​ដូចតទៅ ៖ នេះ​ជា​សញ្ញា​បញ្ជាក់​ប្រាប់ថា ក្រពះ​កំពុងតែ​ទទួល​អាការ​រលាក​ហើយ ។ មូលហេតុ​នៃ​ជំងឺ​ប្រភេទ​នេះ មាន​ច្រើនយ៉ាង​ណាស់ អាច​ដោយសារតែ​មាន​បញ្ហា​ប៉ះពាល់​ដល់​សរសៃប្រសាទ​ផ្លូវចិត្ត និង​ការកើតមាន​អាការ​ស្រេស្ត​ជា​ពន់ពេក ។ អាចមាន​តាំងពី​របប​អាហារ​បរិភោគ ឬ​អាហារ​ដែល​នៅ​ឆៅ​មិន​បាន​ចម្អិន​ត្រឹមត្រូវ ការប្រើប្រាស់​ថ្នាំ​សម្រាប់​ព្យាបាល​រោគ​ផ្សេងៗ ដែល​អាច​ប៉ះពាល់​ដល់​សុខភាព​ក្រពះ ៘ ដែល​សុទ្ធតែ​ជា​មូលហេតុ​បង្ក​ឲ្យ​ក្រពះ ទទួលរង​បញ្ហា​រួមជាមួយ​នឹង​វត្តមាន​បាក់តេរី (H.P) ដែល​បណ្ដាលឲ្យ​ទៅ​ជា​ជំងឺ​រលាក​ក្រពះ​តែ​ម្ដង​ទៅ ។​

​    ​អ្នកជំងឺ​តែងតែ​ឈឺ​ណែន​ចុក​ចុងដង្ហើម​ជាមួយនឹង​អាការ​រង៉ាប់រងើ​រកកល់​ចង់​ក្អួត​នោះ ៘ នៅ​មាន​ករណី​ខ្លះទៀត ដែល​អ្នកជំងឺ​ភើ​មក មាន​ទាំង​ដោយ​ក្លិន​ជូរ និង​ឈឺផ្សា​ត្រង់​កន្លែង​ចុងដង្ហើម នៅ​ពី​ខាងក្រោម​ផ្នែក​ដើមទ្រូង ។ ការបរិភោគ​ភ្លាម ហើយ​បែរជា​ទៅ​សម្រាន្ត​ភ្លាមនោះ វា​មិន​មាន​អ្វី​ដែល​បណ្ដាលឲ្យ​រង​ផលប៉ះពាល់​ដល់​ក្រពះ​នោះ​ទេ ។​

​    ​នៅពេល​ដែល​កើតមាន​អាការ ដូច​បាន​ពោល​មកពី​ខាងលើនេះ អ្នកជំងឺ​ចាំបាច់​ណាស់ ដែល​ត្រូវតែ​ពិគ្រោះ​ជាមួយ​គ្រូពេទ្យ​ឯកទេស ដើម្បី​ទទួល​ការឆ្លុះ​ពិនិត្យមើល​ក្រពះ​ខាងក្នុង គឺ​ស្វែងរក​មើលថា តើ​មាន​បាក់តេរី H.P ឬទេ លើកលែងតែ​ករណី​ដែល​ក្រពះ​រង​នឹង​ជំងឺ​មហារីក ។​

​    ​តាម​ការព្យាបាល​ជំងឺ​ក្រពះ  រហូតមក​ទល់​សព្វថ្ងៃ​នេះ មិនមាន​អ្វី​ដែល​ពិបាក​ស្មុគស្មាញ​នោះទេ គឺ​អ្នកជំងឺ​គ្រាន់តែ​ប្រតិកម្ម​ទៅ​តាម​ការណែនាំ ព្យាបាល​ពី​គ្រូពេទ្យ​ទៅ​តាម​លក្ខខណ្ឌ​ដ៏​ចាំបាច់ ដូច​ជា​ការប្រើប្រាស់​ថ្នាំ​ផ្សះ ២-៣ ប្រភេទ​តែ​ត្រឹម​រយៈពេល ១ សប្តាហ៍​ដល់ ១០ ថ្ងៃ​ប្រើប្រាស់​ថ្នាំ​ប្រភេទ​ជួយ​កាត់បន្ថយ​អាស៊ីដ​នៅក្នុង​ក្រពះ ថ្នាំ​ជួយ​ទប់ស្កាត់​អាការ​ក្រពះ​កន្ត្រាក់ ជាមួយនឹង​ថ្នាំ​ប្រភេទ​ជួយ​សម្រួល​អារម្មណ៍ ។​

​    ​ក្រៅពីនេះ​ទៀត​សោត អ្នកជំងឺ​ជា​ចាំបាច់​ណាស់ ដែល​ត្រូវតែ​ប្រតិបត្តិ​ទៅតាម​ការហូបចុក​យ៉ាង​សមស្រប ប្រកបដោយ​អនាម័យ ហើយ​ត្រូវតែ​បោះបង់​សុរា ស្រា​បៀរ បារី ជាមួយនឹង​ការបំបាត់​កុំឲ្យ​កើត​មាន​អារម្មណ៍មិនល្អ ប៉ះពាល់​ដល់​ផ្លូវ​ចិត្ត​កើត​អា​ការស្ត្រេស (​តានតឹង​ក្នុង​ខ្លួន​) ។ នោះ​ក៏​ដោយសារ​តែ​ជំងឺ​ក្រពះ ជា​ប្រភេទ​ជំងឺ​ងាយ​នឹង​បង្ក​អាការ​របស់​វា​ធ្ងន់ធ្ងរ​ថែម​ឡើង​ទៀត ប្រសិនបើ​មិន​ប្រតិបត្តិ​ទៅ​តាម​ការណែនាំ ដូច​បាន​លើកឡើង​មក​ពី​ខាងលើ​នោះ​ទេ ៕​

ម៉ាស្សា​បង្កើន​លទ្ធភាព​មានកូន​នៅ​បុរស​

​ការស្រាវជ្រាវ​ថ្មីៗ​នេះ របស់​ពួក​អ្នកវិទ្យាសាស្ត្រ​អាមេរិក បាន​រកឃើញថា ម៉ាស្សា​បង្កើន​លទ្ធភាព​មានកូន​នៅក្នុង​ចំណោម​បុរស ។​
​ពួក​ជំនាញការ​បកស្រាយ​ថាៈ ម៉ាស្សា​ជួយ​សម្រួល​អារម្មណ៍​ស្កប់ និង​ធ្វើ​ឲ្យ​ថយចុះ​កម្រិត​តានតឹង និង​បរិមាណ​អ័រម៉ូន​បង្ក​តានតឹង Cortisol ។ អាស្រ័យ​ល​ហេតុនេះ បុរស​មានលទ្ធភាព​បង្កើត​ទឹកកាម​ច្រើន ហើយ​ចំនួន «​មេជី​វិត​» ល្អ ក៏​កើនឡើង​ដែរ ។​
​ពួក​អ្នកស្រាវជ្រាវ​សង្ឃឹមថា ព័ត៌មាន​អំពី​ការស្រាវជ្រាវ​របស់​ពួកគេ នឹង​ត្រូវបាន​អនុវត្ត​ទូលំទូលាយ ។ រឿងនេះ សំខាន់​ជាពិសេស ចំពោះ​បុរស​គ្មាន​កូន ដែល​កំពុង​ពឹងពាក់​វិធីសាស្ត្រ​បង្ក​កំណើត​សិប្បនិម្មិត ៕M/R/L​

​បន្ថយ​អាការៈ​រាករូស តាម​វិធី BRAT

ស្ត្រី​ដែល​ងាយ​នឹង​មាន​ការ​រាក​រូស ឬ​ពុល​អាហារ​ជា​ញឹកញាប់ គួរ​ថែទាំ​សុខភាព​ឲ្យបាន​ល្អ​។ បើ​ថ្ងៃ​ណាមួយ​អ្នក​រាករូស នឹង​គ្មាន​ថ្នាំពេទ្យ​បម្រុង នៅក្នុង​ផ្ទះ រូបមន្ត BRAT នេះ អាច​ជួយ​អ្នក​បន្ថយ​អា​ការៈរាកបាន​។​


​*B-(Banana) “​ផ្លែ​ចេក​” ចេក​ជា​ផ្លែ​ឈើ​ដែល​មាន​រសជាតិ​ស្រាល នឹង​មាន​ចំណែក​ធ្វើឲ្យ​ទល់លាមក​។ ហេតុនេះ​ទើប​វា​អាច​បញ្ឈប់​អា​ការៈរាករូ​សបាន​។ អ្នក​អាច​ទទួល​ទាន​ចេក​ក្នុង​១​ថ្ងៃ ឲ្យបាន​ច្រើន​ដង​។​

 

​*R-(Rice) “​បាយ​” បាយ​គឺជា​អាហារ​សំខាន់​ជាងគេ នៅក្នុង​ពោះ និង​ជួយ​មិន​ឲ្យ​ពោះ​ទំនេរ និង​ការពារ​រាករូស​កាន់តែ​ធ្ងន់ធ្ងរ​ជាង​មុន​។ អ្នក​គួរ​ទទួល​ទាន​បាយ ជាមួយនឹង​ស៊ុប​មាន់ ជំនួស​ឲ្យ​ទឹក​ធម្មតា ព្រោះ​វា​អាច​ជួយ​បន្ថយ​អាការៈ​រាករូស ឲ្យ​ធូរស្រាល​ជាង​មុន​។​

 

 

 

 

*A-(Applesause) “​ទឹក​ផ្លែ​ប៉ោ​ម​” ទឹក​ផ្លែ​ប៉ោម​ដែល​ខាប់​ដូច​សាច់ក្រែម អាច​ធ្វើឲ្យ​អ្នក​មានអារម្មណ៍​ធូរ​បំព​ង់​ក និង​ងាយ​រំលាយ​។ វា​អាច​ជួយ​លាងជម្រះ​ពោះវៀន និង​ប្រព័ន្ធ​បញ្ចេញ​ចោល បាន​ស្អាត​ល្អ ប៉ុន្តែ​អ្នក​មិន​ត្រូវ​ទទួល​ទាន​លាយ​ជាមួយនឹង​អុបឆឺយ​ឡើយ ព្រោះ​វា​អាច​បង្ករ​ឲ្យ​រមាស់​ទ្វារធំ​បាន​។

 

 

*T-Toast “​នំប៉័ង​អាំង​” នំប៉័ង​អាំង អាច​ជួយ​បង្កើន​កម្លាំង​នៅ​អំឡុង​ពេល​ដែល​អ្នក​អស់កម្លាំង ដោយសារតែ​រាករូស​បាន​។ ម្យ៉ាងទៀត វា​ថែមទាំង​មាន​កាក​អាហារ (Fiber) ថែម​ទៀត​។ អ្នក​គួរ​ទទួល​ទាន​នំប៉័ង​អាំង ដែល​មិន​លាប​ប៊័រ​។​

​ក្រៅពីនេះ អ្នក​គួរ​ទទួល​ទាន​ផ្លែឈើ​ស្រស់ៗ និង​ទទួលទាន​អាហារ​រាវៗ ឲ្យ​ច្រើន​ជាងអាហារ​ក្រៀម និង​ចៀសវាង​ទឹក​ក្រូចឆ្មារ និង​ទឹកដោះគោឆៅ ព្រោះ​វា​កាន់តែ​ធ្វើឲ្យ​អ្នករាករូស​កាន់តែខ្លាំ​ង​។ ប្រសិន​បើ​អា​ការៈវិល​មុខ រកកល​ក្អួតចង្អោរ អ្នក​គួរ​ទទួល​ទាន​តាម​វិធី​នេះ​បន្តិច​ម្តងៗ​។

ម្យ៉ាងទៀត អ្នក​អាច​ទទួល​ទាន​អាហារ​មួយ​ចំនួន ដូចជា ធញ្ញជាតិ​ដែល​ឆ្អិន នំ​ស្រួយ ផា​ស្តា ទឹក​ស៊ុប​ថ្លា និង​សាច់មាន់​៕​

នំប៉័ងជាមូលហេតុធ្វើឲ្យអស់កម្លាំងរ៉ាំរ៉ៃ

ពួក​អ្នកវិទ្យាសាស្ត្រ​បកស្រាយ​ហេតុអ្វី​មនុស្ស​បច្ចុប្បន្ន​តែងតែ​អស់កម្លាំង ធ្វើ​ការមិន​ស្វិតស្វាញ​ដូច​មនុស្ស​សម័យបុរាណ ។​
​របប​ទទួលទាន​ប្រចាំថ្ងៃ របស់​មនុស្ស​សព្វថ្ងៃ​ហាក់ដូច​មិនអាច​ខ្វះ​នំប៉័ង ។ នេះ​ជា​អាហារ​មួយ​ក្នុងចំណោម​អាហារ​យូរអង្វែង​បំផុត​អំពី​ផលប្រយោជន៍ និង​តម្លៃ​ជីវជាតិ​ត្រូវបាន​ពួក​វេជ្ជបណ្ឌិត និង​អ្នកវិទ្យាសាស្ត្រ​ទទួលស្គាល់​តាំងពី​យូរ ។​
​ប៉ុន្តែ ការស្រាវជ្រាវ​ថ្មីៗ​នេះ​បានចង្អុលបង្ហាញ​ថា នំប៉័ង​ពុំ​សូវ​នាំមក​នូវ​ផលប្រយោជន៍​សុខភាព ប្រសិន​មិន​ចង់​និយាយថា នៅមាន​គ្រោះថ្នាក់ ។ នេះ​ជាការ​សន្និដ្ឋាន​របស់​វេជ្ជបណ្ឌិត​ជំនាញ​ផ្អែក​បេះដូង William Davis នៅ​អាមេរិក ។ លោក​អះអាងថា នំប៉័ង​ជា​មូលហេតុ​របស់ "​ជំងឺ​សតវត្សរ៍​" អស់​ក​ម្លាំ​រ៉ាំរ៉ៃ ។​
​តាម​លោក ថ្មីៗ​នេះ​នៅតាម​បណ្តា​មន្ទីរពេទ្យ​អាមេរិក អ្នកជំងឺ​ជាច្រើន​បាន​ត្អូញត្អែរថា ខ្លួន​មាន​អារម្មណ៍​ទ្រុឌទ្រោម ពេលណា​ក៏​អស់កម្លាំង និង​បាត់​សមត្ថភាព​ប្រមូលផ្តុំ ។ ស្ថានភាព​នោះ​ពុំ​ឃើញ​មាននៅ​អាមេរិក ក្នុង​សតវត្សរ៍​មុនៗ ។​
​តាម​វេជ្ជបណ្ឌិត Davis ការដែល​អ្នកជំងឺ​ត្អូញត្អែរថា សរីរាង្គ​ជានិច្ចកាល​អស់កម្លាំង សតិបញ្ញា​ត្រូវ​ទ្រុឌទ្រោម មាន​ពាក់ព័ន្ធ​ជិតស្និទ្ធ​ដល់​ការប្រើប្រាស់​មិន​ឈប់ឈរ​ពពួក​ផលិតផល​កែច្នៃ​ពី​ម្សៅ​គីមី ហើយ​រឿងនេះ​ឥទ្ធិពល​អសកម្ម​ដល់​ការយល់ដឹង ។​
​ក្នុង​ពូជស្រូវ​សាឡី​បច្ចុប្បន្ន មាន​ផ្ទុក​សារជាតិ​ដូចជា​ប្រូតេអ៊ីន ប្តូរ​សណ្ឋាន​ហ្សែ​ន បង្ក​ជា​រោគសញ្ញា​របស់​ការ​អស់កម្លាំង​ជាប់​រហូត និង​បាតុភូត​លើស​ទម្ងន់ ។ ពួក​អ្នកវិទ្យាសាស្ត្រ​ធ្លាប់​បញ្ជាក់ថា ការប្រើប្រាស់​នំប៉័ង​ស​ជាមួយ​បរិមាណ​មិន​កំណត់ នឹង​បណ្តាល​ឲ្យ​ខ្វះ​ជាតិ​សរសៃ​ក្នុង​សរីរាង្គ ជា​មូលហេតុ​ធ្វើ​ឲ្យ​ខួរក្បាល​មិនអាច​ធ្វើ​សកម្មភាព​ធម្មតា​បាន ។​
​វេជ្ជបណ្ឌិត Davis ចាត់ទុកថា ប្រភេទ​ស្រូវ​សាឡី​ត្រូវបាន​ដាំ និង​ប្រើប្រាស់​សព្វថ្ងៃ ខុស​ឆ្ងាយ​ពី​ពូជស្រូវ 40-៥០​ឆ្នាំមុន ៕​M

ˆ​ថ្នាំ​បញ្ចុះ​កូ​ឡេ​ស្តេ​រ៉ូ​ល ប្រឆាំង​ជំងឺ​គ្រុនចាញ់​

ពួក​អ្នក​ស្រាវជ្រាវ​អាមេរិក បាន​និយាយថា ការបំពេញ​បន្ថែម​ថ្នាំ​បញ្ចុះ​កូ​ឡេ​ស្តេ​រ៉ូល​ទៅក្នុង​វិធី​ព្យាបាល​ជំងឺ​គ្រុនចាញ់ ជួយ​ប្រឆាំង​តប​ភាព​ថមថយ ការយល់ដឹង​នៅ​លើ​សត្វ​កណ្តុរ​កើត​ជំងឺគ្រុនចាញ់​។​

​បើ​តាម​ការស្រាវជ្រាវ​លើ​កុមារ​ដែល​កើត​គ្រុនចាញ់ ក្រុម​អ្នកស្រាវជ្រាវ បានបង្ហាញ​ថា កុមារ​ជា​ច្រើន មាន​បញ្ហា​ប្រឈម​មួយចំនួន ឧទាហរណ៍​ដូចជា ថមថយ​ការចងចាំ សមត្ថភាព​សិក្សា​រៀនសូត្រ ភាសា និង​គណិតវិទ្យា ក្នុង​មួយ​រយៈពេល​វែង ក្រោយពេល​ព្យាបាល​ជំងឺគ្រុនចាញ់​។​


បណ្ឌិត Guy Zimmerman នៅ​មហាវិទ្យាល័យ Utah (​អាមេរិក​) និង​សហសេវិក បាន​វាយតម្លៃ​ឥទ្ធិពល​របស់ Statin ថា ប្រភេទ​ថ្នាំ​ត្រូវបាន​ប្រើ​ដើម្បី​បញ្ចុះ​កូ​ឡេ​ស្តេ​រ៉ូ​ល ទៅ​លើ​សត្វ​កណ្តុរ​ដែល​កើត​ជំងឺ​គ្រុនចាញ់​។​

​ពួក​ជំនាញការ សង្កេតឃើញថា ការបំពេញ​បន្ថែម​ថ្នាំ lovastatin ដែល​ជា​ថ្នាំ​បញ្ចុះ​កូ​ឡេ​ស្តេ​រ៉ូល​ទៅក្នុង​វិធី​ព្យាបាល​ជំងឺ​គ្រុនចាញ់ គឺ​វា​អាច​ជួយ​ប្រឆាំង​តប​ភាព​ថមថយ និង​អាច​ជួយ​ទប់ស្កាត់​បាន​ភាពច្របូកច្របល់​សមត្ថកិច្ច​យល់ដឹង​នៅលើ​សត្វ​កណ្តុរ​កើត​ជំងឺ​គ្រុនចាញ់​៕​

​ទំនាស់​គ្រួសារ​ ធ្វើឱ្យ​ថយចុះ​ប្រព័ន្ធ​អង្គ​បដិបក្ខ​

លទ្ធផល​ស្រាវជ្រាវ​របស់​ពួក​អ្នកវិទ្យាសាស្ត្រ​នៅ​សកល​វិទ្យាល័យ Ohio (​អាមេរិក​) នៅ​ពេល​ថ្មីៗ​នេះ បាន ឱ្យដឹងថា ទំនាស់​គ្រួសារ និង​ការឈ្លោះប្រកែក​របស់​គូ​ស្វាមីភរិយា​ដែល​កើតឡើង​ជា​ប្រចាំ ពុំ​គ្រាន់តែ​ធ្វើឱ្យ​របួស​ផ្លូវចិត្ត សុភមង្គល​គ្រួសារ​ប៉ុណ្ណោះ​ទេ តែ​នៅ​មាន​ឥទ្ធិពល​ដល់​សុខភាព​រាងកាយ​ទាំងមូល​ថែមទៀត​ផង​។​

​ក្រោយពេល​ត្រួតពិនិត្យ​សុខភាព និង​វិភាគ​រចនាសម្ព័ន្ធ​ឈាម​របស់​គូ​ស្វាមី ភរិយា​៨៥​គូ ដែល​បាន​រួមរស់​ជាមួយគ្នា គិត​រយៈពេល​ជា​មធ្យម ១២​ឆ្នាំ ពួក​អ្នក​ស្រាវជ្រាវ បាន​ប្រមូលផ្តុំ​ជុំវិញ​ទំនាក់ទំនង​រវាង​គូ​ស្វាមីភរិយា​ដែល​ឧស្សាហ៍​ឈ្លោះប្រកែក​គ្នា និង​បាន​រកឃើញថា វា​បាន​មាន​ឥទ្ធិពល ទៅ​ដល់​សុខភាព​របស់​ពួកគេ​យ៉ាងដូចម្តេច​។​

​ក្នុង​ដំណើរការ​ស្រាវជ្រាវ ពួក​អ្នកវិទ្យាសាស្ត្រ បាន​រកឃើញថា សមាជិក​គ្រួសារ​ដែល​ឈ្លោះប្រកែក​គ្នា​ជា​ប្រចាំ «​មានទំនាស់ ឬ​សង្គ្រាមត្រជាក់​» នឹង​ផលិត​អ័រម៉ូន​តានតឹង​ច្រើន (​ប្រមាណ ១១​ភាគរយ និង​ផលិត​ចេញ​តិចជាង ២៥​ភាគរយ​កោសិកា T (​កោសិកា​ដែល​មាន​មុខងារ​ទប់ស្កាត់ ការចម្លង​វីរុស បង្ក​ជំងឺ​របស់​ប្រព័ន្ធ​អង្គ​បដិបក្ខ​) ប្រៀប​នឹង​សមាជិកគ្រួសារ ពុំ​សូវ​មាន​«​សង្គ្រាម​»​។​

​ពួក​អ្នក​ស្រាវជ្រាវ បាន​បកស្រាយ​ថា គូ​ស្វាមីភរិយា​ឧស្សាហ៍​ឈ្លោះប្រកែក​គ្នា នឹង​ធ្វើឱ្យ​ថយចុះ​គុណភាព​ដំណេក ភាគច្រើន​ពួកគេ​សុទ្ធតែ​គេង​មិន​លក់ នេះ​ក៏​ជា​មូលហេតុ​បង្ក​ជា​រោគ​ផ្លូវចិត្ត បញ្ហា​ចំពោះ​ជំងឺ​សរសៃឈាម​បេះដូង មានការ​ប្រឈម​ខ្ពស់​ចំពោះ​ជំងឺ​ទឹកនោម​ផ្អែម និង​ស្ត្រូក​។ គូ​ស្វាមីភរិយា​ដែល មាន​សុភមង្គល មិន​ត្រូវ​រង​ឥទ្ធិពល​គ្រោះថ្នាក់​របស់​ជំងឺ​ទាំងនេះ​ទេ​។ ពួកគេ​ក៏​ពុំ​សូវ​ឈឺ ដែល​បណ្តាល​មកពី​ការឆ្លង​មេរោគ ហើយ​ប្រសិន​មាន​ឈឺ​នោះ គេ​ក៏​នឹង​ឆាប់​ជាសះស្បើយ ជាង​អ្នក​ឧស្សាហ៍​ឈ្លោះ​គ្នា​៕​

​បុរស​គួរប្រើ «​ប្រដាប់​សាក​ទឹកនោម​មើល​គភ៌​» រាល់​ខែ​

បុរស​ម្នាក់​បាន​ឃើញ​ដោយ​អ​ចេតនា​នូវ​ប្រដាប់​សាក​ទឹកនោម​មើល​គភ៌​របស់​មិត្តស្រី​ដែល​បាន​ទុកចោល​។ បុរស​ម្នាក់​នោះ បាន​រពឹសដៃ​យក​ទៅប្រើ​លេង និង​ភ័យ​ស្លន់ស្លោ ក្រោយ​ពេល​ឃើញ​លទ្ធផល​វិជ្ជមាន​។​

​ព្រឹត្តិការណ៍​ដ៏​ចម្លែក​នេះ ត្រូវបាន​សមាជិក​មួយ​រូប មាន​រហស្សនាម​ថា Cappn Poopdeck ចែករំលែក​លើ​បណ្តាញ​សង្គម Reddit ។ ភ្លាមៗ​នោះ មាន​យោបល់​ជាង​១.៥០០ ចាត់ទុកថា នេះ​ជា​រឿង «​ធ្ងន់ធ្ងរ​» និង​ទូន្មាន​បុរស​នេះ ទៅ​ជួប​វេជ្ជបណ្ឌិត ព្រោះថា «​នេះ​អាច​ជា​សញ្ញា​របស់​ជំងឺមហារីក​ពងស្វាស​»​។  ពិតជា​ដូច្នោះ​មែន ពេល​ធ្វើ​វិភាគ វេជ្ជ បណ្ឌិត​បាន​រកឃើញ​ដុំ​គីស​តូច​មួយ នៅ​ពង​ស្វា ស ខាងស្តាំ​របស់​បុរស​នេះ​។ អាស្រ័យ​ដោយ​ឆាប់​រកឃើញ ហេតុនេះ​ដុំ​គី​ស ត្រូវបាន​ដោះស្រាយ​ទាន់ពេល​។ ប៉ុន្តែ​បុរស​នេះ​អាច​ត្រូវ​បាត់ពង​ស្វា ស ម្ខាង​របស់ខ្លួន​។​

​​វេជ្ជបណ្ឌិត Mark Pomenrantz ជំនាញ​ខាង​មហារីក បានឱ្យដឹងថា​«​ការវិភាគ​ពិសោធន៍​រក​គភ៌ គឺ​សំដៅ​គោល បំណង​រក​ឃើញ​កម្រិត​អ័រម៉ូន beta HCG ក្នុង​ទឹកនោម​។ ក្នុងពេល​មាន​មូលហេតុ​ដ៏​តិច ដែល​បណ្តាល​ឱ្យ​សរីរាង្គ​បង្កើត​ប្រភេទ​អ័រម៉ូន​នេះ នោះ​មហារីក​ពង​ស្វា ស ជា​មូលហេតុ​មួយ​ក្នុង ចំណោម​មូលហេតុ​នោះ​» ។​

​​បណ្ឌិត Christopher Wood ប្រធាន​ផ្នែក​មូត្រ​សាស្ត្រ នៅ​មហាវិទ្យាល័យ​តិច​សាស (​អាមេរិក​) និង​ជា​វេជ្ជបណ្ឌិត​នៅ​មជ្ឈមណ្ឌល​ស្រាវជ្រាវ​មហារីក នៅ Anderson នោះ បានឲ្យដឹងថា សញ្ញា​ដំបូង​របស់​ជំងឺមហារីក​ពង​ស្វា ស គឺ​ការលេចចេញ​ដុំ​គីស​តូច​មួយ​មិន​ឈឺ​។ អាស្រ័យហេតុនេះ បុរស​ទាំងឡាយ គួរ​ស្វ័យ​ត្រួតពិនិត្យ​សរីរាង្គ​ខ្លួនឯង រាល់​ខែ ដើម្បី​រក​ឃើញ​សញ្ញា​ខុស​ប្រក្រតី ប្រសិន​មាន​៕​

ហាត់ប្រាណ​បំបាត់​ឈឺ​-​ក ឈឺ​ខ្នង សម្រាប់​ស្ត្រី​មាន​ផ្ទៃពោះ​

អារម្មណ៍​តានតឹង ឈឺ​-​ក និង ខ្នង​ផ្នែក​លើ​គឹជា​អាការ​របស់​ស្រី្ត​មាន​ផ្ទៃពោះ​ឧស្សាហ៍​កើតមាន ។ ដូច្នេះ​សូម​បំបាត់​ភាព​ចុក​រួយ តឹង​ណែន​សាច់ដុំ​ដើម​-​ក និង ខ្នង តាម​វិធី​ដូចខាងក្រោម​នេះ :
+​ក្បាច់​ទី​១ :
-​កាយវិការ​ទីមួយ : អង្គុយ​លើ​កៅអី​មាន​បង្អែក ។ គួរតែរ​កពូ​កមក​ទ្រាប់​អង្គុយ​ផង ដើម្បី​ឲ្យ​អង្គុយ​បានយូរ​មិន​រួយ​ត្រគាក អង្គុយ​ផ្អឹប​នឹង​បង្អែក​កៅអី ដាក់​ខ្នង​ឲ្យ​ត្រង់ ។​
-​កាយវិការ​ទី​ពីរ : ដាក់​ដៃ​ទាំងសងខាង​ទៅក្រោយ ផ្គុំដៃ​ដាក់​ត្រង់​ក​ញ្វឹ​ង​-​ក ឲ្យ​ម្រាម​មេដៃ​ចង្អុល​ចុះមក​ក្រោម ។​
-​កាយវិការ​ទី​បី : ចាប់ផ្តើម​ងើយ​មុខ​ឡើង​បន្តិចៗ​រហូត​ទាល់​តែមាន​អារម្មណ៍​តឹង​ខ្នង​ផ្នែក​ខាងលើ​ដកដង្ហើម​ចូល និង ដកដង្ហើម​ចេញ​យឺតៗ​រាប់​ពីមួយ​ដល់​ដប់ រួច​ឱន​មុន​ត្រឡប់​មកកាន់​កាយវិកា​រ​ទី​ពីរ​វិញ​ហើយ​ចាប់ផ្តើម​ធ្វើ​សាជាថ្មី ។ ធ្វើ​ដដែលៗ​មួយថ្ងៃ ៥ ដង ។​
+​ក្បាច់​ទី​២ :
-​កាយវិការ​ទីមួយ : អង្គុយ ឬ ឈរ​ឲ្យ​ត្រង់​ខ្នង ឈោង​ដៃ​ឆ្វេង​ដាក់​លើ​ក្បាល ដៃស្តាំ​សណ្តូក​ត្រង់​លើក​-​ក ដៃស្តាំ​ឡើង ។​
-​កាយវិការ​ទី​ពីរ : យកដៃ​ឆ្វេង​រុញ​ក្បាល​ឲ្យ​ផ្អៀង​ទៅខាង​ឆ្វេង​យឺតៗ រហូត​ទាល់​តែមាន​អារម្មណ៍​តឹង​-​ក ផ្នែក​ខាងស្តាំ (​បើ​ចង់​ឲ្យ​សាច់ដុំ​យឺត​ខ្លាំង សូម​សាកល្បង​រុញ​ក្បាល​ទៅខាង​ស្តាំ​) ដកដង្ហើម​ដូច និង​ចេញ​យឺតៗ រាប់​ពី ១ ដល់ ១០ រួច​លែងដៃ​ត្រឡប់មក​ឥរិយាបថ​ទីមួយ​វិញ ។​
+​ចាប់ផ្តើម​កាយវិការ​ថ្មី : ដាក់​ដៃស្តាំ​លើ​ក្បាល រួច​រុញ​ទៅខាង​ស្តាំ ផ្លាស់​គ្នា​ឲ្យ​បាន ១០ ដង ។ អ្នក​អាចអនុវត្ត​ក្បាច់​ទាំងពីរ​នេះ​បាន​ញឹកញាប់​តាម​ដែល​ត្រូវការ មិន​ចំពោះ​ថា ជា​ពេល​អង្គុយ​ធ្វើការ អាន​សៀវភៅ ឬ ចន្លោះពេល​ស្ទះចរាចរណ៍​.... ។​នៅពេលណា​ដែល​ស្ត្រី​ជា​ម្តាយ​មាន​អារម្មណ៍​រួយ​ស្រពន់ ឈឺភ្នែក ឬ តានតឹង​ក្នុង​អារម្មណ៍ អាចធ្វើ​លំ​ហាត់ប្រាណ​ខាងលើ​ដើម្បី​កាត់បន្ថយ​ភាព​តឹងតែង ។

​ហេតុ​អ្វី​ហាត់ប្រាណ បែរ​ជា​ចុក​រួយដៃ​?

សម្រាប់​អ្នក​ដែល​មាន​បញ្ហា​ពេល​រត់​ហាត់ប្រាណ ជើង​មិន​ចុក​រួយ បែរ​ជា​ចុក​រួយដៃ​ទៅ​វិញ​នោះ អ្នកជំនាញ​បាន​ណែនាំ​ថា ក្រៅ​ពី​មើល​អង្គ​ប្រកប​ដូចជា បើ​អ្នក​រត់​បាន​ល្អ ប៉ុន្តែ​កំណាត់​ខាងលើ​ចុក​រួយ អ្នក​ត្រូវ​មើល​ថា សាច់ដុំ​កំណាត់​លើ​មាន​លក្ខណៈ​បែបណា​? ត្រូវ​ពង្រឹង​ភាពរឹងមាំ​ត្រង់ណា​?

 

​ឧទាហរណ៍ បើ​អ្នកលេង​វាយ​កូន​បាល់ ក្នុងសម័យ​មុន អ្នក​អាច​គិតថា វា​ជា​រឿង​របស់​ស្មា ប៉ុន្តែ​ការពិត​ទៅ ការ​វាយ​កូន​បាល់ ចាប់ផ្តើម​តាំង​ពី​សាច់ដុំ​កំភួនជើង ឡើង​មកដល់​ដៃ​។


​​ក្នុងករណីនេះ ក៏​ដូចគ្នា ការរត់ មិនមែន​មើល​តែ​កំណាត់​ខាងលើ​ឡើយ វា​អាច​មាន​បញ្ហា​ផ្នែក​ផ្សេង រួម​ជាមួយ​ផង​ដែរ​។ ដោយសារ​ម្នាក់ៗ មាន​វិធី​ហាត់ប្រាណ​រាងកាយ​ខុសៗ​គ្នា ដូច្នេះ​បើ​មាន​បញ្ហា ត្រូវ​ទៅ​ប្រឹក្សា​ជាមួយ​អ្នកជំនាញ ទើប​អាច​ទទួល​ការព្យាបាល​ត្រូវ​ចំណុច​៕

គំហើញថ្មីអំពីមហារីកឈាម

ពួក​អ្នកជំនាញការ​អង់គ្លេស​កំណត់​បាន​ប្រែប្រួល​ហ្សែ​នប​ង្ក​មហារីក​ឈាម​
​គុណវិបត្តិ​ក្នុង​ហ្សែ​ន​គ្រប់គ្រង​ជរាភាព​នៅ​មនុស្ស​អាចជា​មូលហេតុ​បង្ក​ជំងឺមហារីក​ឈាម ដោយសារ​វា​ជំនួយ​កោសិកា​កំណាច​ប្រែជា "​អមតៈ​" ។​
​វិទ្យាស្ថាន​ស្រាវជ្រាវ​មហា​រិ​ក​អង់គ្លេស​ទើប​ប្រកាស​របាយការណ៍​ថ្មី​បង្ហាញថា TERC ហ្សែ​ន ការពារ​ទទួលភារៈ​គ្រប់គ្រង​ដំណើរការ​ជរាភាព​របស់​សរីរាង្គ​មនុស្ស អាចជា​មូលហេតុ​បង្ក​ជា​ជំងឺមហារីក​ឈាម ។​
​តាម​ទស្សនា​វ​ដ្តី Nature Geneties ពួក​អ្នកវិទ្យាសាស្ត្រ​បានកំណត់​បាន​បន្ថែម​ហ្សែ​ន​ប្រែប្រួល ៤ ថ្មី​មាន​ពាក់ព័ន្ធ​ដល់​ជំងឺ​កាច​សាហាវ​នេះ ធ្វើ​ឲ្យ​ចំនួន​ហ្សែ​ន​ត្រូវបាន​រកឃើញ​ឡើងដល់​៧ ។​
TERC គ្រប់គ្រង​ប្រវែង​របស់​ពពួក Telomere កំណត់​ចុង​របស់​ក្រូម៉ូសូម ដើរតួនាទី​សំខាន់​ក្នុង​ដំណើរការ​ជរាភាព​របស់​កោសិកា ។​
​ការស្រាវជ្រាវ​ថ្មី​បង្ហាញថា ហ្សែ​ន TERC មាន​បញ្ហា​អាចជួយ​កោសិកា Lymphoma មិន​អើពើ​ស្ថានភាព​ចាស់​ទៅ និង​បន្ត​ចែក​បំបែក ។​
​សហ​អ្នក​រៀបរៀង​ការស្រាវជ្រាវ សាស្ត្រាចារ្យ Richard Houlston ឲ្យ​ដឹងថា ការស្រាវជ្រាវ​របស់​កុមា​រលោក​គឺ​គំហើញ​សំខាន់​ក្នុងការ​ស្វែងយល់​យន្តកា​រ​ហ្សែ​ន​ស្ថានភាព​ខួរឆ្អឹង បើកផ្លូវ​សម្រាប់​កិច្ចការ​ព្យាបាល​មហារីក ។​
​ទន្ទឹម​នោះ ពួក​ជំនាញការ​ក៏​រកឃើញ​កោសិកា​តាម​មហារីក នៅ​មនុស្ស​មាន​បម្រែបម្រួល​ហ្សែ​ន TERC មាន​និន្នាការ​បញ្ចៀស​បាន​ដំណើរ​ការឈប់​ចែក​បំបែក​កោសិកា ហើយ​នេះ​ជា​មូលហេតុ​ធ្វើ​ឲ្យ​មនុស្ស​ចាស់​ប្រឈមមុខ​ជាមួយ​ហានិភ័យ​ខ្ពស់​កើត​ជំងឺមហារីក​នេះ ៕​M

​ˆ​ញើស គឺជា " សត្រូវ " របស់​បាក់តេរី​

ការ​បែកញើស ជួនកាល​អាចធ្វើឱ្យ​អ្នកមាន​អារម្មណ៍​ស្អុះស្អាប់​, សើម​, ស្អុយ និង​ពិបាក​ទ្រាំ​។ តែ​អ្នកមាន​ដឹង​ទេ​ថា ញើស​មាន​ប្រយោជន៍​សម្រាប់​សរីរាង្គ​របស់​អ្នក​។​

*​បែកញើស​ច្រើន​ជួយ​ឱ្យ​ស្បែក​មុខ​មាន​សុខភាព​ល្អៈ​
​ការចេញ​ញើស​ច្រើន​នៅលើ​មុខ នឹង​ធ្វើឱ្យ​អ្នកមាន​ស្បែក​ល្អ ហើយ​ញើស ក៏​ជាស​ត្រូវ​របស់​មុន​ក្បាល​ខ្មៅ​។ ការចេញ​ញើស អាចជួយ​ពង្រីក​រន្ធ​រោម រំដោះ​ស្រទាប់​ប្រេង​ចេញពី​ផ្ទៃមុខ ជួយ​រារាំង​បាន​មុន​ពងត្រី​។​

​ដូច្នេះ ប្រសិនបើ​ចង់​មាន​ស្បែ​កមុខ​ល្អ និង​ទប់ស្កាត់​មុន អ្នក​អាច​ប្រើ​វិធី​ស្ទី​ម ដើម្បី​ជំរុញ​ដំណើរការ​កន្ត្រាក់​ពង្រីក​រន្ធ​រោម​។ អ្នក​អាច​ស្ទី​ម​មុខ​នៅផ្ទះ​ដោយ​ខ្លួនឯង តាម​វិធី​ដូចខាងក្រោម​នេះ ដាក់​ទឹក​ពុះ​នៅក្នុង​ចានគោម​ធំ​មួយ បន្ទាប់មក ដាក់​មុខ​ឲ្យ​ជិត​នឹង​ចាន​ទឹក​ក្តៅ​នោះ ក្នុង​រយៈពេល​ប្រមាណ ៥-១០​នាទី​។ ចុងក្រោយ​លាង​សម្អាត​ស្បែ​កមុខ ដោយ​ទឹក​ត្រជាក់ ដើម្បី​បញ្ចៀស​ញើស​កកស្ទះ បង្ក​ជា​ឥទ្ធិពល​បញ្ច្រាស​។​

*•​ញើស​ជួយ​ធ្វើឱ្យ​ត្រជាក់​សរីរាង្គៈ
​ការដែល​សរីរាង្គ​ស្វ័យ​បញ្ចោ​ញ​ញើស ជា​រឿង​មួយ មាន​ប្រយោជន៍​បំផុត សម្រាប់​សរីរាង្គ ពិសេស​គឺ​ក្នុង​ការសម្រួល​សីតុណ្ហភាព​។ មុខងារ​សំខាន់​របស់​ញើស គឺ​ជួយ​ធ្វើឱ្យ​ត្រជាក់​សរីរាង្គ ពេល​សីតុណ្ហភាព​រាងកាយ​កើនឡើង ដោយ​ប្រថុចញ៉ុច​ដោយសារ​លេង​កីឡា អង្គុយ​ក្នុង​បន្ទប់​ស្ទី​ម​សូ​ណា ឬ​ធ្វើ​សកម្មភាព​កណ្តាល​អាកាសធាតុ​ក្តៅ​... នេះ​ជា​ដំណើរការ​សកម្មភាព​ធ​ម្ម​ជាតិ​យ៉ាងសំខាន់​មួយ​ចំពោះ​យើង ព្រោះ​ប្រសិនបើ​មិនអាច​ចេញ​ញើស​បាន វា​អាច​បង្ក​ឥទ្ធិពល​ដល់​សុខភាព​របស់​អ្នក ឬ​ធ្ងន់ធ្ងរ​ជាង​នេះ គឺ​ឥទ្ធិពល​ដល់​អាយុជីវិត​។​

*•​បែកញើស​ជួយ​ជំរុញ​ប្រព័ន្ធ​ចរាចរ​ឈាមៈ​
​ពេល​ញើស​ចេញ​ផុតពី​សរីរាង្គ ក៏​ជា​ពេល​ចង្វាក់បេះដូង​បង្កើនល្បឿន ធ្វើឱ្យ​ល្បឿន​ចរាចរ​ឈាម ក៏​កើនឡើង​ដែរ ពិសេស​គឺ​នៅ​តំបន់​ស្បែក ។ ពិសេស គឺ​មូលដ្ឋាន​របស់​ក្រពេញ​ញើស​នីមួយៗ ស្ថិតនៅ​ជ្រៅ​ក្នុង​ស្រទាប់​ស្បែក​នៅ​យ៉ាង ជិត​នឹង​សរសៃឈាម​តូចៗ​។ ដូច្នេះហើយ ពេល​ក្រពេញ​ញើស​នេះ ធ្វើ​សកម្មភាព​ការ​ចរាចរ​ឈាម​ឱ្យ​ស្បែក ក៏​កើនឡើង​យ៉ាងច្រើន​ជួយ​ជំរុញ​ប្រព័ន្ធ​ចរាចរ​។ ផ្តើម​ពី​នោះ បណ្តា​ផ្នែក​ទាំងឡាយ​ខាងក្នុង​សរីរាង្គ​របស់​អ្នក ក៏​នឹង​ត្រូវបាន​បញ្ចូល​គ្រប់​ថាមពល និង​មាន​សកម្មភាព​ប្រសិទ្ធភាព​យ៉ាងច្រើន​។​

*•​ញើស​ជា " សត្រូវ " របស់​បាក់តេរីៈ​
​ពួក​អ្នកជំនាញការ​សុខាភិបាល បានឱ្យដឹងថា ញើស​ហាក់ដូចជា " សត្រូវ " របស់​ពពួក​បាក់តេរី និង​ផ្សិត​មានលទ្ធភាព​បង្ក​គ្រោះថ្នាក់​ឱ្យ​ស្បែក​។ នោះ​គឺ​ដោយសារ​ក្នុង​ញើស​មាន​ផ្ទុក nitrite, ពេល​ឡើងដល់​ផ្ទៃ​ខាងក្រៅ​ស្បែក សារជាតិ​នេះ នឹង​ស្វ័យប្រវត្តិ​បំប្លែង​ទៅជា Osit nitric ។ សារជាតិ​នេះ នឹងមាន​ភារកិច្ច​ដូចជា " អាវុធ " មួយ ជាមួយនឹង​លក្ខណៈពិសេស​ប្រឆាំង​បាក់តេរី និង​ប្រឆាំង​ផ្សិត​លើ​ផ្ទៃ​ធំ​ទូលាយ​។ ពុំ​ត្រឹមតែ​ប៉ុណ្ណឹង​ទេ ក្នុង​សមាសធាតុ​របស់​ញើស នៅ​ផ្ទុក​សារជាតិ​រំញោច​អង់​ទី​ប៊ី​យ៉ូ​ទិ​ក​ធម្មជាតិ​មួយទៀត មាន​ឈ្មោះថា Dermicidin ។ វា​នឹងមាន​ប្រសិទ្ធភាព​ជួយ​សម្លាប់​បាក់តេរី នៅលើ​ផ្ទៃ​ស្បែក​របស់​យើង​។​
​    ​
*​កម្ចាត់​ជាតិពុល​ជាមួយ​ញើសៈ​
​ការចេញ​ញើស ក៏​នឹង​ជួយ​ជំរុញ​ដំណើរការ​កម្ចាត់​ជាតិពុល​ចេញពី​សរីរាង្គ បាន​ប្រព្រឹត្ត​ទៅដោយ​រហ័ស​ជាង​។ ឆ្លងកាត់​ការស្រាវជ្រាវ និង​វិភាគ​ជាច្រើន ពួក​អ្នកជំនាញការ​សុខាភិបាល បានឱ្យដឹងថា ក្នុង​ញើស​មាន​ផ្ទុក​សារជាតិ​ចម្រុះ​យ៉ាងច្រើន ក្នុងនោះ​មាន​បរិមាណ​តូច​មួយ​នៃ​លោហធាតុ​ពុល ដូចជា​ម៉​ង់​ហ្គា​ណេ​ស កាដ​មី​ញ៉ូ​ម និង​អាលុយមីញ៉ូម​។ សរីរាង្គ​មនុស្ស​មាន​ពី ២​លាន ដល់​៥​លាន ក្រពេញ​ញើស​នៅ​ស្រទាប់​ស្បែក​។ ដូច្នេះហើយ ការចេញ​ញើស​មាន​អត្ថន័យ​សំខាន់បំផុត ក្នុងការ​កម្ចាត់​ចោល​ជាតិពុល​ចេញពី​សរីរាង្គ​។​

*•​បែកញើស​ជួយ​បង្កើន​ប្រព័ន្ធ​អង្គ​បដិបក្ខៈ​
​ពេល​ប្រព័ន្ធ​អង្គ​បដិបក្ខ​របស់​សរីរាង្គ កំពុង​ត្រូវ​ចុះខ្សោយ ឬ​ជួប​បញ្ហា មិន​ស្រួល​ផ្សេងៗ ការចេញ​ញើស​នឹង​រួមចំណែក​ជួយ​ប្រព័ន្ធ​អង្គ​បដិបក្ខ ស្តារឡើងវិញ​សកម្មភាព​របស់​វា ដោយ​ឆាប់រហ័ស​។ នោះ​ក៏​ជា​មូលហេតុ ហេតុអ្វី​ពេល​អ្នក​កើត​ជំងឺ ដូចជា គ្រុន​រងា ផ្តាសាយ អ្នកនឹង​រក​វិធី​ដើម្បីឱ្យ​សរីរាង្គ បញ្ចោ​ញ​ញើស​យ៉ាងច្រើន​។ ក្រៅពីនេះ ការ​បែកញើស​ពេល​លេង​កីឡា ឬ​ពេលធ្វើ​សកម្មភាព​កណ្តាលវាល ក៏មាន​ប្រសិទ្ធ​ភាពដូចគ្នា​ដែរ​។ វា​នឹង​ជួយ រំញោច​សកម្មភាព​បំប្លែង​សារជាតិ បាន​ដំណើរការ​លឿន​ជាង និង​ជួយ​បង្កើន​ប្រព័ន្ធ​អង្គ​បដិបក្ខ​៕

ប្រយ័ត្នគ្រោះថ្នាក់បាត់បង់ជីវិត ដោយសារថ្នាំព្យារកំណើត

​ថ្នាំ​ពន្យារកំណើត​ជា​វិធានការ​ត្រូវបាន​ស្ត្រី​ជាច្រើន​ប្រើប្រាស់​ដើម្បី​ទប់ស្កាត់​មានគភ៌​ក្រៅ​បំណងប្រាថ្នា និង​ថែមទាំង​ប្រើ​ក្នុង​ការរក្សា​សម្ផស្ស ។ ប៉ុន្តែ​ក៏មាន​ករណី​បាត់​បង់ជីវិត​ដោយសារតែ​ថ្នាំ​នេះ​ក៏​មិន​តិចតួច​ដែរ ។​
-​ករណី​បាត់​បង់ជីវិត​ដោយសារ​ថ្នាំ​ពន្យារកំណើត​ជាច្រើន​នៅ​កាណាដា​?
​ស្ថាប័ន​សុខាភិបាល​កាណាដា បាន​ឲ្យ​ដឹងថា មាន​តិច​បំផុត​ស្ត្រី​២៣​នាក់ នៅ​ប្រទេស​នេះ​បាន​បាត់បង់​ជីវិត និង​រាប់រយ​នាក់​ផ្សេងទៀត​កំពុង​ប្រឈមមុខ​ជាមួយ​ហានិភ័យ​សុខភាព ដោយសារ​បាន​ប្រើ​ថ្នាំ​ពន្យារកំណើត​២​ប្រភេទ ដែល​ត្រូវបាន​និយម​ប្រើប្រាស់​លើ​ពិភពលោក ។​
​ថ្នាំ​ពន្យារកំណើត Yaz និង Yasmin ត្រូវ​សង្ស័យ​ជា​មូលហេតុ​បង្ក​ការស្លាប់​របស់​ស្ត្រី​ខាងលើ​ដោយសារ​ឥទ្ធិពល​គ្រោះថ្នាក់​របស់​ថ្នាំ ។ សម្ព័ន្ធ​ក្រុមហ៊ុន​ឱសថ​ដ៏​ធំ Bayer (​អាល្លឺម៉ង់​) ក៏​ជា​អ្នក​ផលិត​២​ប្រភេទ​នេះ​ដែល​បច្ចុប្បន្នកំពុង​ត្រូវ​អ្នកប្រើប្រាស់​នៅ​កាណាដា អាមេរិក និង​ប្រទេស​មួយចំនួន​ផ្សេងទៀត​ប្តឹង ។ ពួកគេ​ចាត់ទុកថា ថ្នាំ​ពន្យារកំណើត​ជំនាន់​ថ្មី​២​ប្រភេទ​នេះ​មាន​ផ្ទុក​អ័រម៉ូន​ចម្រុះ​១​ឈ្មោះថា drospirenine បង្ក​គ្រោះថ្នាក់​ឲ្យ​សុខភាព ។​
-​បារាំង ៖ ស្ត្រី​២០​នាក់​ស្លាប់​ដោយសារ​ថ្នាំ​ពន្យារកំណើត​?
​ការស្រាវជ្រាវ​មួយ​ថ្មី​នេះ​របស់​ស្ថាប័ន​សុវត្ថិភាព​ឱសថ និង​ផលិតផល​សុខាភិបាល​ជាតិ​បារាំង (ANSM) បាន​ដំណើរការ​ស្រាវជ្រាវ​មួយ និង​រកឃើញ​ទំនាក់ទំនង​រវាង​ថ្នាំ​ពន្យារកំណើត​ជាមួយ​ជំងឺ​ឈាមកក​ដុំៗ ។ តាម​ការស្រាវជ្រាវ ដុំ​កំណក​ឈាម​អាច​គ្រោះថ្នាក់​សម្លាប់​មនុស្ស បង្ក​ដាច់​សរសៃឈាម​ខួរក្បាល ឬ​ឈឺបេះដូង ប្រសិន​វា​កកើត​ក្នុង​ខួរក្បាល ឬ​ក្នុង​បេះដូង ។​
​តាម​របាយការណ៍​ស្រាវជ្រាវ​របស់ ANSM , 14 ករណី​ក្នុងចំណោម​២០​ករណី​បាត់​បង់ជីវិត​ដូចខាងលើ​គឺ​ដោយសារ​ថ្នាំ​ពន្យារកំណើត​ជំនា​ន់ទី​៣ ឬ​ទី​៤ (​ថ្នាំ​ចាប់ផ្តើម​ត្រូវបាន​ចរាចរ​ពីមុន​នេះ​២០​ឆ្នាំ​) ។ ក្នុងពេល​៦​ករណី​បាត់​បង់ជីវិត ត្រូវបាន​ទម្លាក់​ទៅលើ​ថ្នាំ​ពន្យារកំណើត​ជំនា​ន់ទី​១ ឬ​ទី​២ ។​
​បានដឹងថា បច្ចុប្បន្ន​បារាំង​កំពុងស្ថិត​ក្នុងចំណោម​ប្រទេស​ប្រើប្រាស់​ថ្នាំ​ពន្យារកំណើត​ខ្ពស់បំផុត​ពិភពលោក ។ នៅ​ឆ្នាំ​២០១១ ស្ត្រី​បារាំង​ជិត ៤,២៧​លាន​នាក់ បាន​ប្រើប្រាស់​វិធី​ព្យាបាល​ពន្យារកំណើត​នេះ ។​
​ដើមឆ្នាំ​២០១៣ ស្ថាប័ន​គ្រប់គ្រង​សុខាភិបាល​របស់​បារាំង បាន​បើក​ការស៊ើបអង្កេត​ថ្នាំ​ព្យាបាល​មុន​មាន​ប្រសិទ្ធភាព​ពន្យារកំណើត Diane-35 ពាក់ព័ន្ធ​ដល់​ការស្លាប់​របស់​ស្ត្រី​៤​នាក់ ។ ថ្នាំ Diane-35 ក៏ត្រូវ​បាន​ផលិត​ដោយ​ក្រុមហ៊ុន​ឱសថ Bayer របស់​អាល្លឺម៉ង់ ។ ផលិតផល​នេះ​ត្រូវបាន​១៣៥​ប្រទេស​ផ្តល់​ច្បាប់​អនុញ្ញាត និង​ដាក់លក់​នៅ​ជាង​១១៦​ប្រទេស ។ តាម​របាយការណ៍​រប​ស់ ANSM ឆ្នាំ​២០១២ មាន​ស្ត្រី​បារាំង​ប្រមាណ ៣២៥.០០០​នាក់ ប្រើប្រាស់​ថ្នាំ​នេះ ។ ក្នុងចំណោម​នោះ​មាន​៤​នាក់​បាន​បាត់​បង់ជីវិត​ដោយសារ​ឈាមកក​ដុំៗ ៕​M

​កា​រយំ​ចេញ​ទឹកភ្នែក មាន​សារប្រយោជន៍ ៥ យ៉ាង​

កា​រយំ​ចេញ​ទឹកភ្នែក ជា​វិធី​មួយ​ស្តែងឡើង នូវ​ការបង្ហាញ​អារម្មណ៍​របស់​មនុស្ស ។ ថ្វី​ត្បិត​ដូច្នេះ ក្នុង​ខឿនវប្បធម៌​មួយចំនួន វា​ត្រូវបាន​ចាត់ទុកជា​ភាពទន់ខ្សោយ ហើយ​មានតែ​ស្ត្រី​ទេ ដែលជា​និច្ចកាល យំ​ចេញ​ទឹកភ្នែក ។ តែ​លើស​ភាពជាក់ស្តែង កា​រយំ​ចេញ​ទឹកភ្នែក អាចជួយ​កម្ចាត់​ចោល​អារម្មណ៍ មិនអាច​និយាយ​ចេញ និង​អារម្មណ៍​ផ្តុំ​ខាងក្នុង នាំមក​នូវ​ផលប្រយោជន៍​សុខភាព​ជាច្រើន ។​
Meidic Magic បានលើកឡើង​អំពី​ផលប្រយោជន៍​មួយចំនួន របស់​ទឹកភ្នែក ដូចខាងក្រោម​នេះ ៖

 

១.​កម្ចាត់​ភាព​តានតឹងៈ​
​ពេល​មាន​អារម្មណ៍​តានតឹង ការ​យំ នឹង​ល្អ​ជាង​ការ​ទប់ សង្កត់​អារម្មណ៍ ។ ការ​យំ នឹង​ជួយ​អ្នក​កម្ចាត់​ចោល អារម្មណ៍​នឿយហត់ អស់សង្ឃឹម ។ នេះ​ជា​ឱសថ​បន្ថយ​ស្ត្រេ​ស ប្រកប​ប្រសិទ្ធភាព ។ ប្រសិន​មាន​អារម្មណ៍​ខ្មាស់អៀន ពេល​យំ​នៅ​កន្លែង​សាធារណៈ ចូរ​រក​កន្លែង​មួយ ដើម្បី​យំ ដើម្បី​កម្ចាត់​ចេញ​ភាព​តានតឹង ។​
២.​កែប្រែ​ប្រសើរឡើង​នូវ​សភាព​ផ្លូវចិត្តៈ​
​អ្នក​នឹងមាន​អារម្មណ៍​ផ្លូវចិត្ត ធូរស្រាល និង​ល្អ​ជាង ក្រោយពេល​យំ​។ តំណក់ទឹកភ្នែក អាចធ្វើ​ឲ្យ​ថយចុះ ការឈឺចាប់ និង​ភាព​តឹងតែង ដែល​អ្នក​ជួប ។ ដូច្នេះ​កុំ​ក្រែង​យំ ដើម្បី​កែប្រែ​សភាព​ផ្លូវចិត្ត ឲ្យ​ប្រសើរឡើង ។​
៣.​សំអាត​ភ្នែកៈ​
​មុខងារ​ពិតប្រាកដ​របស់​ទឹកភ្នែក គឺ​រក្សា​ឲ្យ​ភ្នែក​សើម ។ វា​ពុំ​ត្រឹមតែ​ជួយ​អ្នក មើល​ច្បាស់​ជាង តែ​នៅ​ជួយ​កម្ចាត់​ចោល ធូលី​កខ្វក់​ទាំងអស់ នៅក្នុង​ភ្នែក ។ ក្រៅពីនេះ ទឹកភ្នែក ក៏​ជួយ​កម្ចាត់​ចេញ​ជាតិពុល និង​កំទេច​បាក់តេរី ដែល​ទន្ទ្រាន​ចូល ។ ពេល​ទឹកភ្នែក​ហូរ​ចេញ ទោះបី​ដោយសារ​ព្រួយ ឬ សុភមង្គល វា​ក៏​ពិតជា​ធ្វើ​ឲ្យ​ភ្នែក មាន​សុខភាព​ល្អ​ជាង ។​
៤.​បន្ថយ​បរិមាណ​ម៉​ង់​ហ្គា​ណែ​សៈ​
​កា​រយំ​ចេញ​ទឹកភ្នែក នឹងធ្វើ​ឲ្យ​ថយចុះ កម្រិត​សារជាតិ រ៉ែ​ម៉​ង់​ហ្គា​ណែ​ស ក្នុង​សរីរាង្គ ។ សារជាតិ​រ៉ែ​ម៉​ង់​ហ្គា​ណែ​ស កើតមាន​ច្រើន វា​ក៏​អាច​បង្ក​ឲ្យ​មាន​ភាព​ជ្រួលច្របល់​ក្នុង​អារម្មណ៍​ផងដែរ ។​
៥.​បញ្ចុះ​សម្ពាធ​ឈាម​ខ្ពស់ៈ​
​កា​រយំ​ចេញ​ទឹកភ្នែក ពុំ​ត្រឹមតែ​ធ្វើ​ឲ្យ​ថយចុះ សម្ពាធ​លើ​សរីរាង្គ​ប៉ុណ្ណោះ​ទេ តែ​ទៅ​ជួយ​កម្ចាត់​ចោល​អំបិល​លើស ។ ទាំង​ភាព​តានតឹង និង​អំបិល សុទ្ធតែ​អាច​បង្ក​ឲ្យ​លើសឈាម ។ ដូច្នេះ​ប្រសិន​មាន​បញ្ហា​ជាមួយ​សម្ពាធ​ឈាម ចូរ​ឲ្យ​សរីរាង្គ​ចេញ​ដោយ​សេរី តាម​អារម្មណ៍​របស់ខ្លួន ៕M/V/L​

​ˆ​សញ្ញា​មហារីក​ដោះ​ដែល​អ្នក​ស្មាន​មិន​ដល់​

មហារីក​ដោះ ជា​ជំងឺមហារីក​មួយ ក្នុងចំណោម​ជំងឺមហារីក តែង​ជួបប្រទះ​បំផុត​នៅ​ស្ត្រីភេទ​។ ក្នុង​សឹងតែ​គ្រប់​ករណី ក៏ដូចជា​ជំងឺមហារីក​ដទៃទៀត​ដែរ មហារីក​ដោះ ពុំ​មានការ​ស្តែងចេញ​ច្បាស់លាស់​ភ្លាម​ពីដំបូង​។ ហើយ​ដល់ពេល​លេចចេញ​ច្បាស់​នោះ ជំងឺ​បាន​ឈានដល់​ដំណាក់កាល​ធ្ងន់ធ្ងរ ពិបាក​ព្យាបាល​។​

​ដូច្នេះ​ការ​ស្វ័យ​ត្រួតពិនិត្យ ដើម្បី​ឆាប់​រកឃើញ​ភាពខុសប្រក្រតី​នៅ​ដោះ គឺ​សំខាន់បំផុត​។ ស្វ័យ​ត្រួតពិនិត្យ​ដោះ​ទាំងសងខាង​រាល់ថ្ងៃ ជា​វិធី​ល្អ​បំផុត ជួយ​ស្ត្រី​ឆាប់​រកឃើញ​ដុំ​គីស​ប្លែក​ធម្មតា តំបន់​ស្បែក​មាន​ពណ៌​ចម្លែក​, ចេញ​មុន ...​។ សញ្ញា​ទាំងអស់នេះ សុទ្ធតែ​អាច ព្រមាន​ពី​គ្រោះថ្នាក់​មហារីក​ដោះ ហើយ​អ្នក​ត្រូវ​ទៅពិនិត្យ​កាន់តែ​ឆាប់​កាន់តែ​ល្អ​។ វេជ្ជបណ្ឌិត​នឹង​ឱ្យ​អ្នក​ថត​ក្រពេញ​ដោះ ឬ​ការពិសោធន៍​ផ្សេងៗ ដើម្បី​កំណត់​មូលហេតុ​។​

​ក្រៅពី​សញ្ញា​ខាងក្រៅ​បង្ហាញ​ជុំវិញ​ដោះ ប្រសិន​ឃើញ​មាន​អាកា​រៈ​ខាងក្រោម​នេះ នោះ​អ្នក​ក៏​មិនត្រូវ​ប្រហែស ព្រោះ​វា​ក៏​អាចជា​សញ្ញា​ព្រមាន​គ្រោះថ្នាក់​មហារីក​ដោះ​។​

 

១.​រមាស់​, ឈឺ ឬ​ក្រហម​ដោះ​
​តំបន់​ស្បែក​ដោះ មាន​អារម្មណ៍​ក្រហាយ​, ក្តៅ​ពេល​ប៉ះ គឺ​នោះ​អាចជា​សញ្ញា​របស់​ជំងឺមហារីក​ដោះ និង​រលាក​ដោះ សណ្ឋាន​កម្រ​ជួប​មួយ គឺ​មិន​ទូទៅ​ដូចជា​ដុំ​គីស​ដោះ​។ មហារីក​ដោះ អាច​បង្ក​ការ​រលាក​ដោះ បណ្តាលឱ្យ​ដោះ​ត្រូវ​ហើម និង​ឈឺ​ពេល​មាន​រំញោច​។​

​ប្រសិន​ឃើញ​ស្បែក​ដោះ​មាន​ពណ៌​ក្រហម​ខុសធម្មតា ឬ​មាន​ស្រកា ឬក៏​មាន​ស្នាម​ដូច​ស្នាម​ខួច ...​នោះ​គឺជា​សញ្ញា​អាច​រលាក​ដោះ​។ ពេល​អ្នកមាន​សញ្ញា​ទាំងនេះ រោគសញ្ញា​ដំបូង​អម​ជាមួយ គឺ​អ្នក​នឹងមាន​អារម្មណ៍​ឈឺ​ពើត ដូចជា​ឈឺ​ពើត​ដោះ​ក្នុង​ខួប​រដូវ តែ​ប៉ុន្មាន​ថ្ងៃក្រោយ វា​នៅតែ​មិន​បាត់​។ មានតែ​៣​ភាគរយ​នៃ​ករណី​មហារីក​ដោះ គឺ​ដោយសារ​រលាក​។ ពេល​ត្រូវ​រលាក កោសិកា​មហារីក រីកចម្រើន​លឿន ធ្វើឱ្យ​ស្ទះ​សរសៃឈាម​ចិញ្ចឹម​ស្បែក​។ ការ​ស្តែងចេញ​មាន ដូចជា ពណ៌​ក្រហម រមាស់ ក្តៅ ជា​សញ្ញា​របស់​មហារីក​ដោះ រលាក តែ​វា​ច្រើន​ត្រូវ​ច្រឡំ​ជាមួយ​ជំងឺ​រលាក​ដោះ ឬ​ឆ្លង​មេរោគ​បំពង់​នាំ​ទឹកដោះ​ជុំវិញ​ក្បាលដោះ​។​

២.​ឈឺ​ខ្នង​
​ថ្វី​ត្បិត​ពុំ​ទូទៅ តែ​ក៏មាន​ស្ត្រី​តែង​ត្រូវ​ឈឺ​ខ្នង មុនពេល​រកឃើញ​ជំងឺមហារីក​ដោះ​។ ការឈឺ​នេះ​ច្រើន​លេចឡើង​នៅ​ផ្នែក​ខ្នង​លើ ចន្លោះ​ស្លាបប្រចៀវ​ទាំងពីរ និង​អាច​ងាយ​ត្រូវ​ច្រឡំ​ជាមួយ ឈឺ​សាច់ដុំ តឹង​សរសៃ ឬ​យារ​សរសៃពួរ​, រលាក​ឆ្អឹងសន្លាក់​របស់​ឆ្អឹង​កង​ខ្នង​។​

​សឹងតែ​ទាំង​អស់នៃ​ដុំ​គីស​ដោះ​រីកចម្រើន​ក្នុង​ជាលិកា​ក្រពេញ​ដោះ ពង្រីក​ជ្រៅ​ចូលក្នុង​ដោះ ជិត​គែម​ដោះ​, ប្រសិន​ដុំ​គីស​លូតលាស់ រុញ​បញ្ច្រាស​ទៅ​ប៉ែក​ឆ្អឹងជំនីរ និង​ឆ្អឹងខ្នង​នោះ នឹង​បង្កើតជា​ការឈឺ​នៅ​ប៉ែក​ក្រោយខ្នង គឺ​មែន​នៅ​ដោះ​។ មហារីក​ដោះ ក៏មាន​និន្នាការ​រាលដាល​ទៅដល់​ឆ្អឹងខ្នង ឆ្អឹងជំនីរ ក្លាយទៅជា​មហារីក​ឆ្អឹង​បន្ទាប់​ទៀត​។​

៣.​ក្បាលដោះ​ប្រែប្រួល​
​កន្លែង​មួយ​ក្នុងចំណោម​កន្លែង​ទូទៅ​បំផុត លេចចេញ​ដុំ​គីស​ដោះ គឺ​ខាងក្រោយ​ក្បាលដោះ​។ អាស្រ័យហេតុនេះ វា​អាច​បង្ក​ជាការ​ប្រែប្រួល​អំពី​ទ្រង់ទ្រាយ និង​ទទួល​អារម្មណ៍​របស់​ក្បាលដោះ​។ ការប្រែប្រួល​អំពី​ទ្រង់ទ្រាយ អាចជា​ក្បាលដោះ​ទ្រុឌ​ចូលក្នុង រាបស្មើ​ជាង​។ មាន​ករណី​មហារីក​ដោះ នៅ​ឃើញ​មាន​ចេញ​ទឹករងៃ​ច្រើន​នៅ​ដោះ ទោះបី​មិនដែល​ចិញ្ចឹម​កូនតូច មិនតែប៉ុណ្ណោះ​ក្បាលដោះ នៅ​ចេញឈាម​ថែម​ទៀតផង​។​

៤.​ឈឺ​, ហើម ឬ​មាន​ដុំ​គីស​នៅ​ក្លៀក​
​ក្លៀក​ជា​កន្លែង​មហារីក​ដោះ រាលដាល​ដំបូង​។ ការឈឺ​ណាក៏ដោយ ក្នុង​តំបន់​ក្លៀក​ដូចជា​ហើម ឬ​មាន​ដុំ​គីស គឺជា​សញ្ញា​មួយ​ដែល​អ្នក​ត្រូវ​យកចិត្តទុកដាក់​យ៉ាង​ប្រយ័ត្នប្រយែង​បំផុត​៕

​រោគ​ឫសដូងបាត​ចំពោះ​ស្ត្រី​ធ្វើការ​នៅ​ការិយាល័យ​

អាការ​ម្យ៉ាង​ដែល​គេ​ហៅថា រោគ​មិនមែន​រោគ ដែល​អាការ​បែបនេះ កើត​ពី​កិច្ចការ​ប្រចាំថ្ងៃ ដូច​ជា​ការ​ទទួលទាន​អាហារ ការ​ដេក ការ​ឈប់សម្រាក ការធ្វើការងារ និង​ការ​ហាត់ប្រាណ​ខ្វះ​សមតុល្យ​។

 

ឧទាហរណ៍ រោគ​ដែល​មិនមែន​រោគ ដូចជា មហារីក​សរសៃឈាម​ខួរក្បាល បេះដូង  ទឹម​នោម​ផ្អែម លើសឈាម តប់​ប្រមល់​។​ល​។​

​ការពិត​ស្ត្រី​តែងតែ​មាន​ការអៀនខ្មាស់​មិន​តិច​នោះ​ទេ នៅពេល​ទៅ​ជួប​គ្រូពេទ្យ ដើម្បី​ព្យាបាល​រោគ​ឫសដូងបាត ព្រោះ​ជា​អវយវៈ​ដែល​ស្ថិត​នៅ​ទី​អាថ៌កំបាំង​។​

​​*​អាការរោគ​៥​យ៉ាង​នៃ​រោគ​ឫសដូង​បាតៈ​
​​សុភាព​ស្ត្រី​ណា​ម្នាក់​ដែលមាន​អាការ​ដូចខាងក្រោម​នេះ នឹង​មិន​អាច​អង្គុយ​ជាប់​កៅអី​បានយូរ​ឡើយ​៖

​​១-​មាន​ធ្លាក់ឈាម​ស្រស់ៗ​តាម​ទ្វារធំ​ក្រោយពេល​បត់ជើងធំ​រួច​។​
​​២-​មាន​ដុំ​សាច់​ដុះ​លៀន​ចេញពី​ទ្វារធំ​ពេល​បត់ជើងធំ​។​
​​៣-​មាន​អាការ​រមាស់​ជុំវិញ​ក្រសាល់គូទ​។​
​​៤-​ឈឺ​ត្រង់​បរិវេណ​ទ្វា​ធំ ជា​ពិសេស​ពេល​ប្រឹង​បត់ជើងធំ​។​
​​៥-​ស្ទាប​ប៉ះ​ដុំ​សាច់​ត្រង់​បរិវេណ​ទ្វារ​ធំ​។​
រោគសញ្ញា​ទាំង ៥ យ៉ាងនេះ អាច​បញ្ជាក់បាន​ថា អ្នក​កើត​ឫសដូងបាត​យ៉ាង​ប្រាកដ​។​


ក្នុងករណី​ខ្មាស់អៀន​គ្រូពេទ្យ ហើយ​ចង់​ព្យាបាល​ដោយ​ខ្លួនឯង គ្រូពេទ្យ​ផ្តល់​ដំបូន្មាន​ថា សម្រាប់​អ្នកមាន​អាការ​ស្រាល គប្បី​សម្រួល​សកម្មភាព​ទទួលទាន​ជាមុន ដូចជា ទទួលទាន​បាយ​អង្ករសំរូប ទទួលទាន​បន្លែ ផ្លែ​ឈើ​មាន​កាក​សរសៃ ផឹកទឹក​ឲ្យបាន​ច្រើន និង​ឧស្សាហ៍​ហាត់ប្រាណ​។​

​​ចំណែក​អាការ​មិនសូវ​ធ្ងន់ធ្ងរ ដូចជា មាន​លៀន​សាច់ ឈឺ​ហើម អាច​ទិញ​ថ្នាំ​មក​ទទួល​ទាន​ខ្លួនឯង តែ​គួរ​ពិនិត្យមើល​ទិន្នន័យ​លើ​ប្រអប់ ឬ​កញ្ចប់​ថ្នាំ​មាន​ចុះ​លិខិតអនុញ្ញាត​ពី​ក្រសួង​សុខាភិបាល​ត្រឹមត្រូវ និង​ផុតកំណត់​ថ្ងៃ​ប្រើប្រាស់​ឬ​អត់​? ជាពិសេស​ទីតាំង​ផលិត គួរឲ្យ​ទុកចិត្ត​បាន​ដែរឬទេ​?

​​ក្នុងករណី​មាន​អាការ​ធ្ងន់ធ្ងរ ដូចជា​បត់ជើងធំ ធ្លាក់ឈាម គួរ​ទៅ​ពិគ្រោះ​ជាមួយ​គ្រូពេទ្យ​។ ទោះបី​ឱសថ​មាន​ប្រសិទ្ធភាព​ក្នុង​ការព្យាបា​លក្តី តែ​ការការពារ​មុន​ពេល​ឈឺ ដោយ​ការ​ទទួលទាន ការ​ដេក ការ​សម្រាក ការ​ហាត់ប្រាណ និង​ការបំពេញ​ការងារ ឲ្យមាន​សម​តុល្យភាព​គ្នានោះ ជា​វិធី​ដែល​ល្អ​ជាងគេ​៕​

ពិសារ​អាហារ​សម្បូរ​ខ្លាញ់​ខណៈ​កំពុងមាន​ផ្ទៃពោះ​បង្កើន​ឱកាស​វិវត្តន៍​ជំងឺមហារីក​សុដន់​ដល់​កូនស្រី និង ចៅស្រី​

ស្ត្រី​មានគភ៌​ដែល​ចូលចិត្ត​ទទួលទាន​អាហារ​សម្បូរ​ជាតិ​ខ្លាញ់​អាច​នឹង​ បង្កើន​ឱកាស​ដល់​កូនស្រី និង​សូម្បីតែ​ចៅស្រី​របស់​ពួកគេ​ក្នុងការ​វិត្ត​ន៍​ជំងឺមហារីក​សុដន់​នៅពេល​ ចាស់​ឡើង ។​

​ក្រុម​អ្នកស្រាវជ្រាវ​ជឿថា​ការ​ទទួលទាន​អាហារ​ពុំមាន​ សុខភាព​អាច​នឹង​ផ្លាស់ប្តូរ​កោសិកា​ទារក​មិនទាន់​ប្រសូត និង អនាគត​ក្មេងជំនាន់ក្រោយ​ជា​អចិន្ត្រៃយ៍  ។ មានការ​លើកឡើង​ជាច្រើន​ថា​ការទទួល​ទាន​ឲ្យ​បាន​ត្រឹមត្រូវ​ក្នុងពេល​មានគភ៌​ អាច​កាត់បន្ថយ​កំរិត​នៃ​ជំងឺមហារីក​សុដន់​ដែលជា​ជំងឺមហារីក​ទូទៅ​បំផុត​ ក្នុង​ចក្រភព​អង់គ្លេស​ដែល​បាន​ប៉ះពាល់​ស្ត្រី​ម្នាក់​ក្នុងចំណោម​ស្ត្រី​ ប្រាំ​បីនាក់​ក្នុង​កំឡុង​ការរស់នៅ​របស់​ពួកគេ ។​

​ក្រុម​ អ្នកវិទ្យាសាស្ត្រ​នៅ​សាកលវិទ្យាល័យ Georgetown University ក្នុង​រដ្ឋធានី​វ៉ាស៊ីនតោន​ឌី​ស៊ី​បានដាក់​ចំណី​ឲ្យ​កណ្តុរ​មានគភ៌​ទាំង​ អាហារ​ធម្មតា និង អាហារ​សម្បូរ​ជាតិ​ខ្លាញ់​ខ្ពស់ ។ ចំពោះ​កណ្តុរ​ដែល​ស៊ី​អាហារ​សម្បូរ​ជាតិ​ខ្លាញ់ កូនកណ្តុរ​ញី និង ចៅ​កណ្តុ​រញី​របស់​វា​ដែល​គេ​ដាក់​ចំណី​ឲ្យ​ស៊ី​ធម្មតា ត្រូវគេ​រកឃើញ​កើនឡើង​ហានិភ័យ​នៃ​ការវិវត្តន៍​ដុំ​សាច់​ជំងឺមហារីក​សុដន់​ កាន់តែ​ខ្ពស់​គួរ​ឲ្យ​កត់សម្គាល់ ។

​អាហារ​សម្បូរ​ជាតិ​ខ្លាញ់​មាន​ ជាប់​ទាន់​ទិន​នឹង​ការកើនឡើង​កាន់តែ​ខ្ពស់​នៃ​កំរិត​អ័រម៉ូន​ភេទ​ស្រី Oestrogen ។ ក្រុម​កណ្តុរ​ស៊ី​ចំណី​សម្បូរ​ជាតិ​ខ្លាញ់​ខ្ពស់​មួយ​ផ្សេងទៀត​ដែល​ត្រូវគេ​ ផ្តល់​អ័រម៉ូន Oestrogen បន្ថែម​នោះ បាន​ប៉ះពាល់​ដល់​ចៅទួត​របស់​ពួកវា ។

​ បើទោះបីជា​លទ្ធផល​ស្រាវជ្រាវ​មិនទាន់​ត្រូវបាន​ប្រកាស​ចំពោះ​មនុស្ស​ក៏ដោយ ក៏​អ្នកដឹកនាំ​ស្រាវជ្រាវ លោក វេជ្ជបណ្ឌិត សូ​នៀ ឌឺ អាស​ស៊ី​ស បាន​និយាយថា "​អ្វីដែល​ម្តាយ​ទទួលទាន ឬ បាន​ប៉ះពាល់​នៅ​កំឡុងពេល​មាន​ផ្ទៃពោះ​អាច​បង្កើន​ហានិភ័យ​នៃ​ជំងឺមហារីក​ សុដន់​ដល់​កូន​របស់ខ្លួន​" ។​

​លោក​វេជ្ជបណ្ឌិត​បន្តថា "​អ្វីដែល​យើង​បាន​រកឃើញ​ជា​លើកដំបូង​គឺថា ការកើនឡើង​ហានិភ័យ​នៃ​ជំងឺមហារីក​សុដន់​របស់​កូនស្រី​ទាំងនោះ​អាច​នឹង​ ធ្លាក់​ទៅលើ​ចៅស្រី និង សូម្បីតែ​ចៅទួត​ស្រី​ផងដែរ ។ ការសិក្សា​នេះ​គឺ​សំខាន់​ណាស់​ព្រោះ​វា​អាចជួយ​យើង​ឲ្យ​យល់ដឹង​ពី​ដើមទង​នៃ​ ជំងឺមហារីក​សុដន់​មួយចំនួន​" ៕

ជ្រើសរើសស្បែកជើងសម្រាប់អ្នកមានជំងឺទឹកនោមផ្អែម

​អ្នក​កើតរោគ​ទឹកនោមផ្អែម​ងាយ​រងរបួស (​ដំបៅ​) នៅ​ប្រអប់ជើង​ណាស់ វា​បណ្តាលមកពី​ការថយចុះ ឬ​បាត់បង់​អារម្មណ៍​នៅ​ប្រអប់ជើង ហេតុនេះ​ពេល​មានការ​ដាច់​រលាត់ អ្នកជំងឺ​ពុំបាន​ដឹង​ទេ ។ ដូច្នេះ​ស្នាមរបួស​ងាយ​ធ្ងន់ធ្ងរ​យ៉ាង​រហ័ស ។​
​ម្យ៉ាងទៀត​មុខរបួស (​ដំបៅ​) ពុំ​ងាយ​សះស្បើយ​ដោយ​កង្វះ​អុកស៊ីហ្សែន ខ្វះ​សារធាតុ​បំប៉ន ហើយ​សមត្ថភាប​នៃ​អង្គ​បដិបក្ខ​ខុះ​ខ្សោយ ។ ប្រអប់ជើង​ងាយ​រងរបួស​ចំពោះ​ឥទ្ធិពល​នៃ​កំដៅ​របស់​បរិស្ថាន​ខ្ពស់ ឬ​ទាប ។ វា​ក៏​ងាយ​រង​ផលវិបាក​ដោយ​ការប៉ះទង្គិច​ធ្ងន់ ឬ​ត្រូវ​គាប​ក្នុង​រយៈពេល​មួយ​វែង ។​
នេះ​ជា​ស្បែកជើង​បុរស ផលិត​សម្រាប់​អ្នក​កើតរោគ​ទឹកនោមផ្អែម​
​ស្បែកជើង​ចាំបាច់​ត្រូវ​ឆ្លើយតប​លក្ខណៈ​សំខាន់ៗ​គឺ មាន​ទ្រនាប់​ទន់​ជួយ​ទ្រ​ទម្ងន់​ដល់​ប្រអប់ជើង ពុំមាន​គំនាប​លើ​ម្រាមជើង អាច​សម្រួល​ទំហំ​ដោយ​ប្រើ​ភ្នែក​បិទ​បើក​ងាយស្រួល ហើយ​ត្រូវមាន​ប្រឡោះ​សម្រាប់​សម្រួល​សីតុណ្ហភាព​ខាងក្នុង ។​
​រូប ៖ ស្បែកជើង​សម្រាប់​នារី ដែល​កើត​ជំងឺ​ទឹកនោមផ្អែម​
​ត្រូវ​ចងចាំ​ថា ដំបៅ​ច្រើន​កើតឡើង​នៅ​ម្តុំ​ម្រាមជើង ហើយ​វា​ច្រើន​ផ្តើមចេញពី​ការពាក់​ស្បែកជើង​ដែល​ចង្អៀត ។ ម្យ៉ាងទៀត​អ្នកជំងឺ​គប្បី​ចាប់អារម្មណ៍​សំអាត​ពិនិត្យ​បាតជើង ម្រាមជើង ដើម្បី​រកឃើញ​មុខរបួស រលាត់​...​បំណង​ព្យាបាល​ទាន់ពេលវេលា ៕​M

ស្រេកទឹក , ឃ្លានផ្អែម , ស្ត្រេស ៖ សញ្ញាជំងឺទឹកនោមផ្អែម?

​រោគសញ្ញា​ទូទៅ​របស់​ជំងឺ​ទឹកនោមផ្អែម គឺ​ស្រេក​ច្រើន ផឹក​ច្រើន ទទួលទាន​ច្រើន ស្រក​ទម្ងន់ អស់កម្លាំង មាន​សញ្ញា​ស្ពឹក​ស្បែ​កដៃ ជើង និង​ថយចុះ​ចក្ខុប្រសាទ​... ។​
​ប៉ុន្តែ​ពុំ​ប្រាកដ​ទាំងស្រុង​ថា រោគសញ្ញា​ខាងលើ​ជា​ជំងឺ​ទឹកនោមផ្អែម ហើយក៏​មិនត្រូវ​ភ័ន្តច្រឡំ​ពុំមាន​រោគសញ្ញា​ទាំងនោះ​មានន័យថា មិនកើត​ជំងឺ ។​
​ព្រោះ​ប្រសិន​ពុំមាន​រោគសញ្ញា​ជាក់ស្តែង​ខាងលើ តែ​ក្រោយ​២​ដង​ធ្វើ​វិភាគ ជាតិ​ស្ករ​ក្នុង​ឈាម​នៅតែ​កើន​លើស 7mmol/l ឬ​ស្ករ​ក្នុង​ឈាម​ក្រោយ​ទទួលទាន ឬ​ស្ករ​ក្នុង​ឈាម​ត្រូវបានធ្វើ​វិភាគ​លើស ១១,១mmol/l នោះ​នៅតែ​កើត​ជំងឺ​ទឹកនោមផ្អែម ។ អាស្រ័យ​ហេតុ​នោះ អ្នកមាន​កត្តា​ហានិភ័យ​ខ្ពស់​ដូចជា​ធាត់ គ្រួសារ​មាន​ប្រវត្តិ​ជំងឺ​ទឹកនោមផ្អែម លើសឈាម អាយុ​លើស​៤០​ឆ្នាំ​... ចាំបាច់​ត្រូវបាន​រកឃើញ​ជំងឺ​ឆាប់​ដើម្បី​អន្តរាគមន៍​ទាន់ពេល ។​
​ស្រេក​និង​ទទួលទាន​ទឹក​ច្រើន (​លើ​៤L/​ថ្ងៃ​) ស្ថិតក្នុង​រោគសញ្ញា​ផឹក​ច្រើន​នោម​ច្រើន ដែល​ជំងឺ​ទឹកនោមផ្អែម​គ្រាន់តែ​ជា​មូលហេតុ​មួយ​ក្នុងចំណោម​មូលហេតុ​ជាច្រើន ។ ដូច្នេះ​មិនអាច​ផ្អែកទៅលើ​រោគសញ្ញា​ទាំង​២​នេះ ដើម្បី​អះអាង​កើត​ជំងឺ​ទឹកនោមផ្អែម តែ​ត្រូវ​ផ្អែកទៅលើ​រោគសញ្ញា​ជាច្រើន និង​ការវិភាគ​ដើម្បី​វិនិច្ឆ័យ ។ ព្រោះ​ស្រេក និង​ទទួលទាន​ទឹក​ច្រើន​នៅ​បណ្តា​លពី​ការ​រាករូស ជំងឺផ្លូវចិត្ត ធ្វើការ​បាត់បង់​ញើស​ច្រើន ឬ​របួស​សរសៃប្រសាទ​ក្នុង​ខួរក្បាល​បង្ក​ភាពច្របូកច្របល់​ការសម្រួល​ទឹក​ក្នុង​សរីរាង្គ​... ។​
​ទទួលទាន​ជាតិ​ផ្អែម​ច្រើនពេក​ក៏​ពុំ​មានន័យថា កើត​ជំងឺ​ទឹកនោមផ្អែម​ច្រើន តែ​កំហិត​ជាតិ​ម្សៅ​ស្ករ (​អង្ករ ម្សៅ​មី​) និង​រក្សា​របប​សកម្ម​ភាពល្អ នោះ​នៅតែ​មិនកើត​ជំងឺ​ទឹកនោមផ្អែម ។​
​រហូតមកទល់​សព្វថ្ងៃ​គេ​ពុំ​ច្បាស់​ពី​ទំនាក់ទំនង​រវាង​ស្ត្រេ​ស និង​ជំងឺ​ទឹកនោមផ្អែម ។ ប៉ុន្តែ​ស្ត្រេ​ស​ធ្វើ​ឲ្យ​ថយចុះ​សមត្ថភាព​ស្វ័យ​តាមដាន​ជំងឺ ធ្វើ​ឲ្យ​អ្នកជំងឺ​នឿយណាយ ទទួលទាន​ខុស​ប្រក្រតី ឬ​ទទួលទាន​ស្រា​ដើម្បី​រំដោះ​ទុក្ខព្រួយ​... ។ ទង្វើ​ទាំងនេះ​ពុំ​ត្រឹមតែ​ធ្វើ​ឲ្យ​ស្ថានភាព​គ្រប់គ្រង​ស្ករ​ក្នុង​ឈាម​ខ្សោយ​ទៅ​ប៉ុណ្ណោះ​ទេ តែ​ថែមទាំង​នៅ​ធ្វើ​ឲ្យ​ជំងឺ​ធ្ងន់ធ្ងរ​ថែម ៕​M

ហ៊ីវ ធ្វើឲ្យកើនគ្រោះថ្នាក់ឈឺបេះដូង

តាម​ការស្រាវជ្រាវ​ថ្មី​មួយ អ្នក​ឆ្លង​ហ៊ី​វ នឹង​មានការ​ប្រឈម​ឈឺបេះដូង​ច្រើនជាង​៥០% ប្រៀប​នឹង​មនុស្ស​ធម្មតា ។​
​ការស្រាវជ្រាវ​ថ្មី​នេះ ត្រូវបាន​ដំណើរការ​លើ​អតីតយុទ្ធជន​អាមេរិក ៨២.០០០​នាក់ សឹងតែ​ទាំងអស់​ជា​បុរស​ភេទ ។ ប្រមាណ​១/៣ ក្នុងចំណោម​ពួកគេ​បាន​ឆ្លង​វីរុស​ហ៊ី​វ ។ ក្នុង​រយៈពេល​៦​ឆ្នាំ អ្នកចូលរួម​ស្រាវជ្រាវ​៨៧១​នាក់ បាន​ឈឺបេះដូង ក្នុងនោះ ១៧៦​នាក់ បាន​ស្លាប់ ។​
​ពួក​អ្នកស្រាវជ្រាវ​សង្កេតឃើញថា ពួក​អតីតយុទ្ធជន​ត្រូវ​ឆ្លង​ហ៊ី​វ តែមាន​លទ្ធភាព​ត្រូវ​ឈឺបេះដូង​ជាង​ប្រៀប​នឹង​អតីតយុទ្ធជន​មិន​ឆ្លង​ហ៊ី​វ នៅ​វ័យ​៤០-៥០ និង​៦០​ឆ្នាំ ។​
​បណ្ឌិត Matthew Freiberg អ្នកដឹកនាំ​ការស្រាវជ្រាវ​នៅ​សាលា​វេជ្ជសាស្ត្រ នៃ​សាកលវិទ្យាល័យ Pittsburgh នៅ​ផេ​ន​ស៊ី​ល​វ៉ា​នៀ ឲ្យ​ដឹងថា "​នោះ​ជា​បញ្ហា​ស្មុគស្មាញ​មួយ យើងខ្ញុំ​កំពុង​ប្រឹងប្រែង ដើម្បី​យល់​ពី​យន្តការ​ទាំងឡាយ​" ។​
​លោក​ឲ្យ​ដឹង​បន្ថែមថា លទ្ធផល​ស្រាវជ្រាវ​បង្ហាញថា ថ្នាំ​ប្រឆាំង​វីរុស រួមចំណែក​បង្កើន​គ្រោះថ្នាក់​ឈឺបេះដូង នៅ​អ្នក​ឆ្លង​ហ៊ី​វ ប៉ុន្តែ​ការស្រាវជ្រាវ​មុននេះ​បាន​កំណត់ថា វីរុស​ក៏បង្ក​ជា​រាល​បញ្ហា​អំពី​បេះដូង ។​
​តាម​មជ្ឈមណ្ឌល​គ្រប់គ្រង និង​បង្ការ​ជំងឺឆ្លង មាន​ជនជាតិ​អាមេរិក​ជាង​១,១​លាន​នាក់​ឆ្លង​ហ៊ី​វ ។ ជាង​៥០.០០០​នាក់ ត្រូវ​ឆ្លង​ក្នុង​១​ឆ្នាំៗ មានន័យថា​ពួកគេ​នឹងមាន​គ្រោះថ្នាក់​ត្រូវ​ឈឺបេះដូង ៕M

​អាហារ​ក្តៅ​-​អាហារ​ត្រជាក់ និង​សុខភាព​

1-​អាហារ​ក្តៅ :
ទឹក​ក្តៅ​ឧណ្ហៗ : ទទួលទាន​ហើយ​ធ្វើ​ឲ្យ​ពោះវៀន​មិន​កន្ត្រាក់​​ខ្លាំងពេក សមស្រប​ក្នុងអំឡុងពេល​រាករូស ឬ​ឈឺពោះ​ពេល​មាន​រដូវ ។​

តែ​ក្តៅ : កម្តៅ​ជួយ​រក្សា​និង​អុកស៊ីដកម្ម បានល្អ​ប៉ុន្តែ​បើ​ក្តៅ​ពេក និង​បង្កើន​អត្រា​ប្រឈម​នឹង​ជំងឺមហារីក​បំបង់​អាហារ កាន់តែច្រើន ដូចជា​ជនជាតិ​ចិន និង​ជប៉ុន ចូលចិត្ត​ហុត​តែ​ក្តៅ​ជាប្រចាំ ។​

ស៊ុប​មាន់ : អា​ចរក​ទិញ​ស៊ុប​មាន់ ឬ​រម្ងាស់​មាន់​ទាំងមូល និង​បាន​ទឹក​ស៊ុប​ថ្លាៗ ដែលមាន​ជាតិ​ខូ​ល​ឡា​ចេ​ន​ពី​មាន់ បើ​ទទួលទាន​ក្តៅៗ​និង​ជួយ​កម្ចាត់​ផ្តាសាយ​បានល្អ ។ យក​ល្អ​គួ​ដាក់​គ្រាប់​កៅ​គី និង​ប៉ូច​កាក់ ទៅក្នុង​ទឹក​ស៊ុប​ផង​រឹតតែ​ប្រសើរ ។​

គុយទាវ : ជា​អាហារ​មួយ​ចាន​ដែលមាន​សព្វគ្រប់​ទាំង​ជាតិ​ម្ស៉ៅ ជាតិ​ប្រូតេអ៊ីន និង​វីតាមីន ។ ការ​ទទួលទាន​គុយទាវ​ក្តៅ ជាតិ​ខ្លា​ញ់​និង​ជាតិ​ខូ​ល​ឡា​ចេ​ន នៅ​មិនទាន់បាន​ចាប់​ផ្តុំគ្នា​ជា​កំណក​នៅឡើយ ដែល​រាងកាយ​ងាយស្រួល​យកទៅ​ប្រើប្រាស់ ។​

ពោត​ស្ងោរ : ការសិក្សា​មួយ​ទៅលើ​ពោត​ផ្អែម​ពណ៌​លឿង បាន​ឲ្យ​ឃើញថា កាន់តែ​ស្ងោរ​យូរ​គឺ​កាន់​តែមាន​សារធាតុ​ប្រឆាំង​មហារីក (ferulic Acid) ចេញមក​កាន់តែច្រើន ។

បបរ​ក្តៅ : បើ​ចង់បាន​វីតាមីន​គ្រាន់តែ​យក​អង្ករសំរូប មក​ដាំ​យក​ទឹក​បបរ មក​ហុត​ក្តៅ​ជាការ​ល្អ ។​

ប្រេង​ក្តៅ : ប្រើ​សម្រាប់​បំពង​អាហារ​ឲ្យ​ឆ្អិន​ស្រួយ ដូចជា​ប្រេងឆា​ប្រភេទ​ដូងប្រេង (Palm oil) ជាដើម ជា​ប្រេង​ប្រើ​សម្រាប់​ការ​ចម្អិន​ដែល​ប្រើ​កម្តៅ​ក្តៅ​ខ្លាំង ។

ឆាប​ន្លែ : ទោះជា​បន្លែ​ត្រូវ​កម្លោច​ដោយ​កម្តៅ​នៃ​កា​ឆា ចម្អិន បាត់បង់​វីតាមីន​ខ្លះ​ក្តី ប៉ុន្តែ​បើ​មិន​ហាន់​បន្លែ​ទុក​ចោលយូរ​ទេ បន្លែ​នឹង​ពោរពេញ​ដោយ​វីតាមីន ។ ចំណែក​ជាតិ​ប្រេងឆា នឹង​កាន់តែ​ធ្វើ​ឲ្យ​វីតាមីន​បឺត​ជ្រាប​បានល្អ ជាង​ទទួលទាន​បែប​ស្រស់ ។​

២-​អាហារ​ត្រជាក់ :

ទឹក​ត្រជាក់ : អាច​បឺត​ស្រូប​បាន​ជាង​ទឹក​ក្តៅ សមស្រប​ចំពោះ​អ្នក​ដែល​ខ្វះ​ជាតិ​ទឹក ឬ​អ្នកកីឡា​ដែល​ហត់​ខ្លាំង ។​

តែ​ទឹកដោះគោ​ត្រជាក់ : ភេសជ្ជៈ​ដែល​ថែ​ទម្ងន់​ខ្លួន​បានល្អ ព្រោះ​មាន​ទាំង​ជាតិ​ស្ករ នឹង​ទឹកដោះគោ ឬ​អាច​ប្រើ​ផលិតផល ទឹកតែ​ច្រក​ក្នុង​ដប​ក៏បាន ។

ស៊ុប​ថ្លា​ត្រជាក់ : នៅ​ប្រទេស​បារាំង មាន​ស៊ុប​ជាច្រើន​ប្រភេទ​ដូចជា​ស៊ុប ត្រជាក់ រម្ងាស់​ពី​ស្លឹក​ខ្ទឹម ឬ​ខ្ទឹមបារាំង ឬ​ផ្លែ​ប៊័រ (​អា​វ៉ូ​កាដូ​) ក៏មាន ឬ​ស៊ុប​បន្លែ​របស់​អេ​ស្ប៉ា​ញ ទទួលទាន​ត្រជាក់ៗ ក៏​ជួយ​ឲ្យ​ស្រស់ស្រាយ​មិន​ចាញ់​ស៊ុប​ក្តៅៗ​នោះទេ ។​

មី​ត្រជាក់ : អាច​ប្រើ​មី​សរសៃ​របស់​ជប៉ុន ឬ​ស៊ុប​ផា​ស្តា​របស់​អ៊ីតាលី​ក៏​សមស្រប​ចំពោះ​អ្នក​ស្រលាញ់​សុខភាព​ដែរ ព្រោះ​មាន​ជាតិ​កាក​សរសៃ​ច្រើន  និង​សំខាន់​មិន​ធ្វើ​ឲ្យ​ធាត់ ដូច​មី​សរសៃ​ឬ​គុយទាវ ដែល​ប្រើ​អង្ករ​ស្រិត​ស ។​

ពោត​លីង : មាន​សារជាតិ​ប្រឆាំង​និង​អុកស៊ីដកម្ម ក្រុម​ផូ​លី​ហ្វ៊ី​ណុល (Polyphenols) ច្រើនជាង​អាហារ​ស្រស់​មួយចំនួន ប៉ុន្តែ​យក​ល្អ​ត្រូវ​បន្ថយ​អំបិល និង​ប៊័រ​ផង ។

បាយ​ត្រជាក់​ឬ​បាយកក : សមស្រប​យកមក​ធ្វើជា​បាយ​ឆា ព្រោះ​វា​មិនសើម​ផ្អៀ​ច​ដូច​បាយ​ក្តៅ ហើយ​បើ​ថែម​ចំណិត​ប៉េងប៉ោះ និង​ស៊ុត​បន្តិច​ផង រឹតតែ​ប្រសើរ​។​    ​

ប្រេង​ត្រជាក់ : ជា​ពពួក​ប្រេង​តម្លៃ​ថ្លៃ ដូចជា​ប្រេង​អូ​លីវ ប្រេង​ឈូករ័ត្ន ប្រេងដូង ឬ​ប្រេង​ខា​ណូ​ឡា (Canola Oil) ។ ប្រេង​ទាំងនេះ ចៀសវាង​ប្រើ​ទៅ​បំពង​អាហារ ដោយ​ប្រើ​កម្តៅ​ខ្លាំង ព្រោះ​និង​ធ្វើ​ឲ្យ​បាត់បង់​សារធាតុ​ប្រឆាំង​អុកស៊ីដកម្ម ប្រើ​សម្រាប់​យកមក​ឆា ឬ​ប្រើ​ធ្វើជា​ទឹក​ញាំ ។​

ញាំ​បន្លែ (Vegetable Salad) : ធ្វើ​ឲ្យ​ស្រស់ថ្លា​ចិត្ត ដោយមាន​វីតាមីន​គ្រប់​ប្រភេទ ។ ប៉ុន្តែ​គួរប្រើ​ទឹក​ញាំ (Salad Sauce) ដែល​ធ្វើ​ពី​ប្រេង​អូ​លីវ​នឹង​ជួយ​ទាញយក​វីតាមីន ដែល​រលាយ​ក្នុង​ខ្លាញ់ ចេញមក​បាន​យ៉ាង​ល្អ​ដូចជា​ពពួក​វីតាមីន A.D.E. និង K.​ជាដើម ៕f

​ជំងឺ​៣​ប្រភេទ​ងាយ​ចម្លង​ពី​ម្តាយ​ទៅ​កូនស្រី​

តាម​ការស្រាវជ្រាវ​ផ្នែក​វិទ្យាសាស្ត្រ បាន​បង្ហាញថា ឪពុកម្តាយ​ពុំ​ត្រឹមតែ​បញ្ជូនបន្ត​ទៅឱ្យ​កូនចៅ​នូវ​រូបរាង បុគ្គលិកលក្ខណៈ​ប៉ុណ្ណោះ​ទេ តែ​នៅមាន​ទាំង​ជំងឺ​តម្កាត់​ទៀត ។​
ការ​យល់បាន​ច្បាស់​ជាង​អំពី​ប្រភេទ​ជំងឺ​មាន​ចរិត​តំណពូជ ជួយ​ឱ្យ​អ្នកចេះ​វិធី​បង្ការ​ជំងឺ ឆាប់​រកឃើញ​ជំងឺ និង​ព្យាបាល​ទាន់ពេល ។​
ប្រភេទ​ជំងឺ​មាន​លក្ខណៈ​តំណពូជ​ពី​ម្តាយ​ទៅ​កូនស្រី​រួមមាន ៖

មហារីក​ដោះ

​កម្រិត​តំណពូជ​៖ ខ្ពស់ជាង​ធម្មតា​៧-៨​ដង​
មហារីក​ដោះ ជា​ប្រភេទ​ជំងឺ​មាន​លក្ខណៈ​តំណពូជ​ច្បាស់ក្រឡែត ។  ឧទាហរណ៍​ក្នុង​វង្ស​ត្រកូល​មាន​មនុស្ស​២​នាក់​កើត​មហារីក​ដោះ នោះ​ត្រូវ​សង្ស័យថា​តើ​ដោយសារ​តំណពូជ​ឬ​អត់​?
មូលហេតុ​កើត​ជំងឺ ៖ មហារីក​ដោះ​តំណពូជ អាច​ស្តែងចេញ​តាម​សភាព​២ ៖ ទី​១ គឺ​ម្តាយ​កើត​មហារីក​ដោះ កូនស្រី​ក៏​កើត​មហារីក​ដោះ កើត​ជំងឺ​ពេល​នៅ​ក្មេង តែង​រកឃើញ​មុនពេល​មាន​លេចចេញ​អស់​រដូវ​ភាគច្រើន គឺ​ដោះ​ទាំងសងខាង ។ ទី​២  គឺ​ម្តាយ​មិនកើត​មហារីក​ដោះ តែ​ក្នុង​គ្រួសារ​ខាង​ម្តាយ​មាន​តិច​បំផុត​បងប្អូន​ស្រី​១-២ នាក់ កើត​មហារីក​ដោះ និង​តែង​រកឃើញ​ក្រោយពេល មាន​លេចចេញ​ការ​អស់​រដូវ​ជាធម្មតា គឺ​ដោះ​ម្ខាង ។​
វិធានការ​បង្ការ ៖ ជាប្រចាំ​ស្វ័យ​ត្រួតពិនិត្យ​ដោះ ដើម្បី​ឆាប់​រកឃើញ​ជំងឺ ទៅ​ត្រួតពិនិត្យ​សុខភាព​តាម​ការកំណត់ មិន​រៀបការ​ឆាប់ និង​បញ្ចៀស​រាល់​ទម្លាប់​អាក្រក់​ដូចជា ជក់បារី ផឹកស្រា ស្រា​បៀរ អត់ងងុយ​យប់​ជ្រៅ​...​។​

មហារីក​ស្បូន​

កម្រិត​តំណពូជ ៖ ខ្ពស់ជាង​ធម្មតា​៤,៧-៧​ដង​
មហារីក​ស្បូន ជា​ប្រភេទ​ជំងឺ​មាន​គ្រោះថ្នាក់​តំណពូជ​យ៉ាងខ្ពស់ ។ មាន​យ៉ាងច្រើន​ករណី​២​នាក់ ម្តាយ កូន ឬ​បង​ប្អូនស្រី​២​នាក់​សុទ្ធតែ​កើត​ជំងឺ ។​
មូលហេតុ​កើត​ជំងឺ ៖ តាមរយៈ​ការស្រាវជ្រាវ​បង្ហាញថា មហារីក​ស្បូន​មាន​ពាក់ព័ន្ធ​ផ្ទាល់​ដល់​ការ​រៀបការ​ក្នុង​វង្ស​ត្រកូល ទំនាក់ទំនង​ផ្លូវភេទ​ឆាប់​ហួស សម្រាលកូន​ច្រើនពេក និង​អ្នក​កើត​ជំងឺរលាកស្បូន​រ៉ាំរ៉ៃ ។​
វិធានការ​បង្ការ ៖ ត្រួតពិនិត្យ​កោសិកា​ស្បូន​តាម​ការកំណត់ រៀន​វិធី​សង្កេត​ទឹករំអិល​ចេញពី​ទ្វារមាស និង​បាតុភូត​ចេញឈាម​ទ្វារមាស ឆាប់​ព្យាបាល​រលាក ក​ស្បូន រក្សា​អនាម័យ​ស្អាតបាត ចៀសវាង​កោស​រំលូតកូន ។​

លើសឈាម​ក្នុងពេល​មានគភ៌​

កម្រិត​តំណពូជ ៖ ខ្ពស់ជាង​ធម្មតា​៦-៨​ដង​
លើសឈាម​ក្នុងពេល​មានគភ៌ មាន​ចរិត​តំណពូជ​ដាច់ខាត ។ ប្រសិន​ជីដូន​ខាង​ម្តាយ​, ម្តាយ ឬ​បង​ប្អូនស្រី​អ្នក​ធ្លាប់​កើត​ជំងឺលើសឈាម​ក្នុងពេល​មានគភ៌ នោះ​អ្នក​ត្រូវ​យកចិត្តទុកដាក់​ដោយ​ពេញទំហឹង​។​
មូលហេតុ​កើត​ជំងឺ ៖ ប្រសិន​មុនពេល​មានគភ៌​ធ្លាប់​កើត​ជំងឺលើសឈាម រលាក​តម្រងនោម​រ៉ាំរ៉ៃ ទឹកនោមផ្អែម​...​សុទ្ធតែ​ងាយ​កើត​ជំងឺលើសឈាម​ក្នុងពេល​មានគភ៌ ។ ប្រសិន​មានគភ៌​ក្នុង​រដូវ​ត្រជាក់ នោះ​កាន់តែ​ត្រូវ​ត្រួតពិនិត្យ​ហ្មត់ចត់ ដើម្បី​អាច​ឆាប់​ព្យាបាល ។​
វិធានការ​បង្ការ ៖ មាន​ផ្ទៃពោះ​នៅ​វ័យ​សមស្រប គួរ​ត្រួតពិនិត្យ​សរុប​ទូទៅ​មុនពេល​មានគភ៌ រក្សា​ទម្ងន់​ខ្លួន​ឱ្យ​សមល្មម ចៀសវាង​កុំឱ្យ​ធាត់​៕

​ការព្យាបាល​បឋម​ក្នុងករណី​រមួលក្រពើ​

តាម​ធម្មតា ការ​រមួល​សាច់ដុំ(​រមួល​ក្រពើ​) តែងតែ​កើតឡើង​ មិន​យូរ​ប៉ុន្មាន​ទេ ប្រមាណ​ត្រឹមតែ ២-៥ នាទី​ប៉ុណ្ណោះ​។​


​​វិធី​ដ៏​ល្អ​មួយ ដែល​ហៅថា ការព្យាបាល​បឋម​នោះ គឺ​យើង​ត្រូវ​រុញ ឬ​ពន្លា​សាច់ដុំ​ដែល​រួញ​នោះ​យឺតៗ​ដោយ​ខ្លួនឯង ដូចជា នៅពេលរ​មួល​សាច់ដុំ​នៅ​កំភួនជើង នឹង​កើតមាន​អាការ​ប្រឹង​ចុង​ជើង ចង្អុល​ត្រង់​ទៅ​ដី ត្រូវ​រុញ​ចុង​ម្រាមជើង ឡើង​មក​វិញ​យឺតៗ ឬ​ឈរ​ឲ្យ​ត្រង់ខ្លួន ដើម្បី​ពន្យឺត​សាច់ដុំ​កំភួនជើង ក៏បាន មិន​ត្រូវ​កន្ត្រាក់ ឬ​ទាញ​ខ្លាំងៗ​នោះទេ ព្រោះ​វា​អាច​ធ្វើឲ្យ​របួស​ដល់​សាច់ដុំ​បាន​។​


​​អាការ​រមួល​សាច់ដុំ (​រមួល​ក្រពើ​) ទោះ​ជា​មិន​ធ្វើឲ្យប៉ះពាល់​ដល់​ជីវិតក្តី ប៉ុន្តែ​ក៏​ចាត់ទុកថា អាច​មាន​គ្រោះថ្នាក់ ប្រសិនបើ​កើតឡើង ក្នុងពេល​មិន​សមស្រប ដូចជា ក្នុង​ពេល​បើកបរ ឬ​ពេល​ហែល​ទឹក​ជាដើម​។ ការ​រមួល​សាច់ដុំ តែងតែ​កើតឡើង ចំពោះ​អ្នក​ដែល​មាន​រាងកាយ​ទន់ខ្សោយ ឬ​មិន​សូវ​បាន​ហាត់ប្រាណ​។​


​​ដូច្នេះ​វិធី​ការពារ គឺ​ការ​ទទួលទាន​ទឹក និង​អំបិល​ខនិជ ឲ្យបាន​គ្រប់គ្រាន់ ចៀសវាង​ការតានតឹង​អារម្មណ៍ នឹង​អាច​បន្ថយ​អាការ​រមួល​សាច់ដុំ​៕​

​ពួក​អ្នកវិទ្យាសាស្ត្រ​រកឃើញ​ថ្នាំ​ជួយ​ឲ្យ​អាយុ​វែង​

​ថ្មីៗ​នេះ​ពួក​អ្នកវិទ្យាសាស្ត្រ​អាមេរិក បាន​រកឃើញ​ប្រូតេអ៊ីន​មួយ​ប្រភេទ ត្រូវបាន​ហៅថា SIRT1 អាចជួយ​បង្កើន​អាយុ , កែប្រែ​ប្រសើរឡើង​សុខភាព , ធ្វើ​ឲ្យ​ថយចុះ​កូ​ឡេ​ស្តេ​រ៉ូ​ល និង​ថែមទាំង​នៅ​បញ្ចៀស​បាន​ជំងឺ​ទឹកនោមផ្អែម ។​
​ការស្រាវជ្រាវ​ដឹកនាំ​ដោយ​បណ្ឌិត Rafael de Cabo នៅ​វិទ្យាស្ថាន​សុខាភិបាល​ជាតិ ដោយបាន​ពិសោធន៍​ឥទ្ធិពល​របស់​ម៉ូលេគុល​តូច​មួយ​រំញោច​សកម្មភាព SIRT1 ដែល​គេ​ហៅថា STRT 1720 ។​ការ​ពិដោ​ធន៍​បានធ្វើ​ទៅលើ​សុខភាព និង​អាយុ​របស់​សត្វ​កណ្តុរ​ពិសោធន៍ ។​

​បណ្ឌិត Cabo និយាយថា ៖ "​យើងខ្ញុំ​បានឃើញ SIRT 1 ធ្វើ​ឲ្យ​អាយុ​របស់​សត្វ​កណ្តុរ​អូសបន្លាយ​ជាង និង​កែប្រែ​ប្រសើរឡើង​សុខភាព​របស់​វា ពេល​វា​ស៊ី​អាហារ​តាម​របប​ស្តង់ដារ ១" ។​
​អាស្រ័យ​ដោយ SIRT 1 អាយុ​មធ្យម​របស់​កណ្តុ​រ​អាច​កើនឡើង ៨,៨% ។​
​ប្រភេទ​ប្រូតេអ៊ីន​នេះ​នៅ​ធ្វើ​ឲ្យ​ថយចុះ​ទម្ងន់​ខ្លាញ់​ក្នុង​សរីរាង្គ , កែប្រែ​ប្រសើរឡើង​មុខងារ​របស់​សាច់ដុំ​របស់​សត្វ​កណ្តុរ​ដែល​ត្រូវបាន​ពិសោធន៍​នេះ ។​
​ពុំ​ត្រឹមតែ​ប៉ុណ្ណឹង​ទេ , SIRT 1720 នៅ​ធ្វើ​ឲ្យ​ថយចុះ​កម្រិត​កូ​ឡេ​ស្តេ​រ៉ូ​ល​ទាំងមូល និង​កម្រិត​កូ​ឡេ​ស្តេ​រ៉ូ​ល LDL ការពារ​ប្រឆាំង​ទប់ទល់​ជំងឺ​បេះដូង ។ ហើយ​វា​ក៏បាន​កែប្រែ​ឲ្យ​ប្រសើរ​កម្រិត​រំញោច​ក្នុងការ​ស្រូបយក​អាំង​ស៊ុយ​លីន​ជួយ​ទប់ស្កាត់​ជំងឺ​ទឹកនោមផ្អែម ។​
​ពួក​អ្នកវិទ្យាសាស្ត្រ​ឲ្យ​ដឹងថា នៅ​ទន្ទឹមនឹង SIRT 1 នៅមាន SIRT 2 , ប្រូតេអ៊ីន​បងប្អូន​ទាំង ២ នេះ ដើរតួនាទី​សំខាន់​មួយ ក្នុងការ​បំប្លែង ។ វា​ចូលរួម​ក្នុងការ​ជួសជុល DNA និង​សម្រួល​ហ្សែ​ន​ជួយ​ទប់ស្កាត់​ជំងឺ​ទឹកនោមផ្អែម , ជំងឺ​បេះដូង និង​មហារីក ។​
​ថ្វី​ត្បិត​ការស្រាវជ្រាវ​នេះ​កំពុង​ត្រូវបាន​ពិសោធន៍​លើ​កណ្តុរ តែ​នឹង​ឆាប់​ត្រូវបាន​ពិសោធន៍​លើ​មនុស្ស ៕M/T/L​

កាហ្វេ​៖ មូលហេតុ​បន្ថយ​ទំហំ​សុដន់​

​កាហ្វេ​មាន​ផ្ទុក​បរិមាណ​ដ៏​ធំ​មួយ​នៃ​កាហ្វេ​អ៊ី​ន មាន​ឥទ្ធិពល​ខ្លាំង​ទៅដល់​ជាលិកា​ខ្លាញ់​ក្នុង​សរីរាង្គ​។ វា​ធ្វើ​ឲ្យ​បរិមាណ​ខ្លាញ់​ជា​សមាសធាតុ​សំខាន់​របស់​សុដន់ ត្រូវ​រលស់ ធ្វើ​ឲ្យ​ថយចុះ​ទំហំ​។ ក្រៅពីនេះ ការ​ទទួលទាន​កាហ្វេ​នៅ​ធ្វើ​ឲ្យ​ហ្សែ​ន​ផលិត​ជាលិកា​សុដន់​ធ្វើ​សកម្មភាព​ខ្សោយ ឬ​មិន​រីកចម្រើន​។ ពុំ​ត្រឹមតែ​ប៉ុណ្ណឹង​ទេ ទទួលទាន​កាហ្វេ​ច្រើន​នៅ​បង្ក​ឥទ្ធិពល​អាក្រក់​ដល់​សុខភាព​របស់​មនុស្ស ដូចជា គេង​មិន​លក់​, ថយចុះ​ការចងចាំ និង​ប្រព័ន្ធ​អង្គ​បដិបក្ខ​របស់​សរីរាង្គ​។​
ពួក​អ្នកស្រាវជ្រាវ​នៅ​សកល​វិទ្យាល័យ Land (​ស៊ុយអែត​) បាន​ស្រាវជ្រាវ​លើ​ស្ត្រី​ជិត ៣០០​នាក់​។ គេ​វាស់​រង្វង់​សុដន់ និង​គិត​បរិមាណ​កាហ្វេ ដែល​ស្ត្រី​ទាំងនេះ ទទួលទាន​មធ្យម​ក្នុង ១ ថ្ងៃ​។
ពី​លទ្ធផល​ស្រាវជ្រាវ ពួក​អ្នកវិទ្យាសាស្ត្រ​រកឃើញថា ទទួលទាន​កាហ្វេ ៣ ពែង ក្នុង ១ ថ្ងៃ ( ប្រហាក់ប្រហែល ១០០ ml ) គឺ​ធ្វើ​ឲ្យ​សុដន់​របស់​ស្ត្រី​ចាប់ផ្តើម​រួញ​តូច ហើយ​ឥទ្ធិពល​នឹង​កាន់តែ​កើន​ថែម ប្រសិន​ស្ត្រី​បន្ត​ទទួលទាន​កាហ្វេ​ច្រើន​មិន​ឈប់ឈរ​។​
​លទ្ធផល​ស្រា​ជ្រាវ​ឲ្យ​ដឹងថា ទំហំ​សុដន់​របស់​ស្ត្រី​ទទួលទាន​កាហ្វេ ៣ កែវ​ក្នុង ១ ថ្ងៃ ថយចុះ ១៧%៕M/H/L

អាហារ​បី​មុខ​ជួយ​បញ្ឈប់​អាការ​ឈឺ​ចុកចាប់​ពេល​មាន​រដូវ​

អា​ការឈឺ​ចុកចាប់​ពេល​មាន​រដូវ​ជា​ទុក្ខវេទនា​មួយ​របស់​ស្ត្រី តែបើ​ឧស្ស​ហ៍​ទទួលទាន​បន្លែ​ផ្លែឈើ​ទាំង​៣ មុខ​ខាងក្រោម​នេះ​មុនពេល​មាន​រដូវ​នោះ អា​ការឈឺ​ចុកចាប់​នៅក្នុង​ពោះ​របស់​អ្នកនឹង​កាត់​ន​បន្ថយ​បាន​ច្រើន​បំផុត ។​
១-​ទំពាំងបាយជូរ : ជា​ផ្លែឈើ​ដែល​សម្បូរ​ទៅ​ដម​យ​ជាតិ​ហ្វូ​ស​ហ្វ័​រ ស្ពាន់ធ័រ កាល់ស្យូម ដែក វីតាមីន B1 B2 វីតាមីន​C អាស៊ីដ​ហ្វៃ​តូ​ខេ​មី​ខ​ល​អេ​ឡា​ជិ​ក និង អាស៊ីដ​តា​តា​រិ​ក ដែល​ទាំងអស់នេះ​មានគុណ​សម្បត្តិ​ជួយ​លាងជម្រះ​សារជាតិ​នៅក្នុង​រាងកាយ ជួយ​ឲ្យ​ចរន្តឈាម​មានដំណើរ​កា​រ​ល្អ មិន​ឈឺ​ចុកចាប់​នៅក្នុង​ពោះ​ពេល​មាន​រដូវ ។​
២-​ផ្លែ​ប៊ីត​រូត : សារជាតិ​អាហារ​នៅក្នុង​ផ្លែ​ឈឺ​ប្រភេទ​នេះ​ចូលទៅ​សម្អាត​សារជាតិ​ពុល​ចេញពី​ថ្លើម ក្រលៀន​ពោះវៀន​ផ្នែក​ខាងក្រោម ជួយ​បំប៉ន​កោសិកា​គ្រាប់​ឈាមក្រហម ជាពិសេស​ជួយ​ធ្វើ​ឲ្យ​គ្រាប់​ឈាមក្រហម​ទទួល​អុកស៊ីហ្សែន​រហូតដល់ ៤០០ ភាគរយ ។ អ្នកទទួល​ទាន​ទឹក​ផ្លែ​ប៊ីត​រូត​ជាប្រចាំ នឹង​លែងមាន​បញ្ហា​រាង​រដូវ រួមទាំង​អាការ​ឈឺ​ចុកចាប់​នៅក្នុង​ពោះ​ទៀតផង ។​
៣-​ផ្លែ​ព្រូន : ផ្លែឈើ​ប្រភេទ​នេះ​ពោរពេញ​ទៅដោយ​សារជាតិ​អាហារ ក្នុងនោះ​មាន​កាក​សរសៃ​(​ហៃ្វ​បឺ​) ម៉ាក់​នី​ស្យូ​ម ដែក ប៉ូ​តា​ស្យូ​ម និង វីតាមីន​B​ធ្វើ​ឲ្យ​កើត​គ្រាប់​ឈាមក្រហម​ថ្មី ជួយ​បង្កើត​អ៊ី​ម៉ូ​កូ​ល​ប៊ី​ល​នៅក្នុង​ឈាម និង​ជួយ​សម្រួល​ដល់​ដំណើរការ​ប្រព័ន្ធ​ប​នោ្ទ​របង់ និង កាត់បន្ថយ​អាការ​ឈឺ​ចុកចាប់​នៅពេល​មាន​រដូវ ។

​ការពារ​ខួរក្បាល​បង្ការ​ជំងឺ​អ​ល​ហ្ស៍​ហាយ​មើ (Alzheimer)

Alzheimer ជា​ជំងឺ​បាត់​ការចងចាំ ១ ទូទៅ​បំផុត , ច្រើន​ជួប​នៅ​មនុស្ស​ចាស់ ។ ដើម្បី​ទប់ស្កាត់​ជំងឺ​នេះ យើង​ចាំបាច់​ត្រូវការពារ​ម៉ូលេគុល​ក្នុង​ខួរក្បាល ។​
​ពួក​អ្នកវិទ្យាសាស្ត្រ​បាន​ធ្លាប់​ចោទ​ជា​សំណួរ​ថា ហេតុអ្វី​មនុស្ស​មួយចំនួន​កើត​ជំងឺ Alzheimer ក្នុងពេល​មាន​មនុស្ស​ខ្លះទៀត​មាន​ខួរក្បាល​ធម្មតា , ភ្លឺស្វាង​ពេញ​មួយជីវិត ។ ការស្រាវជ្រាវ​មួយ​ថ្មី​បំផុត​ចង្អុល​បង្ហាញថា ប្រសិន​យើង​កំណត់​បាន​ម៉ូលេគុល​ខួរក្បាល​មួយ​ប្រភេទ​មានលទ្ធភាព​បង្ក​ជា​ជំងឺ​នេះ និង​ការពារ​វា នោះ​អ្នក​អាច​ទប់ស្កាត់បាន​ជំងឺ​មុនពេល​យឺត​ជ្រុល ។​
​ពួក​អ្នកស្រាវជ្រាវ​ចាត់ទុកថា អ្នក​ឆាប់​ទ្រុឌទ្រោម​ការយល់ដឹង​ជាង​អ្នកដទៃ គឺ​ដោយសារ​គេ​មានការ​ផ្តុំ​ប្រូតេអ៊ីន​បង្ក​ភាព​តានតឹង​ច្រើនជាង​មនុស្ស​ធម្មតា ។ ហើយ​ខួរក្បាល​មនុស្ស​ក៏មាន​លទ្ធភាព​ចាស់​ដូច​បណ្តា​ផ្នែក​ដទៃទៀត​ក្នុង​សរីរាង្គ​ដែរ ។ ការស្រាវជ្រាវ​នេះ​ជួយ​វិនិច្ឆ័យ​ជំងឺ Alzheimer និង​រកឃើញ​ប្រភេទ​ជំងឺ​ពាក់ព័ន្ធ​ដល់​ការបាត់​ការចងចាំ​ផ្សេងៗ​ទៀត ។​
​អ្នក​កើត​ជំងឺ Alzheimer ច្រើន​មាន​រចនាសម្ព័ន្ធ​ខួរក្បាល​ស្អិត​ខាប់ , ងាយ​ត្រូវ​ហើម និង​មាន​ផ្ទុក​សារជាតិ amyloid-beta , ម៉ូលេគុល​មួយ​ប្រភេទ​ងាយ​ធ្វើ​ឲ្យ​បាត់​ប្រសិទ្ធភាព​ខ្សែ​សរសៃប្រសាទ​ក្នុង​ខួរក្បាល​បណ្តាល​ឲ្យ​បាត់​ការចងចាំ ។​
​ពួក​អ្នកស្រាវជ្រាវ​ក៏​ឲ្យ​វាស់​កម្រិត​ប្រូតេអ៊ីន REST ក្នុង​ខួរក្បាល​របស់​ពួក​អ្នក​បាន​អនុវត្ត​លំ​ហាត់​មុខងារ​យល់ដឹង និង​ឃើញថា ក្រោយពេល​ស្លាប់​អ្នកមាន​មុខងារ​យល់ដឹង​ខ្ពស់ជាង បាន​ផ្ទុក​ប្រូតេអ៊ីន​នេះ​ជាង ៣ ដង នៅ​លលា​ដ៏​ក្បាល​ខាងមុខ​ថ្ងាស​របស់គេ ។​
​សង្ឃឹមថា ការរារាំង​បាន​ប្រូតេអ៊ីន​នេះ​ក្នុង​ខួរក្បាល​នឹង​ជួយ​ទប់ស្កាត់​អតិប្បរមា​ករណី​កើត​ជំងឺ​នេះ ៕M/T/L

រារាំង​ប្រូតេអ៊ីន​បង្ក​ជំងឺ Alzheimer ក្នុង​ខួរក្បាល​អាច​ទប់ស្កាត់​ជំងឺ​នេះ​

អស់រដូវយឺត ថយចុះជំងឺពុកឆ្អឹង

៖​ស្ថានភាព​អស់​រដូវ​របស់​ស្ត្រី មាន​ពាក់ព័ន្ធ​ដល់​ជំងឺ​ពុក​ឆ្អឹង​
​ពួក​អ្នកស្រាវជ្រាវ​ជប៉ុន​និយាយថា ស្ត្រី​អស់​រដូវ​យឺត ពុំ​ត្រូវមាន​ហានិភ័យ​កើត​ជំងឺ​ពុក​ឆ្អឹង​នោះទេ​, យោងតាម​ការចុះផ្សាយ​លើ​គេហទំព័រ​វេជ្ជសាស្ត្រ TeleManagement ។​
​ជាក់ស្តែង ស្ត្រី​អស់​រដូវ​យឺត ថយចុះ​បាន ៣១% ហានិភ័យ​ដង់ស៊ីតេ​ឆ្អឹង​ត​ទាប ហើយ​ស្ត្រី​មាន​តិច​បំផុត ៤០ ឆ្នាំ ក្នុងដំណាក់កាល​បង្កើត​កូន ក៏មាន​និន្នាការ​ថយចុះ​អប្បបរមា​ហានិភ័យ ។​
​ពួក​ជំនាញការ​នៅ​សាកលវិទ្យាល័យ Tsukuba បាន​ដំណើរការ​ស្រាវជ្រាវ​លើ​ស្ត្រី​ជប៉ុន​អស់​រដូវ​ចំនួន ១០៣៥ នាក់ ដើម្បី​វាយតម្លៃ​ឥទ្ធិពល​របស់​ដំណាក់កាល​អស់​រដូវ និង​ចំនួន​ឆ្នាំ​បង្កើតកូន ទៅលើ​ដង់ស៊ីតេ​ឆ្អឹង ។​
​តាម​ក្រុម​ស្រាវជ្រាវ បាន​ឲ្យ​ដឹង​ទៀតថា ស្ត្រី​មាន​ចំនួន​ឆ្នាំ​បង្កើតកូន​ធំ​ជាង និង​ស្ត្រី​អស់​រដូវ​យឺត បានទទួល​ផលប្រយោជន៍​ច្រើន​បំផុត ពី​ការ​កើន​ការប្រាស្រ័យ​ជាមួយ Estrogen កើត​ពី​ក្នុង ក៏ដូចជា​ការបង្កើន​ការការពារ​ផុតពី​ហានិភ័យ​បាត់បង់​កាល់ស្យូម​, តាមរយៈ​នោះ​រក្សាបាន​ដង់ស៊ីតេ​ឆ្អឹង ។​
​មុននេះ ការស្រាវជ្រាវ​មួយ របស់​មន្ទីរពេទ្យ​សាកលវិទ្យាល័យ Skane (​ស៊ុយអែត​) បង្ហាញថា  ស្ត្រី​អស់​រដូវ នោះ​ហានិភ័យ​ត្រូវ​ពុក​ឆ្អឹង កើន​ទ្វេដង​ទៅ​ថ្ងៃក្រោយ ។ ជាក់ស្តែង ៥៦% នៃ​ស្ត្រី​ឆាប់​អស់​រដូវ ត្រូវ​ពុក​ឆ្អឹង​, ក្នុងពេល​មានតែ ៣០% នៃ​ស្ត្រី​អស់​រដូវ​យឺត កើត​ជំងឺ​ពុក​ឆ្អឹង ។​
​ការស្រាវជ្រាវ ក៏​រកឃើញថា ស្ត្រី​ឆាប់​អស់​រដូវ មាន​ហានិភ័យ​បាក់ឆ្អឹង បណ្តាល​ពី​ឆ្អឹង​ពុក និង​បាត់​បង់ជីវិត​ខ្ពស់ជាង ៕M​

ហែល​ទឹក​ជួយ​បន្ថយ​សម្ពាធ​ឈាម​

ការសិក្សា​ថ្មី​មួយ  ធ្វើ​ឲ្យ​ដឹង​លទ្ធផល​ថា អ្នកមាន​វ័យ​ចំណាស់​ដែល​ចូលចិត្ត​ធ្វើការ​ហាត់ប្រាណ ដោយ​ការ​ហែល​ទឹក នឹង​ជួយ​ឲ្យ​សម្ពាធ​ឈាម​ចុះ​ទាប​បាន​។
​ព្រឹត្តិប័ត្រ “​ជំងឺ​បេះ​ដួង​”​របស់​សហរដ្ឋអាមេរិក បាន​ឲ្យ​ដឹងថា អ្នកស្រាវជ្រាវ​បាន​សិក្សា​ទៅលើ​មនុស្ស​វ័យ​ចំណាស់ បុរស​និង​ស្ត្រី ចំនួន​៤៣​នាក់ ឲ្យ​ចាប់ផ្តើម​ហែល​ទឹក​មួយ​សប្តាហ៍ ពី​២​ទៅ​៣​ដង រកឃើញថា បាន​ជួយ​ឲ្យ​សម្ពាធ​ឈាម​កម្រិត​ខ្ពស់ ១៣១ មិល្លីម៉ែត្រ​បារត ធ្លាក់​ចុះមក​នៅ ១២៣ មិល្លីម៉ែត្រ​បារត​។ នេះ​បង្ហាញ​ឲ្យ​ឃើញថា ការ​ហែល​ទឹក​ជួយ​ឲ្យ​មនុស្ស​វ័យ​ចំណាស់​មាន​ចរន្តឈាម​ដើរ​បានល្អ និង​គ្រប់គ្រង​សម្ពាធ​ឈាម​បាន​ទៀងទាត់​។​
​សម្ពាធ​ឈាម​កម្រិត​ធម្មតា​របស់​មនុ​ស្សគឺ ១២០/៨០ ចំណែក​អ្នក​ដែលមាន​សម្ពាធ​ឈាម​វាស់​បាន ១៤០/៨០ ចាត់ទុកថា មាន​សម្ពាធ​ឈាម​ខ្ពស់​។​
​ការ​ហែល​ទឹក​ត្រូវបាន​ចាត់ទុកថា ជាការ​ហាត់ប្រាណ​ដ៏​ល្អ​របស់​មនុ​ស្សវ័យ​ចំណាស់​ដោយហេតុថា មិន​ប៉ះពាល់​ដល់​សន្លាក់ និង​មិន​ធ្វើ​ឲ្យ​រាងកាយ​ក្តៅ​ពេក​ប៉ុន្តែ​មានការ​សិក្សា​ស្រាវជ្រាវ​អំពី​ការ​ហែល​ទឹក​តិចតួច​នៅឡើយ​។ ការសិក្សា​ពីមុន​បាន​រកឃើញថា ការ​ហែល​ទឹក មាន​សុវត្ថិភាព​ចំពោះ​មនុស្ស​ចាស់ ដូច​ការដើរ​និង​ជិះ​កង់​ដែរ​៕

​ទូរទស្សន៍ រថយន្ត និង​កុំព្យូទ័រ បង្ក​គ្រោះថ្នាក់​យ៉ាងដូចម្តេច​?

៖ ធាត់​ជា​ជំងឺ​ទូទៅ​មួយ​ក្នុង​យុគសម័យ​រីកចម្រើន​
​ទូរទស្សន៍ រថយន្ត និង​កុំព្យូទ័រ បង្ក​គ្រោះថ្នាក់​ឲ្យ​មនុស្ស ពិសេស​គឺ​នៅ​ប្រទេស មាន​ប្រាក់ចំណូល​ទាប ។​
​នៅ​បណ្តា​ប្រទេស មាន​កម្រិត​ប្រាក់ចំណូល​ទាប អ្នកមាន​រថយន្ត ទូរទស្សន៍ និង​កុំព្យូទ័រ តែង​ងាយ​កើត​ជំងឺ​ធាត់ ជាង​អ្នក​ពុំមាន របស់របរ​ទំនើប​នេះ ។ នេះ​ជា​ពត៌មាន​ថ្មី​បំផុត ទើប​ត្រូវបាន​ចុះផ្សាយ លើ​ទស្សនា​វ​ដ្តី​សុខភាព​មួយ នៅ​កាណាដា​។​
ជាក់ស្តែង អ្នកមាន​រថយន្ត ទូរទស្សន៍ និង​កុំព្យូទ័រ ច្រើន​មាន​និន្នាការ​ទទួលទាន​ច្រើនជាង អង្គុយ​ច្រើនជាង និង​ខ្ជិល​ចលនា​រាងកាយ​ជាង ប្រៀប​នឹង​អ្នក​ពុំមាន​លក្ខខណ្ឌ​ទិញ ។ រឿង​ទាំងនេះ នឹងធ្វើ​ឲ្យ​គេ​ត្រូវ​ឡើង​ទម្ងន់ និង​មាន​ហានិភ័យ កើត​ជំងឺ​ទឹកនោមផ្អែម​ខ្ពស់ ។​
​ពួក​អ្នកស្រាវជ្រាវ បាន​ព្រមាន​ថា ប្រទេស​មួយចំនួន កំពុង​រង​ឥទ្ធិពល ដោយ​របៀបរបប​រស់​នៅ​លោកខាងលិច គួរ​យកចិត្តទុកដាក់​ដល់​សុខភាព​របស់គេ ។​
ការស្រាវជ្រាវ ត្រូវបាន​អនុវត្ត​លើ​មនុស្សពេញវ័យ ១៥៤.០០០ នាក់ ពី ១៧ ប្រទេស លើ​ពិភពលោក ក្នុងនោះ​មាន អាមេរិក កាណាដា ស៊ុយអែត ចិន អ៊ីរ៉ង់ បង់​ក្លា​ដេ​ស ឥណ្ឌា និង​ប៉ា​គី​ស្ថាន ។​
​តាម​ការស្រាវជ្រាវ​នេះ ទូរទស្សន៍ ត្រូវបាន​ចាត់ទុកជា​ឧបករណ៍ អេឡិចត្រូនិក​ទូទៅ​បំផុត នៅ​បណ្តា​ប្រទេស​កំពុង​រីកចម្រើន មាន​ដល់ ៧៨ % ចំនួន​គ្រួសារ​មាន​ទូរទស្សន៍​មួយគ្រឿង ៣៤% នៃ​គ្រួសារ​មាន​កុំព្យូទ័រ ក្នុងពេល​តួលេខ​នេះ សម្រាប់​អ្នកមាន​រថយន្ត​គឺ ៣២% ។​
នៅ​បណ្តា​ប្រទេស មាន​ប្រាក់ចំណូល​ទាប មានតែ ៤% នៃ​ចំនួន​ប្រជាជន កំពុង​គ្រប់គ្រង​របស់​ទាំង ៣ ខាងលើ តិចជាង​យ៉ាងច្រើន ប្រៀប​នឹង ៨៣% នៃ​ប្រជាជន មាន​ទាំង​រថយន្ត កុំព្យូទ័រ និង​ទូរទស្សន៍ នៅ​បណ្តា​ប្រទេស មាន​ប្រាក់ចំណូល​ខ្ពស់ ។​
​អ្នកស្រាវជ្រាវ បានដឹងថា នៅ​កាណាដា បច្ចុប្បន្ន កំពុងមាន ២៥% នៃ​ចំនួន​ប្រជាជន កើត​ជំងឺ​ធាត់ ហើយ​តួលេខ​នេះ នៅ​អាមេរិក​គឺ ៣៥% ៕M/V/L​

​ពិសា​ប៉េងប៉ោះ ល្អ​ចំពោះ​សុខភាព​

​ការ​ទទួលទាន​ប៉េង​បោះ ផ្តល់​ប្រយោជន៍​ច្រើន ចំពោះ​សុខភាព​ដោយសារ​ក្នុង​ប៉េង​បោះ មាន​សារធាតុ​ឡៃ​ខូពីន ឬ​លីកូ​ប៉ែន (Lycopene) ដែល​អាច​ជួយ​ការពារ​មហារីក​ក្រពេញប្រូ​ស្តាត និង​បង្កើន​ភាព​ភ្លឺ​ថ្លា​ដល់​ស្បែក បំប៉ន​ឈាម​ធ្វើ​ថ្ពាល់​ក្រហម​ព្រឿងៗ ។ បើ​យក​ប៉េង​ប៉ោះ ទៅ​ធ្វើ​ជា​ស៊ុប ក៏​រឹតតែ​មាន​ប្រយោជន៍​ខ្ពស់ ព្រោះ​បរិមាណ​ឡៃ​ខូពីន នឹង​កើនឡើង ក្រោយពេល​ត្រូវ​កម្តៅ ៕

ហាលថ្ងៃជួយបន្ថយសម្ពាធឈាម

ការស្រាវជ្រាវ​បង្ហាញថា កាំរស្មី​ស្វាយ (UV) ពីរ​ស្មី​ព្រះអាទិត្យ មិន​ត្រឹម​ជួយ​ផលិត V.tamin D ថែមទាំង​បន្ថយ​សម្ពាធ​ឈាម​
ក្រុម​អ្នកវិទ្យាសាស្ត្រ​អង់គ្លេស​បាន​រកឃើញថា គ្រាន់តែ​ហាលថ្ងៃ​ឲ្យ​បាន​២០​នាទី ក្នុង​១​ថ្ងៃ ក៏​អាចជួយ​មនុស្ស​បន្ថយ​ស​ម្ពា​ធ​ឈាម និង​គ្រោះថ្នាក់​បណ្តាលមកពី​ជំងឺ​បេះដូង និង​សរសៃឈាម​ដែរ ។​
​ក្រុម​ស្រាវជ្រាវ​នៃ​សាកលវិទ្យាល័យ Edinburgh បាន​ដំណើរការ​វាស់​សម្ពាធ​ឈាម​លើ​អ្នកស្ម័គ្រចិត្ត ។ បន្ទាប់មក​គេ​សំណូមពរ​ឲ្យ​អ្នក​ទាំងនោះ​អង្គុយ​ក្រោម​កាំរស្មី​អំពូល​ភ្លើងពណ៌​ស្វាយ (UV) ២០​នាទី សំដៅ​ត្រួតពិនិត្យបាន​បរិ​មាណព​ន្លឺ​ដែល​ប្រាស្រ័យ​មកលើ ។​
​លទ្ធផល​នៃ​ការពិសោធន៍​បង្ហាញថា បន្ទាប់ពី​ប្រាស្រ័យ​នឹង​ពន្លឺ UV សម្ពាធ​ឈាម​របស់​អ្នកស្ម័គ្រចិត្ត បាន​ថយចុះ ហើយ​នៅ​កម្រិត​ទាប​ជាង​មុនពេល​ពិសោធន៍​១​ម៉ោង ។​
​ប៉ុន្តែ​ពេលដែល​គេ​ឲ្យ​អ្នកស្ម័គ្រចិត្ត​ប្រាស្រ័យ​នឹង​កម្តៅ តែ​គ្មាន​ពន្លឺ​ពី​អំពូល​ភ្លើងពណ៌​ស្វាយ UV នោះ​សម្ពាធ​ឈាម ក៏មាន​ការថយចុះ​ដែរ ត្រឹម​វា​ឡើងវិញ​ភ្លាម​មកកាន់​កម្រិត​ដំបូង ។​
​ហេតុនេះ​អ្នកស្រាវជ្រាវ​បានប្រកាស​ពី​របកគំហើញ​ខាងលើ នឹង​ទូន្មាន​ឲ្យ​មនុស្ស​ទាំងអស់​ត្រូវ​ថ្លឹងថ្លែង​ក្នុងការ​ប្រាស្រ័យ​ជាមួយ​កម្តៅ​ពន្លឺព្រះអាទិត្យ ។ ព្រោះថា​ពន្លឺព្រះអាទិត្យ ឬ​កាំរស្មី UV បានធ្វើ​ឲ្យ​នី​ត្រូ​ហ្សែ​ន​ស្តុក​ក្នុង​សរីរាង្គ ត្រូវបាន​រំដោះ ចូលមកក្នុង​ឈាម ធ្វើ​ឲ្យ​រីក​បណ្តា​កោសិកា​ឈាម និង​បន្ថយ​សម្ពាធ ។​
​ប៉ុន្តែ​ការប្រាស្រ័យ​ច្រើនពេក​ជាមួយ​ពន្លឺព្រះអាទិត្យ ដោយ​គ្មាន​វិធី​ការពារ នឹង​នាំ​ឲ្យ​អាច​កើតរោគ​មហារីក​ស្បែក​ដែរ ហេតុនេះ​គប្បី​កំណត់​ពេលវេលា​ច្បាស់លាស់ ឬក៏​ត្រូវមាន​វិធី​ការពារ ។​
​អ្នកស្រាវជ្រាវ​លើកឡើងថា យើងខ្ញុំ​ពុំទាន់​សន្និដ្ឋាន​ច្បាស់លាស់​លើ​បញ្ហា​គ្រោះថ្នាក់ នៃ​រោគ​មហារីក​ស្បែក ដោយសារ​កាំរស្មី UV ។ ប៉ុន្តែ​ទោះយ៉ាងណា​ក៏ដោយ ក៏​ប្រយោជន៍​នៃ​ពន្លឺព្រះអាទិត្យ​កើតមាន​នៅលើ​បេះដូង និង​សរសៃឈាម វា​លើសពី​ការ​ប្រឈម​នឹង​មហារីក​ស្បែក​ឆ្ងាយ​ណាស់ ៕​M

បារី​ធ្វើឱ្យ​ថមថយ​កម្រិត​វីតាមីន D ក្នុង​សរីរាង្គ​

បើតាម​ការស្រាវជ្រាវ​មួយ នាពេល​ថ្មីៗ​នេះ បាន​បង្ហាញថា ការជក់បារី អាចធ្វើ​ឲ្យ​មានការ​ថន​ថយ​នូវ​កម្រិត​វីតាមីន  D ហើយ​វា​ក៏​អាចធ្វើឱ្យ​អ្នក​ជក់បារី កើត​ជំងឺមហារីក​ផងដែរ​។​

​ក្នុងការ​ស្រាវជ្រាវ​នេះ គេ​បាន​វាស់​កម្រិត​វីតាមីន  D ក្នុង​ប្លា​ស្មា​ពី​សំណាក​ឈាម ដែល​ប្រមូលបាន​ពី​ឆ្នាំ​១៩៨១-១៩៨៣ របស់​ប្រជាជន​ដា​ណឺ​ម៉ាក ១០.០០០ នាក់​។ បន្ទាប់ពីនោះ ពួក​អ្នកស្រាវជ្រាវ បាន​តាមដាន​អ្នក​ទាំងនេះ ក្នុងអំឡុងពេល​ដល់​ទៅ ២៨​ឆ្នាំ តាមរយៈ​មជ្ឈមណ្ឌល​ម​ហារី​កដា​ណឺ​ម៉ាក​។ ក្នុងចំណោម​នោះ មាន ១.០៨១​នាក់ បាន កើត​ជំងឺមហារីក​មួយ ពាក់ព័ន្ធ​នឹង​ការជក់បារី​។


​ពួក​អ្នកស្រាវជ្រាវ បាន​កំណត់ថា កម្រិត​វីតាមីន  D  ជា​មធ្យម ដែលមាន​នៅក្នុង​សរីរាង្គ​របស់​អ្នក​ទាំងនេះ ត្រឹមតែ ១៤,៨ mg/ml ធៀប​នឹង​កម្រិត មធ្យម ១៦,៤ mg/ml  របស់​អ្នក​ត្រូវបាន​តាមដាន​ទាំងអស់​។​

​លទ្ធផល​ទាំងអស់នេះ ជា​លើកដំបូង បាន​បង្ហាញថា គ្រោះថ្នាក់​កើត​ជំងឺមហារីក ពាក់ព័ន្ធ​នឹង​ការជក់បារី មានការ​ទាក់ទង​ជាមួយ​កម្រិត​វីតាមីន D  ទាប​។ ទិន្នន័យ ទាំងឡាយ ក៏​ចង្អុល​បង្ហាញថា សារជាតិ​គីមី​នៅក្នុង​ផ្សែង​បារី អាចមាន​ឥទ្ធិពល​លើ​មុខងារ និង​ការ​បំប្លែង​សារជាតិ​របស់​វីតាមីន D ។ ផ្ទុយ​មកវិញ វីតាមីន D ក៏ អាច​ផ្លាស់ប្តូរ​ភ្នាក់ងារ​បង្ក​មហារីក​របស់​សារជាតិ​គីមី​ក្នុង​ផ្សែង​បារី​។​


ក្នុងការ​ស្រាវជ្រាវ​នោះដែរ វេជ្ជបណ្ឌិត និង​ជា​បណ្ឌិត​វេជ្ជសាស្ត្រ  Borge G. Nordestagaard បាន​និយាយថា  " ការវិភាគ​ទាំងឡាយ​របស់​យើងខ្ញុំ បង្ហាញ​ពី​ទំនាក់ទំនង​រវាង កម្រិត​វីតាមីន  D ទាប ក្នុង​ប្លា​ស្មា ជាមួយ​ការ​ប្រឈម​ខ្ពស់​នឹង​ការកើត​ជំងឺមហារីក មាន​ពាក់ព័ន្ធ​ដល់​បារី​។ រឿងនេះ​សំខាន់​ណាស់​ចំពោះ​ការស្រាវជ្រាវ ក្នុង​អនាគត​អំពី​ទំនាក់ទំនង​រវាង​កម្រិត​វីតាមីន D ក្នុង​ប្លា​ស្មា ជាមួយ​គ្រោះថ្នាក់​កើត​ជំងឺមហារីក​" ។​

​ការជក់បារី អាច​បណ្តាលឱ្យ​កើត​ជំងឺមហារីក​ច្រើន​ប្រភេទ ដូចជា​៖ មហារីក​ប្លោកនោម​, មាត់ស្បូន​, បំពង់ក​, ក្បាល​និង​ក​, តម្រងនោម​, ថ្លើម​, សួត​, ក្រពេញ​លំពែង​, ក្រពះ ក៏​ដូច​មហារីក​ឈាមស​។​

​មជ្ឈមណ្ឌល​គ្រប់គ្រង  និង​បង្ការ​ជំងឺឆ្លង បាន​អះអាងថា ការចំណាយ​លើ​ការថែទាំ​សុខភាព និង​ការខាតបង់​ទិន្នផល បង្កឡើង​ដោយ​ការជក់បារី ចំពោះ​ខឿនសេដ្ឋកិច្ច  គឺ​ប្រហាក់ប្រហែល ១៩៣ ពាន់​លាន​ដុល្លារ ក្នុង​មួយឆ្នាំៗ​៕

ងាយធាត់​ ដោយសារខ្វះបាក់តេរីផ្លូវពោះវៀន

៖​បាក់តេរី​ផ្លូវ​ពោះវៀន ពាក់ព័ន្ធ​ដល់​ជំងឺ​ធាត់​
​ការស្រាវជ្រាវ​១​ថ្មីៗ​នេះ បាន​បង្ហាញថា អ្នក​ខ្វះ​បាក់តេរី​មាន​ប្រយោជន៍ ក្នុង​ពោះវៀន ងាយ​កើត​ជំងឺ​ធាត់​, ទឹកនោមផ្អែម​, សរសៃឈាម​បេះដូង និង​បញ្ហា​អំពី​កូ​ឡេ​ស្តេ​រ៉ូ​ល​។​
​អ្នក​រៀបរៀង​ការស្រាវជ្រាវ បាន​ឲ្យ​ដឹងថា គំហើញ​នេះ ជា​កក្តា​សំខាន់​ជួយ​ដោះស្រាយ​បញ្ហា​សុខភាព​របស់​សហគម​ន៍​អន្តរជាតិ -​ជំងឺ​ធាត់ ។ ជំងឺ​ធាត់ ត្រូវបាន​ព្យាករណ៍​នឹង​ឥទ្ធិពល​ដល់​មនុស្ស​ជាង ៧០០ លាន​នាក់ លើ​ពិភពលោក នៅ​ឆ្នាំ​២០១៥, កើន ៣០០ លាន​នាក់ ក្នុង​រង្វង់ ១ ទសវត្សរ៍ ។​
​ក្រុម​អ្នកស្រាវជ្រាវ​ជាតិ​បាន​ប្រៀបធៀប​ពពួក​បាក់តេរី​ផ្លូវ​ពោះវៀន ក្នុង​សរីរាង្គ​របស់​មនុស្ស​ធាត់ ១៦៩ នាក់ និង​មនុស្ស​មិន​ធាត់ ១៨៣ នាក់ នៅ​ដា​ណឺ​ម៉ាក ។ ក្នុងចំណោម​មនុស្ស ២៩២ នាក់​នេះ​, ៧៣ នាក់ មាន​បរិមាណ​បាក់តេរី​ផ្លូវ​ពោះវៀន​តិចជាង ៤០% ប្រៀប​នឹង​កម្រិត​មធ្យម​, អ្នក​ទាំងនេះ មានលទ្ធភាព​ត្រូវ​ធាត់ និង​ត្រូវ​រលាក​ផ្លូវ​ពោះវៀន ។​
​ក្នុងចំណោម​មនុស្ស​ធាត់ អ្នកមាន​បាក់តេរី​ផ្លូវ​ពោះវៀន​ច្រើន នឹង​ពុំ​សូវ​មាន​លទ្ធ​ភព​រីកចម្រើន​ជំងឺ​សរសៃឈាម​បេះដូង និង​ជំងឺ​ទឹកនោមផ្អែម ។​
​ពួក​អ្នកស្រាវជ្រាវ​ឲ្យ​ដឹងថា គេ​នឹង​បន្ត​ស្រាវជ្រាវ​ជាង អំពី​បញ្ហា​នេះ ហើយនឹង​ស្រាវជ្រាវ​ក្រុមមនុស្ស​ជាច្រើន​នៅ​បណ្តា​ប្រទេស​ផ្សេងៗ ។​
​លោក Stanislas Dusko Ehrlich នៅ​វិទ្យាស្ថាន​ស្រាវជ្រាវ​កសិកម្ម​ជាតិ​បារាំង (INRA) ចាត់ទុកថា ការពង្រីក​ការស្រាវជ្រាវ​នេះ នឹង​អាច​កំណត់​នូវ​ហានិភ័យ និង​វិធី​តុល្យភាព​បាក់តេរី ដើម្បី​ទប់ស្កាត់​ជំងឺ​ធាត់ ៕M​

ទម្លាប់១០កំណត់សុខភាពរបស់ស្រ្តី

​ពួក​អ្នកវិទ្យាសាស្ត្រ​នៅ​សាកលវិទ្យាល័យ Oxford បាន​ស្រាវជ្រាវ និង​ទាញ​ចេញ​ការ​សន្និដ្ឋានថា របៀបរបប​រស់នៅ ជា​កត្តា​​កំណត់​យ៉ាង​ធំ ចំពោះ​សុខភាព​របស់​ស្ត្រី​។ ក៏​តាមរយៈ​នោះដែរ ពូក​អ្នកស្រាវជ្រាវ​បានលើកឡើងនូវ​ដំបូន្មាន ១០ សម្រាប់​ស្ត្រី ដែលជា​និច្ចកាល​ចង់​ឲ្យ​ខ្លួន​មាន​សុខ​ភាពល្អ ចៀស​ឆ្ងាយ​ពី​ជំងឺ​ដ​ង្កា​ត់​ផ្សេងៗ​។​

១-​កុំ​ស្អាតបាត​ជ្រុល​ពេក​
​Mary បណ្ឌិត​អតិសុខុមប្រាណ​វិទ្យា​ជនជាតិ​អាមេរិក បាន​ឲ្យ​ដឹង​តាមរយៈ​ការស្រាវជ្រាវ​ថា ការ​លាងដៃ​ដោយ​សាប៊ូ និង​ទឹក គឺ​គ្រប់គ្រាន់​, ពពួក​ផលិតផល​ប្រឆាំង​បាក់តេរី គឺ​ល្អ តែ​ប្រើប្រាស់​ច្រើនពេក​នឹង​ប្រតិកម្ម​បញ្ច្រាស​។​
ស្ត្រី ពិសេស​គឺ​ស្ត្រី​មេផ្ទះ ដោយសារ​សុខភាព​គ្រួសារ​តែងមាន​និន្នាការ​ប្រើប្រាស់​ផលិតផល​ទាំងនេះ​។ ប៉ុន្តែ​ការដែលប្រើផលិតផល​ប្រឆាំង​បាក់តេរី​ដាច់ខាត​ពេក ក៏​បណ្តាល​ឲ្យ​ប៉ះពាល់ដល់ប្រព័ន្ធ​អង្គ​បដិបក្ខ​ នាំ​ឲ្យងាយ​ត្រូវ​ផ្តាសាយ និង​គ្រុន​រងារ​​, បំផ្លាញ​តុល្យភាព​របស់​រុក្ខជាតិ​ក្នុង​សរីរាង្គ និង​ធ្វើ​ឲ្យ​ថមថយ​ភាព​រំញោច​របស់​សរីរាង្គ ចំពោះ​បាក់តេរី​, ទន្ទឹមនេះ ធ្វើ​ឲ្យ​បាក់តេរី​ងាយ​ច្របូក​ប្របល់​។ ប​ណ្ឌិ​ត Mary និយាយ​បន្ថែមថា ក្នុង​ប្រព័ន្ធ​រំលាយ​អាហារ និង​ប្រព័ន្ធ​ស្រូបយក​ជីវជាតិ​របស់​មនុស្ស​, អតិសុខុមប្រាណ​សឹងតែ​ទាំងអស់ គឺ​ចាំបាច់​ណាស់ ដើម្បី​រក្សា​បាន​សុខភាព​។ ការប្រើ​ផលិតផល​ប្រឆាំង​បាក់តេរី​ជាប្រចាំ នឹង​សម្លាប់​ដោយ​អ​ចេតនា​នូវ​អតិសុខុមប្រាណ​មាន​ប្រយោជន៍​។​

២-​គួរ​ទទួលទាន​តែ​ខ្មៅ​
ជំងឺ​អញ្ចាញ​ឆ្មេ​ញ ជា​កត្តា​គ្រោះថ្នាក់​មួយ នាំ​ដល់​ជំងឺ​បេះដូង​។ បាក់តេរី​ផ្លូវ​មាត់​អាច​ផលិត​រាប់ពាន់​ដុំ​កំណក​ឈាម​តូចៗ នាំ​ដល់​ការ​បំ​ព្រួញ​សរសៃឈាម​, បង្ក​ជា​ជំងឺ​បេះដូង​។ ដូច្នេះ ធ្វើយ៉ាងណា ដើម្បី​ការពារ​អញ្ចាញ​ឆ្មេ​ញ​? វិធី​ល្អ​បំផុត គឺ​ទទួលទាន​តែ​ខ្មៅ​។ ពួក​អ្នកជំនាញការ​អាមេរិក បាន​ស្រាវជ្រាវ និង​រកឃើញថា តែ​ខ្មៅ អាចធ្វើ​ឲ្យ​ថយចុះ​សកម្មភាព​របស់​បាក់តេរី​, បន្ថយ​គ្រោះថ្នាក់​មាន​បញ្ហា​​ជំងឺ​បេះដូង​។​

៣- បំពេញបន្ថែម​អាស៊ីត ហ្វូ​លិ​ក​
ដើម្បី​ទប់ស្កាត់​ពិការភាព​ពី​កំណើត​ទៅ​ទារក ស្ត្រី​មានគភ៌ ត្រូវ​បញ្ចូល​គ្រប់ ៩០០ Microgram អាស៊ីតប្វូ​លិ​ក ក្នុង​១២​សប្តាហ៍​ដំបូង​របស់​គភ៌​។ ការស្រាវជ្រាវ​ក៏​រកឃើញថា ស្ត្រី​បំពេញបន្ថែម​អាស៊ីត​ហ្វូលិ​ក អាចធ្វើ​ឲ្យ​ថយចុះ​គ្រោះថ្នាក់​កើត​ជំងឺ​ភ្នែក​។ បច្ចុប្បន្ននេះ សាកលវិទ្យាល័យ ហា​វ៉ើដ បាន​ស្រាវជ្រាវ​បញ្ជាក់ថា ស្ត្រី​ដែល​រក្សា​ទម្លាប់​បំពេញបន្ថែម​អាស៊ីត​ហ្វូលិ​ក​, វីតាមីន B6 និង វីតាមីន B12 ក្នុង ២​ឆ្នាំ អាច​ពន្យារ​ភាពចំណាស់​របស់​បណ្តា​ផ្នែក​ទាំងឡាយ​ក្នុង​សរីរាង្គ​។​

៤- ចៀសវាង​ស្គម​ជ្រុល​
​តួលេខ BMI ល្អ​បំផុត គឺ​ប្រមាណ ២៨​។ ប្រសិន​ទម្ងន់​ទាប​ពេក វា​នឹងជះ​ឥទ្ធិពល​ដល់​លទ្ធភាព​បង្កើតកូន​របស់​ស្ត្រី​។ ឧទាហរណ៍ ​ស្ត្រី មាន BMI ក្រោម ១៨,៥ មានលទ្ធភាព​មានគភ៌​តិចជាង​ស្ត្រី​មាន BMI ធម្មតា​។ ក្រៅពីនេះ ប្រសិនបើ BMI តិចជាង ១៩ នោះ​ស្ត្រី​ងាយ​កើត​ជំងឺ​ពុក​ឆ្អឹង​។​

៥- ប្រយ័ត្នប្រយែង​ពេល​ប្រើប្រាស់​វិធី​ជំនួស​អ័រម៉ូន​
​ថ្វី​ត្បិត​វិធី​ជំនួស​អ័រម៉ូន អាច​ទប់ស្កាត់​ជំងឺ​សរសៃឈាម​បេះដូង​, ពុក​ឆ្អឹង​, ដំបៅ​, មហារីក​ពោះវៀន និង​ជំងឺ​ផ្សេងៗ​ទៀត​, តែ​វិធី​នេះ (​ពាក់ព័ន្ធ​ដល់ estrogen និង progesterone) អាចធ្វើ​ឲ្យ​កើន​គ្រោះថ្នាក់​មហារីក​ដោះ​។ ក្នុងពេល​​វិធី​ជំនួស estrogen អាចធ្វើ​ឲ្យ​កើន​គ្រោះថ្នាក់​មហារីក​មាត់ស្បូន នោះ​វិធី​ជំនួស progesterone បែរជា​ធ្វើ​ឲ្យ​កើន​គ្រោះថ្នាក់​មហារីក​អូ​វ៉ែ​រ​។ ដូច្នេះ អ្នក​ត្រូវ​ប្រយ័ត្នប្រយែង ពេល​ជ្រើសរើស​វិធី​ជំនួស​អ័រម៉ូន​នេះ​។​

៦-​មិន​ជក់បារី​
ស្ត្រី​ជក់បារី​ងាយ​កើត​ជំងឺ​ច្រើនជាង ២ ដង ប្រៀប​នឹង​ស្ត្រី​មិន​ជក់​។ នីកូទីន ប្រមូលផ្តុំ​ក្នុង​ជាតិ​រំអិល​ស្បូន នឹងធ្វើ​ឲ្យ​ថយចុះ​លទ្ធភាព​របស់​សរីរាង្គ ដើម្បី​ប្រឆាំង​តប​ការទន្ទ្រាន​របស់​ដុំ​ពក និង​បង្កើន​គ្រោះថ្នាក់​មហារីក​មាត់ស្បូន​។ ក្រៅពីនេះ ជក់បារី​នៅ​បំផ្លាញ​ប្រព័ន្ធ​អង្គ​បដិបក្ខ​របស់​សរីរាង្គថែមទៀត​។​

៧- យកចិត្ត​ទុក​បំពេញបន្ថែម​វិ​តា​មីន D
ពួក​អ្នកជំនាញ​ផ្នែក​សម្ភព​អង់គ្លេស បាន​បកស្រាយ​បាតុភូត​ស្ត្រី​ជាច្រើន មិន​ជ្រុះ​ពង គឺ​ព្រោះតែ​ខ្វះ​វីតាមីន D​។ ដើម្បី​ដោះស្រាយ​រឿងនេះ អ្នកជំនាញការ​នៅ​សាកលវិទ្យាល័យ Yale ទូន្មាន​ឲ្យ​ស្ត្រី​ត្រូវ​បំពេញបន្ថែម​នូវ​វីតាមីន D ជាប្រចាំ​តាមរយៈ​ពន្លឺព្រះអាទិត្យ​។​

៨- ទទួលទាន​ចេក​ទៀត​ទាត់​
​មូលនិធិ​សុខភាព​សរសៃប្រសាទ​អាមេរិក បាន​ឲ្យ​ដឹងថា ១/៤ នៃ​ស្ត្រី​ក្នុងម​ជ្ឈិ​ម​វ័យ កំពុង​ប្រឈមមុខ​ជាមួយ​រោគ​ផ្លូវចិត្ត និង​ខ្វាយខ្វល់​។ អត្រា​រោគ​ផ្លូវ​ចិត្តច្រើន​ត្រូវបាន​បង្កឡើង​ដោយសារ​សរីរាង្គ​ខ្វះ "​អ័រម៉ូន​សុភមង្គល​" Serotonin​។ ការខ្វះ Serotonin គឺ​ព្រោះតែ​សរីរាង្គ​មិនអាច​ស្វ័យ​សំយោគ​បរិមាណ​អាស៊ីត amino tryptophan ដែល​ត្រូវ​ឆ្លងកាត់​តាម​បរិមាណ​អាហារ​។ បណ្ឌិត Luo Mery Caroline ទូន្មាន​ថា គ្រប់គ្នា​អាចបំពេញ​បន្ថែម tryptophan ដោយ​មាន់បារាំង​, ប្វ្រូ​ម៉ា​, ជម្ពូ និង​ចេក​។​

៩- ចិញ្ចឹម​កូន​ដោយ​ទឹកដោះ​ម្តាយ​
ការស្រាវជ្រាវ​បង្ហាញថា ស្ត្រី​ចិញ្ចឹម​កូន​ដោយ​ទឹកដោះ​ម្តាយ ​អត្រា​កើត​ជំងឺមហារីក​ដោះ នឹង​ថយចុះ ៧%​។ ការស្រាវជ្រាវ​របស់​អង់គ្លេស​ក៏បាន​និយាយថា ស្ត្រី​ឲ្យ​កូន​បៅដោះ​ក្នុង​រយៈពេល ១២ ខែ នោះ​អត្រា​កើត​ជំងឺមហារីក​ដោះ និង​ជំងឺ​ផ្សេងៗ នឹង​ថយចុះ ៤,៣%​។ ទន្ទឹម​នោះ អត្រា​កើត​ជំងឺ​ប្រមាត់​នឹង​ថយចុះ ៧%​។ ការស្រាវជ្រាវ​ថ្មី​មួយ​របស់​ស៊ុយអែត ក៏បាន​បង្ហាញថា ស្ត្រី​ឲ្យ​កូន​បៅដោះ​លើស​១៣​ខែ បន្ថយ​បាន​ពាក់កណ្តាល​គ្រោះថ្នាក់​ត្រូវ​រលាក​សន្លាក់​។​

១០- ចូរ​ប្រយ័ត្ន​ដុះ​ក្បាលពោះ​
ដុះ​ក្បាលពោះ ពុំ​ត្រឹមតែ​អាក្រក់​មើល​ប៉ុណ្ណោះ​ទេ តែ​នៅ​បង្កប់​គ្រោះថ្នាក់​សុខភាព​ជាច្រើន​។ ស្ត្រី​ត្រូវ​ប្រយ័ត្នប្រយែង ព្រោះ​វា​ច្រើន​ជាស​ញ្ញា​មួយ​របស់​មហារីក​អូវែរ ​។ ប្រសិន​បើមាន​រោគសញ្ញា​ទល់ខ្យល់ ហើយ​សម្បូរ​ខ្លាញ់​ពោះនោះ​ត្រូវ​ប្រញាប់​ទៅពិនិត្យ​សុខភាព​ជាបន្ទាន់​៕f M

​សូកូឡា ជួយ​ប្រឆាំងនឹង​ជំងឺ​បេះដូង

មិនមែន​រាល់​វត្ថុ​ដែល​មាន​ជាតិ​ផ្អែម សុទ្ធ​តែ​មិន​ល្អ​ចំពោះ​សុខភាព​ទាំងអស់​នោះ​ឡើយ ព្រោះ​តាម​ការសិក្សា​ដែល​បាន​ធ្វើឡើង លើ​មនុស្ស​ជាង ១០០.០០០ នាក់ បានឲ្យដឹងថា សូកូឡា មាន​ផល​ល្អ​ចំពោះ​បេះដូង​។​


​លោក​អូ​ស្កា​រ អេច ហ្វ្រង់​កូ (Oscar H Franco) អ្នកស្រាវជ្រាវ​មកពី​សាកលវិទ្យាល័យ​ខេ​ម​ប្រ៊ី​ដ​ច៍ (Cambridge University) បានឲ្យ​ដឹង​នៅក្នុង​កិច្ចប្រជុំ European Society of Cardiology Congress ថា ការ​ទទួលទាន​សូកូឡា ជាប្រចាំ អាច​ជួយ​បន្ថយ​ឱកាស​នៃ​ការ​កើត​ជំងឺ​បេះដូង បាន​រហូត​ដល់ ១​ភាគ​៣​។​


​​ប៉ុន្តែ​មុន​នឹង​ទទួលទាន អ្នក​គួរ​ដឹងថា សូកូឡា នំឃុក​ឃី និង​កា​កាវ ពោរពេញ​ទៅដោយ​ជាតិ​ស្ករ ជាតិ​ខ្លាញ់ និង​កាឡូរី​។ ដូចនេះ ប្រសិនបើ​អ្នក​ទទួល​ទាន​ក្នុង​បរិមាណ​ច្រើនពេក វា​អាច​បណ្តាលឲ្យ​កើត​ជំងឺ​បេះ​ដូង​បាន​៕

ស៊ី​នំប៉័ង​ច្រើន​បណ្តាលអោយ​ឡើង​ឈាម​

មជ្ឈមណ្ឌល​គ្រប់គ្រង និង​កំចាត់​ជំងឺ (CDC) បាន​និយាយ​កាលពី​ថ្ងៃ​អង្គា​រថា មនុស្សពេញវ័យ​ប្រាំបួន​នាក់​ក្នុងចំណោម​មនុស្សពេញវ័យ​អាមេរិក ១០ នាក់​ទទួលទាន​អាហារ​ប្រៃ​ច្រើន​ជ្រុល ហើយ​មូលហេតុ​បង្ក​កំពុង​ឈានមុខ​គេ​មិនមែនជា​ដំឡូង ឬ ពោត​លីង​នោះទេ​ប៉ុន្តែ​ជា​នំប៉័ង​ទៅវិញ​ទេ ។​

CDC និយាយថា ការទទួល​ទាន​ប្រៃ​ចំនួន ៤៤ ភាគរយ​អាចមាន​ជាប់​ពាក់ព័ន្ធ​នឹង​ចំណីអាហារ​ចំនួន ១០ ប្រភេទ ។ នំប៉័ង និង​នំ​ធ្វើ​ពី​ម្ស៉ៅ​នំប៉័ង​ឈរ​លំដាប់​កំពូល​ក្នុង​បញ្ជី​ដោយ​តាម​ពីក្រោយ​ដោយ​សាច់​ក្លាសេ​កាត់​ជា​ដុំៗ​, សាច់ក្រក​, ភី​ហ្សា​, មាន់​ទា​, ស៊ុប​, នំ​សែន​វិច​, ឈី​ស​, ប៉ា​ស្តា​, អាហារ​ធ្វើ​ពី​សាច់​សុទ្ធ និង អាហារសម្រន់​ដូចជា នំ​ម្យ៉ាង​ឈ្មោះ Pretzels និង ដំឡូងបារាំង ។​

​យោងតាម CDC នំប៉័ង​ប្រហែលជា​មិនមាន​ជាតិ​ប្រៃ​ខ្លាំង​នោះទេ​នៅក្នុង​នំប៉័ង​មួយ​ដុំ ប៉ុន្តែ​នៅពេល​ទទួលទាន​នំប៉័ង​ច្រើនដង​ក្នុង​មួយថ្ងៃ​វា​នឹង​អាច​បង្កើន​ជាតិ​ប្រៃ​នៅក្នុង​ខ្លួន ។ នំប៉័ង​មួយ​បន្ទះ​អាច​ផ្ទុក​ជាតិ​ប្រៃ​២៣០ មី​ល្លី​ក្រាម ។ CDC និយាយថា ការ​ស្រូបយក​ជា​ប្រៃ​ច្រើន​អាច​បង្កើន​សម្ពាធ​ឈាម​ដែល​នាំ​ឲ្យ​កើត​ជំងឺ​បេះដូង និង ជំងឺ​ដាច់​សរសៃឈាម​ក្នុង​ខួរក្បាល ។​

CDC បាន​និយាយថា ជនជាតិ​អាមេរិក​ជា​មធ្យម​ទទួលទាន​ប្រៃ​ចំនួន ៣.២៦៦ ក្រាម​ក្នុង​មួយថ្ងៃ មិន​រាប់បញ្ចូល​ជាតិ​ប្រៃ​ដែល​បន្ថែម​នៅពេល​កំពុង​ទទួលទាន​អាហារ​នោះឡើយ ហើយ​ចំនួន​នេះ​គឺ​លើ​ពី​ការណែនាំ​ដែល​កំណត់​ខ្ពស់បំផុត​ត្រឹម ២.៣០០ ក្រាម​ក្នុង​មួយថ្ងៃ ។ មនុស្ស​ប្រាំមួយ​នាក់​ក្នុងចំណោម​ជនជាតិ​អាមេរិក ១០ នាក់​រួមបញ្ចូល​ទាំង​អ្នក​ដែលមាន​អាយុ​លើសពី ៥០ ឬ​មាន​ជំងឺលើសឈាម ឬ កើត​ជំងឺ​ទឹកនោមផ្អែម ត្រូវបាន​គេ​ណែនាំ​ឲ្យ​ទទួលទាន​ប្រៃ​ប្រចាំថ្ងៃ​ត្រឹម​ចំនួន ១,៥០០ ក្រាម​ប៉ុណ្ណោះ ៕

អាហារ​ជួយ​ឲ្យ​គេង​លក់​ស្រួល​

ការ​គេង​មិន​លក់ អាច​ប៉ះពាល់​សុខភាព​យ៉ាងធ្ងន់ធ្ងរ ។ ដូច្នេះ​វិធី​កែខៃ​បញ្ហា​គេង​មិន​លក់​នេះ ឲ្យ​មាន​ប្រសិទ្ធភាព​ក្នុងនោះ អាហារ​មួយចំនួន​មាន​ផល​ល្អ​ដល់​ការ​គេង​របស់​អ្នក​ផងដែរ ។​
+​ម៉ាញេស្យូម និង កាល់ស្យូម : សារធាតុ​ទាំងពីរ​យ៉ាងនេះ នឹងធ្វើ​ការរួម​គ្នា​ក្នុងការ​ពង្រឹង និង បន្ធូរ​សាច់ដុំ បើ​ខ្វះ​សារធាតុ​មួយ​អាចធ្វើ​ឲ្យ​រមួល​សាច់ដុំ នៅ​កណ្តាលអធ្រាត្រ ហើយ​ថែមទាំង​លំបាក​បន្ធូរ​សាច់ដុំ រីឯ​ប្រសាទ​ទទួល​អារម្មណ៍​មានការ​តានតឹង ។ សារធាតុ​ទាំងពីរ​នេះ មាននៅ​ក្នុង​ត្រី សណ្តែក គ្រាប់​រុក្ខជាតិ និង បន្លែ​បៃតង ។ ប៉ុន្តែ បើ​អ្នកត្រូវការ​កាល់ស្យូម​ច្រើន​ពិសេស គួរប្រើ​ផលិតផល​ពី​ទឹកដោះគោ ដូចជា យ៉ា​អូ ឬ​ក្រែ​ម​ទឹកដោះគោ​ជូរ និង ហ្វ្រូ​ម៉ា ដែលមាន​ជាតិ​ខ្លាញ់​ទាប ។​
+​វីតាមីន : ក្នុងចំណោម​វីតាមីន​ទាំងអស់ ដែល​រាងកាយ​ត្រូវការ​វីតាមីន B ដែលមាន​ក្នុង​ធញ្ញជាតិ មាន​សារសំខាន់ សម្រាប់​ការ​គេង វា​ជួយ​សម្រួល​អារម្មណ៍​ឲ្យ​ប្រក្រតី រាងកាយ​ធូរស្បើយ រហូត​អាច​គេង​លក់​ស្កប់ស្កល់​បាន ។ រីឯ​វីតាមីន B6 វា​នឹង​រួមគ្នា​ជាមួយ​ទ្រី​ប​តូ​ហ្វា​ន (Tryptophan) ដើម្បី​ជំរុញ​ដំណើរការ​គេង​លក់ ។ វីតាមីន​ទាំងនេះ មាននៅ​ក្នុង​អាហារ​ធ្វើ​ពី​ធញ្ញជាតិ តៅ​ស៊ូ សណ្តែក សាច់គោ ត្រី សាច់មាន់ ស៊ុត ទំពាំងបាយជូរ ផ្សិត ខាត់ណា និង ប្រូ​ក​ខូ​លី ។ ក្រៅពី​វីតាមីន B នៅមាន​វីតាមីន​ផ្សេងៗ​ទៀត ដូចជា វីតាមីន​C និង A ដែលមាន​នៅក្នុង​បន្លែ ផ្លែឈើ ដូចជា ប្ល៊ូ​បឺ​រ​រី ផ្លែ​គិរី បន្លែ​បៃតង ផ្លែក្រូច ត្របែក ល្ពៅ ជាដើម ។​
-​ទ្រី​ប​តូ​ហ្វា​ន : សំខាន់​សម្រាប់​ការ​គេង​បំផុត ព្រោះ​រាងកាយ​ត្រូវ​ប្រើ​អាស៊ីដ​អា​មី​ណូ​ប្រភេទ​នេះ ក្នុងការ​បង្កើត​មេ​ឡា​ថូ​នី​ន (Melatonin)​ដែលជា​អ័រម៉ូន​គេង​លក់ ។ វា​មាន​ច្រើន​នៅក្នុង​ស៊ុត ផ្លែ​ព្រូន សារាយ សាច់មាន់​បារាំង និង ទឹកដោះគោ ។​
+​កម្រិត​ជាតិ​ស្ករ​ក្នុង​ឈាម : កម្រិត​ជាតិ​ស្ករ ឬ​គ្លុយកូស ក្នុង​ឈាម ពាក់ព័ន្ធ​នឹង​ការ​គេង​លក់ បើ​ជាតិ​ស្ករ​ទាប​ពេក អ័រម៉ូន នឹង​ទទួលផល​ប៉ះទង្គិច ជាហេតុ​ធ្វើ​ឲ្យ​អ្នក​គេង​ភ្ងា​ក់ៗ​ឬ​មាន​បញ្ហា​គេង​មិន​លក់ ។ ប៉ុន្តែ វិធី​ការពារ​គឺ មិន​បរិភោគ​អាហារ​ដែលមាន​ជាតិ​ស្ករ​ខ្ពស់ ព្រោះ​បើ​កម្រិត​ជាតិ​ស្ករ​ខ្ពស់​ពេក ពេលមុន​ចូល​គេង នៅ​កណ្តាល​អា​ធ្រា​ត្រ ជាតិ​ស្ករ​នឹង​ធ្លាក់ចុះ​ទាប នឹង​កើត​បញ្ហា​ដូច​រៀបរាប់​ខាងលើ​បាន ។​
+​វិធី​ទទួលទាន​ឲ្យ​គេង​លក់​ស្រួល : បរិភោគ​ចំណី​កំដរ​មាត់​បន្តិចបន្តួច ៣-៤​ម៉ោង​មុន​ចូល​គេង ព្រោះ​បើ​គេង​ទាំង​បោះ​ទទេ អាច​ធ្វ​ផ​ឲ្យ​អ្នក​ភ្ញាក់ និង​ឃ្លាន​ខ្លាំង រ​ហូ​ច​ត្រូវ​ក្រោក​ឆុង​មី​កណ្តាល​អា​ធ្រា​ត្រ ។ ដូច្នេះ គួរ​ជ្រើស​អាហារ​ស្រាល​ពោះ​ដូចជា ទឹកដោះគោ​ជូរ ឬ​ទឹកដោះគោ​ជាតិ​ខ្លាញ់​ទាប ។​
-​ចៀសវាង​ពិសារ​អាហារ​ជាតិ​ខ្លាញ់​ខ្ពស់​ច្រើនពេក មុន​ចូល​គេង ព្រោះ​វា​ធ្វើ​ឲ្យ​អ្នកមាន​អារម្មណ៍​មិន​ស្រួលខ្លួន នៅពេល​មាន​អាហារ​សេសសល់​នៅក្នុង​ក្រ​ពេះ ។     ​
-​ចៀសវាង​អាហារ​ដែលមាន​ជាតិ​ហឹរ ជាពិសេស បើ​អ្នកមាន​អាការ​ក្តៅខ្លួន អាចធ្វើ​ឲ្យ​អ្នក​ភ្ញាក់​កណ្តាលអធ្រាត្រ​បាន​។​
-​កុំ​ផឹកទឹក​ច្រើនពេក ដើម្បី​កុំ​ឲ្យ​ពិបាក​ក្រោក​ទៅ​បន្ទប់ទឹក​ញឹកញាប់ ។​
-​ចៀសវាង​កាហ្វេ​អ៊ី​ន និង​ជាតិ​ស្រវឹង ដោយសារ​កាហ្វេ​អ៊ី​ន នឹង​ទៅ​ជំរុញ​ប្រព័ន្ធ​ប្រសាទ ទើប​មិនគួរ​បរិភោគ​ក្នុង​ចន្លោះ ៨ ម៉ោង​មុនពេល​ចូល​គេង ។ ចំពោះ​ជាតិ​ស្រវឹង អាចធ្វើ​ឲ្យ​អ្នកមាន​អារម្មណ៍​ងងុយ ប៉ុន្តែ​នឹងធ្វើ​ឲ្យ​អ្នក​គេង​មិន​ស្កប់ និង​ភ្ញាក់​ច្រើនដង ក្នុង​១​យប់ ។

​ˆ​វិធី​ប្រើ​ទឹកឃ្មុំ​ល្អ​បំផុត​សម្រាប់​សុខភាព​

ទឹកឃ្មុំ​សម្បូរ​សារជាតិ ជីវជាតិ​ល្អ​បំផុត​សម្រាប់​សុខភាព​មនុស្ស ប៉ុន្តែ​ពុំមែន​ទឹកឃ្មុំ​សមស្រប​សម្រាប់​មនុស្ស​ទាំង​អស់​គ្នា និង​ប្រើ​ពេលណា ក៏បាន​នោះឡើយ​។​

​ទឹកឃ្មុំ​ល្អ ជាពិសេស​សម្រាប់​មនុស្ស​ចាស់ និង​កុមារ ព្រោះ​វា​អាច​កែប្រែ​ឱ្យ​ប្រសើរ​ប្រព័ន្ធ​ការពារ​សរីរាង្គ​។ វា​ក៏​សមស្រប​សម្រាប់​អ្នក​លើសឈាម ឬ​អ្នក​ជំងឺហឺត​។ ប៉ុន្តែ​ទារក​ទើបនឹង​កើត មិនត្រូវ​ប្រើប្រាស់​ទឹកឃ្មុំ​ទេ​។ ក្នុងការ​រក្សាទុក វា​អាច​ត្រូវ​ឆ្លង​ជាតិពុល  botulinum ។ ដោយសារ​ប្រព័ន្ធការពារ​សរីរាង្គ​របស់​ទារក​នៅ​ខ្សោយ ហេតុនេះ​បាក់តេរី​នឹង​ឆាប់​វាយប្រហារ​ពោះវៀន និង​បង្ក​ជាតិពុល អាច​បណ្តាលឱ្យ​ពុល​អាហារ​ធ្ងន់ធ្ងរ​។ ករណីនេះ កម្រ​កើតមាន តែ​ប្រសិន​ធ្ងន់ធ្ងរ វា​នឹងមាន​ឥទ្ធិពល​ដល់​ប្រព័ន្ធ​សរសៃប្រសាទ និង​អាច​បណ្តាលឱ្យ​កុមារ​បាត់បង់​ជីវិត​។​

​កុមារ​អាយុ​ក្រោម​៦​ខែ ងាយ​ត្រូវ​ឆ្លង​ជំងឺ​ច្រើនជាង​។ ដូច្នេះហើយ​កុមារ មុន​មាន​អាយុ​១​ឆ្នាំ ដាច់ខាត​មិនគួរ​ប្រើប្រាស់​ទឹកឃ្មុំ ឬ​ផលិតផល​ពី​ទឹកឃ្មុំ​ទេ​។ ទន្ទឹម​នោះ អ្នកជំងឺ​ទឹកនោមផ្អែម ក៏​មិនត្រូវ​ប្រើប្រាស់​ទឹកឃ្មុំ​។​


ប្រសិនបើ​អ្នក​ចង់​ទទួលទាន អ្នក​ត្រូវ​ជ្រើសរើស​ពេលវេលា​មួយ​ល្អ​បំផុត ឬ​ក្នុង​ឆ្នាំ​សរទរដូវ ជា​រដូវ​សមស្រប​បំផុត ដើម្បី​អាច​ប្រើប្រាស់​ទឹកឃ្មុំ ពេលព្រឹក ជា​ពេល​ប្រើ​ទឹកឃ្មុំ​ល្អ​បំផុត​។ មនុស្ស​ម្នាក់ៗ គួរ​ទទួលទាន ២៥​ក្រាម ដល់ ៥០​ក្រាម ទឹកឃ្មុំ​ជាមួយ​ទឹក​ក្តៅ​ឧណ្ហៗ​។​

​ពេលព្រឹក អ្នក​អាច​ទទួលទាន​ទឹកឃ្មុំ​ជាមួយ​នំប៉័ង ឬ​បន្ថែម​ទឹកឃ្មុំ​ទៅក្នុង​ទឹកដោះគោ​។ ប្រសិន​អ្នក​ទទួលទាន​ទឹកឃ្មុំ ចន្លោះ​ពេលបាយ​នោះ គួរ​ទទួលទាន​ប្រមាណ​មួយ​ម៉ោង​មុន ឬ​២-៣​ម៉ោង ក្រោយ​ពេលបាយ​។​

​ទឹកឃ្មុំ​ស្រស់ អាច​ទទួលទាន​បាន​ភ្លាម ឬ​អ្នក​អាច​បន្ថែម​ទឹក​ក្តៅ​ឧណ្ហៗ ចូល​បន្តិច​។ អ្នក​ត្រូវ​ចាំ​ថា មិនត្រូវ​ប្រើ​ទឹក​ក្តៅ​ខ្លាំង ព្រោះ​សីតុណ្ហភាព​ខ្ពស់ នឹង​បំផ្លាញ្ញ​ពពួក​អង់​ហ្ស៊ី​ម​។ សីតុណ្ហភាព ទឹក​ល្អ​បំផុត គឺ​ប្រមាណ​ពី ៤០-៦០ អង្សា​សេ​។ ជាងនេះទៀត ទឹកឃ្មុំ មិនត្រូវ​ដាក់​ក្នុង​ធុង​ផ្ទុក​លោហធាតុ​៕

​គួរ​ប្រយត្ន័​ក្នុង​ការជំរុញ​ឲ្យ​សម្រាល​កូន​មុន​ពេល​កំណត់​

ការជំរុញ​ឲ្យ​សម្រាលកូ​ន​មុន​ពេល​កំណត់ គឺជា​ការ​ដែល​គ្រូពេទ្យ​ជំរុញ​ឲ្យ​ឈឺពោះ​សម្រាលកូន ឬ​សម្រាលកូន​មុនពេល ដែល​ម្តាយ​ឈឺពោះ​ដោយ​ខ្លួនឯង តាម​ធម្មជាតិ ដើម្បី​សុវត្ថិភាព​របស់​ម្តាយ និង​ទារក​នៅ​ក្នុង​គភ៌ ព្រោះ​ភាពខុសប្រក្រតី​ខ្លះ ។ មុន​ពេល​សម្រាល គ្រូពេទ្យ​តែងតែ​ពិនិត្យមើល​មាត់ស្បួន​ជាមុនសិន ប្រសិនបើ​មាត់ស្បូន ចាប់ផ្តើម​ទន់​បង្ហាញថា ម្តាយ​អាច​សម្រាលកូន​បាន​ហើយ ។ តែ​ប្រសិនបើ​មាត់ស្បូន នៅ​រឹង​ការជំរុញ​ឲ្យ​សម្រាលកូ​ន មិន​អាចធ្វើ​បាន​នោះ​ទេ ដែល​តម្រូវឲ្យ​ធ្វើ​ការវះកាត់ ។​
ការជំរុញ​ឲ្យ​សម្រាល​នៅពេលដែល​មិនទាន់​ដល់​ពេល​សមស្រប អាច​ផ្តល់​ផល​មិន​ល្អ ព្រោះ​អាច​មាន​ជំងឺ​ដ៏​ទៃ​ជ្រៀតជ្រែក ឬក៏​មាន​គ្រោះថ្នាក់​ដល់​ម្តាយ បន្ទាប់​ពី​ជំរុញ​ឲ្យ​សម្រាល​កូនមុន​ពេល​កំណត់ សុក​ធ្លាក់​មុន​ពេល​កំណត់ ឬ​ស្បូន​បែក​ក្រោយពេល​សម្រាល ដោយ​លំបាក ។​
ហេតុនេះហើយ ប្រសិនបើ​អ្នក​មានគភ៌ និង​មាន​សុខភាព​ធម្មតា អ្នក​គួរ​រង់ចាំ​ឲ្យ​ឈឺពោះ​សម្រាលកូន តាម​បែប​ធម្មជាតិ គឺជា​ការ​ល្អ​បំផុត ៕

បុរសគ្មានកូនងាយកើតមហារីក

បុរស​គ្មាន​កូន​កើន​គ្រោះថ្នាក់​កើត​ជំងឺមហារីក​ខ្ពស់ជាង​៨​ដង​ប្រៀប​នឹង​ធម្មតា​
​ការស្រាវជ្រាវ​ថ្មី​១ របស់​សកល​វិទ្យាល័យ​វេជ្ជសាស្ត្រ Stanford អាមេរិក បាន​ឲ្យ​ដឹងថា បុរស​គ្មាន​កូន​អាច​កើន​គ្រោះថ្នាក់​កើត​ជំងឺមហារីក​ខ្ពស់ជាង​៨​ដង​ប្រៀប​នឹង​ធម្មតា ។​
​ការស្រាវជ្រាវ​បង្ហាញ​ថ​ថា បុរស​អាយុ​ក្រោម​៣០​ឆ្នាំ​ត្រូវ​វិនិច្ឆ័យ​មិន​ផលិត​មេជី​វិត រូបភាព​គ្មាន​កូន​១ មានការ​ប្រឈម​កើត​ជំងឺមហារីក​កើន​៨​ដង ប្រៀប​នឹង​បុរស​ធម្មតា ។​
​ប្រធាន​ក្រុម​ស្រាវជ្រាវ បណ្ឌិត Michael Eisenberg នៅ​សកល​វិទ្យាល័យ​វេជ្ជសាស្ត្រ Stanford ឲ្យ​ដឹងថា "​ប្រសិន​ពងស្វាស​មិនអាច​ផលិត​មេជី​វិត​... ផ្លូវ​នាំ​មេជី​វិត​អាច​ត្រូវ​ច្របូកច្របល់ នាំ​ដល់​ហានិភ័យ​កើត​មហារីក​ខ្ពស់​" ។​
​គ្មាន​កូន​ជា​ស្ថានភាព​ទូទៅ​គួរ​សមនៅ​អាមេរិក ឥទ្ធិពល​ដល់​មនុស្ស​៤​លាន​នាក់ ក្នុងនោះ ពី​៥-១០% ត្រូវ​វិនិច្ឆ័យ​ថា គ្មាន​មេជី​វិត ប្រហាក់ប្រហែល​នឹង ៦០០.០០០​នាក់ នៃ​បុរស​ក្នុង​វ័យ​បង្កើតកូន ។​
​ដើម្បី​ស្វែងយល់​ច្បាស់​ជាង​អំពី​ទំនាក់ទំនង​រវាង​មហារីក និង​គ្មាន​កូន បណ្ឌិត Eisenberg និង​ក្រុម​ស្រាវជ្រាវ​របស់លោក​បាន​វិភាគ​ទិន្នន័យ​របស់​បុរស​គ្មាន​កូន ២.២៣៨​នាក់ មាន​អាយុ​មធ្យម ៣៥,៧​ធ្លាប់ជា​អ្នកជំងឺ​នៅ​សកល​វិទ្យាល័យ​វេជ្ជសាស្ត្រ Baylor នៅ Howston ។ ក្នុងនោះ ៤៥១​នាក់ ពុំមាន​មេជី​វិត និង ១៧៨៧​នាក់ គ្មាន​កូន ។ ទឹកកាម​របស់​បុរស​ទាំងនេះ ត្រូវបាន​វិភាគ​និង​តាមដាន​ក្នុងអំឡុងពេល​ពី ៦-៧​ឆ្នាំ ។ លទ្ធផល​បុរស​ពុំមាន​មេជី​វិត​កើន​ខ្ពស់​គ្រោះថ្នាក់​មហារីក​ពងស្វាស ដុំ​គីស​កំណាច មហារីក​ក្រពេញ​ប្រូ​ស្តា​ត​... ។ ជាក់ស្តែង​ក៏​បង្ហាញថា ២៩​ករណី​ក្នុង ២២៣៨ ករណី នៃ​បុរស​គ្មាន​កូន​កើត​ជំងឺមហារីក​អំឡុងពេល​ពី ៥-៨​ឆ្នាំ ពីក្រោយ​ពេល​គេ​ទៅពិនិត្យ​សុខភាព ៕​M

លើស​ជាតិ​ដែក​ងាយ​បង្ក​ជា​ជំងឺមហារីក

​ដែក ជា​សារជាតិ​សំខាន់​មួយ​ក្នុង​សរីរាង្គ មាន​វត្តមាន​ក្នុង​គ្រប់​កោសិកា និង​ចាំបាច់​បំផុត​ក្នុង​ការរក្សា​ភាព​មាំមួន​របស់​ប្រព័ន្ធ​អង្គ​បដិបក្ខ សាច់ដុំ និង​សម្រួលការ​រីកចម្រើនរ​បស់​កោសិកា ។ ខ្វះ​ជាតិ​ដែក អាច​បង្ក​ការខ្វះ​ឈាម ដូច្នេះហើយ​កុមារ និង​ស្ត្រី ច្រើនតែ​ត្រូវបំពេញ​បន្ថែម​ជាតិ​ដែក ។ ប៉ុន្តែ​ការ​សល់​ជាតិ​ដែក បែរជា​អាច​បង្ក​ជា​ជំងឺមហារីក​ច្រើន​ប្រភេទ ។​
​ពួក​អ្នកជំនាញការ​ផ្នែក​ជីវជាតិ បានឱ្យដឹងថា ដែក​សំខាន់​អស្ចារ្យ​ចំពោះ​សរីរាង្គ ។ ខ្វះ​ជាតិ​ដែក អាច​បណ្តាលឱ្យ​ខ្វះ​ឈាម ឈឺ​ថ្កាត់ និង​ទ្រុឌទ្រោម ហើយ​ថែមទាំង​បណ្តាលឱ្យ​បាត់បង់​ជីវិត ។ ប៉ុន្តែ​ជាតិ​ដែក​លើស បែរជា​គ្រោះថ្នាក់​ទៅវិញ និង​ជា​មូលហេតុ​បង្ក​ជា​ជំងឺ​តម្កាត់​ជាច្រើន ពិសេស​គឺ​ជំងឺមហារីក ។ បរិមាណ​ជាតិ​ដែក​ច្រើន​ហួស​ក្នុង​របប​អាហារ​ប្រចាំថ្ងៃ អាចជា​មូលហេតុ​រីកចម្រើន​ជំងឺមហារីក​ថ្លើម និង​ក្រិន​ថ្លើម ។ របប​ទទួលទាន​លើស​ជាតិ​ដែក ក៏​អាច​បង្ក​ជា​ជំងឺមហារីក​ដោះ មហារីកក្រពះ សួត ប្លោកនោម​... ។​
​ពួក​អ្នកជំនាញការ បាន​ព្រមាន​ថា  ជាតិ​ដែក ក៏ដូចជា ជាតិ​សំណ បា​រ៉​ត អាលុយមីញ៉ូម​ដែរ គឺជា​សារជាតិ​សន្សំទុក មិនអាច​បញ្ចេញ​ចោល ។ ក្នុង​មួយថ្ងៃ យើង​អាច​បញ្ចេញ​តែ​ប្រមាណ​១,២ មិ​ល្លិ​ក្រាម មិន​ចំពោះ​ថា ស្រូបយក​តិច ឬ​ច្រើន​នោះទេ ។ ដូច្នេះ​ប្រសិន​ដែក​ត្រូវបាន​ស្រូបយក​ច្រើន ជា​បរិមាណ​ចាំបាច់ គឺ​ពិបាក​នឹង​កម្ចាត់​វា​ចេញពី​សរីរាង្គ​ណាស់ ។ ភាគច្រើន​នៃ​បរិមាណ ដែក​សល់​នឹងត្រូវ​ស្តុក​ទុក​ក្នុង​ថ្លើម ។​
​តម្រូវការ​ដែក​ក្នុង​សរីរាង្គ​មួយថ្ងៃ​គឺ​៖​កុមារ​(១-១០​ឆ្នាំ​) គឺ​៧-១០ មិ​ល្លី​ក្រាម ។ ស្ត្រី​(១៩-៥០​ឆ្នាំ​) គឺ ១៨​មិ​ល្លី​ក្រាម ។ ស្ត្រី​មានគភ៌ គឺ​២៧​មិ​ល្លី​ក្រាម ។ ស្ត្រី​ឱ្យ​កូនបៅ​ពី​៩-១០ ម​មិ​ល្លី​ក្រាម​។ បុរស​(​អាយុ​ពី​១៩​ឆ្នាំ​) គឺ ៨ មិ​ល្លី​ក្រាម ៕

ក្មេងៗ​ដែល​ញៀន​ទូរទស្សន៍​និង​កុំព្យូទ័រ​ប្រឈម​នឹង​ការ​ខូចសុខភាព​អស់​មួយជីវិត

ក្រុមគ្រូពេទ្យ​ល្បីៗ​របស់​អង់គ្លេស​បាន​និយាយ​នៅថ្ងៃនេះ​ថា ក្មេងៗ​នា​សម័យ​បច្ចុប្បន្ននេះ​កំពុងតែ​ប្រឈម​នឹង​ការពឹងផ្អែក​ក្នុង​ជីវិត​រស់នៅ​លើ​ទូរទស្សន៍ និង អេក្រង់​កុំព្យូទ័រ​ហើយ ។ ហើយ​គ្រូពេទ្យ​ចិត្តសាស្ត្រ​ម្នាក់​បាន​ព្រមាន​ថា ការកើនឡើង​ការ​ញៀន​នឹង​ទូរទស្សន៍​និង​កុំព្យូទ័រ​អាច​នឹងធ្វើ​ឲ្យ​ក្មេងៗ​ជំនាន់​ក្រោយ​រង​នូវ​ការបំផ្លាញ​ដល់​រាងកាយ​ក៏ដូចជា​ខួរក្បាល​ផងដែរ។​

​ស្ថិតិ​ចុងក្រោយ​បាន​បង្ហាញថា​ក្មេងៗ​អាយុ​ចន្លោះ ១២ ទៅ ១៥ ឆ្នាំ​បាន​ចំណាយពេល​ជា​មធ្យម​ច្រើនជាង​ប្រាំមួយ​ម៉ោង​អង្គុយ​នៅមុខ​អេក្រង់​កុំព្យូទ័រ​ឬ​ទូរទស្សន៍។ អ្វីដែល​គួរ​ឲ្យ​ភ្ញាក់ផ្អើល​នោះ​គឺថា ទិន្នន័យ​នេះ​បាន​ផ្តោត​តែ​ទៅលើ​ការប្រើ​កុំព្យូទ័រ​ឬ​ទូរទស្សន៍​នៅផ្ទះ​ប៉ុណ្ណោះ និង​មិនបាន​ផ្តោតលើ​ការប្រើ​កុំព្យូទ័រ​នៅ​សាលារៀន ឬក៏​ឧបករណ៍​អេ​ឡិច​ត្រូ​និ​ច​ផ្សេងៗ​ដូចជា​ស្មា​ត​ហ្វូ​ន​នៅពេល​ទំនេរ​នោះឡើយ។

​វេជ្ជបណ្ឌិត​លោក អា​រិ​ក ស៊ី​ក​មែន ចង់​ឲ្យ​មានការ​ហាម​មិន​ឲ្យ​មើល​ទូរទស្សន៍​សម្រាប់​ក្មេង​តូចៗ និង ចង់​ឲ្យ​រឹតត្បិត​ខ្លាំង​បំផុត​សម្រាប់​យុវវ័យ​ក្មេងៗ ហើយ​លោក​នឹង​ព្រមាន​ថា​ឪពុកម្តាយ​ដែល​ប្រើ​បច្ចេកវិទ្យា​ធ្វើជា​អ្នកមើល​ថែកូន​ង៉ែត​អាច​នឹងធ្វើ​ឲ្យ​កូនៗ​របស់​ពួកគេ​ខូចសុខភាព​អស់​មួយជីវិត។​

​ការស្រាវជ្រាវ​របស់លោក រួមជាមួយ​និង​ការសិក្សា​របស់​អ្នកស្រាវជ្រាវ​ដទៃទៀត​បា​ន​ភ្ជាប់​ទំនាក់ទំនង​ពេលវេលា​ដែល​ចំណាយ​នៅមុខ​អេក្រង់​ជាមួយនឹង​បញ្ហា​សុខភាព​ជាច្រើន​ដូចជា ជំងឺ​ធាត់​ហួសប្រមាណ​, ការកើនឡើង​ជាតិ​កូ​ឡេ​ស្តូ​រ៉ូ​ល និង ការកើនឡើង​សម្ពាធ​ឈាម​, ការធ្លាក់ចុះ​ការផ្តោត​អារម្មណ៍​លើ​មុខវិជ្ជា​គណិតវិទ្យា និង អក្សរសាស្ត្រ ក៏ដូចជា​ការប្រែប្រួល​ការ​ដេក និង ការកើត​ជំងឺ​ខួរក្បាល​ធ្ងន់ធ្ងរ​ផងដែរ។

​បញ្ហា​មួយចំនួន​អាច​បង្កឡើង​ដោយសារ​ការទទួល​ទាន​ច្រើនពេក និង កង្វះ​ការហាត់​ប្រាណ ចំណែកឯ​បញ្ហា​ផ្សេងទៀត​បង្កឡើង​ដោយ​ការប្រែប្រួល​អ័រម៉ូន ឬ ផលប៉ះពាល់​ផ្សេងៗ​មកលើ​ការ​ផ្តោតអារម្មណ៍។

​ការសិក្សា​នានា​ក៏បាន​បង្ហាញ​ដែរ​ថា​ប្រតិកម្ម​របស់​ខួរក្បាល​ចំពោះ​ហ្គេម​កុំព្យូទ័រ​គឺ​ស​ដៀង​នឹង​ប្រតិកម្ម​ដែល​ខួរ​ក្បាលមាន​ចំពោះ​សុរា និង​ថ្នាំញៀន​ផងដែរ ។ ការប្រើប្រាស់​កុំព្យូទ័រ​ឥតឈប់ឈរ​ក៏​អាចធ្វើ​ឲ្យ​ខួរក្បាល​ចុះខ្សោយ ដោយ​ធ្វើ​ឲ្យ​ខួរក្បាល​ពិបាក​ផ្តោតអារម្មណ៍​នៅពេល​មានរឿង​អ្វីមួយ​កើតឡើង៕

ហ្សែនធាត់បង្កជំងឺមហារីកស្បែក

​ការស្រាវជ្រាវ​ថ្មី​មួយ​បង្ហាញថា អ្នកមាន​ហ្សែ​ន​ធាត់​ងាយ​មានការ​ប្រឈម​កើត​ដុំ​គីស​កំណាច ពិសេស​គឺ​មហារីក​ស្បែក ។​
​ដូច​យើង​បានដឹង អ្នក​លើស​ទម្ងន់​ធាត់​ជាមួយនឹង​តួលេខ IBM (Body Mass Index តួលេខ​វាស់​កម្រិត​ធាត់​តាមរយៈ​កម្ពស់ និង​ទម្ងន់​) ខ្ពស់​មានការ​ប្រឈម​កើត​ជំងឺ​គ្រោះថ្នាក់​ជាច្រើន​ដូចជា​ទឹកនោមផ្អែម ជំងឺ​តម្រងនោម មហារីក​ស្បូន ។​
​អ្នកមាន​ហ្សែ​ន​ធាត់​ងាយ​កើត​ជំងឺមហារីក​ស្បែ​កជាង​មនុស្ស​ធម្មតា​
​ប៉ុន្តែ​ក្រោយពេល​ពិនិត្យមើល​ដុំ​គីស​នៅ​អ្នកជំងឺ​មហារីក​ជាង ១៣.០០០​នាក់ រួមជាមួយ​មនុស្ស​ធម្ម​តា ៦០.០០០​នាក់ នៅ​ពាសពេញ​ពិភពលោក ពួក​អ្នកវិទ្យាសាស្ត្រ​បាន​រកឃើញ​ហានិភ័យ​កើត​ដុំ​គីស​កំណាច​មិន​ពាក់ព័ន្ធ​អ្វី​ដល់​អត្រា​កម្ពស់​ទម្ងន់ តែ​ផ្សារភ្ជាប់​ជាមួយនឹង​អ្នកមាន intro1 សណ្ឋាន​ប្រែប្រួល​របស់​ហ្សែ​ន FTO កត្តា​តំណពូជ​សំខាន់បំផុត​របស់​ជំងឺ​ធាត់ ។​
"​ឥទ្ធិពល​របស់​ហ្សែ​ន FTO ទូលំទូលាយ​ជាង​ប្រៀប​នឹង​ការព្យាករណ៍​មុននេះ និង​ពាក់ព័ន្ធ​ច្រើន​ដល់​ពពួក​ដុំ​គីស​កំណាច ពិសេស​គឺ​មហារីក​ស្បែក "​បណ្ឌិត Mark Iles ជំនាញការ​មហារីក​នៅ​សាកលវិទ្យាល័យ Leeds ចក្រភព​អង់គ្លេស ឲ្យ​ដឹង ។​
"​គំហើញ​ដ៏​សំខាន់​នេះ មានលទ្ធភាព​ផ្តល់​ទិស​ដើរ​ថ្មី​មួយ​សម្រាប់​ពពួក​ថ្នាំ​ព្យា​ល​ដុំ​គីស​កំណាច​" លោក Julie Sharp អ្នកគ្រប់គ្រង​វិទ្យាសាស្ត្រ​ព័ត៌មាន​របស់​វិទ្យាស្ថាន​ស្រាវជ្រាវ​មហារីក​ថ្លែង ៕​M

មហារីកដោយសារខ្វះជីវជាតិ៤ប្រភេទ

​យោងតាម​ការពិសោធន៍​ជាក់ស្តែង​មួយ​របស់​ជប៉ុន​បាន​បង្ហាញថា អត្រា​ប្រឆាំង​មហារីក​របស់​ជាតិ​សរសៃ polysaccharides ក្នុង​ផ្សិត​ឡើងដល់​៨០%-៩០% ចំពោះ​ជំងឺ​ឈាមស មហារីក​បំពង់ក ក្រពះ​ថ្លើម​... ប្រការនេះ​បង្ហាញថា សារជាតិ​ជីវជាតិ​មួយចំនួន​សំខាន់​ជាពិសេស​ក្នុងការ​បង្ការ​ជំងឺមហារីក។​
-​ខ្វះ Corotene β អាច​បង្ក​ជា​មហារីក​សួត​
​បច្ចុប្បន្ន​មហារីក​សួត​នៅតែ​ជា​ជំងឺមហារីក​មាន​អត្រា​កើត​ជំងឺ​ខ្ពស់បំផុត ។ ក្រៅពី​កត្តា​ជក់បារី ប្រសិន​សរីរាង្គ​ខ្វះ Carotene β ក៏​អាច​បណ្តាល​ឲ្យ​កើត​ជំងឺ​នេះ ។ ដូច្នេះ អ្នក​ជក់បារី​យូរអង្វែង អ្នក​កើត​ជំងឺ​សួត អ្នក​ងាយ​កើត​មហារីក​សួត គួរ​ទទួលទាន​អាហារ​សម្បូរ Caroteneβ ឲ្យ​បាន​ច្រើន ដូចជា​ដំឡូងជ្វា ការ៉ុត ពួយ​ឡេង ស្វាយ ល្ហុង និង​តៅហ៊ូ​....​។​
-​ខ្វះ​ប្រូតេអ៊ីន​អាច​បណ្តាល​ឲ្យ​កើត​មហារីកក្រពះ​
​ប្រសិន​ទទួលទាន​មិន​គ្រប់​បរិមាណ​ប្រូតេអ៊ីន​ពី​អាហារ ពិសេស​គឺ​ប្រូតេអ៊ីន​គុណភាព​ចម្បង​នោះ​អាច​បណ្តាល​ឲ្យ​កើត​មហារីកក្រពះ ។​មុននេះ​មហារីកក្រពះ​ត្រូវបាន​ហៅថា "​ជំងឺ​ក្រ​" ។ ដូច្នេះ​អ្នក​កើត​ជំងឺ​រលាក​ក្រពះ អ្នក​រលាក​ដំបៅ​ក្រពះ អ្នកមាន​សមត្ថកិច្ច​អង្គ​បដិបក្ខ​ទាប និង​អ្នកមាន​ជំងឺមហារីក​ក្រពះ​ត​ពូជ​គួរ​ទទួលទាន​ឲ្យ​បាន​ច្រើន​អាហារ​មាន​ប្រូតេអ៊ីន​គុណភាព​ចម្បង ឧទាហរណ៍​ដូចជា បង្គា ត្រី​សមុទ្រ គ្រំ សណ្តែកសៀង សាច់​សុទ្ធ និង​ស៊ុតមាន់ ។​
​ក្រៅពីនេះ មិនត្រូវ​ទទួលទាន​ត្រីប្រឡាក់ ត្រសក់​ជ្រក់ មាន​ផ្ទុក​សារជាតិ nitrosamine បង្ក​មហារីក ក៏​នឹង​បង្កើន​គ្រោះថ្នាក់​កើត​ជំងឺមហារីក​ក្រពះ ។​
-​ខ្វះ​ជាតិ​សរសៃ​អាច​បង្ក​មហារីក​ពោះវៀន​
​ក្នុង​របប​អាហារ​ប្រចាំថ្ងៃ អត្រា​អាហារ​សម្បូរ​ជាតិ​ខ្លាញ់ ប្រូ​ទី​ត កាន់​តែមាន​ច្រើន បរិមាណ​ជាតិ​សរសៃ​កាន់តែ​តិច​ទៅៗ ។ អាហារ​សម្បូរ​ជាតិ​ខ្លាញ់ ប្រូ​ទី​ត​ខ្ពស់ ក្រោយពេល​បំបែក​រំ​ដើ​ក្នុង​សរីរាង្គ និង​បង្កើតជា​សារជាតិ​បង្ក​មហារ​រីក​យ៉ាងច្រើន ។ ក្នុងករណី​ខ្វះ​ជាតិ​សរសៃ សារជាតិ​មហារីក​ទាំងនេះ​នឹង​បន្សល់ទុក​ក្នុង​ក្រពះ ហើយ​ផ្តើម​ពីនេះ​បណ្តាល​ឲ្យ​កើត​មហារីកក្រពះ ។​
-​ខ្វះ​វីតាមីន D អាច​បណ្តាល​ឲ្យ​កើត​មហារីក​ក្រពេញ​ទឹកដោះ​
​ការស្រាវជ្រាវ​បង្ហាញថា បរិមាណ​វីតាមីន D ក្នុង​សរីរាង្គ​របស់​អ្នក​កើត​ជំងឺមហារីក​ក្រពេញ​ទឹកដោះ​ច្រើនតែ​ទាប ។ ពួក​អ្នកស្រាវជ្រាវ​កាណាដា នៅ​រកឃើញ​អត្រា​អ្នកជំងឺ​ត្រូវ​ខ្វះ​វីតាមីន D មានការ​ប្រឈម​បាត់បង់​ជីវិត​ខ្ពស់ ។ ដូច្នេះ អ្នក​កើត​មហារីក​ក្រពេញ​ទឹកដោះ​ដោយសារ​តំណពូជ អ្នកបង្កើត​កូន​យឺត ស្ត្រី​មជ្ឈិមវ័យ អ្នកមាន​ខួប​រដូវ​ឆាប់ ឬ​ក្រ​អស់​រដូវ​...​គួរ​ទទួលទាន​ច្រើន​អាហារ​ផ្ទុក​វីតាមីន D ដូចជា​ត្រី សាច់គោ ថ្លើម​ជ្រូក ផ្នែក​ក្រហម​ស៊ុតមាន់ ទន្ទឹមនេះ​ត្រូវ​សំដិល​ថ្ងៃជា​ប្រចាំ​ដើម្បី​ជួយ​សរីរាង្គ​សំយោគ​វីតាមីន D ៕​M

ស្ត្រីប្តូរបេះដូងដំបូងលើពិភពលោកសម្រាលកូន

ស្ត្រី​អា​ហ្ស​ង់​ទីន​មួយរូប​បាន​ក្លាយជា​មាតា​សម្រាលកូន​ដំបូង​ដោយ​វិធី​បង្ក​កំណើត​ក្រៅ​ស្បូន​ក្រោយពេល​ប្តូរ​បេះដូង។​
​នៅ​ឆ្នាំ​២០០៩ នាង Finondo បាន​ប្រឹងប្រែង​ដើម្បី​មានគ៌ភ តែ​ដល់​ឆ្នាំ​២០១១ នាង​នៅតែ​មិន​ជោគជ័យ​ក្នុង​ការបង្ក​កំណើត​តាម​ធម្មជាតិ។​

​ ក្រោយពេល​ឆ្លងកាត់​ការត្រួតពិនិត្យ​សុខភាព នាង​ដឹងថា បេះដូង​ដែល​បាន​ប្តូរ​មាន​ឥទ្ធិពល​ដល់​ដំណើរ​ការបង្ក​កំណើត។ បន្ទាប់ពីនោះ នាង​បាន​សាកល្បង​វិធី​បង្ក​កំណើត​ក្រៅ​ស្បូន ដោយ​មិន​រវល់​ដល់​ការប្រឆាំង​ជំទាស់​របស់​វេជ្ជបណ្ឌិត។ នាង​បាន​មានគ៌ភ​ភ្លាម​តាំងពី​ការសាកល្បង​លើកដំបូង ហើយ​៩​ខែក្រោយ​នាង​សម្រាល​បានកូន​ស្រី​មាន​សុខ​ភាពល្អ​ម្នាក់។​

​ វេជ្ជបណ្ឌិត​ជំនាញ​ផ្នែក​បេះដូង Sergio Perrone ឲ្យ​ដឹងថា "​នេះ​ជា​ករណី​អ្នកជំងឺ​ក្រោយ​ប្តូរ​បេះដូង មាន​គុណភាព​ជីវិត វិសេស​អស្ចារ្យ​ជាង​ប្រៀប​នឹង​ការគ្រោងទុក​"។ លោក​ក៏​សង្ឃឹមថា រឿងរ៉ាវ​អំពី​មាតា​រូ​ប​នេះ​នឹង​លើកទឹកចិត្ត​មនុស្ស​គ្រប់គ្នា​ពិនិត្យមើល​ ការផ្តល់​គ្រឿងក្នុង ព្រោះ​វា​មាន​ប្រសិទ្ធភាព​អាច​សង្គ្រោះ​អាយុជីវិត​មនុស្ស​ជាច្រើន៕​

​ˆ​ចាក់​ថ្នាំ​ធ្វើឱ្យ​ស្បែក ស អាច​មាន​គ្រោះថ្នាក់​ដល់​ជីវិត​

ស្ត្រី​ជា​ច្រើន​ប្រាថ្នា​ចង់បាន​ស្បែក ស ភ្លឺ​ស្អាត​។ ពួគេ​បានសម្រុក​ទៅ​ចាក់​ថ្នាំ​ធ្វើឱ្យ​ស្បែក ស​។ ប៉ុន្តែ​ធាតុពិត ថ្នាំ​នេះ គឺជា​អ្វី​ដែល​អាច​នាំមក​នូវ​ផលវិបាកយ៉ាង​ដូច ម្តេច​ខ្លះ​នោះ ពុំមែន​នរណាៗ ក៏​បាន​ដឹង​ឡើយ​។ ដោយសារ​តម្រូវការ​ដ៏​ច្រើន​របស់​ស្ត្រី ធ្វើឱ្យ​បរិមាណ​ប្រើប្រាស់​ថ្នាំ​ធ្វើឱ្យ​ស្បែក ស glutathione កើន​ខ្លាំងនៅលើ​ទីផ្សារ​។ glutathione ក៏​ក្លាយជា​វត្ថុធាតុដើម​ច្រើន ត្រូវបាន​ប្រើប្រាស់​នៅក្នុង​បណ្តា​ផលិតផល​ធ្វើឱ្យ​ស្បែក ស ដូចជា សាប៊ូ ក្រែ​មលាង​មុខ ក្រែម​រក្សាសំណើម និង​ក្រែមការពារ​កម្តៅថ្ងៃ ... ។

​    ​• glutathione ធាតុ​ពិត​ជា​អ្វី​?

glutathione ជា​សារធាតុ​ធម្មជាតិ មួយ​បញ្ចេញ​ដោយ​ថ្លើម ហើយ​ត្រូវបាន​ចាត់ទុកជា​ មានលទ្ធភាព​បង្កើត​កោសិកា​ជាថ្មី glutathione នៅ​ត្រូវបាន​រកឃើញ​ក្នុង​ជាលិកា​សត្វ និង​រុក្ខជាតិ​។ សារជាតិ​នេះ ក៏​មាន​នៅក្នុង​ផ្លែឈើ បន្លែ និង​សាច់​។ glutathione ជា​ប្រូតេអ៊ីន រួមមាន អាស៊ីត​អាមីន ៣​ប្រភេទៈ cycteine glutathione និង glycine ។ សឹងតែ​ទាំងអស់​នៃ​កោសិកា​របស់​មនុស្ស សុទ្ធតែ​មាន glutathione តែ​វា​ប្រមូលផ្តុំ​ច្រើន​បំផុត​នៅ​ផា​ល ថ្លើម ក្រពេញ​លំពែង និង​ភ្នែក​។ មនុស្ស​ជាច្រើន​ផឹក​ថ្នាំ​ផ្ទុក glutathione ដើម្បី​ព្យាបាល​ជំងឺ​ភ្នែក​ទប់ស្កាត់​ភាពចំណាស់​, ព្យាបាល ឬទប់ស្កាត់​ជំងឺ​ញៀន​ស្រា​, ជំងឺ​ហឺត​, មហារីក​, ជំងឺ​សរសៃឈាម​បេះដូង​(​ក្រឹន​រឹង សរសៃឈាម និង​កូ​ឡេ​ស្តេ​រ៉ូល​ខ្ពស់​) រលាក​ថ្លើម ជំងឺ​ថ្លើម ជំងឺ​ធ្វើឱ្យ​ចុះខ្សោយ ប្រព័ន្ធ​អង្គ​បដិបក្ខ​របស់​សរីរាង្គ​(​រួមមាន​ទាំង​អេដស៍ និង​ជំងឺ​អស់កម្លាំង​រ៉ាំរ៉ៃ​), បាត់​ការចងចាំ​, រលាក ឆ្អឹង​សន្លាក់ និង​ជំងឺ​Alzhemer ។ glutathione ក៏​ត្រូវបាន​ប្រើប្រាស់​ដើម្បី​បង្កើន​សមត្ថភាព​អង្គ​បដិបក្ខ​សរីរាង្គ និង​ប្រឆាំង​តប​ការពុល​លោហធាតុ ក៏ដូចជា​ពុល​ថ្នាំ​។ ក្រៅពីនេះ អាច​ចាក់ glutathione ទៅក្នុង​សាច់ដុំ​កំភួនដៃ ដើម្បី​ទប់ស្កាត់​ឥទ្ធិពល​បន្ទាប់បន្សំ​ដ៏​គ្រោះថ្នាក់ របស់​ការព្យាបាល​មហា​រីក​ដោយ​វិធី​គីមី និង​ព្យាបាល​គ្មាន​កូន​នៅ​បុរស។


​    ​•​ពី​សារជាតិ​ប្រឆាំង​អុកស៊ីត​កម្ម ដល់​សារជាតិ​ធ្វើឱ្យ​ស្បែក សៈ​
តើ glutathione ពិត​ជា​សារជាតិ​ធ្វើឱ្យ​ស្បែក ស មែន​ឬ​ទេ​? រហូតមកទល់​ពេលនេះ នៅតែ​ពុំ​ទាន់​មាន​អ្នកស្រាវជ្រាវ​ណា​ម្នាក់ បញ្ជាក់​ពីភាពជាក់ស្តែង​នៅឡើយ​។ ការពិសោធន៍​លើ​សត្វ​បង្ហាញថា កម្រិត Cysteine ខ្ពស់​(​សមាសធាតុ​សំខាន់​របស់ glutathione ធ្វើឱ្យ​ថយចុះ​ការផលិត melanin
ជាតិ​ពណ៌​បង្កើត​ពណ៌​របស់​ស្បែក​។ ប្រសិន​បរិមាណ melanin ថយចុះ ស្បែក​នឹង​ភ្លឺ​ឡើង​។ អាស្រ័យ​ហេតុ​នោះ អ្នក​មាន​កម្រិត Cysteine ខ្ពស់​នោះ នោះ​ស្បែក រាង​ល្អៀង​ទៅ​ពណ៌​លឿង​។ ប៉ុន្តែ​បណ្ឌិត Belen Dofitan នៅ​សមាគម​សើ​ស្បែក​ហ្វីលីពីន បាន​ចាត់ទុកថា អ្នក​មាន​ស្បែក​ពណ៌​ក្រហម ឬ​លឿង​ស្រាល មានការ​ប្រឈម​នឹង​កើត​ជំងឺមហារីក​ស្បែក​ខ្ពស់ជាង​។​


ចាប់តាំងពី glutathione ធម្មជាតិ ត្រូវបាន​រកឃើញ​លើកដំបូង​ក្នុង​សរីរាង្គ មនុស្ស​នៅ​ឆ្នាំ​១៨៨៨ មាន​ការស្រាវជ្រាវ​ជាង ៩០.០០០ ត្រូវបានប្រកាស​ឱ្យ​ដឹងថា glutathione ជា​សារជាតិ​ប្រឆាំង​អុកស៊ីតកម្ម​។ ប៉ុន្តែ​អំពី​ការប្រើប្រាស់ glutathione ធ្វើឱ្យ​ស្បែក​ស​នោះ មាន​ការស្រាវជ្រាវ​ដ៏​តិចតួច បង្ហាញ្ញ​ឱ្យ​ដឹង និង​ជា​ការស្រាវជ្រាវ​តូចៗ ពុំ​នាំ​មក​លទ្ធផល​ច្បាស់លាស់​។​


​    ​•​ចាក់ glutathione ពិតជា​សុវត្ថិភាព​?
​ចាក់ glutathione បាន​ក្លាយជា «ម៉ូត​» ព្រោះ​វិធីសាស្ត្រ​នេះ​នាំមក​នូវ​ប្រសិទ្ធភាព​ជា​ង​ការប្រើ​​ថ្នាំ​។ អ្នក​ប្រើ អាច​មាន​ស្បែក ស​ភ្លឺ​មួយ​រំពេច បន្ទាប់​ពីការចាក់​ប៉ុន្មាន​ម្ជុល​។ ក្រោយពេល glutathione ត្រូវបាន​គេ​និយម​ចាក់​ជាទូទៅ​នោះ នៅលើ​ទីផ្សារ​បាន​លេចឡើង​នូវ​ថ្នាំ​ក្លែងក្លាយ​យ៉ាងច្រើន​ដាក់លក់​ក្នុង​តម្លៃថោកៗ​។ អាក្រក់​ជាងនេះទៅទៀត គឺ វា​អាច​ត្រូវបាន​ផ្តល់ឱ្យ​ដោយ​វេជ្ជបណ្ឌិត​គ្មាន​ច្បាប់​អនុញ្ញាត​ត្រឹមត្រូវ​។​


ជនជាតិ​ហ្វីលីពីន​ជាច្រើន ត្រូវ​ចូល​មន្ទីរពេទ្យ​ក្រោយពេល​ចាក់ glutathione ។ អ្នកជំងឺ​មួយចំនួន​ក្រោយពេល​ចាក់​រួច​មិន​អាច​ដកដង្ហើម​បាន​។ នៅ​ខែឧសភា​ឆ្នាំ​២០១១ ស្ថាប័ន​គ្រប់គ្រង​ឱសថ និង​អាហារ​ហ្វីលីពីន (FDA) បាន​ព្រមាន​ថា ចាក់ glutathione អាច​បង្ក​ជា​បញ្ហា​សុខភាព​ធ្ងន់ធ្ងរ​ជាច្រើន
មិនតែប៉ុណ្ណោះ គឺ​បាត់បង់​ជីវិត ប្រសិន​ប្រើ​ក្នុង​បរិមាណ​ខ្ពស់ ។ glutathione ត្រូវបាន​អនុញ្ញាត​ឱ្យ​ប្រើ​តែ​ដើម្បី​ព្យាបាល​មហារីក​។ តាម FDA ឥទ្ធិពល​បន្ទាប់បន្សំ តែង​ជួបប្រទះ​ពាក់ព័ន្ធ​ដល់​ការចាក់ glutathione លើស​កម្រិត គឺ​មាន​ច្រើនយ៉ាង តាំង​ពី​ការ​ចេញ​កន្ទួល​លើ​ស្បែក ឈឺ​ពោះ ជំងឺ​អំពី ក្រពេញ​ទី​រ៉ូ​អ៊ីដ ដល់​ជំងឺ​ធ្ងន់ធ្ងរ មានលទ្ធភាព​បង្ក​ការបាត់បង់​ជីវិត ដូចជា ខ្សោយ​តម្រងនោម ជំងឺ Stevens-Johnson... ។​


​​FDA បានឱ្យដឹងថា «ការកើនឡើង​គួរ​ប្រកាសអាសន្ន​ក្នុង​ការចាក់​glutathione កម្រិត​ខ្ពស់​ដោយ​ផ្ទាល់​ទៅក្នុង​សរសៃឈាម សំដៅ​ធ្វើឱ្យ​ស្បែក ស តែមិនមាន​សុវត្ថិភាព និង​អាច​នាំ​ដល់​ផលវិបាក​ធ្ងន់ធ្ងរ មាន​ឥទ្ធិពល​ដល់​សុខភាព​របស់​អ្នកប្រើប្រាស់​»៕​

​ˆ​មើល​ភាពយន្ត​ភ័យរន្ធត់​ក៏​ជួយ​សម្រក​ទម្ងន់​

ពួក​អ្នក​ស្រាវជ្រាវ​អង់គ្លេស បាន​រកឃើញថា ការមើល​ភាពយន្ត​ភ័យ​រន្ធត់ នឹង​ជួយ​យើង​ដុតបំផ្លាញ​ថាមពល​ស្មើនឹង​ចំនួន​កាឡូរី​របស់​សូកូឡា​មួយ​បន្ទះ និង​នាំមក​នូវ​ប្រសិទ្ធភាព​បញ្ចុះ​ទម្ងន់ ស្មើ​នឹង​ការដើរ​ក្នុង​រយៈពេល​៣០​នាទី​។​

​​តាម​ពួក​អ្នកវិទ្យាសាស្ត្រ​មក​ពី​សាលា Westminster នៃ​ប្រទេស​អង់គ្លេស បាន​អះអាង​ថា «ភាពយន្ត​មាន​ខ្លឹមសារ​កាន់តែ​ព្រឺព្រួច ចំនួនកាឡូរី​ដុតបំផ្លាញ​ក្នុងពេល​មើល​ភាពយន្ត​កាន់តែ​ខ្ពស់»​។​

​​ក្រុម​ស្រាវជ្រាវ​បាន​ឱ្យ​ពួក​អ្នកស្ម័គ្រចិត្ត​មើល​ដោយ​សម្រាំង​នូវ​ភាពយន្ត​ឯកសារ​មាន​លក្ខណៈ​ភ័យរន្ធត់​មួយចំនួន​។ ពួកគេ​បាន​វា​ស់​និង​កត់ត្រា​ចង្វាក់បេះដូង បរិមាណ​អុកស៊ីហ្សែន​ស្រូបយក និង​បរិមាណ​កា​បោន ឌីអុកស៊ីត​បញ្ចោ​ញ​ចោល សំដៅ​ស្វែងយល់​អំពី​ចំនួន​ថាមពល​បាត់បង់​របស់​ពួក​អ្នកស្ម័គ្រចិត្ត​។ ក្រុម​ស្រាវជ្រាវ បាន​រកឃើញថា ជា​មធ្យម​ក្នុង​ពេល​មើល​ភាពយន្ត​ភ័យរន្ធត់ អ្នកស្ម័គ្រចិត្ត​ចំណាយ​ច្រើនជាង ១,៣ នៃ​ចំនួន​កាឡូរី បើ​ប្រៀបធៀប​នឹង​ពេល​ពួកគេ​អង្គុយ​ពីមុខ​អេក្រង់​ទទេ​គ្មាន​រូបភាព​។ ហើយ​គិត​ជា​មធ្យម​មនុស្ស​ម្នាក់ៗ បាន​ដុតបំផ្លាញ្ ១១៣​កា​ឡូរី ក្នុង​រយៈពេល​ប្រមាណ ៩០​នាទី ខណៈពេល​មើល​ភាពយន្ត​ភ័យ​រន្ធត់ ប្រហាក់ប្រហែល​ចំនួន​ថាមពល​រំ​លោះ​ក្នុង​ការដើរ​រយៈពេល​៣០​នាទី និង​ស្មើ​ចំនួន​កាឡូរី​ផ្គត់ផ្គង់​ដោយ​សូកូឡា​១​បន្ទះ​។​

​​ពួក​អ្នកវិទ្យាសាស្ត្រ បានឱ្យដឹងថា ភាពយន្ត​ដែល​ធ្វើឱ្យ​អ្នកទស្សនា​ត្រូវ​ព្រឺព្រួច ឬ​រន្ធត់​ភិតភ័យ ជា​ដំណោះស្រាយ​មួយ ដើម្បី​ដុត​បំផ្លាញ​កាឡូរី​ប្រសិទ្ធភាព​បំផុត ព្រោះ​ធ្វើឱ្យ​ចង្វាក់បេះដូង​របស់​យើង​កើន​ខ្ពស់​។ លទ្ធផល​ពិសោធន៍ បង្ហាញថា ភាពយន្ត​ព្រឺ​រន្ធត់​ឆ្នាំ​១៩៨០ មាន​ចំណងជើង​ថា " The Shining" សម្តែង​ដោយ​តារាភាពយន្ត Jack Nicholson ជួយ​ឱ្យ​អ្នកទស្សនា​រំ​លោះ​ថាមពល​ច្រើន​បំផុត​ជា​មធ្យម​ឡើងដល់ ១៨៤ កា​ឡូរី​។​

​​Helen Cowley សមាជិក​ក្នុង​ក្រុម​ស្រាវជ្រាវ បានឱ្យដឹងថា «យើង​ទាំងអស់គ្នា​សុទ្ធតែ​ដឹង​ពី​អារម្មណ៍​ចង់​រត់​ពួន​ក្រោយ​កៅអី ឬ​ក្តាប់ជាប់​ខ្នើយ​ពេល​មើល​ទិដ្ឋភាព​ភាពយន្ត​ព្រឺ​ព្រួច ឬ​រន្ធត់​។ ការស្រាវជ្រាវ​នេះ បង្ហាញថា ប្រហែល​ជា​អ្នក​ចង់​សម្រក​ទម្ងន់​ត្រូវ​មើល​ភាពយន្ត​ព្រឺ​រន្ធត់​ជា​ប្រចាំ​»៕​

​អាហារ​ទឹកដោះគោ​ជួយ​កាត់បន្ថយ​ការ​ប្រឈម​នឹង​រោគ​ទឹកនោមផ្អែម​ ​ ​

​យោងទៅតាម​ការសិក្សា​ទៅលើ​បុរស ២.៤០០ នាក់ ដែល​ទទួលទាន​ផ​លិ​ផល​ទឹកដោះគោ ឬ ប៊័រ​រាល់ថ្ងៃ ក្នុង​រយៈពេល​ជាង​២០​ឆ្នាំ គេ​រកឃើញថា ក្រុម​បុរស​ទាំងនោះ មាន​អត្រា​ប្រឈម​នឹង​រោគ​ទឹកនោមផ្អែម ថយចុះ​អស់​ដល់​ទៅ ៦០ ភាគរយ ព្រោះ​ការទទួល​ទាន​ទឹកដោះគោ យ៉ាងហោចណាស់​ក្នុង​មួយថ្ងៃ​កន្លះ​លីត្រ ជួយ​កាត់បន្ថយ​កម្រិត​ជាតិ​ស្ករ និង​កម្រិត​ជាតិ​ខ្លាញ់​នៅក្នុង​ឈាម ក្នុងនោះ​រួមមាន​ទាំង​កាត់បន្ថយ​សម្ពាធ​ឈាម​ទៀតផង​។​
​តែ​ទោះ​យ៉ាងនេះ​ក្ដី គេ​ណែនាំ​ឲ្យ​ទទួលទាន​ប្រភេទ​មាន​ជាតិ​ខ្លាញ់​តិច ទើប​ទទួលបាន​ប្រយោជន៍​ដោយ​មិនបាច់​បារម្ភ​នឹង​ការឡើង​ទម្ងន់​ខ្លួន​នោះទេ​៕​

​ចំណុច​គួរ​យល់​ដឹង ៤​ប្រការ មុន​ប្រើ​សំឡី​អនាម័យ​

សំឡី​អនាម័យ គឺជា​របស់​ចាំបាច់​បំផុត​របស់​ស្ត្រី​គ្រប់ៗ​រូប ប៉ុន្តែ​សុភាពនារី​គ្រប់រូប អាច​មិន​ដឹង​បាន​ថា តើ​ត្រូវ​ប្រើ​សំឡី​អនាម័យ​ដូចម្តេច ដើម្បី​ឲ្យ​ចៀស​ឆ្ងាយ​ពី​រោគ​ផ្សេងៗ​។​

១-​ឧស្សាហ៍​ប្តូរ​យ៉ាងតិច​ពីរ​បន្ទះ​
​ភាព​ផ្អាប់​សើ​ម នឹង​ធ្វើឲ្យ​បាក់តេរី​នៅក្នុង​សំឡី​អនាម័យ វិវត្តន៍​បានល្អ រហូត​ទាល់តែ​អាច​ធ្វើឲ្យ​អ្នក​ឆ្លង​មេរោគ​ក្នុង​ទ្វារមាស ហើយ​ប្រសិនបើ​វា​ប្រមូលផ្តុំ​យូរៗ​ទៅ នឹង​បង្ករ​ទៅ​ជា​ជំងឺ​មហារីក​មាត់ស្បូន​។​

២-​ចៀសវាង​កន្លែង​សើមៈ​
​មិន​ត្រូវ​រក្សាទុក​សំឡី​អនាម័យ​នៅក្នុង​បន្ទប់ទឹក បើទោះបីជា​បាន​រក្សាទុក​ក្នុង​ថត​ឆ្ងាយ​ពី​រ៉ូ​ប៊ីណេ​ទឹក​ហើយ​ក៏​ដោយ ពីព្រោះ​សាច់​ក្រណាត់​សំឡី​ដែល​ទន់ៗ បឺត​ស្រូប​យក​ជាតិ​សើម​បាន​សម​ជាង​កន្លែង​សប្បាយ​របស់​មេរោគ​បំផុត​។ ដូច្នេះ​ដើម្បី​សុវត្ថិភាព គួរតែ​រក្សាទុក​សំឡី​អ​នា​ម័នៅកន្លែង​ស្ងួត​ល្អ​ដូចជា ក្នុង​ទូ​សម្លៀកបំពាក់​ជា​ដើម​។​


៣-​អាន​កាលបរិច្ឆេទ​ផុត​កំណត់ប្រើៈ​
​លទ្ធផល​នៃ​ការស្រាវជ្រាវ​មួយ អ្នកវិទ្យាសាស្ត្រ បាន​រកឃើញថា មាន​ស្ត្រី​មិន​ដល់​មួយ​ភាគរយ ដែល​បាន​សង្កេតមើល ថ្ងៃ ខែ ផុតកំណត់​ប្រើប្រាស់ របស់​សំឡី​អនាម័យ​។ បើទោះជា​វា​ដូចគ្នា​នឹង​ទំនិញ​ផ្សេងៗ ពោល​គឺ​កាន់តែ​ជិត​ដល់​ថ្ងៃ​ផុតកំណត់​ប្រើ នោះ​គុណភាព​កាន់តែ​ចុះថយ​។

៤-​សំឡី​អនាម័យ​ជប់​ខ្លាំង ប្រយោជន៍​តិចៈ​
​ស្ត្រី​ខ្លះ​ចូលចិត្ត​ប្រើ​សំឡី​អនាម័យ​ជា​ប្រភេទ​បឺត ជប់​ខ្លាំង ដើម្បី​មិនចាំបាច់​ប្តូរ​ពេញ​មួយថ្ងៃ​។ សូមជម្រាបថា នេះ​ជា​គំនិត​ដ៏​គ្រោះថ្នាក់​បំផុត ពីព្រោះ​ឈាមរដូវ ជា​អាហារ​របស់​បាក់តេរី ដូច្នេះ​គោលការណ៍​ប្រើ​សំឡី​អនាម័យ​ដ៏​ត្រឹមត្រូវ គឺ​ត្រូវ​ប្តូរ​រៀងរាល់ ២​ម៉ោង​ម្តង ដើម្បី​ឲ្យ​ទ្វារមា​សស្អាត មិន​សើម​ផ្អាប់ ហើយ​វិធី​នេះ​ជួយ​កាត់បន្ថយ​ឱកាស​កើត​មហារីក​មាត់ស្បូន​បាន​មួយ​ផ្នែក​ទៀត​ផង​៕

ទទួលទាន​ទឹក ១,៥ លីត្រ​ល្អ​ចំពោះ​សុខភាព

​ទឹក​មាន​ប្រយោជន៍​ខ្លាំងណាស់​សម្រាប់​សុខភាព ពីព្រោះ​រាងកាយ​មិន​អាច​នៅ​បាន​ទេ​បើ​ខ្វះ​ទឹក ។ វា​មិន​គ្រាន់តែ​ជួយ​សម្រួល​ចរន្តឈាម​ឲ្យ​រត់​ស្រួល​ប៉ុណ្ណោះ​ទេ ថែម​ទាំង​នាំយក​សារធាតុ​អាហារ​ផ្សេងៗ​ទៅ​ចិញ្ចឹម​កោសិកា កម្ចាត់​ជាតិពុល សម្រួល​សីតុណ្ហភាព ក្នុង​រាងកាយ​ឲ្យនៅ​ថេរ ។ ប្រសិនបើ​បាន​ផឹកទឹក​ឲ្យបាន​មួយថ្ងៃ ១,៥ លីត្រ និង​ជួយ​កាត់បន្ថយ​ឱកាស​ក្នុងការ​កើតរោគ​បាន​គ្រប់​ប្រភេទ​ទៀតផង ៕

ការសិក្សា​៖ អង្គុយ​ច្រើនពេក​នាំ​អោយ​អាយុ​ខ្លី​

យោងតាម​ការសិក្សា​មួយ​របស់​ប្រទេស​អូស្ត្រាលី ដែល​បាន​សម្លឹង​មើល​អត្រា​មរណៈភាព នៅ​អំឡុង​រយៈពេល​បី​ឆ្នាំ​កន្លងមក​បានឲ្យដឹងថា មនុស្ស​ដែល​បាន​ចំណាយពេល​ជាច្រើន​អង្គុយ​នៅ​តុ ឬ​នៅ​មុខ​ទូរទស្សន៍ ទំនងជា​មាន​អត្រា​ស្លាប់​ច្រើន​ជាង​អ្នក​ដែល​អង្គុយ​ត្រឹម​តែ​ពីរ​បី​ម៉ោង​ក្នុង​មួយ​ថ្ងៃ​។​

​ក្រុម​អ្នកស្រាវជ្រាវ ដែល​លទ្ធផល​ធ្វើតេស្តិ៍​របស់​ពួកគេ​លេចឡើង​នៅ​ក្នុង​ទស្សនាវដ្តី​វេជ្ជសាស្ត្រ Archives of Internal Medicine បាន​រកឃើញថា ទំនាក់ទំនង​រវាង​ការ​អង្គុយ​ច្រើនពេក​ និង​អាយុ​ខ្លី​ពាក់ព័ន្ធ​គ្នា​បំផុត នៅពេលដែល​ពួកគេ​វិនិច្ឆ័យ​ពី​កម្រិត​ដែល​មនុស្ស​ហាត់ប្រាណ​សម​ល្មម​និង​មនុស្ស​ហាត់ប្រាណ​ខ្លាំងក្លា រួម​ទាំង​ទម្ងន់​របស់​ពួកគេ និង​ការវាស់ស្ទង់​ពី​សុខភាព​ផ្សេងៗ​ទៀត​។​

​ពួកគេ​បាន​បន្ថែមថា ការ​ស្រាវ​ជ្រាវនោះ​ផ្តល់​នូវ​យោបល់​ថា ការផ្លាស់ប្តូរ​ពេលវេលា​ខ្លះៗ ពី​ការ​អង្គុយ​ទៅ​ជាការ​មាន​សកម្មភាព​ផ្នែក​រាងកាយ​ស្រាលៗ ដូចជា​ការដើរ​យឺតៗ ឬ​កិច្ចការ​កំប៉ិកកំប៉ុក​ឲ្យ​សកម្ម ប្រហែលជា​មាន​អត្ថប្រយោជន៍​សំខាន់​ជា​យូរអង្វែង​។​

​បណ្ឌិត Hidde van der Ploeg ប្រធាន​និពន្ធ​មកពី​សាកលវិទ្យាល័យ​ស៊ីដ​នី សម្រាប់​ការសិក្សា​ថ្មី​នេះ បាន​និយាយថា "​នៅពេលដែល​យើង​ផ្តល់​សារ​ឲ្យ​មនុស្សម្នា ស្តី​អំពី​កម្រិត​សកម្មភាព​រាងកាយ​ដែល​ពួកគេ​គួរតែ​ធ្វើ​នោះ យើង​ក៏​ចាំបាច់​ត្រូវ​ពិភាក្សា​ជាមួយ​ពួកគេ​ស្តីអំពី​ការកាត់បន្ថយ​ចំនួន​ម៉ោងដែល​ពួកគេ​ត្រូវ​ចំណាយ​លើ​ការ​អង្គុយ​ជា​រៀងរាល់ថ្ងៃ​ផងដែរ​"៕

គេង​យប់​បើកភ្លើង​ងាយ​បណ្តាល​ឲ្យ​ធាត់​

ការគេងឬធ្វើការក្រោមពន្លឺភ្លើងរយៈពេលវែងពេលយប់ជ្រៅអាចបង្កឲ្យធាត់។
ផ្អែកតាមការវាយតម្លៃពីការពិសោធន៍លើសត្វកណ្តុរ ក្នុងរយៈពេលវែង សកលវិទ្យាល័យរដ្ឋ Ohio អាមេរិក បានរកឃើញថា សត្វកណ្តុរត្រូវរស់នៅក្រោមពន្លឺភ្លើងនៅពេលយប់អាចកើនទម្ងន់ជាង៤០% ។
ព្រោះថាពន្លឺភ្លើងរំញោចដល់តំបន់បំប្លែងសារជាតិរបស់ខួរក្បាលធ្វើឲ្យច្របូកច្របល់សមត្ថកិច្ចបំប្លែងសារជាតិ បង្កស្ថានភាពសន្សំជាតិខ្លាញ់ហួសកម្រិត ផ្តើមពីនោះនាំដល់ការកើនទម្ងន់មិនគ្រប់គ្រងបាន ។
ពួកអ្នកវិទ្យាសាស្ត្រអាមេរិកថ្មីៗនេះបានចង្អុលបង្ហាញថា នៅបណ្តាទីក្រុងធំៗកន្លែងដែលមានភ្លើងអគ្គិសនីជាប់រហូត អត្រាមនុស្សធាត់កើនខ្ពស់ ។ ការគេងឬធ្វើសកម្មភាពនឹងធ្វើការក្រោមពន្លឺភ្លើងរយៈពេលវែងពេលយប់ជ្រៅបង្កការប្រែប្រួលក្រឹត្យក្រមបំប្លែងសារជាតិ  នាំដល់តម្រូវការទទួលទានក៏ប្រែប្រួល ។
មានប្រភេទពន្លឺភ្លើងជាច្រើនពេលយប់ដូចជាពន្លឺពីអំពូលអគ្គិសនីក្នុងបន្ទប់តាមដងផ្លូវ បញ្ចេញពីទូរទស្សន៍ ឬម៉ាស៊ីនកុំព្យូទ័រ ។ ដោយគ្រាន់តែមានសកម្មភាពក្រោមពន្លឺទាំងនេះ ពេលយប់ជ្រៅនឹងបង្កើនហានិភ័យត្រូវធាត់ ។ ដូច្នេះហើយពួកអ្នកជំនាញការទូន្មានថា ពេលគេងត្រូវបិទភ្លើងទាំងអស់ កាន់តែយប់ជ្រៅ កាន់តែបន្ថយដង់ស៊ីតេពន្លឺរបស់ទូរទស្សន៍ និងកុំព្យូទ័រ សំដៅបន្ថយឥទ្ធិពលអាក្រក់ដល់សុខភាព ៕M

ពេលវេលា​គ្រោះថ្នាក់​នៃ​ជំងឺ​គាំងបេះដូង​

ភាព​តានតឹង​អារ​ម្មរណ៍ ពុំមែន​ជា​កត្តា​តែមួយ ដែល​មាន​គ្រោះថ្នាក់​ចំពោះ​បេះដូង​នោះទេ នៅ​មាន​កត្តា​ផ្សេងៗ​ទៀត ដែល​អាច​គ្រោះ​ថា្នក់ ចំពោះ​ជំងឺ​បេះដូង ដែល​អ្នក​គួរ​ប្រយត្ន័ :

​១- ពេលព្រឹក :
​​អ្នក​ស្រាវជ្រាវ​ពី​សកលវិទ្យា​លយ័ហា​រវ៉ា​ដ ( Harvard ) បាន​វាយតម្លៃ​ថា ក្នុង​ពេល​ព្រឹក​អត្រា ប្រឈម​នឹង​ការ​គាំ​បេះដូង កើនឡើង​ដល់ ទៅ​៤០% ព្រោះ​ខណៈ​ពេល​អ្នក​ភ្ញាក់​ពី​ដំណេក រាងកាយ​បញ្ចេញ​សារធាតុ​ផ្សេងៗ ទាំង​អា​ឌ្រី​ណាលីន ( Adrenaline ) និង​អ័រម៉ូន​នៃ​ភាព​តានតឹង ផ្សេងៗ ធ្វើឲ្យ​សម្ពាធ​ឈាម​កើនឡើង​ខ្ពស់ និង​ត្រូវការ​អ៊ុក​ស៊ីហ្សែ​ន កាន់តែច្រើន ។ ម្យ៉ាងវិញទៀត ការ​ដែល​អ្នក​ខ្វះ​ជាតិ​ទឹក ទើប​ធ្វើឲ្យ​ឈាមមាន កំហាប់​ខ្ពស់ជាង​មុន និង​ឈាម​ពិបាក​រត់ ។ ទាំងអស់​នេះ​សុទ្ធតែ​ជា​ភារះ​ដ៏​ធ្ងន់ ចំពោះ​បេះដូង ។
​- ការបង្កា : គួរ​ដាក់​នាឡិការោទ៍ ជា​ជំនួយ​ខ្លះ​អ្នកនឹង​បាន​ចុះ​បិទ រួច​ភ្ញាក់​ពី​ដំណេក​សន្សឹមៗ ។ ចំណែកឯ​អ្នក​ចូលចិត្ត​ហាត់ប្រាណ​នៅ ពេលព្រឹក​ត្រូវធ្វើ​ចលនា​បន្តិច​បន្ទូច កម្តៅ​រាងកាយ​ជាមុន ដើម្បី​បន្ទូរបន្ថយ​ភាព​តានតឹង ចំពោះ​បេះដូង ។ រីឯ​អ្នក​ដែល​ទទួល​ទាន​ថ្នាំ​បញ្ចុះ​សម្ពាធ​ឈាម គួរតែ​ទទួល​ទាន​ថ្នាំ​មុនពេល​ចូល​គេង លុះ​ព្រឹក​ឡើង ថ្នាំ​នឹង​បញ្ចេញ​ប្រសិទ្ធិភាព​បានល្អ ។​

២- ព្រឹក​ថ្ងៃ​ចន្ទ​ដ៏​គ្រោះថ្នាក់ :
មនុស្ស​គ្រប់គ្នា​តែងតែ​ភយ័ខ្លាច​ថ្ងៃច​ន្ទ ហើយ​ខាង​វិទ្យាសាស្ត្រ​ក៏មាន​ហេតុផល ដែល​អាច​អធិប្បាយ​បាន​ថា ព្រោះ​អាច​បណ្តាលមកពី ទាំង​ភាព​តានតឹង​និង​ភាព​កង្វល់ ដែល​ត្រូវ​ត្រឡប់​ទៅ​ធ្វើការ​វិញ ទើប​ព្រឹក​ថ្ងៃ​ចន្ទ នាំមក​នូវ​ស្ថិតិ​គាំងបេះដូង ច្រើន​ជាង​ធម្មតា​ដល់​ទៅ​២០%  ។
​- ការបង្ការ : គួរ​សម្រាក​ឲ្យបាន​ពេញលេញ នៅ​ថ្ងៃ​អាទិត្យ ប៉ុន្តែ​មិន​ត្រូវ​ជ្រុល​នៅរ​ហួត​ដល់​យប់​ជ្រៅ​នោះទេ ។ បើ​អ្នក​ចូល​គេង​យប់ ជ្រៅ​ពេក ទាំង​ថ្ងៃ​សៅរ៍ និង​ថ្ងៃ​អាទិត្យ រាងកាយ​របស់​អ្នកនឹង​អស់កម្លាំង ដូច្នេះ​អ្នក​គួរ​ចូល​គេង និង​ភ្ញាក់​ពី​ដំណេក​ឲ្យបាន​ទៀងទាត់​ជា​រៀងរាល់ថ្ងៃ ជា​ការប្រសើរ​ជាង ។​

​៣- ក្រោយពេល​ទទួល​ទាន​អាហារ​ច្រើន :
បន្ទាប់ពី​ទទួល​ទាន​អាហារប៊ុ​ហ្វ​ហ្វេថ៍​ឆ្ងាញ់មាត់​យ៉ាង​ច្រើន​ហើយ​នោះ អ្នក​មិន​បានដឹង​ទេ​ថា បេះដូង​នឹង​ទទួល​ផលប៉ះពាល់​ខ្លាំង​យ៉ាងណា ? មាន​ការសិក្សា​ជា​ច្រើន ដែល​ចង្អុលបង្ហាញ​ឲ្យឃើញថា អាហារ​ដែល​មាន​ទាំង​ជាតិ​ខ្លាញ់ និង​ការ​បូ​អ៊ី​ដ្រាត ច្រើន នឹង​ធ្វើឲ្យ​សរសៃឈា​មត្បៀត ឬ​ស្ទះ​បាន​ដោយ​ងាយ ។
​- ការបង្ការ : បើ​អ្នក​ចង់​ទទួលទាន​តាម​មាត់​ឃ្លាន គួរ​ទទួល​ទាន​តាម​អាហារ​ក្រុម​នីមួយៗ ក្នុង​កម្រិត​សមស្រប ។ ក្រៅពីនេះ ថ្នាំ​អាស្ពីរីន​ក៏​អាច​ជួយ​បង្ការ​មិន​ឲ្យ​ឈាមឡើង​កំហាប់​ខ្ពស់​បាន​ដែរ ។

៤- ក្នុងពេល​បន្ទោ​របង់ :
​ទោះ​ជា​អ្នក​មិន​ចង់​គាំងបេះដូង​ក្នុងពេល​នៅក្នុង​បន្ទប់​ទឹកក្តី ប៉ុន្តែ​វា​ជា​រឿង​ដែល​អាច​កើតឡើង​បាន​យ៉ាង​ពិតប្រាកដ ។ ការ​ប្រឹង​ពោះ ក្នុងពេល​បន្ទោ​របង់​លាមក នឹង​ទៅ​បង្កើន​កម្លាំង​សម្ពាធ​ក្នុង​ទ្រូង ធ្វើឲ្យ​ឈាម​ហូរ​ត្រឡប់​មក​កាន់​បេះដូង​វិញ មាន​ភាពយឺតយ៉ាវ ។
​- ការបង្ការ : គួរ​ទទួល​ទាន​អាហារ​ដែល​មានកា​ក​សរសៃ​ច្រើន​មិន​ត្រូវ​បណ្តោយឲ្យ​រាងកាយ​ខ្វះ​ជាតិ​ទឹក​នោះទេ និង​គួរ​ចៀសវាង​ការ ប្រើ​ក្បាលពោះ​ខ្លាំងពេក ។

៥- ក្នុងពេល​ហាត់ប្រាណ​ខ្លាំង :
ការ​គាំងបេះដូង​អាច​កើតឡើង​បាន ដោយសារ​អ្នកជំងឺ​មិន​បាន​សុំា​នឹង​ការ​ហាត់ប្រាណ បញ្ចេញ​កម្លាំង​ខ្លាំង គួបផ្សំ​អរ័​ម៉ូន​នៃ​ភាព​តានតឹង កើនឡើង​ច្រើន​ផង​នោះ ធ្វើឲ្យ​សម្ពាធ​ឈាម​និងអ​ត្រាលោត​នៃ​ជីពចរ កើនឡើង​ខ្ពស់​តែម្តង ។
​- ការបង្ការ : ជា​ការពិត​ណាស់​ដែល​ថា ការធ្វើ​លំ​ហាត់ប្រាណ ជួយ​ការពារ​បេះដូង​បាន​យ៉ាង​ល្អ ប៉ុន្តែ​គួរ​ធ្វើ​ជា​សន្សឹមៗ បង្កើន​កម្លាំង​នៃ ការ​ហាត់ប្រាណ​បន្តិច​ម្តងៗ​ប្រសើរ​ជាង ។

៦- ពេល​ឈរ​និយាយ​នៅ​ចំពោះ​មុខ​អ្នក​ដ៏​ទៃ :
​ជួនកាល​អ្នក​អាច​មាន​អារ​ម្មរណ៍​ថា ការនិយាយ​នៅ​ចំពោះ​មុខ​មនុស្ស​ជាច្រើន ធ្វើឲ្យ​បេះដូង​របស់អ្នក​លោត​ញាប់​ខុស​ប្រក្រតី ។ នៅពេល​ភាព​រំ​ភើ​ន ឬ​ភាព​រំជើប​រំ​ជូ​ល​ចិត្ត​ឡើង​ដល់​កម្រិត ធ្វើឲ្យ​សម្ពាធ​ឈាម​អត្រា​លោតនៃ​ជីពចរ និង​កម្រិត​អា​ឌ្រី​ណាលីន​កើនឡើង​យ៉ាងខ្ពស់ ដែល​បង្ក​គ្រោះថ្នាក់​ដល់​បេះ​ដូង​បាន ។
​- ការបង្ការ : អ្នកខ្លះ​បាន​ត្រៀម​ខ្លូន​ដោយ​ទទួលទាន​ថ្នាំ​ក្រុម Beta-Blocker មុន​នឹង​ឡើង​ថ្លែង​សុន្ធរកថា ឬ​មុន​ឡើង​យន្តហោះ ឬ​ធ្វើ​អ្វីមួយ​ដែល​គេ​មាន​ការ​កង្វល់​ខុស​ប្រក្រតី ៕

ប្រដាប់ភេទ​និង​ការថែទាំ​របស់​ស្ត្រី​

​ការសម្អាត​ប្រដាប់ភេទ​ជា​រឿង​មួយ​សំខាន់ ហើយ​ស្ត្រី​គ្រប់រូប  គួរតែ​យក ចិត្ត​ទុកដាក់​ថែទាំ ពិសេស​រន្ធ​ប្រដាប់​ភេទស្ត្រី មាន​បាក់តេរី​ច្រើនណាស់ វាយ លុក​បង្ក​ឲ្យ​ឆាប់​មាន​ក្លិន​។​
​តាម​ការស្រាវជ្រាវ បង្ហាញថា បាក់តេរី​នៅត្រង់​ប្រដាប់​ភេទស្ត្រី ផ្តល់​ទាំង ផលប្រយោជន៍ និង​ផល​អាក្រក់ ក្នុងនោះ​មាន​បាក់តេរី ១៥​ប្រភេទ ផ្តល់​ផល​ល្អ  ដូចជា បាក់តេរី “​ឡែក​តូ ប៊ែ​ស៊ី​ឡាស​” ជា​បាក់តេរី​ដែល​ជួយ​ការពារ​ឆ្លង​មេរោគ ធ្វើ​ឲ្យ​រន្ធ​ប្រដាប់ភេទ​មា​នស​ភាពជា​អាស៊ីដ ទប់ស្កាត់​ការរីកចម្រើន លូតលាស់ របស់​បាក់តេរី​អាក្រក់​។
​ដូច្នេះ​ឃើញថា ការចង់​កម្ចាត់​វត្ថុ​កខ្វក់ មិនចាំបាច់​បំផ្លាញ​បាក់តេរី​ប្រភេទ​ខ្លះ​នោះទេ​។ ការប្រើ​ផលិតផល​មួយចំនួន ដើម្បី​ធ្វើការ​សម្អាត​ប្រដាប់ភេទ ជាពិសេស​ប្រភេទ​សាប៊ូ​លាយ​ទឹក​ក្រអូប នោះ​មិនចាំបាច់​ប្រើ​ញឹកញាប់​ពេក​ទេ អាច​ប្រើ​ត្រឹម​ទឹកស្អាត​ដុសលាង​បាន​ហើយ​។ ក្រៅពីនេះ មិនគួរ​បាញ់​ទឹក​ខ្លាំងៗ​ចូលក្នុង​រន្ធ​ប្រដាប់ភេទ ឬក៏​លូក​លាង​ជ្រៅ​ចូលទៅក្នុង​ឡើយ ព្រោះ​អាច​បង្ក​ឲ្យ​រលាក​ឆ្លង​មេរោគ​ដល់​ឆ្អឹងត្រគាក​។​
សម្រាប់​រោម​ត្រង់​បរិវេណ​ប្រដាប់ភេទ មិនគួរ​កោរ​ចោល​ទេ ព្រោះថា វា​អាចជួយ​ទប់​លម្អងធូលី មិន​ឲ្យ​ចូលទៅក្នុង​ប្រដាប់ភេទ​។ ប្រការ​សំខាន់ បើ​កើតមាន​អាកា​រៈរ​មាស់ គួរ​ត្រួត​ពិនិត្យមើល​សំណើម​ញើស​ដែល​កើតមានឡើង​ពី​ការ​ស្លៀកខោ​ក្នុង ឬ​ខោ​រឹត​ខ្លាំងពេក​។ ក្នុងករណី​មិន​ធ្វើការ​ផ្លាស់ប្តូរ​ខ្នាត សម្លៀកបំពាក់​ទាំង​នោះទេ យូរ​ទៅ​អាចធ្វើ​ឲ្យ​មេរោគ​ឆ្លង​ចូល​តែម្តង​។​
​អ្នកស្រាវជ្រាវ បានបញ្ជាក់​ពី​មូលហេតុ​នៃ​ក្លិន​ប្រដាប់ភេទ​ថា បើ​ក្លិន​មិន​ស្អុយ​ខ្លាំងក្លា​ទេនោះ ចាត់ទុកថា ជា​រឿង​ធម្មតា ព្រោះ​ក្លិន​ទាំងនោះ មួយចំនួន​កើតចេញពី​អាហារ​ដែល​យើង​ទទួលទាន ក្នុងអំឡុងពេល​ធ្លាក់​រដូវ ឬ​សូម្បីតែ​ញើស​ដែល​បែក​ចេញមក​។​
​ទោះបី​យ៉ាងណាក្តី រៀងរាល់​បី​ខែម្តង ស្ត្រី​គួរប្រើ​កញ្ចក់​ឆ្លុះ​មើល​ប្រដាប់ភេទ ដើម្បី​សង្កេតមើល​អ្វីដែល​ខុសពី​ប្រក្រតី ងាយ​ស្រួ​ក​ក្នុងការ​ព្យាបាល​។​

អ្នករស់នៅជិតអាកាសយានដ្ឋាន​ ងាយកើតជំងឺបេះដូង និងស្រ្តូក

អ្នករស់នៅ​ជិត​ព្រលានយន្តហោះ ពុំ​ត្រឹមតែ​ត្រូវ​ទ្រាំទ្រ​សម្លេង​ខ្ទរ​ទ្រហឹង របស់​យន្តហោះ ពេល​ចុះចត និង​ហោះ​ឡើង ពេល​១​ថ្ងៃៗ​ប៉ុណ្ណោះ​ទេ តែ​នៅមាន​ហានិភ័យ ត្រូវ​កើត​ជំងឺ​បេះដូង និង​ស្ត្រូ​ក​ខ្ពស់ជាង ។​
​ក្នុងការ​ស្រាវជ្រាវ ២ ដោយឡែក​ពីគ្នា របស់​ពួក​អ្នកវិទ្យាសាស្ត្រ​អង់គ្លេស និង​អាមេរិក British Medical Journal របស់​អង់គ្លេស​លេខ​ចេញផ្សាយ​ថ្មីៗ​នេះ សុទ្ធតែ​បាន​រកឃើញ​ទំនាក់ទំនង រវាង​សម្លេង​ខ្ទ័រ​នៃ​គ្រឿង​ម៉ាស៊ីន​យន្តហោះ ជាមួយនឹង​ហានិភ័យ​កើត​ជំងឺ​បេះដូង​ខ្ពស់ជាង ។​
​ការស្រាវជ្រាវ​របស់​ពួក​អ្នកវិទ្យាសាស្ត្រ​អង់គ្លេស ផ្អែកលើ​ការតាមដាន​សុខភាព​របស់​មនុស្ស ៣,៦ លាន​នាក់ រស់នៅ​ជិត​អាកាសយានដ្ឋាន Heathrow ជា​អាកាសយានដ្ឋាន​ដ៏​មមាញឹក​បំផុត​មួយ នៅលើ​ពិភពលោក ពី​ឆ្នាំ​២០០១ ដល់ ២០០៥ ។​
​តាម​ពួក​អ្នកវិទ្យាសាស្ត្រ នោះ​ហានិភ័យ​កើត​ជំងឺ​សរសៃឈាម​បេះដូង នៅ​អ្នករស់នៅ​ជិត​អាកាសយានដ្ឋាន Heathrow ខ្ពស់ជាង ១០ ទៅ ២០% ប្រៀប​នឹង​អ្នករស់នៅ​តំបន់​អ៊ូអរ​បំផុត ។​
​អ្នកស្រី Anna Hannedd អ្នក​រៀបរៀង​ការស្រាវជ្រាវ ឲ្យ​ដឹងថា មាននូវ​ភស្តុតាង​កាន់តែច្បាស់ បង្ហាញថា កម្រិត​ប្រាស្រ័យ​ជាមួយ​សម្លេង​ខ្ទរ​ខ្លាំង​អាច​នាំ​ដល់​ស្ថានភាព​លើសឈាម​, កក្តា​ចម្បង​បង្ក​ជា​ជំងឺ​បេះដូង និង​ស្រូ​ក ។​
​ក្នុងពេលនោះ ពួក​អ្នកវិទ្យាសាស្ត្រ​អាមេរិក បាន​វិភាគ​ស្ថានភាព​សុខភាព​របស់​ជនជាតិ​អាមេរិក ជាង ៦ លាន​នាក់ រស់នៅ​ជិត​អាកាសយានដ្ឋាន ៨៩ ដែលមាន​អាយុ​ពី ៦៥ ឆ្នាំ ឡើងទៅ ។ លទ្ធផល​បង្ហាញថា អត្រា​ចូល​មន្ទីរពេទ្យ​ដោយសារ​ជំងឺ​សរសៃឈាម​បេះដូង នៅ​កន្លែង​មាន​សម្លេង​ខ្ទរ​យន្តហោះ​ជាង ១០ decibel ខ្ពស់ជាង ៣,៥% ប្រៀប​នឹង​តំបន់​ដទៃ ក្រោយពេល​បាន​ផាត់​ចេញ​កក្តា​សេដ្ឋកិច្ចសង្គម​ផ្សេងៗ ៕M​

​មូលហេតុ​ដែល​ទឹក​សណ្តែក​ជា ​"​សត្រូវ​" របស់​បុរស​

ថ្វី​ត្បិត​សណ្តែកសៀង​ផ្គត់ផ្គង់​ផលប្រយោជន៍​សុខភាព​ជា​ច្រើន​ តែការស្រាវជ្រាវ​មួយចំនួន​បង្ហាញ​ថា វា​អាច​មាន​ឥទ្ធិពល​បន្ទាប់បន្សំ​អសកម្ម ចំពោះ​បុរស​ពេល​ប្រើប្រាស់​វា​ក្នុង​បរិមាណ​ច្រើន ។​
​    ​សមាសធាតុ​របស់​ទឹក​សណ្តែកសៀងៈ
​     ​ទឹក​សណ្តែក​មាន​ផ្ទុក isoflavones ។ តាម​សមាគម​មហារីក​អាមេរិក  isoflavones អាច​មាន​ឥទ្ធិពល​ធ្វើ​ឱ្យ​ខ្សោយ​សកម្មភាព estrogen នោះ​ជាមូលដ្ឋាន​សម្រាប់​មូលហេតុ​ ដែល​បុរស​មួយចំនួន​គួរ​ចៀសវាង​ទឹក​សណ្តែក ។ ធម្មតា ទឹក​សណ្តែក​មិន​ផ្ទុក​កាល់ស្យូម​ច្រើន​ប៉ុន្មាន​ឡើយ​ ប៉ុន្តែ​អ្នកផលិត​មួយ​ចំនួន​ ក៏​បាន​បង្កើន​កាល់ស្យូម និង​សារជាតិ​ជីវជាតិ​ផ្សេងៗ​ សម្រាប់ផលិតផល​ធ្វើ​ពី​ទឹក​សណ្តែក ។​
​    ​បន្ថយ​មេ​ជីវិត​
​     ​មហាវិទ្យាល័យ​ហារ​វ៉ាដ បានប្រកាស​ការស្រាវជ្រាវ​អំពី "​ការបង្កើតមនុស្ស​" បង្ហាញថា របប​ទទួលទាន​ពាក់ព័ន្ធ​ដល់​សណ្តែកសៀង និង isoflavone ធ្វើឱ្យ​ថយចុះ​កម្រិត​មេ​ជីវិត​នៅ​បុរស ។ ថ្វី​ត្បិត​ថយ​ចុះ​តិច តែ​វា​ត្រូវបាន​ចាត់ទុក​ថា មាន​អត្ថន័យ​ស្ថិតិ ។ ការស្រាវជ្រាវ​ទាំងឡាយ​បានបង្ហាញ​ថា របប​ទទួលទាន​របស់​បុរស ប្រសិន​រួមមាន​ទាំង​សណ្តែកសៀង​នោះ នឹង​ជះ​ឥទ្ធិពលតិច​ច្រើន​ ទៅដល់​បរិមាណ​មេ​ជីវិត ។ ក្រៅពីនេះ ក្នុង​ការស្រាវជ្រាវ​ជា​ច្រើន មាន​និយាយ​ថា អាហារ​សណ្តែកសៀង​ នៅ​ជា​មូលហេតុ​ផ្ទាល់​បង្ក​ជា​ស្ថានភាពមេ​ជីវិត​ទាប​ នៅក្នុង​ខ្លួន​បុរស​លើស​ទម្ងន់​ និង​ធាត់ ។​
​    ​ច្របូកច្របល់​ភាព​ឡើង​រឹង
ការស្រាវជ្រាវ​មួយចំនួន​បង្ហាញ​ថា បរិមាណ​ដ៏​ច្រើន​នៃ​សណ្តែកសៀង អាច​ធ្វើឱ្យ​ថយចុះ​សមត្ថកិច្ច​របស់​លិង្គ ។ isoflavone កំណត់​មួយ​ត្រូវបាន​រកឃើញ​ក្នុង​សណ្តែកសៀង ដូចជា daidzein វា​មាន​ឥទ្ធិពល​ដល់​សមត្ថកិច្ច​ឡើងរឹង​របស់​លិង្គ​, រឿង​នេះ​ត្រូវបាន​ស្រាវជ្រាវ​នៅ​សត្វ​កណ្តុរ ។​
​    ​ការស្រាវជ្រាវ​ត្រូវបាន​ប្រកាស​លើ​ទស្សនា​វ​ដ្តី​នៅ Andrology បង្ហាញថា ការប្រើប្រាស់ daidzein នៅ​យុវជន​ អាចមាន​ឥទ្ធិពល​អសកម្ម​ដល់​ស​ម​ត្ថ​កិច្ច​របស់លិង្គ​ នៅ​វ័យ​កំលោះ ។ សត្វ​កណ្តុរ​ដែល​ស៊ី daidzein មាន​កម្រិត​ឡើង​រឹង​ខ្សោយជាង​ ប៉ុន្តែ testosterone មិន​ត្រូវ​រង​ឥទ្ធិពល ។ ក្នុង​ការស្រាវជ្រាវ​នេះ​  daidzein មិន​ឥទ្ធិពល​ដល់​ទំហំ​លិង្គ និង​ការលូតលាស់​។ ប៉ុន្តែ​ ពួក​អ្នកស្រាវជ្រាវទទួលស្គាល់ថា ការស្រាវជ្រាវ​លើ​កណ្តុរ​ មិន​ប្រាកដ​ថា​ឆ្លុះបញ្ចាំង​លទ្ធផលដូច​គ្នា​នៅ​មនុស្ស ។​
​    ​ទង្វើ​ពាក់ព័ន្ធ​
សណ្តែកសៀង​អាចមាន​ឥទ្ធិពល​ដល់​ទង្វើ​​បុរស ។ ពួក​អ្នក​ស្រាវជ្រាវ ពី​មជ្ឈមណ្ឌល​សុខភាព​ មហាវិទ្យាល័យ Wake Forest Baptis បាន​ចែក​ស្វា​ឈ្មោល ពេញវ័យ​ជា​ ៣​ក្រុម និង​ស្រាវជ្រាវ​ក្នុង​រយៈពេល​ ១៥​ខែ ។ ១​ក្រុម​ ស៊ី​ប្រមាណ ១២៥​មិល្លីក្រា​ម isoflavone ពី​សណ្តែកសៀង​រាល់ថ្ងៃ ។ ក្រុមទី​២ ប្រើ​ពាក់កណ្តាល​ចំនួន​នោះ​ និង​ក្រុម​ទី​៣ ស៊ី​ប្រូតេអ៊ីន​ពី​ទឹកដោះគោ និង​ពី​ប្រភព​សត្វ ។ ពពួក​ស្វា​ឱ្យ​ស៊ី isoflavone ជាមួយនឹង​កម្រិត​ខ្ពស់​ បាន​បង្ហាញ​ទង្វើ​គឃ្លើន​ជាង និង​ធ្វើ​តាម​ជាង ធៀប​នឹង​ក្រុម​ផ្សេងៗ វា​ក៏​ចំណាយ​ពេល​តិចតួច​ នៅក្បែរ​ស្វា​ដទៃទៀត ដោយ​បង្កើន​ពេលវេលា​នៅ​ម្នាក់ឯង ៕​

​អង្គុយ​គងជើង​អាច​គ្រោះថ្នាក់​បេះដូង​

កាយវិការ​អង្គុយ​គងជើង​អាច​ជះឥទ្ធិពល​ដល់​បេះដូង​ពេលធ្វើ​ឲ្យ​កើន​សម្ពាធ​ឈាម ។ ការស្រាវជ្រាវ​១​ត្រូវបាន​ប្រកាស​លើ​ទស្ស​នាវ​ដ្តី Blood Pressure Monitoring បង្ហាញថា អង្គុយ​គងជើង​យូរ​ធ្វើ​ឲ្យ​កើន​សម្ពាធ​ឈាម​ខាងក្រោម​ជិត ៧% និង​សម្ពាធ​ឈាម​ខាងលើ ឡើង​២% ។​
​វេជ្ជបណ្ឌិត​សរសៃឈាម​បេះដូង Stephen T.Sinatra អ្នកនិពន្ធ​សៀវភៅ The Great Cholesterol Myth ឲ្យ​ដឹងថា អង្គុយ​គងជើង​ជាប្រចាំ​បង្កើត​សម្ពាធ​ទៅលើ​សន្លាក់ឆ្អឹង​សណ្តៀ​ត​ក្អម និង​អាច​ជះឥទ្ធិពល​ដល់​បរិមាណ​ឈាម​ចរាចរ​នៅ​ជើង ដោយសារ​សរសៃឈាម​ត្រូវ​សង្កត់​កៀប ។ បណ្ឌិត Sinatra ព្រមាន​ថា ស្ថានភាព​នេះ​អាច​បង្ក​រលាក​សរសៃឈាម​នៅ​ជើង និង​ថែមទាំង​ធ្វើ​ឲ្យ​ឈាមកក​ដុំៗ ។ តាម​យោបល់​លោក​មិនត្រូវ​គងជើង​យូរ​លើស 10-15​នាទី និង​ក្រោកឈរ​ដើរ​ចុះឡើង​ជាប្រចាំ​រៀងរាល់ ៣០​នាទី​ម្តង ៕M/T/L​

​ស៊ុត និង ប្រេង​អូ​លីវ ជួយ​កាត់បន្ថយ​ជាតិ​ខ្លាញ់​បានល្អ​

សុភាពនារី​ទាំងឡាយ​អាច​គិតថា ស៊ុត​ជា​អាហារ​ដែល​ត្រូវ​ហាម​សម្រាប់​អ្នក​ដែល​ចង់​សម្រក​ទម្ងន់ ពីព្រោះ​វា​មាន​បរិមាណ​កូ​ឡេ​ស្តេ​រ៉ូ​ល​ខ្ពស់ ដែល​អាច​ផ្តល់​ផល​មិនល្អ​ដល់​រាងកាយ ។ ប៉ុន្តែ​តាមរយៈ​ការស្រាវជ្រាវ​ថ្មីៗ​នេះ គេ​បាន​រកឃើញថា កូ​ឡេ​ស្តេ​រ៉ូ​ល​ដែល​បានទទួល​ពី​អាហារ​។ ការពិតទៅ ស៊ុតមាន់​ក៏​នៅមាន​ប្រយោជន៍​ពី​ប្រូតេអ៊ីន និង វីតាមីន​ផ្សេងៗ​ជាច្រើន​ទៀតផង ហើយ​បើ​អ្នកណា​ខ្លាច​ទទួលទាន​ស៊ុត​ទាំងមូល​ទៅ​នាំ​ឲ្យ​ធាត់ គឺអាច​ជ្រើសរើស​ហូប​ស៊ុត​-​ស ក៏បាន​ដែរ​។​
​​ក្រៅពីនេះ ប្រេង​អូ​លីវ ក៏​ជា​ប្រេង​ល្អៗ​ពី​ប្រភព​អាហារ​ធម្មជាតិ​ដែល​ជួយ​ដុតបំផ្លាញ​ជាតិ​ខ្លាញ់ និង​ជួយ​កាត់បន្ថយ​កូ​ឡេ​ស្តេ​រ៉ូ​ល បាន​ទៀតផង​។ ប្រេង​អូ​លីវ​សុទ្ធ​មួយ​អោន​ស៍ មាន​ជាតិ​ខ្លាញ់​មិន​ឆ្អែត​ដែលមាន​គុណប្រយោជន៍​ចំពោះ​រាងកាយ​រហូតដល់​ទៅ ៨៥ ភាគរយ នៃ​ចំនួន​ខ្លាញ់​មិន​ឆ្អែត​ដែល​យើង​គួរតែ​ទទួលទាន​ក្នុង​មួយថ្ងៃៗ​។
​ដូច្នេះហើយ ប្រសិនបើ​យើង​ទទួលទាន​ទាំង​ស៊ុត និង ប្រេង​អូ​លីវ​ក្នុង​បរិមាណ​មួយ​ដែល​រាងកាយ​ត្រូវការ អាចជួយ​កាត់បន្ថយ​ជាតិ​ខ្លាញ់​ដែល​រាងកាយ​មិនត្រូវ​ការ​បានតែ​ម្តង​៕

​ˆ​កើត​ជំងឺ«​ស្រី​ស្អាត​ដេក​» ដោយសារ​បូម​ត្រគាក​

តារា​ស្រី​ខាង​ផ្សាយពាណិជ្ជកម្ម​ជនជាតិ​ថៃ​មួយរូប​អាយុ​៣៣​ឆ្នាំ បាន​ត្រូវ​បញ្ជូន​ទៅ​មន្ទីរពេទ្យ​ក្រោយពេល​កែ​សម្ផស្ស​ដោយ​វិធី​ចាក់ Collagen ។​

​ដើម្បី​បំបាត់​ស្នាម​ជ្រួញ​នៅ​ត្រគាក​, តារា​រូប​នេះ​បាន​ទៅ​ហាង​កែ​សម្ផស្ស​ដើម្បី​ចាក់ Collagen ។ ប៉ុន្តែ​រយៈ​​ ពេល​តែ​៥​នាទី​ក្រោយ​, បេះដូង​នាង​បានឈប់​លោត​, ខួរក្បាល​ត្រូវ​រងរបួស​ធ្ងន់ធ្ងរ​ដោយសារ​ខ្វះ​អុកស៊ីហ្សែន​។​



​​តារា​បង្ហាញ​ម៉ូត​នេះ បច្ចុប្បន្ន​កំពុង​ព្យាបាល​នៅ​មន្ទីរពេទ្យ​ឯកជន​មួយ​។ តាម​ការវិនិច្ឆ័យ​របស់ពួក​វេជ្ជបណ្ឌិត គឺ​នាង​បាន​កើត​ជំងឺ «​ស្រី​ស្អាត​ដេក​» ឬ​ជំងឺ Kleine-Levin ជា​សណ្ឋាន​ច្របូកច្របល់​សរសៃប្រសាទ​ពិសេស​មួយ​ដោយ​ការ​ដេក​សន្លប់សន្លិន ។​

​វេជ្ជបណ្ឌិត Tares Krassanaiawiwong មានប្រសាសន៍ថា «ចាក់ Collagen  ឬ​សារជាតិ​ផ្សេងៗ​ទៅក្នុង​សរីរាង្គ​ដើម្បី​ប្រឆាំង​ភាពចំណាស់ សុទ្ធ​តែ​អាច​បង្ក​ជា​ប្រតិកម្ម​បន្ទាប់បន្សំ​ដូចជា រលាក​ស្បែក​, កកឈាម​, ចុះ​សម្ពាធ​ឈាម​, ស្ពឹក​, ងងឹត​ភ្នែក​...​មិនតែប៉ុណ្ណោះ​អាច​បណ្តាលឱ្យ​បាត់បង់​ជីវិត»​។​

​​បណ្ឌិត Atthaphan Pornmontarath ប្រធាន​សមាគម​វះកាត់​សម្ផស្ស និង​សុខាភិបាល​ថៃ បានឱ្យដឹងថា សឹងតែ​ទាំងអស់​នៃ​ករណី ក្នុងនោះការវិវត្តន៍​ប្រែប្រួល​បង្ក​ដោយ​ការចាក់ Collagen គឺ​ដោយសារ​សូលុយស្យុង Collagen ច្រើន ត្រូវ​បាន​ប្រមូល​ពី​ប្រូតេអ៊ីន​សត្វ ឬ​ដោយសារ​ចាក់​ក្នុង​បរិមាណច្រើនពេក​។​

រដ្ឋមន្ត្រីក្រសួង​សុខាភិបាល​ថៃ ក៏​បាន​ណែនាំ​ឱ្យ​ត្រួតពិនិត្យ​បណ្តា​ហាង​កែ​សម្ផស្ស​នៅ​ទូទាំង​ប្រទេស​។ លទ្ធផល​កន្លែង​កែ​សម្ផស្ស​ឱ្យ​តារា​ស្រី​រូប​នោះ​ពុំមាន​ច្បាប់​អនុញ្ញាត​ត្រឹមត្រូវ ហើយ​វេជ្ជបណ្ឌិត​នៅ​ទីនោះ​អាច​ប្រឈម​មុខ​នឹង​ការ​ជាប់​ពន្ធនាគារ​យ៉ាង​តិច​បំផុត​ពីរ​ឆ្នាំ​។​

​​ដូច្នោះពាក្យ​ទូន្មាន​សម្រាប់​អ្នក​ចង់​វះកាត់​កែ​សម្ផស្ស គឺ​ចូរ​សួរ​អំពី​លិខិតអនុញ្ញាត​សុខាភិបាល​របស់​វេជ្ជបណ្ឌិត​វះកាត់ និង​ត្រួតពិនិត្យ​ម៉ាក​យីហោផលិតផល​ឱ្យ​បាន​ល្អិតល្អន់​៕​

វិធី​ល្អ​៨​យ៉ាង ជួយ​ឲ្យ​មាន​សុខភាព​បេះដូង​

ពាក្យស្លោក​មួយ​ថា​«​ការពារ​ប្រសើរ​ជាង​ព្យាបាល​»​នោះ យើង​សូម​បង្ហាញ​អំពី​វិធី​៨​យ៉ាង​ដើម្បី​ជួយ​ធ្វើ​ឲ្យ​បេះដូង​ដំណើរការ​ទៅបាន​ល្អ​។​
១-​ស្គាល់​ខ្លួនឯង​:​ការប្រព្រឹត្តិ​ផ្ទាល់ខ្លួន និង​ដំណើរ​ជីវិត​របស់​អ្នក ជា​ប្រការ​សំខាន់​ជួយ​បន្ថយ​អត្រា​ប្រឈម​នឹង​ជំងឺ​បេះដូង ដូច​ជាការ​ទទួលទាន ការហាត់​ប្រាណ ការឈប់​ជក់បារី ...​។​
២-​បន្ថយ​ភាព​តានតឹង : ភាព​តានតឹង បណ្តាល​ឲ្យ​សម្ពាធ​ឈាម​ឡើង​ខ្ពស់ ហើយ​កម្រិត​អ័រម៉ូន​នៃ​ភាព​តានតឹង កើនឡើង​ខ្ពស់ ជា​គ្រោះថ្នាក់​មួយ​។​
៣-​សម្រក​ទម្ងន់​: ភាពធាត់ ជា​មូលហេតុ​នៃ​ជំងឺ​សរសៃឈាម​បេះដូង​ត្បៀត សម្ពាធ​ឈាម​ខ្ពស់ ជាតិ​ខ្លាញ់​ក្នុង​សរសៃឈាម​ខ្ពស់ សុទ្ធតែ​អាចឈាន​ទៅរក​ជំងឺ​បេះដូង​។​
៤-​ទទួលទាន​អាហារ​មាន​ប្រយោជន៍​: គួរ​បន្ថយ​អាហារ​ដែលមាន​ជាតិ​ខ្លាញ់​ច្រើន និង​ជាតិ​ខ្លាញ់​កែច្នៃ​។ គួរ​ទទួលទាន​បន្លែ និង​ផ្លែឈើ ប្រូតេអ៊ីន​ខ្លាញ់​តិច ក្នុង​បរិមាណ​សមស្រប​។
៥-​ពិនិត្យ​សុខភាព​ជាប្រចាំ​:​ការពិនិត្យ​សុខភាព ជួយ​ឲ្យ​រកឃើញ​បញ្ហា​ដែល​អាច​ក្លាយជា​ធ្ងន់ធ្ងរ​បាន​។​
៦-​គ្រប់គ្រង​សម្ពាធ​ឈាម​:​សម្ពាធ​ឈាម​ខ្ពស់ ជា​មូលហេតុ​ចម្បង​របស់​ជំងឺ​បេះដូង​។ ដូច្នេះ គួរ​ចៀសវាង​កត្តា​ដែល​បង្ក​ឲ្យ​កើតមាន​សម្ពាធ​ឈាម​ខ្ពស់​។​
៧-​កុំ​នៅ​ស្ងៀម​: ការហាត់​ប្រាណ យ៉ាងហោច​មួយថ្ងៃ ៣០​នាទី ១ សប្តាហ៍ ៤-៥ ដង ជួយ​បន្ថយ​អត្រា​ប្រឈម​នឹង​ជំងឺ​បេះដូង និង​ជំងឺ​ផ្សេងៗ​ទៀត​បាន​។​
៨-​ឈប់​ជក់បារី​:​ការជក់បារី ជា​កត្តា​គ្រោះថ្នាក់​ដ៏​ធ្ងន់ធ្ងរ​ចំពោះ​បេះ​ដួង​ដោយសារ​បារី​ពោរពេញ​ដោយសារ​ធាតុគីមី ដែលមាន​គ្រោះថ្នាក់​ចំពោះ​បេះ​ដួង និង​ប្រព័ន្ធ​ឈាម​រត់​។​
​    ​

​បេះដូង​មាំមួន​ដោយសារ​ហូប​បួស​

ពួក​អ្នកស្រាវជ្រាវ បានឱ្យដឹងថា អ្នក​ហូប​បួស អាច​កាត់បន្ថយ​បាន ១​ភាគ​៣ នៃ​គ្រោះថ្នាក់ ដោយសារ​ជំងឺ​បេះដូង ឬ​បាត់​បង់ជីវិត ដោយសារ​ជំងឺ​នេះ​។​

​ក្រុម​អ្នកវិទ្យាសាស្ត្រ បានធ្វើការ​ប៉ាន់​ស្មានថា នៅ​ប្រទេស​អង់គ្លេស មាន​មនុស្ស​ប្រមាណ ៣ លាន​នាក់ (​ប្រហាក់ប្រហែល ៥​ភាគរយ​) ហូប​បួស និង​មិនដែល​ទទួលទាន​សាច់ ឬ​ត្រី​។ បើតាម​ការស្រាវជ្រាវ​ដ៏​ធំ​បំផុត​ក្នុង​វិស័យនេះ បាន​បង្ហាញថា អ្នក​ហូប​បួស មាន​បេះដូង​មាំមួន​ជាង​អ្នកទទួល​ទាន​សាច់ ឬ​ត្រី​។ មនុស្ស​ជាច្រើន បាន​ចាត់ទុកថា របប​ទទួលទាន​ពុំ​សូវ​មាន​ខ្លាញ់ សម្បូរ​បន្លែ​ផ្លែឈើ និង​ធញ្ញជាតិ វា​ជួយ​បញ្ចុះ​សម្ពាធ​ឈាម និង​កៃ​ប្រែ​ឱ្យ​ប្រសើរ​កម្រិត​កូ​ឡេ​ស្តេ​រ៉ូ​ល​។​

​ក្រោយពេល​ស្រាវជ្រាវ​លើ​មនុស្ស​ជិត​៤៥.០០០​នាក់ ដែល​ហូប​បួស សំខាន់​គឺ​ស្ត្រី​នោះ ពួក​អ្នកវិទ្យាសាស្ត្រ បាន​ឈានដល់​ការសន្និដ្ឋាន​ច្បាស់លាស់​មួយ​។ លទ្ធផល​បាន​បង្ហាញថា ការ​ប្រឈម​កើត​ជំងឺ​បេះដូង​របស់​អ្នក​ហូប​បួស គឺមាន​ការថយចុះ​ដល់ ១​ភាគ​៣ បើ​ប្រៀបធៀប​នឹង​អ្នក​មិន​ហូប​បួស​។​

​ឆ្លងកាត់​ពេលវេលា​តាមដាន ជា​មធ្យម​១១​ឆ្នាំ ពួក​អ្នកវិទ្យាសាស្ត្រ បាន​កត់សម្គាល់ថា មាន​១.០៦៦ ករណី​នៃ​អ្នកជំងឺ បាន​ចូល​មន្ទីរពេទ្យ​ដោយសារ​ជំងឺ​បេះដូង​និង ១៦៩​ករណី បាន​បាត់​បង់ជីវិត​។​

​ការហូប​បួស ធ្វើឱ្យ​ថយចុះ​គ្រោះថ្នាក់​បាត់បង់​ជីវិត ឬ​ចូល​ពេទ្យ​ដោយសារ​ជំងឺ​បេះដូង ដល់ ៣២​ភាគរយ ក្រោយពេល​ពិនិត្យមើល ទាំង​កត្តា​ផ្សេងៗ ដូចជា​អាយុ  ភេទ សកម្មភាព​រាងកាយ ជក់បារី ទទួលទាន​ស្រា ខឿនអប់រំ​បានទទួល និង​ស្ថានភាព​សង្គម​។ អ្នក​ហូប​បួស មាន​កម្រិត​កូ​ឡេ​ស្តេ​រ៉ូ​ល និង​សម្ពាធ​ឈាម​ទាប​ជាង​មនុស្ស​ធម្មតា​។ បន្ថែម​លើ​នោះ ពួកគេ​មាន​សរីរាង្គ​តុល្យភាព​ជាង គឺ​ពី​ទាប​ជាង​នឹង​កម្រ​ត្រូវ​រង​ឥទ្ធិពល​ដោយ​ជំងឺ​ទឹកនោមផ្អែម​។​

​ទាក់ទង​នឹង​•​តួនាទី​របស់រប​បទ​ទួល​ទាន ក្នុងការ​បង្ការ​ប្រឆាំង​ជំងឺ​បេះដូង បណ្ឌិត Francesca Crowe នៅ​សកល​វិទ្យាល័យ Oxford បានឱ្យដឹងថា “​ភាពខុសប្លែក​សឹងតែ​ទាំងអស់​អំពី​ការ​ប្រឈម​កើត​ជំងឺ សុទ្ធតែ​ដោយ​ឥទ្ធិពល​របស់​កូ​ឡេ​ស្តេ​រ៉ូ​ល និង​សម្ពាធ​ឈាម​។ រឿងនេះ ស​ឱ្យឃើញ​នូវ​តួនាទី​ជំងឺ​ដ៏​សំខាន់​របស់​របប​ទទួល​ទាន ក្នុងការ​បង្ការ និង​ប្រឆាំង​ជំងឺ​បេះដូង​”​។​

​សាច់​ក្រហម ជាពិសេស​គឺ​សាច់​បាន​កែ​ច្នែ​ផ្ទុក​សមាសធាតុ ធ្វើឱ្យ​កើត​គ្រោះថ្នាក់​កើត​ជំងឺ​រ៉ាំរ៉ៃ ដូចជា​ជំងឺ​សរសៃឈាម បេះដូង និង​មហារីក​។ ហេតុនេះហើយ បណ្តា​ស្ថាប័ន​សុខាភិបាល សុទ្ធតែ​ទូន្មាន​ឲ្យ​កាត់បន្ថយ​សាច់​ក្រហម ដើម្បី​បន្ថយ​គ្រោះថ្នាក់​មហារីក​ពោះវៀន​។​

​ការស្រាវជ្រាវ​លើ​ជនជាតិ​អាមេរិក ១២០.០០០​នាក់ កាលពី​ឆ្នាំមុន ក៏បានផ្តល់​លទ្ធផល​ដូចគ្នា​។ ការស្រាវជ្រាវ​នេះ បាន​បង្ហាញថា គ្រោះថ្នាក់​ឆាប់​បាត់បង់​ជីវិត​រួមមាន ទាំង​ការ​ប្រឈម​កើត​ជំងឺ​បេះដូង កើន​ខ្ពស់​ពេល​មុខសញ្ញា​ស្រាវជ្រាវ​ទទួលទាន​សាច់​ក្រហម​ច្រើន​៕​

មូសចេះរើសមនុស្សដើម្បីខាំ

មូស​មួយ​ក្បាល​កំពុង​ខាំ​
ក្រុម​ឈាម ឬ​ក្លិន​សរីរាង្គ អាចជា​ហេតុផល​បណ្តាល​ឲ្យ​អ្នកណាម្នាក់​នោះ​ច្រើន​ត្រូវ​មូស​ខាំ​ច្រើនជាង​អ្នកដទៃ ។​
​មូស​អាច​ទទួល​ការទាក់ទាញ​ដោយសារ​លក្ខណៈពិសេសរ​បស់​បុគ្គល​មួយចំនួន ដូចជា​ជើង​ដែល​ធុំក្លិន​ចំហាយ Cacbondioxil ឬ​កំដៅ​រាងកាយ ។​
​ទន្ទឹម​នោះ​ក្រុម​ឈាម​ក៏​ជាការ​ទាក់ទាញ​ឲ្យ​មូស​ខាំ​ដែរ ។ ការស្រាវជ្រាវ​មួយ​នៅ​ជប៉ុន អ្នក​ដែល​ស្ថិតក្នុង​ក្រុម​ឈាម O ងាយ​ទទួល​ការ​ខាំ​ពី​មូស​ទ្វេដង​ប្រៀប​នឹង​អ្នក​ស្ថិតនៅ​ក្រុម​ឈាម A ។ ប្រការ​ដែល​គួរ​ឲ្យ​ចាប់អារម្មណ៍​មួយទៀត​គឺ​មូស​នៅ​ចេះ "​ភ្លក់​" ប្រភេទ​ឈាម​ដែល​វា​ចូលចិត្ត​តាមរយៈ​សារធាតុ​បញ្ចេញ​តាម​ស្បែក និង​ប្រភេទ​ឈាម​របស់​មនុស្ស ។​
​ប៉ុន្តែ​មនុស្ស​អាច​កាត់បន្ថយ​ការដែល​មូស​ខាំ ដោយ​របៀប​ច្រើន​ខុសៗ​គ្នា ។ ប៉ុន្តែ​តាម​អ្នកជំនាញការ​នោះ​វិធី​ងាយស្រួល​បំផុត​គឺ​ជ្រើសរើស​សម្លៀកបំពាក់ ។ ព្រោះថា មូស​តែ​ត្រូវ​ទាក់ទាញ​ដោយ​ពណ៌​ខ្មៅ ឬ​ស្វាយ ហើយ​វា​ពុំ​សូវ​រង​ការទាក់ទាញ​ជាមួយ​ពណ៌​ស គគី ឬ​ពណ៌​ដែល​ស្រាលៗ ។​
​មូស​ធ្វើ​សកម្មភាព​ខ្លាំង​បំផុត​នៅពេល​ព្រឹក​ព្រលឹម និង​ពេល​ព្រះអាទិត្យ​រៀប​លិច ។ ក្រៅពីនោះ​ក្លិន​ប្រេង​ក្រអូប​ជាច្រើន​ក៏​អាច "​ច្រាន​" មូស​ថយក្រោយ​ដូចជា​ក្លិន​ផ្កា ក្លិន​តែ ឬក៏​ក្លិន​ស្លឹកគ្រៃ ៕​M

​ដុសធ្មេញ​ជាប្រចាំ​ជួយ​ការពារ​ជំងឺ​គាំងបេះដូង​

តាម​ការសិក្សា​របស់​ក្រុម​អ្នកស្រាវជ្រាវ ផ្នែក​ជំងឺ​រាតត្បាត និង​សុខភាព​សាធារណៈ​នៅ​សាកលវិទ្យាល័យ ខូ​លលេក ទីក្រុង​ឡុង​ដ៍ (University College London) ប្រទេស​អង់គ្លេស បាន​រកឃើញថា ការ​ដុសធ្មេញ​ក្នុង​មួយ​ថ្ងៃ ២ ដង អាច​ជួយ​កាត់បន្ថយ​ការ​ប្រឈម​នឹង​ជំងឺ​គាំងបេះដូង​បាន ដោយ​អ្នក​ដែល​មិន​ធ្លាប់ ឬ​មិន​សូវ​បាន​ដុសធ្មេញ មានឱកាស​ប្រឈម​នឹង​ជំងឺ​សរសៃឈាម​បេះដូង បាន​រហូត​ដល់ ៧០% ច្រើន​ជាង​អ្នក​ដែល​ដុសធ្មេញ ១​ថ្ងៃ ២ ដង ។​
តែ​ទោះជា​យ៉ាងណា ជំងឺ​សរសៃឈាម​បេះដូង​នេះ អាច​បណ្ដាលមកពី​កត្តា​ជាច្រើន​ទៀត ដូចជា ការជក់បារី​ជាដើម វា​អាច​បង្ក​ជា​ជំងឺ​ដល់​ប្រអប់មាត់ ព្រោះ​សុខភាព​ធ្មេញ និង​អញ្ចាញ មាន​សារសំខាន់​ក្នុង​ការការពារ​កើត​ជំងឺ​អញ្ចាញ និង​ធ្មេញ​ពុក និង​អាច​បន្ថែម​ភាពស្រស់ស្អាត ដល់​អ្នក​ថែមទៀត​ផង ៕

បាក់តេរីក្នុងពោះវៀនមនុស្សអាចជួយប្រឆាំងធាត់

​បាក់តេរី​ក្នុង​ពោះវៀន​មនុស្ស​អាចជួយ​ប្រឆាំង​ធាត់ ជាការ​សន្និដ្ឋាន​ដំបូង​ក្នុង​គម្រោង​ស្រាវជ្រាវ​មួយ​ដំណើរការ​ដោយ​ពួក​អ្នកវិទ្យាសាស្ត្រ​អាមេរិក​វាស់​តម្លៃ​តួនាទី​របស់​ពពួក​បាក់​តេ​រី​ក្នុង​ប្រព័ន្ធ​រំលាយ​អាហារ​ចំពោះ​ទម្ងន់​របស់​មនុស្ស ។​
​ពួក​ជំនាញការ​នៅ​សកល​វិទ្យាល័យ​វ៉ាស៊ីនតោន (​អាមេរិក​) បាន​ដំណើរការ​ពិសោធ​ន៍ន​នៅ​សត្វ​កណ្តុរ​២​ក្រុម ដោយ​ការនាំ​បញ្ចូល​ទៅក្នុង​សរីរាង្គ​ពួកវា​នូវ​បាក់តេរី​ផ្សេងៗ​គ្នា​យក​ពី​ពោះវៀន​របស់​មនុស្ស​ធាត់ (​ហៅថា ក្រុម​កណ្តុរ​មួយ​) និង​មនុស្ស​ស្គម (​ក្រុម​កណ្តុរ​២) ។​
​សត្វ​កណ្តុរ​ពិសោធន៍​ទាំងនេះ បន្ទាប់មក​ត្រូវបាន​ចិញ្ចឹម​ក្នុង​លក្ខខណ្ឌ​គ្មាន​មេរោគ ដោយឡែក និង​មាន​របប​អាហារ​មួយ​ដូចគ្នា ក្នុងអំឡុងពេល​ជាមួយគ្នា ។​
​លទ្ធផល​បង្ហាញថា មានការ​ប្រែប្រួល​ច្បាស់លាស់​អំពី​ទម្ងន់​នៅ​សត្វ​កណ្តុរ​ពិសោធន៍ តាមរយៈ​នោះ​កណ្តុរ​ត្រូវបាន​បណ្តុះ​បាក់តេរី​របស់​មនុស្ស​ស្គម (​ក្រុម​២) ។​
​ប៉ុន្តែ​ក្រោយពេល​វា​ត្រូវបាន​ចិញ្ចឹម​ក្នុង​ទ្រុង​ជាមួយគ្នា​ក្នុង​លក្ខខណ្ឌ​រស់នៅ​ធម្មតា​ក្នុង​រយៈពេល​៥​ថ្ងៃ ពួក​អ្នកវិទ្យាសាស្ត្រ​សង្កេតឃើញថា សត្វ​កណ្តុរ​ក្រុមទី​១​ចាប់ផ្តើម​ថយចុះ​ទម្ងន់ ក្នុងពេល​សត្វ​កណ្តុរ​នៅ​ក្រុមទី​២​ហាក់ដូច​ពុំមាន​ការប្រែប្រួល ។​
​វិភាគ​ពពួក​ក្រុម​បាក់តេរី ពួក​អ្នកវិទ្យាសាស្ត្រ​រកឃើញថា បាក់តេរី​ពិសេស​ស្ថិតក្នុង​ប្រព័ន្ធ​បាក់តេរី​មានឈ្មោះ​វិទ្យាសាស្ត្រ​ថា Bacteroide tes អាច​បន្លាស់​ទី​ពី​សត្វ​កណ្តុរ​ក្រុម​២ ទៅកាន់​កណ្តុរ​ក្រុម​១ និង​នៅ​ទីនោះ ឥទ្ធិពល​ដល់​ទម្ងន់រ​បស់​កណ្តុរ (​កណ្តុរ​ធាត់​) ។ ក្នុងពេលនោះ​ពុំមាន​បាក់តេរី​ណា​នៅ​សត្វ​កណ្តុរ​ក្រុម​១ លុកលុយ​ចូល​កណ្តុរ​ក្រុម​២ ។​
​តាម​អ្នកជំនាញការ នេះ​ជា​មូលដ្ឋាន​ដើម្បី​សន្និដ្ឋានថា បាក់តេរី Bacteroidetes ដើរតួនាទី​កំណត់​ក្នុងការ​ទប់ស្កាត់​ជំងឺ​ធាត់ ។​
​គំហើញ​ត្រូវបាន​ប្រកាស​លើ​ទស្សនា​វ​ដ្តី Science នេះ​បានបង្ហាញ​ពី​ដំណើរការ​បញ្ជូន​លក្ខណៈ​ពិសេស​អំពី​រូបវិទ្យា និង​បំប្លែង​សារជាតិ​តាមរយៈ​បាក់តេរី​ផ្លូវ​ពោះវៀន ។​
​នេះ​ជា​ជំហាន​វិវត្តន៍​ដ៏​សំខាន់​មួយ​ក្នុងការ​ស្រាវជ្រាវ​វិធី​ព្យាបាល​ជំងឺ​ធាត់​ដោយ​បាក់តេរី ៕​M

​រកឃើញ​បន្ថែម គ្រោះថ្នាក់ ពេល​ប្រើប្រាស់​ទូរស័ព្ទ ពេលយប់​

​ការស្រាវជ្រាវ​ថ្មី បាន​បង្ហាញថា ប្រើ​ទូរស័ព្ទ ពេលយប់ នឹងធ្វើ​ឲ្យ​អ្នក​គេង​មិន​ស្កប់ និង​បន្ថយ​ទិន្នផល​ធ្វើការ នៅ​ថ្ងៃ​បន្ទាប់​។​
ការស្រាវជ្រាវ​មួយ ថ្មីៗ​នេះ របស់​ពួក​អ្នកវិទ្យាសាស្ត្រ នៅ​សកល​វិទ្យាល័យ វ៉ាស៊ីនតោន (​អាមេរិក​) បាន​ឲ្យ​ដឹងថា ប្រើ​ទូរស័ព្ទ នៅពេល​យប់ ពុំ​ត្រឹមតែ​បង្ក​គ្រោះថ្នាក់​ធ្ងន់ធ្ងរ ដល់​ដំណេក​របស់​អ្នក​ប៉ុណ្ណោះ​ទេ តែ​នៅ​ធ្វើ​ឲ្យ​ទិន្នផល​ធ្វើការ ត្រូវ​ថមថយ​នៅ​ថ្ងៃ​បន្ទាប់ ។​
ប្រធាន​ក្រុម​ស្រាវជ្រាវ Christopher Barnes នៅ​សាលា​ជំនួញ Foster នៃ​សកល​វិទ្យាល័យ វ៉ាស៊ីនតោន បាន​ឲ្យ​ដឹងថា "​ទូរស័ព្ទ​ឆ្លាត​វៃ​មួយ នឹង​ជួយ​អ្នកដោះស្រាយ​បញ្ហា​យ៉ាងច្រើន សូម្បីតែ​ពេល​អ្នក ពុំមាន​វត្តមាន ក្នុង​បន្ទប់ធ្វើការ​" ។​
​ប៉ុន្តែ​លោក​ក៏​បង្ហាញ​ពី​ផ្នែក​អសកម្ម​របស់​ទូរស័ព្ទ​ឆ្លាត​វៃ ។
​ទន្ទឹមនឹង​ការជួយ​ដោះស្រាយ​ការងារ រហ័សរហួន​ជាង​នោះ វា​ពិតជា​អ្នក​បំផ្លាញ​ដំណេក​ដ៏​ល្អ​របស់​អ្នក​។ ដំណាលគ្នា​នេះ វា​ក៏​ធ្វើ​ឲ្យ​អ្នក "​ឱប​" ការងារ​ច្រើនជាង​។​
ការស្រាវជ្រាវ មុនៗ​នេះ ក៏បាន​ចង្អុល​បង្ហាញថា ពន្លឺ​ពណ៌​ខៀវ ឬ​ពន្លឺ​បញ្ចេញ ពី​ទូរស័ព្ទ​ចល័ត អាចធ្វើ​ឲ្យ​អ្នក​គេង​មិន​លក់ ដោយសារ​វា​រំញោច​សរីរាង្គ​បង្កើត melatonin សារ​ជាតិគីមី​គ្រប់គ្រង​នាឡិកា ជីវសាស្ត្រ​ក្នុង​សរីរាង្គ​។​
​ដើម្បី​ប្រាកដ​ជាង ពួក​អ្នកវិទ្យាសាស្ត្រ បាន​ដំណើរការ​ពិសោធន៍ រាល់​ថ្ងៃមួយ ចំពោះ​មនុស្ស​៨២​នាក់ មាន​តំណែង​ជា​អ្នកគ្រប់គ្រង ក្នុង​រយៈពេល​២​សប្តាហ៍​។ លទ្ធផល​បង្ហាញថា អ្នក​ទាំងនេះ ក្រោយពេល​ប្រើ​ទូរស័ព្ទ ដល់​យប់​ជ្រៅ​ពេក មាន​និន្នាការ​អស់កម្លាំង និង​ឧស្សាហ៍​បាត់​មុខ នៅ​ស្ថាប័ន នៅ​ព្រឹក​ថ្ងៃ​បន្ទាប់ ។​
​ការស្រាវជ្រាវ​ផ្សេង ត្រូវបាន​ដំណើរការ ចំពោះ​បុគ្គលិក​ការិយាល័យ ១៦១ នាក់​។ ពួកគេ​នឹង​ត្រូវបាន​សំណូមពរ​ប្រើ​ទូរស័ព្ទ កុំព្យូទ័រ laptop ឧបករណ៍​អេឡិចត្រូនិក​ផ្សេងៗ​... នៅ​យប់​ជ្រៅ និង​ចូល​គេង​។ មុន​នោះ អ្នក​ទាំងនោះ ត្រូវបាន​តាមដាន អំពី​ជម្រៅ​របស់​ដំណេក ពេល​គេ​ប្រើ​ទូរស័ព្ទ មុន​នោះ​។ ក្រោយពេល​ធ្វើការ​ប្រៀបធៀប ពួក​អ្នកវិទ្យាសាស្ត្រ ប្រមូលបាន​លទ្ធផល​ថា ពុំ​ត្រឹមតែ​ទូរស័ព្ទ​ចល័ត​ប៉ុណ្ណោះ​ទេ តែ​ឧបករណ៍​អេឡិចត្រូនិក​ផ្សេងៗ​ទៀត ក៏​ធ្វើ​ឲ្យ​អ្នក​គេង​ក្រលក់ និង​មាន​អារម្មណ៍​អស់កម្លាំង នៅពេល​ព្រឹក​ថ្ងៃ​បន្ទាប់​។ ប៉ុន្តែ​កម្រិត​គ្រោះថ្នាក់ ដែល​ទូរស័ព្ទ​បង្កឡើង សម្រាប់​ដំណេក គឺ​ខ្លាំងក្លា​បំផុត​។​
​អាស្រ័យហេតុនេះ ពួក​ជំនាញការ បាន​ទូន្មាន​ថា "​អ្នក​គួរ​បិទ​ទូរស័ព្ទ​ចល័ត ពី​ម៉ោង​៩​យប់ ដើម្បី​មាន​ដំណេក​មួយ​ស្កប់ ជួយ​ខួរក្បាល មាន​ពេល​សម្រាក​ល្អ​បំផុត ត្រៀម​សម្រាប់​ថ្ងៃ​ធ្វើការ​ថ្មី​" ៕M/V/L​

​ឈឺធ្មេញ​មកពី​មូលហេតុ​អ្វី​?

ឈឺធ្មេញ​ជា​អាការ​មួយ​ដែល​ធ្វើឲ្យ​អ្នក​ជំងឺ​ពិបាកទ្រាំ​ណាស់ ហើយ​មនុស្ស​ទាំងឡាយ រមែង​មិន​ចង់​ឲ្យ​កើត​អាការ​ឈឺធ្មេញ​នេះ​ទៀត​ទេ​។ ដូច្នេះហើយ ទើប​អ្នក​គួរ​យល់​ដឹង​ពី​មូលហេតុ​នៃ​ជំងឺ​នេះ ដើម្បី​បង្ការ ឬ​ការពារ​ការ​ឈឺធ្មេញ​....​។​


​អាការ​ឈឺធ្មេញ​អាច​កើតឡើង​ដោយសារ​អាការ​ច្រើនយ៉ាងៈ​
​​អាការ​ឈឺធ្មេញ ភាគច្រើន​បណ្តាល​មក​ពី​ពុក​ធ្មេញ (​ដង្កូវ​ស៊ី​)​។ ក្នុង​រយៈកាល​ដំបូង មាន​អាការ​ស្រៀវ​ធ្មេញ មុន​នឹង​រាលដាល​ទៅ​ដល់​បរិវេណ​ក្រោម​ចង្កា និង​ក្បាល​បន្តទៅទៀត​។

ជាពិសេស នៅពេល​ញ៉ាំ​ចំណី​អាហារ​ដែល​មាន​រស​ជាតិ​ផ្អែម នឹង​ជំរុញ​ឲ្យ​បាក់តេរីនៅ​ក្នុងមាត់ បញ្ចេញ​ជាតិ​អាស៊ី​ដ មក​បំផ្លាញ​ស្រទាប់​ស្រោប​ធ្មេញ ហើយ​ជ្រៀតចូល​រហូត​ទៅ​ដល់​ភ្នាស​ទន់ៗ នៅ​ផ្នែក​ខាងក្នុង​ធ្មេញ​ផង ទើប​បណ្តាល​ឈឺ ហើម​ធ្មេញ​យ៉ាង​ដូច្នេះ​។​


​​ពេល​កើត​អាការ​ហើម ធ្វើឲ្យ​សរសៃ​ប្រសាទត្រូវ​សង្កត់ រួម​ទាំង​បិទ​បើក​ចុង​ឫស​ធ្មេញ នាំ​ឲ្យ​ឈាម​ចរាចរ​ពុំ​បាន​ល្អ ទើប​មិន​អាច​នាំ​យក​អុកស៊ីហ្សែន​មក​ចិញ្ចឹម​ធ្មេញ​បាន រហូត​បណ្តាលឲ្យ​កើត​អាការ​ឈឺធ្មេញ​ខ្លាំង​នេះ​ឡើង​។​

 

​​នៅ​ទីបំផុត សាច់​ធ្មេញ​ក៏​ខូច ហើយ​ពេលនោះ អាការ​ឈឺធ្មេញ​នឹង​បាត់​ទៅ​វិញ​។ ទោះបី​យ៉ាងនេះក្តី ប្រសិនបើ​កើតមាន​ខ្ទុះ​នៅ​បរិវេណ​ចុង​ឫស​ធ្មេញ អាការ​ឈឺធ្មេញ អាច​កើតឡើង​ពី​កម្ទេច​អាហារ​ជ្រុះ​ចូលទៅ​ក្នុង​ប្រហោង​ធ្មេញ ឬ​ដោយសារ​ធ្មេញ​រង្គើ ឬ​ធ្មេញ​បែក​ប្រេះ​រហូតដល់​ស្រទាប់​សាច់​ធ្មេញ និង​បណ្តូល​ធ្មេញ​។​


ការ​គេង​សង្ក្រៀតធ្មេញ ឈឺ​ដោយសារ​ដុះធ្មេញ​ទាល់ និង​រលាក​អញ្ចាញធ្មេញ នាំ​ឲ្យ​អញ្ចាញ​រួញ ឯ​ឫសធ្មេញ​លៀន​លយ​ចេញមកក្រៅ បណ្តាលឲ្យ​កើត​អាការ​ស្រៀវធ្មេញ​។​


​ចំពោះ​អ្នក​ខ្លះ​ដែល​ធ្មេញ​មាន​សុខភាព​ល្អ អាច​មាន​ភាព​ធន់​យ៉ាង​ពិសេស ចំពោះ​ភាព​ក្តៅ ឬ​ត្រជាក់​បាន​ទើប​មិន​បណ្តាល​ឲ្យ​ឈឺធ្មេញ​ទេ នៅពេល​ទទួលទាន​អាហារ​ក្តៅ ឬ​ត្រជាក់​ខ្លាំង​៕​

មូលហេតុ និង​វិធី​ការពា​ជំងឺ​រលាក​ថ្លើម​ប្រភេទ B

ជំងឺ​រលាក​ថ្លើម​ប្រភេទ B បណ្តាលមកពី​វីរុស​ច្រើន​ប្រភេទ ដែល​ជួប​ញឹកញាប់​គឺ​វីរុស A ( HAV ) និង​វីរុស B ( HBV ) ដែល​វីរុស​ទាំងពីរ​ប្រភេទ​នេះ ធ្វើឲ្យ​មាន​អាការ​ប្រហាក់ប្រហែលគ្នា ប៉ុន្តែ​កា​ឆ្លង​ជំងឺ​មិន​ដូចគ្នា ។ ជំងឺ​រលាក​ថ្លើម​ប្រភេទ B មាន​ភាព​ធ្ងន់ធ្ងរ​ជាង​ប្រភេទ A និង​មាន​ឱកាស​ក្លាយ ទៅ​ជា​រលាក​ថ្លើម​រុំ​ា​រ៉ៃ ហើយ​មេរោគ HBV នឹង​នាំ​ឲ្យក្លាយ​ទៅ​ជា​មហា​រីកថ្លើម​បាន ប៉ុន្តែ​បច្ចុប្បន្ន មាន​វ៉ាក់សាំង​ការពារ​ជំងឺ​នេះ​បាន ។

១- មូលហេតុ​នៃ​ការ​រលាក​ថ្លើម​ប្រភេទ B :
​​បណ្តាលមកពី​មេរោគ​វីរុស Hepatitis B Virus ( HBV ) ដែល​ជា​ឌី​អី​ន​អេ​វីរុស ចាត់​ចូលក្នុង​ក្រុម Hepadna Virus ដែល​មាន​ផ្នែក​សំខាន់​ជា​អង់​ទី​ហ្សែ​ន  (Antigen ) ដែល​មាន​តួ​កំណត់សម្គាល់ ( Markers ) ដ៏​សំខាន់​របស់​ជំងឺ​នេះ​គឺ :
​    ​-Hepatitis B Surface Antigen ( HBsAg )
​    ​-Hepatitis B Core Anigen ( HBcAg )
​    ​-​និង Hepatitis B e Antigen ( HBeAg)
​    ​ដែល​មាន​នៅក្នុង​ឈាម និង​ជាតិ​ទឹក​ដែល​រាងកាយ​បញ្ចេញ​មក​ក្រៅ​ផ្សេងៗ ។

​    ​២- ការចម្លង​នៃ​ជំងឺ :
​    ​មេរោគ​រលាក​ថ្លើម​ប្រភេទ B ( HBV ) ឆ្លង​តាមរយៈ​ឈាម និង​ជាតិ​ទឹក​ដែល​រាងកាយ​បញ្ចេញ​មក​ក្រៅ ដូចជា ទឹក​មាត់ ស្លេស្ម ទឹក​ដោះ ទឹកកាម ជាពិសេស​ឈាម គឺជា​ប្រភព​សំខាន់​ដែល​មាន​មេរោគ​នៅ​ច្រើន​បំផុត រីឯ​ទឹកមាត់ មាន​តិច​បំផុត ។ អ្នក​ដែល​មាន​មេរោគ HBV នៅក្នុង​រាងកាយ​លើស ពី​៦​ខែ ចាត់ទុក​ជា​ភ្នាក់ងា​ចម្លង​រោគ (Carrier ) ក្នុងការ​សាយភាយ​មេរោគ​ទៅ​ឲ្យ​អ្នកដ៏ទៃ ។ ការឆ្លង​ដ៏​សំខាន់​មួយទៀត គឺ​ការបានទទួល​ឈាម ឬ​សមាសធាតុ​ផ្សំ​របស់​ឈាម​ដែល​មាន​វីរុស HBV ការប្រើ​ម្ជុល ឬ​សី​រ៉ាំ​ង​រួមគ្នា ប៉ះពាល់​ជាមួយ​ឈាម ឬ​ជាតិ​ទឹក​ដែល​រាងកាយ​បញ្ចេញ​មក​ក្រៅ តាមរយៈ​ស្បែក ឬ​ភ្នាស​ផ្សេងៗ ឬ​ឆ្លង​តាមរយៈ​ការ​រួមភេទ (​ការឆ្លង​ស្រដៀង​នឹង​ជំងឺអេដស៍ ) ។​

​    ​អ្នក​ដែល​ឆ្លង​មេរោគ​ប្រភេទ B រុំ​ា​រ៉ៃនឹ​ង​ក្លាយជា​មហា​រី​ថ្លើម រីឯ​ការឆ្លង​រោគ​ក្នុង​វយ័​ទារក និង​កុមា មានឱកាស​ជា​ភ្នាក់ងា​ចម្លងជំងឺ ខ្ពស់​ជាង​វយ័​មនុស្សធំ និង​ឈាន​ទៅរក​ការបាត់បង់​ដោយ​ជំងឺថ្លើម​ខ្ពស់ជាង​មាតា ដែល​ជា​អ្នកចម្លង​មេរោគ​ទៅ​ឲ្យ​កូន ។ មាន​របាយកាណ៍​ថា ទារក​ប្រមាណ ៧០-៩០% ដែល​ម្តាយ​មាន HBsAg នឹង​មាន​អាការ​ឆ្លង​មេរោគ​រលាក​ថ្លើម B បែប​រុំ​ា​រ៉ៃ​នា​ពេល​ក្រោយ​
( បើ​មិន​ឆ្លង​មេរោគ​ក្នុងអំឡុងពេល​សម្រាល រហូតដល់​អាយុ​៥​ឆ្នាំ ) ហើយក៏​មាន​ឱកាស​ឆ្លង​មេរោគ​រលាក​ថ្លើម​ប្រភេទ B ច្រើន​ជាង​ទារក ដែល​ម្តាយ​គ្មាន​មេរោគ​នេះ ។​

​    ​សរុប​ទៅ​ភ្នាក់ងា​ចម្លង​ជំងឺថ្លើម (HBsAg ) អាច​ចម្លង​មេរោគ​តាមរយៈ

​    ​២.១- ឈាម : ការបានទទួល​ឈាម ឬ​អង្គ​ប្រកប​របស់​ឈាម​ដែល​មាន​មេរោគ ។​

​    ​២.២- ប្រើ​ម្ជុលចាក់​ថ្នាំ​រួមគ្នា : កា​ប្រើ​របស់​មុត​ស្រួច ដូចជា​កាំបិត​កោរ កន្ត្រៃ​កាត់​ក្រចក​រួមគ្នា ការចាក់​ម្ជុល​រួមគ្នា​
( ជា​ពិសេស​អ្នក​ប្រើប្រាស់​ថ្នាំញៀន​ដោយ​ការចាក់​ថ្នាំ ) អាច​មាន​ឈាម នៅជាប់​របស់​ទាំងនេះ ហើយ​ឆ្លង​ចូល​តាមរយៈ​ស្នាម​ដាច់​នៃ​ស្បែក ។​

​    ​២.៣- កា​រួមភេទ : ដោយ​ការ​ដាច់​រលាត់​នៃ​ភ្នាស ឬ​ជាលិ​កាទ្វា​មាស ធ្វើឲ្យ​មេរោគ​ដែល​នៅក្នុងឈាម ឬ​ទឹកកាម ក្នុង​ទ្វា​មាស​នឹង​ឆ្លង​ចូល​ទៅ​កាន់​អ្នកជំងឺ ដោយ​វិធី​នេះ ស្វាមី​ដែល​ផ្ទុក​មេរោគ​អេដស៍ ក៏​អាច​ចម្លង​ទៅឲ្យ​ភរិយា​របស់ខ្លូន​បាន​។

​    ​២.៤- មាតា​ចម្លងជំងឺ​រលាក​ថ្លើម​ឲ្យ​ទារក : មាតា​អាច​ចម្លង​មេរោគ​ឲ្យ​ទារក​ក្នុង​ពេល​សម្រាល ដោយ​មេរោគ​ដែល​នៅក្នុង​ឈាម ក្នុង​ទឹករំអិល ក្នុង​ទ្វា​មាស និង​ក្នុង​ទេ​ក​ភ្លោះ ឆ្លង​ចូល​តាមរយៈ​ស្បែក និង​ភ្នាស​ស្តើង​របស់​ទារក ដែល​មាន​ការ​ដាច់​រលាត់ ។​

​    ​២.៥- ទឹក​មាត់ : ទោះបីជា​មាន​មេរោគ​តិច​តួចក្តី ប៉ុន្តែ​បើ​បាន​ទទួល​ដដែលៗ​កានតែ​ច្រើនឡើងៗ ក៏​អាច​ជា​ផ្លូវ​ចម្លង​មេរោគ​បានដែរ ដូចជា ការប្រើ​ច្រាស់​ដុស​ធ្មេញ ការប្រើ​ស្លាបព្រា បំពង់​បឺត​ភេសជ្ជៈ ឬ​ការប្រើ​កែវ​ទឹក​រួមគ្នា ជាដើម ឬ​ការ​ដែល​មាតា​ទំពារ​អាហារ​នៅ​នឹង​មាត់ រួច​យក​មក​បញ្ចុក​កូន ក៏​អាច​ជា​វិធី​ចម្លង​មេរោគ​រលាក​ថ្លើម​ផងដែរ ។​

​    ​២.៦- ទឹក​ដោះ :​មាតា​ដែលមាន​មេរោគ​រលាក​ថ្លើម​ប្រភេទ B ក្នុង​ខ្លូន មេរោគ​នឹង​អាច​ឆ្លង​តាមរយៈ​ទឹកដោះ​ទៅកាន់​ទា​រកបាន ។ ក្នុង​បណ្តា​ប្រទេស​អភិវឌ្ឍន៍​ដែល​មាន​អត្រា​កើត​ជំងឺ​ប្រភេទ B តិចតួច ដូចជា​សហរដ្ឋអាមេរិក ( អត្រា​កើត​០.១%) នឹង​មិន​ណែនាំ​ឲ្យ​ម្តាយ ដែល​មាន​មេរោគ HBV ចិញ្ចឹម​កូន​ដោយ​ទឹកដោះ​របស់​ខ្លូន​ឡើយ ។ ប៉ុន្តែ​បណ្តា​ប្រទេស​កំពុងអភិវឌ្ឍន៍ ឬ​ប្រទេស​ដែល​មាន​អត្រា​កើត​ជំងឺ​នេះ​ខ្ពស់ អង្គការ​សុខភាព​ពិភពលោក​បាន​ណែនាំ​ឲ្យ​ទារក​បៅ​ទឹកដោះ​ម្តាយ​បាន ព្រោះ​អត្រា​ប្រឈរមុខ​នឹង​ការឆ្លង​មេរោគ​រលាក​ថ្លើម តិច​ជាង​បញ្ហា​ដែល​កើតឡើង ដោយសារ​ជំងឺរាក​រួស ជំងឺឆ្លង​មេរោគ​ផ្សេងៗ និង​បញ្ហា​កង្វះ​ជីវជាតិ​អាហារ បើ​ទារក​មិន​បាន​បៅ​ទឹកដោះ​ម្តាយ ។​

​    ​៣- អាការ​ជំងឺ : រយៈពេល​សំងំ​ខ្លូន​នៃ​ជំងឺ​រលាក​ថ្លើម គឺ​ពី​៥០-១៥០​ថ្ងៃ គិត​ជា​មធ្យម ១២០​ថ្ងៃ ភាគច្រើន​នៃ​អ្នក​ឆ្លង​មេរោគ នឹង​ពុំ​បង្ហាញ​អាការ ប៉ុន្តែ​អាច​ជា​ភ្នាក់ងា​ចម្លង​ជំងឹបាន ជាពិសេស​ចំពោះ​ទារក ។ ការឆ្លង​រោគ​ក្នុង​វយ័​ទារក ឬ​កុមា​តូចៗ មានឱកាស​ជា​ភ្នាក់ងា​ចម្លងជំងឺ​ច្រើន​ជាង​មនុស្ស​ធំ ។​

​    ​អាការ​របស់​អ្នកជំងឺ​រលាក​ថ្លើម​ប្រភេទ B នឹង​ចាប់ផ្តើម​ដោយ​មាន​គ្រុនក្តៅ​តិចៗ មាន​អាការ​ខាង​ប្រពន្ធ័​រំលាយ​អាហារ ធុញ​អាហារ ក្អូតចង្អោរ ឈឺ​ពោះ អាច​ឈឺ​ពេញ​ទាំង​ខ្លូន ឬ​ឈឺ​បរិវេណ​ជាយ​ឆ្អឹងជំនី​ខាងស្តាំ ជា​កន្លែង​ដែល​ស្ទាប​ទៅ​ឃើញ​ថ្លើម​រីក​ធំ ពេល​សង្កត់ នឹង​មាន​អាការ​ឈឺ ទឹកនោម​ឡើង​ពណ៌​ដូច​ទឹកតែ​ចាស់ ។ ចាប់ផ្តើម​មាន​អាការ​ភ្នែក​លឿង ខ្លូន​លឿង នៅ​ចុង​សប្តាហ៍​ដំបូង ពេល​ដល់​ដំណាក់កាល​នេះ ការ​គ្រុនក្តៅ​នឹង​ចុះថយ អាការ​ទូទៅ មាន​សភាព​ប្រសើរឡើង ។

​ចំពោះ​អ្នកជំងឺ​ជា​កុមារ ភាគច្រើន​អាការ​រលាក​ថ្លើម​មិន​ធ្ងន់ធ្ងរ ដូច​មនុស្ស​ពេញ​វយ័​នោះទេ ភាគច្រើន​នឹង​ជាសះស្បើយ​ជា​ប្រក្រតី ក្នុង​រយៈពេល ២-៤​សប្តាហ៍ មាន​ភាគ​តិច​ប៉ុណ្ណោះ ដែល​ក្លាយជា​ជំងឺ​រលាក​ថ្លើម​រុំ​ា​រ៉ៃ ឬ​ធ្ងន់ធ្ងរ​ខ្លាំង ធ្វើ​ឲ្យ​ខ្សោយ​ថ្លើម រហូតដល់​ថ្នាក់​បាត់បង់​ជីវិត ។​

​    ​៤- ការវិនិច្ឆយ័ : គ្រូពេទ្យ​នឹង​ធ្វើកា​វិនិច្ឆយ័​ពី​អាការ​ខាងលើ រូ​ម​ជាមួយនឹង​ការ​រក​ឃើញ​ភាពខុសប្រក្រតី នៃ​ការ​ដំណើរការ​របស់​ថ្លើម ដោយ​ការពិនិត្យ​អង់​ហ្ស៊ី​ម ដែល​អាច​បញ្ជាក់​ថា ជា​ជំងឺ​រលាក​ថ្លើម ប៉ុន្តែ នឹង​អាច​បញ្ជាក់​ច្បាស់​ថា ជា​រលាក​ថ្លើម​ដោយសារ​វីរុស B ( HBV ) តាមរយៈ​ការពិនិត្យ​ឃើញ​មេរោគ HBsAg និង​ពិនិត្យ​ឃើញ​អង្គ​បដិបក្ខ ចំពោះ​អង់​ទី​ហ្សែ​ន​ផ្សេងទៀត ។​

​    ​៥- កា​ព្យាបាល : ពុំ​មាន​ថ្នាំ​ព្យាបាល​ដោយ​ឡែក​ណាមួយ​នោះទេ គ្រូពេទ្យ​នឹង​ធ្វើការ​ព្យាបាល​តាម​អាការ និង​ណែនាំ​ឲ្យ​ផ្តល់​អាហារ​ដែល មាន​ប្រយោជន៍​ចំពោះ​អ្នកជំងឺ ។​

​    ​៦- កា​ដាក់​អ្នកជំងឺ​ឲ្យនៅ​ដោយឡែក : ដោយសារ​មានការ​ឆ្លង​តាមរយៈ​ឈាម និង​ជាតិ​ទឹក​ដែល​រាងកាយ​បញ្ចេញ​ចោល ទើប​ត្រូវ​ការពារ ឲ្យ​ទូលំទូលាយ​ប្រភេទ Universal Precaution ដូច​ជា​ជំងឺអេដស៍​ដែរ ។ ក្នុងពេល​ដែល​ដឹង​ថា ជា​ប្រភេទ​ណាមួយ​ឲ្យ​ពិតប្រាកដ ត្រូវ​បំបែក​អ្នកជំងឺ​នៅ​ដោយឡែក​ជា​ប្រភេទ Enteric Precaution​ព្រោះ​មេរោគ​រលាក​ថ្លើម​ប្រភេទ A និង B មានការ​ឆ្លង​តាមរយៈ ការ​ទទួលទាន​អាហារ​តាម​មាត់ និង​តាមរយៈ​លាមក​ដែល​ធ្វើឲ្យ​មេរោគ សាយភាយ​នៅ​ក្និង​បរិស្ថាន​ជុំវិញ ។

​    ​៧- ការបង្ការ​ជំងឺ :
​    ​៧.១-  ចៀសវាង​ការប៉ះពាល់ ឬ​កា​ផ្តល់​ឈាម ឬ​អង្គ​ប្រកប​ផ្សេងៗ​របស់​ឈាម ដោយ​មិន​ចាំបាច់ ។

​    ​៧.២- មិន​ប្រើប្រាស់​របស់​មុត​ស្រួច​រួមគ្នា ដូចជា ម្ជុលចាក់​ថ្នាំ ឬ​ស៊ីរ៉ាំង​រួមគ្នា ។​

​    ​៧.៣- មិន​ប្រើប្រាស់​ភាជនៈ​ក្នុងការ​ទទួលទាន​ទឹក ឬ​ភាជនៈ​ដាក់​អាហារ រួម​ជាមួយ​អ្នកជំងឺ ឬ​អ្នក​ដែលមាន​ផ្ទុកមេរោគ​រលាក​ថ្លើម ។​

​    ​៧.៤- គូរ​ស្វាមីភរិយា បើ​អ្នកណា​ម្នាក់​មាន​ផ្ទុកមេរោគ​រលាក​ថ្លើម ម្នាក់ទៀត គូរ​ទទួលបាន​វ៉ាក់សាំង​ការពារ​។​

​    ​៧.៥- ផ្តល់​វ៉ាក់សាំង​ប្រភេទ B ចំពោះ​ទារក​ទើប​នឹង​កើត​គ្រប់គ្នា ដោយ​ចាក់​វ៉ាក់សាំង ម្ជុល​ទី​១ ក្នុង​រយៈពេល ៥​ម៉ោង ក្រោយ​រយៈពេល​សម្រាល ។ ម្ជុល​ទី​២ ពេល​ទារក អាយុ​២​ខែ និង​ម្ជុល​ទី​៣ ពេល​អាយុ​៦​ខែ ហើយ​ដើម្បី​បង្ក​ការឆ្លង​ពី​ម្តាយ​ទៅ​កូន ក្នុងដំណាក់កាល ក្រោយៗ​ទៀត ស្ត្រី​ជា​មាតា​ដែលមាន​មេរោគ​រលាក​ថ្លើម HBeAg អាច​ពិចារណា ចាក់​វ៉ាក់សាំង​បង្កា​ប្រភេទ HBIG ( Hepatitis B Immune Globulin ) រួម​ជាមួយ​ផង ៕

ស្ត្រី​ញៀន​ស្រា​ឆាប់​បាត់បង់​ជីវិត​ជាង​បុរស​

លទ្ធផល​ស្រាវជ្រាវ​ថ្មីៗ​នេះ​របស់​ក្រុម​អ្នកវិទ្យាសាស្ត្រ បានបង្ហាញ​ថា អ្នក​ដែល​ចំណុះ​ទៅ​លើ​ស្រា ពិសេស​គឺ​ស្ត្រី មានការ​ប្រឈម​បាត់បង់​ជីវិត​ខ្ពស់ជាង​២​ដង ប្រៀប​នឹង​បុរស​។​

​ពួក​អ្នក​ស្រាវជ្រាវ​អាល្លឺម៉ង់ នៅ​មហាវិទ្យាល័យ​វេជ្ជសាស្ត្រ Greifswald បាន​ដំណើរការ​សិក្សា​ស្រាវជ្រាវ​លើ​បុរស​និង​ស្ត្រី​ជា​ង ៤.០០០​នាក់ ក្នុង​រយៈពេល​១៤​ឆ្នាំ​។

 

លទ្ធផល​បង្ហាញ​ថា ការ​ទទួលទាន​ច្រើន​និង​ចំណុះ​ទៅលើ​ស្រា បណ្តាល​ឱ្យ​ប្រឈម​នឹង​ការ​ឆាប់​បាត់បង់​ជីវិត​។ តាមរយៈ​នោះ ពួក​អ្នក​ស្រាវជ្រាវ​បាន​រកឃើញថា អត្រា​បាត់បង់​ជីវិត​ខ្ពស់ជាង ៤,៦​ដង ចំពោះ​ស្ត្រី​ញៀន​ស្រា និង​ខ្ពស់ជាង ១,៩​ដង ចំពោះ​បុរស​ញៀន​ស្រា ប្រៀប​នឹង​អ្នកញៀន​ស្រា​។​

​សាស្ត្រាចារ្យ​បណ្ឌិត​សរសៃប្រសាទ​វិទ្យា James Garbutt នៅ​មហាវិទ្យាល័យ North Carolina, អាមេរិក បានឱ្យ ដឹងថា ការស្រាវជ្រាវ​នេះ បាន​ទទួលស្គាល់​ពី​ទំនាក់ទំនង​រវាង​ការ​ញៀន​ស្រា និង​ការ​ឆាប់​បាត់បង់​ជីវិត​។ នេះ​ជា​ភស្តុតាង​បន្ថែម​បង្ហាញថា ស្ត្រី​ជួប​បញ្ហា​សុខភាព​ធ្ងន់ធ្ងរ​ដោយសារ​ស្រា​ច្រើន​ជាង​ប្រៀប​នឹង​បុរស​។​

​អ្នកជំនាញការ​រោគរាតត្បាត Ulrich John ដែល​ជា​អ្នកដឹកនាំ​ការស្រាវជ្រាវ បានឱ្យដឹងថា គ្រោះថ្នាក់​ពាក់ព័ន្ធ​ដល់​ជំងឺ​ញៀន​ស្រា រីកចម្រើន​ខ្លាំង​ជាង​នៅ​លើ​ស្ត្រីភេទ ហើយ​ពួកគេ​ងាយ​ឆាប់​ស្លាប់​ដោយសារ​ជំងឺ​តម្កាត់ ដូចជា​ត្រូវ​ក្រិន​ថ្លើម​៕​

​ជិត​មាន gel លាប​ទ្វារមាស​ប្រឆាំង​ហ៊ី​វ​

ប្រភេទ​ជែ​ល ( gel ) លាប​ទ្វារមាស​ប្រឆាំង​ហ៊ី​វ ក្រោយពេល​រួមភេទ នឹង​ជិត​មាន​ហើយ​។ វា​ជា​សណ្ឋាន​ថ្នាំ​ថ្មី ពោរពេញ​ដោយ​ក្តីសង្ឃឹម សម្រាប់​មនុស្ស​គ្រប់គ្នា សូម្បីតែ​ពេល​វា​ត្រូវបាន​លាប​លើ​ទ្វារមាស ៣ ម៉ោង ក្រោយពេល​រួមភេទ ។​

​ថ្មីៗ​នេះ ពួក​អ្នកស្រាវជ្រាវ​អាមេរិក បានប្រកាសថា ពួកគេ​បាន​រកឃើញ gel លាប​រំអិល​ទ្វារមាស​មួយ​ប្រភេទ ដែល​អាចជួយ​ស្ត្រី ក្នុងការ​បង្ការ​បញ្ចៀស​ជំងឺ​សតវត្សរ៍ ហ៊ី​វ​/​អេដស៍ ។​
​លទ្ធផល​នៃ​ការសិក្សា​ស្រាវជ្រាវ​នេះ ត្រូវបាន​ចុះផ្សាយ​លើ​ទស្សនា​វ​ដ្តី Science Translational Medicine ។
​ដើម្បី​អនុវត្ត​ការស្រាវជ្រាវ​នេះ ពួក​អ្នកវិទ្យាសាស្ត្រ​អាមេរិក នៅ​មជ្ឈមណ្ឌល​គ្រប់គ្រង និង​បង្ការ​ជំងឺ បាន​ពិសោធន៍​ថ្នាំលាប​ទ្វារមាស លើ​សត្វ​ស្វា ក្នុង ៣ ម៉ោង ក្រោយពេល​រួមភេទ ហើយ​ថ្នាំ​បានការ​ពារ​បាន ៥/៦ សត្វ​ស្វា ផុតពី​អម្បូរ​វីរុស​មួយ ដូច​ហ៊ី​វ​ដែរ ដែល​កើតមាន​នៅលើ​សត្វ ។​

ជិត​មាន gel លាប​រំអិល​ទ្វារមាស​ក្រោយ "​សិច​" ប្រឆាំង​ហ៊ី​វ​

​បើតាម​ការស្រាវជ្រាវ​មួយចំនួន ពីមុនមក​នោះ អ្នកវិទ្យាសាស្ត្រ បាន​រកឃើញ gel លាប​រំអិល​ទ្វារមាស មាន​ប្រសិទ្ធភាព​ប្រឆាំង​វីរុស​ហ៊ី​វ តែ​វា​ច្រើន​ត្រូវបាន​ប្រើប្រាស់ មុនពេល​រួមភេទ ។ រឿងនេះ អាច​ឥទ្ធិពល​ដល់​អារម្មណ៍​សុខ​ស្រួល​ក្នុង "​សិច​" ។ អាស្រ័យ​ហេតុ​នោះ ពួក​អ្នកវិទ្យាសាស្ត្រ ចាត់ទុកថា gel លាប​ទ្វារមាស​ប្រឆាំង​ហ៊ី​វ ក្រោយពេល​រួមភេទ ជា​សណ្ឋាន​ថ្នាំ​ថ្មី ពោរពេញ​ដោយ​ក្តីសង្ឃឹម សម្រាប់​មនុស្ស​គ្រប់គ្នា ។​

​ការបញ្ចៀស​នូវ​ការចម្លង​មេរោគ​ហ៊ី​វ ក្រោយពេល​រួមភេទ ត្រូវបាន​ចាត់ទុកជា​ជំហាន​រីកចម្រើន​ថ្មី និង​សំខាន់បំផុត សំដៅ​បង្ការ​ប្រឆាំង​ជំងឺអេដស៍ ដែលមាន​ប្រសិទ្ធភាព​ជាង ។ ប៉ុន្តែ​ក្រុម​អ្នកស្រាវជ្រាវ នៅតែ​ចាត់ទុកថា នេះ​ជាការ​ស្រាវជ្រាវ​តូច​មួយ និង​លើកទឹកចិត្ត ក្នុងការ​ជំរុញ​ឲ្យ​មានការ​ពិសោធន៍​ទ្រង់ទ្រាយ​ធំ​ជាង ជាច្រើន​ទៀត លើស​ត្វ និង​មនុស្ស ៕M/V/L​

ជំងឺ​ស្ងួត​ភ្នែក​កំពុង​កើន​ឡើងលើ​ក្រុមមនុស្ស​វ័យក្មេង​

ការ​ចំណុះ​ទៅលើ​ឧបករណ៍​បច្ចេកវិទ្យា​ខ្ពស់​កំពុង​រំញោច​ស្ថានភាព​ជរាភាព​ចំពោះ​ភ្នែក​របស់​ក្រុមមនុស្ស​វ័យក្មេង ដោយសារ​ពួកគេ​មិនសូវ​ព្រិច​ភ្នែក​។​
​ស្ងួត​ភ្នែក ជា​ស្ថានភាព​ច្រើន​កើតឡើង​នៅ​មនុស្ស​ចាស់​។ នៅ​អាមេរិក​ឆ្នាំ​២០០៦ អាកា​រៈ​ស្ងួត​ភ្នែក កើន​ខ្ពស់​ចំពោះ​ស្ត្រី​ក្នុង​វ័យ​អស់​រដូវ និង​ក្រោយពេល​អស់​រដូវ ដោយសារតែ​ខ្វះ​អ័រម៉ូន androgen​។ ប៉ុន្តែ​ការ​ចំណុះ​ច្រើន​ហួស​ទៅលើ​ឧបករណ៍​បច្ចេកវិទ្យា​ខ្ពស់ តាំងពី​កុំព្យូទ័រ laptop... បណ្តាលឱ្យ​មនុស្ស​វ័យក្មេង​ជាច្រើន​នាពេល​បច្ចុប្បន្ននេះ ជួប​បញ្ហា​អំពី​ភ្នែក គឺ​ភ្នែក​ត្រូវ​ស្ងួត​។​
​ស្ថិតិ​របស់​មហាវិទ្យាល័យ Cardiff បង្ហាញថា យុវជន​រាប់លាន​នាក់​នៅ​អង់គ្លេស​កំពុង​កើត​ជំងឺ​ស្ងួត​ភ្នែក បណ្តាលឱ្យ​ភ្នែក​ធ្លាក់​ទៅក្នុង​ស្ថានភាព​រមាស់​, ក្រហម​, ដោយសារ​ពួកគេ​សម្លឹង​ជាប្រចាំ​ទៅលើ​អេក្រង់​កុំព្យូទ័រ ឬ​ទូរស័ព្ទ​។​
​បណ្ឌិត Christine Purslow បានឱ្យដឹងថា ក្រុម​របស់​អ្នកស្រី រកឃើញថា ពេល​ប្រើប្រាស់​ឧបករណ៍​បច្ចេកវិទ្យា​ខ្ពស់ ខួរក្បាល​របស់​មនុស្ស​ម្នាក់ ប្រមូលផ្តុំ​ហួស​កម្រិត​ទៅលើ​អេក្រង់ ដល់​ថ្នាក់​ភ្លេច​ព្រិច​ភ្នែក​។ រឿងនេះ​វា​មាន​ឥទ្ធិពល​ទៅដល់​ប្រព័ន្ធ​លាប​រអិល​របស់​ភ្នែក​។​
​បណ្ឌិត Purslow បាន​បញ្ជាក់ថា តាម​ធម្មតា មនុស្ស​ព្រិច​ភ្នែក​ពី​១២ ទៅ​១៥​ដង​ក្នុង​មួយ​នាទី ប៉ុន្តែ​អត្រា​នេះ អាច​ថយចុះ​នៅត្រឹម​៧ ឬ​៨​ដង ក្នុង​មួយ​នាទី ពេល​មនុស្ស​ជក់​តាមដាន​អេក្រង់​កុំព្យូទ័រ​។ ការ​ភ្លេច​ព្រិច​ភ្នែក​នឹង​ជំរុញ​ឲ្យ​ស្រទាប់​ទឹកភ្នែក ដែលជា​ស្រទាប់​សារជាតិ​រំអិល​ការពារ​ផ្ទៃ​ខាងក្រៅ​របស់​ភ្នែក ធ្លាក់​ក្នុងស្ថានភាព​មួយ​ដែល​សកម្មភាព គ្មាន​ប្រសិទ្ធភាព​។ បច្ចុប្បន្ន ៣០​ភាគរយ​នៃ​ប្រជាជនមាន​អាយុ​លើស​៥០​ឆ្នាំ នៅ​អង់គ្លេស កើត​ជំងឺ​ស្ងួត​ភ្នែក ប៉ុន្តែ​តួលេខ​នេះ​កំពុង​កើនឡើង​ជាមួយនឹង​ការរួមចំណែក​របស់​ក្រុមមនុស្ស​ក្មេងៗ​។​
​បណ្ឌិត Purslow បាន​ព្រមាន​ថា ម៉ាស៊ីន​កុំព្យូទ័រ កំពុង​ធ្វើឱ្យ​មនុស្ស​ចាស់​ទៅៗ ប្រសិន​ពិនិត្យ​ពី​ស្ថានភាព​ភ្នែក​។ ពីព្រោះថា ការប្រើប្រាស់ laptop ឬ​កុំព្យូទ័រ​កាន់តែច្រើន​នោះ លទ្ធភាព​ត្រូវ​ស្ងួត​ភ្នែក ក៏​កាន់តែ​ខ្ពស់​ដែរ​។ មុននេះ មនុស្ស​ច្រើន​ប្រើ​កុំព្យូទ័រ​តែ​នៅ​កន្លែងធ្វើការ ប៉ុន្ដែ​សព្វថ្ងៃ ឧបករណ៍​បច្ចេកវិទ្យា​ខ្ពស់ បាន​ទៅតាម​ពួកគេ​នៅ​គ្រប់​ទីកន្លែង បណ្តាលឱ្យ​ភ្នែក ធ្លាក់​ទៅក្នុង​ស្ថានភាព ហួស​ចំណុះ​។​
​ពួក​អ្នកជំនាញការ បាន​ទូន្មាន​ដល់​អ្នក​ដែល​ប្រើ​ឧបករណ៍​បច្ចេកវិទ្យា​ខ្ពស់​ជាប្រចាំ​ថា គួរ​ហាត់​ទម្លាប់​សម្រាក​តាម​ម៉ោង ដើម្បី​បន្ថយ​សកម្មភាព​ភ្នែក និង​កុំ​ភ្លេច​ព្រិច​ភ្នែក​ជាប្រចាំ ដើម្បី​រំញោច​លទ្ធភាព​លាប

"ផ្លូវ" នាំទៅដល់ជំងឺក្រពះលឿនបំផុត

​មាន​ទម្លាប់​ជាច្រើន​ដែល​យើង​ស្មានថា គ្មាន​គ្រោះថ្នាក់ តែ​ការពិត​វា​គឺជា "​ផ្លូវ​" នាំទៅដល់​ជំងឺ​ក្រពះ​លឿន​បំផុត ។​
១.​ធ្វើការ​ហួសកម្លាំង​
​ពេល​អ្នកធ្វើការ​ហួសកម្លាំង នឹង​នាំ​ដល់​ការ​ថមថយ​ថាមពល អូស​ទៅតាម​សមត្ថភាព​ទប់ទល់​រប​ស់​សរីរាង្គ​ត្រូវ​ទ្រុឌទ្រោម​យ៉ាង​លឿន ។ ផ្តើម​ពី​នោះ​មុខងារ​ស្វ័យ​ការងារ​របស់​ភ្នាស​ក្រពះ​ក៏ត្រូវ​ចុះខ្សោយ ។ រឿងនេះ​បណ្តាល​ឲ្យ​ក្រពះ​ងាយ​ត្រូវ​បាត់​តុល្យភាព​មុខងារ​បញ្ចេញ​ចោល​ដោយសារ​មិនត្រូវ​បានផ្តល់​ឈាម​គ្រប់ ។ ពេល​ក្រពះ​ត្រូវ​សល់​អាស៊ីត ទឹករំអិល​ក្រពះ​តិច​ទៅ ភ្នាស​ក្រពះ​នឹងត្រូវ​អន្តរាយ និង​បង្ក​ជា​ស្ថានភាព​ឈឺក្រពះ ។​
២.​ទទួលទាន​មិន​វិទ្យាសាស្ត្រ​
​ទទួលទាន​វិទ្យាសាស្ត្រ​ជា​រឿង​ចាំបាច់​បំផុត ដើម្បី​ការពារ​ក្រពះ​របស់​អ្នក ។ ទទួលទាន​លឿន​ពេក ទទួលទាន​មិនត្រូវ​ម៉ោង ទទួលទាន​មិន​ស្រប​អនាម័យ ទទួលទាន​អាហារ​ត្រជាក់ ឬ​គ្រឿងទេស​ច្រើន​.... សុទ្ធតែ​អាចជៈ​ឥទ្ធិពល​ដល់​សុខភាព​ក្រពះ ។​
​ពេល​អ្នក​ទទួលទាន​លឿន​ពេក អាហារ​ដែលពុំទាន់​ត្រូវបាន​កិន​ម៉ត់នៅ​មាត់​បាន​ត្រូវបញ្ជូន​ចុះទៅ​ក្រពះ ផ្តើម​នោះ​បង្កើន​អំ​រែក​ធ្ងន់​ឲ្យ​ក្រពះ ។ រឿងនេះ​ធ្វើ​ឲ្យ​ភ្នាស​ក្រពះ​ត្រូវរបួស និង​បន្ថយ​រំញោច​ក្រពះ ។​
​អាហារ​ត្រជាក់ អាហារ​មាន​គ្រឿងទេស​ច្រើន អាច​បង្ក​រំញោច​ខ្លាំង​ឲ្យ​សរសៃឈាម​នៅ​ក្រពះ​បើកទូលាយ ធ្វើ​ឲ្យ​ថយចុះ​បរិមាណ​ចរាចរ​ឈាម​ទៅដល់​ផ្នែក​ផ្សេងៗ និង​រារាំង​ការរំលាយ​អាហារ​ធម្មតា ។​
​ទទួលទាន​ច្រើន​នៅពេល​យប់ ពិសេស​ប្រសិន​អ្នក​ទទួលទាន​អាហារ​ពិបាក​រលាយ​មុនពេល​គេង​នឹង​បង្ខំ​ឲ្យ​ផ្លូវ​ពោះវៀន​របស់​អ្នកធ្វើការ​ហួស​ចំណុះ ទឹករំអិល​ក្រពះ​បញ្ចេញ​ហួស​កម្រិត​បង្ក​ការ​សិករិច​ភ្នាស​ក្រពះ ។ យូរៗ​ទៅ​រឿងនេះ​នឹង​បណ្តាល​ឲ្យ​កើត​ជំងឺ​ដូចជា​ឈឺ រលាក ដំបៅ​ក្រពះ ។​
​ទទួលទាន​មិនត្រូវ​ពេល​ក៏បង្ក​គ្រោះថ្នាក់​ឲ្យ​ក្រពះ ព្រោះ​ធម្មតា​ដល់​ម៉ោង​កំណត់​មួយ ក្រពះ​នឹង​បញ្ចេញ​អាស៊ីត​ដើម្បី​រំលាយ​អាហារ ។ ប្រសិន​ដល់ពេល​នោះ​អ្នក​មិន​បំពេញ​អាហារ​នោះ​បរិមាណ​អាស៊ីត​កកើត​នឹងត្រូវ​សល់ ផ្តើម​ពី​នោះ​អាច​បង្ក​ជា​ជំងឺ​រលាក​ដំបៅ​ក្រពះ ។​
​ធ្វើការ​បណ្តើរ​ទទួលទាន​បណ្តើរ​ក៏​ជា​មូលហេតុ​បង្ក​ជា​ជំងឺ​ក្រពះ ។ ពេលធ្វើការ ពិសេស​ធ្វើការ​ខួរក្បាល​បរិមាណ​ឈាម​ដ៏​ធំ​នឹងត្រូវ​បាន "​កេណ្ឌ​" ទៅដល់​តំបន់​កណ្តាល​សរសៃប្រសាទ ដើម្បី​បម្រើ​សកម្មភាព​ខួរក្បាល ។ បរិមាណ​ឈាម​ផ្គត់ផ្គង់​ឲ្យ​ក្រពះ ដើម្បី​អនុវត្ត​មុខងារ​រំលាយ​អាហារ​ត្រូវ​ថយចុះ​ងាយ​បង្ក​របួស​ឲ្យ​ក្រពះ ។​
៣.​តានតឹង​សរសៃប្រសាទ​
​បាតុភូត​ឈឺក្រពះ​ដោយសារ​តានតឹង​សរសៃប្រសាទ​ច្រើន​ជួបប្រទះ​បំផុត​នៅមុខ​សញ្ញា​បុគ្គលិក​ការិយាល័យ ។ ពេល​អ្នក​លុះ​ទៅក្នុង​ស្ថានភាព​ពិបាក​ទ្រាំ តានតឹង សោកសៅ អស់កំលាំង​... ការបញ្ចេញ​រំអិល​នៅ​ក្រពះ​ក៏ទទួល​ឥទ្ធិពល​តាម ។ នោះ​ជា​មូលហេតុ ដែល​មុខងារ​ក្រពះ​មិនបាន​អនុវត្ត​ល្អ​ដូច​រាល់ពេល ។ ភាព​តានតឹង​ខាង​ផ្លូវចិត្ត អារម្មណ៍​អាច​អូស​ទៅតាម​ឥទ្ធិពល​អាក្រក់​នៅ​ក្រពះ ។​
៤.​ប្រើប្រាស់​ថ្នាំ​បន្ថយ​ឈឺចាប់​ច្រើន​ហួស​
​ពពួក​ថ្នាំ​បន្ថយ​ឈឺចាប់​សុទ្ធ​តែមាន​ឥទ្ធិពល​រារាំង​ការផលិត​ភ្នា​ក់ងារ​ការពារ​គែម​ក្រពះ ។ ពេល​ភ្នាស​ក្រពះ​នេះ​ត្រូវ​ឥទ្ធិពល និង​បំពេញមិន​ល្អ​មុខងារ​ការពារ​គែម​ក្រពះ​នោះ​នឹង​នាំ​ដល់​បាតុភូត​ក្រពះ​ច្របាច់​កន្ត្រាក់​ខុស​ប្រក្រតី បង្ក​ការឈឺ ។ មិនតែប៉ុណ្ណោះ ពេល​ភ្នាស​ត្រូវ​ឥទ្ធិពល​ធ្ងន់ធ្ងរ នៅ​ធ្វើ​ឲ្យ​លេចចេញ​ស្នាមដំបៅ​ក្នុង​ក្រពះ នាំ​ដល់​ជំងឺ​រលាក​ដំបៅ​ក្រពះ ។​
៥.​ទទួលទាន​ស្រា ស្រា​បៀរ​ហួស​កម្រិត​

​ស្រា ស្រា​បៀរ ឬ​ភេសជ្ជៈ​មាន​អាល់កុល​ទាំងអស់​សុទ្ធតែ​ផ្ទុក​សារធាតុ Vibiotics ។ ពពួក​អង់​ហ្ស៊ី​ម​ទាំងនេះ​ប្រសិន​ចូលក្នុង​សរីរាង្គ​នៅ​កម្រិត​ល្មម​នោះ​នឹងមាន​ប្រយោជន៍​សម្រាប់​ការរំលាយ​អាហារ តែ​ប្រសិន​អ្នកទទួល​ទាន​ស្រា ស្រា​បៀរ​ច្រើនពេក បរិមាណ​សារជាតិ​ប៊ី​យូ​ទិ​ក​ចូលទៅក្នុង​សរីរាង្គ​លើស​ចំណុះ​នឹង​បង្ក​ភាពមិនប្រក្រតី​ក្នុង​ផ្លូវ​រំលាយ​អាហារ និង​រារាំង​សមត្ថភាព​សម្រួល​អាហារ​របស់​ក្រពះ ផ្តើម​ពី​នោះ​បង្ក​ជា​ជំងឺ​នៅ​ក្រពះ​ដូចជា​ឈឺក្រពះ រលាក​ដំបៅ​ក្រពះ​... ៕​f/M

វីតាមីន C និងជំងឺគ្រួសតម្រងនោម

​បុរស​ប្រើ​ថ្នាំ​គ្រាប់​វីតាមីន C តិច​បំផុត ១.០០០mg ម្តង​ក្នុង​១​ថ្ងៃ គឺ​បង្កើន​គ្រោះថ្នាក់​កើត​ក្រួសតម្រងនោម​២​ដង ។​
​ នោះ​ជា​លទ្ធផល​ស្រាវជ្រាវ​របស់​ពួក​អ្នកវិទ្យាសាស្ត្រ​នៅ​វិទ្យាស្ថាន Karolinska (​ស៊ុយអែត​) ក្នុង​រយៈពេល​១១​ឆ្នាំ លើ​មនុស្ស​ចាប់ពី​ម​ជ្ឈឹ​ម​វ័យ​ឡើងទៅ​ចំនួន​២២.០០០​នាក់ ។​
​នៅ ​អ្នក​ប្រើ​វីតាមីន C រាល់ថ្ងៃ ៣,៤% កើត​ក្រួសតម្រងនោម ប្រៀប​នឹង ១,៨% អ្នក​មិន​ប្រើ​វីតាមីន C រាល់ថ្ងៃ ។ មូលហេតុ​គឺ​ដោយសារ​បរិមាណ​វីតាមីន C ដែល​សរីរាង្គ​ស្រូបយក​ត្រូវបាន​បញ្ចេញ​ក្នុង​ទឹកនោម​នៅ​សណ្ឋាន Oxalat ។ Oxalat និង​កាល់ស្យូម​គួបផ្សំ​ទៅជា​ក្រាម​តូចៗ និង​ក្លាយជា​ក្រួសតម្រងនោម ។​

​បណ្ឌិត Laura Thomas អ្នកដឹកនាំ​ការស្រាវជ្រាវ​សង្កត់ធ្ងន់ថា គ្រោះថ្នាក់​កើត​គ្រួស​តម្រង​នោះ​ដោយសារ​ការប្រើ​វីតាមីន C សំខាន់​ចំណុះ​ទៅលើ​បរិមាណ​ប្រើប្រាស់​រាល់ថ្ងៃ និង​ការ​គួបផ្សំ​របស់​វីតាមីន C ជាមួយ​ពពួក​សារជាតិ​ជីវជាតិ​ផ្សេងៗ​ដែល​សរីរាង្គ​ស្រូបយក ។​
​ការស្រាវជ្រាវ​ត្រូវបាន​ប្រកាស​លើ JAMA international medicine ។​
​ ក្នុងការ​ស្រាវជ្រាវ​មួយ​ផ្សេង​ត្រូវបាន​ដំណើរការ​លើ​មនុស្ស​មជ្ឈិមវ័យ ៤០០.០០០​នាក់ នៅ​៨​រដ្ឋ​របស់​អាមេរិក ពី​ឆ្នាំ​១៩៩៥ ដល់ ១៩៩៦ បង្ហាញថា បុរស​ដែល​ទទួលទាន​តិច​បំផុត ១.០០០mg កាល់ស្យូម ក្នុង​១​ថ្ងៃ នោះ​កើន​២០% គ្រោះថ្នាក់​បាត់បង់​ជីវិត ដោយសារ​ជំងឺ​សរសៃឈាម​បេះដូង ។​
​ប៉ុន្តែ ក្រុម​ស្រាវជ្រាវ​ពី​វិទ្យាស្ថាន​មហារីក​ជាតិ (​អាមេរិក​) មិន​រកឃើញ​ទំនាក់ទំនង​រវាង​ការ​ទទួលទាន​កាល់ស្យូម និង​ជំងឺ​សរសៃឈាម​បេះដូង​នៅ​ស្ត្រី ៕​M

​ជាតិ​ខ្លាញ់ ជួយ​បញ្ចុះទម្ងន់​

៖ ប្រេង​រុក្ខជាតិ​
​ពួក​អ្នកវិទ្យាសាស្ត្រ បាន​សន្និដ្ឋានថា ដើម្បី​បញ្ចុះទម្ងន់ គួរ​រក្សា​បរិមាណ​ជាតិ​ខ្លាញ់​មួយ សមល្មម​នឹងមាន​ប្រសិទ្ធភាព ជាង​វិធី​កម្ចាត់​ជាតិ​ខ្លាញ់ ចោល​ទាំងស្រុង ពី​របប​ទទួលទាន ។​
​គួរ​ធ្វើ​អ្វី​ដើម្បី​ផ្លាស់ប្តូរ​មូលដ្ឋាន​របប​ជីវជាតិ ?​។
​ពួក​អ្នកវិទ្យាសាស្ត្រ​អាមេរិក បាន​ទូន្មាន​ថា គួរពិនិត្យមើល​ឡើងវិញ​របប​អាហារ ដើម្បី​មាន​តុល្យភាព ក្នុង​របប​ទទួលទាន​ប្រចាំថ្ងៃ ត្រូវមាន​គ្រប់​បរិមាណ​ជាតិ​ខ្លាញ់ ដែល​ភាគច្រើន​គឺ​ប្រេង​រុក្ខជាតិ ។​
ពួក​អ្នកស្រាវជ្រាវ បាន​តាមដាន​រប​បទ​ទួល​ទាន របស់​អ្នកចូលរួម​ពិសោធន៍ ២ ក្រុម ។ ក្រុមទី​១ តម​ជាតិ​ខ្លាញ់​ទាំងស្រុង ។ ក្រុមទី​២ មានប្រើ​ប្រេង​រុក្ខជាតិ​ក្នុង​បរិមាណ​ល្មម​មួយ ។ លទ្ធផល បាន​បង្ហាញថា មនុស្ស​នៅ​ក្រុមទី​១ មិនអាច​រក្សា​រប​បទ​ទួល​ទាន​ខ្វះ​ជាតិ​ខ្លាញ់ ក្នុង​មួយរយៈ​ពេល​វែង​បានទេ ។ ពីដំបូង​ពួកគេ​បាន​ថយចុះ​ទម្ងន់ បាន​មួយចំនួន តែ​បន្ទាប់មក បញ្ឈប់​របប​នេះ និង​បាន "​ស្តារ​" ឡើងវិញ ទម្ងន់​ថយចុះ បាន​យ៉ាង​លឿន ។ ក្នុងពេលនោះ មនុស្ស​នៅ​ក្រុមទី​២ ប្រើ​ប្រេង​រុក្ខជាតិ បាន​បញ្ចុះ​ជា​មធ្យម ៤​គីឡូក្រាម ប្រៀប​នឹង​ក្រុមទី​១ ។ ហើយ​ក្នុង​រយៈពេល ពី ១ ទៅ ៥ ឆ្នាំ មាន​ជាង ៥០% នៃ​ចំនួន​មនុស្ស​នៅ​ក្រុមទី​២ នៅតែ​បន្ត​រក្សា​របប​ជីវជាតិ​របស់ខ្លួន ដោយ​មិន​ជួប​បញ្ហា​អំពី​សុខភាព ។
យើង​គួរ​ជំនួស​ជាតិ​ខ្លាញ់​សត្វ ដោយ​ប្រេង​រុក្ខជាតិ ។ ប្រេង​រុក្ខជាតិ ចាំបាច់​ត្រូវ​ដណ្តើម ២/៣ បរិមាណ​ជាតិ​ខ្លាញ់ ដើម្បី​ធានា​តុល្យភាព​របស់​របប​ជីវជាតិ​មួយ​ត្រឹមត្រូវ ។ ប្រេង​រុក្ខជាតិ មាន​ផ្ទុក​ពពួក​អាស៊ីត​ខ្លាញ់​មិន​ឆ្អែត ។ វា​នឹង​សម្រួលការ​បំប្លែង​ជាតិ​ខ្លាញ់ ក្នុង​សរីរាង្គ​មនុស្ស មិន​ធ្វើ​ឲ្យ​ធាត់ និង​ជួយ​យើង​បង្កើតជា​សមាសធាតុ​ល្អ សម្រាប់​ម៉ូលេគុល​ជាតិ​ខ្លាញ់​ក្នុង​ឈាម ។ រឿងនេះ នឹង​ទប់ស្កាត់​ការ​ផ្តុំ​កូ​ឡេ​ស្តេ​រ៉ូ​ល ក្នុង​គែម​សរសៃឈាម និង​ការរីកចម្រើន​របស់​ជំងឺ​ក្រឹ​ន​រឹង​សរសៃឈាម ៕M/V/L​

ទឹក​ផ្លែ​ប៉ោម​ខាប់ ល្អ​សម្រាប់​សុខភាព

​ទឹក​ផ្លែ​ប៉ោ​ម ដែល​ខាប់ៗ មើល​ទៅ​មិន​គួរឲ្យ​ចង់​ទទួលទាន តែ​វា​គឺជា​ទឹក​ផ្លែ​ឈើ​ដែល​អ្នក​មិន​គួរ​មើលរំលង​ឡើយ ព្រោះ​នៅក្នុង​ទឹក​ផ្លែ​ប៉ោម​នោះ មាន​សារធាតុ​ប៉ូ​លី​ហ្វេ​ណុល (Polyphenol) ដែល​ជា​សារធាតុ​ប្រឆាំង​នឹង​រ៉ាឌីកាល់​សេរី ច្រើន​ជាង​ទឹកថ្លា ដល់​ទៅ ៤ ដង និង​អាច​កម្ចាត់​រ៉ាឌីកាល់​សេរី ចេញពី​រាងកាយ បាន​ថែម​ទៀត ។ ចំណែក​ទឹក​ផ្លែ​ប៉ោម​ថ្លាៗ មាន​ពណ៌​ស្អាត រសជាតិ​ឆ្ងាញ់ តែ​វា​មិនសូវ​មាន​សារធាតុ​ដែល​ល្អ​សម្រាប់​រាងកាយ​នោះទេ ។ ដូច្នេះ ដើម្បី​ផ្តល់​សារធាតុ​ល្អៗ​នានា​ដល់​រាងកាយ ឲ្យបាន​ច្រើន អ្នក​គួរ​ទទួល​ទាន​ទឹក​ផ្លែ​ប៉ោម​ខាប់​វិញ ៕

​ផឹកទឹក “​ស្លឹក​ត្រចៀកក្រាញ់​” បំបាត់​ផ្តាសាយ​នៅ​រដូវរងារ​

នៅ​ពេល​ព្រឹក នា​រដូវរងារ យើង​តែង​មាន​អារម្មណ៍​ត្រជាក់​ខុសប្លែក​ពី​ពេល​ដទៃ ដូច្នេះ​ការ​កើតរោគ​ផ្តាសាយ ក៏​ងាយ​យាយី​ដែរ​។​

​យើង​ចាំបាច់​ត្រូវ​បំបាត់រោគ​ផ្តាសាយ​ទៅវិញ​ឲ្យបាន​ឆាប់រហ័ស ឬ​មិន​ត្រូវ​បណ្តែតបណ្តោយ​ឲ្យ​កើតរោគ​រ៉ាំរ៉ៃ​នោះឡើយ បើ​ពុំនោះ​ទេ នឹង​កើតរោគ​ផ្តាសាយ​ធំ ទឹក​ចូល​សួត​។​ល​។​

​តាម​ការពិសោធន៍ ក៏ដូចជា​ការស្រាវជ្រាវ គេ​បាន​រកឃើញថា ស្លឹក​ត្រចៀកក្រាញ់ អាច​ប្រើ​បំបាត់រោគ​ផ្តាសាយ​បាន​យ៉ាង​ល្អ​។ បើ​ចង់​បំបាត់រោគ​ផ្តាសាយ​ដោយ​ស្លឹក​ត្រចៀកក្រាញ់ យើង​អាច​អនុវត្ត​វិធី​លាយ​ផ្សំ​ធ្វើជា​ឱសថ​ដូចជា​៖


​វិធី​ធ្វើៈ​

១-​យក​ស្លឹក​ត្រចៀកក្រាញ់​មក​ហាន់ឲ្យ​បាន​មួយកូន​ចានចង្កឹះ ហើយ​យក​ទៅ​លាយ​ជាមួយ​ទឹកស្អាត​មួយ​កូន​ចានចង្កឹះ​។​

២-​ដាក់​ស្ករ​-​ស អំពៅ បីកូន​ចានចង្កឹះ រំងាស់​រហូត​ទាល់តែ​ស្លឹក​ត្រចៀកក្រាញ់​ឡើង​ខាប់​ស្អិត​។​

៣-​ដាក់​បន្ថែម​ម្រេច ខ្ញី​ម៉ដ្ឋ រួច​រំងាស់​បន្ត រហូត​ទាល់តែ​ទឹក​ឡើង​ខាប់​ដូច​ស្ករ​។ ត្រូវ​កូរ​គ្រប់ពេល បន្ទាប់ពី​នោះ​ដាក់ចុះ​ពី​ចង្ក្រាន កូរ​លឿនៗ រួច​ហើយ​ទុក​រហូត​ទាល់តែ​ស្ងួត ទើប​យក​ទៅ​ប្រើប្រាស់​៕​

ស្ត្រី​បរិភោគ​ត្រី​ច្រើន ជំនួយ​ដល់​សុខភាព​បេះ​ដួង​

ក្រុម​អ្នកស្រាវជ្រាវ​របស់​ប្រទេស​ដា​ណឺ​ម៉ាក បាន​ឲ្យ​ដឹងថា ស្ត្រី​វ័យក្មេង​ដែល​ចូលចិត្ត​បរិភោគ​ត្រី សម្បូរ​ទៅដោយ​ជាតិ​អាស៊ីដ​ខ្លាញ់​អូ​មេ​ហ្គា​-៣ ជាប្រចាំ កាត់បន្ថយ​នូវ​គ្រោះថ្នាក់​ដោយសារ​បញ្ហា​បេះដូង​បាន​។
​ការសិក្សា​ជំហាន​ដំបូង បាន​ត្រួតពិនិត្យ​តាមដាន​ទៅលើ​ស្រី​វ័យក្មេង ដែលមាន​ចន្លោះ​ពី ១៥​ឆ្នាំ ដល់ ៤៩​ឆ្នាំ ហើយ​បាន​កំណត់ថា តើ​តាម​ការបរិភោគ​សាច់​ត្រី របស់​ពួកគេ​ពិតជា​មាន​ផល​ល្អ​ដល់​សុខភាព​បេះដូង​របស់​ពួកគេ នាពេល​បច្ចុប្បន្ន ឬមួយ​យ៉ាងណា​នោះ​។​
​ក្រុម​អ្នកស្រាវជ្រាវ បាន​លាតត្រដាង​ថា ស្ត្រី​ដែល​កម្រ ឬក៏​មិនដែល​បរិភោគ​ត្រី​សោះ អាច​ប្រឈម​នឹង​អត្រា​គ្រោះថ្នាក់​ដោយ​បញ្ហា​បេះដូង ចំនួន ៩០% ក្នុង​រយៈពេល ៨​ឆ្នាំ​ខាងមុខ បើ​ធៀប​ជាមួយ​ស្ត្រី​ដែល​ទម្លាប់​បរិភោគ​ត្រី​ប្រចាំថ្ងៃ​។ ម្យ៉ាងទៀត លទ្ធផល​ស្ទាបស្ទង់​ខាងលើ ក៏បាន​បង្ហាញ​ផងដែរ​ថា ក្នុងចំណោម​ស្ត្រី​ទាំងនោះ ស្ត្រី​ដែល​កម្រ ឬ​មិន​បរិភោគ​ត្រី​សោះ មាន​បញ្ហា​បេះដូង​ច្រើនជាង​៥០% ក្នុង​រយៈពេល ៥​ឆ្នាំ បើ​ធៀប​ជាមួយ​អ្នក​បរិភោគ​ត្រី​ជាប្រចាំ​។​
​​ជាមួយគ្នានេះ នៅពេល​ក្រុម​អ្នកស្រាវជ្រាវ បាន​ត្រួត​ពិនិត្យមើល​បញ្ជី វាយតម្លៃ​៣​ខុសគ្នា ចំពោះ​ជំងឺ​បេះដូង ក្នុង​រយៈពេល​បី​សប្តាហ៍​នៅ​មន្ទីរពេទ្យ បាន​រកឃើញថា វា​មានការ​កើនឡើង​ខ្ពស់​ដល់​ទៅ​បី​ដង ក្នុងចំណោម​ស្ត្រី​ដែល​បាន​បរិភោគ​ត្រី​។​
​ការចុះផ្សាយ​នៅក្នុង​ព្រឹត្តិបត្រ សមាគម​បេះដូង​អាមេរិក បានធ្វើ​ការសិក្សា​តាមដាន​ទៅលើ​ស្ត្រី​ដា​ណឺ​ម៉ាក ៤៩.០០០​នាក់ ដែល​នៅ​វ័យ​ចាប់ពី​អាយុ ៣០​ឆ្នាំ តាមរយៈ​បទសម្ភាសន៍​តាម​ទូរស័ព្ទ ដោយ​សាកសួរ​អំពី​ទម្លាប់​រស់នៅក្នុង​គ្រួសារ ជីវិត​ប្រចាំថ្ងៃ និង​ការបរិភោគ​ត្រី នៅក្នុង​រយៈពេល ៨​ឆ្នាំក្រោយ​។​
​លោក​ម៉ា​រី​ន ស្ត្រូ​ម (Marin Strom) ជា​ប្រធាន​ក្រុម​ស្រាវជ្រាវ និង​ជា​វេជ្ជបណ្ឌិត នៅ​មជ្ឈមណ្ឌល​សម្រាប់​កម្មវិធី​ទារក របស់​វិទ្យាស្ថាន​ស្តេត​ធេ​ន​សឺ​រ៉ូម (Statens Serum Institute) ក្នុង​ទីក្រុង​ខូ​ផេ​ន​ហា​ហ្គេ​ន (Cophenhagen) ប្រទេស​ដា​ណឺ​ម៉ាក បាន​និយាយថា យើង​សង្កេតឃើញ​ពី​សម្ព័ន្ធ​ទាក់ទង​នឹង​ជំងឺ​បេះដូង ចំពោះ​ស្ត្រី​ដែល​ជិត​ឈានចូល​វ័យ ៣០-៤០​ឆ្នាំ​។
​ទោះបីជា​យ៉ាងណា ស្ត្រី​ភាគច្រើន​បាន​រាយការណ៍​មក​ថា ការបរិភោគ​ត្រី​ម័​រ​រុយ ត្រី​សាល​ម៉ន ត្រី​សារ​ឌី​ន និង​ត្រី​ស្បៃ​កា ដែល​សុទ្ធសឹង​តែមាន​កម្រិត​អាស៊ីដ​ខ្លាញ់​អូ​មេ​ហ្គា​-៣ ពិតជា​ជួយ​ការពារ​ប្រឆាំងនឹង​ជំងឺ​បេះដូង រួមទាំង​ជំងឺ​សរសៃឈាម​ផងដែរ​។​

អាយុវែង ក្មេងយូរដោយសារ... ទទួលទានស៊ុតស្អុយ

តាម​ការស្រាវជ្រាវ​ទើប​ប្រកាស​នៅ​ប្រទេស​ចិន ជាតិ​ឧស្ម័ន​ធ្វើ​ឲ្យ​ស៊ុត​ស្អុយ (​ស៊ុត​មិន​ញាស់​) មាន​ក្លិន​ពិសេស​អាច​ពន្យឺតដំណើរ​ការ​ជរាភាព និង​ទប់ស្កាត់​ប្រតិកម្ម​អាច​បង្ក​អន្តរាយ​ខាងក្នុង​កោសិកា ។​
ពួក​អ្នកវិទ្យាសាស្ត្រ​បាន​ពិនិត្យមើល​ឥទ្ធិពល​របស់​សារជាតិ​ឧស្ម័ន​មាននៅ​ក្នុង​ស៊ុត​ស្អុយ​ចំពោះ​ប្រព័ន្ធ​សរសៃឈាម​បេះដូង និង​សរសៃប្រសាទ និង​រកឃើញថា សារជាតិ Hydro Sulfua មានលទ្ធភាព​រំញោច​ស​កម្ម​ភាព​ហ្សែ​ន​មួយ​ពាក់ព័ន្ធ​ដល់​អាយុ​ដូចជា Resveratrol (​សារជាតិ​ប្រឆាំង​អុកស៊ីតកម្ម​មួយ មាននៅ​ក្នុង​ស្រា​ទំពាំងបាយជូរ​ក្រហម​) ។​
​សារជាតិ​ចម្រុះ​ឧស្ម័ន Hydro Sulfua លេចឡើង​ដើម្បី​រារាំង​ភាពចំណាស់ និង​ទប់ស្កាត់​ជំងឺ​អំពី​វ័យ​ជាមួយនឹង​ឥទ្ធិពល​តិច​បំផុត ៣ Jiang Zhisheng និង​សហសេវិក​នៅ​មហាវិទ្យាល័យ​ចិន​ខាងត្បូង នៅ​ខេត្ត​ហ៊ូ​ណាន (​ចិន​) ឲ្យ​ដឹង ។​
​ជាតិ​ឧស្ម័ន​ពី​ស៊ុត​ស្អុយ​មាន​ប្រសិទ្ធភាព​ប្រឆាំង​ទប់ទល់​ពពួក​រ៉ាឌីកាល់​សេរី​បង្ក​គ្រោះថ្នាក់​ឲ្យ​កោសិកា ទន្ទឹម​នោះ​ជំរុញ​សរីរាង្គ​ផលិត​អង់​ហ្ស៊ី​ម​មួយ​ប្រភេទ​សម្រួល​អាយុ និង​ប្រតិកម្ម​ទៅវិញទៅមក ជាមួយ​ហ្សែ​ន​១ ជួយ​បង្កើត​សារជាតិ​ចម្រុះ​ប្រឆាំង​ជរាភាព ។​
"​មាន​ភស្តុតាង​ជាច្រើន​បង្ហាញថា Hydro Sulfua អាច​ក្លាយជា​កត្តា​ខ្លាំងក្លា​បន្ត​ទប់ស្កាត់ និង​បន្ថយ​ស្រាល​រោគសញ្ញា​ចំណាស់ និង​ជំងឺ​លេចឡើង​ជាមួយ​វ័យ​" អ្នកស្រាវជ្រាវ Jiang ឲ្យ​ដឹង ។​
​ការស្រាវជ្រាវ​អះអាង​ពី​ជំនឿ​របស់​មនុស្ស​ជាច្រើន​អំពី​ម្ហូប​ស៊ុត​ស្អុយ ទន្ទឹម​នោះ​លើកទឹកចិត្ត​គ្រប់គ្នា​គួរ​បំពេញបន្ថែម​អាហារ​មាន Hydro Sulfua ក្នុង​របប​អាហារ​របស់ខ្លួន​ជួយ​ព​ន្លឿ​ន​ដំណើរការ​ជរាភាព ៕M​

មានរោគសញ្ញាគួរចាប់អារម្មណ៍ចំនួន៥ដែលត្រូវទៅពិនិត្យមហារីកភ្លាម

តាមវេជ្ជបណ្ឌិតHerman Katt loveអតីតអ្នកនាំពាក្យរបស់សមាគមមហារីកអាមេរិកបានធ្វើការណែនាំថាប្រការសំខាន់បំផុត ក្នុងការវិនិច្ឆ័យជំងឺមហារីកគឺត្រូវយកចិត្តទុកដាក់អំពីរោគសញ្ញាខុសប្រក្រតីចំនួន៥ ៖
១.ការហូរឈាមខុសប្រក្រតី
ក្អកចេញឈាមអាចជាសញ្ញារបស់មហារីកសួត ។ ស្នាមឈាមក្រម៉ៅក្នុងលាមកអាចជាសញ្ញាមហារីកពោះវៀន មហារីកមាត់ស្បូន ឬស្រោមស្បូនបង្កការចេញឈាមទ្វារមាស ។ មានឈាមក្នុងទឹកនោមអាចជាសញ្ញារបស់មហារីកប្លោកនោម ឬមហារីកតម្រងនោមជ្រាបចេញពីក្បាលដោះអាចជាសញ្ញាមហារីកដោះ ។
២.ប្រែប្រួលស្បែក
ស្បែក និងភ្នែកពណ៌លឿង ស្បែកក្រហម និងរមាស់ ឬជាំខ្មៅអាចជាសញ្ញារបស់មហារីកស្បែក ឬគីសកំណាច ។
៣.របកដំបៅមិនសះ
មហារីកស្បែកមានការបង្ហាញចេញជាដំបូងដូចជាចេញឈាមនិងស្នាមរបួសពិបាកសះ។ស្នាមដំបៅយូរក្នុងមាត់អាចជាសញ្ញាមហារីកមាត់ ។
៤.ស្រកទម្ងន់ខុសធម្មតា
សឹងតែទាំងអស់នៃអ្នកជំងឺមហារីកសុទ្ធតែត្រូវស្រកទម្ងន់ដោយមិនច្បាស់មូលហេតុ ។ ប្រសិនអ្នកត្រូវស្រកទម្ងន់ 10kg ឬច្រើនជាងក្នុងរយៈពេលខ្លីមួយ វាអាចជាសញ្ញាដំបូងរបស់មហារីកក្រពេញលំពែង ក្រពះ បំពង់ក សួត ។
៥.ឈឺពឺត
អ្នកត្រូវទៅពិនិត្យសុខភាពប្រសិនឈឺក្បាល ឬឈឺខ្នងរ៉ាំរ៉ៃ ៕M

បំបាត់​អាកា​រៈ​ក្អក​ដោយ​មិនបាច់​ប្រើ​ថ្នាំ​

កាលណា​យើង​កើត​ជំងឺ​ផ្តាសាយ អាកា​រៈ​មួយ​ដែល​ច្រើន​តាម​មកជា​មួយ​ដែរនោះ គឺ​អាកា​រៈ​ក្អក​។ ថ្ងៃនេះ យើង​មាន​វិធី​បំបាត់​អាកា​រៈ​ក្អក​ដោយ​មិនចាំបាច់​ប្រើ​ថ្នាំ មក​ជម្រាបជូន​។​
​អាកា​រៈ​ក្អក បែង​ចែកជា​ពីរ​ប្រភេទ ទីមួយ​ក្អក​ទាន់ហន់ ដែលមាន​អាកា​រៈ​ក្អក​មិន​លើសពី ៣​សប្តាហ៍​។ ភាគច្រើន​កើត​ពី​ការឆ្លង​មេរោគ​ក្នុង​ប្រព័ន្ធ​ផ្លូវដង្ហើម​ផ្នែក​លើ ឬ​ស្រូបយក​វត្ថុ​កខ្វក់​ចូលក្នុង​បំពង់ខ្យល់ ដូចជា ផ្សែង​បារី ឧស្ម័ន ជាដើម​។ អាកា​រៈ​ក្អក​ម្យ៉ាងទៀត​ហៅថា ក្អក​រ៉ាំរ៉ៃ អាកា​រៈ​ក្អក​ប្រភេទ​នេះ គឺ​ក្អក​យូរ​លើសពី ៣​សប្តាហ៍​ឡើងទៅ​។ វា​អាច​បណ្តាលមកពី​រោគ​រលាក​បំពង់ខ្យល់​រ៉ាំរ៉ៃ ការប្រើ​ថ្នាំ​លើសឈាម​ប្រភេទ​ខ្លះ​ជាប់ៗ​គ្នា រោគ​រលាក​អាមីដាល់​រ៉ាំរ៉ៃ ឬ​រោគរបេង ជាដើម​។​ល​។​
​នៅពេល​ចាប់ផ្តើម​មាន​អាកា​រៈ​ក្អក ត្រូវ​សាកល្បង​រក​ទឹក (​មិនត្រូវ​យក​ទឹក​ត្រជាក់ ឬ​ទឹក​ក្តៅ​ទេ គួរតែ​យក​ទឹក​ធម្មតា ឬ​ទឹក​ក្តៅ​ឧណ្ហៗ​) មក​ផឹក​ឲ្យ​បាន​ញឹកញាប់ ក៏​អាចជួយ​កាត់បន្ថយ​អាកា​រៈ​ក្អក​បានដែរ​។ ក្រៅពីនេះ ចន្លោះពេល​ដែលមាន​អាកា​រៈ​ក្អក គប្បី​ចៀសវាង​នៅ​ទីកន្លែង​ណា​ដែលមាន​សីតុណ្ហភាព​ទាប  ឬ អាកាសធាតុ​ត្រជាក់​។ ប្រសិនបើ​មិនអាច​ចៀសវាង​បានទេ ត្រូវធ្វើ​យ៉ាងណា​ឲ្យ​រាងកាយ​កក់ក្តៅ ផ្អាក​ទទួលទាន​ការ៉េម ចៀសវាង​ការ​ងូត និង​ផឹកទឹក​ត្រជាក់ តម​ជក់បារី និង​តម​អាហារ​ចៀន​ខ្លាញ់​ទាំងឡាយ​ផង​។
​ទោះយ៉ាងណា​ក៏ដោយ ប្រសិនបើ​អាកា​រៈ​ក្អក​រ៉ាំរ៉ៃ មិន​ព្រម​បាត់ ត្រូវ​ទៅ​ពិគ្រោះ​ជាមួយ​គ្រូពេទ្យ ដើម្បី​ពិនិត្យ​រក​មូលហេតុ​ពិត ទើប​អាច​ព្យាបាល​បាន​ត្រូវចំ​រោគ និង​ទាន់ពេលវេលា​៕ 

ភាព​រីកចម្រើន​ថ្មី​ក្នុងការ​ព្យាបាល​រលាក​ថ្លើម C រ៉ាំរ៉ៃ​

គួបផ្សំ​ថ្នាំលេប​ថ្មី​មាន​សារជាតិ Sof និង សារជាតិ​រំញោច RBV ក្នុង​រយៈពេល ១២-២៤ សប្តាហ៍​សម្រេចបាន​ប្រសិទ្ធភាព​ខ្ពស់​ក្នុងការ​ព្យាបាល​រលាក​ថ្លើម C រ៉ាំរ៉ៃ ប្រភេទ ២ និង ៣ ។​
​នេះ​ជាការ​សន្និដ្ឋាន​ទើបត្រូវ​បានប្រកាស​ដោយ​ក្រុម​អ្នកស្រាវជ្រាវ​នៅ​វិទ្យាស្ថាន Goethe (​អាល្លឺម៉ង់​) ។ ដោយ​វិភាគ​លើ​លទ្ធផល​ព្យាបាល​តាម​វិធីសាស្ត្រ​ថ្មី​នេះ​លើ​អ្នកជំងឺ​រលាក​ថ្លើម C រ៉ាំរ៉ៃ ប្រភេទ ២ ចំនួន ៩១​នាក់ និង​ប្រភេទ ៣​ចំនួន ៣២៨​នាក់ , ពួក​វេជ្ជបណ្ឌិត​កត់សម្គាល់​ថា ៖ មាន ៩១% នៃ​អ្នកជំងឺ​រលាក​ថ្លើម C ប្រភេទ ២ និង ៨៥% នៃ​អ្នកជំងឺ​រលាក​ថ្លើម C ប្រភេទ​៣ បាន​ផល​ល្អ​ក្រោយពេល​បញ្ចប់​ការព្យាបាល ។​
​ពិសេស​ពួក​វេជ្ជបណ្ឌិត​នៅបាន​ឲ្យ​ដឹង​ទៀតថា សម្រាប់​អ្នកជំងឺ​រលាក​ថ្លើម C រ៉ាំរ៉ៃ ប្រភេទ​៣ ចូល​ដំណាក់កាល​ក្រិន​ថ្លើម , អត្រា​ឆ្លើយតប​ល្អ​ជាមួយ​វិធីសាស្ត្រ​ថ្មី​នេះ​សម្រេចបាន ៦៨% ។​
​រលាក​ថ្លើម C រ៉ាំរ៉ៃ ជា​ជំងឺ​បង្កឡើង​ដោយ​វីរុស​ឆ្លងតាម​ផ្លូវ​ឈាម , វីរុស​មាន​៦ ប្រភេទ ត្រូវបាន​ដាក់​លេខ​ពី ១-៦ ក្នុងនោះ ប្រភេទ​១ មាន​កម្លាំង​ពុល​ខ្លាំង​បំផុត ។ ថ្នាំ​សំខាន់​សម្រាប់​ព្យាបាល​ពីមុន​មកទល់​សព្វ​ថ្ងៃ​គឺ​ថ្នាំ​ចាក់​មាន​សារជាតិ​រំញោច IFN ឬ PEG-IFN ប្រើ​ក្នុង​៦​ខែ ដល់​១​ឆ្នាំ ជាមួយនឹង​ឥទ្ធិពល​បន្ទាប់បន្សំ​ច្រើន ៕M/T/L​

បន្ថយ​សម្ពាធ​ឈាម​ខ្ពស់ អាស្រ័យ​ដោយ​ពន្លឺ​ថ្ងៃ​

​ពន្លឺ​ថ្ងៃ ជួយ​បន្ថយ​សម្ពាធ​ឈាម​ខ្ពស់ កត្តា​បង្ក​ជំងឺ​បេះដូង និង​ស្ត្រូ​ក​។ នេះ​បើតាម​ការស្រាវជ្រាវ​មួយ ត្រូវបាន​ចុះផ្សាយ លើ​ទស្សនា​វ​ដ្តី Investigative Dermatology ។​
​ពួក​អ្នកវិទ្យាសាស្ត្រ​អង់គ្លេស បាន​រកឃើញថា ការប្រាស្រ័យ​ជាមួយ​ពន្លឺព្រះអាទិត្យ ជួយ​សរីរាង្គ​មនុស្ស ប្រែប្រួល​កម្រិត​នី​ទ្រិ​ក​អុកស៊ីត (NO) សើ​ស្បែក និង​ធ្វើ​ឲ្យ​យារ​រីក​សរសៃឈាម ដូច្នេះ​នឹង​ជួយ​បន្ថយ​ជំងឺលើសឈាម ។​
លោក Martin Feelish សាស្ត្រាចារ្យ​នៅ​សកលវិទ្យា​ល័យ Southampton (​អង់គ្លេស​) បាន​ឲ្យ​ដឹងថា ៖ "​បរិមាណ​តូច​មួយ របស់ NO នឹង​ត្រូវបាន​បញ្ជូន​ពី​ស្បែក ទៅដល់​ដំណើរការ​ចរាចរ​ឈាម ជួយ​បន្ថយ​ពណ៌​សម្បុរ​របស់​សរសៃឈាម​" ។​
ថ្វី​ត្បិត ដូច្នេះ តាម​សាស្ត្រាចារ្យ Feelish ការប្រាស្រ័យ​ច្រើនពេក ជាមួយ​ពន្លឺព្រះអាទិត្យ អាច​បង្ក​មហារីក​ស្បែក តែ​ប្រសិន​ពុំមាន​វា​នោះ ហានិភ័យ​ជំងឺ​បេះដូង នឹង​កើន​ខ្ពស់ ៕M/V/L

បន្ថយ ៥០% ជំងឺទឹកនោមផ្អែម ដោយសារជិះកង់

​ពួក​អ្នកវិទ្យាសាស្ត្រ​អង់គ្លេស បាន​ដំណើរការ​ស្រាវជ្រាវ​លើ​មនុស្ស ២០.៤៥៨ នាក់ និង​រកឃើញថា អ្នកមាន​ទម្លាប់​ធ្វើ​ចលនា​រាល់ថ្ងៃ មាន​ប្រសិទ្ធភាព​សកម្ម ធ្វើ​ឲ្យ​ថយចុះ​ហានិភ័យ​, ធ្វើ​ឲ្យ​ថយចុះ​ហានិភ័យ​កើត​ជំងឺ​ទឹកនោមផ្អែម ។​
​ឧទាហរណ៍ៈ ធាត់​, លើស​ទម្ងន់​, អ្នក​ដែល​ទៅធ្វើ​ការ​ដោយ​ធ​ម្យោ​បាយ​គមនាគមន៍​សាធារណៈ ថយចុះ ១៥%, ដើរ​ថយចុះ​បាន ២០% និង​ជិះ​កង់​បន្ថយ​បាន ២០% ។ ចំពោះ​ហានិភ័យ​កើត​ជំងឺ​ទឹកនោមផ្អែម នោះ​ក្រុម​ដើរ​បន្ថយ​បាន​ដល់ ៤០%, ជិះ​កង់​បន្ថយ​បាន ៥០% ការ​ប្រឈម​កើត​ជំងឺ​ទឹកនោមផ្អែម ។​
​បណ្ឌិត Mindell អ្នកដឹកនាំ​ការស្រាវជ្រាវ ឲ្យ​ដឹងថា មិន​ដាច់ខាត​ត្រូវ​រត់ តែ​ប្រសិន​រក្សា​ជីវភាព​ចលនា​រាល់ថ្ងៃ​, កំហិត​ជីវភាព​នៅ​នឹង​១​កន្លែង កេង​ច្រើន អង្គុយ​ច្រើន នឹងមាន​ឥទ្ធិពល​សកម្ម ធ្វើ​ឲ្យ​ថយចុះ​ទម្ងន់​, ឈាម​ចរាចរ​ល្អ នឹង​បន្ថយ​បាន​ជំងឺ​ជាច្រើន ក្នុងនោះ​មាន​ជំងឺ​ទឹកនោមផ្អែម ។​
​អ្វីដែល​សំខាន់ ដើរ និង ជិះ​កង់ មាន​លក្ខណៈ​បរិស្ថាន​សិ្ន​ទ្ធ​ស្នាល​, សាមញ្ញ​, ចំណាយ​ប្រាក់​តិច​, ងាយ​អនុវត្ត ឲ្យ​តែ​គ្រប់គ្នា​មាន​ចរិត​អំណត់ និង​រក្សា​ឲ្យ​ទៀត​ទាត់ ៕​M

ត្រួតពិនិត្យសុខភាព ពេលណាចាំបាច់?

ស្ត្រី​ទាំងឡាយ​ប្រសិន​មាន​អារម្មណ៍​អស់កម្លាំង​ជាប្រចាំ​ទុក្ខព្រួយ ពុំមាន​ចំណង់ "​សិច​" ឬ​ឈឺក្បាល​ជារឿយ​... នោះ​ប្រហែលជា​ដល់ពេល​ត្រូវ​ថែទាំ​សុខភាព​របស់ខ្លួន​ច្រើនជាង ។​
​ខាងក្រោម​នេះ​ជា​សញ្ញា​ប្រកាសអាសន្ន​មួយចំនួន អំពី​សុខភាព​អម​ជាមួយ​ដំបូន្មាន​របស់​អ្នកជំនាញការ ៖
-​ព្រួយចិត្ត​គ្មាន​ហេតុផល​
​តាម​បណ្ឌិត ErnestJ Bordini អ្នក​ចិត្តសាស្ត្រ​វិទ្យា​អាមេរិក នោះ​ភាព​ទុក្ខព្រួយ នឿយណាយ​គ្មាន​ហេតុផល ដែល​យើង​ជួបប្រទះ​អាចជា​មូលហេតុ​វែងឆ្ងាយ ។ "​វា​អាច​ដោយសារ​ការបាត់បង់​ណាមួយ​នោះ ហើយ​ជួនកាល​ការបាត់បង់​នោះ​សាមញ្ញ​សោះ គ្រាន់តែ​ដោយសារ​រវល់​ពេក ហេតុនេះ មិនអាច​ទៅ​ផឹក​កាហ្វេ​ជាមួយ​មិត្តភក្តិ ឬ​ដោយសារ​ការប្រែប្រួល​ធំ​មួយ ឧទាហរណ៍​ដូចជា​កូន​របស់​អ្នក​ប្រឡង​ជាប់​ចូល​មហាវិទ្យាល័យ​" បណ្ឌិត Bordini ឲ្យ​ដឹង ។​
​តាម​ស្ថិតិ របស់​វិទ្យាស្ថាន​សុខភាព​សរសៃប្រសាទ​ជាតិ​អាមេរិក នោះ​ស្ត្រី​មានលទ្ធភាព​កើតរោគ​ផ្លូវចិត្ត​ច្រើនជាង​៧០% ប្រៀប​នឹង​បុរស ។ អាស្រ័យហេតុនេះ យើង​ត្រូវ​ទៅពិនិត្យ ដើម្បី​ដឹងថា តើ​ស្ថានភាព​របស់ខ្លួន​បណ្តាល​ពី​បញ្ហា​វេជ្ជសាស្ត្រ (​ដូច​ជាមាន​បញ្ហា​ក្រ​ពេញទី​រ៉ូ​អ៊ី​ដ​) ឬ​អត់ ។​
-​ពុំ​នៅមាន​ចំណង់ "​សិច​"
​ចំណង់​ផ្លូវភេទ​នៅ​ស្ត្រី​ប្រែប្រួល និង​ថយចុះ​សន្សឹមៗ​ទៅតាម​ពេលវេលា និង​អាច​ខុសៗ​គ្នា​អាស្រ័យ​ទៅតាម​ការផ្លាស់ប្តូរ​ក្នុង​ជីវិត ឧទាហរណ៍​ដូចជា ដំណាក់កាល​មានគភ៌ មុន​អស់​រដូវ ឬ​ឈឺ​ថ្កាត់ ។ ថ្នាំ​មួយចំនួន ដូចជា​ថ្នាំ​ប្រឆាំង​រោគ​ផ្លូវចិត្ត ក៏បង្ក​ជា​ស្ថានភាព​នេះដែរ ។​
"​ការប្រែប្រួល និង​បាត់​ចំណង់​រួមរក្ស​នៅ​ស្ត្រី​អាចពាក់ព័ន្ធ​ដល់ក​ត្តា​ជាច្រើន​" បណ្ឌិត Bordini ឲ្យ​ដឹង ។ ឧទាហរណ៍ ជំងឺ​ខ្វះ​ឈាម ស្ថានភាព​ថមថយ​សក​ម្ម​ភាព​របស់​ក្រ​ពេញទី​រ៉ូ​អ៊ី​ដ ការប្រែប្រួល​អ័រម៉ូន និង​បណ្តា​មូលហេតុ​អំពី​វេជ្ជសាស្ត្រ​ផ្សេងៗ សុទ្ធតែ​អាច​បង្ក​ជា​ស្ថានភាព​បាត់​ចំណង់​ផ្លូវភេទ​នៅ​ស្ត្រី ។ ក្រៅពីនេះ ស្ត្រេ​ស​ឬ អស់កម្លាំង​និង​គេង​មិន​គ្រប់​ក៏​អាចជា​មូលហេតុ​បណ្តាល​ឲ្យ​កើត​ស្ថានភាព​នេះ ។​
​តាម​បណ្ឌិត Bordini ប្រសិន​ស្ថានភាព​នេះ​កាន់តែ​ធ្ងន់ធ្ងរ នោះ​ចាំបាច់​ត្រូវ​ទៅពិនិត្យ ដើម្បី​កម្ចាត់​ចោល​មូលហេតុ​អំពី​ផ្នែក​វេជ្ជសាស្ត្រ ឬ​ឥទ្ធិពល​បន្ទាប់បន្សំ​រប​ស់​ថ្នាំ ។ ទន្ទឹម​នោះ ការផ្លាស់ប្តូរ របៀបរបប​រស់នៅ​ដូចជា​ចាប់ផ្តើម​ហាត់ប្រាណ​ក៏​ចាំបាច់​ណាស់ដែរ ។​
"​ជួនកាល​ការបាត់​ចំណង់​រួ​ករ​ក្ស អាចជា​សញ្ញា ឬ​សារ បង្ហាញថា ប្តី​ប្រពន្ធ​អ្នក​ពុំ​យកចិត្តទុកដាក់​ណាស់ណា​ដល់​ទំនាក់ទំនង​ប្តី​ប្រពន្ធ ហើយ​ដោ​យេ​ហ​តុ​នោះ​ចាំបាច់ ត្រូវមាន​ការច្នៃប្រឌិត ឬ​វិនិយោគ​ជាង​សម្រាប់​រឿងនេះ​" បណ្ឌិត Bordini ទូន្មាន ។​
-​ឈឺសន្លាក់​
​អ្នក​ត្រូវ​ឈឺក្បាល​ជង្គង់ បន្ទាប់ពី​រាំ ឬ​ឈឺ​ស្មា ក្រោយ​អង្គុយ​ច្រើន​ម៉ោង​ពីមុខ​កុំព្យូទ័រ​? នោះ​អាចជា​សញ្ញា​របស់​ការ​តឹង​សាច់ដុំ​តែ​ម្យ៉ាង តែ​ក៏​អាចជា​សញ្ញា របស់​បញ្ហា​សុខភាព​ធ្ងន់ធ្ងរ​ជាង ឧទាហរណ៍​ដូចជា រលាក​ឆ្អឹងសន្លាក់ ឬ​ឈឺ​សរសៃ​សាច់ដុំ ។ ជំងឺ​ទាំង​២​នេះ​កើត​នៅ​ស្ត្រី​ច្រើនជាង​បុរស ។​
"​ដើម្បី​អាច​រកឃើញ​មូលហេតុ នោះ​យើង​ត្រូវ​រកឃើញ​ប្រភព​បង្ក​ឈឺ​មុន​សិន​" វេជ្ជបណ្ឌិត Howard Schubiner នៅ​អាមេរិក​ឲ្យ​ដឹង ។ "​ប្រសិន​អ្នក​ពិតជា​ឈឺ​នៅ​សន្លាក់​នោះ វេជ្ជបណ្ឌិត នឹង​ត្រួតពិនិត្យ​ភាពខុសប្រក្រតី​អំពី​សន្លាក់ ដូចជា​រលាក​សន្លាក់ ឬ​របួស​សន្លាក់ ។ ប្រសិន​អ្នក​ឈឺ​ច្រើនជាង​នៅ​ផ្នែក​សាច់ដុំ នោះ​អាច​ពុំមែន​ជា​បញ្ហា​សន្លាក់​" ។​
-​អស់កម្លាំង​ពាក់កណ្តាល​ថ្ងៃ​
​អាហារ​ថ្ងៃត្រង់​សម្បូរ Carbanhydrate អាច​ពុំមែន​មូល​ហេតុតែ​១​គត់ ធ្វើ​ឲ្យ​អ្នក​ងងុយគេង ក្នុង​ម៉ោង​សម្រាក​ថ្ងៃត្រង់ ។ ប្រសិន ក្រោយពេល​ភ្ញាក់​អ្នក​នៅតែ​អស់កម្លាំង គឺ​នេះ​អាចជា​សញ្ញា​មួយ​របស់​ជំងឺ​អស់កម្លាំង​រ៉ាំរ៉ៃ ជំងឺ​មួយ​ច្រើន​កើត​នៅ​ស្ត្រី​ក្នុង​វ័យ​ពី​៣០​ដល់​៥០​ឆ្នាំ ។ តាម​វេជ្ជបណ្ឌិត Schupiner នោះ​ស្ថាន​ភាពខ្វះ​ឈាម ថមថយ​សកម្មភាពរ​បស់​ក្រ​ពេញទី​រ៉ូ​អ៊ី​ត រោគ​ផ្លូវចិត្ត និង​គេង​មិន​គ្រប់​សុទ្ធតែ​អាច​បណ្តាល​ឲ្យ​អស់កម្លាំង ។ "​គ្រាន់តែ​ធ្វើការ​វិភាគឈាម​មួយ​ជា​សាមញ្ញៗ មួយចំនួន គឺអាច​កម្ចាត់​បាន​មូលហេតុ​ដំបូង​២ និង​ប្រឹងប្រែង​គេង​ឲ្យ​គ្រប់​ក៏​នឹង​ជួយ​យើង​បន្ថយ​ស្ថានភាព​អស់កម្លាំង​នៅ​ពាក់កណ្តាល​ថ្ងៃ​" ។​
​ក្រៅពីនេះ ស្ថានភាព​អស់កម្លាំង​នៅ​ពាក់កណ្តាល​ថ្ងៃ អាច​ដោយសារ​អ្នក​មិន​ទទួលទាន​អាហារ​ពេលព្រឹក (​ឬ​ថ្ងៃត្រង់​) ឬ​ដោយសារ​ទទួលទាន​រប​ស់​ផ្អែម​ច្រើនពេក ឬក៏​របប​ទទួលទាន​មិន​ផ្គត់ផ្គង់​គ្រប់​បរិមាណ​ប្រូតេអ៊ីន​ចាំបាច់ ។ ចូរ​ទៅពិនិត្យ​សុខភាព ប្រសិន​ស្ថានភាព​អស់កម្លាំង​នេះ​អូសបន្លាយ​ក្នុង​រង្វង់​៦​ខែ ឬ​យូរ​ជាង និង​មិន​បាត់​ទៅវិញ​ក្រោយពេល​បាន​សម្រាក​ពេញលេញ ។​
-​ឈឺក្បាល​ជង្គង់​
​ស្ថានភាព​ឈឺក្បាល​ជង្គង់​ក្រោយពេល​រត់ ឬ​ចុះ​ជណ្តើរ​អាច​បណ្តា​លពី​មូលហេតុ​ជាច្រើន ។ ពិនិត្យ​ជារួម ដោយសារ​លក្ខណៈ​ជីវសាស្ត្រ និង​ការប្រែប្រួល​អ័រម៉ូន ធ្វើ​ឲ្យ​ស្ត្រី​តែងមាន​ការ​ប្រឈម​ឈឺក្បាល​ជង្គង់​ច្រើន​ជា​បុរស ។ "​រលាក​ឆ្អឹងសន្លាក់ ជង្គង់​ក៏​ជា​ជំងឺ​ទូទៅ​ជាង នៅ​ស្ត្រី​ក្នុង​វ័យ​ពី ៤០-៥០​ឆ្នាំ " វេជ្ជបណ្ឌិត Abby Abelson ប្រធាន​ផ្នែក​ជំងឺ​សន្លាក់​នៅ​មន្ទីរពេទ្យ Cleveland (​អាមេរិក​) ឲ្យ​ដឹង ។​
​ដើម្បី​បង្ការ​របួស​ក្បាលជង្គង់ ស្ត្រី​គួរ​ពាក់​ស្បែកជើង​មាន​ទ្រនាប់​ទ្រាប់​ជំនួយ​ពេល​រត់ ហាត់ប្រាណ​ទៀងទាត់ និង​គួរ​រត់​លើ​ផ្ទៃ​មាន​ស្មៅ ឬ​ខ្សាច់​ជំនួស​ឲ្យ​ផ្ទៃ​រឹងៗ ។​
-​ឈឺក្បាល​
"​ឈឺក្បាល​បណ្តាល​ពី​តានតឹង​មាន​លក្ខណៈ​ទូទៅ​គ្រាន់បើ ។ ប៉ុន្តែ អា​ការៈឈឺ​មួយ​ចំហៀង​ក្បាល​គឺជា​មូលហេតុ​មួយ ក្នុងចំណោម​មូលហេតុ ដែល​យើង​ត្រូវ​ទៅ​ជួប​វេជ្ជបណ្ឌិត​ច្រើន​បំផុត​" វេជ្ជបណ្ឌិត Brian M.Crosberg នាយក​មន្ទីរពេទ្យ​ឈឺក្បាល Montefiore នៅ Bronx (​អាមេរិក​) ឲ្យ​ដឹង ។ "​ចំនួន​ស្ត្រី​" កើត​ជំងឺ​មួយ​ចំហៀង​ក្បាល​ច្រើនជាង​៣​ដង ប្រៀប​នឹង​បុរស​" ។ ឈឺ​មួយ​ចំហៀង​ក្បាល​ខុសពី​ឈឺក្បាល​ដោយសារ​តានតឹង​នៅ​ចំណុច​មួយចំនួន ឧទាហរណ៍ ដូចជា​ឈឺ​មួយ​ចំហៀង​ក្បាល​ឥទ្ធិពល​តែ​ទៅដល់​ផ្ទៃមុខ​ម្ខាង ក្នុងពេល​ឈឺក្បាល ដោយសារ​តានតឹង នោះ​ឥទ្ធិពល​ដល់​តំបន់​ក្បាល​ទាំងមូល ។ ជំងឺ​ឈឺ​មួយ​ចំហៀង​ក្បាល​នៅ​ធ្វើ​ឲ្យ​អ្នកជំងឺ​រំញោច​ជាង​ជាមួយ​ពន្លឺ និង ឬ​សំឡេង អាច​ចង់​ក្អួត និង​ក្អួតចង្អោរ ក្នុងពេល​ជំងឺ​ឈឺក្បាល​ដោយសារ​តានតឹង​នោះ​ពុំ​មានការ​ស្តែងចេញ​ទាំងនេះ ។ អ្នក​ត្រូវ​ទៅពិនិត្យ​សុខភាព​ប្រសិន​ជួប​រោគសញ្ញា​ទាំងឡាយ​ខាងលើ ។​
-​ដកដង្ហើម​ឃុ​ក​ខកពេល​ឡើងជណ្តើរ​
​អ្នក​ចង់​ហាត់ប្រាណ​ដោយ​មិន​ជិះ​ជណ្តើរយន្ត សុខចិត្ត​ឡើង​តាម​ជណ្តើរ​ធម្មតា ទៅកាន់​បន្ទប់ធ្វើការ ។ ប៉ុន្តែ ពេល​ឡើងដល់​កន្លែង អ្នក​ដកដង្ហើម​មិន​ចេញ និង​ឃូ​ក​ខក​យ៉ាងខ្លាំង ។ តើ​មូលហេតុ​គ្រាន់តែ​ដោយសារ​កម្លាំង​អ្នក​មិនល្អ ឬ​ដោយសារ​រឿង​អ្វីមួយ​នោះ​ធ្ងន់ធ្ងរ​ជាង ដូចជា​ហឺត ?
​ដោយឡែក​ចំពោះ​ស្ត្រី នោះ​ខួប​រដូវ​អាចជា​មូលហេតុ​មួយ​ក្នុងចំណោម​មូលហេតុ​បណ្តាល​ឲ្យ​អ្នកមាន​អាកា​រៈ​ដូចខាងលើ ។ ការ​ស្រាវ​ជ្រាង​មួយ ចុះផ្សាយ​លើ​ទស្សនា​វ​ដ្តី American Journal of Respiratory and Critical Care Medicine បាន​បង្ហាញថា ស្ថានភាព​ដកដង្ហើម​ឃុ​ក​ខកៗ និង​ក្អក​លេចឡើង​ច្រើនជាង​ក្នុង​ថ្ងៃទី​១០​ដល់​២២ របស់​ខួប​រដូវ​នៅ​ស្ត្រី ហើយ​រឿងនេះ​បង្ហាញ​ឲ្យ​ឃើញ​ពី​ការពាក់ព័ន្ធ​រវាង​ការប្រែប្រួល​អ័រម៉ូន និង​រោគសញ្ញា អំពី​ផ្លូវដង្ហើម ។​
"​ដកដង្ហើម​ឃុ​ក​ខកៗ ជា​រោគសញ្ញា​ទូទៅ​បំផុត​មួយ នៅ​នឹង​អ្នក​កើត​ជំងឺហឺត​" វេជ្ជបណ្ឌិត David Nelson នៅ​អាមេរិក​ឲ្យ​ដឹង ។ ចំពោះ​អ្នក​ជំងឺហឺត នោះ​ស្ថានភាព​នេះ​អាច​លេចឡើង ក្រោយពេល​ហាត់ប្រាណ ឬ​ដោយសារ​អាលែកហ្ស៊ី ។ "​ដកដង្ហើម​ឃុ​ក​ខក ក៏​អាច​លេចឡើង​បណ្តោះអាសន្ន ក្រោយពេល​ឆ្លង​មេរោគ​ផ្លូវដង្ហើម ។ ប៉ុន្តែ ប្រសិន​វា​អូសបន្លាយ​នោះ ត្រូវ​ទៅពិនិត្យ​សុខភាព​" ។​
-​អារម្មណ៍​ពិបាក​ទ្រាំ គ្មាន​សុវត្ថិភាព
​អារម្មណ៍​មិន​ប្រាកដប្រជា ពិបាក​ទ្រាំ និង​ខ្វាយខ្វល់ អាច​គ្រាន់​តែដោយសារ​អ្នក​តានតឹង​ហួស ។ ប៉ុន្តែ ចំពោះ​ស្ត្រី​មានការ​ប្រឈម​ខ្ពស់​គឺ​នេះ​អាចជា​សញ្ញា​របស់​ជំងឺ​បេះដូង ។​
​ចូរ​ទៅពិនិត្យ​សុខភាព​ប្រសិន​រោគសញ្ញា​ខាងលើ​អូសបន្លាយ និង​កាន់តែ​ធ្ងន់ធ្ងរ​ជាង ឬ​ប្រសិន​អ្នកមាន​នូវ​កត្តា​គ្រោះថ្នាក់​ដូចខាងក្រោម ៖ អ្នក​កំពុង​អស់​រដូវ មាន​ប្រវត្តិ​គ្រួសារ កូ​ឡេ​ស្តេ​រ៉ូ​ល​ខ្ពស់ ឬ​ធាត់ ។​
-​ជានិច្ចកាល​ស្រេកទឹក​
​គឺជា​រឿង​ធម្មតា​ទាំងស្រុង ប្រសិន​អ្នកមាន​អារម្មណ៍​ស្រេក​ក្រោយពេល​ទទួលទាន​ប្រៃ ឬ​ថ្ងៃ​ក្តៅ​ខ្លាំង ។ ប៉ុន្តែ ប្រសិន​ភាព​ស្រេក​របស់​អ្នក​ប្រែប្រួល​ហួស​កម្រិត ឬ​កើតមាន​មិន​ឈប់ឈរ នោះ​អាចជា​សញ្ញា​មួយ​របស់​ជំងឺ​ទឹកនោមផ្អែម ។ ទឹកនោមផ្អែម ឥទ្ធិពល​យ៉ាងធ្ងន់ធ្ងរ​ទៅលើ​ស្ត្រី និង​បង្ក​ការលំបាក​ច្រើន​ក្នុងការ​មានគភ៌ ក៏​ដូច​បង្កើន​គ្រោះថ្នាក់​ឈឺបេះដូង ពេល​នៅ​ក្មេង ។ ស្ត្រី​មាន​ជំងឺ​ទឹកនោមផ្អែម នៅ​ប្រឈម​ខ្ពស់​នឹង​ការ​អស់​រដូវ​ឆាប់ ។​
-​ជួនកាល​មិន​ចាំ​ឈ្មោះ​មិត្តភក្តិ​
​ប្រសិន​អ្នក​មិនអាច​ចាំបាន​ថា អ្នក​ទុក​ចង្កោម​សោ​នៅឯណា ឬ​ដោយ​ចៃដន្យ​មិនអាច​ចាំ​ឈ្មោះ​មិត្តភក្តិ​ម្នាក់ នោះ​គ្រាន់តែ​ការ​ភ្លេចភ្លាំង តែ​ម្យ៉ាង​ប៉ុណ្ណោះ​ទេ​ឬ ? តាម​វេជ្ជបណ្ឌិត Jagan Pillai ជំនាញការ ខាង​សរសៃប្រសាទ​វិទ្យា (​អាមេរិក​) នោះ​របៀប​ភ្លេចភ្លាំង​នេះ តែ​នឹង​កើតឡើង​នៅពេល​កំណត់​ណាមួយ​នោះ ក្នុង​ជីវិត​របស់​យើង​ម្នាក់ៗ ។​
​ការបាត់​ការចងចាំ​បណ្តោះអាសន្ន​អាច​កើតឡើង​ដោយសារ​មូលហេតុ​មួយចំនួន ។ តាម​វេជ្ជបណ្ឌិត Pillai នោះ​អាច​ដោយសារ​បែងចែក​អារម្មណ៍ ឬ​មិន​ប្រមូលផ្តុំ​ទាំងស្រុង ហេតុនេះ​ពេល​ដំបូង យើង​មិនអាច​យកបាន​ព័ត៌មាន​កំពុង​ស្តុក​ទុក ក្នុង​ខួរក្បាល ហើយ​រឿងនេះ​គឺ​ធម្មតា ។ ប៉ុន្តែ ប្រសិន​ការចង ចាំ​មិន​វិលត្រឡប់​មកវិញ​ក្រោយ​១​ថ្ងៃ ឬ​ប្រសិន​អ្នក​ភេ្ល​ច​ទាំងអស់​ខ្លឹមសារ​របស់​កិច្ចប្រជុំ​ដែល​អ្នក​បាន​ចូលរួម នោះ​អាចជា​ពេល​អ្នក​ត្រូវ​ទៅពិនិត្យ​សុខភាព ។​
-​លេច​នោម​ពេល​សើច ឬ​កណ្តាស​
​តាម​វេជ្ជបណ្ឌិត Lasak នោះ​ស្ថាន​ភាពលេច​នោម​ពេល​សើច លើក​វត្ថុ​ធ្ងន់ ឬ​កណ្តាស​កើត​មាននៅ​ស្ត្រី​ប្រមាណ​១១​លាន​នាក់ នៅ​អាមេរិក ។ មានគភ៌ សម្រាលកូន និង​អស់​រដូវ​ជា​មូលហេតុ​សំខាន់ៗ​បង្ក​ជា​ស្ថាន​ភាពលេច​នោម ហើយដោយ​ហេតុ​នោះ ធ្វើ​ឲ្យ​អត្រា​ស្ត្រី​កើត​ជំងឺ​នេះ​ខ្ពស់ជាង​ទ្វេដង ប្រៀប​នឹង​បុរស ។ ដំណើរការ​មានគភ៌​និង​បង្កើតកូន​អាចធ្វើ​ឲ្យ​ទ្រុឌទ្រោម​កញ្ចូញគូទ និង​របួស​ខ្សែ​សរសៃប្រសាទ​គ្រប់គ្រង​ប្លោកនោម​នៅ​ស្ត្រី ។ ក្រៅពីនេះ ការ​ថមថយ estrogen ក្នុងដំណាក់កាល​មានគភ៌​ក៏​អាចធ្វើ​ឲ្យ​ចុះខ្សោយ​ជាលិកា​ក្នុង​ប្រព័ន្ធ​ផ្លូវ​មូត្រ ។​
​ប៉ុន្តែ ស្ត្រី​អាច​បង្កា​ជំងឺ​លេច​នោម ឬ​បន្ថយ​អ​ប្បរមា​រោគសញ្ញា​របស់​ជំងឺ​នេះ​តាមច្រើន​វិធី ។ "​ហ្វឹកហាត់ ដើម្បី​ពង្រីក​សាច់ដុំ​កញ្ចូញគូទ ជា​ផ្នែក​សំខាន់​១​ក្នុង​លំ​ហាត់ប្រាណ​ប្រចាំថ្ងៃ​របស់​ស្ត្រី ចាប់ផ្តើម​តាំងពី​នៅ​យុវវ័យ​" វេជ្ជបណ្ឌិត Lasak ឲ្យ​ដឹង ៕​

ជនជាតិកាណាដា ថយអាយុដោយសាររបបហូបចុកអន់គុណភាព

របប​ទទួលទាន​អន់​គុណ​ភាពជា​មូលហេតុ​ជួរមុខ​នាំ​ដល់​ជំងឺ​តម្កាត់​ក៏​ដូច​បំ​ព្រួញ​អាយុ​របស់​ជនជាតិ​កាណាដា ។​
​លទ្ធផល​ស្រាវជ្រាវ​អន្តរជាតិ​វិភាគ​អត្រា​ជំងឺ និង​បាត់​បង់ជីវិត​នៅ​កាណាដា ពី​ឆ្នាំ 1990 ដល់ 2010 និង​ប្រៀបធៀប​ជាមួយ​ប្រទេស​ចំនួន​១៥ នៅ​អឺរ៉ុប​ខាងលិច អូស្ត្រាលី និង​អាមេរិក ឲ្យ​ដឹងថា កាណាដា​ឈរ​លំដាប់​ទី​៥ ក្នុងចំណោម​១៨​ប្រទេស អំពី​អាយុ​មធ្យម របស់​ប្រជាជន គឺ ៦៩,៦​ឆ្នាំ ។ អេ​ស្ប៉ា​ញ​នៅ​លំដាប់​ទី​១ ជាមួយនឹង​អាយុ​មធ្យម​ប្រជាជន​នៅ​កំរិត ៧០,៩​ឆ្នាំ ក្នុងពេល​អាមេរិក​ស្ថិតនៅ​លំដាប់​ទី​៧ គឺ​៦៧,៩​ឆ្នាំ ។​
​តាម​គំរោង​សហប្រតិបត្តិការ​មានឈ្មោះ​ថា "​ការស្រាវជ្រាវ​បន្ទុក​ជំងឺ​សកលលោក​ឆ្នាំ​២០១០" ទើបត្រូវ​បានប្រកាស​ថ្ងៃ ៥/៣ មូលហេតុ​សំខាន់​នាំ​ដល់​ជំងឺ​ដ​ង្កា​ត់​នៅ​កាណាដា គឺ​របប​ទទួលទាន បន្ទាប់មកទៀត​គឺ​ទម្លាប់​ជក់បារី និង​ជំងឺ​ធាត់ ។​
​មូលហេតុ​ចម្បងៗ​បង្ក​ឲ្យ​ឆាប់​ស្លាប់​នៅ​កាណាដា គឺ​ជំងឺ​សរសៃឈាម​បេះដូង ជំងឺ​បំពង់ខ្យល់ ទងសួត និង​មហារីក​សួត សរសៃឈាម​ខួរក្បាល ។ នេះ​ក៏​ជា​ជំងឺ​បង្ក​ការបាត់​បង់ជីវិត​ជួរមុខ​នៅ​អង់គ្លេស និង​ប្រទេស​លោកខាងលិច​ជាច្រើន​ទៀត ។​
​បណ្ឌិត Christopher Murray នៅ​សាកលវិទ្យាល័យ​វ៉ាស៊ីនតោន ជា​អ្នកដឹកនាំ​មួយរូប នៃ​គំរោង​សហប្រតិបត្តិការ​ខាងលើ​ឲ្យ​ដឹងថា គោលដៅ​របស់​ក្រុម​ស្រាវជ្រាវ​គឺ​ជួយ​រដ្ឋាភិបាល និង​ប្រជាជន​បណ្តា​ប្រទេស​មានការ​សម្រេចចិត្ត​ត្រឹមត្រូវ​អំពី​គោលនយោបាយ និង​វិនិយោគ​សុខាភិបាល​ដោយ​វិធី​ផ្តល់​ឲ្យ​ពួកគេ​នូវ​ព័ត៌មាន​ទាន់​ហេតុការណ៍ គ្រប់​ជ្រុងជ្រោយ និង​ច្បាស់លាស់ ៕M​

មូលហេតុ​ខ្លះៗ​ដែល​នាំ​ឲ្យ​ឈឺក្បាល

ពាក់ព័ន្ធ​នឹង​ជំងឺ​ដែល​បណ្ដាល​ឲ្យ​ឈឺក្បាល​មួយ​ចំហៀង​នោះ ភាគច្រើន​គឺ​ច្រើន​កើត​ទៅលើ​ស្ត្រី ដែលមាន​អាយុ​ចន្លោះ​ពី ២៥-៤០ ឆ្នាំ ដែល​អ័រម៉ូន​ភេទ​មាន​កម្រិត​ចុះ​ទាប ឯ​បុរស​ក៏​អាច​កើតមាន​អាការ​នេះ ប្រហាក់ប្រហែលគ្នា​ដែរ ។ ជំងឺ​នេះ​អាច​បណ្ដាលមកពី​បញ្ហា​ខ្លះៗ ដែលមាន​ដូចខាងក្រោម​នេះ ៖
- មាន​កម្រិត​ជាតិ​ស្ករ​នៅក្នុង​ឈាម​ទាប ។​
- ខ្វះ​សារធាតុ​អាហារ​ចាំបាច់​ចំពោះ​រាងកាយ ឬ​សភាវ​ដែល​រាងកាយ​ខ្វះ​ជាតិ​ទឹក ។​
- ត្រូវ​ជួបនឹង​ស្ថានភាព​អាកាសធាតុ​ប្រែប្រួល​ញឹកញាប់ ដូចជា​អាកាសធាតុ​ក្តៅ​ខ្លាំង រងា​ខ្លាំង​កន្លែង​ដែលមាន​សំឡេង​រំខាន​ខ្លាំងៗ ។​
- ភាព​តានតឹង​ក្នុង​អារម្មណ៍ ៘

កំហុសឆ្គងមួយចំនួនក្នុងការត្រួតពិនិត្យសុខភាព

មនុស្ស​ជាច្រើន​យល់ដឹង​ពី​សារសំខាន់​របស់​ការ​ពិនិត្យ​សុខភាព ប៉ុន្តែ​ដល់ពេល​ទៅ​ត្រួតពិនិត្យ​សុខភាព​បែរជា​បំពាន​កំហុស​១​ចំនួន​ធ្វើ​ឲ្យ​លទ្ធផល​ពិនិត្យ​មិនសូវ​ប្រាកដប្រជា ។​
-​ទទួលទាន​ទឹក​មុន​ម៉ោង​ពិនិត្យ​
​ពេល​យើង​ពិនិត្យ​មុខងារ​ថ្លើម តម្រងនោម ខ្លាញ់​ក្នុង​ឈាម ជាតិ​ស្ករ​ក្នុង​ឈាម​សុទ្ធតែ​ត្រូវការ​ពោះ​ទទេ ព្រោះ​ពេលនេះ​សរីរាង្គ​ស្ថានភាព​បំប្លែង​ង​សារជាតិ​ប្រក្រតី អាច​ឆ្លុះបញ្ចាំង​ស្ថានភាព​ជាក់ស្តែង ។​
​ការ​ទទួលទាន​ទឹកនឹង​ធ្វើ​ឲ្យ​រាវ​ឈាម ធ្វើ​ឲ្យ​លទ្ធផល​ត្រួតពិនិត្យ​ជាតិ​ស្ករ ខ្លាញ់ កម្រិត ក្រង​ស្អិត​របស់​ឈាម​មិន​ស្តង់ដារ ។ ជាក់ស្តែង ក្នុង​ថ្ងៃ​ឬ​ពេលយប់​មុន​ថ្ងៃ​យក​ឈាម​គួរ​ទទួលទាន​ទឹក​តិច (៥០-១០០ml) ។ ចំពោះ​អ្នក​លើសឈាម ជំងឺ​ទឹកនោមផ្អែម​នោះ​ត្រូវ​ប្រព្រឹត្ត​តាម​ការណែនាំ​របស់​វេជ្ជបណ្ឌិត ។​
-​មិន​ត្រួតពិនិត្យ​ទ្វារ​លាក​មក​
​បច្ចុប្បន្ន​មនុស្ស​ភាគច្រើន​ទៅពិនិត្យ​សុខភាព​សុទ្ធតែ​រំលង​ចោលការ​ពិនិត្យ​ទ្វារ​លាមក​ព្រោះ​វា​ពិបាក​ទ្រាំ​ផង និង​ខ្មាសអៀន​ផង និង​ពុំមាន​ប្រសិទ្ធភាព​ច្រើន ។ ប៉ុន្តែ​ឆ្លុះ​ពោះវៀន​ស្មុគស្មាញ​គួរសម ។ ត្រួតពិនិត្យ​ទ្វារ​លាមក​ជា​វិធី​ផ្ទាល់ សាមញ្ញ និង​ប្រសិទ្ធភាព​បំផុត​ដើម្បី​រកឃើញ​ដុំ​គីស​ពោះវៀន សាច់​លើស ឫសដូងបាត និង​ការវិវត្តន៍​ប្រែប្រួល​ជំងឺ​ក្រពេញ​ប្រូ​ស្តា​ត ។​
-​ខ្លាច​ថត​កាំរស្មី X
​មនុស្ស​ជាច្រើន​មាន​អារម្មណ៍​ថា កាំរស្មី X , CT មាន​គ្រោះថ្នាក់​ចំពោះ​សុខភាព​ហេតុនេះ​បដិសេធ​វិធីសាស្ត្រ​នេះ ។ ប៉ុន្តែ​មាន​ជំងឺ​យ៉ាងច្រើន​សុទ្ធតែ​ត្រូវ​ត្រួតពិនិត្យ​តាមរយៈ​កាំរស្មី​ដូចជា​មហារីក​សួត មហារីក​ក្រពេញ​ទឹកដោះ ។​
-​ជឿជាក់​លើ​តួលេខ​ដោយ​ងងឹតងងល់​
​តួលេខ​មិន​ស្ថិតក្នុង​កម្រិត​ធម្មតា​ពុំ​មានន័យថា មាន​ជំងឺ ។ តួលេខ​មិន​ឆ្លង​ហួស​កម្រិត​ធម្មតា​ក៏​ពុំ​មានន័យថា ដាច់ខាត​ធម្មតា ។​
​តួលេខ​ត្រួតពិនិត្យ​សុខ​ភាពជា​តួលេខ​ផ្តួចផ្តើម​ពុំមែន​ជា "​ស្តង់ដារ​មាស​" ។ ឧទាហរណ៍​មាន​អ្នកត្រួតពិនិត្យ​តួលេខ​ដុំ​គីស​របស់​មហារីក​ក្រពេញ​លំពែង CA199 គឺ​៤០ ឆ្លង​ហួស​ក្របខណ្ឌ​របស់​កម្រិត​ធម្មតា​គឺ​ក្រោម ៣៧​នោះ ភ័យខ្លាច ។ ជាក់ស្តែង ជក់បារី រលាក​សន្លាក់​ក៏​ធ្វើ​ឲ្យ​តួលេខ​នេះ​កើន​ខ្ពស់​មានតែ​តាមរយៈ​ការត្រួតពិនិត្យ​ជា​បន្តបន្ទាប់ ពិនិត្យឡើងវិញ វិភាគ​ផ្គូរ​ផ្គង​ទាំងអស់​ទើប​ចេញ​លទ្ធផល​ត្រួតពិនិត្យ​ប្រាកដប្រជា ។​
-3-5​ឆ្នាំ ទើប​ត្រួតពិនិត្យ​ម្តង​
​មាន​អ្នក​ទុ​ដ្ឋិ​និយម​ចាត់ទុកថា ត្រួតពិនិត្យ​សុខភាព​ពុំមាន​ប្រសិទ្ធភាព​ច្រើន ហើយក៏​មាន​អ្នក​សុ​ទិ​ដ្ឋ​និយម​ត្រួតពិនិត្យ​សុខភាព​ម្តង​ទាល់តែ ៣-៥ ឆ្នាំក្រោយ​ទើប​ពិនិត្យឡើងវិញ ។ ជាក់ស្តែង ការពិនិត្យ​រាល់​ឆ្នាំ​ទើប​រារាំង​បានល្អ​ជំងឺ​ច្រើន​ជួបប្រទះ​ដូចជា​លើសឈាម ខ្លាញ់​ក្នុង​ឈាម​ខ្ពស់​... ។ ស្ថានភាព​សុខភាព​ផ្លាស់ប្តូរ​អាស្រ័យ​ទៅតាម​ពេលវេលា ដូច្នេះ​ត្រូវ​យកចិត្តទុកដាក់​ជាប្រចាំ និង​យូរអង្វែង ៕​M

ស្ត្រី​មាន​ផ្ទៃពោះ ទទួលទាន​ច្រើនពេក​ប្រយ័ត្ន​ធាត់​

The National Institute For Health and Clinical Excellence ឬ​ហៅ​កាត់​ថា Nice នៅ​ប្រទេស​អង់គ្លេស បាន​ចេញ​សេចក្ដីប្រកាស​ក្រើនរំលឹក ដល់​ស្ត្រី​មាន​ផ្ទៃពោះ​ថា ការ​ទទួលទាន​អាហារ ក្នុង​បរិមាណ​ច្រើន ព្រោះ​តែ​គិតថា កូន​អាចនឹងទទួល​សារធាតុ​អាហារ​មិន​គ្រប់គ្រាន់ រហូត​ដល់​កើន​ទម្ងន់​ខ្លួន​លើស​ពី​ទម្ងន់​ធម្មតា ដល់​ទៅ ១០-១២ គីឡូក្រាម រួម​ទាំង​មិន​សូវ​បានធ្វើការ​ហាត​ប្រាណ ទាំង​មុន និង​ក្រោយ​សម្រាល អាច​ធ្វើ​ឲ្យ​ម្ដាយ ឡើង​ទម្ងន់​លើស​ពី​ធម្មតា​បាន ។ ម្យ៉ាងទៀត ការ​ធា​ត់របស់​ម្ដាយ អាច​ធ្វើឲ្យ​កូន​មាន​ទម្ងន់​ធ្ងន់​ជាង​ក្មេង​ដទៃៗ​ទៀត ដែល​ធ្វើ​ឲ្យ​កូន​អាច​ប្រឈម​នឹង​ជំងឺ​ផ្សេងៗ ដូចជា ជំងឺ​ធាត់​ជាដើម ៕

អាហារ​ជួយ​ឲ្យ​ធ្មេញ​ស្អាត

- បន្លែ ផ្លែ​ឈើ​មាន​កាក​សរសៃ​ខ្ពស់ : អ្នកជំនាញ​បានឲ្យដឹងថា អាហារ​ដែល​មានកា​កស​រ​សៃ ប្រៀបដូចជា ថ្នាំ​សម្លាប់​មេរោគ​ក្នុង​ប្រអប់មាត់​របស់​អ្នក ហើយ​ថែមទាំង ជួយ​ជំរុញ​ការបញ្ចេញ​ទឹកមាត់ ដែល​ជា​ការថែរក្សា​ធ្មេញ​ដ៏​ល្អ​បំផុត តាម​ធម្មជាតិ ដើម្បី​ការពារ​ជម្ងឺ​អញ្ចាញ និង​ធ្មេញ ។ បន្ទាប់​ពី​អ្នក​ទទួល​ទាន​អាហារ​ដែល​មាន​ជាតិ​ស្ករ ២០ នាទី ទឹកមាត់​របស់​អ្នកនឹង​ចាប់ផ្តើម​កម្ចាត់​ជាតិ​អាស៊ី​ដ និង​អង់​ហ្ស៊ី​ម ដែល​កំពុង​កាត់​ធ្មេញ ។ ក្រៅពី​នេះ​ទឹកមាត់ ថែមទាំង​មាន​កាល់ស្យូម និង​ផូស្វ័រ ដែល​ជួយ​ស្តារ​នូវ​ជាតិ​ខនិជ​ដល់​ធ្មេញ ក្នុង​បរិមាណ​ដែល​បាត់បង់​ទៅ​ផង​ដែរ ។​
- ស្ករ​កៅស៊ូ​គ្មាន​ជាតិ​ស្ករ : ជា​វិធី​មួយ​ដែល​ជួយ​ជំរុញ​ការបញ្ចេញ​ទឹកមាត់ និង​កម្ចាត់​កម្ទេច​អាហារ​បាន​យ៉ាង​ល្អ ។​
- អាហារ​មាន​ភ្លូ​អរ​រ៉ៃ​ដ៏ : មិន​ថា​ជា​ភេសជ្ជៈ​បន្ថែម​ភ្លូរ​អរ​រ៉ៃ​ដ៏ ឬ​អាហារ​ដែល​ចម្អីន​ដោយ​ភេសជ្ជៈ​ផ្សំ​ភ្លូ​អរ​រ៉ៃ​ដ៏ (Fluoride) សុទ្ធតែ​ជួយ​ការពារ​ធ្មេញ​បាន រួម​ទាំង​ភេសជ្ជៈ​រសជាតិ​ផ្លែឈើ ប្រភេទ​ឆុង ដែល​គ្មាន​ជាតិ​ស្ករ​ច្រើន និង​ស៊ុប​ម្សៅ​កញ្ចប់ ។ ក្រៅពីនេះ អាហារ​ឆ្អិន​ស្រាប់​ដូចជា ផលិតផល​ពី​សាច់​មាន់​អាហារ​សមុទ្រ ក៏​អាច​មាន​ភ្លូរ​អរ​រ៉ៃ​ដ៏ ដែរ ។
- ហ្វ្រូ​ម៉ា ទឹកដោះគោ យ៉ា​អួរ និង​អាហារ​ដែល​ធ្វើ​ពី​ទឹក​ដោះ :  ហ្វ្រូ​ម៉ា ជា​អ្នកជំរុញ​ទឹកមាត់​ល្អ បំផុត​ហើយ​អាហារ​ក្នុង​ក្រុម​នេះ ថែមទាំង​មាន​កាល់ស្យូម និង​ផូស្វ័រ ផងដែរ ។
- ឈើ​ឯម : អ្នក​ស្រាវជ្រាវ​រកឃើញ​ថា រុក្ខ​ឱសថ​ប្រភេទ​នេះ ជួយ​បញ្ឈប់​ការលូតលាស់​របស់​មេរោគ​បាក់តេរី ស្ត្រេ​ប​តូ​ខូ​កខាស់ (Steptococcus) បាន ៕

​៥ វិធី​សម្រាប់​ថែទាំ​សុខភាព​ពេល​ពពោះ

១- ស្ត្រី​ជា​មាតា​ចាំបាច់​ត្រូវ​ទទួល​ធាតុដែក ដែល​បាន​ពី​សាច់សត្វ​យ៉ាងហោចណាស់ ១ សប្តាហ៍ ៣ ដង ប៉ុន្តែ​កុំ​ទទួលទាន​ច្រើនពេក គ្រាន់តែ​លៃ​ក្នុង​បរិមាណ​សមល្មម​ទៅនឹង​តម្រូវការ​នៃ​រាងកាយ​បាន​ហើយ ។ ធាតុដែក​ដែលមាន​នៅក្នុង​បន្លែ​ក៏​ជា​ប្រភេទ​មិនមែន​អ៊ី​ម៉ូ​កូ​ប៊ី​ន ធ្វើ​ឲ្យ​រាងកាយ​ស្រូបយក​ដោយ​ពិបាក​ដែរ ។     ​
២- ដើម្បី​ជួយ​ដល់​ខួរក្បាល​ទារក ស្ត្រី​ជា​មាតា​ត្រូវ​ទទួលទាន​អាស៊ីដ​ខ្លាញ់​អូ​មេ​ហ្គា ៣ តែ​ណែនាំ​ឲ្យ​ចៀសវាង​សត្វ​ទឹក​ដែលមាន​សម្បក​ប្រភេទ​ខ្យង ព្រោះ​វា​បង្ក​គ្រោះថ្នាក់​ដល់​ស្ត្រី​ជា​ម្តាយ និង​ទារក​ធ្វើ​ឲ្យ​ឆ្លង​មេរោគ បាក់តេរី​លី​ស​ធី​រៀ ។
៣- ប្រសិនបើ​ស្ត្រី​ជា​ម្តាយ​ប្រឈម​ជាមួយនឹង​អាការ​ក្អួត ណែនាំ​ឲ្យ​ទទួលទាន​ខ្ញី ព្រោះ​អាច​ព្យាបាល​អាការ​នេះ​បាន ដោយ​ប្រើ​វិធី​ហាន់​ខ្ញី​ស្រស់​ឆុង​ជាមួយ​ទឹក​ក្តៅ​ខ្លាំង ឬក៏​អាច​ទទួលទាន​ស្រា​បៀរ​ជំនួស​ក៏បាន ។
៤- ស្ត្រី​ជា​ម្តាយ​ត្រូវ​ទទួលបាន​ហ្វ្ល​រ​អ័​រ៉ៃ​ឲ្យ​បាន​គ្រប់គ្រាន់ ព្រោះ​វា​មាន​សារធាតុ​សំខាន់បំផុត​ក្នុងការ​សាង​ធ្មេញ​ឲ្យ​ទារក ។
៥- ស្ត្រី​ជា​មាតា​គួរ​ទទួលទាន​បន្លែ ផ្លែឈើ គ្រាប់​ធញ្ញជាតិ ស្រូវ​អូត និង អាហារ​កាក​សរសៃ​ឲ្យ​បាន​ច្រើន ដើម្បី​ចៀសវាង​អាការ​ក្តៀនលាមក ព្រោះ​អ័រម៉ូន​ដែល​ប្រែប្រួល​វា​នឹង​ជះឥទ្ធិពល​អាក្រក់​ដល់​ពោះវៀនធំ​របស់​ម្តាយ ដែល​អាហារ​មាន​ជាតិ​កាក​សរសៃ​ច្រើន​អាចជួយ​បាន ៕

រកឃើញមហារីកដោយការវិភាគ...ទឹកមាត់

អាច​រកឃើញ​មហារីក ជំងឺ​បេះដូង ដោយ​វិភាគ​ទឹកមាត់​សាមញ្ញ
មហារីក និង​ជំងឺ​គំរាមកំហែង​ដល់​អាយុជីវិត​ផ្សេងៗ​អាច​ត្រូវបាន​វិនិច្ឆ័យ​ដោយ​វិធី​វិភាគ​ទឹកមាត់​សាមញ្ញ​ក្នុង​ទសវត្សរ៍​ខាងមុខ ។​
​តាម​ការស្រាវជ្រាវ​ថ្មី​បំផុត​របស់​អ្នកជំនាញការ​ស៊ុយអែត លទ្ធផល​ស្រាវជ្រាវ​នេះ​មាន​សក្តានុពល​បដិវត្ត​រូបនីយកម្ម ការរកឃើញ​ជំងឺ​បេះដូង ទឹកនោមផ្អែម និង​មហារីក ។ វិធីសាស្ត្រ​ថ្មី​ជួយ​សន្សំសំចៃ​ពេលវេលា ប្រាក់កាស​សម្រាប់​អ្នកជំងឺ និង​វេជ្ជបណ្ឌិត ។​
​ប្រធាន​ក្រុម​ស្រាវជ្រាវ សាស្ត្រាចារ្យ Bjorn Klinge នៅ​សកល​វិទ្យាល័យ Malmo ស៊ុយអែត ឲ្យ​ដឹងថា វិនិច្ឆ័យ​ដោយ​ទឹកមាត់​មាន​អត្ថន័យ​សំខាន់​ចំពោះ​ទាំង​អ្នកជំងឺ និង​សេវាកម្ម​ថែទាំ​សុខភាព​និយាយ​រួម "​ជំនួប​ឲ្យ​ត្រូវ​រង់ចាំ និង​ឆ្លងកាត់​ការវិភាគ​ស្មុគស្មាញ អ្នកជំងឺ​គ្រាន់តែ​ផ្ញើ​បន្ទះ​...​មាន​ផ្ទុក​គំរូ​ទឹកមាត់​ទៅដល់​វេជ្ជបណ្ឌិត និង​ដំណើរ​ការវិភាគ ។ ប្រសិន​ពិសោធន៍​បង្ហាញ​សញ្ញា​របស់​ជំងឺ វេជ្ជបណ្ឌិត​នឹង​ហេវ និង​ជូនដំណឹង​ឲ្យ​អ្នកជំងឺ​លទ្ធផល​វិភាគ​" ។​
​សាស្ត្រាចារ្យ Klinge ឲ្យ​ដឹង​បន្ថែមថា "​យើងខ្ញុំ​សង្ឃឹមថា លទ្ធផល​ស្រាវជ្រាវ​នេះ​នឹង​ជួយ​មនុស្ស​គ្រប់គ្នា​លើកកម្ពស់​ការយល់ដឹង​អំពី​ស្ថានភាព​សុខភាព​របស់​ពួកគេ​ជាង ព្រោះ​ជាក់ស្តែង​ដោយសារ​មូលហេតុ​ជាច្រើន ដូចជា​លក្ខខណ្ឌ​សេដ្ឋកិច្ច​-​សង្គម ធ្វើ​ឲ្យ​ពួកគេ​រអែង​មិន​ចង់​ប្រាស្រ័យ​ផ្ទាល់​ជាមួយ​សេវាកម្ម​ត្រួតពិនិត្យ​សុខភាព​ជាប្រចាំ​" ។​
​ពួក​អ្នកស្រាវជ្រាវ​មានជំនឿថា បច្ចេកទេស​នេះ​អាច​ទូទៅ​ក្នុង​បណ្តា​សេវាកម្ម​ថែទាំ​សុខភាព​ក្នុង​រង្វង់​១០​ឆ្នាំ​ខាងមុខ នោះ​ក៏​ជា​ពេលវេលា​ដើម្បី​បច្ចេកវិទ្យា​នេះ​រីកចម្រើន​ជាង​ក្នុង​ការរកឃើញ​ជំងឺ​ផ្សេងៗ​ជាច្រើន ។​
​សាស្ត្រាចារ្យ Klinge លើក​ឧទាហរណ៍ "​បច្ចុប្បន្ន យើង​អាច​ប្រើប្រាស់​គំរូ​ទឹកមាត់​មួយ​ដើម្បី​កំណត់​មើល​អ្នកជំងឺ​កំពុង​កើត​ជំងឺ​មួយ​ប្រភេទ តែ​មិនអាច​ដឹង​ជំងឺ​នេះ​ស្នាក់អាស្រ័យ​ក្នុង​ក្រពះ ឬ​សន្លាក់ ។ ត្រូវការ​១០​ឆ្នាំ ឬ​យូរ​ជាង​ទៀត​ដើម្បី​ការស្រាវជ្រាវ​អំពី​ការវិភាគ​នេះ​សម្រេច​កម្រិត​ច្បាស់លាស់​ដូច្នេះ​" ។​
​ពពួក​ជំងឺ​បង្ក​រលាក​ដូចជា​ទឹកនោមផ្អែម ជំងឺ​បេះដូង និង​មហារីក​អាច​លេចចេញ​ស្លាកស្នាម​ចម្លែក​ក្នុង​ទឹកមាត់ ។ ប៉ុន្តែ​ដំណើរការ​អង្គ​បដិបក្ខ​ធម្មជាតិ​ក្នុង​សរីរាង្គ​អាច​បណ្តាល​ឲ្យ​ការវិភាគ​លំបាក​វិនិច្ឆ័យ​ច្បាស់លាស់​បណ្តា​ដំណាក់កាល​ជាក់ស្តែង​របស់​ជំងឺ ។​
"​យើងខ្ញុំ​សង្ឃឹមថា នឹង​រកឃើញ​សមាសធាតុ​ក្នុង​ទឹកមាត់ បង្ហាញថា អ្នកជំងឺ​កំពុងស្ថិត​ក្នុង​ដំណើរការ​រីកចម្រើន​ជំងឺ​សរសៃឈាម​បេះដូង ឬ​ហានិភ័យ​រីកចម្រើន​មហារីក​ដោះ មហារីក​ក្រពេញ​ប្រូ​ស្តា​ត​..."​បណ្ឌិត Klinge និយាយ​បន្ថែម ។​
​ការស្រាវជ្រាវ​មុន​នោះ​របស់​ពួក​អ្នកវិទ្យាសាស្ត្រ​អង់គ្លេស​ក៏បាន​ចង្អុល​បង្ហាញថា វិភាគ ADN ក្នុង​ទឹកមាត់​អាច​រកឃើញ​មុខសញ្ញា​ណា​មានការ​ប្រឈម​កើត​ជំងឺមហារីក​ដោះ និង​មហារីក​ក្រពេញ​ប្រូ​ស្តា​ត ៕​M

ចាក់វ៉ាកសាំង​ផ្តាសាយ​បន្ថយ​ ៥០% ការប្រឈម​ជំងឺ​សរសៃឈាមបេះដូង

​ការស្រាវជ្រាវ​១​ថ្មីៗ​នេះ របស់​កាណាដា បង្ហាញថា ការចាក់​វ៉ាក់សាំង​ផ្តាសាយ​រាល់​ឆ្នាំ នឹង​ជួយ​អ្នកជំងឺ​មាន​ប្រ​វត្ត​ជំងឺ​សរសៃឈាម​បេះដូង បន្ថយ​ជាង​ពាក់កណ្តាល​ហានិភ័យ​ត្រូវ​ដាច់​សរសៃឈាម​ក្នុង​ខួរក្បាល​, សរសៃឈាម​បេះដូង ដូចជា ស្ត្រូ​ក ឬ គាំងបេះដូង ។​
​លទ្ធផល​ស្រាវជ្រាវ​ប្រកាស​ថ្ងៃទី​២២ តុលា បង្ហាញថា អ្នកជំងឺ​សរសៃឈាម​បេះដូង បន្ថយ​បាន ៣៦% ហានិភ័យ ត្រូវ​គាំងបេះដូង​, ស្ត្រូ​ក ឬ ខ្សោយបេះដូង ក្នុង​រង្វង់​១​ឆ្នាំ ក្រោយពេល​ចាក់​វ៉ាក់សាំង​ផ្តាសាយ​តាម​រដូវ ។ អត្រា​នេះ កើនឡើង​ជាង ៥៥% នៅ​អ្នក​ទើប​កើត​ជំងឺ ។​
​ការស្រាវជ្រាវ ត្រូវបាន​ដំណើរការ​ផ្អែកលើ​លទ្ធផល​ពិសោធន៍ អំពី​សុខភាព​សរសៃឈាម​បេះដូង នៅ​អ្នកជំងឺ​សរសៃឈាម​បេះដូង មាន​អាយុ​មធ្យម ៦៧ ឆ្នាំ ។ ក្នុងចំណោម​នេះ មាន​អ្នក​ត្រូវបាន​ចាក់​វ៉ាក់សាំង​បង្ការ​ផ្តាសាយ​, មាន​អ្នក​ត្រូវបាន​ចាក់​ឱសថ​ក្លែងបន្លំ និង​មាន​អ្នក​មិន​ត្រូវបាន​ចាក់ ។​
​លទ្ធផល​បង្ហាញថា ក្នុងចំណោម​អ្នក​មិន​ចាក់​វ៉ាក់សាំង​ផ្តាសាយ ឬ ចាក់​តែ​ឱសថ​ក្លែងបន្លំ​, មាន​អ្នកជំងឺ ១៥១ នាក់ ត្រូវ​ដាច់​សរសៃឈាម​ខួរក្បាល សរសៃឈាម​បេះដូង​ធ្ងន់ ក្នុង​រង្វង់​១​ឆ្នាំ ។ ក្នុងពេលនោះ ចំនួន​អ្នក​ត្រូវ​ដាច់​សរសៃឈាម​ខួរក្បាល​ធ្ងន់ ក្រោយពេល​ត្រូវបាន​ចាក់​វ៉ាក់សាំង​មានតែ ៩៥ នាក់ ។​
​នៅ​អ្នកជំងឺ​ទើប​កើត​ជំងឺ​សរសៃឈាម​បេះដូង​, ហានិភ័យ​ដាច់​សរសៃឈាម​ខួរក្បាល ក៏​ថយចុះ​ទាំងស្រុង នៅ​អ្នក​ចាក់​វ៉ាក់សាំង​បង្ការ​ផ្តាសាយ ប្រៀប​នឹង​ក្រុម​មិន​ត្រូវបាន​ចាក់ ឬ បាន​ចាក់​តែ​ឱសថ​ក្លែងបន្លំ​, ជាមួយនឹង​អត្រា​គឺ ២៣,១% និង ១០,៣% ។​
​ប្រធាន​ក្រុម​ស្រាវជ្រាវ​, ជំនាញការ​សរសៃឈាម​បេះដូង នៅ​ទីក្រុង​តូ​រ៉ុ​ន​តូ​, Jacob Udell សង្កត់ធ្ងន់ថា ចាក់​វ៉ាក់សាំង​បង្ការ​ផ្តាសាយ ជា​វិធី​ព្យាបាល​ចំណាយ​អស់​តិច​, សុវត្ថិភាព និង​ងាយ​គ្រប់គ្រង ។ ប៉ុន្តែ ពួក​អ្នកស្រាវជ្រាវ​នៅ​ត្រូវ​បន្ត​ពង្រីក​ការពិសោធន៍ ដើម្បី​អាច​លើកឡើង​ការសន្និដ្ឋាន​ផ្លូវការ អំពី​ប្រសិទ្ធិភាព​របស់​ការចាក់​វ៉ាក់សាំង ចំពោះ​អ្នកជំងឺ​សរសៃឈាម​បេះដូង ៕M​

ពេល​មានគភ៌​ត្រូវ​ពិនិត្យ​ជំងឺ​អ្វីខ្លះ ?

ភាគច្រើន​នៃ​ស្ត្រី ពេល​មានគភ៌ សុទ្ធតែ​ខ្វាយខ្វល់​អំពី​សុខភាព ពិសេស​គឺ​ហេតុការណ៍​ខុស​ប្រក្រតី បង្ក​ឥទ្ធិពល​ដល់​សុខភាព​មាតា និង​ទារក​។​
​ដើម្បី​ជួយ​ដល់​ស្ត្រី​ជា​មាតា​បន្ធូរ​បាន​នូវ​ការព្រួយបារម្ភ​នេះ ក្រុម​អ្នកជំនាញការ​នៅ​មជ្ឈមណ្ឌល​វេជ្ជសាស្ត្រ Cantor ញូវយ៉ក​(​អាមេរិក​) បាន​នូវ​ពាក្យ​ទូន្មាន​ខ្លះៗ អំពី​ការត្រួតពិនិត្យ​ជំងឺ​ចាំបាច់​មួយចំនួន មុន​និង​ក្នុងពេល​មានគភ៌ ដូចខាងក្រោម​នេះ​៖
១)​ពិនិត្យ​ធ្មេញៈ​
​ក្នុងពេល​មានគភ៌ ស្ត្រី​គួរ​ទៅពិនិត្យ​ធ្មេញ ដើម្បី​ឆាប់​រកឃើញ​សញ្ញា​រលាក​ឆ្លង​មេរោគ​។ ការស្រាវជ្រាវ​បង្ហាញថា ស្ត្រី​កើត​ជំងឺ​អញ្ចាញធ្មេញ រលាក​ធ្មេញ មាន​អត្រា​សម្រាលកូន​មិន​គ្រប់​ខែ​ខ្ពស់ជាង​៧​ដង​ធៀប​នឹង​អ្នក​មិនកើត​ជំងឺ​។ ក្រៅពីនេះ វិទ្យាសាស្ត្រ​នៅ​រកឃើញថា ស្ត្រី​មានគភ៌ និង​អ្នក​ប្រើ​ថ្នាំ​ពន្យារកំណើត ជា​ក្រុម​កើត​ជំងឺ​រលាក​ធ្មេញ និង​អញ្ចាញ​ដ៏​ធំ ដែល​បណ្តាល​ពី​អ័រម៉ូន ក្នុង​សរីរាង្គ​ប្រែប្រួល ធ្វើឱ្យ​សរីរាង្គ​ងាយ​រំញោច​ជាមួយ​សារជាតិ​បង្ក​ជំងឺ​។​
​តាម​ការ​ទូន្មាន​របស់​សមាគម​ទន្តសាស្ត្រ​អាមេរិក ( ADA) ស្ត្រី​មានគភ៌ គួរ​ពិនិត្យ​ធ្មេញ ៣-៤​ដង ក្នុង​មួយឆ្នាំ ដោយឡែក ក្រុម​អ្នក​ដែល​ត្រូវ​ហូរឈាម​ជើងធ្មេញ អញ្ចាញ​នោះ គួរ​ទៅពិនិត្យ​ជាប្រចាំ​ជាង​។​
២) វិភាគ TSH
TSH តេស្ត ជា​វិធី​ធ្វើតេស្ត​ឈាម ដើម្បី​រកឃើញ​លទ្ធភាព​កើត​ជំងឺ​ខ្សោយ អ៊ី​ពែរ​ទី​រ៉ូ​អ៊ី​ដ (hyperthyroid) យល់បាន​ពី​សុខភាព​ជាក់ស្តែង​របស់​អ័រម៉ូន​ក្រពេញ​ទី​រ៉ូ​អ៊ី​ដ​។​
​អ្នកជំនាញការ​នៅ​មជ្ឈមណ្ឌល​វេជ្ជសាស្ត្រ Mercy Baltimore (​អាមេរិក​) បានឱ្យដឹងថា ជា​មធ្យម​ពី ៥​ទៅ​១០​ភាគរយ នៃ​ស្ត្រី​មានគភ៌ និង​ក្រោយពេល​សម្រាលកូន ងាយ​កើត​ជំងឺ​ក្រ​ពេញទី​រ៉ូ​អ៊ី​ដ​។ ភាគច្រើន​នៃ​ករណី​កើត​ជំងឺ សុទ្ធតែ​ពុំមាន​សញ្ញា លុះត្រា​ដល់ពេល​អស់កម្លាំង​ខ្លាំង ឡើង​ទម្ងន់ ពេលនោះ​ទៅពិនិត្យ​ជំងឺ គឺ​ជំងឺ​បាន​រីកចម្រើន​ទៅហើយ​។ ប្រសិន​ស្ត្រី​មានគភ៌ កើត​ជំងឺ​នេះ​ធ្ងន់​នោះ ត្រូវ​ប្រឈម​ខ្ពស់​នឹង​ការ​សម្រាលកូន​មិន​គ្រប់​ខែ និង​រលូត​កូន នេះ​ពុំទាន់​និយាយ​ដល់​ឥទ្ធិពល​ផ្សេងៗ​ចំពោះ​ទារក​ផង​។​
៣)​ធ្វើតេស្ត CBC
CBC (Complete Blood Count) ជា​វិធី​ធ្វើតេស្ត​រាប់​ឈាម​គ្រប់​ជ្រុងជ្រោយ ដើម្បី​ត្រួតពិនិត្យ​កោសិកា​ឈាមស ស្ថានភាព​សុខភាព​ខួរឆ្អឹងខ្នង និង​ប្រព័ន្ធ​អង្គ​បដិបក្ខ​។ វិធី CBC នឹង​ឱ្យដឹងពី​បរិមាណ​កោសិកា​ឈាមស​(​ច្រើន​ហួស មានន័យថា ត្រូវ​រលាក​ឆ្លង​មេរោគ​) hemoglobin (​ទាប​ជ្រុល គឺ​ខ្វះ​ឈាម​) និង​ប្លា​កែ​ត (​ប្រសិន​ទាប មានន័យថា ឈាម​មិន​កក​)​។ ហេតុតែ​អ្នក​ហៀ​ប​មានគភ៌ ចាំបាច់​ត្រូវធ្វើ​វិភា​គនេះ ព្រោះ​ស្ត្រី​តែងតែមាន​រដូវ បាត់បង់​ឈាម​ពេល​សម្រាលកូន ហេតុនេះ​ងាយ​បណ្តាលឱ្យ​ខ្វះ​ឈាម ធ្វើឱ្យ​សរីរាង្គ​ទ្រុឌទ្រោម​។ ប្រសិនបើ​ខ្វះ​ឈាម វេជ្ជបណ្ឌិត​នឹង​ពិគ្រោះ​បំពេញបន្ថែម​ជាតិ​ដែក និង​ត្រួត​ពិនិត្យឡើងវិញ ក្រោយ​រយៈពេល​ប៉ុន្មាន​សប្តាហ៍​។​
៤)​ត្រួតពិនិត្យ​សម្ពាធ​ឈាម និង​កូ​ឡេ​ស្តេ​រ៉ូ​ល​
វិធី​ត្រួតពិនិត្យ​២​នេះ គឺ​ដើម្បី​វាយតម្លៃ​ពី​ស្ថានភាព​សុខភាព​សរសៃឈាម​បេះដូង ពិសេស​គឺ​គ្រោះថ្នាក់​កើត​ជំងឺ​បេះដូង ក្នុងដំណាក់កាល​មានគភ៌ និង​សម្រាលកូន​។ ការ​វាស់​សម្ពាធ​ឈាម​ល្អ​បំផុត គឺ​ដោយ​ប្រើ​ប្រដាប់​វាស់​ច្របាច់​ដៃ ដែល​គេ​និយម​ប្រើ​ជាទូទៅ​។ ធ្វើតេស្ត​ឈាម​ដើម្បី​ត្រួតពិនិត្យ HDL (​ខ្លាញ់​ក្នុង​ឈាម​ល្អ និង​ខ្លាញ់​ក្នុង​ឈាម​អាក្រក់​) និង triglyceride ។ សារសំខាន់​របស់​វិធី​ទាំង​២​នេះ គឺ​ជួយ​ឲ្យ​វេជ្ជបណ្ឌិត​វាយតម្លៃ​ពី​ស្ថានភាព​សុខភាព​ពិតប្រាកដ​របស់​ស្ត្រី​មានគភ៌​។ សម្ពាធ​ឈាម​ល្អប្រសើរ​បំផុត​គឺ ១២០/៨០, LDL កូ​ឡេ​ស្តេ​រ៉ូ​ល​គួរ​នៅក្រោម​កម្រិត​១៣០ និង HDL គួរ​នៅលើ ៥០ ។​
៥) វិធី​វិភាគ papSmear
pap Smear (​វិភាគ​កោសិកា​មាត់ស្បូន​) ជា​វិធី​វិភាគ​ឆាប់​រកឃើញ​គ្រោះថ្នាក់​កើត​ជំងឺមហារីក​មាត់ស្បូន​។ នេះ​ជា​បច្ចេកទេស​មិន​បង្ក​ការលំបាក​ទ្រាំ​នឹង​ការឈឺចាប់​ហើយ​សាមញ្ញ ដោយ​វិធី​យក​កោសិកា​បន្តិច​នៅ​មាត់ស្បូន​ទៅ​វិភាគ ដើម្បី​រក សញ្ញា​ខុស​ប្រក្រតី ពិសេស​គឺ​រក​វីរុស HPV ដែលជា​ប្រភេទ​វីរុស បង្ក​ជំងឺ​តាមផ្លូវ​រួមភេទ​។ អ្នកមាន​គ្រួសារ គឺ​តែងមាន​សកម្មភាព​ផ្លូវភេទ និង​វា​នៅតែ​អាច​កើត​ជំងឺ​នេះ​។ ប្រសិន​មាន​ទំនាក់ទំនង​ផ្លូវភេទ​មួយ​ទល់​មួយ​នោះ ក្រោយបី​ឆ្នាំ ត្រូវ​ត្រួតពិនិត្យ​ម្តង ផ្ទុយ​មកវិញ ប្រសិន​មាន​ទំនាក់ទំនង​ជាមួយ​ដៃគូ​ច្រើន​នោះ គឺ​ពី​៣​ខែ​ទៅ​៦​ខែ ត្រូវ​ទៅពិនិត្យ​ម្តង​។​
៦)​ត្រួតពិនិត្យ​ស្បែកៈ​
​គោលបំណង​របស់​ការ​ពិនិត្យ គឺ​ដើម្បី​រក​ជំងឺមហារីក​ស្បែក​។ ក្រុម​អ្នកជំនាញ​នៃ​វិទ្យាស្ថាន​សើ​ស្បែក​អាមេរិក​(AAD) បាន​អះអាងថា នេះ​ជា​ជំងឺ​ទូទៅ​នៅលើ​ក្រុម​ស្ត្រី​អាយុ​ពី​២៥-២៩​ឆ្នាំ ដោយសារ​ជាតិ​ពណ៌​ប្រែប្រួល ក្នុងពេល​មានគភ៌ និង​សម្រាលកូន​។ សឹងតែ​ទាំង​អស់នៃ​ករណីនេះ គឺ​គ្មាន​គ្រោះថ្នាក់ តែ​ជួនកាល​បែរជា​បណ្តាលឱ្យ​កើត​ជំងឺមហារីក​។ អ្នកមាន​ប្រវត្តិ​គ្រួសារ មាន​មហារីក​ស្បែក គួរ​ប្រាប់​ឱ្យ​វេជ្ជបណ្ឌិត​ដឹង ពេល​រកឃើញ​មាន​សញ្ញា​សង្ស័យ​នៅលើ​ស្បែក វេជ្ជបណ្ឌិត អាចធ្វើ​វិភាគ​ចាំបាច់​មួយចំនួន​។​
៧)​វិភាគ​ជាតិ​ស្ករ​ក្នុង​ឈាមៈ​
​វិធី​នេះ​គឺ​ដើម្បី​ឆាប់​រកឃើញ​គ្រោះថ្នាក់​កើត​ជំងឺ​ទឹកនោមផ្អែម​ក្នុងពេល​មានគភ៌​។ ស្ត្រី​ដែលមាន​មនុស្ស​ក្នុង​គ្រួសារ​កើត​ជំងឺ​ទឹកនោមផ្អែម លើសឈាម ធាត់​នោះ គួរ​ធ្វើ​វិភា​គនេះ រាប់ទាំង​អ្នក​ឡើង​ទម្ងន់​លឿន​ពេល​មានគភ៌​។ តាម​តួលេខ​ស្ថិតិ​ស្ត្រី​ដែល​កើត​ជំងឺ​ទឹកនោមផ្អែម​អំឡុងពេល​មានគភ៌​នោះ មានការ​ប្រឈម​កើត​ជំងឺ​ទឹកនោមផ្អែម​ប្រភេទ​២ នៅពេល​ចាស់ កើន​ដល់​៥០ ភាគរយ​។ ស្ត្រី​អាយុ​លើស​៤០​ឆ្នាំ គួរ​ពិនិត្យ​៨​ដង​ក្នុង​មួយឆ្នាំ​។ ដោយឡែក អ្នកមាន​ប្រវត្តិ​គ្រួសារ កើត​ជំងឺ​ទឹកនោមផ្អែម គួរ​ទៅពិនិត្យ​ឆាប់​ជាង​(​មុន​អាយុ​៣០​ឆ្នាំ​)​។​
៨) វិភាគ​ដង់ស៊ីតេ​ឆ្អឹងៈ​
​ការធ្វើ​វិភា​គនេះ គឺ​ដើម្បី​ដឹង​មុន​គ្រោះថ្នាក់​កើត​ជំងឺ​ពុក​ឆ្អឹង ដែលជា​ជំងឺ ទូទៅ​មួយ​នៅលើ​ស្ត្រី ដោយ​អនុវត្ត​សម្រាប់​ក្រុម​ស្ត្រី មុន​អាយុ​៣៥​ឆ្នាំ ពិសេស​គឺ​ក្រុម​មាន​ប្រវត្តិ​គ្រួសារ​កើត​ជំងឺ​ពុក​ឆ្អឹង ក្រុម​ប្រើ​ថ្នាំ​ព្យាបាល​ជំងឺ​ក្រ​ពេញទី​រ៉ូ​អ៊ី​ដ ប្រើប្រាស់ Steroid ដើម្បី​ព្យាបាល​ជំងឺហឺត ឬ​ជំងឺ ezeme ។ ប្រសិន​ដង់ស៊ីតេ​ឆ្អឹង​ទាប​នោះ ពេល​ចិញ្ចឹម​កូន​ដោយ​ទឹកដោះ​ម្តាយ អត្រា​នេះ​កាន់តែ​ថយចុះ​និង​ងាយ បណ្តាលឱ្យ​កើត​ជំងឺ​ស្ពោត​ឆ្អឹង ស្តើង​ឆ្អឹង និង​ស្រួយ​ឆ្អឹង ៕


កាំរស្មី X បង្ក​មហារីក​ច្រើន​បំផុត នៅ​ប្លោកនោម ទ្រូង​

​ការវិនិច្ឆ័យ​ដោយ​កាំរស្មីអ៊ិច ( X-Ray ) ជា​ភាពជឿនលឿន​ផ្នែក​វេជ្ជសាស្ត្រ​សំខាន់បំផុត នៅក្នុង​សតវត្សរ៍​ទី​២០ ។ លោក Amy Berrington de Gonzalez នៅ​សកល​វិទ្យាល័យ Oxford អង់គ្លេស បាន​ឲ្យ​ដឹងថា "​ប៉ុន្តែ វា​ក៏​ត្រូវបាន​ទទួលស្គាល់ថា មាន​ហានិភ័យ​តូចៗ​មួយចំនួន​បង្ក​ជំងឺមហារីក​" ។​
ពួក​អ្នកវិទ្យាសាស្ត្រ មុននេះ បាន​ប៉ាន់ស្មាន​អំពី​ហានិភ័យ​នៃ​មហារីក​កើន​ខ្ពស់ជាង​បន្តិច ពាក់ព័ន្ធ​ដល់​កាំរស្មីអ៊ិច តែ​ការស្រាវជ្រាវ​របស់លោក Berrington de Gonzalez និង​សហសេវិក Sarah Darby ត្រូវបាន​ប្រកាស លើ​ទស្សនា​វ​ដ្តី​វេជ្ជសាស្ត្រ The Lancet គឺ​លំអិត​បំផុត​សម្រាប់​បច្ចុប្បន្ន ។​
​ការប្រើប្រាស់​ទិន្នន័យ​ពី ១៤ ប្រទេស ពួក​អ្នកស្រាវជ្រាវ បាន​ប៉ាន់ស្មាន​ពី​ចំនួន​ករណី​មហារីក ពាក់ព័ន្ធ​ដល់​កាំរស្មីអ៊ិច ។ គំហើញ​របស់​ពួកគេ ប្រែប្រួល​ពី​កម្រិត​ខ្ពស់ ៣% នៅ​ជប៉ុន និង ១,៨% នៅ​ក្រូ​អាត ដល់​កម្រិត​ទាប ០,៦% នៅ​អង់គ្លេស និង​ប៉ូឡូញ ។​
១-៧០០ ករណី​ក្នុង ១ ឆ្នាំ នៅ​អង់គ្លេសៈ​
​នៅ​អង់គ្លេស ០,៦% ប្រហាក់ប្រហែល​នឹង​ប្រមាណ ៧០០ ករណី មហារីក​ពាក់ព័ន្ធ​ដល់​កាំរស្មីអ៊ិច ក្នុង ១ ឆ្នាំៗ តាម​ក្រុម​ស្រាវជ្រាវ ។​
​ជប៉ុន​ក៏បាន​ប្រើប្រាស់ ការប៉ាន់ស្មាន​ខ្ពស់បំផុត របស់​ការវិនិច្ឆ័យ​កាំរស្មីអ៊ិច ក្នុង ១៤ ប្រទេស ។ មាន​ប្រមាណ ១.៥០០ ដង ការ​បញ្ចាំង​កាំរស្មីអ៊ិច លើ​ប្រជាជន ១.០០០ នាក់ នៅ​ជប៉ុន ប្រៀប​នឹង​តែ ៥០០ ដង នៃ​មនុស្ស ១.០០០ នាក់ នៅ​អង់គ្លេស ។​
2-​មហារីក​អ្វី​?
​ពួក​អ្នកស្រាវជ្រាវ ក៏​ពិនិត្យមើល​ជាក់ស្តែង អំពី​ប្រភេទ​មហារីក ពាក់ព័ន្ធ​ដល់​វិទ្យុសកម្ម​ផងដែរ ។​
​អ្នកស្រី Berrington បាន​បកស្រាយ​ថាៈ " ចំពោះ​បុរស មហារីក​ប្លោកនោម ជា​ជំងឺមហារីក​មួយ ក្នុងចំណោម​ជំងឺមហារីក ដណ្តើម​អត្រា​ខ្ពស់បំផុត ក្នុងចំណោម​មហារីក ពាក់ព័ន្ធ​ដល់​កាំរស្មីអ៊ិច ព្រោះ​មាន​កាំរស្មីអ៊ិច ផ្សេងៗ​គ្នា​ជាច្រើន ប្រើ​ដើម្បី​ថត​ប្លោកនោម​"  ។​
អ្នកស្រី​បាន​ឲ្យ​ដឹង​ដែរ​ថាៈ " ចំពោះ​ស្ត្រី គឺមាន​ការកើនឡើង​នូវ​ហានិភ័យ​ជំងឺមហារីក​សួត និង​ពោះវៀន "​។ អ្នកស្រី​បានបញ្ជាក់​ថាៈ "​ការថត​កាំរស្មីអ៊ិច ដុំ​គីស​នៅ​ទ្រូង បាន​នាំ​បរិមាណ​កាំរស្មីអ៊ិច តូច​មួយ​ទៅដល់​ទ្រូង​។ តែ​ហានិភ័យ​តូច​ណាស់ ចំពោះ​ស្ត្រី អាយុ​លើសពី ៥០ ឆ្នាំ​" ។​
​ការប៉ាន់ស្មាន​ថ្មី​បំផុត ស្រប​ជាមួយនឹង​ការគិតគូរ ធ្លាប់​ត្រូវបាន​អនុវត្ត ក្នុង​ឆ្នាំ​១៩៨១ ។ វា​បង្ហាញថា ប្រមាណ ០,៥% នៃ​ករណី​បាត់បង់​ជីវិត ដោយសារ​មហារីក នៅ​អាមេរិក គឺ​ដោយសារ​ការវិនិច្ឆ័យ ដោយ​កាំរស្មីអ៊ិច ៕M/V/L​

ទទួលទាន​សាច់​តិច ដើម្បី​បន្ថយ​ជំងឺមហារីក​

ទស្សនា​វ​ដ្តី "National Post" របស់​កាណាដា ចេញផ្សាយ​ថ្ងៃ ១០ មីនា បានប្រកាស​លទ្ធផល​ស្រាវជ្រាវ​មួយ​របស់​ពួក​អ្នកវិទ្យាសាស្ត្រ​អាមេរិក បង្ហាញ​អ្នក​ទទួលទាន​ប្រូតេអ៊ីន​សត្វ​ច្រើន​មានការ​ប្រឈម​កើត​ជំងឺមហារីក​ខ្ពស់​ស្មើនឹង​ការជក់បារី ២០ ដើម ក្នុង ១​ថ្ងៃ ។ ជាក់ស្តែង​អ្នកមាន​របប​ទទួលទាន​សម្បូរ​ប្រូតេអ៊ីន​សត្វ​មាន​ហានិភ័យ​បាត់បង់​ជីវិត​ដោយសារ​កើត​ជំងឺមហារីក​ខ្ពស់ជាង ៤ ដង ប្រៀប​នឹង​អ្នកមាន​របប​ទទួលទាន​ពុំ​សូវ​មាន​ប្រូតេអ៊ីន ។​

ទទួលទាន​ប្រូតេអ៊ីន​តិច និង​អាហារ​សម្បូរ​វីតាមីន និង​ជាតិ​សរសៃ​នឹង​ជួយ​បន្ថយ​ហានិភ័យ​កើត​មហារីក​

​បណ្ឌិត Valter Longo សមាជិក​របស់​ក្រុម​ស្រាវជ្រាវ​ឲ្យ​ដឹងថា ការស្រាវជ្រាវ​នេះ​ត្រូវបាន​អនុវត្ត​ផ្អែកលើ​ការតាមដាន​មនុស្សពេញវ័យ​រាប់ពាន់នាក់​ជិត ២០ ឆ្នាំ​កន្លងទៅ ។​

​ក្នុងពេល​ស្រាវជ្រាវ ពួក​អ្នកវិទ្យាសាស្ត្រ​រកឃើញថា អ្នកមាន​របប​អាហារ​សម្បូរ​ប្រូតេអ៊ីន​ដល់​កម្រិត ៧៤% ត្រូវ​ប្រឈមមុខ​ជាមួយ​ហានិភ័យ​បាត់​បង់ជីវិត​ខ្ពស់ជាង​មូលហេតុ​ណាៗ​ទាំងអស់​ប្រៀប​នឹង​អ្នកមាន​របប​អាហារ​មាន​បរិមាណ​ប្រូតេអ៊ីន​ទាប ។ ក្រៅពីនេះ​អ្នកទទួល​ទាន​សាច់សត្វ​ច្រើន (​សាច់​ក្រហម​) ក៏មាន​ហានិភ័យ​ដូចគ្នា ។​
​ពួក​អ្នកវិទ្យាសាស្ត្រ​ឲ្យ​ដឹងថា មនុស្ស​ម​ជ្ឈឹ​ម​វ័យ​គួរ​ទទួលទាន​មធ្យម​ប្រមាណ ០,៨ g ប្រូតេអ៊ីន​សម្រាប់ ១ kg ទម្ងន់​សរីរាង្គ , ពោលគឺ​មនុស្ស​ម្នាក់​ទម្ងន់ ៦០ kg គួរ​ទទួលទាន​តែ​ប្រមាណ ៥០ g ប្រូតេអ៊ីន​ក្នុង ១ ថ្ងៃ ក្នុងពេល​សាច់​ក្រហម ១ បន្ទះ ៣០០g ផ្ទុក ៧៧g ប្រូតេអ៊ីន ។ រួមជាមួយ​នឹង​សាច់​ក្រហម , បណ្តា​ផលិតផល​ពី​ទឹកដោះ​មាន​បរិមាណ​ប្រូតេអ៊ីន​ខ្ពស់​ក៏​គ្រោះថ្នាក់ ព្រោះ​ទឹកដោះគោ ១ កែវ​ចំណុះ ២០០ ml ផ្ទុក ១២% បរិមាណ​ប្រូតេអ៊ីន ឬ​ហ្វ្រូ​ម៉ា ១ ចំណិត ៤០g ផ្ទុក ២០% ប្រូតេអ៊ីន ៕​M

មី​កញ្ចប់​បង្កប់​ដោយ​គ្រោះថ្នាក់​ចំពោះ​សុខភាព​

ជា​ផ្នែក​មួយ​នៃ​របៀបរបប​រស់នៅ​ទាន់សម័យ មី​កញ្ចប់ គឺជា​ប្រភេទ​អាហារ​មួយ​ដែល​ងាយស្រួល​ចម្អិន និង​មាន​រសជាតិ​ឆ្ងាញ់ តាម​ការនិយម​របស់​អ្នកប្រើប្រាស់ ក៏ប៉ុន្តែ​អម​ជាមួយ​នោះ គឺ​វា​នាំ​ឲ្យ​មាន​បញ្ហា​ប្រឈម​នឹង​គ្រោះថ្នាក់​ចំពោះ​សុខភាព ដូចជា​មហារីក ខ្វះ​ជីវជាតិ​ជាដើម នៅពេលដែល​យើង​បានទទួល​ទាន​វា​ជា​ញឹកញាប់​នោះ​។​
•១)​ខ្វះ​ជីវជាតិៈ
​ថ្វី​ត្បិត​ក្រោយពេល​ទទួលទាន​មី​កញ្ចប់​ភ្លាម អ្នកមាន​អារម្មណ៍​ឆ្អែត​ខ្លាំង តែ​ធាតុពិត អារម្មណ៍​ឆ្អែត​នេះ គឺ​បណ្តា​លពី​កាបូ​អ៊ី​ដ្រា​ត​។ មី​កញ្ចប់​ទទួលទាន​ភ្លាម ផ្ទុក​ថាមពល​ច្រើន​សំខាន់​តែ​ពី​ជាតិ​ខ្លាញ់​និង​ម្សៅ​។ ទទួលទាន​មី​កញ្ចប់​ច្រើន ពុំ​ត្រឹមតែ​ធ្វើឱ្យ​អ្នក​ត្រូវ​ប្រឈម​បាត់​តុល្យភាព​ជីវជាតិ ខ្វះ​ជាតិ​សរសៃ វីតាមីន ប្រូតេអ៊ីន សារជាតិ​រ៉ែ​... ប៉ុណ្ណោះ​ទេ តែ​នៅមាន​គ្រោះថ្នាក់​ដុះ​ក្បាលពោះ​ទៀតផង​។​
•២)​ជំងឺ​សរសៃឈាម​បេះដូង
​ទទួលទាន​មី​កញ្ចប់​ជាប្រចាំ អ្នក​ត្រូវ​ប្រឈម​នឹង​ការកើត​ជំងឺ​អំពី​សរសៃឈាម​បេះដូង ដូចជា​លើសឈាម ក្រិន រឹង​សរសៃឈាម ស្ត្រូ​ក​ខ្ពស់ជាង​ធម្មតា​។ មូលហេតុ​ស្ថិតនៅ​សមាសធាតុ​ជាតិ​ខ្លាញ់​មាននៅ​ក្នុង​ពពួក​មី​កញ្ចប់​សឹងតែ​គ្រប់​ប្រភេទ​។ ជាតិ​ខ្លាញ់​នេះ គឺ transfat  និង​ជាតិ​ខ្លាញ់​ឆ្អែត វា​គ្រោះថ្នាក់​បំផុត​ចំពោះ​សុខភាព ពិសេស​ចំពោះ​មនុស្ស​ចាស់ ឬ​អ្នកមាន​ប្រវត្តិ​ជំងឺ​សរសៃឈាម​បេះដូង ។​
៣)•​ខូច​តម្រងនោម គ្រោះថ្នាក់​ដល់​ឆ្អឹងៈ
​សមាសធាតុ​មួយ​មាន​វត្តមាន​ក្នុង​មី​កញ្ចប់ ដែល​ពុំមែន​អ្នកណា​ក៏​ងាយ​ដឹងបាន​នោះ គឺជា​អំបិល​។ មី​កញ្ចប់​តែង​ត្រូវបាន​ប្រឡាក់​អំបិល​យ៉ាងច្រើន ជាមួយនឹង​បរិមាណ​អំបិល​ខ្ពស់​ដូច្នេះ ពេល​ទទួលទាន​ដោយ​អ​ចេតនា អ្នក​បានធ្វើឱ្យ​អន្តរាយ​តម្រងនោម មិនតែប៉ុណ្ណោះ​ប្រសិន​ទទួលទាន​ច្រើន អាច​បង្ក​ជា​ក្រួសតម្រងនោម​។ ក្រៅពីនេះ មី​កញ្ចប់​ក៏​ផ្ទុក​ពេញ​ដោយ​ហ្វូ​ស​ហ្វា​ត សារជាតិ​មួយ​ជួយ​កែប្រែ​ក្លិន​អាហារ​ឱ្យ​ប្រសើរឡើង​។ ថ្វី​ត្បិត​ជួយ​ឱ្យ​អ្នក​ឆ្ងាញ់​មាត់ តែ​សារជាតិ​នេះ​បែរជា​ធ្វើឱ្យ​យើង​ងាយ​ត្រូវ​ពុក​ឆ្អឹង បាក់ឆ្អឹង ធ្មេញ​ក៏​ខ្សោយ​ទៅៗ ប្រសិន​ទទួលទាន​ច្រើន​។​
៤)•​មហារីកៈ​
​បើតាម​ការស្រាវជ្រាវ​ជាច្រើន បាន​វាយ​តម្លៃភាព​ពិសពុល​របស់​មី​កញ្ចប់ ជាមួយនឹង​សមាសធាតុ​គ្រឿង​បន្ទាប់បន្សំ ដូចជា​ពណ៌ អាហារ អំបិល​ច្រើន​ហួស ជាតិ​ខ្លាញ់​ឆ្អែត ហើយ​សឹងតែ​ទាំងអស់​នៃ​ការស្រាវជ្រាវ សុទ្ធតែ​សន្និដ្ឋានថា មី​កញ្ចប់​មានលទ្ធភាព​បង្ក​ជំងឺមហារីក ប្រសិន​ទទួលទាន​ច្រើន​ក្នុង​រយៈពេល​វែង​។     ​៥)•​អាល់​លែរ​ហ្ស៊ីៈ​
​ក្នុង​មី​កញ្ចប់​តែង​ផ្ទុក​គ្រឿងផ្សំ​មួយ​ហៅថា M5G(monosodium glutamate monohydrate) នេះ​ជា​ប្រភេទ​គ្រឿងផ្សំ​ចម្រុះ​រសជាតិ ធ្វើឱ្យ​មី​ប្រែជា​ឆ្ងាញ់​ជាង រំញោច​ជី​វ្ហា​វិញ្ញាណ​អតិបរមា​។ ប៉ុន្តែ​នៅលើ​ពិភពលោក ក៏បាន​កត់ត្រា​ករណី​អាលែកហ្ស៊ី M5G ដោយសារ​ទទួលទាន​មី​កញ្ចប់​ច្រើន​។ រោគសញ្ញា​ទាំងឡាយ​រួមមានៈ​
-​អារម្មណ៍​ក្តៅក្រហាយ​នៅ​ទ្រូង ខ្នង និង​ដៃ
-​ចង់​ក្អួត ពិបាក​ដកដង្ហើម រសេះរសោះ
-​ឈឺក្បាល ឈឺទ្រូង
-​បេះដូង​លោត​ញាប់ វិលមុខ
-​ត្រូវ​ស្ពឹក​ដៃជើង ៕

​វិធី​៥​យ៉ាង ដើម្បី​បញ្ចៀស​ការបំផ្លាញ​ខួរក្បាល

ខួរក្បាល​របស់​មនុស្ស​រ៉ាប់រង​ប្រតិកម្ម​នៃ​ការជំរុញ ហើយ​ការប្រើប្រាស់​ខួរក្បាល មិនបាន​ល្អ នោះ​គឺ​ការ បំផ្លាញ​ខួរក្បាល​របស់​អ្នក​ទៅវិញ ដូច​ករណី​ប្រាំ​យ៉ាង​ខាងក្រោម ដែល​អ្នក​គួរ​ចៀសវាង​។​

​​១-​គិត​នូវ​អ្វី​ដែល​មិន​ត្រឹមត្រូវ​: ការ​ធ្វើ​ខុស​គន្លង​ធម៌ ខុស​ចរិយា​ធម៌ ខុស​សីលធម៌ ឬ​ខុសច្បាប់ ដូចជាកេង ប្រវ័ញ្ច អែបអប លើ​ក​ខ្លួនឯង យក​ល្អ​ដាក់​ឲ្យ​ខ្លួន​ឯង យក​អាក្រក់​ដាក់​ឲ្យ​អ្នកដទៃ ពុករលួយ ការប្រព្រឹត្តិ​ខុស​ទំនៀមទម្លាប់​សង្គម​។​ល​។ ប្រការ​ទាំងនេះ សុទ្ធតែ​ជា​វិធី​មួយ ក្នុង​ការបំផ្លាញ​ប្រសិទ្ធភាព​យន្តការ​របស់​ខួរក្បាល​។​


​​២-​កុហក​ជាប្រចាំ​: ការ​កុហក ធ្វើឲ្យ​ខួរក្បាល​ត្រូវធ្វើការ​ធ្ងន់​លើស​ពី​ធម្មតា ក្នុង​ការព្យាយាម​ចាំ​នូវ​អ្វី​ដែល​ខ្លួន​បាន​កុហក ជា​គំរូ មិន​ល្អ​នៃ​ការប្រើប្រាស់​ខួរក្បាល​របស់​គេ​ដោយ​គ្មាន​ប្រយោជន៍ នឹង​ត្រូវ​បំផ្លាញ​ប្រសិទ្ធភាព​នៃ​យន្តការ​ខួរក្បាល​។​

​​៣-​ពូកែ​ខឹង​ឆេវឆាវ​:អ្នក​ដែល​ឆាប់​ខឹង នឹង​គុំកួន​ជាប្រចាំ ខួរក្បាល​របស់គេ នឹង​ត្រូវ​បំផ្លាញ​ប្រៀបដូចជា ការ​ស្រោច​ដោយ​ថ្នាំពុល​ជាប្រចាំ​។​



​​៤-​ភាព​តានតឹង​អារម្មណ៍​: ភាព​រាយមាយ ធ្វើឲ្យ​ខួរក្បាល​ត្រូវធ្វើការ​ខ្លាំង​ខុស​លក្ខណៈ ធ្វើឲ្យ​ខួរក្បាល​បញ្ចេញ​សារធាតុ ឬ​ខ្វះ​សារធាតុ​មួយចំនួន មក​ចិញ្ចឹម ទើប​ជំរុញ​ឲ្យ​កើត​មាន​អាការ​ក្រៀមក្រំ ឬ​ចិត្តរាយមាយ​យ៉ាងខ្លាំង អាច​ដល់​ថ្នាក់​បាត់បង់​សម្បជញ្ញៈ លែង​ដឹង​ខុស​ត្រូវ ធ្វើបាប​ខ្លួន​ឯង ឬ​ធ្វើ​អត្តឃាត​បាន​។​

​​៥-​មិន​ព្រម​គិត​ត្រិះរិះ​: អ្នក​ដែល​មិន​ព្រម​គិត​ត្រិះរិះ​អ្វី​សោះ ដោយ​គ្រាន់តែ​ធ្វើដំណើរ​ជីវិត​របស់​ខ្លួន ឲ្យ​ប្រព្រឹត្តទៅ​ពីមួយថ្ងៃ​ទៅមួយថ្ងៃ​ប៉ុណ្ណោះ ដូចជា ការ​ទទួលទាន​អាហារ ការបំពេញ​ការងារ​ត្រឹម​តែ​តាម​តួនាទី នេះ​ក៏​ជា​មូលហេតុ​នៃ​ការបំផ្លាញ​ខួរក្បាល​របស់​អ្នក​ដែរ ដោយ​នឹង​ធ្វើឲ្យ “​ខួរក្បាល​ស្ពឹក​”៕​

ការ​ទ្រាំ​មិន​ទទួលទាន និង​គ្រោះថ្នាក់​កើត​ជំងឺ​

​ការ​អត់ទ្រាំ​មិន​ទទួលទាន ដើម្បី​សម្រក​ទម្ងន់​ក្នុងដំណាក់កាល​វ័យ​ទើប​ធំ មានលទ្ធភាព​ជំរុញ​សរីរាង្គ ទៅដល់​គ្រោះថ្នាក់​កើត​ជំងឺ​ជាច្រើន ក្នុងដំណាក់កាល​ធំ​ពេញរូបពេញរាង ។​
ធម្មតា មជ្ឈដ្ឋាន​ជំនាញការ​ជីវជាតិ បាន​ទូន្មាន​ដល់​នារី​ភេទ​ថា គួរ​ស្រូបយក​ប្រមាណ​២.០០០​កាឡូរី ក្នុង​មួយថ្ងៃ ដើម្បី​មាន​សុខភាព​ល្អជា​និច្ច​។ នៅ​ចំពោះមុខ និន្នាការ​ទ្រាំ​ឃ្លាន ដើម្បី​សម្រក​ទម្ងន់ ដែល​លេចឡើង​ជាទូទៅ​នៅ​វ័យ​ជំទង់​។ ពួក​អ្នកស្រាវជ្រាវ​របស់​មហា​វិទ្យាល័យ​មជ្ឈមណ្ឌល​វេជ្ជសាស្ត្រ​នៅ Utrecht (​ហុ​ល្លង់​) ព្រមាន​ថា ស្ថានភាព​បោះបង់​ការទទួល​ទាន ទោះបី​ក្នុង​រយៈពេល​ខ្លី ក៏​អាច​បង្ក​គ្រោះថ្នាក់​យូរអង្វែង​។​
ការព្រមាន​ខាងលើ គឺ​ផ្តើមចេញពី​ការសិក្សា​ស្រាវជ្រាវ​របប​ទទួលទាន​របស់​ស្ត្រី​ប្រមាណ​៨.០០០​នាក់ ធ្លាប់​អត់ទ្រាំ​មិន​ទទួលទាន​អាហារ​នៅ​ហុ​ល្លង់ ក្នុងដំណាក់កាល​សង្គ្រាម​លោក​លើក​ទី​២​។ តាមរយៈ​នោះ អត្រា​កើត​ជំងឺ​សរសៃឈាម កើន​បន្ថែម​២៧​ភាគរយ ចំពោះ​អ្នក​ទ្រាំ​ឃ្លាន​ដើម្បី​សម្រក​ទម្ងន់​ពេល​នៅ​ក្មេង​។ ហើយ​គ្រោះថ្នាក់​នេះ ហក់​ឡើង​៣៨​ភាគរយ ប្រសិន​មុខសញ្ញា​ធ្លាប់​ទ្រាំ​ឃ្លាន​ក្នុងដំណាក់កាល​ពី​អាយុ ១០-១៧​ឆ្នាំ​។ ការស្រាវជ្រាវ​ដទៃទៀត របស់​មហាវិទ្យាល័យ St George នៅ London (​អង់គ្លេស​) ក៏​ទាញ​ចេញ​នូវ​ការសន្និដ្ឋាន​ប្រហាក់ប្រហែល​ដូច​នៅ​ហុ​ល្លង់ ក្រោយពេល​បណ្តា​ទិន្នន័យ​បង្ហាញថា ស្ថានភាព​ជីវភាព​គ្រា​នៅ​ក្មេង​អាចមាន​ឥទ្ធិពល​ធ្ងន់ធ្ងរ​ដល់​ជំងឺ​ដ៏​គ្រោះថ្នាក់ ក្នុងដំណាក់កាល​ខាងក្រោយ​នៃ​ជីវិត​មនុស្ស​។​
នៅ​វ័យ​ពេញក្រមុំ ស្ត្រី​ត្រូវបំពេញ​សារជាតិ​យ៉ាងច្រើន ដើម្បី​ធានា​ការរីកចម្រើន​ល្អប្រសើរ​របស់​សរីរាង្គ​។ សារជាតិ​ចាំបាច់​មួយចំនួន​មានដូចជាៈ​
-​អាស៊ីត​ហ្វូ​លិ​កៈ សារជាតិ​ជួយ​សំយោគ ADN និង​បណ្តា​ប្រូតេអ៊ីន​ចាំបាច់​បំផុត​សម្រាប់​ការកកើត​របស់​កោសិកា រួមផ្សំ​ជាមួយ​បណ្តា​ផ្នែក​ក្នុង​សរីរាង្គ ក៏ដូចជា​កកើត​និង​រីកចម្រើន​កោសិកា​ក្រហម​។ គេ​អាចបំពេញ​អាស៊ីត​ហ្វូ​លិ​ក​ពី​សណ្តែក​, ទឹកដោះគោ​, គ្រឿងក្នុង​សត្វ​, ដំឡូងបារាំង ផ្លែឈើ ... ។​
ដែកៈ អង្គធាតុ​ចាំបាច់​ដើម្បី​បង្កើត​ឈាម​។ ក្នុងដំណាក់កាល​គ្រប់ការ មនុស្ស​ស្រី​ត្រូវការ​ប្រមាណ​១៥ មិ​ល្លី​ក្រាម​ដែក​ក្នុង​មួយថ្ងៃ​។ ក្នុងពេល​មាន​រដូវ តម្រូវការ​អំពី​ដែក​របស់​សរីរាង្គ​ធំ​ជាង ប្រសិន​សរីរាង្គ​អ្នក​ខ្វះ​ដែក​នឹង​ដល់​ការខ្វះ​ឈាម​។ គួរ​បរិភោគ​ឱ្យបាន​ច្រើន​នូវ​អាហារ​ដូចជា​ថ្លើម​គោ គ្រឿង​សមុទ្រ​, សាច់​សុទ្ធ​, ស្រូវ​សាឡី​, ធញ្ញជាតិ​។​
ស័ង្កសីៈ ខ្វះ​ស័ង្កសី​មាន​ពាក់ព័ន្ធ​ដល់​ស្ថានភាព​រីកចម្រើន​កម្ពស់​ខ្សោយ  ក៏​ដូច​ក្រ​គ្រប់ការ​។ ស័ង្កសី​តែងមាន​ច្រើន​នៅក្នុង​បន្លែ​បៃតង សណ្តែក ផលិតផល​កែច្នៃ​ម្សៅ​ធ​ម​ញ្ញ​ជាតិ​សុទ្ធ និង​ពពួក​ធញ្ញជាតិ​។ ក្រៅពីនេះ ស៊ុត សាច់​ក្រហម និង​គ្រឿង​សមុទ្រ ក៏​ជា​ប្រភព​សម្បូរ​ជាតិ​ស័ង្កសី​។​
-​កាល់ស្យូមៈ បំពេញ​តាមរយៈ​អាហារ​មាន​ទឹកដោះ ពិសេស​គឺ​ពេល​លទ្ធផល​ស្រាវជ្រាវ​របស់​មហាវិទ្យាល័យ Mc Master (​កាណាដា​) បង្ហាញថា ការ​ស្រូបយក​ប្រភេទ​អាហារ​នេះ អាចជួយ​កកើត​សាច់ដុំ និង​បន្ថយ​ខ្លាញ់​ពោះ​។ គួរ​បំពេញ​គ្រប់​១.២០០​មិ​ល្លី​ក្រាម​កាល់ស្យូម​ក្នុង​មួយថ្ងៃ ក្នុងដំណាក់កាល​គ្រប់ការ​។​
-​លីពីដៈ សរីរាង្គ​ត្រូវការ​មាន​បរិមាណ​ខ្លាញ់​ដាច់ខាត​មួយ វា​មាន​ឥទ្ធិពល​សម្រួល​សមត្ថកិច្ច​ផ្លូវភេទ​របស់​ស្ត្រី​។ បរិមាណ​ខ្លាញ់​ច្រើន ឬ​តិច នឹងមាន​ឥទ្ធិពល​ផ្ទាល់​ទៅដល់​ខួប​រដូវ និង​ការប្រែប្រួល​អរ​ម៉ូ​ន​ក្នុង​សរីរាង្គ​។ ប្រសិន​បរិមាណ​ខ្លាញ់​ក្នុង​សរីរាង្គ ថយចុះ ១ ភាគ​៣ ស្ត្រី​ងាយ​ត្រូវ​កើត​ជំងឺ​ខួរក្បាល​។ ការបំពេញ​សារជាតិ​ខ្លាញ់​តាមរយៈ ប្រេង អូ​លីវ​, ប្រេង​គ្រាប់​ស្ពៃ​, គ្រាប់​ឈូករ័ត្ន​, សណ្តែកដី​, ពពួក​ត្រី​មាន​ខ្លាញ់​៕​

កាហ្វេ​អាច​កាត់បន្ថយ​ហានិភ័យ​ក្នុង​ការកើត​ជំងឺ​ទឹកនោមផ្អែម​

​ក្រុម​អ្នកវិទ្យាសាស្ត្រ​និយាយថា ការ​ទទួលទាន​កាហ្វេ​អាចជួយ​កាត់បន្ថយ​ហានិភ័យ​ក្នុង​ការកើត​ជំងឺ​ទឹកនោមផ្អែម​បាន ។ ការសិក្សា​មួយ​បាន​រកឃើញ​សមាសធាតុ​ចំនួន ៣ នៅក្នុង​កាហ្វេ​អាច​រារាំង​សារជាតិ​ពុល​ដែល​បង្កើត​ចេញពី​សារជាតិ​ប្រូតេអ៊ីន​មួយ​ដែល​គេ​ស្គាល់​ថា​ធ្វើ​ឲ្យ​កើតមាន​អាកា​រៈ​ជំងឺ​ទឹកនោមផ្អែម​រយៈពេល​វែង​នោះ ។​

​    ​ជំងឺ​ទឹកនោមផ្អែម​ប្រភេទ​ទី ២ កើតឡើង​នៅពេលដែល​រាងកាយ​មិនបាន​បង្ការ​សារជាតិ​អាំង​ស៊ុយ​លីន​ឲ្យ​បាន​គ្រប់គ្រាន់​ដើម្បី​ឲ្យ​វា​ធ្វើ​មុខងារ​ឲ្យ​បាន​ត្រឹមត្រូវ ក៏ប៉ុន្តែ​សមាសធាតុ​កាហ្វេ​ក៏ត្រូវ​គេ​ស្គាល់​ផងដែរ​ខាង​បង្ការ​កោសិកា​ផលិត​ជាតិ​អាំង​ស៊ុយ​លីន​មិន​ឲ្យ​រង​ការបំផ្លាញ ។​

​    ​ឥឡូវ​ក្រុម​អ្នកស្រាវជ្រាវ​ជឿជាក់ថា សមាសធាតុ​កាហ្វេ មានដូចជា កាហ្វេ​អ៊ី​ន Caffeic Acid និង Chlorogenic Acid អាចជួយ​អភិវឌ្ឍន៍​ការព្យាបាល​ឲ្យ​កាន់​តែមាន​ប្រសិទ្ធិភាព ។​

​    ​អ្នកដឹកនាំ​ស្រាវជ្រាវ លោក គុន ហួង មកពី​សាកលវិទ្យាល័យ​វិទ្យាសាស្ត្រ និង បច្ចេកវិទ្យា​ហួរ​ហ្សុ​ង (Huazhong University of Science and Technology) បាន​និយាយថា "​យើង​បាន​រកឃើញ​សមាសធាតុ​កាហ្វេ​សំខាន់ៗ​ចំនួន​៣​អាច​ផ្លាស់ប្តូរ​ដំណើរការ​សារធាតុពុល​នេះ​បាន និង អាច​ពន្យល់ថា​ហេតុអ្វី​បាន​ជាការ​ទទួលទាន​កាហ្វេ​មាន​ជាប់​ពាក់ព័ន្ធ​នឹង​ការថយចុះ​ហានិភ័យ​ក្នុង​ការកើត​ជំងឺ​ទឹកនោមផ្អែម​ប្រភេទ​ទី ២" ។​

​    ​រាល់​សមាសធាតុ​ទាំងអស់​សុទ្ធតែ​បានបង្ហាញ​ពី​ប្រសិទ្ធិភាព​វិជ្ជមាន​នៅ​អំឡុងពេល​ធ្វើតេស្ត៍​នៅ​មន្ទីរពិសោធន៍ ទោះជា​យ៉ាងណាក៏ដោយ សមាសធាតុ​កាហ្វេ​អ៊ី​ន​មាន​ប្រសិទ្ធិភាព​តិចជាងគេ​បំផុត​ក្នុងចំណោម​សមាសធាតុ​ទាំងបី ។​

​    ​ជា​លទ្ធផល លោក​ហួង​បាន​និយាយថា កាហ្វេ​ដែល​គ្មាន​សមាសធាតុ​កាហ្វេ​អ៊ី​ន​អាចមាន​ផលប្រយោជន៍​ច្រើនជាង​ជម្រើស​ទទួលទាន​កាហ្វេ​មាន​ជាតិ​កាហ្វេ​អ៊ី​ន​ជាប្រចាំ​ទៅទៀត ។​

​    ​លោក​បន្ថែមថា "​នៅក្នុង​កាហ្វេ​គ្មាន​ជាតិ​កាហ្វេ​អ៊ី​ន ចំនួន​ភាគរយ​នៃ​សារធាតុ  Caffeic Acid និង Chlorogenic Acid មាន​ចំនួន​ខ្ពស់ជាង​កាហ្វេ​ធម្មតា​ទៅទៀត ចំណែកឯ​កំរិត​កាហ្វេ​អ៊ី​ន​វិញ​ត្រូវបាន​កាត់បន្ថយ​យ៉ាងច្រើន ។ យើង​រំពឹងថា កាហ្វេ​គ្មាន​ជាតិ​កាហ្វេ​អ៊ី​ន​យ៉ាងហោចណាស់​ក៏មាន​អត្ថប្រយោជន៍​ស្មើគ្នា ឬ ច្រើនជាង​ដែរ បើ​ប្រៀបធៀប​ជាមួយ​ប្រភេទ​កាហ្វេ​មាន​ជាតិ​កាហ្វេ​អ៊ី​ន​ធម្មតា​" ។ ការសិក្សា​នេះ​មាន​ចេញផ្សាយ​ក្នុង​ទស្សនា​វ​ដ្តី Agricultural and Food Chemistry ៕

​«​វែកមុខ​» ជនល្មើស បង្ក​ឱ្យ​ឈឺ​ខ្នង​

ការខ្វះ​វីតាមីន D បណ្តាល​ឱ្យ​អ្នកជំងឺ ឈឺ​ខ្នង​រ៉ាំរ៉ៃ និង​កាន់តែ​មាន​ស្ថានភាព​អាក្រក់​ជាង នៅ​រដូវ​ត្រជាក់​។​

​វីតាមីន D ត្រូវបាន​កកើត​ពី​ពន្លឺព្រះអាទិត្យ ពេល​ស្បែក​ប្រាស្រ័យ​ជាមួយ​កាំរស្មីអ៊ុ​លត្រា​វី​យូ​ឡេ​។ ប៉ុន្តែ​សូម្បីតែ​បណ្តា​ផ្នែក ដែល​ប៉ះ​ច្រើន​បំផុត​ជាមួយ​ពន្លឺ ព្រះអាទិត្យ​នោះ បរិមាណ​វីតាមីន D ចាំបាច់​ដើម្បី​រក្សា​សុខ​ភាព​ឱ្យ​ឆ្អឹង ក៏​មិន​គ្រប់គ្រាន់​ដែរ នៅក្នុង​រដូវ​ត្រជាក់​។​

​ក្រៅ​ពី​មូលហេតុ​ទាំងឡាយ ដូចជា​របួស ឬ​កើត​ជំងឺ​ពាក់ព័ន្ធ​ដល់​ឆ្អឹង​កង​នោះ មាន​មនុស្ស​៨​នាក់ ក្នុង​ចំណោម​មនុស្ស​១០​នាក់ ដែល​ឈឺ​ខ្នង​ជា​ប្រចាំ គឺ​បណ្តាលមកពី​ការខ្វះ​វីតាមីន D ។ ក្នុង​របាយការណ៍ «​វីតាមីន D» គឺជា​ឱសថ​មួយ​សម្រាប់​ជួយ​កាត់បន្ថយ​ការឈឺចាប់​។


​ពួក​វេជ្ជបណ្ឌិត​នៅ​អាមេរិក បាន​អះអាង​ពី​សារសំខាន់​ដូចខាងក្រោមៈ វីតាមីន D ចាំបាច់​សម្រាប់​ការទទួល​បញ្ចូល និង​បង្កើន​កាល់ស្យូម​ក្នុង​ឆ្អឹង​។ ការខ្វះ​វីតាមីន​នេះ អាច​បណ្តាល​ឱ្យ​ឆ្អឹង​ត្រូវ​ទន់​និង​ស្រួយ​, បង្ក​ការឈឺចាប់ និង​ងាយ​ធ្វើឱ្យ​របួស​ផ្នែក​ខាងក្រោម​ខ្នង​។​

​ភាគច្រើន​នៃ​អ្នកជំងឺ​ដែល​ឈឺ​ខ្នង​រ៉ាំរ៉ៃ ច្រើន​មាន​កម្រិត​វីតាមីន D ក្នុង​ឈាម​ទាប​។ តាម​ការស្រាវជ្រាវ​ថ្មីៗ​នេះ ភាគច្រើន​នៃ​កុមារ និង​មនុស្ស​ចាស់ ត្រូវការ​តិច​បំផុត ១.០០០ IU  វីតាមីន D ក្នុង​១​ថ្ងៃ ហើយ​ចំពោះ​អ្នក​ឈឺ​ខ្នង​រ៉ាំរ៉ៃ ជា​មធ្យម ក្នុង​១​ថ្ងៃ ត្រូវ​ដល់ ២ .០០០ IU ឬ​ច្រើន​ជាង​។  ប៉ុន្តែ​បើ​ប្រើ​ហួស​កម្រិត​ដែល​នាំ​ដល់​ការ​លើស​វីតាមីន​នេះ ក៏​មិន​ល្អ​ដែរ ដូច្នេះ​ដើម្បី​សុវត្ថិភាព ចូរ​សួរ​យោបល់​វេជ្ជបណ្ឌិត មុន​ពេល​ប្រើប្រាស់​៕​

ˆMake-up ធ្វើឱ្យ​ស្ត្រី​ឆាប់​អស់​រដូវ​

ក្រុម​សារ​ជាតិគីមី មានឈ្មោះ​ថា« Pthalate» ក្នុង​ពពួក​គ្រឿងសម្អាង ,​ថ្នាំ​បាញ់​សក់​ជា «​ជនល្មើស​» ធ្វើឱ្យ​ស្ត្រី​ឆាប់​អស់​រដូវ​។ មុននេះ​ធ្លាប់​មាន​ការព្រួយបារម្ភ​យ៉ាង​ច្រើន​អំពី​គ្រោះថ្នាក់​របស់ Pthalates​។

​ក្រុម​ជំនាញ​ផ្នែក​សារ​ជាតិគីមី​មួយ បាន​រកឃើញថា សារ​ជាតិគីមី Pthalate ភាគច្រើន​មាន​នៅក្នុង​បណ្តា​ផលិតផល​ជ័រ​, គ្រឿងសម្អាង​, របស់​ប្រើប្រាស់​ក្នុង​គ្រួសារ និង​ថង់​ខ្ចប់​អាហារ​។ ការស្រាវជ្រាវ​ជា​ច្រើន ថ្មីៗ​នេះ ចង្អុលបង្ហាញ​ថា វា​ធ្វើឱ្យ​កើន​គ្រោះថ្នាក់​មហារីក​, ទឹកនោម​ផ្អែម និង​ធាត់​, មិនតែប៉ុណ្ណោះ មាន​ភស្តុតាង​បង្ហាញថា វា​ធ្វើឱ្យ​ខួរក្បាល​ក្មេងប្រុស​ប្រែជា​មាន​លក្ខណៈ​ជា​ក្មេងស្រី​។​

​​ឥឡូវនេះ គម្រោង​ស្រាវជ្រាវ​របស់​ពួក​អ្នកវិទ្យាសាស្ត្រ​អាមេរិក បានឱ្យដឹងថា សារជាតិ​គី​មីនេះ នៅ​ធ្វើឱ្យ​អ​សកម្មភាព​របស់​ប្រព័ន្ធ​បង្កើត​កូន​របស់​ស្ត្រី​, ក្នុងនោះ​មាន​ស្បូន បណ្តាល​ឱ្យ​ឆាប់​អស់​រដូវ​។​


បណ្ឌិត Natalia Grindler នៅ​មហាវិទ្យាល័យ​វ៉ាស៊ីនតោន នៃ​រដ្ឋ​មី​ស​ស៊ូ​រី សហរដ្ឋអាមេរិក បាន​ស្រាវជ្រាវ​បរិមាណ Pthalates ក្នុង​ឈាម ឬ​ទឹកមូត្រ​របស់​ស្ត្រី​ចំនួន ៥.៧០០ នាក់​។ អ្នក​មាន​បរិមាណ​សារជាតិ​នេះ ខ្ពស់​បំផុត​នោះ គឺ​អស់​រដូវ​ជា​មធ្យម​ឆាប់​ជាង ពី​២ ទៅ ៣​ឆ្នាំ ប្រៀប​នឹង​ស្ត្រី​ដទៃទៀត​។ អាយុ​អស់​រដូវ​ជា​មធ្យម គឺ​៥១​ឆ្នាំ​, ក្នុង​ពេល​ស្ត្រី​ដែល​ប្រាស្រ័យ​ជាមួយ​សារជាតិ​នេះ​ច្រើន​បំផុត គឺ​អស់​រដូវ​នៅ​អាយុ​៤៩​ឆ្នាំ​។​

​បណ្ឌិត Grindler បាន​អះអាង​ថាៈ«នេះ​ពុំ​ទាន់​និយាយ​ដល់​ស្ត្រី​មួយ​ចំនួន អាច​ឆ្លងកាត់​ដំណាក់កាល​នេះ ឆាប់​ជា​ង​ដល់​ទៅ​១៥​ឆ្នាំ ពោល​គឺ​នៅ​ចន្លោះ​អាយុ​៣០​ឆ្នាំ​។ ស្ថានភាព​ឆាប់​អស់​រដូវ មាន​ឥទ្ធិពល​យ៉ាង​ធំ​ទៅ​ដល់​សុខភាព​,​ធ្វើឱ្យ​កើន​អត្រា​ជំងឺស្ត្រូក​, ឈឺ​បេះដូង​, ពុក​ឆ្អឹង និង​របួស​នៅ​ខួរក្បាល​»។​

​បណ្ឌិត Grindler បានឱ្យដឹងថាៈ«ស្ត្រី​ប្រាស្រ័យ​ជាមួយ​សារ​ជាតិគីមី​ខាងលើ អាច​តាមច្រើន​វិធី ដូចជា តុបតែង​មុខ​, ទទួលទាន​ទឹក​ច្រក​ដប ឬ​ទទួលទាន​អាហារ​កែច្នៃ​ស្រាប់​ដាក់​ក្នុង​ថង់»​៕​

ចាក់​ទឹកអំបិល​ព្យាបាល​ឈឺខ្នង​ខាងក្រោមល្អជាងចាក់ Steroid បញ្ចូល

​ចាក់​ផ្ទាល់​ទឹកអំបិល​ទៅក្នុង​ឆ្អឹងខ្នង អាចជា​វិធី​ព្យាបាល​ជំងឺ​ឈឺ​ខ្នង​ប៉ែក​ខាងក្រោម ប្រសិទ្ធភាព​ជាង ប្រៀប​នឹង​វិធី​ចាក់​ថ្នាំ Steroid បញ្ចូល -​នេះ​បើ​យោងតាម​ការអះអាង​រប​ស់​ពួក​អ្នកស្រាវជ្រាវ នៅ​សាកលវិទ្យាល័យ John Hopkins (​អាមេរិក​) ។ មាន​អ្នក​កើត​ជំងឺរលាកស្រោមខួរ ដោយសារ​ផ្សិត ៧៤០ នាក់ និង ៥៥ នាក់ បាន​ស្លាប់​ក្រោយពេល​ចាក់​ត្រូវ​ថ្នាំ Steroid មាន​ភាពកខ្វក់ កាលពី​ឆ្នាំមុន ។​
​អ្នកជំនាញការ​បាន​វិភាគ​ឯកសារ​សុខភាព​របស់​អ្នកជំងឺ ៣៧៤១ នាក់ ពី​ការស្រាវជ្រាវ​ចំនួន ៤៣ បន្ទាប់មក ប្រៀបធៀប​វិធី​ចាក់​បង្ក​ស្ពឹក​ក្រៅ​ស្រោម​រឹង ដោយ Steroid ជាមួយនឹង​វិធី​ចាក់​បង្ក​ស្ពឹក​ក្រៅ​ស្រោម​រឹង​ផ្សេង និង​ចាក់​ក្នុង​សាច់ដុំ ។​
​សាស្ត្រាចារ្យ​ជំនាញ​ផ្នែក​បង្ក​ស្ពឹក Steven Cohen សន្និដ្ឋានថាៈ “​មាន​វិធី​ចាក់​សារជាតិ​រាវ​ចូល​ប្រឡោះ​ទទេ សំដៅ​បង្ក​ស្ពឹក​ក្រៅ​ស្រោម​រឹង គឺមាន​ប្រសិទ្ធភាព ។ រឿង​នោះ​បង្ហាញថា សឹងតែ​ទាំងអស់ នៃ​ឥទ្ធិពល​បន្ថយ​ឈឺ អាច​មិន​អាស្រ័យទៅលើ​ថ្នាំ​សណ្ឋាន Steroid -​ដែល​ធ្វើ​ឲ្យ​មនុស្ស​ជាច្រើន​ខ្វាយខ្វល់​” ។​
​ទន្ទឹម​នោះ ការស្រាវជ្រាវ​នៅ​រកឃើញ Steroid មាន​ឥទ្ធិពល​បន្ទាប់បន្សំ ដូចជា​ធ្វើ​ឲ្យ​កើន​តួលេខ​ស្ករ​ក្នុង​ឈាម នៅ​អ្នកជំងឺ​ទឹកនោមផ្អែម​, ពន្យឺត​ល្បឿន​សះ​របួស និង​បង្ក​ជា​ជំងឺ​អំពី​ឆ្អឹង នៅ​ស្ត្រី​អាយុ​ច្រើន ។​
​ប៉ុន្តែ បណ្ឌិត Mark Bicket -​សមាជិក​ក្រុម​ស្រាវជ្រាវ​- ទូន្មាន​ត្រូវមាន​បន្ថែម​ការស្រាវជ្រាវ​ទ្រង់ទ្រាយ​ធំ​ជាង ដើម្បី​កំណត់​មើល​តើ​ការចាក់​សារជាតិ​ជំនួស Steroid (​ដូចជា​ទឹកអំបិល​) អាច​ត្រូវបាន​ជ្រើសរើស​ជា​វិធី​ដ៏​មាន​ប្រយោជន៍ សម្រាប់​អ្នកជំងឺ​ឈឺ​ខ្នង ឬ​អត់ ៕M​

​១០ អាហារ​ព្យាបាល​ជំងឺ

អាហារ ក្រៅពី​ជា​កត្តា​សំខាន់​ក្នុងការ​ចិញ្ចឹមជីវិត​ហើយ បើ​មានការ​យកចិត្តទុកដាក់ ចំពោះ​អាហារ​ទទួលទាន វា​ថែមទាំង​អាច​ការពារ និង​ព្យាបាល​ជំងឺ បាន​ថែម​ទៀតផង ... ។
១. អាកា​រៈ​ភើ​ញឹកញាប់ : ដោះស្រាយ​ដោយ​ការ​ផឹកទឹក​ត្របែក​ស្ងោរ មួយថ្ងៃ ៣ កែវ អាចជួយ​កាត់បន្ថយ​អាកា​រៈ​ភើ​បាន​យ៉ាង​ល្អ ។
២. ហើម​ឆ្អល់ពោះ : ច្រើន​មាន​មូលហេតុ​ពី​ការទទួល​ទាន​អាហារ​ពពួក​នំប៉័ង អាច​ដោះស្រាយបាន ដោយ​ការ​ទទួលទាន​ជ្រក់ត្រសក់ ឬ​ផឹកទឹក​កេក​ហួយ​ក្តៅៗ ១-២ ពែង​ក្នុង​មួយថ្ងៃ ។
៣. សម្ពាធ​ឈាម​ទាប : ក្រោយ​ក្រោក​ពី​គេង​ពេលព្រឹក ចូរ​ផឹកទឹក​មួយ​កែវ និង​ជ្រើស​ទទួលទាន​អាហារ ដែល​ផ្សំ​ដោយ​អំបិល ព្រោះ​អំបិល នឹងធ្វើ​ឲ្យ​សម្ពាធ​ឈាម​ខ្ពស់​វិញ ។ ចំពោះ​អ្នក​ដែល​តែងតែ​ងងឹតមុខ និង​មាន​អារម្មណ៍​នឿយហត់ ចូរ​ទទួលទាន​បន្លែ ផ្លែឈើ​ដែលមាន​វិ​តា​មីន C ដូចជា ផ្លែ​គី​វី​, ប៉េងប៉ោះ​, ត្របែក វា​នឹង​ជួយ​ឲ្យ​សម្ពាធ​ឈាម​ខ្ពស់​ឡើង ថែមទាំង​បញ្ចេញ​អ័រម៉ូន​នៃ​សេចក្តីសុខ​ផងដែរ ។
៤. សម្ពាធ​ឈាម​ខ្ពស់ : ទទួលទាន​ចេក​, ត្រសក់ ព្រោះ​មាន​ប៉ូ​តា​ស្យូ​ម​ខ្ពស់ ជួយ​កាត់បន្ថយ​ទឹក​ក្នុង​ឈាម ធ្វើ​ឲ្យ​សម្ពាធ​ឈាម​ចុះ​ទាប ។ បើ​សម្ពាធ​ឈាម​ឡើង​ខ្ពស់ និង​អស់កម្លាំង ចូរ​ទទួលទាន​អាហារ​ដែលមាន​អាស៊ីដ​អា​មី​ណូ​ទ្រី​ប​តូ​ហ្វា​ន (Tryptophan) ដូចជា ដំឡូងបារាំង​, សណ្តែក អង្គ​រអា​វ័ន , ប៊័រ ។ រីឯ​អាហារ​ពេលយប់ គួរ​បន្ថែម​ការ​បូ​អ៊ី​ដ្រា​ត ដូចជា បាយ ផលិតផល​ធញ្ញជាតិ​មិន​ខាត់​ពណ៌ បន្ថយ​សាច់សត្វ និង គួរ​បន្ថែម​វីតាមីន E ដែល​ជួយ​ការពារ សរសៃឈាម​មិន​ឲ្យ​ឡើង​រឹង ជាពិសេស វីតាមីន E ដែលមាន​ក្នុង​ប្រេងល្ង ។​

៥. ជំងឺ​សោកសៅ : ទទួលទាន​បាយ​បន្លែ​ឆ្អិន​, ប្រេងល្ង យ៉ាងតិច​មួយថ្ងៃ​ម្តង កាត់បន្ថយ​អាហារ​ប្រភេទ​សាច់សត្វ ជាពិសេស អាហារ​ពេលយប់ មិនគួរ​មាន​សាច់សត្វ​ឡើយ ។​
៦. គេង​មិន​លក់ : ទទួលទាន​សណ្តែក​មួយ​ថ្ងៃ មួយ​ក្តាប់ដៃ ព្រោះ​ក្នុង​សណ្តែក​មានណៃ​អាស៊ី​ន (Niacin) ខ្ពស់ ដែល​ជួយ​ឲ្យ​មាន​ការផលិត​អ័រម៉ូន​សេ​រ៉ូ​ថូ​នី​ន (Serotonin) ដែលជា​អ័រម៉ូន​នៃ​សេចក្តីសុខ ជួយ​ឲ្យ​គេង​លក់​ស្រួល ។
៧. អាកាសធាតុ​ផ្លាស់ប្តូរ ធ្វើ​ឲ្យ​ឈឺក្បាល ងងុយគេង : គួរ​ផ្អាក​ទទួលទាន​ផ្លែឈើ​នៅពេល​ព្រឹក ដោយ​ងាក​ទៅរក​ប្រូតេអ៊ីន និង វិ​តា​មីន B ដូចជា ជ្រក់ត្រសក់ ឬ​គួរ​ទទួលទាន​អាហារ​ស្រាលៗ ដូចជា បាយ បន្លែ​, ផ្លែឈើ និង​ត្រី ។​ល​។
៨. អាការ មុន​មក​រដូវ (PMS) : គួរ​ទទួលទាន​អាហារ​ដែលមាន​វិ​តា​មីន B6 ដូចជា​ផលិតផល​ធញ្ញជាតិ​មិន​ខាត់​ពណ៌ ដំឡូងបារាំង ផ្លែឈើ​សំបក​រឹង ជាដើម ដើម្បី​កាត់បន្ថយ​អា​ការមិន​ប្រក្រតី​មុន​មក​រដូវ ។
៩. ពុក​ឆ្អឹង : ទទួលទាន​អាហារ​ដែលមាន​កាល់ស្យូម ដូចជា ទឹកដោះគោ​, ប្រូ​ក​ខូ​លី​, ផ្ទី ចៀសវាង​អាហារ​កញ្ចប់ ទឹកក្រូច​ហ្គាស់​, គ្រឿង​ស្រវឹង ដែល​អាច​កាត់បន្ថយ​ការ​បឺត​ស្រូប​កាល់ស្យូម ។ សាកល្បង​ទទួលទាន​ក្រែ​ម​ទឹកដោះគោ​ជូរ ១ ថ្ងៃ ២ ពែង ព្រោះ​បាក់តេរី​ក្នុង​ទឹកដោះគោ ជួយ​ឲ្យ​ការ​បឺត​ស្រូប​កាល់ស្យូម កាន់តែ​ល្អ រួមទាំង​ទទួលទាន​អាហារ​ប្រភេទ​សណ្តែក តែ​បៃតង ត្រី ដែល​ជួយ​ជំរុញ​ការបង្កើត​កោសិកា​ឆ្អឹង ។
១០. វ័យ​អស់​រដូវ : គួរ​ផឹកទឹក​តៅហ៊ូ ១​ថ្ងៃ ១ កែវ ឬ​ទទួលទាន​ពពួក​ទឹក​សណ្តែក និង​ក្រែ​ម​ទឹកដោះគោ​ជូរ ១ ថ្ងៃ ១ ពែង ព្រោះ​មាន​បាក់តេរី​ល្អ ជួយ​ឲ្យ​ការ​បឺត​ស្រូប​អេ​ស្ត្រូ​ចេ​ន (Estrogen) ពី​អាហារ​បានល្អ ៕

​ពេល​មក​រដូវ​ស្ត្រី​មាន​អារម្មណ៍​ឆេវឆាវ​

ពេល​មក​រដូវ ស្ត្រី​តែងមាន​អារម្មណ៍​មិន​ស្រួល ភ័យព្រួយ​ថា នឹង​ប្រតេកប្រតាក​ធ្វើ​ឲ្យ​ពិបាក​ក្នុង​ការធ្វើ​ចលនា​រាងកាយ​។ ពេល ខ្លះទៀត ក៏​មាន​ការ​ឈឺពោះ ឬ​ចុក​រោយ​តាម​ខ្លួន​ផងដែរ ដែល​ធ្វើឲ្យ​ស្ត្រី​ជា​ច្រើន​មាន​អារម្មណ៍​រំខាន​ឆេវឆាវ​។ រីឯ​មូលហេតុ​មួយទៀត គឺ​អំឡុងពេល​មាន​រដូវ រាងកាយ​នឹង​មាន​ការប្រែប្រួល​ដូចជា តូចចិត្ត សង្ស័យ​ច្រើន ឬ​ក្រៀមក្រំ​។

 

 

​នៅ​ពេល​ដឹង​ខ្លួន​ថា ក្នុងអំឡុង​មក​រដូវ​មាន​អារម្មណ៍មិនល្អ ក្នុង​អំឡុង​ពេល​នេះ មិន​គួរ​គិត​ច្រើន ឬ​សម្រេច​រឿង​សំខាន់ៗ​ឡើយ ព្រោះ​អាច​ធ្វើឲ្យ​ភ្លាំងភ្លាត់​បាន​។ បើ​អ្នក​ឆេវឆាវ​ខ្លាំង គួរ​សម្រាក​ឲ្យបាន​គ្រប់គ្រាន់ ធ្វើ​កិច្ចការ​ណា​ដែល​ខ្លួន​ចូលចិត្ត ដូចជា ស្តាប់ភ្លេង អាន​សៀវភៅ​កម្សាន្ត លេង​ជាមួយ​សត្វ​ចិញ្ចឹម​ឲ្យ​សប្បាយចិត្ត នឹង​អាចជួយ​កាត់បន្ថយ​បញ្ហា​ជាមួយ​អ្នក​នៅ​ជុំវិញ​ខ្លួន​បាន​៕​

​ˆ​អ្នក​គួរ​ទទួលទាន​ទឹក​អ្វី​នៅពេល​ព្រឹក​?

ក្រៅពី​ជួយ​បង្កើន​ប្រព័ន្ធ​ការពារ​សរីរាង្គ ទឹក​នៅមាន​ប្រសិទ្ធភាព​កែប្រែ​ឱ្យ​ប្រសើរ​ដំណើរការ​រំលាយ​អាហារ​។ ទឹក​ចាំបាច់​បំផុត​សម្រាប់​សរីរាង្គ ទឹកជា​ប្រភព​ផ្គត់ផ្គង់​វីតាមីន សារជាតិ​រ៉ែ ទឹករ៉ែ ឬ​ទឹក​ផ្លែឈើ និង​ជា​ប្រភព​ដ៏​សម្បូរ​នៃ​វីតាមីន​ជួយ​សរីរាង្គ​មាំមួន និង​មាន​ថាមពល​ប្រឆាំង​តប​ជំងឺ​ផ្តាសាយ គ្រុនក្តៅ រលាក​បំពង់ក ពេល​អាកាសធាតុ​ប្រែជា​ត្រជាក់​។​

​ទឹក​ជួយ​រក្សា​ចរាចរ​ឈាម ទឹក​ត្រូវបាន​ផ្គត់ផ្គង់​គ្រប់គ្រាន់ និង​បង្កលក្ខណៈ​រក្សា​បរិមាណ​ចរាចរ​របស់​ឈាម បង្កើត​បរិស្ថាន​ដឹកជញ្ជូន និង​បំប្លែង​សារជាតិ​ជីវជាតិ សម្រួល​សីតុណ្ហភាព​រាងកាយ​។

​ទឹក​ជួយ​ទប់ស្កាត់​ទល់លាមក ដោយ​វិធី​ធ្វើឱ្យ​លាមក​ទន់ និង​ងាយ​ឆ្លងកាត់​ពោះវៀន ទប់ស្កាត់​ឆ្លង​មេរោគ​ផ្លូវ​មូត្រ​។ ទឹក​រក្សា​សំណើម​ឱ្យ​ស្បែក ជួយ​ស្បែក​ក្រ​លេចចេញ​ស្នាម​ជ្រីវជ្រួញ​។​

​ទឹក​នៅ​ជួយ​ទប់ស្កាត់​ឆ្លង​មេរោគ និង​អាលែកហ្ស៊ី​ធម្មតា​។ ប្រសិន​ទទួលទាន​ទឹក​គ្រប់ រាល់ថ្ងៃ សរីរាង្គ​នឹង​បញ្ចៀស​បាន​ស្ថានភាព​បាត់បង់​ទឹក និង​ផលវិបាក​ទាំងឡាយ​បង្កឡើង​ដោយ ការបាត់បង់​ទឹក​(​ស្បែក​ស្ងួត​)​ចរាចរ​ឈាម​ខ្សោយ​។​

​ទឹក​ជួយ​តុល្យភាព​សរីរាង្គ មនុស្ស​ជាច្រើន​គិតថា ទឹក​គ្រាន់តែ​បង្កើត​ញើស រំដោះ​កម្តៅ​ធ្វើឱ្យ​ត្រជាក់​ស្បែក ពេល​រដូវក្តៅ​ដែល​មិនចាំបាច់​សម្រាប់​រដូវ​ត្រជាក់​។ ជាក់ស្តែង ទឹក​ដណ្តើម​ដល់ ៧០-៧៥​ភាគរយ​ទម្ងន់​ខ្លួន​។ ជាងនេះទៀត សរីរាង្គ​នៅតែ​ត្រូវការ​ទឹក​គ្រប់គ្រាន់ ដើម្បី​សម្រេច​មុខងារ​សរីរសាស្ត្រ​។ ខ្វះ​ទឹកនឹង​បង្ក​ភាពច្របូកច្របល់​សកម្ម​ភាព របស់​បណ្តា​ផ្នែក​ទាំងឡាយ​ក្នុង​សរីរាង្គ ធ្វើឱ្យ​យើង​មាន​អារម្មណ៍​អស់កម្លាំង ធ្វើ​ការខ្វះ​ប្រសិទ្ធភាព​។​

​ពពួក​ទឹក​គួរ​ទទួលទាន​នៅពេល​ព្រឹកៈ
​មនុស្ស​សឹងតែ​គ្រប់គ្នា សុទ្ធតែ​ដឹងថា អាហារ​ពេលព្រឹក​ចាំបាច់​បំផុត ក្នុង​ជីវភាព​ប្រចាំថ្ងៃ ដើម្បី​រក្សា​សុខភាព​រាង​កាយ ។ ទន្ទឹម​នោះ​ទឹក​ចាំបាច់​ណាស់​សម្រាប់​សរីរាង្គ​។ ដូច្នេះ​នៅពេល​ព្រឹក អ្នក​គួរ​ទទួលទាន​ទឹក ដើម្បី​បំពេញ​ទឹក​ឱ្យ​សរីរាង្គ​របស់ខ្លួន​។​

​ទោះបី​ភេសជ្ជៈ​មាន​ច្រើន​សណ្ឋាន តែ​យើង​គួរ​ជ្រើសរើស​ភេសជ្ជៈ ឱ្យ​សមស្រប​ជាមួយ​ខ្លួន​យើង​ម្នាក់ៗ​។​
​អ្នកជំនាញការ បាន​លើកឡើងថា ទឹកដោះគោ ជា​ភេសជ្ជៈ​សមស្រប​ចំពោះ​មនុស្ស​ទាំងអស់​។ ទឹកដោះគោ​សម្បូរ​កាល់ស្យូម ប្រូតេអ៊ីន និង​វីតាមីន B... ។ ទឹកដោះគោ ដើរតួនាទី​សំខាន់​ក្នុងការ​តុល្យភាព​របប​ទទួលទាន​ប្រចាំថ្ងៃ​សម្រាប់​សរីរាង្គ​មនុស្ស យុវជន ក្មេង​ជំទង់ និង​កុមារ​តូចៗ ត្រូវ​ទទួលទាន​ទឹកដោះគោ ដើម្បី​ជំរុញ​ល្បឿន​រីកចម្រើន​រាងកាយ​។​

​ប្រសិន​អ្នក​ចង់​បញ្ចុះទម្ងន់ អ្នក​អាច​ទទួលទាន​ទឹក​សណ្តែកសៀង នៅពេល​ព្រឹក​។ ទឹក​សណ្តែកសៀង សម្បូរ​ប្រូតេអ៊ីន វីតាមីន អាស៊ីត​ខ្លាញ់​មិន​ឆ្អែត ជាតិ​សរសៃ និង​សារជាតិ​ជីវជាតិ​មាន​ប្រយោជន៍​ផ្សេងៗ​ទៀត មាន​ប្រសិទ្ធភាព អាចជួយ​អ្នក​បញ្ចុះទម្ងន់ និង​បង្ការ​ជំងឺ​រ៉ាំរ៉ៃ​ផ្សេងៗ​។​

​ប្រសិន​អ្នក​ចង់​កែប្រែ​ឱ្យ​ប្រសើរ​អាកា​រៈ​ឈឺក្រពះ អ្នកទទួល​ទាន​ទឹក​បបរ​នៅពេល​ព្រឹក ជាតិ​ម្សៅ​មាន​ក្នុង​បបរ​ត្រូវបាន​រលាយ​ទាំងស្រុង និង​អាច​ស្រូបយក​ដោយ​ងាយ​តាមផ្លូវ​ក្រពះ និង​ពោះវៀន ប៉ុន្តែ​បរិមាណ​ប្រូតេអ៊ីន​មាន​ក្នុង​បបរ​គឺ​ទាប​។ ដូច្នេះ​ពេល​ទទួលទាន​ទឹក​បបរ អ្នក​គួរ​ទទួលទាន​ស៊ុត ឬ​ផលិតផល​សណ្តែកសៀង ដើម្បី​អាច​ផ្គត់ផ្គង់​គ្រប់​បរិមាណ​ប្រូតេអ៊ីន​ចាំបាច់​។​

​ប្រសិន​អ្នក​ចង់​កម្ចាត់​ចោល​ជាតិពុល​ចេញពី​សរីរាង្គ អ្នក​អាច​ទទួលទាន​ទឹក​បន្លែ ឬ​ទឹក​ផ្លែឈើ​។ ទឹក​ផ្លែឈើ និង​ទឹក​កៀប​បន្លែស្រស់ ផ្ទុក​យ៉ាងច្រើន​នូវ​ជាតិ​សរសៃ អាចបង្កើត​ល្បឿន​រំអិល​ក្រពះ និង​កម្ចាត់​ជាតិពុល​ចេញពី​សរីរាង្គ​។ ទន្ទឹម​នោះ វីតាមីន C អាស៊ីត Lataric និង​វីតាមីន B មាន​ក្នុង​ទឹក​ផ្លែឈើ អាចជួយ​អ្នកប្រឆាំង​ទប់ទល់​ភាពចំណាស់ និង​បង្កើន​ការ​បន្សាប​ជាតិពុល​។

​ពេលព្រឹក ជា​ពេលវេលា​ល្អ​បំផុត​សម្រាប់​សរីរាង្គ​យើង​កម្ចាត់​ចោល​ជាតិពុល​។ ដូច្នេះ​បំពេញ​បរិមាណ​ទឹក​បន្លែ ឬ​ទឹក​ផ្លែឈើ​នៅពេល​ព្រឹក មាន​ប្រសិទ្ធភាព​អាចជួយ​អ្នក​ទប់ស្កាត់​ទល់លាមក ដើម្បី​រក្សា​សុខភាព​៕

វិធីព្យាបាលសក់ស្កូវដោយមិនចាំបាច់លាបថ្នាំ

សក់ស្កូវ​អាច​ត្រូវបាន​ព្យាបាល​អាស្រ័យ​ដោយសារ​ជាតិ Pseudocatalase មួយ​រង​ការ​រំញោច​សកម្មភាព​របស់​ពន្លឺព្រះអាទិត្យ

ការ​ត្រូវ​ទៅកាន់​ហាង​ធ្វើ​សក់​ជាប្រចាំ ឬ​ទិញ​ថ្នាំលាបសក់​ផ្លូវ​មក​លាប​នៅផ្ទះ​ជិត​ក្លាយទៅជា​រឿង​ហួស​សម័យ អាស្រ័យ​ដោយ​កំ​និ​ត​ច្នៃប្រឌិត​របស់​ពួក​អ្នកស្រាវជ្រាវ​អន្តរជាតិ​មកពី​ហុ​ល្លង់​អាល្លឺម៉ង់ និង​អង់គ្លេស ។​
​តាម​របាយការណ៍​ស្រាវជ្រាវ​ថ្មី​មួយ​ចុះផ្សាយ​លើ​ទស្សនា​វ​ដ្តី FASEB (​អាមេរិក​) អ្នក​សក់ស្កូវ​បាន​ឆ្លងកាត់​ដំណើរការ "​តានតឹង​អុកស៊ីតកម្ម​ជា​សេរី​ផ្ទួនៗ​" បណ្តាល​ពី​ការ​ផ្តុំ hydro Perxide ក្នុង​គល់​សក់ ធ្វើ​ឲ្យ​សរសៃ​របស់គេ​ត្រូវបាន​សម្អាត​ឲ្យ​ស​ពី​ក្នុង​មក​ក្រៅ ។​
​ដំណើរការ​សម្អាត​ឲ្យ​ស ពី​ក្នុង​មក​ក្រៅ​(​សក់​អំបិលម្រេច​) អាច​ត្រូវបាន​ព្យាបាល​ដោយ​វិធីសាស្ត្រ​ផ្តាច់មុខ​ថ្មី ក្នុងនោះ​សារជាតិ​ចម្រុះ​១​រង​ការ​រំញោច​សកម្មភាព​របស់​ពន្លឺព្រះអាទិត្យ ក្លាយជា "​សារជាតិ Pseudocatalase ត្រូវ​ប្រែប្រួល​" ជួយ​ទប់ស្កាត់​ដំណើរការ​សក់ស្កូវ ។​
​បណ្ឌិត Gerald Weissman អគ្គ​និពន្ធ​នាយក​ទស្សនា​វ​ដ្តី FASEB ប្រកាសថា "​ជាច្រើន​ជំនាន់​កន្លងទៅ គេ​បាន​បង្កើត​វិធី​ច្រើន​អនេក​សំដៅ​បិទបាំង​សក់ស្កូវ ។ ប៉ុន្តែ បច្ចុប្បន្ន លើកដំបូង​ពួក​អ្នកវិទ្យាសាស្ត្រ បាន​អភិវឌ្ឍន៍​បាន​វិធីសាស្ត្រ​ព្យាបាល​ពិតប្រាកដ​ដោះស្រាយ​ឫសគល់​បញ្ហា​" ។​
​ការស្រាវជ្រាវ​ក៏​ចង្អុល​បង្ហាញថា វិធី​ព្យាបាល​ថ្មី​នៅមាន​ប្រសិទ្ធភាព​ចំពោះ​ជំងឺ​ភឿ​ក ដែល​បណ្តាល​ឲ្យ​ផ្ទាំង​ស្បែក​ត្រូវ​ស្លក​ពណ៌​ដោយសារ​បាត់បង់​ជាតិ​ពណ៌ Melanin ។​
វិធីសាស្ត្រ​ថ្មី​ក៏​បង្ហាញ​ប្រសិទ្ធភាព​ក្នុងការ​ព្យាបាល​ជំងឺ​ភឿ​ក​
​ក្នុងការ​ស្រាវជ្រាវ​ថ្មី ពួក​អ្នកវិទ្យាសាស្ត្រ​បាន​ឲ្យ​ពិសោធន៍​វិធី​ផ្តាច់មុខ​របស់គេ​ចំពោះ​អ្នកជំងឺ​ភឿ​ក ២.៤១១​នាក់ នៅ​ប្រទេស​ជាច្រើន​ផ្សេងៗ​គ្នា ។ ក្រោយពេល​ត្រូវបាន​ព្យាបាល​ដោយសារ​ជាតិ pseudocatalase រង​ការ​រំញោច​សកម្មភាព​របស់​ពន្លឺព្រះអាទិត្យ​ពណ៌​ស្បែក និង​រោមភ្នែក​របស់​អ្នកជំងឺ​បាន​ត្រឡប់មក​ធម្មតា ។​
​ប៉ុន្តែ ក្រុម​ស្រាវជ្រាវ​បច្ចុប្បន្ន​ពុំទាន់​ឲ្យ​ដឹងថា ពេលណា​ផលិតផល​អនុវត្ត​បច្ចេកវិទ្យា​ព្យាបាល​សក់ស្កូវ និង​ជំងឺ​ភឿ​ក​របស់គេ​នឹងត្រូវ​បាន​លក់​ទូលំទូលាយ​លើ​ទីផ្សារ ៕​M

ស្បែក​អេឡិចត្រូនិក​ដំបូង​លើ​ពិភពលោក​

​នេះ​ជា​បន្ទះ​បិទ មើលទៅ​ដូច​បន្ទះ​ស្បែក​ពិត​មាន​ផ្ទុក​បរិក្ខារ , ប្រវែង ៤ cm , ទំហំ ២ cm និង​កម្រាស់ ០,៣ mm , ជា​ផលិតផល​របស់​សកល​វិទ្យាល័យ​ពហុបច្ចេកទេស Lausanner , ស្វី​ស ។​
​បន្ទះ​បិទ​តូច​មួយ​ដូចជា​រូបសាក់​បណ្តោះអាសន្ន​លើ​ស្បែក តែមាន​មុខងារ​ដ៏​អស្ចារ្យ​ក្នុងការ​ព្យាបាល និង​សង្កេត​តាមដាន​អ្នកជំងឺ , ដូចជា​រក្សាទុក និង​បញ្ជូន​ពត៌មាន​អំពី​ចលនា​របស់​មនុស្ស , វិនិច្ឆ័យ​ជំងឺ​ក៏​ដូច​ផ្គត់ផ្គង់​ថ្នាំ ។​
​បច្ចេកវិទ្យា​នេះ​មាន​ប្រយោជន៍​បំផុត​ចំពោះ​អ្នកជំងឺ​ត្រូវ​ច្របូកច្របល់​មុខងារ​ចលនា​ដូចជា​ជំងឺ Parkinson ឬ​ឆ្កួតជ្រូក ។​
​ពួក​វិស្វករ​ស្ថាបនា​បាន​បំពាក់​ឲ្យ​ស្បែក​អេឡិចត្រូនិក​នូវ​សំណុំ Sensor ធ្វើ​ពី​វត្ថុ​ធាតុ nano , សំណុំ sensor សីតុណ្ហភាព និង​ចលនា , សំណុំ​ចងចាំ , ប្រដាប់​ស្អំ​តូចៗ​និង​ពពួក​ថ្នាំ ។​
​ពួក​អ្នកវិទ្យាសាស្ត្រ​សង្កត់ធ្ងន់ថា បន្ទះ​ស្បែក​អេឡិចត្រូនិក​ដំបូង​លើ​ពិភពលោក​នេះ​នឹង​ផ្តល់​លទ្ធភាព​ដ៏​អស្ចារ្យ​ក្នុងការ​ពិនិត្យ និង​ព្យាបាល​ជំងឺ ៕​M/T/L

ហាត់ប្រាណទៀងទាត់ នឹងឈ្លាសវៃជាង

​ដោយ​គ្រាន់តែ​ហាត់ប្រាណ​៣០​នាទី​ក្នុង​១​ថ្ងៃ អាច​ប្រែក្លាយ​អ្នក​ទៅជា​មនុស្ស​ឈ្លាសវៃ​ម្នាក់ ។​
​នេះ​ជា​លទ្ធផល​ស្រាវជ្រាវ​ថ្មី​បំផុត របស់​សកល​វិទ្យាល័យ​តិច​សាស អាមេរិក ។ តាម​ជំនាញការ Althea Shah នោះ "​ហាត់ប្រាណ​កែប្រែ​សភាព​ផ្លូវចិត្ត​របស់​អ្នក ។ វា​ដូចជា​ឱសថ​ប្រឆាំង​រោគ​ផ្លូវចិត្ត​១ ជួយ​កែប្រែ​ឲ្យ​ប្រសើរឡើង​១​រំពេច​សភាព​ផ្លូវចិត្ត​របស់​អ្នក ។ ក្រៅពីនេះ​វា​ក៏​ជួយ​អ្នកប្រមូល​ផ្តុំ​ទៅក្នុង​របស់​ដែល​អ្នកធ្វើ ។ ដូច្នេះ​ហាត់ប្រាណ​រាល់ថ្ងៃ​ពុំ​ត្រឹមតែ​ល្អ​សម្រាប់​សុខភាព​ប៉ុណ្ណោះ​ទេ តែ​វា​នៅ​ធ្វើ​ឲ្យ​អ្នក​ឈ្លាសវៃ​ជាង និង​ជឿជាក់​លើ​ខ្លួនឯង​ជាង​" ។​
-​បង្កើន​ថាមពល​
​អ្នកមាន​ដឹង​ទេ​ថា កាន់តែ​ធ្វើ​ចលនា​អ្នក​នឹងមាន​អារម្មណ៍​ពោរពេញ​ដោយ​ថាមពល​ជាង ។ យើងទាំងអស់គ្នា​តែង​គិតថា ការ​បន្លាស់​ទី​ច្រើនពេក ឬ​ហាត់ប្រាណ​ច្រើន​អាចធ្វើ​ឲ្យ​អ្នកមាន​អារម្មណ៍​អស់កម្លាំង និង​វិលមុខ ។ តែ​ការពិត គឺ​ហាត់ប្រាណ​ជាប្រចាំ​ជួយ​កែប្រែ​ឲ្យ​ប្រសើរ​សុខភាព​សាច់ដុំ​របស់​អ្នក និង​បង្កើន​ភាព​ទ្រាំទ្រ​របស់​ខ្លួនឯង ។ ពេល​សរីរាង្គ​ធ្វើ​សកម្មភាព និង​ផ្គត់ផ្គង់​ឲ្យ​អ្នក​នូវ​ថាមពល ដើម្បី​អ្នក​ត្រិះរិះ​បញ្ហា​មួយ​ច្បាស់លាស់​ជាង និង​លើកឡើង​គំនិត​ថ្មីៗ ។ ប្រសិន​អ្នក​ហាត់ប្រាណ​១៥​នាទី វា​នឹងធ្វើ​ឲ្យ​សរីរាង្គ​អ្នក​ផលិត​ថាមពល​ច្រើនជាង ។​
-​បង្កើន​ការប្រមូលផ្តុំ​
​បណ្ឌិត John Ratey អ្នកដឹកនាំ​ការស្រាវជ្រាវ​ឲ្យ​ដឹងថា ៖ ហាត់ប្រាណ​ជួយ​កែប្រែ​ឲ្យ​ប្រសើរ​ខួរក្បាល​របស់​អ្នក​ក្នុង​រយៈពេល​ខ្លី ដោយ​វិធី​បង្កើន​ការប្រមូលផ្តុំ 2-3 ម៉ោង បន្ទាប់ពីនោះ ។ ឧទាហរណ៍ ប្រសិន​អ្នកមាន​បទ​ថ្លែងការណ៍ ឬ បាឋកថា ត្រូវការ​មានការ​ប្រមូលផ្តុំ ចូរ​អ្នក​ប្រឹងប្រែង​ហ្វឹកហាត់​១​ម៉ោង​មុន​នោះ ។ ហាត់ប្រាណ​យូរអង្វែង នឹង​ជួយ​អ្នកប្រឆាំង​ទប់ទល់​ភាពចំណាស់​ខួរក្បាល ឬ​ជំងឺ Alzheimer ព្រោះថា ពេល​ហាត់ប្រាណ​ជួយ​ឲ្យ​ឈាម​បាន​បូម​ឡើង​ខួរក្បាល​ល្អ ។​
-​បង្កើន​សភាព​ផ្លូវចិត្ត​
​ហាត់ប្រាណ​ជួយ​បង្កើតជា endorphins កែប្រែ​ប្រសើរឡើង​មុខងារ​ខួរក្បាល​របស់​អ្នក ។ ដូច្នេះ ក្រោយពេល​អ្នក​ហាត់ប្រាណ​សមត្ថភាព​រៀប​ចំ​របស់​អ្នក​ត្រូវបាន​កែប្រែ​ប្រសើរឡើង ។ រឿងនេះ​អនុញ្ញាត​ឲ្យ​អ្នក​ទប់ស្កាត់​ការរំខាន​ក្នុង​ជីវិត និង​ជួយ​អ្នកប្រមូល​ផ្តុំ​ល្អ​ជាង​ទៅក្នុង​ភារកិច្ច​ប្រចាំថ្ងៃ ។​
-​កែប្រែ​ការចងចាំ​ឲ្យ​ល្អប្រសើរ​
​ខួរក្បាល​របស់​អ្នក​ស្តុក​ទិន្នន័យ​បាន​ច្រើនជាង​ពេល​សរីរាង្គ​កំពុង​ធ្វើ​សកម្មភាព ។ ក្នុងការ​ពិសោធន៍​មួយ​ថ្មីៗ​នេះ និស្សិត​ត្រូវបាន​សំណូមពរ​ចងចាំ​ព្យញ្ជនៈ​១​ខ្សែ ។ រួចហើយ​ត្រូវបាន​ចែកចេញជា​២​ក្រុម ក្រុមទី​១ ត្រូវបាន​ឲ្យ​រត់​លើក​ដុំ​ដែក​... ក្រុមទី​២​អង្គុយ​ស្ងៀមស្ងាត់ ។ បន្ទាប់មក​ត្រួតពិនិត្យ​លទ្ធផល​ចងចាំ ។ និស្សិត​ហាត់ប្រាណ​ឆ្លើយបាន​ចម្លើយ​ច្បាស់លាស់​ជាង​ប្រៀប​នឹង​និស្សិត​អង្គុយ​ស្ងៀម ៕​M

​ហាត់ប្រាណ ជួយ​ស្តារ​ការចងចាំ​

អ្នក​ស្រាវជ្រាវ​នៃ​សាកលវិទ្យាល័យ ខូ​ឡូ​រ៉ាដូ (University of Colorado) របស់​សហរដ្ឋអាមេរិក បាន​រកឃើញ​នូវ​អាថ៌កំបាំង​ថា ការ​ហាត់ប្រាណ​ត្រឹមតែ​បន្តិច​បន្តូច នឹង​ជួយ​ឲ្យ​មនុស្ស​វ័យ​ចំណាស់ ទទួលបាន​ការចងចាំ​មកវិញ រយៈ​យូរ​ក្រោយ​ការឈឺ​ថ្កាត់​។​

ពួកគេ​បាន​ទទួល​ចំណេះដឹង​នេះ តាមរយៈ​ការពិ សោធន៍​ ទៅ​លើ​សត្វ​កណ្តុរ​ដែល​ត្រូវ​បង្ហាត់ឲ្យ​ធ្វើការ​ហាត់ប្រា​ណ ដោយ​ការរត់​រយៈ​ចម្ងាយ​ជាង​កន្លះ​គីឡូ ម៉ែត្រ ​ក្នុង​មួយ​សប្តាហ៍​។ ការ​ហាត់ប្រាណ​បែបនេះ នឹង​ជួយ​ឲ្យ​ការចងចាំ​របស់​វាដែល​ភ្លេច​បាត់​ក្នុង​អំឡុង​ពេលឈឺ​ថ្កាត់ អាច​ចងចាំ​ឡើងវិញ​បាន​ជា​ថ្មី​ម្តងទៀត​។​

​អ្នកវិទ្យាសាស្ត្រ​របស់​ក្រុម​ចិត្ត​វិទ្យា និង​ប្រសាទ​វិទ្យា បានឲ្យដឹងថា “​ការសិក្សា​បាន​រកឃើញថា សូម្បី​តែ​ការ​ហាត់ ប្រាណ​បាន​ត្រឹម​តែ​បន្តិចបន្តួច របស់​កណ្តុរ​វ័យ​កណ្តា​ល ដែល​ឈឺ​ថ្កាត់​ដោយ​ឆ្លង​មេរោគ នឹង​ជួយ​ឲ្យ​ការចងចាំ​រយៈពេល​របស់​វា ត្រឡប់មកវិញ​បាន ដែល​មិន​គួរឲ្យ​ជឿ​” ។​

​មុននេះ អ្នកវិទ្យាសាស្ត្រ ធ្លាប់បាន​ធ្វើ​ការសិក្សា និង​រកឃើញ​ថា ការ​ហាត់ប្រាណ អាច​ជួយ​សតិបញ្ញា​របស់​មនុស្ស ដែល​ចុះខ្សោយ ដោយសារ​ភាព​ជរា និង​បង្ការ​ខួរក្បាល​ចុះខ្សោយ​បាន ដោយ​ភាគច្រើន សតិ​បញ្ញា តែងតែ​ថមថយ​ចុះ ក្រោយពេល​ការឈឺ​ថ្កាត់ ដូចជា ហើម​សួត ឬ​ជំងឺ​ប្រឆាំង​នឹង​ប្រព័ន្ធ​ការពារ​ខ្លួនឯង​៕​

វីរុសផ្តាសាយអាច "លោត" ឆ្ងាយដល់ 2m

ប្រសិន​ដឹងថា​មនុស្ស​ណា​ម្នាក់​នោះ​កំពុង​កើត​ជំងឺ​ផ្តាសាយ ល្អ​បំផុត​គឺ​អ្នក​ត្រូវ​រក្សា​គម្លាត​បាន​ឆ្ងាយ​បន្តិច។ មូលហេតុ​គឺ​ពពួក​គ្រាប់​មាន​វីរុស​ផ្តាសាយ​សាបព្រោះ​ជុំវិញ​អ្នកជំងឺ​តាមរយៈ ​ការ ក្អក កណ្តាស់ ... មានលទ្ធភាព​ឆ្លង​រាលដាល​នៅ​ចម្ងាយ​ប្រមាណ​ដល់​ជិត 2m យោងតាម​ការស្រាវជ្រាវ​ថ្មី​មួយ។​

ពួក​អ្នកវិទ្យាសាស្ត្រ​បាន​ដំណើរការ​ស្រាវជ្រាវ​មនុស្ស​៩៤​នាក់ ដែល​បាន​ទៅពិនិត្យ​សុខភាព​នៅ​មន្ទីរពេទ្យ ដោយសារ​មាន​រោគសញ្ញា​ស្រដៀង​ផ្តាសាយ​ក្នុង​រដូវ​ផ្តាសាយ ២០១០-២០១១។ ក្នុងពេល​អ្នកជំងឺ​គេង​លើ​គ្រែ ពួក​អ្នកស្រាវជ្រាវ​បាន​ប្រមូល​សំណាក​បរិយាកាស​នៅក្នុង​បន្ទប់​អាស្រ័យ​ដោយ​ ប្រើប្រាស់​ឧបករណ៍​ដាក់​នៅ​ឃ្លាត​ពី​អ្នកជំងឺ​ម្នាក់ៗ​ប្រមាណ 0,3m , 0,9m និង 1,8m។ លទ្ធផល​បង្ហាញថា ពពួក​គ្រាប់​មាន​វីរុស​ផ្តាសាយ​មានលទ្ធភាព​ឆ្លង​សុទ្ធ​តែមាន​វត្ត​មាននៅ​ ទីតាំង​ត្រួតពិនិត្យ​ទាំងអស់។​

​យើង​បានដឹងថា ផ្តាសាយ​ចម្លង​ក្នុង​បរិយាកាស ពិសេស​ពេល​អ្នកជំងឺ​ក្អក ឬ​កណ្តាស។ ប៉ុន្តែ ពួក​អ្នកវិទ្យាសាស្ត្រ​ធ្លាប់​ក្តាប់​មិនបាន​ច្បាស់លាស់​នូវ​ព័ត៌មាន​លំអិត​ ជាង​អំពី​ការចម្លង​ផ្តាសាយ ដូចជា​បរិមាណ​វីរុស​ផ្តាសាយ​ដែល​អ្នកជំងឺ​ម្នាក់​អាចបង្កើត និង​ធ្វើ​ឲ្យ​រាលដាល​ក្នុង​បរិយាកាស​ជុំវិញខ្លួន។​
​តាម​បណ្ឌិត Werner Bischoff នៅ​សាលា​ពេទ្យ Wake Foerst នៅ Carolina ខាងជើង អាមេរិក និង​ជា​អ្នកដឹកនាំ​ការស្រាវជ្រាវ​ថ្មី មុននេះ​គេ​ធ្លាប់​ចាត់ទុកថា ជំងឺ​ផ្តាសាយ​ចម្លង​សំខាន់​តាមរយៈ​ពពួក​គ្រាប់ ឬ​តំណក់​ធំៗ​ក្នុង​បរិយាកាស បំលាស់​​ទី​ជាមួយ​គម្លាត​ខ្លី​ពី​០,៩-១,៨m។ ប៉ុន្តែ ការស្រាវជ្រាវ​ថ្មី​បង្ហាញថា សឹងតែ​ទាំង​អស់នៃ​វីរុស​ផ្តាសាយ​ស្នាក់អាស្រ័យ​ក្នុង​ពពួក​គ្រាប់​ដ៏​តូចៗ ក្នុង​បរិយាកាស។ គ្រាប់​តូច​ជាង​មានលទ្ធភាព​បំលាស់​ទី​ឆ្ងាយ​ជាង​គ្រាប់​ធំៗ។​
​ក្នុង​ ដំណើរការ​ព្យាបាល​ឲ្យ​អ្នកជំងឺ​ផ្តាសាយ ពួក​បុគ្គលិក​សុខាភិបាល​ត្រូវបានធ្វើ​ឲ្យ​ពាក់​ម៉ាស់​ការពារ។ តែ​តាម​ក្រុម​ស្រាវជ្រាវ​របស់លោក Bischoff ម៉ាស់​មិន​គ្រប់គ្រាន់​ដើម្បី​ការពារ​ឆ្លង​ផ្តាសាយ​បានឡើយ ព្រោះ​ពួកគេ​អាច​ហឺត​ត្រូវ​ពពួក​គ្រាប់​មាន​វីរុស​ផ្តាសាយ​ដ៏​សែន​តូច។​
​ ពួក​អ្នកស្រាវជ្រាវ​ឲ្យ​ដឹងថា វិធី​ល្អ​បំផុត​ដើម្បី​បញ្ចៀស​ឆ្លង​ផ្តាសាយ ទោះបី​អ្នកមាន​ចូលរួម​វិស័យ​ថែទាំ​សុខភាព ឬ​អត់ គឺ​ការចាក់​វ៉ាក់សាំង​បង្ការ​ផ្តាសាយ៕M​

អ្នកជំងឺ​មហារីក​គួរតប​ប្រេងត្រី

លទ្ធផល​នៃ​ការស្រាវជ្រាវ​មួយ ត្រូវបាន​ប្រកាស​លើ​ទស្ស​នាវ​ដ្តី Cancer Cedd (​អាមេរិក​) ថ្មីៗ​នេះ បង្ហាញថា ការដែល​អ្នកជំងឺ​មហារីក​លេបថ្នាំ​ប្រេង​ត្រី អាច​ឥ​ត្ធិ​ពល​ដល់​ប្រសិទ្ធិភាព​របស់​វិធី​ព្យាបាល​គីមី ។​
​ពួក​អ្នកវិទ្យាសាស្ត្រ នៅ​មជ្ឈមណ្ឌល​វេជ្ជសាស្ត្រ​សាកលវិទ្យាល័យ Utrecht (​ហុ​ឡង់​) រកឃើញថា ពពួក​អាស៊ីត​ខ្លាញ់ Omega-3 និង Omeag-6 ត្រូវបាន​រកឃើញ​ក្នុង​ប្រភេទ​ត្រី​នូ​ណា​, ត្រី​សាល់​ម៉ុ​ន​... អាចធ្វើ​ឲ្យ​កោសិកា​មហារីក​ប្រែជា​លំបាក ត្រូវកំទេច​ពេលធ្វើការ​ព្យាបាល​ដោយ​គីមី Cisplatin ។​
​ពួក​អ្នកស្រាវជ្រាវ​ឲ្យ​ដឹងថា Cisplatin ជា​វិធី​ព្យាបាល​គីមី​ទូទៅ​មួយ ត្រូវបាន​ប្រើ​ដើម្បី​ព្យាបាល​ឲ្យ​អ្នកជំងឺ​មហារីក សំដៅ​ប្រឆាំង​តប​ដំណើរ​វិ​វត្ត​រីកចម្រើន​របស់​ជំងឺមហារីក រួមមាន​មហារីក​សួត​, មហារីកក្រពះ​, មហារីក​អូវែ​, មហារីក​ប្លោកនោម និង​មហារីក​បំពង់ក ។​
​ជាធម្មតា ដុំ​គីស​មហារីក នឹង​ថយចុះ​ទំហំ ពេល​ប្រាស្រ័យ​ជាមួយ​សារជាតិ​គីមី Cisplatin ។ ប៉ុន្តែ ពួក​អ្នកស្រាវជ្រាវ​រកឃើញថា ដុំ​គីស​នៅ​សត្វ​កណ្តុរ​ពិសោធន៍ ប្រែជា​មិន​រួម​តូច ពេល​វា​ត្រូវបាន​ផ្គត់ផ្គង់​ប្រេង​ត្រី ទៅក្នុង​របប​ទទួលទាន​ប្រចាំថ្ងៃ ។​
​សាស្ត្រាចារ្យ Emile Voest វេជ្ជបណ្ឌិត​ជំនាញ​ផ្នែក​មហារីក នៅ Utreccht អ្នកដឹកនាំ​ការស្រាវជ្រាវ​នេះ បាន​ឲ្យ​ដឹងថា អ្នកជំងឺ​មហារីក​កំពុង​ត្រូវបាន​ព្យាបាល​ដោយ​វិធី​គីមី Cisplatin មិនគួរ​ទទួលទាន​ត្រី​ខ្លាញ់ ឬ លេបថ្នាំ​ប្រេង​ត្រី រហូត​មានការ​ស្រាវជ្រាវ​ជ្រៅ​ជាង ដើម្បី​បញ្ជាក់​ច្បាស់​បញ្ហា​នេះ ។​
Jessica Harris អ្នកទទួលខុសត្រូវ​ខាង​ព័ត៌មាន​សុខភាព នៅ​មជ្ឈមណ្ឌល​ស្រាវជ្រាវ​មហារីក​អង់គ្លេស បាន​ទូន្មាន​ថាៈ “​រឿង​នោះ មាន​ឥទ្ធិពល​ដល់​លទ្ធផល​ព្យាបាល​ដោយ​គីមី ឬ​អត់​”៕M​

​ˆ​ដើរ​៦.០០០​ជំហាន ជួយ​ស្ត្រី​បន្ថយ​គ្រោះថ្នាក់​កើត​ជំងឺ​បេះដូង​

យោង​តាម​ការស្រាវជ្រាវ​ថ្មី​មួយ ក្រុម​អ្នកវិទ្យាសាស្ត្រ បានបង្ហាញ​ថា ស្ត្រី​ដែល​ដើរ​បាន ៦.០០០​ជំហាន ឬ​ច្រើន​ជាង​នេះ នឹង ធានា​បាន​សុខភាព​បង្ការ​ប្រឆាំង​ភាពចំណាស់ ទន្ទឹម​នេះ​ធ្វើឱ្យ​ថយ​ចុះ​គ្រោះថ្នាក់​កើត​ជំងឺ​ទឹកនោម​ផ្អែម និង​ជំងឺ​សរសៃឈាម​បេះដូង​។​

ការស្រាវជ្រាវ​បាន​ដំណើរការ​តាមដាន​លើ​ស្ត្រី​ចំនួន ២៩២​នាក់ ដែល​មាន​អាយុ​ពី ៤៥ ទៅ ៧៨​ឆ្នាំ ដោយ​បាន​វាស់​និង​កត់ត្រា នូវ​ជំហាន​ជើង​រាល់​ថ្ងៃ​របស់​ពួកគេ​។ លទ្ធផល​បាន​បង្ហាញថា ស្ត្រី​ដែល​ដើរ​ពី ៦.០០០​ជំហាន​ឡើងទៅ ត្រូវបាន​ចាត់ទុក​ជា​ម​នុស្ស​ឧស្សហ៍​ធ្វើ​សកម្មភាព​។ ពួកគេ​ក៏​ត្រូវបាន​ត្រួតពិនិត្យ​សុខភាព​ដូច​ជាកូ​ឡេ​ស្តេ​រ៉ូល ស្ករ​ក្នុង​ឈាម វាស់​រង្វង់​ចង្កេះ និង​កណ្តៀតក្អម (​ដើម្បី​វាយតម្លៃ​ដុះ​ក្បាលពោះ ដែល​នោះ​ជាការ​ប្រឈម​មួយ​សម្រាប់​ជំងឺ​ទឹកនោម​ផ្អែម និង​ជំងឺ​សរសៃឈាម​បេះដូង​)​។​

​​ពួក​អ្នក​ស្រាវជ្រាវ បានឱ្យដឹងថា ស្ត្រី​ដែល​ធ្វើ​សកម្មភាព​ច្រើន ពុំ​សូវ​មានលទ្ធភាព​កើត​ជំងឺ​ធាត់ ឬ​ជំងឺ​ទឹកនោម​ផ្អែម ទោះបី​ពួកគេ​បាន​ឆ្លងកាត់​ដំណាក់កាល​អស់​រដូវ ឬ​មាន​ប្រើប្រាស់​ថ្នាំ​អ័រម៉ូន ឬ​អត់​។​


ជំងឺ​សរសៃឈាម​បេះដូង បណ្តាលមកពី​កត្តា​គ្រោះថ្នាក់​មួយ​ចំនួន រួម​មាន​ជាតិ​ខ្លាញ់​ក្នុង​ឈាម​មិន​ប្រក្រតី លើសឈាម លើស​ជាតិ​ស្ករ​ក្នុង​ឈាម ជក់បារី ធា​ត់​...​និង​កត្តា​មួយចំនួន​ផ្សេងទៀត ដូចជា​វ័យ ភេទ លក្ខណៈ​តំណពូជ​។ ចំពោះ​ស្ត្រី​នៅ​មាន​បន្ថែម​កត្តា​គ្រោះថ្នាក់​បង្ក​ការកើនឡើង​នូវ​ជំងឺ​សរសៃឈាម​បេះដូង គឺ​អស់​រដូវ និង​ប្រើ​ថ្នាំ​ពន្យារកំណើត​ក្នុងពេល​កំពុង​ជក់បារី​។​

​​ហេតុតែ​ជំងឺ​សរសៃឈាម​បេះដូង នៅ​ស្ត្រី​ពុំ​ទាន់​ត្រូវបាន​យកចិត្តទុកដាក់ គឺ​ដោយសារតែ​មាន​ទស្សនៈ​ខុសឆ្គង​ថា ជំងឺ​នេះ​ជា​ជំងឺ​របស់​បុរស​។ រោគសញ្ញា​ជំងឺ​នៅ​ស្ត្រី​ច្រើន​តែ​ស្រពេចស្រពឹល​ធ្វើឱ្យ​លំបាក​ក្នុង​ការវិនិច្ឆ័យ ជិត​៤០​ភាគរយ គឺ​ពុំ​មាន​រោគសញ្ញា​ឈឺទ្រូង និង​ច្រើន​តែ​អាច​មាន​នូវ​រោគសញ្ញារ​បស់​ជំងឺ​ផ្សេងៗ ដូចជា​ឈឺ​នៅ​ក ស្មា តំបន់​ក្រពះ ក្អួតចង្អោរ ចង្វាក់​ដង្ហើមញាប់ បែក​ញើស ព្រិល​ភ្នែក វិលមុខ ឬ ការ​អស់កម្លាំង ដែល​ងាយ​ភាន់ច្រឡំជាមួយនឹង​អាការ​ជំងឺ​ផ្សេងៗ​។ ម្យ៉ាងទៀត  ២,៣ នៃ​ជំងឺ​សរសៃ ឈាម​បេះដូង​នៅ​ស្ត្រី ច្រើន​តែ​ស្លាប់​ប្រថុចញ៉ុច​ដោយ​ពុំ​មាន​សញ្ញា​ប្រាប់​មុន​។​

​បច្ចុប្បន្ននេះ ជំងឺ​បេះដូង​ពុំ​គ្រាន់តែ​ជួបប្រទះ​នៅ​ស្ត្រី​ចំណាស់ៗ​ប៉ុណ្ណោះ​ទេ តែ​ស្ត្រី​ដែល​មាន​អាយុ​ក្រោម​៥០​ឆ្នាំ ក៏​កើត​ជំងឺ​នេះ​ច្រើន​ដែរ​៕​

គ្រប់គ្រងទម្ងន់ជួយបន្ថយគ្រោះថ្នាក់មហារីកដោះ

ការស្រាវជ្រាវ​របស់​ពួក​អ្នកវិទ្យាសាស្ត្រ​នៅ​មជ្ឈមណ្ឌល​វេជ្ជសាស្ត្រ​សកល​វិទ្យាល័យ​កាលីហ្វ័រ​ញ៉ា​ខាងត្បូង (​អាមេរិក​)​ឲ្យ​ដឹងថា ស្ត្រី​កើន​ទម្ងន់​នៅ​អាយុ​ពេញវ័យ )​ប្រមាណ​ពី​១៨​ឆ្នាំ​ឡើង​) នឹង​ងាយ​កើន​គ្រោះថ្នាក់​កើត​មហារីក​ដោះ​ខ្ពស់ ។​
​ពួក​អ្នកវិទ្យាសាស្ត្រ​បាន​តាមដាន​ស្ត្រី ២៤៣៧​នាក់ អាយុ​ពី ៥០-៧៤​ឆ្នាំ ប្រមែប្រមូល​ពត៌មាន​អំពី​ទម្ងន់​ក៏ដូចជា BMI របស់​ពួកគេ​ក្នុង​រយៈពេល​ស្រាវជ្រាវ និង​ទាំង​ពេល​ពួកគេ​ទើប​ឈានចូល​វ័យ​១៨​ឆ្នាំ ។ ក្រៅពីនេះ កត្តា​ផ្សេងៗ​ក៏​ត្រូវបាន​អ្នកវិទ្យាសាស្ត្រ​គិតដល់​ដូចជា​របៀបរបប​រស់​នៅ ការងារ ស្ថានភាព​អាពាហ៍ពិពាហ៍​... ។ តាមរយៈ​នោះ​ស្ត្រី​នៅ​អាយុ​ពេញវ័យ កើន​មធ្យម​ពី ៩,៥-១៣,៦kg ប្រហាក់ប្រហែល​ប្រមាណ​៤០% នៃ​ស្ត្រី​ទាំងនេះ ប្រឈម​កើត​មហារីក​ដោះ​ខ្ពស់ជាង​ប្រៀប​នឹង​ស្ត្រី​កើន​តែ​ប្រមាណ ២kg ឬ​តិចជាង​ក្នុង​អាយុ​ពេញវ័យ ។ តាមរយៈ​នោះ​ពួក​អ្នកវិទ្យាសាស្ត្រ​បកស្រាយ​ថា គ្រោះថ្នាក់​មហារីក​ដោះ​កើន​ពេល​ទម្ងន់​សរីរាង្គ​កើន​ដោយសារ​បរិមាណ estrogen ផ្តុំ​ក្នុង​ខ្លាញ់​បង្កលក្ខណៈ​អំណោយផល​សម្រាប់​ការរីកចម្រើន​របស់​កោសិកា​មហារីក ។​
​ទន្ទឹម​នោះ​ពួក​អ្នកវិទ្យាសាស្ត្រ​ក៏បានផ្តល់​ជា​ដំបូន្មាន​ដល់​ស្ត្រី​គួរ​តាមដាន​ទម្ងន់​របស់ខ្លួន​ជាប្រចាំ​ចាប់តាំងពី​ក្រោយ​អាយុ​១៨​ឆ្នាំ ដើម្បី​បញ្ចៀស​ហានិភ័យ​មហារីក​ដោះ​នៅ​វ័យ​អស់​រដូវ ។ មិន​ប្រើប្រាស់​ស្រេច​តែ​ចិត្ត​នូវ​វិធីសាស្ត្រ​អ័រម៉ូន និង​ផ្លាស់ប្តូរ​របប​ទទួលទាន ដោយ​វិធី​កំហិត​ជាតិ​ខ្លាញ់​ពុំ​ត្រឹមតែ​បន្ថយ​គ្រោះថ្នាក់​មហារ​រីក​ដោះ​ប៉ុណ្ណោះ​ទេ តែ​នៅ​បន្ថយ​ការ​ប្រឈម​បាត់បង់​ជីវិត​ឡើងដល់ ៦៦% ៕​M

​ក្រែ​មលាប​មាត់​បន្ថយ​ភាព​ឈ្លាសវៃ​របស់​ស្ត្រី​

តាម​ការស្រាវជ្រាវ ក្រុម​អ្នកវិទ្យាសាស្ត្រ បានបង្ហាញ​ថា ៥៥​ភាគរយ​នៃ​ផលិតផល​ក្រែ​មលាប​មាត់ផ្ទុក​បរិមា​ណ​សំណ អាច​មាន​ឥទ្ធិពល​ទៅដល់​សុខភាព​សរសៃ​​ ប្រសាទ និង​ប្រាជ្ញា​ឈ្លាសវៃ​របស់​អ្នកប្រើប្រាស់​។​

​​ក្រុមហ៊ុន​ប្រឹក្សា​អំពី​សុវត្ថិភាព Under Writers Laboratories  របស់​អាមេរិក បាន​ដំណើរការ​វិភាគ​សមាស​ធាតុ​ជាតិគីមី នៅក្នុង​ក្រែ​មលាប​មាត់​២២​ប្រភេទ ដែល​មាន​ការ​និយម​ប្រើប្រាស់​នៅ​ប្រទេស​នេះ​។ លទ្ធផល​បាន​បង្ហាញថា ១២,២២ (​ដណ្តើម​ប្រមាណ​៥៥​ភាគរយ​) នៃ​ផលិតផល​ក្រែ​មលាប​មាត់ ត្រូវបាន​ត្រួតពិនិត្យ​ផ្ទុក​បរិមាណ​សារជាតិ​សំណ នៅ​កម្រិត ៣,២២ ភាគ​លាន​។​

បណ្ឌិត​Sean Palfrey នាយក​សុខាភិបាល​របស់​កម្មវិធី​បង្ការ​ប្រឆាំង​ឆ្លង​ជាតិពុល​សំណ Boston បាន​អធិប្បាយ​ពាក់ព័ន្ធ​ទៅនឹង​លទ្ធផល​ស្រាវជ្រាវ​នេះ​ថា  «តាម​បណ្តា​ភស្តុតាង​វិទ្យាសាស្ត្រ ដែល​យើងខ្ញុំ​ដឹង សូម្បី​តែ​បរិមាណ​សំណ​នៅ​កម្រិត​ទាប​បំផុត​ក៏​អាច​ធ្វើ​ឱ្យ​គ្រោះថ្នាក់ IQ ផងដែរ​។ នេះ​គឺ​ជា​ទង្វើ​និង​សមត្ថភាព​ទទួលយករ​បស់​អ្នក»​។​

​​សកម្មជន​ប្រឆាំង​នឹង​ការប្រើប្រាស់​សំណ​ក្នុង​ផលិតផល​គ្រឿងសម្អាង​ជាច្រើន​នាក់ ក៏​បាន​សំណូមពរ​ដ៏​ទទូច​ដល់​ស្ថាប័ន​ពាក់ព័ន្ធ​នានា​ថា ត្រូវការពារ កុមារ​និង​ស្ត្រី​មានគភ៌ ដើម្បី​ឲ្យ​ចៀសផុត​ពី​ផលិតផល​គ្រឿងសម្អាង​មាន​សំណ​នេះ​។​

​​ប៉ុន្តែ​ស្ថាប័ន​គ្រប់គ្រង​អាហារ និង​ឱសថ​អាមេរិក (FDA)  ពុំទាន់​មាន​ស្តង់ដារ​មួយ​អំពី​បរិមាណ​សំណ​អតិបរមា​ក្នុង​ផលិតផល​ក្រែ​មលាប​មាត់ និង​ទុក​ឱ្យ​អ្នក​ផលិត​ស្វ័យ​សម្រេច​ផ្អែកលើ​ការត្រួតពិនិត្យ​សុវត្ថិភាព​របស់​ពួកគេ​។​

​​សំណ​ពុំមែន​ដោយ​ចេតនា​ត្រូវបាន​នាំ​ចូល​ក្នុង​ផលិតផល​ក្រែ​មលាប​មាត់​នោះ​ទេ ប៉ុន្តែ​ពណ៌​សម្បុរ​ច្រើន​ប្រភេទ​ត្រូវបាន​បង្កើត​ផ្អែក​ពី​សំណ​។ ក្រៅពីនេះ សំណ​ស្ថិតនៅ​ដោយ​ធម្មជាតិ​ក្នុង​ដី ទឹក និង​បរិយាកាស អាច​ជ្រាប​ចូល​ក្នុង​ក្រែ​មលាប​មាត់​ក្នុង​ដំណើរការ​ផលិត​។ ប៉ុន្តែ ពួក​សកម្មជន​ដើម្បី​គ្រឿងសម្អាង​សុវត្ថិភាព បាន​ចាត់ទុកថា បណ្តា​ក្រុមហ៊ុន​អាច​ផលិត​គ្រឿងសម្អាង ដោយ​គ្មាន​ផ្ទុក​សំណ​ទាំងស្រុង​។​

​​លោក Janet Nudelman សមាជិក​របស់​យុទ្ធនាការ​ដើម្បី​គ្រឿងសម្អាង​សុវត្ថិភាព បានឱ្យដឹងថា «​ច្បាស់​ណាស់​ថា ជាង​ពាក់ កណ្តាល​នៃ​ក្រែ​មលាប មាត់​ត្រូវបាន​ត្រួតពិនិត្យ​ផ្ទុក​លោហធាតុ​សំណ ប៉ុន្តែ​ពាក់កណ្តាល​ក្នុង​ចំនួន​នេះ​គ្មាន​ផ្ទុក​។ ប្រការ​នេះ​បង្ហាញថា ពួក​អ្នក​ផលិត​អាចបង្កើត​ផលិតផល​គ្មាន​សារជាតិ​សំណ​»៕​

ក្តីសង្ឃឹមថ្មីសម្រាប់អ្នកជំងឺមហារីកស្បែក

​ការស្រាវជ្រាវ​មួយ​ថ្មី​នៅ​មជ្ឈមណ្ឌល​មហារីក Moffit អាច​នាំមក​នូវ​ក្តីសង្ឃឹម​សម្រាប់​អ្នកជំងឺ​មហារីក​ស្បែក ។​
​ពួក​អ្នកស្រាវជ្រាវ​កំពុង​ពិនិត្យមើល តើ​ប្រភេទ​ថ្នាំ​ចាក់​មាន​ឈ្មោះថា PV-10 អាច​បំ​ព្រួញ​តូច​ដុំ​គីស និង​ធ្វើ​ឲ្យ​ថយចុះ​ភាព​រាលដាល​របស់​ជំងឺមហារីក​ឬ​អត់​?
PV-10 ដំណោះស្រាយ​១​អភិវឌ្ឍន៍​ពី Rose Bengal ប្រភេទ​ថ្នាំ​ជ្រលក់​រលាយ​ក្នុង​ទឹក​ច្រើន​ត្រូវបាន​ប្រើប្រាស់​ដើម្បី​ជ្រលក់​កោសិកា ត្រូវ​ខូច​ក្នុង​ភ្នែក ។ ការពិសោធន៍​ដំបូង​បង្ហាញថា PV-10 អាច​បង្កើន​សមត្ថភាព​អង្គ​បដិបក្ខ​ក្នុង​ដុំ​គីស​កំណាច ក៏​ដូច​ចរន្តឈាម ។​
"​វិធី​ព្យាបាល​ចាក់​ឲ្យ​ដុំ​គីស​កំណាច​ជាច្រើន​ត្រូវបាន​ពិសោធន៍​ក្នុង​រង្វង់​៤០​ឆ្នាំ​កន្លងទៅ តែ​ពុំ​សូវ​ឃើញ​លទ្ធផល​ល្អ ។ យើងខ្ញុំ​កំពុង​ឃើញ​លទ្ធផល​គួរ​ជាទី​សង្ឃឹម​ចំពោះ PV-10" បណ្ឌិត Shari Pilon-Thomas ជំនួយការ​សមាជិករ​បស់​កម្មវិធី​អង្គ​បដិបក្ខ​វិទ្យា Moffit មានប្រសាសន៍ ។​
​ក្នុងការ​ស្រាវជ្រាវ​ដំបូង ពួក​អ្នកស្រាវជ្រាវ​ចាក់ PV-10 តែមួយ​ដូ​ស​គត់​ទៅក្នុង​កណ្តុរ​មាន​ដុំ​គីស​កំណាច ។ លទ្ធផល​គឺ​របួស​មហារីក​ស្បែក​ថយចុះ​យ៉ាងច្រើន ហើយ​ដុំ​គីស​កំណាច ។ លទ្ធផល​គឺ​របួស​មហារីក​ស្បែក​ថយចុះ​យ៉ាងច្រើន ហើយ​ដុំ​គីស​កំណាច​រាលដាល​ទៅដល់​ស្បែក​ក៏​ថយចុះ​យ៉ាងច្បាស់​ក្រឡែត ។ ពួក​អ្នកស្រាវជ្រាវ​ឲ្យ​ដឹងថា ការចាក់ PV-10 បង្កើតជា​ប្រតិកម្ម​អង្គ​បដិបក្ខ​មួយ​ប្រឆាំង​ដុំ​គីស​ខ្លាំងក្លា និង​អាច​សុវត្ថិភាព​ជាង​ប្រៀប​នឹង​បណ្តា​ភ្នាក់ងារ​អង្គ​បដិបក្ខ​មាន​នាពេល​សព្វថ្ងៃ ។​
"​យើងខ្ញុំ​បច្ចុប្បន្នកំពុង​ពិសោធន៍​ជាក់ស្តែង​ចំពោះ​មនុស្ស ។ ក្រៅពី​ការត្រួតពិនិត្យ​ប្រតិកម្ម​របស់​កុំ​គីស​កំណាច​ត​ត្រូវបាន​ចាក់ យើងខ្ញុំ​ក៏​ពិនិត្យមើល​ការកើនឡើង​កោសិកា​អង្គ​បដិបក្ខ​ប្រឆាំង​ដុំ​គីស​របស់​អ្នកជំងឺ​ក្រោយពេល​ចាក់​" Amod A.Sarmaik សមាជិក​របស់​កម្មវិធី​មហារីក​នៅ​ស្បែក Moffit បកស្រាយ ។​
​លទ្ធផល​ស្រាវជ្រាវ​ត្រូវបាន​ចុះផ្សាយ​លើកដំបូង​លើ PLOS ONE ។ ការស្រាវជ្រាវ​ត្រូវបាន​ឧបត្ថម្ភ​ដោយ​ក្រុមហ៊ុន​ឱសថ Provectus អ្នក​អភិវឌ្ឍន៍ PV-10 ៕ M

បរិភោគ​សាច់​នៅ​ឆៅ​ដែល​មិន​ឆ្អិន​ល្អ អាច​បង្ក​ជា​ជំងឺមហារីក​

ក្រុម​អ្នកវិទ្យាសាស្ត្រ​អះអាង​ថា​កំរិត​ជាតិ​ដែក​ខ្ពស់​នៅក្នុង​សាច់​នៅ ​ឆៅ​ដែល​មិន​ត្រូវ​បាន​ចម្អិន​ឆ្អិន​ល្អ​អាច​ជាមូ​លហេតុ​ដែល​បង្ក​អោយមាន​ ជំងឺមហារីក​ពោះវៀន​។​

​កំរិត​ជាតិ​ដែក​ខ្ពស់​នេះ​អាច​ជំរុញ​អោយ​មាន​ដំណើ​រវិ​វត្តន៍​ ជំងឺមហារីក​កាន់តែ​លឿន​ដោយសារ​តែ​ហ្សែ​ន​(gene)​មិន​ដំណើរការ​នៅក្នុង​ ពោះវៀន​។​

​បរិភោគ​សាច់​នៅ​ឆៅ​ដែល​មិន​ត្រូវបាន​ចម្អិន​ល្អ មាន​ផ្ទុះ​ជាតិ​ដែក​ដ៏​ច្រើន​ដែលនាំអោយ​កើនឡើង​ដ៏​លឿន​ជំមឺមហារី​ពោះវៀន​។​

​បន្ទាប់​ពី​មានកា​សិក្សា​នេះ​មក ក្រុម​អ្នកវិទ្យាសាស្ត្រ​បាន​រកឃើញថា អ្វី​ដែល​ងាយ​មាន​ឥទ្ធិពល​និង​បង្កអោយមាន​ជំងឺមហារីក​ពោះវៀន​គឺ បង្កឡើង​ដោយ​កំរិត​ជាតិ​ដែក​ខ្ពស់​ដែល​មាន​នៅក្នុង​សាច់​នៅ​ឆៅ​ពណ៌​ក្រហម​ នេះ​។​

​លោក អូ​វីន សាន់​ស៊ូ​ម ​សាស្ត្រាចារ្យ​ផែ្ន​ក​វិទ្យាសាស្ត្រ និង​ជា​នាយក​គ្របគ្រង​ការស្រាវជ្រាវ​ផែ្ន​ក​ជំងឺមហារីក​​នៅ​ប្រទេស​ អង់គ្លេស  បាន​និយាយថា “ យើង​បាន​ធ្វើអោយ​មាន​ការរីក​ចំរើន​ជឿនលឿន​ដ៏​ធំ​ដោយ​បាន​រកឃើញ​និង​យល់ថា​ ជំងឺ​មហា​រី​ពោះ​វៀន​នេះ​បង្កឡើង​ដោយ​អ្វី​ហើយ​វា​វិវ​ត្ត​ឡើង​ដោយ​របៀប​ណា​ នោះ​”​។​

​លោក គ្រីស ស៊ីឡេ​ពីស ជា​វេជ្ជបណ្ឌិត​និង​ជា​អ្នកវិទ្យាសាស្ត្រ​អង់គ្លេស​ដែល​សិក្សា​លើ​ ការស្រាវជ្រាវ​ជំងឺមហារីក បាន​និយាយថា “ លទ្ធផល​នៃ​ការសិក្សា​ស្រាវជ្រាវ​របស់​យើង​បង្ហាញថា ជាតិ​ដែក​នៅក្នុង​សាច់​នៅ​ឆៅ​អាច​បង្កើនការប្រឈមខ្លាំង​ដល់​ការ​កើត​ ជំងឺមហារីក​ពោះ​វៀន ដោយ​វា​បង្កើន​ចំនួន​កោសិកា​កាន់តែ​ច្រើនឡើង​ក្នុង​ពោះវៀន ដោយសារ​តែ​ហ្សែ​ន​មិន​ដំណើរការ​នោះ​។

ឥឡូវនេះ​យើង​មាន​ផែនការ​​ក្នុង​ការអភិវឌ្ឍន៍​វិធី​ព្យាបាល​ដែល​កាត់បន្ថយ ​ចំនួន​ជាតិ​ដែក​នៅក្នុង​ពោះវៀន ដូច្នោះ កំរិត​គ្រោះថ្នាក់​នៃ​ការកើត​ជំងឺមហារីក​ពោះវៀន​នេះ​​អាច​នឹង​ថយចុះ​”​៕

​ˆ​អង់​ទី​ប៊ីយ៉ូ​ទិក បង្កើន​ប្រសិទ្ធភាព​ព្យាបាល​ជំងឺ​ខ្វះ​ជីវជាតិ​

ការប្រើ​គួបផ្សំ​ថ្នាំ​អង់​ទី​យ៉ូ​ទិកជាមួយ​របប​ទទួលទាន​គ្រប់​សារជាតិ អាច​បង្កើន​ប្រសិទ្ធ​ ភាព​ព្យាបាល​ជំងឺ​របស់​កុមារ​ដែល​ខ្វះ​ជីវជាតិ​ធ្ងន់ធ្ងរ​។​

​នេះ​ជា​លទ្ធផល​ស្រាវជ្រាវ​របស់​ក្រុម​ជំនាញ​ ការ​នៅ​សាលា​វេជ្ជសាស្ត្រ Saint Lowis ចំណុះ​មហាវិទ្យាល័យ​វ៉ាស៊ីនតោន (​អាមេរិក​) ហើយ​ដែល​បាន​ត្រូវ​ចុះ​ផ្សាយ​ដោយ​ទស្សនា​វ​ដ្តី​ឱសថ New England កាលពី​ខែ​មករា កន្លងមកនេះ​។​

​ពួក​អ្នកជំនាញការ បាន​ដំណើរការ​ស្រាវជ្រាវ​លើ​កុមារ​ម៉ាឡាវី ២.៧០០​នាក់ អាយុ​ពី ៥-៦​ខែ ត្រូវបាន​វិនិច្ឆ័យ​ថា បណ្ដាលមកពី​ការខ្វះ​ជីវជាតិ​ធ្ងន់ធ្ងរ​។ កុមារ​ទាំងនេះ សុទ្ធតែ​ត្រូវបាន​ផ្គត់ផ្គង់​របប​ទទួលទាន​មួយ សម្បូរ​សារជាតិ​ជីវជាតិ​ជាមួយនឹង​សមាសធាតុ​សំខាន់ គឺ​សណ្តែកដី​។ ប៉ុន្តែ ពួក​អ្នកវិទ្យាសាស្ត្រ បាន​ចែក​ចំនួន​កុមារ​ទាំងនេះ​ជា​បី​ក្រុមគឺៈ ពីរ​ក្រុម​បាន​បន្ថែម​ថ្នាំ​អង់​ទី​ប៊ីយ៉ូ​ទិក​មួយ​ក្នុងចំណោម​ថ្នាំអ​ង់​ទី​ប៊ី​យូ​ទិ​ក​ពីរ​ប្រភេទ គឺ amoxi cillin  និង​cefdinir  ទៅ​ក្នុង​អាហារ​។ ចំណែក​មួយ​ក្រុម​ទៀត ប្រើ​តែ​ថ្នាំ​រម្ងាប់​អារម្មណ៍​មួយ​ប្រភេទ​តែប៉ុណ្ណោះ​។​

​លទ្ធផល​បាន​បង្ហាញថា វិធី​ព្យាបាល​ខាងលើ មាន​ប្រសិទ្ធភាព​ចំពោះ​អ្នកជំងឺ សឹងតែ​ទាំងអស់ (​ប្រមាណ ៨៥​ភាគរយ​) ដែល​ប្រើ​ថ្នាំ​អង់​ទី​ប៊ីយ៉ូ​ទិក​។​

​អត្រា​ស្តារ​សុខភាព​ឡើងវិញ ក្រោយ​ការព្យាបាល​កុមារ​ពីរ​ក្រុម ដែល​ផឹកថ្នាំ​អង់​ទី​ប៊ីយ៉ូ​ទិ​កខ្ពស់​ជាង​ច្រើន ប្រៀប​នឹង​ក្រុម​មិន​ប្រើ ក្នុងពេល​អត្រា​ព្យាបាល​បរាជ័យ និង​អត្រា​បាត់បង់​ជីវិត​នៅ​ក្រុម​ទាំង​ពីរ​នេះ ក៏​ថយចុះ​ពី ២៥-៤៥​ភាគរយ ប្រៀប​នឹង​ក្រុម​ប្រើ​ថ្នាំ​រម្ងាប់​អារម្មណ៍​។

​មុន​នោះ មួយថ្ងៃ ក្រុម​ជំនាញការ​ខាងលើ ក៏​បាន​ប្រកាស​គម្រោង​ស្រាវជ្រាវ​វិទ្យាសាស្ត្រ​មួយ ដែល​តាមរយៈ​នោះ គេ​បាន​សន្និដ្ឋានថា របប​ទទួលទាន ខ្វះ​សារជាតិ​ជីវជាតិ ពុំមែន​ជា​មូលហេតុ​តែមួយគត់ នាំ​ដល់​ស្ថានភាព​ខ្វះ​ជីវជាតិ​ធ្ងន់ធ្ងរ​នោះ​ទេ​។

 

ពួក​អ្នក​ស្រាវជ្រាវ បាន​សន្និដ្ឋាន​ដូច្នេះ ក្រោយពេល​តាមដាន​កូនភ្លោះ ជិត​៤០០​គូ ក្នុង​រយៈពេល​បី​ឆ្នាំ​ដំបូង ពិសេស​គឺ​ករណី​ដែល​ទារក​ម្នាក់​ក្នុងចំណោម​ទារក​ទាំងពីរ កើត​ជំងឺ​ខ្វះ​ជីវជាតិ អម​ជាមួយ​រោគសញ្ញា​ហើមពោះ រងរបួស​ថ្លើម ដំបៅ​រលាក មិន​ចង់​ទទួលទាន និង​ខ្សោយ​បាក់​កម្លាំង​៕​

អាវប្រឆាំងឈឺខ្នង

​ពុំ​ត្រឹមតែ​អ្នកធ្វើការងារ​ប្រើ​សាច់ដុំ​ធ្ងន់ធ្ងរ ដូចជា​លីសែង​ទំនិញ​សំពីងសំពោង​ពី​ផ្សារ លេង​កីឡា​ហួស​កម្រិត​...​អាច​ត្រូវ​ឈឺ​ខ្នង តែ​រោគសញ្ញា​ពិបាក​ទ្រាំ​នេះ​មិន​លើកលែង​ពួក​បុគ្គលិក​ការិយាល័យ​ដែល​ត្រូវ​ អង្គុយ​នៅ​នឹង​តុ​ពេញ​មួយថ្ងៃៗ​ដែរ ។​
​អាវយឺត​ច្នៃ​បង្កើត​ដោយ​ ក្រុមហ៊ុន Pelham និង Strutt និង​ជួយ​កែសម្រួល​កាយវិការ​ស្ថានភាព​អង្គុយ​តាម​វិធី​ឥទ្ធិពល​ទៅលើ​ប្រព័ន្ធ ​សាច់ដុំ​ខ្នង ស្មា ពោះ ដើម្បី​ជំនះ​រោគសញ្ញា​ឈឺ​ខ្នង (​ក្រៅពី​មូលហេតុ​ផ្សេងៗ​ដូចជា​គ្រួសតម្រងនោម ទ្រុឌទ្រោម ឆ្អឹង​កង​ខ្នង​...) បង្កើន​ទិន្នផល​ធ្វើការ ។​

តាម​សារព័ត៌មាន Daily Mail ដើម្បី​ច្នៃ​បង្កើត​អាវយឺត​ប្រឆាំង​ឈឺ​ខ្នង​របស់ Pelham និង Strutt គេ​ត្រូវ​ចំណាយពេល​ដល់​២​ឆ្នាំ ក្រោយ​ជំនួយ​បច្ចេកទេស​របស់​អ្នកជំនាញការ​ស្រី​ផ្នែក​ព្យាបាល​ដោយ​ចលនា Judith Pitt Brooker ។ អាថ៌កំបាំង​របស់​អាវ​យឺត​ប្រឆាំង​ឈឺ​ខ្នង គឺ​វិធី​ត្បាញ​ដើម្បី​បង្កើតជា​សំណុំ​ខ្សែពួរ​ចលនា ជួយ​ស្មា​អ្នក​ពាក់​មិន​ឲ្យ​ផ្អៀង​ទៅមុខ ដោយ​មិនដឹង​ខ្លួន និង​ច្រើន​ជ្រុល ផ្នែក​ឆ្អឹងខ្នង​ត្រូវបាន​រក្សា​ត្រង់ ។ ផ្នែក​ខ្នង​នៅ​ត្រូវបាន​ត្បាញ​ដូចជា​ផ្ទាំង​ពូក​សង្កត់​មួយ អូស​ផ្នែក​ខ្នង​ទៅក្នុង​ទីតាំង​សមស្រប បន្ថយ​សម្ពាធ​ឲ្យ​ផ្នែក​សាច់ដុំ​ភ្ជាប់​ពី​ក​ដល់​ស្មា ។ ផ្នែក​កណ្តៀតក្អម​របស់​អាវយឺត​នៅមាន​ភារកិច្ច "​ប្រឆាំង​ខ្ជិល​" ឲ្យ​សាច់ដុំ​ពោះ ជួយ​ឲ្យ​វា​ទ្រាំ​ពិបាកធ្វើ​ការ​ជាង ។​

​ជំនាញការ Judith Pitt - Brooker បាន​ពិសោធន៍​អាវយឺត​ថ្មី​នេះ​លើ​អ្នកជំងឺ​១៤​នាក់ នៅ​កន្លែង​របស់​នាង​នៅ Loughborough ។ ប្រសិន​ពិន្ទុ​គឺ​៥ នោះ​ការវាយតម្លៃ​របស់​អាវ​យឺត​ថ្មី គឺ​៤,២/៥ ។ Daily Mail ឲ្យ​ដឹងថា តាម​គម្រោង ពេល​ផលិតផល​ចេញលក់​លើ​ទីផ្សារ​នឹងមាន​តម្លៃ​៥០​ផោន​សម្រាប់​អាវប្រុស និង​៤៩​ផោន សម្រាប់​អាវស្រី ៕​M

​ទឹក​ខ្ពុរមាត់ បង្កើន​ហានិភ័យ ឈឺបេះដូង​ស្ត្រូ​ក​

ពួក​អ្នកវិទ្យាសាស្ត្រ ព្រមាន​ថា ការប្រើប្រាស់​ទឹក​ខ្ពុរមាត់ អាចជា​គ្រោះមហន្តរាយ ចំពោះ​សុខភាព ព្រោះ​វា​ធ្វើ​ឲ្យ​កើន​ហានិភ័យ កើត​ជំងឺ​បេះដូង និង​ស្ត្រូ​ក​។​
​ក្នុងការ​ពិសោធន៍​ថ្មី​មួយ របស់​សកល​វិទ្យាល័យ​ឃ្វី​ន​ម៉ាគ (Queen Marg) នៅ​ទីក្រុង​ឡុង​ដ៍ (London)​នៃ​ចក្រភព​អង់គ្លេស ពួក​អ្នកស្ម័គ្រចិត្ត​មាន​សុខ​ភាពល្អ បាន​ប្រើប្រាស់​ទឹក​ខ្ពុរមាត់ Corsodyl ដែលជា​ផលិតផល​មួយ មាន​ផ្ទុក​សារជាតិ ប្រឆាំង​បាក់តេរី​ខ្លាំង chlorhexidine  ២​ដង ក្នុង​១​ថ្ងៃ​។​
​លទ្ធផល បាន​បង្ហាញថា សម្ពាធ​ឈាម​របស់​ពួក​អ្នកស្ម័គ្រចិត្ត កើនឡើង 2-3,5 ឯក​តា (mmHg) តែ​ក្នុង​រង្វង់​ប៉ុន្មាន​ម៉ោង​។ ក្នុងពេលនោះ តាម​ការស្រាវជ្រាវ​ដោយឡែក​មួយ សម្ពាធ​ឈាម​កើន ២ ឯក​តា មានន័យ​ដូចគ្នា​នឹង​ហានិភ័យ​ស្លាប់ ដោយសារ​ជំងឺ​បេះដូង កើនឡើង ៧% និង​ហានិភ័យ​បាត់បង់​ជីវិត ដោយសារ​ជំងឺស្ត្រូក កើន ១០% ។​
តាមរយៈ​ការចុះផ្សាយ ដោយ​ទស្សនា​វ​ដ្តី Free Radical Biology And Medicine ពួក​អ្នកស្រាវជ្រាវ បាន​ឲ្យ​ដឹងថា ប្រតិកម្ម​កើន​សម្ពាធ​ឈាម ចាប់ផ្តើម​លេចឡើង ក្នុង​រង្វង់​មួយថ្ងៃ ចាប់ពី​ពេល​ប្រើ​ទឹក​ខ្ពុរមាត់​។ ពួកគេ បាន​សន្និដ្ឋានថា រឿងនេះ គឺ​ដោយសារ​ទឹក​ខ្ពុរមាត់ បាន​កំទេច​បាក់តេរី​ល្អ ដែល​រក្សា​តួនាទី ជំនួយ​សរសៃឈាម បន្ថយ​ភាព​តានតឹង នាំ​ដល់​ការ​កើន​សម្ពាធ​ឈាម​។​
សារជាតិ​កម្ចាត់​មេរោគ chlorhexidine ក្នុង​ផលិតផល​ទឹក​ខ្ពុរមាត់ Corsodyl បច្ចុប្បន្ន ដណ្តើមបាន ០,២ % នៃ​ចំណុះ​។ ក្នុងពេល​ជួយ​បង្ការ និង​បញ្ចប់​ជំងឺ​អញ្ចាញធ្មេញ Chlorhexidine កម្ចាត់​ចោល​ទាំង​បាក់តេរី ចាំបាច់ សម្រាប់​ដំណើរការ​បង្កើត nitrit ដែល​ដើរតួនាទី​សំខាន់ ដើម្បី​ឲ្យ​សរសៃឈាម​យារ បើក​ល្អ​។ ស្ថិតិ​បង្ហាញថា ទឹក​ខ្ពុរមាត់​ផ្ទុក Chlorhexidine បានធ្វើ​ឲ្យ​ថយចុះ​ដល់ ៩០ % បរិមាណ nitrit កកើត​ក្នុង​មាត់ នាំ​ដល់​ការថយចុះ ២៥ % បរិមាណ nitrit ក្នុង​ឈាម​។​
ពុំមែន​ផលិតផល​ទឹក​ខ្ពុរមាត់​ទាំងអស់ សុទ្ធតែ​ផ្ទុក Chlorhexidine នោះទេ​។ ប៉ុន្តែ​សាស្ត្រាចារ្យ Amrita Ahlumwalia អ្នកដឹកនាំ​ការស្រាវជ្រាវ បាន​សន្និដ្ឋានថា ពពួក​ទឹក​ខ្ពុរមាត់​ផ្សេងៗ ក៏​អាច​បំផ្លាញ​បាក់តេរី មាន​ប្រយោជន៍ សម្រាប់​សុខភាព​ផងដែរ​។​
Ahluwalia បាន​អះអាងថា "​ការកំទេច ទាំង​បាក់តេរី មាន​ប្រយោជន៍ រាល់ថ្ងៃ ជា​គ្រោះមហន្តរាយ​មួយ ដោយសារ​សម្ពាធ​ឈាម ទោះបី​កើន​តែ​បន្តិច ក៏​ឥទ្ធិពល​យ៉ាងច្រើន ទៅដល់​ស្ថានភាព​ជំងឺ ក៏​ដូច​ហានិភ័យ​បាត់បង់​ជីវិត ដោយសារ​ជំងឺ​បេះដូង និង​ស្ត្រូ​ក​" ។​
​ប៉ុន្តែ ទន្ត​បណ្ឌិត​មួយចំនួន ប្រកាសថា គួរ​ប្រយ័ត្នប្រយែង ពេលធ្វើការ​សន្និដ្ឋាន ដូចខាងលើ ពី​ការស្រាវជ្រាវ​តូច​មួយ ។​
​អ្នកនាំពាក្យ​របស់​ក្រុមហ៊ុន​ផលិត​ទឹក​ខ្ពុរមាត់ Corsodyl ក៏បាន​អះអាងថា ការស្រាវជ្រាវ​របស់គេ មិន​រកឃើញ​ចំណុច​គួរ​ឲ្យ​ព្រួយបារម្ភ​ណា អំពី​ការពាក់ព័ន្ធ​ផ្ទាល់ រវាង​ផលិតផល​នេះ ជាមួយ​ការ​កើន​សម្ពាធ​ឈាម​នេះ​៕M/V/L​

​ការប្រើ​កញ្ចក់ភ្នែក​ឲ្យមាន​សុវត្ថិភាព​និង​មានសុខ​ភាព​

អ្នកឯកទេស​ខាង​ភ្នែក បាន​អធិប្បាយ​ចំពោះ​ផល​អាក្រក់​នៃ​ការប្រើ​កញ្ចក់ភ្នែក (Contact Lens) ដូចជា មានឱកាស​ឆ្លង​មេរោគ ភ្នែក​ស្ងួត និង កញ្ចក់ភ្នែក​ខ្វះ​អុកស៊ីហ្សែន ជាពិសេស កញ្ចក់​ពាក់​ភ្នែក​ដែល​ឃោសនា​ថា មាន​ទឹក ជា​សមាសធាតុ​ផ្សំ​ច្រើន ដែល​អាច​ធ្វើឲ្យ​ភ្នែក​ស្ងួត​លើស​ដើម ដោយសារ​វា​នឹង​បឺត​ទឹក ពី​ទឹកភ្នែក​របស់​អ្នក​កាន់តែ​ច្រើនឡើង​។

 

សម្រាប់​កញ្ចក់​ពាក់​ភ្នែក​ពណ៌​ផ្សេងៗ​នោះ ម៉ាក​ខ្លះ​មិន​មាន​ស្តង់ដារ អាច​ធ្វើឲ្យ​អាល់លែ​រហ្ស៊ី រលាក ឬ​ស្ងួត​ភ្នែក​លើស​ដើម ដោយសារ​កញ្ចក់​ពាក់​ភ្នែក​ប្រភេទ​នេះ ក្រាស់​ជាង​ធម្មតា​។ រីឯ​កញ្ចក់​ពាក់​ភ្នែក មួយចំនួន​ទៀត​អាច​កោង​ខុប​ខ្លាំង ដើម្បី​ឲ្យ​អ្នកពា​ក់​មើលទៅ​ឃើញ​ភ្នែក​ធំ​នោះ​វា​មិន​ល្អ​ឡើយ ព្រោះ​កញ្ចក់​ពាក់​ភ្នែក​កោង អាច​សង្កត់​គែម​កញ្ចក់ភ្នែក​កាន់តែ​ខ្លាំង​ឡើង​។​

 

​សម្រាប់​ការថែទាំ​កែវភ្នែក បើ​អ្នក​ពាក់​កញ្ចក់ភ្នែក​នោះ អ្នកជំនាញ​ណែនាំ​ថា ត្រូវ​មាន​ការថែទាំ​ជាពិសេស មិន​ថា​ជា​កញ្ចក់​ពាក់​ភ្នែក​បែប​មី​ញ៉ូប ឬ​កញ្ចក់​ពាក់​ភ្នែក​បែប​ពណ៌​ផ្សេងៗ គួរតែ​ត្រៀម​នូវ​ទឹក​លាង​សម្អាត​កញ្ចក់ភ្នែក (​ទឹកភ្នែក​សិប្បនិម្មិត​) ដែល​មាន​លក់​ទូទៅ សម្រាប់​លាង​សម្អាត និង​កម្ចាត់​មេរោគ​ឲ្យបាន​ល្អ​។ ទោះជា​យ៉ាងណា អ្នក​គួរតែ​ប្រឹក្សា​ជាមួយ​គ្រូពេទ្យ​ភ្នែក មុន​នឹង​ទិញ​កញ្ចក់​ពាក់​ភ្នែក ដើម្បី​ពិនិត្យមើល​ថា សភាព​ភ្នែក​របស់​អ្នក ត្រូវ​នឹង​កញ្ចក់ភ្នែក​ប្រភេទ​ណា​? អាយុកាល​ប្រើប្រាស់​យូរ​ប៉ុណ្ណា​? ជាពិសេស គឺ​ការ​សាក​ពាក់​កញ្ចក់ភ្នែក ព្រោះ​មនុស្ស​ម្នាក់ៗ​មាន​កញ្ចក់ភ្នែក​មិន​ដូចគ្នា ហើយ​កញ្ចក់​ពាក់​ភ្នែក ម៉ាក​ផ្សេងៗ មាន​ភាព​កោង​ខុប​ខុសគ្នា​។ ដូច្នេះ ចក្ខុ​ពេទ្យ នឹង​ពិនិត្យថា កញ្ចក់ភ្នែក​ប្រភេទ​ណា​សាក​សម​នឹង​អ្នក​?....​៕

​វិធី​ប្រើ​ចំហាយ​ទឹក​ក្តៅ ដើម្បី​ព្យាបាល មហារីក​ឆ្អឹង​

ជំងឺមហារីក​ឆ្អឹង អាច​ត្រូវបាន​ព្យាបាល ដោយ​វិធី​ប្រើ​ចំហាយ​ទឹក​ក្តៅ ។​
​នេះ​ជាការ​ប្រកាស របស់​វេជ្ជបណ្ឌិត Gerardo Kico Martinez ប្រធាន​ផ្នែក​ព្យាបាល ជំងឺមហារីក​ឆ្អឹង នៅ​វិទ្យាស្ថាន​ស្តារ​មុខងារ​ជាតិ ម៉ិចស៊ិក​កូ (INR) ។​
ថ្លែងប្រាប់​អ្នកសារព័ត៌មាន នៅ​ថ្ងៃទី​២២ ខែមករា វេជ្ជបណ្ឌិត Martinez បាន​ឲ្យ​ដឹងថា ក្រុម​អ្នកវិទ្យាសាស្ត្រ ប្រទេស​នេះ បានទទួល​ជោគជ័យ ក្នុងការ​អនុវត្ត​វិធី​ព្យាបាល មហារីក​ឆ្អឹង​ថ្មី​។ តាមរយៈ​នោះ ពួក​វេជ្ជបណ្ឌិត បាន​នាំ​ចំហាយ​ទឹក​ក្តៅ​ផ្ទាល់ ចូលទៅក្នុង​តំបន់​ឆ្អឹង​ត្រូវ​ឈឺ និង​ប្រើ​កម្រិត​ក្តៅ របស់​ចំហាយ​ទឹក​ក្តៅ ដុតបំផ្លាញ​កោសិកា​មហារីក​។​
​តាម​វេជ្ជបណ្ឌិត Martinez វិធី​ព្យាបាល​នេះ ត្រូវបាន​អនុវត្ត​ផ្អែកលើ​ការស្រាវជ្រាវ​មួយ ហើយ​បាន​ត្រូវ​បង្ហាញថា កោសិកា​មហារីក ត្រូវ​បាត់​លទ្ធភាព​កែសម្រួល​កម្រិត​ក្តៅ​។​
ក្រុម​អ្នកស្រាវជ្រាវ​ខាងលើ បាន​អះអាងថា វិធី​ព្យាបាល​នេះ អាច​ត្រូវបាន​អនុវត្ត​ផ្ទាល់ សម្រាប់​តំបន់​ជំងឺ​តូចៗ អាច​សង្កេត និង​កំណត់​ទីតាំង​បាន ដោយ​ភ្នែក​ធម្មតា​។
​ចំពោះ​តំបន់​ឆ្អឹង​ជ្រៅ ខាងក្នុង​សរីរាង្គ​របស់​អ្នកជំងឺ វេជ្ជបណ្ឌិត នឹង​ចាំបាច់​ត្រូវ​កំណត់ កំណាត់​ឆ្អឹង​ត្រូវ​ឈឺ មុនពេល​នាំ​ចំហាយ​ក្តៅ ទៅក្នុង​ប្រមាណ ១៥​នាទី​។ ចំពោះ​ករណី​ជំងឺ​រីកចម្រើន​ធ្ងន់ អ្នកជំងឺ ចាំបាច់ ត្រូវបាន​ព្យាបាល​គីមី មុនពេល​អនុវត្ត​បច្ចេកទេស​ខាងលើ​។​
​វិធី​ព្យាបាល មហារីក​ឆ្អឹង ត្រូវបាន​អនុវត្ត​សាកល្បង ពី​ឆ្នាំ​១៩៩០ និង​ត្រូវបាន​ក្រសួងសុខាភិបាល ម៉ិចស៊ិក​កូ ទទួលស្គាល់​។ តាំងពី​នោះ វិធី​នេះ ត្រូវបាន​ប្រើប្រាស់​ប្រសិទ្ធភាព សម្រាប់​អ្នកជំងឺ​ប្រមាណ ២០០ នាក់ ហើយ​ឆាប់ៗ​នេះ នឹង​ត្រូវបាន​ពង្រីក​ទូលាយ នៅ​ទូទាំងប្រទេស​។​
ក្រៅពី​ប្រទេស​ម៉ិចស៊ិក​កូ ពួក​វេជ្ជបណ្ឌិត នៅ​ជប៉ុន ក៏​ប្រើប្រាស់​វិធី​ដូចគ្នា ដើម្បី​ព្យាបាល​មហារីក​ឆ្អឹង តែ​ប្តូរ​ចំហាយ​ទឹក ដោយ​នី​ត្រូ​ហ្សែ​ន​រាវ ដើម្បី​បញ្ចុះ​កម្តៅ​តំបន់​ឈឺ និង​កំទេច​កោសិកា​មហារីក​៕M/V/L​

​ˆ​វីតាមីន C ជួយ​បង្កើន​មេជី​វិត

ប្រសិន​អ្នក​ជួប​បញ្ហា​ដូចជា​បរិមាណ​មេជី​វិត​ទាប និង​ពុំទាន់​អាចមាន​កូន​នោះ វីតាមីន C  សារជាតិ​ប្រឆាំង​អុកស៊ីតកម្ម នឹង​ជា​ដំណោះស្រាយ​ដ៏​មាន​ប្រសិទ្ធភាព​មួយ​ដើម្បី​ជួយ​អ្នក​។​

​ពួក​អ្នកស្រាវជ្រាវ បាន​បង្ហាញថា បុរស​ម្នាក់​បំពេញបន្ថែម វីតាមីន C ១០០០ មិ​ល្លី​ក្រាម​ជាប្រចាំ​នោះ បរិមាណ​មេជី​វិត នឹង​កើនឡើង​ប្រមាណ ១០​ភាគរយ​។ ក្រៅពីនេះ វីតាមីន C  នៅមាន​លទ្ធភាព​ធ្វើឱ្យ​ថយចុះ​បរិមាណ​មេជី​វិត​ខុស​ប្រក្រតី​។ វីតាមីន C ជា​សារជាតិ​មួយ​ក្នុងចំណោម​សារជាតិ​ដើរតួនាទី​សំខាន់ ក្នុងការ​ទប់ស្កាត់​ការបំផ្លាញ​ហ្សែ​ន​តំណពូជ​ក្នុង​មេជី​វិត​។​


​ការស្រាវជ្រាវ​មួយ ថ្មីៗ​នេះ​បំផុត បានឱ្យ​ឃើញថា ប្រសិន​របប​ទទួលទាន​ជាប្រចាំ​របស់​បុរស​មាន​សុខ​ភាពល្អ​ម្នាក់ ខ្វះ​ប្រមាណ ២៥០ មិ​ល្លី​ក្រាម​វីតាមីន C នោះ បរិមាណ​ទឹកកាម នឹង​ថយចុះ ៥០ ភាគរយ ហើយ​បរិមាណ​មេជី​វិត​មាន​ហ្សែ​ន​តំណពូជ ត្រូវ​បំផ្លាញ នឹង​កើនឡើង ៩១ ភាគរយ​។ ពិសេស ចំពោះ​បុរស​ជក់បារី នឹង​បណ្តាលឱ្យ​បរិមាណ​វីតាមីន C ក្នុង​សរីរាង្គ ត្រូវ​ខ្វះ​ធ្ងន់ធ្ងរ​។ ដូច្នេះ ពួកគេ​ត្រូវបំពេញ​ថែម​វីតាមីន​នេះ​យ៉ាងច្រើន​។​

​ការស្រាវជ្រាវ​លើ​បុរស​គ្មាន​កូន​៣០​នាក់ ចែកចេញជា​២​ក្រុម មួយក្រុម​ត្រូវបាន​បំពេញ​ថែម ២០០ មិ​ល្លី​ក្រាម វីតាមីន C  និង​មួយក្រុម​ទៀត ត្រូវបាន​បំពេញ​១០០០​មិ​ល្លី​ក្រាម​វីតាមីន C  រាល់ថ្ងៃ ហើយ​អ្នក​ទាំងនេះ ត្រូវបាន​ត្រួតពិនិត្យ​បរិមាណ​មេជី​វិត​រាល់​សប្តាហ៍​។ លទ្ធផល​បង្ហាញ្ញថា ក្រុម​ប្រើ​វីតាមីន C ១០០០​មិ​ល្លី​ក្រាម កើន​១៤០​ភាគរយ បរិមាណ​មេជី​វិត ក្នុងពេល​ក្រុម​ប្រើ ២០០​មិ​ល្លី​ក្រាម កើន​តែ​១១២​ភាគរយ​។​


​ការស្រាវជ្រាវ​មួយ​ផ្សេង​ថ្មីៗ​នេះ ក៏បាន​បង្ហាញ្ញថា បុរស​ម្នាក់ ទទួលទាន​វីតាមីន C រាល់ថ្ងៃ ក្រោយ​រយៈពេល​៦០​ថ្ងៃ មាន​ចំនួន​មេជី​វិត កើន​៦០​ភាគរយ សមត្ថភាព​សកម្មភាព កើន​៣០​ភាគរយ ហើយ​ចំនួន​មេជី​វិត ខុស​ប្រក្រតី​ក៏​ថយចុះ​។​

​យោងតាម​លទ្ធផល​ស្រាវជ្រាវ​ខាងលើ បានឱ្យ​ឃើញថា វីតាមីន C  ដើរតួនាទី​សំខាន់​អស្ចារ្យ​មួយ​ក្នុង​ការជួយ​បុរស​បង្កើន​បរិមាណ និង​គុណភាព​របស់​មេជី​វិត​។ ដូច្នេះ​ការទទួល ទាន​វីតាមីន​ជាប្រចាំ រាល់ថ្ងៃ ចំពោះ​បុរស គឺ​ចាំបាច់​បំផុត​។​

​ក្រៅពី​ថ្នាំ​គ្រាប់ បុរស​នៅ​អាចបំពេញ​វីតាមីន C  ដោយ​វិធី​ទទួលទាន ជាប្រចាំ​នូវ​ពពួក​បន្លែ ផ្លែឈើ​សម្បូរ​វីតាមីន C ដូចជា ក្រូច ដំឡូងបារាំង បន្លែ​ពួយ​ឡេង ផ្កា​ស្ពៃខៀវ គ្រាប់​ម្រេច​ខ្ចី និង​ផ្កា​ខាត់ណា​៕

ឈឺក្រពះត្រូវតមវីតាមីន C ឬ?

អ្នក​ឈឺក្រពះ​បើ​បរិភោគ Vitamin C ត្រូវ​ឲ្យ​មាន​របៀប

​មនុស្ស​ភាគច្រើន​ដែល​ឈឺក្រពះ​ដោយសារ​ការ​រលាក​ ដំបៅ​ ច្រើន​ត្រូវបាន​ទូន្មានថា​ពុំគប្បី​បរិភោគ​ជូរ ដើម្បី​បញ្ចៀស​កំណើន​អាស៊ីត ក្នុង​ទឹក​ក្រពះ បង្ក​ជាការ​ពើត​ផ្សារ​ដោយ​វា​រំញោច​នៅកន្លែងដែល​រលាក​ដំបៅ ។​
Vitamin C (acid Ascorbic) មាន​រសជាតិ​ជូរ ហេតុនេះ​អ្នក​ឈឺក្រពះ​ជាច្រើន​ភ័ន្តច្រឡំ​ថា បើ​ឈឺក្រពះ​ពុំគួរ ប្រើប្រាស់​វា​ទេ ។ ក៏ប៉ុន្តែ Vitamin C គឺជា​សារធាតុ​ចាំបាច់​សម្រាប់​សុខភាប ហើយ​មាន​សមត្ថភាព​ការពារ "​ជញ្ជាំង​កោសិកា​" បានល្អ​ផង ។​
​ជាងនេះទៀត Vitamin C ជា​សារធាតុ​ចាំបាច់ ​ពុំមែន​ជា​ឱសថ​ទេ ហើយក៏​ពុំមែន​មានតែ​នៅក្នុង​ផ្លែឈើ​ជូរ​ដូចជា​ក្រូចឆ្មារ ក្រូចពោធិសាត់ ឬ​ក្នុង​ផ្លែឈើ​ផ្អែម​ដូចជា​ឱឡឹ​ក ល្ហុង​...​ទេ តែ​វា​មាន​សម្បូរ​ណ៍​នៅក្នុង​ប្រភេទ​បន្លែ​ជាអាទិ៍ ផ្កា​ស្ពៃស​-​ខៀវ ម្ទេស​ប្លោក សណ្តែកបណ្តុះ ខ្ទឹម​... ។ ហេតុនេះ​អ្នក​ឈឺក្រពះ​ក៏ត្រូវ​ការបរិភោគ​គ្រប់គ្រាន់​នូវ​អាហារ​ខាងលើ​ដើម្បី​ឲ្យ​សរីរាង្គ​មាន កម្លាំង​ការពារ​នឹង​ចៀសវាង​ការខ្វះ​វីតាមីន C ។​
ការបញ្ចូល​គ្រប់គ្រាន់​បរិមាណ​វីតាមីន C ពុំ​ត្រឹមតែ​មិន​អន្តរាយ​ដល់​ក្រពះ​ទេ ថែមទាំង​ជួយ​កាត់បន្ថយ​ការ​រលាក ឆ្លង​មេរោគ H.Pyloru ដែលជា​មូលហេតុ​បង្ក​ឲ្យ​មានការ​រលាក និង​ដំបៅ ។ វីតាមីន C មាន​ប្រសិទ្ធភាព​ការពារ​ក្រពះ​ប្រសិនបើ​អ្នក​បរិភោគ​វា​ក្នុង​កម្រិត​មួយ​សមល្មម ។ ការរក្សា​បរិមាណ​វីតាមីន C ជាធម្មតា​ក្នុង​ទឹក​ក្រពះ​អាច​បង្កើន​សមត្ថកិច្ចរ​បស់​ក្រពះ​ ការពារ​ពោះ និង​បង្កើន​កំលាំង​ការពារ​ក្រពះ​ដោយ​ខ្លួន​វា ។ ល្អ​បំផុត​គួរ​បំពេញ​កង្វះ​វីតាមីន C ពី​ការបរិភោគ​បន្លែ​ផ្លែឈើ ។​
​ប៉ុន្តែ​ការប្រើប្រាស់​វីតាមីន C ចំពោះ​អ្នកជំងឺ​ក្រពះ​និយាយ​ដោយឡែក និង​អ្នកជំងឺ​ទូទៅ​និយាយ​ជារួម​សុទ្ធសឹង​ត្រូវ​អនុលោម​ឲ្យ​បានល្អ​ពី​បរិមាណ និង​ពេលវេលា​នៃ​ការប្រើ​វា ដើម្បី​បង្កើន​ឥទ្ធិពល​នៃ​ការព្យាបាល​ជំងឺ ។ ការប្រើប្រាស់​ច្រើន និង​យូរ​អាច​បង្ក​ឲ្យ​មានការ​រលាក និង​ដំបៅ​ក្រពះ​ដោយសារតែ​សារធាតុ​អាស៊ីត​របស់​វា ។ ហេតុនេះ​គួរ​គប្បី​ប្រើ​ឲ្យ​បាន​ត្រឹមត្រូវ​ទាំង​បរិមាណ និង​ពេលវេលា តាម​ការណែនាំ​របស់​វេជ្ជបណ្ឌិត ៕f/​M

អាហារ​បង្កើត​គ្រោះថ្នាក់​ជំងឺស្ត្រូក​

​ស្ត្រូ​ក​អាច​កើត​ចំពោះ​មនុស្ស​គ្រប់គ្នា និង​គ្រប់​វ័យ ។ ស្ត្រូ​ក​ច្រើន​កើតឡើង​ដោយ​ពុំមាន​សញ្ញា​ប្រកាសអាសន្ន​មុន​អ្វី​ឡើយ ។ ក្នុងនោះ​របប​ទទួលទាន ដើរតួនាទី​យ៉ាងសំខាន់​មួយ អាស្រ័យហេតុនេះ​អ្នក​គួរ​ចៀសវាង​ទទួលទាន​អាហារ​មាន​ពាក់ព័ន្ធ​ដល់​ការ​កើន​គ្រោះថ្នាក់​ស្ត្រូ​ក ។​
​​១)•​អំបិលៈ​
ពេល​ទទួលទាន​ប្រៃ យើង​មានការ​ប្រឈម​កើន​សម្ពាធ​ឈាម និង​អាច​ឈានដល់​ស្ត្រូ​ក គាំងបេះដូង ខ្សោយបេះដូង ខ្សោយតម្រងនោម ... ដូច្នេះ ហើយ​ក្នុង​របប​ទទួលទាន​ប្រចាំថ្ងៃ អ្នក​ត្រូវ​បន្ថយ​បរិមាណ​អំបិល​ប្រើប្រាស់ ប្រការនេះ​ពុំ​ត្រឹមតែ​បន្ថយ​បាន​ពី​គ្រោះថ្នាក់​នៃ​ស្ត្រូ​ក​ប៉ុណ្ណោះ​ទេ តែ​នៅ​កែប្រែ​សុខភាព​ឱ្យ​ប្រសើរឡើង​បាន ។​
​​•២)​សាច់​ក្រហមៈ​
​សាច់​ក្រហម​មាន​បរិមាណ​ជាតិ​ខ្លាញ់​មិន​រលាយ​ខ្ពស់ មិនល្អ​សម្រាប់​អ្នក​ចង់​បង្ការ​បញ្ចៀស​ជំងឺ​បេះដូង​និង​ស្ត្រូ​ក​។ មូលហេតុ​គឺ​ដោយសារ​ជាតិ​ខ្លាញ់​មិន រលាយ​ក្នុង​សាច់​ក្រហម បង្ក​ជា​បាតុភូត​ប្រមូលផ្តុំ​ផ្ទាំង​ច្បាម​ប្រូតេអ៊ីន ធ្វើឱ្យ​ស្ទះ​សរសៃឈាម បង្កើន​ការ​ប្រឈម​ជំងឺ​បេះដូង​និង​ស្ត្រូ​ក ។​
​​តាម​ការស្រាវជ្រាវ​ថ្មី​របស់​ពួក​អ្នកវិទ្យាសាស្ត្រ បាន​ត្រូវ​បង្ហាញថា អេ​ម៉ូ​ក្លូ​ប៊ី​ន ដែលជា​សារជាតិ​នាំមក​នូវ​បរិមាណ​ដែក​ខ្ពស់​សម្រាប់​សាច់​ក្រហម អាចជា​គ្រោះថ្នាក់​មួយ បង្ក​នូវ​ជំងឺស្ត្រូក ។ ប៉ុន្តែ​វា​អាច​នឹង​ជាការ​យល់​ខុស ប្រសិន​ចាត់ទុកថា សាច់​ក្រហម​ទាំងអស់ សុទ្ធតែ​បង្ក​នូវ​គ្រោះថ្នាក់ ។ ជំនួស​ឱ្យ​ការទទួល​ទាន​សាច់​ក្រហម អ្នក​អាច​ទទួលទាន​សាច់​បសុសត្វ ត្រី និង​ប្រភព​ប្រូតេអ៊ីន​ល្អៗ​សម្រាប់​បេះដូង ពិសេស​គឺ​សណ្តែក បន្លែ ពពួក​គ្រាប់ តៅហ៊ូ និង​ទឹកដោះគោ​គ្មាន​ជាតិ​ខ្លាញ់ ។​
​​៣)•​អាហារ​មាន​ផ្ទុក Trans-fat
​ពពួក​នំ​ផ្អែម ដំឡូងបារាំង​ចៀន សុទ្ធតែ​ផ្ទុក​ជាតិ​ខ្លាញ់​បំប្លែង Transfat ច្រើន ។ តាម​ពួក​អ្នកវិទ្យាសាស្ត្រ បាន​អះអាងថា Transfat ជា​ជាតិ​ខ្លាញ់​គ្រោះថ្នាក់ អាច​បង្ក​ការស្ទះ​សរសៃឈាម ជំរុញ​ខ្ពស់​កម្រិត​ប្រមូលផ្តុំ​លីពីត កូ​ឡេ​ស្តេ​រ៉ូ​ល​អាក្រក់​ក្នុង​ឈាម និង​បញ្ចុះ​ទាប​បរិមាណ​កូ​ឡេ​ស្តេ​រ៉ូ​ល​ល្អ ។​
​​តាម​ការស្រាវជ្រាវ​នោះ បាន​ត្រូវ​បញ្ជាក់ថា Transfat ជំរុញ​ដំណើរការ​រលាក​ជា "​ជនល្មើស​" ទូទៅ​នៅ​ស្ទើរតែ​គ្រប់​ជំងឺ​រ៉ាំរ៉ៃ​ឬ​ធ្ងន់ធ្ងរ​។​
​​៤)•​អាហារ​កែច្នៃ​ស្រាប់ៈ​
​​ពពួក​អាហារ​កែច្នៃ​ស្រាប់ សាច់​ឆ្អើរ​ក្រៀម ហ​ត​ដក សាច់ក្រក ... ផ្ទុក​សូ​ដ្យូ​ម និង​សារជាតិ​ថែទាំ​ច្រើន ។ សូ​ដ្យូ​ម​នីត្រាត និង​នី​ទ្រី​ត​ក្នុង​អាហារ ទាំងនេះ បង្ក​គ្រោះថ្នាក់​ដល់​សរសៃឈាម​ផ្ទាល់ ធ្វើឱ្យ​សរសៃឈាម​រឹង និង​ចង្អៀត ។ ការស្រាវជ្រាវ​បង្ហាញថា សូ​ដ្យូ​ម​ធ្វើឱ្យ​កើន​សម្ពាធ​ឈាម ហើយ មូលហេតុ​ជួរមុខ គឺ​ការបង្ក​ជា​ស្ត្រូ​ក ។​
​​•៥)​ភេសជ្ជៈ​ផ្អែម​គ្មាន​ស្ក​រៈ​
​​ថ្វី​ត្បិត​មនុស្ស​ជាច្រើន​ជ្រើស​យក​វិធី​ប្តូរ​ភេសជ្ជៈ​មាន​ស្ករ ដោយ​ភេសជ្ជៈ​គ្មាន​ស្ករ​(​ផ្អែម​សិប្ប​និមិត្ត​)​សម្រាប់​អ្នកទទួល​ទាន​តម​, តែ​នេះ​នៅតែ​អាចជា​មូលហេតុ​បង្ក​ស្ត្រូ​ក ។ អ្នក​ផឹកទឹក​ក្រូច មាន​សារជាតិ​ស្ករ​សិប្ប​និមិត្ត​មួយ​កំប៉ុង​ក្នុង​មួយថ្ងៃ កើន​៤៨​ភាគរយ​នៃ​គ្រោះថ្នាក់​ស្ត្រូ​ក ធៀប​នឹង​មនុស្ស​ធម្មតា ។​
​​•៦)​វិធី​បង្ការ​បញ្ចៀស​ស្ត្រូ​កៈ​
​​-​បន្ថយ​បរិមាណ​អំបិល​ប្រើប្រាស់ ។ គួរ​ទទួលទាន​បន្លែ និង​ផ្លែឈើ​ស្រស់​ច្រើន ។​
​​-​បញ្ឈប់​ជក់បារី (​ប្រសិន​មាន​) : អ្នក​ជក់បារី​អាច​ដឹង​អំពី​ហានិភ័យ​ត្រូវ​កើត​មហារីក​សួត ជក់បារី​ក៏​ធ្វើឱ្យ​ខូច​សរសៃឈាម និង​ជា​កត្តា​គ្រោះថ្នាក់​មួយ​បង្ក​ជា​ស្ត្រូ​ក ។​
​​-​ទទួលទាន​ស្រា​ល្មម​(​ប្រសិន​មាន​)​ៈ ការស្រាវជ្រាវ​បង្ហាញថា ស្រា ១​កែវ​(​សម្រាប់​ស្ត្រី​) និង​២​កែវ​(​សម្រាប់​បុរស​) អាច​បន្ថយ​គ្រោះថ្នាក់​ស្ត្រូ​ក ប៉ុន្តែ ផឹក​ច្រើន​បែរជា​ធ្វើឱ្យ​កើន​គ្រោះថ្នាក់​ទៅវិញ ។​
​-​ដើរ​លឿនៗ​ៈ តាម​ការស្រាវជ្រាវ ស្ត្រី​ដែល​ដើរ​លើសពី​២​ម៉ោង​ក្នុង​មួយ​សប្តាហ៍ ឬ​ដើរ​លឿន គឺ​កម្រ​កើត​ជំងឺស្ត្រូក​ជាង​អ្នក​មិន​ដើរ ឬ​ដើរ​យឺត ។ ការស្រាវជ្រាវ​ដទៃទៀត ក៏​បង្ហាញថា បុរស​ដែល​បាន​ហាត់ប្រាណ ក៏​កើត​ស្ត្រូ​ក​តិចជាង​អ្នក​មិន​ហាត់ ។​
​ក្រៅពីនេះ របប​ទទួលទាន​សម្បូ​រ​ម៉ាញ៉េ​ស្យូ​ម អាចជួយ​បន្ថយ​គ្រោះថ្នាក់​ស្ត្រូ​ក​ចំពោះ​អ្នក​ដែល​នៅ​ជក់បារី ។ អាហារ​មាន​ម៉ាញ៉េ​ស្យូ​ម​ច្រើន រួមមាន​ធញ្ញជាតិ សណ្តែកខ្មៅ​, ផ្កា​ស្ពៃខៀវ​, សណ្តែកដី​...៕

អ្នកវិទ្យាសាស្ត្រ​ផ្សាំ​បង្អួច​កញ្ចក់​ក្នុង​ពោះ​កណ្តុរ​ដើម្បី​ពិនិត្យមើល​ជំងឺមហារីក​

ក្រុម​អ្នកវិទ្យាសាស្ត្រ​ដែល​ស៊ើបអង្កេត​ការរីក​រាលដាល​កោសិកា​មហារីក​ បាន​រក​ឃើញ​វិធីសាស្ត្រ​អង្កេត​ឥរិយាបថ​របស់​មហារីក​ដ៏​គួរ​ឲ្យ​ស្ញើប​មួយ​តាមរយៈ​ការ​ផ្សាំ​បង្អួច​ដោយ​ការវះកាត់​ចូលទៅក្នុង​ពោះ​របស់​កណ្តុរ​រស់។​

​បង្អួច​កញ្ចក់​ដែល​គេ​ដាក់​ផ្ទាល់​ចូលទៅក្នុង​ប្រអប់​ពោះ​របស់​កណ្តុរ​មាន​ជំងឺមហារីក​នោះ ​គឺមាន​គោលបំណង​ជួយ​ក្រុម​អ្នកស្រាវជ្រាវ​តាមដាន​មើលថា​តើ​កោសិកា​មហារីក​រីក​រាល​ដាល​ទៅ​បង្កើតជា​ដុំ​សាច់​ទី​ពីរ​ដោយ​របៀប​ណា។​

​ដំណើរ​ការដែល​គេ​ស្គាល់​ថា​ជា​ដំណើ​ររីក​រាល​នៃ​ដុំ​សាច់​មហារីក​នោះ ថ្មីៗ​នេះ​នៅ​មិនទាន់មាន​គេ​យល់ច្បាស់​នៅឡើយ​ទេ ប៉ុន្តែ​ដំណើរ​បែកខ្ញែក​ដ៏​គ្រោះថ្នាក់​របស់​កោសិកា​មហារីក​ទាំងនេះ​គឺជា​មូលហេតុ​នៃ​ការស្លាប់​ច្រើន​បំផុត​ដែល​ពាក់ព័ន្ធ​ជំងឺមហារីក។​

​នីតិវិធី​ខាងលើ​ត្រូវបាន​ដឹកនាំ​ស្រាវជ្រាវ​ដោយ​លោក​ជែក​កូ វ៉ាន់ រី​ន​និ​ន (Jacco van Rheenen) និងសហការី​របស់លោក​នៅ​វិទ្យាស្ថាន Hubrecht Institute for Developmental Biology and Stem Cell Research ក្នុង​ទីក្រុង​យូ​ទ្រិ​ច​ប្រទេស​ហូ​ឡង់។​

​កន្លងទៅ ១០ ឆ្នាំ ក្រុម​អ្នកស្រាវជ្រាវ​បាន​ផ្សាំ​បង្អួច​កញ្ចក់​តូច​មួយ​ទៅក្នុង​ស្បែក និង ក្រ​ពេញ​ដោះ​របស់​កណ្តុរ​រស់​ដែល​ធ្វើ​ឲ្យ​ពួកគេ​អាច​មើល​ពី​របៀប​ដែល​មហារីក​ដោះ និង ស្បែក​វិ​វត្តន៍​នៅក្នុង​សត្វមានជីវិត​មួយ​នេះ។​

​វេ​ប​សាយ​វិទ្យាសាស្ត្រ LiveScience បាន​រាយ​ការណ៍​ថា ទោះយ៉ាងណា រហូតមកទល់​ពេលបច្ចុប្បន្ន​នេះ ក្រុម​អ្នកស្រាវជ្រាវ​ពុំទាន់​មាន​មធ្យោបាយ​ងាយស្រួល​ណាមួយ​ដើម្បី​សម្លឹងមើល​ដោយផ្ទាល់​ទៅលើ​ផាល​, ក្រលៀន​, ពោះវៀនតូច​, លំពែង​, និង ថ្លើម ដែលជា​សរីរាង្គ​ងាយ​នឹងធ្វើ​ឲ្យ​មហារីក​ធ្វើការ​បំបែក​ខ្លួន​នៅឡើយ​ទេ៕

​ˆ​វិធី​បង្ការ​ជំងឺលើសឈាម​ដ៏​ប្រសិទ្ធភាព​

លើសឈាម ត្រូវបាន​ចាត់ទុកថា ជា​«​ឃាតក​សម្លាប់​មនុស្ស​យ៉ាង​ស្ងៀមស្ងាត់​» មួយ​។ ដូច្នេះ​ចូរ​ធ្វើការ​ផ្លាស់ប្តូរ​ទម្លាប់​ទ​ទួល​ទាន និង​របៀបរបប​រស់​នៅ ដើម្បី​ការពារ​សុខភាព និង​បង្ការ​ជំងឺលើសឈាម​។​

១-​បន្ថយ​អំបិលៈ
​កំហិត​បរិមាណ​អំបិល​ក្នុង​របប​ទទួលទាន ជួយ​ទប់ស្កាត់ និង​គ្រប់គ្រង​ស្ថានភាព​លើសឈាម​។ អង្គការ​សុខភាព​ពិភពលោក​(WHO) បានផ្តល់​ការ​ទូន្មាន​ថា មនុស្សពេញវ័យ គួរប្រើ​ប្រាស់ ក្រោម ២.០០០ មិ​ល្លី​ក្រាម សូ​ដ្យូ​ម ក្នុង​មួយថ្ងៃ​។ ក្រៅពីនេះ អ្នក​ក៏ត្រូវ​ប្រយ័ត្នប្រយែង​ជាមួយ​បរិមាណ​អំបិល​ក្នុង​អាហារ​កែច្នៃ​ស្រាប់​។​

២-​បង្កើន​បរិមាណ​ប៉ូ​តា​ស្យូ​មៈ​
​ប៉ូ​តា​ស្យូ​ម ជួយ​បញ្ចុះ​សម្ពាធ​ឈាម​, WHO បាន​ទូន្មាន​ថា គួរប្រើ​ប្រាស់ ៣៥១០ មិ​ល្លី​ក្រាម ប៉ូ​តា​ស្យូ​ម ក្នុង​មួយថ្ងៃ​។ អាហារ​ផ្ទុក​កាល់ស្យូម រួមមាន សណ្តែកដី​, សណ្តែក​, បន្លែ​ពួយ​ឡេង​, ស្ពៃក្តោប​, ចេក​,​ល្ហុង​។​

៣-​របប​ទទួលទាន​ត្រឹមត្រូវៈ​
​អ្នក​គួរ​ទទួលទាន​តិច​បំផុត ៥ ភាគ​នៃ​បន្លែ និង​ផ្លែឈើ ក្នុង​មួយថ្ងៃ ទន្ទឹម​នោះ កំហិត​អាហារ​កែច្នៃ​ស្រាប់​, អាហារ​មាន​ខ្លាញ់​ច្រើន​, អាហារ​ចៀន និង​មាន​អំបិល​ច្រើន​។ អាទិភាព​ផ្លែឈើ និង​បន្លែ ព្រោះ​វា​ពុំ​សូវ​មាន​សូ​ដ្យូ​ម និង​សម្បូរ​ប៉ូ​តា​ស្យូ​ម ជួយ​បន្ថយ​សម្ពាធ​ឈាម​។​

៤-​គ្រប់គ្រង​ទម្ងន់ៈ​
​ការ​លើស​ទម្ងន់ អាចធ្វើឱ្យ​កើន​ហានិភ័យ​ជំងឺលើសឈាម​។ ដូច្នេះ ចូរ​គ្រប់គ្រង និង​រក្សា​ទម្ងន់​ខ្លួន​ឱ្យបាន​សមរម្យ​។​

៥-​ហ្វឹកហាត់ៈ​
​ការប្រឈមមុខ​ជាមួយ​ស្ថានភាព​តានតឹង ឬ​ស្ត្រេ​ស អាចធ្វើឱ្យ​កើន​សម្ពាធ​ឈាម​បណ្តោះអាសន្ន​។ ចូរ​គេង​ឲ្យ​បាន​គ្រប់គ្រាន់​, ហាត់ប្រាណ​តិច​បំផុត ៣០​នាទី ក្នុង​មួយថ្ងៃ​, ហាត់​បច្ចេកទេស​ដកដង្ហើម​, សមាធិ ឬ Yoga ដើម្បី​បន្ថយ​ស្ត្រេ​ស និង រក្សា​កម្រិត​សម្ពាធ​ឈាម​ស្ថិរភាព​។​

៦-​ចៀសវាង​ទទួលទាន​ស្រា​ច្រើនៈ​
​ការ​ទទួលទាន​ភេសជ្ជៈ​មាន​អាល់កុល​ច្រើន អាចធ្វើឱ្យ​កើន​សម្ពាធ​ឈាម ពិសេស​គឺ​ចំពោះ​អ្នកទទួល​ទាន​ស្រា​ក្នុង​រយៈពេល​វែង​៕​

​បុរស​មជ្ឈិមវ័យ​លេង​បាល់ទាត់ មាន​ប្រយោជន៍​សម្រាប់​សម្ពាធ​ឈាម​

ក្រុម​អ្នកជំនាញការ​នៅ​មហាវិទ្យាល័យ Exeter និង​មន្ទីរពេទ្យ​មហាវិទ្យាល័យ Gentofte (​ដា​ណឺ​ម៉ាក​) ទើបនឹង ដំណើរការ​ស្រាវជ្រាវ​មួយ ហើយ​រកឃើញថា បុរស​វ័យ​កណ្តាល​លេង​បាល់ទាត់ មាន​ប្រយោជន៍​បំផុត​សម្រាប់​សុខភាព ពិសេស​គឺ​ឧត្តមភាព​ស្ថិរភាព​សម្ពាធ​ឈាម​ប្រៀប​នឹង​កីឡា​ដទៃទៀត​។​

​ការស្រាវជ្រាវ​ត្រូវបាន​អនុវត្តន៍​លើ​បុរស​៣៣​នាក់ មាន​អាយុ​ពី​៣៣-៥៤​ឆ្នាំ មាន​កម្រិត​សម្ពាធ​ឈាម​ល្មម ដោយ​ចែក​ជា​២​ក្រុម​។ មួយក្រុម​ចូលរួម​លេង​បាល់ទាត់ រយៈពេល​២​ម៉ោង និង​មួយ​ក្រុម​ទៀត ហ្វឹកហាត់​កីឡា​តាម​ដំបូន្មាន​របស់​វេជ្ជបណ្ឌិត និង​ទទួលទាន​អាហារ​តម​មាន​ប្រយោជន៍​សម្រាប់​សុខភាព​។​


​​៦​ខែក្រោយ គេ​សង្កេតឃើញថា ក្នុងចំណោម​បុរស​៤​នាក់ ក្នុង​ក្រុម​លេង​បាល់ទាត់​នោះ មាន​៣​នាក់ មាន​សម្ពាធ​ឈាម​នៅ​កម្រិត​ធម្មតា​។ ក្រុម​នេះ​ថយ​ចុះ​ដល់១០ mm Hg ក្នុង​ពេល​ក្រុម​ហ្វឹកហាត់​តាម​ដំបូន្មាន​វេជ្ជបណ្ឌិត​ជំនាញ ថយ​ចុះ​បាន​តែ ៥mm Hg ។ ពិសេស​ក្រុម​លេង​បាល់ទាត់​នោះ លទ្ធភាព​ទទួលយក​អុក​ស៊ីហ្សែ​ន​របស់​សរីរាង្គ​ល្អជាង ១០​ភាគរយ សរសៃ​បេះដូង​ថយចុះ ៨  ​ចង្វា​ក់ ក្នុង​១​នាទី ហើយ​បរិមាណ​ខ្លាញ់​សរីរាង្គ ថយ​ចុះ​បាន​ជា​មធ្យម​២​គីឡូក្រាម  ក្នុងពេល​ដែល​ក្រុម​មួយទៀត ពុំ​ទទួលបាន​ឧត្តមភាព​នេះ​៕​

ដើរចុះដើរឡើងប៉ុន្មាននាទីក្រោយអង្គុយកន្លះម៉ោងម្តងល្អជាងដើរជាប់៣០នាទី

​តាម​របាយការណ៍​១​ចុះផ្សាយ​លើ​ទស្សនា​វ​ដ្តី​ជីវជាតិ​របស់​អាមេរិក ពួក​អ្នកស្ម័គ្រចិត្ត​ដើរ​ចុះ​ដើរ​ឡើងជា​ប្រចាំ​នឹង​បន្ថយ​ការ​ប្រឈម​កើត​ជំងឺ​ទឹកនោមផ្អែម និង​ថែមទាំង​ល្អ​ជាង​ការដើរ​៣០​នាទី ។​
​កម្រិត​ស្ករ និង​អាំង​ស៊ុយ​លីន ក្នុង​ឈាម​ខ្ពស់​ជាស​ញ្ញា​ព្រមាន​ជំងឺ​ទឹកនោមផ្អែម​ប្រភេទ​២ គ្រោះថ្នាក់​ចំបង​១​ក្នុងចំណោម​គ្រោះថ្នាក់​បង្ក​ជា​ជំងឺ​សរសៃឈាម​បេះដូង និង​ស្ត្រូ​ក ។​
​អង្គការ​សម្បុ​រសធម៌​ខាង​ទឹកនោមផ្អែម​១ នៅ​អង់គ្លេស​បានបង្ហាញ​ថា តួលេខ​ថា ជាមួយនឹង​ល្បឿន​រីកចម្រើន​សព្វថ្ងៃ ចំនួន​អ្នក​កើត​ជំងឺ​ទឹកនោមផ្អែម​ប្រភេទ​២ នឹង​កើន​ពី ២,៥ លាន​នាក់ ឡើងដល់ ៤​លាន​នាក់​នៅ​ឆ្នាំ ២០២៥ ។ នេះ​ជា​ជំងឺ​ដែល​សរីរាង្គ​បាត់បង់​លទ្ធភាព​បំប្លែង​គ្លុយកូស ប្រភេទ​ស្ករ​មួយ​ត្រូវបាន​រំដោះ​ពេល​យើង​រំលាយ​អាហារ បន្ទាប់មក​បំប្លែង​ទៅជា​ប្រភព​ថាមពល​ប្រើប្រាស់​ដោយ​សាច់ដុំ ។ ចាប់ផ្តើម​ពី​ចរាចរ​ឈាម​ត្រូវ​រង​ឥទ្ធិពល បន្ទាប់ពីនោះ​សរសៃឈាម​នៅ​បណ្តា​ផ្នែក​ដូចជា​បេះដូង ជើង និង​ភ្នែក​អាច​ត្រូវរបួស​ធ្ងន់ធ្ងរ​ដល់ក​ម្រិ​ត​មិនអាច​សារ​ឡើងវិញ ។​
​ប្រសិន​មិនត្រូវ​បាន​ព្យាបាល ជំងឺ​ទឹកនោមផ្អែម​ប្រភេទ​២ អាច​នាំ​ដល់​ជំងឺ​បេះដូង ងងឹតភ្នែក និង​វះកាត់​ចោល ។ ធាត់ និង​មិនសូវ​ធ្វើ​ចលនា​ក៏​បង្កប់​នូវ​បញ្ហា​ធ្ងន់ធ្ងរ​ក្នុង​អនាគត ។​
​ប៉ុន្តែ​របកគំហើញ​ថ្មី​បំផុត របស់​ពួក​អ្នកស្រាវជ្រាវ​នៅ​សកលវិទ្យា​ល័យ Otago ញូ​វ​ហ្សេ​ឡេ​ន បានចង្អុលបង្ហាញ​ថា ដើរ​ចុះ​ដើរ​ឡើង​ប៉ុន្មាន​នាទី​អាចជា​អ្វីៗ​ចាំបាច់​ទាំងអស់ ដើម្បី​បន្ថយ​អប្បរ​មា​គ្រោះថ្នាក់​ខាងលើ ។ ការស្រាវជ្រាវ​ត្រូវបាន​អនុវត្ត​លើ​មនុស្ស​ធំ​៧០​នាក់ ដែលមាន​សុខភាព​ល្អ ហើយ​ទាំងអស់គ្នា​សុទ្ធតែ​អង្គុយ​៩​ម៉ោង ត្រូវបាន​វាស់​កម្រិត​គ្លុយកូស និង​អាំង​ស៊ុយ​លីន​ក្រោយពេល​ទទួលទាន​ម្តងៗ (១​ម៉ោង ៤​ម៉ោង និង​៧​ម៉ោង​) ។ បន្ទាប់ពីនោះ​ពួក​អ្នកស្ម័គ្រចិត្ត ត្រូវបាន​សំណូមពរ ដើរ​លឿនៗ​កន្លះ​ម៉ោង​មុនពេល​អង្គុយ​ជាប់​៩​ម៉ោង ។ ចុងក្រោយ ពួកគេ​អង្គុយ​៩​ម៉ោង តែ​ក្រោយ​កន្លះ​ម៉ោង​ម្តង នឹង​ងើប​ដើរ​ចុះ​ដើរ​ឡើង​ក្នុង​បន្ទប់​១​នាទី ៤០​វិនាទី ។​
​ដូច្នេះ ដើរ​ចុះឡើង​រយៈពេល​ខ្លី​ក្រោយ​កន្លះ​ម៉ោង​ម្តង ដូចជា​ទៅយក​ពែង​កាហ្វេ អាចធ្វើ​ឲ្យ​ថយចុះ​គ្រោះថ្នាក់​កើត​ជំងឺ​ទឹកនោមផ្អែម​សម្រាប់​បុគ្គលិក​ការិយាល័យ​រាប់លាន​នាក់ ។​
​មុន​នោះ ការស្រាវជ្រាវ​ឆ្នាំ ២០១១ ក៏​បង្ហាញថា បុគ្គលិក​ការិយាល័យ​សម្រាក​ខ្លីៗ​ច្រើន​មាន​បរិមាណ​កូ​ឡេ​ស្តេ​រ៉ូ​ល​ល្អ​ជាង​អ្នក​អង្គុយ​ជាប់​នៅ​តុ ។​
​ក្នុង​របាយការណ៍​១​អំពី​គំហើញ​ថ្មី​បំផុត​របស់​ពួក​អ្នកស្រាវជ្រាវ​មាន​សរសេរថា "​ធ្វើ​ចលនា​នៅ​ម៉ោង​សម្រាក​ជាប្រចាំ​និង​បន្ថយ​បរិមាណ​ស្ករ ក្នុង​ឈាម និង​អាំង​ស៊ុយ​លីន​ប្រសិទ្ធភាព​ជាង ធ្វើ​សកម្មភាព​រាងកាយ​ជាប់​រហូត តែ​ម្តងគត់​" ៕​M

9 ប្រការធ្វើឲ្យអ្នកចាស់មុនអាយុ

១​ម៉ោង​មើល​ទូរទស្សន៍​កាត់បន្ថយ​អាយុ​របស់​អ្នក ២២​នាទី, ហាត់ប្រាណ​តិចពេក ច្រើនពេក សុទ្ធតែ​ធ្វើ​ឲ្យ​អ្នក​ឆាប់​ចាស់ ឬ​ផឹកទឹក​តាម​បំពង់​បឺត នឹងធ្វើ​ឲ្យមាន​ស្នាម​ជ្រួញ​លើ​មុខ​ច្រើន... ។​
​ភាពចំណាស់​ដំណើរការ​លឿន ឬ​យឺត​អាស្រ័យ​ទៅតាម​កត្តា​ផ្សេងៗ​គ្នា ។​
១.​មើល​ទូរទស្សន៍
​ការស្រាវជ្រាវ​មួយ ​របស់​ពួក​អ្នកវិទ្យាសាស្ត្រ​នៅ​សកល​វិទ្យាល័យ Queensland (​អូស្ត្រាលី​) បង្ហាញថា ១​ម៉ោង​មើល​ទូរទស្សន៍​នឹង​បំ​ព្រួញ​ជីវិត​របស់​អ្នក​២២​នាទី ។ ទូរទស្សន៍​ពុំ​ត្រឹមតែ​ធ្វើ​ឲ្យ​អាក្រក់​រង្វង់​ចង្កេះ​ប៉ុណ្ណោះ​ទេ វា​នៅ​បំ​ព្រួញ​អាយុ​របស់​អ្នក និង​ធ្វើ​ឲ្យ​កើន​ហានិភ័យ​កើត​ជំងឺ Alzheimer ។​
២.​ទទួលទាន​ទឹក​ដោយ​ប្រើ​បំពង់​បឺត​
​យើង​តែង​គិតថា ភេសជ្ជៈ​ដែលបញ្ចូល​ក្នុង​ខ្លួន នឹង​ជះឥទ្ធិពល​ដល់​សុខភាព ​ដោយ​មិន​ស្មានថា វិធី​ទទួលទាន​ក៏​ជា​មូលហេតុ​ជះឥទ្ធិពល​ដល់​ភាពចំណាស់​នោះទេ។ជាក់ស្តែង​ ការប្រើ​បំពង់​បឺត នឹងធ្វើ​ឲ្យ​កើន​ភាពចំណាស់​ដោយសារ​វា​ធ្វើ​ឲ្យ​ស្នាម​ជ្រួញ​កកើត​ជុំវិញ​មាត់ ដូច​អ្នក​ជក់បារីអញ្ចឹង ។ ពួក​អ្នកជំនាញការ​ទូន្មានថា ​ចូរ​ទទួលទាន​ផ្ទាល់​ដោយ​មិន​បាច់ប្រើ​បំពង់​បឺត ។​
៣.​ហាត់ប្រាណ​តិចពេក ឬ​ច្រើនពេក
​យើងមិនអាច​រៀបរាប់​អស់ពី​ផលប្រយោជន៍​នៃ​ការហាត់​ប្រាណទេ ។ ដោយសារ​វា​ ទើប​អ្នកមាន​អារម្មណ៍​ថា ខ្លួន​នៅ​ក្មេង ពោរពេញ​ដោយ​ថាមពល ភ្លឺស្វាង​ត្រូវបាន​ការពារ​ផុត​ជំងឺ Alzheimer ។ ជាងនេះទៀត​បរិមាណ​ឈាម​ទៅដល់​ស្បែក​ច្រើន ធ្វើ​ឲ្យ​ស្បែក​ភ្លឺ​ថ្លា ពេល​មិន​ហាត់ប្រាណ​ឬ​ហាត់​ឈប់​កណ្តាល​ទី​នឹង​បំ​ព្រួញ​ជីវិត​របស់​អ្នក ធ្វើ​ឲ្យ​កើន​គ្រោះថ្នាក់​ត្រូវ​ធាត់ បេះដូង​... ។ ប៉ុន្តែ​ហាត់ប្រាណ​ច្រើនពេក​នឹងធ្វើ​ឲ្យ​រឹង​សន្លាក់ បង្កើន​ហានិភ័យ​រលាក​សន្លាក់ ហើយក៏​ធ្វើ​ឲ្យ​អ្នក​ឈានទៅរក​ភាពចំណាស់​លឿន​ជាងធម្មតា ។​
៤.​ស្ករ​
​ទទួលទាន​ស្ករ​ច្រើនពេក​នឹងធ្វើ​ឲ្យ​កើន​ខ្លាញ់​ពោះ ។ បន្ថែម​លើ​នោះ​ ស្ករ​រួមជាមួយ​ពន្លឺព្រះអាទិត្យ និងការ​ជក់បារី​ជា​មូលហេតុ​សំខាន់​៣​នាំ​ដល់​ស្នាម​ជ្រីវជ្រួញ ។ ពេល​កម្រិត​ស្ករ​ក្នុង​ឈាម​ខ្ពស់ នឹង​បង្ក​ឲ្យ Collagen ក្រោម​ស្បែកដាច់​បាត់ ។ ពេល​ដាច់​បាត់ទៅ ភាពយឺត​យារ របស់ Collagen ក្លាយជារឹង​ បណ្តាល​ឲ្យ​ស្បែក​មាន​ស្នាម​ជ្រួញ និង​យារ​ធ្លាក់ ។​
៥.​ពាក់​កាស​ត្រចៀក​
​ការស្រាវជ្រាវ​មួយ​បានចង្អុលបង្ហាញ​ថា ប្រើ​កាស​ត្រចៀក​ក្នុង​១​ម៉ោង ​អាច​ជះឥទ្ធិពល​បណ្តោះអាសន្ន​ដល់​សោតវិញ្ញាណ​អ្នក​ស្តាប់ ។ ការស្រាវជ្រាវ​មួយ​ផ្សេងទៀត​បង្ហាញថា ជាមួយនឹង​បិ​រ​មាណ​សំឡេង​ខ្ពស់បំផុត​វាអាចធ្វើឲ្យ​សោតវិញ្ញាណ​ធ្លាក់ទៅក្នុង​គ្រោះថ្នាក់​របួស​ជា​ស្ថាពរ ។​
៦.​ការងារ​
​ការងារ​គឺ​ចាំបាច់​សម្រាប់​យើងទាំងអស់គ្នា ប៉ុន្តែ​ការចំណាយ​ពេលវេលា និង​កម្លាំង​ច្រើនពេក​ដើម្បី​វា នឹងធ្វើ​ឲ្យ​យើង​ឆាប់​ចាស់​ ។ ការស្រាវជ្រាវ​ទាំងឡាយ​បាន​បញ្ជាក់ថា ស្ត្រេ​ស​ក្នុង​ការងារ​អាចធ្វើ​ឲ្យ​កើន​ហានិភ័យ​ជំងឺ​បេះដូង បង្កើនល្បឿន​ចំណាស់​កោសិកា ។ ប្រើពេល​វេលា​ច្រើន​សម្រាប់​ការងារ មានន័យ​ដូចគ្នា​នឹង​ការថយចុះ​ពេលវេលា​ហាត់ប្រាណ ទទួលទាន សម្រាកកាយ ។​
៧.​សាប៊ូ
​យើង​គិតថា សាប៊ូ​ចាំបាច់​សម្រាប់​ស្បែក តែ​ជាក់ស្តែង​ពុំមែន​ដូច្នេះ​ឡើយ ។ ស្បែក​ត្រូវការ​ស្រទាប់​សំបក​អាស៊ីត​១ ដើម្បី​ធ្វើ​របង​ការពារ​ធម្មជាតិ ពេល​លាង​ដោយ​សាប៊ូ​មាន​​អាល់​កា​ឡាំង អាច​កម្ចាត់​បាត់​ស្រទាប់​ការពារ​នេះ បណ្តាល​ឲ្យ​មាន​ស្នាម​ជ្រីវជ្រួញ ។ អ្នកជំនាញការ​ទូន្មាន​គួរ​រក​ប្រភេទ​សាប៊ូ​មាន​កម្រិត PH ល្មម ។​
៨.​ខ្នើយ​សំឡី​
​ប្រសិន​ពេល​គេង ​អ្នក​គេង​ផ្អៀង​តែ​ម្យ៉ាង​នោះ ​ផ្ទៃមុខ​របស់​អ្នកនឹង​ត្រូវ​កៀប ហើយ​ខ្នើយ​សំឡី​អាច​បង្ក​ស្នាម​ជ្រួញ​លើ​ស្បែក ។ ដើម្បី​បញ្ចៀស​ចំណាស់​លឿន​ ចូរ​ប្តូរ​មក​គេង​ផ្ងារ ឬ​ប្រើ​ខ្នើយ​ព្រែ Satin អាច​បន្ថយ​ស្នាម​ជ្រួញ និង​រក្សា​កម្រិត​សំណើម​ឲ្យ​ស្បែក ។​
៩.​របប​ទទួលទាន​ពុំ​សូវ​មាន​ជាតិ​ខ្លាញ់​
​មនុស្ស​ជាច្រើន​តម​ទទួលទាន​ខ្លាញ់​ដើម្បី​បញ្ចុះទម្ងន់ ដោយ​មិនដឹងថា ខ្វះ​ជាតិ​ខ្លាញ់​ដូចជា Omega 3 អាចជះ​ឥទ្ធិពល​ដល់​ល្បឿន​ចំណាស់​នោះទេ ។ Omega 3 មាន​ច្រើន​ក្នុង​ប្រេង​ត្រី គ្រាប់​អាល់​ម៉ុ​ន​... ចាំបាច់​សម្រាប់​យើង និង​ជួយ​ឲ្យ​យើង​នៅ​ក្មេង​បានយូរ ។ វា​ពុំ​ត្រឹមតែ​រក្សា​ឲ្យ​ស្បែក​តឹង​រលោង ពុំ​សូវ​ជ្រីវជ្រួញនោះទេ តែវានៅបង្កើន​សុខភាព​ឲ្យ​ខួរក្បាល បេះដូង និងបង្កើន​អាយុ​ឲ្យ​អ្នកថែមទៀត ៕f/M

ការពារ​ធ្មេញ​ដើម្បី​បង្ការ​ជំងឺ​បេះដូង​

ការស្រាវជ្រាវ​មួយ​នៅ​អាមេរិក​បង្ហាញថា បាក់តេរី​បង្ក​ជា​ជំងឺ​អញ្ចាញធ្មេញ​ក៏​ធ្វើឲ្យ​កើន​ជំងឺ​បេះដូង ។​
ពួក​អ្នកវិទ្យាសាស្ត្រ​នៅ​សកល​វិទ្យាល័យ​ផ្លរីដា (​អាមេរិក​) បាន​ពិសោធន៍​លើ​សត្វ​កណ្តុរ​ដោយ​ឲ្យ​វា​ឆ្លង​បាក់តេរី​បង្ក​ជំងឺ​អញ្ចាញធ្មេញ​៤​ប្រភេទ​គឺ Porphyromonas gingivalis , Treponema desticola , Tannerella forsythia និង Fusobacterium nucleatum ។ ក្រោយ ៦​ខែ​តាមដាន​ដំណើរការ​រាលដាល​របស់​បាក់តេរី​នេះ គេ​សង្កេតឃើញ​បាក់តេរី​ពី​មាត់​ទៅ​ដល់​បេះដូង និង​សរសៃឈាម​មេ ។ រឿង​នេះ​ធ្វើឲ្យ​កើន​បរិមាណ​កូ​ឡេ​ស្តេ​រ៉ូល​រួមជាមួយ​នឹង​ជំងឺរលាក​នៅ​កណ្តុរ ហើយ​វា​ជា​កត្តា​ធ្វើឲ្យ​កើន​ហានិភ័យ​កើត​ជំងឺ​សរសៃឈាម​បេះដូង ។ តាម​ពួក​អ្នកវិទ្យាសាស្ត្រ , ថែទាំ​មាត់​ធ្មេញ​ស្អាតបាត​នឹង​ជួយ​បង្ការ​ជំងឺ​សរសៃឈាម​បេះដូង ៕M/T/L​

មើល​ភ្នែក ​អាច​ដឹង​ពី​ជំងឺ

បណ្តា​រោគសញ្ញា​អំពី​ភ្នែក​ទូទៅ នឹង​ទម្លាយ​ប្រាប់​ពី​សុខភាព​របស់​អ្នក ក្រោម​ក្រសែភ្នែក​របស់​អ្នកជំនាញការ​ខាង​ភ្នែក​។ នេះ​បើ​យោងតាម​ទស្សនា​វ​ដ្តី Mirror ដែល​បានចេញ​ផ្សាយ​កាលពី​ខែកក្កដា​ឆ្នាំ​២០១៣ ។​

​វេជ្ជបណ្ឌិត​ចក្ខុ​សាស្ត្រ  នៅ Andy Hepworth ធ្វើការ​នៅ​សមាគម​ភ្នែក (​អង់គ្លេស​) បាន​មានប្រសាសន៍ថា  "​ភ្នែក​ជា​បង្អួច​ចូល​សរីរាង្គ​, វា​ផ្តល់នូវ​ការព្រមាន​មុន​សម្រាប់​ជំងឺ​ជាច្រើន គំរាមកំហែង​ដល់​អាយុជីវិត​"  ។​

​ខាងក្រោម​នេះ ជា​រោគសញ្ញា​ភ្នែក​មួយចំនួន តែង​ត្រូវបាន​រកឃើញ ដោយ​អ្នកជំនាញការ​ចក្ខុ​សាស្ត្រ និង​ទម្លាយ​ប្រាប់​អំពី​សុខភាព (​អាច​) របស់​អ្នក​។​

* ភ្នែក​ក្រហម​៖ លើសឈាម
​ពេល​វេជ្ជបណ្ឌិត​ផ្នែក​ភ្នែក បញ្ចាំង​ពន្លឺ​ទៅក្នុង​ភ្នែក​របស់​អ្នក គេ​នឹង​ឃើញ​សរសៃឈាម​តូចៗ​ក្នុង​ស្បែក ស្រោប​គ្រាប់ភ្នែក​។ លើសឈាម អាចធ្វើឱ្យ​សរសៃឈាម លេចឡើង​របួស ឬ​ថែមទាំង​ធ្វើឱ្យ​ភ្នែកមាន​ពណ៌​ក្រហម​។​
​តាម​ស្ថិតិ បង្ហាញថា  ១,៤ នៃ​មនុស្ស​ធំ ត្រូវ​លើសឈាម​មិនដឹងថា​ខ្លួន​មាន​ជំងឺ​។

•* តំណក់​តូច​ពណ៌​លឿង ក្នុង​ស្បែក​ស្រោប​ភ្នែក​៖ ជំងឺ​ទឹកនោមផ្អែម
​តំណក់​តូច​ពណ៌​លឿង ក្នុង​ស្បែក​ស្រោប​ភ្នែក ជា​សញ្ញា​របស់​ជំងឺ​ទឹកនោមផ្អែម ប្រភេទ​២​។ វិនិច្ឆ័យ​ឆាប់​ជំងឺ ដើម្បី​បញ្ចៀស​ការវិវត្តន៍​ប្រែប្រួល​ធ្ងន់ធ្ងរ​។​

•* រង្វង់​ពណ៌ ស ជុំវិញ​ប្រ​ស្រី​ភ្នែក ៖ កូ​ឡេ​ស្តេ​រ៉ូ​ល​ខ្ពស់
​រង្វង់ ស ជុំវិញ​ប្រ​ស្រី​ភ្នែក ឬ​ចំណុច​ស្រអាប់ ស ជុំវិញ​ត្របកភ្នែក ជា​សញ្ញា​របស់​កម្រិត​កូ​ឡេ​ស្តេ​រ៉ូ​ល​ខ្ពស់​។ ការស្រាវជ្រាវ បាន​បង្ហាញថា អ្នកមាន​រោគសញ្ញា​នេះ មានការ​ប្រឈម​ខ្ពស់​កើត​ជំងឺ​បេះដូង​។​

* ត្របកភ្នែក​ខាងក្នុង​ស្លេកស្លាំង​៖ ខ្វះ​ឈាម​
​ប្រសិន​ផ្នែក​ខាងក្នុង​របស់​ត្របកភ្នែក ស្លេកស្លាំង ពេល​ទាញ​ចុះ អ្នក​អាច​ត្រូវ​ខ្វះ​ឈាម​។ ជំងឺ​ខ្វះ​ឈាម អាច​ត្រូវ បាន​ព្យាបាល​ដោយ​វិធី​បំពេញបន្ថែម​ជាតិ​ដែក ។​

* •​ភ្នែក​លៀនៈ មាន​បញ្ហា​ក្រ​ពេញទី​រ៉ូ​អ៊ី​ដ
​ភ្នែក​លៀន អាច​ដោយសារ​តំណពូជ​, តែ​ក៏​អាចជា​ភស្តុតាង​របស់​ក្រពេញ​ប្រូ​ស្តា​ត ធ្វើ​សកម្មភាព​ហួស​កម្រិត​។ កម្រិត​ខុស​ប្រក្រតី​របស់​អ័រម៉ូន ក្រ​ពេញទី​រ៉ូ​អ៊ី​ដ ធ្វើឱ្យ​ជាលិកា​ជុំវិញ​ភ្នែក​ហើម​ឡើង​។​

* ភ្នែក​លឿង​៖  ជំងឺថ្លើម
​រលាក​ថ្លើម និង​ក្រិន​ថ្លើម អាចធ្វើឱ្យ​ផ្នែក ស ក្នុង​ភ្នែក​ប្រែជា​ពណ៌​លឿង​៕

ផ្ញើ​សារ​ច្រើន​អាច​ឆាប់​ស្លាប់​

​ផ្ញើ​សារ​ច្រើន​អាច​នាំ​ដល់​ហានិភ័យ​កើត​ជំងឺ​សរសៃឈាម​បេះដូង និង​សួត , ផ្តើម​ពី​នោះ​ធ្វើ​ឲ្យ​កើន​ហានិភ័យ​បាត់បង់​ជីវិត​ពេល​ចាស់ ។​
​ការស្រាវជ្រាវ​មួយ​ថ្មីៗ​នេះ​នៅ​អង់គ្លេស​បានបង្ហាញ​ថា អ្នក​ផ្ញើ​សារ​ច្រើន​មានការ​ប្រឈម​ឆាប់​ស្លាប់​ជាង ។ តាមរយៈ​នោះ ពួក​ជំនាញការ​នៅ​សមាគម​ព្យាបាល​ជំងឺ​ដោយ​ពត់​សន្លាក់ឆ្អឹង របស់​អង់គ្លេស (UCA) ចាត់ទុកថា កាយវិការ​ពត់​កោង​បត់​ខ្លួន ពេល​ប្រើប្រាស់​ទូរស័ព្ទ ឬ laptop អាច​នាំ​ដល់​បញ្ហា​ច្រើន​ដូចជា​ធាត់ , ដំណក​ដង្ហើម , ជំងឺ​សរសៃឈាម​បេះដូង និង​ហានិភ័យ​បាត់​បង់ជីវិត​ខ្ពស់ជាង​ទៅ​ថ្ងៃមុខ ។​

​​នេះ​ពុំមែន​ជា​បញ្ហា​តែ​ចំពោះ​អ្នក​ឧស្សាហ៍​ផ្ញើ​សារ​ទេ តែ​នៅជាប​ញ្ហា​របស់​ការ​អង្គុយ​នៅ​ស្ថានភាព​មិនល្អ​ពេល ៖ "​មើល​អ៊ិន​ធឺ​ណេ​ត​" ឬ​លេង​ហ្គេម ។ ស្រាល​នោះ​បណ្តាល​ឲ្យ​មាន​ជំងឺ​វៀច​ឆ្អឹងខ្នង ចំណែក​ធ្ងន់​នោះ​អម​ជាមួយ​ជំងឺ​ពាក់ព័ន្ធ​ដល់​សួត និង​សរសៃឈាម​បេះដូង ។ ពិសេស​ជាង​នេះ ពេល​ចាស់​ទៅ​ទើប​ឥទ្ធិពល​អសកម្ម​ទាំងនេះ​បង្ហាញ​ច្បាស់​ចំពោះ​សរីរាង្គ​របស់​មនុស្ស ។​
​លទ្ធផល​នេះ​ជាថ្មី​ម្តងទៀត បង្ហាញ​ពី​គ្រោះថ្នាក់​ដល់​សុខភាព​ចំពោះ​អ្នក​ប្រើ laptop និង Smartphone ។ ដូច្នេះ​ប្រសិន​ប្រើប្រាស់​ឧបករណ៍​ទាំងនេះ​ជាប្រចាំ​ដើម្បី​ផ្ញើ​សារ លេង​ហ្គេម ឬ​មើល​អ៊ិន​ធឺ​ណេ​ត , អ្នក​ត្រូវ​ស្វែងយល់​ល្អិតល្អន់​កាយវិការ​ប្រើប្រាស់ ដើម្បី​បញ្ចៀស​ផលវិបាក​ទៅ​ថ្ងៃក្រោយ ៕M/T/L​

​ជំងឺ​អាល់​លែរ​ហ្ស៊ី​ច្រមុះ ព្យាបាល​បែបណា​?

អ្នក​ដែល​កណ្តាស​ញឹកញាប់ ថែមទាំង​មាន​អាកា​រៈ​តឹង​ច្រមុះ​រួម​ផង ប្រយ័ត្ន​កើត​ជំងឺ​អាល់​លែរ​ហ្ស៊ី​ច្រមុះ ជាពិសេស​ក្នុងពេល​ដែលមាន​អាកាសធាតុ​ប្រែប្រួល​ញឹកញាប់​។​
​អ្នកជំនាញ​ផ្នែក​ប្រព័ន្ធ​ផ្លូវដង្ហើម បាន​ឲ្យ​ដឹងថា ជំងឺ​អាល់​លែរ​ហ្ស៊ី​ច្រមុះ (Allergic Rhinitis) ឬ​អាល់​លែរ​ហ្ស៊ី​អាកាសធាតុ អាច​កើត​លើ​មនុស្ស​គ្រប់​វ័យ ប៉ុន្តែ ៨០% កើត​លើ​ក្មេង​ជំទង់​អាយុ​ក្រោម​២០​ឆ្នាំ​។ ជំងឺ​អាល់​លែរ​ហ្ស៊ី​ច្រមុះ មាន​អាកា​រៈ​រ៉ាំរ៉ៃ បង្ក​ការរំខាន​ដល់​អ្នកជំងឺ និង​អាច​កើត​ជំងឺ​ជ្រៀតជ្រែក​ផ្សេងៗ​បាន ដូចជា រលាក​ច្រមុះ និង​រលៀក​ត្រចៀក ផ្នែក​កណ្តាល​ជាដើម​។​

អ្នកជំងឺ​អាល់​លែរ​ហ្ស៊ី​ច្រមុះ អាចមាន​ប្រតិកម្ម​តប​រហ័ស​ជ្រុល​ចំពោះ​សារធាតុ​បង្ក​អាល់​លែរ​ហ្ស៊ី ពេល​មាន​សារធាតុ​បង្ក​អាល់​លែរ​ហ្ស៊ី ចូលក្នុង​រាងកាយ សារធាតុ​អ៊ី​ម្ញូ​ណូ​-​ក្លូ​ប៊ូ​លីន អ៊ី (Immunoglobulin E ឬ IgE) ដែល​ត្រូវ​បង្កើតឡើង នឹង​ចូលធ្វើ​ប្រតិកម្ម​ជាមួយ​សារធាតុ​បង្ក​អាល់​លែរ​ហ្ស៊ី ពេលដែល​ដកដង្ហើម​ចូល​ទៅ ជាហេតុ​ធ្វើ​ឲ្យ​កោសិកា​មួយចំនួន​ក្នុង​ច្រមុះ មានការ​បែកខ្ញែក និង​បញ្ចេញ​សារធាតុ​គីមី ធ្វើ​ឲ្យ​កើត​អាកា​រៈរ​លាក និង​មាន​អាកា​រៈ​ផ្សេងៗ​របស់​ជំងឺ​។
​អាកា​រៈរ​បស់​អ្នកជំងឺ​អាល់​លែរ​ហ្ស៊ី​ច្រមុះ មានដូចជា​តឹង​ច្រមុះ ហៀរ​សំបោរ កណ្តាស​ញឹកញាប់ និង​មាន​ស្លេស្ម​ហូរ​ចូលក្នុង​ក ដោយ​អាកា​រៈទាំង​នេះ អាច​កើត​បាត់ៗ ពេញ​មួយឆ្នាំ ឬ​តាម​រដូវ​កាល​ខ្លះ​។ ជាពិសេស រដូវភ្លៀង ឬ​រដូវរងារ ហើយ​ករណីខ្លះ អាចមាន​អាកា​រៈ​ផ្សេងៗ​រួមជាមួយ ដូចជា រមាស់​ភ្នែក ហើម​ភ្នែក ហូរ​ទឹកភ្នែក ដែល​កើត​ពី​ការ​រលាក​របស់​ជាលិកា​ខាងក្នុង​ភ្នែក ហៅថា Allergic Cojunctivitis​។ អ្នកជំងឺ​ភាគច្រើន​តែងមាន​អាកា​រៈ​តែ​ក្នុងពេល​ជាក់លាក់ ដូចជា​ពេលព្រឹក ឬ​ពេលយប់ ប្រមាណ​ពី ១-២​ម៉ោង ក្នុង​១​ថ្ងៃ​។

​ជំងឺ​អាល់​លែរ​ហ្ស៊ី​ច្រមុះ ខុសពី​ផ្តាសាយ​ត្រង់​ថា វា​មាន​អាកា​រៈ​រ៉ាំរ៉ៃ ឈឺ​ជាៗ ប៉ុន្តែ​អាកា​រៈ​លេចធ្លោ គឺមាន​ទឹកសំបោរ​ថ្លា កណ្តាស់ និង​តឹង​ច្រមុះ រមាស់​ច្រមុះ ពេលខ្លះ​មាន​អាកា​រៈរ​មាស់​ខ្លួន ដោយ​ច្រើនតែ​មិនមាន​អាកា​រៈ​ក្តៅខ្លួន​ទេ និង​អាចមាន​អាកា​រៈ​ក្អក​រ៉ាំរ៉ៃ​ផងដែរ ដោយសារ​មាន​ស្លេស្ម​ហូរ​ចូលក្នុង​ក ធ្វើ​ឲ្យ​រមាស់​ក ប៉ុន្តែ​ប្រសិនបើ​មាន​អាកា​រៈ​គ្រុនក្តៅ ឈឺ​-​ក ឈឺ​ចុកចាប់ តាម​រាងកាយ​រួម​ផង​នោះ វា​អាចជា​ផ្តាសាយ​ច្រើនជាង​។ ក្រៅពីនេះ អ្នកជំងឺ​អាល់​លែរ​ហ្ស៊ី​ច្រមុះ ច្រើន​តែមាន​សមាជិក​ក្នុង​គ្រួសារ ដែលមាន​ប្រវត្តិ​កើត​ជំងឺ​ក្រុម​អាល់​លែរ​ហ្ស៊ី​ផងដែរ ដូចជា​ជំងឺហឺត អាល់​លែរ​ហ្ស៊ី​អា