​ស្ត្រី​ផឹក​កាហ្វេ​នឹង​ថយ​ចុះ​គ្រោះថ្នាក់​ទឹកនោម​ផ្អែម​

​ស្ត្រី​ដែល​ផឹក​កាហ្វេ​៤​ពែង​ក្នុង​មួយ​ថ្ងៃ​ បាន​មាន​កម្រិត SHBG ខ្ពស់ជាង ហើយ​គ្រោះ ថ្នាក់​កើត​ជំងឺ​ទឹកនោម​ផ្អែម​ថយចុះ​៥៦​ភាគរយ​ប្រៀប​នឹង​អ្នក​មិន​ផឹកកាហ្វេ ។​ ​ផឹក​កាហ្វេ​៤​ពែង​ក្នុង​មួយថ្ងៃអាច​បន្ថយ​ពាក់កណ្តាល​គ្រោះថ្នាក់​កើត ជំងឺ​ទឹកនោម​ផ្អែម​នៅ​ស្ត្រី ។ នេះ​ជា​ការសន្និដ្ឋាន​របស់​អ្នកជំនាញការ​ជាច្រើន​។​
ទំនាក់ទំនង​រវាង​កាហ្វេ និង​ការថយចុះ​គ្រោះថ្នាក់​កើត​ជំងឺ​ទឹកនោម​ផ្អែម តាំងពី​យូរ​មក​ហើយ ត្រូវបាន​ពួក​អ្នកវិទ្យាសាស្ត្រ​ស្រាវជ្រាវ​និង​អះអាង ។ ការស្រាវជ្រាវ​មួយ​នៅ​ឆ្នាំ​២០០៤ ត្រូវបាន​ប្រកាស​ក្នុង​ទស្សនា​វ​ដ្តី Diabetes បាន​និយាយ​ដល់​ថា កាហ្វេ​អ៊ី​ន​គឺ​មិន​គ្រោះថ្នាក់​សម្រាប់​អ្នកជំងឺ​ទឹកនោមផ្អែម ព្រោះ​វា​ទប់ស្កាត់​ការ​បំបែក​បំផ្លាញ​គ្លុយកូស ។ ឆ្នាំ​២០០៦ ការស្រាវជ្រាវចំពោះ​ស្ត្រី​២៨.៨១២​នាក់​បាន​បង្ហាញថា ស្ត្រី​ដែល​ផឹក​កាហ្វេ​៦​ពែង​ក្នុង​មួយថ្ងៃមាន​គ្រោះថ្នាក់​កើត​ជំងឺ​ទឹកនោម ​ផ្អែម​ទាប​ជាង​២២​ភាគរយ​ប្រៀប​នឹង​អ្នក​មិន ផឹក​កាហ្វេ ។​
​ក្នុង​ការស្រាវជ្រាវ​មួយ​បង្ហាញថា កាហ្វេ​ធ្វើឱ្យ​កើន​កម្រិត​អ័រម៉ូន​ផ្លូវភេទ globulin ចង​ភ្ជាប់​ក្នុង​ឈាម​(​អ័រម៉ូន​ចង​ភ្ជាប់​ទំនាក់ទំនង​ផ្លូវភេទ globulin/SHBG) ។ កម្រិត​ខ្ពស់​របស់ SHBG ត្រូវបាន​ដឹង​ថា​នឹង​ធ្វើឱ្យ​ថយ​ចុះ​គ្រោះថ្នាក់របស់​ជំងឺ​ទឹកនោម​ផ្អែម ។​
​ការស្រាវជ្រាវ​របស់​អ្នក​ស្រាវជ្រាវ​មួយ​ក្រុម​ពី​មហាវិទ្យាល័យ​ កាលីហ្វ័រញ៉ា​, ឡូសអេនចឺឡេស និង​ប្រៀបធៀប​ប្រវត្តិ​ជំងឺ​និង​ទម្លាប់​ផឹក​កាហ្វេ​របស់​ស្ត្រី ៣៥៩​នាក់ មាន​ជំងឺ​ទឹកនោម​ផ្អែម និង​៣៥៩​នាក់​គ្មាន​ជំងឺ​ក្នុង​រយៈពេល​១០​ឆ្នាំ ។ លទ្ធផល​គឺ​ស្ត្រី​ផឹក​កាហ្វេ​៤​ពែ​ងក្នុង​មួយ​ថ្ងៃ​មាន​កម្រិត SHBG ខ្ពស់ជាង ហើយ​គ្រោះថ្នាក់​ត្រូវ​កើត​ទឹកនោម​ផ្អែម​ថយចុះ​៥៦​ភាគរយ​ប្រៀប​នឹង​អ្នក​មិន ​ផឹកកាហ្វេ ។​
ប៉ុន្តែ មិន​ត្រូវ​ផឹក​កាហ្វេ​ច្រើន​ជ្រុល ព្រោះ​នៅ​ទន្ទឹម​នឹង​មាន​ឥទ្ធិពលរារាំង​ជំងឺ​ទឹកនោម​ផ្អែម​នោះ កាហ្វេ​ក៏​អាច​បង្ក​នូវ​ឥទ្ធិពល​បន្ទាប់បន្សំ​ផ្សេងៗ​។ គួរ​ផឹក​តែ​ក្នុង​បរិមាណ​អនុញ្ញាត ។ ដើម្បី​ឱ្យ​នឹងនរ​ចិត្តចូរ​សួរ​យោបល់​វេជ្ជបណ្ឌិត​ក្រោយពេល​ពិនិត្យ​សុខភាព​ ទូទៅ​រួច ៕
​    ​

​ˆ ស្ត្រី​ឈឺ​មួយ​ចំហៀង​ក្បាល ងាយ​កើត​ជំងឺ​បេះដូង​

ពួក​អ្នកវិទ្យាសាស្ត្រ​អាមេរិក បានឱ្យដឹងថា ស្ត្រី​ដែល​ឈឺ​មួយ​ចំហៀង​ក្បាល អម​ជាមួយ​អាការៈច្របូកច្រ បល់​ចក្ខុវិញ្ញាណ មានការ​ប្រឈម​ខ្ពស់​កើត​ជំងឺ​បេះដូង​។​

​ពួក​អ្នក​ស្រាវជ្រាវ បាន​សិក្សា និង​បាន​អង្កេត​លើ​ស្ត្រី​ជិត ២៨.០០០​នាក់ (​ក្នុងនោះ​មាន​ជិត ១.៥០០​នាក់ កើត​ជំងឺ​ឈឺ​មួយ​ចំហៀង​ក្បាល និង​ត្រូវ​ច្របូកច្របល់​ចក្ខុវិញ្ញាណ​)​។ លទ្ធផល​មាន ១.០៣០ ករណី កើត​ជំងឺ​បេះដូង ( ស្ត្រូក ឬ​បាត់បង់​ជីវិត​ដោយសារ​ជំងឺ​សរសៃឈាម​បេះដូង​)​។​

​លោក  Tobias Kurth ប្រធាន​ក្រុម​ស្រាវជ្រាវ បានឱ្យដឹងថា អា​ការៈឈឺ​មួយ​ចំហៀង​ក្បាល អម​ជាមួយ​ភាពមិនប្រក្រតី​នៃ​ចក្ខុ​វិញ្ញាណ ជា​ភ្នាក់ងារ​ធំ​ទី​២ រួមចំណែក​នៅក្នុង​គ្រោះថ្នាក់​ឈឺ​បេះដូង និង​ស្ត្រូក បន្ទាប់​ពី​ជំងឺលើសឈាម​។ គ្រោះថ្នាក់​នេះ ខ្ពស់ជាង​៣​ដង ធៀប​នឹង​អ្នកជំងឺ​ឈឺ​មួយ​ចំហៀង​ក្បាល តែ​មិន​ច្របូកច្របល់​ចក្ខុវិញ្ញាណ​។​

•​ទាក់ទង​នឹង​មូលហេតុ​បង្ក​ការឈឺ​មួយ​ចំហៀង​ក្បាល​ចំពោះ​ស្ត្រីភេទ​នោះ ក្រុម​អ្នកជំនាញការ បានឲ្យដឹងថា មូលហេតុ​គឺ​បណ្តាលមកពី​ការខ្វះ​បរិមាណ  Serotonin ក្នុង​ឈាម និង​ធ្វើឲ្យ​ថយ​ចុះ​បរិមាណ​ចរាចរ​ឈាម​ទៅកាន់​ខួរក្បាល​។ ការឈឺ​ច្រើន ចាប់ផ្តើម​នៅ​ពេល​ព្រឹក​ព្រហាម ពេល​ភ្ញាក់​ពី​ដំណេក ឬ​នៅ​ពេលយប់ កម្រ​កើតឡើង​នៅ​ពេល​ថ្ងៃ​។ ពីដំបូង អ្នកជំងឺ​ឈឺ​មួយ​ចំហៀង​ក្បាល (​ត្រង់​ថ្ងាស ឬ​សៀតផ្កា​) បន្ទាប់មក​អាច​រាលដាល​ពេញ​ក្បាល និង​បញ្ចប់​នៅ​មួយ​ចំហៀង​ទៀត​។​

​តាម​ការស្រាវជ្រាវ បានបង្ហាញ​ថា ស្ត្រី​ជា​មនុស្ស​ឧស្សាហ៍​កើត​ជំងឺ​ឈឺ​មួយ​ចំហៀង​ក្បាល​បំផុត ពិសេស​គឺ​ស្ត្រី​អាយុ​ពី​៣៥-៤៥​ឆ្នាំ​។

 

​ក្រុម​វេជ្ជបណ្ឌិត​ឯកទេស ក៏​បាន​បញ្ជាក់​អំពី​មូលហេតុ​ដែល​បង្ក​ឲ្យមាន​ការឈឺ​មួយ​ចំហៀង​ក្បាល​របស់​ស្ត្រី​ដែរ​ថា គឺ​ដោយសារ​ការប្រែប្រួល​អ័រម៉ូន សម្ពាធ​ពី​បញ្ហា​គ្រួសារ (​សង្គម​, របួស​ផ្លូវចិត្ត ឬ​ការផ្លាស់ប្តូរ​ធាតុ​អាកាស​...​។ ឈឺ​មួយ​ចំហៀង​ក្បាល បណ្តាលឱ្យ​ស្ត្រី​ឆាប់​ចាស់ ចរិត​ឆេវឆាវ​ជាង​មុន​និង​ឧស្សាហ៍​ភ្លេច​...៕​

​៣ វិធី បំបាត់​អាការ​ឆ្អល់ពោះ

១- អ្នកជំនាញ​ផ្នែក​ធម្មជាតិ​បំបាត់ បាន​ឲ្យ​ដឹងថា រាងកាយ​របស់​ស្ត្រី​ខ្លះ​ផលិត​អង់​ហ្ស៊ី​ម សម្រាប់​រំលាយ​អាហារ​មិនបាន​គ្រាប់​គ្រាន់ ធ្វើ​ឲ្យ​ការរំលាយ​អាហារ​មិន​អស់ ទើប​បណ្តាល​ឲ្យ​មាន​អាកា​រៈ​ឆ្អល់ពោះ និង​មាន​ខ្យល់​នៅក្នុង​ក្រពះ ។ ចូរ​ពិសារ​តែ​រុក្ខ​ឱសថ មួយ​ពែង ជួយ​ជំរុញ​ប្រព័ន្ធ​រំលាយ​អាហារ ធ្វើ​ឲ្យ​ស្រួល​ពោះ​ឡើងវិញ ។​
២- គ្រូពេទ្យ​ផ្នែក​ផ្លូវអាហារ ណែនាំ​ឲ្យ​សាកល្បង​ពិសា​ថ្នាំ​សម្រួល​ការកើត​ឧស្ម័ន ដែលមាន​សារធាតុ​ស៊ី​មេ​ទី​ខូ​ល (Sime thicone) ប៉ុន្តែ បើ​អ្នក​ឆ្អល់ពោះ​ញឹក​ញ​ប់ គួរ​ពិគ្រោះ​ជាមួយ​គ្រូពេទ្យ ដើម្បី​ពិនិត្យ​មើលថា មាន​កើត​អាការ​ប្រតិកម្ម​ប្រភេទ​ណាមួយ ឬ​អត់​?
អ្នកខ្លះ​ឆ្អល់ពោះ ដោយសារ​ក្រពះ​មិន​រំលាយ​ស្ករ​ឡាក់​តូ​ស នៅក្នុង​ទឹកដោះគោ ។ ដូចនេះ គួរ​ផ្អាក​ផលិតផល​ដែល​ធ្វើ​ពី​ទឹកដោះគោ ប្រមាណ ១០ ថ្ងៃ ដើម្បី​ឲ្យ​ដឹងថា វា​ជា​មូលហេតុ​ពិតប្រាកដ ឬ​មិនមែន​?
៣- អ្នកជំនាញ​បាន​ណែនាំ​ថា បើ​អាការ​ឆ្អល់ពោះ​របស់​អ្នក មាន​មូលហេតុ​មកពី​ហើម​ទឹក អាច​សម្រួល​បាន ដោយ​ការ​ទទួលទាន​សារធាតុ​រ៉ែ​ប៉ូ​តាស​ស្យូ​ម (​សារធាតុ​បញ្ចុះ​ទឹកនោម​តាម​ធម្មជាតិ​) ១​ថ្ងៃ ៤.៧០០ មិ​ល្លី​ក្រាម (​មាន​ច្រើន​នៅក្នុង​ត្រី​, ផ្ទី​, ដំឡូង បារាំង​, ចេក និង​ត្រសក់​) ហើយ​គួរ​ប្រយ័ត្ន​ការបរិភោគ​អាហារ​ប្រភេទ​គ្មាន​ស្ករ ព្រោះ​ប្រភេទ​ខ្លះ​ដាក់​សារធាតុ​ឲ្យ​មាន​ជាតិ​ផ្អែម​ពី​ស្ករ​, សុរា ដូចជា ស៊ី​លី​ថុល (Xylitho) និង​ស័​រ​ប៊ី​តុល (Sorbitol) ដែលជា​សារធាតុ​ពិបាក​រំលាយ សម្រាប់​មនុស្ស​មួយចំនួន ៕

ចង់​បញ្ចុះទម្ងន់​ចូរ​ទទួលទាន​មួយថ្ងៃ​...៦​ពេល​

ជំនួស​ឱ្យ​ការបរិភោគ​តិចជាង​៣​ពេល​ក្នុង​មួយថ្ងៃ អ្នក​គួរ​បរិភោគ​ដល់៦​ពេល​, នោះ​អ្នកនឹង​ឃើញ​ប្រសិទ្ធភាព​គួរឱ្យភ្ញាក់ផ្អើល​ក្នុង​ការបញ្ចុះ​ខ្លាញ់ សម្រក​ទម្ងន់​... ។​ ​ចែក​ការ​ទទួលទាន​អាហារ​ទៅជា​តូចៗ​ច្រើន​ដង​ក្នុង​មួយ​ថ្ងៃ​ជួយ​ជំរុញការ​បំប្លែង​សារជាតិ បន្ថយ​ខ្លាញ់​ពោះ ។​
​​តាម​ការស្រាវជ្រាវ​ថ្មី​មួយ​របស់​ពួក​អ្នកវិទ្យាសាស្ត្រ​នៅ​ មហាវិទ្យាល័យជាតិ Georgia  ពួក​អ្នក​ឧស្សាហ៍​ធ្វើ​ចលនា  តែ​បែរជា "​កំណាញ់​" ការបញ្ចូល​កាឡូរី និង​ទទួលទាន​តិច​មិន​លើស​៣​ពេល​ក្នុង​មួយថ្ងៃ អាច​ធ្វើឱ្យ​សរីរាង្គ​ធ្លាប់សន្សឹមៗ​ជាមួយនឹង​ការ​ត្រូវការ​ថាមពល​តិចជាង ផ្តើម​ពី​នោះ​សរីរាង្គ​នឹងជានិច្ចកាល​នៅក្នុង​ស្ថានភាព​សន្សំ​បរិមាណ​កាឡូរី ​ពុំទាន់​ត្រូវ​បាន​ដុត​បំផ្លាញនិង​ប្តូរ​ទៅ​ជា​ខ្លាញ់ ។​
​ក្នុង​ការស្រាវជ្រាវ​ត្រូវបាន​ប្រកាស​លើ​ទស្សនា​វ​ដ្តី​វេជ្ជសាស្ត្រ​និង វិទ្យាសាស្ត្រ​ក្នុង​កីឡា​និង​ហាត់ប្រាណ បណ្ឌិត Dan Benardot និង​សហសេវិក បាន​វាយតម្លៃ​ចំនួន​ពេល​ទទួលទាន​តុល្យភាព​ថាមពល និង​រចនាសម្ព័ន្ធសរីរាង្គ​នៅ​កីឡាករ​៦២​នាក់​(​កីឡាករ​ហាត់ប្រាណ​ឧបករណ៍​៤២​ នាក់ និងកីឡាករ​អត្តពលក​ម្ម​២០​នាក់​) ។ ពួក​អ្នក​ស្រាវជ្រាវ​បាន​សំណូមពរ​កីឡាករ ទាំងអស់​ប្រាប់​ពី​របស់​ដែល​ពួកគេ បរិភោគ និង​លំ​ហាត់​ដែល​គេ​តែង​អនុវត្ត ។ តួលេខ​នេះ​បន្ទាប់មក​ត្រូវបាន​វិភាគ​ប្រើប្រាស់​វិធីសាស្ត្រ​ដែល​ត្រូវបាន  ហៅថា​ច្បាប់​វិភាគ​ថាមពល​តាម​របត់​ពេលវេលា​ដោយ​កុំព្យូទ័រ ( CTLEA ) ដើម្បី​កំណត់​តើ​កីឡាករ​មាន​ប្រមូល​ទុក​កាឡូរី​ច្រើន​ក្រោម​សណ្ឋាន​ខ្លាញ់​ ជាង ការដុត​បំផ្លាញ​វា ​ឬអត់ ។ ពួក​អ្នកវិទ្យាសាស្ត្រ​បាន​រកឃើញថា កីឡាករ​ដែល ទទួលទាន​តិច​ពេល​ក្នុង​មួយ​ថ្ងៃ​ហាក់ដូចជា​សុទ្ធសឹង​មាន​អត្រា​ភាគរយ​ បរិមាណ  ខ្លាញ់​សរីរាង្គ​ខ្ពស់ជាង ។ ប៉ុន្តែ​ពួក​អ្នក​បញ្ចូល​ថាមពល​ជាប្រចាំ​ជាមួយនឹង​ការទទួលទាន​ច្រើន​ពេល​មាន ​និន្នាការ​រាវ​ស្តើង​ជាង ។​
​តាម​ដូច​បណ្ឌិត Denardot,  គំហើញ​នេះ​បង្ហាញថា សរីរាង្គ​ប្រតិកម្មតប​ចំពោះ​ការ ខ្វះខាត​ថាមពល​សមស្រប​ក្នុង​ថ្ងៃ​ផ្អែកលើ​ប្រភព​ផ្គត់ផ្គង់​នាំ​ដល់ការថយចុះ ​អត្រា​បំប្លែង​សារជាតិ (​អត្រា​សរីរាង្គ​ដុតបំផ្លាញ​កា​ឡូរី​) ។ រឿងនេះ ស្រប​ជាមួយនឹង​ការស្រាវជ្រាវ​មុននេះ ពេល​ចង្អុលបង្ហាញ​ថា ការ​កំហិត​ថា​ម ពល​អាច​បង្ក​ជា​ស្ថានភាព​ថយ​ចុះ​អត្រា​បំប្លែង​សារជាតិ​និង​ជា​ជនល្មើស​ ឈរពីក្រោយ​ការ​សន្សំ​ខ្លាញ់ ។​
​ថ្វី​ត្បិត​លំ​ហាត់​ហាត់ប្រាណ​តឹងរ៉ឹង តែ​ជួយ​រក្សា​ដដែល​ឬ​បង្កើនអត្រា​បំប្លែង​សារជាតិ​បណ្ឌិត Benardot ឱ្យដឹងថា គំហើញ​ថ្មីៗ​បង្ហាញថា ប្រសិនវា​ដើរ​ទន្ទឹម​នឹង​ស្ថានភាព​ខ្វះខាត​ថាមពល នោះ​អត្រា​បំប្លែង​សារជាតិ​អាច​ត្រូវ​ថយ ចុះ​គួរឱ្យកត់សម្គាល់ ។​
​កីឡាករ​ដែលមាន​រាងស្តើង​ជាង​ក្នុង​ការស្រាវជ្រាវ​នេះ​អាច​ហាត់ លំ​ហាត់​មួយ​ជាមួយ​គ្នា​នឹង​កីឡាករ​និង​អ្នក​ហាត់ប្រាណ​រាល់ថ្ងៃ​ផ្សេងៗ​ទៀត ។ ប៉ុន្តែ​គេ​តែង​ទទួលទាន​អាហារ​ដោយ​ចែក​ជា​ច្រើន​ពេល​តូចៗ សមស្រប​បំផុតគឺ​៦​ពេល ពុំ​សូវ​មាន​ជាតិ​ខ្លាញ់ និង​ត្រូវបាន​តុល្យភាព​ដោយ​កាបូ​អ៊ី​ដ្រាត​និងប្រូតេអ៊ីន ។​ "​យោបល់​ចាត់ទុកថា​ ៖ ៣​ពេល​គឺ​ល្អ​បំផុត ខ្ញុំ​ជឿថា​ខុស​ស្រឡះ​" បណ្ឌិត Benardot មានប្រសាសន៍ ។​
បរិមាណ​កាឡូរី​ធម្មតា​ត្រូវបាន​បរិភោគ​ក្នុង​ពេល​ព្រឹក​ឆ្អែតឆ្អន់​មួយ អាច​ត្រូវបាន​កាត់​នៅ​តែ​ពាក់កណ្តាល ហើយ​ពាក់កណ្តាល​ទៀត​បរិភោគ​នៅចន្លោះ​ពេល​ព្រឹក និង​ថ្ងៃត្រង់ ។​ ​ដូចគ្នានេះដែរ ពាក់កណ្តាល​នៃ​បរិមាណ​កាឡូរី​បរិភោគ​នៅ​ពេល​ថ្ងៃ ត្រង់​អាច​ទុក​សម្រាប់​ចន្លោះ​ថ្ងៃ​រសៀល​"  លោក​ទូន្មាន ៕

ខួរក្បាលរបស់អ្នកកើតរោគផ្លូវចិត្ត "ខុសសង្វាក់" ជាមួយពិភពខាងក្រៅ

ខួរក្បាល​មនុស្ស​ធ្វើការ​ដូច​នាឡិកា​
តាម Daily mail ការសិក្សា​ថ្មី​មួយ​នៅ​អាមេរិក បាន​រកឃើញថា អ្នកមាន​ជំងឺផ្លូវចិត្ត​ធ្ងន់ធ្ងរ​នោះ នាឡិកា​ជីវសាស្ត្រ​របស់​ខួរក្បាល​បាន​ត្រូវ​បំផ្លាញ ។
​ខួរក្បាល​មនុស្ស​មា​នស​កម្ម​ភាព​ដូច​ទៅនឹង​នាឡិកា​មួយ​រក្សា​នូវ​បណ្តា​កោសិកា​ធ្វើ​សកម្មភាព​ស៊ីសង្វាក់​គ្នា​ស្រប​ជាមួយ​ពិភព​ខាងក្រៅ ហើយ​វា​កំណត់​ទៅលើ​ការបរិភោគ​ឆ្ងាញ់​ពិសារ ការ​លង់​ដំណេក និង​ស្ថានភាព​ចិត្តសាស្ត្រ ។​
​ការសិក្សា​ថ្មី​នេះ​ទើប​រកឃើញថា ខួរក្បាល​អ្នក​កើតរោគ​ផ្លូវចិត្ត​ធ្ងន់ធ្ងរ​នោះ នាឡិកា​នេះ​បាន​ត្រូវ​បំផ្លាញ ។​
​ការសិក្សា​ទើបត្រូវ​បានប្រកាស​ផ្សាយ​លើ​ទស្សនា​វ​ដ្តី Proceedings of the National Academy of Sciences sau បន្ទាប់ពី​គេ​ពិនិត្យ​ស្រាវជ្រាវ​ភាពខុសប្លែក​គ្នា​រវាង​អ្នក​កើត​ជំងឺ​នោះ នឹង​អ្នក​ធម្មតា ។​
​ក្រុម​ស្រាវជ្រាវ​បាន​រកឃើញថា ហ្សែ​ន​ជាច្រើន​នៅតាម​តំបន់​ផ្សេងៗ​ពីគ្នា ក្នុង​ខួរក្បាល​ក៏មាន​សង្វាក់​ប្រចាំថ្ងៃ​របស់​វា​ដែរ ។​
​ខួរក្បាល​មនុស្ស​ធម្មតា ទម្រង់​សកម្មភាព​របស់​ហ្សែ​ន​ពិសេស​ដល់​ថ្នាក់​អ្នកស្រាវជ្រាវ​អាច​ផ្អែកលើ​នោះ ដើម្បី​គណនា​ពេលវេលា​ស្លាប់​របស់​មនុ​ស្សបាន ។​
​ខួរក្បាល​របស់​អ្នក​កើតរោគ​ផ្លូវចិត្ត​ធ្ងន់ធ្ងរ នាឡិកា​ជីវសាស្ត្រ​របស់​ខួរក្បាល​បាន​ត្រូវ​បំផ្លាញ ទម្រង់​សកម្មភាព​ពេល​ថ្ងៃ​និង​យប់​របស់​ហ្សែ​ន​បាន​ដើរ​បញ្ច្រាស់​អស់ ។​
​បណ្ឌិត Jun Li នៅ​មហាវិទ្យាល័យ​ហ្សែ​ន​មនុស្ស នៃ​សកល​វិទ្យាល័យ Michigan (​អាមេរិក​) រួម​នឹង​សហការី បាន​សិក្សា​ហ្សែ​ន​ចំនួន ១២.០០០ ពី​តំបន់​៦​ផ្សេងៗ​គ្នា​របស់​សំណុំ​ខួរក្បាល​ដែល​គ្មាន​រោគ​ផ្លូវចិត្ត ។​
​ព័ត៌មាន​នេះ ជួយ​ដល់​អ្នកស្រាវជ្រាវ​យល់បាន​ច្បាស់​ជាង​មុន​អំពី​សកម្ម​ភាពខុសៗ​គ្នា​រវាង​ហ្សែ​ន នៅ​ខណៈពេល​ផ្សេងៗ​ពីគ្នា ក្នុង​១​ថ្ងៃៗ ។ ពេល​គេ​សិក្សា​លើ​ខួរក្បាល​អ្នក​កើតរោគ​ផ្លូវចិត្ត​នោះ នាឡិកា​ជីវសាស្ត្រ​របស់​ពួកគេ​ស្ទើរតែ​ខុសប្លែក​ទាំងស្រុង​ថែមទាំង​ច្របល់​គ្នា​រវាង​យប់ និង​ថ្ងៃ ៕​M

​ˆ​អ្នកជំងឺ​ទឹកនោមផ្អែម​ ​គួរ​មាន​កូន​ឬ​អត់​?

ចំពោះ​អ្នកជំងឺ​ទឹកនោម​ផ្អែម មាន​វ័យក្មេង និង​ចង់​មានកូន សំណួរ​មួយ​តែង​ត្រូវបាន​ចោទ​សួរគឺៈ ដោយសារ​ជំងឺ អាច​មាន​លក្ខណៈតពូជ​, ដូច្នេះ​កូន​ដែល​កើតមក អាច​កើត​ជំងឺ​ឬក៏​អត់​? ម្តាយ​មាន​សមត្ថភាព​គ្រប់គ្រាន់​ដើម្បី​ចិញ្ចឹម​កូន​បាន​ឬទេ​?

​អ្នកជំនាញការ​សុខភាព បាន​និយាយថា ភាគច្រើន​នៃ​អ្នកជំងឺ​ទឹកនោមផ្អែម សុទ្ធ​តែ​អាច​មាន​កូន​។ ជំងឺ​នេះ​បណ្តាល​ពី​មូលហេតុ​ផ្សេងៗ​គ្នា​ជា​ច្រើន ក្នុងនោះ​មាន​ទាំង​កត្តា​តំណពូជ និង​កត្តា​មិន​តំណពូជ​។ ដើម្បី​ប្រឹក្សា​ឱ្យ​អ្នកជំងឺ​ល្អ ត្រូវ​ពិនិត្យ​ដល់​កត្តា​ទាំងឡាយ​ដូចជាៈ បំណងប្រាថ្នា​របស់​អ្នកជំងឺ ប្រវត្តិ​ជំងឺ​របស់​គ្រួសារ លក្ខណៈ​ពិសេស​នៃ​ជំងឺ​នាពេល​បច្ចុប្បន្ន តួលេខ​ជីវសាស្ត្រ​...​។​

​​ប្រសិន​ឪពុក​ឬ​ម្តាយ​កើត​ជំងឺ​ទឹកនោម​ផ្អែម​ប្រភេទ​២ លទ្ធភាព​កើត​ជំងឺ​របស់​កូន គឺ​១៥​ភាគរយ​។ តែ​ប្រសិន​ទាំង​ឪពុក​និង​ម្តាយ​សុទ្ធ​តែ​កើត​ជំងឺ ពេល​នោះ​លទ្ធភាព​កូន​កើត​ជំងឺ​កើនឡើង​ដល់​៧៥​ភាគរយ​។​

​​ពេល​កុមារ​កើតមក ហ្សែ​ន​បង្ក​ជំងឺ​បាន​មាន​ស្រាប់​ក្នុង​មេ​ជីវិត​របស់​ឪពុក និង​ពង​របស់​ម្តាយ​។ ហ្សែ​ន​ជំងឺ​ទាំងនេះ នឹង​អាច​ត​ពូជ​ទៅ​ដល់​ជំនាន់​ក្រោយ ទោះបី​ថា​ពេល​បង្កើតកូន ឪពុក​ឬ​ម្តាយ​នោះ​ពុំ​ទាន់​ដែល​កើត​ជំងឺ​ទឹកនោម​ផ្អែម​ក៏ដោយ ក៏​ត្រូវ​ចង​ចាំ​ថា ថ្វី​ត្បិត​មាន​ហ្សែ​ន​ជំងឺ​ក្នុង​ខ្លួន តែ​អ្នក​ទាំងនេះ​អាច​បន្ថយ​ជាង​៥០​ភាគរយ​នៃ​គ្រោះថ្នាក់​កើត​ជំងឺ ដោយ​វិធី​រស់​នៅ​មាន​របៀបរបប​ល្អ តាម​បែប​វិទ្យាសាស្ត្រ​។​

​​ប្រសិន​អ្នកជំងឺ​ទឹកនោម​ផ្អែម​ប្រភេទ​២ មាន​បងប្អូន​ប្រុស​ស្រី​ភ្លោះ​ខុស​ពង​, លទ្ធភាព​អ្នកនោះ​នឹង​កើត​ជំងឺ គឺ​១០​ភាគរយ​។ តែ​ប្រសិន​ជា​កូនភ្លោះ កើត​ពី​ពង​តែមួយ នោះ​លទ្ធភាព​កើត​ជំងឺ​ឡើងដល់​៩០​ភាគរយ​។​

​​ចំពោះ​អ្នក​កើត​ជំងឺ​ទឹកនោម​ផ្អែម​ប្រភេទ​២ ដែល​នៅ​វ័យក្មេង​នោះ ជា​ប្រភេទ​ជំងឺតពូជ​ច្រើនជាង​លទ្ធភាព​កើត​ជំងឺ​របស់​កូន ឬ​បងប្អូន​ប្រុស​ស្រី​របស់​អ្នកជំងឺ​នេះ នឹង​មាន​ប្រមាណ​៥០ ភាគរយ​។ ផ្ទុយ​មកវិញ ប្រសិន​ម្តាយ​កើត​ជំងឺ​ទឹកនោម​ផ្អែម​ប្រភេទ​១ នោះ​លទ្ធភាព​ត​ពូជ​ទៅ​កូន​ទាប​គួរសម​។​

​​អ្នកជំងឺ​ទឹកនោមផ្អែម​ចង់​បង្កើត​កូន ត្រូវ​យកចិត្តទុកដាក់​ជាពិសេសៈ ស្ត្រី​កើត​ជំងឺ​កំពុង​មាន​កម្រិត​ជាតិ​ស្ករ​ក្នុង​ឈាម​ខ្ពស់ មិន​ស្ថិរភាព លទ្ធភាព​ទារក​ត្រូវ​ពិការ​អាច​ឡើងដល់​២២​ភាគរយ​។ ដូច្នេះ​ស្ថិរភាព​ជាតិ​ស្ករ​ក្នុង​ឈាម​ឱ្យ​បានល្អ​នៅ​បណ្តា​ខែ​មុន​ពេល​មាន​គភ៌ និង​បី​ខែ​ដំបូង គឺ​សំខាន់​បំផុត​ដើម្បី​សុវត្ថិភាព​ដល់​ទារក​។ ចូរ​និយាយប្រាប់​វេជ្ជបណ្ឌិត​អំពី​ផែនការ​មាន​កូន ដើម្បី​ទទួលបាន​ការប្រឹក្សា​និង​ថែទាំ​សុខភាព​ដោយ​ល្អ​បំផុត​។​

​​ឪពុក​ឬ​ម្តាយ​កើត​ជំងឺ​កំពុង​នៅ​ដំណាក់កាល​វិវត្តន៍​ប្រែប្រួល​ធ្ងន់ធ្ងរ លទ្ធភាព​រស់នៅ​បន្ថែម​មិន​ច្រើន (​ឧទាហរណ៍​ខ្សោយតម្រងនោម ដំណាក់កាល​ចុងក្រោយ​) ពិបាក​មានលទ្ធភាព​ថែទាំ​ចិញ្ចឹម​កូន​នោះ ត្រូវ​ថ្លឹងថ្លែង​រឿង​មានគភ៌​៕​

ផ្នែក "គ្មានប្រយោជន៍" បំផុតលើសរីរាង្គមនុស្ស?

​សាស្ត្រាចារ្យ Robert Shmerling នៅ​សកល​វិទ្យាល័យ​ហា​វ៉ាដ ទើបនឹង​បញ្ចេញ​ទស្សនៈ​របស់ខ្លួន​អំពី​ផ្នែក​មិន​សំខាន់បំផុត​លើ​សរីរាង្គ​មនុស្ស ។​
​ក្នុង​មជ្ឈដ្ឋាន​វិទ្យាសាស្ត្រ និង​វេជ្ជសាស្ត្រ​បច្ចុប្បន្ន មាន​២​ក្រុម​រៀប​លំដាប់​សារសំខាន់​របស់​បណ្តា​ផ្នែក​ទាំងឡាយ​ក្នុង​សរីរាង្គ​មនុស្ស នោះ​គឺ​ផ្នែក​ណា​ពុំ​សូវ​មាន​ប្រយោជន៍​បំផុត ឬ​ផ្នែក​ណា​មនុស្ស​អាច​ខ្វះ ។​
​មនុស្ស​មួយចំនួន​ចាត់ទុកថា ផ្នែក​មិនសូវ​សំខាន់បំផុត គឺ​ផ្នែក​មាន​គូៗ ។ ឧទាហរណ៍​ប្រសិន​សំណាងអាក្រក់​បាត់​ភ្នែក​ម្ខាង ឬ​ត្រចៀក​ម្ខាង​នោះ​ពុំទាន់​ជា​គ្រោះមហន្តរាយ​ឲ្យ​តែ​អ្នក​រក្សាបាន​ផ្នែក​នៅសល់ ។ ការបាត់បង់​សន្លឹក​បាត់​មួយ​ឬ​តម្រងនោម​មួយ​ក៏​មិន​គំរាមកំហែង​ដល់​អាយុជីវិត​មនុស្ស ។ ប៉ុន្តែ​ទស្សនៈ​មួយចំនួន​ផ្សេង​ចាត់ទុកថា ដោយសារ​ផ្នែក​នេះ​សំខាន់បំផុត ហេតុនេះ​ទើបត្រូវ​ការ​មាន​បន្ថែម​ជា​គូ​ដើម្បី​អាច​បង្ការ ។​
​សាស្ត្រាចារ្យ Robert Shmerling "​ស្តុក​ជា​រឿង​ល្អ​មួយ​ក្នុងករណី​អ្នក​កើត​ជំងឺ ឬ​ត្រូវរបួស ។ ពេល​ត្រូវ​បាត់​តម្រងនោម​ម្ខាង​ទៀត​ដែល​នៅសល់​ត្រូវ​ធ្វើការ​អំណត់​ជាង ។ ប្រសិន​មិន​ដូច្នេះ​ទេ​អ្នកនឹង​ជួប​បញ្ហា​ធំ​" ។​
​ទឡ្ហីករណ៍​ផ្សេង​បែរជា​ចាត់ទុកថា មាន​ផ្នែក​សរីរាង្គ​មួយចំនួន​ទោះបី​តែមួយគត់​ចំពោះ​មនុស្ស​តែ​ហាក់ដូច​មិន​សំខាន់​ណាស់ណា ។ ចំពោះ​វៀត​ដុះ​ខ្នែង​ឈរ​លំដាប់​ដំបូង​ក្នុង​បញ្ជី​នេះ ។​
​ប៉ុន្តែ សាស្ត្រាចារ្យ Shmerling មាន​យោបល់​ថា ពោះវៀន​ដុះ​ខ្នែង​មិន​ប្រាកដជា​ផ្នែក​ឯករាជ្យ ។ "​ពោះវៀន​ដុះ​ខ្នែង​ជា​ផ្នែក​១​របស់​ប្រព័ន្ធ​រំលាយ​អាហារ ។ អា​មី​ដាន​ក៏​ដូច្នេះ​ដែរ វា​ជា​ផ្នែក​មួយ​ក្នុងចំណោម​ផ្នែក​អង្គ​បដិបក្ខ នៅ​ផ្លូវ​រំលាយ​អាហារ និង​ដំណក​ដង្ហើម​ខាងលើ ។ វា​ក៏​សំខាន់​ណាស់ដែរ ។ ប្រសិន​តម្រូវ​ត្រូវ​បោះបង់ចោល​ផ្នែក​ណាមួយ​នោះ​លើ​សរីរាង្គ​ខ្លួន​ខ្ញុំ​នឹង​ជ្រើស​យក​ថង់​ប្រមាត់ ។ ខ្ញុំ​ប្រាកដថា ខ្ញុំ​នៅតែរ​ស់មាន​សុខ​ភាពល្អ​គួរសម ដោយ​មិនចាំបាច់​មាន​វា​" ៕​M

វិធី​សាមញ្ញ​៧​យ៉ាង​បង្ការ​មហារីក​សុដន់​

ប្រមាណ​៣០​ភាគរយ​នៃ​ករណី​កើត​មហារីក​សុដន់ ត្រូវបាន​សង្ស័យថា បណ្តាលមកពី​ធាត់ ។ ក្នុងពេល​ដែល​ត្រូវ​ការដើរ​ដោយ​ទៀងទាត់​ប្រមាណ ១២​នាទី​ក្នុង​ថ្ងៃ​គឺ​អាច​ជួយ​បងប្អូន​ស្ត្រី​បន្ថយ​១៨​ភាគរយ​គ្រោះថ្នាក់​ កើត​ជំងឺ ។​ ​ខាងក្រោម​នេះ​ជា​ការផ្តួចផ្តើមមតិ​មួយចំនួន​លើកឡើង​ដោយ The Sun ជួយ​ដល់​បងប្អូន​ស្ត្រី​បន្ថយ​គ្រោះថ្នាក់​មហារីក​សុដន់​ ៖
​   ​១-​បន្ថយ​បរិភោគ​សាច់​ក្រហម​
​     ​ស្ត្រី​បរិភោគ​សាច់​ក្រហម​ច្រើន​មាន​គ្រោះថ្នាក់​ត្រូវ​មហារីក​សុដន់​ ខ្ពស់ទ្វេដង យោង​តាម​ការស្រាវជ្រាវ​មួយ​លើ​ស្ត្រី​៩០.០០០​នាក់ ដំណើរការដោយ​មហាវិទ្យាល័យ​ពេទ្យ Harvard  (​អាមេរិក​)​។ សាច់​ក្រហម​មាន​ផ្ទុក​ពពួក អាស៊ីត​អាមីន​រំ​ញោច insulin  ក្នុងពេលនោះ insulin ឈាម​ខ្ពស់​មាន​ពាក់ ព័ន្ធ​ដល់​មហារីក​សុដន់ ។​
​    ​ពពួក​សាច់​បាន​កែច្នៃ​ដូចជា ហ្សាំង​បុង​និង​ហតដក ក៏​មាន​ទំនាក់ទំនង​ជា​មួយ​ជំងឺ​នេះ ព្រោះ​វា​ផ្ទុក​អំបិល  ស្ពាន់ធ័​រ អាច​បង្ក​ជំងឺមហារីក ។​
​   ​២-​សម្រាលកូន​មុន​អាយុ​៣០​ឆ្នាំ​
​     ​ស្ត្រី​គ្មាន​កូន ឬ​សម្រាលកូន​ដំបូង ក្រោយពេល​បាន​ឈាន​ហួស​អាយុ​៣០ ឆ្នាំ នោះ​ការ​ប្រឈម​កើត​មហារីក​សុដន់ក៏​ខ្ពស់ជាង ។ ពួក​ជំនាញការ​មានជំនឿថា ការ​សម្រាល កូន​មាន​ពាក់ព័ន្ធ​ដល់ជំងឺ​នេះ គឺ​ដោយសារ​វា​ជួយ​បន្ថយ​ចំនួន ខួប​រដូវ​ក្នុង​ជីវិត​ស្ត្រី ។​    ​
​    ​សាស្ត្រាចារ្យ Valerie Beral, ​ធ្លាប់​មាន​ការស្រាវជ្រាវ​អំពី​ហា​រីក​សុដន់ ឱ្យដឹងថា " ខ្ញុំ​បាន​យល់​ហេតុអ្វី​មនុស្ស​ជាច្រើន​ស្លាប់​ដោយសារ​ជំងឺ​នេះ ។ យើង​សុទ្ធតែ​ដឹង​មូលហេតុ​សំខាន់ គឺ​ការសម្រាលកូន​ឬ​អត់​" ។​
​    ​៣-​ដើរ​ជា​ប្រចាំ​
​     ​ឥទ្ធិពល​របស់​ការដើ​រ​ចំពោះ​សុខភាព​ស្ត្រី​ត្រូវបាន​ពួក​ អ្នកវិទ្យាសាស្ត្របញ្ជាក់​តាំងពី​យូរ ។​ពុំ​ត្រឹមតែ​ប៉ុណ្ណឹង​ទេ ការ​ហាត់ប្រាណ​ដ៏​សាមញ្ញ​នេះ​បែរជាមាន​ប្រយោជន៍​បំផុត​ក្នុង​ការបង្ការ​ បញ្ចៀស​ម​ហា​រីក​សុដន់ ។ ប៉ុន្តែ​ពួកជំនាញការ​នៅតែ​ពុំទាន់​ឯកភាព​បាន​ការដើរ​ប៉ុន្មាន​គឺ​ គ្រប់គ្រាន់ ។​
​    ​ការស្រាវជ្រាវ​មួយ​បង្ហាញថា អ្នក​ចាំបាច់​ដើរ​លឿន​តែមួយ​ម៉ោង​ដល់ជាង​២​ម៉ោង​ក្នុង​មួយ​សប្តាហ៍ គឺ​អាច​បន្ថយ​១៨​ភាគរយ​គ្រោះថ្នាក់​កើត​ជំងឺ​។  ប្រសិន​អ្នកដើរ​ប្រមាណ​១០​ម៉ោង​ក្នុង​មួយ​សប្តាហ៍​នោះ​នឹង​នាំមក​ ប្រសិទ្ធភាពច្រើន​ជាង​នេះ​ទៀត ។​
​   ​៤-​ប្រេង​អូ​លីវ​
​     ​ប្រេង​អូ​លីវ​បន្តិច​នៅ​ក្នុង​ការ​ទទួលទាន​អាហារ​ពេល​យប់​អាចជួយអ្នក​ បង្ការ​មហារីក។ ពួក​អ្នក​ស្រាវជ្រាវ អេ​ស្ប៉ាញ​សង្កេតឃើញថា វា​អាចវាយប្រហារ​ដុំ​មហារីក រារាំង​ការរីកចម្រើន​របស់​វា​និង​ការពារ ADN ។ បណ្ឌិត Eduard Escrich អ្នកដឹកនាំ​ការស្រាវជ្រាវ​ឱ្យដឹងថា ១០​ស្លាបព្រា​កាហ្វេ ប្រេង​អូ​លីវ​សុទ្ធ​ក្នុង​មួយ​ថ្ងៃ​គឺ​អាច​នាំមក​នូវ​ប្រសិទ្ធ​ភាព ។​
​  ​៥-​បញ្ចុះ​ទម្ងន់​
ប្រមាណ​៣០​ភាគរយ​នៃ​ករណី​កើត​មហារីក​សុដន់ ត្រូវ​សង្ស័យ​គឺបណ្តាល​ពី​ធាត់ ។ ក្នុងចំណោម ៤៥.០០០​ករណី​មហារីក​សុដន់​ត្រូវ បាន​វិនិច្ឆ័យ​ក្នុង​មួយ​ឆ្នាំៗ​នៅ​អង់គ្លេស ពួក​ជំនាញការ​នៅ​វិទ្យាស្ថាន​ស្រាវជ្រាវ​មហារីក​អន្តរជាតិ​មាន​ជំនឿ​ថា ស្ត្រីជាង​១៤.០០០​នាក់​នឹង​មិន​កើត​ជំងឺ​នេះ ប្រសិន​ពួកគេ​បញ្ចុះ​ទម្ងន់ ។
​     ​វេជ្ជបណ្ឌិត  Rachel Thompson, មូលនិធិ​ស្រាវជ្រាវ​មហារីក​ពិភពលោកឱ្យដឹងថា "​ស្ត្រី​អាច​បង្ការ​ជំងឺ​ដោយ​វិធី​ឧស្សាហ៍​ហ្វឹកហាត់​និង​បរិភោគ​ជាតិ ខ្លាញ់​តិច​" ។​
​  ​៦-​ឱ្យ​កូន​បៅដោះ​    ​
​     ​ការស្រាវជ្រាវ​មួយ​ចំនួន​បានចង្អុលបង្ហាញ​ថា ការ​ឱ្យ​កូន​បៅដោះ  ក៏​អាច​ជួយ​បន្ថយ​គ្រោះថ្នាក់​កើត​មហារីក​សុដន់ ពិសេស​ប្រសិន​ស្ត្រី​ឱ្យ​កូនបៅ​ពី ១៨​ខែ​ដល់​២​ឆ្នាំ ។​
​    ​មូលហេតុ គឺ​ដោយសារ​វា​ជួយ​បន្ថយ​ចំនួន​ខួប​រដូវ​ក្នុង​រង្វង់​ជីវិត​ស្ត្រី ។​
​    ​៧-​មិន​ផឹក​ស្រា​
​     ​ស្រា​ជា​កត្តា​គ្រោះថ្នាក់​ធំ​មួយ​ចំពោះ​ជំងឺមហារីក​សុដន់ ។ ការផឹក ស្រា​តែ​១​កែវ​ក្នុង​១​ថ្ងៃ​ក៏​បាន​ធ្វើឱ្យ​កើន​គ្រោះថ្នាក់​កើត​ជំងឺ ។ ស្ត្រី​ផឹក​ច្រើនជាង នេះ​ទៀត​នោះ​គ្រោះថ្នាក់​កើត​ជំងឺ​ស្មើ​១,៥​ដង​ប្រៀប​នឹង​អ្នក​មិន​ផឹក​ស្រា ។​
​    ​ពួក​អ្នក​ស្រាវជ្រាវ​នៅ​អ៊ីតាលី ក៏​ចាត់ទុកថា អត្រា​រួចផុត​ពី​សេចក្តីស្លាប់នៅ​អ្នក​ជំងឺមហារីក​សុដន់​មិន​ផឹកស្រា​គឺ​ជិត ​៩០​ភាគរយ តែ​នឹង​ថយចុះ​៦៥​ភាគរយ​ប្រសិន​ស្ត្រី​ផឹក​តែ​១​កែវ​ក្នុង​មួយថ្ងៃ ៕

ហាត់ប្រាណ​បន្ថយ​ហានិភ័យ​មហារីក​ស្បូន

៖ ហាត់ប្រាណ​ជួយ​បន្ថយ​ហានិភ័យ​មហារីក​មាត់ស្បូន​
​តាម​ការស្រាវជ្រាវ​ថ្មី​បំផុត បង្ហាញថា ហាត់ប្រាណ​ប្រមាណ ៤០ នាទី ក្នុង​១​ថ្ងៃ ជួយ​ស្ត្រី​បន្ថយ​ហានិភ័យ​មហារីក​មាត់ស្បូន​។​
​តាម​មូលនិធិ​ស្រាវជ្រាវ​មហារីក​ពិភពលោក​, តាមរយៈ​ការសិក្សា​ស្រាវជ្រាវ ចំពោះ​ស្ត្រី ៣៧០០ នាក់ នៅ​អង់គ្លេស នោះ​អ្នក​ហាត់ប្រាណ​ជាប្រចាំ អាច​ចៀសផុត​ហានិភ័យ​មហារីក​មាត់ស្បូន​។​
​នោះ​ជា​លទ្ធផលរ​ប់ស​ការស្រាវជ្រាវ​មួយ ក្នុង​ទ្រង់ទ្រាយ​នៅ​អង់គ្លេស​, ពួក​អ្នកស្រាវជ្រាវ​បាន​រកឃើញថា ដោយ​គ្រាន់តែ​ហាត់ប្រាណ​ប្រមាណ ៤០ នាទី ក្នុង​១​ថ្ងៃ គួបផ្សំ​ជាមួយ​ការរក្សា​ទម្ងន់ នោះ​ស្ត្រី​នឹង​បន្ថយ​បានការ​ប្រឈម​កើត​ជំងឺមហារីក​មាត់ស្បូន​ឡើងដល់ ៤៤ %​។​
​មហារីក​មាត់ស្បូន​ជា​ជំងឺមហារីក​មួយ ក្នុងចំណោម​ជំងឺមហារីក​ទូទៅ នៅ​ស្ត្រី​។ ប៉ុន្តែ ជំងឺ​គ្រោះថ្នាក់​នេះ អាច​ទប់ស្កាត់បាន​ប្រសិន​គេ​រក្សា​ទម្ងន់​ស្តង់ដារ និង​ចលនា​ជាប្រចាំ​។​
​ពួក​អ្នកវិទ្យាសាស្ត្រ ក៏​ឲ្យ​ដឹងថា ការហាត់​ប្រាណ​ជាប្រចាំ ជួយ​រំដោះ​បរិមាណ​ខ្លាញ់​ដ៏​ច្រើន ក្នុង​សរីរាង្គ​, បង្កើន​ប្រព័ន្ធ​អង្គ​បដិបក្ខ និង​រក្សា​ប្រព័ន្ធ​រំលាយ​អាហារ​មាំមួន​ល្អ​។ ដូច្នេះ ការធ្វើ​ចលនា​ជាប្រចាំ ពុំ​ត្រឹមតែ​ជួយ​ស្ត្រី​បន្ថយ​ហានិភ័យ​កើត​ជំងឺមហារីក​មាត់ស្បូន​ប៉ុណ្ណោះ​ទេ តែ​ថែមទាំង​ជំងឺមហារីក​ជាច្រើន​ប្រភេទ​ផ្សេងទៀត​ផងដែរ​។​
​មហារីក​មាត់ស្បូន ច្រើនតែ​រីកចម្រើន​យឺត​។ មុនពេល​រកឃើញ​កោសិកា​មហារីក​នៅ​មាត់ស្បូន​, ជាលិកា​នៅ​មាត់ស្បូន ឆ្លងកាត់​ការប្រែប្រួល ក្នុងនោះ កោសិកា​ខុស​ប្រក្រតី ចាប់ផ្តើម​លេចឡើង​។ កោសិកា​មហារីក​ទាំងនេះ ច្រើន​ត្រូវបាន​រកឃើញ​អាស្រ័យ​ដោយ​ការធ្វើ​វិភាគ Pap៕​M

​វិធី​ប្រាំ​យ៉ាង​កំចាត់​បញ្ហា​ដំណេក​មិន​ប្រក្រតី​

​១-​ដេក​សុបិន​អាក្រក់ ដេក​មិន​លក់​ស្កប់ស្កល់​
​ច្រើនតែ​ជា​ប្រភេទ​មនុស្ស​ប្រកប​កិច្ចការងារ​មានការ​ហត់នឿយ​ខ្លាំង និង​គិតគូ​ច្រើន ដូច្នោះ​នៅពេល​យប់ ដល់ពេល​ចូលដេក គឺ​ដេក​មិនសូវ​លក់​ទេ ឬក៏​ដេក​ភ្ញាក់ៗ​។ នៅពេល​ថ្ងៃ​អស់កម្លាំង​កំហែង មាន​អារម្មណ៍​ធេងធោង ភ្លេចមុខភ្លេចក្រោយ ហើយ​ជួន​ពេលខ្លះ អាច​បង្ក​ឲ្យ​មានការ​ភិតភ័យ​ទៀតផង​។ ដូច្នេះ​ក្នុងការ​ព្យាបាល​សំខាន់បំផុត ត្រូវ​គិតគូរ​ដល់​ការ​ប៉ូវ​ឈាម និង​រំងាប់​អារម្មណ៍​។ គេ​អាច​ប្រើ​ថ្នាំ​រំងាប់​អារម្មណ៍ ឬក៏​ទទួលទាន​ប្រភេទ​អាហារ ដែល​សម្បូរ​ទៅដោយ​ជីវជាតិ​ប៉ូវ​ឈាម​។
​២-​មិន​ងាយ​ដេកលក់​
​ជា​ប្រភេទ​មនុស្ស​មានទុក្ខ​ព្រួយ​ច្រើន ហើយ​ជួន​ពេលខ្លះ មានការ​ឈឺចាប់​ចុក​ណែន​ដើមទ្រូង​ទៀតផង​។ ដូច្នេះ​ក្នុងការ​ព្យាបាល គឺ​សំខាន់បំផុត​ត្រូវ​ទទួលទាន ទឹកដោះគោ ងាវ គ្រំ​សមុទ្រ និង​ផ្លែ​មាន​ឲ្យ​បាន​ច្រើន​។ ម្យ៉ាងទៀត​ត្រូវ​យកចិត្តទុកដាក់​ក្នុងការ​កម្ចាត់​ភាព​ស្រងូតស្រងាត់ និង​ភាព​តានតឹង​ចេញ​ឲ្យ​អស់ ហើយ​មុនពេល​ចូលដេក យក​ល្អ​ត្រូវ​ត្រាំ​ជើង​ក្នុង​ទឹក​ក្តៅ​ឧណ្ហៗ ទើប​ឆាប់​ដេកលក់​។​
​៣-​ឆាប់​ភ្ងា​ក់ តែ​ភ្ងា​ក់​ហើយ​ដេកលក់​វិញ​រហូតទល់​ភ្លឺ​
​ជា​មនុស្ស​ដែលមាន​ការ​ស្ងួត​មាត់ ស្ងួត​បំពង់ក កើតមុន និង​បែកញើស​នៅពេល​យប់​។ ដូច្នេះ​ចូល​ទទួលទាន​ក្រអៅឈូក សណ្តែក និង ក្រូចថ្លុង​ឲ្យ​បាន​ច្រើន​។​
​៤-​ជួន​ដេកលក់​ជួន​ភ្ងា​ក់​
​មនុស្ស​ប្រភេទ​នេះ​ច្រើន​មាន​បញ្ហា​ក្រពះ​។ នៅពេល​ដេកលក់​ពុំបាន​ស្កប់ស្កល់ ព្រមទាំង​មាន​អាកា​រៈ​សាបមាត់ ធុំ​អាហារ និង​បត់ជើង​ពុំ​ទៀងទាត់​។ ដូច្នេះ​វិធី​បំបាត់​អារម្មណ៍​ពុំ​ប្រក្រតី​បែបនេះ សំខាន់បំផុត​គឺ គួរ​គិតគូ​ពី​បញ្ហា​ទម្លាប់​ហូបចុក​ដើម្បី​ចៀសវាង​កុំ​ឲ្យ​ប៉ះពាល់​ក្រពះ​។​
​៥-​រាល់​យប់​ដេក​ពុំ​លក់​
​ច្រើនតែ​ជាម​នុស្ស​ចិត្ត​ភ្លើង ឆាប់​ឆេវឆាវ ជាពិសេស​គេ​សង្កេតឃើញ​អាកា​រៈ​បែបនេះ ច្រើន​កើតឡើង​ចំពោះ​ស្ត្រី​អស់​រដូវ​។ ចំពោះ​អា​ការៈដែល​អាច​កត់សម្គាល់​បាន គឺ​ចិត្ត​អន្ទះអន្ទែង ឆាប់​ខឹង​ឆេវឆាវ ភ្នែក​ក្រហម ល្វីងមាត់ បត់ជើង​ក្តៀន និង​អណ្តាត​ឡើង​ក្រហម​។ វិធី​ព្យាបាល​ដោយ​ប្រសិទ្ធភាព​នោះ គឺ​ត្រូវ​ប្រើ​ថ្នាំ​បញ្ចុះ​កំដៅ ទទួលទាន​ប្រភេទ​អាហារ​ណា​ដែល​ធ្វើ​ឲ្យ​រាងកាយ​ត្រជាក់​៕​

​ˆ​ជិត​ផលិត​បាន​ថ្នាំ​​អាយុ​វែង​

ពួក​អ្នកវិទ្យាសាស្ត្រ​ស៊ី​បេ​រី ដែល​ទើបនឹង​រកឃើញ​ថ្នាំ​ដ៏​ពិ​សេសមួយ​ប្រភេទ​នោះ បាន​អះអាងថា ក្រោម​ឥទ្ធិពល​របស់​ថ្នាំ កោសិកា​ដើម នឹង​កកើត​ច្រើនជាង​មុន អនុញ្ញាតឱ្យ​បណ្តា​ប្រព័ន្ធ និង​ផ្នែក​ទាំងអស់​ក្នុង​សរីរាង្គ​ធ្វើការ​ប្រសិទ្ធភាព​ជាង​។

ការពិសោធន៍​លើស​ត្វ​បានទទួល​ជោគជ័យ​យ៉ាង ខ្លាំង និង​កំពុង​ចាប់ផ្តើម​ពិសោធន៍​លើ​មនុស្ស​។​

​តាម​ទស្សនា​វ​ដ្តី Medvesti បាន​ចុះផ្សាយ​ថា អ្នក​រកឃើញ​ថ្នាំ​នេះ គឺ​ក្រុម​អ្នកវិទ្យាសាស្ត្រ​នៅ Novosibirsk និង Tomsk ដែលជា​ថ្នាំ​មាន​ប្រសិទ្ធភាព​យ៉ាង​ល្អ​ក្នុងការ​ប្រឆាំង​តប​បាតុភូត​ជរាភាព​។​

​ថ្នាំ​ត្រូវបាន​គេ​ដាក់ឈ្មោះ​ជា​បណ្តោះអាសន្ន​ថា G 5 និង​ត្រូវបាន​ពិសោធន៍​ជាមួយនឹង​លទ្ធផល​យ៉ាង​ល្អ​លើស​ត្វ​។  គេ​ចែក​កណ្តុរ​ពិសោធន៍​ជា​២​ក្រុម ក្នុងនោះ​មួយក្រុម ប្រើ​ថ្នាំ និង​មួយក្រុម​ទៀត មិន​ប្រើ​ថ្នាំ ដើម្បី​ផ្គូរ​ផ្គង​។ ពេល​វា​មាន​អាយុ​១៨​ខែ ពួកគេ​សង្កេតឃើញ​ភាពខុសប្លែក​គ្នា​យ៉ាង​ច្បាស់លាស់​។ កណ្តុរ​ក្រុម​មិន​ប្រើ​ថ្នាំ លេចចេញ​ភាពចំណាស់ ជ្រុះ​រោម ស្រក​ទម្ងន់ និង​កើត​ជំងឺ ដែល​ជួបប្រទះ​បណ្តាល​ពី​វ័យ​។ ចំណែក កណ្តុរ​ក្រុម​ប្រើ​ថ្នាំ ដល់ពេល​មាន​អាយុ​៣០​ខែ នៅតែ​ពុំទាន់​ឃើញ​មាន​រោគសញ្ញា​ទាំងនេះ​។​

​វិភាគ​ពី​ភាព​ខុសប្លែកគ្នា គេ​ឃើញថា កណ្តុរ​ក្រុម​ប្រើ​ថ្នាំ មាន​បរិមាណ​កោសិកា​ដើម​ច្រើនជាង​ឆ្ងាយ ប្រៀប​នឹង​កណ្តុរ​មួយក្រុម​ទៀត​។ អាស្រ័យ​ដោយ G 5 ចំនួន​កោសិកា​ដើម បាន​កើន​ប្រមាណ​៤០​ភាគរយ ជួយ​ឱ្យ​ប្រព័ន្ធ​ទាំងអស់​របស់​សរីរាង្គ​អនុវត្ត យ៉ាង​មាន​ប្រសិទ្ធភាព​នូវ​មុខងារ​រប​ស់​ខ្លួន​។​

​ពួក​អ្នកវិទ្យាសាស្ត្រ ជឿជាក់ថា ក្រៅពី​ប្រសិទ្ធភាព​ប្រឆាំង​ចាស់ G 5 នៅមាន​ប្រសិទ្ធភាព​យ៉ាង​ល្អ ក្នុងការ​ព្យាបាល​ជំងឺ​អំពី​ថ្លើម ប្រព័ន្ធ​សរសៃប្រសាទ និង​សួត​។ ជាងនេះទៀត វា​នឹង​រួមចំណែក​យ៉ាង​ធំ នៅក្នុង​ការកែប្រែ​ឱ្យ​ប្រសើរឡើង​ការចងចាំ ហើយដោយ​ហេតុនេះ​ពុំ​ត្រឹមតែ​អូសបន្លាយ​អាយុ​ប៉ុណ្ណោះ​ទេ តែ​នៅ​អូសបន្លាយ​ទាំង​អាយុ​ធ្វើការ សកម្មភាព​ច្នៃប្រឌិត​របស់​មនុស្ស​។​

​ការពិសោធន៍​ជាក់ស្តែង​លើ​មនុស្ស នឹង​បញ្ចប់​នៅ​រដូវរំហើយ​ឆ្នាំនេះ​។ ជំហាន​បន្តទៀត នឹង​ត្រូវបាន​ពិសោធន៍​លើ​ពួក​អ្នកស្ម័គ្រចិត្ត ហើយ​ប្រហែល​ត្រូវ​ចំណាយពេល​ដល់​២​ឆ្នាំ ដើម្បី​ទាញ​ចេញ​នូវ​ការសន្និដ្ឋាន​ច្បាស់លាស់ មុនពេល​ផលិត​លក់​ទូទៅ​៕

គ្រោះថ្នាក់សុខភាព បណ្តាលពីការគេងខុសរបៀប

​១/៣ នៃ​ពេលវេលា​មួយថ្ងៃ របស់​មនុស្ស​ម្នាក់ៗ គឺ​សម្រាប់​ដំណេក​។ ដំណេក​ស្កប់ស្កល់ ជួយ​ឱ្យ​សរីរាង្គ មាន​សុខ​ភាពល្អ​។ ប៉ុន្តែ​មាន​ទម្លាប់​អាក្រក់​ជាច្រើន នៅពេល​គេង​ដោយ​អ​ចេតនា បែរជា​ផ្តល់​គ្រោះថ្នាក់​ឱ្យ​សុខភាព​ទៅវិញ​។​

​    ​១.​គេង​តាមរបៀប​មុខ​ទល់​មុ​ខៈ​
​    ​នេះ​ជា​កាយវិការ​គេង​របស់​មនុស្ស​ជាច្រើន ពិសេស​គឺ​របស់​គូ​ស្វាមី ភរិយា ឬ​រវាង​ឪពុក ម្តាយ និង​កូន​។ ប៉ុន្តែ​នេះ​ជា​កាយវិការ​គេង​ô​បាត់​អនាម័យ​õ បំផុត ព្រោះ​ពេល​គេង​ប្រឈមមុខ​ដោយ​អ​ចេតនា យើង​នឹង​ស្រូបយក​ឧស្ម័ន​កាបូ​និក ដែល​បញ្ចេញ​តាម​ដង្ហើម​របស់​មនុស្ស​ម្នាក់​ទៀត​។ រឿងនេះ​បណ្តាលឱ្យ​ខួរក្បាល ខ្វះ​ប្រភព​អុកស៊ីហ្សែន ចាំបាច់ អ្នក​គេងៗ​មិន​ស្កប់ ងាយ​ភ្ញាក់​កន្ត្រាក់​ខ្លួន យល់សប្តិ ឬ​ពេល​ភ្ញាក់​តែងមាន​អារម្មណ៍​អស់កម្លាំង ឈឺក្បាល​។​

​    ​ល្អ​បំផុត ចូរ​ជ្រើសឱ្យ​ខ្លួន​នូវ ô​ពិភពលោក​ដោយឡែក​õ​មួយ នៅពេល​គេង​។ ប្រសិន​គេង​រួម​គ្រែ​ជាមួយ​មនុស្ស​ម្នាក់ទៀត ចូរ​បែរ​ទៅ​ទិស​២​ផ្សេងគ្នា​។​

​    ​២.​ពាក់​គ្រឿងអលង្ការ​ពេល​គេងៈ
​    ​ស្ត្រី​ជាច្រើន មាន​ទម្លាប់​ពាក់​គ្រឿងអលង្ការ​ពេល​គេង​។ គ្រឿងអលង្ការ សឹងតែ​ទាំងអស់ សុទ្ធតែ​ធ្វើ​ពី​លោហធាតុ​។ ពេល​គេង​វា​ប្រាស្រ័យ និង​កកិត​ជាមួយ​ស្បែក ធ្វើឱ្យ​កើន​គ្រោះថ្នាក់ ត្រូវ​អាលែកហ្ស៊ី​ស្បែក​។ ក្រៅពីនេះ ពាក់​គ្រឿងអលង្ការ​ពេល​គេង នឹង​បង្ក​ជា​ឧបសគ្គ​ឱ្យ​ចរាចរ​ឈាម និង​បំប្លែង​សារជាតិ​ក្នុង​សរីរាង្គ ជំរុញ​លឿន​ដំណើរការ​ជរាភាព​។​

​    ​៣.​ហាមាត់​ដកដង្ហើម​ពេល​គេងៈ​
​    ​ជាធម្មតា យើង​ដកដង្ហើម​ដោយ​ច្រមុះ​។ ការដកដង្ហើម​តាម​ច្រមុះ ជួយ​បង្កើត​សម្ពាធ​ប្រតិកម្ម​ត្រឡប់ ដើម្បីឱ្យ​សួត មាន​ពេលវេលា​ច្រើន​ក្នុងការ​ស្រូបយក អុកស៊ីហ្សែន និង​តុល្យភាព PH ឈាម​។​

​    ​ការដកដង្ហើម​តាម​មាត់ អាច​បណ្តាលឱ្យ​កើត​ជំងឺ​ô​ឈប់​ដកដង្ហើម​ពេល​គេង​õ ឬ​បញ្ហា​សរសៃឈាម​បេះដូង​ផ្សេងៗ​។ ក្រៅពីនេះ ពេល​ដកដង្ហើម​តាម​មាត់ ចរន្ត​ខ្យល់​ចូល​ត្រង់​ទៅក្នុង​បំពង់ក និង​សួត មិនត្រូវ​បាន​ô​ច្រោះ​ស្អាត​õ ហេតុនេះ ងាយ​បង្ក​ការ​រលាក​បំពង់ក​។ យូរថ្ងៃ​ទៅ វា​អាច​ផ្លាស់ប្តូរ​កម្រិត​ឧស្ម័ន​ឈាម គេង​មិន​លក់ ផ្លាស់ប្តូរ​សំឡេង ឬ​ជំងឺ​ធ្ងន់ធ្ងរ​អំពី​ផ្លូវដង្ហើម​។​

​    ​៤.​ពាក់អាវ​ទ្រនាប់​ពេល​គេងៈ​
​    ​ក្រុម​អ្នកស្រាវជ្រាវ បាន​បង្ហាញថា ស្ត្រី​ដែល​ពាក់អាវ​ទ្រនាប់​ច្រើនជាង ១២ ម៉ោង ក្នុង​មួយថ្ងៃ មាន​អត្រា​មហារីក​ដោះ ខ្ពស់​ស្មើ ២១​ដង ពិសេស​អ្នក​ពាក់អាវ ទ្រនាប់​ពេល​គេង​នោះ គ្រោះថ្នាក់​នេះ កើនឡើង​ដល់ ១១៣​ដង​។​
​    ​ការពាក់​អាវទ្រនាប់​ពេល​គេង ពិសេស​អាវ​ចង្អៀត ធ្វើឱ្យ​សរសៃឈាម មិនបាន​ចរាចរ សារជាតិ​សំណល់ មិនត្រូវ​បាន​រំដោះ និង​ប្រមូលផ្តុំ​យូរថ្ងៃ បង្ក​ជា​ជំងឺមហារីក​ដោះ​។ ក្រៅពីនេះ អាវទ្រនាប់ សឹងតែ​គ្រប់​ប្រភេទ បច្ចុប្បន្ននេះ ត្រូវបានធ្វើ​ពី​សរសៃ​គីមី​។ សរសៃ​ទាំងនេះ ពេល​ប្រាស្រ័យ​ជាមួយ​ស្បែក នឹង​ងាយ​បង្ក​ឱ្យ​អាលែកហ្ស៊ី​។ ដូច្នេះ​ល្អ​បំផុត ស្ត្រី​ត្រូវ​ដោះអាវ​ទ្រនាប់​ចេញ ពេល​គេង ជ្រើសរើស​អាវ​ធ្វើ​ពី​ប្រភេទ​សរសៃ​ធម្មជាតិ​។​

​    ​៥.​គេង​ក្នុង​បន្ទប់​ក្តៅ​ពេកៈ​
​    ​សីតុណ្ហភាព​ខ្ពស់​ពេក​ក្នុង​បន្ទប់ អាច​បង្ក​ភាពច្របូកច្របល់​ដល់​ដំណើរការ​បំប្លែង​សារជាតិ​របស់​សរីរាង្គ​។ ឧស្ម័ន​ក្តៅ ពេល​ស្រូប​ចូល​អាច​បង្ក​ការ​របួស​ភ្នាស​ច្រមុះ ហើយក៏​ជា​បរិស្ថាន​អំណោយផល​ឱ្យ​ពពួក​អតិសុខុមប្រាណ កកើត​និង​រីកចម្រើន​។​
​    ​ចំពោះ​មនុស្ស​ចាស់ កើត​ជំងឺ​សរសៃឈាម​បេះដូង សីតុណ្ហភាព​ក្នុង​បន្ទប់​គេង​ខ្ពស់ អាច​បង្ក​ការ​ចុក​ទ្រូង គេង​មិន​លក់ ពិបាក​ដកដង្ហើម​។​

​    ​កម្រិត​សីតុណ្ហភាព​នៅក្នុង​បន្ទប់​គេង គឺ​២០​អង្សា​សេ កម្រិត​សំណើម ៦០​ភាគរយ ជា​បរិស្ថាន​ដ៏​ល្អ​សម្រាប់​ដំណេក​របស់​អ្នក​។​

​    ​៦. ដណ្តប់ភួយ​ជិត​ពេល​គេងៈ​
​    ​មនុស្ស​ជាច្រើន ចូលចិត្ត​ដណ្តប់ភួយ​ជិត​ក្បាល និង​ខ្លួន​ទាំងមូល ពិសេស​គឺ​ពេល​ភ័យខ្លាច ឬ​ធាតុអាកាស​ត្រជាក់​។ នេះ​ជា​ទម្លាប់​មិនល្អ ឥទ្ធិពល​អាក្រក់​ដល់​សុខភាព​។​
​    ​ក្នុង​ដំណើរការ​ដកដង្ហើម សរីរាង្គ​ស្រូប​បញ្ចូល​ឧស្ម័ន​អុកស៊ីហ្សែន និង​ដកដង្ហើម​ចេញ្ញ​ឧស្ម័ន​កាបូ​និក​។ ពេល​ក្បាល​អ្នក ត្រូវ​ដណ្តប់​ជិត ឧស្ម័ន​អុកស៊ីហ្សែន​ក្នុង​ភួយ កាន់តែ​តិច​ទៅ ចំណែក​ឧស្ម័ន​កាបូ​និក​កាន់តែ​ច្រើនឡើង​។ ដោយសារ​មិនត្រូវ​បាន​ផ្គត់ផ្គង់​គ្រប់​អុកស៊ីហ្សែន ហេតុនេះ ខួរក្បាល​អ្នក នឹងធ្វើ​សកម្មភាព​ខ្សោយ​ទៅៗ​។ ស្ថាន​ភាពខ្វះ​អុកស៊ីហ្សែន​អូសបន្លាយ នឹង​បណ្តាលឱ្យ​កោសិកា​ខួរក្បាល​ត្រូវរបួស​។​
​    ​អ្នក​ដណ្តប់ភួយ​ជិត នឹងមាន​អារម្មណ៍​ចុក​ទ្រូង ដង្ហើម​ដង្ហក់ ឬ​នៅ​ពាក់​កណ្តាលយប់ យល់​សុបិន​អាក្រក់ ភ័យខ្លាច​។ ព្រឹក​ឡើង ភ្ញាក់​ពី​ដំណេក​នោះ ខ្លួនប្រាណ​ទាំងមូល អស់កម្លាំង ដូចជា​ទើប​ឆ្លងកាត់​សកម្មភាព​ធ្ងន់​។ អាស្រ័យហេតុនេះ អ្នក​មិនត្រូវ​ដណ្តប់ភួយ​ជិត​ក្បាល នៅពេល​គេង​នោះទេ​។​
​    ​៧.​ប្រើ​ដៃ​ជំនួស​ខ្នើយៈ​
​    ​ចូរ​បោះបង់​ភ្លាម​នូវ​ទម្លាប់​ប្រើ​ដៃ កើយ​ក្បាល​ពេល​គេង ប្រសិន​អ្នក​មិន​ចង់​ជួប​បញ្ហា​អំពី​ការរំលាយ​អាហារ ក៏ដូចជា​គុណភាព​ដំណេក​។​

​    ​ការប្រើ​ដៃ​ជំនួស​ខ្នើយ​ពេល​គេង វា​មាន​ឥទ្ធិពល​ផ្ទាល់​ដល់​លទ្ធភាព​ចរាចរ​ឈាម​របស់​សរីរាង្គ នាំ​ដល់​ការឈឺ ឬ​ស្ពឹក​អវយវៈ​ខាងលើ ដូចជា​ឆ្អឹងខ្នង ស្មា ... ក្រៅពីនេះ ទម្លាប់​អាក្រក់​នេះ នៅ​ងាយ​បង្កើត​សម្ពាធ​នៅត្រង់​ពោះ យូរៗ​ទៅ នឹង​បង្ក​ការ​ច្រាល​បំពង់ក​៕

ដើរ​ច្រើន ជួយ​ខួរក្បាល​ក្មេង ជាង ២ ឆ្នាំ​

យើង​សុទ្ធតែ​ដឹងថា ដើរ​ជា​រូបភាព​ចលនា​មួយ​ត្រឹមត្រូវ សម្រាប់​សុខភាព ។ ពិសេស​គឺ​នៅពេល​ព្រឹក ដើរ​អាច​កម្ចាត់​ភាព​តានតឹង និង​បង្កើន​សុខភាព ។​
ការស្រាវជ្រាវ​ថ្មីៗ​នេះ បង្ហាញថា ការដើរ ក៏​អាចធ្វើ​ឲ្យ​កើន​សមត្ថភាព របស់​ខួរក្បាល ពាក់ព័ន្ធ​ដល់​ការចងចាំ ។ ពួក​អ្នកស្រាវជ្រាវ បាន​ឲ្យ​ដឹងថា ដើរ​ញាប់ៗ ៣ ដង ក្នុង ១ សប្តាហ៍ អាចធ្វើ​ឲ្យ​កើន​សមត្ថភាព​របស់​ខួរក្បាល (​ឈ្មោះ​វិទ្យាសាស្ត្រ​គឺ hippocampus) ។

ពុំ​ត្រឹមតែ​ប៉ុណ្ណឹង​ទេ ពួក​អ្នកស្រាវជ្រាវ​ក៏​អះអាងថា ដើរ​នឹងធ្វើ​ឲ្យ​ខួរក្បាល​ក្មេង​ជាង ២ ឆ្នាំ ។ លទ្ធផល​ទទួលបាន ក្រោយពេល​ពួក​អ្នកវិទ្យាសាស្ត្រ ស្រាវជ្រាវ​លើ​បុរស និង​ស្ត្រី ១២០ នាក់ អាយុ​ពី ៥៥-៨០ ឆ្នាំ ។ អ្នកចូលរួម​ស្រាវជ្រាវ​ត្រូវបាន​សំណូមពរ​ដើរ ៤០ នាទី ៣ ដង​ក្នុង ១ សប្តាហ៍ ។​
​ធម្មតា ខួរក្បាល​រួញ​មកវិញ​តាម​វ័យ ។ ប៉ុន្តែ​ទម្លាប់​ដើរ​បាន ធ្វើ​ឲ្យ​កើន hippocampus ឡើង ២% ។ ប្រការ​គួរ​ឲ្យ​ចាប់អារម្មណ៍​នៅទីនេះ គឺ​ប្រសិន​អ្នក​មិន​ដើរ តែ​ហាត់ប្រាណ​ផ្សេង​នោះ ខួរក្បាល​មិន​រីកចម្រើន ។​
ពួក​អ្នកវិទ្យាសាស្ត្រ ក៏បាន​សំណូមពរ​អ្នកចូលរួម​ស្រាវជ្រាវ ហាត់ប្រាណ​លំបាក​ខ្លាំង ក្នុង​រយៈពេល ១ ឆ្នាំ ។ លទ្ធផល​គឺ ផ្នែក​ទាំងឡាយ​របស់​តំបន់ hippocampus នៅតែ​ត្រូវ​បង្រួញ​តូច ។​
ប្រធាន​ក្រុម​ស្រាវជ្រាវ​បណ្ឌិត krik Erickson បាន​បកស្រាយ​ថា ទោះបី​ដើរ ពុំមែន​ជា​វិធី​តែមួយគត់ ដើម្បី​ទប់ស្កាត់​ជំងឺ អំពី​ខួរក្បាល តែ​វិធី​នេះ អាច​ប្រើប្រាស់ ដើម្បី​រក្សា​សុខភាព​រប​ស់​ខួរក្បាល ។ ក្រៅពី​បង្កើន​ដើរ មនុស្ស​ក៏​អាច​សកម្មភាព​ផ្សេងៗ មាន​ប្រយោជន៍​សម្រាប់​ខួរក្បាល ដូចជា​អុក ល្បែង​កំសាន្ត​... ៕M/V/L​

 

​ស៊ុត និង ប្រេង​អូ​លីវ ជួយ​កាត់បន្ថយ​ជាតិ​ខ្លាញ់​បានល្អ​

សុភាពនារី​ទាំងឡាយ​អាច​គិតថា ស៊ុត​ជា​អាហារ​ដែល​ត្រូវ​ហាម​សម្រាប់​អ្នក​ដែល​ចង់​សម្រក​ទម្ងន់ ពីព្រោះ​វា​មាន​បរិមាណ​កូ​ឡេ​ស្តេ​រ៉ូ​ល​ខ្ពស់ ដែល​អាច​ផ្តល់​ផល​មិនល្អ​ដល់​រាងកាយ ។ ប៉ុន្តែ​តាមរយៈ​ការស្រាវជ្រាវ​ថ្មីៗ​នេះ គេ​បាន​រកឃើញថា កូ​ឡេ​ស្តេ​រ៉ូ​ល​ដែល​បានទទួល​ពី​អាហារ​។ ការពិតទៅ ស៊ុតមាន់​ក៏​នៅមាន​ប្រយោជន៍​ពី​ប្រូតេអ៊ីន និង វីតាមីន​ផ្សេងៗ​ជាច្រើន​ទៀតផង ហើយ​បើ​អ្នកណា​ខ្លាច​ទទួលទាន​ស៊ុត​ទាំងមូល​ទៅ​នាំ​ឲ្យ​ធាត់ គឺអាច​ជ្រើសរើស​ហូប​ស៊ុត​-​ស ក៏បាន​ដែរ​។​
​​ក្រៅពីនេះ ប្រេង​អូ​លីវ ក៏​ជា​ប្រេង​ល្អៗ​ពី​ប្រភព​អាហារ​ធម្មជាតិ​ដែល​ជួយ​ដុតបំផ្លាញ​ជាតិ​ខ្លាញ់ និង​ជួយ​កាត់បន្ថយ​កូ​ឡេ​ស្តេ​រ៉ូ​ល បាន​ទៀតផង​។ ប្រេង​អូ​លីវ​សុទ្ធ​មួយ​អោន​ស៍ មាន​ជាតិ​ខ្លាញ់​មិន​ឆ្អែត​ដែលមាន​គុណប្រយោជន៍​ចំពោះ​រាងកាយ​រហូតដល់​ទៅ ៨៥ ភាគរយ នៃ​ចំនួន​ខ្លាញ់​មិន​ឆ្អែត​ដែល​យើង​គួរតែ​ទទួលទាន​ក្នុង​មួយថ្ងៃៗ​។
​ដូច្នេះហើយ ប្រសិនបើ​យើង​ទទួលទាន​ទាំង​ស៊ុត និង ប្រេង​អូ​លីវ​ក្នុង​បរិមាណ​មួយ​ដែល​រាងកាយ​ត្រូវការ អាចជួយ​កាត់បន្ថយ​ជាតិ​ខ្លាញ់​ដែល​រាងកាយ​មិនត្រូវ​ការ​បានតែ​ម្តង​៕

សញ្ញាស្តែងចេញ៥ ប្រកាសអាសន្នជំងឺបេះដូង

​ពិបាក​ដកដង្ហើម ឈឺទ្រូង​ជា​ជំងឺ​បេះដូង ពិសេស​គឺ​រោគសញ្ញា​ឈឺ​ពឺត​ទ្រូង តែ​រឿង​នោះ​ក៏មាន​ន័យ​ពុំមែន​នរណា​ក៏មាន​រោគសញ្ញា​នេះដែរ ។ អាស្រ័យហេតុនេះ​មិនត្រូវ​មើលស្រាល​រោគសញ្ញា​ទាំង​លាយ​ខាងក្រោម​នេះ ៖
-​ជ្រុះ​សក់​
​យុវជន​ជ្រុះ​សក់​នៅ​កណ្តាល​ក្បាល​កើន​ហានិភ័យ​ជំងឺ​សរសៃឈាម​បេះដូង ។​
​ការស្រាវជ្រាវ​បាន​បញ្ជាក់ថា អ្នកមាន​សក់​ក្រាស់ ប្រសិន​សក់​នៅ​កណ្តាល​ក្បាល​តិច​ទៅៗ នោះ​ហានិភ័យ​កើត​ជំងឺ​សរសៃឈាម​បេះដូង​កើន​២៣% ។ ចំណែក​បុរស​ក្បាលទំពែក​នោះ​មានការ​ប្រឈម​កើន​ជំងឺ​បេះដូង​ឡើង​៣៦% ។​
​ការស្រាវជ្រាវ​បង្ហាញថា ជ្រុះ​សក់​នៅ​បុរស​ពាក់ព័ន្ធ​ជាមួយ​អ័រម៉ូន​បុរស ហើយ​អ័រម៉ូន​នេះ​បែរជា​ពាក់ព័ន្ធ​ជំងឺ​ក្រិន​រឹង​សរសៃឈាម ។ ដូច្នេះ បុរស​ទំពែក​ដាច់ខាត​ត្រូវ​យកចិត្តទុកដាក់​ច្រើនជាង​ដល់​សុខភាព​សរសៃឈាម​បេះដូង ។​
-​ហើមជើង​
​ប្រើ​ម្រាមដៃ​ចុច​ខ្លាំង​ទៅលើ​ភ្នែក​គោល ឬ​កំភួនជើង​ប្រសិន​វា​ទ្រុត និង​មិនអាច​ត្រឡប់មក​ដូចដើម​ភ្លាមៗ​នោះ​គឺ​ជើង​ត្រូវ​ហើម ។​
​ពេល​បេះដូង​មិនអាច​ធ្វើការ​ធម្មតា ពោលគឺ​លទ្ធភាព​ចរាចរ​ឈាម​ថយចុះ​រំអិល​នៃ​សរីរាង្គ​នឹង​ផ្តុះ​នៅ​កំភួនជើង​ក្រោម ពេលនេះ​ច្រើន​អម​ជាមួយ​រោគសញ្ញា​ផ្សេងៗ​ដូចជា​បត់ជើងតូច​ច្រើន បរិមាណ​ទឹកនោម​តិច ទម្ងន់​ខ្លួន​កើនឡើង យប់​ក្អក​ច្រើន​...​និង​លេចចេញ​សភាព​ហើម​នៅ​កំភួនជើង​ក្រោម ពិសេស​គឺ​ផ្នែក​ភ្នែក​គោល ។ បន្ទាប់មក​សន្សឹមៗ​រីកចម្រើន​ដល់​ខ្លួនប្រាណ​ទាំងមូល ។ ពេល​មាន​បាតុភូត​នេះ​ត្រូវ​ប្រញាប់​ទៅ​ត្រួតពិនិត្យ​សុខភាព ។​
-​ជំងឺ​មាត់​ធ្មេញ​
​ឈឺ​ហើម​នៅ​គល់​ធ្មេញ ហូរឈាម​ជា​សញ្ញា​បង្ហាញថា​អនាម័យ​មាត់ បំពង់ក​មាន​បញ្ហា​ដ ទន្ទឹម​នោះ​ក៏​ជា​សញ្ញា​របស់​ជំងឺ​បេះដូង ។​
​ការស្រាវជ្រាវ​បានបញ្ជាក់​ការពិត​ថា ជំងឺ​ជុំវិញ​ធ្មេញ​មាន​ពាក់ព័ន្ធ​ជិតស្និទ្ធ​ដល់​ជំងឺ​បេះដូង ។ ការរក្សា​អនាម័យ​បំពង់ក មាត់​ធ្មេញ​ជួយ​បន្ថយ​ទាប​ជំងឺ​សរសៃឈាម​បេះដូង ។​
-​ស្បែក​លេចចេញ​ដុំ​ពក​ខ្លាញ់​ពណ៌​លឿង​
​ដុំ​ពក​ខ្លាញ់​ពណ៌​លឿង​ជា​ជំងឺ​ផ្តុំ​ជាតិ​ខ្លាញ់​មួយ​សំខាន់​ធ្វើ​ឲ្យ​របួស​ស្បែក ។ ពេល​ស្បែក ជាពិសេស​ស្បែ​កនៅ​ជិត​ជ្រុង​ភ្នែកមាន​ពណ៌​លឿង ចម្រុះ​ពណ៌​ទឹកក្រូច ស្នាម​កន្ទួល​ដុំៗ ឬ​ផ្ទាំង​ស្នាម​ជ្រួញ ពេលនេះ​ត្រូវ​ទៅពិនិត្យ​មើល​តើ​ជា​ដុំ​ពក​ខ្លាញ់​ពណ៌​លឿង ឬ​មិនមែន ។ អ្នកមាន​រោគសញ្ញា​នេះ​ច្រើន​ច្របូកច្របល់​ការ​បំប្លែង​សារជាតិ ហានិភ័យ​ជំងឺ​បេះដូង​ក៏​កើនឡើង​តាម​នោះ ដូច្នេះ​ត្រូវ​យកចិត្តទុកដាក់​កំរិត​ខ្លាញ់​ក្នុង​ឈាម​របស់ខ្លួន និង​ត្រួតពិនិត្យ​ទាន់ពេល ។​
-​ភ្នែក​ឡើងបាយ​
​ការស្រាវជ្រាវ​ជាច្រើន​សុទ្ធតែ​ឲ្យ​ដឹងថា អ្នក​កើត​ជំងឺភ្នែកឡើងបាយ នោះ​ហានិភ័យ​ជំងឺ​សរសៃឈាម​បេះដូង​កើនឡើង​ទោះបី​អត្រា​តែ​ប្រមាណ​១០% ៕M

​ទូរទស្សន៍ រថយន្ត និង​កុំព្យូទ័រ បង្ក​គ្រោះថ្នាក់​យ៉ាងដូចម្តេច​?

៖ ធាត់​ជា​ជំងឺ​ទូទៅ​មួយ​ក្នុង​យុគសម័យ​រីកចម្រើន​
​ទូរទស្សន៍ រថយន្ត និង​កុំព្យូទ័រ បង្ក​គ្រោះថ្នាក់​ឲ្យ​មនុស្ស ពិសេស​គឺ​នៅ​ប្រទេស មាន​ប្រាក់ចំណូល​ទាប ។​
​នៅ​បណ្តា​ប្រទេស មាន​កម្រិត​ប្រាក់ចំណូល​ទាប អ្នកមាន​រថយន្ត ទូរទស្សន៍ និង​កុំព្យូទ័រ តែង​ងាយ​កើត​ជំងឺ​ធាត់ ជាង​អ្នក​ពុំមាន របស់របរ​ទំនើប​នេះ ។ នេះ​ជា​ពត៌មាន​ថ្មី​បំផុត ទើប​ត្រូវបាន​ចុះផ្សាយ លើ​ទស្សនា​វ​ដ្តី​សុខភាព​មួយ នៅ​កាណាដា​។​
ជាក់ស្តែង អ្នកមាន​រថយន្ត ទូរទស្សន៍ និង​កុំព្យូទ័រ ច្រើន​មាន​និន្នាការ​ទទួលទាន​ច្រើនជាង អង្គុយ​ច្រើនជាង និង​ខ្ជិល​ចលនា​រាងកាយ​ជាង ប្រៀប​នឹង​អ្នក​ពុំមាន​លក្ខខណ្ឌ​ទិញ ។ រឿង​ទាំងនេះ នឹងធ្វើ​ឲ្យ​គេ​ត្រូវ​ឡើង​ទម្ងន់ និង​មាន​ហានិភ័យ កើត​ជំងឺ​ទឹកនោមផ្អែម​ខ្ពស់ ។​
​ពួក​អ្នកស្រាវជ្រាវ បាន​ព្រមាន​ថា ប្រទេស​មួយចំនួន កំពុង​រង​ឥទ្ធិពល ដោយ​របៀបរបប​រស់​នៅ​លោកខាងលិច គួរ​យកចិត្តទុកដាក់​ដល់​សុខភាព​របស់គេ ។​
ការស្រាវជ្រាវ ត្រូវបាន​អនុវត្ត​លើ​មនុស្សពេញវ័យ ១៥៤.០០០ នាក់ ពី ១៧ ប្រទេស លើ​ពិភពលោក ក្នុងនោះ​មាន អាមេរិក កាណាដា ស៊ុយអែត ចិន អ៊ីរ៉ង់ បង់​ក្លា​ដេ​ស ឥណ្ឌា និង​ប៉ា​គី​ស្ថាន ។​
​តាម​ការស្រាវជ្រាវ​នេះ ទូរទស្សន៍ ត្រូវបាន​ចាត់ទុកជា​ឧបករណ៍ អេឡិចត្រូនិក​ទូទៅ​បំផុត នៅ​បណ្តា​ប្រទេស​កំពុង​រីកចម្រើន មាន​ដល់ ៧៨ % ចំនួន​គ្រួសារ​មាន​ទូរទស្សន៍​មួយគ្រឿង ៣៤% នៃ​គ្រួសារ​មាន​កុំព្យូទ័រ ក្នុងពេល​តួលេខ​នេះ សម្រាប់​អ្នកមាន​រថយន្ត​គឺ ៣២% ។​
នៅ​បណ្តា​ប្រទេស មាន​ប្រាក់ចំណូល​ទាប មានតែ ៤% នៃ​ចំនួន​ប្រជាជន កំពុង​គ្រប់គ្រង​របស់​ទាំង ៣ ខាងលើ តិចជាង​យ៉ាងច្រើន ប្រៀប​នឹង ៨៣% នៃ​ប្រជាជន មាន​ទាំង​រថយន្ត កុំព្យូទ័រ និង​ទូរទស្សន៍ នៅ​បណ្តា​ប្រទេស មាន​ប្រាក់ចំណូល​ខ្ពស់ ។​
​អ្នកស្រាវជ្រាវ បានដឹងថា នៅ​កាណាដា បច្ចុប្បន្ន កំពុងមាន ២៥% នៃ​ចំនួន​ប្រជាជន កើត​ជំងឺ​ធាត់ ហើយ​តួលេខ​នេះ នៅ​អាមេរិក​គឺ ៣៥% ៕M/V/L​

មូលហេតុ៥ពន្យឺតការបំប្លែងសារជាតិបណ្តាលឲ្យឡើងទម្ងន់

អាច​អ្នក​ពុំ​ដឹង​តែ​ជាក់ស្តែង​ការ​បំប្លែង​សារជាតិ​ក្នុង​សរីរាង្គ​ប្រព្រឹត្តទៅ​យឺត គឺជា​មូលហេតុ​បង្ក​ជា​ស្ថានភាព​ឡើង​ទម្ងន់ ។​
​ការ​បំប្លែង​សារធាតុ​ជា​ដំណើរ​ការដែល​សរីរាង្គ​អ្នក​បំប្លែង​នូវ​អ្វីដែល​អ្នកទទួល​ទាន​ទៅជា​ថាមពល ។​សូម្បីតែ​ពេល​អ្នក​កំពុង​សម្រាក សរីរាង្គ​អ្នក​នៅតែ​ខូចខាត ។ បរិមាណ​កាឡូរី​ដែល​សរីរាង្គ​កំពុង​ប្រើប្រាស់​សម្រាប់​មុខងារ​ទាំងនេះ ត្រូវបាន​ហៅថា អត្រា​បំប្លែង​សារជាតិ​មូលដ្ឋាន​របស់​អ្នក ។ មាន​កត្តា​ជាច្រើន​កំណត់ត្រា​បំប្លែង​សារជាតិ​មូលដ្ឋាន​រួមមាន ៖
-​ទំហំ​សរីរាង្គ ៖ អ្នកមាន​បរិមាណ​សាច់ដុំ​ច្រើនជាង​ខ្លាញ់​នោះ​នឹង​ដុតបំផ្លាញ​កាឡូរី​ច្រើនជាង ដូច្នេះ​ពួកគេ​មាន​អត្រា​បំប្លែង​សារជាតិ​លឿន​ជាង​អ្នកផ្សេង ។​
-​អាយុ ៖ ពេល​អ្នក​ចាស់​ទៅ បរិមាណ​សាច់ដុំ​ក្នុង​សរីរាង្គ​ថយចុះ ហេតុនេះ​ល្បឿន​ដែល​អ្នក​ដុតបំផ្លាញ​កាឡូរី​ក៏​ថមថយ​ទៅតាម​នោះ ។​
-​ភេទ ៖ សរីរាង្គ​បុរស​ត្រូវបាន​ចាត់ទុកថា​មាន​ខ្លាញ់​តិច មាន​សាច់ដុំ​ច្រើនជាង​ស្ត្រី ហេតុនេះ​គេ​មាន​អត្រា​ដុតបំផ្លាញ​កាឡូរី​ខ្ពស់​ជា​ស្ត្រី ។​
​មនុស្ស​ជាច្រើន​ជឿថា ពួកគេ​លើស​ទម្ងន់​គឺ​ដោយសារ​សរីរាង្គ​ជួប​ឧបសគ្គ​ជាមួយ​ការ​បំប្លែង​កាឡូរី មិនតែប៉ុណ្ណោះ​សរីរាង្គ​មិនអាច​ដុតបំផ្លាញ​កាឡូរី​ដែល​គេ​បាន​ស្រូបយក ។ ជាក់ស្តែង​ពុំ​ប្រាកដ​ដូច្នេះ​ឡើយ ក្នុងករណី​ជាច្រើន ហេតុតែ​ពួកគេ​លើស​ទម្ងន់​គឺ​ដោយសារ​បរិមាណ​កាឡូរី​ស្រូប​ចូលក្នុង​សរីរាង្គ​ខ្ពស់ជាង​បរិមាណ​កាឡូរី​ដែល​គេ​បាន​ដុតបំផ្លាញ ។ សូម្បីតែ​អ្នកធ្វើ​ជាប្រចាំ ហាត់ប្រាណ​ជាប្រចាំ ប្រសិន​នៅតែ​ទទួលទាន​ច្រើនពេក នោះ​ក៏​អាច​ជួប​ការលំបាក​ក្នុងការ​បញ្ចុះទម្ងន់ ព្រោះ​បរិមាណ​កាឡូរី​មិនត្រូវ​បាន​រំលាយ​អស់ ផ្តុំ​មកវិញ​ទៅជា​ខ្លាញ់​លើស និង​ពិបាក​ត្រូវ​ដុតបំផ្លាញ​ជាង​ពពួក​កាឡូរី​ផ្សេងៗ ។​​
​អាស្រ័យហេតុនេះ​អាច​និយាយថា អត្រា​បំប្លែង​សារជាតិ​ក្នុង​សរីរាង្គ​ប្រព្រឹត្តទៅ​យឺតយ៉ាវ​ក៏​អាច​ដើរតួនាទី​ធំ​មួយ​ក្នុង​ការឡើង​ទម្ងន់ ។ ខាងក្រោម​នេះ​ជា​មូលហេតុ​ទូទៅ​បំផុត​របស់​ការ​បំប្លែង​សារជាតិ​យឺត ៖
១.​ដោយសារ​តំណពូជ​
​មនុស្ស​មួយចំនួន​សំណាង​មានការ​បំប្លែង​សារជាតិ​មួយ​ប្រព្រឹត្តទៅ​លឿន​ក្នុង​សរីរាង្គ តែ​ការ​បំប្លែង​សារជាតិ​ក្នុង​សាច់ដុំ​របស់​អ្នកផ្សេង​បែរជា​ប្រព្រឹត្តទៅ​យឺតយ៉ាវ​ដែល​មិនអាច​កែប្រែ​ប្រសើរ​បាន​ច្រើន ។ រឿងនេះ​គឺ​បង្កឡើង​ដោយ​កត្តា​តំណពូជ ។​
​អំពី​ទ្រឹស្តីបទ ប្រសិន​អ្នក​ព្យាយាម​ហាត់ប្រាណ​ជាប្រចាំ​រួមមាន​ទាំង​សកម្មភាព​រាងកាយ ហាត់​លំ​ហាត់​ធ្ងន់ៗ ដើម្បី​កសាង​បរិមាណ​សាច់ដុំ​ក្នុង​សរីរាង្គ នោះ​អ្នកនឹង​ដុតបំផ្លាញ​បាន​ច្រើន​សារជាតិ​ខ្លាញ់ ជំរុញ​ការ​បំប្លែង​សារជាតិ​ក្នុង​សរីរាង្គ​ដើម្បី​សម្រក​ទម្ងន់ ។ ប៉ុន្តែ​ប្រសិន​អ្នក​បាន​មាន​ហ្សែ​ន​បំប្លែង​សារជាតិ​យឺត នោះ​ទោះបី​អ្នក​ប្រឹងប្រែង​ហ្វឹកហាត់​តឹងរ៉ឹង នោះ​ល្បឿន​បំប្លែង​សារជាតិ​ក៏​មិនបាន​កើន​ប៉ុន្មាន ។ អ្នកមាន​ល្បឿន​បំប្លែង​សារជាតិ​ក្នុង​សរីរាង្គ​យឺត​តែង​ពិបាក​បញ្ចុះទម្ងន់​ជាង ។​
២.​អាយុ​
​ប្រសិន​សរីរាង្គ​អ្នកមាន​អត្រា​សាច់ដុំ​ខ្ពស់​នោះ​ការ​បំប្លែង​សារជាតិ​ក៏​ប្រព្រឹត្តទៅ​លឿន​ជាង ។ ប៉ុន្តែ​ពេល​មាន​វ័យ​ច្រើន​បរិមាណ​សាច់ដុំ​ក្នុង​សរីរាង្គ​ថយចុះ ដោយ​ធម្មជាតិ រឿងនេះ​មានន័យថា ការ​បំប្លែង​សារជាតិ​យឺត​មកវិញ ។ ដូច្នេះ​អ្នក​ត្រូវ​ហាត់ពត់​សុខភាព ព្យាយាម​ហាត់ប្រាណ​ដើម្បី​រក្សា​សាច់ដុំ បញ្ចៀស​ការ​ថមថយ​បំប្លែង​សារជាតិ ។ រឿងនេះ​សំខាន់​ជាពិសេស​ចំពោះ​មនុស្ស​ធំ​ក្រោយ​អាយុ​២៥​ឆ្នាំ ។​
៣.​របៀបរបប​រស់នៅ​
​ក្នុង​ជីវភាព ជួនកាល​គឺ​ទម្លាប់​របស់​អ្នកជា​មូលហេតុ​ធ្វើ​ឲ្យ​ការ​បំប្លែង​សារជាតិ​របស់​សរីរាង្គ​ថយចុះ ។ ឱសថ​មួយចំនួន ឧទាហរណ៍​ដូចជា​ថ្នាំ​ប្រឆាំង​រោគ​ផ្លូវចិត្ត​ក៏​ងាយ​ធ្វើ​ឲ្យ​យឺត​ការ​បំប្លែង​សារជាតិ ។ ទទួលទាន​បួស​តឹងរ៉ឹង​ទ្រាំ​មិន​ទទួលទាន​ឥតឈប់ឈរ បោះបង់​អាហារ​ពេលព្រឹក​ក៏​ងាយ​នាំ​ដល់​ភាពមិនប្រក្រតី​អ័រម៉ូន ហើយ​លទ្ធផល​គឺ​សរីរាង្គ​លុះ​ទៅក្នុង​ស្ថានភាព "​សម្រាក​" អាក់​ដំណើរការ ។ នៅពេល​ស្ថានភាព​នេះ​សរីរាង្គ​របស់​អ្នក​ប្រតិកម្ម​ដោយ​វិធី​ធ្វើ​ឲ្យ​យឺត​ការ​បំប្លែង​សារជាតិ​ដើម្បី​ស្តុក​ទុក​ថាមពល ។ ថាមពល​ស្តុក​ទុកជា​បន្តបន្ទាប់​នឹង​ប្រែក្លាយ​ទៅជា​ខ្លាញ់​លើស ។ ប្រការនេះ​នាំ​ដល់​អត្រា​បំប្លែង​សារជាតិ​មួយ​ថយចុះ និង​អាច​បង្ក​ជា​ស្ថានភាព​ឡើង​ទម្ងន់ ។​
៤.​ទទ​យល​ទាន​ច្រើនពេក​
​ហេតុអ្វី​ទទួលទាន​ច្រើនពេក​ជា​មូលហេតុ​ធ្វើ​ឲ្យ​យឺត​ការ​បំប្លែង​សារជាតិ​? នោះ​គឺ​ដោយសារ​ពេល​បរិមាណ​កាឡូរី​ចូល​សរីរាង្គ​ច្រើនពេក ប្រព័ន្ធ​រំលាយ​អាហារ​នឹងមិន​អាច​ដោះស្រាយ​ទាន់ពេល ។ បរិមាណ​កាឡូរី​ចូលក្នុង​សរីរាង្គ ច្រើនពេក​ធ្វើ​ឲ្យ​លើស​កាឡូរី (​ដោយសារ​មិនត្រូវ​បាន​ដុតបំផ្លាញ​អស់​ទៅក្នុង​បណ្តា​សកម្មភាព​របស់​សរីរាង្គ​) ។ ផ្តើម​ពី​នោះ​វា​ធ្វើ​ឲ្យ​បរិមាណ​ស្ករ​ក្នុង​ឈាម​កើន ។ លទ្ធផល​គឺ​បរិមាណ​កាឡូរី ត្រូវបាន​សន្សំ​ក្នុង​កោសិកា​ជា​មូលហេតុ​ធ្វើ​ឲ្យ​យឺត​ការ​បំប្លែង​សារជាតិ​និង​ធ្វើ​ឲ្យ​អ្នក​ឡើង​ទម្ងន់ ។​
៥.​ខ្សោយ​ក្រ​ពេញទី​រ៉ូ​អ៊ី​ដ​
​ខ្សោយ​ក្រ​ពេញទី​រ៉ូ​អ៊ី​ដ ជា​ស្ថានភាព​មួយ​ក្នុងនោះ​ក្រ​ពេញទី​រ៉ូ​អ៊ី​ដ​មិន​ផលិត​គ្រប់​អ័​រមូ​ន​សំខាន់ៗ​មួយចំនួន​សម្រាប់​សរី​រា​ង្គ ។ នៅ​អ្នក​កើត​ជំងឺ​នេះ ក្រ​ពេញទី​រ៉ូ​អ៊ី​ដ​អាច​ប៉ោង​ធំ (​បង្ក​ឲ្យ​ពក​ក​) ឬ​អត់ ។​
​ការខ្វះ​អ័រម៉ូន​នេះ ក៏​ឥទ្ធិពល​ដល់​តុល្យភាព​អ័រម៉ូន រួម​ក្នុង​សរីរាង្គ និង​ឥទ្ធិពល​ដល់​ល្បឿន​បំប្លែង​សារជាតិ​ធ្វើ​ឲ្យ​ដំណើរការ​នេះ​ត្រូវ​យឺត​មកវិញ ។ ការ​បំប្លែង​សារជាតិ​យឺត​មានន័យថា បរិមាណ​ជាតិ​ខ្លាញ់​មិនត្រូវ​បាន​ដុតបំផ្លាញ​អស់ និង​បង្ក​ឲ្យ​ឡើង​ទម្ងន់ ៕​M

កាំរស្មី X បង្ក​មហារីក​ច្រើន​បំផុត នៅ​ប្លោកនោម ទ្រូង​

​ការវិនិច្ឆ័យ​ដោយ​កាំរស្មីអ៊ិច ( X-Ray ) ជា​ភាពជឿនលឿន​ផ្នែក​វេជ្ជសាស្ត្រ​សំខាន់បំផុត នៅក្នុង​សតវត្សរ៍​ទី​២០ ។ លោក Amy Berrington de Gonzalez នៅ​សកល​វិទ្យាល័យ Oxford អង់គ្លេស បាន​ឲ្យ​ដឹងថា "​ប៉ុន្តែ វា​ក៏​ត្រូវបាន​ទទួលស្គាល់ថា មាន​ហានិភ័យ​តូចៗ​មួយចំនួន​បង្ក​ជំងឺមហារីក​" ។​
ពួក​អ្នកវិទ្យាសាស្ត្រ មុននេះ បាន​ប៉ាន់ស្មាន​អំពី​ហានិភ័យ​នៃ​មហារីក​កើន​ខ្ពស់ជាង​បន្តិច ពាក់ព័ន្ធ​ដល់​កាំរស្មីអ៊ិច តែ​ការស្រាវជ្រាវ​របស់លោក Berrington de Gonzalez និង​សហសេវិក Sarah Darby ត្រូវបាន​ប្រកាស លើ​ទស្សនា​វ​ដ្តី​វេជ្ជសាស្ត្រ The Lancet គឺ​លំអិត​បំផុត​សម្រាប់​បច្ចុប្បន្ន ។​
​ការប្រើប្រាស់​ទិន្នន័យ​ពី ១៤ ប្រទេស ពួក​អ្នកស្រាវជ្រាវ បាន​ប៉ាន់ស្មាន​ពី​ចំនួន​ករណី​មហារីក ពាក់ព័ន្ធ​ដល់​កាំរស្មីអ៊ិច ។ គំហើញ​របស់​ពួកគេ ប្រែប្រួល​ពី​កម្រិត​ខ្ពស់ ៣% នៅ​ជប៉ុន និង ១,៨% នៅ​ក្រូ​អាត ដល់​កម្រិត​ទាប ០,៦% នៅ​អង់គ្លេស និង​ប៉ូឡូញ ។​
១-៧០០ ករណី​ក្នុង ១ ឆ្នាំ នៅ​អង់គ្លេសៈ​
​នៅ​អង់គ្លេស ០,៦% ប្រហាក់ប្រហែល​នឹង​ប្រមាណ ៧០០ ករណី មហារីក​ពាក់ព័ន្ធ​ដល់​កាំរស្មីអ៊ិច ក្នុង ១ ឆ្នាំៗ តាម​ក្រុម​ស្រាវជ្រាវ ។​
​ជប៉ុន​ក៏បាន​ប្រើប្រាស់ ការប៉ាន់ស្មាន​ខ្ពស់បំផុត របស់​ការវិនិច្ឆ័យ​កាំរស្មីអ៊ិច ក្នុង ១៤ ប្រទេស ។ មាន​ប្រមាណ ១.៥០០ ដង ការ​បញ្ចាំង​កាំរស្មីអ៊ិច លើ​ប្រជាជន ១.០០០ នាក់ នៅ​ជប៉ុន ប្រៀប​នឹង​តែ ៥០០ ដង នៃ​មនុស្ស ១.០០០ នាក់ នៅ​អង់គ្លេស ។​
2-​មហារីក​អ្វី​?
​ពួក​អ្នកស្រាវជ្រាវ ក៏​ពិនិត្យមើល​ជាក់ស្តែង អំពី​ប្រភេទ​មហារីក ពាក់ព័ន្ធ​ដល់​វិទ្យុសកម្ម​ផងដែរ ។​
​អ្នកស្រី Berrington បាន​បកស្រាយ​ថាៈ " ចំពោះ​បុរស មហារីក​ប្លោកនោម ជា​ជំងឺមហារីក​មួយ ក្នុងចំណោម​ជំងឺមហារីក ដណ្តើម​អត្រា​ខ្ពស់បំផុត ក្នុងចំណោម​មហារីក ពាក់ព័ន្ធ​ដល់​កាំរស្មីអ៊ិច ព្រោះ​មាន​កាំរស្មីអ៊ិច ផ្សេងៗ​គ្នា​ជាច្រើន ប្រើ​ដើម្បី​ថត​ប្លោកនោម​"  ។​
អ្នកស្រី​បាន​ឲ្យ​ដឹង​ដែរ​ថាៈ " ចំពោះ​ស្ត្រី គឺមាន​ការកើនឡើង​នូវ​ហានិភ័យ​ជំងឺមហារីក​សួត និង​ពោះវៀន "​។ អ្នកស្រី​បានបញ្ជាក់​ថាៈ "​ការថត​កាំរស្មីអ៊ិច ដុំ​គីស​នៅ​ទ្រូង បាន​នាំ​បរិមាណ​កាំរស្មីអ៊ិច តូច​មួយ​ទៅដល់​ទ្រូង​។ តែ​ហានិភ័យ​តូច​ណាស់ ចំពោះ​ស្ត្រី អាយុ​លើសពី ៥០ ឆ្នាំ​" ។​
​ការប៉ាន់ស្មាន​ថ្មី​បំផុត ស្រប​ជាមួយនឹង​ការគិតគូរ ធ្លាប់​ត្រូវបាន​អនុវត្ត ក្នុង​ឆ្នាំ​១៩៨១ ។ វា​បង្ហាញថា ប្រមាណ ០,៥% នៃ​ករណី​បាត់បង់​ជីវិត ដោយសារ​មហារីក នៅ​អាមេរិក គឺ​ដោយសារ​ការវិនិច្ឆ័យ ដោយ​កាំរស្មីអ៊ិច ៕M/V/L​

​ˆ​របត់​អាយុ​សំខាន់ៗ​៥ ចំពោះ​សុខភាព​របស់​អ្នក

ខាងក្រោម​នេះ​ជា​ការណែនាំ​របស់​វេជ្ជបណ្ឌិត​អង់គ្លេស​អំពី​រឿង​ទាំងឡាយ​ដែល​អ្នក​ចាំបាច់​ត្រូវធ្វើ​នៅ​របត់​អាយុ​៥​សំខាន់ៗ ។​

​    ​•​អាយុ​២០​ឆ្នាំៈ​
​​ជំងឺ​គ្រោះថ្នាក់​ហាក់​កម្រ​ជួប​នៅ​វ័យ​នេះ ដូច្នេះ​ហើយ​អ្នក​គួរលៃ​ទុក​ពេលវេលា​ដើម្បី​បង្កើត​មូលដ្ឋានគ្រឹះ កម្លាំងកាយ​យូរអង្វែង​សម្រាប់​សរីរាង្គ ដោយ​ទម្លាប់​ហាត់ប្រាណ ទទួលទាន​ត្រឹមត្រូវ​។ កិច្ចការ​សំខាន់​មួយទៀត​គឺ​ប្រយ័ត្នប្រយែង​ចំពោះ​ជំងឺ​ប្លែកៗ មាន​ឥទ្ធិពល​ទៅ​ដល់​មនុស្ស​វ័យក្មេង ។


​​បណ្ឌិត Ellie Cannon បានឱ្យដឹងថា មាន​ជំងឺ​មួយចំនួន​ដែល​មាន​លក្ខណៈ​ទូទៅ​ជាង​ចំពោះ​ក្រុម​មនុស្ស​ក្មេងៗ​ប្រៀប​នឹង​មនុស្ស​ចាស់ ដូច្នេះ​ការប្រុងប្រយ័ត្ន បុគ្គល​ជា​រឿង​សំខាន់​បំផុត ។ ក្រៅពីនេះ នៅ​វ័យ​មាន​សិច​ខ្លាំងក្លា​នេះ ចាប់ផ្តើម​មាន​ការ​ប្រឈម​កើន​ជំងឺមហារីក​មាត់ស្បូន។

អាស្រ័យហេតុនេះ ចូរ​ធ្វើ​វិភាគ Papsmer ៣​ឆ្នាំ​ម្តង ចាប់ផ្តើម​ពី អាយុ​២៥​ឆ្នាំ​។​ ​មហារីក​ពង​ស្វា ស ជា​ជំងឺ​របស់​បុរស​ក្មេងៗ ហើយ​ទូទៅ​បំផុត គឺ​ក្នុង​ក្រុម​អាយុ​ពី​២០-៤០​ឆ្នាំ ។ បុរស​គួរ​ស្វ័យ​ត្រួតពិនិត្យ​រាល់​ខែ ដើម្បី​ស្វែងរក​ដុំ​គីស ដុំ​ចម្លែកៗ​។​ ​​ក្រៅពីនេះ ការប្រាស្រ័យ​ច្រើនពេក​ជាមួយនឹង​ពន្លឺព្រះអាទិត្យ ក្នុង​ដំណាក់កាល​ដំបូង​នៃ​ជីវិត ជា​គ្រោះថ្នាក់​ធំ​បំផុត​បង្ក​ជា​ស្នាម​ជាតិ​ពណ៌​ខុស ប្រក្រតី​-​បុព្វការី​របស់​សណ្ឋាន​មហារីក​ស្បែក ទៅ​ថ្ងៃក្រោយ​។​


​​ដូច្នេះ​ចូរ​ថត​ឡើងវិញ​នូវ​រូបភាព​ទាំងឡាយ​អំពី​ប្រជ្រុយ ស្នាម​ជាំខ្មៅ ដើម្បី​ប្រៀបធៀប វា​ប្រែប្រួល​ទៅតាម​ពេលវេលា។​ ​​ដង់ស៊ីតេ​ឆ្អឹង​របស់​​អ្នក​​​សម្រេច​ដល់​កំពូល​ក្នុង​ទសវត្សរ៍​នេះ បន្ទាប់ពីនោះ ជាលិកា​ត្រូវ​បាត់បង់​យ៉ាង​លឿន​ជាង​ចំនួន​ត្រូវបាន​បង្កើត ។ ដោយហេតុនេះ របប​ទទួលទាន​ក្នុង​វ័យ​២០​ឆ្នាំ គឺ​សំដៅ​ធ្វើឱ្យ​ប្រសើរ​បំផុត​នៃ​ភាពរឹងមាំ​របស់​គ្រោងឆ្អឹង​។ សំដិល​ថ្ងៃ រាល់ថ្ងៃ ដើម្បី​បង្កើន​លទ្ធភាព​ស្រូប​យក​កាល់ស្យូម​។ ជ្រើសរើស​អាហារ​សម្បូរ​កាល់ស្យូម ពុំ​សូវ​មាន​ជាតិ​ខ្លាញ់​។​

​    ​•​អាយុ​៣០​ឆ្នាំៈ
​​នេះ​ជា​ទសវត្សរ៍​អ្នក​ត្រូវ​ចាប់ផ្តើម​បង្កើត​ផែនការ​សម្រាប់​អនាគត​សុខភាព​របស់​ខ្លួន និង​យល់​ថា ប្រវត្តិ​គ្រួសារ​ជា​រឿង​សំខាន់​។ នេះ​ក៏​ជា​ពេលវេលា​ល្អ​ដើម្បី​សំណេះសំណាល ជាមួយ​ឪពុក​ម្តាយ​អ្នក​អំពី​ជំងឺ​តំណពូជ​ក្នុង​គ្រួសារ​។​


​​បញ្ឈប់​ជក់បារី​ភ្លាម​៖ ការស្រាវជ្រាវ​បង្ហាញថា ប្រសិន​អ្នក​បោះបង់​បារី នៅ​ដើម​អាយុ​៣០​ឆ្នាំ​នោះ ដល់​អាយុ ៥០​ឆ្នាំ គ្រោះថ្នាក់​មហារីក​និង​ជំងឺ សរសៃឈាម​បេះដូង​របស់​អ្នក នឹង​ស្មើ​ជាមួយ​អ្នក​ពុំ​ដែល​ជក់បារី​។​


​​ពេល​អ្នក​ចាប់ផ្តើម​កសាង​គ្រួសារ អាទិភាព​ទាំងឡាយ ត្រូវបាន​ប្រែប្រួល ដូច្នេះ​ទាំង​បុរស​និង​ស្ត្រី​សុទ្ធ តែ​ត្រូវ​យកចិត្តទុកដាក់​ដល់​ទម្ងន់​របស់​ខ្លួន ព្រោះ​វា​ពាក់ព័ន្ធ​ទៅ​ដល់​ការវិវត្តន៍​ប្រែប្រួល​សុខភាព​នៅ​ឆាក​ចុងក្រោយ​នៃ​ជីវិត​។ អំឡុង​ពេល​នេះ អ្នក​ក៏​ងាយ​សម្រក​ទម្ងន់​ជាង ប្រៀប​នឹង​ពេលវេលា​ទៅ​ថ្ងៃក្រោយ ពេល​ឧបសគ្គ​សរីរាង្គ​ចាប់ផ្តើម​លេចឡើង និង​ការ​បំប្លែង​សារជាតិ​ចាប់ផ្តើម​យឺត​មកវិញ​។​
​​ប្រសិន​ស្ត្រី​ម្នាក់​មាន​បំណង​មាន​គភ៌ ចូរ​ផឹក​បន្ថែម​អាស៊ីតហ្វូលិ​ក មុនពេល​មាន​គភ៌​៣​ខែ ដើម្បី​បន្ថយ​គ្រោះថ្នាក់​ទារក​ត្រូវ​ពិការ​សរសៃប្រសាទ​។​

​    ​អាយុ​៤០​ឆ្នាំៈ
​​វ័យ​ចំណាស់​ជិត​មក​ដល់ ត្រូវ​យកចិត្តទុកដាក់​ដល់​បេះដូង សួត​របស់​អ្នក និង​បន្ថយ​គ្រោះថ្នាក់​រយៈពេល​វែង ដែល​បង្ក​ឱ្យ​ខ្សោយបេះដូង ឬ​ស្ត្រូក​។ ប្រសិន​អ្នក​លើស​ទម្ងន់ និង​ទទួលទាន​តាម​ឃ្លាន អ្នក​ត្រូវ​ចាប់ផ្តើម​គិត​ដល់​ការ​លើសឈាម និង​បរិមាណ​កូ​ឡេ​ស្តេ​រ៉ូល​។​


​​នៅ​វ័យ​នេះ BMI និង​រង្វង់​ចង្កេះ ឆ្លុះបញ្ចាំង​ស្ថានភាព​សុខភាព​របស់​អ្នក​យ៉ាង​ច្បាស់ក្រឡែត​បំផុត​។ វា​ចាប់ផ្តើម​បង្ក​ជា​ជំងឺ​តម្កាត់​ប្រសិន​អ្នក​ទុកឱ្យ​វា «ហើរ​» សេរី​។ អស់​រដូវ​និង​ការប្រែប្រួល​អ័រម៉ូន នាំ​ដល់​ការ​កើន​ទម្ងន់ ពិសេស​គឺ​រង្វង់​ចង្កេះ​។ ចូរ​បន្ថយ​របប​ទទួល​ទាន បន្ថយ​កាបូ​អ៊ី​ដ្រាត​ដូចជា​អង្ករ ដំឡូង​បារាំង និង​មី​សរសៃ​។​

​    ​•​អាយុ​៥០​ឆ្នាំៈ​
​​មច្ចុរាជ​សំខាន់ៗ គឺ​ជំងឺ​បេះដូង ទឹកនោម​ផ្អែម និង​មហារីក បាន​ប្រែ​ជាទូទៅ​ជា​ង​។ រួម​ជាមួយ​ការធានា​ឱ្យ​សរីរាង្គ ជានិច្ចកាល មាន​សុខភាព​ល្អ ការប្រយ័ត្នប្រយែង​ចំពោះ​ការប្រែប្រួល​ណាមួយ​លើ​សរីរាង្គ ក៏​ជា​កូនសោ​សំខាន់​។​


​​ភាព​រខេករខាក​អំពី​ក្រពេញប្រូ​ស្តាត ចាប់ផ្តើម​លេចឡើង​នៅ​បុរស ពិសេស​គឺ​ការ​កើន​ចំនួន​ដង​បត់ជើងតូច​។ ជំងឺ​ឆ្លង​តាម​ផ្លូវភេទ ក៏​កើនឡើង ព្រោះថា នៅ​វ័យ​នេះ​គ្រប់​គ្នា តែង​អត្តនោម័ត មិន​ប្រើ​វិធានការ​ពន្យារកំណើត​ទៀត​។ ដូច្នេះ​ចូរ​ធានាថា អ្នក «សិច​» សុវត្ថិភាព​។​


​​ការត្រួតពិនិត្យ​ដោះ​តាម​កាលកំណត់ គួរ​ចាប់ផ្តើម​អនុវត្ត​នៅ​អាយុ​៥០​ឆ្នាំ និង​ស្វ័យ​ត្រួតពិនិត្យ​រាល់​ខែ​នៅ​ផ្ទះ​។ ស្ត្រី​ក៏​ត្រូវ​ពិនិត្យ​មាត់ស្បូន​ប្រាំ​ឆ្នាំ​ម្តង និង​មិន​ចំពោះ​ថា ការ​ចេញ​ឈាម​ណាក៏ដោយ ក៏ត្រូវ​ទៅ​ជួប​វេជ្ជបណ្ឌិត​ភ្លាមៗ​។
​​រត់​និង​លោត​ក្នុង​អំឡុង​ពេល​នេះ អាច​ធ្វើ​ឱ្យ​ធ្ងន់ធ្ងរ​បន្ថែម​ជំងឺ​នៅ​សន្លាក់​។ ដូច្នេះ​ចូរ​ជ្រើសរើស​លំ​ហាត់​សមល្មម​ជាមួយ​សរីរាង្គ​។​

​    ​•​អាយុ​៦០​ឆ្នាំៈ​
​​អ្នក​នៅ​អាយុ​នេះ អាច​មាន​អារម្មណ៍​ថា ខ្លួន​នៅ​ក្មេង​ជាង​ច្រើន​។ តែ​ទោះបីយ៉ាងណា​ក៏ដោយ ក៏​នៅ​មាន​ជំងឺ​វ័យចាស់​មួយចំនួន​កំពុង​លប​ឃ្លាំចាំ​អ្នក ពិសេស​គឺ​មហារីក នៅ​ពុំទាន់​យឺត​ពេល​ឡើយ​ដើម្បី​អនុវត្ត​ការផ្លាស់ប្តូរ​ធំៗ​ទាំងឡាយ បញ្ចុះ​ទម្ងន់​, ចាប់ផ្តើម​ហាត់ប្រាណ​, បញ្ឈប់​ជក់បារី ហើយ​អ្នកនឹង​បន្ថយ​បាន​ជំងឺ​តម្កាត់ និង​បង្កើន​លទ្ធភាព​ជា​សះ ប្រសិន​កើត​ជំងឺ​។​ ​​នៅ​វ័យ​នេះ មនុស្ស​ទាំងអស់​គ្នា គួរ​ត្រួតពិនិត្យ​មហារីក​ពោះវៀន​។ ចូរ​យកចិត្តទុកដាក់​ដល់​ការប្រែប្រួល​ណាមួយ​ក្នុង​សមត្ថកិច្ច​ធម្មតា​របស់​ផ្លូវ​ពោះវៀន ។​


​​ការប្រែប្រួល​លើ​ស្បែក​ពាក់ព័ន្ធ​ដល់​កម្តៅ​ព្រះអាទិត្យ ចាប់ផ្តើម​ច្បាស់លាស់​ជាង​៖ មិន​ថា​ជា​របួស​ថ្មី​ណា​ក៏ដោយ​នៅ​លើ​ស្បែក អ្នក​ត្រូវ​ប្រាប់​វេជ្ជបណ្ឌិត ហើយ​ក៏​ត្រូវ​យកចិត្តទុកដាក់​ដល់​វា​ជា​ប្រចាំ​។


​​ឈឺ​សន្លាក់ និង​រលាក​សន្លាក់ ប្រែជា​មាន​លក្ខណៈ​ទូទៅ ក៏ដូចជា​ពុក​ឆ្អឹង​។ ចូរ​វាស់​ដង់ស៊ីតេ​ឆ្អឹង និង​ត្រួតពិនិត្យ​បរិមាណ​វីតាមីន D ក្នុង​សរីរាង្គ ដើម្បី​មាន​ការបំពេញបន្ថែម​សមស្រប​៕​    ​

​បុរស​គួរប្រើ «​ប្រដាប់​សាក​ទឹកនោម​មើល​គភ៌​» រាល់​ខែ​

បុរស​ម្នាក់​បាន​ឃើញ​ដោយ​អ​ចេតនា​នូវ​ប្រដាប់​សាក​ទឹកនោម​មើល​គភ៌​របស់​មិត្តស្រី​ដែល​បាន​ទុកចោល​។ បុរស​ម្នាក់​នោះ បាន​រពឹសដៃ​យក​ទៅប្រើ​លេង និង​ភ័យ​ស្លន់ស្លោ ក្រោយ​ពេល​ឃើញ​លទ្ធផល​វិជ្ជមាន​។​

​ព្រឹត្តិការណ៍​ដ៏​ចម្លែក​នេះ ត្រូវបាន​សមាជិក​មួយ​រូប មាន​រហស្សនាម​ថា Cappn Poopdeck ចែករំលែក​លើ​បណ្តាញ​សង្គម Reddit ។ ភ្លាមៗ​នោះ មាន​យោបល់​ជាង​១.៥០០ ចាត់ទុកថា នេះ​ជា​រឿង «​ធ្ងន់ធ្ងរ​» និង​ទូន្មាន​បុរស​នេះ ទៅ​ជួប​វេជ្ជបណ្ឌិត ព្រោះថា «​នេះ​អាច​ជា​សញ្ញា​របស់​ជំងឺមហារីក​ពងស្វាស​»​។  ពិតជា​ដូច្នោះ​មែន ពេល​ធ្វើ​វិភាគ វេជ្ជ បណ្ឌិត​បាន​រកឃើញ​ដុំ​គីស​តូច​មួយ នៅ​ពង​ស្វា ស ខាងស្តាំ​របស់​បុរស​នេះ​។ អាស្រ័យ​ដោយ​ឆាប់​រកឃើញ ហេតុនេះ​ដុំ​គី​ស ត្រូវបាន​ដោះស្រាយ​ទាន់ពេល​។ ប៉ុន្តែ​បុរស​នេះ​អាច​ត្រូវ​បាត់ពង​ស្វា ស ម្ខាង​របស់ខ្លួន​។​

​​វេជ្ជបណ្ឌិត Mark Pomenrantz ជំនាញ​ខាង​មហារីក បានឱ្យដឹងថា​«​ការវិភាគ​ពិសោធន៍​រក​គភ៌ គឺ​សំដៅ​គោល បំណង​រក​ឃើញ​កម្រិត​អ័រម៉ូន beta HCG ក្នុង​ទឹកនោម​។ ក្នុងពេល​មាន​មូលហេតុ​ដ៏​តិច ដែល​បណ្តាល​ឱ្យ​សរីរាង្គ​បង្កើត​ប្រភេទ​អ័រម៉ូន​នេះ នោះ​មហារីក​ពង​ស្វា ស ជា​មូលហេតុ​មួយ​ក្នុង ចំណោម​មូលហេតុ​នោះ​» ។​

​​បណ្ឌិត Christopher Wood ប្រធាន​ផ្នែក​មូត្រ​សាស្ត្រ នៅ​មហាវិទ្យាល័យ​តិច​សាស (​អាមេរិក​) និង​ជា​វេជ្ជបណ្ឌិត​នៅ​មជ្ឈមណ្ឌល​ស្រាវជ្រាវ​មហារីក នៅ Anderson នោះ បានឲ្យដឹងថា សញ្ញា​ដំបូង​របស់​ជំងឺមហារីក​ពង​ស្វា ស គឺ​ការលេចចេញ​ដុំ​គីស​តូច​មួយ​មិន​ឈឺ​។ អាស្រ័យហេតុនេះ បុរស​ទាំងឡាយ គួរ​ស្វ័យ​ត្រួតពិនិត្យ​សរីរាង្គ​ខ្លួនឯង រាល់​ខែ ដើម្បី​រក​ឃើញ​សញ្ញា​ខុស​ប្រក្រតី ប្រសិន​មាន​៕​

ហេតុអ្វីស្ត្រីមានអាយុវែងជាងបុរស?

​តាម​ការស្រាវជ្រាវ​រប​ស់​អ្នកវិទ្យាសាស្ត្រ​ជប៉ុន​នោះ នារី​មាន​អាយុ​វែង​ជាង​បុរស​គឺ​ដោយសារ​ប្រព័ន្ធ​ការពារ​សរីរាង្គ​របស់​នារី មាន​ភាពចំណាស់​យឺត​ជាង ។​
​ក្រុម​អ្នកវិទ្យាសាស្ត្រ​នៃ​សកល​វិទ្យាល័យ​ធ្មេញ និង​វេជ្ជសាស្ត្រ​តូ​ក្យូ ប្រទេស​ជប៉ុន បាន​ដំណើរ​ការវិភាគ​គំរូ​ឈាម​របស់​បុរស​៣៥៦​នាក់ និង​នារី​អាយុ​ពី​២០​ឆ្នាំ​-៩០​ឆ្នាំ ។ បំណង​ត្រួត​ពិនិត្យមើល​កម្រិត នៃ​កោសិកា​ឈាមស និង​បណ្តា​កោសិកា សម្របសម្រួល​ប្រព័ន្ធ​ការពារ​សរីរាង្គ មាន​ឈ្មោះថា Cytokine ។​
​លទ្ធផល​បង្ហាញថា ចំនួន​កោសិកា​ឈាមស​របស់​ភេទ​ទាំង​២​សុទ្ធសឹង​ថយចុះ​ពេល​អាយុ​កាន់តែច្រើន ។ កោសិកា​ឈាមស T-cell និង B-cell ដែលជា​សំខាន់បំផុត​២​របស់​ប្រព័ន្ធ​ការពារ​សរីរាង្គ មាន​កម្រិត​ថមថយ​ច្រើនជាងគេ ។ ប៉ុន្តែ​កត្តា​ទាំងពីរ​នេះ​ចំពោះ​បុរសៗ​គឺ​ថយចុះ​លឿន​ជាងគេ ។ ប៉ុន្តែ​កត្តា​ទាំងពីរ​នេះ ចំពោះ​បុរសៗ​គឺ​ថយចុះ​លឿន​ជាង​ប្រៀប​នឹង​ស្ត្រី ។​
​ស្រដៀង​គ្នា​នេះដែរ Cytokine ២ គឺ IL-6 និង IL-10 របស់​បុរស​ក៏​ថយចុះ​លឿន​ជាង អាស្រ័យ​ដោយ​ដំណើរ​ការវិវត្ត​នៃ​ភាពចំនាស់​របស់​សរីរាង្គ ។ ក្នុងពេល​នោះដែរ កោសិកា​២​ប្រភេទ​ដែល​ពិសេស​របស់​ប្រព័ន្ធ​ការពារ​សរីរាង្គ CD4T-cell និង NK ចំពោះ​ស្ត្រី​មាន​កំណើន​លឿន​ជាង​ប្រៀប​នឹង​បុរស ។​
​អ្នកដឹកនាំ​ការស្រាវជ្រាវ​សាស្ត្រាចារ្យ Katsuiku Hirokawa បាន​ប្រាប់ថា ៖ រាល់​បន្លាស់​ប្តូរ​ពី​ប្រព័ន្ធ​ការពារ​សរីរាង្គ​ទាក់ទិន​ដល់​ភាពចំណាស់​កើតឡើង​ខុសៗ​គ្នា​ចំពោះ​បុរស និង​នារី ។ ការស្រាវជ្រាវ​បង្ហាញថា នារីៗ​មានការ​ថយចុះ​យឺត​ជាង ប្រៀប​នឹង​បុរស ហើយ​នេះ​ជា​មូលហេតុ​មួយ​ធ្វើ​ឲ្យ​នារីៗ​អាយុ​វែង​ជាង​បុរស ។​
​ក្រៅពីនោះ​តាម​សាស្ត្រាចារ្យ ដដែល គឺមាន​ហេតុផល​ផ្សេងទៀត ជាអាទិ៍​នារីៗ​មាន​អ័រម៉ូន Destroges ច្រើនជាង​បុរស ហើយ​វា​ជា​អ័រម៉ូន​ការពារ​ជំងឺ​បេះដូង​មិន​ងាយ​បៀតបៀន​បាន ៕M​

មូលហេតុបង្កការពិបាកទ្រាំនៅដំណាក់កាលអស់រដូវ

​តាម​ការស្រាវជ្រាវ​មួយ​នៅ​អូស្ត្រាលី ស្ត្រី​លើស​ទម្ងន់ និង​ជក់បារី​នឹងមាន​ហានិភ័យ​កើនឡើង​រោគសញ្ញា​ពិបាក​ទ្រាំ​នៅពេល​អស់​រដូវ​ពិសេស​គឺ​បែកញើស​នៅពេល​យប់ ។​
​សាលា​សុខភាព​ប្រជាជន ចំណុះ​សកល​វិទ្យាល័យ Queensland បាន​ស៊ើបអង្កេត​របៀបរបបរ​ស់​នៅ និង​បញ្ហា​បង្កើតកូន​របស់​ស្ត្រី​អូស្ត្រាលី​ជាង ១០.០០០​នាក់ អាយុ​ពី​៤៥​ដល់​៥០​ឆ្នាំ ។​
​ពួកគេ​រកឃើញថា ស្ត្រី​មាន​របៀបរបប​រស់នៅ​ត្រឹមត្រូវ​កម្រ​មានលទ្ធភាព​ត្រូវ​បែកញើស​ពេលយប់ ឬ​សរីរាង្គ​ត្រូវ​ក្តៅ​ភាយ ។ ប៉ុន្តែ​អ្នក​លើស​ទម្ងន់ ផឹកស្រា និង​ជក់បារី​ច្រើន ឬ​មាន​បញ្ហា​អំពី​ការ​បង្កើតកូន នឹងមាន​និន្នាការ​កើតរោគ​សញ្ញា​ពិបាក​ទ្រាំ​របស់​ដំណាក់កាល​អស់​រដូវ ។​
​បណ្ឌិត Gerrie-Cor dHerber-Gast ប្រធាន​ក្រុម​ស្រាវជ្រាវ​ឲ្យ​ដឹងថា "​គំហើញ​មួយ​ក្នុងចំណោម​គំហើញ​គួរ​ឲ្យ​ចាប់ចិត្ត​បំផុត​របស់​ការស្រាវជ្រាវ​គឺ​ស្ត្រី​ជក់បារី ឬ​កើត​ជំងឺ​ទឹកនោមផ្អែម មានលទ្ធភាព​ច្រើន​ត្រូវ​បែកញើស​ពេលយប់ តែ​សរីរាង្គ​បែរជា​មិន​ក្តៅ ។ ប៉ុន្តែ​បែកញើស​នៅពេល​យប់​មាន​មូលហេតុ​ច្រើន ។ ស្ត្រី​កើត​ជំងឺ​ទឹកនោមផ្អែម​បែកញើស​យប់​អាច​ដោយសារ​បរិមាណ​ស្ករ​ទាប​នៅពេល​យប់​" ។​
​នៅ​អង់គ្លេស អាយុ​អស់​រដូវ​មធ្យម​របស់​ស្ត្រី​៥២​ឆ្នាំ ។ ប៉ុន្តែ​ក៏មាន​ស្ត្រី​អស់​រដូវ​នៅ​អាយុ​៣០ ឬ​៤០​ឆ្នាំ ។ រោគសញ្ញា​ច្រើន​ជួបប្រទះ​រួមមាន​សរីរាង្គ​ក្តៅ​ភាយៗ​បែកញើស​ពេលយប់ បាត់​ចំណង់​ផ្លូវភេទ ប្រែប្រួល​សភាព​ផ្លូវចិត្ត និង​គេង​មិន​លក់ ៕​M

​ˆ​ថ្នាំ​បញ្ចុះ​កូ​ឡេ​ស្តេ​រ៉ូ​ល អាច​ទប់ស្កាត់​ជំងឺមហារីក

តាម​ការស្រាវជ្រាវ​ថ្មី​មួយ ក្រុម​អ្នកវិទ្យាសាស្ត្រ បានឲ្យ ដឹងថា ថ្នាំ Statin ដែល​តាំងពីដើម​មក ត្រូវបាន​ប្រើ ប្រាស់ ដើម្បី​បញ្ចុះ​បរិមាណ​កូ​ឡេ​ស្តេ​រ៉ូលក្នុង​សរីរាង្គ​នោះ វា​មាន​លទ្ធភាព​ធ្វើឱ្យ​ថយចុះ​គ្រោះថ្នាក់​កើត​ជំងឺមហារីក​នៅលើ​មនុស្ស​បាន​។​

​យោង​តាម​ការស្រាវជ្រាវ​នោះ ក្រុម​អ្នកវិទ្យាសាស្ត្រ ក៏​បាន​បង្ហាញថា Statin នាំមក​នូវ​ប្រសិទ្ធភាព ពុំ​ត្រឹមតែ​ចំពោះកូ​ឡេ​ស្តេ​រ៉ូ​លឡើយ​។ តាំងពី​យូរ​មក​ហើយ គេ​នៅតែ​ពុំ​ទាន់​កំណត់​បាន​ច្បាស់​ថា ប្រភេទ​ថ្នាំ​មាន​ផ្ទុក Lipitor, Crestor និង Zocor នេះ​ធ្វើឱ្យ​កើន ឬក៏​ថយចុះ​នូវ​គ្រោះថ្នាក់​កើត​ជំងឺមហារីក​នេះ​នៅឡើយ​ទេ​។ ប៉ុន្តែ​ការស្រាវជ្រាវ​មួយចំនួន ថ្មីៗ​នេះ បានចង្អុលបង្ហាញ​ថា វា​អាច​បន្ថយ​ការ ប្រឈម​នឹង​ការកើត​ជំងឺមហារីក​មួយចំនួន​។​

Gabriel Chodiek និង​សហសេវិក​នៅ​ស្ថាប័ន​ថែទាំ​សុខភាព Macabi នៃ​អង្គការ​ការពារ​សុខភាព​មួយ​នៅ​ប្រទេស​អ៊ីស្រាអែល បាន​ពិនិត្យ​មើល​ឯកសារ​សុខភាព​របស់​អ្នកជំងឺ​ជាង ២.០០០​នាក់ ដែល​បាន​ប្រើប្រាស់ Statin ពី​ឆ្នាំ​១៩៨៨ ដល់​ឆ្នាំ​២០០៧ ។ គ្រោះថ្នាក់​កើត​ជំងឺ​មហារីក នៅលើ​អ្នក​ប្រើប្រាស់ Statin ជាប់​ជានិច្ច ក្នុងអំឡុងពេល​វែង​មួយ គឺ​មាន​សញ្ញា​ថយចុះ​។ តាមរយៈ​នេះ អត្រា​នេះ ថយចុះ ដល់​៣១​ភាគរយ​នូវ​ជំងឺមហារីក lympho​។ ក្នុង​អំឡុង​ពេល​ស្រាវជ្រាវ មនុស្ស​៨.៦៦២​នាក់ ត្រូវបាន​វិនិច្ឆ័យ​កើត​ជំងឺ​មហារីក​។ ប៉ុន្តែ​អ្នក​ដែល​បាន​ប្រើ Statin  ហាក់ដូច​ជាប់​រហូត​(៨៦​ភាគរយ ឡើងទៅ​) គឺ​ស្ថិតក្នុង​ក្រុម​មនុស្ស​ពុំ​សូវ​ត្រូវ​វិនិច្ឆ័យ​កើត​ជំងឺមហារីក​បំផុត​។​

​នេះ​ពុំមែន​ជា​ការស្រាវជ្រាវ​ដំបូង ដែល​បាន​បង្ហាញថា Statin អាច​ធ្វើឱ្យ​ថយចុះ​គ្រោះថ្នាក់​កើត​ជំងឺមហារីក​ឡើយ តែ​នេះ​ជា​ការស្រាវជ្រាវ​ទ្រង់ទ្រាយ​ធំ​បំផុត តាំងពី​មុន​មក​ទល់​បច្ចុប្បន្ន​។​

Statin តាំងពីដើម​មក មាន​ប្រសិទ្ធភាព​បន្ទាប​គ្រោះថ្នាក់​ឈឺ​បេះដូង និង​ស្ត្រូក ដោយ​វិធី​ធ្វើឱ្យ​ថយចុះ​បរិមាណ​កូ​ឡេ​ស្តេ​រ៉ូល​ច្បាម​នៅ​សរសៃឈាម​។ វា​មាន​ឥទ្ធិពល​ទៅដល់​គែម​សរសៃឈាម និង​បន្ថយ​ការ​រលាក​ឆ្លង​។ អាស្រ័យ​ដោយ Statin ការ​ប្រឈម​ស្លាប់​ដោយសារ​ជំងឺ​ផ្តាសាយ និង​រលាក​សួត​នៅ​លើ​មនុស្ស ក៏​ថមថយ​។ ថ្នាំ​នេះ​អាច​ការពារ​អ្នក​ជក់បារី​។​

​ថ្នាំ​បញ្ចុះ​កូ​ឡេ​ស្តេ​រ៉ូ​ល ជា​ប្រភេទ​ថ្នាំ ត្រូវបាន​ចេញ​វេជ្ជបញ្ជា​ជាទូទៅ​បំផុត​នៅ​ប្រទេស​អាមេរិក ។ ប្រមាណ​២៥​ភាគរយ​នៃ​មនុស្សពេញវ័យ និង​មនុស្ស​ចាស់​នៅ​អាមេរិក ប្រើប្រាស់ Statin​។ ប៉ុន្តែ​ថ្នាំ​នេះ ក៏​ពុំ​មែន​គ្មាន​គ្រោះថ្នាក់​ទាំងស្រុង​ឡើយ​។ Statin  អាច​បង្ក​ការឈឺ​សាច់ដុំ ហើយ​ក្នុងចំណោម​អ្នក​ប្រើ Statin ១០.០០០​នាក់​នោះ មាន​ម្នាក់​កើត​ជំងឺ rhabdomyolysis ។ ក្រៅពីនេះ ថ្នាំ​នេះ​ក៏​បង្ក​ឥទ្ធិពល​ទៅដល់​ថ្លើម​។ កាលពី​ខែ​កុម្ភៈ ស្ថាប័ន​គ្រប់គ្រង​ឱសថ និង​អាហារ​អាមេរិក ព្រមាន​ថា Statin អាច​ធ្វើឱ្យ​ថមថយ​ការចងចាំ និង​កើត​ជំងឺ​ទឹកនោម​ផ្អែម​។​

​ប៉ុន្តែ​ក្រុម​អ្នកស្រាវជ្រាវ នៅ Brigham និង​មន្ទីរពេទ្យ​ស្ត្រី​នៅ​បូ​ស្តុន បាន​ចាត់ទុកថា ផលប្រយោជន៍​ដែល Statin ផ្តល់ឱ្យ​គឺ​ច្រើន​ជាង​ឆ្ងាយ បើ​ប្រៀបធៀប​នឹង​គ្រោះថ្នាក់​ដែល​វា​បង្កឡើង​៕​

​ស្រា​ក្រហម គ្មាន​អាល់កុល ល្អ​ចំពោះ​សុខភាព​បេះដូង​

កន្លងមក គេ​ឃើញ​មាន​ការពិសោធន៍​ជាច្រើន​ករណី ដែល ​សុទ្ធតែ​បង្ហាញឲ្យឃើញថា អ្នក​ផឹក​ស្រាក្រហម​ក្នុង​បរិមាណ​មធ្យម មាន​ប្រយោជន៍​យ៉ាងខ្លាំង​ចំពោះ​សុខភាព​។ តែ​ពេល​ថ្មីៗ​នេះ​មាន​លទ្ធផល​នៃ​ការស្រាវជ្រាវ​មួយ​បាន​បង្ហាញឲ្យឃើញថា ស្រាក្រហម​ប្រភេទ​គ្មាន​សារធាតុ​អាល់​កុល ដែល​អាច​មាន​ផល​ល្អ​សម្រាប់​ជួយ​កាត់បន្ថយ​សម្ពាធ​ឈាម​របស់​បុរស ដែល​នឹង​ឈាន​ទៅរ​ករោគ​គាំងបេះដូង ច្រើន​ជាង​អ្នក​មិន​បាន​ផឹក​។​


​​លទ្ធផល​ស្រាវជ្រាវ​លើក​នេះ ត្រូវបាន​គេ​បោះពុម្ពផ្សាយ​នៅក្នុង​ទស្សនា​វ​ដ្តី​វេជ្ជសាស្ត្រ​ឈ្មោះ (Circulation Research) ដែល​គេ​បាន​ធ្វើ​ទៅ​លើ​បុរស​ចំនួន ៦៧​នាក់ កើតរោគ​ទឹកនោមផ្អែម ឬ​មាន​កត្តា​ប្រឈម​នឹង​រោគ​បេះដូង ៣​យ៉ាង ឬ​ច្រើន​ជាង​នេះ​។ លទ្ធផល​បាន​បង្ហាញឲ្យឃើញថា ក្រោយពេល​បុរស​បាន​ផឹកស្រា​ក្រហម​ដែល​មាន​សារធាតុ​អាល់កុល ឃើញថា សម្ពាធ​ឈាម​របស់​ពួកគេ ថយ​ចុះ​បន្តិចបន្តួច​។ តែ​ក្រោយ​ពេល​ពួកគេ​ផឹកស្រា​ក្រហម ដែល​គ្មាន​សារធាតុ​អាល់កុល ឃើញថា សម្ពាធ​ឈាម​ពួកគេ ថយ​ចុះ​ច្រើន ដែល​អាច​ជួយ​កាត់បន្ថយ​ការ​ប្រឈម​នឹង​រោគ​បេះ​ដួង បាន​រហូត​ដល់ ១៤ ភាគរយ ព្រមទាំង​ជួយ​កាត់បន្ថយ​អត្រា​ប្រឈម​នឹង​រោគ​សរសៃឈាម​ក្នុង​ខួរក្បាល ២០ ភាគរយ​ផង​ដែរ​។​


​​លទ្ធផល​នៃ​ការស្រាវជ្រាវ​លើក​នេះ បានបញ្ជាក់​ថា ប្រយោជន៍​ចំពោះ​សុខ​ភាព​នៃ​ស្រាក្រហម​ដែល​គេ​រកឃើញ​នៅក្នុង​សារធាតុ​ប្រឆាំង​ពពួក​បាក់តេរី​សេរី និង​មាន​ប្រសិទ្ធភាព ដូច​សារធាតុ​ប៉ូ​លី​ហ្វីណល មិន​ពាក់ព័ន្ធ​នឹង​អាល់កុល និង​ធាតុពិត​នោះ អាល់ កុល​ក្នុង​ស្រា​ក្រហម មាន​ប្រសិទ្ធភាព​ក្នុង​ការកាត់បន្ថយ​សម្ពាធ​ឈាម ឲ្យនៅ​សល់​តិចតួច​បាន​ទៀត​ផង​។​


​​ក្នុង​ស្រាក្រហម​ដែល​មាន​អាល់កុល និង​ពុំ​មាន​អាល់កុល​មាន​កម្រិត​នៃ​សារធាតុ ប៉ូ​លី​ហ្វ៊ីណល ស្មើគ្នា ព្រមទាំង​មាន​ការជាប់​ពាក់ព័ន្ធ​ជា​មួយកម្រិត​សារធាតុ​ប៉ូ​លី​ហ្វ៊ីណល ដោយហេតុ​ថា វា​ជួយ​បង្កើន​កម្រិត​នី​ទ្រី​ត​អុក​ស៊ីដ សម្រាប់​បុរស ដែល​ជួយ​ឲ្យ​សម្ពាធ​ឈាម​ថយចុះ​ផងដែរ​។ នី​ទ្រី​ត​អុកស៊ីដ មាន​គុណប្រយោជន៍​ជួយ​ឲ្យ​សរសៃឈា​មរីក​ធំ ធ្វើឲ្យ​ឈាមរ​ត់​បាន​ស្រួល​ទៅកាន់​បេះដូង និង​អវយវៈ​ដទៃ​ទៀត​បាន​យ៉ាង​ប្រសើរ​។​


​​វេជ្ជបណ្ឌិត រ៉ា​ម៉ន អេ​ស្ត្រូស នៃ​សាកលវិទ្យាល័យ បា​សេ​ឡូ​ណា បាន​លើកឡើង​ថា សារធាតុ​ប៉ូ​លី​ហ្វ៊ីណល ក្រៅ​ពី​ជួយ​ការពារ​ប្រព័ន្ធ​ចរន្តឈាម​ហើយ​នោះ វា​ក៏​អាចជួយ​ការពារ​អាការ​រលាក​ផងដែរ ជាពិសេស​សារធាតុ​ប្រឆាំង​នឹង​បាក់តេរី​សេរី ដែល​មាន​ប្រយោជន៍​ជួយ​ការពារ​រោគ​ដទៃៗ​ទៀត ដូចជា​រោគ​ទឹកនោម​ផ្អែម​ផងដែរ​។ នាពេល​អនាគត មនុស្ស​នឹង​អាច​នាំ​គ្នា ងាក​ទៅ​ផឹកស្រា​ក្រហម​ដែល​គ្មាន​ជាតិ​អាល់​កុល កាន់តែ​ច្រើន​ដើម្បី​ឲ្យ​បេះ​ដូង​រឹងមាំ ហើយ​មិនចាំបាច់​ផ្សងព្រេង​នឹង​រោគ​លើសឈាម​ទៀតផង​៕​

ឥណ្ឌា រកឃើញមហារីកមាត់ស្បូនដោយទឹកខ្មេះ

ការស្រាវជ្រាវ​ថ្មី​មួយ​ឥណ្ឌា​បាន​រកឃើញ​វិធីសាស្ត្រ​វិភាគ​សាមញ្ញ​មួយ រកឃើញ​ឆាប់​សញ្ញា​របស់​មហារីក​មាត់ស្បូន​ដោយ​វិធី​ប្រើ​ទឹកខ្មេះ​ជួយសង្គ្រោះ​ជីវិត​ស្ត្រី​រាប់ពាន់​ក្នុង​ឆ្នាំៗ ។​
​ពួក​អ្នកស្រាវជ្រាវ​បាន​ពិសោធន៍​លើ​ស្ត្រី 150.000 នាក់​នៅ​ឥណ្ឌា កន្លែង​ដែល​មហារីក​មាត់ស្បូន​ជា​ប្រភេទ​មហារីក​សម្លាប់​មនុស្ស​ជួរមុខ​នៅ​ស្ត្រី ។ ទឹកខ្មេះ​ត្រូវបាន​ជ្រាបចូល​មាត់ស្បូន និង​ធ្វើ​ឲ្យ​កោសិកា​ខុស​ប្រក្រតី​ផ្លាស់ប្តូរ​ពណ៌​សម្បុរ សញ្ញា​ព្រមាន​មួយ​ត្រូវធ្វើ​បន្ថែម​ការវិភាគ​មហារីក​ចាំបាច់​ផ្សេងៗ ។ ការពិសោធន៍​នេះ​ជួយ​បន្ថយ​៣១% អត្រា​បាត់បង់​ជីវិត​ដោយ​មហារីក​មាត់ស្បូន​នៅ​ពួក​ស្ត្រី​ចូលរួម​ប្រៀប​នឹង​អ្នក​មិន​ត្រូវបាន​ពិសោធន៍ ។​
​ពួក​អ្នកជំនាញការ​មហារីក​និយាយថា ការពិសោធន៍​ដោយ​ទឹកខ្មេះ​អាចជួយ​ដល់​ប្រទេស​ក្រីក្រ​ជាច្រើន​ពុំមាន​លទ្ធភាព​វិភាគ Pap (​ការវិភាគ​កោសិកាវិទ្យា​មួយ ដើម្បី​រក​កោសិកា​ខុស​ប្រក្រតី​ក្នុង​ស្រទាប់​ជាលិកា​របស់​មាត់ស្បូន​) និង​អាច​សង្គ្រោះ​ជីវិត​ស្ត្រី​ដល់ ៧៣.០០០​នាក់ ក្នុង​ឆ្នាំ​លើ​ទូទាំង​ពិភពលោក ។​
​លទ្ធផល​ស្រាវជ្រាវ​ត្រូវបាន​រាយការណ៍​នៅ​សន្និសីទ​មួយ​អំពី​មហារីក​នៅ​ឈី​កា​ហ្គោ​ថ្ងៃ​២/៦ ៕​M

មានគភ៌​នៅ​អាយុ​៤០ កូន​កើត​មក​ងាយ​កើត​ជំងឺ​បេះដូងនិង​ទន់ខ្សោយ(Down)

តាម​ការស្រាវជ្រាវ​បានបង្ហាញ​ថា គ្រោះថ្នាក់​រម្លូតកូន​ចំពោះ​ស្ត្រី​មាន​អាយុ​ក្រោម​៤០​ឆ្នាំ កើតមាន​ពី​១០​ទៅ​២០​ភាគរយ នៅ​អាយុ​ពី​៤០​ឆ្នាំ ទៅ​៤៤​ឆ្នាំ កើតមាន​ចំនួន​៣៥​ភាគរយ និង​នៅ​អាយុ​៤៥​ឆ្នាំ កើតមាន​ចំនួន​ដល់​ជាង​៥០​ភាគរយ​។ មូលហេតុ​ទូទៅ​បំផុត​របស់​បាតុភូត​រម្លូតកូន គឺ​ដោយសារ​ភាពខុសប្រក្រតី​នៃ​ក្រូម៉ូសូម ។​

 

អត្រា​ទារក​ស្លាប់​ក្នុង​ផ្ទៃ​ក្រោយ​២០​សប្តាហ៍​ដំបូង​នៃ​គភ៌​ចំពោះ​ស្ត្រី​មាន​អាយុ​លើស​៤០​ឆ្នាំ ខ្ពស់ជាង​២-៣​ដង ប្រៀប​នឹង​ស្ត្រី​មានគភ៌​នៅ​អាយុ​២០​ឆ្នាំ​។​

​​គ្រោះថ្នាក់​ពិការ​បេះដូង​ពី​កំណើត គឺ​ក្នុងចំណោម​ទារក​១.២៥០​នាក់ នឹង​មាន​ម្នាក់ ពេល​មាតា​បង្កើតកូន​នៅ​អាយុ​២៥​ឆ្នាំ តែ​ពេល​មាតា​មាន​អាយុ​៤០​ឆ្នាំ ទើប​បង្កើត​កូន​នោះ ក្នុង​ទារក​១០០​នាក់ នឹង​មាន​ម្នាក់​កើត​ជំងឺ​នេះ​។​

​​គ្រោះថ្នាក់​កើត​ជំងឺ​ទន់ខ្សោយ​(down)​ចំពោះ​ទារ​កមាន​កើត​នៅ​លើ​មាតា​ដែលមាន​អាយុ​៣០​ឆ្នាំ គឺ​មាន​ម្នាក់​ក្នុងចំណោម​ទារក​៩៦៥ នាក់ និង​ពេល​មាតា​អាយុ​៤០​ឆ្នាំ គឺ​ក្នុងចំណោម​ទារក​១០៩​នាក់ មាន​ម្នាក់​កើត​ជំងឺ​។​

​​ហានិភ័យ​ផ្សេងៗ​ទៀត ក៏​កើត​ទៅ​តាម​អាយុ ដូច​ជា​ជំងឺ​ទឹកនោម​ផ្អែម ក្នុងពេល​មាន​គភ៌ លើសឈាម សម្រាលកូន​មិន​គ្រប់​ខែ ទារក​កើត​មិន​គ្រប់​ទម្ងន់ ... ហើយ​ការ​ប្រឈម​ត្រូវ​សម្រាលកូន​ដោយ​ការវះកាត់​មាន​លក្ខណៈ​ទូទៅ​ជាង​ចំពោះ​ស្ត្រី​ដែល​មានគភ៌​នៅ​អាយុ​៤០​ឆ្នាំ​៕

ម៉ាស្សា​បែប​បុរាណ​ខ្មែរ​ប៊ី​ហ្គី​នី​ធ្វើ​ឲ្យ​សុខ​ភាពល្អ

នៅតាម​បណ្តា​ហាង​ម៉ាស្សា​ក្នុង​ទីក្រុង​ភ្នំពេញ​មាន​ច្រើន ដោយមាន​របៀប​ម៉ាស្សា ដើម្បី​ធ្វើ​ឲ្យ​មាន​សុខ​ភាពល្អ​ផ្សេងៗ​គ្នា ។ ប៊ី​ហ្គី​នី ជា​ហាង​ម៉ាស្សា​បែប​បុរាណ​ខ្មែរ​មួយ ចាប់ផ្តើម​ដំណើរការ​ជាង​មួយឆ្នាំ​មកហើយ ក៏មាន​ការគាំទ្រ​ពី​អតិថិជន​យ៉ាងច្រើន ហើយ​អ្វី​ជាពិសេស​នោះ​គឺ​ម៉ាស្សា និង​ស្ប៉ា​ប៊ី​ហ្គី​នី ដែល​ល្បី​ប្រចាំ​ហាង​នោះ​តែម្តង ។​

កញ្ញា មួយ ឃីម ជា​អ្នកគ្រប់គ្រង​នៅ​ម៉ាស្សា​ប៊ី​ហ្គី​នី​បាន​ឲ្យ​ដឹងថា នៅ​ហាង​របស់គាត់​មាន​សេវា ម៉ាស្សា​ដូចជា ម៉ាស្សា​បែប​បុរាណ​ខ្មែរ និង​ថៃ​ម៉ាស្សា​ជើង ដងខ្លួន នឹង​នៅមាន​ជាច្រើន​ទៀត ។ ខាង​ស្ប៉ា​វិញ​មាន​ស្ប៉ា​ប៊ី​ហ្គី​នី ហើយ​ជា​ឈ្មោះ​ប្រចាំ​នៅ​ហាង​របស់​អ្នកនាង​មួយ​ដែរ ដែល​វា​មាន​លក្ខណៈ​បែប​ខ្មែរ របស់​យើង​មាន​គ្រឿងផ្សំ​បុរាណ​ខ្មែរ ហើយ​គ្រឿងផ្សំ​ទាំងនោះ​បានធ្វើ​ឲ្យ​ស្បែក​យើង​ស​ស្អាត ដូច​មកពី​ធម្មជាតិ​ដែល​មិនមាន​ផលប៉ះពាល់​អាក្រក់ ឬក៏​មាន​ជាតិគីមី​ទេ ។ នៅមាន​វិធី​ជាច្រើន​ទៀត​ដូចជា ស្ប៉ា​ខ្លួន​ដោយ​ស្អំ​ថ្ម និង​ស្អំ​ថ្ម​ជាមួយនឹង​ប្រេង ក៏មាន​ការ​ស្កា​ប​ខ្លួន​ជាមួយ​ផ្លែឈើ​ស្រស់ៗ ។​

កញ្ញា ឃីម បន្តថា ម៉ាស្សា​បាតជើង​ដែល​ជួយ​សម្រួល​ដល់​សុខភាព​យើង ដើម្បី​បន្ធូរ​ភាព​តានតឹង ក្រោយពី​សម្រាក​ពី​ការងារ​នឿយហត់​ជាច្រើន ហើយ​បើ​លោកអ្នក ចង់ដឹង​កាន់តែច្បាស់​ថែមទៀត​នោះ សូម​លោកអ្នក​អញ្ជើញ​មក​ម៉ាស្សា​ផ្ទាល់​តែម្តង​នឹង​ដឹងថា មាន​អ្វី​ពិសេស​ច្រើន​ជាងនេះទៅទៀត ។ ហាង​ម៉ាស្សា​ប៊ី​ហ្គី​នី​មាន​អតិថិជន​ចូលក្នុង​មួយថ្ងៃ​ជាង ១០០ នាក់ ទាំង​ខ្មែរ និង​បរទេស រាល់​ការ​ចូលមក​ម៉ាស្សា គឺ​អតិថិជន​យើង ចូលចិត្ត​ម៉ាស្សា​ប៊ី​ហ្គី​នី​បែប​បុរាណ​ខ្មែរ ។​

នៅក្នុង​ឱកាស​ចូលឆ្នាំ​ចិន​ខាង​មុននេះ​នឹងមាន​ការបញ្ចុះ​តម្លៃ​ពិសេស ២០ ភាគរយ រាល់​ការទទួល​ដំណឹង​ដែល​បាន​ផ្សព្វផ្សាយ​លើ​សារព័ត៌មាន​ក្នុងស្រុក​ទាំងអស់ អំពី​ហាង​ម៉ាស្សា​ប៊ី​ហ្គី​នី ។ កម្មវិធី​ជាទូទៅ រាល់​មក​ធ្វើការ​ម៉ាស្សា ១០ ដង នឹង​បាន​ថែម​ម៉ាស្សា​ម្តង​ដងដោយ​ឥតគិតថ្លៃ ទីតាំង​របស់​ហាង​ម៉ាស្សា ប៊ី​ហ្គី​នី នៅ​ម្តុំ​ជិត​វត្ត​លង្កា ផ្ទះ​លេខ​១៣៦ ផ្លូវ​ប៉ាស្ទ័រ សង្កាត់​បឹង​កេងកង​១ ខណ្ឌចំការមន រាជធានី​ភ្នំពេញ ៕

ល្បិច ជួយឲ្យភ្នែកមីញ៉ូបមិនឡើងដឺក្រេ

មី​ញ៉ូ​ប​ពុំ​គ្រាន់តែ​ឥទ្ធិពល​ទៅដល់​កំរិត​មើលឃើញ​ប៉ុណ្ណោះ​ទេ តែ​នៅ​ឥទ្ធិពល​ទៅដល់​ទាំង​ផ្លូវចិត្ត​របស់​មនុស្ស ។ ដូច្នេះ ធ្វើ​ដូចម្តេច ដើម្បី​រារាំង​ការ​កើន​ដឺ​ក្រេ​មី​ញ៉ូ​ប និង​បន្ថយ​រោគសញ្ញា​ពិបាក​ទ្រាំ​សម្រាប់​ភ្នែក​របស់​អ្នក ?
​នរណា​ក៏​ដឹងថា "​ភ្នែក​ជា​បង្អួច​របស់​បេះដូង​" ។ ប៉ុន្តែ ជីវភាព​ទំនើប អាំង​តង់​ស៊ី​តេ​ធ្វើការ​ខ្ពស់ បរិស្ថាន បណ្តា​បញ្ហា​អំពី​ភ្នែក ពិសេស​គឺ​ជំងឺ​មី​ញ៉ូ​ប​ធ្វើ​ឲ្យ​មនុស្ស​ជាច្រើន​ខ្វាយខ្វល់​ចិត្ត ។​
​មី​ញ៉ូ​ប​កើតមាន​ចំពោះ​មនុស្ស​គ្រប់​វ័យ ពិសេស​គឺ​កុមារ​ត្រូវ​មី​ញ៉ូ​ប​កាន់​តែមាន​ចំនួន​ច្រើនឡើង​ពីមួយថ្ងៃ​ទៅមួយថ្ងៃ ។ សុខភាព​ចក្ខុវិញ្ញាណ​ក៏បង្ក​ឥទ្ធិពល និង​រង​ឥទ្ធិពល​ពី​ផ្នែក​ផ្សេងៗ​ទាំងអស់​លើ​សរីរាង្គ ។ ភ្នែក​មី​ញ៉ូ​ប​ជា​ភ្នែកមាន​សុខភាព​ខ្សោយ​ជាង​ធម្មតា ។ អាស្រ័យហេតុនេះ អ្នក​មី​ញ៉ូ​ប​នឹង​ងាយ​រួយ​ភ្នែក ភ្នែក​ឆាប់​នឿយហត់​ជាង​អ្នក​គ្មាន​មី​ញ៉ូ​ប​នៅក្នុង​សកម្មភាព​មួយ​ដូចគ្នា ។​
-​វិធី​ថែទាំ​ភ្នែក​មី​ញ៉ូ​ប​
​តាម​ការស្រាវជ្រាវ​រប​ស់​ពួក​អ្នកវិទ្យាសាស្ត្រ ជំងឺ​មី​ញ៉ូ​ប​បណ្តា​លពី​មូលហេតុ​សំខាន់​២ គឺ​តំណពូជ ឬ​បរិស្ថាន​រស់នៅ ។ ប៉ុន្តែ ដើម្បី​ទប់ស្កាត់​កើន​ដឺ​ក្រេ ឬ​រារាំង​មួយផ្នែក​ណា​នោះ​នៃ​គ្រោះថ្នាក់​របស់​ជំងឺ​ទៅដល់​សមត្ថភាព​មើល អ្នក​ត្រូវ​ដឹង​ពី​វិធី​បង្ហារ បញ្ចៀស​ជំងឺ​សម្រាប់​ខ្លួនឯង ។​
​តាម​វេជ្ជបណ្ឌិត​ជំនាញ មិន​ដាច់ខាត​គឺ​ត្រូវតែ​ពាក់​វ៉ែនតា​នោះឡើយ ។ ប្រសិន​អ្នក​មី​ញ៉ូ​ប​ក្រោម ០,៧៥​ដឺ​ក្រេ  នោះ​មិនចាំបាច់​ត្រូវ​ពាក់​វ៉ែនតា​ជាប្រចាំ ចំណែក​នៅ​កំរិត 1-2 ដឺ​ក្រេ នោះ​គ្រាន់តែ​ពាក់​ពេល​ត្រូវការ​សម្លឹងមើល​វត្ថុ​នៅ​ឆ្ងាយ ។ ទន្ទឹម​នោះ​ការពាក់​វ៉ែនតា ចាំបាច់​ត្រូវ​ពិគ្រោះ​ជាមួយ​វេជ្ជបណ្ឌិត និង​វាស់​ពិនិត្យ​យ៉ាង​ប្រយ័ត្នប្រយែង ។​
​ពួក​វេជ្ជបណ្ឌិត​ទូន្មាន​ថា ពេល​មិនត្រូវ​ការធ្វើការ ឬ​ធ្វើ​កិច្ចការ​សាមញ្ញៗ​អ្នក​គួរ​ដោះ​វ៉ែនតា​ដើម្បី​ឲ្យ​ភ្នែក​បាន​សម្រាក ។ មិនត្រូវ​ពាក់​វ៉ែនតា​ជាប់​រហូត​ដើម្បី​បញ្ចៀស​ការ​ចំណុះ​ទៅលើ​វ៉ែនតា ។​
​ពន្លឺ​ថ្ងៃ​មាន​តួនាទី​សំខាន់​ក្នុងការ​សម្រួល​របស់​ភ្នែក ការ​ត្រូវ​ពន្លឺ​បញ្ចាំង​ផ្ទាល់​ចូល​ភ្នែក​ឬ​ងងឹត​ពេក​ក៏បង្ក​គ្រោះថ្នាក់​ឲ្យ​ភ្នែក​ដែរ ។ ដូច្នេះ​ចាំបាច់​ត្រូវមាន​ផែនការ​ធ្វើការ សម្រាក​ឲ្យ​បាន​ត្រឹមត្រូវ​ដើម្បី​ធានា​សុខភាព​របស់​ភ្នែក ។​
-​បំពេញបន្ថែម​អាហារ​ល្អៗ​ឲ្យ​ភ្នែក​
​ក្រៅពី​ការរៀបចំ​ឲ្យ​ភ្នែក​នូវ​របប​ធ្វើការ សម្រាក​សមស្រប កំហិត​សារជាតិ​រំញោច​មួយចំនួន និង​អាហារ​គ្មាន​ប្រយោជន៍​សម្រាប់​ភ្នែក​ដូចជា​ស្ករ បារី​... នោះ​ការបំពេញបន្ថែម​ពពួក​អាហារ​មាន​ប្រយោជន៍​សម្រាប់​ភ្នែក​ក៏​ជា​រឿង​សំខាន់បំផុត​មួយ​ដែល​យើង​មិនអាច​រំលង​ចោល ។ អាហារ​ល្អៗ​សម្រាប់​ភ្នែក​រួមមាន​វីតាមីន A (​មាន​ច្រើន​ក្នុង​ផ្នែក​ក្រហម​នៃ​ស៊ុត ទឹកដោះ ថ្លើម​សត្វ ស្លឹក​ងប់ ប៉េងប៉ោះ ល្ហុង ការ៉ុត​...) ស័ង្កសី មាន​ច្រើន​នៅក្នុង​សាច់គោ សាច់មាន់ ងាវ​... Beta Carotene (​សម្បូរ​នៅក្នុង​បន្លែ មើម ផ្លែឈើ​មាន​ពណ៌​លឿង ទឹកក្រូច ឬ​ខៀវចាស់ ដូចជា​ការ៉ុត ល្ពៅ ល្ហុង ដំឡូងជ្វា​....) Crom (​មាននៅ​ក្នុង​ថ្លើម​គោ ផ្នែក​ក្រហម​នៃ​ស៊ុត ទឹក​ទំពាំងបាយជូរ​) Selen (​សម្បូរ​នៅក្នុង​ពពួក​ត្រី បង្គា ក្តាម ខ្យង ពពួក​គ្រាប់​...) វីតាមីន B (​មាននៅ​ក្នុង​សាច់​សុទ្ធ មាន់ គោ ពពួក​សណ្តែក ស៊ុត ទឹកដោះ​...) ៕M​

បី​ចំណុច អ្នក​ហាត់ប្រាណ​ថ្មី​គួរ​ដឹង​

សម្រាប់​មនុស្ស​ចាស់ ឬ​អ្នក​ដែល​មិនមាន​ជំងឺ​ប្រចាំកាយ គួរ​ពិគ្រោះ​ជាមួយ​គ្រូពេទ្យ​ជំនាញ​សិន មុននឹង​ហាត់ប្រាណ ដើម្បី​កុំ​ឲ្យ​ប៉ះពាល់​ដល់​អាកា​រៈ​ជំងឺ ដែល​នាំ​ឲ្យ​មាន​គ្រោះថ្នាក់​ចំពោះ​រាងកាយ​។​

​ចាប់ផ្តើម​កំណត់​គោលដៅ​នៃ​លំ​ហាត់ប្រាណ ចាប់ពី​១០​នាទី ហើយ​បន្ថែម​ជា​បន្តបន្ទាប់ រហូត​បាន ៣០-៦០​នាទី ឬ​អាចបែងចែក​ការហាត់​ប្រាណ​ជា​ពេល​ខ្លីៗ ប៉ុន្តែ​រួមគ្នា​ឲ្យ​បាន​យ៉ាងតិច ៣០​នាទី ដូចជា​ពេល​ក្រោក​ពី​គេង អាច​ដើរ​លឿន ២០​នាទី បន្ទាប់ពី​បញ្ចប់​កិច្ចការ​នៅ​កន្លែងធ្វើការ គួរ​ដើរ​លឿនៗ ២០​នាទី ហើយ​មុន​ចូល​គេង គួរ​ធ្វើ​លំ​ហាត់ប្រាណ​ក្បាលពោះ​ថែម ១០​នាទី​ទៀត​។​

​អាច​ទិញ​ឬ​ជួល វីដេអូ វីស៊ីឌី ឬ​ឌី​វី​ឌី លំ​ហាត់ប្រាណ មក​អនុវត្ត​នៅផ្ទះ ដោយ​ខ្លួនឯង ឬ​ជួល​គ្រូ​មក​បង្រៀន​ដល់ផ្ទះ​។ ប៉ុន្តែ​ត្រូវ​ពិចារណា​ពី​គុណ​ស​ម្ប​តិ្ត​របស់​គ្រូបង្វឹក ដែល​គួរ​ឲ្យ​ទុកចិត្ត​មានចំណេះដឹង​ច្បាស់លាស់ ផ្នែក​ការហាត់​ប្រាណ​នេះ​៕

​ពិសា​ផ្លែ​ឈើ​ស្រស់ ល្អ​ចំពោះ​សុខភាព

ការ​ទទួលទាន​ផ្លែឈើ ល្អ​ចំពោះ​រាងកាយ ព្រោះ​ផ្លែឈើ​ស្រស់ សម្បូរ​ដោយ​វីតាមីន​ជាច្រើន​ប្រភេទ មិន​ថា​កាល់ស្យូម សារធាតុ​រ៉ែ ជាតិ​ដែក ផូស្វ័​រ ដែល​ជួយ
បំប៉ន​ផ្នែក​ផ្សេងៗ របស់​រាងកាយ​ដូច​ជា វីតាមីន C ក្នុង​ផ្លែឈើ ជួយ​ក្នុង​រឿង​សរសៃឈាម ធ្វើឲ្យ​សរសៃឈាម​ឆ្មា​រៗ​រឹងមាំ និង​ការពារ​ជំងឺ​ឈាម​ចេញ​តាមជើងធ្មេញ​ទៀតផង ។​
ប្រសិនបើ​អ្នក​ចាប់ផ្តើម​សង្កេតឃើញថា មាន​ជំងឺ​ដូច​រៀបរាប់​មកនេះ គួរ​ប្រញាប់​រក​ផ្លែឈើ ដែល​មាន​វីតាមីន C ទទួលទាន​ដូចជា ត្របែក ប៉េង​បោះ កន្ទួត​ព្រៃ ។ រីឯ​វីតាមីន​ប្រភេទ​ផ្សេងៗ ដែល​មាន​ក្នុង​ផ្លែឈើ ដូចជា វីតាមីន A ជួយ​បំប៉ន​ភ្នែក​បាន​ល្អ ។ ម្យ៉ាងទៀត ដោយសារ​ផ្លែឈើ ជា​ប្រភេទ​រួម​របស់​កាកសរសៃ​អាហារ ទើប​វា​ជួយ​ធ្វើឲ្យ​ប្រព័ន្ធប​ន្ទោ​បង់​ល្អ មិន​ធ្វើឲ្យ​ទល់លាមក ។​
ដូច្នេះ អ្នក​ដែល​មិន​ចូល​ទទួលទាន​ផ្លែឈើ ឬ​ចូល​ចិត្ត​ផ្លែឈើ​ត្រាំ គួរ​ងាក​មក​ទទួល​ផ្លែឈើ​ស្រស់​ល្អ​ជាង ព្រោះ​ប្រយោជន៍​ដែល​ទទួល​ពី​ផ្លែឈើ​ស្រស់
ប្រាកដជា​មាន​ច្រើន​ជាង​ផ្លែឈើ​ត្រាំ ។ លើសពីនេះ បើ​ជ្រើសរើស​ទិញ​ផ្លែឈើ​ត្រាំ ដែល​គ្មាន​អនាម័យ អាច​ធ្វើឲ្យ​រាករួស​ទៀតផង ៕

​ជំងឺ​សាច់​ដុះ​ក្នុង​ស្បូន​របស់​ស្ត្រី​

ស្បូន​គឺ​អវយវៈ​មួយ​នៃ​ប្រព័ន្ធ​បន្ត​ពូជ​របស់​មនុស្ស​ស្រី ដែលមាន​ផ្នែក​សំខាន់​ពីរ គឺជា​សាច់ដុំ​ស្បូន និង​ជាលិកា​នៅ​និង​មាត់ស្បូន ។ តួ​នាទី​សំខាន់​របស់​ស្បូន គឺជា​កន្លែង​ផ្ទុក​ទារក នៅពេល​មានគភ៌ ។ ចំពោះ​ភាពខុសប្រក្រតី​ដែល​កើតមានឡើង​ចំពោះ​ស្បូន ដែល​កើត​ឡើង​ញឹកញាប់​បំផុត គឺ​សាច់ដុះ​ក្នុង​ស្បូន ដែល​សាច់​នេះ​មិនមែន​សាច់​ដែល​គ្រោះថ្នាក់​នោះទេ ហើយ​ភាគច្រើន​គេ​រកឃើញ​តាំងតែ​ពី​អាយុ ៣០​ឆ្នាំ រហូតដល់​វ័យ​អស់​រដូវ ។​សាច់​ដុះ​នេះ កើតឡើង​ដោយសារ​អ័រម៉ូន​ភេទ​ស្រី ។

​សម្អាត​ប្រដាប់ភេទ​ខ្លាំងពេក អាច​ប្រឈម​នឹង​ជំងឺ​

ពេលខ្លះ​ដោយសារ​ចង់​សម្អាត​ជ្រុល​ខ្លាំងពេក អាច​ផ្តល់​ផល​អាក្រក់​មកវិញ ដូចជា​ការសម្អាត​ប្រដាប់ភេទ បើកាលណា​ខ្លាំងពេក បែរជា​បង្ក​ឲ្យ​កើត​បញ្ហា​ដល់​សុខភាព ពិសេស​កើតរោគ​យាយី​ទៅវិញ​ផង​។ តាម​ការស្រាវជ្រាវ​ចុងក្រោយ​បំផុត​របស់​គ្រូពេទ្យ​ប្រចាំ​សកលវិទ្យា​ល័យ ហ្វ្ល​រី​ដា ស្ទេ​ត របស់​សហរដ្ឋអាមេរិក បាន​រកឃើញថា ស្ត្រិ​ដែល​លាង​សម្អាត​ប្រដាប់ភេទ​ច្រើន​ហួស​ពី​ការចាំបាច់ តែង​បង្ក​ឲ្យ​អាស៊ីដ និង​បាក់តេរី​ប្រភេទ​ខ្លះ ដែល​ជួយ​បង្កើត​ឲ្យ​មាន​តុល្យភាព សម្រាប់​ប្រឆាំង​មេរោគ​ត្រង់​កន្លែង​នេះ នឹងត្រូវ​បាត់បង់​ទៅ ដែល​អាច​បង្ក​ឲ្យ​ប៉ះពាល់​ដល់​ប្រដាប់​ភេទស្ត្រី ដូចជា​í
​    ​-​អាកា​រៈ​ប្រឈមមុខ : មហារីក​ស្បូន នឹង​កើនឡើង​ទ្វេដង​។​
​    ​-​ឆ្លង​មេរោគ HIV និង ឆ្លង​មេរោគ​តាម​ការ​រួមភេទ : កើនឡើង​ដល់​ជិត​ពីរដង​។​
​    ​-​ទារក​ប្រសូត​មុន​កំណត់ : កើនឡើង​ដល់​ជិត​ពីរដង​។​
​    ​-​ធ្លាក់ស មាន​ក្លិនស្អុយ : ព្រោះតែ​បាក់តេរី​មួយចំនួន វាយលុក​កើនឡើង​ដល់ ១,២ ទៅ ៥,១ ដង​។​
​    ​-​ការ​មានគភ៌​ក្រៅ​ស្បូន : ដល់​ទៅ ៧៦​ភាគរយ​។​
​    ​-​កើត​អាកា​រៈរ​លាក​ក្នុង​ឆ្អឹងត្រគាក : កើនឡើង​ដល់​ទៅ ៧៣ ភាគរយ​។​
​    ​-​រលាក​សន្ទះ​ស្រោម​ស្បូន : ដល់​ទៅ ៦០ ភាគរយ​៕​

អ្នក​ជក់បារី​ជា​ស្ត្រី​ដែល​ឈប់​ជក់​នៅមុន​អាយុ ៤០ កើន​អាយុ ៩ ឆ្នាំ

ការសិក្សា​មួយ​បាន​និយាយ​កាលពី​ថ្ងៃ​សៅរ៍​ថា ស្ត្រី​អាច​បន្ថែម​អាយុ​ប្រាំ​ឆ្នាំទៅ​ជីវិត​របស់​ពួកគេ​តាមរយៈ​ការឈប់​ ជក់បារី​នៅមុន​អាយុ ៤០ ប៉ុន្តែ​នៅតែ​ប្រឈម​នឹង​អត្រា​មរណៈ ២០ ភាគរយ​ខ្ពស់ជាង​ស្ត្រី​ដែល​មិន​ធ្លាប់​ជក់បារី។​

​ដោយ​ត្រូវបាន​ ចេញផ្សាយ​ក្នុង​ទស្សនា​វ​ដ្តី The Lancet ការអង្កេត​មួយ​ទៅលើ​ស្ត្រី​ជិត ១,២ លាន​នាក់​នៅក្នុង​ចក្រភព​អង់គ្លេស​ បានបង្ហាញ​ថា ការជក់បារី​ពេញ​មួយជីវិត​ធ្វើ​ឲ្យ​ខាត​អាយុ​ជា​មធ្យម ១១ ឆ្នាំ។ លទ្ធផល​ទាំងនេះ​គឺ​បន្ទរ​តាម​លទ្ធផល​នៃ​ការស្រាវជ្រាវ​មុននេះ​ដែល​ត្រូវបាន​ ធ្វើឡើង​ទៅលើ​បុរស។​

​ក្នុងចំណោម​ស្ត្រី​ដែល​បោះបង់​ទម្លាប់​ជក់បារី ​នៅមុន​អាយុ ៤០ ក្រុម​អ្នកស្រាវជ្រាវ​បាន​វាស់វែង​ឃើញ​ការកើនឡើង​អាយុ ៩ ឆ្នាំ​ជា​មធ្យម ​ធៀប​ជាមួយ​អ្នក​ដែល​មិនដែល​ឈប់​ជក់បារី​សោះ៕

​ˆ​រកឃើញ​ហ្សែ​ន​ប្រែប្រួល​២ ដែល​បង្ក​ឲ្យ​កើត​ជំងឺ​មហារីក​ពោះវៀន

តាមរយៈ​ការវិភាគ ADN  របស់​មនុស្ស​២០​នាក់ ដែល​មាន​ប្រវត្តិ​គ្រួសារ​កើត​ជំងឺមហារីក​នោះ ពួក​អ្នកវិទ្យា សាស្ត្រ​អង់គ្លេស មាន​ការងឿងឆ្ងល់​ថា ហេតុ​អ្វី​គ្រួសារ​មួយចំនួន មានការ​ប្រឈម​នឹង​ការ​កើត​ជំងឺមហារីក​ពោះវៀន​ខ្ពស់​ដល់​កម្រិត​មួយ​ដែល​ពិបាក​នឹង​ជឿ​។​

​លោក Joe Wiegand  មនុស្ស​ម្នាក់​ក្នុងចំណោម​អ្នកចូលរួម​ការស្រាវជ្រាវ ២០​នាក់ ត្រូវបាន​វិនិច្ឆ័យ​កើត​មហារីក​ពោះវៀន តាំងពី​អាយុ​២៨​ឆ្នាំ​។ ទាំង​ជីដូន​លោក ឪពុក​លោក និង​អ៊ំ​របស់លោក សុទ្ធ​តែ​កើត​ជំងឺ​នេះ បងប្អូន​ជីដូនមួយរ​បស់​លោក​មួ​យ​ចំនួន ក៏​កើត​មហារីក​ពោះវៀន និង​ដុះ​សាច់​ខួរក្បាល​។​

​ពួក​អ្នក​ស្រាវជ្រាវ​បាន​ដំណើរការ​ស្រាវជ្រាវ​កូដ​តំណពូជ​របស់​អ្នកជំងឺ​២០​នាក់​នេះ​។ ក្នុង​ការស្រាវជ្រាវ​នេះ ពួកគេ​បាន​រកឃើញថា មាន​ហ្សែ​ន​ប្រែប្រួល​ចំនួន​ពីរ ដែល​មាន​លទ្ធភាព​បន្ត​ជំងឺមហារីក​ខ្ពស់​។​

​សាស្ត្រាចារ្យ Prof Ian Tomlinson មក​ពី​មហាវិទ្យាល័យ Oxford ជា​អ្នកដឹកនាំ​ការស្រាវជ្រាវ បានឱ្យដឹងថា ហ្សែ​ន​ប្រែប្រួល​២​នេះ កម្រ​ជួបប្រទះ តែ​ប្រសិន​មនុស្ស​ម្នាក់ ត្រូវបាន​តំណពូជ​ហ្សែ​ន​២​នេះ​នោះ ការ​ប្រឈម​កើត​ជំងឺ​មហារីក គឺ​ខ្ពស់បំផុត​។​

​លោក​ក៏​បាន​ឱ្យដឹង​បន្ថែមថា ក្នុង​ពេលវេលា​ខ្លី លទ្ធផល​នៃ​ការស្រាវជ្រាវ អាច​ត្រូវបាន​អនុវត្តន៍​ជាក់ស្តែង ដើម្បី​រក​អ្នក មានការ​ប្រឈម​នឹង​ការ​កើត​ជំងឺមហារីក​ខ្ពស់ ដើម្បី​ដំណើរការ​តាមដាន ហើយ​ក្នុង​អនាគត គេ​អាចបង្កើត​វិធី​ព្យាបាល​ពិសេស សម្រាប់​បណ្តា​ករណី​ប្រែប្រួល​ហ្សែ​ន​ដូចនេះ​។​

​សាស្ត្រាចារ្យ Julie Sharp នៅ​វិទ្យាស្ថាន​ស្រាវជ្រាវ​មហារីក បានឱ្យដឹង​ថា​លទ្ធផល​ស្រាវជ្រាវ ជា​គំហើញ​សំខាន់​មួយ​ក្នុងចំណោម​គំហើញ​សំខាន់ៗ​បំផុត ក្នុង​វិស័យ​តំណពូជ​វិទ្យា​មហារីក ក្នុង​បណ្តា​ឆ្នាំ​កន្លង​ទៅ​៕​

​បរិភោគ​យឺត​ជួយ​បន្ថយ​គ្រោះថ្នាក់​...​ទឹកនោម​ផ្អែម​

​ពុំ​ត្រឹមតែ​ល្អ​សម្រាប់​ក្រពះ ​និង​សម្រួល​ប្រព័ន្ធ​រំលាយ​អាហារ​តែប៉ុណ្ណោះ​ទេ ការបរិភោគ​យឺត​នៅ​មាន​ប្រសិទ្ធភាព​ខ្ពស់​ ក្នុង​ការទប់ស្កាត់ ​និងបន្ថយ​គ្រោះថ្នាក់​កើត​ជំងឺ​ទឹកនោម​ផ្អែម​ថែម​ទៀត ។ នេះ​ជា​លទ្ធផល​ស្រាវជ្រាវ ដែល​ពួក​អ្នកវិទ្យាសាស្ត្រ​អាមេរិក​ ទើប​នឹង​ប្រកាស​លើ​ទស្សនា​វ​ដ្តី Daily Mail ។​
តាម​ការស្រាវជ្រាវ​ថ្មី​ ដែល​ដំណើរការ​ដោយ​អ្នកវិទ្យាសាស្ត្រ Roger Dobson ក្នុង​រយៈពេល​ថ្មីៗ​នេះ​ បាន​បង្ហាញថា ពួក​អ្នក​បរិភោគ​លឿន មានលទ្ធភាព​ស្រូបយក​ស្មើ​ពីរដង​បរិមាណ​គ្លុយកូស​ក្នុង​អាហារ ​ប្រៀប​នឹងអ្នក​បរិភោគ​យឺតៗ ប្រការ​គួរឱ្យ​ភ្ញាក់ផ្អើល គឺ​លទ្ធផល​នេះ​ពុំ​គ្រាន់តែ​ត្រឹមត្រូវចំពោះ​ការ​ទទួលទាន​ត្រូវ​ពេល​ ប៉ុណ្ណោះ​ទេ តែ​នៅ​ត្រូវ​ចំពោះ​ការបរិភោគ​រប៉េះរប៉ោះ និង​បរិភោគ​យប់ ។​
​     ​នៅ​អង់គ្លេស​ មាន​មនុស្ស​ដល់ទៅ ២,៨​លាន​នាក់​ ត្រូវបាន​វិនិច្ឆ័យ​ខ្វះសារជាតិ  insulin -​សារជាតិ​មួយ​មាន​សមត្ថកិច្ច​បំប្លែង​បរិមាណ​ស្ករ​ក្នុង​ឈាម ទៅ​ជា​ថាមពល​ក្នុង​កោសិកា ដើម្បី​ជំនួយ​គ្រប់​សកម្មភាព​របស់​ស​រី​រាង្គ ។ ក្នុងពេលនោះ ពួក​អ្នក​ស្រូប​យក​កម្រិត​គ្លុយកូស​ល្មម មាន​បរិមាណ​ស្ករ​ក្នុង​ឈាម​ខ្ពស់ តែ​មិន​គ្រប់​បង្ក​គ្រោះថ្នាក់​កើត​ជំងឺ​ទឹកនោម​ផ្អែម​ទេ ។​
​    ​ក្នុង​ប្រមាណ​១០​ឆ្នាំ​ខាង​មុខ  ចំនួន​អ្នក​ប្រឈម​នឹង​ការ​កើត​ជំងឺ​ទឹកនោម​ផ្អែម​ នឹង​កើន​ខ្លាំង ប្រសិន​ពុំ​មាន​ការ​ទូន្មាន និង​វិធានការ​ទប់ស្កាត់​ទាន់ពេល ។ តាម​ការព្យាករណ៍​របស់​អ្នកជំនាញការ តួលេខ​នេះ​អាច​ដណ្តើម​ដល់ ៤០​ ឬ ​៥០​ភាគរយ​ចំនួន​ប្រជាជន​បណ្តា​ប្រទេស ។​
​    ​លទ្ធផល​ស្រាវជ្រាវ​នៅ​ជប៉ុន​បង្ហាញថា ក្រៅ​ពី​មូលហេតុ​សំខាន់ៗនាំ​ដល់​អត្រា​ទឹកនោម​ផ្អែម​កើន​ខ្ពស់ ដូច​ជា​កត្តា​តំណពូជ ស្រា បារី ...​នោះ ការបរិភោគ​លឿន​ក៏​រួមចំណែក​មួយ​ផ្នែក​មិនតូច​ឡើយ​ ធ្វើ​ឱ្យ​កើន​អត្រា​នេះ ។​
​    ​ទ្រឹស្តី​ដំបូង​ឱ្យដឹងថា ការបរិភោគលឿន​ធ្វើឱ្យ​កើន​បរិមាណ​ស្ករ​ក្នុង​ឈាម មាន​ស្រាប់
ក្នុង ​ចំណីអាហារ​ និង​ធ្វើឱ្យកើន​បរិមាណ​ស្ករ​ក្នុង​ឈាម​ក្រោយពេល​បរិភោគ អាស្រ័យ​ហេតុ​នោះ បរិមាណ​ស្ករ​ស្រូប​យក​ធំ តែ​បែរជា​មិន​ត្រូវ​បាន​ចរាចរ​ និង​បំប្លែង​ទៅជា សារជាតិ​មាន​ប្រយោជន៍​សម្រាប់​សរីរាង្គ។ ដូចនេះ វានឹង​បង្ក​ជា​ផលវិបាក​ធ្ងន់ធ្ងរ​អស្ចារ្យ​៕

​ការ​ˆ​វះកាត់​បញ្ចុះទម្ងន់ អាច​ធ្វើឱ្យ​ឆ្អឹង​ខ្សោយ​

ពួក​អ្នកវិទ្យាសាស្ត្រ​អូស្ត្រាលី បាន​ព្រមាន​ថា ការវះកាត់​បង្រួញ​ក្រពះ ដើម្បី​បញ្ចុះទម្ងន់ ភាគច្រើន​ត្រូវបាន​អនុវត្តន៍​សម្រាប់​អ្នកជំងឺ​ធា​ត់ ដែល​មិន​អាច​សម្រក​ទម្ងន់​តាម​វិធី​ផ្សេង​បាន ករណីនេះ វា​អាច​ធ្វើឲ្យ​ឆ្អឹង​របស់​ពួកគេ​ចុះខ្សោយ និង​ទ្រុឌទ្រោម​។​

​វិធីសាស្ត្រ​សំដៅ​ជួយ​ដល់​អ្នកជំងឺ​ធា​ត់ បន្ថយ​បរិមាណ​ចំណីអាហារ​ទទួលទាន មាន​ច្រើន​ប្រភេទ តាំង​ពី​ការវះកាត់​បង្រួញ​តូច​ក្រពះ​, ចង​ក្រពះ​... ប៉ុន្តែ​ពួក​អ្នកវិទ្យាសាស្ត្រ បានឱ្យដឹងថា វិធានការ​ទាំងឡាយ​ខាងលើ អាច​ធ្វើឱ្យ​ថយចុះ​ដង់ស៊ីតេ​ឆ្អឹង​, ជា​រឿង​គួរឱ្យ​បារម្ភ​បំផុត​ចំពោះ​អ្នកជំងឺ​ក្មេងៗ ដែល​ប្រព័ន្ធ​ឆ្អឹង​នៅ​ពុំ​ទាន់​រីកចម្រើន​អស់​កម្រិត​។​

​លទ្ធផល​ខាងលើ ត្រូវបាន​បណ្ឌិត Malgorzata Brzozowska  នៅ​វិទ្យាស្ថាន​ស្រាវជ្រាវ​វេជ្ជសាស្ត្រ Garvan នៅ​ស៊ីដនី លើក​ឡើង​ក្រោយ​ពេល​ស្រាវជ្រាវ​ទំនាក់ទំនង​ស្មុគស្មាញ​រវាង​ខ្លាញ់​, ឆ្អឹង និង​ការរារាំង​អំពី​ផ្នែក​ជីវជាតិ​។​


បណ្ឌិត Brzozoska បាន​បកស្រាយ​ថាៈ «​មូលហេតុ​របស់​ស្ថានភាព​នេះ ត្រូវបាន​ចាត់ទុក​ថា ពុំ​គ្រាន់​តែ​ដោយសារ​ការបញ្ចុះ​ទម្ងន់​ប្រញាប់ប្រញាល់ និង​ស្រូប​យក​តិច​នូវ​សារជាតិ​ជីវជាតិ​ចាំបាច់ ដូចជា​វីតាមីន D និង​កាល់ស្យូម​ប៉ុណ្ណោះ​ទេ តែ​នៅ​អាច​បណ្តាល​ពី​ការប្រែប្រួល​នូវ​អ័រម៉ូន​បញ្ចេញ​ពី​ខ្លាញ់ និង​ពោះវៀន ក៏ដូចជា​ឥទ្ធិពល​របស់​វា​ទៅដល់​ប្រព័ន្ធ​សរសៃប្រសាទ​មជ្ឈិម​»​។​

​ក្រុម​ស្រាវជ្រាវ​របស់​បណ្ឌិត  Brzozoska បានឱ្យដឹងថា ការត្រួតពិនិត្យ​ឆ្អឹង និង​ព្យាបាល​ភាព​ថមថយ​ដង់ស៊ីតេ​ឆ្អឹង គួរ​ត្រូវ​បាន​ចាត់​ទុក​ដូចជា​ផ្នែក​មួយ​ក្នុង​សកម្មភាព​ថែទាំ​សុខភាព​អ្នកជំងឺ​មុន និង​ក្រោយ​ការវះកាត់​បញ្ចុះទម្ងន់​៕​

​ស្ត្រី​មានគភ៌ ថែទាំ​សម្រស់ និង​សុខភាព​ដូចម្តេច​?

នៅពេល​រាងកាយ​មាន​គភ៌ សុខភាព​រាងកាយ​របស់​យើង តែង​មាន​ការប្រែប្រួល​ទៅ​តាម​នោះដែរ​។ ដើម្បី​ឲ្យ​រាងកាយ​មិន​មាន​ការប្រែប្រួល អំឡុង​ពេល​មានគភ៌ យើង​គួ​អនុវត្ត​វិធី​ថែរក្សា​សុខភាព​ដូចជា​៖

-​រក្សា​ស្បែក​ឲ្យនៅ​ស្រស់ថ្លា​ជានិច្ចៈ​
​អំឡុង​ពេល​មានគភ៌ ស្បែក​របស់​យើង​តែង​មាន​ការផ្លាស់ប្តូរ មិន​ដូចគ្នា​ទេ អ្នកខ្លះ​ប្រែប្រួ​លបន្តិច​បន្តួច ឯ​ខ្លះ​ទៀត​ច្រើន គឺ​ទៅ​តាម​សភាព​ស្បែក​នីមួយៗ​។ ទោះបីយ៉ាងណា ក្រោយ​ពី​សម្រាលកូន ស្បែក​របស់​ស្ត្រី តែង​ផ្លាស់ប្តូរ​មក​ប្រក្រតី​ឡើងវិញ លើកលែងតែ​មាន​ស្នាម​បែក​សង្វារ​នឹង​ថយ​ចុះ​ខ្លះ ឬ​កន្លែង​ខ្លះ​មិន​បាត់បង់​ទាំង​ស្រុង​នោះឡើយ​។​

-​វិធី​អនុវត្តៈ​
​ងូតទឹក​ត្រជាក់​ឲ្យ​រាងកា​យមាន​សំណើម​។ បើ​ករណី​មិន​ចូលចិត្ត​ងូតទឹក​ត្រជាក់ ឲ្យ​ងូតទឹ​កក្តៅ​ឧណ្ហៗ ដើម្បី​ឲ្យ​ស្បែក​មាន​សំណើម​ស្រស់ថ្លា​។ ក្រៅពីនេះ​ត្រូវ​រក​សាញ​ននោង ឬ​ក្រណាត់​សាច់​គ្រើមៗ មក​ខាត់​កម្ចាត់​កោសិកា​ដែល​ខូច​ចេញ​ឲ្យអស់​វិញ​។​

-​កម្ចាត់​ភាព​អស់​កម្លាំងកំហែងៈ​
​អាការ​ចុក​រោយ ឈឺចាប់ តែង​កើតមាន​លើ​ស្ត្រី ពេល​មានគភ៌​ស្ទើរ​គ្រប់​គ្នា​។ ដូច្នេះ​បើ​ចុកចាប់​ត្រង់​កន្លែង​ណា ត្រូវ​បំបាត់​ត្រង់​កន្លែង​នោះ​។​

*​វិធី​អនុវត្តៈ​
​បើ​ឈឺ​ត្រង់​ក​ញ្ចឹង​-​ក​: ត្រូវ​យក​កន្សែងពោះគោ មក​ជ្រលក់​ទឹក​ក្តៅ​ឧណ្ហៗ រួច​យកមក​ស្អំ​ត្រង់​បរិវេណ​ចុក​រួយ​ត្រង់​ក​ញ្ចឹង​-​ក បន្ទាប់មក​ត្រូវ​ម៉ាស្សា​ថ្នមៗ ដោយ​កើយ​ខ្នើយ​ទន់ៗ នោះ​នឹង​ជួយ​ឲ្យ​ស្រួល​ខ្លួន​ឡើងវិញ​។

*​ប្រសិនបើ​ចុក​រួយ​ប្រអប់ជើង​:  ត្រូវ​យក​ទឹក​ក្តៅ​ឧណ្ហៗ​ដាក់​ក្នុង​កូន​ចានដែក ហើយ​ត្រាំ​ជើង​មួយ​សន្ទុះ បន្ទាប់ពីនោះ ម៉ាស្សា​ដោយ​ប្រេង ដែល​មាន​ក្លិនក្រអូប​បន្ថែម​ពីក្រោយ​។​

*​ឈឺ​ខ្នង​: រក​កៅអី ឬ​ពូក​ដែល​ស្រួល​អង្គុយ មក​ទ្រាប់​ផ្នែក​ខាងក្រោយ​ឆ្អឹងខ្នង មិន​លើ​ក​របស់​ធ្ងន់ ឬ​ពាក់​ស្បែកជើង​កែង​ខ្ពស់ ឬ​ត្រូវ​យក​ស្បែកជើងផ្ទាត់​មក​ពាក់​ជំនួស​វិញ​។​

*​ជំនួយ​ស្បែក​មុខ​: លុបលាង​មុខ​ឲ្យ​ស្បែក​ស្អាត​ល្អ ដោយ​ជ្រើសរើស​បន្លែ​ផ្លែឈើ ឬ​ឱសថ​បុរណ​ក៏​បាន តាម​ការ​និយម​ចូលចិត្ត ក្នុងនោះ​មានដូចជា​ត្រសក់​ផ្អរ ប៉េង​ប៉ោះ ទឹកដោះគោ ទឹកឃ្មុំ ទឹកដោះគោ​ជូរ ដើម្បី​បំពោក ជួយ​ឲ្យ​ស្បែក​ស្រស់ថ្លា​។ ក្រោយ​ពី​លុបលាង​ផ្ទៃមុខ​រួចហើយ ជំនួយ​ស្បែក​មុខ​ដោយ ម៉​ជឺ​រ៉ៃស៊ើ និង​បន្ទាប់មក បន្ថែម​ឈីស ជាមួយ​ការ​ផឹកទឹក​ផ្លែឈើ ឲ្យ​កាន់តែ​មាន​អារម្មណ៍​ស្រស់ថ្លា​ថែម​ទៀត​។

*​ត្រូវ​ចង​ចាំ​ថា ការ​រក​សេចក្តីសុខ​នៅក្នុង​ផ្ទះសម្បែង មិនចាំបាច់​អនុវត្ត​វិធី​ខាងលើ​ទេ គ្រាន់តែ​ប្រលែង​លេង​ជាមួយ​កូនតូចៗ ឬ​អាន​សៀវភៅ​ដែល​ចូលចិត្ត ឬ​ធ្វើ​នេះ​ធ្វើ​នោះ​ក្នុង​ផ្ទះសម្បែង ក៏​ជា​ការ​ស្រេច​៕​

Omega3 ធ្វើឲ្យកើនការប្រឈមកើតមហារីកក្រពេញប្រូស្តាត

Omega-3 ធ្វើ​ឲ្យ​កើន​គ្រោះថ្នាក់​មហារីក​ក្រពេញ​ប្រូ​ស្តា​ត​
​តាម​ការ​ស្រាវ​ជ្រាង​ថ្មី​មួយ ទើបត្រូវ​បានប្រកាស​លើ​ទ​ស្ស​នាវ​ដ្តី​របស់​វិទ្យាស្ថាន​មហារីក​ជាតិ​អាមេរិក អាហារ​បំពេញបន្ថែម Omega-3 អាច​បង្កើន​គ្រោះថ្នាក់​កើត​ជំងឺមហារីក​ក្រពេញ​ប្រូ​ស្តា​តដល់​៧១% ។​
Omega-3 ជា​អាហារ​រូប​ត្ថ​ម្ភ​មួយ ត្រូវបាន​ប្រើប្រាស់​ទូលំទូលាយ​លើ​ពិភពលោក ។ ប៉ុន្តែ​ក្រុម​អ្នកជំនាញការ​ស្រាវជ្រាវ​អាមេរិក​ថ្មីៗ​នេះ បាន​រកឃើញថា អាហារ​រូប​ត្ថ​ម្ភ​នេះ​មានលទ្ធភាព​ធ្វើ​ឲ្យ​កើន​គ្រោះថ្នាក់​មហារីក​ក្រពេញ​ប្រូ​ស្តា​ត​ថ្នាក់ខ្ពស់​ដល់ ៧១% និង​មហារីក​ក្រពេញ​ប្រូ​ស្តា​ត​ថ្នាក់ទាប​ដល់ ៤៤% ។ ប៉ុន្តែ​សំណាងល្អ ហានិភ័យ​ដូចគ្នា​មិន​កើតឡើង​ចំពោះ​អ្នកទទួល​ទាន​ត្រី​មាន​ប្រេង​ច្រើន​ដូចជា​ត្រី​សាល់​ម៉ុ​ន​ឬ​ត្រី​ធូ​ណា ។​
​ក្រុម​ជំនាញការ​អាមេរិក​ក្រោយ​ការស្រាវជ្រាវ​របស់ខ្លួន​បានលើកឡើង​នូវ​ដំបូន្មាន​ចំពោះ​បុរស​ប្រើ​អាហារ​ច្រើន​មាន​ផ្ទុក Omega-3 ពិសេស​គឺ​តាមរយៈ​អាហារូបត្ថម្ភ​ថា "​ត្រូវ​ពិនិត្យមើល​គ្រោះថ្នាក់​បង្កប់​របស់​វា​" ។​
​ប៉ុន្តែ បណ្ឌិត Robyn Webber ជំនាញការ​ប្រឹក្សា​អំពី​ការវះកាត់​មូត្រ​សាស្ត្រ​ជនជាតិ​អង់គ្លេស ឲ្យ​ដឹងថា ការស្រាវជ្រាវ​នេះ​កំពុង​នៅ "​បង្ក​ការឈ្លោះប្រកែក​" និង​ទំនាស់​ជាមួយ​ពាក្យ​ទូន្មាន​ជាច្រើន​មុន​នោះ ។ អ្នកស្រី​ថ្លែងថា "​គ្រប់គ្នា​មិនត្រូវ​ឈប់​ទទួលទាន​ត្រី ហើយ​ខ្ញុំ​នៅតែ​គិតថា វា​ឆាប់​ពេក​ដើម្បី​ទូន្មាន​គ្រប់គ្នា​ផ្អាក​ប្រើប្រាស់ Omega3 ពិសេស​សារជាតិ​នេះ​ត្រូវបាន​ចាត់ទុកថា មាន​ប្រយោជន៍​ក្នុងការ​បង្ការ​ជំងឺ​តម្កាត់​ជាច្រើន​ដូចជា​ស្ត្រូ​ក​...." ។​
​ក្នុងការ​ស្រាវជ្រាវ​ខាងលើ បុរស​មាន​កម្រិត​អាស៊ីត​ខ្លាញ់ Omega-3 ក្នុង​ឈាម​ខ្ពស់​ងាយ​ជួយ​គ្រោះថ្នាក់​កើត​មហារីក​ក្រពេញ​ប្រូ​ស្តា​ត​ជាង​អ្នកដទៃ ។ ពួក​អ្នកស្រាវជ្រាវ​ឲ្យ​ដឹងថា ឥទ្ធិពល​មាន​គ្រោះថ្នាក់​មួយ​គឺ​ការ​បំប្លែង​ប្តូរ​អាស៊ីត​នេះ​ទៅជា​សារជាតិ​ចម្រុះ​អាច​បង្ក​អន្តរាយ​កោសិកា និង​DNA ។​
​ក្នុង​១​ឆ្នាំៗ​មាន​មនុស្ស​ប្រមាណ ៤១.០០០​នាក់ នៅ​អង់គ្លេស​ត្រូវបាន​វិនិច្ឆ័យ​កើត​មហារីក​ក្រពេញ​ប្រូ​ស្តា​ត និង ១១.០០០​ស្លាប់ ដោយសារ​ជំងឺ​នេះ ៕​M

​រកឃើញ​បន្ថែម គ្រោះថ្នាក់ ពេល​ប្រើប្រាស់​ទូរស័ព្ទ ពេលយប់​

​ការស្រាវជ្រាវ​ថ្មី បាន​បង្ហាញថា ប្រើ​ទូរស័ព្ទ ពេលយប់ នឹងធ្វើ​ឲ្យ​អ្នក​គេង​មិន​ស្កប់ និង​បន្ថយ​ទិន្នផល​ធ្វើការ នៅ​ថ្ងៃ​បន្ទាប់​។​
ការស្រាវជ្រាវ​មួយ ថ្មីៗ​នេះ របស់​ពួក​អ្នកវិទ្យាសាស្ត្រ នៅ​សកល​វិទ្យាល័យ វ៉ាស៊ីនតោន (​អាមេរិក​) បាន​ឲ្យ​ដឹងថា ប្រើ​ទូរស័ព្ទ នៅពេល​យប់ ពុំ​ត្រឹមតែ​បង្ក​គ្រោះថ្នាក់​ធ្ងន់ធ្ងរ ដល់​ដំណេក​របស់​អ្នក​ប៉ុណ្ណោះ​ទេ តែ​នៅ​ធ្វើ​ឲ្យ​ទិន្នផល​ធ្វើការ ត្រូវ​ថមថយ​នៅ​ថ្ងៃ​បន្ទាប់ ។​
ប្រធាន​ក្រុម​ស្រាវជ្រាវ Christopher Barnes នៅ​សាលា​ជំនួញ Foster នៃ​សកល​វិទ្យាល័យ វ៉ាស៊ីនតោន បាន​ឲ្យ​ដឹងថា "​ទូរស័ព្ទ​ឆ្លាត​វៃ​មួយ នឹង​ជួយ​អ្នកដោះស្រាយ​បញ្ហា​យ៉ាងច្រើន សូម្បីតែ​ពេល​អ្នក ពុំមាន​វត្តមាន ក្នុង​បន្ទប់ធ្វើការ​" ។​
​ប៉ុន្តែ​លោក​ក៏​បង្ហាញ​ពី​ផ្នែក​អសកម្ម​របស់​ទូរស័ព្ទ​ឆ្លាត​វៃ ។
​ទន្ទឹមនឹង​ការជួយ​ដោះស្រាយ​ការងារ រហ័សរហួន​ជាង​នោះ វា​ពិតជា​អ្នក​បំផ្លាញ​ដំណេក​ដ៏​ល្អ​របស់​អ្នក​។ ដំណាលគ្នា​នេះ វា​ក៏​ធ្វើ​ឲ្យ​អ្នក "​ឱប​" ការងារ​ច្រើនជាង​។​
ការស្រាវជ្រាវ មុនៗ​នេះ ក៏បាន​ចង្អុល​បង្ហាញថា ពន្លឺ​ពណ៌​ខៀវ ឬ​ពន្លឺ​បញ្ចេញ ពី​ទូរស័ព្ទ​ចល័ត អាចធ្វើ​ឲ្យ​អ្នក​គេង​មិន​លក់ ដោយសារ​វា​រំញោច​សរីរាង្គ​បង្កើត melatonin សារ​ជាតិគីមី​គ្រប់គ្រង​នាឡិកា ជីវសាស្ត្រ​ក្នុង​សរីរាង្គ​។​
​ដើម្បី​ប្រាកដ​ជាង ពួក​អ្នកវិទ្យាសាស្ត្រ បាន​ដំណើរការ​ពិសោធន៍ រាល់​ថ្ងៃមួយ ចំពោះ​មនុស្ស​៨២​នាក់ មាន​តំណែង​ជា​អ្នកគ្រប់គ្រង ក្នុង​រយៈពេល​២​សប្តាហ៍​។ លទ្ធផល​បង្ហាញថា អ្នក​ទាំងនេះ ក្រោយពេល​ប្រើ​ទូរស័ព្ទ ដល់​យប់​ជ្រៅ​ពេក មាន​និន្នាការ​អស់កម្លាំង និង​ឧស្សាហ៍​បាត់​មុខ នៅ​ស្ថាប័ន នៅ​ព្រឹក​ថ្ងៃ​បន្ទាប់ ។​
​ការស្រាវជ្រាវ​ផ្សេង ត្រូវបាន​ដំណើរការ ចំពោះ​បុគ្គលិក​ការិយាល័យ ១៦១ នាក់​។ ពួកគេ​នឹង​ត្រូវបាន​សំណូមពរ​ប្រើ​ទូរស័ព្ទ កុំព្យូទ័រ laptop ឧបករណ៍​អេឡិចត្រូនិក​ផ្សេងៗ​... នៅ​យប់​ជ្រៅ និង​ចូល​គេង​។ មុន​នោះ អ្នក​ទាំងនោះ ត្រូវបាន​តាមដាន អំពី​ជម្រៅ​របស់​ដំណេក ពេល​គេ​ប្រើ​ទូរស័ព្ទ មុន​នោះ​។ ក្រោយពេល​ធ្វើការ​ប្រៀបធៀប ពួក​អ្នកវិទ្យាសាស្ត្រ ប្រមូលបាន​លទ្ធផល​ថា ពុំ​ត្រឹមតែ​ទូរស័ព្ទ​ចល័ត​ប៉ុណ្ណោះ​ទេ តែ​ឧបករណ៍​អេឡិចត្រូនិក​ផ្សេងៗ​ទៀត ក៏​ធ្វើ​ឲ្យ​អ្នក​គេង​ក្រលក់ និង​មាន​អារម្មណ៍​អស់កម្លាំង នៅពេល​ព្រឹក​ថ្ងៃ​បន្ទាប់​។ ប៉ុន្តែ​កម្រិត​គ្រោះថ្នាក់ ដែល​ទូរស័ព្ទ​បង្កឡើង សម្រាប់​ដំណេក គឺ​ខ្លាំងក្លា​បំផុត​។​
​អាស្រ័យហេតុនេះ ពួក​ជំនាញការ បាន​ទូន្មាន​ថា "​អ្នក​គួរ​បិទ​ទូរស័ព្ទ​ចល័ត ពី​ម៉ោង​៩​យប់ ដើម្បី​មាន​ដំណេក​មួយ​ស្កប់ ជួយ​ខួរក្បាល មាន​ពេល​សម្រាក​ល្អ​បំផុត ត្រៀម​សម្រាប់​ថ្ងៃ​ធ្វើការ​ថ្មី​" ៕M/V/L​

តន្ត្រី​ជួយ​ដល់​អ្នកជំងឺ​

ការសិក្សា​ចុងក្រោយ​នៅ​ចក្រភព​អង់គ្លេស​បានបង្ហាញ​ថា ការចាក់​តន្ត្រី​ឲ្យ​អ្នកជំងឺ​កំពុង​ព្យាបាល​នៅ​មន្ទីរពេទ្យ​ស្តាប់ វា​អាចជួយ​ឲ្យ​ពួកគេ​ដកដង្ហើម​កាន់តែ​ងាយស្រួល ។​
ក្រុម​អ្នកជំនាញ​នៅ​បណ្ណាល័យ​ខូ​ក្រេ​នី​បាន​ថ្លែងថា តន្ត្រី​អាចមាន​ប្រសិទ្ធ​ភាពល្អ ជា​ឱសថ​ដើម្បី​ធ្វើ​ឲ្យ​អ្នកជំងឺ​បាន​ធូរ​ស្រាកស្រាន្ត ក្នុងអំឡុងពេល​អ្នកជំងឺ​ធ្ងន់​កំពុង​បញ្ចូល​ខ្យល់​ដកដង្ហើម ។ អ្នកជំងឺ​ធ្ងន់ធ្ងរ​ជាង ២០០ នាក់ ដែល​បាន​ស្តាប់​តន្ត្រី​អាច​កាត់បន្ថយ នូវ​អារម្មណ៍​អន្ទះអន្ទែង​សម្រួល​ចង្វាក់​ដង្ហើម និង​បេះដូង ។​
ក្រុម​វេជ្ជបណ្ឌិត​បាន​គាំទ្រ​ការចាក់​តន្ត្រីបុរាណ​បែប​បស្ចិមប្រទេស ដូចជា តន្ត្រី​ព្យា​ណូ ឬក៏​បទ​ភ្លេង​ណា​ដែល​ស្រទន់​ស្រួល​ស្តាប់ ព្រោះ​តន្ត្រី​អាចជួយ​សម្រួល​អារម្មណ៍​របស់​អ្នកជំងឺ ដែល​ស្ថិតក្នុង​សភាព​ធ្ងន់ធ្ងរ ។ ការជ្រើសរើស​ប្រភេទ​តន្ត្រី​ខុស​ក៏​អាចធ្វើ​ឲ្យ​រំជួលចិត្ត​អ្នកជំងឺ និង​អាចធ្វើ​ឲ្យ​ពួកគេ​បង្កើន​អារម្មណ៍​តានតឹង កាន់តែខ្លាំង​ឡើង​ផងដែរ ៕

​ស្ត្រី​ជា​ម្តាយ គួរ​ផឹកទឹក​ឲ្យបាន​គ្រប់គ្រាន់​

ក្នុង​ករណី​ស្ត្រី​ជា​ម្តាយ​មាន​អារម្មណ៍​វិលមុខ​ល្វើយ និង​អស់កម្លាំង​ល្ហិតល្ហៃ អាច​ជា​សញ្ញា​គ្រោះថ្នាក់​មួយ ដែល​បង្ហាញ​ប្រាប់ថា រាងកាយ​កំពុង​បាត់បង់​ជាតិ​ទឹក ដូច្នេះ​គួរ​ប្រតិបត្តិ​ខ្លួន​ដូចខាងក្រោម​នេះ​៖

-​ដាក់​ដប​ទឹក​នៅ​ក្បែរ​កាយ រួច​ព្យាយាម​ផឹកទឹក​ឲ្យបាន​ញឹកញាប់ និង​ឧស្សាហ៍​បន្ថែម​ទឹក​ឲ្យបាន​ពេញដប​ជានិច្ច​។​
-​គួរ​ផឹក​ទឹកស្អាត​ឆ្លាស់គ្នា​ជាមួយ​ទឹក​ផ្លែឈើ​។​
-​មិនគួរ​ផ្តោតអារម្មណ៍​ថា ត្រូវ​ផឹកទឹក​ក្នុង​មួយ​លើកៗ ឲ្យបាន​ច្រើន​តែ​ម្តង​នោះទេ តែ​គួរ​ផឹក​សន្សឹមៗ ឲ្យបាន​ញឹកញាប់ និង​ពេញ​មួយ​ថ្ងៃ​ទើប​ប្រសើ​៕​

​ˆ អាស្ពីរីន​បន្ថយ​គ្រោះថ្នាក់​មហា​រីកថ្លើម និង​ការបាត់បង់​ជីវិត​ដោយសារ​ជំងឺថ្លើម​

យោង​តាម​ការស្រាវជ្រាវ​ដ៏​ធំ​មួយ កាលពី​ពេល​ថ្មីៗ​នេះ ក្រុម​អ្នកវិទ្យាសាស្ត្រ បានឱ្យដឹងថា​៖ ការប្រើប្រាស់ អាស្ពីរីន ទំនង​ធ្វើឱ្យ​ថយចុះ​នូវ​គ្រោះថ្នាក់​មហា​រីកថ្លើមនិង​ការបាត់ បង់​ជីវិត​ដោយសារ​ជំងឺ​រ៉ាំរ៉ៃ​។​

ទស្សនា​វ​ដ្តី Journal of the National Cancer Institute ដែល​បាន​ចុះផ្សាយ​អំពី​លទ្ធផល​នៃ​ការស្រាវជ្រាវ​នោះ បាន ឲ្យដឹងថា ការស្រាវជ្រាវ​នេះ បាន​ត្រូវ​ដំណើរការ​លើ​មនុស្ស​ជាង ៣០០.០០០ នាក់ ដែល​មាន​អាយុ​ពី ៥០ ទៅ​៧១​ឆ្នាំ​។ ពួក​អ្នកចូលរួម បាន​រាយការណ៍​អំពី​ការប្រើប្រាស់​អាស្ពីរីន និង​ពពួក​ឱសថ​ប្រឆាំង​រលាក​គ្មាន Steroid (NSAIDs)  និង​ត្រូវ​បាន​តាមដាន​ក្នុង​រយៈពេល​ពី ១០ ទៅ ១២​ឆ្នាំ​។

 

ក្នុង​អំឡុង​ពេល​នេះ អ្នកចូលរួម​ជាង ៤០០​នាក់  បាន​បាត់បង់​ជីវិត​ដោយសារ​ជំងឺថ្លើម​រ៉ាំរ៉ៃ និង​២៥០​នាក់ ត្រូវបាន​វិនិច្ឆ័យ​កើត​មហា​រីកថ្លើម​។ ប្រៀប​នឹង​អ្នក​មិន​ប្រើ NSAIDs, ពួក​អ្នក​ប្រើ​អាស្ពីរីន ថយចុះ​៤៥​ភាគរយ នៃ​គ្រោះថ្នាក់ បាត់បង់​ជីវិត​ដោយសារ​ជំងឺថ្លើម​រ៉ាំរ៉ៃ  និង​៤១​ភាគរយ នៃ​គ្រោះថ្នាក់​កើត​មហា​រីកថ្លើម​។

 

ពួក​អ្នក​ប្រើប្រាស់ NSAIDs គ្មាន​អាស្ពីរីន ក៏​ថយចុះ​២៦​ភាគរយ នៃ​ការ​ប្រឈម​បាត់បង់​ជីវិត​ដោយសារ​ជំងឺថ្លើម​រ៉ាំរ៉ៃ តែ​មិន​ថយ​ចុះ​ការ​ប្រឈម​ត្រូវ​វិនិច្ឆ័យ​កើត​មហា​រីកថ្លើម​នោះទេ​។​

អ្នកដឹកនាំ​ការស្រាវជ្រាវ គឺ​បណ្ឌិត Vikrant Sahasrabuddhe  នៅ​វិទ្យាស្ថាន​មហារីក​ជាតិ​អាមេរិក រួម​ជាមួយ​សហសេវិក បានឱ្យដឹងថា ប្រសិនបើ​លទ្ធផល​នេះ ត្រូវ​បាន​បញ្ជាក់​ទទួល​ស្គាល់ វា​អាច​នាំមក​នូវ​វិធី​ថ្មីៗ ដើម្បី​បង្ក​ការទប់ស្កាត់​ជំងឺថ្លើម​រ៉ាំរ៉ៃ និង​មហា​រីកថ្លើម​៕​

ហាត់ប្រាណជាប្រចាំធ្វើឲ្យថយចុះគ្រោះថ្នាក់កើតមហារីកថ្លើម

​ពួក​អ្នកស្រាវជ្រាវ​ស្វី​ស​ឲ្យ​ដឹងថា អ្នកជំងឺ​មាន​ហានិភ័យ​កើត​មហារីក​ថ្លើម​អាចធ្វើ​ឲ្យ​ថយចុះ​គ្រោះថ្នាក់​កើត​ជំងឺ​ដោយ​វិធី​ហាត់ប្រាណ​ជាប្រចាំ ។​
​វេជ្ជបណ្ឌិត Jean-Francois Dufour នៅ Iselspilal មន្ទីរពេទ្យ​សាកលវិទ្យាល័យ Bern ឲ្យ​ដឹងថា ក្រុម​កណ្តុរ​ពិសោធន៍​២​ក្រុម​ត្រូវបាន​ឲ្យ​ស៊ី​របប​អាហារ​ធម្មតា​មួយ និង​របប​អាហារ​សម្បូរ​ជាតិ​ខ្លាញ់​មួយ ។ សត្វ​កណ្តុរ​ត្រូវបាន​ចែកជា​ក្រុម​មាន​សកម្មភាព​រាង​កា​យ និង​ក្រុម​ពុំ​សូវ​ធ្វើ​ចលនា ។ ក្រុម​ធ្វើ​សកម្មភាព​រត់​លើ​ម៉ាស៊ីន​រត់​សាច់ដុំ​៦០​នាទី ក្នុង​១​ថ្ងៃ ៥​ថ្ងៃ​ក្នុង​១​សប្តាហ៍ ។ ក្រោយ​៣២​សប្តាហ៍​ហាត់​កីឡា​ជាប្រចាំ ៧១% នៃ​សត្វ​កណ្តុរ​មាន​របប​ទទួលទាន​ធម្មតា​រីកចម្រើន​ដុំ​គីស​សន្តំៗ​ជាង​១០mm ។ ក្នុងពេលនោះ​អត្រា​នេះ​នៅ​ក្រុម​កណ្តុរ​ពុំ​សូវ​ធ្វើ​ចលនា​គឺ ១០០% ។ បរិមាណ​និង​ទម្ងន់​មធ្យម​របស់​ដុំ​គីស​មហារីក​ថ្លើម​ក្នុង​ក្រុម​មាន​សកម្មភាព​រាង​កា​យ​ក៏​ថយចុះ​ប្រៀប​នឹង​ក្រុម​មិនសូវ​ធ្វើ​សកម្មភាព ។​
​វេជ្ជបណ្ឌិត Dufour និយាយថា ទិន្នន័យ​ទាំងឡាយ​បង្ហាញ​ឲ្យ​ឃើញ​ផលប្រយោជន៍​ដ៏​ច្រើន​របស់​ការហាត់​ប្រាណ​ជាប្រចាំ​ចំពោះ​ការរីកចម្រើន​មហារីក​ថ្លើម ។​
​ក្នុង​សេចក្តីប្រកាស​មួយ លោក Dufour ឲ្យ​ដឹងថា "​យើង​ដឹងថា របៀបរបប​រស់នៅ​ទាន់សម័យ និង​មិនល្អ​ត្រឹមត្រូវ​នាំ​ដល់​ជំងឺ​ខ្លាញ់​រុំ​ថ្លើម​គ្មាន​អាល់កុល អាច​បណ្តាល​ឲ្យ​កើត​មហារីក​ថ្លើម​ទៅ​ថ្ងៃមុខ ។ ការស្រាវជ្រាវ​នេះ​មាន​អត្ថន័យ​ខ្លាំងណាស់ ព្រោះ​វា​បើកផ្លូវ​សម្រាប់​ការស្រាវជ្រាវ​ស៊ីជម្រៅ​ជាង ដើម្បី​បញ្ជាក់ថា ហាត់ប្រាណ​ជាប្រចាំ​អាចធ្វើ​ឲ្យ​ថយចុះ​ហានិភ័យ​កើត​មហារីក​ថ្លើម​" ។​
​ការស្រាវជ្រាវ​នេះ​ត្រូវបាន​ឧទ្ទេសនាម​នៅ​សន្និសីទ​អន្តរជាតិ​អំពី​ថ្លើម​នៅ​អាំ​ស្ទែរ​ដាម ៕​M

នំប៉័ងជាមូលហេតុធ្វើឲ្យអស់កម្លាំងរ៉ាំរ៉ៃ

ពួក​អ្នកវិទ្យាសាស្ត្រ​បកស្រាយ​ហេតុអ្វី​មនុស្ស​បច្ចុប្បន្ន​តែងតែ​អស់កម្លាំង ធ្វើ​ការមិន​ស្វិតស្វាញ​ដូច​មនុស្ស​សម័យបុរាណ ។​
​របប​ទទួលទាន​ប្រចាំថ្ងៃ របស់​មនុស្ស​សព្វថ្ងៃ​ហាក់ដូច​មិនអាច​ខ្វះ​នំប៉័ង ។ នេះ​ជា​អាហារ​មួយ​ក្នុងចំណោម​អាហារ​យូរអង្វែង​បំផុត​អំពី​ផលប្រយោជន៍ និង​តម្លៃ​ជីវជាតិ​ត្រូវបាន​ពួក​វេជ្ជបណ្ឌិត និង​អ្នកវិទ្យាសាស្ត្រ​ទទួលស្គាល់​តាំងពី​យូរ ។​
​ប៉ុន្តែ ការស្រាវជ្រាវ​ថ្មីៗ​នេះ​បានចង្អុលបង្ហាញ​ថា នំប៉័ង​ពុំ​សូវ​នាំមក​នូវ​ផលប្រយោជន៍​សុខភាព ប្រសិន​មិន​ចង់​និយាយថា នៅមាន​គ្រោះថ្នាក់ ។ នេះ​ជាការ​សន្និដ្ឋាន​របស់​វេជ្ជបណ្ឌិត​ជំនាញ​ផ្អែក​បេះដូង William Davis នៅ​អាមេរិក ។ លោក​អះអាងថា នំប៉័ង​ជា​មូលហេតុ​របស់ "​ជំងឺ​សតវត្សរ៍​" អស់​ក​ម្លាំ​រ៉ាំរ៉ៃ ។​
​តាម​លោក ថ្មីៗ​នេះ​នៅតាម​បណ្តា​មន្ទីរពេទ្យ​អាមេរិក អ្នកជំងឺ​ជាច្រើន​បាន​ត្អូញត្អែរថា ខ្លួន​មាន​អារម្មណ៍​ទ្រុឌទ្រោម ពេលណា​ក៏​អស់កម្លាំង និង​បាត់​សមត្ថភាព​ប្រមូលផ្តុំ ។ ស្ថានភាព​នោះ​ពុំ​ឃើញ​មាននៅ​អាមេរិក ក្នុង​សតវត្សរ៍​មុនៗ ។​
​តាម​វេជ្ជបណ្ឌិត Davis ការដែល​អ្នកជំងឺ​ត្អូញត្អែរថា សរីរាង្គ​ជានិច្ចកាល​អស់កម្លាំង សតិបញ្ញា​ត្រូវ​ទ្រុឌទ្រោម មាន​ពាក់ព័ន្ធ​ជិតស្និទ្ធ​ដល់​ការប្រើប្រាស់​មិន​ឈប់ឈរ​ពពួក​ផលិតផល​កែច្នៃ​ពី​ម្សៅ​គីមី ហើយ​រឿងនេះ​ឥទ្ធិពល​អសកម្ម​ដល់​ការយល់ដឹង ។​
​ក្នុង​ពូជស្រូវ​សាឡី​បច្ចុប្បន្ន មាន​ផ្ទុក​សារជាតិ​ដូចជា​ប្រូតេអ៊ីន ប្តូរ​សណ្ឋាន​ហ្សែ​ន បង្ក​ជា​រោគសញ្ញា​របស់​ការ​អស់កម្លាំង​ជាប់​រហូត និង​បាតុភូត​លើស​ទម្ងន់ ។ ពួក​អ្នកវិទ្យាសាស្ត្រ​ធ្លាប់​បញ្ជាក់ថា ការប្រើប្រាស់​នំប៉័ង​ស​ជាមួយ​បរិមាណ​មិន​កំណត់ នឹង​បណ្តាល​ឲ្យ​ខ្វះ​ជាតិ​សរសៃ​ក្នុង​សរីរាង្គ ជា​មូលហេតុ​ធ្វើ​ឲ្យ​ខួរក្បាល​មិនអាច​ធ្វើ​សកម្មភាព​ធម្មតា​បាន ។​
​វេជ្ជបណ្ឌិត Davis ចាត់ទុកថា ប្រភេទ​ស្រូវ​សាឡី​ត្រូវបាន​ដាំ និង​ប្រើប្រាស់​សព្វថ្ងៃ ខុស​ឆ្ងាយ​ពី​ពូជស្រូវ 40-៥០​ឆ្នាំមុន ៕​M

មនុស្ស​ចាស់ គួរ​បរិភោគ​ទឹកឃ្មុំ​ជំនួស​ស្ករ​

​បរិភោគ​ស្ករអំពៅ​ច្រើន ក៏​ដូច​បរិភោគ​អំបិល ,​ជាតិ​ខ្លាញ់​ច្រើន សុទ្ធតែ​នាំ​ដល់​ការកើត​ជំងឺ​ធាត់​, ក្រិន​រឹង​សរសៃឈាម​, លើសឈាម​, ទឹកនោមផ្អែម ធ្វើឱ្យ​ថយចុះ​សមត្ថភាព​ទប់ទល់​រប​ស់​សរីរាង្គ បណ្តាលឱ្យ​សរីរាង្គ​ងាយ​ត្រូវ​គ្រុនផ្តាសាយ ពុក​ឆ្អឹង និង​ជំងឺ​ភ្នែក​។ អាស្រ័យហេតុនេះ មនុស្ស​ចាស់​មិនត្រូវ​បរិភោគ​ស្ករអំពៅ​ច្រើន​។ ពេល​ត្រូវ​ការបរិភោគ​ផ្អែម អាច​ប្រើ​ទឹកឃ្មុំ​ជំនួស​។​
ជំងឺ​ក្រពះ :

មនុស្ស​មជ្ឈិមវ័យ និង​វ័យ​ចំណាស់ ដែលមាន​ជំងឺ​ក្រពះ គួរ​ផឹកទឹក​ឃ្មុំ​ជាប្រចាំ ព្រោះ​ទឹកឃ្មុំ​មាន​ឥទ្ធិពល​សម្រួល​អាស៊ីត​ក្រពះ​, អាច​សម្រួល​កម្រិត​អាស៊ីត​សន្សឹមៗ សម្រេចបាន​ដល់​កម្រិត​ធម្មតា ។​
វិធី​ប្រើប្រាស់ ៖ អ្នកមាន​អាស៊ីត​ក្រពះ​តិច មុន​ទទួលទាន​បាយ អាច​បរិភោគ​ទឹកឃ្មុំ​បន្តិច ក៏​អាច​លាយ​ជាមួយ​ទឹក​ត្រជាក់​បន្តិច​ដើម្បី​ផឹក ។ អ្នកមាន​អាស៊ីត​ក្រពះ​ច្រើន​នោះ គួរ​លាយ​ទឹកឃ្មុំ​ជាមួយ​ទឹក​ក្តៅ​ឧ​ណ្ឌៗ ដើម្បី​ផឹក​មុនពេល​បាយ​មួយ​ម៉ោង​កន្លះ ឬ​ក្រោយ​ពេលបាយ​៣​ម៉ោង ។​
ជំងឺ​ផ្លូវដង្ហើម :

ទឹកឃ្មុំ​មាន​ប្រសិទ្ធភាព​បន្ថយ​រលាក​, បន្ថយ​ស្លេស្ម៍​, ត្រជាក់​សួត​, ព្យាបាល​ក្អក​។ វិធី​ព្យាបាល​ក្អក​ល្អ​បំផុត គឺ​បរិភោគ​ផ្លែ​ព័រ​ជាមួយ​ទឹកឃ្មុំ ។​
វិធី​ធ្វើៈ ហាន់​ផ្លែ​ព័រ​មួយ​ផ្លែ​ជា​ចំណិត​ស្តើងៗ រួច​លាយ​ជាមួយ​ទឹកឃ្មុំ  ទទួលទាន ២-៣ ដង​ក្នុង​មួយថ្ងៃ ។​
ជំងឺ​សរសៃឈាម​បេះដូងៈ

បរិភោគ​ទឹកឃ្មុំ​ជាប្រចាំ​មាន​ឥទ្ធិពល​ការពារ​សរសៃ​ឈាម​, បញ្ចុះ​សម្ពាធ​ឈាម បង្កើន​ការរំលាយ​អាហារ​, ស្រួល​បត់ជើងធំ ។​
វិធី​ប្រើៈ មុនពេល​ស្រស់ស្រូប​ពេលព្រឹក ផឹកទឹក​ឃ្មុំ​១​កែវ ហើយ​ពេលយប់​មុនពេល​ទទួលទានដំណេក​ផឹក​១ កែវ​ទៀត​។​
ជំងឺ​ពោះវៀនៈ​
ទឹកឃ្មុំ​នៅមាន​ឥទ្ធិពល​បង្កើន​កម្លាំង​ក​ន្ត្រា​ក់​ច្របាច់​របស់​ផ្លូវ​ពោះវៀន អាច​បំ​ព្រួញ​ពេលវេលា​បត់ជើងធំ ។​
វិធី​ប្រើៈ ផឹក​ប្រមាណ​២៥ ក្រាម​ទឹកឃ្មុំ នៅមុន​ស្រស់ស្រូប​អាហារ​ព្រឹក និង​យប់ ។​
បន្សាប​ស្រាៈ​

សារជាតិ​ស្ករ​ផ្លែឈើ​ក្នុង​ទឹកឃ្មុំ  អាច​បំបែក​រំដោះ​ការ​ស្រូប​យកជាតិ​អាល់កុល អាស្រ័យហេតុនេះ អាចជួយ​ឱ្យ​ស្វាង​ស្រា​រហ័ស​ជាង និង​មិន​ឈឺក្បាល​ក្រោយពេល​ផឹកស្រា​។ ក្រៅពីនេះ ទឹកឃ្មុំ​នៅមាន​ប្រសិទ្ធភាព​ជំនួយ​ដល់​ការព្យាបាល​ជំងឺ​រ៉ាំរ៉ៃ ដូចជា​រលាក​ថ្លើម B ខ្លាញ់​រុំ​ថ្លើម ក្រិន​ថ្លើម ...​។​
វិធី​ប្រើ ៖ មុនពេល​ផឹកស្រា​ត្រូវ​បរិភោគ​ប្រមាណ​៥០​ក្រាម​ទឹកឃ្មុំ ឬ នំ​ប៊ី​ស​គីត​លាប​ទឹកឃ្មុំ​ប៉ុន្មាន​ដុំ​។ ក្រោយពេល​ផឹកស្រា ក៏ត្រូវ​ផឹកទឹក​លាយ​ទឹកឃ្មុំ​។ ទឹកឃ្មុំ​នឹង​ឆាប់​បំពេញតម្រូវការ​ថាមពល​របស់​ខួរក្បាល ។​
ផ្គត់ផ្គង់​ថាមពលៈ​

សរីរាង្គ​អាច​រហ័ស​ស្រូបយក​សារជាតិ​ស្ករ​ផ្លែឈើ និង glucoza របស់​ទឹកឃ្មុំ កែប្រែ​ឱ្យ​ស្ថានភាព​ជីវជាតិ​ក្នុង​ឈាម​ប្រសើរឡើង​។​
វិធី​ប្រើៈ ផឹកទឹក​ឃ្មុំ​១​កែវ​នៅពេល​ថ្ងៃត្រង់​
ជួយ​ឱ្យ​ស្រួល​គេងៈ​

glucoza ពពួក​វីតាមីន​ម៉ាញ៉េ​ស្យូ​ម ហ្វូ​ស​ហ្វ័​រ ក្នុង​ទឹកឃ្មុំ​អាច​សម្រួល​សមត្ថកិច្ចរ​បស់​ប្រព័ន្ធ​សរសៃប្រសាទ ធ្វើឱ្យ​សរសៃប្រសាទ​បន្ថយ​ភាព​តានតឹង និង​គេង​បាន​លក់​ស្រួល​។ ទឹកឃ្មុំ ពុំមាន​ឥទ្ធិពល​បន្ទាប់បន្សំ​ដូច​ប្រភេទ​ថ្នាំ​ផ្សេងៗ​ឡើយ ។​
វិធី​ប្រើៈ មុន​ចូល​គេង ផឹកទឹក​ឃ្មុំ​មួយ​ស្លាបព្រា ៕

ការ​ភាយ​ជាតិ​វិទ្យុសកម្ម​ពី​ប្រព័ន្ធ WiFi ធ្វើឲ្យ​គុណភាព​ទឹ​កកាមធ្លាក់ចុះ​

ការធ្វើ​ការងារ​នៅ​លើ Laptop ដោយ​ប្រើ Wireless អាច​រារាំង​ឱកាស​នៃ​ភាព​ក្លាយជា​ឪពុក​របស់​ក្មេង​ណា​ម្នាក់​បាន​។ ក្នុង​ការសិក្សា​មួយ​បាន​លើកឡើង​ថា ស្ពែម (​ទឹកកាម​)
​ដែល​ស្ថិត​ក្រោម​កុំព្យូទ័រ​ដែល​មាន​ភ្ជាប់​អ៊ី​ន​ធឺ​ណេត​តាមរយៈ WiFi ទទួលរង​ការខូចខាត​ច្រើន​ជាង​ការ​ដែល​រក្សា​ទឹកកាម​ក្រោម​សីតុណ្ហភាព​ដូច​គ្នា​ប៉ុន្តែ​ស្ថិតនៅ​ឆ្ងាយ​ពី​សញ្ញា    រ​បស់​Wireless ។​
​ ​
​លទ្ធផល​សិក្សា​នេះ​គឺ​មាន​សារៈសំខាន់​ណាស់​ព្រោះ​ក្តីបារម្ភ​កាលពី​លើក​មុនៗ​អំពី Laptop ដែល​បង្ក​ឲ្យ​គ្មាន​កូន (​អារ​) បាន​ផ្តោត​សំខាន់​ទៅលើ​កំដៅ​ដែល​បង្កើតឡើង​ដោយ​កុំព្យូទ័រ Laptop ។​
​ ​
​នៅក្នុង​ការសិក្សា​ចុងក្រោយ​នេះ ក្រុម​អ្នកស្រាវជ្រាវ​បាន​យក​ទឹកកាម​ពី​បុរស​ចំនួន ២៩ នាក់​អាយុ​ចាប់ពី ២៦ ដល់ ៤៥ ឆ្នាំ និង ទុក​ទឹកកាម​ទាំងនោះ​នៅ​ក្រោម Laptop​ដែល​មាន​ភ្ជាប់​ប្រព័ន្ធ WiFi និង ទាំង​នៅ​ឆ្ងាយ​ពី​កុំព្យូទ័រ ។​
​ ​
​ក្រោយមក Laptop បានធ្វើការ Upload និង Download ព័ត៌មាន​ចេញពី​អ៊ី​ន​ធឺ​ណេ​ត​អស់ពេល ៤ ម៉ោង ។ ក្រោយពី​បញ្ចប់​ការពិសោធន៍​រួចមក ២៥​ភាគរយ​នៃ​ទឹកកាម​ស្ថិតក្រោម Laptop លែង​ធ្វើ​ការផ្លាស់​ទី និង ៩ ភាគរយ​ទៀត​បាន​បង្ហាញ​នូវ​ការ​ខូច DNA ។​
​ ​
​ព្រឹត្តិបត្រ​ព័ត៌មាន​ស្តីពី​លទ្ធភាព​បង្កើតកូន និង ភាព​គ្មាន​កូន (The Journal Fertility and Sterility) បានឲ្យដឹងថា ដោយ​ធ្វើ​ការប្រៀបធៀប គំរូ​ទឹកកាម ១៤ ភាគរយ​
​ដែល​រក្សា​ទុក​ឆ្ងាយ​ពី WiFi បាន​ឈប់​ធ្វើ​ការផ្លាស់​ទី និង ប្រមាណ​តែ ៣ ភាគរយ​ប៉ុណ្ណោះ​បាន​រង​ការខូត​នូវ DNA ។​
​ ​
​ក្រុម​អ្នកវិទ្យាសាស្ត្រ​មកពី​អាមេរិក និង អា​ហ្សង់​ទីន ជឿថា ការភ្ជាប់​ប្រព័ន្ធ Wireless នឹង​បង្កើត​នូវ​ចំហាយ​ជាតិ​វិទ្យុសកម្ម​អេឡិចត្រូ​ម៉ាញ៉េតិច​ដែលបំផ្លាញ​គុណភាព​ទឹកកាម ។​
​ ​
​អ្នកដឹកនាំ​ស្រាវជ្រាវ​មក​ពី​វិទ្យាស្ថាន Nascentis Medicina Reproductiva ក្នុង​ទីក្រុង Cordoba ប្រទេស​អា​ហ្សង់​ទីន បាន​និយាយថា ‹​ទិន្នន័យ​របស់​យើង​បាន​លើកឡើង​ថា ការប្រើ​កុំព្យូទ័រ Laptop ភ្ជាប់​ប្រព័ន្ធ WiFi និង ការដាក់ Laptop នោះ​នៅ​ក្បែរ​សរី​រាង្គ​បន្ត​ពូជ​របស់​បុរស​អាច​បន្ថយ​នូវគុណ​ភាពស្ពែម ឬ ទឹកកាម​របស់​មនុស្ស​យើង​› ។​
​ ​
‹​នៅពេល​បច្ចុប្បន្ន​នេះ យើង​មិន​ទាន់​ដឹងថា​តើ​ឥទ្ធិពល​នេះ​ត្រូវ​បាន​បង្កឡើង​ដោយ​គ្រប់​កុំព្យូទ័រ​ដែល​ភ្ជាប់​តាមរយៈ WiFi ទៅ​អ៊ី​ន​ធឺ​ណេត ឬ​ក៏​ស្ថានភាព​ក្នុង​ការប្រើប្រាស់​កុំព្យូទ័រ​មួយណា ឬ​យ៉ាងណា​នោះទេ​ដែល​បង្កើនឲ្យមាន​ផលប៉ះពាល់​នេះឡើង​› ។​
​ ​
​ការ​ធ្វើ​តេស្ត៍​សាកល្បង​មួយ​ទៀត​ជាមួយ  Laptop ដែល​កំពុងតែ​បើក​ឲ្យ​ដំណើរកា​រតែ​មិន​មាន​ភ្ជាប់ Wireless នោះទេ បាន​រកឃើញ​នូវ​ចំហាយ​ជាតិ​វិទ្យុ​សកម្ម EM ដែល​គេ​មិន​ចាប់​អារម្មណ៍​ចេញពី​ម៉ាស៊ីន​កុំព្យូទ័រ​តែឯង​ផងដែរ ។​
​ ​
​លទ្ធផល​សិក្សា​នេះ​បាន​ធ្វើឲ្យ​កើត​មាន​ក្តីបារម្ភ​ដែល​លើកឡើង​ដោយ​ក្រុម​អ្នកស្រាវជ្រាវ​មួយ​ចំនួន​ផ្សេង​ទៀត ។ ក្រុម​អ្នកស្រាវជ្រាវ​មួយចំនួន​បាន​រកឃើញថា​ចំហាយ​ជាតិ​វិទ្យុសកម្ម​ចេញពី​ទូរស័ព្ទដៃ​បាន​ធ្វើ​ឲ្យទឹកកាម​ខ្សោយ​ទៀតផង ។​
​ ​
​ទោះជា​យ៉ាងណា​ក៏ដោយ វេជ្ជបណ្ឌិត Robert Oates មកពី Society for Male Reproduction and Urology បាន​ក្លាយទៅជា​ឪពុក​របស់​ក្មេង​២​នាក់​រួច​ទៅ​ហើយ​ថ្វីបើ​គាត់​កំពុង​ប្រើ Laptop និង iPhone ក៏ដោយចុះ ។ លោក​បាន​និយាយថា លោក​មិន​ជឿថា Laptop គឺជា​ការគំរាមកំហែង​ដល់​សុខភាព​បន្ត​ពូជ​របស់​បុរស​នោះទេ ។

​លោក​បន្ថែមថា ការសិក្សា​ថ្មី​នេះ​មិនមែន​ជា​ជីវវិទ្យា​ស្តីពី​ជីវិត​ពិត​របស់​មនុស្ស​នោះទេ នេះ​គ្រាន់តែ​ជា​ការរៀបចំ​ក្លែងក្លាយ​សុទ្ធសាធ​មួយ​ប៉ុណ្ណោះ ៕

អាហារ​ជួយ​ឲ្យ​ធ្មេញ​ស្អាត

- បន្លែ ផ្លែ​ឈើ​មាន​កាក​សរសៃ​ខ្ពស់ : អ្នកជំនាញ​បានឲ្យដឹងថា អាហារ​ដែល​មានកា​កស​រ​សៃ ប្រៀបដូចជា ថ្នាំ​សម្លាប់​មេរោគ​ក្នុង​ប្រអប់មាត់​របស់​អ្នក ហើយ​ថែមទាំង ជួយ​ជំរុញ​ការបញ្ចេញ​ទឹកមាត់ ដែល​ជា​ការថែរក្សា​ធ្មេញ​ដ៏​ល្អ​បំផុត តាម​ធម្មជាតិ ដើម្បី​ការពារ​ជម្ងឺ​អញ្ចាញ និង​ធ្មេញ ។ បន្ទាប់​ពី​អ្នក​ទទួល​ទាន​អាហារ​ដែល​មាន​ជាតិ​ស្ករ ២០ នាទី ទឹកមាត់​របស់​អ្នកនឹង​ចាប់ផ្តើម​កម្ចាត់​ជាតិ​អាស៊ី​ដ និង​អង់​ហ្ស៊ី​ម ដែល​កំពុង​កាត់​ធ្មេញ ។ ក្រៅពី​នេះ​ទឹកមាត់ ថែមទាំង​មាន​កាល់ស្យូម និង​ផូស្វ័រ ដែល​ជួយ​ស្តារ​នូវ​ជាតិ​ខនិជ​ដល់​ធ្មេញ ក្នុង​បរិមាណ​ដែល​បាត់បង់​ទៅ​ផង​ដែរ ។​
- ស្ករ​កៅស៊ូ​គ្មាន​ជាតិ​ស្ករ : ជា​វិធី​មួយ​ដែល​ជួយ​ជំរុញ​ការបញ្ចេញ​ទឹកមាត់ និង​កម្ចាត់​កម្ទេច​អាហារ​បាន​យ៉ាង​ល្អ ។​
- អាហារ​មាន​ភ្លូ​អរ​រ៉ៃ​ដ៏ : មិន​ថា​ជា​ភេសជ្ជៈ​បន្ថែម​ភ្លូរ​អរ​រ៉ៃ​ដ៏ ឬ​អាហារ​ដែល​ចម្អីន​ដោយ​ភេសជ្ជៈ​ផ្សំ​ភ្លូ​អរ​រ៉ៃ​ដ៏ (Fluoride) សុទ្ធតែ​ជួយ​ការពារ​ធ្មេញ​បាន រួម​ទាំង​ភេសជ្ជៈ​រសជាតិ​ផ្លែឈើ ប្រភេទ​ឆុង ដែល​គ្មាន​ជាតិ​ស្ករ​ច្រើន និង​ស៊ុប​ម្សៅ​កញ្ចប់ ។ ក្រៅពីនេះ អាហារ​ឆ្អិន​ស្រាប់​ដូចជា ផលិតផល​ពី​សាច់​មាន់​អាហារ​សមុទ្រ ក៏​អាច​មាន​ភ្លូរ​អរ​រ៉ៃ​ដ៏ ដែរ ។
- ហ្វ្រូ​ម៉ា ទឹកដោះគោ យ៉ា​អួរ និង​អាហារ​ដែល​ធ្វើ​ពី​ទឹក​ដោះ :  ហ្វ្រូ​ម៉ា ជា​អ្នកជំរុញ​ទឹកមាត់​ល្អ បំផុត​ហើយ​អាហារ​ក្នុង​ក្រុម​នេះ ថែមទាំង​មាន​កាល់ស្យូម និង​ផូស្វ័រ ផងដែរ ។
- ឈើ​ឯម : អ្នក​ស្រាវជ្រាវ​រកឃើញ​ថា រុក្ខ​ឱសថ​ប្រភេទ​នេះ ជួយ​បញ្ឈប់​ការលូតលាស់​របស់​មេរោគ​បាក់តេរី ស្ត្រេ​ប​តូ​ខូ​កខាស់ (Steptococcus) បាន ៕

៣​ភេសជ្ជៈ បំបាត់​បញ្ហា​រដូវ​មក​មិន​ទៀង​

ស្ត្រី​ដែលមាន​បញ្ហា​រដូវ​មិន​ទៀង តែងតែមាន​កង្វល់​យ៉ាងខ្លាំង មិនដឹង​រក​វិធី​ណា​ដើម្បី​កែខៃ​បញ្ហា​អស់ទាំង​នេះ​ទេ ។​
តែ​អ្នក​មិនចាំបាច់​បារម្ភ​ឡើយ ព្រោះ​ភេសជ្ជៈ​ដែល​បានមកពី​ផ្លែឈើ អាចជួយ​កម្ចាត់​បញ្ហា​ទាំង​នោះបាន ។​
-​ទឹក​ទំពាំងបាយជូរ : នៅក្នុង​ទំពាំងបាយជូរ មាន​សារធាតុ​ផូស្វ័រ ស្ពាន់ធ័រ កាល់ស្យូម សារធាតុ​ដែក វីតាមីន B1 វីតាមីន​B2 វីតាមីន​C អាស៊ីដ​ហ្វៃ​តួ​ឃី​មី​ខ​ល​ឡ (Phytochemical)​ដែល​សារធាតុ​ទាំងអស់នេះ ជួយ​បង្កើត​ថាមពល​ដល់​ប្រព័ន្ធ​ដុត​បំពេញ​អាហារ នៅក្នុង​រាងកាយ ។ ចំណែក​ឯកសារ​ធាតុ​ថា​ថា​រិ​ក (Tartaric) នៅក្នុង​ទំពាំងបាយជូរ អាច​បណ្តេញ​សារធាតុពុល​ចេញពី​សរសៃឈាម ធ្វើ​ឲ្យ​ឈាម​ហូរ​បាន​ស្រួល និង​ធ្វើ​ឲ្យ​វដ្ត​រដូវ​របស់​អ្នក​ដំណើរការបាន​យ៉ាង​ទៀងទាត់​ផងដែរ ។​
-​ទឹក​ការ៉ុត​ក្រហម​(Betroot) : ការ៉ុត​ក្រហម មានគុណ​ស​ម្ប​តិ្ត​ក្នុង​ការសម្អាត​ថ្លើម និង​ពោះវៀន និង​មាន​ប្រយោជន៍​បំផុត​ចំពោះ​ថ្លើម និង​តម្រងនោម ។ វា​ជួយ​បំប៉ន​កោសិកា​ឈាមក្រហម និង ជួយ​ឲ្យ​គ្រាប់​ឈាមក្រហម បានទទួល​អុកស៊ីហ្សែន រហូតដល់​៤០%​។ អ្នក​ដែល​បានទទួល​ទាន​ទឹក​ការ៉ុត ជាប្រចាំ ប្រាកដជា​អស់​បញ្ហា​រឿង​រដូវ​មក​មិន​ទៀង ។​
-​ទឹក​ផ្លែ​ព្រូន : ពពួក​ទឹក​ដែល​បានមកពី​ផ្លែឈើ​ប្រភេទ​នេះ មានគុណ​ស​ម្ប​តិ្ត​យ៉ាងច្រើន​មាន​កាក​សរសៃ​ច្រើន សម្បូរ​ទៅដោយ​ម៉ាញេស្យូម សារធាតុ​ដែក ប៉ូ​តា​ស្យូ​ម និង វីតាមីន B​។​សារធាតុ​អាហារ​ទាំងនេះ ជួយ​បំប៉ន​ឈាម​ធ្វើ​ឲ្យ​រដូវ​របស់​អ្នកមាន​ភាពប្រក្រតី ហើយ​ថែមទាំង​ជួយ​រក្សា​ទម្ងន់ ធ្វើ​ឲ្យ​រាង​ស្វែ​ល​ស្អាត​ថែមទៀត ។

​ដំណឹង​រីករាយ​សម្រាប់​អ្នក​ចូលចិត្ត​ផឹក​កាហ្វេ

​កាហ្វេ នៅតែ​ត្រូវ​ចាត់ទុកជា​សារជាតិ​រំញោច​មួយ​មិនល្អ​សម្រាប់​សុខភាព តែ​ការស្រាវជ្រាវ​មួយចំនួន​បានបញ្ជាក់​ផ្ទុយ​មកវិញ​ពេល​អ្នក​ផឹក​កាហ្វេ​ក្នុង​បរិមាណ​សមស្រប ។​
តាម​របាយការណ៍​ស្រាវជ្រាវ​មួយ ដែល​បានប្រកាស​លើ​ទស្សនា​វ​ដ្តី Stroke បានឱ្យដឹងថា ស្ត្រី​ដែល​ផឹក​កាហ្វេ​មួយ​ពែង​ក្នុង​មួយថ្ងៃ​មានការ​ប្រឈម​នឹង​ជំងឺស្ត្រូក​ទាប​ជាង ២៥​ភាគរយ​ធៀប​នឹង​អ្នក​ផឹក​តិចជាង​។ ពួក​អ្នកស្រាវជ្រាវ​បាន​តាមដាន​ស្ត្រី ប្រមាណ​៣៥.០០០​នាក់ មាន​អាយុ​ពី ៤៩​ដល់​៨៣​ឆ្នាំ ក្នុង​រយៈពេល​១០​ឆ្នាំ និង​បាន​រកឃើញ​អត្រា​ថយចុះ​ជំងឺស្ត្រូក​នៅក្នុង​ចំណោម​អ្នក​ឧស្សាហ៍​ផឹក​កាហ្វេ នៅតែ​រក្សាបាន​ក្រោយពេល​គិតគូរ​កត្តា​ទាំងឡាយ ដូចជា តួលេខ​BMI លើសឈាម​, ការ​ប្រឈម​កើត​ជំងឺ​ទឹកនោមផ្អែម និង​ទម្លាប់​ជក់បារី ។​
Joy Bauer ជំនាញការ​សុខាភិបាល​អំពី​សារជាតិ​ជីវជាតិ​របស់ Everyday Health  និង The Today Show ចាត់ទុកថា ៖ " កាហ្វេ​ផ្គត់ផ្គង់​សារជាតិ​អុកស៊ីតកម្ម​- សារជាតិ នាំមក​នូវ​ផលប្រយោជន៍​យ៉ាងច្រើន​សម្រាប់​សរីរាង្គ​" ។​
ក្រៅពី​លទ្ធភាព​ធ្វើឱ្យ​ថយចុះ​គ្រោះថ្នាក់​កើត​ជំងឺស្ត្រូក​, កាហ្វេ​នៅ​ធ្វើឱ្យ​ថយចុះ​អត្រា​រីកចម្រើន​បណ្តា​បញ្ហា​សុខភាព​ខាងក្រោម​នេះ ៖
១-​ជំងឺ​ទឹកនោមផ្អែម​
ពួក​អ្នកស្រាវជ្រាវ​មហាវិទ្យាល័យ​កាលីហ្វ័រ​ញ៉ា បាន​រកឃើញ​ក្នុងចំណោម​ស្ត្រី​ផឹក​កាហ្វេ​៤​ពែង​ក្នុង​មួយថ្ងៃ មាន​ប្រមាណ​៦០​ភាគរយ ពុំ​សូវ​រីកចម្រើន​ជំងឺ​ទឹកនោមផ្អែម​ប្រភេទ​២ ធៀប​នឹង​អ្នក​មិន​ផឹក ។ កាហ្វេ​មាន​សារជាតិ​រ៉ែ​ជាច្រើន​ដូចជា ម៉ាញ៉េ​ស្យូ​ម​, ក្រូម អាច​គ្រប់គ្រង​បាន​បរិមាណ​ស្ករ​ក្នុង​ឈាម ។​
២-​មហារីក​ស្បែក​
តាម​ការស្រាវជ្រាវ​នៅ​មហាវិទ្យាល័យ Rutgers សត្វ​កណ្តុរ​ត្រូវ​រលាក​ដោយ​កម្តៅថ្ងៃ ពេល​ត្រូវ​បានឱ្យ​ផឹកទឹក​មាន​ផ្ទុក​កាហ្វេ​អ៊ី​ន និង​រត់​ក្នុង​កង់ឡាន​បង្វិល​នឹងធ្វើ​ឱ្យ​ថយចុះ​គ្រោះថ្នាក់​ត្រូវ​មហារីក​ស្បែក ។ ដូច្នេះ ពេលធ្វើការ​ស្រាវជ្រាវ​ក្រោម​កម្តៅ​ព្រះអាទិត្យ ចូរ​អ្នក​ផឹក​កាហ្វេ​ដើម្បី​ការពារ​ស្បែក របស់ខ្លួន​ផុតពី​គ្រោះថ្នាក់​របស់​កាំរស្មី​។​
៣-​តានតឹង​
ក្លិនក្រអូប អាចមាន​ឥទ្ធិពល​ទៅដល់​ដំណេក​របស់​អ្នក ។ ពិសេស​ពេល​អ្នក​ដេក​មិន​លក់ ឬ​តានតឹង​ជ្រុល ក្លិន​កាហ្វេ​នឹង​ជួយ​អ្នកមាន​អា​ម្មណ៍​ល្អ​ជាង ព្រោះ​ពពួក​ម៉ូលេគុល​ក្នុង​ក្លិន​កាហ្វេ នឹង​រំញោច​សកម្មភាព​របស់​ហ្សែ​ន​ការពារ កោសិកា​សរសៃប្រសាទ​ចៀស​ផុតពី​ភាព​តានតឹង ។​
៤-​ដង្កូវ​ស៊ី​ធ្មេញ​
កាហ្វេ អាច​ប្រឆាំង​តប​ដង្កូវ​ស៊ី​ធ្មេញ ។​សារជាតិ​ចម្រុះ trigonelline មាន ក្នុង​កាហ្វេ មាន​លក្ខណៈ​ប្រឆាំង​បាក់តេរី ពពួក​បាក់តេរី​បង្ក​ដង្កូវ​ស៊ី​ធ្មេញ​ដូចជា Streptococus ឥទ្ធិពល​ដល់​កាចា​ធ្មេញ ។​
៥-​ជំងឺ Parkinson
នេះ​ជា​ព័ត៌មាន​ល្អ​សម្រាប់​គ្រួសារ មាន​ប្រវត្តិ​អ្នក​កើត​ជំងឺ​នេះ​៖ តាម​ពួក​អ្នកស្រាវជ្រាវ​មហាវិទ្យាល័យ​សុខាភិបាល Duke បាន​បញ្ជាក់ថា ពួក​អ្នក​ផឹក​កាហ្វេ​ជាប្រចាំ ពុំ​សូវ​មានលទ្ធភាព​រីកចម្រើន​ជំងឺ​ទ្រុឌទ្រោម​សរសៃប្រសាទ ។ បច្ចុប្បន្ននេះ ពួក​អ្នកវិទ្យាសាស្ត្រ នៅតែ​ប្រឹងប្រែង​រក​ភស្តុតាង​ដើម្បី​បញ្ជាក់ថា កាហ្វេ​អ៊ី​ន​ក្នុង​កាហ្វេ​(​ក៏​ដូច​នៅក្នុង​តែ​) អាច​កម្ចាត់​បាន​ហ្សែ​ន GRIN 2A ជួយ​បន្ថយ​គ្រោះថ្នាក់​កើត​ជំងឺ​នេះ ។​
៦-​មហារីក​ដោះ​
ស្ត្រី​ផឹក​កាហ្វេ Scadinavian ច្រើនជាង​៤​ដង​ក្នុង​មួយថ្ងៃ មានការ​ប្រឈម​កើត​មហារីក​ដោះ​តិចជាង​អ្នក​មិន​ផឹក ឬ​ផឹក​តែម្តង​ក្នុង​មួយថ្ងៃ ។ មូលហេតុ គឺ ដោយសារ​កាហ្វេ​នោះ​មិនត្រូវ​ចម្រាញ់ វា​ផ្ទុក​ច្រើនជាង​៨០​ដង​បរិមាណ​អាស៊ីត​ខ្លាញ់ ធៀប​នឹង​ប្រភេទ​ដទៃ ។ កាហ្វេ​ធ្វើឱ្យ​កោសិកា​មហារីក​លូតលាស់​យឺត ។​
៧-​ជំងឺ​សរសៃឈាម​បេះដូង​
ពួក​អ្នកស្រាវជ្រាវ​ហុ​ល្លង់ បាន​សង្កេតឃើញថា ពួក​អ្នក​ផឹក​ពី​២-៤​កែវ កាហ្វេ​ក្នុង​មួយថ្ងៃ មាន​គ្រោះថ្នាក់​កើត​ជំងឺ​បេះដូង​ទាប​ជាង​២០​ភាគរយ ធៀប​នឹង​អ្នកផ្សេង ។ Keri M. Gans, អ្នកនាំពាក្យ​របស់​សមា​គម​ជីវជាតិ​អាមេរិក បានឱ្យដឹងថា មូលហេតុ គឺ​ដោយសារ​សារជាតិ​ប្រឆាំង​អុកស៊ីតកម្ម​ក្នុង​កាហ្វេ​មាន​ឥទ្ធិពល​ការពារ​សរសៃ​ឈាម​បេះដូង ។​
៨-​មហារីក​ខួរក្បាល​និង​មហារីក​ក្រអូម​-​ក​
ថ្វី​ត្បិត​ព័ត៌មាន​ទាំងឡាយ​អំពី​លទ្ធភាព​ប្រឆាំង​មហារីក​របស់​កាហ្វេ ត្រូវ​ច្របូកច្របល់​, តែ​ពួក​អ្នកស្រាវជ្រាវ​ជនជាតិ​អ៊ីតាលី បាន​រកឃើញថា កាហ្វេ​អ៊ី​ន​ក្នុង​កាហ្វេ មានលទ្ធភាព​ការពារ​សរីរាង្គ​ប្រឆាំង​តប​គ្រោះថ្នាក់​មហារីក​ខួរក្បាល និង​មហារីក​ក្រអូម​-​ក ។ ធៀប​នឹង​អ្នក​តម​ផឹក​កាហ្វេ​, គ្រោះថ្នាក់​កើត​ជំងឺ​នេះ​របស់​អ្នក​ផឹក​កាហ្វេ​ច្រើនជាង​៤​កែវ​ក្នុង​មួយថ្ងៃ ថយចុះ​៤០​ភាគរយ ។​
ប៉ុន្តែ ពួក​ជំនាញការ​សុខាភិបាល ក៏​ទូន្មាន​ថា គួរ​ផឹក​កាហ្វេ​មាន​កម្រិត ។ ការប្រើប្រាស់​វា​ច្រើន​ជ្រុល អាចធ្វើឱ្យ​ដំណើរ​ត្រូវ​រអាក់រអួល ឬ​ដេក​មិន​លក់​, ឈឺពោះ​, ឈឺបេះដូង​, តានតឹង​, ពិបាក​ទ្រាំ និង​ចង់​ក្អួត ។ ចូរ​ចាំ​ថា ត្រូវ​លាយ​កាហ្វេ​ជាមួយ​ទឹកដោះគោ ឬ​ស្ករ​បន្តិច គឺ​មិន​ផឹក​កាហ្វេ​ជាមួយ​ក្រែ​ម ឬ​ស៊ី​រ៉ូ ដើម្បី​បន្ថយ​អប្បបរមា​គ្រោះថ្នាក់​នៃ​ជំងឺស្ត្រូក និង​ជំងឺ​ទឹកនោមផ្អែម ។​ ក្រៅពីនេះ ពួក​វេជ្ជបណ្ឌិត​ទូន្មាន​ថា ស្ត្រី​មានគភ៌ ឬ​អ្នក​លើសឈាម ឬ បរិមាណ​ស្ករ​ក្នុង​ឈាម​ខ្ពស់ គួរ​ផឹក​កាហ្វេ​មានកំណត់ ។ ប្រសិន​អ្នក​យកចិត្តទុកដាក់​ដ​ល់​កាហ្វេ និង​ចង់​ប្រើប្រាស់​វា​ដោយ​សុវត្ថិភាព​, ចូរ​និយាយ​ជាមួយ​វេជ្ជបណ្ឌិត ដើម្បី​បាន​ពាក្យ​ទូន្មាន​សមស្រប​បំផុត ៕

​នៅ​រដូវ​ភ្លៀង​ធ្លាក់ ធ្វើយ៉ាងណា​កុំឲ្យ​មាន​សំណើម​នៅ​កន្លែង​សំខាន់​

ក្នុង​អំឡុង​ពេល​ភ្លៀង​ធ្លាក់​ជាប់​ជាប្រចាំ​បែបនេះ ស្ត្រី​ភាគច្រើន​តែងតែ​ព្រងើយកន្តើយ ចំពោះ​ការ​មើលថែទាំ​កន្លុក​កន្លៀត ពិសេស​ត្រង់​ប្រដាប់​ភេទ​តែម្តង​។ ការ​មិន​យកចិត្តទុកដាក់​បែបនេះ នាំឲ្យ​កើត​ការឆ្លង​មេរោគ និង​បាក់តេរី​តោង​ជាប់​មិនដឹង​ខ្លួន​ឡើយ​។​ នៅពេល​មេរោគ​ឆ្លង​ហើយ នាំ​ជួប​ការលំបាក​ក្នុង​ការបំបាត់​ទៅវិញ ហើយ​ពិសេស​នាំ​ឲ្យ​ឆ្លង​មេរោគ​ក្នុងពេល​រួម​ភេទ​ទៀត​ផង​។​


​គ្រូពេទ្យ​ជំនាញ បាន​និយាយថា នៅក្នុង​រដូវ​ភ្លៀង ដោយសារ​តែ​សំណើម​ជាប់​ជាប្រចាំ អាច​ធ្វើឲ្យ​ប្រដាប់​ភេទស្ត្រី ផ្ទុក​ជាប់​ដោយ​សំណើម ដែលជា​មូលហេតុ​នៃ​ការផ្ទុក​ទៅ​ដោយ​មេរោគ​។ ក្រៅពីនេះ សូម្បី​តែ​ការ​ស្លៀកខោ​ក្នុង​ដែល​រឹប​ណែន​ជាប់​គ្រប់ពេលវេលា ក៏​ជា​មូលហេតុ​ដែល​បង្ក​ឲ្យ​កើត​ការឆ្លង​មេរោគ​ដូចគ្នា ពិសេស​ការឆ្លង​មេរោគ​ត្រង់​រន្ធ​ប្រដាប់ភេទ​តែម្តង​។​


​​ក្រុម​គ្រូពេទ្យ​ជំនាញ បាន​អះអាង​ថា ដោយសារ​រដូវ​ភ្លៀង​ធ្លាក់ អាកាសធាតុ​សើម ទើប​បង្ក​ឲ្យ​ការហាល​សម្លៀក បំពាក់​មិន​ស្ងួត ក៏​តែង​ជា​ប្រភព​ចម្លង​មេរោគ ត្រង់​រន្ធ​ប្រដាប់ភេទ​ដែរ ដែល​នាំឲ្យ​កើត​ការរមាស់ និង​ធ្លាក់ស​ត្រង់​បរិវេណ​នោះ​។ ទោះបីយ៉ាងណា នៅ​រដូវ​នេះ បើ​ចង់​បំបាត់​អាការ​ទាំងនេះ យើង​គប្បី​បោកគក់ និង​ធ្វើការ​អប់​សម្លៀក​បំពាក់​ឲ្យ​ស្ងួត មុន​យកមក​ស្លៀកពាក់ ទើប​មិន​ប្រឈម​ជា​មួយ​ការឆ្លង​រោគ​។​


​​បើ​ករណី​មាន​មេរោគ​ផ្សិត​ណាមួយ​កើតឡើង គប្បី​ធ្វើ​ការផ្លាស់ប្តូរ​ឈុត​ក្នុង​ចេញ​ភ្លាម​។ ក្រៅពីនេះ គួរ​ចៀសវាង​ប្រើ​ថ្នាំ​អ​ង់​ទី​ប៊ីយ៉ូ​ទិក នៅពេល​ផ្តាសាយ ក្អក ដើម្បី​ការពារ​ក្រុម​ថ្នាំ​ទាំងនេះ ធ្វើ​ការគាបសង្កត់​ប្រព័ន្ធ​ការពារ​មេរោគ​ក្នុង​រាងកាយ​ចុះខ្សោយ ដែលជា​មូលហេតុ​នាំឲ្យ​មាន​ការឆ្លង​មេរោគ ត្រង់​ប្រដាប់ភេទ​។


​​ក្រៅពីនេះ​ក៏​នៅ​ជួប​ការឆ្លង​មេរោគ បាក់តេរី ឬក៏​ព្រូន ដែល​នៅ​លាយឡំ​ជាមួយ​ទឹក​ម៉ាស៊ីន ឬ​បន្ទប់ទឹក​ទី​សាធារណៈ​ដែល​មិន​ស្អាត​ដែរ​។ បើ​ស្ត្រី​ឆ្លង​មេរោគ​ពី​កន្លែង​ទាំងនេះ និង​ធ្វើឲ្យ​កើត​មាន​អាការ​ធ្លាក់ស មាន​ជា​ពពុះ​ពណ៌​លឿង ឬ​មាន​ក្លិន ស្ត្រី​គប្បី​ជ្រើសរើស​បន្ទប់ទឹក​ដែល​ស្អាត ហើយ​គួរ​ចៀសវាង​ការប្រើ​បន្ទប់ទឹក​សាធារណៈ​។ ជាងនេះទៀត ក្រោយ​ពី​ចូលក្នុង​បន្ទប់ទឹក​គួរ​ធ្វើការ​ជូត ឬ​ប្រើ​ក្រដាស​ផ្តិត​ជូត​ត្រង់​ប្រដាប់​ភេទ​ឲ្យ​ស្ងួត ហើយ​គួរ​ជ្រើសរើស​ឈុត​ខោ​ក្នុង​ដែល​មិន​ហប់​សើម នាំ​កើតជា​ប្រភព​បណ្តុះ​មេរោគ​៕​

​រកឃើញ​វីរុស​បង្ក​លើសឈាម​

កន្លង​ទៅ​ថ្មីៗ​នេះ​, ក្រុម​អ្នកស្រាវជ្រាវ​ជនជាតិ​ចិន​១​ក្រុម បាន​ប្រកាស​ពីគំហើញ​ដ៏​សំខាន់​មួយ​, នោះ​គឺ​ជំងឺលើសឈាម​នៅ​មនុស្ស​អាច​ដោយសារ​ប្រភេទវីរុស​ធម្មតា​មួយ​បង្កឡើង ។​ ជា​លើកដំបូង​, ទំនាក់ទំនង​នេះ​ត្រូវបាន​បង្កើត​ឡើង​និង​ត្រូវ​ដំណើរការពិសោធន៍​បន្ថែមទៀត ។​
​        គម្រោង​ស្រាវជ្រាវ​នេះ​ដំណើរការ​ដោយ​មជ្ឈមណ្ឌល​សរសៃឈាមបេះដូង​, មន្ទីរពេទ្យ​ជាវ​យ៉ាង​, ប៉េកាំង​។ លើកដំបូង ពួក​អ្នកជំនាញការ​ចិន​បាន រកឃើញ​ទំនាក់ទំនង​រវាង Cytomegalovirus សរសេរ​កាត់ គឺ CMV​និង សណ្ឋាន​កើន​សម្ពាធ​ឈាម​មួយ​តែង​កើត​ឡើង​នៅ​មនុស្ស​។ Cytomegalovirus ជា​ពាក្យ​ផ្គុំ​របស់ Cyto, ភា​សាក្រិក គឺ​កោសិកា​, megalo គឺ​នំ ។​
រហូតមកទល់​ពេលនេះ​,​មជ្ឈដ្ឋាន​ជំនាញ​សុទ្ធតែ​ដឹង​ថា CMV បង្ក​ជា​ការរលាក​ឆ្លង​នៅ​មនុស្ស​ក្នុង​ពេលវេលា​មួយ​ណា​នោះ តែ​ពុំ​មាន​រោគសញ្ញា ហើយ​អាស្រ័យហេតុនេះ​តែង​មិន​ត្រូវបាន​យកចិត្តទុកដាក់​ដល់ ។ វីរុស​នេះរាលដាល​តាមផ្លូវ​បញ្ចេញ​ចោល ។​
ការស្រាវជ្រាវ​របស់​សាស្ត្រាចារ្យ យ៉ាង ស៊ីន យន់ នាយក​មជ្ឈមណ្ឌលស្រាវជ្រាវ​សរសៃឈាម​បេះដូង​ឱ្យ​ដឹងថា​ ៖ "​ប្រសិន​យើងខ្ញុំ​បង្កើត​បាន​ដោយពិតប្រាកដ​ទំនាក់ទំនង​រវាង​ប្រភេទ​វីរុស​ នេះ និង​អាការៈ​កើន​សម្ពាធ​ឈាម យើងខ្ញុំ​អាចមាន​វ៉ាក់សាំង និង​ថ្នាំ​ប្រឆាំង​តប​ជំងឺលើសឈាម​" ។ ប៉ុន្តែ​,​លោកសាស្ត្រាចារ្យ​នេះ​ក៏​ប្រយ័ត្នប្រយែង​និយាយ​យ៉ាង​ច្បាស់លាស់​ ថា កិច្ចការស្រាវជ្រាវ​បច្ចុប្បន្ន​ទើបតែ​នៅ​ដំណាក់កាល​ចាប់ផ្តើម និង​នៅ​ឆាប់​ពេក ដើម្បីបញ្ជាក់​ពី​ពេលវេលា​ជាក់ស្តែង​មួយ​សម្រាប់​ការផលិត​វ៉ាក់សាំង ។ លោកមានប្រសាសន៍ថា "​នេះ​ជា​លើកដំបូង មជ្ឈដ្ឋាន​ជំនាញ​ការជោគជ័យ​ក្នុងការ បង្កើត​បាន​ទំនាក់ទំនង​នេះ​, អាស្រ័យហេតុនេះយើងខ្ញុំ​នៅ​ត្រូវ​ដំណើរការពិសោធន៍​បន្ថែមទៀត​ជាមួយនឹង​ អ្នកជំងឺ​ជាច្រើន​" ។​
​    ​ពិត​ដូច្នោះ​, តាំងពី​ឆ្នាំ​២០០៩ ពួក​អ្នកវិទ្យាសាស្ត្រ​អាមេរិក​បាន​ដំណើរ ការពិសោធន៍​លើ​សត្វ​កណ្តុរ​កំណត់​បាន​តួនាទី​របស់ CMV ក្នុង​ការបង្ក​ជំងឺ​លើសឈាម ។ ភាគច្រើន​នៃ​អ្នក​ជំងឺលើសឈាម​ទើប​កើត​ដំបូង ដែល​បច្ចុប្បន្ន​ពុំទាន់​ច្បាស់​មូលហេតុ ប៉ុន្តែ​ធម្មតា​មាន​ពាក់ព័ន្ធ​ដល់​កត្តា​ហ្សែ​ន​តំណពូជ​, ដល់បណ្តា​លក្ខខណ្ឌ​អនាម័យ​អន់ និង​ជំងឺ​តម្កាត់​ប្រែជា​ធ្ងន់ធ្ងរ​ដោយសា​រវ័យ ។ លើសឈាមជា​មូលហេតុ​ចម្បង​បង្ក​ជា ឧបទ្ទវហេតុ​ អំពី​បេះដូង និង​សរសៃ ឈាម​ខួរក្បាល ។​
​    ​គំហើញ​ថ្មី​របស់​អ្នកជំនាញការ​ចិន អាច​មាន​ឥទ្ធិពល​ធំ​ចំពោះ​ការបង្ការព្យាបាល​ប្រភេទ​ជំងឺ​នេះ​លើ​ពិភពលោក ព្រោះ​តាម​អង្គការ​សុខភាព​ពិភពលោក ( WHO), បច្ចុប្បន្ន​មាន​មនុស្ស​ប្រមាណ​១​ពាន់​លាន​នាក់​កើត​ជំងឺ​នេះ​, ក្នុងនោះ ជាង​២០០​លាន​ជា​ជនជាតិ​ចិន ។ តាម​ការស្រាវជ្រាវ​មួយ​ថ្មីៗ​នេះ របស់​មហាវិទ្យាល័យ​សុខាភិបាល​សាធារណៈ និង វេជ្ជសាស្ត្រ​ត្រូពិក Tulane, News Orleans, នៅ​ប្រទេស​ចិនក្នុង​មួយ​ឆ្នាំៗ​មាន​មនុស្ស ប្រមាណ​២,៣​លាន​នាក់​បាត់បង់​ជីវិត​ដោយសារ​ជំងឺ​សរសៃឈាម​បេះដូង​, ក្នុងនោះ​ជំងឺលើសឈាម​ជា​មូលហេតុ​ចម្បង​មួយ ។ ក្រៅពីនេះ​, ប្រមាណ​៥០០ លាន​នាក់​ផ្សេង​ទៀត​មាន​គ្រោះថ្នាក់​ប្រាស្រ័យ​ផ្ទាល់​ជាមួយ "​ឃាតករ​សម្លាប់ មនុស្ស​ដោយ​ស្ងៀមស្ងាត់​"​នេះ​នៅ​ឆ្នាំ ២០២៥ ។ នេះ​ពុំ​គ្រាន់តែ​ជា​បញ្ហា​មានពាក់ព័ន្ធ​ដល់​ស្ថានភាព​ធាត់​នៅ​បណ្តា​ប្រទេស ​លោកខាងលិច​ប៉ុណ្ណោះ​ទេ តែ បច្ចុប្បន្ន​នៅ​តំបន់​មួយចំនួន​ស្ថិត​ក្នុង​ទ្វីបអាហ្វ្រិក​, ជំងឺលើសឈាម​កំពុង​ប្រែក្លាយទៅជា​ជំងឺ​ទូទៅ​មួយ ។ អត្រា​កើនឡើង​ជំងឺលើសឈាម​មានន័យ​ដូច​គ្នានឹង​រាប់​លាន​ករណី​បាត់បង់​ជីវិត​ ដោយសារ​ជំងឺ​សរសៃឈាម​បេះដូង​នឹង​ផ្ទុះឡើង ។​
​    ​វេជ្ជបណ្ឌិត Sidney Smith  នៅ​មហាវិទ្យាល័យ North Carolina នៅ Chapel Hill និង​ជា​ទីប្រឹក្សា​ឱ្យ​សមាគម​សរសៃឈាម​បេះដូង​ពិភពលោក​មាន ប្រសាសន៍ថា សូម្បីតែ​នៅ​អាមេរិក​ភាគច្រើន​នៃ​អ្នក​ជំងឺលើសឈាម​នៅតែ​ពុំទាន់​ត្រូវបាន​ ព្យាបាល​ពេញលេញ​ក្នុងចំណោម​អ្នកជំងឺ​សុ​រប​៧២​លាន​នាក់​នៅទីនេះ ។​
​    ​លើសឈាម ជា​មូលហេតុ​ជួរមុខ​របស់​ការ​ដាច់​សរសៃឈាម​ខួរក្បាល និង​ខ្សោយតម្រងនោម ។ វា​នៅ​ជា​ភ្នាក់ងារ​បង្ក​ការ​ងងឹតភ្នែក និង​អាការៈបាត់​ការចងចាំ ។ អ្នក​ជំងឺលើសឈាម​តែង​មិនដឹង​ច្បាស់​រោគសញ្ញា​របស់​ជំងឺ រហូតដល់​ពេល​ផ្នែក​មួយ​ចំនួន​របស់​សរី​រាង្គ​បាន​ត្រូវរបួស ។​
​    ​ប៉ុន្តែ​ជំហាន​ស្ទុះ​របស់​ជំងឺ​នេះ​គ្រោង​នឹង​កើតឡើង​នៅ​បណ្តា​ ប្រទេសកំពុង​រីកចម្រើន​មាន​និន្នាការ​ផ្លាស់ប្តូរ​តាម​ទម្រង់​សេដ្ឋកិច្ច​ របស់​លោក​ខាងលិច ។ មនុស្ស​ម្នាក់​ក្នុងចំណោម​៣​នាក់ រស់នៅ​តំបន់​ទីក្រុង​ឥណ្ឌា បាន​មាន​រោគសញ្ញា​លើសឈាម​, ក្នុងពេល​អត្រា​នេះ​នៅ​តំបន់​ជនបទ​គឺ​តិចជាង ព្រោះ​របៀបរបប​រស់នៅ​សាមញ្ញ និង​មិន​សូវ​ស្ត្រេ​សជាង ។ ជាង​២៥​ភាគរយ​នៃ​ចំនួន​មនុស្សនៅ​ចិន​បាន​លើសឈាម ។ ហ្គាណា និង​អាហ្វ្រិក​ខាងត្បូង ក៏​មាន​អត្រា​ប្រ​ហាក់ប្រហែល ។​
​    ​វេជ្ជបណ្ឌិត Ostergren បាន​សហការ​ជាមួយ​អ្នកជំនាញការ​ពី​សាលាសេដ្ឋកិច្ច London និង​មហាវិទ្យាល័យ​ញូវយ៉ក ដើម្បី​ស្រាវជ្រាវ​អំពី​ប្រធានបទ "​វិបត្តិ​ជំងឺលើសឈាម​" មាន​ពាក់ព័ន្ធ​ដល់​មនុស្ស​១,៥៦​ពាន់​លាន​នាក់​នៅ​ឆ្នាំ ២០២៥ ។ ប្រធានបទ​នេះ​មាន​និយាយ​ដល់​បញ្ហា​ផ្លាស់ប្តូរ​វប្បធម៌ ព្រោះ ប្រមាណ​៤០​ភាគរយ​នៃ​ជនជាតិ​អាមេរិក​ស្បែក​ខ្មៅ​មាន​កើត​ជំងឺលើសឈាម ហើយ​វា​បាន​ក្លាយទៅជា​ប្រធានបទ​ប្រដៅ​នៅ​ស្ទើរតែ​ទាំងអស់​នៃ​ព្រះវិហារ របស់​ជនជាតិ​ស្បែក​ខ្មៅ ។ នៅ​កន្លែង​មួយចំនួន​ថែមទាំង​សម្តែង​ការមើលងាយ​អំពី​បុគ្គលិកលក្ខណៈ ប្រសិន​ត្រូវ​រក​ឃើញ​ប្រើប្រាស់​ថ្នាំ​លើស ឈាម ៕

ˆឆ្អឹងប្រែប្រួលសណ្ឋាន ដោយសារទទួលទាន " ទឹកតែ " ច្រើនពេក

បើតាម​របាយការណ៍​មួយ​ដែល​បាន​ត្រូវគេ​ចុះផ្សាយ​ក្នុង​ទស្សនា​វ​ដ្តី​វេជ្ជសាស្ត្រ New England ចេញ​ថ្ងៃ​២១​ខែមីនា​ឆ្នាំ​២០១៣ បានឱ្យដឹងថា ទម្លាប់​ទទួលទាន " ទឹកតែ " ច្រើនពេក​ក្នុង​មួយថ្ងៃៗ ក្នុង​រយៈពេល ១៧​ឆ្នាំ បាន​បណ្តាលឱ្យ​ស្ត្រី​ម្នាក់​នៅ​ទីក្រុង Detroit, រដ្ឋ Michigan (​អាមេរិក​) កើត​ជំងឺ​ប្រែប្រួល​សណ្ឋាន​ឆ្អឹង​កម្រ​ជួបប្រទះ​។​

​ក្រោយពេល​ឆ្លងកាត់​ការឈឺចាប់​នៅ​ចង្កេះ ដើមដៃ ជើង កណ្តៀតក្អម ក្នុង​រយៈពេល​ច្រើន​ឆ្នាំ​កន្លងទៅ ស្ត្រី​អាយុ ៤៧​ឆ្នាំ​រូបនោះ បាន​ទៅរក​ការព្យាបាល​ពី​មន្ទីរពេទ្យ​។​

​វេជ្ជបណ្ឌិត Sudhaker D. Rao ជំនាញ​ផ្នែក​គ្រឿងក្នុង និង​ឆ្អឹង នៅ​មន្ទីរពេទ្យ Henry Forde (​អាមេរិក​) បានឱ្យដឹងថា តាមរយៈ​ការថត​វិទ្យុសកម្ម ឆ្អឹង​កង សរសៃពួរ​នៅ​ដៃ​របស់​អ្នកជំងឺ បានក្លាយ​ទៅជា​កំបោរ​ក្រាស់ ដង់ស៊ីតេ​ឆ្អឹង​រីកចម្រើន​យ៉ាង​ក្រាស់ ហេតុនេះ​ពីដំបូង គេ​សង្ស័យថា អ្នកជំងឺ​កើត​មហារីក​។ ប៉ុន្តែ​ការវិភាគ​ឈាម បាន​បង្ហាញថា កម្រិត florua ក្នុង​ឈាម​អ្នកជំងឺ​ខ្ពស់ជាង ៤​ដង បើ​ប្រៀប​នឹង​កម្រិត​អនុញ្ញាត នាំឱ្យ​វេជ្ជបណ្ឌិត Rao គិត​ភ្លាម​ទៅដល់​ជំងឺ fluorosis ឆ្អឹង​។ នេះ​ជា​ជំងឺ​មួយ​បង្ក​ការប្រែប្រួល​សណ្ឋាន​រចនា​សម្ព័ន្ធ​ឆ្អឹង​ដោយសារ​ប្រើប្រាស់ florua ច្រើន​ជ្រុល (​សារជាតិ​រ៉ែ​ត្រូវបាន​រកឃើញ​ក្នុង " តែ " ក៏ដូចជា​ទឹក​ទទួលទាន​)​។ ធម្មតា , florua នឹង​ត្រូវបាន​សរីរាង្គ​កម្ចាត់​ចេញ​ក្រៅ​តាម​តម្រងនោម ប៉ុន្តែ​ប្រសិន​បរិមាណ florua ច្រើនពេក សរីរាង្គ​កម្ចាត់​ចេញ​ក្រៅ​មិន​អស់ យូរៗ​ទៅនឹង​កកើត​ជា​សណ្ឋាន​ក្រាម​ច្បាម​លើ​ឆ្អឹង​។​

​វេជ្ជបណ្ឌិត បានដឹងថា រាល់ថ្ងៃ អ្នកជំងឺ​នេះ តែង​ទទួលទាន " តែ " តិច​បំផុត ១០០​កញ្ចប់ ប្រហាក់ប្រហែល​នឹង​ជា ៣,៥​លីត្រ​ទឹកតែ​។ ដូច្នេះ​ភ្លាមៗ​នោះ វេជ្ជបណ្ឌិត​បាន ណែនាំ​អ្នកជំងឺ​ឱ្យ​ឈប់​ទទួលទាន​តែ ហើយ​រោគសញ្ញា​បាន​កែប្រែ​ប្រសើរឡើង​។​

​មុន​នោះ ករណី​កើត​ជំងឺ fluorisis ឆ្អឹង​ជាច្រើន​ដោយសារ​ទទួលទាន​តែ ក៏​ត្រូវបាន​រាយការណ៍​នៅ​អាមេរិក​៕​

វិធានការថ្មីទប់ស្កាត់គ្រោះថ្នាក់ដង្កូវស៊ីធ្មេញ

​ការ​គួបផ្សំ​រវាង​ស្ករ ជាតិ​ម្សៅ និង​ជាតិ​សរសៃ​ក្នុង​ពពួក​ធញ្ញជាតិ​មួយចំនួន​ក្នុង​អាហារ​សម្រាប់​ទទួលទាន​ពេលព្រឹក​ធ្វើ​ឲ្យ​កើន​គ្រោះថ្នាក់​ដង្កូវ​ស៊ី​ធ្មេញ ។​
​ប៉ុន្តែ​ការស្រាវជ្រាវ​មួយ​ថ្មី​របស់​ពួក​ជំនាញការ​សមាគម​ទន្តសាស្ត្រ​អាមេរិក​បង្ហាញថា ទទួលទាន​ទឹកដោះគោ​១​កែវ​ក្រោយពេល​ទទួលទាន​ធញ្ញជាតិ​ទាំងនេះ​អាចជួយ​ទប់ស្កាត់​ហានិភ័យ​ខាងលើ ។​
​លទ្ធផល​ស្រាវជ្រាវ​ត្រូវបាន​ចុះផ្សាយ​លើ​សារពត៌មាន​ប្រៃសណីយ៍​ជាតិ (​កាណាដា ថ្ងៃ​៦/៨ ឲ្យ​ដឹងថា ដំណើរការ​ប្រើប្រាស់​ធញ្ញជាតិ​មាន​ស្ករ​ច្រើន ជាតិ​ម្សៅ និង​ជាតិ​សរសៃ និង​បង្កើតជា​កំណក​អាស៊ីត​ច្បាម​លើ​ធ្មេញ ហើយ​នោះ​ជា​មូលហេតុ​មួយ​ក្នុងចំណោម​មូលហេតុ​បណ្តាល​ឲ្យ​ដង្កូវ​ស៊ី​ធ្មេញ ។​
​ប៉ុន្តែ ប្រសិន​ទទួលទាន​ទឹកដោះ​គោមួយ​កែ​ក្រោយពេល​ទទួលទាន​ធញ្ញជាតិ​ខាងលើ នោះ​អាច​កម្ចាត់​កំណក​អាស៊ីត និង​បន្ថយ​អប្បបរមា​គ្រោះថ្នាក់​ដង្កូវ​ស៊ី​ធ្មេញ ។​
​ពួក​អ្នកវិទ្យាសាស្ត្រ​ស្រាវជ្រាវ​កម្រិត PH លើ​ធ្មេញ​របស់​មនុស្ស​ធំ​២០​នាក់ បានទទួល​ទាន​២០g ធញ្ញជាតិ​ផ្ទុក​ស្ករ ម្សៅ​និង​ជាតិ​សរសៃ ក្នុងនោះ ១/៣​ទទួលទាន​ទឹកដោះគោ​ក្រោយពេល​បរិភោគ​អាហារ ១/៣ ទទួលទាន​ទឹក​ផ្លែ​ម៉ោ​ម និង​១/៣ ទទួលទាន​ទឹក​ធម្មតា ។ លទ្ធផល​គឺ​អ្នក​ទទួលទាន​ទឹកដោះគោ​មាន​កម្រិត PH កើន​ខ្ពស់បំផុត​ពី​៥,៧៥-៦,៤៨ ។ ក្រុម​ទទួលទាន​ទឹក​ប៉ោម​មាន​កម្រិត PH 5,84 ។ ក្រុម​ចុងក្រោយ​ប្រើប្រាស់​ទឹកធម្មជាតិ​កម្រិត PH កើនឡើង​ដល់ 6,02 ។ កម្រិត PH ក្រោម​៧ ជា​បរិស្ថាន​របស់​អាស៊ី​ត ស្មើ​៧​គឺ (neutral) និង​ធំ​ជាង​៧​គឺ​បរិស្ថាន​របស់​ពេល​កា​ឡាំង ។ ពួក​ជំនាញការ​សន្និដ្ឋានថា ការប្រើប្រាស់​ភេសជ្ជៈ​មាន​ស្ករ​ក្រោយពេល​ទទួលទាន​ធញ្ញជាតិ នឹង​បង្ក​គ្រោះថ្នាក់​ដង្កូវ​ស៊ី​ធ្មេញ​ធំ​បំផុត ។​
Shilpa Naval ជំនាញការ​មួយរូប​របស់​ក្រុម​ស្រាវជ្រាវ​ឲ្យ​ដឹង​ការពិសោធន៍​បានចង្អុលបង្ហាញ​ថា ការ​គួបផ្សំ​របស់​ម្សៅ ស្ករ និង​ជាតិ​សរសៃ​អាច​បង្កើតជា​បាក់តេរី និង​កកើត​កំណក​ច្បាម​លើ​ធ្មេញ​យ៉ាង​លឿន ។​
​ក្នុង​មួយថ្ងៃ​ប្រសិន​ប្រើប្រាស់​ធញ្ញជាតិ​ទាំងនេះ​ពី​៤​ដង​ឡើងទៅ ទោះបី​ក្នុង​បរិមាណ​ដ៏​តូច​ក៏​នឹងធ្វើ​ឲ្យ​កើន​គ្រោះថ្នាក់​ដង្កូវ​ស៊ី​ធ្មេញ​ឡើង​ច្រើនដង ។ ដូច្នេះ ការទទួល​ទាន​ទឹកដោះ​គោមួយ​កែវ​ក្រោយពេល​ប្រើប្រាស់​ធញ្ញជាតិ​គឺ​ចាំបាច់​បំផុត​ដើម្បី​បន្ថយ​អប្បបរមា​គ្រោះថ្នាក់​ដង្កូវ​ស៊ី​ធ្មេញ ៕​M

ធ្វើការជាមួយអ៊ីមែលជាប្រចាំទទួលជំងឺសម្ពាធឈាមខ្ពស់

លទ្ធផល​ស្រាវជ្រាវ​ថ្មី​បំផុត​របស់​សកលវិទ្យា​ល័យ Loughborough របស់​អង់គ្លេស​ឲ្យ​ដឹងថា អ្នក​ដែល​ធ្វើការ​ច្រើន​ជាមួយ​សារ​អេ​ឡិច​ត្រូ​និ​ច និង​បង្ក​ភាព​តានតឹង​ជាប្រចាំ​ងាយ​រង​ជំងឺ​បេះដូង និង​សម្ភា​ធ​ឈាម​ខ្ពស់ ។​
​តាម Daily Mail របស់​អង់គ្លេស​នោះ អ្នកវិទ្យាសាស្ត្រ​បាន​សិក្សា​សម្ពាធ​ឈាម ចង្វាក់បេះដូង កម្រិត Cortsol អ័រម៉ូន​បង្ក​ភាព​តានតឹង​ក្នុង​សរីរាង្គ​របស់​បុគ្គលិក​៣០​រូប ចំណុះ​បណ្តា​ស្ថាប័ន​នៃ​អាណាចក្រ​អង់ក្លេស ដែល​ប្រាស្រ័យ​ទាក់ទង​ជាប្រចាំ​ក្នុង​ការទទួល និង​បញ្ជូន​អ៊ីមែល ។​
​លទ្ធផល​បង្ហាញ​ឲ្យ​ឃើញថា មាន​ទំនាក់ទំនង​ដោយផ្ទាល់​រវាង​អ៊ីមែល និង​ស្ត្រេ​ស គ្រា​ដែល​៩២% នៃ​អ្នកចូលរួម​សុទ្ធតែ​កើន​សម្ពាធ​ឈាម និង​ចង្វាក់បេះដូង​ក្នុងពេល​អាន ឬ​ប្រើប្រាស់​អ៊ីមែល ទូរស័ព្ទ ។ ទន្ទឹម​នោះ អ្នកស្រាវជ្រាវ​សម្គាល់​ឃើញថា ពួក​បុគ្គលិក​ទាំងនោះ​សប្បាយរីករាយ​ពេល​ទទួលបាន​អ៊ីមែល ដែល​ខ្លឹមសារ​មាន​ប្រយោជន៍ ឬ​ការ​អរគុណ​ពី​អ្នកផ្សេង​ក្រោយពេល​សម្រេច​ការងារ ។ ប៉ុន្តែ​ផ្ទុយទៅវិញ ស្ត្រេ​ស នឹង​កើនឡើង​ពេល​ទទួលបាន​អ៊ីមែល​ដែលជា​សម្ពាធ​មកលើ​ការងារ ។​
​សាស្ត្រាចារ្យ Tom Jackson អ្នកដឹកនាំ​ការស្រាវជ្រាវ​អះអាងថា អ៊ីមែល​បាន​ក្លាយជា​មធ្យោបាយ​ពុំមាន​សារៈប្រយោជន៍​១ ឥទ្ធិពល​អាក្រក់​ដល់​អ្នកប្រើប្រាស់​វា ។ ប៉ុន្តែ​បើ​យក​វា​ទៅ​ប្រៀបធៀប​នឹង​ទូរស័ព្ទ ការសន្ទនា​តទល់​វា​មិន​អន់​ពេក​ទេ ព្រោះ​ទាំងអស់​សុទ្ធសឹង​នាំមក​នូវ​ស្ត្រេ​ស ។​
​ហេតុនេះ​បើតាម​លោក​គឺ​ចាំបាច់​ត្រូវមាន​ការបណ្តុះបណ្តាល​បុគ្គលិក​ពី​ការប្រើប្រាស់ ត្រួតពិនិត្យ​គណនី​អ៊ីមែល​របស់​ពួកគេ​ឲ្យ​បានល្អ​ប្រសើរ​ជាង​មុន​ចៀសវាង​ស្ថានភាព​តានតឹង​នាំ​ឲ្យ​មាន​ជំងឺ​រ៉ាំរ៉ៃ ដូចជា​សម្ពាធ​ឈាម​ខ្ពស់ ក្រពេញ​ប្រូ​ស្តា​ត និង​បេះដូង ៕M

​មូលហេតុ​ដែល​ធ្វើ​ឲ្យ​ស្ត្រី​សម្រាលកូន​មុន​កំណត់​

​ជាធម្មតា ការ​ពពោះ​របស់​ស្ត្រី​មានកំណត់​គ្រប់​ខែ​ក្នុង​រយៈពេល ៤០​សប្តាហ៍ តែ​ក្នុងនោះ​អាច​លើសខ្វះ​បន្តិចបន្តួច​ពី ៣៨-៤២ សប្តាហ៍​។ ដូច្នេះ​ការ​សម្រាលកូន​មុន​កំណត់ គឺ​មុនពេល​គ្រប់​អាយុ ៣៨ សប្តាហ៍ ដែលជា​ទូទៅ ទារក​សម្រាល​ក្នុងស្ថានភាព​បែបនេះ មាន​កាយសម្បទា​មិនសូវ​ល្អ ដូច​ទារ​កកើត​គ្រប់​ខែ​ទូទៅ​ឡើយ​។​
​​គេ​សង្កេតឃើញ​ទៀតថា ទារក​កើត​មិន​គ្រប់​ខែ ភាគច្រើន​អវៈយវៈ​ខ្លះ​សំខាន់ៗ សម្រាប់​ទ្រទ្រង់​អាយុជីវិត ដូចជា​បេះដូង សួត ថ្លើម ជាដើម​។ ក្នុងចំណោម​អវយវៈ​ដែលមាន​សារសំខាន់ ពុំមាន​អវយវៈ​ណាមួយ​សំខាន់​ជាង​សួត​ឡើយ ព្រោះ​ជា​ចំណែក​មួយ​ជួយ​ដល់​ការដកដង្ហើម​។​
​​ទារក​ដែល​សម្រាល​មុនពេល​កំណត់ ច្រើន​មាន​បញ្ហា​សួត ព្រោះ​ក្រោយពេល​សម្រាល​មកហើយ ដកដង្ហើម​មិន​ស្រួល ព្រោះ​ថង់​ខ្យល់​នៅក្នុង​សួត​ផត​ប៉ោងៗ ក៏​ព្រោះ​មាន​ទឹករំអិល​ចេញមក​រំខាន ដោយសារ​គេ​ឆាប់​ប្រសូត​ចេញ​មកពី​ក្នុង​ពោះ​ម្តាយ​ពេក​។​
​​ពីមុន​គ្រូពេទ្យ​ប្រុងប្រយ័ត្ន រឿង​សួត​ទារក​កើត​មិន​កំណត់​បំផុត ប៉ុន្តែ​ភាព​រីកចំរើន​ផ្នែក​វេជ្ជសាស្ត្រ​ជួយ​កាត់បន្ថយ​បញ្ហា​សួត​ទារក​កើតមុន​ពេល​កំណ​ត់ និង​អាចជួយ​រក្សា​អាយុជីវិត​របស់​ពួកគេ​។
​​ក្រៅពី​ប្រុងប្រយ័ត្ន​រឿង​សួត​ហើយ​នោះ ក៏​ត្រុ​វ​ប្រយ័ត្ន​រឿង​បញ្ហា​បេះដូង ថ្លើម ក្រលៀន ពោះវៀន រួមទាំង​ការឆ្លង​មេរោគ​រលាក​ទៀតផង ព្រោះ​ប្រព័ន្ធ​ការពារ​មេរោគ ក្នុង​រាងកាយ​របស់គេ​ទន់ខ្សោយ​បំផុត​។ ចំណែក​មូលហេតុ​ដែល​ធ្វើ​ឲ្យ​ទារក​កើតមុន​កំណត់​នោះ​មានដូចជា​í
​​១-​សុខភាព​ម្តាយ​: ប្រសិនបើ​ម្តាយ​មាន​សុខ​ភាពល្អ គ្មាន​រោគ​ប្រចាំកាយ និង​គ្មានអ្វី​មក​ភ្ងោ​ច​ឲ្យ​ទារក​កើតមុន​កំណត់ នោះ​ទារក​នឹង​កើត​គ្រប់​កំណត់ ក៏ប៉ុន្តែ​បើ​ម្តាយ​មាន​រោគ​ប្រចាំ ជាពិសេស​រោគ​ដែល​ពាក់ព័ន្ធ​នឹង​ការ​ពពោះ​ដូចជា រោគ​បេះដូង លើសឈាម ផ្ទៃពោះ​មាន​ជាតិពុល ខ្វះ​ឈាម រោគ​ក្រលៀន ទឹកនោមផ្អែម និង​រោគ​ដទៃទៀត សុទ្ធតែជា​ដើមហេតុ​មុន​កំណត់​។​
​​ដូចនេះ​មុនពេល​រក្សាទុក​ផ្ទៃ គួរ​ត្រៀមខ្លួន ត្រៀម​សុខភាព​ទាំង​ចិត្ត​ទាំង​កាយ​ឲ្យ​បានល្អ ដើម្បី​ឲ្យ​ផ្ទៃពោះ​មាន​សុខភាព​រឹងមាំ ប្រសូត​តាម​ពេល​កំណត់​។​
​​២-​សុខភាព​ស្បូន​: រួមទាំង​មាត់ស្បូន​ផងដែរ ប្រសិនបើ​ស្បូន​មិន​រឹងមាំ ដូចជា​មាន​ដុំ​សាច់​ដុះ ឬ​មាត់ស្បូន​មិន​រឹងមាំ ក៏​អាចជា​ដើមហេតុ​សម្រាល​មុនពេល​កំណត់​បាន​ដូចគ្នា​។​
​​៣-​ឆ្លង​មេរោគ​រលាក​នៅក្នុង​រន្ធ​ភេទ​: ករណីខ្លះ​ធ្វើ​ឲ្យ​សាច់​ថង់ទឹកភ្លោះ ស្អុយរលួយ ហើយ​បែកធ្លាយ​។​
​​៤-​ទារក​បង្កហេតុ​ដោយ​ខ្លួនឯង​: ដូចជា​ករណី​ទារក មា​នស​ភាពមិនប្រក្រតី​ជាដើម​។​
​​៥-​ប្រសិនបើ​ម្តាយ​បណ្តែតបណ្តោយ​ឲ្យ​សុខភាព​មាត់​ធ្មេញ​មិនបាន​ល្អ ក៏​អាចជា​មូលហេតុ​សម្រាលកូន​មុន​កំណត់​ដែរ​។ ដោយសារ​មូលហេតុ​នេះហើយ ទើប​គ្រូពេទ្យ​ណែនាំ​ឲ្យ​ស្ត្រី​មាន​ផ្ទៃពោះ​ឧស្សាហ៍​ទៅ​ទន្តពេទ្យ កោស​ជាតិ​កំបោរ ខាត់ ធ្មេញ ថែទាំ​សាច់​អញ្ចាញ ជាដើម​៕​

មេរៀនសម្រាប់អ្នកនិយមកាហ្វេ និងផលប៉ះពាល់សុខភាព

ប្រសិនបើអ្នកជាមនុស្សម្នាក់ដែលនិយមផឹកកាហ្វេ ហើយពិបាកក្នុងការកាត់បន្ថយបរិមាណកាហ្វេ ឬកាត់បន្ថយទៅខ្លាចក្រែងមានផលប៉ះពាល់ពី​ កាហ្វេវិញនោះ យើងមានវិធី ៩ យ៉ាងក្នុងការផឹកកាហ្វេឲ្យមានសុវត្ថិភាពដល់រាងកាយមកជម្រាបជូនដូចខាងក្រោមí
១-ផឹកកាហ្វេដែលចម្រាញ់ជាតិកាហ្វេអ៊ីនចេញជំនួសកាហ្វេស្រស់ ឬកាហ្វេសម្រេច ដូចជាប្រសិនបើផឹកកាហ្វេស្រស់ ៤ពែង ឬពាក់កណ្តាល ដើម្បីកាត់បន្ថយបរិមាណជាតិកាហ្វេអ៊ីនក្នុងរាងកាយបានទទួល។

២-ចៀសវាងអាហារ និងភេសជ្ជៈដែលមានជាតិកាហ្វេអ៊ីន ដូចជា តែ កាកាវ ទឹកក្រូច សូកូឡា និង ភេសជ្ជៈប៉ូវកម្លាំង។ ប្រសិនបើផឹកកាហ្វេច្រើនពែងក្នុងមួយថ្ងៃ ត្រូវចៀសវាងអាហារខាងលើ ដើម្បីជាការមិនបង្កើនជាតិកាហ្វេអ៊ីនក្នុងរាងកាយ។
៣-ប្រព័ន្ធក្រែម និងស្ករដែលថែមកាហ្វេ។ ពីព្រោះកាន់តែថែមច្រើននោះ វាកាន់តែបង្កើនកាឡូរីដល់កាហ្វេ និង បង្កើនថាមពលផ្នែកលើសដល់រាងកាយ។
៤-ចៀសវាងការផឹកកាហ្វេ នៅពេលរសៀល ឬក្បាលព្រលប់សម្រាប់អ្នកដែលមានការពិបាកដេកលក់។
៥-មិនត្រូវផឹកកាហ្វេនៅពេលពោះទំនេរ ពីព្រោះជាតិកាហ្វេអ៊ីន ជំរុញឲ្យដំណើរលើសជាតិអាស៊ីដ ប្រសិនបើកើតជាប្រចាំអាចបង្កឲ្យកើតជំងឺដំបៅក្រពះ។
៦-មិនត្រូវសម្រុកធ្វើការច្រើនដោយអាងកាហ្វេជំនួយ ពីព្រោះក្នុងរយៈពេលវែង រាងកាយត្រូវការបរិមាណជាតិកាហ្វេអ៊ីន ពីកាហ្វេច្រើនថែមទៀត ជាហេតុធ្វើឲ្យរាងកាយដែលមិនបានសម្រាកទៅជាអស់កម្លាំងល្ហិតល្ហៃ ហើយប្រសិទ្ធភាពការងារ នឹងថយចុះ។
៧-គួរតែទទួលទានអាហារដែលមានកាឡូរីបន្ថែម ដូចជា ទឹកដោះគោ ទឹកដោះគោឆៅ កូនត្រីតូចៗ និងបន្លែស្លឹកបៃតង ពីព្រោះកាហ្វេកាត់បន្ថយដំណើរស្រូបកាល់ស្យូម ជាហេតុធ្វើឲ្យប្រឈមចំពោះភាពពុកឆ្អឹង។
៨-គួរតែទទួលទានបន្លែផ្លែឈើឲ្យបានគ្រប់គ្រាន់រាល់ថ្ងៃ ដោយសារតែនៅក្នុងដំណើរការនៃការលីងគ្រាប់កាហ្វេនឹងមានរ៉ាឌីកាល់សេរីកើតឡើង ដោយវីតាមីន C វីតាមីន E និង បេតាឃែរ៉ូទីន ក្នុងរាងកាយ។
៩-ផឹកទឹកស្អាតពី ៨-១០ កែវ ក្នុងមួយថ្ងៃ ដើម្បីទូទាត់ការបាត់បង់ទឹកដោយសារឥទ្ធិពលក្នុងការបត់ជើងតូចរបស់កាហ្វេអ៊ីន៕

មូលហេតុ៥ មិនគួរអង្គុយយូរលើស ៣ ម៉ោងក្នុង១ថ្ងៃ

​ការស្រាវជ្រាវ​១​បង្ហាញថា ជនជាតិ​អាមេរិក​ជា​មធ្យម​ចំណាយ​ពេលវេលា​ភ្ញាក់​ពី​ដំណេក​របស់គេ ជាង​ពាក់កណ្តាល ដើម្បី​អង្គុយ ។ ការសិក្សា​ស្រាវជ្រាវ​ចុះផ្សាយ​លើ​ទស្សនា​វ​ដ្តី​វេជ្ជសាស្ត្រ BMJ ឲ្យ​ដឹងថា ជា​មធ្យម​មនុស្សពេញវ័យ​ចំណាយពេល​ជិត ៨ ម៉ោង ក្នុង​១​ថ្ងៃ ដើម្បី​អង្គុយ នោះ​ពួក​អ្នកវិទ្យាសាស្ត្រ​ចាត់ទុកថា តួលេខ​នេះ​ពិតជា​គួរ​ឲ្យ​ខ្លាច ។​
​ក្នុងសង្គម​ទំនើប មនុស្ស​បាន​ចំណាយ​ពេលវេលា​សឹងតែ​ទាំងអស់ ដើម្បី​អង្គុយ​ពេលធ្វើការ​, មើល​ទូរទស្សន៍​, អង្គុយ​ក្នុង​រថយន្ត​, អង្គុយ​មុខ​កុំព្យូទ័រ ។ ពួក​អ្នកវិទ្យាសាស្ត្រ​អះអាងថា ការ​អង្គុយ​ច្រើន​នឹង​បំ​ព្រួញ​អាយុ​របស់​មនុស្ស ។​
១- អង្គុយ​ធ្វើ​ឲ្យ​អ្នក​ធាត់​ជាង​
​រឿងនេះ ប្រហែលជា​មិនគួរ​ឲ្យ​ភ្ញាក់ផ្អើល​ទេ ចំពោះ​អ្នកៈ អង្គុយ​កាន់តែច្រើន នោះ​លទ្ធភាព​កើន​ទម្ងន់​កាន់តែ​ខ្ពស់ ។ ការស្រាវជ្រាវ​១​បង្ហាញថា អ្នក​អង្គុយ​ច្រើន​មាន​ហានិភ័យ​ខ្ពស់ ត្រូវ​ធាត់​, ស្ថានភាព​នេះ មិន​ចំណុះ​ទៅលើ​ការហាត់​ប្រាណ ។ ក្នុងនោះ ក្រុមមនុស្ស​អង្គុយ​ជាប្រចាំ ដើម្បី​មើល​ទូរទស្សន៍ មានការ​ប្រឈម​ធាត់​ខ្ពស់បំផុត ។​
២- អង្គុយ​ច្រើន ងាយ​កើត​ជំងឺ​ទឹកនោមផ្អែម​ប្រភេទ​២
​អង្គុយ​យូរ​ពុំ​ត្រឹមតែ​ឥទ្ធិពល​រូបរាង​របស់​អ្នក​ប៉ុណ្ណោះ​ទេ តែ​ក៏មាន​ហានិភ័យ​ខ្ពស់ កើត​ជំងឺ​ទឹកនោមផ្អែម​ប្រភេទ​២ ។​
៣- អង្គុយ​ច្រើន ធ្វើ​ឲ្យ​កើន​ការ​ប្រឈម​យារ​សរសៃឈាម​
​យើងទាំងអស់គ្នា សុទ្ធ​តែមាន​សរសៃឈាម​នៅ​ជើង ។ យារ​សរសៃឈាម ជា​ស្ថានភាព​កំណត់​សរសៃឈាម​យារ​ធំ​, វែង​ចេញ និង​អាច​មើលឃើញ​ក្រវិច​ក្រវៀន​លើ​ស្បែក ។ ធម្មតា​នោះ វា​គ្រាន់តែ​ធ្វើ​ឲ្យ​បាត់​សម្ផស្ស​លើ​ជើង​របស់​អ្នក​, តែ​វា​ក៏បង្ក​ឲ្យ​ឈឺ និង​ពិបាក​ទ្រាំ​ណាស់ ។​
៤- អង្គុយ​ច្រើន មិនល្អ​សម្រាប់​បេះដូង​
​ទម្លាប់​អង្គុយ​តិច និង​ចលនា​ច្រើន អ្នក​នឹងមាន​បេះដូង​១​មាំមួន ។ តាម​ការស្រាវជ្រាវ​១ អ្នក​អង្គុយ​ច្រើន ពុំ​សូវ​ធ្វើ​ចលនា នឹង​កើន ៩០% ហានិភ័យ​កើត​ជំងឺ​អំពី​បេះដូង ។​
៥- អង្គុយ​ច្រើន ធ្វើ​ឲ្យ​ថយចុះ​កូ​ឡេ​ស្តេ​រ៉ូ​ល​
​ការស្រាវជ្រាវ​ជាច្រើន បង្ហាញថា របៀបរបប​រស់នៅ​សកម្ម ធ្វើ​ឲ្យ​ថយចុះ​បរិមាណ​កូ​ឡេ​ស្តេ​រ៉ូ​ល​ល្អ (HDL) ។ ក្នុងពេល​មនុស្ស​មាន HDL ច្រើន នោះ​នឹង​បន្ថយ​បាន​ហានិភ័យ​គាំងបេះដូង និង​ដាច់​សរសៃឈាម​ខួរក្បាល ។​
​ពួក​អ្នកស្រាវជ្រាវ​ទូន្មាន​ថា គ្រប់គ្នា​គួរ​អង្គុយ​តិចជាង ៣ ម៉ោង ក្នុង​១​ថ្ងៃ ដើម្បី​មាន​សុខភាព​ល្អ និង​បង្កើន​បន្ថែម​អាយុ ៕​M

​អាហារ​ចៀន បង្ក​ឲ្យ​បាត់​ការចងចាំ​

ក្រុម​អ្នកស្រាវជ្រាវ​នៃ​សកល​វិទ្យាល័យ​វេជ្ជសាស្ត្រ ញ៉ូ​វ​យ៉​ក បានបង្ហាញ​ពី​លទ្ធផល នៃ​ការស្រាវជ្រាវ​របស់ខ្លួន​ថា របប​អាហារ​ចៀន ប្រមូលផ្តុំ​ទៅដោយ​សារជាតិ​ម្យ៉ាង ដែល​គេ​ហៅថា AGEs ។ វា​ត្រូវបាន​បង្កើតឡើង នៅពេល​ជាតិ​ខ្លាញ់ , ប្រូតេអ៊ីន និង​ស្ករ ប្រតិកម្ម នៅក្នុង​សីតុណ្ហភាព​ខ្ពស់ ពិសេស​វា​ត្រូវបាន​រកឃើញ​ច្រើន នៅក្នុង​សាច់​អាំង , សាច់ក្រក , ភី​ហ្សា និង​ប៊ឺ​ហ្គើ​រ ។

​ក្រុម​អ្នកស្រាវជ្រាវ បាន​តាមដាន​មើល​សត្វ​កណ្តុរ​ពិសោធន៍​មួយក្រុម ដែល​ត្រូវបាន​ឲ្យ​ស៊ី​អាហារ មាន​ផ្ទុក AGEs និង​មួយក្រុម​ទៀត ឲ្យ​ស៊ី​អាហារ​ផ្ទុក AGEs ពាក់កណ្តាល​(​ក្រុម​១)​។ បរិមាណ​កាឡូរី​នាំចូល គឺ​ស្មើគ្នា តែ​ក្រុម​កណ្តុរ​ទី​១ រកឃើញ​កើត​បញ្ហា អំពី​ការចងចាំ​ច្រើនជាង​។ ទន្ទឹម​នោះ ក្នុង​ខួរក្បាល​ពួកវា មាន​ផ្ទុក​ច្រើន beta-amyloid សណ្ឋាន​ប្រូតេអ៊ីន​មួយ បង្ក​ជា​ជំងឺ Alzheimer ។ លទ្ធផល​នៃ​ការពិសោធន៍​លើ​មនុស្ស ក៏​ដូចគ្នា​ដែរ ។

​ក្រុម​អ្នកស្រាវជ្រាវ បាន​ត្រួតពិនិត្យ​លើ​ក្រុមមនុស្ស​ចូលនិវត្តន៍ មាន​សុខ​ភាពល្អ ហើយ​លទ្ធផល បង្ហាញថា អ្នកមាន​បរិមាណ AGEs ខ្ពស់ ប្រែជា​ឆាប់​ភ្លេច​ព្រឹត្តិការណ៍​ទាំងឡាយ ក្នុង​ប៉ុន្មាន​ខែ ជិតៗ​បំផុត ។ យោង​លើ​លទ្ធផល​នេះ ក្រុម​អ្នកស្រាវជ្រាវ បាន​សំណូមពរ​ដល់​មនុស្ស​គ្រប់គ្នា កាត់បន្ថយ​របប​អាហារ​ចៀន ព្រោះ​វា​នឹង​អាចជួយ​កាត់បន្ថយ​ហានិភ័យ នៃ​ការកើត​ជំងឺ​ភ្លេចភ្លាំង ។​

​ពួក​អ្នកជំនាញការ បានផ្តល់​ដំបូន្មាន​ថា មនុស្ស​គ្រប់គ្នា គួរ​បរិភោគ​អាហារ​ចំហុយ ឬ ស្ងោរ ជាជាង​ចៀន ឬ អាំង ពីព្រោះ​អាហារ​ចៀន និង​អាំង ពិតជា​មិនល្អ សម្រាប់​សុខភាព​នោះទេ ៕M/V/L

តែ​បៃតង​អាចជួយ​មិន​ឲ្យ​ដុះ​ក្បាលពោះ​

ទីភ្នាក់ងារសារព័ត៌មាន​ស៊ីន​ហ៊ួ​របា​ន​រាយការណ៍​ថា ក្រុម​អ្នកសិក្សាស្រាវជ្រាវ​អាមេរិក ​បានលើកឡើង​ថា តែ​បៃតង​អាចជួយ​បន្ថយ​ការឡើង​ទម្ងន់ និង ជូ​យ​ប្រយុទ្ធ​ប្រឆាំងនឹង​ការ​ដុះ​ក្បាលពោះ​ទៀតផង។

​បើ​យោងតាម​ក្រុម​អ្នកវិទ្យាសាស្ត្រ​ផ្នែក​ចំណីអាហារ​នៅ​សាកលវិទ្យាល័យ US Pennsylvania State University បាន​ឲ្យ​ដឹងថា ពួក​កណ្តុរ​ធាត់​ៗដែល​គេដាក់​ឲ្យ​ស៊ី​នូវ​សមាសធាតុ​ចំណី​ដែលមាន​​នៅក្នុង​តែ​ពណ៌​បៃតង រួមជាមួយ​ចំណី​ដែលមាន​សារជាតិ​ខ្លាញ់​ខ្ពស់ មាន​ការឡើង​ទម្ងន់​យឺត​ជាង​ក្រុម​កណ្តុរ​ដែល​មិន​បានទទួល​នូវ​សារជាតិ​តែ​ពណ៌​បៃតង ។​

​​លោក JoshuaLambert ជំនួយការ​សាស្ត្រា​ចា​រ្យ​នៃ​វិទ្យាសាស្ត្រ​ចំណីអាហារ​ក្នុង​វិស័យ​វិទ្យាសាស្ត្រ​កសិកម្ម​ត្រូវបាន​ដកស្រង់​សម្តី​ដោយ​និយាយថា "​នៅក្នុង​ការធ្វើ​ពិសោធន៍​នេះ យើង​មើលឃើញថា​អត្រា​នៃ​ការកើនឡើង​ទម្ងន់​រាងកាយ​មានការ​ថយចុះ​" ។​

​ក្រុម​អ្នកស្រាវជ្រាវ​បាន​បញ្ចេញ​ឲ្យ​ដឹង​នូវ​លទ្ធផល​ស្រាវជ្រាវ​របស់​ពួកគេ​នៅក្នុង​ទំព័រ​អន​ឡាញ​មួយ​និយាយ​អំពី ការ​ដុះ​ក្បាលពោះ ឬ ភាពធាត់​ហួសប្រមាណ (Obesity) កាលពី​ថ្ងៃ​អង្គារ។

​ពួកគេ​បាន​ផ្តល់នូវ​ចំណី​ដែលមាន​សារជាតិ​ខ្លាញ់​ខ្ពស់​ទៅ​ឲ្យ​ក្រុម​កណ្តុរ​ចំនួន​២។ ក្រុម​កណ្តុរ​ដែល​ត្រូវ​ផ្តល់នូវ​សមាសធាតុ​ចំណី​ដែលមាន​ជាតិ Epigallocatechin-3-gallate ឬ EGCG ដែលមាន​នៅក្នុង​​តែ​ពណ៌​បៃតង​ភាគច្រើន រួមផ្សំ​ជាមួយនឹង​អាហារ​ដែលមាន​សារជាតិ​ខ្លាញ់​ខ្ពស់ មាន​ការឡើង​ទម្ងន់ ៤៥ ភាគរយ​តិចជាង​ក្រុម​កណ្តុរ​ដែល​ស៊ី​នូវ​ចំណី​ដូចគ្នា​តែ​គ្មាន EGCG៕

ទឹក សំខាន់​មិន​ចាញ់​អាហារ​

ក្រៅពី​យកចិត្តទុកដាក់​ជ្រើស​អាហារ​ទទួលទាន​ដែល​គ្មាន​សារធាតុពុល ដូចជា បន្លែ ផ្លែឈើ ឬ​អាហារ​កែច្នៃ ឲ្យបាន​តិច​បំផុតហើយ ការ​ទទួលទាន​ទឹក គឺជា​វិធី​ថែទាំ​សុខភាព​សំខាន់បំផុត ដែល​អ្នក​មិន​គួរ​មើលរំលង នោះឡើយ ។ អ្នក​គួរ​ទទួល​ទាន​ទឹកស្អាត ឲ្យបាន​យ៉ាងតិច ៨ កែវ ក្នុង ១ ថ្ងៃ ដោយ​ប្រើ​តិច​និក​ទទួលទាន​ងាយៗ គឺ​ផ្លាស់ប្តូរ​ពី​ការ​ទទួលទាន​ម្តង​ឲ្យអស់​ពី​កែវ មក​ជា​ទទួលទាន​ម្តង​បន្តិចៗ​វិញ ។ ធ្វើបែបនេះ នឹង​ធ្វើឲ្យ​អ្នក​មិន​អារម្មណ៍ថា តឹង​ពោះ ឬ​ឈឺ​បត់ជើង ក្រោយពេល​ទទួល​ទាន​ទឹក​រួច ។ ម្យ៉ាងទៀត វា​ធ្វើឲ្យ​កោសិ​កាសព្វ​រាងកាយ មាន​ជាតិ​សំណើម និង​បំបាត់​អាការ​ស្រេច​ទឹក​រួម​ទាំង​បំប៉ន​រាងកាយ​ផ្នែក​ខាងក្នុង​ផង​ដែរ ។ ក្រៅពីនេះ អ្នក​គួរកំណត់​លំដាប់​អាហារ​ដែល​អ្នក​ទទួល​ទាន​ផងដែរ ក្នុងពេល​ទទួលទាន​អាហារ​ម្តងៗ ដើម្បី​ឲ្យ​ការរំលាយ​អាហារ ប្រព្រឹត្តទៅ​តាម​សម្រួល ដោយ​ចាប់ផ្តើម​ពី​ការ​ទទួលទាន​ផ្លែឈើ ជាមុន​បន្ទាប់មក ទើប​ទទួល​ទាន​បន្លែ​ញាំស្រស់ៗ ដោយ​ទំពា​ឲ្យបាន ៤០ ដង ជាមុនសិន ទើប​ទទួល​ទាន​អាហារ​សំខាន់​ដែល​ចម្អិន​ឆ្អិន ៕

ក្តីសង្ឃឹមថ្មីសម្រាប់អ្នកជំងឺទឹកនោមផ្អែម

អ្នកជំងឺ​ទឹកនោមផ្អែម​អាច​សង្ឃឹម​លើ Teplizumab

លទ្ធផល​ស្រាវជ្រាវ​ត្រូវបាន​ប្រកាស​លើ​ទស្សនា​វ​ដ្តី Diabbetes បង្ហាញថា ៖ ឱសថ​ថ្មី​មួយ​ប្រភេទ​មានលទ្ធភាព​ទប់ស្កាត់​ការ​​វិ​វត្ត​រីកចម្រើន​របស់​សណ្ឋាន​ជំងឺ​ទឹកនោមផ្អែម​បន្ទាន់ បាន​ពង្រីក​ប្រសិទ្ធភាព​ក្នុងការ​ពិសោធន៍ក្នុងដំណាក់កាល​ដំបូង​ ។​
​​យោងតាម​សារពត៌មាន Daily Express លទ្ធផល​ពិសោធន៍​ថ្នាំ teplizumab ថ្មី​បំផុត​បង្ហាញថា "​ឱសថ​ទិព្វ​" នេះ​ជួយ​ទប់ស្កាត់​ការបំផ្លាញ​ទាំងស្រុង​កោសិកា​ផលិត​អាំង​ស៊ុយ​លីន​សម្រាប់​អ្នកចូលរួម​ពិសោធន៍ចំនួនពាក់កណ្តាល។​
​ឱសថ​ថ្មី​បានផ្តល់​ក្តីសង្ឃឹម​ថ្មី​មួយ​គឺ​ប្រសិន​ជំងឺ​ត្រូវបាន​វិនិច្ឆ័យ​ឆាប់ ការ​ផ្ទុះ​ចេញ​ជំងឺ​ទឹកនោមផ្អែម​ប្រភេទ​មួយ​ ​អាច​រារាំង​មុនពេល​អ្នកជំងឺ​ត្រូវ​រងរបួស​មិនអាច​ជំនះបាន​ដូចជា​ងងឹតភ្នែក ជំងឺ​បេះដូង ខូច​តម្រងនោម និង​អវយវៈ ។​
​លទ្ធផល​ពិសោធន៍​បង្ហាញថា មុខសញ្ញា​បានទទួល​ប្រយោជន៍​ច្រើន​បំផុត​គឺ អ្នកជំងឺ​មានការ​គ្រប់គ្រង​កំរិត​ស្ករ​ក្នុង​ឈាម​ល្អ​បង្គួរ និង​គ្រាន់តែ​ចាក់​អាំង​ស៊ុយ​លីន​ក្នុង​កម្រិត​ល្មម​មួយ ។​
​ភាគច្រើន​នៃ​អ្នកជំងឺ​ចូលរួម​ពិសោធន៍​មាន​អាយុ​ក្រោម​១៤​ឆ្នាំ និង​ត្រូវបាន​វិនិច្ឆ័យ​កើត​ជំងឺ​ក្នុង​រង្វង់​៨​សប្តាហ៍​មុនពេល​ចាប់ផ្តើម​ការពិសោធន៍ ។ អ្នកជំងឺ​ប្រតិកម្ម​ជាមួយ​ថ្នាំ teplizumab អាច​រក្សា​ការផលិត​អាំង​ស៊ុយ​លីន ក្នុង​ពេញ​រយៈពេល​២​ឆ្នាំ​នៃ​ការពិសោធន៍ ។​
​ថ្នាំ teplizumab បង្កើត​ដោយ​អ្នកជំនាញការ​ស្រាវជ្រាវ​អង្គ​បដិបក្ខ Jeffrey Blueslone និង Mary Clausen នៅ​សកល​វិទ្យាល័យ​កាលីហ្វ័រ​ញ៉ា (​អាមេរិក​) ៕f/M

​ប្រើ​ទូរស័ព្ទ​ច្រើន កើន​ហានិភ័យ មហារីក​ខួរក្បាល​

​អ្នក​ស្តាប់ និង​និយាយ​ទូរស័ព្ទ​ចល័ត ជាង​១៥​ម៉ោង ក្នុង​១​ខែ មាន​ហានិភ័យ កើត​មហារីក​ខួរក្បាល ច្រើនជាង ៣​ដង​។ នេះ​បើតាម​ការស្រាវជ្រាវ​ថ្មី​មួយ របស់​វិទ្យាស្ថាន​រោគរាតត្បាត និង​សុខភាព​សហគមន៍​រប​ស់​បារាំង​។​
​ពួក​អ្នកស្រាវជ្រាវ បាន​តាមដាន​ការវិវត្តន៍ ដែល​នាំ​ឲ្យ​កើតមាន​មេរោគ​មហារីក glioma ចំនួន ២៥៣ ករណី និង​មហារីក meningioma  (​ដុំ​សាច់​ខួរក្បាល ២ ប្រភេទ​) ដែល​តែង​កើតមាន​ជាទូទៅ​បំផុត​) នៅ​បារាំង ចំនួន​១៩៤ ករណី​។ លទ្ធផល​នៃ​ការស្រាវជ្រាវ​នេះ បាន​បង្ហាញថា អ្នក​ប្រើ​ទូរស័ព្ទ​ចល័ត ច្រើនជាង មាន​ហានិភ័យ​មហារីក ខួរក្បាល​ខ្ពស់ជាង ៣ ដង បើ​ប្រៀប​នឹង​អ្នក មិនសូវ​ប្រើប្រាស់ ។ អំឡុងពេល​ប្រើប្រាស់ ទូរស័ព្ទ នឹង​ជួប​ហានិភ័យ​ខ្ពស់ គឺ​ពី ២-១០ ឆ្នាំ​, ហើយ​គិត​ជា​មធ្យម គឺ​៥​ឆ្នាំ​។​
ការស្រាវជ្រាវ​នេះ បានធ្វើ​ឲ្យ​អង្គការ Priartem នៅ​បារាំង បានលើកឡើង​អំពី​ការកំណត់​តឹងតែង​ជាង អំពី​រលក​អេឡិចត្រូនិក ។​
ស្ថាប័ន​ស្រាវជ្រាវ មហារីក​ជាតិ របស់​អង្គការ​សុខភាព​ពិភពលោក (WHO) បាន​បែងចែក​ប្រភេទ រលក​អេឡិចត្រូនិក រួមមាន ពពួក​វិទ្យុសកម្ម បញ្ចេញ​ពី​ទូរស័ព្ទ​ចល័ត​, ជា​ប្រភព​អាច​បង្ក​មហារីក​។​
​ការស្រាវជ្រាវ ត្រូវបាន​បោះផ្សាយ លើ​ទស្សនា​វ​ដ្តី វេជ្ជសាស្ត្រ​បរិស្ថាន និង​មុខរបរ (​អង់គ្លេស​) ៕M/V/L

ប្រើ​ទូរស័ព្ទ​កាន់តែច្រើន , ហានិភ័យ​មហារីក​ខួរក្បាល កាន់តែ​ខ្ពស់​​

​ˆ​របប​ទទួលទាន​មាន​ជាតិ​ខ្លាញ់​ច្រើន​ធ្វើឱ្យ​ថយ​ចុះ​បរិមាណ​មេ​ជីវិត

បើ​តាម​ការស្រាវជ្រាវ​មួយ បាន​ត្រូវ​បង្ហាញថា បុរស​ដែល​ទទួលទាន​ខ្លាញ់​មិន​រលាយ​ច្រើន ត្រូវ​ថយ​ចុះ​បរិមាណ​មេ​ជីវិត​។​

​ពួក​អ្នក​ស្រាវជ្រាវ​មកពី Copenhagen នៃ​ប្រទេស​ដា​ណឺ​ម៉ាក បាន​សិក្សា អង្កេត និង​ពិនិត្យមើល​បុរស​ដា​ណឺ​ម៉ាក ចំនួន ៧០១​នាក់ ដែល​សុទ្ធតែ​មាន​អាយុ​ប្រមាណ​២០​ឆ្នាំ កំពុង​ចូលរួម​ពិនិត្យ​កាតព្វកិច្ច​យោធាក្នុង អំឡុងពី​ឆ្នាំ​២០០៨ ដល់​ឆ្នាំ​២០១០​។ ក្រុម​អ្នក ស្រាវជ្រាវ បាន​សួរ​ពួកគេ​អំពី​អាហារ​ទទួលទាន ក្នុង​៣​ខែ​មុន និង​យក​គំរូ​ទឹកកាម​ដើម្បី​ត្រួតពិនិត្យ​។​


លទ្ធផល បានបង្ហាញ​ថា បុរស​ទទួលទាន​ខ្លាញ់​មិន​រលាយ​ច្រើន​បំផុត មាន​កម្រិត​មេ​ជីវិត​ទាប​ជាង​៣៨​ភាគរយ និង​បរិមាណ​មេ​ជីវិត​ទាប​ជាង​៤១​ភាគរយ ប្រៀប​នឹង​អ្នក​មាន​របប​ទទួលទាន​មាន​ជាតិ​ខ្លាញ់​តិច​បំផុត​។​

​ឆ្លើយតប​កិច្ចសម្ភាសន៍​របស់​ទីភ្នាក់ងារ​ព័ត៌មាន Reuters, អ្នកដឹកនាំ​ការស្រាវជ្រាវ​គឺ​លោក Tina Jensen បានឱ្យដឹងថា «​យើងខ្ញុំ​មិន​អាច​បញ្ជាក់​ពី​ទំនាក់ទំនង ហេតុ និង​ផល តែ​ខ្ញុំ​ចាត់ទុកថា ការស្រាវជ្រាវ​ផ្សេងៗ បានបង្ហាញ​ថា ជាតិ ខ្លាញ់​មិន​រលាយ មាន​ពាក់ព័ន្ធ​ជាមួយ​បញ្ហា​សុខភាព ហើយ​ឥឡូវ គឺ​បរិមាណ​មេ​ជីវិត​»៕​

ទទួលទាន​ទឹក ១,៥ លីត្រ​ល្អ​ចំពោះ​សុខភាព

​ទឹក​មាន​ប្រយោជន៍​ខ្លាំងណាស់​សម្រាប់​សុខភាព ពីព្រោះ​រាងកាយ​មិន​អាច​នៅ​បាន​ទេ​បើ​ខ្វះ​ទឹក ។ វា​មិន​គ្រាន់តែ​ជួយ​សម្រួល​ចរន្តឈាម​ឲ្យ​រត់​ស្រួល​ប៉ុណ្ណោះ​ទេ ថែម​ទាំង​នាំយក​សារធាតុ​អាហារ​ផ្សេងៗ​ទៅ​ចិញ្ចឹម​កោសិកា កម្ចាត់​ជាតិពុល សម្រួល​សីតុណ្ហភាព ក្នុង​រាងកាយ​ឲ្យនៅ​ថេរ ។ ប្រសិនបើ​បាន​ផឹកទឹក​ឲ្យបាន​មួយថ្ងៃ ១,៥ លីត្រ និង​ជួយ​កាត់បន្ថយ​ឱកាស​ក្នុងការ​កើតរោគ​បាន​គ្រប់​ប្រភេទ​ទៀតផង ៕

​ˆ ដុសធ្មេញ​ជាប្រចាំ​បង្ការ​រលាក​ស្រោម​ខួរក្បាល​

តាម​ការស្រាវជ្រាវ​មួយ​ថ្មី​បំផុត​របស់​ស្វីស ក្រុម​អ្នកវិទ្យាសាស្ត្រ បាន​អះអាង​ថា ការរក្សា​អនាម័យ​មាត់​ធ្មេញ នឹង​ជួយ​ទប់ស្កាត់​ជំងឺរលាកស្រោមខួរ​ក្បាល ។​

​លទ្ធផល​ស្រាវជ្រាវ​នេះ ត្រូវ​បាន​ចុះផ្សាយ​លើ​ទស្សនា​វ​ដ្តី​អន្តរជាតិ អំពី​ការវិវត្តន៍ និង​ប្រព័ន្ធ​មេរោគ​វិទ្យា​ដ៏​ល្បី ឈ្មោះ​របស់​សម្ព័ន្ធ​សមាគម​មេរោគ​វិទ្យា​អន្តរជាតិ​។ មូលហេតុ​បង្ក​ជា​ជំងឺរលាកស្រោមខួរ​ក្បាល រួម​មាន​មេរោគ​, វីរុស ឬ​ពពួក​អតិសុខុមប្រាណ​ផ្សេងៗ​។​

​ពួក​អ្នក​ស្រាវជ្រាវ​នៅ​មហាវិទ្យាល័យ Zurich បាន​រកឃើញ​បាក់តេរី​ផ្លូវ​មាត់​មួយ​ប្រភេទ មាន​នៅក្នុង​ឈាម​របស់​អ្នក​ជំងឺរលាកស្រោមខួរ​។ ផ្អែក​លើ​ការស្រាវជ្រាវ​នោះ អ្នកស្រាវជ្រាវ បាន​អះអាង​ថា បាក់តេរី​ផ្លូវ​មាត់​នេះ មាន​ពាក់ព័ន្ធ​ដល់​ជំងឺរលាកស្រោមខួរ​។ ក្រៅពីនេះ ពួកគេ​ក៏​រកឃើញ​ប្រភេទ​បាក់តេរី​ខាងលើ​ក្នុង​ឈាម​របស់​អ្នកជំងឺ​រលាក​ឆ្អឹង​កង​។​

​អ្នកដឹកនាំ​ការស្រាវជ្រាវ បណ្ឌិត Andrea Spinden បានចង្អុលបង្ហាញ​ថា បាក់តេរី​នេះ មាន​លក្ខណៈ​ពិសេស​ពី​ធម្មជាតិ​ធ្វើឱ្យ​ស្ថានភាព​ជំងឺ​ប្រែជា​ធ្ងន់ធ្ងរ​។ វា​អាច​លុកលុយ​ប្រព័ន្ធ​ឈាម​ក្នុង​សរីរាង្គ តាមរយៈ​ស្នាម​ឈាម​ហូរ​ចេញ​នៅ​អញ្ចាញ​ធ្មេញ​។ ប៉ុន្តែ​កម្រិត​គ្រោះថ្នាក់​ជាក់ស្តែង​របស់​វា នៅ​ត្រូវ​ស្រាវជ្រាវ​ជា​បន្ត​ទៀត​។​

​ពួក​អ្នកជំនាញការ បានឱ្យដឹងថា ការស្រាវជ្រាវ​ថ្មី​នេះ នឹង​ជួយ​ព្យាបាល​លឿន​ជាង​ពពួក​ជំងឺ ដូចជា​រលាក​ស្រោម​ខួរក្បាល​៕​

ផឹក​តែ​អាច​ជួយ​កាត់បន្ថយ​គ្រោះថ្នាក់​នៃ​ការ​កើត​ជំងឺ​ទឹកនោម​ផ្អែម

ផឹកតែ​បួនពែង ​ឬ​ច្រើន​ជាង​នេះ​ក្នុង​មួយ​ថ្ងៃ​ អាច​អាចជួយ​កាត់បន្ថយ​គ្រោះថ្នាក់​នៃ​ការកើត​ជំងឺ​ទឹកនោម​ផ្អែម​ នៅពេល​មជ្ឈិម​វ័យ​។​

​ការ​ទម្លាប់​ផឹក​តែ​ អាច​ជួយ​កាត់បន្ថយ​គ្រោះថ្នាក់​នៃ​ជំងឺទឹកនោម​ផ្អែម​ប្រភេទ​ទី​២ ប៉ុន្តែអ្នក​គួរ​ផឹក​តែ​អោយ​បាន​ចំនួនបួនពែង​ ឬ​ច្រើន​ជាង​នេះ​​ក្នុង​មួយ​ថ្ងៃ​។​

​តាម​សិក្សា​ស្រាវជ្រាវ​នេះ ​បាន​រកឃើញថា ការផឹក​តែ​អោយបាន​យ៉ាងតិចណាស់​ចំនួនបួនពែង ​ក្នុង​មួយ​ថ្ងៃ​នោះ អាច​ជួយ​កាត់បន្ថយ​អាត្រា​​គ្រោះថ្នាក់​ចំនួន​ ២០​ ភាគរយ​ នៃ​ការ​វិវត្តន៍ទៅជាកើតជំងឺទឹកនោម​ផ្អែម​នេះ​។​

​លោក គ្រីស្ទី​ន ហឺ​ឌឺ មក​ពី​មណ្ឌល​ស្រាវជ្រាវ​ជំងឺទឹកនោម​ផ្អែម ​នៅ​សាកល​វិទ្យាល័យ​ Heinrich Heine ប្រទេស​អាល្លឺមង៉ បាន​និយាយថា​​ ការសិក្សា​នេះ​បានរ​ឃើញ​ថា​ អ្នក​ផឹក​តែ​ច្រើន​ទទួល​ផលប្រយោជន៍​ច្រើន​ពី​តែ ​ច្រើន​ជាង​អ្នក​ដែល​ផឹក​វា​ពី​មួយ​ពែង​ទៅ​បីពែង​ក្នុង​មួយថ្ងៃ ដូច្នេះ​​អ្នក​ដែល​ផឹក​តែ​តិចជាងបួន​ពែង​ក្នុង​មួយថ្ងៃ មិន​អាច​កាត់បន្ថយ​គ្រោះថ្នាក់​នៃ​ការកើត​ជំងឺ​ទឹកនោម​ផ្អែម​នេះ​ទេ​៕

សញ្ញាព្រមាន ៩ បង្ហាញថា អ្នកកំពុងទ្រុឌទ្រោមសុខភាព

​ពេល​ទ្រុឌទ្រោម​សុខភាព​ក៏​ជា​ពេល​លេចចេញ​នូវ​សញ្ញា​ព្រមាន​ទាំងឡាយ​ដូចជា​លើសឈាម កម្រិត​កូ​ឡេ​ស្តេ​រ៉ូ​ល​ខ្ពស់ លើស​ជាតិ​ស្ករ កើន​ទម្ងន់ និង​ប្រព័ន្ធ​ការពារ​សរីរាង្គ​ចុះខ្សោយ ។​
​ខាងក្រោម​នេះ ជាស​ញ្ញា​១​ចំនួន​ព្រមាន​ថា អ្នក​កំពុង​ត្រូវ​ថមថយ​សុខភាព​ធ្ងន់ធ្ងរ ។​
-​ជ្រុះ​សក់​ច្រើន​
​ជ្រុះ​សក់​ច្រើន​ជួប​នៅ​ស្ត្រី ច្រើនជាង​បុរស ។ មូលហេតុ​ជ្រុះ​សក់​ច្រើន​អាច​បណ្តាល​ពី​សម្ពាធ​ផ្លូវចិត្ត ឆ្លង​មេរោគ​ស្បែកក្បាល ទទួលទាន​មិន​ត្រឹមត្រូវ ឬក៏​អាច​បង្កឡើង ដោយសារ​ជំងឺ​ណាមួយ​នោះ ឬក៏​ជំងឺ​ពី​កំណើត ។ ដូច្នេះ ពេល​ឃើញ​សក់​ជ្រុះ​ច្រើន អ្នក​ត្រូវ​ទៅ​ជួប​វេជ្ជបណ្ឌិត​ពិគ្រោះ​ព្យាបាល ។​
-​ឈឺ​ខ្នង​
​ក្រៅពី​ហើម​សរសៃ ឬ​សាច់ដុំ​រងរបួស ឈឺ​ខ្នង​ក៏​អាចជា​រោគសញ្ញា របស់​ជំងឺ​រលាក​ប្លោកនោម ឬ​រលាក​តំបន់​ក្បែរៗ​ខ្នង ។ ពេល​ឈឺ​ខ្នង​ចូរ​អ្នក​ទៅពិនិត្យ​សុខភាព ប្រសិន​ចាំបាច់ ចូរ​ឆ្លុះ​ប្លោកនោម​តាម​វេជ្ជបញ្ជា​របស់​វេជ្ជបណ្ឌិត ។​
​ក្នុងពេល​ឈឺ​ខ្នង ត្រូវ​ទទួលទាន​ទឹក​ច្រើន ចៀសវាង​ទទួលទាន​ចំណ​ហឹរ ក្តៅ ។ ក្រៅពីនេះ​ប្រើ​ប្រេង​ច្របាច់​ម៉ាស្សា​ក៏​ជា​វិធី​ដ៏​ល្អ​ដើម្បី​កែប្រែ​ឲ្យ​ប្រសើរ​ជំងឺ​ឈឺ​ខ្នង ។​
-​ងាយ​មួម៉ៅ​
​អ្នក​ស្រាប់តែ​ឃើញថា ខ្លួន​ឆាប់​មួម៉ៅ ដោយសារតែ​មូលហេតុ​ផ្តេសផ្តាស ទោះបីជា​អ្នក​ពុំមែន​ជាម​នុស្ស​ងាយ​ច្រឡោត ។ ប្រសិន​ដូច្នេះ អ្នក​គួរ​ត្រួតពិនិត្យ​ក្រពេញ​ទី​រ៉ូ​អ៊ី​ដ ។ ប្រព័ន្ធ​សរសៃប្រសាទ​មជ្ឈិម​រំញោច​បំផុត​ជាមួយ​ភាពច្របូកច្របល់​អ័រម៉ូន​ក្រ​ពេញទី​រ៉ូ​អ៊ី​ដ ។​
-​ឈឺក្បាល​
​ពេល​ត្រូវ​ឈឺក្បាល ដំបូងបង្អស់​ត្រូវ​ត្រួតពិនិត្យ​សម្ពាធ​ឈាម​តើ​ស្ថិរភាព​ឬ​អត់ ។ ទោះបី​នៅ​វ័យ​ណាក៏ដោយ​អ្នក​ក៏​អាច​កើត​ជំងឺ​សម្ពាធ​ឈាម​ដែរ ស្ត្រី​នៅ​វ័យ​៣៥-៤០ ងាយ​កើត​ជំងឺលើសឈាម ។ ពេល​ទ្រុឌទ្រោម​សុខភាព រោគសញ្ញា​សម្ពាធ​ឈាម​កាន់តែ​កើន ។​
​កែសម្រួល​ទម្លាប់​ទទួល​ទាន​ជា​ជំហាន​សំខាន់​ដំបូង​ក្នុងការ​ថែរក្សា​សុខភាព ។ ក្រៅពីនេះ អ្នក​ត្រូវ​ហាត់ប្រាណ​ជាប្រចាំ​ដូចជា​ហែល​ទឹក ដើរ រត់​... ។​
-​ភ្នែក​ហើម និង​មាន​ស្នាម​ជាំខ្មៅ​
​ភ្នែក​ហើម និង​លេចចេញ​ស្នាម​ជាំខ្មៅ​អាចជា​ផលវិបាក​របស់​ភាព​អស់កម្លាំង​យូរពេក ។ ប៉ុន្តែ​ប្រសិន​ឧស្សាហ៍​លេចចេញ​រោគសញ្ញា​នេះ នោះ​ត្រូវ​ដំណើរការ​ត្រួតពិនិត្យ​តម្រងនោម ។ តាម​ស្ថិតិ អត្រា​ស្ត្រី​កើត​ជំងឺ​ក្រួសតម្រងនោម​នោះ​ខ្ពស់ជាង​១,៥​ដង ប្រៀប​នឹង​បុរស ហើយ​ស្ត្រី​ដែល​ទ្រុឌទ្រោម​សុខភាព​ច្រើន​ជួបប្រទះ​រោគសញ្ញា​នេះ ។​
-​បែកញើស​
​ប្រសិន​ញើស​ចេញ​ច្រើនជាង​ធម្មតា​ក្នុង​១​រយៈពេល អាច​ដោយសារ​ការច្របូកច្របល់​ខ្សែ​សរសៃប្រសាទ​រុក្ខជាតិ ប្រសិន​ការព្យាបាល​ដោយ​ថ្នាំ​រំងាប់​អារម្មណ៍​គ្មាន​ប្រសិទ្ធភាព នោះ​ត្រូវ​ទៅ​ពេទ្យ​ត្រួតពិនិត្យ ។​
-​ហើមជើង​
​ជើង​ត្រូវ​ហើម​ជាប្រចាំ មិនតែប៉ុណ្ណោះ ម្តងម្កាល នៅ​ត្រូវ​ស្ពឹក​ជើង នេះ​ជា​រោគសញ្ញា​ឆាប់​របស់​ជំងឺ​ខ្សោយ​សរសៃពួរ​រ៉ាំរ៉ៃ ។ អ្នក​ត្រូវ​ទទួលទាន​ច្រើន​បន្លែ​បៃតង ព្រោះ​វា​ផ្ទុក​ជាតិ​សរសៃ​ជួយ​បង្កើន​គែម​សរសៃពួរ ។ ក្រៅពីនេះ ត្រូវ​ហាត់ពត់​ជើង​រាល់ថ្ងៃ ដើម្បី​បង្ការ​ហើមជើង ។​
-​រមួលក្រពើ​
​ដៃជើង​ជាប្រចាំ​ត្រូវ​រមួលក្រពើ អាច​បណ្តាល​ពី​សរីរាង្គ​របស់​អ្នក​ខ្វះ​កាល់ស្យូម និង​វីតាមីន​D អង្គធាតុ​២​នេះ​កំណត់​កម្រិត​រឹង​របស់​ឆ្អឹង និង​ការ​កន្ត្រាក់​សាច់ដុំ ។ ដូច្នេះ ដើម្បី​បញ្ចៀស​ការ​ថមថយ​សុខភាព​បណ្តាល​ឲ្យ​រមួលក្រពើ ចូរ​ទទួលទាន​ច្រើន​បណ្តា​ផលិតផល​ពី​ទឹកដោះគោ ថ្លើម គ្រឿង សមុទ្រ ។​
-​ឧស្សាហ៍​ស្រេកទឹក និង​ចង់ទៅ​បន្ទោ​របង់​
​ជាប្រចាំ​មាន​អារម្មណ៍​ស្រេកទឹក ស្រក​ទម្ងន់ និង​ចង់ទៅ​បន្ទប់ទឹក​ញឹក រោគសញ្ញា​ទាំងនេះ​ស្រដៀង​នឹង​ជំងឺ​ទឹកនោមផ្អែម ប្រសិន​ចាំបាច់​ត្រូវ​ត្រួតពិនិត្យ​ជាតិ​ស្ករ​ក្នុង​ឈាម ។ ប្រសិន​លទ្ធផល​ធម្មតា អ្នក​ក៏ត្រូវ​យកចិត្តទុកដាក់​កំហិត​ការទទួល​ទាន ឬ​អាច​មិន​ទទួលទាន​របស់​ផ្អែម និង​អាហារ​មាន​ប្រេង​ខ្លាញ់​ច្រើន ៕M

ការ​ហាត់ប្រាណ​ទៀងទាត់​ជួយអោយ​អាយុ​វែង​

ការសិក្សា​ផ្នែក​សុខភាព​បាន​និយាយ​កាលពី​ថ្ងៃ​អង្គារ​ថា ការ​ហាត់ប្រាណ​ធម្មតា​ទៀងទាត់​ពេលវេលា​អាច​បង្កើន​អាយុ​វែង ទោះបីជា​​មនុស្ស​ធាត់​ច្រើន​ក៏​ដោយ​។​

​លោក ស្ទេ​វិន ម៉ូ​រ៉េ មក​ពី​វិទ្យាស្ថាន​ព្យាបាល​ជម្ងឺ​មហារីក​ជាតិ​អាមេរិក ហើយ​ដែល​បាន​ដឹកនាំ​ក្រុម​អ្នកស្រាវជ្រាវ ដែល​បាន​សិក្សា​ទៅ​លើ​មនុស្ស​ចំនួន​៦៥០.០០០​នាក់ ក្នុង​អាយុ​៤០​ឆ្នាំ​ជាង នៅ​ប្រទេស​ស៊ុយអែត​និង​នៅ​សហរដ្ឋអាមេរិក​នេះ បាន​និយាយថា  “​លទ្ធផល​នៃ​ការ​ហាត់ប្រាណ​ទៀងទាត់​នេះ​អាច​ជួយ​ក្រុមមនុស្ស​ដែល​មិន​សកម្ម​ឬ​បញ្ចេញ​កម្លាំងកាយដោយ​ទទួលបាន​ផលប្រយោជន៍​សុខភាព​ច្រើន ទោះបីជា​ការ​ហាត់ប្រាណ​បែបនេះ មិន​ធ្វើឲ្យ​អ្នក​ធាត់​ស្រកទ​ម្ងន់​ក៏ដោយ​” ។​

​ក្រុម​អ្នកស្រាវជ្រាវ​នេះ បាន​រកឃើញថា​ការ​ហាត់ប្រាណ​ជាធម្មតា​ដូចជា​ការដើរ​ហាត់ប្រាណ​លឿនរយៈ​ពេល​ប្រហែល​៧៥​នាទី​ក្នុង​មួយ​សប្តាហ៍ អាច​បង្កើន​អាយុ​ឲ្យ​វែង​ជិត​២​ឆ្នាំ​៕

សញ្ញា​យល់ដឹង​មហារីក​ឈាម​សំរាប់​ស្ត្រី​

ទោះបី​កម្រ តែ​រោគសញ្ញា​ហូរឈាម​ទ្វារមាស​ខុស​ប្រក្រតី​អាចជា​សញ្ញា​មួយ​ព្រមាន​ស្ត្រី​បានកើត​ជំងឺមហារីក​ឈាម ។​
​ដើម្បី​ដាក់ចេញ​នូវ​ការសន្និដ្ឋាន​ខាងលើ ពួក​អ្នកវិទ្យាសាស្ត្រ​បាន​ដំណើរការ​តាមដាន​ស្ត្រី​ក្មេងៗ និង​ម​ជ្ឈឹ​ម​វ័យ ២០០០​នាក់ ធ្លាប់​ត្រូវបាន​វិនិច្ឆ័យ​កើត​ជំងឺមហារីក​ឈាម​ក្នុងអំឡុងពេល​ពី​ឆ្នាំ ២០០២-២០១១ ។ ក្នុងចំណោម​នោះ​ប្រមាណ ២០០​ករណី​បញ្ជាក់ថា ធ្លាប់មាន​បាតុភូត​ហូរឈាម​ទ្វារមាស​ខុស​ប្រក្រតី , ១៩ ករណី​បាន​ឲ្យ​ដឹង​ពី​រោគសញ្ញា​នេះ​ដែល​ជួយ​គេ​រកឃើញ​ជំងឺ​ឆាប់ ។​
​ធម្មតា , មហារីក​ឈាមមាន​អម​ជាមួយ​ស្ថានភាព​អស់កម្លាំង , ងាយ​ជាំ​ស្វាយ ឬ​លេចចេញ​កន្ទួល​ក្រហម​តូចៗ​នៅ​ស្បែក ។​
​ប៉ុន្តែ , ស្ត្រី​មិនត្រូវ​ព្រងើយកន្តើយ​ចំពោះ​ករណី​ហូរឈាម​ទ្វារមាស​ទេ ។ អ្នកជំងឺ​មួយចំនួន​ក្រោយពេល​រកឃើញ​សញ្ញា​នេះ​បាន​បាត់បង់​ជីវិត​ភ្លាម​បន្ទាប់​នោះ ។ អាយុ​មធ្យម​របស់​ពួកគេ​គឺ ៣៩​ឆ្នាំ ។​
​អ្នកជំងឺ​មហារីក​ឈាម​ច្រើន​មាន​បាតុភូត​ងាយ​ត្រូវ​ហូរឈាម ។ មូលហេតុ​គឺ​នៅពេល​វេលា​នេះ​សរីរាង្គ​មាន​បរិមាណ​ប្លា​កែ​ត​ក្នុង​ឈាម​យ៉ាង​ទាប ។ ប្លា​កែ​ត​ជា​សមា​ធាតុ​អនុវត្ត​មុខងារ​ជួយ​ឈាមកក និង​ទប់ស្កាត់​ហូរឈាម ៕M/T/L

ស្ត្រី​មិនត្រូវ​មើលស្រាល​បាតុភូត​ហូរឈាម​ទ្វារមាស​ក្រៅ​ខួប​រដូវ​

 

​ចង់​សម្រាលកូន​នៅ​ថ្ងៃ​ណា​? គួរ​រាប់​ដូចម្តេច​?

ផ្នែក​វេជ្ជសាស្ត្រ ច្រើន​កំណត់​រាប់​អាយុ​ផ្ទៃពោះ​ជា​សប្តាហ៍ ដោយ​ចាប់ពី​ថ្ងៃ​មាន​រដូវ​ដំបូង​នៃ​គ្រា​ចុងក្រោយបង្អស់​។ ការ​គន់គូរ​ចំនួន​ថ្ងៃ​គ្រប់​កំណត់​សម្រាល គឺ​រយៈពេល​៤០​សប្តាហ៍​(២៤០​ថ្ងៃ​)និង​ទារក​នៅ​ក្នុង​ផ្ទៃ​គ្រប់​កំណត់​សម្រាល​ក្រោយ ពេល​ផ្ទៃពោះ​មាន​អាយុ ៣៨​គ្រួសារ​ជា​ដើម​។​


​​ការ​គន់គូរ​មើល​ពី​កំណត់​ថ្ងៃ​គ្រប់​ពេល​សម្រាលកូន​បែប​ងាយៗ គឺ​ចាប់ផ្តើម​រាប់​ពី​ថ្ងៃ​ដំបូង ពេល​មាន​រដូវ​ចុងក្រោយ បង្អស់​+៧​ថ្ងៃ -៣​ខែ​។ ឧទាហរណ៍ ប្រសិនបើ​ឈាមរដូវ​ចុង​ក្រោយ​មក​ថ្ងៃ​ទី​១​ខែតុលា​ឆ្នាំ​២០១២ អាច​កំណត់​ថ្ងៃ​សម្រាល​បាន គឺ​ថ្ងៃ​ទី​៨​ខែកក្កដា​ឆ្នាំ​២០១៣ (​នោះ​គឺ​+៧​ថ្ងៃ ហើយ​រាប់​ចំនួន​ខែ​ថយ​ក្រោយ​រយៈពេល​៣​ខែ​)​។​

 

​​អាយុ​ផ្ទៃពោះ​ដែល​ត្រឹមត្រូវ ប្រសិនបើ​មាន​ធ្លាក់​ស៊ុត និង​ចាប់ផ្តើម​បដិសន្ធិ​១៤​ថ្ងៃ រាប់​តាំងពី​ថ្ងៃ​មួយ​នៃ​ពេល​រដូវ​ចុងក្រោយបង្អស់​។​

 

ការ​សម្រាលកូន​មុន​ពេល​កំណត់ គឺ​សម្រាលកូន​មុន​អាយុ​ផ្ទៃពោះ​គម្រប់​៣៨​សប្តាហ៍ និង​អត្រា​នៃ​ការ​ប្រឈម​ជា​មួយ​គ្រោះថ្នាក់​ក៏​កើន ឬ​ថយចុះ ទៅ​តាម​នោះ​ដែរ ដូចជា​បើ​សម្រាល​លឿន​ជាង​ពេល​កំណត់​ប៉ុណ្ណា អត្រា​នៃ​ការ​ប្រឈម​នឹង​គ្រោះថ្នាក់​ក៏​ច្រើន​ទៅ​តាម​នោះ​ដែរ​។​


​​ការ​សម្រាលកូន​មុន​ពេល​កំណត់ ឬ​និយាយ​ជា​ភាសា​សាមញ្ញ​ថា កូន​កើត​មិន​គ្រប់​ខែ​នោះ អាច​បែងចែក​ចេញ​ជាកា​រ​សម្រាល​មុន​កំណត់​ដោយ​ខ្លួនឯង និង​ការ​ជម្រុញ​ឲ្យ​ឆាប់​សម្រាល​ដោយ​គ្រូពេទ្យ​ជំនាញ ឬ​ការ​សម្រាល​ដោយ​វិធី​វះកាត់ ដើម្បី​ជួយសង្គ្រោះ​ជីវិត​ទាំង​ម្តាយនិង​ទារក​នៅ​ក្នុង​ផ្ទៃ​ដោយ សារ​សភាវៈ​ឱកាសនិយម​ណាមួយ​។​


​​កូន​កើត​មិន​គ្រប់​ខែ​ក្នុង​ករណី​ផ្ទៃពោះ​មាន​អាយុ​ទាប​ពេក ភាគច្រើន​បាត់បង់​ជីវិត តែ​ក្នុងករណី​អាច​នៅ​រស់​បាន ក៏​អាច​ប្រឈម​នឹង​បញ្ហា​សុខភាព​រយៈពេល​យូរអង្វែង​ផងដែរ មាន​ជាអាទិ៍ ពិការភាព ប្រាជ្ញា​ទន់ខ្សោយ សាច់ដុំ​មិន​រឹងមាំ មាន​បញ្ហា​ផ្នែក​បេះដូង និង​ប្រព័ន្ធ​ដង្ហើម​។ ក្រៅពីនេះ​នៅ​មាន​បញ្ហា​សរសៃប្រសាទ​ខួរក្បាល បញ្ហា​ផ្លូវចិត្ត និង​ពិការភ្នែក ដោយសារ​ប្រព័ន្ធ​ផ្សេងៗ មិនទាន់​វិវឌ្ឍ​ពេញបរិបូណ៌ ជាពិសេស​អាចមាន​រោគ​ប្រចាំកាយ​ណាមួយ​ទៀតផង​៕​

ក្តាប់ដៃអាចជួយកែប្រែឲ្យប្រសើរការចងចាំ

​ចំពោះ​មនុស្ស​សឹងតែ​ទាំងអស់គ្នា ក្តាប់ដៃ​ណែន​ជាការ​ស្តែងចេញ​របស់​កំហឹង ។ ប៉ុន្តែ​ការស្រាវជ្រាវ​១​ថ្មីៗ​នេះ​បែរជា​បង្ហាញថា ក្តាប់ដៃ​អាចជួយ​រក្សារ​ការចង​ចាំ និង​នឹកឃើញ​ឡើងវិញ​ទៅ​ថ្ងៃក្រោយ ។​
​ការស្រាវជ្រាវ​ត្រូវបាន​ដំណើរការ​ដោយ​វេជ្ជបណ្ឌិត Ruth Propper និង​សហសេវិក​នៅ​សាកលវិទ្យាល័យ Montchair (​អាមេរិក​) ។ ពួកគេ​ប្រមូលផ្តុំ​ទៅលើ​ក្រុមមនុស្ស​៤​ក្រុម ត្រូវបាន​សំណូមពរ​ចងចាំ​បញ្ជី​១​រួ​មាន​៧២​ពាក្យ ហើយ​បន្ទាប់មក​រំលឹក​វា​ឡើងវិញ ។​
​មនុស្ស​ក្នុង​ក្រុម​ដំបូង​ក្តាប់ដៃ​ស្តាំ​ណែន ក្នុង​រយៈពេល​ប្រមាណ​៩០​នាទី​មុនពេល​ចងចាំ​បញ្ជី​ឈ្មោះ និង​បន្ទាប់មក​ធ្វើ​ដូច្នេះ​ទៀត​ពេល​ត្រូវបាន​សំណូមពរ​រំលឹក​ឡើងវិញ​ពាក្យ​ទាំងឡាយ​ក្នុង​បញ្ជី​ឈ្មោះ​នោះ ។ ក្រុមទី​២​ក្តាប់​ណែន​ដៃ​ឆ្វេង​មុនពេល​ចងចាំ និង​រំលឹក​ឡើងវិញ​បញ្ជី​ឈ្មោះ ។​
២​ក្រុម​ផ្សេងទៀត​ក្តាប់​ណែន​ដៃ​ម្ខាង​មុនពេល​គាត់​ចំណាំ ហើយ​បន្ទាប់មក​ក្តាប់​ណែន​ដៃ​ម្ខាង​ទៀត​មុនពេល​នឹក​ឡើងវិញ​ក្រុម​ផ្គូរ​ផ្គង​មួយ​មិន​ក្តាប់ដៃ​ណា​ទាំងអស់​មុនពេល​អនុវត្ត​កិច្ចការ​ខាងលើ ។​
​លទ្ធផល​គឺ ក្រុម​ក្តាប់​ដៃស្តាំ​ពេល​ចងចាំ​បញ្ជី​ច​ឈ្មោះ និង​ក្តាប់ដៃ​ឆ្វេង​ពេល​នឹក​ឡើងវិញ បាន​ចម្លើយ​ច្បាស់លាស់​បំផុត ។​
​បណ្ឌិត Propper និយាយថា "​គំហើញ​នេះ​បង្ហាញថា ការ​កម្រើក​សរីរាង្គ​សាមញ្ញ​៧​ៗ​មួយចំនួន​អាច​កែប្រែ​ឲ្យ​ប្រសើរ​ការចងចាំ​ដោយ​វិធី​ផ្លាស់ប្តូរ​បណ្តោះអាសន្ន​បែបផែន​សកម្មភាព​រប​ស់​ខួរក្បាល​" ។​
​ដូច្នេះ លើក​ក្រោយពេល​អ្នកឃើញ​នរណា​នោះ​ក្តាប់ដៃ​ណែន នោះ​អាច​ពុំ​មមែ​ន​គាត់​ចង់​បង្ក​សង្គ្រាម​ជាមួយ​អ្នក​តែ​គឺ​ប្រឹងប្រែង​ដើម្បី​នឹកថា អ្នកជា​នរណា ។​
​ការស្រាវជ្រាវ​នេះ​ត្រូវបាន​ប្រកាស​លើ​ទស្សនា​វ​ដ្តី PLOS ONE ៕​M

​រស់នៅ​អគារ​ខ្ពស់ៗ​មាន​សុខ​ភាពល្អ អាយុ​វែង​

៖ ផ្ទះ​ខ្ពស់ៗ​កំពុង​ត្រូវបាន​មនុស្ស​ជាច្រើន​ជ្រើស​យក​ក្នុង​ជីវភាព​ទំនើប​
​តាម​ការស្រាវជ្រាវ​រប​ស់​ពួក​អ្នកវិទ្យាសាស្ត្រ រស់នៅ​ផ្ទះ​ខ្ពស់ៗ​ជា​អាថ៌កំបាំង​មួយ​ដើម្បី​មាន​អាយុ​វែង និង​សុខ​ភាពល្អ ។​
​តាម​ការស្រាវជ្រាវ​រប​ស់​ពួក​ជំនាញការ​នៅ​សកល​វិទ្យាល័យ Bern ស្វី​ស ប្រសិន​អ្នករស់នៅ​ក្នុងផ្ទះ​ជាន់​កាន់តែ​ខ្ពស់ នោះ​អាយុ​របស់​អ្នកនឹង​កាន់តែ​កើន ។ ពួក​អ្នកវិទ្យាសាស្ត្រ​បាន​រកឃើញថា អ្នក​នៅ​ជាន់​ផ្ទាល់​ដី​មាន​ហានិភ័យ​បាត់បង់​ជីវិត​ឆាប់​ជាង ២២% ប្រៀប​នឹង​អ្នក​នៅ​ជា​ន់ទី ៨ ឡើងទៅ ។ ហានិភ័យ​បាត់បង់​ជីវិត​ដោយសារ​កើត​ជំងឺ​សួត​ក៏​ថយចុះ ៤០% ហើយ​អត្រា​បាង់​បង់ជីវិត​ដោយសារ​ជំងឺ​បេះដូង​ក៏​ថយចុះ ៣៥% ។ លទ្ធផល​នេះ​បាន​ពី​ការស្រាវជ្រាវ​ចំពោះ​មនុស្ស​ជាង ១,៥​លាន​នាក់ រស់នៅ​តាម​អគារ​ច្រើន​ជាន់ ។​
​ពួក​អ្នកវិទ្យាសាស្ត្រ​បាន​ស្រាវជ្រាវ​អត្រា​បាង់​បង់ជីវិត​ព្រោះ​តាម​ពួកគេ​ផ្ទះ​ត្រូវបាន​ចាត់ទុកជា​កត្តា​សំខាន់​មួយ​ឥទ្ធិពល​ដល់​សុខភាព ។ តាម​ការព្រមាន​របស់​ពួក​អ្នកវិទ្យាសាស្ត្រ​ភាពកខ្វក់​បរិស្ថាន​និង​សម្លេង​ចរាចរ​អ៊ូអរ​នៅ​ផ្ទៃដី​ជា​មូលហេតុ​សំខាន់​នាំ​ដល់​ភាពលំអៀង​នេះ ។​
ប៉ុន្តែ​ពួក​អ្នកជំនាញការ​ស្វី​ស​ក៏​សង្កត់ធ្ងន់ថា​លទ្ធផល​ស្រាវជ្រាវ​ខាងលើ​គឺ​ចំពោះ​ប្រជាជន​រស់នៅក្នុង​បណ្តា​ប្រទេស​មាន​បំផុត​ពិភពលោក គឺ​មិន​អនុវត្ត​ចំពោះ​លក្ខខណ្ឌ​ហេដ្ឋារចនាសម្ព័ន្ធ​អន់ថយ​នៅ​តំបន់​ក្រីក្រ ៕M/M/L

អាហារ៥យ៉ាង​ជួយ​បន្ថយ​កូលេ​ស្តេ​រ៉ូលក្នុង​រាងកាយ

៙ ផ្លែ​ប៉ោម : ជា​ផ្លែ​ឈើ​ដែល​សម្បូរ​ដោយ​គុណប្រយោជន៍ ព្រោះ​នៅក្នុង​ផ្លែ​ប៉ោម មាន​សារធាតុ​ផេកទី​ន (Pectin) ជា​កាក​សរសៃ​អាហារ​ដែល​លាយ​ក្នុង​ទឹក​បាន អាច​ស្រូប និង​បណ្ដេញ​កូលេ​ស្ដេ​រ៉ូល​ចេញពី​រាងកាយ​បានយ៉ាង​ល្អ ។ ម្យ៉ាងទៀត វា​ជួយ​បំប៉ន​បេះដូង និង​គ្រប់គ្រង​កម្រិត​ជាតិ​ស្ករ នៅក្នុង​រាងកាយ​បាន​យ៉ាង​ល្អ​ថែមទៀត ។​
៙ ទឹកដោះគោ​ជូរ : ក្រៅ​ពី​ជួយ​បន្ថយ​កូលេ​ស្ដេ​រ៉ូល​នៅក្នុង​ឈាម​ហើយ វា​ថែមទាំង​ជួយ​បំប៉ន​ស្បែក​មុខ ស្បែក​រាងកាយ​ឲ្យ​ស្រស់ស្អាត ភ្លឺ​ចែង​ចាំ​ថែមទៀត ។ ចំណែកឯ​សណ្ដែកសៀង ធញ្ញជាតិ​ពពួក​សណ្ដែក​មាន​ប្រូតេអ៊ីន​ខ្ពស់ ធ្វើឲ្យ​អ្នក​មាន​អារម្មណ៍​ថា​ឆ្អែត និង​ទទួលទាន​តិច​ជាង​មុន ។​
៙ ពពួក​ត្រប់​ផ្សេងៗ : ដូចជា ត្រប់​ស្រួយ ត្រប់​វែង ឬ​ប៉េងប៉ោះ សុទ្ធតែ​សម្បូរ​ដោយ​វីតាមីន C សារធាតុ​បេតា​-​ខា​រ៉ូ​ទីន និង​សារធាតុ​រ៉ែ មាន​ប្រយោជន៍​ដល់​រាងកាយ​យ៉ាងច្រើន​បំផុត ។​
៙ ខ្ទឹម​ស្រស់ៗ : មាន​គុណសម្បត្តិ​ក្នុង​ការជួយ​ការពារ​ជំងឺលើសឈាម បន្ថយ​កម្រិត​ជាតិ​ខ្លាញ់ និង​កូលេ​ស្ដេ​រ៉ូលក្នុង​សរសៃឈាម បាន​យ៉ាង​មាន​ប្រសិទ្ធភាព ។​
៙ ខ្ទឹម​បារាំង : អាច​ជួយ​ការពារ​កូលេ​ស្ដេ​រ៉ូល​នៅក្នុង​សរសៃឈាម ការពារ​ជំងឺលើសឈាម និង​បន្ថយ​កម្រិត​ជាតិ​ខ្លាញ់​បាន ។ ម្យ៉ាងទៀត សារធាតុ​មួយចំនួន​នៅក្នុង​ខ្ទឹមបារាំង អាច​បន្ថយ​កម្រិត​ជាតិ​ស្ករ នៅក្នុង​ឈាម​បាន​ថែម​ទៀត ៕f

បង្រួញ​ក្រពះ​បង្ការ​មហារីក​ស្បូន​

​ការស្រាវជ្រាវ​របស់​ពួក​អ្នកវិទ្យាសាស្ត្រ​អាមេរិក នៅ​សកល​វិទ្យាល័យ​កាលីហ្វ័រ​ញ៉ា និង​នៅ​មជ្ឈមណ្ឌល​មហារីក Moores ទីក្រុង San Diego ជិត​ប្រកាស​លើ​ទស្សនា​វ​ដ្តី Gynecologic Oncology , បង្ហាញថា ការវះកាត់​បង្រួញ​ក្រពះ​អាច​បន្ថយ​ហានិភ័យ​មហារីក​ស្បូន​ដល់ ៨១% សម្រាប់​ស្ត្រី​ធាត់ ។​
​ក្រុង​ស្រាវជ្រាវ​បាន​វិភាគ​ទិន្នន័យ​ស្ត្រី​អាមេរិក​ជាង ៧ លាន​នាក់ ក្នុងនោះ​មាន ១០៣.៧៩៧ នាក់ ធ្លាប់​ត្រូវបាន​វះកាត់​បង្រួញ​ក្រពះ និង​អ្នកជំងឺ ៤៤.៣៤៥ នាក់ ត្រូវ​វិនិច្ឆ័យ​មាន​ដុំ​គីស​កំណាច​នៅ​ស្រោម​ក្នុង​ស្បូន ។ លទ្ធផល​បង្ហាញថា អ្នក​ត្រូវបាន​វះកាត់​បង្រួញ​ក្រពះ​មាន​អត្រា​កើត​ជំងឺ​ទាប​ជាង​ពី ៧១%-៨១% (​អាស្រ័យទៅលើ​ការរក្សា​ទម្ងន់​ត្រឹមត្រូវ​ក្រោយ​វះកាត់​) ប្រៀប​នឹង​ស្ត្រី​ធាត់​មិនបាន​វះកាត់ ។​

​តាម​ការវិភាគ​ខាងលើ , ពួក​អ្នកវិទ្យាសាស្ត្រ​សន្និដ្ឋានថា ហានិភ័យ​មហារីក​ស្បូន​ចំពោះ​ស្ត្រី​ធាត់​អាច​កែប្រែ​ប្រសើរ​បាន ហើយ​ជម្រើស​មួយ​ក្នុង​ជម្រើស​ដ៏​សមស្រប​គឺ​វះកាត់​បង្រួញ​ក្រពះ​ឲ្យ​តូច ។ ក្រុម​ស្រាវជ្រាវ​បកស្រាយ​ថា បរិមាណ​ជាលិកា​ខ្លាញ់​លើស​សម្រាប់​មនុស្ស​ធាត់​ធ្វើ​ឲ្យ​បាត់​តុល្យភាព​អ័រម៉ូន ។ តាមរយៈ​នោះ​កម្រិត estrogen ខ្ពស់​ហួសហេតុ​ពេក ងាយ​បង្ក​ដុំ​គីស និង​រាលដាល ។ ធាត់​ក៏​ងាយ​បង្ក​ការ​រលាក​រ៉ាំរ៉ៃ , ជំរុញ​ភាព​ប្រឆាំង​អាំង​ស៊ុយ​លីន ធ្វើ​ឲ្យ​កើន​ថែម​បរិមាណ estrogen ៕M/T/L​

វះកាត់​បង្រួញ​តូច​ក្រពះ​អាច​បន្ថយ​ហានិភ័យ​មហារីក​ស្បូន​នៅ​ស្ត្រី​ធាត់​

រោគសញ្ញា​ចំនួន ៩ យ៉ាង ដែល​ព្រមាន​កើត​ជំងឺមហារីក​ថ្លើម​

ថ្លើម ជា​ផ្នែក​មួយ ដើរតួនាទី​សំខាន់ ក្នុងការ​ច្រោះ​ជាតិពុល ក្នុង​សរីរាង្គ​។ ដូច្នេះហើយ ពេល​មុខងារ​ថ្លើម ត្រូវ​ទ្រុឌទ្រោម អាច​បង្កើតជា​ហានិភ័យ ចំពោះ​សុខភាព ពិសេស​គឺ​មហារីក ។​
​តាម​ការវាយតម្លៃ មហារីក​ថ្លើម គឺជា​ជំងឺ​គ្រោះថ្នាក់​មួយ បង្ក​ការបាត់​បង់ជីវិត​ជួរមុខ ក្នុងចំណោម​ជំងឺមហារីក ។ ដើម្បី​រកឃើញ​ឆាប់ និង​ព្យាបាល​ទាន់ពេល អ្នក​ត្រូវ​យកចិត្តទុកដាក់ ដល់​រោគសញ្ញា​ដំបូងៗ ដែល​ព្រមាន​ឆាប់​នូវ​ហានិភ័យ​មហារីក​ថ្លើម ដូចខាងក្រោម​នេះ ៖
១.​ទឹកនោម​ពណ៌​ក្រ​ម៉ៅៈ​
​ពេល​មុខងារ​ថ្លើម ត្រូវ​ទ្រុឌទ្រោម អាចធ្វើ​ឲ្យ​កម្រិត bilirubin ក្នុង​ឈាម​កើន បណ្តាល​ឲ្យ​ទឹកនោម មាន​ពណ៌​ក្រ​ម៉ៅ ពណ៌​លឿង​ដិត ឬ​ត្នោត ។ ក្នុងករណីនេះ អ្នក​ត្រូវ​ទៅ​មន្ទីរពេទ្យ ពិនិត្យ​សុខភាព​បន្ទាន់ ព្រោះនេះ អាចជា​រោគសញ្ញា​ដំបូង របស់​មហារីក​ថ្លើម ។​
២.​ទឹក​ក្នុង​ប្រហោង​ពោះ​
​ស្ថានភាព​ទឹក ផ្តុំ​ក្នុង​ប្រហោង​ពោះ ជា​រោគសញ្ញា​មួយ ក្នុងចំណោម​រោគសញ្ញា​ទូទៅ របស់​មហារីក​ថ្លើម ដំណាក់កាល​ដំបូង ។ ពិសេស​ក្នុងករណី អ្នកមាន​អារម្មណ៍​ហើមពោះ ទល់ខ្យល់ រួមជាមួយ​ថ្លើមធំ​នេះ អាច​ត្រូវបាន​ចាត់ទុកជា សញ្ញា​ឆាប់​របស់​មហារីក​ថ្លើម ។​
៣.​ឈឺពោះ​
​ពេល​ថ្លើម​ត្រូវ​ធំ និង​ថមថយ​មុខងារ អាច​នាំ​ដល់​ស្ថានភាព​ឈឺពោះ ។ ក្នុងករណី អ្នក​ត្រូវ​ឈឺពោះ រួម​ជាមួយនឹង​ថ្លើមធំ អ្នកមាន​លទ្ធភាព​ច្រើន កើត​ជំងឺ​អំពី​ថ្លើម ក្នុងនោះ​មាន​មហារីក ។​
៤.​រមាស់ៈ​
​រមាស់ អាច​ត្រូវបាន​ចាត់ទុក ដូចជា រោគសញ្ញា​ដ៏​ឆាប់​មួយ របស់​មហារីក​ថ្លើម ។ រឿងនេះ កើតឡើង​សំខាន់ ដោយសារ​មុខងារ​ថ្លើម ត្រូវ​ទ្រុឌទ្រោម នាំ​ដល់​ការ​កើន​បរិមាណ bilirubin ក្នុង​ឈាម ដែលជា​ភ្នាក់ងារ​បង្ក​រមាស់​លើ​ស្បែក ។​
៥.​ថ្លើមធំៈ​
​ថ្លើម​ស្ថិតនៅ​ប៉ែក​ខាងក្រោម​ឆ្អឹងជំនីរ​ឆ្វេង អូសបន្លាយ​ដល់​កណ្តាល​ពោះ ។ ពេល​អ្នក​យកដៃ​ស្ទាប​ឃើញ អាច​ដោយសារ​ថ្លើម ត្រូវ​ធំ ។ ក្នុងករណីនេះ អ្នក​ត្រូវ​ត្រួតពិនិត្យ​សុខភាព​ភ្លាម ព្រោះ​នោះ អាចជា​សញ្ញា​ដំបូង​មួយ ដែល​នាំ​ឲ្យ​កើត​ជំងឺមហារីក​ថ្លើម ។​
៦.​អស់កម្លាំងៈ​
​ប្រសិន​អ្នក មាន​អារម្មណ៍​អស់កម្លាំង ត្រាំត្រែង​មិន​ដាច់ អម​ជាមួយ​រោគសញ្ញា​ផ្សេងៗ ពាក់ព័ន្ធ​ដល់​ភាព​ទ្រុឌទ្រោម​មុខងារ​ថ្លើម អ្នក​អាចមាន​ហានិភ័យ​កើត​មហារីក​ថ្លើម ។ ព្រោះ​ស្ថានភាព​អស់កម្លាំង អូសបន្លាយ ជា​រោគសញ្ញា​ទូទៅ​មួយ ចំពោះ​អ្នកជំងឺ​មហារីក​ថ្លើម ។​
៧.​ចង់​ក្អួត និង​ក្អួ​តៈ​
​ប្រសិន​អ្នក តែងមាន​អារម្មណ៍​ចង់​ក្អួត ឬ​ក្អួត​ដោយ​មិន​ច្បាស់​មូលហេតុ ចូរ​ពិនិត្យ​សុខភាព ដើម្បី​កំណត់​មើលថា តើ​អ្នកមាន​ថមថយ​មុខងារ​ថ្លើម ឬ​អត់ ។ ព្រោះ​ស្ថានភាព​ចង់​ក្អួត និង​ក្អួត ដោយសារ​ទ្រុឌទ្រោម​មុខងារ​ថ្លើម​ច្រើន ត្រូវបាន​ចាត់ទុក​ជាស​ញ្ញា​ព្រមាន​ឆាប់​កើត​ជំងឺមហារីក​ថ្លើម ។​
៨.​ស្រក​ទម្ងន់ៈ​
​ថ្លើម​ជា​ផ្នែក​មួយ ដើរតួនាទី​សំខាន់ ក្នុង​ដំណើរការ​បំប្លែង​សារជាតិ​របស់​សរីរាង្គ ។ ដូច្នេះ ពេល​មុខងារ​ថ្លើម ចុះខ្សោយ អាច​នាំ​ដល់​ស្ថានភាព​ស្រក​ទម្ងន់ ។ រឿងនេះ អាច​ត្រូវបាន​ចាត់ទុក ជា​រោគសញ្ញា​សំខាន់បំផុត​មួយ ព្រមាន​ហានិភ័យ​មហារីក​ថ្លើម ដំណាក់កាល​ដំបូង ។​
៩.​ស្បែក​លឿងៈ​
​ស្បែក​លឿង ពុំមែន​ជា​ជំងឺ​មួយ តែ​វា​ជាការ​ស្តែងចេញ​មួយ របស់​ស្ថានភាព​ទ្រុឌទ្រោម​មុខងារ​ថ្លើម ។ ពេល​មុខងារ​ថ្លើម​ថមថយ នាំ​ដល់​ហានិភ័យ ធ្វើ​ឲ្យ​កើន​បរិមាណ bilirubin ក្នុង​ឈាម បង្ក​ជា​ស្ថានភាព​មួយ ដែល​ធ្វើ​ឲ្យ​ស្បែក​លឿង ។ អាស្រ័យហេតុនេះ ស្បែក​លឿង​ច្រើន ត្រូវបាន​ចាត់ទុក ដូចជា​សញ្ញា​ដំបូង​មួយ ព្រមាន​កើត​ជំងឺមហារីក​ថ្លើម ៕M/VL​

វិធីព្យាបាលជំងឺគួរឲ្យព្រឺខ្លាចដោយសត្វឈ្លើង

​ឲ្យ​សត្វ​ឈ្លើង​ខ្មៅ​វារ​រវីមរវាម និង​បឺត​ឈាម​លើ​មុខ​ពិតជា​វិធី​ព្យាបាល​ជំងឺ​គួរ​ឲ្យ​ព្រឺព្រួច​មួយ ។​
​ពួក​អ្នកស្រាវជ្រាវ​អាល្លឺម៉ង់​បាន​រកឃើញ​ប្រសិទ្ធភាព​បន្ថយ​ឈឺចាប់​ពិសេស​ពី​វិធី​ព្យាបាល​ប្រើ​សត្វ​ឈ្លើង​ដើម្បី​បឺត​ឈាម​ត្រង់​កន្លែង​ឈឺ​លើ​សរីរាង្គ​មនុស្ស ។​
​ពី​បណ្តា​ឆ្នាំ​១៩៨០ ឈ្លើង​បានចាប់ផ្តើម​ត្រូវបាន​ពួក​អ្នក​វះកាត់​កែ​សម្ផស្ស​ប្រើប្រាស់​ជាថ្មី​ដើម្បី​កម្ចាត់​ចោល​អស់​ឈាម​ផ្តុំ​ក្នុង​ដៃ ឬ​ជើង ត្រូវបាន​ភ្ជាប់​ឡើងវិញ​ដើម្បី​បំបាត់​ហានិភ័យ​រលេះរលួយ ។​
​បច្ចុប្បន្ននេះ​មានការ​ស្រាវជ្រាវ​ជាច្រើន​អំពី​ប្រសិទ្ធភាព​ព្យាបាល​ជំងឺ​របស់​សត្វ​ឈ្លើង ។ ក្នុងនោះ​ការស្រាវជ្រាវ​ដំបូង​មួយ​អំពី​ប្រសិទ្ធភាព​បឺត​ឈាម​របស់​ឈ្លើង​បាន​រកឃើញថា ឲ្យ​ឈ្លើង​បឺ​ឈាម​នៅ​ក្បាលជង្គង់​ក្នុង​រង្វង់​២​ខែ នឹងធ្វើ​ឲ្យ​ថយចុះ​ការឈឺ​រួយ​ជង្គង់​បង្កឡើង​ដោយ​ជំងឺ​រលាក​សន្លាក់ ។​
​ក្រៅពីនេះ​ពួក​អ្នកស្រាវជ្រាវ​របស់​សក​ល​វិទ្យាល័យ Duissburg Essen របស់​អាល្លឺម៉ង់​ក៏​រកឃើញថា វិធី​ព្យាបាល​ប្រើ​សត្វ​ឈ្លើង​ដើម្បី​បឺត​ឈាមមាន​ប្រសិទ្ធភាព​បន្ថយ​ឈឺចាប់​ប្រហាក់ប្រហែល​នឹង​អ្នក​ប្រើ​ថ្នាំ​បន្ថយ​ឈឺចាប់ Ibuprofen រាល់ថ្ងៃ ។ វិធី​ព្យាបាល​នេះ​មាន​ប្រសិទ្ធភាព​ដូចជា​ថ្នាំ​បន្ថយ​ឈឺចាប់​ផង និង​ជួយ​អ្នក​បញ្ចៀស​បាន​នូវ​ឥទ្ធិពល​មិនល្អ​ចំពោះ​ក្រពះ​របស់​ថ្នាំ​បន្ថយ​ឈឺចាប់​ផង ។​
​វិធី​ប្រើ​ឈ្លើង ដើម្បី​ព្យាបាល​ជំងឺ​ត្រូវបាន​ជនជាតិ​អេ​ហ្សី​ប​បុរាណ​អនុវត្ត​តាំងពី​៣០០០​ឆ្នាំមុន ។ ភស្តុតាង​អំពី​ភាព​ទូទៅ​និង​ប្រសិទ្ធភាព​របស់​វិធីសាស្ត្រ​នេះ​គឺ​សត្វ​ឈ្លើង​៦​លាន​ក្បាល​ត្រូវបាន​ប្រទេស​នេះ​នាំចូល​ក្នុង​១​ឆ្នាំៗ​ដើម្បី​ព្យាបាល​ជំងឺ ។​
​ថ្វី​ត្បិត​តាំងពី​ចុង​សតវត្សរ៍​ទី​១៩ វិធី​ព្យាបាល​ឈ្លើង​បឺត​ឈាម​ដើម្បី​ព្យាបាល​ជំងឺ​សន្សឹមៗ​ត្រូវ​បាត់​កិត្តិនាម​ព្រោះ​វា​ធ្វើ​ឲ្យ​អ្នកជំងឺ​ខ្សោយ​ទៅៗ និង​មានការ​ប្រឈម​ឆ្លង​មេរោគ​ខ្ពស់ជាង ។ ប៉ុន្តែ​បច្ចុប្បន្ននេះ វិធីសាស្ត្រ​នេះ​បែរជា​ត្រូវបាន​ចាត់ទុក​ជាការ​រ​ស់​ឡើងវិញ​មួយ និង​ក្លាយជា​ចរន្ត​ព្យាបាល​ជំងឺ​របស់​មនុស្ស​ល្បីឈ្មោះ ។​
​ការពិសោធន៍​ជាក់ស្តែង​១​ថ្មីៗ​នេះ​កំពុង​ត្រូវបាន​អនុវត្ត​ដើម្បី​ត្រួត​ពិនិត្យមើល​តើ​ជំងឺ​ឈឺ​ខ្សែ​សរសៃប្រសាទ​បណ្តាល​ពី​ជំងឺ Zona អាច​ត្រូវបាន​ព្យាបាល​ដោយ​វិធី​ឲ្យ​ឈ្លើង​បឺត​ឈាម​ឬ​អត់ ។​
​ពួក​អ្នកស្រាវជ្រាវ​បាន​រកឃើញថា ក្នុង​ទឹកមាត់​របស់​ឈ្លើង​មាន​ផ្ទុក​បរិមាណ​ដ៏​ធំ​១ នៃ​ថ្នាំ​បន្ថយ​ឈឺចាប់ , ថ្នាំ​សណ្តំ និង​សារជាតិ​ចម្រុះ​ធ្វើ​ឲ្យ​ឈាមរាវ ជួយ​បន្ថយ​ការឈឺចាប់​យ៉ាង​រហ័ស​ដោយ​មិន​បង្ក​ឥទ្ធិពល​បន្ទាប់បន្សំ ។​
Alicja ជំនាញការ​ចិញ្ចឹម​ឈ្លើង​១​រូប​ជនជាតិ​រុស្ស៊ី​បាន​មានបទពិសោធន៍​១០​ឆ្នាំ ក្នុងការ​ចិញ្ចឹម​ឈ្លើង​ដើម្បី​ព្យាបាល​ជំងឺ ។ បច្ចុប្បន្ន​អ្នកស្រី​មាន​ស្នាក់ការ​នៅ​ឡាស​វេ​ហ្គាស និង​ញូវយ៉ក ដោយមាន​អ្នកជំងឺ​ជាច្រើន​នៅ​ពាសពេញ​ពិភពលោក ។​
​បច្ចុប្បន្ននេះ ជំនាញការ Alicja មាន​កសិដ្ឋាន​ចិញ្ចឹម​ឈ្លើង​១​ធំ​បំផុត​ពិភពលោក នៅ Hendy ភាគខាងត្បូង Walas ប្រទេស​អង់គ្លេស ។ នៅទីនេះ សត្វ​ឈ្លើង​ប្រើ​ដើម្បី​ព្យាបាល​ជំងឺ​ត្រូវបាន​ចិញ្ចឹម​ថែទាំ​ក្នុង​បរិស្ថាន​គ្មាន​មេរោគ​ទាំងស្រុង ។ វិធី​ព្យាបាល​ជំងឺ​ដោយ​សត្វ​ឈ្លើង​របស់​អ្នកស្រី Alicja បាន​សង្គ្រោះ​អ្នកជំងឺ​ជាច្រើន​មាន​តាំងពី​ជំងឺ​សរសៃឈាម​បេះដូង ដល់​ជំងឺ​ជ្រុះ​សក់ ៕​M

អាហារ​ពេលព្រឹក សម្បូរ​ប្រូតេអ៊ីន ជួយ​បញ្ចុះទម្ងន់​ត្រឹមត្រូវ​

​តាម​ការស្រាវជ្រាវ​រប​ស់​ពួក​អ្នកវិទ្យាសាស្ត្រ​អាមេរិក បាន​អះអាងថា ការចាប់ផ្តើម​ថ្ងៃ​ថ្មី ជាមួយនឹង​អាហារ​ពេលព្រឹក សម្បូរ​ប្រូតេអ៊ីន ជា​វិធី​ល្អ​បំផុត ដើម្បី​បញ្ចុះទម្ងន់ ដោយ​នៅតែ​ធានាបាន​សុខភាព​។​
ប្រូតេអ៊ីន ជា​សារជាតិ​ចាំបាច់​មួយ ត្រូវបាន​កំណត់​នៅក្នុង​របប​ទទួលទាន​ត្រឹមត្រូវ​។ ប្រូតេអ៊ីន មានមុខ​ងារ កសាង​រឹងមាំ​ជាលិកា និង​កោសិកា​ក្នុង​សរីរាង្គ វា​ត្រូវបាន​ប្រើ​ដើម្បី​រក្សា​ការលូតលាស់ និង​ស្តារ​សាច់ដុំ​ជាលិកា ក៏ដូចជា ជំរុញ​ដំណើរការ​បំប្លែង​សារជាតិ និង​ប្រព័ន្ធ​អង្គ​បដិបក្ខ​។ ប្រូតេអ៊ីន មិនត្រូវ​បាន​ស្តុក​ក្នុង​សរីរាង្គ ហេតុនេះ ចាំបាច់​ត្រូវបំពេញ​បន្ថែម​រាល់ថ្ងៃ​។​
​បើតាម​មជ្ឈមណ្ឌល​គ្រប់គ្រង និង​បង្ការ​ជំងឺឆ្លង (CDC) បាន​អះអាងថា បុរស​នៅក្នុង​វ័យ​ពី ១៩-៧០ ឆ្នាំ ចាំបាច់​ត្រូវ​ផ្គត់ផ្គង់ ប្រូតេអ៊ីន ប្រមាណ ៥៦​ក្រាម ក្នុង ១ ថ្ងៃ​។ វា​ដណ្តើមបាន​ពី ១០-៣៥ % នៃ​បរិមាណ​កាឡូរី សរុប​រាល់ថ្ងៃ ដែល​សរីរាង្គ​ត្រូវការ​។ អ្នក​ហូប​បួស និង​កីឡាករ អាច​ត្រូវការ​បរិមាណ​ប្រូតេអ៊ីន ច្រើនជាង​ប​ន្ថិ​ច​។ ជា​មធ្យម មនុស្ស​ធំ ត្រូវការ​ប្រមាណ ១ ក្រាម ប្រូតេអ៊ីន សម្រាប់ ១ គីឡូក្រាម ទម្ងន់​សរីរាង្គ​។​
មនុស្ស​ជាច្រើន តែង​មិន​យកចិត្តទុកដាក់ ដល់​អាហារ​ពេលព្រឹក ប៉ុន្តែ​អាហារ​ពេលព្រឹក គឺ​សំខាន់បំផុត ចំពោះ​សុខភាព ពិសេស​គឺ អាហារ​មាន​បរិមាណ​ប្រូតេអ៊ីន​ខ្ពស់​៕M/V/L​

​អាហារ​ក្តៅ​-​អាហារ​ត្រជាក់ និង​សុខភាព​

1-​អាហារ​ក្តៅ :
ទឹក​ក្តៅ​ឧណ្ហៗ : ទទួលទាន​ហើយ​ធ្វើ​ឲ្យ​ពោះវៀន​មិន​កន្ត្រាក់​​ខ្លាំងពេក សមស្រប​ក្នុងអំឡុងពេល​រាករូស ឬ​ឈឺពោះ​ពេល​មាន​រដូវ ។​

តែ​ក្តៅ : កម្តៅ​ជួយ​រក្សា​និង​អុកស៊ីដកម្ម បានល្អ​ប៉ុន្តែ​បើ​ក្តៅ​ពេក និង​បង្កើន​អត្រា​ប្រឈម​នឹង​ជំងឺមហារីក​បំបង់​អាហារ កាន់តែច្រើន ដូចជា​ជនជាតិ​ចិន និង​ជប៉ុន ចូលចិត្ត​ហុត​តែ​ក្តៅ​ជាប្រចាំ ។​

ស៊ុប​មាន់ : អា​ចរក​ទិញ​ស៊ុប​មាន់ ឬ​រម្ងាស់​មាន់​ទាំងមូល និង​បាន​ទឹក​ស៊ុប​ថ្លាៗ ដែលមាន​ជាតិ​ខូ​ល​ឡា​ចេ​ន​ពី​មាន់ បើ​ទទួលទាន​ក្តៅៗ​និង​ជួយ​កម្ចាត់​ផ្តាសាយ​បានល្អ ។ យក​ល្អ​គួ​ដាក់​គ្រាប់​កៅ​គី និង​ប៉ូច​កាក់ ទៅក្នុង​ទឹក​ស៊ុប​ផង​រឹតតែ​ប្រសើរ ។​

គុយទាវ : ជា​អាហារ​មួយ​ចាន​ដែលមាន​សព្វគ្រប់​ទាំង​ជាតិ​ម្ស៉ៅ ជាតិ​ប្រូតេអ៊ីន និង​វីតាមីន ។ ការ​ទទួលទាន​គុយទាវ​ក្តៅ ជាតិ​ខ្លា​ញ់​និង​ជាតិ​ខូ​ល​ឡា​ចេ​ន នៅ​មិនទាន់បាន​ចាប់​ផ្តុំគ្នា​ជា​កំណក​នៅឡើយ ដែល​រាងកាយ​ងាយស្រួល​យកទៅ​ប្រើប្រាស់ ។​

ពោត​ស្ងោរ : ការសិក្សា​មួយ​ទៅលើ​ពោត​ផ្អែម​ពណ៌​លឿង បាន​ឲ្យ​ឃើញថា កាន់តែ​ស្ងោរ​យូរ​គឺ​កាន់​តែមាន​សារធាតុ​ប្រឆាំង​មហារីក (ferulic Acid) ចេញមក​កាន់តែច្រើន ។

បបរ​ក្តៅ : បើ​ចង់បាន​វីតាមីន​គ្រាន់តែ​យក​អង្ករសំរូប មក​ដាំ​យក​ទឹក​បបរ មក​ហុត​ក្តៅ​ជាការ​ល្អ ។​

ប្រេង​ក្តៅ : ប្រើ​សម្រាប់​បំពង​អាហារ​ឲ្យ​ឆ្អិន​ស្រួយ ដូចជា​ប្រេងឆា​ប្រភេទ​ដូងប្រេង (Palm oil) ជាដើម ជា​ប្រេង​ប្រើ​សម្រាប់​ការ​ចម្អិន​ដែល​ប្រើ​កម្តៅ​ក្តៅ​ខ្លាំង ។

ឆាប​ន្លែ : ទោះជា​បន្លែ​ត្រូវ​កម្លោច​ដោយ​កម្តៅ​នៃ​កា​ឆា ចម្អិន បាត់បង់​វីតាមីន​ខ្លះ​ក្តី ប៉ុន្តែ​បើ​មិន​ហាន់​បន្លែ​ទុក​ចោលយូរ​ទេ បន្លែ​នឹង​ពោរពេញ​ដោយ​វីតាមីន ។ ចំណែក​ជាតិ​ប្រេងឆា នឹង​កាន់តែ​ធ្វើ​ឲ្យ​វីតាមីន​បឺត​ជ្រាប​បានល្អ ជាង​ទទួលទាន​បែប​ស្រស់ ។​

២-​អាហារ​ត្រជាក់ :

ទឹក​ត្រជាក់ : អាច​បឺត​ស្រូប​បាន​ជាង​ទឹក​ក្តៅ សមស្រប​ចំពោះ​អ្នក​ដែល​ខ្វះ​ជាតិ​ទឹក ឬ​អ្នកកីឡា​ដែល​ហត់​ខ្លាំង ។​

តែ​ទឹកដោះគោ​ត្រជាក់ : ភេសជ្ជៈ​ដែល​ថែ​ទម្ងន់​ខ្លួន​បានល្អ ព្រោះ​មាន​ទាំង​ជាតិ​ស្ករ នឹង​ទឹកដោះគោ ឬ​អាច​ប្រើ​ផលិតផល ទឹកតែ​ច្រក​ក្នុង​ដប​ក៏បាន ។

ស៊ុប​ថ្លា​ត្រជាក់ : នៅ​ប្រទេស​បារាំង មាន​ស៊ុប​ជាច្រើន​ប្រភេទ​ដូចជា​ស៊ុប ត្រជាក់ រម្ងាស់​ពី​ស្លឹក​ខ្ទឹម ឬ​ខ្ទឹមបារាំង ឬ​ផ្លែ​ប៊័រ (​អា​វ៉ូ​កាដូ​) ក៏មាន ឬ​ស៊ុប​បន្លែ​របស់​អេ​ស្ប៉ា​ញ ទទួលទាន​ត្រជាក់ៗ ក៏​ជួយ​ឲ្យ​ស្រស់ស្រាយ​មិន​ចាញ់​ស៊ុប​ក្តៅៗ​នោះទេ ។​

មី​ត្រជាក់ : អាច​ប្រើ​មី​សរសៃ​របស់​ជប៉ុន ឬ​ស៊ុប​ផា​ស្តា​របស់​អ៊ីតាលី​ក៏​សមស្រប​ចំពោះ​អ្នក​ស្រលាញ់​សុខភាព​ដែរ ព្រោះ​មាន​ជាតិ​កាក​សរសៃ​ច្រើន  និង​សំខាន់​មិន​ធ្វើ​ឲ្យ​ធាត់ ដូច​មី​សរសៃ​ឬ​គុយទាវ ដែល​ប្រើ​អង្ករ​ស្រិត​ស ។​

ពោត​លីង : មាន​សារជាតិ​ប្រឆាំង​និង​អុកស៊ីដកម្ម ក្រុម​ផូ​លី​ហ្វ៊ី​ណុល (Polyphenols) ច្រើនជាង​អាហារ​ស្រស់​មួយចំនួន ប៉ុន្តែ​យក​ល្អ​ត្រូវ​បន្ថយ​អំបិល និង​ប៊័រ​ផង ។

បាយ​ត្រជាក់​ឬ​បាយកក : សមស្រប​យកមក​ធ្វើជា​បាយ​ឆា ព្រោះ​វា​មិនសើម​ផ្អៀ​ច​ដូច​បាយ​ក្តៅ ហើយ​បើ​ថែម​ចំណិត​ប៉េងប៉ោះ និង​ស៊ុត​បន្តិច​ផង រឹតតែ​ប្រសើរ​។​    ​

ប្រេង​ត្រជាក់ : ជា​ពពួក​ប្រេង​តម្លៃ​ថ្លៃ ដូចជា​ប្រេង​អូ​លីវ ប្រេង​ឈូករ័ត្ន ប្រេងដូង ឬ​ប្រេង​ខា​ណូ​ឡា (Canola Oil) ។ ប្រេង​ទាំងនេះ ចៀសវាង​ប្រើ​ទៅ​បំពង​អាហារ ដោយ​ប្រើ​កម្តៅ​ខ្លាំង ព្រោះ​និង​ធ្វើ​ឲ្យ​បាត់បង់​សារធាតុ​ប្រឆាំង​អុកស៊ីដកម្ម ប្រើ​សម្រាប់​យកមក​ឆា ឬ​ប្រើ​ធ្វើជា​ទឹក​ញាំ ។​

ញាំ​បន្លែ (Vegetable Salad) : ធ្វើ​ឲ្យ​ស្រស់ថ្លា​ចិត្ត ដោយមាន​វីតាមីន​គ្រប់​ប្រភេទ ។ ប៉ុន្តែ​គួរប្រើ​ទឹក​ញាំ (Salad Sauce) ដែល​ធ្វើ​ពី​ប្រេង​អូ​លីវ​នឹង​ជួយ​ទាញយក​វីតាមីន ដែល​រលាយ​ក្នុង​ខ្លាញ់ ចេញមក​បាន​យ៉ាង​ល្អ​ដូចជា​ពពួក​វីតាមីន A.D.E. និង K.​ជាដើម ៕f

ហាត់ប្រាណ​អាំង​តង់​ស៊ី​តេ ខ្ពស់​ធ្វើ​ឱ្យ​ថយ​ចុះ​អារម្មណ៍​ឃ្លាន​

ពួក​អ្នកវិទ្យាសាស្ត្រ​នៅ​មហាវិទ្យាល័យ​យុវជន Brigham នៅ​ទីក្រុង Provo, Utah (​អាមេរិក​) បាន​ឱ្យ​ស្ត្រី​៣៥​នាក់ ដើរ​លឿន​លើ​ម៉ាស៊ីន​ហាត់​នៅ​ពេល​ព្រឹក បន្ទាប់មក ពួកគេ​បាន​កត់ត្រា​សកម្មភាពរ​លក​ខួរ ក្បាល ខណៈពេល​ពួកគេ​មើល​ផ្ទាំង​រូបភាព​អំពី​ចំណី អាហារ​។

 

បន្ទាប់ពីនោះ ២​ថ្ងៃ អ្នកស្រាវជ្រាវ​បាន​ធ្វើ​ការពិសោធន៍​អំពី​ការងារ​នេះ​ឡើង​វិញ តែ​លើក​នេះ​ចំពោះ​មុខសញ្ញា​មិន​ហាត់ប្រាណ​។ លទ្ធផល​គឺ​ក្នុង​ថ្ងៃ​ធ្វើ​ចលនា​សកម្ម ភាព​សរសៃប្រសាទ​របស់​ស្ត្រី​ខាងលើ ពុំ​សូវ​ប្រតិកម្ម​ជាមួយ​ចំណីអាហារ​ទេ ប្រៀប​នឹង​ថ្ងៃ​គ្មាន​ចលនា​។​ ​លទ្ធផលនេះ​ បាន​ត្រូវ​បង្ហាញ​ដូចគ្នា​ចំពោះ​មនុស្ស​ធា​ត់ និង​មនុស្ស​មាន​ទម្ងន់​ខ្លួន​ធម្មតា ដែល​ស​បញ្ជាក់ថា ទស្សនៈ​ដែល​ចាត់ទុក ថា ការ​ធ្វើ​ចលនា​ធ្វើឱ្យ​អ្នក​ឃ្លាន គឺ​ពុំ​មាន​មូលដ្ឋាន​។​

 

ថ្វី​ត្បិត​នេះ​ជា​ការស្រាវជ្រាវ​មួយ ក្នុងចំណោម​ការស្រាវជ្រាវ​ដំបូងៗ ដើម្បី​វាស់​ពី​អារម្មណ៍​ឃ្លាន​ខាង​ផ្នែក​សរសៃ ប្រសាទ ក្រោយពេល​ហាត់ប្រាណ តែ​ពួក​អ្នកវិទ្យាសាស្ត្រ នៅ​តែ​ត្រូវ​ការកំណត់​មើល​អារម្មណ៍​នេះ​ថា តើ​វា​នឹង​ត្រូវ​រារាំង​ក្នុង​រយៈពេល​ប៉ុន្មាន ក្រោយ​ពី​ការធ្វើ​ចលនា​។​

​ការស្រាវជ្រាវ​មុន​នោះ ពួក​អ្នក​ស្រាវជ្រាវ ក៏​រកឃើញថា ការ​ហាត់ប្រាណ នាំឲ្យ​មាន​អាំង​តង់ស៊ីតេ​ខ្ពស់ ដូចជា​រត់ អាច​រារាំង​អារម្មណ៍​ឃ្លាន​អូសបន្លាយ​ដល់​៣​ម៉ោង ដោយ​ការថយចុះ​កម្រិត​អ័រម៉ូន​បង្ក​ឃ្លាន ដែល​បង្កើត​ដោយ​ក្រពះ​៕

បារី​ធ្វើឱ្យ​ថមថយ​កម្រិត​វីតាមីន D ក្នុង​សរីរាង្គ​

បើតាម​ការស្រាវជ្រាវ​មួយ នាពេល​ថ្មីៗ​នេះ បាន​បង្ហាញថា ការជក់បារី អាចធ្វើ​ឲ្យ​មានការ​ថន​ថយ​នូវ​កម្រិត​វីតាមីន  D ហើយ​វា​ក៏​អាចធ្វើឱ្យ​អ្នក​ជក់បារី កើត​ជំងឺមហារីក​ផងដែរ​។​

​ក្នុងការ​ស្រាវជ្រាវ​នេះ គេ​បាន​វាស់​កម្រិត​វីតាមីន  D ក្នុង​ប្លា​ស្មា​ពី​សំណាក​ឈាម ដែល​ប្រមូលបាន​ពី​ឆ្នាំ​១៩៨១-១៩៨៣ របស់​ប្រជាជន​ដា​ណឺ​ម៉ាក ១០.០០០ នាក់​។ បន្ទាប់ពីនោះ ពួក​អ្នកស្រាវជ្រាវ បាន​តាមដាន​អ្នក​ទាំងនេះ ក្នុងអំឡុងពេល​ដល់​ទៅ ២៨​ឆ្នាំ តាមរយៈ​មជ្ឈមណ្ឌល​ម​ហារី​កដា​ណឺ​ម៉ាក​។ ក្នុងចំណោម​នោះ មាន ១.០៨១​នាក់ បាន កើត​ជំងឺមហារីក​មួយ ពាក់ព័ន្ធ​នឹង​ការជក់បារី​។


​ពួក​អ្នកស្រាវជ្រាវ បាន​កំណត់ថា កម្រិត​វីតាមីន  D  ជា​មធ្យម ដែលមាន​នៅក្នុង​សរីរាង្គ​របស់​អ្នក​ទាំងនេះ ត្រឹមតែ ១៤,៨ mg/ml ធៀប​នឹង​កម្រិត មធ្យម ១៦,៤ mg/ml  របស់​អ្នក​ត្រូវបាន​តាមដាន​ទាំងអស់​។​

​លទ្ធផល​ទាំងអស់នេះ ជា​លើកដំបូង បាន​បង្ហាញថា គ្រោះថ្នាក់​កើត​ជំងឺមហារីក ពាក់ព័ន្ធ​នឹង​ការជក់បារី មានការ​ទាក់ទង​ជាមួយ​កម្រិត​វីតាមីន D  ទាប​។ ទិន្នន័យ ទាំងឡាយ ក៏​ចង្អុល​បង្ហាញថា សារជាតិ​គីមី​នៅក្នុង​ផ្សែង​បារី អាចមាន​ឥទ្ធិពល​លើ​មុខងារ និង​ការ​បំប្លែង​សារជាតិ​របស់​វីតាមីន D ។ ផ្ទុយ​មកវិញ វីតាមីន D ក៏ អាច​ផ្លាស់ប្តូរ​ភ្នាក់ងារ​បង្ក​មហារីក​របស់​សារជាតិ​គីមី​ក្នុង​ផ្សែង​បារី​។​


ក្នុងការ​ស្រាវជ្រាវ​នោះដែរ វេជ្ជបណ្ឌិត និង​ជា​បណ្ឌិត​វេជ្ជសាស្ត្រ  Borge G. Nordestagaard បាន​និយាយថា  " ការវិភាគ​ទាំងឡាយ​របស់​យើងខ្ញុំ បង្ហាញ​ពី​ទំនាក់ទំនង​រវាង កម្រិត​វីតាមីន  D ទាប ក្នុង​ប្លា​ស្មា ជាមួយ​ការ​ប្រឈម​ខ្ពស់​នឹង​ការកើត​ជំងឺមហារីក មាន​ពាក់ព័ន្ធ​ដល់​បារី​។ រឿងនេះ​សំខាន់​ណាស់​ចំពោះ​ការស្រាវជ្រាវ ក្នុង​អនាគត​អំពី​ទំនាក់ទំនង​រវាង​កម្រិត​វីតាមីន D ក្នុង​ប្លា​ស្មា ជាមួយ​គ្រោះថ្នាក់​កើត​ជំងឺមហារីក​" ។​

​ការជក់បារី អាច​បណ្តាលឱ្យ​កើត​ជំងឺមហារីក​ច្រើន​ប្រភេទ ដូចជា​៖ មហារីក​ប្លោកនោម​, មាត់ស្បូន​, បំពង់ក​, ក្បាល​និង​ក​, តម្រងនោម​, ថ្លើម​, សួត​, ក្រពេញ​លំពែង​, ក្រពះ ក៏​ដូច​មហារីក​ឈាមស​។​

​មជ្ឈមណ្ឌល​គ្រប់គ្រង  និង​បង្ការ​ជំងឺឆ្លង បាន​អះអាងថា ការចំណាយ​លើ​ការថែទាំ​សុខភាព និង​ការខាតបង់​ទិន្នផល បង្កឡើង​ដោយ​ការជក់បារី ចំពោះ​ខឿនសេដ្ឋកិច្ច  គឺ​ប្រហាក់ប្រហែល ១៩៣ ពាន់​លាន​ដុល្លារ ក្នុង​មួយឆ្នាំៗ​៕

ឈឺក្រពះត្រូវតមវីតាមីន C ឬ?

អ្នក​ឈឺក្រពះ​បើ​បរិភោគ Vitamin C ត្រូវ​ឲ្យ​មាន​របៀប

​មនុស្ស​ភាគច្រើន​ដែល​ឈឺក្រពះ​ដោយសារ​ការ​រលាក​ ដំបៅ​ ច្រើន​ត្រូវបាន​ទូន្មានថា​ពុំគប្បី​បរិភោគ​ជូរ ដើម្បី​បញ្ចៀស​កំណើន​អាស៊ីត ក្នុង​ទឹក​ក្រពះ បង្ក​ជាការ​ពើត​ផ្សារ​ដោយ​វា​រំញោច​នៅកន្លែងដែល​រលាក​ដំបៅ ។​
Vitamin C (acid Ascorbic) មាន​រសជាតិ​ជូរ ហេតុនេះ​អ្នក​ឈឺក្រពះ​ជាច្រើន​ភ័ន្តច្រឡំ​ថា បើ​ឈឺក្រពះ​ពុំគួរ ប្រើប្រាស់​វា​ទេ ។ ក៏ប៉ុន្តែ Vitamin C គឺជា​សារធាតុ​ចាំបាច់​សម្រាប់​សុខភាប ហើយ​មាន​សមត្ថភាព​ការពារ "​ជញ្ជាំង​កោសិកា​" បានល្អ​ផង ។​
​ជាងនេះទៀត Vitamin C ជា​សារធាតុ​ចាំបាច់ ​ពុំមែន​ជា​ឱសថ​ទេ ហើយក៏​ពុំមែន​មានតែ​នៅក្នុង​ផ្លែឈើ​ជូរ​ដូចជា​ក្រូចឆ្មារ ក្រូចពោធិសាត់ ឬ​ក្នុង​ផ្លែឈើ​ផ្អែម​ដូចជា​ឱឡឹ​ក ល្ហុង​...​ទេ តែ​វា​មាន​សម្បូរ​ណ៍​នៅក្នុង​ប្រភេទ​បន្លែ​ជាអាទិ៍ ផ្កា​ស្ពៃស​-​ខៀវ ម្ទេស​ប្លោក សណ្តែកបណ្តុះ ខ្ទឹម​... ។ ហេតុនេះ​អ្នក​ឈឺក្រពះ​ក៏ត្រូវ​ការបរិភោគ​គ្រប់គ្រាន់​នូវ​អាហារ​ខាងលើ​ដើម្បី​ឲ្យ​សរីរាង្គ​មាន កម្លាំង​ការពារ​នឹង​ចៀសវាង​ការខ្វះ​វីតាមីន C ។​
ការបញ្ចូល​គ្រប់គ្រាន់​បរិមាណ​វីតាមីន C ពុំ​ត្រឹមតែ​មិន​អន្តរាយ​ដល់​ក្រពះ​ទេ ថែមទាំង​ជួយ​កាត់បន្ថយ​ការ​រលាក ឆ្លង​មេរោគ H.Pyloru ដែលជា​មូលហេតុ​បង្ក​ឲ្យ​មានការ​រលាក និង​ដំបៅ ។ វីតាមីន C មាន​ប្រសិទ្ធភាព​ការពារ​ក្រពះ​ប្រសិនបើ​អ្នក​បរិភោគ​វា​ក្នុង​កម្រិត​មួយ​សមល្មម ។ ការរក្សា​បរិមាណ​វីតាមីន C ជាធម្មតា​ក្នុង​ទឹក​ក្រពះ​អាច​បង្កើន​សមត្ថកិច្ចរ​បស់​ក្រពះ​ ការពារ​ពោះ និង​បង្កើន​កំលាំង​ការពារ​ក្រពះ​ដោយ​ខ្លួន​វា ។ ល្អ​បំផុត​គួរ​បំពេញ​កង្វះ​វីតាមីន C ពី​ការបរិភោគ​បន្លែ​ផ្លែឈើ ។​
​ប៉ុន្តែ​ការប្រើប្រាស់​វីតាមីន C ចំពោះ​អ្នកជំងឺ​ក្រពះ​និយាយ​ដោយឡែក និង​អ្នកជំងឺ​ទូទៅ​និយាយ​ជារួម​សុទ្ធសឹង​ត្រូវ​អនុលោម​ឲ្យ​បានល្អ​ពី​បរិមាណ និង​ពេលវេលា​នៃ​ការប្រើ​វា ដើម្បី​បង្កើន​ឥទ្ធិពល​នៃ​ការព្យាបាល​ជំងឺ ។ ការប្រើប្រាស់​ច្រើន និង​យូរ​អាច​បង្ក​ឲ្យ​មានការ​រលាក និង​ដំបៅ​ក្រពះ​ដោយសារតែ​សារធាតុ​អាស៊ីត​របស់​វា ។ ហេតុនេះ​គួរ​គប្បី​ប្រើ​ឲ្យ​បាន​ត្រឹមត្រូវ​ទាំង​បរិមាណ និង​ពេលវេលា តាម​ការណែនាំ​របស់​វេជ្ជបណ្ឌិត ៕f/​M

​ប្រការ​គួរ​ធ្វើ ៦ ចំណុច​ដើម្បី​អាយុ​វែង

អ្នកជំនាញ​ផ្នែក​សុខភាព បាន​ណែនាំ​ពី​ប្រការ​គួរ​ធ្វើ ៦ ចំណុច​ដែល​ជួយ​ឲ្យ​មនុស្ស​យើង​ឲ្យ​អាយុ​វែង ប្រកប​ដោយ​សុខភាព​ល្អ​។​


​១-​អាហារ​: គួរ​ទទួល​ទាន​អាហារ ឲ្យ​សមល្មម​នឹង​រាង កាយ និង​វ័យ​របស់​បុគ្គល​នី​មួយៗ​។ អ្វី​ដែល​ល្អ​បំផុត គឺ​អាហារ​ស្រស់​ពី​ធម្មជាតិ ដែល​ចម្អិន​ឆ្អិន មិន​ឆ្លងកាត់​ដំណើរការ​កែ​ច្នៃ​ច្រើន​ដំណាក់កាល ព្រោះ​គុណប្រ យោជន៍​របស់​អាហារ នឹង​ថយចុះ ឬ​មាន​ការបន្ថែម​សារធាតុ​ការពារ ខូច​អាហារ​ចូលទៅ​។ បើ​ផ្តោតលើ​ការ​ទទួលទាន​បន្លែ និង​ផ្លែឈើ​ច្រើន វា​នឹង​អាច​ជួយ​កាត់បន្ថយ​ការ​ប្រឈម នឹង​ការ​កើត​ជំងឺមហារីក​។ ការ​ទទួលទាន​អាហារ​ដែល​មាន​ប្រយោជន៍ អាច​ពន្យារ​អាយុ​បាន ១០​ឆ្នាំ​។​


​​២-​ការ​ហាត់ប្រាណ​: មនុស្ស​មាន​សុខភាព​ជា​រួម ពេញ​លក្ខណៈ​នៅ​អាយុ ២៥-៣០​ឆ្នាំ បន្ទាប់ពីនោះ សភាព​រាងកាយ នឹង​ចាប់ផ្តើម​ខ្សោយ អត្រា​ដុតបំផ្លាញ​ថាមពល ក៏​ថយចុះ​។ ការ​ហាត់ប្រាណ​បែប​អ៊ែ​រ៉ូ​ប៊ិក​ជាប្រចាំ យ៉ាងតិច​៣​ដង ក្នុង​មួយ​សប្តាហ៍ ម្តង ៣០​នាទី​ឡើង​ទៅ ជួយ​បង្កើន​អត្រា​ដុតបំផ្លាញ​ថាមពល ជួយ​ឲ្យ​ប្រព័ន្ធ​បេះដូង និង​សរសៃ ឈាម​ធ្វើការ​បាន​ល្អ ធ្វើឲ្យ​ឈាមទៅ​ចិញ្ចឹម​គ្រប់​អវយវៈ​កាន់តែ​ច្រើនឡើង ជួយ​រក្សា​សភាព​របស់​សរសៃពួរ​សន្លាក់ សាច់ដុំ ធ្វើឲ្យ​រាងកាយ​ចុះខ្សោយស​ភាព​កាន់តែយឺ​ត ប្រព័ន្ធ​ការពារ​រាងកាយ​កាន់តែ​រឹងមាំ និង​ឈឺ​ថ្កាត់​តិចតួច ដោយ​ការ​ហាត់ប្រាណ​ជាប្រចាំ ជួយ​ពន្យារ​អាយុ​បាន ២​ឆ្នាំ​។​


​​៣-​ការ​សម្រាក​: ការ​គេង​លក់ ជាការ​សម្រាក​ល្អ​បំផុត​។ មនុស្ស​ម្នាក់ៗ អាច​ប្រើ​ពេល​ក្នុងការ​គេង​មិន​ស្មើគ្នា ប៉ុន្តែ​អាច​កំណត់ថា ភ្ញាក់​ពី​គេង ហើយ​មាន​អារម្មណ៍​ស្រស់ថ្លា មិន​អស់កម្លាំង​ល្ហិតល្ហៃ គឺជា​ការ​គ្រប់គ្រាន់​ហើយ​។​


៤-​ទទួល​ពន្លឺ​ថ្ងៃ​: ស្ត្រី​ភាគច្រើន តែង​គេច​កម្តៅថ្ងៃ​ធ្វើឲ្យ​អ្នក​រំលង​ឱកាស​ដែល​អាច​បាន​ទទួល​ប្រយោជន៍​ចំពោះ​ការ​មានជីវិត​យឺនយូរ គឺ​វីតាមីន D ជា​វិធី​ដែល​ជួយ​ការពារ​ការកើត​ជំងឺមហារីក សម្ពាធ​ឈាម​ខ្ពស់ និង​ពុក​ឆ្អឹង​បាន​។ កង្វះ​វីតាមីន D អាច​ធ្វើឲ្យ​សាច់ដុំ​ខ្សោយ​កម្លាំង និង​មាន​ការ​ប្រឈម​នឹង​ការ​ដួល និង​បាក់ឆ្អឹង​បាន​។ ជាពិសេស មនុស្ស​ចាស់ ដោយ​ការ​បាន​ទទួល​កម្តៅថ្ងៃ ពេលព្រឹក និង​ពេល​ល្ងាច ដែល​មិន​ក្តៅ​ខ្លាំង អាចជួយ​ពន្យារ​អាយុ​បាន​២​ឆ្នាំ​។​


​៥-​ចាក់​វ៉ាក់សាំង​ការពារ​ជំងឺ​: អាចជួយ​ពន្យារ​អាយុ​បាន​២​ឆ្នាំ​។ ការចាក់​វ៉ាក់សាំង មិនមែន​មិន​ចាំបាច់​តែ​ចំពោះ​ក្មេង​ឡើយ មនុស្ស​ធំ ក៏​គួរ​បាន​ទទួល​ការចាក់​វ៉ាក់សាំង ការពារ​ជំងឺ​ដូចគ្នា​ដែរ មិន​ថា​ជា​វ៉ាក់សាំង​តេតាណូស ឬ​វ៉ាក់សាំង​ជំងឺ​ផ្តាសាយ ដែល​ក្លាយជា​រឿង​កាន់តែ​ធំ អាច​បំប្លែង​ពូជ​ជារឿយៗ​។ សាកល្បង​ប្រឹក្សា​ជាមួយ​គ្រូពេទ្យ ដើម្បី​មើល​ថា គួរ​ចាក់​វ៉ាក់សាំង​ការពារ​ជំងឺ​អ្វី​ខ្លះ​?


​​៦-​ឧស្សាហ៍​ពិនិត្យ​រាងកាយ​: អាចជួយ​ពន្យារ​អាយុ​បាន​ថែម ៤​ឆ្នាំ​។ មនុស្ស​ភាគច្រើន មើលឃើញ​ភាព​សំខាន់​របស់​រាងកាយ នៅពេល​យើង​ឈឺ​ថ្កាត់ មិន​ស្រួលខ្លួន ដែល​ដល់​ពេល​នោះ ក៏​អាច​ហួស​ទៅ​ហើយ​។ ដូច្នេះ គួរ​ព្យាយាម​ត្រួតពិនិត្យ​រាងកាយ​នៅពេល​សុខភាព​នៅ​ល្អ ដើម្បី​រក​សញ្ញា​ដាស់តឿន​ពីដំបូងៗ​៕​

ចិញ្ចឹមឆ្កែជួយបន្ថយហានិភ័យកើតជំងឺបេះដូង

​ការចិញ្ចឹម​សត្វ​ជាទី​ស្រឡាញ់​១ ពិសេស​គឺ​ចិញ្ចឹម​ឆ្កែ​អាចជួយ​មនុស្ស​បន្ថយ​ហានិភ័យ​ជំងឺ​អំពី​បេះដូង ។​
​ពួក​អ្នកវិទ្យាសាស្ត្រ​បាន​រកឃើញ​ភស្តុតាង​សកម្ម​អំពី​ការពាក់ព័ន្ធ​រវាង​សត្វ​ចិញ្ចឹម និង​ការបន្ថយ​កត្តា​បង្ក​គ្រោះថ្នាក់​ឲ្យ​បេះដូង ។​
​ការស្រាវជ្រាវ​បាន​អនុវត្ត​ចំពោះ​មនុស្សពេញវ័យ​ជាង​៥២០០​នាក់ នៅ​អាមេរិក​បង្ហាញថា អ្នក​ចិញ្ចឹមសត្វ​ជាទី​ស្រឡាញ់​មាន​សកម្មភាព​រាងកាយ​សកម្ម​ជាង​ប្រៀប​នឹង​អ្នក​មិន​ចិញ្ចឹម​ប្រការនេះ​គឺ​ដោយសារ​សកម្មភាព​ដឹក​សត្វ​ដើរ​កម្សាន្ត​ជាប្រចាំ​របស់​អ្នក​ចិញ្ចឹម ។ ការស្រាវជ្រាវ​មុនៗ​ក៏​បញ្ជាក់ថា សត្វ​ចិញ្ចឹម​មាន​ឥទ្ធិពល​ទៅដល់​ម្ចាស់​របស់​វា ។​
​អង្គការ​សរសៃឈាម​បេះដូង​របស់​អាមេរិក (AHA) ឲ្យ​ដឹងថា ៥៤% នៃ​អ្នក​ចិញ្ចឹមសត្វ​ចូលចិត្ត​ហាត់ប្រាណ កីឡា ។ ជាងនេះទៀត​ពួកគេ​នៅ​ឃើញច្បាស់​ថា ការចិញ្ចឹម​សត្វ​អាចជួយ​បន្ថយ​សម្ពាធ​ឈាម បន្ថយ​កម្រិត​កូ​ឡេ​ស្តេ​រ៉ូ​ល និង​អត្រា​ធាត់ ។​
"​ទិន្នន័យ​ទាំងឡាយ​បាន​បញ្ជាក់ថា សត្វ​ចិញ្ចឹម ពិសេស​គឺ​សត្វ​ឆ្កែ​អាចជួយ​បន្ថយ​ហានិភ័យ​ជំងឺ​បេះដូង Glenn Nlevine ជា​សាស្ត្រាចារ្យ​នៅ​សកល​វិទ្យាល័យ​វេជ្ជសាស្ត្រ Baylor មានប្រសាសន៍ ។​
​ប៉ុន្តែ អ្នកវិទ្យាសាស្ត្រ​រូបនេះ​មិន​លើកទឹកចិត្ត​គ្រប់គ្នា​ឲ្យ​ចិញ្ចឹមសត្វ​ដើម្បី​តែ​គោលដៅ​១​គត់ គឺ​បន្ថយ​ហានិភ័យ​អំពី​ជំងឺ​សរសៃឈាម​បេះដូង ។​
​តាម​ការសិក្សា​ស្រាវជ្រាវ​ឆ្នាំ ២០១១-២០១២ នៅ​អាមេរិក មាន​មនុស្ស​៧៨​លាន​នាក់​ចិញ្ចឹម​ឆ្កែ និង​ជាង​៨៦​លាន​នាក់​ចិញ្ចឹម​ឆ្មា ៕​M

ចាក់​ម្ជុល​វិទ្យាសាស្ត្រ ជួយ​កាត់បន្ថយ​ការ​អស់កម្លាំង​ចំពោះ​ស្ត្រី​កើត​មហារីក​ដោះ

តាម​ការស្រាវជ្រាវ​មួយ​របស់​អ្នកឯកទេស​អង់គ្លេស បាន​បង្ហាញ​ឲ្យដឹងថា ការចាក់​ម្ជុល​វិទ្យាសាស្ត្រ អាច​ជួយ​ធ្វើឱ្យ​ថយ​ចុះ​ភាព​អស់កម្លាំង​នៅ​នឹង​ស្ត្រី កើត​មហារីក​ដោះ ក៏ដូចជា​បន្ថយ​ស្ថានភាព​ព្រួយបារម្ភ សោកសៅ និង​លើកកម្ពស់​គុណភាព​ជីវិត​របស់​អ្នកជំងឺ​។​

​    ​ជំងឺមហារីក និង​វិធី​ព្យាបាល​ជំងឺ​នេះ អាច​បង្ក​ការឈឺចាប់​អូសបន្លាយ តានតឹង​សរសៃប្រសាទ និង​ខ្វះ​ឈាម ទាំងអស់​នេះ​សុទ្ធតែ​រួមចំណែក​ធ្វើឱ្យ​អ្នកជំងឺ​អស់កម្លាំង​។ ក្រៅពីនេះ អ្នក​ត្រូវ​ក្អួត ក្រោយ​ការព្យាបាល​ដោយ​ថ្នាំ​គីមី អាច​មិន​ទទួលបាន​ជីវជាតិ​គ្រប់គ្រាន់ ដើម្បី​រក្សា​កម្រិត​ថាមពល​ចាំបាច់​។​

​    ​ក្រុម​អ្នកស្រាវជ្រាវ​ដឹកនាំ​ដោយ​លោក Alexander នៅ​មហាវិទ្យាល័យ Molassiotis បាន​ធ្វើ​ការតាមដាន​ស្ត្រី ២២៧​នាក់ ដែល​មាន​អាការៈអ​ស់​កម្លាំងល្មម និង​ធ្ងន់ធ្ងរ ពាក់ព័ន្ធ​ដល់​ជំងឺមហារីក ត្រូវ​បាន​ចាក់​ម្ជុល​វិទ្យាសាស្ត្រ ៦​ដង ក្នុង​មួយ​សប្តាហ៍ និង​ស្ត្រី​៧៥​នាក់ ផ្សេង​ទៀត​មិន​បាន​ចាក់​។ លទ្ធផល​គឺ ក្រោយ​រយៈពេល​៦​សប្តាហ៍ ភាព​អស់កម្លាំង និយាយ​រួម​បាន​ថយចុះ​ជិត​៤​ពិន្ទុ លើ​កាំ ០-២០ ចំពោះ​ស្ត្រី​បាន​ចាក់​ម្ជុល​វិទ្យាសាស្ត្រ ប្រៀប​នឹង​កម្រិត​ថយ​ចុះ​តែ​មួយ​ពិន្ទុ​ចំពោះ​ក្រុម​មិន​ចាក់​។ កម្រិត​ខ្វាយខ្វល់ និង​សោកសៅ ត្រូវបាន​វាស់​លើ​កាំ​ពិន្ទុ​ពី ០-២១ ក៏​ថយចុះ​បន្ថែម​២​ពិន្ទុ​ទៀត ក្នុង​អំឡុង​ពេល​ក្រោយ​ចាក់​ម្ជុល​វិទ្យាសាស្ត្រ​។ ក្រៅពីនេះ កម្រិត​មាំមួន​ខាង​រាងកាយ និង​ស្មារតី​ក៏​ត្រូវបាន​កែប្រែ​ឱ្យ​ប្រសើរ​ឡើង​៕​

វីតាមីន​ចម្រុះ​ជួយ​ទប់ស្កាត់​ជំងឺមហារីក​ចំពោះមនុស្ស​ចាស់

ការ​ទទួលទាន​វីតាមីន​ចម្រុះ​រាល់ថ្ងៃដែល​ជា​ការបំពេញ​ បន្ថែម​ទូទៅ​បំផុត​សម្រាប់​អ្នក​ទទួល​ទាន​តមនៅ​អាមេ រិក ទើប​នឹង​ត្រូវ​បាន​បញ្ជាក់​ថា អាច​រារាំង​ជំងឺមហារីក ​នៅលើ​បុរស​ចំណាស់​មួយ​ចំនួន​។ នេះ​ជា​លទ្ធផល​ស្រាវជ្រាវ​មួយ​ដែល​បាន​ចុះផ្សាយ​ក្នុង​ទស្សនា​វ​ដ្តី​របស់​គណៈកម្មកា​រសុខ​ភាព​អាមេរិក​។​

​គម្រោង​ស្រាវជ្រាវ​នេះ ចង្អុលបង្ហាញ​ថា វីតាមីន​ចម្រុះ អាច​ទប់ស្កាត់​ការរីកចម្រើន​របស់​ជំងឺមហារីក បាន ៨ ភាគរយ​នៃ​បុរស​ដែល​មាន​អាយុ​ចាប់ពី​៥០​ឆ្នាំ​ឡើង​ទៅ​។​

​បណ្ឌិត J. Micheal Gaziano វេជ្ជបណ្ឌិត​ជំនាញ​ផ្នែក​បេះដូង​នៅ​មន្ទីរពេទ្យ Brigham និង​ជំនាញ​ផ្នែក​ស្ត្រី​នៅ​បូ​ស្តុន ហើយក៏​ជា​អ្នកដឹកនាំ​ការស្រាវជ្រាវ​នេះ បាន ឱ្យដឹងថា «សារ​របស់​យើងខ្ញុំ គឺ​វីតាមីន​ចម្រុះ​អាចជួយ​បញ្ចៀស​បាន​បាតុភូត​ខ្វះ​សារជាតិ ហើយក៏​អាច​ជួយ​បុរស​អាយុ​លើសពី​៥០​ឆ្នាំ ចៀសផុត​ពី​ជំងឺ​មហារីក ទោះបី​ប្រសិទ្ធភាព​មាន​មិន​ច្រើន»។​

​លទ្ធផល​ស្រាវជ្រាវ​នេះ ផ្ទុយស្រឡះ​ពី​ការស្រាវជ្រាវ​មុនៗ​អំពី​វីតាមីន​ដោយឡែកៗ​មួយចំនួន​ដូចជា​វីតាមីន A, E ដែល​ពុំ​ត្រឹម​តែ​គ្មាន​ជួយ​ប្រឆាំង​តប​ជំងឺ​រ៉ាំរ៉ៃ​ប៉ុណ្ណោះ​ទេ តែ​ប្រសិន​ប្រើ​ច្រើន នៅ​អាច​បង្ក​ជា​ជំងឺ​ថែម​ទៀត​។​

​ពាក់កណ្តាល​នៃ​ចំនួន​ប្រជាជន​អាមេរិក លេប​វីតាមីន​ដើម្បី​បំពេញ​សារជាតិ និង​១/៣​ក្នុងចំណោម​នោះ​ប្រើ​វីតាមីន​ចម្រុះ​។​

​​វីតាមីន​ចម្រុះ ពុំ​សូវ​មាន​ប្រសិទ្ធភាព​ជាង​ប្រៀប​នឹង​ការ​ទទួលទាន​តម​សមស្រប ហាត់ប្រាណ និង​មិន​ជក់បារី​។ វិធានការ​ទាំងនេះ​ជួយ​បន្ថយ​គ្រោះថ្នាក់​កើត​មហារីក​ចុះ​ពី ២០-៣០ ភាគរយ​។​ វីតាមីន​ចម្រុះ​អាច​បន្ថយ​បាន១២​ភាគរយនៃ​គ្រោះថ្នាក់​កើត​ជំងឺមហារីក​មួយ ចំនួន លើក​លែង​មហារីក​ក្រពេញប្រូ​ស្តាត​៕

មានរោគសញ្ញាគួរចាប់អារម្មណ៍ចំនួន៥ដែលត្រូវទៅពិនិត្យមហារីកភ្លាម

តាមវេជ្ជបណ្ឌិតHerman Katt loveអតីតអ្នកនាំពាក្យរបស់សមាគមមហារីកអាមេរិកបានធ្វើការណែនាំថាប្រការសំខាន់បំផុត ក្នុងការវិនិច្ឆ័យជំងឺមហារីកគឺត្រូវយកចិត្តទុកដាក់អំពីរោគសញ្ញាខុសប្រក្រតីចំនួន៥ ៖
១.ការហូរឈាមខុសប្រក្រតី
ក្អកចេញឈាមអាចជាសញ្ញារបស់មហារីកសួត ។ ស្នាមឈាមក្រម៉ៅក្នុងលាមកអាចជាសញ្ញាមហារីកពោះវៀន មហារីកមាត់ស្បូន ឬស្រោមស្បូនបង្កការចេញឈាមទ្វារមាស ។ មានឈាមក្នុងទឹកនោមអាចជាសញ្ញារបស់មហារីកប្លោកនោម ឬមហារីកតម្រងនោមជ្រាបចេញពីក្បាលដោះអាចជាសញ្ញាមហារីកដោះ ។
២.ប្រែប្រួលស្បែក
ស្បែក និងភ្នែកពណ៌លឿង ស្បែកក្រហម និងរមាស់ ឬជាំខ្មៅអាចជាសញ្ញារបស់មហារីកស្បែក ឬគីសកំណាច ។
៣.របកដំបៅមិនសះ
មហារីកស្បែកមានការបង្ហាញចេញជាដំបូងដូចជាចេញឈាមនិងស្នាមរបួសពិបាកសះ។ស្នាមដំបៅយូរក្នុងមាត់អាចជាសញ្ញាមហារីកមាត់ ។
៤.ស្រកទម្ងន់ខុសធម្មតា
សឹងតែទាំងអស់នៃអ្នកជំងឺមហារីកសុទ្ធតែត្រូវស្រកទម្ងន់ដោយមិនច្បាស់មូលហេតុ ។ ប្រសិនអ្នកត្រូវស្រកទម្ងន់ 10kg ឬច្រើនជាងក្នុងរយៈពេលខ្លីមួយ វាអាចជាសញ្ញាដំបូងរបស់មហារីកក្រពេញលំពែង ក្រពះ បំពង់ក សួត ។
៥.ឈឺពឺត
អ្នកត្រូវទៅពិនិត្យសុខភាពប្រសិនឈឺក្បាល ឬឈឺខ្នងរ៉ាំរ៉ៃ ៕M

​កាហ្វេ​អាច​បន្ថយ​ហានិភ័យ​ហ៊ឹង​ត្រចៀក​

​របកគំហើញ​ពី​ការស្រាវជ្រាវ​មួយ​លើ​ស្ត្រី​ជិត ៧០.០០០ នាក់ បង្ហាញថា កាហ្វេ​អ៊ី​ន​អាចជួយ​ប្រឆាំង​តប​ស្ថានភាព​ហ៊ឹង​ត្រចៀក ។​
​ពួក​អ្នកស្រាវជ្រាវ​នៅ​កាណាដា បាន​តាមដាន​ទម្លាប់​ទទួលទាន​កាហ្វេ​របស់​ស្ត្រី​ម​ជ្ឈឹ​ម​វ័យ និង​រកឃើញថា អ្នក​ទទួលទាន​កាហ្វេ ៣ ឬ ៤ កែវ ក្នុង ១ ថ្ងៃ បាន​ថយចុះ ១៥% ហានិភ័យ​ហ៊ឹង​ត្រចៀក ហើយ​អ្នក​ទទួលទាន​ច្រើនជាង ៤ កែវ ថយចុះ ២០% ហានិភ័យ​នេះ ។ ប៉ុន្តែ​កាហ្វេ​ត្រូវ​ដែល​បាន​ច្រោះ​អស់​សារជាតិ​កាហ្វេ​អ៊ី​ន​ពុំមាន​ប្រសិទ្ធភាព​នេះ​ទេ ។​

​លទ្ធផល​ស្រាវជ្រាវ​នេះ​ត្រូវបាន​ប្រកាស​លើ​ទស្សនា​វ​ដ្តី American Journal of Medicine បាន​បង្ក​ការឈ្លោះប្រកែក ព្រោះ​គេ​ធ្លាប់​ចាត់ទុកថា ប្រើ​កាហ្វេ​អ៊ី​ន​ច្រើនពេក​អាចធ្វើ​ឲ្យ​ខ្សោយ​សោតវិញ្ញាណ ។​
​មនុស្ស​ជាច្រើន​ត្រូវ​ហ៊ឹង​ត្រចៀក​បណ្តោះអាសន្ន​ក្នុង​រង្វង់​ប៉ុន្មាន​ម៉ោង ហើយ​មាន​មនុស្ស​ប្រមាណ ១/១០០ ស្ថានភាព​នេះ​នឹង​ក្លាយជា​ជំងឺ​រ៉ាំរ៉ៃ ។​
​ពួក​អ្នកស្រាវជ្រាវ​ទទួលស្គាល់​ថា គេ​ពុំទាន់​ដឹង​អំពី​វិធី​កាហ្វេ​អ៊ី​ន​ទប់ស្កាត់​ហ៊ឹង​ត្រចៀក​ទេ តែ​ពួកគេ​ឲ្យ​ដឹងថា វា​អាច​ជះឥទ្ធិពល​តាម​វិធី​ណា​នោះ​ទៅដល់​កោសិកា​រោម​ត្រឡាច​នៅក្នុង​ត្រចៀក ។​
​ពួកគេ​និយាយថា ត្រូវមាន​ការស្រាវជ្រាវ​បន្ថែម​មុនពេល​វេជ្ជបណ្ឌិត​ផ្តល់​ដំបូន្មាន បង្កើន​ការប្រើប្រាស់​កាហ្វេ​អ៊ី​ន និង​បញ្ជាក់ថា ឥទ្ធិពល​នេះ​ក៏​មាននៅ​បុរស​ដែរ ៕M/T/L​

​៧​ប្រការ​ស្តីពី​សុដន់​

ជាទូទៅ នារី​ទាំងឡាយ តែង​យកចិត្តទុកដាក់​ទៅលើ​សុដន់​បស់​ខ្លួន ប៉ុន្តែ​តាម​ការពិត ពួកគេ​មិនបាន​យល់ដឹង​ច្រើន​ចំពោះ​វា​នោះទេ​។ ដូច្នេះ​ការពិត​ទាំង​៧ ប្រការ​ខាងក្រោម​ប្រាកដជា​ធ្វើ​ឲ្យ​បងប្អូន​ស្ត្រី​យើង​មានការ​ភ្ញាក់ផ្អើល​។​
​១-​ដើមទ្រូង​ខាងឆ្វេង​ធំ​ជាង​ខាងស្តាំ​
​​យើង​ពិបាក​ក្នុងការ​ដឹងថា ដើមទ្រូង​ខាងឆ្វេង តែងតែ​ធំ​ជាង​ខាងស្តាំ ជាការ​ពិត​វា​មិន​ស្មើគ្នា​នោះទេ​។ ចំណែក​ចុង​សុដន់​វិញ ក៏មាន​ទំហំ​មិន​ដូចគ្នា​ដែរ ហើយ​វា​ក៏​តម្រង់​ទៅកាន់​ទិសដៅ​ផ្សេងៗ​ខុសគ្នា​។​
​​២-​ស្ត្រី​ទាំងអស់​សុទ្ធ​តែមាន​រោម​នៅ​ចុង​សុដន់​
​ស្ត្រី​ម្នាក់ៗ​មាន​រោម​ពី ២ ទៅ ១៥ សរសៃ នៅលើ​ដើមទ្រូង រោម​ទាំងនេះ​មាន​សភាព​ត្រង់​និង​នៅ​សងខាង​ដើមទ្រូង​។ ស្បែក និង​សក់​របស់​អ្នក​កាន់តែ​ខ្មៅ រោម​ទាំងនោះ​ក៏​នឹងមាន​ពណ៌​ខ្មៅ​ទៅតាម​នោះដែរ​។ ចុង​សុដន់​អាច​ហើម ឬ​កើតមុន ដូច្នេះ​ចូរ​ថែរក្សា​វា​ឲ្យ​បាន​ត្រឹមត្រូវ​។​
​៣-​ទម្ងន់​មធ្យម​របស់​ដើមទ្រូង​ពី ០,៥ គីឡូក្រាម​
​ដើមទ្រូង​មាន​ទម្ងន់​ជា​មធ្យម​ប្រមាណ ០,៥ គីឡូក្រាម​។ ចុង​សុដន់​ម្ខាងៗ​ផ្តល់​ជាតិ​ខ្លាញ់​ប្រមាណ ៤ ទៅ ៥ ភាគរយ សម្រាប់​រាងកាយ គឺ​ប្រហាក់ប្រហែល​នឹង ១ ភាគរយ​នៃ​ទម្ងន់​សរុប របស់​ស្ត្រី​។ ដើមទ្រូង នឹងត្រូវ​ធំ​ឡើង នៅពេល​ស្ត្រី​មាន​វ័យ​ចំណាស់​។ ប៉ុន្តែ​យើង​ក៏ត្រូវ​ចាំ​ថា ស្ត្រី​ដែលមាន​ទម្លាប់​ជក់បារី សុដន់​របស់​ពួកគេ​តែង​យារ​ធ្លា​ក់ជាង បើ​ធៀប​នឹង​អ្នក​មិន​ជក់បារី​។​
​​៤-​ស្ត្រី​ជាង ២​លាន​នាក់​មាន​សុដន់​ក្លែងក្លាយ
​​យោងទៅតាម​ទិន្ន័យ​នៃ​ការស្រាវជ្រាវ​នៅក្នុង​ពិភពលោក មាន​ស្ត្រី​ជាង ២​លាន​នាក់ កំពុង​ប្រើប្រាស់​សុដន់​ក្លែងក្លាយ​។ ចំនួន​នេះ​បានបង្ហាញ​ពី​ការយល់ឃើញ​របស់​ស្ត្រី​ចំពោះ​ដើមទ្រូង​របស់​ពួកគេ​។ អាយុ​មធ្យម​នៃ​ស្ត្រី​ដែល​បានទទួល​ការវះកាត់​កែ​សុដន់​ពី ៣៤ ឆ្នាំ​។​
​​៥-​ដើមទ្រូង​ធំ​ឡើង​នៅពេល​ត្រូវធ្វើ​ឲ្យ​ស្រើបស្រាល​
​​ដូច​ទៅនឹង​ប្រដាប់ភេទ​របស់​បុរស​ដែរ សុដន់​ក៏​នឹង​ធំ​ឡើង នៅពេល​វា​ត្រូវបាន​គេ​ស្ទាបអង្អែល ចំណែក​ចុង​សុដន់ ក៏មាន​សភាព​ដូច្នោះ​ដែរ​។​
​​៦-​សុដន់​រីក​ធំ​ដោយសារ​ការ​រលាក់​
​​ការធ្វើសកម្មភាព​ដោយ​ថ្មើរជើង រត់ ឬ​ហាត់ប្រាណ​ជាដើម អាចធ្វើ​ឲ្យ​សុដន់​ត្រូវ​រលាក់ និង​រីក​ធំ​។ ចូរ​ពាក់អាវ​ទ្រនាប់​ឲ្យ​បាន​ត្រឹមត្រូវ ដើម្បី​កាត់បន្ថយ​ការ​រលាក់​ដែល​អាច​បណ្តាល​ឲ្យ​ឈឺ​សុដន់​។ ចូរ​ចងចាំ​ថា មុខងារ​សំខាន់​របស់​អាវទ្រនាប់ គឺ​ការពារ​សុខភាព​របស់​ដើមទ្រូង​។​
​​៧-​សុដន់​អាច​បាត់បង់​ទម្រង់
​​ការ​ដេក​ផ្កាប់​ខ្លាំង ជួនកាល​អាច​បណ្តាល​ឲ្យ​សុដន់ ត្រូវ​បាត់បង់​សភាព​ដើម ឬ​បាត់បង់​ទម្រង់​របស់​វា​។ ចូរ​យកចិត្តទុកដាក់​ចំពោះ​កាយវិការ​ដេក ដើម្បី​ធានា​ឲ្យ​បាន​នូវ​ទម្រង់ និង​ភាពស្រស់ស្អាត​របស់​សុដន់​។ កាយវិការ​ដេក​ដែល​ល្អ​សម្រាប់​សុដន់​នោះ គឺ​ការ​ដេក​ផ្អៀង​ទៅ​ម្ខាង​ដោយមាន​ខ្នើយ​ទន់​ទ្រ​ពីក្រោម​៕​

ប្រការ​គួរឱ្យភ្ញាក់ផ្អើល​អំពី​ទឹកដោះ​ម្តាយ​

​ដូច​យើង​បានដឹងហើយថា សរីរាង្គ​ពពួកសត្វ​មាន​ដោះ​ទាំងអស់  សុទ្ធ​តែមាន​ក្រពេញ​ដាះ​។ សមត្ថកិច្ច​មួយ​ក្នុងចំណោម​សមត្ថកិច្ច​សំខាន់ៗ​របស់​ផ្នែក​នេះ គឺ​បង្កើត​ទឹកដោះ​ចិញ្ចឹម​កូន​។ ដោយឡែក នៅ​នឹង​ខ្លួន​មនុស្ស ប្រភព​ទឹកដោះ​ម្តាយ​នៅ​ផ្ទុក​ប្រការ​គួរឱ្យ​ចាប់ចិត្ត​ផ្សេងៗ​ទៀត​ជាច្រើន ដែល​អ្នក​អាច​ពុំទាន់​ដែល​ឮ​។​
​ទាំង​បុរស និង​ស្ត្រី សុទ្ធ​តែមាន​ក្រពេញ​ដោះ​ដូចគ្នា​បេះបិទ រហូតដល់​អាយុ​គ្រប់ការ​។ ពេលនេះ អ័រម៉ូន​នឹង​បំពេញភារកិច្ច​ផ្លាស់ប្តូរ​សណ្ឋាន​រូបរាង​ផ្នែក​ដើមទ្រូង​ចំណុះ​ទៅលើ​ភេទ​។ ចំពោះ​ស្ត្រី ទោះបី​គេ​មាន​សម្រាលកូន និង​ឱ្យ​កូនបៅ ឬ​អត់​នោះ ក៏​ពុំមាន​ឥទ្ធិពល​អ្វី​ទៅដល់​ការរីកចម្រើន​របស់​សុ​ដន់​ដែរ​។ ប៉ុន្តែ​ព័ត៌មាន​មួយចំនួន​ខាងក្រោម​នេះ នឹងធ្វើ​ឱ្យ​អ្នក​ភ្ញាក់ផ្អើល​។​
​ទី​១: វិល​ទៅ​សម័យកាល​ចម្រុងចម្រើន វេជ្ជបណ្ឌិត Bernadino Ramazzini ត្រូវបាន​ចាត់ទុក​ជាម​នុស្ស​ដំបូង​ក្នុង​ប្រវត្តិសាស្ត្រ បានលើកឡើង​នូវ​ពាក្យ​ព្រមាន​ថា អត្រា​កើត​មហារីក​ដោះ​ចំពោះ​ដូនជី (​ពួក​អ្នក​មិនបង្កើត​កូន​) ខ្ពស់ជាង​ច្រើន​ប្រៀប​នឹង​ស្ត្រី​ដទៃ​។ បច្ចុប្បន្ននេះ វិទ្យាសាស្ត្រ​ទំនើប បានបញ្ជាក់​ពី​ភាពជាក់ស្តែង​ថា ប្រសិន​ស្ត្រី​សម្រាលកូន​ដំបូង និង​ឱ្យ​កូនបៅ​មុន​អាយុ​២០​ឆ្នាំ​នោះ គ្រោះថ្នាក់​កើត​មហារីក​ដោះ ថយចុះ​ប្រមាណ​ពាក់កណ្តាល ប្រៀប​នឹង​អ្នក​មិន​បង្កើតកូន ឬ​បង្កើត​ក្រោយ​អាយុ​៣០​ឆ្នាំ​។​
​ទី​២:​តាម​ការស្រាវជ្រាវ​រប​ស់​បណ្ឌិត Jennifer Hahn Holbrook និង សហសេវិក​របស់លោក បាន​បង្ហាញថា មាតា​ដែល​ចិញ្ចឹម​កូន​ពី​ប្រភព​ទឹកដោះ​របស់ខ្លួន មាន​និន្នាការ​ប្រែជា​កាច​ខ្ពស់ជាង​២​ដង ប្រៀប​នឹង ក្រុម​មាតា​ឱ្យ​កូនបៅ​ម្សៅ​ទឹកដោះ ឬ​ពុំដែល​មានគភ៌ ក្រៅពីនេះ​សម្ពាធ​ឈាម​របស់​ពួកគេ​ក៏​កើន​តិចជាង​។ Hahn Holbrook ប៉ាន់​ស្មានថា រឿងនេះ​ផ្តើមចេញពី​បញ្ហា​សភាវគតិ​។ ក្នុង​អតីត កាល បុព្វបុរស​មនុស្សជាតិ តែង​ប្រែជា​ដូចនេះ ដើម្បី​រារាំង​សត្វព្រៃ​ប្លន់​កូន​របស់ខ្លួន ហើយ​ប្រសិន​ត្រូវ​វាយប្រហារ ពួកគេ​នឹង​ការពារ​កូន​ដល់​ដំណាក់កាល​ចុងក្រោយ ។​
​ទី​៣:​ក្នុង​កិច្ចប្រជុំ​លើក​ទី​១៥ របស់​សន្និសីទ​អន្តរជាតិ​ស្រាវជ្រាវ​អំពី​ទឹកដោះ​ម្តាយ និង​បញ្ហា​ឱ្យ​កូនបៅ នៅ​លី​ម៉ា​ថ្មីៗ​នេះ ពួក​អ្នក​ជីវសាស្ត្រ​ម៉ូលេគុល​គីមី​ជីវសាស្ត្រ​និង​តំណពូជ​វិទ្យា  ក៏បាន​ឱ្យដឹង​បន្ថែម​ពី​ប្រការ​ជាច្រើន​ដែល​នឹកស្មាន​មិន​ដល់​។ ដូចជា​យើង​ជានិច្ចកាល​គិតថា ទឹកដោះ​ម្តាយ គ្មាន​មេរោគ​ទាំងស្រុង​។ ប៉ុន្តែ​ជាក់ស្តែង​នោះ មាន​ដល់​ទៅ​៦០០​ប្រភេទ​បាក់តេរី​ផ្សេងៗ​គ្នា អាច​ត្រូវបាន​ចិញ្ចឹម​បណ្តុះ ក្នុងនោះ​ជាមួយនឹង​ដំណើរការ​សកម្មភាព មួយ​ដែល​មជ្ឈដ្ឋាន​វិទ្យាសាស្ត្រ​ពុំទាន់​អាច​ដឹង​ច្បាស់​។​
​អំពី​សារជាតិ​ជីវជាតិ នៅ​ទន្ទឹមនឹង​ក្រុម​មូលដ្ឋាន​ក្នុង​ទឹកដោះ​ម្តាយ រួមមាន​ជាតិ​ខ្លាញ់ ប្រូតេអ៊ីន កាបូ​អ៊ី​ដ្រា​ត វីតាមីន A, C, E, K និង​សារជាតិ​រ៉ែ​ចាំបាច់​ផ្សេងៗ នៅមាន​សមាសធាតុ​អាថ៌កំបាំង ឈ្មោះថា Oligosaccharide​។ Oligosaccharide ជា​កាបូ​អ៊ី​ដ្រា​ត​មួយ​ប្រភេទ ត្រូវបាន​បង្កើត​ពី​បណ្តា​ស៊េរី​ខ្លី ផ្ទុក​ស្ករ​ទោល​មួយចំនួន​ត​ភ្ជាប់​ជាមួយគ្នា​។ បណ្តុំ Oligosaccharide ប្រែប្រួល​តាម​ក្រុម​ឈាម​របស់​ម្តាយ​។ ប្រការ​គួរឱ្យ​ងឿងឆ្ងល់ គឺ​ហេតុអ្វី​សារជាតិ​នេះ បែរជា​ស្ថិតស្ថេរ​ក្នុងពេល​ទារក​ទើប​កើត មិនអាច​រំលាយ​បាន Oligosaccharide នេះ​ជា សំណួរ​ដែល​បច្ចុប្បន្ន​នៅ​ពុំទាន់​មាន​ចម្លើយ​ពិតប្រាកដ​៕


បុរសគ្មានពងស្វាសនឹងអាយុវែងជាង

​តាម​ពួក​អ្នកវិទ្យាសាស្ត្រ​កូរ៉េខាងត្បូង បុរស​ត្រូវ​កាត់​ពងស្វាស​នឹង​អាយុ​វែង​ជាង​មនុស្ស​ធម្មតា ។​
​តាំងពី​ច្រើន​ឆ្នាំមុន ការពិសោធន៍​កាត់ចោល​ពងស្វាស ពោលគឺ​កម្ចាត់​ចោល​ប្រភព​ផលិត​អ័រម៉ូន ពូជ​ឈ្មោល​របស់​ពពួកសត្វ​មាន​ដោះ​មួយចំនួន (​ឆ្កែ ស្វា គោ​) របស់​ពួក​អ្នកវិទ្យាសាស្ត្រ​លោកខាងលិច សុទ្ធតែ​ផ្តល់​លទ្ធផល​អូសបន្លាយ​បាន​អាយុ​របស់​វា ។ ប៉ុន្តែ​រហូតមកដល់​មុននេះ មិនយូរប៉ុន្មាន វិទ្យាសាស្ត្រ​នៅតែ​ពុំទាន់​មាន​គ្រប់​ភស្តុតាង​បញ្ជាក់​ពី​ភាពដូចគ្នា​នេះ​នៅ​មនុស្ស ។​
​អាយុ​របស់​ពួក​អា​មាត្រ​រជ្ជកាល Choson (​កូរ៉េខាងត្បូង​) ខ្ពស់ជាង​ច្រើន​ប្រៀប​នឹង​មនុស្ស​ដទៃ ត្រូវបាន​ចាត់ទុកថា ដោយសារ ឥទ្ធិពល​របស់​ការ "​ក្រៀវ​"
​ពួក​អ្នកវិទ្យាសាស្ត្រ​កូរ៉េខាងត្បូង​បាន​ស្រាវជ្រាវ​មហាតលិក​ជាច្រើន​ជំនាន់ ក្នុង​រជ្ជកាល Choson(1392-1910) នៅ​ប្រទេស​នេះ ។ ពួកគេ​ជា​បុរស​បាន​ត្រូវ​ក្រៀវ​ភ្លាម​ពេល​ចាប់ផ្តើម​ជីវិត​អ្នកបម្រើ​នៅក្នុង​រាជវាំង ។ ជីវិត​របស់​ពួកគេ​អូសបន្លាយ​ប្រហាក់ប្រហែល​៧០​ឆ្នាំ ពោលគឺ​ខ្ពស់​ជា​១៤-១៩​ឆ្នាំ ប្រៀប​នឹង​អាយុ​មធ្យម​(​ពី​៥១-៥៥​ឆ្នាំ )​របស់​មនុស្ស​ធម្មតា (​មិនត្រូវ​ក្រៀវ​) ។ ជាងនេះទៀត ក្នុងចំណោម​មហាតលិក ៨១​នាក់ មាន​៣​នាក់ អាយុ​ដល់​១០០​ឆ្នាំ និង​ខ្ពស់ជាង ។​
​ប្រៀប​នឹង​បច្ចុប្បន្ន ជា​មធ្យម​ក្នុងចំណោម​ជនជាតិ​ជប៉ុន ៣,៥​ពាន់​នាក់ និង​ជនជាតិ​អាមេរិក ៤,៤​ពាន់​នាក់ នោះ​ទើប​មាន​ម្នា​ក់មាន​អាយុ​១០០​ឆ្នាំ ដូច្នេះ​អត្រា​អាយុ​វែង​របស់​មហាតលិក កូរ៉េខាងត្បូង​សតវត្សរ៍ ១៤-១៩ ខ្ពស់ជាង​១៣០​ដង ។​
​ពួក​អ្នកស្រាវជ្រាវ​សង្កត់ធ្ងន់ថា មិនអាច​បកស្រាយ​បាតុភូត​ខាងលើ​តែ​១​គត់ ដោយសារ​លក្ខខណ្ឌ​រស់​នៅ​ល្អ​ជាង​ធម្មតា នៅក្នុង​រាជវាំង ព្រោះ​ក្រៅពី​មហាតលិក​មួយចំនួន​ដែល​សំណាង​បាន​បម្រើ​ក្នុង​រាជវាំង នោះ​ភាគច្រើន​រស់នៅ​ក្រៅ​វាំ​ស្តេច និង​មាន​វត្ត​មាននៅ​ទីនោះ តែ​ក្នុងពេល​អនុវត្ត​កាតព្វកិច្ច​រាជវាំង ។ ក្រៅពីនេះ អាយុ​មធ្យម​របស់​អធិរាជ និង​សមាជិក​រាជ​ង្ស​ប្រុស គឺ​ត្រឹមតែ​៤៥​ឆ្នាំ ។​
Testosteron ធ្វើ​ឲ្យ​ចុះខ្សោយ​ប្រព័ន្ធ​អង្គ​បដិបក្ខ​
​តាម​ពួក​អ្នកស្រាវជ្រាវ គំហើញ​ខាងលើ​បានផ្តល់​ភស្តុតាង​អះអាងថា អ័រម៉ូន​ភេទបុរស ជា​"​ឃាតករ​" កាត់បន្ថយ​អាយុ​បុរស ។ ពួក​អ្នកវិទ្យាសាស្ត្រ​ឲ្យ​ដឹងថា testosteron ធ្វើ​ឲ្យ​ចុះខ្សោយ​សកម្មភាព​របស់​ប្រព័ន្ធ​អង្គ​បដិបក្ខ ។ ក្រៅពីនេះ អ័រម៉ូន​នេះ​ក៏​ឥទ្ធិពល​ធ្វើ​ឲ្យ​កើន​គ្រោះថ្នាក់​កើត​ជំងឺ​ប្រព័ន្ធ​ចរាចរ​ឈាម និង​សរសៃឈាម​បេះដូង​គំរាមកំហែង​ដល់​អាយុជីវិត ៕M​

​ពេល​មក​រដូវ​ស្ត្រី​មាន​អារម្មណ៍​ឆេវឆាវ​

ពេល​មក​រដូវ ស្ត្រី​តែងមាន​អារម្មណ៍​មិន​ស្រួល ភ័យព្រួយ​ថា នឹង​ប្រតេកប្រតាក​ធ្វើ​ឲ្យ​ពិបាក​ក្នុង​ការធ្វើ​ចលនា​រាងកាយ​។ ពេល ខ្លះទៀត ក៏​មាន​ការ​ឈឺពោះ ឬ​ចុក​រោយ​តាម​ខ្លួន​ផងដែរ ដែល​ធ្វើឲ្យ​ស្ត្រី​ជា​ច្រើន​មាន​អារម្មណ៍​រំខាន​ឆេវឆាវ​។ រីឯ​មូលហេតុ​មួយទៀត គឺ​អំឡុងពេល​មាន​រដូវ រាងកាយ​នឹង​មាន​ការប្រែប្រួល​ដូចជា តូចចិត្ត សង្ស័យ​ច្រើន ឬ​ក្រៀមក្រំ​។

 

 

​នៅ​ពេល​ដឹង​ខ្លួន​ថា ក្នុងអំឡុង​មក​រដូវ​មាន​អារម្មណ៍មិនល្អ ក្នុង​អំឡុង​ពេល​នេះ មិន​គួរ​គិត​ច្រើន ឬ​សម្រេច​រឿង​សំខាន់ៗ​ឡើយ ព្រោះ​អាច​ធ្វើឲ្យ​ភ្លាំងភ្លាត់​បាន​។ បើ​អ្នក​ឆេវឆាវ​ខ្លាំង គួរ​សម្រាក​ឲ្យបាន​គ្រប់គ្រាន់ ធ្វើ​កិច្ចការ​ណា​ដែល​ខ្លួន​ចូលចិត្ត ដូចជា ស្តាប់ភ្លេង អាន​សៀវភៅ​កម្សាន្ត លេង​ជាមួយ​សត្វ​ចិញ្ចឹម​ឲ្យ​សប្បាយចិត្ត នឹង​អាចជួយ​កាត់បន្ថយ​បញ្ហា​ជាមួយ​អ្នក​នៅ​ជុំវិញ​ខ្លួន​បាន​៕​

​ទទួលទាន​ពោត​ស្ងោរ​ដើម្បី​លាង​ជាតិពុល​

ក្រុម​អ្នក​ពិសោធន៍​ពី​សាកលវិទ្យាល័យ គ័​រណេល របស់​អាមេរិក​បាន​បង្ហាញ​ពី​លទ្ធផល នៃ​ការពិសោធន៍​ថា ពោត​ស្ងោរ​អាច​លាង​ជាតិពុល នៅក្នុង​រាងកាយ​បាន​ច្រើន​បំផុត ។​

ក្រុម​អ្នក​ពិសោធន៍​បាន​នាំយក​ពោត​ផ្អែម​ចំនួន ៣ ផ្លែ ដាក់​ស្ងោរ​ក្នុង​សីតុណ្ហភាព ១១៥ អង្សា​សេ​តែប៉ុណ្ណោះ ។ គេ​បាន​ជ្រើសរើស​រយៈពេល​ស្ងោរ​ខុសៗ​ពីគ្នា គឺ ១០-២៥ និង ៥០ នាទី ទៅ​តាម​លំដាប់ ។ លទ្ធផល​ដែល​គេ​ទទួល គឺ​សារជាតិ​ដែល​អាច​លាងជម្រះ​ជាតិពុល​បាន​កើនឡើង​ពី ២២,៤៤ និង ៥៣ ភាគរយ ។ ពោត​ផ្អែម​ដែល​គេ​ស្ងោរ ឬ​អាំង នៅពេល​វា​ក្ដៅ​កាន់តែខ្លាំង វា​នឹង​បញ្ចេញ​សារជាតិ​ម្យ៉ាង ដែល​គេ​ឲ្យឈ្មោះ​ថា អាស៊ីត​ហ្វេ​រុ​លិក ដែល​សារជាតិ​នេះ​មាន​ប្រយោជន៍​សម្រាប់​រាងកាយ ៕f

​អាហារ​ត្រូវ​តម​នៅពេល​រសៀល​

មនុស្ស​មួយចំនួន​ក្រៅពី​ត្រូវ​តស៊ូ​ជាមួយ​ការងារ​នៅពេល​រសៀល ត្រូវ​នៅ​យកឈ្នះ​នូវ​ភាព​ងងុយដេក បន្ទាប់ពី​បរិភោគ​អាហារ​ពេល​ថ្ងៃត្រង់​រួច​។ ប៉ុន្តែ​បើសិន​មិន​ចង់​ឲ្យ​កើត​ភាព​ងោកងុយ​នៅពេល​រសៀល គួរ​តម​អាហារ​ដូចខាងក្រោម​í
​នំប៉័ង : ក្នុង​នំប៉័ង​មាន​ជាតិ​កាបូ​អ៊ី​ដ្រា​ត តែង​អាច​ជ្រាបចូល​លំពែង​បាន​ភ្លាម ហើយ​បន្ទាប់មក​លំពែង​នឹង​បញ្ចេញ “​អាំង​ស៊ុយ​លីន​” ធ្វើ​ឲ្យ​ឈាមមាន​សារជាតិ​ស្ករ​កើនឡើង ហើយ​ពេលនោះ នឹង​បង្ក​ឲ្យ​ខួរ​ក្បាលមាន​អារម្មណ៍​ងោកងុយ ហើយ​ចង់​ដេក​តែម្តង​។​
​​ចេក : ចេក​ជា​អាហារ​បំបាត់​ភាព​តានតឹង​ក្នុង​អារម្មណ៍ ព្រោះថា​សម្បូរ​ទៅដោយ​សារជាតិ​ម្យ៉ាង​ង​ឈ្មោះ “​អ័រម៉ូន សេ​រ៉ូ​ធី​ន​” ដែល​ជួយ​ធ្វើ​ឲ្យ​រាងកាយ​បញ្ចេញ​សារជាតិ​ម្យ៉ាង​ផ្តល់​ភាព​សុខ​ស្រួល បន្ទាប់មក​ធ្វើ​ឲ្យ​កើតការ​ងោកងុយ​តែម្តង​។​
​​សូកូឡា : ក្រៅពី​មាន​រសជាតិ​ឆ្ងាញ់​ហើយ ស្ករ​សូកូឡា នៅមាន​សារជាតិ “​ហ្វ៊ី​នី​ល​” ច្រើនតែ​ជា​អាស៊ីដ អា​មី​ណូ ជួយ​ឲ្យ​រាងកាយ​ធូរស្បើយ​ពី​អារម្មណ៍​តានតឹង​ហើយ​ចង់​សម្រាក ជាហេតុ​ធ្វើ​ឲ្យ​ងងុយដេក​ភ្លាម​។ ដូចនេះ​សម្រាប់​អ្នក​ដែល​មិនត្រូវ​ការ​ដេក​ពេល​ថ្ងៃ មិនគួរ​បរិភោគ​សូកូឡា​ឡើយ​។​
​​ផលិតផល​ទឹកដោះគោ​ជូរ : មិន​ថា​ទឹកដោះគោ​ជូរ ឬ តែ​ដាក់​ទឹកដោះគោ​ទេ តែង​ធ្វើ​ឲ្យ​ងងុយដេក​ដូចគ្នា ព្រោះថា ប្រូតេអ៊ីន​ក្នុង​ទឹកដោះគោ ទាំងនេះ​នឹង​បញ្ចេញ​អាស៊ីដ អា​មី​ណូ ហើយ​នៅពេល​រាងកាយ​មាន​អាស៊ីដ នេះ​ច្រើន​បង្ក​ឲ្យ​ងោកងុយ​រកតែ​បំពេញការងារ​មិនកើត​៕​

 

ស្ត្រី​មានគភ៌ មិនត្រូវ​ទទួលទាន​ល្ហុង​ខ្ចី​

​ល្ហុង​ជា​ប្រភេទ​ផ្លែឈើ​ដ៏​ល្អ​សម្រាប់​សុខភាព​ប៉ុន្តែ​ពុំមាន​ប្រយោជន៍​សម្រាប់​ស្ត្រី​ដែល​ចង់​មានកូន​។ ពិសេស​ស្ត្រី​កំពុង​មានគភ៌ ត្រូវ​ទទួលទាន​តែ​ល្ហុង​ទុំ​។​
​បើតាម​ការស្រាវជ្រាវ​មួយ​របស់​មហាវិទ្យាល័យ​ស៊ូ​សិច​របស់​អង់គ្លេស​(Sussex)  បានបញ្ជាក់​ពី​ឥទ្ធិពល​គ្មាន​ប្រយោជន៍​របស់​ល្ហុង ចំពោះ​ស្ត្រី​ដែល​កំពុង​ចង់​មានកូន​។ អាហារ​នេះ​មាន​ឥទ្ធិពល​រារាំង​អ័រម៉ូន Progesterrone ធ្វើឱ្យ​រាំងស្ទះ​ដំណើរ​ការបង្ក​កំណើត​។ អាស្រ័យហេតុនេះ ការទទួល​ទាន​ផ្លែ​ល្ហុង​ជាប្រចាំ ធ្វើឱ្យ​ស្ត្រី​ពិបាក​មានគភ៌​។ ក្រៅពីនេះ សារជាតិ  papain ក្នុង​ល្ហុង​ខ្ចី បំផ្លាញ​ស្រោម​កោសិកា​អំប្រ៊ីយ៉ុង អាច​នាំ​ដល់​ការ​រលូត​គភ៌​។ ដូច្នេះ​ស្ត្រី​មានគភ៌ គួរ​ចៀសវាង​ទទួលទាន​ល្ហុង​ខ្ចី ។​
​លើកលែង​ស្ត្រី​ដែល​កំពុង​ចង់បាន​កូន ល្ហុង​ផ្តល់​សារប្រយោជន៍​ដ៏​ច្រើន​ចំពោះ​សុខភាព ដូចជា​អាច​បង្ការ​ជំងឺមហារីក ប្រឆាំង​អុកស៊ីតកម្ម និង​ជំងឺ​សរសៃឈាម​បេះដូង​។ ក្រៅពីនេះ ទឹក​ល្ហុង​នៅ​អាច​ព្យាបាល​ជំងឺ​ច្របូកច្របល់​រំលាយ​អាហារ ដូចជា រាគរូស រលាក​ពោះវៀន​។​
​វេជ្ជសាស្ត្រ​បុរាណ នៅ​ប្រទេស​មួយចំនួន​លើ​ពិភពលោក បាន​វាយតម្លៃ​ខ្ពស់​ពី​ប្រសិទ្ធភាព​របស់​ផ្លែ​ល្ហុង ការរួមចំណែក​ព្យាបាល​ជំងឺ​ទឹកនោមផ្អែម ហឺត ៕​    ​    ​    ​    ​   
​    ​

​ˆ​មនុស្ស​អាយុ​វែង​ជាង​មុន តែ​មិន​មាំមួន​ដូច​មុន

តាម​របាយការណ៍​វាយតម្លៃ​សុខភាព​សកលលោក ហើយ​បាន​ត្រូវ​ចុះ​ផ្សាយ​ក្នុង​ទស្សនា​វ​ដ្តី​វេជ្ជសាស្ត្រ The Lancet បានឲ្យដឹងថា មនុស្ស​បច្ចុប្បន្ន មាន​អាយុ​វែង​ជាង បើ​ប្រៀបធៀប​នឹង​បណ្តា​ឆ្នាំ​១៩៧០ ជា​មធ្យម គឺ​១០​ឆ្នាំ ក៏ប៉ុន្តែ​បញ្ហា​សុខភាព និយាយ​រួម​ថមថយ​ខ្លាំង ព្រោះ​ត្រូវ​តស៊ូ​ជាមួយ​ជំងឺមហារីក​ថ្មីៗ​ជាច្រើន​។​

​តាម​លទ្ធផល​ស្រាវជ្រាវ​ពី ១៨៧ ប្រទេស បានបង្ហាញ​ថា បើ​ប្រៀបធៀប​នឹង​ឆ្នាំ​១៩៧០ ដល់​ឆ្នាំ​២០១០ អាយុ​មធ្យម​រប​ស់បុរ​ស បាន​កើនឡើង​១១,១​ឆ្នាំ ក្នុង​ពេល​ស្ត្រី​ខ្ពស់ជាង គឺ​១២,១​ឆ្នាំ​។​

​ថ្វី​ត្បិត​មនុស្ស​កំពុង​មាន​អាយុ​វែង​ជាង តែ​បរិមាណ​អ្នក​កើត​ជំងឺ​រ៉ាំរ៉ៃ ដូចជា​មហារីក​សរសៃ​ឈាម​បេះដូង ... បែរ​ជា​ច្រើន​ជាង​ពេល​ណាៗ​ទាំងអស់​។ តាម​ស្ថិតិ មាន​ប្រមាណ​២៩១​ជំងឺ គ្រោះថ្នាក់​បំផុត​បាន​ឥទ្ធិពល​ដល់​មនុស្ស​។​

​អ្នកស្រាវជ្រាវ  Josh Salomon  នៅ​សាលា​សុខាភិបាល​សាធារណៈ ហា​វ៉ាដ ក៏​បាន​ឱ្យដឹងថា ក្នុង​រយៈពេល​ជាង ២០​ឆ្នាំ​កន្លង​ទៅ លើ​សកលលោក ជា មធ្យម​អាយុ​របស់​មនុស្ស បាន​កើន​ថែម​៥​ឆ្នាំ តែ​មាន​តែ​ប្រមាណ​៤៥​ឆ្នាំ ដែល​មាន​សុខភាព​ល្អ​។​

​របាយការណ៍​បង្ហាញ្ញ​ថា នៅ​ទ្វីបអាហ្វ្រិក អំ​រែក​ជំងឺ​កាន់តែ​ធ្ងន់ធ្ងរ ដូចជា​ខ្វះ​ជីវជាតិ ជំងឺឆ្លង និង​ការវិវត្តន៍​ប្រែប្រួល​ការបង្ក​កំណើត ឥទ្ធិពល​ទូទៅ​ដល់​មជ្ឈដ្ឋាន​ក្មេងៗ​។ ចំណែក​ជំងឺ​ដូចជា​មហារីក​សរសៃឈាម​បេះដូង និង​ទឹកនោមផ្អែម ច្រើន​តែ​អូសបន្លាយ​ក្នុង​រយៈពេល​ច្រើន​ឆ្នាំ​។ តាម​ស្ថិតិ ចំនួន​អ្នក​ស្លាប់​ដោយសារ​ជំងឺ​មហារីក និង​សរសៃឈាម​បេះដូង ដណ្តើម​ជិត ២/៣​នៃ​ករណី​បាត់បង់​ជីវិត ក្នុង​ឆ្នាំ​២០១០​។​

​ក្រៅពីនេះ ការស្រាវជ្រាវ បានលើកឡើង​ពី​បរិមាណ​អ្នក​កើត​ជំងឺ​រ៉ាំរ៉ៃ​ផ្សេងៗ ដូចជា​សរសៃប្រសាទ​មិន​ប្រក្រតី ប្រើ​ថ្នាំ​ហួស​កម្រិត ជំងឺ​ពាក់ព័ន្ធ​ដល់​សាច់ដុំ និង​ឆ្អឹង កើន​យ៉ាងខ្លាំង រួមជាមួយ​ការវាយប្រហារ​របស់​ជំងឺ​ផ្សេងៗ រាប់រយ​ទៀត​ចំពោះ​សុខភាព​របស់​មនុស្ស​៕​

បូថក់ស៍ អាចព្យាបាលជំងឺប្រអប់ជើង

​យោងតាម​ការសិក្សា​ថ្មី​មួយ​របស់​ក្រុម​អ្នកវិទ្យាសាស្ត្រ​នៃ​ប្រទេស​មិច​ស៊ិ​ក បាន​រកឃើញថា ការចាក់ បូថ​ក់ស៍ ជួយ​ព្យាបាល​ជំងឺ​រលាក​កែងជើង (Plantar Fasciitis) បាន​ប្រសើរ​ជាង​ការព្យាបាល​ដែល​ប្រើ​ថ្នាំ​ស្តេ​រ៉ូ​អ៊ី​ដ​។​
​    ​ក្នុងចំណោម​កីឡាករ​រត់ប្រណាំង និង​មនុស្ស​ធាត់​លើស​ទម្ងន់ ជំងឺ​រលាក​កែងជើង កើតឡើង​នៅពេល​ជាលិកា​ភ្ជាប់​កែងជើង (Plantar Fascia) កើតការ​រលាក​។ យោងតាម​ក្រុម​អ្នកវិទ្យាសាស្ត្រ បាន​ឲ្យ​ដឹងថា ការព្យាបាល​ដោយ ស្តេ​រ៉ូ​អ៊ី​ដ អាច​នាំទៅរក​ការ​ធ្លាយ​ភ្នាស​គ្រប់​ជាលិកា​ភ្ជាប់​កែងជើង​បាន​។​
​    ​ហេតុដូច្នេះ ក្រុម​អ្នកស្រាវជ្រាវ មកពី​សាកលវិទ្យាល័យ នូ​អេ​វ៉ូ លី​យ៉ុង (Autonomous University of Nuevo Leon) ប្រទេស​ម៉ិច​ស៊ី​ក បាន​បង្កើត​នូវ​ការពិសោធន៍​ថ្មី​មួយ ដើម្បី​ប្រៀបធៀប​ការព្យាបាល​ដោយ ស្តេ​រ៉ូ​អ៊ី​ដ ជាមួយនឹង​ជម្រើស​ការចាក់​បូថ​ក់ស៍ ដែល​ធ្វើការ​ដោយ​រារាំង​ប្រព័ន្ធ​ប្រសាទ neurotransmittter acetylcholine ដែល​ធ្វើ​ឲ្យ​ខ្សោយ​សាច់ដុំ រយៈពេល​ច្រើន​ខែ​នោះបាន​។ ក្រុម​អ្នកស្រាវជ្រាវ បានជ្រើសរើស​អ្នកជំងឺ ៣៦​នាក់ និង​បែងចែក​ពួកគេ​ជា​ពីរ​ក្រុម ដោយ​មួយក្រុម ព្យាបាល​ជាមួយ​ស្តេ​រ៉ូ​អ៊ី​ដ និង​មួយក្រុម​ទៀត ព្យាបាល​ជាមួយ​បូថ​ក់ស៍ ហើយ​ក្រុម​ទាំងពីរ​បាន​បំពេញ​នូវ​លំ​ហាត់ប្រាណ ពន្យឺត​សាច់ដុំ ដែលជា​ពិធី​ព្យាបាល​មួយបែប​ទៀត​។​
​    ​លទ្ធផល ដែល​ចុះផ្សាយ​ក្នុង​ព្រឹ​ត្ត​ប​ត្រ Foot & Ankle International បាន​បង្ហាញថា ខណៈដែល​ក្រុម​ទាំងពីរ ត្រូវបាន​រកឃើញថា បាន​ធូរស្បើយ ក្រុម​បូថ​ក់ស៍ ត្រូវបាន​រកឃើញថា មានការ​ឈឺចាប់​តិចជាង និង​ត្រូវ​វាយតម្លៃថា ជំងឺ និង​មុខងារ​នៃ​ប្រអប់ជើង មាន​ភាពល្អប្រសើរ​ជាង​៕

Immunovaccine សម្រេចជោគជ័យការពិសោធន៍ជំហានទី១ DPX-0907 ដែលជាវ៉ាក់សាំងព្យាបាលរោគមហារីក

តាម​ការប្រកាស​របស់​ក្រុមហ៊ុន Immunovaccine ឲ្យ​ដឹងថា ការពិសោធន៍​លើ​មនុស្ស​២៣​នាក់ ដោយ​ការចាក់​វ៉ាក់សាំង DPX ក្នុង​កម្រិត ០,២៥ml និង 1ml ក្រោម​ស្បែក​៣​លើក ចន្លោះ​គ្នា​៣​សប្តាហ៍។​
​លទ្ធផល​គឺ​សុវត្ថិភាព និង​ប្រសិទ្ធិភាព​ល្អប្រសើរ​ណាស់ ក្នុងការ​ព្យាបាល​ជំងឺមហារីក​សុដន់ និង​មហារីក​ក្រពេញ​ប្រូ​ស្តា​ត។ ប​ច្ចុ​ប្ប​ក្រុមហ៊ុន​នេះ បានទទួល​អាជ្ញាប័ណ្ណ​ពី FDA។ អាជ្ញាប័ណ្ណ​នេះ​បានទទួល​ស្គាល់​អង់​ទី​ហ្សែ​ន ៧​ក្នុង Immunovaccine DPF-0907 គឺជា​វ៉ាក់សាំង​ព្យាបាល​មហារីក សម្រាប់​អ្នកជំងឺ​មហារីក​សុដន់ មហារីក​ស្បូន និង​មហារីក​ក្រពេញ​ប្រូ​ស្តា​ត។​
​ជំហាន​អភិវឌ្ឍន៍​បន្ត​របស់​វ៉ាក់សាំង​នេះ នឹងត្រូវ​បានធ្វើ​នៅ​ប្រទេស​អ៊ីតាលី បំណង​ពិសោធន៍​ប្រសិទ្ធភាព​របស់​វ៉ាក់សាំង DPF-0907 ទៅលើ​ការព្យាបាល​មហារីក​ផ្សេងទៀត៕​M

អាថ៌កំបាំងអាយុវែងនិងក្មេងជាងវ័យរបស់ជនជាតិជប៉ុន

​ជនជាតិ​ជប៉ុន​អា​វែង​បំផុត​ពិភពលោក ពិសេស​ស្ត្រី​ជប៉ុន​ជានិច្ចកាល​មើលទៅ​ក្មេង​ជាង​វ័យ ។ ខាងក្រោម​នេះ​ជា​អាថ៌កំបាំង​របស់​ពួកគេ ៖
-​ទទួលទាន​អាហារ​ស្រស់​
​នៅក្នុង​ផ្ទះបាយ​របស់​ជ​ន​ជាតិ​ជប៉ុន អ្នក​នឹងមិន​រកឃើញ​ចំណីអាហារ​កែច្នៃ​ស្រាប់ ។ ពួកគេ​តែង​ទិញ​អាហារ​ស្រស់​រាល់ថ្ងៃ ។ ទម្លាប់​ដណ្តាំ​ស្ល​ខ្លួនឯង​របស់​ស្ត្រី​ជប៉ុន​បាន​ជួយ​គេ​យ៉ាងច្រើន​ក្នុង​បញ្ចៀស​ពី​អាហារ​សម្បូរ​ជាតិ​ខ្លាញ់ ។ ពេលបាយ​របស់​ជនជាតិ​ជប៉ុន​សម្បូរ​ទៅដោយ​ត្រី ដូចជា​ត្រី​ធូ​ណា និង​ពពួក​គ្រឿង​សមុទ្រ វា​ផ្ទុក​ប្រូតេអ៊ីន​ច្រើន និង​ពុំមាន​ថាមពល​លើស ។ ត្រី​ពុំ​ត្រឹមតែ​ជួយ​បញ្ចៀស​បាន​ហានិភ័យ​កើត​ជំងឺ​សរសៃឈាម​បេះដូង​ប៉ុណ្ណោះ​ទេ តែ​នៅ​សម្បូរ Omega-3 ល្អ​បំផុត​សម្រាប់​ស្បែក ។​
-​មិន​ទទួលទាន​ស្រា និង​ប្រើ​សារជាតិ​រំញោច​
​តាម​ការស្រាវជ្រាវ​រប​ស់​ពួក​អ្នកវិទ្យាសាស្ត្រ នោះ​ក្នុងចំណោម​ស្ត្រី​ជប៉ុន ១០០.០០០​នាក់ ទើប​មាន​៦​នាក់​កើត​ជំងឺមហារីក​សុដន់ អត្រា​នេះ​ទាប​ជាង​ច្រើន​ប្រៀប​នឹង​បណ្តា​ប្រទេស​ផ្សេងៗ ។ មូលហេតុ​គឺ​ដោយសារ​ពួកគេ​មាន​របៀបរបប​រស់នៅ​ល្អ​ត្រឹមត្រូវ មិន​ទទួលទាន​ស្រា ចៀស​ឆ្ងាយ​ពី​សារជាតិ​រំញោច នឹងធ្វើ​ចលនា​ជាប្រចាំ ។​
-​មិន​ទទួលទាន​តម ទទួលទាន​ល្មម​
​របប​ទទួលទាន​សម​ស្រប ពុំ​សូវ​មាន​កាឡូរី មាន​ជាតិ​ខ្លាញ់​តិច​...​ធ្វើ​ឲ្យ​អ្នក​ពុំ​ចាំបាច់​ទទួលទាន​តម តែ​សរីរាង្គ​នៅតែមាន​សុខភាព​ល្អ ។ ជនជាតិ​ជប៉ុន​ទទួលទាន​ឆ្អែត​ល្មម (​មិន​ទទួលទាន​ឆ្អែត​ពេក ទោះបី​ឆ្ងាញ់​មាត់​) និង​ច្រើន​ទទួលទាន​តែ ៨០% លទ្ធភាព​របស់ខ្លួន ។​
-​រស់នៅ​ស្ងៀមស្ងាត់​
​ពួកគេ​រក្សា​ជីវភាព​របស់ខ្លួន​ក្នុង​ភាព​ស្ងប់ស្ងៀម មិន​ស្ត្រេ​ស សុទិដ្ឋិនិយម រីករាយ អធ្យាស្រ័យ នោះ​ក៏​ជា​វិធី​មួយ​ដើម្បី​ជីវិត​សុខសាន្ត ។​
-​ដើរ​
​ជនជាតិ​ជប៉ុន​មាន​ទម្លាប់​ដើរ ។ រៀងរាល់​ព្រឹក​ស្ត្រី​ជប៉ុន​តែង​ដើរទៅ​ផ្សារ​ទិញ​អាហារ​ស្រស់ៗ​មក​ចម្អិន​ដោយ​ខ្លួនឯង ។ ពួកគេ​មិន​ជួល​មនុស្ស​ជួយ​ធ្វើ​កិច្ចការ​ផ្ទះ​តែ​ធ្វើ​ដោយ​ខ្លួនឯង​ទាំងអស់ ។​
-​ជឿជាក់​ទៅលើ​វិធី​ព្យាបាល​ជំងឺ​ធម្មជាតិ​ដូចជា​ដោយ​ទឹករ៉ែ និង​ស្ទី​ម ។ ជនជាតិ​ជប៉ុន​ប្រើ​អាហារ​ដើម្បី​ធ្វើ​ថ្នាំ​ព្យាបាល​ជំងឺ ។ បណ្តា​ផលិតផល​ថែរក្សា​ស្បែក​របស់​ជប៉ុន​សុទ្ធតែ​ត្រូវបាន​ចម្រាញ់​ពី​ធម្មជាតិ ឬ​សារជាតិ​អ័​រ​ហ្គា​និក ។​
-​មិនបង្កើត​សម្ពាធ​ធំ​ឲ្យ​ខ្លួន​
​មិន​ប្រណាំងប្រជែង គ្មាន​មហិច្ឆតា រស់នៅ​សាមញ្ញ មិនបង្កើត​សម្ពាធ​ធំ​ឲ្យ​ខ្លួន​ជា​វិធី​មួយ​សម្រួល​សរសៃប្រសាទ ធ្វើ​ឲ្យ​សរីរាង្គ​មិន "​ហួស​ចំណុះ​" ។​
​ជាមួយនឹង​អាថ៌កំបាំង​ខាងលើ ជនជាតិ​ជប៉ុន​ជានិច្ចកាល​រក្សាបាន​សុខភាព​ល្អ និង​មាន​អាយុ​វែង​បំផុត​ពិភពលោក ៕​M

ស្ត្រី​ធាត់​ប្រឈម​នឹង​រោគ​ទឹកនោមផ្អែម​ច្រើន​ជាង​ស្ត្រី ដែល​មិន​ហាត់ប្រាណ

ក្រុមគ្រូពេទ្យ​នៅ​ក្នុង​សហរដ្ឋអាមេរិក បាន​បង្ហាញ​ពី​ទិន្នន័យ​ថ្មី​ខាង​ផ្លូវការ​ពេទ្យ ដែល​បាន​សរុប​ទុក​ថា ស្ត្រី​ធាត់​ប្រឈម​ទៅ​នឹង​រោគ​ទឹកនោមផ្អែម​ប្រភេទ​ទី​២ ច្រើន​ជាង​ស្ត្រី​ដែល​មិន​ហាត់ប្រាណ​ដែល​កាលពីមុន​មក​នោះ គេ​នៅ​មិនទាន់​អាច​សរុប​បាន​ថា កត្តា​មួយ​ណា​ដែល​មាន​ផលប៉ះពាល់​ច្រើន​ជាង​គ្នា​នោះ ។​
ក្រុម​អ្នក​ពិសោធន៍​ពី​ក្រុម​សុខាភិបាល​មហាវិទ្យាល័យ ហា​វឺ​ត បាន​តាមដាន​ទិន្នន័យ​ពី​ស្ត្រី ៦៧.៩០៧ នាក់ ដែល​បាន​ចូលរួម​ការ​សិក្សា​ទៅ​ក្នុង​រឿង​សុខភាព​របស់​គិលានុបដ្ឋាយិកា មនុស្ស​គ្រប់រូប​ពុំ​មាន​ប្រវត្តិ​ទឹកនោម​ផ្អែម រោគ​បេះដូង និង​សរសៃឈាម​បេះដូង ឬក៏​អាច​មហារីក​ដើម្បី​ចូលរួម​ការសិក្សា ។ កាល​កន្លង​ទៅ ១៦ ឆ្នាំ​មាន​ក្រុម​អ្នកស្ម័គ្រចិត្ត ៤.០៣០ នាក់​កើត​ទឹកនោមផ្អែម​ប្រភេទ​ទី ២ ។ ក្រុម​អ្នក​ពិសោធន៍​បាន​គូសបញ្ជាក់ថា ក្រោយ​ពី​ការពិចារណា​កត្តា​ផ្សេងៗ​ហើយ​នោះ​គេ​រកឃើញ​ថា អត្រា​នៃ​ការ​កើតរោគ​ទឹកនោមផ្អែម​ប្រភេទ​ទី ២ បាន​កើនឡើង​យ៉ាងច្រើន​ដែល​គេ​អាច​កំណត់​ពី​ទម្ងន់​ជា​គីឡូក្រាម ។ ក្រៅពី​នោះ​ក៏​នៅ​តែ​កើនឡើង​នូវ​ទំហំ​ចង្កេះ​ហើយ​និង​មិន​ហាត់ប្រាណ ។​
នៅ​ពេល​នាំ​យក​មូលដ្ឋាន​ទិន្នន័យ​ពី​ស្ត្រី​ដែល​មាន BMI មិន​លើស​ពី ២៥ និង​ហាត់ប្រាណ​ជាប់​ជា​និច្ចកាល​មក​ធ្វើ​ជា​កំណត់​ក្នុង​ការពិសោធន៍​គេ​បាន​រកឃើញថា ស្ត្រី​ដែល​មាន BMI លើស ៣០ ហើយ​មិន​ហាត់ប្រាណ​អាច​ប្រឈម​នឹង​រោគ​ទឹកនោមផ្អែម​ប្រភេទ​ទី​២ ក្នុង​កំរិត ១៦.៥៧ ចំណុច ។ ប្រសិនបើ​ជា​ស្ត្រី​ធាត់​ដែល​ហាត់ប្រាណ​ហើយ​មាន​ភាព​ប្រឈម ១០.៧៤ ចំណុច​ទន្ទឹមគ្នា​នឹង​ស្ត្រី​ស្គម​តែ​មិន​ហាត់ប្រាណ និង​មាន​ចំណុច​ប្រឈម ២.០៨ ចំណុច ។ ដូច្នេះ​ទោះបីថា ស្ថានភាព​ធាត់​និង​ការ​មិន​ហាត់ប្រាណ​ជា​កត្តា​សំខាន់ ដែល​ធ្វើឲ្យ​កើតរោគ​ទឹកនោម​ផ្អែម​ប្រភេទ​ទី​២ ក្ដី ក៏ប៉ុន្តែ​ភាព​ប្រឈម​គឺជា​កត្តា​ដែល​មាន​ផល​ច្រើនជាង ។ ការការពារ​រោគ​ទឹកនោម​ផ្អែម​ប្រភេទ​ទី​២ គួរតែ​ផ្ដល់​ភាព​សំខាន់​យ៉ាង​ក្រៃលែង ទៅលើ​ការរក្សា​ទំងន់​ខ្លួន​ឲ្យបាន​សមសួន ៕

ច្រៀងរាល់ថ្ងៃនឹងជួយ....បន្ថយស្រមុកពេលគេង

​ពួក​អ្នកវិទ្យាសាស្ត្រ​អង់គ្លេស​បាន​រកឃើញ​វិធី​មួយ​ដើម្បី​ទប់ស្កាត់​ការ​គេង​ស្រមុក​តាម​ពួកគេ ការស្រែក​ច្រៀង​រាល់ថ្ងៃ​នឹង​ជួយ​ទប់ទល់​ជាមួយ​ជំងឺ​នេះ ។​
​ពួក​អ្នកជំនាញការ​អង់គ្លេស​បាន​ដំណើរការ​ស្រាវជ្រាវ​មួយ​ជាមួយនឹង​ការចូលរួម​របស់​អ្នកស្ម័គ្រចិត្ត​ជា​អ្នក​គេង​ស្រមុក ។ អ្នកចូលរួម​ត្រូវបាន​ចែកជា​២​ក្រុម ។ ក្នុង​១​ថ្ងៃ​សមាជិក​របស់​ក្រុមទី​១ ត្រូវ​ហ្វឹកហាត់​សំឡេង​រយៈពេល​២០​នាទី ។ ក្រុមទី​២ នោះ​មិនបាន​ហាត់ ។​
​មូលហេតុ​របស់​បាតុភូត​ស្រមុក​ពេល​គេង​ពាក់ព័ន្ធ​ដល់​ភាព​ខ្សោយ​របស់​សាច់ដុំ​ក្រអូមមាត់ និង​បំពង់​កលើ ។ ច្រៀង​និង​ហាត់​សំឡេង​ដោយឡែក និង​ជួយ​សាច់ដុំ​ទាំងនេះ​រឹងមាំ​ជាង នឹង​កែប្រែ​ប្រសើរ​ស្ថានភាព​នេះ ។​
​បាតុភូត​ស្រមុក​ពេល​គេង​ច្រើនតែ​ពាក់ព័ន្ធ​ដល់​ភាពមិនប្រក្រតី​ចង្វាក់​ដង្ហើម ។ គ្រោះថ្នាក់​ជាង​នេះ ស្ថានភាព​នេះ​អាចធ្វើ​ឲ្យ​កើន​ហានិភ័យ​បាត់បង់​ជីវិត ក្នុងពេល​គេង​ដោយសារ​ខ្សោយ​ដំណក​ដង្ហើម ។​
​ក្រៅពីនេះ ស្រមុក​ពុំ​គ្រាន់តែ​ជា​បញ្ហា​បុគ្គល តែ​នៅ​ឥទ្ធិពល​ដល់​អ្នក​ជុំវិញ ។ គេង​រួម​គ្រែ​ឬ​រួម​បន្ទប់​ជាមួយ​អ្នក​គេង​ស្រមុក​យូរថ្ងៃ​អាច​នាំ​ដល់​ការ​គេង​មិន​គ្រប់ អស់កម្លាំង និង​ស្ត្រេ​ស ៕​M

កាហ្វេ​ពីរ​ពែង​ក្នុង​មួយថ្ងៃ​អាច​កាត់បន្ថយ​ហានិភ័យ​ជំងឺខ្សោយបេះដូង ប៉ុន្តែ​ប្រាំ​ពែង​មិនល្អ​នោះទេ​

កាហ្វេ​ពីរ​ពែង​ក្នុង​មួយថ្ងៃ​ អាចជួយ​រក្សា​ឲ្យ​បេះដូង​មាន​សុខភាព​ល្អ។ ការសិក្សា​មួយ​បាន​ភ្ជាប់​ទំនាក់ទំនង​កាហ្វេ​ជាមួយនឹង​ការថយចុះ​ហានិភ័យ​នៃ​ជំងឺខ្សោយបេះដូង។​

​ជាមួយនឹង​អត្រា​រហូតដល់​ទៅ ៤០ភាគរយ​នៃ​អ្នកស្លាប់​ក្នុង​រយៈពេល​មួយឆ្នាំ​បន្ទាប់ពី​ធ្វើ​រោគវិនិច្ឆ័យ​រួច ជំងឺខ្សោយបេះដូង​មាន​អត្រា​អាច​រស់រានមានជីវិត​តិចជាង​ជំងឺមហារីក​ផ្សេងៗ​ជាច្រើន​ទៀត។​

​ការស្រាវជ្រាវ​ចុងក្រោយ​នេះ​បាន​លើកឡើងថា ការ​ទទួលទាន​កាហ្វេ​ក្នុង​កំរិត​មធ្យម​ជាប្រចាំ​អាច​កាត់បន្ថយ​បញ្ហា​ជំងឺ​បេះដូង​បាន ទោះជា​យ៉ាងណា​ផឹក​ច្រើនពេក​អាចមាន​ផលប៉ះពាល់​អាក្រក់​ទៅវិញ។​

​ដោយ​ធ្វើការ​បូកសរុប​លទ្ធផល​នៃ​ការសិក្សា​មុនៗ​ចំនួន​ប្រាំ​បញ្ចូល​គ្នា​ក្នុងនោះ​មាន​ បុរស​និង​ស្ត្រី ​ជិត ១៥ម៉ឺន​នាក់​បាន​ចូលរួម បាន​បង្ហាញថា អ្នក​ដែល​ផឹក​កាហ្វេ​មួយ​ឬ​ពីរ​ពែង​ក្នុង​មួយថ្ងៃ​បាន​ថយចុះ​ការវិវត្ត​ជំងឺខ្សោយបេះដូង​បាន ១១ភាគរយ​ច្រើនជាង​អ្នក​ដែល​មិនដែល​ផឹក​សោះ។​

​អ្នក​រស់រាន​ពី​ជំងឺ​គាំងបេះដូង​ ទទួលបាន​អត្ថប្រយោជន៍​ច្រើន​ដូច​អ្នក​ដែលមាន​បេះដូង​មាន​សុខ​ភាពល្អ​ដែរ។ ប៉ុន្តែ​ទស្សនា​វ​ដ្តី  Circulation Heart Failure បាន​រាយការណ៍​ថា ផឹក​កាហ្វេ​ប្រាំ ​ឬ​ច្រើន​ពែង​ក្នុង​មួយថ្ងៃ​ ទំនង​ដូចជា​អាក្រក់​ចំពោះ​បេះដូង​ទៅវិញ​ទេ៕

ទម្លាប់ប្រើបច្ចេកវិទ្យាដែលស្រូបយកថាមពលរបស់អ្នក

​ចូរ​ឈ្លាសវៃ ​ពេល​ប្រើប្រាស់​ឧបករណ៍​បច្ចេកវិទ្យា​ទូទៅ​ដូចជា​កុំព្យូទ័រ និង​ទូរស័ព្ទ​ដើម្បី​ការពារ​សុខភាព​របស់​អ្នក ។​
Email Facebook...​ពិភព​មិត្តភក្តិ ​ជាមួយនឹង​ពត៌មាន​កត់ត្រា​រាល់ថ្ងៃ ។ ទាំងអស់នោះ​សុទ្ធតែ​ស្ថិតក្នុង​ដៃ​របស់​យើង​២៤​ម៉ោង​រៀងរាល់ថ្ងៃ ។ ជានិច្ច​កាលបើ​មើល​ពត៌មាន និង​ផ្សារភ្ជាប់​ជាមួយ​ពិភព​ជុំវិញ​ប្រក​ដ​ជា​នាំមក​ឲ្យ​យើង​នូវ​ភាព​សោមនស្ស​រីករាយ​ជាច្រើន ។ ប៉ុន្តែ ទន្ទឹម​នោះ​វា​ក៏​ធ្វើ​ឲ្យ​រីង​ខះ​ប្រភព​ថាមពល​ក្នុង​សរីរាង្គ ។​
-​ត្រួតពិនិត្យ email មុនពេល​ចូល​គេង​
​ពន្លឺ​ពី​កុំព្យូទ័រ iPad ឬ​អេក្រង់​ទូរស័ព្ទ ​នឹងធ្វើ​ឲ្យ​សរីរាង្គ​គិតថា ពេលវេលា​នេះ​នៅ​ជា​ពេល​ថ្ងៃ និង​ទប់ស្កាត់​ការបង្កើត melatonin អ័រម៉ូន​មួយ​ប្រភេទ​ជួយ​ឲ្យ​យើង​សម្រួល​អារម្មណ៍ល្អ ។ ជាក់ស្តែង​ការស្រាវជ្រាវ​បង្ហាញថា បរិមាណ melatonin នឹង​ថយចុះ​ដល់​២២% ប្រសិន​យើង​អង្គុយ​មុខ​អេក្រង់​ក្នុង​រង្វង់​២​ម៉ោង មុនពេល​ចូល​គេង ។​
​អាស្រ័យហេតុនេះ ការដាក់ចេញនូវ​ពេលវេលា​១​គ្មាន email គ្មាន​កុំព្យូទ័រ និង​គ្មាន​ទូរស័ព្ទ ចាប់ពី​ម៉ោង​៨​យប់​ទៅជា​រឿង​សំខាន់ និង​ចាំបាច់​បំផុត ។ ដំបូង​បំផុត ចូរ​ចាប់ផ្តើម​១​សប្តាហ៍​២​យប់ បន្ទាប់មក​សន្សឹមៗ​កើនឡើង​គ្រប់​យប់​ទាំងអស់​ក្នុង​១​សប្តាហ៍ ។ តិច​បំផុត​១​ម៉ោង​មុនពេល​ចូល​គេង ចូរ​បិទ​ឧបករណ៍​អេឡិចត្រូនិក​ទាំងអស់ រួមមាន​ទាំង​ទូរទស្សន៍ និង​កុំព្យូទ័រ និង​ពិនិត្យមើល​ដល់​ការ​ជញ្ជូន​វត្ថុ​ប្រើប្រាស់​ពាក់ព័ន្ធ​ដល់​អេ​ឡិច​ត្រូ​និ​ច​ចេញពី​បន្ទប់​គេង ។ ក្នុងករណី​អ្នក​នៅ​ចង់​រក្សា​ឧបករណ៍​ទាំងនោះ​នៅក្បែរ​ខ្លួន ឬ​នៅទីណា​នោះ​ក្នុង​បន្ទប់​គេង​ចូរ​ដាក់​ឲ្យ​ឡើង​របស់​ឧបករណ៍​ឆ្ពោះទៅ​ទិស​ផ្សេង ព្រោះ​គ្រាន់តែ​បរិមាណ​ពន្លឺ​ដ៏​តូច​មួយ​ក៏​រំញោច​ប្រព័ន្ធ​សរសៃប្រសាទ និង​បំផ្លាញ​ដំណេក​របស់​អ្នក​ដែរ ។ ក្រៅពីនេះ​ចូរ​ដាក់​កុំព្យូទ័រ​នៅ​របប​ដេក (Sleep) និង​បិទ​របប​ប្រកាស​ដំណឹង​របស់​ទូរស័ព្ទ​ឈ្លាសវៃ ។​
-​ចូល​អ៊ិន​ធឺ​ណេ​ត​ពេញ​១​ថ្ងៃ​
​រាល់ពេល​ចូល​គេហទំព័រ​ចូលចិត្ត ឬ​ត្រួតពិនិត្យ email និង facebook សរីរាង្គ​ទទួលទាន dopamine បន្តិច​ធ្វើ​ឲ្យ​យើង​មាន​អារម្មណ៍​ពេញចិត្ត និង​រីករាយ ។ ភាព​រំញោច​មិន​ឈប់ឈរ​នេះ​នឹង​បណ្តាល​ឲ្យ​យើង​អស់កម្លាំង និង​បង្កើតជា​រង្វង់​វិលវល់​មួយ ពេល​មិន​ទទួលបាន​ជាតិ​រំញោច​នោះ យើង​នឹងមាន​អារម្មណ៍​នឿយណាយ និង​ស្រេកឃ្លាន​វា ។ បាតុភូត​នេះ​ដូចជា​ត្រូវ "​ញៀន​" ។​
​អាស្រ័យហេតុនេះ ចូរ​រៀប​កម្មវិធី​ជាក់ស្តែង​សម្រាប់​អ៊ិន​ធឺ​ណេ​ត ឧទាហរណ៍​ក្នុង​មួយ​ម៉ោង​នោះ​ពិនិត្យមើល email ម្តង ឬ​២​ដង  និង​ចាំ​ត្រូវ​បិទ​សញ្ញា​ប្រាប់ email មកដល់​ដើម្បី​បញ្ចៀស​ត្រូវ​រំខាន និង​បាត់​ការប្រមូលផ្តុំ ៕f/M

ប្រើ​អាស្ពីរីន រាល់ថ្ងៃ អាច​បន្ថយ​ហានិភ័យ​មហារីក​អូវែ​

​បើតាម​ការស្រាវជ្រាវ​ថ្មី​មួយ បាន​បង្ហាញថា ការប្រើ​អាស្ពីរីន រាល់ថ្ងៃ អាចជួយ​ស្ត្រី ក្នុងការ​កាត់បន្ថយ ហានិភ័យ​មហារីក​អូវែ បាន​ដល់​ទៅ​២០% ឯណោះ​។​
​ពួក​អ្នកស្រាវជ្រាវ នៅ​វិទ្យាស្ថាន​មហារីក​ជាតិ​អាមេរិក បាន​វិភាគ​ទិន្នន័យ ពី​ការស្រាវជ្រាវ ចំនួន ១២ រួមមាន ស្ត្រី ៨.០០០ នាក់ កើត​មហារីក​អូវែ និង​ជិត ១២.០០០ នាក់ មិនកើត​ជំងឺ​នេះ ដើម្បី​ស្វែងយល់​ការប្រើប្រាស់ អាស្ពីរីន ថ្នាំ​ប្រឆាំង​រលាក​គ្មាន Steroid ផ្សេងៗ (NSAIDS) និង acetaminophen (Iylenol) ថា​តើ​វា​មាន​ឥទ្ធិពល​យ៉ាងដូចម្តេច ទៅដល់​ហានិភ័យ​មហារីក​អូវែ ។​
​ក្រុម​អ្នកស្រាវជ្រាវ បាន​វិភាគ​ទិន្នន័យ លើ​ស្ត្រី ចំនួន​ប្រមាណ ១៨ % ដែល​បាន​ប្រើប្រាស់​អាស្ពីរីន​ជាប្រចាំ និង​ស្ត្រី​ចំនួន ២៤ % ដែល​បាន​ប្រើប្រាស់ NSAID ពុំមែន​អាស្ពីរីន (​រួមមាន​ពពួក​ថ្នាំ ដូចជា ibuprofen និង naproxen/Aleve) និង ១៦% ប្រើប្រាស់ acetaminophen ។ លទ្ធផល​នៃ​ការវិភាគ​នេះ បាន​បង្ហាញថា អ្នក​ប្រើ​អាស្ពីរីន រាល់ថ្ងៃ ថយចុះ​ហានិភ័យ​កើត​មហារីក​អូវែ ដល់​ទៅ ២០% បើ​ប្រៀប​នឹង​អ្នក​ប្រើ​អាស្ពីរីន ពុំបាន​ម្តង ក្នុង ១ សប្តាហ៍ ។ ហានិភ័យ​មហារីក​អូវែ ក៏​ទាប​ជាង ១០% ចំពោះ​ស្ត្រី ដែល​បាន​ប្រើ NSAID ពុំមែន​អាស្ពីរីន​តិច​បំផុត ក្នុង ១ សប្តាហ៍ បើ​ប្រៀប​នឹង​ស្ត្រី​មិនសូវ​ប្រើប្រាស់ ។​
​លទ្ធផល​នៃ​ការស្រាវជ្រាវ​នេះ ត្រូវបាន​គេ​ចុះផ្សាយ លើ​ទស្សនា​វ​ដ្តី Journal of the National cancer Institute នា​ថ្ងៃទី​៦ ខែកុម្ភៈ​នេះ ៕M/V/L​

ព្យាបាល​ជំងឺ​មហារីក​ដោយ​... វីរុស​ហ៊ី​វ​

ពួក​អ្នកវិទ្យាសាស្ត្រ​អាមេរិក បាន​ទទួល​ជោគជ័យ​ក្នុង​ការប្រើប្រាស់​វីរុស​ហ៊ី​វ ដោយ​ធ្វើឱ្យ​ប្រែប្រួល​ដើម្បី​ប្រឆាំង តប​ជំងឺមហារីក​ឈាម​។​

ក្មេងស្រី Emma Brooke Shitechead អាយុ​៦​ឆ្នាំ រស់នៅ Phillipsburg, ផេន​ស៊ីល​វ៉ានៀ អាមេរិក បាន​តស៊ូ ទប់ទល់​នឹង​ជំងឺមហារីក​ឈាម​ក្នុង​រយៈពេល​ជិត​២​ឆ្នាំ​។ ដល់​ខែ​មេសា ពួក​វេជ្ជបណ្ឌិត​នៅ​មន្ទីរពេទ្យ​កុមារ​ហ្វីឡា ដេល​ហ្វី បាន​ប្រកាស​ប្រាប់​ថា ជំងឺ​នាង​តូច​អស់​វិធី​ព្យាបាល​។ អាស្រ័យហេតុនេះ ឪពុកម្តាយ Emma បាន​ប្រថុយ​ផ្សង​គ្រោះថ្នាក់ ដោយ​សាកល្បង​ប្រើ​វិធី​ព្យាបាល​ថ្មី​មួយ គឺ​ប្រើបាស់​វីរុស​ហ៊ី​វ ដែល​ត្រូវបាន​អនុវត្តន៍​នៅ​មជ្ឈមណ្ឌល​មហារីក​នៃ​មន្ទីរពេទ្យ​កុមារ​ហ្វី​ឡា​ដេល​ហ្វី​។​

​​តាមរយៈ​នោះ ពួក​វេជ្ជបណ្ឌិត បាន​កម្ចាត់​ចោល​កោសិកា​ឈាមស ប្រឆាំង​ជំងឺ​រាប់​លាន​ក្នុង​សរីរាង្គ Emma និង​ប្រើប្រាស់​វីរុស​ហ៊ី​វ​ដែល​បាន​ប្រែប្រួល​ហ្សែ​ន -​វីរុស​មួយ ដែល​ងាយ​លុកលុយ​ទៅក្នុង​ប្រព័ន្ធ​អង្គ​បដិបក្ខ ដើម្បី​ប្រែក្លាយ​កោសិកា​របស់ Emma ទៅ​ជា​សណ្ឋាន  «​យុទ្ធជន​» ពិសេស​មួយ​ត្រូវបាន​បង្កើត​កម្មវិធី​ដើម្បី​កម្ទេច​កោសិកា​មហារីក​ឈាម​។ កោសិកា​ទាំងនេះ ក្រោយមក ត្រូវបាន​បញ្ជូន​ត្រឡប់​ទៅ​សរីរាង្គ Emma វិញ្ញ​។ ពួក​គេ​សង្ឃឹមថា កោសិកា​ឈាម ស ថ្មី​នេះ នឹង​បង្កើត​កម្មវិធី​ប្រព័ន្ធ​អង្គ​បដិបក្ខ របស់​សរីរាង្គ​ក្មេងស្រី​ឡើងវិញ ជួយ​ឱ្យ​ស្គាល់​កោសិកា​មហារីក និង​ចាប់ផ្តើម​កម្ទេច​វា​។​

​​លោក​វេជ្ជបណ្ឌិត Stephan Grupp អ្នកជំនាញ​ផ្នែក​មហារីក​កុមារ នៅ​មន្ទីរពេទ្យហ្វី​ឡា​ដេល​ហ្វី បានឱ្យដឹងថា​«​យើងខ្ញុំ​បាន​កម្ចាត់​ចោល​ទាំងអស់​នូវ​ភ្នាក់ងារ​បង្ក​ជំងឺ​របស់​វីរុស​ហ៊ី​វ និង​ប្រើប្រាស់​វា​សម្រាប់​គោលបំណង​តែមួយគត់ គឺ​នាំ​កំណាត់​ហ្សែ​ន​ទៅក្នុង​កោសិកា​ឈាម ស​។ វា​ពុំ​មាន​គ្រោះថ្នាក់​ធ្វើឱ្យ​នាង​ត្រូវ​ឆ្លង​ហ៊ី​វ ហើយក៏​ពុំ​នៅ​មាន​វីរុស​ហ៊ី​វ​»​។​

​​មនុស្ស​ធំ​មួយចំនួន​បាន​ចូលរួម​ការពិសោធន៍​នេះ​នៅ​មន្ទីរពេទ្យ​មហាវិទ្យាល័យ​ផេន​ស៊ីល​វ៉ានៀ និង​ផ្តល់​លទ្ធផល​ល្អ ប៉ុន្តែ​រឿង​នោះ​ពុំ​មានន័យថា វិធី​ព្យាបាល​នេះ​គ្មាន​គ្រោះថ្នាក់​នោះ​ឡើយ​។ ប៉ុន្តែ​ពេល​វេលា​បាន​អស់​ចំពោះ Emma ។ ដូច្នេះ​ហើយ​នៅ​ថ្ងៃ ១៧​ខែ​មេសា​ឆ្នាំ​២០១២ Emma បាន​ក្លាយជា​អ្នកជំងឺ​កុមារ​ដំបូង​លើ​ពិភពលោក ត្រូវបាន​ព្យាបាល​ដោយ​វិធី​នេះ​។​


អ្នកស្រី Kari Whitehead ម្តាយ​របស់ Emma បានឱ្យដឹងថា «​ដំបូង​នាង​ខ្សោយ​ខ្លាំងណាស់ គ្រុនក្តៅ​ដល់ 40.6 អង្សារ ហើយ​ពួក​វេជ្ជបណ្ឌិត​បាន​ព្រមាន​ថា នាង​អាច​មិន​ឆ្លង​ផុត​នៅ​យប់នោះ​»​។ ពេលនោះ ពួក​វេជ្ជបណ្ឌិត បាន​សង្កេតឃើញ ប្រូតេអ៊ីន​មួយ​ប្រភេទ​កើន​ខ្ពស់​ខុសធម្មតា ផលវិបាក​របស់​ការ​ដែល​កោសិកា​ឈាមស​ថ្មី​រីកចម្រើន​ក្នុង​សរីរាង្គ Emma ។ ប្រូតេអ៊ីន​នេះ​ក៏​ពាក់ព័ន្ធ​ដល់​ជំងឺ​រលាក​សន្លាក់​សណ្ឋាន​ទាប​និង​មាន​ថ្នាំ​ព្យាបាល​មួយ​ប្រភេទ​។ អាស្រ័យហេតុនេះ ពួកគេ បាន​សាក​ប្រើ​ថ្នាំ​នោះ​សម្រាប់​ក្មេងស្រី ហើយ​លទ្ធផល ពិតជា​គួរឱ្យ​ភ្ញាក់ផ្អើល គឺ​១២​ម៉ោង​ក្រោយ​នាង​បាន​ស្ថិរភាព​សន្សឹមៗ​។​

​បណ្ឌិត Grupp បានឱ្យដឹងថា «៨​ខែ ក្រោយពេល​ត្រូវ​បាន​ព្យាបាល​ដោយ​វិធីសាស្ត្រ​ថ្មី ស្ថានភាព​ជំងឺ​របស់ Emma បាន​ធូរស្បើយ​»​។​

បណ្ឌិត Grupp បាន​មានប្រសាសន៍ថា​«​ការ​ធ្វើ​វិភាគ​ទាំងអស់​ដែល​យើងខ្ញុំ​អាចធ្វើ​បាន រាប់​ទាំង​ការវិភាគ​រំញោច​បំផុត ក៏​បង្ហាញថា ពុំ​នៅ​មាន កោសិកា​ឈាម ស មហារីក​ក្នុង​សរីរាង្គ Emma ។ យើងខ្ញុំ​ចាំបាច់​ត្រូវ​តាមដាន​ដំណើរការ​ធូរស្បើយ​ជំងឺ ក្នុង​រយៈពេល​ប៉ុន្មាន​ឆ្នាំ​ទៀត មុន​ពេល​អាច​អះអាងថា ជំងឺ​ត្រូវ​បាន​ព្យាបាល​ជា​ឬ​នៅ ? វា​នៅ​ឆាប់​ពេក​ដើម្បី​អាច​និយាយ​រឿង​អ្វី​ឱ្យ​ប្រាកដ​» ។​


បើតាម​សំដី​របស់​លោក Grupp បានឲ្យថា វិធី​ព្យាបាល​នេះ​កំពុង​ត្រូវបាន​អនុវត្ត​សាកល្បង​នៅ​មន្ទីរពេទ្យ​ពីរ និង​សម្រាប់​កុមារ​កើត​មហារីក​ឈាម​។ រាល់​ករណី ត្រូវបាន​ចាត់ទុក​ថា គ្មាន​វិធី​សង្គ្រោះបាន​។ ពួក​វេជ្ជបណ្ឌិត​សង្ឃឹមថា វិធី​នេះ​នឹង​ជំនួស​បាន​ការ​ផ្សាំ​ភ្ជាប់​ខួរ​ឆ្អឹង​។​

​​លោក​វេជ្ជបណ្ឌិត Grupp បាន​មានប្រសាសន៍ថា​«​វិធី​ព្យាបាល​នេះ​ជា​ឱកាស​តែមួយគត់​របស់ Emma​។ នាង​តូច​ត្រូវបាន​ព្យាបាល​ដោយ​វិធី​គីមី តែ​គ្មាន​ប្រសិទ្ធភាព​។ ចំពោះ​ខ្ញុំ​រឿង​នេះ​ពិតជា​ស្មាន​មិន​ដល់​» ។​

​Emma ឥឡូវនេះ មាន​អាយុ ៧​ឆ្នាំ និង​បាន​វិលត្រឡប់​ទៅ​ជីវភាព​ធម្មតា​វិញ​។​

​ពួក​អ្នក​ស្រាវជ្រាវ បានឱ្យដឹងថា មាន​អ្នកជំងឺ​៩​នាក់ ក្នុងចំណោម​១២​នាក់ ក្នុងនោះ​មាន Emma បាន​ឆ្លើយតប​ចំពោះ​ការព្យាបាល​៕​

​ការថែទាំ​សុខភាព​បេះដូង

ការ​ហាត់ប្រាណ​សម្រាប់​បេះដូង និង​សរសៃឈាម អាច​ផ្តល់​ផលប្រយោជន៍​ទាំង​បេះដូង និង​សួត​។ លើសពីនេះទៅទៀត ការ​ហាត់ប្រាណ នៅ​ជួយ​បញ្ជូន​ឈាម​ដែល​មាន​អុកស៊ីហ្សែន ទៅកាន់​សាច់ដុំ​ផងដែរ​។​

​ក្រៅ​ពី​គេ​បាន​រកឃើញថា ការ​ហាត់ប្រាណ ជួយ​ឲ្យ​បេះដូង អាច​ទប់ទល់​ជាមួយ​ភាព​តប់ប្រមល់​បាន​ហើយ​នោះ គេ​នៅ​បាន​រកឃើញ​ថែម​ទៀត​ថា ការ​ហាត់ប្រាណ​បែប​អេរ៉ូប៊ិក នៅ​ជួយ​កាត់បន្ថយ​អាការរោគ​បេះ​ដូង​បាន​ទៀតផង​។​

​ចំណែក​ដំបូន្មាន​ដែល​ជា​មាត្រដ្ឋាន​ក្នុងការ​ហាត់ប្រាណ​ដើម្បី​សុខភាព​បេះដូង​វិញ គឺ​ហាត់​តែម្តង ៣០​នាទី ក្នុង​មួយ​សប្តាហ៍​ចំនួន ៥​ថ្ងៃ​។ ការសិក្សា​ស្រាវជ្រាវ​ធ្វើឡើង​ដោយ​សាកលវិទ្យាល័យ​មួយ​ក្នុង​ប្រទេស​កាណាដា គេ​បាន​រកឃើញថា ការ​ជិះ​កង់​ប្រភេទ​លឿន​បំផុត​រយៈពេល ១០​នាទី ហើយ​សម្រាក ១​នាទី ក្នុង​មួយ​សប្តាហ៍ ៣​ថ្ងៃ មាន​ប្រសិទ្ធភាព​ជួយ​បង្ហាប់​សាច់ដុំ​ប្រហែល​នឹង​ការ​ជិះ​កង់​រយៈពេល​យូរ​។ អ្វី​ដែល​ល្អ​ជាង​នេះ ទៅទៀត គឺ​ហាត់ប្រាណ​ប្រភេទ​ខ្លាំង វា​ជួយ​ធ្វើឲ្យ​សរសៃឈាម​សាច់ដុំ កោសិកា​រីក​មាឌ ដែល​លក្ខណៈ​បែបនេះ ជួយ​កាត់បន្ថយ​អត្រា​ប្រឈម​នឹង​រោគ​បេះ​ដួង ទឹកនោម​ផ្អែម​។​

*​អាហារ​ថែបំប៉ន​បេះដូងៈ​
​សមាគម​បេះដូង​ក្នុង​ប្រទេស​អង់គ្លេស បាន​ប្រាប់ថា គ្រាប់សណ្តែក​ខ្លះ ផ្តល់​ប្រយោជន៍​ដល់​ការ​លំហូរ​ចេញ​នូវ​សារធាតុ​ផ្សេងៗ ដោយ​សន្សឹម និង​មាន​ផល​ល្អ​ដល់​បេះដូង​។ ផលិតផល​ពី​សណ្តែកសៀង អាច​ជួយ​កាត់បន្ថយ​ជាតិ​ខ្លាញ់​នៅក្នុង​សរសៃឈាម ឲ្យ​ថយចុះ​។ ការ​ទទួលទាន​ប្រូតេអ៊ីន សណ្តែកសៀង ក្នុង​១​ថ្ងៃ ២៥​ក្រាម អាច​ជួយ​កាត់បន្ថយ​បេះដូង បាន​រហូត​ដល់ ១០​ភាគរយ​។​

*​ជ្រើសរើស​ត្រី​ស្រស់ៈ​
​គួរ​ជ្រើសរើស​អាហារ​ដែល​មាន ម៉ាក់​នី​ស្យូម​ខ្ពស់​ដូច​ជា សណ្តែក បន្លែ ពណ៌​បៃតង ហូល​ក្រេន ត្រី និង​អាហារ​សមុទ្រ​។ ម៉ាក់​នី​ស្យូម មាន​សារសំខាន់​ក្នុងការ​ផលិត​ថាមពល​ដល់​សាច់ដុំ​បេះដូង ព្រមទាំង​ជួយ​ថែ​ចង្វាក់បេះដូង​ឲ្យ​លោត​ធម្មតា​ទៀតផង​។​

​ការ​ទទួលទាន​អាហារ​ដើម្បី​សុខភាព​មាន​ផល​ល្អ​ជាង​ការ​ស្លៀកខោ​ខូវប៊យ​រឹប​ខ្លួន ព្រោះ​វា​ជួយ​ភ្ញោ​ច​សុខភាព​បេះដូង​។ ការសិក្សា​ពី​សាកលវិទ្យាល័យ​វ៉ាស៊ីនតោន​បាន​រកឃើញថា មនុស្ស​វ័យ​ពី ៣២-៨២ ឆ្នាំ ដែល​ទទួល​ទាន​បាន​ត្រឹមត្រូវ នឹង​កាត់បន្ថយ​កាឡូរី​ជាង​ធម្មតា ៣០​ភាគរយ មាន​ចង្វាក់បេះដូង​ល្អ ប្រហែល​នឹង​មនុស្ស​វ័យ​តិចជាង ២០​ឆ្នាំ​។​

*​ការ​ហាត់ប្រាណ​ដើម្បី​ភ្ញោ​ច​បេះដូងៈ​
-​ក្នុង​រយៈពេល ៤​នាទី រត់​ល្បឿន​រយៈពេល​២០​វិនាទី សម្រាក​១០​វិនាទី ធ្វើ​ចំនួន​៨​ដង ក្នុង​មួយ​សប្តាហ៍ ២​ដង​។​
-​ក្នុង​រយៈពេល ១០​នាទី ឈប់​ប្រើ​ជណ្តើរ​យន្ត ព្រោះ​ការ​សិក្សា​រកឃើញថា ស្ត្រី​នៅ​ស្ងៀមៗ​(​តែ​មាន​សុខភាព​ល្អ​) អាច​ឡើងជណ្តើរ ២០០​កាំ (​ប្រើ​រយៈពេល ២​នាទី​) ក្នុង​មួយ​ថ្ងៃ​ម្តង ក្រោយមក​បង្កើន​ដល់ ៥​ដង រយៈពេល​២​ខែ អាច​ជួយ​កាត់បន្ថយ​កម្រិត​លី​ប៉ូ​ប្រូតេអ៊ីន កូ​ឡេ​ស្តេ​រ៉ូ​លបាន ៨ ភាគរយ​។​
-​ក្នុង​រយៈពេល ២០ នាទី កំណត់​គោលដៅ​ទុក រួច​រត់​យ៉ាង​លឿន​ឲ្យដល់ បន្ទាប់​មក​រត់​មួយៗ មក​វិញ​រហូតដល់​ចង្វាក់​បេះដូង​ត្រឡប់​មក​ប្រក្រតី​វិញ​។ គួរ​ធ្វើ​បែប​នេះ​ជារឿយៗ នោះ​អត្រា​នៃ​ការ​ឈប់សម្រាក​របស់​អ្នកនឹង​កាន់តែ​តិច ព្រមទាំង​ជួយ​ឲ្យ​រាងកាយ​រហ័សរហួន​ទៀតផង​៕​

បុរស​ញៀន iPad ប្រយ័ត្ន "​ផុត ពូជ​"

មនុស្ស​ជាច្រើន​ភ័ន្តច្រឡំ​ថា iPad ជា​ផលិតផល​អេឡិចត្រូនិក​មួយ​គ្មាន​គ្រោះថ្នាក់​ចំពោះ​សុខភាព​មនុស្ស​។ តែ​លើ​ភាពជាក់ស្តែង អាំង​តង់​ស៊ី​តេ​វិទ្យុសកម្ម​របស់​វា ពុំ​ចាញ់ Laptop ឡើយ មិនតែប៉ុណ្ណោះ​មាន​ឥទ្ធិពល​ដល់​គុណភាព "​មេជី​វិត​" ទៀតផង​» នេះ​បើតាម​ការព្រមាន​របស់​ពួក​ជំនាញការ​ចិន​។​
​គុណភាព​មេជី​វិត​ដើរតួនាទី​សំខាន់​ក្នុងការ​បង្កើតកូន​។ តាម​អ្នកជំនាញការ​ចិន គុណភាព​មេជី​វិត​របស់​បណ្តា​មុខសញ្ញា កំពុង​រៀប​ផែនការ​បង្កើតកូន ជា​មធ្យម​ក្នុងចំណោម​មនុស្ស ៣​នាក់ គឺមាន​ម្នាក់​អន់​។ ដោយឡែក​នៅ​ទីក្រុង​ណាន​ជី​ង ប្រទេស​ចិន មាន​បុរស​ជាច្រើន​កំពុង​ឈានចូល​វ័យ​៣០​ឆ្នាំ ទើប​ត្រៀមខ្លួន​រៀបការ ៣៥​ឆ្នាំ​ទើ​បង្កើតកូន​។ មនុស្ស​គ្រប់គ្នា​តែងមាន​ទស្សនៈ​ថា អាយុ​របស់​ស្ត្រី​មាន​ឥទ្ធិពល​ច្រើន​ដល់​ការបង្កើត​កូន តែ​ជាក់ស្តែង​នោះ បញ្ហាបង្កើត​កូន​មាន​ទាក់ទង​យ៉ាងខ្លាំង​ជាមួយនឹង​បុរស​។ គុណភាព​មេជី​វិត​របស់​បុរស "​ពេញកម្លាំង​"​បំផុត​នៅ​អាយុ​២០-៣០​ឆ្នាំ​។​
​តាម​ការស្រាវជ្រាវ​ក្នុងចំណោម ២០០​ករណី គ្មាន​កូន ពួក​អ្នក​ដែល​ប្រាស្រ័យ​ជាប្រចាំ​ជាមួយ​វិទ្យុសកម្ម​អេឡិចត្រូនិក​នៅ​អាំង​តង់​ស៊ី​តេ​ខ្ពស់ ឬ​ធ្វើការ​ក្នុង​បរិស្ថាន​ក្តៅ​ពេក លក្ខណៈ​ពេញលេញ ADN របស់​មេជី​វិត ត្រូវ​ថយចុះ​យ៉ាងច្បាស់​ក្រឡែត​។ មាន​បុរស​ជាច្រើន​មាន​ទម្លាប់​អង្គុយ​លើ​សា​ឡុង និង​ប្រើប្រាស់ iPad ក្នុង​រយៈពេល​យូរ​។ ប្រសិន​ដាក់​ឧបករណ៍​នេះ​លើ​ជើង កម្រិត​គ្រោះថ្នាក់ ក៏​ប្រហាក់ប្រហែល​នឹង​កុំព្យូទ័រ​យួរដៃ​ដែរ​៕

​ˆ ទទួលទាន​របស់​ផ្អែម​បង្កើន​គ្រោះថ្នាក់​មហារីក​ស្បូន​

ក្នុង​រយៈពេល​ច្រើន​ឆ្នាំ ក្រុម​ស្រាវជ្រាវ​នៃ​វិទ្យាស្ថាន​វេជ្ជសាស្ត្រ Karolinska របស់​ស៊ុយអែត បាន​ស៊ើប អង្កេត​ទម្លាប់​ទទួលទាន​របស់​ពួក​អ្នកស្ម័គ្រចិត្ត​ជា​ង ​៦.០០០​នាក់  ពិសេស​យកចិត្តទុកដាក់​ដល់​ទំនាក់ ទំនង​រវាង​ការ​ទទួលទាន​ផ្អែម​និង​ជំងឺមហារីក​ស្បូន​។


​អ្នកស្ម័គ្រចិត្ត​ត្រូវ​បាន​តាមដាន​អំពី​ស្ថានភាព​សុខភាព​ទូទៅ ទម្ងន់ ទម្លាប់​សកម្មភាព អាហារ​ប្រើប្រាស់​។ ១០​ឆ្នាំក្រោយ​អ្នកស្ម័គ្រចិត្ត​ដែល​នៅ​រស់ ត្រូវ​បាន​សង្កេត​ម្តងទៀត​ជាមួយ​នឹង​ខ្លឹមសារ​ដូច​មុន​។ ពួកគេ​ត្រូវបាន​សួរ​អំពី​បញ្ហា​ទាំងឡាយ ដូចជា​បរិមាណ​ស្ករ តែង​ដាក់​ទៅក្នុង​ភេសជ្ជៈ​ក្តៅ អាហារ ផ្អែម​ប្រចាំថ្ងៃ​... ១៨​ឆ្នាំក្រោយ អ្នក​ស្រាវជ្រាវ​រកឃើញ​៧២៩​ករណី​កើត​ជំងឺ​អំពី​ស្បូន​។

 

ក្រុមអ្នកស្រាវជ្រាវ បាន​ឱ្យដឹងថា  អាហារ​ផ្ទុក​បរិមាណ​ស្ករ​ខ្ពស់​ដូច​ជា​ស្ករ​គ្រាប់ នំ​ផ្អែម ទឹកក្រូច តំណា​ប់​..... មិន​បង្កើន​គ្រោះថ្នាក់​មហារីក​ស្បូន​។ ប៉ុន្តែ​ស្ត្រី​ដែល​ទទួល​ទាន​ជាប្រចាំ​ពពួក​នំប៉័ង ផ្អែម នំប៊ី​គ្វី​ត នំហ្គា​តូ បែរជា​មាន​ការ​ប្រឈម​កើត​ជំងឺ​កើនឡើង ៤២​ភាគរយ  ចំណែក​អ្នក​ទទួល​ទាន​ស្ករ​ជាង​៣៥ ក្រាម​ក្នុង​មួយថ្ងៃ  (​ប្រហាក់ប្រហែល​៧ស្លាបព្រា​កាហ្វេ​) នោះ​អត្រា​កើត​ជំងឺ​កើន ៣៦​ភាគរយ​។​


​​អ្នកជំនាញ​ការបកស្រាយ​ថា ពេល​បញ្ចូល​ស្ករ​ច្រើនពេក សរីរាង្គ​មនុស្ស​នឹង​រំដោះ​អាំង​ស៊ុយ​លីន​កាន់តែច្រើន រំញោច​ការកើតឡើង​ខុស​ប្រក្រតី​នៃ​កោសិកា​ភ្នាស​ស្បូន​។ ជាងនេះទៅទៀត បរិមាណ​ស្ករ​ខ្ពស់​នឹង​បង្កើន​កម្រិត estrogen ខ្ពស់ បង្ក​ជា​ស្ថានភាព​កោសិកា លូតលាស់​មិន​គ្រប់គ្រង​បាន ផ្តើម​ពី​នោះ​បង្កើន​គ្រោះ ថ្នាក់​មហារីក​៕

បែកញើសខុសប្រក្រតី​ ៖ សុខភាពមានបញ្ហា

​ពេល​សីតុណ្ហភាព​កើនឡើង មនុស្ស​ជាច្រើន​ក្នុងចំណោម​ពួកយើង​មាន​អារម្មណ៍​ស្អុះស្អាប់ និង​ចាប់ផ្តើម​បែកញើស ។ ថ្វី​ត្បិត​នេះ​ជា​បាតុភូត​ធម្មតា ជួយ​ធ្វើ​ឲ្យ​ត្រជាក់​សរីរាង្គ តែ​ការ​បែកញើស​ហួស​កម្រិត​អាចជា​សញ្ញា​របស់​បញ្ហា​សុខភាព​មួយណា​នោះ ។​
​​ពួក​អ្នកជំនាញការនិយាយថា ការបែកញើស​ជា​ប្រតិ​ត​កម្ម​អង្គ​បដិបក្ខ​ធម្មតា​ចំពោះមុខ​នៃការឆ្លង​មេរោគ ដូច្នេះ​សរីរាង្គ​ត្រូវ​ជំរុញ​សីតុណ្ហភាព​របស់ខ្លួនឲ្យឡើងខ្ពស់​ដើម្បី​ប្រឹងប្រែង​កម្ទេច​បាក់តេរី​ ឬ​វីរុស ។ ប៉ុន្តែ ប្រសិន​រឿងនេះ​កើតឡើង​ជាប្រចាំ និង​បែកញើស​ច្រើន​ហួស​កម្រិត នោះ​អ្នក​ត្រូវ​ទៅពិនិត្យ​សុខភាព ។​
​ខាងក្រោម​នេះ​ជា​មូលហេតុ​មួយចំនួន​បណ្តាល​ឲ្យ​បែកញើស​ខុស​ប្រក្រតី និង​ដំណោះស្រាយ​សម្រាប់​បាតុភូត​នោះ ។​
-​ទ្រាំ​ទទួលទាន ឬ​មិន​ទទួលទាន​
​បែកញើស​អាចជា​សញ្ញា​មួយ​របស់​ជំងឺ​ធ្លាក់​ជាតិ​ស្ករ​ក្នុង​ឈាម ។ ថ្វី​ត្បិត​បាតុភូត​នេះ​ច្រើន​ផ្សារភ្ជាប់​ជាមួយ​ជំងឺ​ទឹកនោមផ្អែម តែ​វា​អាច​កើតឡើង នៅ​អ្នក​មិនកើត​ជំងឺ ​ពេល​គេ​អត់ទ្រាំ​មិន​ទទួលទាន ឬ​មិន​ទទួលទាន​មួយពេល នេះបើតាមសម្តីរបស់​បណ្ឌិត Stephen Lawrence វេជ្ជបណ្ឌិត និង​ជាទី​ប្រឹក្សា​សុខាភិបាល​របស់​សមាគម​ទឹកនោមផ្អែម​អង់គ្លេស ។ ជំនាញការរូប​នេះ​បកស្រាយ​ថា សរីរាង្គ​មនុស្ស​ជានិច្ចកាល​បង្កើត​អ័រម៉ូន​អាំង​ស៊ុយ​លីន នៅពេល​ទទួលទាន ដើម្បី​រៀបចំ​សម្រាប់​ការសម្រួល​បរិមាណ​ស្ករ (glucoza) ពី​អាហារ​ស្រូប​ចូលក្នុង​ឈាម ។​
​ពេល​យើង​មិន​ទទួលទាន ការខ្វះ​ស្ករក្នុង​ឈាម នឹង​រំញោច​រំដោះ​អ័រម៉ូន adrenaline ដោយសារ​សរីរាង្គ​ឈានចូល​សភាព បើ​មិន​ប្រឹង​គឺ​គ្រោះថ្នាក់ ។ រឿងនេះ​បង្ក​ការ​បែកញើស ។​
​រោគសញ្ញា​១​ផ្សេងទៀត​របស់​បញ្ហា​ធ្លាក់​ជាតិ​ស្ករ​ក្នុង​ឈាម​អាច​រួមមាន​ទាំង​រឿង​បេះដូង​លោត​ញាប់ និង​រមូល​ពោះ​ចុកចាប់​ដោយសារ​ឃ្លាន ។​
​ដំណោះស្រាយ ៖ ដើម្បី​បង្កើន​បរិមាណ​ស្ករ​ក្នុង​ឈាម ភ្លាម​មួយ​រំពេច ចូរ​ទទួលទាន​ស្ករ​គ្រាប់​ផ្អែម​ទន់​មួយ​ក្តាប់ ។ បន្ទាប់ពីនោះ​ក៏ត្រូវ​ទទួលទាន​អាហារ​ដើម្បី​រក្សា​បរិមាណ​ស្ករ​ក្នុង​ឈាម​ស្ថិរភាព និង​បញ្ចៀស​ត្រូវ​ធ្លាក់​ស្ករ​ក្នុង​ឈាម ។ ប៉ុន្តែ ត្រូវ​ចៀសវាង​ទទួលទាន​សូកូឡា​នៅពេលនេះ ព្រោះ​ជាតិ​ខ្លាញ់​ក្នុង​ផលិតផល​ផ្អែម​ធ្វើ​ឲ្យ​ថយចុះ​ការ​ស្រូបយក​ស្ករ glucoza របស់​កោសិកា​ក្នុង​សរីរាង្គ ធ្វើ​ឲ្យ​អ្នក​បាត់បង់​ពេលវេលា​ច្រើនជាង ទើប​មាន​អារម្មណ៍​គ្រាន់បើ ។​
-​បញ្ហា​អំពី​ក្រ​ពេញទី​រ៉ូ​អ៊ី​ដ​
​បែកញើស​ឥតឈប់ឈរ អាចជា​សញ្ញា​របស់​ជំងឺ "​កំណើន​តឹង​" ក្រ​ពេញទី​រ៉ូ​អ៊ី​ដ ឬ​ក្រ​ពេញទី​រ៉ូ​អ៊ី​ដ​ធ្វើ​សកម្មភាព​ហួស​កម្រិត ។ ធម្មតា​ក្រពេញ​ទី​រ៉ូ​អ៊ី​ដ​បង្កើត​អ័រម៉ូន​មួយ​ប្រភេទ​គ្រប់គ្រង​ល្បឿន​សរីរាង្គ​ប្រើប្រាស់​ថាមពល​ស្តុក​ទុក​ក៏​ដូច​កម្រិត​រំញោច​របស់​វា​ចំពោះមុខ​អ័រម៉ូន​ដទៃទៀត ។ ពេល​អ័រម៉ូន​ក្រ​ពេញទី​រ៉ូ​អ៊ី​ដ​ត្រូវបាន​បង្កើត​ច្រើនពេក បាតុភូត​នេះ​អាច​បង្ក​ការ​បែកញើស​មិន​ឈប់ឈរ​ដោយ​វិធី​រំញោច​ក្រពេញ​ញើស ។​
​ជំងឺ​កំណើន​តឹង​ក្រ​ពេញទី​រ៉ូ​អ៊ី​ដ​ក៏​អាច​នាំ​ដល់​ការ​ស្រក​ទម្ងន់ និង​បេះដូង​លោត​ញាប់ តាម​បណ្ឌិត Mark Vanderpump ជំនាញការ​ខាង​អ័រម៉ូន​នៅ​មន្ទីរពេទ្យ​រាជវង្ស​អង់គ្លេស​នៅ​ទីក្រុង​ឡុង ។​
​ដំណោះស្រាយ ៖ ក្នុងករណីនេះ អ្នក​អាច​ប្រើ​ថ្នាំ​ដើម្បី​ធ្វើ​ឲ្យ​ថយចុះ​បរិមាណ​អ័រម៉ូន​ក្រ​ពេញទី​រ៉ូ​អ៊ី​ដ ។ ប៉ុន្តែ ការផឹក​ថ្នាំ​អាច​ចំណាយពេល​ជិត​១​ខែ ទើប​មាន​ប្រសិទ្ធភាព ។​
-​អ័រម៉ូន​មិន​ប្រក្រតី
​បុរស​ដែល​បែកញើស​នៅពេល​យប់ សូម្បីតែ​ពេល​ធាតុអាកាស​មិន​ក្តៅ​ខ្លាំង អាច​កំពុងមាន​បរិមាណ testosterone ទាប បណ្ឌិត Christopher Eden វេជ្ជបណ្ឌិត​ខាង​អ័រម៉ូន នៅ​មន្ទីរពេទ្យ Royal Surrey និយាយ ។ ពេល​បរិមាណ​អ័រម៉ូន testosterone ក្នុង​សរីរាង្គ​តាមតំបន់ hypothalamus (តំបន់​ខួរក្បាល​បញ្ជា​មុខងារ​ជាច្រើន រួមមាន​ទាំង​សីតុណ្ហភាព​រាងកាយ និង​សម្ពាធ​ឈាម) នឹង​ទទួល​សញ្ញា​ក្លែងបន្លំ​ថា សរីរាង្គ​ត្រូវ​ក្តៅ​ខ្លាំង នាំ​ដល់​បាតុភូត​បែកញើស​ច្រើន​ដូចជា​វិធី​១​ធ្វើ​ឲ្យ​ត្រជាក់​សរីរាង្គ ។ testosterone ក៏​ចាំបាច់​យ៉ាងខ្លាំង សម្រាប់​ភាពរឹងមាំ​របស់​សាច់ដុំ​និង​ឆ្អឹង អាស្រ័យហេតុនេះ អ្នកមាន​បរិមាណ​អ័រម៉ូន​នេះ​ទាប​អាចមាន​អារម្មណ៍​ខ្សោយ និង​គេង​ខុស​ប្រក្រតី ។​
​ក្នុងពេលនោះ​បែកញើស​ពេលយប់​នៅ​ស្ត្រី​ជាស​ញ្ញា​មួយ​របស់​ដំណាក់កាល​អស់​រដូវ ថ្វី​ត្បិត​មជ្ឈដ្ឋាន​វិទ្យាសាស្ត្រ​នៅ​ពុំទាន់​ដឹង​ហេតុអ្វី​បរិមាណ oestrogen ទាប​បែរជា​បង្ក​ឥទ្ធិពល​នេះ ពិសេស​គឺ​នៅ​ពេលយប់ ។ បាតុភូត​បែកញើស​អាច​ធ្ងន់ធ្ងរ​ជាង​នៅមុន​ពេល​ឬ​ក្នុងពេល​មក​រដូវ ព្រោះ​ពេលនេះ​បរិមាណ Oestrogen ថយចុះ​ដល់​កម្រិត​ទាប​បំផុត ។​
​ដំណោះស្រាយ ៖ ចំពោះ​ជំងឺ testosterone ទាប​នៅ​បុរស អ្នកជំងឺ​អាច​ត្រូវបាន​វិនិច្ឆ័យ​តាមរយៈ​ការវិភាគ​ឈាម និង​ព្យាបាល ដោយ​វិធី​បំពេញ testosterone ក្រោម​សណ្ឋាន gel លាប​ឬ​ចាក់ ។ ប៉ុន្តែ​មុនពេល​ព្យាបាល អ្នកជំងឺ​ត្រូវ​សួរ​យោបល់​វេជ្ជបណ្ឌិត ដើម្បី​ធានាថា គេ​ពុំមាន​សញ្ញា​កើត​មហារីក​ក្រពេញ​ប្រូ​ស្តា​ត ព្រោះ testosterone អាចធ្វើ​ឲ្យ​ជំងឺ​វិវត្តន៍​ធ្ងន់ធ្ងរ ។​
​ចំពោះ​ស្ត្រី ពពួក​ឱសថ​ធម្មជាតិ​ត្រូវបាន​រកឃើញថា ជួយ​ព្យាបាល​បែកញើស​នៅ ៦០% នៃ​ស្ត្រី​អស់​រដូវ ។ ប្រសិន​វិធី​នេះ​ពុំមាន​ប្រសិទ្ធភាព ចូរ​ប្រឹក្សា​ជាមួយ​វេជ្ជបណ្ឌិត​ជំនាញ ។​
-​ប្រើ​ថ្នាំ​
​បែកញើស​អាចជា​ឥទ្ធិពល​បន្ទាប់បន្សំ​មួយ​របស់​ការប្រើ​ថ្នាំ​ប្រឆាំង​រោគ​ផ្លូវចិត្ត ។ រឿងនេះ​អាច​កើតឡើង​គ្រប់ពេល ប៉ុន្តែ​ភាគច្រើន​នៃ​អ្នកជំងឺ​ប្រើ​ថ្នាំ​ប្រភេទ​នេះ​ច្រើនតែកើន​ការ​បែកញើស​នៅពេល​យប់ ។ ឱសថ​មួយចំនួន​ផ្សេងទៀត​ក៏បង្ក​ការ​បែកញើស​គឺ​ឱសថ​ព្យាបាល​លើសឈាម ឱសថ​ព្យាបាល​ស្ងួត​មាត់ គ្រុន​រងា​និង​គ្រុន​ផ្តា​យ​សាយ ថ្នាំ​គ្រាប់​ជាតិ​ដែក និង​ថ្នាំ​អង់​ទី​ប៊ី​យូ​ទិ​ក ។ ផ្អាក​ប្រើ​ថ្នាំ​បន្ថយ​ឈឺចាប់​ខ្លាំង​ជួនកាល​ក៏​អាច​បង្ក​ការ​បែកញើស ។​
​ដំណោះស្រាយ ៖ ចំពោះ​អ្នក​កើតរោគ​ផ្លូវចិត្ត សម្រួល​អារម្មណ៍ ឬ​ហាត់ប្រាណ​ជា​ដំណោះស្រាយ​កម្ចាត់​ភាព​តានតឹង​យ៉ាង​ប្រសិទ្ធភាព ។​
-​ខ្សែ​សរសៃប្រសាទ​មាន​កំហុស​
​មនុស្ស​សឹងតែ​ទាំងអស់​បញ្ចេញ​ប្រមាណ​១​លីត្រ​ញើស​ក្នុង​១​ថ្ងៃ ឬ​ច្រើនជាងនេះ ​ពេល​ធាតុអាកាស​ក្តៅ ឬ​ក្នុងពេល​ហាត់ប្រាណ កីឡា ។ ប្រសិន​ខ្លួន​អ្នក​នៅតែ​បែកញើស​ពេល​មេឃ​ត្រជាក់ ឬ​ពុំមាន​កត្តា​រំញោច នោះ​អាចជា​សញ្ញា​របស់​ជំងឺ​កើន​ការបញ្ចេញ​ញើស ដែល​ជះឥទ្ធិពល​ទៅដល់​ប្រមាណ ២-៣% នៃ​ចំនួន​ប្រជាជន​ពិភពលោក ។ តាម​បណ្ឌិត Sajjad Rajpar នៅ​មន្ទីរពេទ្យ Queen Elizabeth អ្នក​កើត​ជំងឺ​នេះ ត្រូវបាន​ចាត់ទុកថា មាន​លើ​សញ្ញា​សរសៃប្រសាទ​ពី​ខួរក្បាល​ទៅដល់​ក្រពេញ​ញើស ។​
​ដំណោះស្រាយ ៖ ប្រើ​សារជាតិ​ប្រឆាំង​ការចេញ​ញើស​អាចជួយ​ទប់ស្កាត់​ក្រពេញ​ញើស ។ ប៉ុន្តែ​វិធី​នេះ​អាច​បង្ក​ប្រតិកម្ម ។ ចាក់ botox នៅ​បាតដៃ​អាច​កែប្រែ​ឲ្យ​ប្រសើរ​ស្ថានភាព​បែកញើស​ដោយសារ​វា ហ៊ុមព័ទ្ធ​...... សរសៃប្រសាទ​បញ្ហា​ក្រពេញ​ញើស ។ ថ្វី​ត្បិត​ដូច្នេះ ប្រសិទ្ធភាព​ច្រើន​បាត់​សន្សឹមៗ​ក្រោយ 6-9 ខែ ។​
​វិធី​មួយ​ផ្សេងទៀត គឺ​ឲ្យ​តំបន់​បែកញើស​នៅក្នុង​ទឹក​មាន​ចរន្តអគ្គិសនី​ខ្សោយ​រត់​កាត់​ក្នុង ២០-៣០​នាទី ។ អ្នកជំងឺ​ច្រើន​ត្រូវការ​ព្យាបាល​ដូចនេះ ២-៤ ពេល​ក្នុង​១​សប្តាហ៍ ។ ក្រោយពេល​រោគសញ្ញា​បាន​កែប្រែ​ប្រសើរ​ក្រោយ​មួយ​សប្តាហ៍ គេ​ចាំបាច់​ត្រូវ​ព្យាបាល​រំលឹក​ឡើងវិញ​ម្តង​ក្នុង​១​ខែ ។ រឿងនេះ​ធ្វើ​ឲ្យ​ថយចុះ​សកម្មភាព​របស់​ក្រពេញ​ញើស​និង​មាន​ប្រសិទ្ធភាព​ចំពោះ​អ្នកជំងឺ ៨០-៩០% ។​
​ដំណោះស្រាយ​ចុងក្រោយ​គឺ​វះ​កាត់ចោល​ខ្សែ​សរសៃប្រសាទ​គ្រប់គ្រង​ក្រពេញ​ញើស ។ ប៉ុន្តែ​រឿងនេះ​អាច​នាំ​ដល់​ការ​កើន​បែកញើស​នៅ​កន្លែង​ផ្សេង ។​
-​ឈឺបេះដូង​
​បែកញើស និង​មាន​អារម្មណ៍​វិលមុខ (​ចង់​សន្លប់​អាចជា​សញ្ញា​ព្រមាន​របស់​ជំងឺ​បេះដូង ។ ការឈឺទ្រូង​អាច​លេចឡើង​មុន ឬ​រោគសញ្ញា​ខាងលើ​អាចមក​ដល់​ភ្លាម​ក្រោយពេល​ហាត់ប្រាណ កីឡា ។ រោគសញ្ញា​ផ្សេង រួមមាន​ទាំង រមួល ឈឺទ្រូង​រាល​សន្សឹមៗ​ដល់​ឆ្អឹងថ្គាម ក ដៃ និង​ខ្នង ។​
​ដំណោះស្រាយ ៖ ចំពោះ​អ្នកមាន​សញ្ញា​របៀប​ឈឺបេះដូង​ចាំបាច់​ត្រូវ​នាំទៅ​សង្គ្រោះបន្ទាន់​នៅ​មន្ទីរពេទ្យ​កាន់តែ​ឆាប់​កាន់តែ​ល្អ ។ ក្នុងពេល​រង់ចាំ គេ​ត្រូវ​អង្គុយ​ក្នុងកាយវិការ​ធូរស្រាល ហើយ​ប្រសិន​មិន​អាលែកហ្ស៊ី​ត្រូវ​ទំពារ​មួយៗ​អាស្ពីរីន​៣០០ mg ។ វិធី​នេះ​នឹង​ជួយ​ធ្វើ​ឲ្យ​រាវ​ឈាម បន្ថយ​ដុំ​កំណក​ឈាម និង​អាច​ទប់ស្កាត់​ការ​យារ​រីក​ដុំ​ឈាម​បង្ក​ស្ទះ​សរសៃឈាម ៕f/​M

៦​មូ​ល​ហេតុ​ធ្វើ​ឲ្យ​អ្នក​គ្មាន​កម្លាំងកំហែង​

សម្រាប់​អ្នក​ដែល​ឧស្សាហ៍​ខ្សោយ អស់កម្លាំង​មូលហេតុ​អាច​មិនមែន​ដោយសារតែ​អត់ងងុយ​តែ​ម្យ៉ាង​នោះទេ ​មូលហេតុ៦យ៉ាង​ខាងក្រោម ក៏​អាចធ្វើ​ឲ្យ​អ្នក​គ្មាន​កម្លាំងកំហែង​បានដែរ ...​។​

១-​អស់កម្លាំង​ដោយសារ​បច្ចេកវិទ្យា :
អ្នកជំនាញ​បាន​ឲ្យ​ដឹងថា បច្ចេកវិទ្យា (Technology) គឺជា​ដើមហេតុ​ចម្បង​បំផុត​ដែល​ធ្វើ​ឲ្យ​មនុស្ស​ងាយ​នឿយ​ហត់ អស់កម្លាំង​ដោយសារ​បច្ចេកវិទ្យា​ទាំងអស់នេះ ចាំ​ជំរុញ​យើង​គ្រប់ពេលវេលា​ធ្វើ​ឲ្យ​ថាមពល​របស់​យើង​អស់ ។ ក្រៅពីនេះ ពន្លឺ​ពី​computer កាត់បន្ថយ​ការផលិត​មេ​ឡា​ថូ​នី​ន (Melatonin) ដែលជា​អ័រម៉ូន​នៃ​ការ​គេង​លក់​ផងដែរ ។​

មាន​មនុស្ស ៧៩% ប្រាប់ថា​នៅពេល​ស្ថិតក្នុង​បន្ទប់​ដែលមាន​កាបូនឌីអុកស៊ីដ​ខ្ពស់ ពួកគេ​មាន​អារម្មណ៍​អស់កម្លាំង ហើយ​ការបើក​បង្អួច​ឬ​ដាំ​ដើមឈើ​អាចជួយ​បាន ។ សីតុណ្ហភាព​ក្តៅ​ក៏​ជា​មូលហេតុ​មួយ​ដែរ ដោយ​អ្នកស្រាវជ្រាវ​រកឃើញថា​មនុស្ស​ចាប់ផ្តើម​មាន​អាការៈ​អស់កម្លាំង​ពេល​សីតុណ្ហភាព​ក្នុង​បន្ទប់​ខ្ពស់ជាង​២៥​អង្សា ។​

២-​ខ្វះ​ជាតិ​ដែក : អ្នកជំនាញ​បញ្ជាក់ថា អាហារ​ជា​មូលហេតុ​ចម្បង ដែល​ធ្វើ​ឲ្យ​យើង​អាច​ទទួលបាន​ជាតិ​ដែក​គ្រប់គ្រាន់ ប៉ុន្តែ​អ្វីដែល​ស្ត្រី​ជួប​ញឹកញាប់​បំផុត គឺ​ការបាត់បង់​ឈាមរដូវ​ប្រចាំខែ ។ ចង់បាន​ជាតិ​ដែក ១៨.​ម​.​ក្រ ក្នុង​មួយថ្ងៃ តាម​បរិមាណ​ដែល​អ្នកជំនាញ​បាន​ណែនាំ​នោះ​ត្រូវ​ទទួលទាន​សាច់​ក្រហម ៣​ដង ក្នង​មួយ​សប្តាហ៍ ទទួលទាន​ធញ្ញជាតិ​បន្ថែម​ជាតិ​ដែក រាល់ថ្ងៃ​និង​បន្លែ​បៃតង​ជាប្រចាំ ទើប​អាច​បឺត​ស្រូប​ជាតិ​ដែក​ពី​សាច់សត្វ ។ ដូច្នេះ​អ្នក​អាច​តម​សាច់​គួរ​ទទួលទាន​សណ្តែក រួមជាមួយ​អាហារ​ដែលមាន​វីតាមីន​C ទើប​រាងកាយ​ក្នុង​ត្រូវការ​បឺត​ស្រូប​អាហារ ។​

៣-​សោកសៅ : ជំងឺ​សោកសៅ អាច​នាំទៅរក​អារម្មណ៍​គ្មាន​សេចក្តីសុខ គ្មាន​កម្លាំងចិត្ត​ក្នុង​ជីវិត អ្នក​អាចមាន​អារម្មណ៍​អស់កម្លាំង គ្មាន​ថាមពល ។ ការហាត់​ប្រាណ​ជាប្រចាំ ជា​វិធី​ព្យាបាល​ជំងឺ​សោកសៅ កម្រិត​ស្រាល​បានល្អ​បំផុត ប៉ុន្តែ​បើ​ធ្ងន់ធ្ងរ​គួរ​ប្រញាប់រ​ត់ទៅ​ប្រឹក្សា​ជាមួយ​អ្នកជំងឺ​ផ្លូវចិត្ត ។​

៤-​អាល់​លែរ​ហ្ស៊ី : ការស្រាវជ្រាវ​ពី​ប្រទេស​អ៊ីស្រាអែល​បាន​ឲ្យ​ដឹងថា អ្នក​ដែល​រលាក​ច្រមុះ នឹង​ភ្ញាក់​ពី​គេង​ពេលយប់​ញឹកញាប់​ដល់ ៥០​ដង ទោះបី​ម្តង​តែ​ប៉ុន្មាន​វិនាទី​ក៏ដោយ ប៉ុន្តែ​វា​អាចធ្វើ​អាការ​ទន់ខ្សោយ​ធ្ងន់ធ្ងរ នៅក្នុង​អំឡុងពេល​ថ្ងៃ​បាន ។ ការ​លេបថ្នាំ​បំបាត់​អាល់​លែរ​ហ្ស៊ី (Allergy) នៅ​អំឡុង​ពេលយប់​មាន​ប្រសិទ្ធភាព និង​ជួយ​ឲ្យ​គេង​លក់​ស្រួល ។ លើសពីនេះ​ត្រូវ​កម្ចាត់​ធូលី​និង​មេរោគ​ផ្សិត ដោយ​ប្តូរ​ស្រោមខ្នើយ​ជាប្រចាំ បោកគក់​ជាប្រចាំ បោកគក់​កម្រាលពូក និង​ភួយ ក្នុង​ទឹក​ក្តៅ​៦០​អង្សា រាល់​សប្តាហ៍​និង​កម្ចាត់​មេរោគ​ផ្សិត បរិវេណ​ផ្អាប់​សើម ដូចជា​នៅក្រោម​អាង​លុបមុខ ជ័រ​ទ្វារ​ទូទឹកកក និង​គែម​បង្អួច​ជាដើម ។​

៥-​ទទួលទាន​ការ​បូ​អ៊ី​ដ្រា​ត​ខុស​ប្រភេទ : បើ​កម្រិត​ក្លុយកូស​ក្នុង​ឈាម​ធ្លាក់ចុះ​មួយ​រំពេច ដែល​អាច​កើតឡើង​បាន បើ​អ្នក​ទទួលទាន​កាបូ​អ៊ី​ដ្រា​ត (Carbohydrate) ដែលមាន​ជាតិ​ស្ករ​ខ្ពស់ វា​និង​ពន្យារ​ដំណើរការ​ដុតបំផ្លាញ និង​ធ្វើ​ឲ្យ​អស់កម្លាំង ។ ដូច្នេះ​អ្នក​គួរ​ជ្រើស​កាបូ​អ៊ី​ដ្រា​ត ដែលមាន​ជាតិ​ស្ករ​ទាប​ប្តូរ​ពី​នំ​បុ័ង​ពណ៌​ស មកជា​ហូល​ហ្គ្រែ​ន ប្តូរ​ពី​បា​យស មកជា​បាយ​សំរូប និង​ពន្យារ​ការរំលាយ​កាបូ​អ៊ី​ដ្រា​ត ដោយ​ការដាក់​ទឹកក្រូច​ឆ្មារ ទឹកខ្មេះ ឬ ជាតិ​ខ្លាញ់​ដែលមាន​ប្រយោជន៍​ដូចជា​ប្រេង​អូ​លីវ ។ ការ​ពិសា​អាហារ​ដែលមាន​ជាតិ​ស្ករ​ខ្ពស់ មុនពេល​ចូល​គេង ជួយ​ឲ្យ​គេង​លក់​លឿន​ជាង​មុន​២​ដង ។ ឬ​ម្យ៉ាងទៀត អាចមកពី​ខ្វះ​ជាតិ​ទឹក ព្រោះ​មុន​និង​អ្នកមាន​អារម្មណ៍​ថា​ស្រែក​ទឹក រាងកាយ​ខ្វះ​ទឹក ២-៣% រួចទៅហើយ ដែល​គ្រប់គ្រាន់​និង​ធ្វើ​ឲ្យ​មាន​អារម្មណ៍​អស់កម្លាំង ។​

៦-​មិន​ហាត់ប្រាណ : អ្នក​ដែល​ហាត់ប្រាណ​យ៉ាងតិច ២០​នាទី ក្នុង​មួយ​សប្តាហ៍​មានឱកាស​អស់កម្លាំង​តិចជាង​អ្នក​ដែល​មិន​ហាត់ប្រាណ​សោះ​ដល់​ទៅ ៣០% ព្រោះ​ការហាត់​ប្រាណ បង្កើន​ចលនា​របស់​ឈាម​ទៅ​សាច់ដុំ​ផ្សេងៗ និង​ជួយ​បង្កើន​ថាមពល​ដល់​រាងកាយ​ផងដែរ ។ ការហាត់​ប្រាណ​បែប​អ៊ែ​រ៉ូ​ប៊ិក (Aerobic) ជា​វិធី​ដែល​ទទួលលទ្ធផល​ល្អ​បំផុត ក្នុងការ​កម្ចាត់​ភាព​ខ្សោយ​អស់កម្លាំង ៕f

ព្យាបាលការប្រេះបាក់ឆ្អឹងដោយកោសិកាដើម

​តាម​របាយការណ៍​ចុះផ្សាយ​លើ​ទស្សនា​វ​ដ្តី​ឯកទេស Advanced Fanctional Materal ឲ្យ​ដឹងថា​ឆ្អឹង​សិប្ប​និមិត្ត ដែល​បង្កើតឡើង​ពី​កោសិកា​ដើម និង​ប្លា​ស្ទិ​ក​កំពូល​ស្រាល និង​ត្រូវបាន​អនុវត្ត​ក្នុងការ​ព្យាបាល​ឆ្អឹង​អវៈយវៈ​ដែល​រង​ការបាក់​បែក ។​
​បណ្តា​អ្នកជំនាញការ​នៅ​សាកលវិទ្យាល័យ Southampton និង Edinburg ប្រទេស​អង់គ្លេស ដែលជា​ក្រុម​ស្រាវជ្រាវ​ចម្រុះ​បាន​ប្រាប់​បន្ថែមថា ការ​គួបផ្សំ​រវាង​កោសិកា​ដើម និង​ពុម្ព​ជ័រ​ប្លា​ស្ទិ​ក​រឹង តែ​អាច​រលាយ​បាន​នោះ ធ្វើ​ឲ្យ​ឆ្អឹង​ថ្មី​អាច​ដុះ​ឡើង​ដោយ​ខ្លួនឯង ដើម្បី​ជួសជុល​កន្លែង​ដែល​បាក់បែក ។​
​ប្លា​ក​ស្ទិ​ក​កំពូល​ស្រាល មាន​រចនាសម្ព័ន្ធ​ដូច​សំបុក​ឃ្មុំ ធ្វើ​ឲ្យ​ឈាម​ហូរ​ឆ្លងកាត់​វា​បាន ហើយក៏​ជា​កន្លែង​សម្រាប់​បណ្តា​កោសិកា​ដើម ចាក់​យកចេញ​ពី​ខួរឆ្អឹង​របស់​អ្នកជំងឺ វា​អាច​ច្បាម​ជាប់​លើ​នោះ​រួច​បង្កើតជា​ឆ្អឹង​ថ្មី ។​
​រូប ៖ ក្តីសង្ឃឹម​ថ្មី​សម្រាប់​អ្នក​រង​ការបាក់​បែក​ឆ្អឹង ឆ្លងកាត់​តាម​ពេលវេលា​ពុម្ព​ផ្លា​ស្ទីក​រលាយ​បន្តិច​ម្តងៗ ហើយ​ផ្នែក​ប្រេះ​បាក់​ត្រូវបាន​ជំនួស​ដោយ​ឆ្អឹង​ថ្មី ។ បច្ចុប្បន្ន​គេ​កំពុង​សាកល្បង​លើ​មនុស្ស​ក្រោយពី​អនុវត្ត​ជោគជ័យ​ក្នុង​បន្ទប់ពិសោធន៍ ។​
​ពួកគេ​បាន​ចំណាយពេល​៧​ឆ្នាំ ដើម្បី​លាយ​ចម្រុះ​សណ្ឋាន​ជ័រ​៣​ប្រការ​ចូល​ជាមួយគ្នា ហើយ​ក្រោយពី​ការសាកល្បង​គួបផ្សំ​រាប់រយ​លើក​ទម្រាំ​រកឃើញ​លទ្ធផល​ដែល​ជ័រ​ផ្លា​ស្ទិ​ក​នេះ​វារ​លាយ​បាន រឹងមាំ និង​គាំទ្រ​ដល់​ការ​ច្បាម​លូតលាស់​បង្កើត​ឆ្អឹង​ថ្មី​របស់​កោសិកា​ដើម ៕M

​បញ្ហា​រមាស់​ទ្វារមាស​

ការ​រមាស់​ទ្វារមាស បណ្តាលមកពី​ទ្វារមាស​មាន​ជាតិ​អាស៊ីដ នៅពេលដែល អាស៊ីដ និង​បាស រលាយ (​ដូចជា​ក្នុងករណី​មាន​ទឹកកាម​នៅសល់​បន្ទាប់ពី​មាន​ភេទ​សម្ព័ន្ធ នឹងធ្វើ​ឲ្យ​ទ្វារមាស មាន​ជាតិ​បាស​ច្រើនជាង​មុន​) ធ្វើ​ឲ្យ​ពពួក​បាក់តេរី​ដែល​នៅក្នុង​ទ្វារមាស តាម​ធម្មជាតិ អាច​ប្រមូលផ្តុំ​គ្នា​រស់នៅ និង​បង្ក​ឲ្យ​មានការ​រមាស់​កើតឡើង ។

អស់រដូវយឺត ថយចុះជំងឺពុកឆ្អឹង

៖​ស្ថានភាព​អស់​រដូវ​របស់​ស្ត្រី មាន​ពាក់ព័ន្ធ​ដល់​ជំងឺ​ពុក​ឆ្អឹង​
​ពួក​អ្នកស្រាវជ្រាវ​ជប៉ុន​និយាយថា ស្ត្រី​អស់​រដូវ​យឺត ពុំ​ត្រូវមាន​ហានិភ័យ​កើត​ជំងឺ​ពុក​ឆ្អឹង​នោះទេ​, យោងតាម​ការចុះផ្សាយ​លើ​គេហទំព័រ​វេជ្ជសាស្ត្រ TeleManagement ។​
​ជាក់ស្តែង ស្ត្រី​អស់​រដូវ​យឺត ថយចុះ​បាន ៣១% ហានិភ័យ​ដង់ស៊ីតេ​ឆ្អឹង​ត​ទាប ហើយ​ស្ត្រី​មាន​តិច​បំផុត ៤០ ឆ្នាំ ក្នុងដំណាក់កាល​បង្កើត​កូន ក៏មាន​និន្នាការ​ថយចុះ​អប្បបរមា​ហានិភ័យ ។​
​ពួក​ជំនាញការ​នៅ​សាកលវិទ្យាល័យ Tsukuba បាន​ដំណើរការ​ស្រាវជ្រាវ​លើ​ស្ត្រី​ជប៉ុន​អស់​រដូវ​ចំនួន ១០៣៥ នាក់ ដើម្បី​វាយតម្លៃ​ឥទ្ធិពល​របស់​ដំណាក់កាល​អស់​រដូវ និង​ចំនួន​ឆ្នាំ​បង្កើតកូន ទៅលើ​ដង់ស៊ីតេ​ឆ្អឹង ។​
​តាម​ក្រុម​ស្រាវជ្រាវ បាន​ឲ្យ​ដឹង​ទៀតថា ស្ត្រី​មាន​ចំនួន​ឆ្នាំ​បង្កើតកូន​ធំ​ជាង និង​ស្ត្រី​អស់​រដូវ​យឺត បានទទួល​ផលប្រយោជន៍​ច្រើន​បំផុត ពី​ការ​កើន​ការប្រាស្រ័យ​ជាមួយ Estrogen កើត​ពី​ក្នុង ក៏ដូចជា​ការបង្កើន​ការការពារ​ផុតពី​ហានិភ័យ​បាត់បង់​កាល់ស្យូម​, តាមរយៈ​នោះ​រក្សាបាន​ដង់ស៊ីតេ​ឆ្អឹង ។​
​មុននេះ ការស្រាវជ្រាវ​មួយ របស់​មន្ទីរពេទ្យ​សាកលវិទ្យាល័យ Skane (​ស៊ុយអែត​) បង្ហាញថា  ស្ត្រី​អស់​រដូវ នោះ​ហានិភ័យ​ត្រូវ​ពុក​ឆ្អឹង កើន​ទ្វេដង​ទៅ​ថ្ងៃក្រោយ ។ ជាក់ស្តែង ៥៦% នៃ​ស្ត្រី​ឆាប់​អស់​រដូវ ត្រូវ​ពុក​ឆ្អឹង​, ក្នុងពេល​មានតែ ៣០% នៃ​ស្ត្រី​អស់​រដូវ​យឺត កើត​ជំងឺ​ពុក​ឆ្អឹង ។​
​ការស្រាវជ្រាវ ក៏​រកឃើញថា ស្ត្រី​ឆាប់​អស់​រដូវ មាន​ហានិភ័យ​បាក់ឆ្អឹង បណ្តាល​ពី​ឆ្អឹង​ពុក និង​បាត់​បង់ជីវិត​ខ្ពស់ជាង ៕M​

​កា​រយំ​ចេញ​ទឹកភ្នែក មាន​សារប្រយោជន៍ ៥ យ៉ាង​

កា​រយំ​ចេញ​ទឹកភ្នែក ជា​វិធី​មួយ​ស្តែងឡើង នូវ​ការបង្ហាញ​អារម្មណ៍​របស់​មនុស្ស ។ ថ្វី​ត្បិត​ដូច្នេះ ក្នុង​ខឿនវប្បធម៌​មួយចំនួន វា​ត្រូវបាន​ចាត់ទុកជា​ភាពទន់ខ្សោយ ហើយ​មានតែ​ស្ត្រី​ទេ ដែលជា​និច្ចកាល យំ​ចេញ​ទឹកភ្នែក ។ តែ​លើស​ភាពជាក់ស្តែង កា​រយំ​ចេញ​ទឹកភ្នែក អាចជួយ​កម្ចាត់​ចោល​អារម្មណ៍ មិនអាច​និយាយ​ចេញ និង​អារម្មណ៍​ផ្តុំ​ខាងក្នុង នាំមក​នូវ​ផលប្រយោជន៍​សុខភាព​ជាច្រើន ។​
Meidic Magic បានលើកឡើង​អំពី​ផលប្រយោជន៍​មួយចំនួន របស់​ទឹកភ្នែក ដូចខាងក្រោម​នេះ ៖

 

១.​កម្ចាត់​ភាព​តានតឹងៈ​
​ពេល​មាន​អារម្មណ៍​តានតឹង ការ​យំ នឹង​ល្អ​ជាង​ការ​ទប់ សង្កត់​អារម្មណ៍ ។ ការ​យំ នឹង​ជួយ​អ្នក​កម្ចាត់​ចោល អារម្មណ៍​នឿយហត់ អស់សង្ឃឹម ។ នេះ​ជា​ឱសថ​បន្ថយ​ស្ត្រេ​ស ប្រកប​ប្រសិទ្ធភាព ។ ប្រសិន​មាន​អារម្មណ៍​ខ្មាស់អៀន ពេល​យំ​នៅ​កន្លែង​សាធារណៈ ចូរ​រក​កន្លែង​មួយ ដើម្បី​យំ ដើម្បី​កម្ចាត់​ចេញ​ភាព​តានតឹង ។​
២.​កែប្រែ​ប្រសើរឡើង​នូវ​សភាព​ផ្លូវចិត្តៈ​
​អ្នក​នឹងមាន​អារម្មណ៍​ផ្លូវចិត្ត ធូរស្រាល និង​ល្អ​ជាង ក្រោយពេល​យំ​។ តំណក់ទឹកភ្នែក អាចធ្វើ​ឲ្យ​ថយចុះ ការឈឺចាប់ និង​ភាព​តឹងតែង ដែល​អ្នក​ជួប ។ ដូច្នេះ​កុំ​ក្រែង​យំ ដើម្បី​កែប្រែ​សភាព​ផ្លូវចិត្ត ឲ្យ​ប្រសើរឡើង ។​
៣.​សំអាត​ភ្នែកៈ​
​មុខងារ​ពិតប្រាកដ​របស់​ទឹកភ្នែក គឺ​រក្សា​ឲ្យ​ភ្នែក​សើម ។ វា​ពុំ​ត្រឹមតែ​ជួយ​អ្នក មើល​ច្បាស់​ជាង តែ​នៅ​ជួយ​កម្ចាត់​ចោល ធូលី​កខ្វក់​ទាំងអស់ នៅក្នុង​ភ្នែក ។ ក្រៅពីនេះ ទឹកភ្នែក ក៏​ជួយ​កម្ចាត់​ចេញ​ជាតិពុល និង​កំទេច​បាក់តេរី ដែល​ទន្ទ្រាន​ចូល ។ ពេល​ទឹកភ្នែក​ហូរ​ចេញ ទោះបី​ដោយសារ​ព្រួយ ឬ សុភមង្គល វា​ក៏​ពិតជា​ធ្វើ​ឲ្យ​ភ្នែក មាន​សុខភាព​ល្អ​ជាង ។​
៤.​បន្ថយ​បរិមាណ​ម៉​ង់​ហ្គា​ណែ​សៈ​
​កា​រយំ​ចេញ​ទឹកភ្នែក នឹងធ្វើ​ឲ្យ​ថយចុះ កម្រិត​សារជាតិ រ៉ែ​ម៉​ង់​ហ្គា​ណែ​ស ក្នុង​សរីរាង្គ ។ សារជាតិ​រ៉ែ​ម៉​ង់​ហ្គា​ណែ​ស កើតមាន​ច្រើន វា​ក៏​អាច​បង្ក​ឲ្យ​មាន​ភាព​ជ្រួលច្របល់​ក្នុង​អារម្មណ៍​ផងដែរ ។​
៥.​បញ្ចុះ​សម្ពាធ​ឈាម​ខ្ពស់ៈ​
​កា​រយំ​ចេញ​ទឹកភ្នែក ពុំ​ត្រឹមតែ​ធ្វើ​ឲ្យ​ថយចុះ សម្ពាធ​លើ​សរីរាង្គ​ប៉ុណ្ណោះ​ទេ តែ​ទៅ​ជួយ​កម្ចាត់​ចោល​អំបិល​លើស ។ ទាំង​ភាព​តានតឹង និង​អំបិល សុទ្ធតែ​អាច​បង្ក​ឲ្យ​លើសឈាម ។ ដូច្នេះ​ប្រសិន​មាន​បញ្ហា​ជាមួយ​សម្ពាធ​ឈាម ចូរ​ឲ្យ​សរីរាង្គ​ចេញ​ដោយ​សេរី តាម​អារម្មណ៍​របស់ខ្លួន ៕M/V/L​

ឥទ្ធិពលរបស់ស្ត្រូក អាចអូសបន្លាយ១០ឆ្នាំ

តាម​ការស្រាវជ្រាវ​១​ថ្មីៗ​នេះ នៅ​ស៊ុយអែត អ្នក​ជំងឺស្ត្រូក​ច្រើន​ជួបប្រទះ​នូវ​បញ្ហា​យូរអង្វែង​អំពី​លទ្ធភាព​បន្លាស់​ទី រាល់​សកម្មភាព​ប្រចាំថ្ងៃ និង​រោគ​ផ្លូវចិត្ត ដែល​អាច​អូសបន្លាយ​ដល់​១០​ឆ្នាំ ។​
​ពួក​អ្នកស្រាវជ្រាវ​ឲ្យ​ដឹងថា ឥទ្ធិពល​របស់​សណ្ឋាន​ស្ត្រូ​ក​នេះ បង្ហាញ​ពី​ភាពចាំបាច់​របស់ "​កម្មវិធី​ថែទាំ​សម្រាប់​អ្នក​នៅ​រស់រានមានជីវិត​" ។​
​ប្រធាន​ក្រុម​ស្រាវជ្រាវ បណ្ឌិត Ann-Christin Von Vogelsang នៅ​មន្ទីរពេទ្យ​សាកលវិទ្យាល័យ Karolinsk (​ស្តុក​ខូ​ល​) បានរួម​ជាមួយ​សហសេវិក​ដំណើរការ​តាមដាន​វាយតម្លៃ​លើ​អ្នកជំងឺ​២០០​នាក់ ត្រូវ​វះកាត់​ក្រោយពេល​ដាច់​សរសៃឈាម​ខួរក្បាល នៅ​អាយុ​មធ្យម​៦១​ឆ្នាំ ។​
១០​ឆ្នាំក្រោយ អ្នកជំងឺ​ទាំងនេះ​ត្រូវបាន​សួរ​អំពី​គុណភាព​ជីវិត​ពាក់ព័ន្ធ​ដល់​សុខភាព ដូច​ជាការ​បន្លាស់​ទី ស្វ័យ​ថែទាំ​ខ្លួន សកម្មភាព​ប្រចាំថ្ងៃ កង្វល់ ឬ​រោគ​ផ្លូវចិត្ត ឈឺ​ឬ​ពិបាក​ទ្រាំ ។ ចម្លើយ​របស់​ពួកគេ​ត្រូវបាន​ប្រៀបធៀប​ជាមួយ​ចម្លើយ​ដូចគ្នា​របស់​អ្នក​ពុំទាន់​ដែលមាន​ជំងឺស្ត្រូក ។ លទ្ធផល​គឺ​អ្នក​នៅរស់​រាន​ក្រោយ​ស្ត្រូ​ក​ជួប​បញ្ហា​ស្មុគស្មាញ​ច្រើនជាង មានតែ​៣០% នៃ​អ្នកជំងឺ​ចាត់ទុក​ដោយ​ខ្លួនឯង​ថា បាន​ស្តារ​ដូចដើម​ទាំងស្រុង ។​
​ពួក​អ្នកស្រាវជ្រាវ​និយាយថា អ្នក​នៅរស់​រាន​ក្រោយពេល​ដាច់​សរសៃឈាម​ខួរក្បាល​ត្រូវ​ប្រឈមមុខ​ជាមួយ​គ្រោះថ្នាក់​ជាច្រើន​មានគុណ​ភាព​ជីវិត​ទាប​ជាង និង​បញ្ហា​សុខភាព​ច្រើនជាង​ក្រៅពី​ពិការភាព ខាង​រាងកាយ និង​រោគ​ផ្លូវចិត្ត​... អាស្រ័យហេតុនេះ ចាំបាច់​ត្រូវបាន​តាមដាន ក្នុង​មួយរយៈ​ពេល​វែង​ចាប់តាំងពី​ពេល​ជា​ជំងឺ ៕​M

ស្ត្រីនិង៦ចំណុចខ្សោយសុខភាព

​សុខភាព​របស់​ស្ត្រី​ហាក់ដូច​ងាយ​ត្រូវ​រង​ការវាយប្រហារ​ជាង​បុរស ។ ជាក់ស្តែង​នោះ ស្ត្រី​មាន​ចំណុចខ្សោយ​សុខភាព​៦​គ្រោះថ្នាក់​ដល់​អាយុជីវិត ។​
-​សមត្ថភាព​អង្គ​បដិបក្ខ​
​សមត្ថភាព​អង្គ​បដិបក្ខ​របស់​ស្ត្រី​ងាយ​ប្រែប្រួល ។ ស្ត្រី​ងាយ​ត្រូវ​ប្រែប្រួល​អំពី​សមត្ថភាព​អង្គ​បដិបក្ខ​ជាង​ប្រៀប​នឹង​បុរស ងាយ​ត្រូវ​វាយប្រហារ​ដោយ​ជំងឺ​ធ្ងន់ធ្ងរ ។ ប៉ុន្តែ​ស្ត្រី​ខ្លាំងក្លា​ជាង​បុរស​ដើម្បី​ប្រឆាំង​ទប់ទល់​ជំងឺ​ស្រាលៗ​មួយចំនួន​ដូចជា​គ្រុនក្តៅ និង​ផ្តាសាយ ។​
-​ជំងឺ​បេះដូង​
​តាម​ការស្រាវជ្រាវ​រប​ស់​ពួក​អ្នកវិទ្យាសាស្ត្រ អាយុ​មធ្យម​របស់​ស្ត្រី​ត្រូវ​កើត​ជំងឺ​បេះដូង​ឆាប់​ជាង​ប្រៀប​នឹង​បុរស ។ ប៉ុន្តែ ពេល​ស្ត្រី​កើត​ជំងឺ​បេះដូង​គឺ​ជំងឺ​ច្រើនតែ​ធ្ងន់ធ្ងរ ។​
​អ្នកជំនាញការ​សុខភាព​បាន​ទូន្មាន​ថា ស្ត្រី​គួរ​គ្រប់គ្រង​ទម្ងន់​សរីរាង្គ​ដើម្បី​ការពារ​បេះដូង ។ ក្រៅពីនេះ ស្ត្រី​មាន​បរិមាណ​កូ​ឡេ​ស្តេ​រ៉ូ​ល​ខ្ពស់​ត្រូវ​បន្ថយ​ការទទួល​ទាន​ផ្នែក​ក្រហម​នៃ​ស៊ុត ។​
-​មហារីក​រោគ​ស្ត្រី​
​ជំងឺមហារីក​ពុំមាន​រោគសញ្ញា​ច្បាស់លាស់​ក្នុង​បណ្តា​ថ្ងៃ​ដំបូង ហេតុនេះ​ស្ត្រី​ងាយ​ខក​ឱកាស​ដើម្បី​ព្យាបាល ។ មហារីក​រោគ​ស្ត្រី​រួមមាន​មហារីក​ដោះ មហារីក​អូវែ មហារីក​ស្បូន​.... ។​
-​ខ្សោយ​សរសៃពួរ​
​សរសៃពួរ​នៅ​ស្ត្រី​ច្រើនតែ​ខ្សោយ​ជាង​បុរស ។ ជាងនេះទៀត ស្ត្រី​តែង​ត្រូវការ​ពេលវេលា​វែង​ដើម្បី​ព្យាបាល​ជំងឺ​នេះ ។ តាម​ការស្រាវជ្រាវ​វេជ្ជសាស្ត្រ សរសៃពួរ ប្រែជា​ខ្សោយ​ជាង​ក្នុងអំឡុងពេល​មាន​រដូវ ។​
-​បំប្លែង​សារជាតិ​យឺត​
​ប្រៀប​នឹង​ដំណើរការ​បំប្លែង​រហ័ស​ខាងក្នុង​សរីរាង្គ​បុរស នៅ​ស្ត្រី​ដំណើរការ​នេះ​ប្រព្រឹត្តទៅ​យឺ​ជាង ។ ដូច្នេះ​ស្ត្រី​ត្រូវ​បន្ថយ​បរិមាណ​អាហារ​ត្រជាក់ និង​ពុំទាន់​ឆ្អិន ។​
​ជាងនេះទៀត ស្ត្រី​ត្រូវ​រក្សា​ឲ្យ​ពោះ និង​ជើង​កក់ក្តៅ​ក្នុង​ជីវភាព​ប្រចាំថ្ងៃ ។ ក្រៅពីនេះ ស្ត្រី​គួរ​ទទួលទាន​ស្រា​ទំពាំងបាយជូរ​ក្រហម​ក្នុង​បរិមាណ​សមល្មម ។​
​-ប្រព័ន្ធ​រំលាយ​អាហារ​ខ្សោយ​
​បណ្តា​ការស្រាវជ្រាវ​វេជ្ជសាស្ត្រ​បានបញ្ជាក់​ថា ស្ត្រី​ច្រើន​ងាយ​ត្រូវ​ទល់លាមក​រ៉ាំរ៉ៃ និង​ជំងឺ​ផ្លូវ​ពោះវៀន ។ ដូច្នេះ​ស្ត្រី​ត្រូវ​រក្សា​របប​ទទួលទាន​តុល្យភាព​ក្នុង​ជីវភាព​ប្រចាំថ្ងៃ ។ ឧទាហរណ៍ គេ​ត្រូវ​បង្កើន​ទទួលទាន​អាហារ​ដែល​សរីរាង្គ​អាច​បង្កើន​ការរំដោះ​ជាតិពុល​ដូចជា​សារាយសមុទ្រ និង​ទឹកឃ្មុំ ៕​M

​ជ្រើសរើស​វិធី​សម្រក​ទម្ងន់​សមស្រប

អង្គការ​សុខភាព​ពិភពលោក (WHO) បាន​ធ្វើ​ការប៉ាន់ស្មាន​ថា បច្ចុប្បន្ន នៅលើ​ពិភពលោក មាន​មនុស្ស​ប្រមាណ​១​ពាន់​លាន​នាក់ លើស​ទម្ងន់ ក្នុងនោះ​មាន​ជាង ៣០០​លាន​នាក់ កើត​ជំងឺ​ធា​ត់​។​

​    ​•​ជំងឺ​ធាត់​និង​គ្រោះថ្នាក់​សុខភាពៈ​
​​អង្គការ​សុខភាព​ពិភពលោក (WHO)  ហៅ​ជំងឺ​ធាត់​ថា ជា​លក្ខណៈ​ជំងឺ​រ៉ាំរ៉ៃ​នៃ​សារពាង្គកាយ​មួយ ដែល​អាច​បណ្តាល​ឱ្យ​ឆាប់​បាត់បង់​ជីវិត​។ អ្នក​ដែល​លើស​ទម្ងន់និង​ធាត់ ពុំ​ត្រឹម​​ តែ​ធ្វើឱ្យ​បាត់បង់​រូប​សម្រស់​ប៉ុណ្ណោះ​ទេ តែ​នៅ​ជះ​ឥទ្ធិពល​ធ្ងន់ធ្ងរ​ដល់​សុខភាព​ថែមទៀត​។ ពេល​អ្នក​លើស​ទម្ងន់​និង ធាត់​នោះ លទ្ធភាព​កើត​ជំងឺ និង​នាំ​ឲ្យ​គ្រោះថ្នាក់ កើនឡើង​គួរ​ឱ្យ​ចាប់អារម្មណ៍ ដូច​ជា​ការ​ប្រឈម​នឹង​ការ​កើត​ជំងឺ​ទឹកនោម​ផ្អែម កើន​៦​ដង សរសៃឈាម​បេះដូង កើន​៣​ដង និង​ជំងឺមហារីក កើន​ពី​១០-៤០​ភាគរយ​។​


​    ​•​មូលហេតុ​សំខាន់ៗ​ដែល​បណ្តាល​ឱ្យ​លើស​ទម្ងន់​និង​ធា​ត់ៈ
​​-​ទម្លាប់​ទទួលទាន​លើស​ជាតិ​ខ្លាញ់ និង​ជាតិ​ស្ករ​។​
​​-​ពុំ​សូវ​ធ្វើ​ចលនា​សរីរាង្គ​។
​​-​បន្ត​ពូជ​ពី​ឪពុក​ម្តាយ​។​
​​-​ដោយសារ​ស្ត្រេ​ស​។
​​-​ច្របូកច្របល់​ការ​បំប្លែង​សារជាតិ​បំប៉ន ដោយសារ​ប្រើ​ថ្នាំ​ព្យាបាល​ជំងឺ ទទួលទាន​ស្រា ប៊ីយែ​រ​...​។​

​    ​•​យន្តការ​សម្រក​ទម្ងន់​ឲ្យមាន​សុវត្ថិភាព​និង​ប្រសិទ្ធ​ភាពៈ​
​​អ្នកវិទ្យាសាស្ត្រ បាន​ទូន្មាន​ថា ការ​សម្រក​ទម្ងន់ មាន ៣ យន្តការ​សំខាន់ៈ
​​-​យន្តការ​ឥទ្ធិពល​តាម​រយៈ​សរសៃ​ប្រសាទ គឺ​បង្ក​អារម្មណ៍​ឆ្អែត​មិន​ពិត ធុញ​ទទួលទាន វិធី​នេះ​អាចធ្វើឱ្យ ឡើង​ទម្ងន់​វិញ​ពេល​ផ្អាក​ប្រើ​ថ្នាំ​។​
​​-​យន្តការ​ស្រូបយក​(​តាមរយៈ​ប្រព័ន្ធ​រំលាយ​អាហារ​) គឺ​ទប់ស្កាត់​ស្រូប​យក​ចំណី​អាហារ​និង​បន្ថយ​អារម្មណ៍​ឃ្លាន​។​
​​-​យន្តការ​ដុត​បំផ្លាញ​ថាមពល គឺ​ធ្វើឱ្យ​រលោះ​ខ្លាញ់​លើស និង​បំប្លែង​គីឡូ​កាឡូរី ទៅ​ជា​ថាមពល​មាន​ប្រយោជន៍​។​


​​បច្ចុប្បន្ននេះ យន្តការ​ទី​១ និងទី​២ នៅតែ​ពុំ​ទាន់​បំបាត់​បាន មូលហេតុ​ចម្បង​បង្ក​ឱ្យ​លើស​ទម្ងន់និង​អាច​បង្ក​នូវ​ឥទ្ធិ ពល​បន្ទាប់បន្សំ​មួយចំនួន ដូចជា អស់កម្លាំង វិលមុខ រាក​រូស​...​ព្រោះ​វា​មាន​ឥទ្ធិពល​ទៅលើ​ប្រព័ន្ធ​សរសៃប្រសាទ​និង​ប្រព័ន្ធ​រំលាយ​អាហារ​។ យន្តការ​ទី​៣ ត្រូវបាន​ចាត់ទុក​ថា វា​មាន​សុវត្ថិភាព តាម​បែប​វិទ្យាសាស្ត្រ នាពេល​បច្ចុប្បន្ន​នេះ​។​

​    ​•​វិធី​សម្រក​ទម្ងន់​ប្រសិទ្ធភាពៈ
​​-​សម្រួល​របប​ទទួលទាន​ឱ្យបាន​សមស្រប បន្ថយ​ជាតិ​ខ្លាញ់​និង​បរិមាណ​ស្ករ​។​
​​-​បង្កើន​ធ្វើ​ចលនា​ដុតបំផ្លាញ​ថាមពល​សរីរាង្គ​ក្នុង​សរីរាង្គ​។​
​​-​ប្រើ​ផលិតផល​ជំនួយ​សម្រក​ទម្ងន់​ដើម្បី​ធានា​ឱ្យ​ដំណើរការ​សម្រក​ទម្ងន់​ប្រព្រឹត្តទៅ​មាន​ប្រសិទ្ធភាព និង​មាន​សុវត្ថិភាព​ជាង​។​

​    ​•​សកម្មភាព​កីឡា​មួយចំនួន សម្រាប់​ផែនការ​សម្រក​ទម្ងន់ៈ​
​​-​ហែល​ទឹក​៤៥​នាទី ដុតបំផ្លាញ ៦០០ Kcal ។​
​​-​ដើរ​៣០​នាទី ដុតបំផ្លាញ ៥០០-៧០០ Kcal ។​
​​-​ដើរ​លឿន​៣០​នាទី ដុតបំផ្លាញ ៤០០ Kcal ។​
​​-​លោត dancesport ៤៥​នាទី ដុតបំផ្លាញ ៥០០ Kcal ។​
​​-​អា​អេរ៉ូប៊ិច ៤៥​នាទី ដុតបំផ្លាញ ៣១០-៤១០ Kcal ។​
​​-​ធាក់​កង់​៦០​នាទី ដុតបំផ្លាញ ៨០០ Kcal ។​
​​-​ធាក់​កង់​លើ​ម៉ាស៊ីន ៦០​នាទី ដុតបំផ្លាញ​៣៧០-៤២០ Kcal ៕

ទទួលទាន​អាហារ​តិច​អាចជួយ​ឲ្យ​ខួរក្បាល​ចងចាំ​កាន់តែច្រើន​

ក្រុម​អ្នកស្រាវជ្រាវ​បាន​រកឃើញថា ការទទួល​ទាន​អាហារ​តិចតួច​អាចជួយ​ឲ្យ​អ្នក​ចងចាំ​បាន​កាន់តែច្រើន ។

ការមិន​ទទួលទាន​បង្អែម​ ដោយ​ពិសារ​កាហ្វេ​ បន្ទាប់ពី​បាយ​ថ្ងៃត្រង់​ ជំនួស​វិញ​នោះ​ក៏​អាច​ផ្តល់​ផល​ល្អ​ដល់​ខួរក្បាល​ផងដែរ ហើយក៏​ផ្តល់​ផល​ល្អ​ដល់​ទំហំ​ចង្កេះ​របស់​អ្នក​ទៀតផង ។​

​ដំណឹង​មួយ​នេះ​កើតចេញ​មកពី​ការសិក្សា​មួយ​របស់​អ៊ីតាលី​ទៅលើ​ការ​រឹតត្បិត​សារធាតុ​កាល់​ឡូរី​ដែលជា​គំនិត​ផ្តួចផ្តើម​មួយ​ដែលថា​ការកំរិត​ការទទួល​ទាន​ឲ្យ​ស្ទើរតែ​ដាច់ពោះ​នឹង​ជំរុញ​ឲ្យ​មាន​សុខ​ភាពល្អ និង រស់នៅ​បានយូរ ។​

​ក្រុម​អ្នកវិទ្យាសាស្ត្រ​បានដឹង​អំពី​បាតុភូត​មួយ​នេះ​ជា​យូរ​មកហើយ ក៏ប៉ុន្តែ​បាន​ពុះពារ​ស្រាវជ្រាវ​រកមើល​ថា​អ្វី​ទៅ​ដែល​អាចជួយ​កាត់បន្ថយ​សារជាតិ​កាល់​ឡូរី​ឲ្យ​បាន​ច្រើន​ដើម្បី​ធ្វើ​ឲ្យ​មាន​សុខ​ភាពល្អ​នោះ ។​
​    ​
​ក្រោយមក​អ្នកស្រាវជ្រាវ​មួយរូប​ឈ្មោះ ជី​អូ​វ៉ា​ម​បាទី​ស្តា ប៉ានី​បានសម្រេច​ចិត្ត​ផ្តោតទៅលើ​ប្រូតេអ៊ីន​មួយ​ហៅថា CREB1 ដែល​ល្បី​ថា​មាន​សារៈប្រយោជន៍​ចំពោះ​ការចងចាំ និង ការសិក្សា ។​

​នៅក្នុង​ការធ្វើ​ពិសោធន៍​ទៅលើ​សត្វ​កណ្តុរ លោក​បាន​បង្ហាញថា​ការកាត់បន្ថយ​សារធាតុ​កាល់​ឡូរី​ពិតជា​បាន​ជួយ​ជំរុញ​ដល់​ការរៀនសូត្រ​មែន ប្រសិនបើ​កណ្តុរ​ទាំងនោះ​នៅតែ​អាចបង្កើត​ប្រូតេអ៊ីន CREB1 បាន​នោះ ។​

លោក​ក៏បាន​បង្ហាញ​ផងដែរ​ថា ការកាត់បន្ថយ​សារធាតុ​កាល់​ឡូរី​នឹង​ជួយ​បង្កើន​នូវ​ចំនួន​ប្រូតេអ៊ីន​ប្រភេទ​នេះ​ដែល​បង្កើតឡើង​នៅក្នុង​ខួរក្បាល ។

ចំនួន​កាល់​ឡូរី​របស់​សត្វ​កណ្តុរ​ត្រូវបាន​កាត់បន្ថយ​តែ ២៥ ដល់ ៣០ ភាគរយ​តែប៉ុណ្ណោះ ក៏ប៉ុន្តែ​បើ​ធៀប​ជាមួយ​មនុស្ស​វិញ វា​ស្មើនឹង​ចំនួន​ប្រហែល ៦០០ កាល់​ឡូរី​ក្នុង​មួយថ្ងៃ ។​

​តែ ឬ កាហ្វេ​មួយ​ពែង​ក្នុង​មួយថ្ងៃ​ក៏​អាចមាន​អត្ថប្រយោជន៍​ផងដែរ ដោយសារ​ការសិក្សា​ជាច្រើន​បាន​ឲ្យ​តម្លៃ​ដល់​កាហ្វេ​អ៊ី​ន​ថា​បាន​ជួយ​បង្កើន​ចំនួន​ប្រូតេអ៊ីន CREB1 ដែល​បង្កើត​នៅក្នុង​រាងកាយ ។​

​ការសិក្សា​នេះ​ក៏​អាចជួយ​ពន្យល់​ផងដែរ​ថា​ហេតុអ្វី​បានជា​ប្រជាជន​នៅ​កោះ​អូ​គី​ណា​វ៉ា​ប្រទេស​ជប៉ុន​មាន​ប្រជាជន​អាយុ​ច្រើនជាង ១០០ ឆ្នាំ​ច្រើនជាង​នៅ​កន្លែង​ផ្សេងៗ​ទៀត​នៅក្នុង​ពិភពលោក ។​

ប្រជាជន​នៅ​កោះ​អូ​គី​ណា​វ៉ា​ទទួលទាន​អាហារ​មាន​ជាតិ​កាល់​ឡូរី​តិចតួច​ជាង​មនុស្ស​ធម្មតា​គិត​ជា​មធ្យម​ដោយសារតែ​ការអនុវត្ត​តាមបែប​វ​ប្ប​ធម៌​មួយ​ហៅថា Hara Hachi Bu មានន័យថា ទទួលទាន​អាហារ​រហូត​ទាល់តែ​អ្នក​ឆ្អែត​បាន ៨០ ភាគរយ ។

​កិច្ចការ​ស្រាវជ្រាវ​ធ្វើឡើង​ដោយ​វេជ្ជបណ្ឌិត ប៉ានី មកពី​សាកលវិទ្យាល័យ Catholic University of the Sacred Heart ក្នុង​ទីក្រុង​រ៉ូម​នេះ​មាន​ចេញផ្សាយ​នៅក្នុង​ទស្សនា​វ​ដ្តី Proceedings of the National Academy of Sciences ៕

សរីរាង្គខ្វះសារជាតិអ្វីងាយបណ្តាលឲ្យកើតមហារីក?

​ក្រៅពី​កត្តា​តំណពូជ បម្រែបម្រួល​ហ្សែ​ន និង​បរិស្ថាន​ចេញ មហារីក​នៅមាន​ទំនាក់ទំនង​ជិតស្និទ្ធ​ជាមួយនឹង​ទម្លាប់​ទទួលទាន​ប្រចាំថ្ងៃ ។​
-​ខ្វះ Carotene B អាច​បង្ក​មហារីក​សួត​
​បច្ចុប្បន្ន​មហារីក​សួត​នៅតែ​ជា​ប្រភេទ​ជំងឺមហារីក​មួយ​មាន​អត្រា​ខ្ពស់ ។ ក្រៅពី​បណ្តា​លពី​ការជក់បារី សរីរាង្គ​ប្រសិន​ខ្វះ Carotene B ក៏បង្ក​ជា​មហារីក​សួត ។ ដូច្នេះ​អ្នក​ជក់បារី​រយៈពេល​វែង អ្នកជំងឺ​របេង​សួត និង​អ្នក​ធូលី​រុំ​សួត គួរ​ទទួលទាន​ឲ្យ​បាន​ច្រើន​អាហារ​សម្បូរ Carotene B ដូចជា​អំពៅ ការ៉ុត ម្នាស់ ស្វាយ ល្ហុង និង​តៅហ៊ូ​... ។​
-​ខ្វះ​ប្រូតេអ៊ីន​អាច​បណ្តាល​ឲ្យ​កើត​មហារីកក្រពះ​
​ប្រសិន​យើង​បញ្ចូល​មិន​គ្រប់​ប្រូតេអ៊ីន​ពី​អាហារ ពិសេស​គឺ​ប្រូតេអ៊ីន​សម្បូរ​សារធាតុ​បំប៉ន និង​មានលទ្ធភាព​នាំ​ដល់​ការកើត​មហារីកក្រពះ ។ មុននេះ​មហារីកក្រពះ​មួយ​រយៈកាល​ត្រូវបាន​ហៅថា "​ជំងឺ​អ្នកក្រ​" ។​
​ដូច្នេះ​អ្នក​រលាក​ក្រពះ ដំបៅ​ក្រពះ អ្នកមាន​មុខងារ​អង្គ​បដិបក្ខ​ទាប និង​គ្រួសារ​មាន​ប្រវត្តិ​មហារីកក្រពះ​គួរ​ទទួលទាន​ច្រើន​អាហារ​មាន​ប្រូតេអ៊ីន សម្បូរ​សារធាតុ​បំប៉ន​ជាប្រចាំ ឧទាហរណ៍​ដូចជា​ត្រី បង្គា សាច់​សុទ្ធ សណ្តែកសៀង ស៊ុតមាន់​... ។​
​ក្រៅពីនេះ​ប្រសិន​យើង​ទទួលទាន​ត្រីប្រឡាក់​ច្រើន អាហារ​ប្រែ​មាន​ផ្ទុក​សារជាតិ nitrosamine បង្ក​មហារីក​ក៏​នឹង​បង្កើន​ហានិភ័យ កើត​មហារីកក្រពះ ។ ប្រសិន​យើង​ទទួលទាន​ប្រៃ​ពេក ក៏មាន​លទ្ធភាព​នាំ​ដល់​ជំងឺ​រលាក​ក្រពះ ។​
-​ខ្វះ​ជាតិ​សរសៃ​អាច​បង្ក​មហារីក​ពោះវៀន​
​ក្នុង​របប​ទទួលទាន​របស់​ជីវភាព​ទំនើប អាហារ​ប្រូតេអ៊ីន​ខ្ពស់​ជាតិ​ខ្លាញ់​ខ្ពស់​ដណ្តើម​អត្រា​កាន់តែច្រើន ចំណែក​ជាតិ​សរសៃ​នោះ​កាន់តែ​តិច​ទៅៗ ។ អាហារ​ប្រូតេអ៊ីន​ខ្ពស់ ជាតិ​ខ្លាញ់​ខ្ពស់​ក្រោយពេល​ចូល​សរីរាង្គ​បំបែក​រំដោះ​នឹង​បង្កើតជា​សារជាតិ​បង្ក​មហារីក ។ ក្នុងស្ថានភាព​ខ្វះ​ជាតិ​សរសៃ សារជាតិ​បង្ក​មហារីក​នេះ​នឹង​បន្សល់ទុក​លើ​ស្រោម​ពោះវៀន​ក្នុង​រយៈពេល​វែង ផ្តើម​ពី​នោះ​នាំ​ដល់​ការកើត​មហារីក​ពោះវៀន ។​
​ដូច្នេះ យើង​ត្រូវ​ទទួលបាន​អាហារ​សម្បូរ​ជាតិ​សរសៃ​ច្រើន​ដូចជា​ស្រូវ​សាឡី ពពួក​សណ្តែក Carotene ក្រូច​... ។​
-​ខ្វះ​វីតាមីន D អាច​បង្ក​មហារីក​ក្រពេញ​ទឹកដោះ​
​តួលេខ​ស៊ើបអង្កេត​ជាក់ស្តែង​សុទ្ធតែ​បញ្ជាក់ថា បរិមាណ​វីតាមីន D ក្នុង​សរីរាង្គ​អ្នកជំងឺ​ក្រពេញ​ទឹកដោះ​ច្រើនតែ​ទាប​បំផុត ។​
​ជំនាញការ​ស្រាវជ្រាវ​កាណាដា នៅ​រកឃើញថា ប្រៀបធៀប​ជាមួយ​អ្នកជំងឺ​មហារីក​ក្រពេញ​ទឹកដោះ​មិន​ខ្វះ​វីតាមីន D អ្នកជំងឺ​មហារីក​ក្រពេញ​ទឹកដោះ​ខ្វះ​វីតាមីន D ក្នុង​សរីរាង្គ​មាន​អត្រា​បាត់​បង់ជីវិត​ខ្ពស់ជាង ។​
​ដូច្នេះ អ្នក​ងាយ​កើត​មហារីក​ក្រពេញ​ទឹកដោះ ដូចជា​ក្នុង​គ្រួសារ​មាន​ប្រវត្តិ​មហារីក​ក្រពេញ​ទឹកដោះ ស្ត្រី​ពុំទាន់​មាន​ទំនាក់ទំនង​ផ្លូវភេទ ស្ត្រី​មជ្ឈិមវ័យ​និង​ស្ត្រី​ឆាប់​មាន​រដូវ ឬ​អស់​រដូវ​យឺត​គួរ​ទទួលទាន​ឲ្យ​បាន​ច្រើន​ត្រី សាច់គោ ថ្លើម​ជ្រូក និង​ផ្នែក​ក្រហម​នៃ​ស៊ុតមាន់​... ទន្ទឹម​នោះ​ត្រូវ​សំដិល​ថ្ងៃជា​ប្រចាំ ដើម្បី​ជំរុញ​សរីរាង្គ​សំយោគ​កាន់តែច្រើន​វីតាមីន D ៕​M

កេងច្រើន​ក៏កើត​ជំងឺ

៖​កេង​តិចពេក (​ក្រោម ៦ ម៉ោង ក្នុង​១​យប់​) ឬ កេង​ច្រើនពេក (​លើស ១០ ម៉ោង ក្នុង​១​យប់​) សុទ្ធតែ​កើន​ហានិភ័យ​បណ្តាល​ឲ្យ​កើត​ជំងឺ​សរសៃឈាម​បេះដូង​, ស្ត្រូ​ក​, ទឹកនោមផ្អែម​, ធាត់ និង​ជំងឺផ្លូវចិត្ត​
​យើងទាំងអស់គ្នា​សុទ្ធតែ​ដឹង​ច្បាស់​ថា កេង​តិចពេក​អាច​បង្ក​គ្រោះថ្នាក់​ដល់​សុខភាព ។ ប៉ុន្តែ ការស្រាវជ្រាវ​ថ្មី​មួយ ក៏បាន​បង្ហាញថា ការ​កេង​ច្រើនពេក​ជាប្រចាំ ថែមទាំង​អាច​នាំ​ដល់​ផលវិបាក​អាក្រក់​ជាង​ផងដែរ ។​
​ការស្រាវជ្រាវ​មួយ របស់​វិទ្យាស្ថាន​ឱសថ​សម្រាប់​ដំណេក​អាមេរិក ចំពោះ​មនុស្ស ៥០.០០០ នាក់ រកឃើញថា អ្នក​កេង​តិចពេក ឬ ច្រើនពេក សុទ្ធ​តែមាន​និន្នាការ​ងាយ​កើត​បញ្ហា​ច្រើន អំពី​រាងកាយ និង​ផ្លូវចិត្ត ។​
​ជាក់ស្តែង គឺ​អ្នក​កេង​មិន​គ្រប់ ៦ ម៉ោង ក្នុង ១​យប់ ប្រឈមមុខ​ជាមួយ​ហានិភ័យ​កើត​ជំងឺ​សរសៃឈាម​បេះដូង​, ស្ត្រូ​ក​, ទឹកនោមផ្អែម​, ធាត់ និង​ជំងឺផ្លូវចិត្ត ។ ផ្ទុយ​មកវិញ ពួក​អ្នកវិទ្យាសាស្ត្រ ប្រកាសថា សំរាក​ច្រើនពេក ក៏​មិនល្អ​សម្រាប់​សុខភាព ។​
​កេង​ច្រើនពេក លើសពី ១០ ម៉ោង ក្នុង​១​យប់ ក៏​ប្រឈម​នឹង​ហានិភ័យ​សុខភាព​ដូច​កេង​តិច​ដែរ ហើយ​តាម​ការស្រាវជ្រាវ នោះ​ហានិភ័យ​រីកចម្រើន​ជំងឺ​សរសៃឈាម​បេះដូង​, ស្ត្រូ​ក និង​ទឹកនោមផ្អែម ថែមទាំង​ខ្ពស់ជាង​នៅ​អ្នក​កេង​ច្រើន ។​
​ក្នុងពេលនោះ ដំណេក​មួយ​ដ៏​ល្អ គឺ​ពី ៧ ទៅ ៩ ម៉ោង ក្នុង​១​យប់ ជួយ​ធ្វើ​ឲ្យ​ថយចុះ​ការ​ប្រឈម​កើត​ជំងឺ​ខាងលើ ក៏​ដូច​អាចមាន​ប្រយោជន៍​សម្រាប់​អ្នក​កំពុង​រង​ទទួល​ជំងឺ​ទូទៅ ចំពោះ​ក្រុមមនុស្ស​អាយុ​លើសពី ៤៥ ឆ្នាំ ។​
​ជំនាញការ​ដំណេក លោក​បណ្ឌិត Safwan Badr បកស្រាយ​ថាៈ របៀបរបប​រស់នៅ​១​តុល្យភាព​, ត្រឹមត្រូវ ពុំ​ត្រឹមតែ​កំហិត​ត្រឹម​របប​ជីវជាតិ និង​ហាត់ប្រាណ​ប៉ុណ្ណោះ​ទេ ។ ពេលវេលា​ក៏​ដូច​វិធី​កេង​របស់​អ្នក សំខាន់​ដូច​របស់​ដែល​អ្នក​ទទួលទាន ឬ វិធី​ដែល​អ្នក​ហាត់ពត់​រាងកាយ ។ រឿង​សំខាន់ គឺ​មនុស្សពេញវ័យ ត្រូវ​ឆ្ពោះ​ដល់​គោលដៅ​កេង ៧ ទៅ ៩ ម៉ោង ក្នុង​១​យប់ ដើម្បី​ទទួលទាន​បាន​ផលប្រយោជន៍ ដល់​សុខភាព​របស់​ដំណេក ។ វា​មាន​ប្រយោជន៍ ជាពិសេស ចំពោះ​អ្នក​កំពុង​ប្រឈម​ទប់ទល់​ជាមួយ​ជំងឺ​រ៉ាំរ៉ៃ​ណាមួយ​នោះ ៕M​

​កាហ្វេ អាច​កាត់បន្ថយ​ការ​ប្រឈម​នឹង​រោគ​មហារីក​សុដន់​

យោង​តាម​ការស្រាវជ្រាវ​របស់​អ្នកវិទ្យាសាស្ត្រ​នៅ​ឯ​វិទ្យាស្ថាន ខា​រ៉ូ​លីន​ស្កា (Karolinska Institute) ក្នុង​ទីក្រុង​ស្តុក​ហូ​ម (Stockholm) ដែ​បាន​ចុះផ្សាយ​ក្នុង​ព្រឹត្តិបត្រ Breast Cancer Research បាន​បង្ហាញ​ឲ្យដឹងថា ស្ត្រី​ដែល​ទទួលទាន​កាហ្វេ មានការ​ប្រឈម​តិចតួច​ក្នុងការ​កើតរោគ​មហារីក​សុដន់​។


​លទ្ធផល​នេះ​បានមក​ពី​ការសិក្សា​ស្ត្រី​ជិត ៦.០០០ នាក់ ដែល​មាន​អាយុ​ចន្លោះ​ពី ៥០ ទៅ ៧០​ឆ្នាំ រក​ ឃើញថា ស្ត្រី​ដែល​ទទួលទាន​កាហ្វេ យ៉ាងហោច ណាស់ ៥ ពែ​ង ក្នុង​មួយ​ថ្ងៃ មាន ៥៧% មាន​ទំនោរ​តិចតួច​ក្នុងការ​កើតរោគ​មហារីក​សុដន់ បើ​ធៀប​ទៅ​នឹង​ស្ត្រី​ដែល​ទទួល​ទាន​កាហ្វេ តែ​១​ពែង ក្នុង​មួយ​ថ្ងៃ​។ នេះ​ដោយសារ​បរិមាណ​សមាស​ធាតុ ហ្វៃ​តូ​អេ​ស្ត្រូ​ចេ​ន (Phytoestrogen) ដែល​មាន​ក្នុង​កាហ្វេ មាន​ឥទ្ធិពល​ចំពោះ​រាងកាយ​។

 

​ទោះបីយ៉ាងណា ទំនាក់ទំនង​រវាង​កាហ្វេ នឹង​ការកាត់បន្ថយ​ការ​ប្រឈម​នឹង​មហារីក​សុដន់ នៅ​មិនទាន់​ជាក់ច្បាស់​នៅឡើយ ដែល​ទាមទារ​ឲ្យមាន​ការស្រាវជ្រាវ​បន្តទៀ​៕

ˆ វិភាគឈាម​រកឃើញ​មហារីក​ដោះ មុន​២០​ឆ្នាំ

ពួក​អ្នក​ស្រាវជ្រាវ​អាមេរិក​ទើប​នឹង​ធ្វើ​សេចក្តីសន្និដ្ឋាន​ថា គេ​អាច​រកឃើញ​ស្ត្រី​មាន​ការ​ប្រឈម​កើត​ជំងឺមហារីក​ដោះមុន​២០​ឆ្នាំ តាម​វិធី​វិភាគឈាម​សាមញ​មួយ​។​

​​ការសន្និដ្ឋាន​ខាងលើ ត្រូវបាន​អះអាង​ក្រោយ​ពេល​ពួក​អ្នកវិទ្យាសាស្ត្រនៅ​សាលា​វេជ្ជសាស្ត្រ​នៃ​មហាវិទ្យាល័យ ហា​វ៉ាដ និង​មន្ទីរពេទ្យ​សម្ភព​នៅ​បូ​ស្តុន ពិនិត្យមើល​ឡើងវិញ​នូវ​សុខភាព​របស់​ស្ត្រី​ជិត​៨០០​នាក់ ដែល​ត្រូវបាន​វិនិច្ឆ័យ​កើត​មហារីក​ដោះ​ក្នុងដំណាក់កាល ១៩៨៩-២០០២​។ អ្នកចូលរួម​ទាំងអស់​សុទ្ធ​តែ​យល់​ស្រប​ឱ្យ​អ្នក​ស្រាវជ្រាវ​យក​ឈាម​ពួកគេ​ដែល​បាន​វិភាគ​នៅពេល​ដំបូង និង​ផ្នែក​ចុងក្រោយ​នៃ​ការស្រាវជ្រាវ​អូសបន្លាយ​ជាង​មួយ​ទសវត្សរ៍​។​

​​ពួក​អ្នក​ស្រាវជ្រាវ​បាន​រកឃើញថា ស្ត្រី​ដែល​មាន​បរិមាណ​ខ្ពស់​នៃ​អ័រម៉ូន​ភេទ​២ គឺ  Oestradiol, testosterone និង​អ័រម៉ូន DHEAS  មួយ​ដែល​ត្រូវបាន​បង្កើត​ដោយ​ក្រពេញ​តម្រងនោម​ខាងលើ មានការ​ប្រឈម​កើត​មហារីក​ដោះ ស្មើ​២​ដង​ប្រៀប​នឹង​អ្នក​មាន​បរិមាណ​អ័រម៉ូន​ទាំង​៣​នេះ​ទាប ។ អ្នក​ស្រាវជ្រាវ​នៅ​រក​ឃើញ​បរិមាណ​អ័រម៉ូន​ទាំង​៣ ខាងលើ​មាន​ពាក់ព័ន្ធ​ដល់​មហារីក​ដោះ​កំណាច ដែល​អាច​លាប់​ឡើងវិញ ឬ​បណ្តាលឱ្យ​បាត់បង់​ជីវិត ។​

​ពួក​អ្នកវិទ្យាសាស្ត្រ សំណូមពរ​ដល់​អ្នកឯកទេស​នៅ​មន្ទីរពិសោធន៍ ធ្វើការ​ត្រួតពិនិត្យ​ឲ្យបាន​ច្បាស់​ថា វិធី​វិភាគឈាម​ថ្មី​អាច​ត្រូវបាន​គួបផ្សំ​ជាមួយ​កត្តា​ផ្សេងៗ​ទៀត ក្នុងនោះ​មាន​ប្រវត្តិ​គ្រួសារ ដើម្បី​កំណត់​នូវ​ស្ត្រី​មានការ​ប្រឈម​កើត​ជំងឺ​ខ្ពស់​៕

ដើរអាចកាត់បន្ថយ​ហានិភ័យ​មហារីកសុដន់

​ការស្រាវជ្រាវ​ថ្មី​មួយ​នេះ ត្រូវបាន​ចុះផ្សាយ​លើ​ទស្សនា​វ​ដ្តី Cancer, Epidemiology, Biomarkers & Prevention ឲ្យ​ដឹងថា ហាត់ប្រាណ​ដូចជា “​ដើរ​” អាច​បន្ថយ​ហានិភ័យ​មហារីក​សុដន់ ។​
​ក្រុម​ស្រាវជ្រាវ​រកឃើញថា ស្ត្រី​អស់​រដូវ​ឧស្សាហ៍​ធ្វើ​ចលនា ឬ ដើរ​តិច​បំផុត ៧ ម៉ោង ក្នុង​១​សប្តាហ៍ អាច​បន្ថយ​បាន​ហានិភ័យ​មហារីក​សុដន់ ។​
​ពួក​អ្នកស្រាវជ្រាវ បាន​ពិនិត្យមើល​របាយការណ៍​កម្រិត​សកម្មភាព​រាងកាយ​រប​ស់​ស្ត្រី ៧៣.៦១៥ នាក់ ។ លទ្ធផល​បង្ហាញថា ស្ត្រី​ចូលរួម​សកម្មភាព​រាងកាយ​សក​ម្ម​រាល់ថ្ងៃ ថយចុះ​បាន ២៥% ហានិភ័យ​មហារីក​សុដន់ ។ ហានិភ័យ​មហារីក​សុដន់ ក៏​ទាប​ជាង ១៤% នៅ​ស្ត្រី​ដើរ​តិច​បំផុត ៧ ម៉ោង ក្នុង​១​សប្តាហ៍ ។​
​ការស្រាវជ្រាវ​ពិនិត្យមើល​ផលប្រយោជន៍ របស់​ការដើរ ក៏បាន​បង្ហាញថា ដើរ​លឿនៗ អាចជួយ​បន្ថយ​ហានិភ័យ​លើសឈាម​, កើន​កូ​ឡេ​ស្តេ​រ៉ូ​ល និង​ជំងឺ​ទឹកនោមផ្អែម ។ ការស្រាវជ្រាវ​១​ថ្មីៗ​នេះ ត្រូវបាន​ចុះផ្សាយ​លើ​ទស្សនា​វ​ដ្តី British Medical Journal បង្ហាញថា ហាត់ប្រាណ មាន​ប្រសិទ្ធភាព​ដូចជា​ថ្នាំ ក្នុងការ​បង្ការ និង​ព្យាបាល​ជំងឺ​តែង​ជួបប្រទះ ដូចជា​ជំងឺ​បេះដូង និង​ទឹកនោមផ្អែម ។​
​ពួក​ជំនាញការ​ទូន្មាន​មនុស្ស​គ្រប់ៗ​គ្នា គួរ​ហាត់ប្រាណ​ជាមួយនឹង​អាំង​តង់​ស៊ី​តេ​ល្មម ប្រមាណ ២,៥ ម៉ោង ក្នុង​១​សប្តាហ៍ ៕M​

​សម្រក​ទម្ងន់ បន្ថយ​ការ​ប្រឈម​នឹង​មហារីក​សុដន់​

ការសិក្សា​មួយ ដែល​ធ្វើឡើង​ដោយ​អ្នកជំនាញ​មក​ពី​មជ្ឈមណ្ឌល​ស្រាវជ្រាវ​មហារីក ហ្វ្រេដ​ហាត់ជី​ន​សុន (Fred Hutchinson Canser Research Center) បានឲ្យដឹងថា ស្ត្រី​ដែល​ស្រក​ទម្ងន់ អាច​បន្ថយ​ការ​ប្រឈម​នឹង​ជំងឺមហារីក​សុដន់​បាន​។


​​ការសិក្សា​នេះ បាន​ចុះផ្សាយ​លើ​ព្រឹត្តិបត្រ Clinical Oncology​។ អ្នកសិក្សា​ទាំងនោះ បាន​រកឃើញថា ការ​ស្រក​ទម្ងន់​បាន​ប្រហែល ៥% នៃ​ទម្ងន់​ខ្លួន​សរុប អាច​ជួយ​បន្ថយ​កម្រិត​អ័រម៉ូន អេ​ស្ត្រូ​ចេ​ន (Estrogen) ដែល​ជា​អ័រម៉ូន ធ្វើឲ្យ​អ្នក​ប្រឈម​នឹង​ជំងឺមហារីក​សុដន់​។

 

ក្រៅពីនេះ ការ​សម្រក​ទម្ងន់ ដោយ​ការ​ហាត់ប្រាណ រួមជាមួយ​នឹង​ការ​តម​អាហារ​ប្រភេទ​ខ្លះ អាច​ជួយ​សម្រក​ទម្ងន់ អ័រម៉ូន អេ​ស្ត្រូ​ចេ​ន និង​អេស្ត្រាឌី​អូ​ល (Estradiol) បាន​ល្អ​បំផុត រហូតដល់ ២០,៣%៕​

ថ្នាំ​មួយចំនួន​បង្ក​ឱ្យ​រលាក​ថ្លើម​

 

​ហាក់ដូចជា​គ្រប់​ឱសថ សុទ្ធតែ​ត្រូវបាន​បំប្លែង​នៅ​ថ្លើម ដូច្នេះហើយ​ប្រសិន​ថ្លើម​មាន​បញ្ហា​អ្វី​នោះ ដាច់ខាត​ក៏​នឹងត្រូវ​រង​ឥទ្ធិពល​ដោយសារ​ថ្នាំ​។ ឱសថ​មួយចំនួន នៅមានកម្រិត បង្ក​ការ​រលាក​ធ្ងន់ធ្ងរ​ទៅទៀត​។​

១)​ថ្លើម​ងាយ​ត្រូវ​រង​ឥទ្ធិពលៈ​

ថ្លើម​ជា​ផ្នែក​កម្ចាត់​ជាតិពុល និង​ប្រឆាំង​ជាតិពុល ពិសេស​របស់​សរីរាង្គ​។ ឥទ្ធិពល​ប្រឆាំង​ពុល​របស់​ថ្លើម ស្តែងចេញ​នៅ​កន្លែង​នឹង​បំប្លែង​ថ្នាំ និង​សារ​ជាតិពុល​ទាំងឡាយ​ទៅជា​សារជាតិ​មិន​ពុល រួច​កម្ចាត់​ចេញពី​សរីរាង្គ​។​

​ដោយសារ​លក្ខណៈពិសេស​មាន​បែប​ភាពជា «​ទ្វារ​ចេញចូល​» ដូច្នេះ​ដែល​ថ្លើម​ងាយ​ត្រូវ​វាយប្រហារ និង​ឧស្សាហ៍​ត្រូវ​រលាក​បំផុត ដោយសារ​លក្ខណៈ​ពុល​របស់​ថ្នាំ​។ ថ្វី​ត្បិត​អត្រា​ត្រូវ​រង​ជាតិពុល​ដោយសារ​ថ្នាំ​របស់​ថ្លើម​មិន​ច្រើន តែ​វា​បែរជា​បង្ក​នូវ​ផលវិបាក​ធ្ងន់ធ្ងរ​។ បើតាម​ការសង្កេត​លើ​ស្ថិតិ​អត្រា​កើត​ជំងឺ​របស់​ថ្លើម​ដោយសារ​ថ្នាំ ជា​ញឹកញាប់​នោះ គឺមាន​ប្រមាណ​១,៤​ភាគរយ និង​មានតែ​២០​ភាគរយ ក្នុងចំណោម​អ្នកជំងឺ​ទាំងនេះ​អាច​រួច​ផុតពី​ក្តី​ស្លាប់​។ ចំណែក​មួយ​ភាគ​ធំ​ទៀត​នោះ ត្រូវ​ឆ្លង​ពុល​ធ្ងន់ធ្ងរ និង​បាត់​បង់ជីវិត​។ ថ្នាំ​ផ្សេងៗ​គ្នា មាន​លក្ខណៈ​ពុល​ចំពោះ​ថ្លើម​ខុសៗ​គ្នា ហើយ​អត្រា​បង្ក​ជំងឺ​ឱ្យ​ថ្លើម​ក៏​ខុសគ្នា​ដែរ​។ អត្រា​បង្ក​ពុល​ថ្លើម​របស់​ថ្នាំ​ចំណុះ​ទៅលើ​លក្ខណៈ​ពុលរ​ស់វា និង​អត្រា​នៃ​ការប្រើប្រាស់​។ លក្ខណៈ​ពុល​កាន់តែ​ធំ កម្រិត​ប្រើប្រាស់​កាន់តែ​ប្រចាំ នោះ​ជំងឺថ្លើម​បណ្តាល​ពី​ថ្នាំ​កាន់តែច្រើន​។ ថ្នាំ​បង្ក​ឱ្យ​រលាក​ថ្លើម រួមមានៈ ថ្នាំ​បន្ថយ​ការឈឺចាប់ បញ្ចុះ​កម្តៅ ប្រឆាំង​រលាក non-Steroid​។ តំណាង​របស់​ក្រុម​នេះ មានដូចជា acetaminophen, diclofena, ibuprofen, naproxen , nimesulide, Piroxicam, Sulindac ។ ថ្នាំ​ទាំងនេះ ថ្វី​ត្បិត​មាន​រចនាសម្ព័ន្ធ​គីមី​ផ្សេងគ្នា តែ​សុទ្ធតែ​រួម​ឥទ្ធិពល​មួយ គឺ​បញ្ចុះ​កម្តៅ ប្រឆាំង​រលាក និង​បន្ថយ​ការឈឺចាប់​។ ប៉ុន្តែ​ក្រៅពី​ឥទ្ធិពល​សំខាន់​នោះ​ឥទ្ធិពល​បន្ទាប់បន្សំ​រប​ស់វា ក៏​គួរឱ្យ​បារម្ភ​បំផុត​។ ឥទ្ធិពល​បន្ទាប់បន្សំ​មួយ​របស់​ក្រុម​នេះ គឺ​បង្ក​ឲ្យ​រលាក​ថ្លើម​លឿង​ស្បែក ពិសេស គឺ​នៅ​ទារក​តូចៗ​។ ពិសេស​គឺ​ពេល​យើង ប្រើប្រាស់​ប្រភេទ​ថ្នាំ acetaminophen ជាមួយនឹង​ឈ្មោះ​ថ្នាំ​ធម្មតា គឺ paracetamol ។​

Paracetamol ជា​ថ្នាំ​បញ្ចុះ​កម្តៅ ដែល​គេ​និយម​ប្រើ​។ ប្រសិន​ប្រើប្រាស់ ១-២​ដូ​ស​នោះ មិនជា​បញ្ហា​អ្វី​ឡើយ តែ​ប្រសិន​ប្រើប្រាស់​កម្រិត​ខ្ពស់ និង​អូសបន្លាយ នោះ នឹង​បង្ក​ការ​រលាក​ថ្លើម ពិសេស​គឺ​ថ្លើម​កុមារ​។ អត្រា​បង្ក​ជំងឺ​អំពី​ថ្លើម​ប្រែប្រួល​ពី​៣០-៤០​ភាគរយ ដែលជា​អត្រា​មួយ​មិនតូច​ឡើយ ក្នុង​ជំងឺ​រលាក​ថ្លើម​ដោយសារ​ថ្នាំ​។​

២)​ថ្នាំ​អង់​ទី​-​ទី​រ៉ូ​អ៊ី​ដ​ដៈ​

Thiouracil ជា​ប្រភេទ​ថ្នាំ​គំរូ​របស់​ក្រុម​នេះ​។ ថ្នាំ​មាន​ឥទ្ធិពល​រារាំង​ការ​ស្រូបយក​អ៊ីយ៉ូដ​ទៅក្នុង​ក្រ​ពេញទី​រ៉ូ​អ៊ី​ដ ហេតុនេះ​វា​ធ្វើឱ្យ​ថយចុះ​សំយោគ អ័រម៉ូន Thyroxin, ប្រើ​ព្យាបាល​សម្រាប់​ករណី​មាន​ជាតិពុល​ទី​រ៉ូ​អ៊ី​ដ ដូចជា​ជំងឺ Basedow ប៉ុន្តែ​ថ្នាំ​ក៏បង្ក​ឱ្យ​រលាក​ថ្លើម​។ ភ្លាមៗ​នៅក្នុង​សប្តាហ៍​ដំបូង​ប្រើប្រាស់​ថ្នាំ ត្រង់​ហ្សា​មីណា ថ្លើម​បានចាប់ផ្តើម​កើន​ខ្ពស់​។  ប្រសិនបើ​មុខសញ្ញា​ប្រើប្រាស់​ថ្នាំ មាន​ជំងឺ​ក្រ​ពេញទី​រ៉ូ​អ៊ី​ដ​ធ្ងន់​នោះ គេ​នឹង​ត្រូវបាន​ណែនាំ​ឱ្យប្រើ​ប្រាស់​កម្រិត​ខ្ពស់ ជួនកាល​ឡើងដល់​៨​គ្រាប់​ក្នុង​មួយថ្ងៃ​។ កម្រិត​ខ្ពស់​ដូច្នេះ​ពុំ​ចាំបាច់​ដល់​មួយ​សប្តាហ៍​ឡើយ គឺ​ក្នុង​រយៈពេល​ប្រមាណ​តែ​៣​ថ្ងៃ​ប៉ុណ្ណោះ អាច​នាំ​ដល់​ការវិវត្តន៍​ប្រែប្រួល​លើ​ថ្លើម ។ ម្យ៉ាងទៀត ថ្នាំ​ត្រូវ​ប្រើប្រាស់​យូរថ្ងៃ ទើប​គ្រប់​កម្រិត​ព្យាបាល ហេតុនេះ​គ្រោះថ្នាក់​បង្ក​ឱ្យ​រលាក​ថ្លើម​របស់​វា គឺ​ធំ​ណាស់​។ អាស្រ័យហេតុនេះ​, ក្នុង​យុទ្ធសាស្ត្រ​ប្រើប្រាស់​ថ្នាំ ក៏​ដូច​ការប្រតិបត្តិ​តាម​ការព្យាបាល​, ទាំង​គ្រូពេទ្យ និង​អ្នកជំងឺ ត្រូវ​ប្រយ័ត្នប្រយែង​ក្រុម​ឱសថ​នេះ​។ អត្រា​បង្ក​ការ​រលាក​ថ្លើម​របស់​វា គឺ​១០​ភាគរយ​។​

៣)​ថ្នាំ​ព្យាបាល​របេង​ងៈ​

ថ្នាំ​ព្យាបាល​របេង​មាន​ច្រើន​ប្រភេទ ហើយ​ក្រាហ្វិក​គំរូ​នៃ​ការព្យាបាល​របេង​តែងតែ​គួបផ្សំ​ថ្នាំ​៤​ប្រភេទ​។ ក្នុងចំណោម​ថ្នាំ​ព្យាបាល​របេង​នោះ isoniazid, pyrazinamide, rifampicin ជា​ពពួក​ឱសថ​បង្ក​ឱ្យ​រលាក​ថ្លើម​ធ្ងន់ធ្ងរ​បំផុត​, ពិសេស​គឺ isoniazid ។ ផល​អាក្រក់​លើ​ថ្លើម​របស់​ថ្នាំ​នេះ ពុំ​អន់​ជាង​ថ្នាំ​អង់​ទី​-​ទី​រ៉ូ​អ៊ី​ដ​ចម្រុះ​ឡើយ​។ ភ្លាមៗ​នៅក្នុង​រយៈពេល​ដំបូង​ប្រើប្រាស់​ថ្នាំ វា​បានធ្វើឱ្យ​អង់​ហ្សា​មីណា​ថ្លើម​ឡើង​ខ្ពស់​។ ថ្វី​ត្បិត​ពុំទាន់​បង្ក​ឱ្យ​លឿង​ស្បែក​ភ្លាម តែ​វា​អាច​បំផ្លាញ​ថ្លើម​អ្នកជំងឺ​ទាំងស្រុង​។ ក៏ដូចជា​ថ្នាំ​ព្យាបាល Basedow ដែរ​, ថ្នាំ​ព្យាបាល​របេង ក៏ត្រូវ​ប្រើប្រាស់​ជាប់​ក្នុង​រយៈពេល​វែង​។ ហេតុនេះ​វា​នឹង​នាំ​ឲ្យ​មាន​គ្រោះ​ថ្នាក់លើ​ថ្លើម​កាន់តែ​ធ្ងន់ធ្ងរ​ទៅៗ​។ ប្រសិន​មិនត្រូវ​បានការ​ពារ​ពេញលេញ​នោះ ក្រោយពេល​ព្យាបាល​របេង​ជា យើង​អាច​ត្រូវ​ត្រឡប់​ទៅ​ព្យាបាល​បន្ថែម​ជំងឺថ្លើម​ទៀត​។​

៤)​ថ្នាំ​ព្យាបាល​ប្រកាច់ៈ​

​រហូតមកទល់​សព្វថ្ងៃ មាន​ថ្នាំ​ប្រឆាំង​ប្រកាច់ គិត​ទាំង​ជំនាន់​ចាស់ និង​ជំនាន់​ថ្មី​ប្រមាណ​២០​។ ថ្នាំ​នីមួយៗ​មាន​យន្តការ​ឥទ្ធិពល​ខុសគ្នា តែពិនិត្យ​ជារួម វា​សុទ្ធតែ​នាំមក​នូវ​ប្រសិទ្ធភាព គឺ​បង្កើន​លក្ខណៈ​រារាំង​លើ​កោសិកា​សរសៃប្រសាទ​ជុំវិញ​សម្បុក​ប្រកាច់​។ ដោយហេតុនេះ ថ្នាំ​មាន​ឥទ្ធិពល​ទប់ស្កាត់  និង​រារាំង​ការ​ប្រកាច់​, បន្ថយ​កម្រិត​រាលដាល ហើយ​និង​គ្រប់គ្រង​វា​។ ប៉ុន្តែ​គួរឱ្យ​ស្តាយ គឺ​ទោះបី​ថ្នាំ​ថ្មី ឬ​ថ្នាំ​ចាស់​នោះ វា​សុទ្ធតែ​មាននូវ​សារជាតិ​គីមី​ចម្រុះ អាចធ្វើឱ្យ​ប៉ះពាល់​ថ្លើម​ក៏ដោយ​។ ថ្នាំ​២​ប្រភេទ គឺ valproat និង phenytoin បង្ក​ការបំផ្លាញ​ថ្លើម​យ៉ាង​ច្បាស់លាស់​។ កម្រិត​បំផ្លាញ​ថ្លើម​អាស្រ័យ​ទៅតាម​បរិមាណ​ប្រើប្រាស់​និង​ចំណុះ​ទៅលើ​ស្ថានភាព​ថ្លើម​របស់​អ្នកជំងឺ​។ ប្រសិន​ក្នុងពេល​ប្រើ​ថ្នាំ ថ្លើម​អ្នកជំងឺ​មាន​បញ្ហា​ជាស្រេច​នោះ យើង​ត្រូវ​ព្យាបាល​ជំងឺ​ទាំង​២​ព្រម​គ្នា គឺ​ប្រកាច់ និង​រលាក​ថ្លើម​។ អត្រា​បង្ក​ឱ្យ​រលាក​ថ្លើម​ដោយសារ​ថ្នាំ​ប្រកាច់ គឺ​៧​ភាគរយ​។​

៥)​ថ្នាំ​ប្រឆាំង​មហារីក​

មាន​ថ្នាំ​ប្រឆាំង​មហារីក​ជាច្រើន ដែល​វា​តែង​ត្រូវបាន​ហៅថា សារជាតិ​គីមី​ប្រឆាំង​មហារីក ។ ថ្នាំ​ទាំងនេះ​ជា​ប្រភេទ​ថ្នាំ​មហា​ពុល ហើយ​រឿង​រលាក ថ្លើម​ដោយសារ​ថ្នាំ​នេះ​ជា​រឿង​ពុំមាន​អ្វី​ត្រូវ​ពិភាក្សា​វែកញែក ។ ថ្នាំ​ប្រឆាំង​មហារីក ត្រូវបាន​ចាត់ទុក​ដូចជា​ថ្នាំពុល ពិសពុល​បំផុត​ចំពោះ​ផ្នែក​បញ្ចេញ​ទឹកប្រមាត់ ។ ថ្លើម​អាច​នឹងត្រូវ​រលាក​ភ្លាម ក្រោយ​ថ្ងៃ​បញ្ចូល​ថ្នាំ​ដំបូង ហើយ​តែ​២-៣​ថ្ងៃក្រោយ​ប៉ុណ្ណោះ គឺមាន​ស្តែងចេញ​ច្បាស់លាស់​។ ជា​គំរូ​គឺ​ថ្នាំ cisplatin, cyclophosphamide, doxorubcin ។ អាស្រ័យហេតុនេះ ក្នុងការ​ព្យាបាល​មហារីក យើង​ត្រូវ​ថ្លឹងថ្លែង​និង​គិតគូរ​យ៉ាងណា​កាត់បន្ថយ​ឥទ្ធិពល​នៃ​ផល​ប៉​ពាល់​ដល់​សុខភាព​អ្នកជំងឺ​ឲ្យ​ស្ថិតនៅ​កម្រិត​ទាប​បំផុត​។ ប្រសិនបើ​មិន​ដូច្នេះ​ទេ នឹងមិន​សម្រេចបាន​ក​ម្ម​វិធី​ព្យាបាល ព្រោះ​សុខភាព​អ្នកជំងឺ​ទ្រុឌទ្រោម មិនអាច​ទ្រាំទ្រ​បន្តទៀត​បាន​។​

​ប្រការ​ដែល​អ្នកជំងឺ​មិនត្រូវ​មើលរំលងៈ​

​ដូច្នេះ ចំពោះ​ថ្នាំ​បង្ក​ពុល​ឱ្យ​ថ្លើម​នេះ វេជ្ជបណ្ឌិត​ត្រូវមាន​យុទ្ធសាស្ត្រ ព្យាបាល​សមស្រប​។ ចំណែក​អ្នកជំងឺ​នោះ​ត្រូវ​ស្វ័យ​តាមដាន​សុខភាព​របស់ខ្លួន ពិសេស គឺ​បញ្ហា​ថ្លើម និង​ប្រមាត់​។ ចៀសវាង​ទស្សនៈ​ផឹកថ្នាំ គឺ​ត្រូវ "​តែ​ដូច្នេះ​" ដោយ​អ​ចេតនា មិន​ប្រាប់​ឱ្យ​វេជ្ជបណ្ឌិត​ដឹង​។ ធ្វើ​ដូច្នេះ​ពុំ​ខុស​អ្វី​ពី​យើង​មាន​ចេតនា​ធ្វើឱ្យ​ជំងឺ​របស់ខ្លួន​បន្ថែម​ភាពស្មុគស្មាញ ៕

 

​៩ វិធី ធម្មជាតិ​ការពារ​ផ្ដាសាយ​

ទោះបីជា​បច្ចុប្បន្ន​នេះ​មាន​វ៉ាក់សាំង​ការពារ​ផ្ដាសាយ ហើយ​យ៉ាងណាក្ដី ប៉ុន្ដែ​ការការពារ​គ្រុនផ្ដាសាយ តាម​ធម្មជាតិ​គឺ​ល្អ​បំផុត ដោយ​ពង្រីក​ប្រព័ន្ធ​ការពារ​រាងកាយ​ឲ្យ​រឹងមាំ ហាត់ប្រាណ​ឲ្យបាន​ជាប់លាប់​ជា​ប្រចាំ និង​ការទទួល​ទាន​អាហារ​ដែល​មាន​ប្រយោជន៍ ប៉ុន្ដែ​បើ​អ្នក​ធ្វើ​មិន​សូវ​បាន​នោះ​ទេ ការការពារ​ផ្ដាសាយ​ដោយ​វិធី​ធម្មជាតិ ១០ យ៉ាង​ខាងក្រោម​នេះ អាច​នឹង​ជួយ​ឲ្យ​អ្នក​ឆ្លង​រដូវភ្លៀង និង​រដូវរងារ​ក្នុងឆ្នាំនេះ​បាន ដោយ​មិន​ត្រូវ​រោគ​ផ្ដាសាយ​គ្រប់​ប្រភេទ​មក​បៀតបៀន​ឡើយ ។​
១. លាងដៃ : វីរុស​ផ្ដាសាយ​ចម្លង​តាមរយៈ​ការប៉ះពាល់ ដូច្នេះ​ប្រសិនបើ​អ្នក​ដែល​កើត​ផ្ដាសាយ​កណ្ដាស​ដាក់​ដៃ រួច​ទៅ​ចាប់​យក​ទូរស័ព្ទ ចាប់​កាន់​គន្លឹះទ្វារ ពេល​នោះ​អ្នក​ផ្សេង ដែល​មក​ចាប់​របស់របរ​អស់​ទាំងនោះ​បន្ត ក៏​នឹង​មាន​ឱកាស​ឆ្លង​វីរុស ចូល​មក​កាន់​រាងកាយ​បានដែរ ។ ដូច្នេះ​គួរតែ​លាងដៃ​ឲ្យបាន​ញឹកញាប់ ប៉ុន្ដែ​បើ​មិន​បាន​នៅ​ជិត​ក្បាលម៉ាស៊ីនទឹក និង​មិន​មានចេ​ល​អាល់កុល សម្រាប់​លាងដៃ​ទេនោះ អ្នក​អាច​ប្រើ​វិធី​ត្រដុស​ដៃ​ទៅ​មក​ខ្លាំងៗ​ប្រមាណ ១ នាទី ក៏​អាច​ជួយ​បានដែរ ។​
២. កុំ​យក​ដៃ​ទៅ​បិទមាត់ ខណៈ​ក្អក ឬ​កណ្ដាស : ព្រោះ​វា​អាច​ធ្វើឲ្យ​វីរុស ដែល​នៅ​ជាប់​ដៃ​ឆ្លង​ទៅ​កាន់​អ្នកដទៃ ។ ដូច្នេះ​គួរតែ​ប្រើ​ក្រដាស ជូត​មាត់​យកមក​ខ្ទប់មាត់ រួច​បោះចោល​ក្នុង​ធុងសំរាម​ភ្លាមៗ ។​
៣. កុំ​ចាប់​មុខ : ពីព្រោះ​វា​ធ្វើឲ្យ​វីរុស​ផ្តាសាយ​ចូល​មក​រាងកា​យ​តាម​ភ្នែក ច្រមុះ ឬ​មាត់ ។ ក្រៅពីនេះ ការ​ដែល​ឪពុក​ម្តាយ​យកដៃ​ចាប់​មុខមាត់​កូន ឬ​កូនចាប់​មុខមាត់​ឪពុកម្តាយ​នោះ ក៏​ជា​មូលហេតុ​មួយ​ដែល​ធ្វើ​ឲ្យ​កូន ឬ​ឪពុកម្តាយ​ឆ្លង​វីរុស​ផ្ដាសាយ​ពីគ្នា​បានដែរ ។​
៤. ផឹកទឹក​ឲ្យបាន​ច្រើន :  ទឹក​ជួយ​លាង​សម្អាត​ជាតិពុល​ចេញពី​ប្រព័ន្ធ​ផ្សេងៗ នៃ​រាងកាយ ។ តាម​ធម្មតា​មនុស្ស​ធំ ត្រូវ​ផឹកទឹក​មួយថ្ងៃ​ប្រមាណ ៨ កែវ ហើយ​បើ​យើង​មិន​ប្រាកដ​ក្នុង​ចិត្ត​ថា ផឹកទឹក​បាន​គ្រប់គ្រាន់ ឬ​មិន​គ្រប់គ្រាន់​ទេ​នោះ យើង​ត្រូវ​សង្កេតមើល​ពណ៌​របស់​ទឹកនោម ។ បើ​ទឹកនោម​មើលទៅ​ថ្លា​ល្អ​បញ្ជាក់ថា ផឹកទឹក​បាន​គ្រប់គ្រាន់ ប៉ុន្ដែ​បើ​ទឹកនោម​ឡើង​ពណ៌​លឿង បញ្ជាក់បាន​ថា យើង​ផឹកទឹក​តិច មិន​បាន​គ្រប់គ្រាន់​ឡើយ ។​
៥. ហាត់ប្រាណ​បែប​អ៊ែ​រ៉ូ​ប៊ិក​ឲ្យ​បាន​ជា​ប្រចាំ : ការ​ហាត់ប្រាណ​បែប​អ៊ែ​រ៉ូ​ប៊ិក ធ្វើ​ឲ្យ​បេះ​ដូង​ស្រូប​បាញ់​ឈាម ក្នុង​បរិមាណ​ច្រើនឡើង ជា​ហេតុ​ធ្វើឲ្យ​យើង​ដកដង្ហើម​ញាប់ឡើង ដើម្បី​នាំ​យក​អុកស៊ីហ្សែន​ចូល​មក​កាន់​សួត រួច​បញ្ជូន​ទៅ​សម្ពាធ​ឈាម និង​ធ្វើឲ្យ​បែកញើស ដោយសារ​តែ​សីតុណ្ហភាព ក្នុង​រាងកាយ​កើនឡើង​ខ្ពស់ ជាហេតុ​ជួយ​ឲ្យ​កោសិ​កាក្នុង​រាងកាយ​ទប់ទល់ នឹង​វីរុស​បាន​កាន់តែ​ខ្លាំង​ឡើង ។​
៦. ហូប​អាហារ​ដែល​សម្បូរ​ទៅ​ដោយ​រុក្ខ​គីមី : រុក្ខ​គីមី​ឃើញ​មាន​ច្រើន​នៅក្នុង​រុក​ជាតិ ជាពិសេស​បន្លែ​ដែល​មាន​ពណ៌​បៃតងចាស់ ក្រហម និង​លឿង រួម​ទាំង​ផ្លែឈើ​ផ្សេងៗ គួរ​ទទួល​ទាន​ឲ្យបាន​ច្រើន ។​
៧. ឈប់​ជក់បារី : មាន​ការសិក្សា​ច្រើន​រាប់មិនអស់ ដែល​បញ្ជាក់ថា អ្នក​ដែល​ជក់បារី​កើត​ផ្តាសាយ​ញឹកញាប់​ជាង​អ្នក​មិន​ជក់ ។ សូម្បីតែ​នៅ​ក្បែរ​អ្នក​ជក់បារី ក៏​ធ្វើឲ្យ​ប្រព័ន្ធ​ការពាររាងកាយ​ចុះខ្សោ​យ យ៉ាង​ឆាប់រហ័ស​ដែរ ដោយសារ​តែ​ផ្សែង​បារី ធ្វើឲ្យ​ប្រព័ន្ធរឿង​ដង្ហើម សួត និង​ធ្វើឲ្យ​ខន់​ស៊ីលៀ ដែល​គ្របដណ្ដប់​សន្ទះ​ស្រោប​អំបិល​ក្នុង​ច្រមុះ និង​សួត មិន​ព្រម​កម្រើក (​សកម្មភាព​របស់​ខន់​ស៊ីលៀ ជួយ​បោស​បក់​ល្អងធូលី រួម​ទាំង​វីរុស​ផ្ដាសាយ និង​គ្រុន​ផ្ដាសាយធំ​ចេញពី​ផ្លូវដង្ហើម​) ។​
៨. ផ្អាក​ផឹកស្រា : ការ​ផឹកស្រា​ច្រើន វា​នឹង​ទៅ​សង្កត់​ប្រព័ន្ធ​ការពារ​រាងកាយ បាន​ជា​ច្រើន​រូបភាព ។ ដោយហេតុនេះ​ហើយ បាន​ជា​អ្នក​ដែល​ផឹក​ច្រើន​តែង​ងាយ​ឆ្លង​មេរោគ និង​កើត​ជំងឺ​ឱកាសនិយម ។ ក្រៅពី​នេះ​ថែម​ទាំង​ធ្វើឲ្យ​រាងកាយ បាត់បង់​ជាតិ​ទឹក​ទៀត​ផង ។​
៩. សម្រាក : ការ​សម្រាក​បន្ធូរ​អារ​ម្មណ៍ ជួយ​ភ្ញោ​ច​ប្រព័ន្ធ​ការពារ​រាងកាយ ឲ្យធ្វើ​ការបានតា​មបញ្ជា ។ យ៉ាងណាក៏ដោយ អ្នក​ដែល​ព្យាយាម​សម្រាក ប៉ុន្ដែ​ក្នុង​ចិត្ត​ពោ​ពេញ​ទៅដោយ​ភាព​ធុញទ្រាន់​នោះ វា​នឹង​មិន​ធ្វើឲ្យ​កើតដំណើរ​ប្រែប្រួល​ក្នុងឈាម​អ្វី​ទេ ។ ដូច្នេះ​គួរតែ​ធ្វើ​ការស្វែងយល់ និង​ហ្វឹកហ្វឺន​វិធី​សម្រាក​ឲ្យបាន​ត្រឹមត្រូវ ៕

ˆ​អាហារ​៨​មុខ កម្ចាត់​ភាព​ពិបាក​ទ្រាំ​ដោយសារ​ស្រា​

១ . ទឹកឃ្មុំ -​ភេសជ្ជៈ​បន្ថយ​ឈឺក្បាលៈ​
​ទទួលទាន​ទឹកឃ្មុំ មាន​ប្រសិទ្ធភាព ក្នុង​ការបន្ថយ​រោគសញ្ញា​ឈឺក្បាល​។ ពួក​អ្នកស្រាវជ្រាវ​អាមេរិក បានឱ្យដឹងថា នោះ​ដោយសារតែ​ទឹកឃ្មុំ មាន​ផ្ទុក​ជាតិ ស្ករ​ពិសេស​មួយ​ប្រភេទ​របស់ fructose, អាច​ជំរុញ​ការ​បំបែក​បំផ្លាញ​របស់​ស្រា បន្ថយ​ឈឺក្បាល​, ពិសេស​គឺ​ឈឺក្បាល បណ្តាល​ពី​ស្រា​ទំពាំងបាយជូរ​ក្រហម​។ ក្រៅពីនេះ​,​ទឹកឃ្មុំ​នៅមាន​ប្រសិទ្ធភាព “​សណ្តំ ” អាចធ្វើឱ្យ​អ្នក​លុះ​ទៅក្នុង​ដំណេក​យ៉ាង​រហ័ស និង​ពុំ​ឈឺក្បាល នៅពេល​ភ្ញាក់​ពី​ដំណេក នៅ​ថ្ងៃ​បន្ទាប់​។​

២ . ទឹក​ប៉េងប៉ោះ -​បន្ថយ​វិល​មុ​ខៈ​
​ទឹក​ប៉េងប៉ោះ ក៏​សម្បូរ fructose , អាចជួយ​ជំរុញ​ការ​បំបែក​បំផ្លាញ​របស់​ភេសជ្ជៈ​មាន​ជាតិ​អាល់កុល​។ ប្រសិន​អ្នក​ទទួលទាន​ប្រមាណ ៣០០ មិ​ល្លី​លីត្រ នៃ​ទឹក​ប៉េងប៉ោះ ឬ​ច្រើនជាង​នេះ នោះ​អាការ​វិលមុខ​ដោយសារ​ការទទួល​ទាន​ស្រា អាច​បាត់ទៅ​សន្សឹមៗ​។ ក្រៅពីនេះ​, បន្ថែម អំបិល​បន្តិច មុនពេល​ទទួលទាន នៅ​ជួយ​ស្ថិរភាព​ស្មារតី​។​

៣. ទឹក​ទំពាំងបាយជូរ​ស្រស់ -​បន្ថយ​ចង់​ក្អួ​តៈ​
​ទំពាំងបាយជូរ​ស្រស់ សម្បូរ​អាស៊ីត tartaric, ប្រតិកម្ម​ទៅវិញទៅមក​ជាមួយ ethanol ក្នុង​ស្រា និង​បង្កើតជា este, អាស្រ័យ​ហេតុ​នោះ​ធ្វើឱ្យ​ថយចុះ​កម្រិត ethanol ក្នុង​សរីរាង្គ​, ជួយ​បន្ថយ​អារម្មណ៍​អន្ទះអន្ទែង​។ ក្នុងពេលនោះ រសជាតិ​ជូរ​របស់​ប៉េងប៉ោះ នៅមាន​ប្រសិទ្ធភាព​បន្ថយ​រោគសញ្ញា​ចង់​ក្អួត ក្រោយពេល​ទទួលទាន​ស្រា​ច្រើន​ជ្រុល​។ ប្រសិន​អ្នក​ទទួលទាន​ទំពាំងបាយជូរ មុនពេល​ផឹកស្រា​នោះ អ្នក​ក៏​អាច “​ទប់ស្កាត់​” ស្រវឹង​បានដែរ​។​

៤.​ទឹក​ឪឡឹក -​បន្ថយ​សីតុណ្ហភាព​រាងកាយៈ​
​ឪឡឹក​ជួយ​បំពេញបន្ថែម​សារជាតិ​អគ្គិសនី​វិភាគ​, ជួយ​សរីរាង្គ​បន្ថយ​សីតុណ្ហភាព​ឆាប់រហ័ស​។ ទន្ទឹម​នោះ ការទទួល​ទាន​ទឹក​ឪឡឹក​ច្រើន នឹងធ្វើ​ឱ្យ​ស្រា ឆាប់​បញ្ចេញ​ចោល​តាម​ទឹកនោម​, បន្ថយ​បាន​បរិមាណ​ស្រា ស្រូប​ចូលក្នុង​សរីរាង្គ ។ ក្រៅពីនេះ​, លាយ​អំបិល​បន្តិច​ទៅក្នុង​ទឹក​ឪឡឹក ដើម្បី​ទទួលទាន នៅ​ជួយ​ស្ថិរភាព​ស្មារតី​។​

៥. ក្រូច​ត្លុង -​បំបាត់​ក្លិន​ស្រាៈ​
​ការ​ទទួលទាន​ទឹកក្រូច​ត្លុង​មាន​លាយ​ស្ករ​បន្តិច ឬ​ទទួលទាន​ក្រូច​ត្លុង​ជ្រលក់​ស្ករ ពុំ​ត្រឹម​តែមាន​ប្រសិទ្ធ​ភាពល្អ​ក្នុងការ​កម្ចាត់​ចេញ​ជាតិ​អាល់កុល​ពី​សរីរាង្គ​ប៉ុណ្ណោះ​ទេ តែ​នៅ​ជួយ​បំបាត់ ក្លិន​ស្រា​ក្នុង​មាត់​ថែម​ទៀតផង​។​


៦. ឃិនឆាយ បន្ថយ​ភាព​ពិបាក​ទ្រាំ​ក្នុង​ផ្លូវ​រំលាយ​អាហារ​, បន្ថយ​ក្រហម​មុ​ខៈ​
​ទឹក​ឃិនឆាយ អាច​បន្ថយ​ភាព​ពិបាក​ទ្រាំ​ក្នុង​ផ្លូវ​រំលាយ​អាហារ​។ មូលហេតុ​គឺ ដោយសារ​ឃិនឆាយ សម្បូរ​វីតាមីន B អាចជួយ​បំផ្លាញ​ពពួក​ម៉ូលេគុល​ស្រា​យ៉ាង​លឿន​។ ប្រសិន​អ្នកមាន​ប្រព័ន្ធ​រំលាយ​អាហារ​ខ្សោយ​នោះ មុនពេល​ផឹកស្រា អ្នក​គួរ​ទទួលទាន​ទឹក​ផ្លែឈើ​មួយ​កែវ​ដើម្បី​ធ្វើ​ការងារ​បង្ការ​ប្រឆាំងនឹង​ការ​ស្រវឹងស្រា ដែល​បំផ្លិចបំផ្លាញ​ផ្លូវ​រំលាយ​អាហារ​។​

៧. យ៉ា​អួរ​- បន្ថយ​ភាព​ពិបាក​ទ្រាំៈ
​យ៉ា​អួរ អាច​ការពារ​ភ្នាស​ក្រពះ ធ្វើឱ្យ​យឺត​ដំណើរការ​ស្រូបយក​ស្រា​។ ក្រៅពីនេះ យ៉ា​អួរ ជា​ភេសជ្ជៈ​សម្បូរ​កាល់ស្យូម មាន​ប្រសិទ្ធភាព​ជាពិសេស ក្នុងការ​បន្ថយ​ភាព​ពិបាក​ទ្រាំ ដែល​បង្កឡើង​ដោយ​ស្រា​។​    ​

៨. ចេក​- បន្ថយ​ចង្វាក់បេះដូង លោត​ញាប់ ចុក​ទ្រូងៈ​
​ក្រោយពេល​ទទួលទាន​ស្រា​, ប្រសិន​មាន​អារម្មណ៍​អន្ទះអន្ទែង​, ចុក​ទ្រូង​នោះ ចូរ​ប្រញាប់​ទទួលទាន​ចេក ១-៣ ផ្លែ ព្រោះ​ចេក​អាចជួយ​បង្កើន​បរិមាណ ស្ករ ទន្ទឹម​នោះ​បន្ថយ​អត្រា​អាល់កុល​ក្នុង​ឈាម​៕

​ភេសជ្ជៈ​ផ្តល់​ប្រយោជន៍​សម្រាប់​មនុស្ស​គ្រប់​វ័យ​

ភេសជ្ជៈ​ស្ទើរតែ​គ្រប់​ប្រភេទ​រមែង​ផ្តល់​ប្រយោជន៍​ដល់​មនុស្ស​គ្រប់​ប្រភេទ និង​គ្រប់​វ័យ​គ្រាន់តែ​ក្នុងនោះ​ទាមទារ​ឲ្យ​យល់ដឹង​ច្បាស់លាស់​ទាំង​វិធី​ធ្វើ និង​វិធី​ទទួលទាន​តែប៉ុណ្ណោះ ។​
-​ទឹក​ផ្លែឈើ​ស្រស់ : មិន​ថា​ទឹក​ប៉េងប៉ោះ ទឹក​ការ៉ុត ពោរពេញ​ទៅដោយ​សារ​ជា​តុ​វីតាមីន ជាច្រើន​ប្រភេទ ជួយ​កាត់បន្ថយ​ពពួក​បាក់តេរី ជួយ​ពន្យា​អាយុ​កោសិកា​មិន​ឲ្យ​ឆាប់​ទ្រុឌទ្រោម ។ ប្រសិនបើ​កោសិកា​ចាប់​ចុះខ្សោយ ស្ថានភាព​ផ្លូវ​ចិត្តនឹង​ឆាប់​ចុះ​ស្រពាប់​ស្រពោន ធុញថប់​តប់ប្រមល់​អ​ស់​កម្លាំង និង​គ្រោះថ្នាក់​ជាងនេះទៅទៀត​គឺអាច​ធ្វើ​ឲ្យ​កោសិកា​វិវត្តន៍​ទៅជា​កោសិកា​មហារីក ។ កត្តា​ដែល​ល្អប្រសើ​បំផុត​ប្រសិនបើ​ទឹក​ផ្លែឈើ​នៅ​ស្រស់ៗ ហើយ​ទទួលទាន​ភ្លាម​មុនពេល​អង់​ហ​ហ្ស៊ី​ម​ក្នុង​ទឹក​ផ្លែឈើ​ងាប់​កាន់តែ​ប្រសើរ​សម្រាប់​សុខភាព ។​
-​ទឹកដូង : ក្នុងនោះ​ពោរពេញ​ទៅដោយ ប៉ូ​តា​ស្យូ​ម សូ​ដ្យូ​ម ម៉ាក់​នី​ស៊ី​យ៉ូ​ម ហ្វូ​ស​ហ្វ័​រ អាស៊ីដ​អា​មី​ណូ និង វីតាមីន​B ដែល​ទាំងនេះ​ជួយ​ធ្វើ​ឲ្យ​រាងកាយ​ស្រស់ស្រាយ រវៀសរវៃ ជួយ​ឲ្យ​សម្បូរ​ស្បែក​ភ្លឺ​ថ្លា ជួយ​ពន្យា​អាការ​ជ្រីវជ្រួញ​មុន​វ័យ ជួយ​ការពារ​រោគ​ភ្លេចភ្លាំង និង​ជួយ​ឲ្យ​មាន​អារម្មណ៍​ស្រស់ស្រាយ​ទៀតផង ។​
-​ទឹក​តៅហ៊ូ : នៅក្នុង​ទឹក​តៅហ៊ូ​មាន អ័រម៉ូន​អេ​ស្ត្រូ​ចេ​ន យ៉ាង​ប្រសើរ​បំផុត​សម្រាប់​សុភាព​ស្ត្រី ប៉ុន្តែ​បើ​សុភាពបុរស​បានទទួល​ទាន​វិញ ក៏​អាច​ទទួលបាន​សារជាតិ​ដទៃទៀត​ផងដែរ ដូចជា កាបូ​អ៊ី​ដ្រា​ត កាល់ស្យូម វីតាមីន​A វីតាមីន​B .B1.B2.B6.B12 និង វីតាមីន​C D និង E អាច​និយាយបានថា ទទួលទាន​តែមួយ​កែវ​ទទួលបាន​សុភាព​ល្អ​ស្មើ​និង​ការទទួល​ទាន​នំ​ថ្លៃៗ​ជាច្រើន​ពេល​ឯណោះ ។ កត្តា​សំខាន់​នៅក្នុង​សណ្តែកសៀង​មាន ឡេ​ស៊ី​ទីន ដែលជា​សារជាតិ​បំប៉ន​ខួរក្បាល ជួយ​បង្កើន​ការចងចាំ កាត់បន្ថយ​សារជាតិ​ខ្លាញ់ និង​កូ​ឡេ​ស្តេ​រ៉ូ​ល​នៅក្នុង​រាងកាយ ។ ចំណែក​សារជាតិ អាយ​សូ​ហ្លូ​វ៉ូ​ន ដែលមាន​នៅក្នុង​សណ្តែកសៀង​ដែរនោះ វា​ជួយ​កាត់បន្ថយ​អត្រា​ប្រឈម​នឹង​រោគ​មហារីក​សុដន់ រោគ​ប្រហោង​ឆ្អឹង រោគ​បេះដូង ព្រមទាំង​រោគ​សរសៃឈាម​ទៀតផង ៕

​ˆ​មើល​ភាពយន្ត​ភ័យរន្ធត់​ក៏​ជួយ​សម្រក​ទម្ងន់​

ពួក​អ្នក​ស្រាវជ្រាវ​អង់គ្លេស បាន​រកឃើញថា ការមើល​ភាពយន្ត​ភ័យ​រន្ធត់ នឹង​ជួយ​យើង​ដុតបំផ្លាញ​ថាមពល​ស្មើនឹង​ចំនួន​កាឡូរី​របស់​សូកូឡា​មួយ​បន្ទះ និង​នាំមក​នូវ​ប្រសិទ្ធភាព​បញ្ចុះ​ទម្ងន់ ស្មើ​នឹង​ការដើរ​ក្នុង​រយៈពេល​៣០​នាទី​។​

​​តាម​ពួក​អ្នកវិទ្យាសាស្ត្រ​មក​ពី​សាលា Westminster នៃ​ប្រទេស​អង់គ្លេស បាន​អះអាង​ថា «ភាពយន្ត​មាន​ខ្លឹមសារ​កាន់តែ​ព្រឺព្រួច ចំនួនកាឡូរី​ដុតបំផ្លាញ​ក្នុងពេល​មើល​ភាពយន្ត​កាន់តែ​ខ្ពស់»​។​

​​ក្រុម​ស្រាវជ្រាវ​បាន​ឱ្យ​ពួក​អ្នកស្ម័គ្រចិត្ត​មើល​ដោយ​សម្រាំង​នូវ​ភាពយន្ត​ឯកសារ​មាន​លក្ខណៈ​ភ័យរន្ធត់​មួយចំនួន​។ ពួកគេ​បាន​វា​ស់​និង​កត់ត្រា​ចង្វាក់បេះដូង បរិមាណ​អុកស៊ីហ្សែន​ស្រូបយក និង​បរិមាណ​កា​បោន ឌីអុកស៊ីត​បញ្ចោ​ញ​ចោល សំដៅ​ស្វែងយល់​អំពី​ចំនួន​ថាមពល​បាត់បង់​របស់​ពួក​អ្នកស្ម័គ្រចិត្ត​។ ក្រុម​ស្រាវជ្រាវ បាន​រកឃើញថា ជា​មធ្យម​ក្នុង​ពេល​មើល​ភាពយន្ត​ភ័យរន្ធត់ អ្នកស្ម័គ្រចិត្ត​ចំណាយ​ច្រើនជាង ១,៣ នៃ​ចំនួន​កាឡូរី បើ​ប្រៀបធៀប​នឹង​ពេល​ពួកគេ​អង្គុយ​ពីមុខ​អេក្រង់​ទទេ​គ្មាន​រូបភាព​។ ហើយ​គិត​ជា​មធ្យម​មនុស្ស​ម្នាក់ៗ បាន​ដុតបំផ្លាញ្ ១១៣​កា​ឡូរី ក្នុង​រយៈពេល​ប្រមាណ ៩០​នាទី ខណៈពេល​មើល​ភាពយន្ត​ភ័យ​រន្ធត់ ប្រហាក់ប្រហែល​ចំនួន​ថាមពល​រំ​លោះ​ក្នុង​ការដើរ​រយៈពេល​៣០​នាទី និង​ស្មើ​ចំនួន​កាឡូរី​ផ្គត់ផ្គង់​ដោយ​សូកូឡា​១​បន្ទះ​។​

​​ពួក​អ្នកវិទ្យាសាស្ត្រ បានឱ្យដឹងថា ភាពយន្ត​ដែល​ធ្វើឱ្យ​អ្នកទស្សនា​ត្រូវ​ព្រឺព្រួច ឬ​រន្ធត់​ភិតភ័យ ជា​ដំណោះស្រាយ​មួយ ដើម្បី​ដុត​បំផ្លាញ​កាឡូរី​ប្រសិទ្ធភាព​បំផុត ព្រោះ​ធ្វើឱ្យ​ចង្វាក់បេះដូង​របស់​យើង​កើន​ខ្ពស់​។ លទ្ធផល​ពិសោធន៍ បង្ហាញថា ភាពយន្ត​ព្រឺ​រន្ធត់​ឆ្នាំ​១៩៨០ មាន​ចំណងជើង​ថា " The Shining" សម្តែង​ដោយ​តារាភាពយន្ត Jack Nicholson ជួយ​ឱ្យ​អ្នកទស្សនា​រំ​លោះ​ថាមពល​ច្រើន​បំផុត​ជា​មធ្យម​ឡើងដល់ ១៨៤ កា​ឡូរី​។​

​​Helen Cowley សមាជិក​ក្នុង​ក្រុម​ស្រាវជ្រាវ បានឱ្យដឹងថា «យើង​ទាំងអស់គ្នា​សុទ្ធតែ​ដឹង​ពី​អារម្មណ៍​ចង់​រត់​ពួន​ក្រោយ​កៅអី ឬ​ក្តាប់ជាប់​ខ្នើយ​ពេល​មើល​ទិដ្ឋភាព​ភាពយន្ត​ព្រឺ​ព្រួច ឬ​រន្ធត់​។ ការស្រាវជ្រាវ​នេះ បង្ហាញថា ប្រហែល​ជា​អ្នក​ចង់​សម្រក​ទម្ងន់​ត្រូវ​មើល​ភាពយន្ត​ព្រឺ​រន្ធត់​ជា​ប្រចាំ​»៕​

​ˆ​វីតាមីន C ជួយ​បង្កើន​មេជី​វិត

ប្រសិន​អ្នក​ជួប​បញ្ហា​ដូចជា​បរិមាណ​មេជី​វិត​ទាប និង​ពុំទាន់​អាចមាន​កូន​នោះ វីតាមីន C  សារជាតិ​ប្រឆាំង​អុកស៊ីតកម្ម នឹង​ជា​ដំណោះស្រាយ​ដ៏​មាន​ប្រសិទ្ធភាព​មួយ​ដើម្បី​ជួយ​អ្នក​។​

​ពួក​អ្នកស្រាវជ្រាវ បាន​បង្ហាញថា បុរស​ម្នាក់​បំពេញបន្ថែម វីតាមីន C ១០០០ មិ​ល្លី​ក្រាម​ជាប្រចាំ​នោះ បរិមាណ​មេជី​វិត នឹង​កើនឡើង​ប្រមាណ ១០​ភាគរយ​។ ក្រៅពីនេះ វីតាមីន C  នៅមាន​លទ្ធភាព​ធ្វើឱ្យ​ថយចុះ​បរិមាណ​មេជី​វិត​ខុស​ប្រក្រតី​។ វីតាមីន C ជា​សារជាតិ​មួយ​ក្នុងចំណោម​សារជាតិ​ដើរតួនាទី​សំខាន់ ក្នុងការ​ទប់ស្កាត់​ការបំផ្លាញ​ហ្សែ​ន​តំណពូជ​ក្នុង​មេជី​វិត​។​


​ការស្រាវជ្រាវ​មួយ ថ្មីៗ​នេះ​បំផុត បានឱ្យ​ឃើញថា ប្រសិន​របប​ទទួលទាន​ជាប្រចាំ​របស់​បុរស​មាន​សុខ​ភាពល្អ​ម្នាក់ ខ្វះ​ប្រមាណ ២៥០ មិ​ល្លី​ក្រាម​វីតាមីន C នោះ បរិមាណ​ទឹកកាម នឹង​ថយចុះ ៥០ ភាគរយ ហើយ​បរិមាណ​មេជី​វិត​មាន​ហ្សែ​ន​តំណពូជ ត្រូវ​បំផ្លាញ នឹង​កើនឡើង ៩១ ភាគរយ​។ ពិសេស ចំពោះ​បុរស​ជក់បារី នឹង​បណ្តាលឱ្យ​បរិមាណ​វីតាមីន C ក្នុង​សរីរាង្គ ត្រូវ​ខ្វះ​ធ្ងន់ធ្ងរ​។ ដូច្នេះ ពួកគេ​ត្រូវបំពេញ​ថែម​វីតាមីន​នេះ​យ៉ាងច្រើន​។​

​ការស្រាវជ្រាវ​លើ​បុរស​គ្មាន​កូន​៣០​នាក់ ចែកចេញជា​២​ក្រុម មួយក្រុម​ត្រូវបាន​បំពេញ​ថែម ២០០ មិ​ល្លី​ក្រាម វីតាមីន C  និង​មួយក្រុម​ទៀត ត្រូវបាន​បំពេញ​១០០០​មិ​ល្លី​ក្រាម​វីតាមីន C  រាល់ថ្ងៃ ហើយ​អ្នក​ទាំងនេះ ត្រូវបាន​ត្រួតពិនិត្យ​បរិមាណ​មេជី​វិត​រាល់​សប្តាហ៍​។ លទ្ធផល​បង្ហាញ្ញថា ក្រុម​ប្រើ​វីតាមីន C ១០០០​មិ​ល្លី​ក្រាម កើន​១៤០​ភាគរយ បរិមាណ​មេជី​វិត ក្នុងពេល​ក្រុម​ប្រើ ២០០​មិ​ល្លី​ក្រាម កើន​តែ​១១២​ភាគរយ​។​


​ការស្រាវជ្រាវ​មួយ​ផ្សេង​ថ្មីៗ​នេះ ក៏បាន​បង្ហាញ្ញថា បុរស​ម្នាក់ ទទួលទាន​វីតាមីន C រាល់ថ្ងៃ ក្រោយ​រយៈពេល​៦០​ថ្ងៃ មាន​ចំនួន​មេជី​វិត កើន​៦០​ភាគរយ សមត្ថភាព​សកម្មភាព កើន​៣០​ភាគរយ ហើយ​ចំនួន​មេជី​វិត ខុស​ប្រក្រតី​ក៏​ថយចុះ​។​

​យោងតាម​លទ្ធផល​ស្រាវជ្រាវ​ខាងលើ បានឱ្យ​ឃើញថា វីតាមីន C  ដើរតួនាទី​សំខាន់​អស្ចារ្យ​មួយ​ក្នុង​ការជួយ​បុរស​បង្កើន​បរិមាណ និង​គុណភាព​របស់​មេជី​វិត​។ ដូច្នេះ​ការទទួល ទាន​វីតាមីន​ជាប្រចាំ រាល់ថ្ងៃ ចំពោះ​បុរស គឺ​ចាំបាច់​បំផុត​។​

​ក្រៅពី​ថ្នាំ​គ្រាប់ បុរស​នៅ​អាចបំពេញ​វីតាមីន C  ដោយ​វិធី​ទទួលទាន ជាប្រចាំ​នូវ​ពពួក​បន្លែ ផ្លែឈើ​សម្បូរ​វីតាមីន C ដូចជា ក្រូច ដំឡូងបារាំង បន្លែ​ពួយ​ឡេង ផ្កា​ស្ពៃខៀវ គ្រាប់​ម្រេច​ខ្ចី និង​ផ្កា​ខាត់ណា​៕

​ˆ​ប្រើប្រាស់ "​គ្រាប់បែក​ឈ្លាសវៃ​" ព្យាបាល​ជំងឺមហារីក

​ˆ​ពួក​អ្នកវិទ្យាសាស្ត្រ​នៅ​មហាវិទ្យាល័យ Yale (​អាមេរិក​) បានទទួល​ជោគជ័យ​ក្នុងការ​ពិសោធន៍​លើ​ឧបករណ៍​ដ៏​តូច​មួយ ដែល​ត្រូវបាន​ដាក់ឈ្មោះថា nanolipogels  ហើយ​វា​អាចមាន​លទ្ធភាព​កម្ទេច​កោសិកា​មហារីក ទន្ទឹមនឹងនោះ វា​ជួយ​កែប្រែ​ឱ្យ​ប្រសើរឡើង​នូវ​ប្រព័ន្ធ​អង្គ​បដិបក្ខ​របស់​សរីរាង្គ ។​
​ក្រុម​អ្នកស្រាវជ្រាវ បាន​ពិសោធន៍​ឧបករណ៍ NLG ឬ​ហៅថា "​គ្រាប់បែក​ឈ្លាសវៃ​" លើ​ពពួកសត្វ​កណ្តុរ​កើត​ជំងឺមហារីក​ស្បែក​កំណាច ដំណាក់កាល​ចុងក្រោយ និង​បាន​រាលដាល​ទៅ​សួត​។ ដំបូង​ពួក​អ្នកវិទ្យាសាស្ត្រ នាំយក​ឱសថ​ប្រឆាំង​មហារីក និង​ប្រូតេអ៊ីន​មួយ​ប្រភេទ ជួយ​ស្តារ​សមត្ថភាព​ការពារ​របស់​សរីរាង្គ​ទៅក្នុង​ឧបករណ៍ NLG​។  បន្ទាប់មក "​គ្រាប់បែក​ឈ្លាសវៃ​" នឹងត្រូវ​បាន​ចាក់​ចូលទៅក្នុង​សរសៃឈាម ដើម្បី​បម្លាស់​ទី​ទៅដល់​ដុំ​គីស​ទាំងឡាយ​។ ពេល NLG លុកលុយ​ចូលទៅ ក្នុង​បណ្តា​សរសៃឈាម​ផ្គត់ផ្គង់​ជីវជាតិ​ឱ្យ​ដុំ​គីស ឧបករណ៍​នេះ​ចាប់ផ្តើម​រំដោះ ឱសថ​ប្រឆាំង​មហារីក និង​ប្រូតេអ៊ីន បង្កើន​ប្រព័ន្ធ​អង្គ​បដិបក្ខ ។ ឱសថ​ប្រឆាំង​មហារីក មាន​ឥទ្ធិពល​បំផ្លាញ​ហ្សែ​ន TGF-beta  អាវុធ​ការពារ​របស់​កោសិកា​មហារីក ក្នុងពេល​ពពួក​ម៉ូលេគុល​ផ្ទុក interleukin នឹង​ជួយ​បង្កើន​ប្រព័ន្ធ​អង្គ​បដិបក្ខ ។​
​​ជា​លទ្ធផល ពួក​អ្នកវិទ្យាសាស្ត្រ បាន​រកឃើញថា ល្បឿន​រីកចម្រើន​របស់​ដុំ​គីស បាន​យឺត​មកវិញ​យ៉ាងច្រើន ហើយ​ពេលវេលា​នៅរស់​របស់​សត្វ​កណ្តុរ​បាន​កើនឡើង ។ វិធី​ព្យាបាល​ថ្មី​នេះ អាច​ជម្នះ​បាន​នូវ​បញ្ហា​ទាំងឡាយ​របស់​បណ្តា​វិធី ព្យាបាល​មហារីក​ទូទៅ​នាពេល​សព្វថ្ងៃនេះ ។​
​បណ្ឌិត  Stephen Wrzesinski  អ្នកដឹកនាំ​ការស្រាវជ្រាវ បានឱ្យដឹងថា​"​បញ្ហា​មួយ​ក្នុងការ​ព្យាបាល​ដុំ​គីស​កំណាច​បាន​រាលដាល ជា​កិច្ចការ លំបាក​ក្នុងការ​គ្រប់គ្រង​របស់​ប្រព័ន្ធ​អង្គ​បដិបក្ខ ព្រោះ​វា​ត្រូវ​ទប់ទល់​ពាសពេញ​សរីរាង្គ ។ ក្នុងពេលនោះ​វិធី​ព្យាបាល​ដោយ NLG អាច​ឃុំ​តំបន់​ដុំ​គីស​ដើម្បី​ព្យាបាល ទន្ទឹម​នោះ​បង្កើន​លទ្ធភាព​ស្វ័យ​អង្គ​បដិបក្ខ​របស់​សរីរាង្គ​"៕

​ទូរស័ព្ទ​ចល័ត មាន​គ្រោះថ្នាក់​សម្រាប់​គភ៌​

វិទ្យុ​សកម្ម​ពី​ទូរស័ព្ទ​ចល័ត​ក្នុងអំឡុងពេល​មានគភ៌ មាន​ឥទ្ធិពល​ទៅដល់​ការរីកចម្រើន​ខួរក្បាល​របស់​ទារក​។ នេះបើ​យោង​តាម​ការស្រាវជ្រាវរ​បស់​ពួក​អ្នកវិទ្យា សាស្ត្រ​អាមេរិក​។​

ពួក​អ្នកវិទ្យាសាស្ត្រ​នៅ​មហាវិទ្យាល័យ​វេជ្ជសាស្ត្រ Yale(​អាមេរិក​) បាន​រកឃើញថា វិទ្យុ​សកម្ម​ពី​ទូរស័ព្ទ ចល័ត អាច​ធ្វើឱ្យ​ឥទ្ធិពល​ដល់​ខួរក្បាល​របស់​ទារក និង​បង្ក​ជា​ភាពច្របូកច្របល់​អំពី​ទង្វើ​នោះ ពេល​ទារក​ធំ​ឡើង​។ ការសន្និដ្ឋាន​នេះ ត្រូវបាន​លើកឡើង បន្ទាប់​ពី​ដំណើរការ​ពិសោធន៍​លើ​សត្វ​កណ្តុរ​។​

សត្វ​កណ្តុរ​មាន​គភ៌ ត្រូវបាន​ចែក​ជា​ពីរ​ក្រុម ដាក់​នៅ​ក្នុង​ទ្រុង​ពីរ​ផ្សេង​គ្នា​។ លើ​កំពូល​ទ្រុង​នីមួយៗ ពួក​អ្នក វិទ្យាសាស្ត្រ បាន​ដាក់​ទូរស័ព្ទ​ចល័ត​មួយ (​មួយគ្រឿង​កំពុង​មាន​សកម្ម និង​មួយ​គ្រឿង​ទៀត​បាន​បិទ​មិន​អាច​បញ្ជូន​សញ្ញា​បាន​)​។ ក្រោយពេល​កណ្តុរ​មេ​កើតកូន ក្រុម​ស្រាវជ្រាវ​បន្ត​តាមដាន​ការរីកចម្រើន​កូនកណ្តុ​រទាំង​២​ក្រុម រហូតដល់​ពេល​វា​ធំ​ពេញវ័យ​មុនពេល​ដំណើរការ​ត្រួតពិនិត្យ​សកម្មភាព​របស់​ពួកវា​។ លទ្ធផល​បង្ហាញ​ថា កូនកណ្តុរ​មាន​មេ​ប្រាស្រ័យ​ជាមួយ​វិទ្យុសកម្ម​ទូរស័ព្ទ​ចល័ត ក្នុងអំឡុងពេល​មានគភ៌ ច្រើន​មាន​ការ​ស្តែងចេញ​នូវ​ការ​ទ្រុឌទ្រោម​សមត្ថភាព​ចងចាំ និង​សកម្មភាព​ហួស​កម្រិត​។​

​​បណ្ឌិត Hugh Taylor អ្នកដឹកនាំ​ការស្រាវជ្រាវ បានឱ្យដឹងថា​«​កូនកណ្តុរ​ដែល​បាន​រង​ឥទ្ធិពល​ដោយ​វិទ្យុសកម្ម​ពី​ទូរស័ព្ទ​ចល័ត តែង​មាន​សកម្មភាព​ច្រើនជាង​» ។ លោក​បាន​បន្តថា​«​សមត្ថភាព​ចងចាំ​របស់​វា​ក៏​ថមថយ​បន្តិច ... កូនកណ្តុរ​ទាំងនេះ​សំខាន់​ធ្វើ​សកម្មភាព​នៅ​ជិត​ជញ្ជាំង និង​មិន​យកចិត្តទុកដាក់​ពិភព​ជុំវិញ​»​។​

​​បណ្ឌិត Hugh Taylor បាន​ព្រមាន​ថា លទ្ធផល​ស្រាវជ្រាវ​បង្ហាញឱ្យឃើញ​ពី​វិទ្យុសកម្ម​ទូរស័ព្ទ​ចល័ត អាច​មាន​ឥទ្ធិពល​ទៅ​ដល់​ស្ត្រី​មាន​គភ៌ និង​កូន​របស់​ពួកគេ​។ ហេតុនេះ លោក​ទូន្មាន​ស្ត្រី​កំពុង​មានគភ៌ ត្រូវ​ប្រយ័ត្នប្រយែង​ពេល​ប្រើប្រាស់​ទូរស័ព្ទ​ចល័ត និង​ត្រូវ​ដាក់​ឧបករណ៍​នេះ ឲ្យនៅ​ឆ្ងាយ​ពី​ខ្លួន​។ បណ្តា​ក្រុមហ៊ុន​ផលិត​ទូរស័ព្ទ​ចល័ត​លើ​ពិភពលោក ក៏​បាន​ព្រមាន​អតិថិជន​ដែរ​ថា មិន​ត្រូវ​រក្សា​ទូរស័ព្ទ​ជិត​ខ្លួន តែ​ការព្រមាន​នេះ ច្រើន​មិន​ត្រូវបាន​ចាប់អារម្មណ៍ ព្រោះ​វា​ត្រូវ​បាន​សរសេរ​ក្នុង​សៀវភៅ​ណែនាំ​ប្រើប្រាស់​របស់​ទូរស័ព្ទ​ចល័ត​៕​

វិធី​ត្រួតពិនិត្យ​ដង្ហើម អាច​រកឃើញ​មហារីក​សុដន់​

​វិធី​ត្រួតពិនិត្យ​ដង្ហើម ត្រូវបាន​អនុវត្តន៍ តែ​ក្នុង​រយៈពេល ១០ នាទី និង​មានលទ្ធភាព រកឃើញ​មហារីក​សុដន់ ជាមួយនឹង​កម្រិត​ច្បាស់លាស់ ប្រហាក់ប្រហែល ថតកាំរស្មីអ៊ិច ។​

​ការត្រួតពិនិត្យ ត្រូវបាន​អនុវត្ត​ដោយ​ឧបករណ៍ មានឈ្មោះ Breath Link ផលិត​ដោយ​ក្រុមហ៊ុន​អាមេរិក​មួយ ។ អ្នក​ប្រើ គ្រាន់តែ​ដកដង្ហើម ចូល​ឧបករណ៍​វិភាគ​ដង្ហើម ក្នុង​រយៈពេល ២ នាទី បន្ទាប់មក ម៉ាស៊ីន​វិភាគ​ខ្យល់​ដង្ហើម​នោះ ដើម្បី​កំណត់​កម្រិត​សារជាតិ​គីមី និង​រកឃើញ​សញ្ញា​មហារីក ។ ឧបករណ៍​នេះ បច្ចុប្បន្ន បាន​ត្រៀម​ដាក់​ឲ្យ​ប្រើប្រាស់ នៅ​អឺរ៉ុប ។​

វិធីសាស្ត្រ​ថ្មី​ជួយ​បន្ថយ​តម្រូវ​ការថត​កាំរស្មី X ច្រើន​ពេល​មិនចាំបាច់ , កំហិត​ប្រាស្រ័យ​ជាមួយ​វិទ្យុសកម្ម និង​អារម្មណ៍​ខ្លាចរអែង​នៅ​ស្ត្រី​ជាច្រើន

បើតាម​លទ្ធផល​នៃ​ការស្រាវជ្រាវ ហើយ​ត្រូវបាន​ចុះផ្សាយ​លើ​ទស្សនា​វ​ដ្តី PloS ONE នោះ​, ពួក​អ្នកវិទ្យាសាស្ត្រ បាន​ឲ្យ​ដឹង​អំពី​កម្រិត​ច្បាស់លាស់ របស់​ការត្រួតពិនិត្យ​នេះ ប្រហាក់ប្រហែល​នឹង​ការរកឃើញ​របួស ក្នុង​ក្រពេញ​សុដន់ ដោយ​រូបភាព​កាំរស្មីអ៊ិច ។ អាស្រ័យហេតុនេះ វា​អាច​បន្ថយ​អប្បបរមា តម្រូវការ​ថតកាំរស្មីអ៊ិច សុដន់​ដែល​ជួនកាល​មិនចាំបាច់ ,​កំហិត​ស្ថានភាព​ប្រាស្រ័យ ជាមួយ​វិទ្យុសកម្ម ក៏ដូចជា ការ​ក្រែងរអែង​របស់​ស្ត្រី​ជាច្រើន ពេលធ្វើការ​ត្រួតពិនិត្យ​នៅ​មន្ទីរពេទ្យ ។​

​សាស្ត្រាចារ្យ Michael Phillips (​សកល​វិទ្យាល័យ​វេជ្ជសាស្ត្រ​ញូវយ៉ក​) ជា​អ្នកផ្តល់​គំនិត អំពី​វិធីសាស្ត្រ​ថ្មី​នេះ បាន​ថ្លែងថា​៖ "​ប្រសិន​ការត្រួតពិនិត្យ ផ្តល់​លទ្ធផល​អវិជ្ជមាន មាន​ដល់ ៩៩% នៃ​ហានិភ័យ​កើត​មហារីក​សុដន់ ពួក​វេជ្ជបណ្ឌិត និង​អ្នកជំងឺ អាច​ពិភាក្សា ដើម្បី​សម្រេច​ថា ចាំបាច់​ថតកាំរស្មីអ៊ិច ឬ​អត់​" ។​

​លោក​បាន​សង្កត់ធ្ងន់ថា នៅ​ត្រូវការ​ស្រាវជ្រាវ​ទ្រង់ទ្រាយ​ធំ​ច្រើន​ទៀត មុនពេល​វិធីសាស្ត្រ​នេះ ក្លាយជា​ជម្រើស​ដំបូង ក្នុងការ​វិភាគ​វិនិច្ឆ័យ​មហារីក​សុដន់ ។

​លោក​បាន​និយាយថាៈ​"​ខ្ញុំ​សង្ឃឹមថា ក្នុង​អនាគត​មិន​ឆ្ងាយ​, ការត្រួតពិនិត្យ​ដង្ហើម នឹង​ត្រូវបាន​អនុវត្តន៍ លើ​ទូទាំង​ពិភពលោក ក្នុងការ​រកឃើញ​ជំងឺ​ជាច្រើន ទាំង​មហារីក និង​ជំងឺឆ្លង ។ ខ្ញុំ​សង្ឃឹមថា វា​នឹង​ក្លាយជា​ការត្រួតពិនិត្យ​សំខាន់​មួយ ដូច​ការ​វិភាគឈាម ឬ​ទឹកនោម​" ។​

​មហារីក​សុដន់ ជា​ជំងឺមហារីក​ទូទៅ​នៅ​ស្ត្រី ។ ដោយឡែក នៅ​អង់គ្លេស ក្នុង ១ ឆ្នាំៗ មាន​ស្ត្រី​ដល់ ៥០.០០០ នាក់ កើត​ជំងឺ​នេះ ។ ថ្វី​ត្បិត​ដូច្នេះ , បរិមាណ​ស្ត្រី​ថតកាំរស្មីអ៊ិច សុដន់​តិច​បំផុត ៣ ឆ្នាំ​ម្តង កាន់តែ​ថយចុះ រៀងរាល់ថ្ងៃ ដោយសារ​ចិត្តសាស្ត្រ ខ្លាចរអែង​រួម​នឹង​ការមន្ទិលសង្ស័យ លទ្ធភាព​បែងចែក រវាង​ដុំ​គីស​កំណាច ជាមួយ​ដុំ​គីស​ស្លូត លើ​ហ្វីល​ថត ។​

​វិធី​ត្រួតពិនិត្យ​ដង្ហើម​នេះ ត្រូវបាន​លើកឡើង ជាមួយនឹង​ក្តីសង្ឃឹម និង​លើកទឹកចិត្ត​ស្ត្រី​ជាច្រើន ម្ចាស់ការ​រកឃើញ​ឆាប់ មហារីក​សុដន់ ដើម្បី​អាច​ព្យាបាល​ទាន់ពេល ៕M/V/L

​មនុស្ស​យើង​ឈឺ​ដោយសារ​អ្វី​

អ្នកស្រាវជ្រាវ​បាន​ឲ្យ​ដឹងថា មនុស្ស​យើង​មាន​ជំងឺ ដោយសារ​មូលហេតុ​ជាច្រើន ក្នុងនោះ​រួមមាន​ពេលដែល​ធាតុ​ទាំង​បួន​គឺ​. ដី . ទឹក . ភ្លើង​. និង​ខ្យល់ មិនមាន​សមតុល្យ​គ្នា . អាកាសធាតុ​ប្រែប្រួល ធ្វើ​ឲ្យ​មនុស្ស​ងាយ​ឈឺ . អាយុ​កើនឡើង .​បរិស្ថាន​មិនល្អ​នៅក្នុង​បរិយាកាស​ដែលមាន​ជាតិពុល ឬ

​ជ្រើស​ទទួលទាន​អាហារ ដើម្បី​សុខភាព

-​ សម្លប្រហើរ : រុក្ខ​ឱសថ​នៅក្នុង​សម្លប្រហើរ​នឹង​ជួយ​បន្ថយ​អាការ​គ្រុនផ្តាសាយ​បាន ។​
- ពោត : ជួយ​បន្ថយ​អាការ​តានតឹង ឆេវឆាវ ចំពោះ​ស្ត្រី​វ័យ​ចំណាស់​បាន ។​
- អាហារ​សមុទ្រ : ជួយ​រក្សា​តុល្យភាព​របស់​ប្រព័ន្ធ​ប្រសាទ និង​បន្ថយ​អាការ​ឃ្លាន សមស្រប​សម្រាប់​ស្ត្រី​ដែល​ចង់​បញ្ចុះទម្ងន់ ។​
- ​ទឹក​សណ្តែកសៀង : ជួយ​បន្ថយ​បរិមាណ​ជាតិ​ខ្លាញ់​ដែល​ប្រមូល​ផ្គុំ​ក្នុង​ក្រពះ ។​
- ទឹក​ផ្លែឈើ : បើ​ផឹក​ក្នុងខណៈ​ពោះ​ទទេ វា​អាចជួយ​លាង​ជាតិពុល​ក្នុង​រាងកាយ​បាន ។​
- ផ្លែ​ប៉ោម : ទទួលទាន​ទាំង​សំបក នឹង​ជួយ​កាត់បន្ថយ​អាការ​រាករូស ប៉ុន្តែ ត្រូវ​លាង​ឲ្យ​ស្អាត​ជាមុន ។​
- គ្រំ : ជួយ​បំប៉ន​ខួរក្បាល ការពារ​អាការ​ភ្លេចភ្លាំង​ច្រើន ។​
- ទឹក​កេក​ហួយ : ជា​ថ្នាំ​ត្រជាក់ បំបាត់​ក្តៅ​ក្នុង និង​ការពារ​ជំងឺ​សម្ពាធ​ឈាម​ខ្ពស់ ។​
- គ្រាប់​អាល់​ម៉ន់​ដ៍ និង​គ្រាប់ស្វាយចន្ទី : មាន​អាស៊ីដ​អុក​សា​សិ​ក (Oxalic Acid) ជួយ​ព្យាបាល​មុខ​បាន ។​
- ជីររណារ : ទំពា​ក្រោយ​ទទួលទាន​អាហារ អាចជួយ​កាត់បន្ថយ​ក្លិន​មាត់​បាន​យ៉ាង​ល្អ ៕

កូន​យំ​មូលហេតុ​អ្វី ?

សំឡេង​យំ​របស់​កូនតូច អាច​បណ្តាល​មកពី​បញ្ហា​ជា​ច្រើន​យ៉ាង ដែល​កើតឡើង​ចំពោះ​កូន​តូច ។ ការ​លួង​កូនតូច​ឲ្យ​បាត់​យំ​ទៅវិញ និង​ឲ្យវាមាន​អារ​ម្មរណ៍​ល្អ

ស្ថិតនៅលើ​បច្ចេកទេស​របស់​ឱ​ពុក​ម្តាយ​ ទាំងឡាយ ។ ប្រសិនបើ​អ្នក​បាន​ដឹង​ពី​មូលហេតុ ដែល​ធ្វើ​ឲ្យ​កូន​តូចយំ​នោះ អ្នក​អាច​ដោះស្រាយ និង​លួង​កូន​កុំឲ្យ​យំបាន​លឿន ...​។​
​    ​

កម្រិតវប្បធម៌ខ្ពស់ពេកឥទ្ធិពលដល់សុខភាពផ្លូវចិត្ត

កម្រិតវប្បធម៌​ខ្ពស់​ពេក​ប្រៀប​នឹង​ការងារ​ក៏​កើត​គ្រោះថ្នាក់​កើត​ជំងឺផ្លូវចិត្ត​
ពុំ​ត្រឹមតែ​អ្នកមាន​កម្រិតវប្បធម៌​ទាប​ពេក​ប្រៀប​នឹង​សំណូមពរ​ការងារ​តែ​សូម្បីតែ​អ្នកមាន​កម្រិតវប្បធម៌​ខ្ពស់​ក៏មាន​ការ​ប្រឈម​ជួបប្រទះ​បញ្ហា​សុខភាព​ផ្លូវចិត្ត​ដែរ ។​
​ពួក​អ្នកស្រាវជ្រាវ​ឲ្យ​ដឹងថា អ្នកចំណាយ​ពេលវេលា​ច្រើនពេក​ដើម្បី​សម្រេចបាន​កម្រិតវប្បធម៌​មួយ​ខ្ពស់​ឆ្ងាយ​ប្រៀប​នឹង​សំណូមពរ​ការងារ​មានការ​ប្រឈម​កើត​ជំងឺផ្លូវចិត្ត​យ៉ាងខ្ពស់ ។​
​ការស្រាវជ្រាវ​បាន​វិភាគ​ពត៌មាន​ពី​មនុស្ស​ជាង ១៦.៦០០​នាក់ មានការ​ងារ​ធ្វើ​មាន​អាយុ​ពី 25-95​ឆ្នាំ នៅ​២១​ប្រទេស​នៅ​ទ្វីបអឺរ៉ុប ។ ពួក​អ្នកស្រាវជ្រាវ​វាស់​កម្រិត​ជំងឺផ្លូវចិត្ត​របស់​អ្នកចូលរួម​ផ្អែកលើ​ការសិក្សា​ស្រាវជ្រាវ និង​បានប្រកាស​លទ្ធផល​នៅ​ថ្ងៃ ១០/៨ នៅ​សន្និបាត​របស់​សមាគម​សង្គមវិទ្យា​អាមេរិក ។​
​តាម​អ្នកស្រាវជ្រាវ Piet Bracke សាស្ត្រាចារ្យ​សង្គមវិទ្យា​នៅ​សកល​វិទ្យាល័យ Ghent (​បែ​ល​ហ្សិ​ក​) មូលហេតុ​បណ្តាល​ឲ្យ​អ្នកមាន​កម្រិតវប្បធម៌​ខ្ពស់​ពេក​ប្រៀប​នឹង​កម្រិត​សំណូមពរ​ការងារ​រប​ស់​គេ​ងាយ​ត្រូវ​រង​ឥទ្ធិពល​អាក្រក់​អំពី​ផ្នែក​ផ្លូវចិត្ត គឺ​ព្រោះតែ​គេ​ពុំមាន​ការសាកល្បង​ក្នុង​ការងារ និង​មិន​ត្រូវបាន​ប្រើប្រាស់​អស់​សមត្ថភាព​ដែល​គេ​មាន​ក្នុងអំឡុងពេល​សិក្សា ។​
​ការស្រាវជ្រាវ​មុនៗ​នេះ​ក៏បាន​ចង្អុល​បង្ហាញថា អ្នកមាន​កម្រិតវប្បធម៌​ទាប​ជាង​សំណូមពរ​របស់​ការងា​រ​មានការ​ប្រឈម​កើតរោគ​សញ្ញា​ជាប្រចាំ និង​ធ្ងន់ធ្ងរ​របស់​ជំងឺផ្លូវចិត្ត​ច្រើនជាង​២​ដង​ប្រៀប​នឹង​អ្នកមាន​កម្រិតវប្បធម៌​ខ្ពស់​ពេក​ប្រៀប​នឹង​ការងារ ប៉ុន្តែ​ការ​ប្រឈម​កើត​ជំងឺផ្លូវចិត្ត​ក៏​អាស្រ័យទៅលើ​កត្តា​ជាតិ ។​
​ការស្រាវជ្រាវ​ថ្មី​នេះ​ក៏​ឲ្យ​ដឹងថា ប្រទេសមួយ​មាន​ខឿនអប់រំ​ខ្ពស់​ពេក​នឹងមាន​ឥទ្ធិពល​មិនល្អ​ដល់​សុខភាព​ផ្លូវចិត្ត​របស់​មនុ​ស្សមាន​សញ្ញាប័ត្រ​មហាវិទ្យាល័យ​ទាំងអស់ ព្រោះ​នឹង​លំបាក​ដើម្បី​អ្នកទទួលខុសត្រូវ​អាច​ធា​ឲ្យ​ពួកគេ​នូវ​ការងារ​មួយ​សមស្រប និង​ប្រាក់បៀវត្សរ៍​សក្តិសម ។​
​លោក Bracke ឲ្យ​ដឹងថា ប្រសិន​ផលប្រយោជន៍​សេដ្ឋកិច្ច​របស់​ការអប់រំ​ថយចុះ​នោះ​វា​នឹង​នាំ​ដល់​ឥទ្ធិពល​ផ្លូវចិត្ត​អសកម្ម​ដល់​មនុ​ស្សមាន​ការសិក្សា​ខ្ពស់​ទាំងអស់ ។ តែ​លោក​ក៏​ចាត់ទុកថា ការពង្រីក​ការសិក្សា​មហាវិទ្យាល័យ​គឺ​ចាំបាច់ ៕​M

វីតាមីន B3 ក៏មានប្រសិទ្ធភាពដូច Viagra

​តាម​ការស្រាវជ្រាវ​ថ្មី​មួយ បាន​ឲ្យ​ដឹងថា វីតាមីន B6 មាន​ប្រសិទ្ធភាព​កែប្រែ​ឲ្យ​ប្រសើរឡើង​សមត្ថភាព​ផ្លូវភេទ​នៅ​បុរស​មាន​កម្រិត​កូ​ឡេ​ស្តេ​រ៉ូ​ល​ខ្ពស់ ។​
​ការស្រាវជ្រាវ​បង្ហាញថា បុរស​៨០​នាក់ ដែលមាន​ភាពមិនប្រក្រតី​នៃ​ការឡើង​រឹង​របស់​លិង្គ នៅ​កម្រិត​មធ្យម និង​ធ្ងន់ធ្ងរ ក្រោយពេល​ប្រើ Niacin ស្ថានភាព​ជំងឺ​ត្រូវបាន​កែប្រែ​ប្រសើរ​គួរ​ជាទី​គាប់ចិត្ត ។ បុរស 80 នាក់​ផ្សេង​ដែលមាន​សភាព​ស្រាល​ជាង​ត្រូវបាន​ព្យាបាល​ដោយ​ឱសថ​ក្លែងបន្លំ (Placebo) រោគសញ្ញា​ពុំមាន​អ្វី​ប្រែប្រួល ។ បរិមាណ​លីពីត និង​កូ​ឡេ​ស្តេ​រ៉ូ​ល នៅ​ពួកគេ​សុទ្ធតែ​ដូចគ្នា ។​
Niacin មាន​ប្រសិទ្ធភាព​សកម្ម ក្នុងការ​ព្យាបាល​ភាពច្របូកច្របល់​នៃ​ការឡើង​រឹង
​តាម Chi-Fai អ្នកដឹកនាំ​ការស្រាវជ្រាវ​នៅ​មហាវិទ្យាល័យ​ហុងកុង នៅ​អ្នកជំងឺ​សរសៃឈាម​បេះដូង Niacin មាន​ប្រសិទ្ធភាព​នាំ​កម្រិត​លីពីដ និង​កូ​ឡេ​ស្តេ​រ៉ូ​ល ត្រឡប់​ទៅ​ធម្មតា​វិញ ។ ដូច្នេះ​ពុំមាន​អ្វី​ភ្ញាក់ផ្អើល​ឡើយ​ដែលថា វា​ព្យាបាល​បាន​ជំងឺ​អសមត្ថភាព​ផ្លូវភេទ ដោយសារ​បញ្ហា​សរសៃឈាម​បេះដូង និង​ច្របូកច្របល់ នៃ​ការឡើង​រឹង ព្រោះ​ជំងឺ​ទាំង ២​នេះ មាន​មូលហេតុ​តែមួយ ។​
​វេជ្ជបណ្ឌិត Howart Hermann នៅ​មហាវិទ្យាល័យ​វេជ្ជសាស្ត្រ ផេ​ន​ស៊ី​ល​វ៉ា​នៀរ (​អាមេរិក​) អ្នក​បាន​ស្រាវជ្រាវ​បញ្ហា​នេះ​ពី​ឆ្នាំ ២០០៦ អះអាង​ដូចខាងលើ និង​បកស្រាយ​បន្ថែមថា​"​និយាយ​ឲ្យ​ត្រូវ​ជាង​គឺ​ជំងឺ​ទាំង​២​សុទ្ធ​តែមាន​ស្តែងចេញ​ដូចគ្នា​" ។ តាម​លោក ជំងឺ​បេះដូង ក្រិន​រឹង​សរសៃឈាម​... មាន​មូលហេតុ​គឺ​បរិមាណ​កូ​ឡេ​ស្តេ​រ៉ូ​ល​ខ្ពស់ រារាំង​ការនាំ​ឈាម​ទៅដល់​លិង្គ លទ្ធផល​គឺ​ច្របូកច្របល់​នៃ​ការឡើង​រឹង ។ ដូច្នេះ អសមត្ថភាព​ផ្លូវភេទ​ក៏​ជា​ផលវិបាក​របស់​កូ​ឡេ​ស្តេ​រ៉ូ​ល ។​
​ការស្រាវជ្រាវ​ថ្មី​មួយ​អំពី Niacin នៅ​បង្ហាញថា បុរស​ដែល​ប្រើ Niacin ពុំ​ត្រឹមតែ​សម្រេចបាន​លទ្ធផល​ល្អ​ក្នុងការ​កែប្រែ​ឲ្យ​ប្រសើរឡើង​មុខងារ​ឡើង​រឹង​ប៉ុណ្ណោះ​ទេ តែ​នៅ​បន្ថយ​បាន​បរិមាណ​លីពីដ​(​ខ្លាញ់​)​ក្នុង​ឈាម ។​
​ដើម្បី​ព្យាបាល​ជំងឺ​មិន​ប្រក្រតី​នៃ​ការឡើង​រឹង ចាំបាច់​ត្រូវ​ប្រើ​ថ្នាំ​មុនពេល​រួមភេទ​ប៉ុន្មាន​ម៉ោង ។ ភាគច្រើន​នៃ​អ្នកជំងឺ​ឲ្យ​ដឹងថា ជាមួយនឹង​ថ្នាំ​ទាំងនោះ មុខងារ​ឡើង​រឹង​កែប្រែ​ប្រសើរឡើង បានតែ​ក្នុងអំឡុងពេល​ខ្លី ។ បណ្ឌិត Chi-Fai អះអាងថា "​ប្រើ Niacin ល្អ​ជាង​ច្រើន ។ អ្នក​គ្រាន់តែ​ប្រើ​ម្តង​ក្នុង​មួយថ្ងៃ និង​អាច​រួមភេទ​នៅ​គ្រប់​ពេលដែល​អ្នក​ចង់​" ។​
​ក្នុងការ​ពិសោធន៍​ថ្មី​មួយ គេ​ប្រើ Niacin ក្រោម​សណ្ឋាន​គ្រាប់​រលាយ​យឺត ដើម្បី​រំដោះ​សន្សឹមៗ​ទៅក្នុង​ឈាម​ពេញ​មួយថ្ងៃ ។ បុរស​ពីដំបូង​គួរប្រើ Niacin តែ​ក្នុង​បរិមាណ ៥០០mg ក្នុង​មួយថ្ងៃ ដើម្បី​ធានា គ្មាន​ឥទ្ធិពល​បន្ទាប់បន្សំ បន្ទាប់មក​បង្កើន​ដល់​១០០០mg រួច​ដល់ ១៥០០mg ។​
​វេជ្ជបណ្ឌិត Hermann និយាយថា នៅមាន​បញ្ហា​មួយចំនួន ជា​បណ្តោះអាសន្ន​ពុំទាន់​អនុញ្ញាត​ឲ្យ​គេ​ប្រើ​សារជាតិ​នេះ ដើម្បី​រក្សាបាន​ជំងឺ​ច្របូកច្របល់​មុខងារ​ឡើង​រឹង​នៅ​បុរស ។ លទ្ធផល​ទាំងឡាយ​ទប់​តែ​បង្ហាញ​នៅ​បុរស​មាន​បរិមាណ​កូ​ឡេ​ស្តេ​រ៉ូ​ល​ខ្ពស់​ផង និង​សមត្ថភាព​ផ្លូវភេទ​ផង ប៉ុន្តែ​ពួក​អ្នកវិទ្យាសាស្ត្រ​ទាំងនេះ​ឲ្យ​ដឹងថា ពួកគេ​នៅ​ចង់​ស្វែងយល់ Niacin ឥទ្ធិពល​យ៉ាងដូចម្តេច​ទៅដល់​អ្នកជំងឺ​គ្រាន់តែ​ច្របូកច្របល់ នៃ​ការឡើង​រឹង​តែប៉ុណ្ណោះ ៕​M

​កាត់បន្ថយ​រោគ​រលាក​សន្លាក់​ដោយ​វីតាមីន C

សាកលវិទ្យាល័យ ព្រីដិ​កកូ​ឡំប៊ី បាន​ធ្វើ​ការពិសោធន៍​ទៅលើ​ប្រធានបទ ស្តីពីការពាក់ព័ន្ធ​គ្នា​រវាង​ការ​ទទួលទាន​វីតាមីន C និង​រោគ​រលាក​សន្លាក់ ។ គេ​បាន​ពិសោធន៍​ទៅលើ​បុរស​ចំនួន ៤៦.៩៩៤ នាក់ ដោយ​សាកសួរ​តាមដាន​ពី​ដំណើរ​ជីវិត និង​ការទទួល​ទានរ​បស់​ពួកគេ ។​
ក្នុងនោះ​គេ​បាន​សង្កត់ធ្ងន់​ជាងគេ ទៅ​លើ​ការ​ទទួលទាន​អាហារ ដែល​មាន​វីតាមីន C និង​អាហារ​បំប៉ន ។ ក្នុង​រយៈពេល ២ ឆ្នាំ អ្នកស្ម័គ្រចិត្ត​ចូលរួម​ពិសោធន៍ ត្រូវ​រាយការណ៍​ពី​លទ្ធផល​ពិនិត្យ រកមើល​រោគ​រលាក​សន្លាក់​ថា មាន​ការវិវត្ត​បែបណាខ្លះ ។​
លទ្ធផល​ពិសោធន៍​បានបង្ហាញ​ថា ក្នុង​រយៈពេល ២០ ឆ្នាំ មាន​បុរស​ចំនួន ១.៣១៧ នាក់ កើតរោគ​រលាក​សន្លាក់ ។ កត្តា​ប្រឈម​ថយ​ចុះ​អស់ ១៧ ភាគរយ សម្រាប់​ក្រុម​បុរស​ដែល​ទទួលបាន​វីតាមីន C តិចជាង ២៥០ មិល្លីក្រា​ម​ក្នុង​មួយ​ថ្ងៃ ។ ចំណែក​ក្រុម​ទទួលទាន​វីតាមីន C ក្នុង​មួយ​ថ្ងៃ​ពី ៥០០-៩៩៩ មិល្លីក្រា​ម ថយចុះ ៣៤ ភាគរយ ។ កត្តា​ប្រឈម​នឹង​ថយចុះ​យ៉ាងគំហុក នៅពេល​ទទួលបាន​វីតាមីន C ១៥០០ មិល្លីក្រា​ម ក្នុង​មួយ​ថ្ងៃ ឬ​ច្រើន​ជាង​នេះ ។​
វីតាមីន C វា​ជួយ​ជំរុញ​ដល់​ក្រ​លៀន ឲ្យ​ស្រូប​យក​អាស៊ីត​យូរិ​ក និង​ជួយ​បង្កើន​ល្បឿន​នៃ​តួនាទី​ការងារ​របស់​ក្រ​លៀន ឬ​ការពារ​អាការៈ​រលាក ដែល​ទាំងអស់​នេះ​សុទ្ធសឹង​ជា​ការកាត់បន្ថយ កត្តា​ប្រឈម​ការ​កើតរោគ​រលាក​សន្លា​ក់ ៕f

ស្ត្រីមានគភ៌មិនគួរទទួលទានម្រះ

ម្រះ​មាន​ផ្ទុក​សារជាតិ​មានលទ្ធភាព​រំញោច​ស្បូន​ធ្វើ​ឲ្យ​ស្ត្រី​មានគភ៌​ងាយ​ត្រូវ​រលូត​កូន ឬ​កើត​មិន​គ្រប់​ខែ ។​
​ម្រះ​តាំងពី​យូរ​មកហើយ​ត្រូវបាន​ចាត់ទុក​ដូចជា​ឱសថ​មាន​ប្រសិទ្ធភាព​រំដោះ​កម្តៅ​សរីរាង្គ បង្កើន​ប្រព័ន្ធ​ការពារ​រាងកាយ និង​ល្អ​សម្រាប់​អ្នកជំងឺ​ទឹកនោមផ្អែម ។ វា​នៅ​សម្បូរ​សារជាតិ​ជីវជាតិ​សម្រាប់​សរីរាង្គ​ដូចជា​ហ្វូ​ស​ហ្វ័​រ ម៉​ង់​ហ្គា​ណែ​ស ស័ង្កសី ម៉ាញ៉េ​ស្យូ​ម វីតាមីន B1, B2, B3 វីតាមីន​C... ។​
​ប៉ុន្តែ ចំពោះ​ស្ត្រី​មាន​ព័ត៌មាន​និង​កំពុង​ឲ្យ​កូនបៅ​នោះ​មិនគួរ​ទទួលទាន​ម្រះ ។​
​មូលហេតុ​គឺ​ដោយសារ​ម្រះ​ពុំ​សូវ​មាន​ជាតិ​សរសៃ​និង​ជាតិ​ខ្លាញ់​មិន​សមស្រប​សម្រាប់​របប​ជីវជាតិ​របស់​ស្ត្រី​មានគភ៌ និង​ស្ត្រី​ក្រោយ​សម្រាលកូន ។ ក្រៅពីនេះ គ្រាប់​ម្រះ​មាន​ផ្ទុក​សារជាតិ​១​មាន​ឈ្មោះថា Vicine សារជាតិ​ពុល​១​មានលទ្ធភាព​បង្ក​ការឈឺ​ក្បាលពោះ និង​សន្លប់​ចំពោះ​អ្នក​រំញោច ។​
​ទន្ទឹម​នោះ ម្រះ​ក៏​ត្រូវបាន​ចាត់ទុកជា​ប្រភេទ​ផ្លែឈើ​រំញោច​ស្បូន និង​អាច​បណ្តាល​ឲ្យ​កើត​មិន​គ្រប់​ខែ ។ ស្ត្រី​កំពុង​ឲ្យ​កូន​បៅដោះ​ក៏​មិនត្រូវ​ទទួលទាន​ម្រះ ព្រោះ​សមាសធាតុ​មិនល្អ​មួយចំនួន​អាច​ត្រូវបាន​ចម្លង​តាម​ទឹកដោះ​ម្តាយ ៕​M

ធ្មេញមានពាក់ព័ន្ធដល់ជំងឺបេះដូង និងទឹកនោមផ្អែម

​ពួក​អ្នកស្រាវជ្រាវ​ស៊ុយអែត ទើបនឹង​រកឃើញ​ទំនាក់ទំនង​រវាង​ការ​ជ្រុះ​ធ្មេញ ហូរឈាម​ជើងធ្មេញ​ជាមួយនឹង​ជំងឺ​ទឹកនោមផ្អែម និង​សរសៃឈាម​បេះដូង ។ ពួក​ទន្ត​បណ្ឌិត​ឲ្យ​ដឹងថា ជំងឺ​អំពី​ធ្មេញ និង​ជំងឺ​សរសៃឈាម​បេះដូង ទឹកនោមផ្អែម​មាន​ពាក់ព័ន្ធ​ជាមួយគ្នា ដោយសារ​បរិមាណ​កូ​ឡេ​ស្តេ​រ៉ូ​ល ក្នុង​ឈាម​កើន​ខ្ពស់ ។​
​តាម​ពួកគេ ការពិនិត្យ​ព្យាបាល​ធ្មេញ តាម​កាលកំណត់ នឹង​បន្ថយ​បាន​គ្រោះថ្នាក់​កើត​ជំងឺ​បេះដូង ។ មុន​នោះ ពួក​អ្នកស្រាវជ្រាវ​បាន​សង្កេតឃើញថា ការ​អនាម័យ​មាត់​ធ្មេញ​ខ្សោយ និង​ហូរឈាម​ជើងធ្មេញ អាច​អនុញ្ញាត​ឲ្យ​បាក់តេរី​ដល់​ទៅ​ជាង​៧០០ ប្រភេទ​លុកលុយ​ចូល​ផ្លូវ​ឈាម ។ រឿងនេះ​ធ្វើ​ឲ្យ​កើន​គ្រោះថ្នាក់ កើត​ជំងឺ​បេះដូង ។ ក្រុម​អ្នកស្រាវជ្រាវ​មួយក្រុម​ផ្សេងទៀត​នៅ​រកឃើញថា បរិមាណ​កំណក​ក្នុង​ធ្មេញ​កាន់តែច្រើន នោះ​គ្រោះថ្នាក់​ត្រូវស្លាប់​ដោយសារ​ជំងឺមហារីក​កាន់តែ​ខ្ពស់ ឬ​តិច​បំផុត គឺ​ថយ​អាយុ​១៣​ឆ្នាំ ៕​M

​ការ៉ុត និង​បន្លែ​បៃតង​អាច​ទប់ស្កាត់​មហារីក​សុដន់​

ការបរិភោគ​បន្លែ​ឲ្យ​បាន​ច្រើន​ដូចជា ការ៉ុត ប្រូ​ខូ​លី ស្ពៃក្តោប និង បន្លែ​បៃតង​ផ្សេងទៀត អាច​និង​ជួយ​កាត់បន្ថយ​គ្រោះថ្នាក់​មហារីក​សុដន់ ជាពិសេស​មហារីក​សុដន់​ប្រភេទ​កាច​សាហាវ ដែល​ច្រើន​កើត​លើ​ស្ត្រី​អាមេរិក ដើមកំណើត​អាហ្វ្រិក ។ នេះ​បើតាម​យោង​ការស្រាវជ្រាវ​ដ៏​ធំ​មួយ​ដែល​ចេញផ្សាយ លទ្ធផល​កាលពីពេល​ថ្មីៗ​នេះ ។

បើ​យោងតាម​មជ្ឈមណ្ឌល​ត្រួតពិនិត្យ និង​ទប់ស្កាត់​ជំងឺ​បាន​ឲ្យ​ដឹងថា មហារីក​សុដន់​គឺជា​ជំងឺ​ប្រហារជីវិត​លំដាប់​លេខ​ពីរ សម្រាប់​ស្ត្រី​អាមេរិក​ទាំង​ស្បែក​ខ្មៅ និង​ស្បែ​កស ។ គេ​ប៉ាន់ប្រមាណ​ថា ស្ត្រី​អាមេរិក​ម្នាក់​ក្នុងចំណោម ៨​នាក់ កើតរោគ​នេះ​នៅ​ដំណាក់កាល​ណាមួយ​នៃ​ជីវិត​របស់​ពួកគេ ទោះជា​ក​ត្ត​អាយុ តំណពូជ និង​បរិស្ថាន​រួមចំណែក​ធ្វើ​ឲ្យ​ការ​ប្រឈម​នឹង​រោគ​នេះ​កើនឡើង​ក៏ដោយ ។

អ្នកស្រី ប៊ូ​កស៍ (Boggs) និង​សហការី​ចង់ដឹង​ឲ្យ​ច្បាស់​ថា តើ​អាចមាន​ប្រសិទ្ធភាព​ជួយ​ទប់ស្កាត់​រោគ​កាច​សាហាវ​នេះ​បាន​ឬទេ ?
ក្រុមការងារ​អ្នកស្រី​បានធ្វើ​ការតាមដាន​ចំណីអាហារ និង​សុខភាព​របស់​ស្ត្រី​អាមេរិកកាំង​ស្បែក​ខ្មៅ​ចំនួន ៥០.០០០​នាក់ នៅ​ជុំវិញ​សហរដ្ឋអាមេរិក ដោយ​ចំណាយពេល​រហូតដល់​ទៅ ១២​ឆ្នាំ ។ ក្នុងអំឡុង​ពេលនេះ​ស្ត្រី​ចំនួន ១.៣០០​នាក់ បាន​កើតរោគ​មហារីក​សុដន់ ។

ទោះបីយ៉ាងណា​ក៏ដោយ​អ្នកស្រាវជ្រាវ​បាន​រកឃើញថា ស្ត្រី​បរិភោគ​បន្លែ​យ៉ាងតិច​ពី​ដង​ក្នុង​មួយថ្ងៃ មាន​អត្រា​កើតរោគ​កើតរោគ​ម​រីក​សុដន់ ៤០​ភាគរយ តិចជាង​ស្ត្រី​ទាំងឡាយ​ដែល​បរិភោគ​បន្លែ​តិចជាង ៤​ដង​ក្នុង​មួយ​សប្តាហ៍ ។

លើសពីនេះ​ទៀត​អ្នកស្រាវជ្រាវ​បាន​រកឃើញ​ប្រភេទ​បន្លែ មួយចំនួន​ដែលមាន​ប្រសិទ្ធភាព​កាត់បន្ថយ​រោគ​មហារីក​សុដន់​គ្រប់​ប្រភេទ​ដែល​ក្នុងនោះ​រួមមាន ប្រូ​ខូ​លី បន្លែ​បៃតង ស្ពៃក្តោប និង ការ៉ុត ។ ឧទាហរណ៍ ស្ត្រី​ដែល​បរិភោគ​ការ៉ុត​យ៉ាងតិច​បី​ដង​ក្នុង​មួយ​សប្តាហ៍ មាន​អត្រា​គ្រោះថ្នាក់​ក្នុងការ​កើតរោគ​មហារីក​សុដន់ ១៧​ភាគរយ ទាប​ជាង​ស្ត្រី​ដែល​ដែល​ហូប​ការ៉ុត​តិចជាង​ម្តង​ក្នុង​មួយខែ ។

អ្នកស្រី ប៊ូ​កស៍ បាន​និយាយថា “​វា​ប្រាកដ​ណាស់​ថា បន្ថែម​ពីលើ​អត្ថប្រយោជន៍​សក្តានុពល​ក្នុងការ​ប្រឆាំង​រោគ​មហារីក​សុដន់ ការបរិភោគ​បន្លែ​ច្រើន​អាច​នាំ​ឲ្យ​ទទួលបាន​ផលប្រយោជន៍ ខាង​សុខភាព​ជាច្រើន​ទៀត ដូចជា​កាត់បន្ថយ​ជំងឺ​បេះដូង​ជាដើម ។ ដូច្នេះ​ពួកយើង​ណែនាំ​ឲ្យ​ស្ត្រី​ទាំងឡាយ​ព្យាយាម​បង្កើន​ការបរិភោគ​បន្លែ​ជា​រៀងរាល់ថ្ងៃ ៕

ទទួលទាន​ចំណីអាហារ​បែបណា​ដើម្បី​ឲ្យ​ស្រក​ទំងន់ និង មាន​អារម្មណ៍​ភ្លឺ​ថ្លា​?

យើងទាំងអស់គ្នា​បានដឹង​រួចហើយ​ថា​អាហារ​ដែល​សម្បូរ​ជាតិ​ខ្លាញ់ ស្ករ និង ចំណីអាហារ​កែច្នៃ​គឺ​មិនល្អ​សម្រាប់​ទំហំ​ចង្កេះ​របស់​យើង​នោះទេ ។ ក៏ប៉ុន្តែ​បើ​យោងតាម​សៀវភៅ​ថ្មី​មួយ វា​ក៏​នឹងធ្វើ​ឲ្យ​យើង​រឹតតែ​បាក់​ទឹកចិត្ត​ទៅទៀត ។​

​    ​ក្រុម​អ្នកនិពន្ធ​នៃ​សៀវភៅ របប​អាហារ​ដ៏​មាន​សុភមង្គល (The Happiness Diet) ជឿជាក់ថា អ្វីដែល​យើង​ទទួលទាន​ពិតជា​អាច​ជះឥទ្ធិពល​ដល់​អារម្មណ៍​ច្រើន​ដូច​វា​ជះឥទ្ធិពល​ទៅលើ​ទំហំ​ចង្កេះ​ផងដែរ ។​

​    ​លោក ឌ្រូ រ៉ែ​ម​សី ជា​គ្រូពេទ្យ​ផ្នែក​វិកលចរិត​នៅ​សាកលវិទ្យាល័យ​កូ​ឡុំ​ប៊ី (Columbia University) និង អ្នកនិពន្ធ​អត្ថបទ​សុខភាព​លោក ថៃ​ល័​រ ហ្គ្រា​ហាម និយាយថា ការទទួល​ទាន​ចំណីអាហារ​ត្រឹមត្រូវ​គឺជា "​​មូលដ្ឋានគ្រឹះ​នៃ​សុខភាព​ផ្លូវចិត្ត​ដ៏​ល្អ​" ។​

​    ​លោក​បានចង្អុលបង្ហាញ​ថា អត្រា​នៃ​ភាពធាត់​ហួសប្រមាណ និង ការបាក់​ទឹកចិត្ត​បាន​កើនឡើង​ទ្វេដង​នៅ ២ ទសវត្សរ៍​ចុងក្រោយ​នេះ និង ស្តីបន្ទោស​បញ្ហា​ទាំងនេះ​ទៅលើទម្លាប់​ក្នុងការ​ទទួលទាន​តាម​បែប​ប​ច្ចឹ​ម​ប្រទេស ។​

​    ​ពួកគេ​និយាយថា ផែនការ​សម្រក​ទំងន់​ដែល​កាត់បន្ថយ​ជាតិ​ខ្លាញ់ និង ជាតិ​កាល់​ឡូរី​ងាយៗ គឺជា​ប្រភេទ​រូបមន្ត​ម្ហូបអាហារ​ដ៏​បរាជ័យ​មួយ ហើយ​បើ​គ្មាន​សមាសធាតុ​បង្កើនអារម្មណ៍​តាមបែប​ធម្មជាតិ​ដូចជា សារធាតុ​ម៉ាញ៉េ​ហ្សូ​ម វី​តា​មី B12 និង អាស៊ីត Linoleic ទេនោះ យើង​ទំនង​មិន​ទទួលបាន​នូវ​អារម្មណ៍ សប្បាយរីករាយ និង ជោគជ័យ​នោះទេ ។​

​    ​ផ្ទុយ​មកវិញ ចំណីអាហារ​ដែល​សម្បូរ​ជាតិ​ខ្លាញ់​មាន​ប្រយោជន៍ ដូចជា ប្រេង​អូ​លីវ គ្រាប់​ធញ្ញ​ជាតិ បន្លែ និង សាច់​ដែល​មានគុណ​ភាពល្អ អាច​ផ្តល់​ប្រយោជន៍​ដល់​ទាំងអារម្មណ៍ និង ទាំង​ទំហំ​ចង្កេះ​របស់​យើង​ទៀតផង ព្រោះ​នៅពេលដែល​យើង​មាន​អារម្មណ៍​សប្បាយចិត្ត​កាន់​តែ​ខ្លាំង មនុស្ស​នឹង​ស្រក​ទំងន់​ដោយ​មិនចាំបាច់​ប្រឹង ។​

​    ​លោក​វេជ្ជបណ្ឌិត រ៉ែ​ម​សី បាន​និយាយប្រាប់​វេ​ប​សាយ Today.com ថា "​ការ​ផ្តោតទៅលើ​ការទទួលបាន​ស្បែក​ស្អាត​តាមរយៈ​ការទទួល​ទាន​អាហារ​ដែលមាន​ជាតិ​ខ្លាញ់​ទាប និង ជាតិ​កាល់​ឡូរី​ទាប គឺ​ធ្វើ​ឲ្យ​មនុស្ស​ភាគច្រើន​ទទួល​បរាជ័យ​" ។​

​    ​"​ខួរក្បាល​របស់​អ្នក​បង្កើតឡើង​ដោយសារ​អាហារ ហើយ​ចំណីអាហារ​ដ៏​ត្រឹមត្រូវ​មួយ​គឺជា​មូលដ្ឋានគ្រឹះ​សម្រាប់​សុខភាព​ផ្លូវចិត្ត​ដ៏​ល្អ ។ អ្នក​មិន​អាចមាន​អារម្មណ៍​ល្អប្រសើរនោះទេ ប្រសិនបើ​អ្នក​បង្អត់អាហារ​ដល់​ខួរក្បាល​របស់​អ្នកនោះ​" ៕

​វិធី​ព្យាបាល​ជាបឋម នៅពេល​ត្រូវ​រងទឹក​អាស៊ី​ដ​

ឥទ្ធិពល​នៃ​ទឹក​អាស៊ីដ អាច​ធ្វើឲ្យ​មនុស្ស​ស្លាប់ ឬ​ពិការ​អស់​មួយ​ជីវិត​។ ខាងក្រោម​នេះ ជា​វិធី​ព្យាបាល​អ្នក​របួស​ក្នុង​ជំហាន​បឋម ដែល​អ្នក​គួរ​ដឹង​...​។​


​​១-​បើ​ទឹក​អាស៊ី​ដដែល​ប៉ះ​នឹង​ស្បែក ជា​ប្រភេទ​ទឹក​អាស៊ី​ដ មាន​កំហាប់​ខ្ពស់ វា​បណ្តាល​ឲ្យ​ក្តៅ​រលាកភ្លា​មមួយ​រំពេច​។ តែបើ​កំហាប់​របស់​វា​មាន​កម្រិត​ទាប អាការ​នឹង​កើតឡើង​ប្រមាណ​១០​នាទី ក្រោយ​ពេល​ប៉ះ​ត្រូវ​ទឹក​អាស៊ី​ដ​។ ដូច្នេះ​ត្រូវ​ប្រញាប់​លាង​មុខរបួស ដោយ​ប្រើ​ទឹក​លាយ​ជាមួយ​ទឹកសាប៊ូ​ដែល​ផ្សំ​ឡើង​ដោយ​រូបមន្ត​ខ្សោយៗ ឬ​ទឹកស្អាត​ក៏បាន ឲ្យបាន​ឆាប់រហ័ស​បំផុត​។ ត្រូវ​ស្រោច​ទឹក​ពី​លើ​ស្នាមរបួស រហូត​ទាល់តែ​អាការ​ក្តៅ​រលាក ថយចុះ តែ​ត្រូវ​ប្រយ័ត្ន​កុំឲ្យ​ទឹក​ដែល​ហូរ​ពី​មុខរបួស ទៅ​ប៉ះ​នឹង​ស្បែក​បរិវេណ​ផ្សេងទៀត​។​


​​២-​មិន​ត្រូវ​យក​ដៃ ឬ​វត្ថុ​មួយ ទៅ​ប៉ះ​មុខរបួស​ត្រូវ​ទឹក​អាស៊ីដ​ឡើយ ព្រោះ​វា​អាច​បង្ករ​ឲ្យ​មុខរបួស កាន់តែ​រីក​ធំ​។​


​​៣-​បើ​ទឹក​អាស៊ីដ​មាន​កំហាប់​ទាប ក្នុង​រយៈពេល ១-២ ថ្ងៃក្រោយ មុខរបួស​ចាប់ផ្តើម​ប្តូរ​ទៅ​ជា​ពណ៌​ត្នោត និងរ​បក​ចេញ​ដោយ​ខ្លួនឯង ក្នុង​ចន្លោះ​ពី​៧ ទៅ​១០​ថ្ងៃ​។ ប៉ុន្តែ​បើ​មុខរបួស​ត្រូវ​ឆ្លង​មេរោគ​មាន​ខ្ទុះ ឈឺចាប់​ពើត​ផ្សា​សាជាថ្មី ឬ​មាន​ពង​កន្ទួល​ក្រហម ត្រូវ​ប្រញាប់​ឲ្យ​គ្រូពេទ្យ​ពិនិត្យ​អាការ​នេះ​។​


​​៤-​មិន​ត្រូវ​យក​ដៃ​ដែល​ប៉ះ​នឹង​ទឹក​អាស៊ីដ ទៅ​ប៉ះ​ភ្នែក​ជាដាច់ខាត​។​


​​៥-​យក​ក្រណាត់​ស្អាត មក​រុំ​មុខរបួស មុននឹង​បញ្ជូន​អ្នករងគ្រោះ​ទៅ​មន្ទី​ពេទ្យ​។​


​៦-​បើ​អាច​ធ្វើទៅបាន គួរ​លាង​របួស ដោយ​ទឹកសាប៊ូ​មាន​សមាសធាតុ​ផ្សំ​ខ្សោយៗ ដើម្បី​ឲ្យ​ជាតិបាស​នៅក្នុង​សាប៊ូ ជួយ​បំផ្លាញ​ជាតិ​អាស៊ីដ​៕​

ថ្នាំព្យាបាល​មហារីក​ឈាម អាច​បង្ក​ជំងឺ​រលាកថ្លើម B

​ស្ថាប័ន​គ្រប់គ្រង​សុខាភិបាល​អាមេរិក បាន​បង្កើន​ការព្រមាន​អំពី​ហានិភ័យ​របស់​ថ្នាំ​ព្យាបាល​មហារីក​ឈាម ២ ប្រភេទ ព្រោះ​វា​អាច​រំញោច​សកម្មភាព​វីរុស​រលាក​ថ្លើម B ឡើងវិញ នៅ​អ្នក​ធ្លាប់​ឆ្លង​ជំងឺ ។​
​ការព្រមាន​ពាក់ព័ន្ធ​ដល់​ថ្នាំ ២ ប្រ​ភេ​ទៈ Glaxo Smith Kline Plc Arzerra ត្រូវបាន​អនុម័ត​នៅ​អាមេរិក ក្នុង​ឆ្នាំ​២០០៩ ដើម្បី​ព្យាបាល​ជំងឺ​ឈាមស Lymphocytic រ៉ាំរ៉ៃ (CLL) និង Rituxan ថ្នាំ​១​ប្រភេទ ផលិត​ដោយ Roche Holding AG និង Biogen Idec Inc ត្រូវបាន​អនុម័ត ដើម្បី​ព្យាបាល​ជំងឺ CLL, U Lympho គ្មាន Hodgkin និង​រលាក​សន្លាក់​សណ្ឋាន​ទាប ។​
​ស្ថាប័ន​គ្រប់គ្រង​ឱសថ និង​អាហារ​អាមេរិក (FDA) ឲ្យ​ដឹងថា ហានិភ័យ​របស់​ថ្នាំ ២ ប្រភេទ​ខាងលើ ត្រូវបាន​ពណ៌នា​ក្នង​ពាក្យ​ព្រមាន និង​វិធានការ​បង្ការ​បោះ​ពុ​ម្ភ​លើ​ប្រ​អង់​ថ្នាំ ។ ប៉ុន្តែ នៅតែមាន​ករណី​អ្នក​ធ្លាប់​កើត​ជំងឺ​រលាក​ថ្លើម B ប្រើប្រាស់​ថ្នាំ​ទាំង ២ ប្រភេទ​នេះ ត្រូវ​លាប់​ជំងឺ​ឡើងវិញ ហើយ​អ្នកជំងឺ​មួយចំនួន បាន​បាត់​បង់ជីវិត ។ បច្ចុប្បន្ន ព័ត៌មាន​ព្រមាន​ហានិភ័យ​របស់​ថ្នាំ នឹងត្រូវ​បានដាក់​ក្នុង​គ្រោង​ខ្មៅ​មួយ លើ​សំបក​ប្រអប់​ថ្នាំ បង្ហាញ​ពី​ភាព​ធ្ងន់ធ្ងរ​បំផុត ។​
FDA ទូន្មាន​ថា វេជ្ជបណ្ឌិត​គួរ​ត្រួតពិនិត្យ​អ្នកជំងឺ​ទាំងអស់ តើ​គេ​ធ្លាប់​ត្រូវ​ឆ្លង​មេរោគ​រលាក​ថ្លើម មុនពេល​ចាប់ផ្តើម​ព្យាបាល ជាមួយ​ថ្នាំ​ខាងលើ​ដែរ ឬទេ ។​
​រលាក​ថ្លើម B ជា​ជំងឺឆ្លង​មេរោគ​ថ្លើម​ធ្ងន់ធ្ងរ​មួយ អាច​ក្លាយជា​រ៉ាំរ៉ៃ និង​បណ្តាល​ឲ្យ​ខ្សោយ​ថ្លើម​, មហារីក​ថ្លើម ឬ ក្រិន​ថ្លើម ។ ជំងឺឆ្លង​តាមរយៈ​ការប៉ះពាល់​ឈាម ឬ ជាតិ​រំអិល​សរីរាង្គ ។ វិធី​ល្អ​បំផុត ដើម្បី​ទប់ស្កាត់​ជំងឺ​នេះ គឺ​ចាក់​វ៉ាក់សាំង​ការពារ ៕M​

​ក្រែ​មលាប​មាត់​បន្ថយ​ភាព​ឈ្លាសវៃ​របស់​ស្ត្រី​

តាម​ការស្រាវជ្រាវ ក្រុម​អ្នកវិទ្យាសាស្ត្រ បានបង្ហាញ​ថា ៥៥​ភាគរយ​នៃ​ផលិតផល​ក្រែ​មលាប​មាត់ផ្ទុក​បរិមា​ណ​សំណ អាច​មាន​ឥទ្ធិពល​ទៅដល់​សុខភាព​សរសៃ​​ ប្រសាទ និង​ប្រាជ្ញា​ឈ្លាសវៃ​របស់​អ្នកប្រើប្រាស់​។​

​​ក្រុមហ៊ុន​ប្រឹក្សា​អំពី​សុវត្ថិភាព Under Writers Laboratories  របស់​អាមេរិក បាន​ដំណើរការ​វិភាគ​សមាស​ធាតុ​ជាតិគីមី នៅក្នុង​ក្រែ​មលាប​មាត់​២២​ប្រភេទ ដែល​មាន​ការ​និយម​ប្រើប្រាស់​នៅ​ប្រទេស​នេះ​។ លទ្ធផល​បាន​បង្ហាញថា ១២,២២ (​ដណ្តើម​ប្រមាណ​៥៥​ភាគរយ​) នៃ​ផលិតផល​ក្រែ​មលាប​មាត់ ត្រូវបាន​ត្រួតពិនិត្យ​ផ្ទុក​បរិមាណ​សារជាតិ​សំណ នៅ​កម្រិត ៣,២២ ភាគ​លាន​។​

បណ្ឌិត​Sean Palfrey នាយក​សុខាភិបាល​របស់​កម្មវិធី​បង្ការ​ប្រឆាំង​ឆ្លង​ជាតិពុល​សំណ Boston បាន​អធិប្បាយ​ពាក់ព័ន្ធ​ទៅនឹង​លទ្ធផល​ស្រាវជ្រាវ​នេះ​ថា  «តាម​បណ្តា​ភស្តុតាង​វិទ្យាសាស្ត្រ ដែល​យើងខ្ញុំ​ដឹង សូម្បី​តែ​បរិមាណ​សំណ​នៅ​កម្រិត​ទាប​បំផុត​ក៏​អាច​ធ្វើ​ឱ្យ​គ្រោះថ្នាក់ IQ ផងដែរ​។ នេះ​គឺ​ជា​ទង្វើ​និង​សមត្ថភាព​ទទួលយករ​បស់​អ្នក»​។​

​​សកម្មជន​ប្រឆាំង​នឹង​ការប្រើប្រាស់​សំណ​ក្នុង​ផលិតផល​គ្រឿងសម្អាង​ជាច្រើន​នាក់ ក៏​បាន​សំណូមពរ​ដ៏​ទទូច​ដល់​ស្ថាប័ន​ពាក់ព័ន្ធ​នានា​ថា ត្រូវការពារ កុមារ​និង​ស្ត្រី​មានគភ៌ ដើម្បី​ឲ្យ​ចៀសផុត​ពី​ផលិតផល​គ្រឿងសម្អាង​មាន​សំណ​នេះ​។​

​​ប៉ុន្តែ​ស្ថាប័ន​គ្រប់គ្រង​អាហារ និង​ឱសថ​អាមេរិក (FDA)  ពុំទាន់​មាន​ស្តង់ដារ​មួយ​អំពី​បរិមាណ​សំណ​អតិបរមា​ក្នុង​ផលិតផល​ក្រែ​មលាប​មាត់ និង​ទុក​ឱ្យ​អ្នក​ផលិត​ស្វ័យ​សម្រេច​ផ្អែកលើ​ការត្រួតពិនិត្យ​សុវត្ថិភាព​របស់​ពួកគេ​។​

​​សំណ​ពុំមែន​ដោយ​ចេតនា​ត្រូវបាន​នាំ​ចូល​ក្នុង​ផលិតផល​ក្រែ​មលាប​មាត់​នោះ​ទេ ប៉ុន្តែ​ពណ៌​សម្បុរ​ច្រើន​ប្រភេទ​ត្រូវបាន​បង្កើត​ផ្អែក​ពី​សំណ​។ ក្រៅពីនេះ សំណ​ស្ថិតនៅ​ដោយ​ធម្មជាតិ​ក្នុង​ដី ទឹក និង​បរិយាកាស អាច​ជ្រាប​ចូល​ក្នុង​ក្រែ​មលាប​មាត់​ក្នុង​ដំណើរការ​ផលិត​។ ប៉ុន្តែ ពួក​សកម្មជន​ដើម្បី​គ្រឿងសម្អាង​សុវត្ថិភាព បាន​ចាត់ទុកថា បណ្តា​ក្រុមហ៊ុន​អាច​ផលិត​គ្រឿងសម្អាង ដោយ​គ្មាន​ផ្ទុក​សំណ​ទាំងស្រុង​។​

​​លោក Janet Nudelman សមាជិក​របស់​យុទ្ធនាការ​ដើម្បី​គ្រឿងសម្អាង​សុវត្ថិភាព បានឱ្យដឹងថា «​ច្បាស់​ណាស់​ថា ជាង​ពាក់ កណ្តាល​នៃ​ក្រែ​មលាប មាត់​ត្រូវបាន​ត្រួតពិនិត្យ​ផ្ទុក​លោហធាតុ​សំណ ប៉ុន្តែ​ពាក់កណ្តាល​ក្នុង​ចំនួន​នេះ​គ្មាន​ផ្ទុក​។ ប្រការ​នេះ​បង្ហាញថា ពួក​អ្នក​ផលិត​អាចបង្កើត​ផលិតផល​គ្មាន​សារជាតិ​សំណ​»៕​

គេងជួយបង្កើនបរិមាណកោសិកាខួរក្បាល

៖ តាម​ការស្រាវជ្រាវ​ថ្មី គេង​ជួយ​បង្កើនល្បឿន​កកើត​កោសិកា​បង្កើត Myelin ក្នុង​ខួរក្បាល​សត្វ​
​ពួក​អ្នកវិទ្យាសាស្ត្រ​ប្រកាសថា ទើប​រកឃើញ​បន្ថែម​មូលហេតុ​មួយទៀត ដែល​ធ្វើ​ឲ្យ​យើង​ចាំបាច់​ត្រូវ​គេង ៖ គេង​ជួយ​បំពេញបន្ថែម​កោសិកា​ខួរក្បាល​មួយ​ប្រភេទ ។​
​ហេតុអ្វី​មនុស្ស​ចាំបាច់​ត្រូវជា​សំណួរ​ធ្លាប់​បង្ក​ការ​ខ្វល់ខ្វាយ​សម្រាប់​ពួក​អ្នកវិទ្យាសាស្ត្រ​អស់​រយៈពេល​ច្រើន​សតវត្សរ៍ ។ ច្បាស់​ណាស់​ថា យើង​ត្រូវការ​គេង​ដើម្បី​បាន​សម្រាក និង​ជួយ​ខួរក្បាល​ធ្វើ​សកម្មភាព​ភ្លឺស្វាង ។ ប៉ុន្តែ​ដំណើរការ​ជីវសាស្ត្រ​ប្រព្រឹត្តឡើង​បន្តបន្ទាប់​ក្នុងពេល​យើង​គេង​លក់​ស្កប់ស្កល់​ទើបតែ​ចាប់ផ្តើម​ត្រូវបាន​រកឃើញ​ថ្មីៗ​នេះ ។​
​តាម​ទស្សនា​វ​ដ្តី Journal of Neuroscience បណ្ឌិត Chiara Cirelli និង​សហសេវិក​មកពី​សកល​វិទ្យាល័យ Wisconsin (​អាមេរិក​) រកឃើញថា ល្បឿន​កកើត​កោសិកា​បង្កើត Myelin (​ជាលិកា​ខ្លាញ់​ហ៊ុម​ព័ន្ធខ្សែ​សរសៃប្រសាទ​) កើន​ទ្វេដង​ពេល​សត្វ​កណ្តុរ​ដេក ។​
​ការ​កើន​កកើត​កោសិកា​សរសៃប្រសាទ​ខាងលើ​ត្រូវបាន​ស្តែងចេញ​ច្បាស់​បំផុត​ក្នុងដំណាក់កាល​គេង REM (​ដំណាក់កាល​ដេក​តែ​ចលនា​ភ្នែក​លឿង ផ្សារភ្ជាប់​ជាមួយ​ដំណេក​) និង​រង​ឥទ្ធិពល​របស់​ហ្សែ​ន ។ ផ្ទុយ​មកវិញ​ពពួក​ផ្សែ​ន​មាន​ពាក់ព័ន្ធ​ដល់​ការ​ងាប់​កសិកា និង​ប្រតិកម្ម​តានតឹង​ត្រូវបាន​រំញោច​សកម្មភាព​ពេល​ស​ត្វ​កណ្តុរ​ភ្ញាក់​ដឹងខ្លួន ។​
​បណ្ឌិត Cirelli សង្កត់ធ្ងន់ថា "​ក្នុង​រយៈពេល​វែង​១ ពួក​ជំនាញការ​ស្រាវជ្រាវ​ដំណេក​បាន​ប្រមូលផ្តុំ​ទៅក្នុង​បែបផែន​សកម្មភាព​រប​ស់​កោសិកា​សរសៃ​ប្រាសាទ ខុសគ្នា​យ៉ាងដូចម្តេច ពេល​សត្វ​ដេក និង​ភ្ញាក់ ។ បច្ចុប្បន្ន​ច្បាស់​ណាស់​ថា វិធី​ធ្វើ​សកម្មភាព​របស់​កោសិកា​ជំនួយ​ផ្សេងៗ​ក្នុង​ប្រព័ន្ធ​សរសៃ​ខុសគ្នា​យ៉ាងដូចម្តេច ពេល​សត្វ​ដេក​និង​ភ្ញាក់ ។ បច្ចុប្បន្ន​ច្បាស់​ណាស់​ថា វិធី​ធ្វើ​សកម្មភាព​របស់​កោសិកា​ជំនួយ​ផ្សេងៗ​ក្នុង​ប្រព័ន្ធ​សរសៃប្រសាទ​ប្រែប្រួល​យ៉ាងច្រើន អាស្រ័យទៅលើ​រឿង​សត្វ​ដេក ឬ​ភ្ញាក់​" ។​
​តាម​ការស្រាវជ្រាវ​គំហើញ​របស់​ពួកគេ​បង្ហាញថា ការ​គេង​មិន​លក់​អាចធ្វើ​ឲ្យ​ធ្ងន់ធ្ងរ​រោគសញ្ញា​មួយចំនួន​របស់​ជំងឺ Scherosis ជំងឺ​១​ធ្វើ​ឲ្យ​អន្តរាយ​ជាលិកា Myelin ។​
​បណ្ឌិត Cirelli និ​យា​យា​ថា ការស្រាវជ្រាវ​ទាំងឡាយ​ក្នុង​អនាគត​អាច​ពិនិត្យមើល​តើ​ដំណេក​មាន​ឥទ្ធិពល​ដល់​រោគសញ្ញា​របស់​ជំងឺ​Scherosis ឬ​អត់ ។ អ្នកស្រី​និង​សហសេវិក​ក៏​ចង់​ពិសោធន៍​មើល តើ​ការ​គេង​មិន​គ្រប់ ពិសេស​នៅ​វ័យ​ជំទង់ អាច​បង្ក​ផលវិបាក​យូរអង្វែង​ដល់​ខួរក្បាល​ឬ​អត់ ៕​M

ហែលទឹកជួយរក្សាសម្ពាធឈាម

​ការស្រាវជ្រាវ​ចុះផ្សាយ​លើ​ទស្សនា​វ​ដ្តី Cardiology របស់​អាមេរិក​ឲ្យ​ដឹងថា កីឡាហែលទឹក​អាចជួយ​មនុស្ស​ចាស់​រក្សា​សម្ពាធ​ឈាម​នៅ​កម្រិត​ស្ថិរភាព និង​បន្ថយ​ហានិភ័យ​បេះដូង និង​ដាច់​សរសៃឈាម​ខួរក្បាល ។​
​តួលេខ​សម្ពាធ​ឈាម​មធ្យម​ក្រោម ១២០/៨០mmHg ត្រូវបាន​ចាត់ទុកថា កម្រិត​ធម្មតា លើ ១២០/៨០mmHg គឺ​មុន​លើសឈាម និង​ពី ១៤០/៩0 mmHg ឡើងទៅ​គឺ​លើសឈាម ។ ក្រុម​អ្នកវិទ្យាសាស្ត្រ​របស់​សក​ល​វិទ្យាល័យ​តិច​សាស​នៅ Austin អាមេរិក បាន​ដំណើរការ​ស្រាវជ្រាវ​លើ​មនុស្ស​៤៣​នាក់ មាន​អាយុ​មធ្យម​៦០​ឆ្នាំ មាន​ជំងឺលើសឈាម​ឬ​មុន​លើសឈាម តែ​នៅតែមាន​សុខភាព​ល្អ ។​
​អ្នកជំនាញ​ការចែក​ដោយ​ចៃដន្យ​ពួក​អ្នកចូលរួម​ជា​២​ក្រុម ។ មួយក្រុម​ហែល​ពី ៣-៤​ពេល (៤៥​នាទី​/១​ពេល​) ក្នុង​១​សប្តាហ៍ ក្រុម​១​ទៀត​ចូលរួម​លំ​ហាត់ប្រាណ​សម្រួល​អារម្មណ៍ ។ ក្រោយ​១២​សប្តាហ៍​តាមដាន​ពួក​អ្នកជំនាញការ​សង្កេតឃើញថា អ្នក​ហាត់​ហែល​ទឹក​ថយចុះ​សម្ពាធ​ឈាម​ខាងលើ​ពពី ១៣១mmHg ចុះ​នៅ ១២២mmHg ។ ផ្ទុយ​មកវិញ​អ្នក​នៅ​ក្រុមទី​២​មិនអាច​ថយចុះ​តួលេខ​នេះ ។​
​មនុស្ស​ក្នុង​ក្រុម​ហែល​ទឹក​មាន​សម្ពាធ​ឈាម​ខាងលើ​មធ្យម​ពី​១២៨mmHg ពេល​គេ​ចាប់ផ្តើម​ចូលរួម​ស្រាវជ្រាវ​ក៏​ថយចុះ​នៅ ១១៩mmHg ។ ក្រុម​ស្រាវជ្រាវ​នៅ​ដំណើរការ​ត្រួតពិនិត្យ និង​រកឃើញ​សរសៃឈាម​របស់​មនុស្ស​ក្នុង​ក្រុម​ហែល​ទឹក​រីក​យារ ជួយ​ឈាម​ចរាចរ​លឿន ។ ប៉ុន្តែ​ការកែប្រែ​នេះ​មិន​កើតឡើង​នៅ​ក្រុម​ហាត់​លំ​ហាត់​សម្រួល​រាងកាយ ។​
​លោក Tanaka សមាជិក​ក្រុម​ស្រាវជ្រាវ​ឲ្យ​ដឹងថា "​ការស្រាវជ្រាវ​ថ្មី​នេះ បាន​អះអាងថា នេះ​ជា​កីឡា​សុវត្ថិភាព ជួយ​អ្នកជំងឺ​លើសឈាម​រក្សា​សម្ពាធ​ឈាម​នៅ​កម្រិត​ស្ថិរភាព និង​បន្ថយ​ហានិភ័យ​ឈឺបេះដូង ឬ​ដាច់​សរសៃឈាម​ខួរក្បាល​" ។ តាម​លោក Tanaka ហែល​ទឹកជា​កីឡា​មួយ​ទាក់ទាញ​និង​ទូទៅ​ទី​២​បន្ទាប់ពី​ដើរ ។ កីឡា​នេះ​មាន​ប្រយោជន៍​សម្រាប់​សន្លាក់​ក្បាលជង្គង់ ភ្នែក​គោល និង​កែប្រែ​ប្រសើរឡើង​ចរាចរ​ឈាម និង​រារាំង​សម្ពាធ​ឈាម​របស់​មនុស្ស​ចាស់ ។​
​អ្នកជំនាញការ​ក៏​ទូន្មាន​មនុស្ស​ចាស់​គួរ​គួបផ្សំ​រវាង​ការហាត់​ប្រាណ​ជាប្រចាំ​ជាមួយ​របប​ទទួលទាន​មួយ​ត្រឹមត្រូវ ដើម្បី​ល្អ​សម្រាប់​សុខភាព​សរសៃឈាម​បេះដូង ៕​M

ការហាត់​ប្រាណ​របស់​មា​តា​ក្រោយពេល​សម្រាលកូន

ស្ត្រី​ជា​មាតា​ក្រោយពេល​សម្រាលកូន​រួច គួរ​សម្រក​ទម្ងន់​ដែល​កើនឡើង​ដោយសារតែ​ការ​ពពោះ ។ ក្នុងអំឡុង ៦ ខែ​ដំបូង​ក្រោយពេល​សម្រាលកូន​រួច មិនគួរ​សម្រាក​ទម្ងន់​ទាំង​គំហុក គួរ​បណ្តោយ​ឲ្យ​រាងកាយ​បាន​សម្រាក​ក្រោយពេល​សម្រាលកូន​មួយរយៈ​សិន ។
មួយវិញទៀត​ស្ត្រី​ជា​មាតា​មិនគួរ​ផ្អាក​ទទួលទាន​អាហារ​ដែលមាន​ប្រយោជន៍​ឡើយ ។ ក្នុងករណី​សម្រាលកូន​តាមរយៈ​វះ ក៏​មិនគួរ​ធ្វើ​ចលនា​រាងកាយ​ខ្លាំងៗ​ក្នុង​រយៈពេល ១-១ ខែ​កន្លះ ធ្វើយ៉ាងណា​រង់ចាំ​ឲ្យ​មាន​អារម្មណ៍​តឹង​នៅត្រង់​ក្បាលពោះ​ជាមុនសិន ទើប​អាច​ហាត់ប្រាណ​បាន ៕

អាហារ ៤ ប្រភេទ បំបាត់​អាការ​មិន​ប្រក្រតី​នៅពេល​ធ្នាក់​រដូវ​

បើ​ការធ្លាក់​រដូវ​ខែ​របស់​អ្នកបង្ក​ការលំបាក​ចំពោះ​រាងកាយ អ្នក​អាច​ជ្រើសរើស​បរិភោគ​អាហារ​ដូចខាងក្រោម ដើម្បី​បំបាត់​អាការ​ទាំងនោះ ។​
-​វិធី​បំបាត់​ឈឺ​ដើមទ្រូង​:​បរិភោគ​អូ​មេ​ហ្គា​-៣ (Omega-3) ជួយ​បន្ថែម​កម្រិត​អ័​រមូ​ន​ដើម្បី​កាត់បន្ថយ​ការឈឺ​ត្រង់​ដើមទ្រូង​បាន​យ៉ាង​ល្អ ។ អំឡុង​ពេលនេះ ស្ត្រី​ត្រូវ​ជ្រើសរើស​បរិភោគ​ត្រី​កា​ម៉ុង​កំប៉ុង ត្រី​សាល​ម៉ុង (Salmon) ឬ ចេក កិន​ដាក់​កែវ​ធំៗ លាយ​ជាមួយ​ទឹក​តំណាប​បន្តិចបន្តួច ។​
-​វិធី​បំបាត់​ចុកពោះ​:​បរិភោគ​អាហារ​ដែលមាន​ជាតិ​ម៉ាញ៉េ​ស្យូ​ម​ព្រោះ​អាហារ​ប្រភេទ​នេះ​ជួយ​កាត់បន្ថយ​ការ​រួញ​រឹង​របស់​សាច់ដុំ​ក្នុង​ចន្លោះ​ពោះ​របស់​អ្នក​បាន​មួយកម្រិត ។ បរិភោគ​ថ្មី ញុំ​ា​ត្រី​ដាក់​ខ្ទឹមស​ឲ្យ​ច្រើន ឬក៏​ដាក់​ពពួក​សណ្តែក​កាន់តែច្រើន​កាន់តែ​ល្អ ។​
-​វិធី​បំបាត់​ហើម​ខ្លូន​:​មានតែ​ទឹក​ប៉ុណ្ណោះ អាច​បំបាត់​អាការ​បែបនេះ ។​អ្នកទទួល​ទាន​ទឹក​ឲ្យ​បាន​ច្រើន និង ផឹក​ឲ្យ​បាន​ញឹកញាប់​ពេញ​មួយថ្ងៃ ក្រៅពីនេះ​ត្រូវ​ផ្អាក​បរិភោគ​អាហារ​រហូត​ទាល់តែ​អាការ​ធ្លាក់​រដូវ​ខែ​អស់​ទៅវិញ ។​
-​វិធី​បំបាត់​អារម្មណ៍​តប់ប្រមល់​:​ទទួលទាន​អាហារ​ដែលមាន​កាល់ស្យូម​ដើម្បី​ជួយ​សម្រួល​ផ​អ័​រមូ​ន​មាន​លំនឹង ។ បន្ទាប់ពីនោះ​អារម្មណ៍​ប្រែប្រួល​នឹង​បាត់​បន្តិច​ម្ត​ងំ​រហូត​ទាល់តែ​អស់​។ ត្រូវ​ជ្រើសរើស​អាហារ​ប្រភេទ​ទឹកដោះ​ដែលមាន​ខ្លាញ់​ទាប ទឹកដោះគោ​ជូរ ហ្វ្រូ​ម៉ា តៅហ៊ូ ខាត់ណា មក​បរិភោគ​ឲ្យ​បាន​ញឹកញាប​ស់ ។

កើតជំងឺទឹកនោមផ្អែមប្រភេទ២ងាយកើតមហារីកឈាម

សរសៃ DNA មួយ​
​ចំណុច​ខ្វះខាត​អំពី DNA របស់​អ្នក​កើត​ជំងឺ​ទឹកនោមផ្អែម​ប្រភេទ​២ អាច​បកស្រាយ​ហេតុអ្វី​ពួកគេ​ងាយ​ត្រូវ​កើត​មហារីក​ឈាម​ជាង​មនុស្ស​មាន​សុខ​ភាពល្អ ។​
​ក្រោយពេល​ស្រាវជ្រាវ​គំរូ​ឈាម​របស់​មនុស្សជាតិ 7500​នាក់ ក្នុងនោះ​មាន ២២០០​នាក់ កើត​ជំងឺ​ទឹកនោមផ្អែម​ប្រភេទ​២ ពួក​អ្នកស្រាវជ្រាវ​នៅ​មជ្ឈមណ្ឌល​ស្រាវជ្រាវ​វិទ្យាសាស្ត្រ​ជាតិ​បារាំង និង​សាលា Imperial College London (​អង់គ្លេស បាន​រកឃើញ​មហារីក​ឈាមមាន​ពាក់ព័ន្ធ​ដល់​បម្រែបម្រួល​កោសិកា ឬ​នៅ​ហៅថា ករណី​កើត​ជំងឺ CMEs ។ បម្រែបម្រួល​នេះ​អាច​នាំ​ដល់​ការដែល​កោសិកា​ក្លូន​មួយចំនួន​ខុស​ប្រក្រតី ឬ​ក្លូន​ខ្វះ​កូដ​ហ្សែ​ន ។​
​តាម​ការស្រាវជ្រាវ​នេះ ក្នុងចំណោម​អ្នក​កើត​ជំងឺ​ទឹកនោមផ្អែម​ប្រភេទ​២ CMEs ខ្ពស់ជាង​៤​ដង ប្រៀប​នឹង​អ្នកមាន​សុខភាព​ល្អ ។ នៅ​មនុស្ស​ធម្មតា CMEs ច្រើន​កម្រ​ឃើញ ក្នុង​មនុស្ស​វ័យក្មេង​តែ​បែរជា​ទូទៅ​នៅ​មនុស្ស​ចាស់ ។​
​ការស្រាវជ្រាវ​មុន​នោះ​ក៏​ចង្អុល​បង្ហាញថា មាន​ប្រមាណ ២% ក្នុងចំណោម​មនុស្ស​អាយុ​លើស​៧០​ឆ្នាំមាន​បម្រែបម្រួល​នេះ ធ្វើ​ឲ្យ​គេ​មានការ​ប្រឈម​កើត​ជំងឺមហារីក​ឈាម​ខ្ពស់ជាង​១០​ដង​ប្រៀប​នឹង​វ័យក្មេង​ជាង ។​
​លោក Pholipp Froguel នៅ​សាលា Imperial College ស្រាយ​ហេតុអ្វី​អ្នក​កើត​ជំងឺ​ទឹកនោមផ្អែម​ប្រភេទ​២​ងាយ​កើត​ជំងឺមហារីក​ឈាម​ជាង ។​
​លោក Froguel ឲ្យ​ដឹងថា ក្នុង​អនាគត​ការវិភាគ​ហ្សែ​ន​អាចជួយ​កំណត់​អ្នកជំងឺ​ទឹកនោមផ្អែម​ប្រភេទ​២ ងាយ​កើត​ជំងឺ CMEs អ្នកជំងឺ​ទាំងនេះ​នឹង​ត្រូវបាន​តាមដាន​ជិត​ដល់​ដើម្បី​រកឃើញ​ឆាប់​រោគសញ្ញា​របស់​ជំងឺ​ឈាម និង​អាច​ត្រូវបាន​ព្យាបាល​ដោយ​វិធី​គីមី​ស្រាល ។​
​តាម​ទិន្នន័យ​របស់​អង្គការ​សុខភាព​ពិភពលោក (WHO) ពិភពលោក​មាន​អ្នក​កើត​ជំងឺ​ទឹកនោមផ្អែម ៣៤៧​លាន​នាក់ ក្នុងនោះ​ប្រមាណ​៩០% ជា​ជំងឺ​ទឹកនោម​ប្រភេទ​២ មាន​ហានិភ័យ​ខ្ពស់​កើត​ជំងឺ​តម្រងនោម ភ្នែក និង​បេះដូង ៕​M

​បំបាត់​ជាតិពុល​នីកូទីន​ដោយ​ផ្លែ​ជម្ពូ​

ទោះបី​អ្នក​មិន​បាន​ជក់បារី​ដោយ​ខ្លួនឯង​ក្តី តែបើ​ស្ថិត​នៅ​ក្បែរ​អ្នក​ជក់បារី អ្នក​ក៏​មាន​ឱកាស​ទទួល​សារជាតិ​នីកូទីន​ដែរ ។ ដើម្បី​ទប់ស្កាត់​សារជាតិ​ដ៏​គ្រោះថ្នាក់
នេះ គួរ​ស្វែងរក​ផ្លែ​ជម្ពូ​មក​ទទួល​ទាន ព្រោះ​នៅក្នុង​ជម្ពូ​មាន​សារជាតិ​គីមី​ម្យ៉ាង​មាន​ប្រសិទ្ធភាព​បណ្តេញ​ជាតិពុល​នីកូទីន​នៅក្នុង​ឈាម ។ សុភាព​ស្ត្រី​ដែល​កំបុង
ញៀន​បារី គួរ​មាន​ផ្លែ​ជម្ពូ​ក្លាស្សេ​ទុក​នៅ​ក្នុង​ទូ​ទឹកកក ដើម្បី​ទុក​ទទួលទាន​ជួយ​រំលាយ​សារជាតិ​នីកូទីន​ឲ្យអស់​ពី​ក្នុង​រាងកាយ ៕

​បរិភោគ​ផ្លែឈើ​ដើម្បី​ការពារ​រោគ​ដាច់​សរសៃឈាម​ក្នុង​ខួរក្បាល​

​រោគ​បែក​សរសៃឈាម​ក្នុង​ខួរក្បាល (Hermirhagic Stroke) ជា​មូលហេតុ​នាំ​ឲ្យ​កើត​អា​ការៈពិការ​ខ្លួនប្រាណ ឬ​ដៃជើង​។ យើង​អាច​ការពារ​រោគ​ទាំងនេះ បាន​ដោយ​គ្រាន់តែ​បរិភោគ​ផ្លែឈើ​ជាប់​ជាប្រចាំ​។​
​តាម​ការស្រាវជ្រាវ​ដែល​បានធ្វើ​ការបោះ​ពុ​ម្ភ​ផ្សាយ​ក្នុង​ទិ​នា​នុ​វប្ប​ត្តិ នៃ​សមាគម​ពេទ្យ​រោគ​បេះដូង​សហរដ្ឋអាមេរិក បាន​រកឃើញថា ការបរិភោគ​ផ្លែឈើ និង​អាហារ​ដែលមាន​សារជាតិ​ប៉ូ​តា​ស្យូ​ម​ជាប្រចាំ អាចជួយ​កាត់បន្ថយ​អាកា​រៈ​ប្រឈម​ជាមួយ​ការកើត​អាការៈរោគ​សរសៃឈាម​បែក ក្នុង​ខួរក្បាល​ដល់​ទៅ ៣៨ ភាគរយ​។ ក្រៅពីនេះ សារជាតិ​ផ្លែឈើ នៅ​ជួយ​ឲ្យ​សុខភាព​រឹងមាំ​ប្រកបទៅដោយ​ថាមពល​រឹងមាំ​ទៀតផង​។​
​ទោះបីយ៉ាងណា​ក៏ដោយ ក្រុមគ្រូពេទ្យ​បានធ្វើការ​ដាស់តឿន​ថា អ្នក​កើតរោគ​ក្រលៀន និង​រោគ​បេះដូង គប្បី​ប្រយ័ត្ន​ការបរិភោគ​ប៉ូ​តា​ស្យូ​ម​ខ្ពស់ ព្រោះថា​អាហារ​ទាំងនេះ អាចធ្វើ​ឲ្យ​បេះដូង​លោត​លឿន​ខុសពី​ប្រក្រតី ដែល​ងាយ​ប្រឈម​នឹង​រោគ​កើត​អាកា​រៈបេះ​ដូង​៕

ទឹក​ផ្លែ​ប៉ោម​ខាប់ ល្អ​សម្រាប់​សុខភាព

​ទឹក​ផ្លែ​ប៉ោ​ម ដែល​ខាប់ៗ មើល​ទៅ​មិន​គួរឲ្យ​ចង់​ទទួលទាន តែ​វា​គឺជា​ទឹក​ផ្លែ​ឈើ​ដែល​អ្នក​មិន​គួរ​មើលរំលង​ឡើយ ព្រោះ​នៅក្នុង​ទឹក​ផ្លែ​ប៉ោម​នោះ មាន​សារធាតុ​ប៉ូ​លី​ហ្វេ​ណុល (Polyphenol) ដែល​ជា​សារធាតុ​ប្រឆាំង​នឹង​រ៉ាឌីកាល់​សេរី ច្រើន​ជាង​ទឹកថ្លា ដល់​ទៅ ៤ ដង និង​អាច​កម្ចាត់​រ៉ាឌីកាល់​សេរី ចេញពី​រាងកាយ បាន​ថែម​ទៀត ។ ចំណែក​ទឹក​ផ្លែ​ប៉ោម​ថ្លាៗ មាន​ពណ៌​ស្អាត រសជាតិ​ឆ្ងាញ់ តែ​វា​មិនសូវ​មាន​សារធាតុ​ដែល​ល្អ​សម្រាប់​រាងកាយ​នោះទេ ។ ដូច្នេះ ដើម្បី​ផ្តល់​សារធាតុ​ល្អៗ​នានា​ដល់​រាងកាយ ឲ្យបាន​ច្រើន អ្នក​គួរ​ទទួល​ទាន​ទឹក​ផ្លែ​ប៉ោម​ខាប់​វិញ ៕

ស្ត្រីឧស្សាហ៍គេងមិនលក់ងាយកើតជំងឹបេះដូង

​ប្រសិន​ក្នុង​រយៈពេល​វែង​គុណភាព​ដំណេក​មិនល្អ​នឹង​បង្ក​ឥទ្ធិពល​អាក្រក់​សម្រាប់​សុខភាព​របស់​ស្ត្រី បង្កើនលទ្ធភាព​កើត​ជំងឺ​បេះដូង ជំងឺផ្លូវចិត្ត​យ៉ាងខ្ពស់ ។​
​តាម The Daily Telegraph ពួក​អ្នកវិទ្យាសាស្ត្រ​នៅ​សកល​វិទ្យាល័យ Duke (​អាមេរិក​) បាន​រកឃើញថា ស្ត្រី​ដែល​គេង​យប់​មិន​ស្កប់ ក្រោយពេល​ភ្ញាក់​ងាយ​មួម៉ៅ​ជាង​បុរស ។​
​ជាងនេះទៀត ប្រសិន​ក្នុង​រយៈពេល​វែង​គុណភាព​ដំណេក​មិនល្អ ស្ត្រី​ងាយ​កើត​ជំងឺ​បេះដូង និងជំងឺផ្លូវចិត្ត​ច្រើនជាង​បុរស ។ ព្រោះ​ការបញ្ចេញ​អ័រម៉ូន​រវាង​ភេទ​ប្រុស ស្រី​មាន​ភាព​ខុសប្លែកគ្នា រឿងនេះ​កំណត់​ពេលវេលា​គេង​ចាំបាច់​របស់​ស្ត្រី​ច្រើនជាង​បុរស ។​
​ក្រោយពេល​ដំណើរការ​វិភាគ​ទម្លាប់​ទទួលទានដំណេក​របស់​ស្ត្រី​ជាង​២១០​នាក់ ពួក​អ្នកស្រាវជ្រាវ​រកឃើញថា ប្រៀបធៀប​ពេលវេលា​ដំណេក​ដូចគ្នា​ជាមួយ​បុរស ស្ត្រី​នៅតែ​ពុំទាន់​ត្រូវបាន​គេង​ស្កប់ ដូច្នេះ​នៅពេល​ព្រឹក​ងាយ​លេចចេញ​បាតុភូត​ក្រេវក្រោធ មួម៉ៅ ។​
ពិនិត្យ​ពី​ជ្រុង​ជីវសាស្ត្រ ដំណេក​មិន​គ្រប់​នឹង​បង្ក​របួស​ស្មារតី​និង​រាងកាយ​ដល់​ស្ត្រី ពួកគេ​ត្រូវការ​ដំណេក​វែង​ជាង​បុរស​ដើម្បី​ស្តារ​តុល្យភាព​ស្ថានភាព​បញ្ចេញ​អ័រម៉ូន ។​
​គុណភាព​ដំណេក (​ពេលវេលា​គេង​សរុប មានចំនួនច្រើន​ជាង​​ការ​ភ្ញាក់​ពេលយប់ ពេលវេលា​ត្រូវការ​ដើម្បី​លង់លក់​ស្កប់​) មិនល្អ​នឹង​បង្កើត​ឥទ្ធិពល​អាក្រក់​សម្រាប់​ស្ថានភាព​សុខភាព​ស្ត្រី​ដូចជា​អារម្មណ៍​ព្រួយចិត្ត ពិបាក​ទ្រាំ លេចចេញ​អាកា​រៈ​សោកសៅ ងាយ​ខឹង​មួម៉ៅ តែ​អារម្មណ៍​ទាំងនេះ​ពុំ​សូវ​ធ្វើ​ឲ្យ​រំខាន​ដល់​ដំណេក​របស់​បុរសទេ ៕f/​M

​ចំណុច​សំខាន់​ដែល​ស្ត្រី មុន​មក​រដូវ ត្រូវ​មាន​ការ​ប្រយ័ត្ន​

ធម្មជាតិ​បាន​បង្កើត​ឲ្យ​ស្ត្រី​មាន​រដូវ ហើយ​ដែល​អ្នកខ្លះ មាន​តិច ឬ​ច្រើន ទៅតាម​ស្ថានភាព​រាងកាយ​ម្នាក់ៗ​ប៉ុណ្ណោះ​។​ ដូច្នេះ​ស្ត្រី​គ្រប់រូប ត្រូវ​ប្រយ័ត្ន បើសិនជា​មាន​បញ្ហា ឬ​សញ្ញា​ដូចខាងក្រោម​នេះ​៖

*​រដូវ​ធ្លាក់​មក​ខុស​ប្រក្រតី​: តាម​ធម្មតា រដូវ​នឹង​ធ្លាក់​មក​ច្រើន នៅ​ថ្ងៃ​ដំបូង ហើយ​នឹង​ថយ​តិច នៅ​ថ្ងៃ​ទី​២ ទៅ​ទី​៣ នា​ថ្ងៃ​បន្ទាប់​។ ទោះបី​យ៉ាងណាក្តី បើ​រដូវ​ថ្ងៃ​ទី​មួយ ធ្លាក់​មក​ច្រើន​រហូត​មួយ​ម៉ោង ត្រូវ​ផ្លាស់ប្តូរ​សំឡី​អនាម័យ​ម្តង នោះ​បញ្ជាក់ថា មាន​ភាពខុសប្រក្រតី​ហើយ គប្បី​ទៅ​ជួប​គ្រូពេទ្យ​សម្ភព ដើម្បី​ធ្វើការ​ត្រួតពិនិត្យរ​កមូ​ល​ហេតុ​ពិត​។​


*​មាន​អារម្មណ៍​ឈឺ​អួលៗ នៅត្រង់​ថ្ងាស​ក្រោម​យូរ​ខុស​ប្រក្រតី​: ក្នុង​អំឡុង​ពេល​ដំបូង​នៃ​ការ​មក​រដូវ ត្រង់​បរិវេណ​ថ្ងាស​ក្រោម​របស់​អ្នក តែង​មាន​អារម្មណ៍​ថា ឈឺ​អួលៗ ដែល​ធ្វើ​ឲ្យ​ថ្ងៃ​ដំបូង​នៃ​ការធ្លាក់​រដូវ មិនសូវ​ស្រួល​ក្នុង​ពោះ មិន​ចង់​កម្រើក​ខ្លួនប្រាណ​ច្រើន ឬ​ធ្វើ​កិច្ចការ​ណា​ដែល​ត្រូវ​ធ្វើ​ចលនា​លោត​ចុះ​ឡើង​។ ទោះបី​យ៉ាងណាក្តី អាការ​នឹង​ប្រសើរ​ឡើង​ហើយ​ត្រូវ​បាត់​ទៅ​វិញ​ខ្លួនឯង ក្នុង​រយៈពេល ១​ទៅ​២​ថ្ងៃ ប៉ុន្តែ​បើ​អាការ​កើត​យូរ​ជាង​រយៈពេល​នេះ ឬ​មាន​អាការ​ធ្ងន់ធ្ងរ ខុស​ប្រក្រតី គប្បី​ទៅរក​គ្រូពេទ្យ​ដើម្បី​ត្រួតពិនិត្យ​ពី​អាការ​ខុស​ប្រក្រតី​ហើយ​ព្យាបាល​។​

*​វិលមុខ​: ក្នុងអំឡុងពេល​មក​រដូវ ស្ត្រី​អាចមាន​អារម្មណ៍​អស់កម្លាំង ដែល​អាការ​នេះ​កើតឡើង​ដោយសារ​ការបាត់បង់​ឈាម​ក្នុង​រាងកាយ ប៉ុន្តែ​ទោះបី​យ៉ាងណា បើ​អាការ​របស់​អ្នក​ធ្ងន់ធ្ងរ​ដូចជា វិលមុខ ងងឹតមុខ ឬ​រហូត​ដល់​ខ្យល់ចាប់ គប្បី​ឲ្យ​គ្រូពេទ្យ​ពិនិត្យ ដើម្បី​ឲ្យដឹង​ជា​ក់ថា កើត​មាន​អ្វី​ដែរឬទេ ពិសេស​ជំងឺ​ខ្វះ​ឈាមក្រហម (anemia) ក៏​អាច​កើតមានឡើង​ជា​ការ​មួយ​គ្រោះថ្នាក់​ផង​ដែរ​។​

*​ឈឺពោះ​ខ្លាំង​ខុស​ប្រក្រតី​: មាន​ស្ត្រី​ជាច្រើន​តែង​កើត​អាការ​ឈឺពោះ​ក្រោម​ផ្ចិត (​ថ្ងាស​ក្រោម​) ពេល​មក​រដូវ ដែល​នេះ​ចាត់ទុកថា ជា​រឿង​ធម្មតា ព្រោះថា​អាការ​នេះ កើតឡើង​ដោយសារ​ការ​ធ្វើ​ចលនា​គាប​ឡើង​ចុះ​របស់​ស្បូន ដើម្បី​បណ្តេញ​ឈាម​ចេញ​មក​ជា​ឈាម​រដូវ ដោយ​អ្នកខ្លះ​ឈឺចាប់​រហូត​ស្ទើរ​ឈរ​មិនបាន ត្រូវ​ចំកោងខ្លួន​ជាប់​រហូត​។ អាការ​នេះ​អាច​កើត​មក​ពី​ភាពខុសប្រក្រតី​មួយចំនួន ហើយ​គប្បី​ទៅរក​គ្រូពេទ្យ​ពិនិត្យ​បន្ទាន់​។​

*​ធ្លាក់​រដូវ​ជាង​មួយ​សប្តាហ៍​: បើសិន​ការ​មក​រដូវ​មាន​រយៈពេល​យូរថ្ងៃ​រហូតដល់​ជាង​មួយ​សប្តាហ៍ ហើយ​ថែមទាំង​មាន​ឈាមរដូវ​មក​ច្រើន​ខុស​ធម្មតា មិន​មាន​ការថយចុះ ចាំបាច់​ត្រូវ​ទៅ​រក​គ្រូពេទ្យ​ជាបន្ទាន់ ព្រោះថា​មួយផ្នែកធំ​ជា​សញ្ញា​បញ្ជាក់ថា បណ្តាល​មក​ពី​ប្រព័ន្ធ​តំណពូជ​ខុស​ប្រក្រតី​។​

*​មាន​លោហិត​កក​ជា​ដុំ​: ដោយ​មាន​ឈាមកក​មកជា​ដុំ​លាយឡំ ជាមួយ​ឈាមរាវ​ខ្លះ ចាត់ទុកថា ជា​រឿង​ធម្មតា ប៉ុន្តែ​បើ​ឈាម​នោះ មាន​លក្ខណៈ​កក​ជា​ដុំ​ធំ ខុស​ប្រក្រតី គប្បី​ទៅរក​គ្រូពេទ្យ​ជំនាញ​ដូចគ្នា ដើម្បី​ឲ្យដឹង​ជា​ក់ថា កើត​មាន​អ្វី​ពិតប្រាកដ​។​

*​រដូវ​មក​មិន​ទៀង​: បើ​នៅ​សុខៗ ការធ្លាក់​រដូវ​របស់​អ្នក បាត់​ទៅ​វិញ នោះ​ជា​សញ្ញា​បញ្ជាក់ថា មាន​អ្វី​ខុស​ប្រក្រតី​យ៉ាង​ពិតប្រាកដ ពិសេស​អ្នក​ដែល​មាន​រដូវ​មក​ជាប់​ទៀងទាត់​។ ទាំងនេះ​អាច​កើត​មក​ពី​ការផ្លាស់ប្តូរ​អ័រម៉ូន ឬ​ភាពខុសប្រក្រតី​ផ្សេងៗ​ទៀត​នៃ​ប្រព័ន្ធ​តំណពូជ​៕​

​ហាត់ប្រាណ ១៥ នាទី រក្សា​វ័យក្មេង​បានយូរ​

​មនុស្ស​គ្រប់គ្នា​បានដឹង​រួច​មក​ហើយ​ថា ការ ហាត់ប្រាណ ជួយ​ឲ្យ​សុខភាព​រឹងមាំ​ល្អ​។

 

ប៉ុន្តែ​ការបញ្ចេញ​កម្លាំង ដើម្បី​ដុត​បំផ្លាញ​ជាតិ​ខ្លាញ់​មួយ​លើកៗ​នោះ ក៏​ជួយ​ការពារ​កោសិកា ដែល​នៅក្រោម​ស្រទាប់​ស្បែក​ឲ្យមាន​សុវត្ថិភាព រួចផុត​ពី​គ្រោះថ្នាក់​នូវ​ភាព​តានតឹង ដែលជា​មូលហេតុ​នូវ​ភាព​ជ្រីវជ្រួញ និង​ភាព​ក្រមៅនៃ​ស្បែក​បាន​ទៀតផង ដោយ​ការ​ប្រើពេល​ម្តង​ត្រឹមតែ ១៤​នាទី ក្នុង​ ១សប្តាហ៍ ៣​ដង ជាប្រចាំ និង​ធ្វើ​នូវ​កិច្ចការ​ណា​ដែល​បង្កើន​ចង្វាក់​ដេះដូង ឬ​ចេញ​ញើស​បាន​ដូច​ជា រត់​ត្រឹកៗ លោត​អន្ទាក់ ដើរ​លឿនៗ ឬ​វា​យតិ​ន្នី​ស​។​


​បើ​ចង់​ឲ្យ​ស្បែក​ស្អាត ត្រូវ​ហាត់ប្រាណ​ឲ្យបាន​យូរ​ជាង​នេះ​បន្តិច ប្រមាណ​ជា ៣០ នាទី យ៉ាងតិច ដោយ​ទន្ទឹមនឹង​ការលើក​ដុំ​ដែក ដើម្បី​បង្កើន​ភាពហាប់​ណែន​នៃ​រាងកាយ​។


​ដូច្នេះ​ឃើញ​ថា ការ​ហាត់ប្រាណ នាំឲ្យ​មាន​សុខភាព​ល្អ ស្បែក​ស្អាត រាង​ស្វែល ចិត្ត​ស្រឡះស្រឡំ​ល្អ ទោះបី​មាន​ការនឿយហត់​បន្តិច​ក៏ដោយ តែ​វា​មាន​ប្រយោជន៍​ចំពោះ​សុខភាព​៕​

ដើរកណ្តាលវាលល្អសម្រាប់អ្នកជំងឺស្ត្រូក

​ការស្រាវជ្រាវ​មួយ​ថ្មីៗ​នេះ​បង្ហាញថា ការដើរ​លឿនៗ​ជាប្រចាំ​អាចជួយ​អ្នក​ធ្លាប់​កើត​ជំងឺស្ត្រូក​កែប្រែ​ប្រសើរឡើង​សុខភាព កម្លាំងកាយ និង​គុណភាព​ជីវិត ។​
​ពួក​អ្នកស្រាវជ្រាវ​នៅ​សាកលវិទ្យាល័យ West Indies នៅ Jamaica បានបង្ហាញ​ពី​របកគំហើញ​របស់គេ​នៅក្នុង​ទស្សនា​វ​ដ្តី Stoke ។ បន្ទាប់ពី​កើត​ជំងឺស្ត្រូក មនុស្ស​ជាច្រើន​បាន​ទ្រុឌទ្រោម និង​ដើរ​តិចជាង​មុន​ដោយសារ​ខ្លាច​ដួល ។ ពួកគេ​ក៏មាន​និន្នាការ​បន្ថយ​សកម្មភាព​មាន​អត្ថន័យ​ទាំងឡាយ​ដូចជា ដើរ​ទិញ​ទំនិញ ទៅលេង​សាច់ញាតិ និង​មិត្តភក្តិ ឬ​ទៅ​ព្រះវិហារ ។​
​ការស្រាវជ្រាវ​មុនៗ​នេះ​បាន​ផ្តួចផ្តើម​គំនិត​ថា ហាត់ប្រាណ​ស្រាលៗ​អាចជួយ​ស្តារ​សរីរាង្គ​ឡើងវិញ ក្រោយ​កើត​ជំងឺស្ត្រូក តែ​សំខាន់​គឺ​ស្រាវជ្រាវ​ឥទ្ធិពល​របស់​សកម្មភាព​ក្នុងផ្ទះ​ដូចជា​ដើរ លើ​ម៉ាស៊ីន ឬ​ធាក់​កង់ ។​
​អ្នកជំនាញការ​ខាង​ព្យាបាល​ដោយ​ចលនា Carron Gordon និង​សហសេវិក បានធ្វើការ​ពិសោធន៍​ចៃដន្យ​មួយ ដើម្បី​សង្កេតមើល​ឥទ្ធិពល​របស់​ការហ្វឹកហាត់​កណ្តាលវាល ជាក់ស្តែង​គឺ​ដើរ លើ​អ្នក​បានកើត​ជំងឺស្ត្រូក ។ ពួកគេ​បានជ្រើសរើស​មនុស្ស​១២៨ នៅរស់​រាន​ក្រោយ​កើត​ស្ត្រូ​ក ស្ត្រី​៧០​នាក់ និង​បុរស​៥៩​នាក់ ពី​មន្ទីរពេទ្យ​៣ នៅ Jamaica និង​ដោយ​ចៃដន្យ​ទៅក្នុង​ក្រុម​អន្តរាគមន៍ និង​ក្រុមប្រឆាំង​(៦៤​នាក់​ក្នុង​១​ក្រុម​) ។ ពួក​អ្នកចូលរួម​មាន​អាយុ​មធ្យម​គឺ ៦៤​ឆ្នាំ បាន​ឆ្លងកាត់​ជំងឺស្ត្រូក ក្នុងអំឡុងពេល​ពី​៦​ដល់​២៤​ខែ​មុន និង​បាន​មាន​សមត្ថភាព​ដើរ​ចុះឡើង (​ទាំងអស់គ្នា​ប្រើ​ឈើច្រត់​ជំនួយ​) ។​
​ពួក​អ្នកស្រាវជ្រាវ​ដំណើរការ​ពិនិត្យ​ក្រុម​អន្តរាគមន៍​ពេល​ដើរ​កណ្តាលវាល​៣០​នាទី ៣​ដង ក្នុង​១​សប្តាហ៍ ក្នុង​រយៈពេល​១២​សប្តាហ៍ ។ ពីដំបូង​អ្នកចូលរួម​ដើរ​ជាមួយ​អ្នកពិនិត្យ​តាមដាន បន្ទាប់មក​គឺ​មិត្តភក្តិ ឬ​សមាជិក​ក្នុង​គ្រួសារ អាច​ដើរ​តាម រហូត​ដល់បេល​គេ​មាន​ជំនឿ​ចិត្ត ដើម្បី​ដើរ​ដោយ​ខ្លួនឯងបាន ។ អ្នកចូលរួម​ក្នុង​ក្រុមប្រឆាំង នោះ​ត្រូវបាន​ម៉ាស្សា​ផ្នែក​សរីរាង្គ​ដែល​រង​ឥទ្ធិពល​ដោយ​ស្ត្រូ​ក និង​មិន​ចូលរួម​ដើរ ។​
​អ្នក​ទាំងនេះ​សុទ្ធតែ​ត្រូវបាន​វាយតម្លៃ​អំពី​ផ្នែក​គុណភាព​ជីវិត ស្ថានភាព​សុខភាព​សរីរាង្គ វាស់​សម្ពាធ​ឈាម និង​ចង្វាក់បេះដូង មុន និង​ក្រោយពេល​ចូលរួម ។​
​លទ្ធផល​បង្ហាញថា ប្រៀប​នឹង​ក្រុមប្រឆាំង ក្រុម​ហាត់ប្រាណ​កែប្រែ​ប្រសើរឡើង ១៦,៧% អំពី​សុខភាព ហើយ​គេ​បោះជំហាន​បន្ថែម ១៧,៦% នៃ​កំណាត់​ផ្លូវ​ក្នុងការ​ពិសោធន៍​ភាព​អំណត់ ក្នុង​រយៈពេល​៦​នាទី ។ ក្រុម​ដើរ​ក៏មាន​ចង្វាក់បេះដូង​ទាប​ជាង ១,៥% ពេល​សម្រាក​ប្រៀប​នឹង​មុនពេល​ចូលរួម​ស្រាវជ្រាវ ក្នុងពេល​ក្រុម​មិន​ដើរ​មាន​ចង្វាក់បេះដូង​កើនឡើង​៦,៧% ។​
Gordon ឲ្យ​ដឹងថា "​ដើរ​ជា​វិធី​ព្យាបាល​ដ៏​វិសេស​អស្ចារ្យ​១ ក្រោយ​កើត​ជំងឺស្ត្រូក ។ វា​ងាយស្រួល មិន​អស់ប្រាក់ និង​ងាយ​ធ្វើ ។ ដើរ​ជួយ​គ្រប់គ្រង​សម្ពាធ​ឈាម បន្ថយ​កម្រិត​លីពីត និង​ជាតិ​ខ្លាញ់ ជួយ​រក្សា​តុល្យភាព​ទម្ងន់​សរីរាង្គ ។ ទាំងអស់នេះ​សុទ្ធតែ​ជួយ​បន្ថយ​គ្រោះថ្នាក់​កើត​ជំងឺ​សរសៃឈាម​បេះដូង ។​
​សមាគម​សរសៃឈាម​បេះដូង​អាមេរិក ទូន្មាន​អ្នក​បាន​ធូរស្បើយ​ពី​ជំងឺស្ត្រូក គួរ​ហាត់​អា​អេ​រ៉ូ​ប៊ិក​ពី​២០-៦០​នាទី ៣-៧​ថ្ងៃ ក្នុង​១​សប្តាហ៍ អាស្រ័យ​ទៅតាម​កម្លាំង ៕​M

ស៊ុត​ប្រឆាំង​ការចុះ​ខ្សោយ​នៃ​ខួរក្បាល

ជំងឺ​ភ្លេចភ្លាំង​វង្វេងវង្វាន់ អាច​កើត​ពី​ការ​ដែល​ខួរក្បាល​ត្រូវ​បំផ្លាញ ឬ​មាន​ការ​ចុះខ្សោយ​ទៅតាម​អាយុ មានការ​ថមថយ​មុខនាទី​របស់​ខួរក្បាល ។ ភាគរយ​នៃ​ការ​ប្រឈម​នឹង​ជំងឺ​វង្វេងវង្វាន់ គឺ​នឹង​កើតឡើង​តាម​អាយុកាល​របស់​មនុស្ស ជាពិសេស​អាយុ​ចាប់ពី ៦៥ ឆ្នាំ​ឡើង​ទៅ ដែល​គ្មាន​វិធី​ព្យាបាល​ឲ្យ​ជា​ដាច់​ឡើយ ។​
ទោះជា​យ៉ាងណា​ក៏ដោយ ការសិក្សា​ពី​សារធាតុ​អាហារ​ច្រើន​ប្រភេទ បាន​សរុប​លទ្ធផល​ថា សារធាតុ​ខូលីន (Cholin) ជា​សារធាតុ​អាហារ​ដែល​ចាំបាច់ ដល់​ការបង្កើត​កោសិកា​ខួរក្បាល ដែល​ចាប់ផ្ដើម​តាំង​ពី​ទារក​ក្នុង​ផ្ទៃ​ម្ល៉េះ ។ ដូចនេះ ខូលីន អាច​ការពារ និង​ព្យាបាល​ជំងឺ​វង្វេងវង្វាន់​បាន ។ ស៊ុត​ក្រហម ជា​អាហារ​ដែល​មាន​ខូលីន​ច្រើន​បំផុត ដែល​អាច​បង្កើន​ប្រសិទ្ធភាព​ក្នុង​ការចងចាំ និង​ជួយ​បន្ថយ​ការបាត់បង់​ការចងចាំ​របស់​មនុស្ស​ចាស់​បាន ។ លើសពីនេះ វា​មាន​ប្រយោជន៍​ជួយ​ការពារ​ខ្លាញ់ ក្នុង​សរសៃឈាម​បេះដូង​ទៀតផង ៕

អាការ​របស់​អ្នក​ខ្វះ​ជាតិ​ដែក​

ប្រសិនបើ​អ្នកមាន​អាការៈ ២-៣ ចំនុច ក្នុង​៦​ចំនុច​ខាងក្រោម បញ្ជាក់ថា​រាងកាយ​របស់​អ្នក​អាច​ខ្វះ​ជាតិ​ដែក ។​
​    ​១-​ការហាត់​ប្រាណ ឬ​ការបញ្ចេញ​កម្លាំង​ខ្លាំង​ធ្វើ​ឲ្យ​អ្នក​នឿយហត់ រហូត​ស្ទើ​ដកដង្ហើម​មិនទាន់ ។​

ទឹក​ផ្លែ​ប៉ោម​អាចធ្វើ​ឲ្យ​សុខភាព​មាន​បញ្ហា

​វា​គឺ​ជាការ​ពិតណាស់ ទឹក​ផ្លែ​ប៉ោម​អាច​បង្ក​ឲ្យ​មាន​ហានិភ័យ​ដល់​សុខភាព​របស់​អ្នក​បាន ក៏ប៉ុន្តែ​មិនមែន​មកពី​ចំនួន​តិចតួច​នៃ​ជាតិពុល Arsenic ដែល​មនុស្ស​កំពុងតែ​ជជែក​
​ដេញដោល​នោះទេ ។​

​ថ្វីបើ​មានការ​គិតគូរ​អំពី​ការកំរិត​ជាតិ Arsenic ថ្មី​មួយ​របស់​រដ្ឋាភិបាល​ក៏ដោយ ក៏​ក្រុម​អ្នកជំនាញ​ខាង​ចំណីអាហារ​បាន​និយាយថា ភាពគ្រោះថ្នាក់​ពិតប្រាកដ​របស់​ទឹក​ផ្លែ​ប៉ោម​នោះ​គឺ​វា​ប៉ះពាល់​ដល់​១​ជុំ​ចង្កេះ និង ធ្មេញ​របស់​ក្មេងៗ ។ ទឹក​ផ្លែ​ប៉ោម​មាន​សារធាតុ​បំប៉ន​ពី​ធម្មជាតិ​តិចតួច​ណាស់ ហើយ​វា​សំបូរ​ទៅដោយ​កាល់​ឡូរី និង ក្នុងករណី​មួយចំនួន វា​មាន​​ជាតិ​ស្ករ​ច្រើនជាង​នៅក្នុង​ទឹក​សូ​ដា​ទៅទៀត ។

​ក្រុម​អ្នក​រិះគន់​ទឹក​ផ្លែ​ប៉ោម​បាន​និយាយថា ទឹក​ផ្លែ​ប៉ោម​វា​ជួយ​បណ្តុះ​ក្មេង​ឲ្យ​ចូលចិត្ត​របស់​ផ្អែម បោះចោល​នូវ​ភេសជ្ជៈនិង អាហារ​មួយចំនួន ហើយ ធ្វើ​ឲ្យ​មាន​បញ្ហា​ធាត់​ជ្រុល​​ទៀតផង ។​

​លោក ចូ​ឌី​ត ស្ទើ​ន សាស្ត្រាចារ្យ​ផ្នែក​ចំណីអាហារ​មកពី​សាកល​វិទ្យាល័យ​កាលីហ្វ័​ញ៉ា និង លោក​ដាវី​ស​ដែល​បាន​ធ្វើជាអ្នកប្រឹក្សាយោបល់​ឲ្យ​ក្រុមហ៊ុន​ផលិត​ស្ករ​គ្រាប់​ជាច្រើន​ក៏ដូចជា​ឲ្យ​ក្រុមហ៊ុន Weight Watchers ផងដែរ​នោះបាន​និយាយថា ‹​ទឹក​ផ្លែ​ប៉ោម​គឺ​ដូចជា​ទឹក​ស្ករ​អ៊ីចឹង​ដែរ ។ ខ្ញុំ​នឹងមិន​អនុញ្ញាត​ឲ្យ​ចៅ​អាយុ ៣ ឆ្នាំ​របស់ខ្ញុំ​ផឹកទឹក​ផ្លែ​ប៉ោម​នោះឡើយ​› ។​

​ប្រសិនបើ​អ្នក ឬ​គ្រួសារ​របស់​អ្នក​កំពុង​ផឹកទឹក​ផ្លែឈើ ខាងក្រោម​នេះ​គឺជា​ដំបូន្មាន​មួយចំនួន​ពី​អ្នកជំនាញ​ខាង​ចំណីអាហារ ៖
- ជ្រើសរើស​ទឹក​ផ្លែឈើ​ដែលមាន​បន្ថែម​ជាតិ​កាល់​ស្យ៉ូ​ម និង វីតាមីន D-3
​​- ផ្តល់​ឲ្យ​កូនៗ​នូវ​ទឹក​ផ្លែឈើ​ដែល​គ្មាន​បាក់តេរី​ដែលជា​ប្រភេទ​ទឹក​ផ្លែឈើ​មាន​សុវត្ថិភាព​ពី​មេរោគ​ដែល​បង្ក​ឲ្យ​កើត​ជំងឺ​ធ្ងន់ធ្ងរ ​
​​- កុំ​ឲ្យ​ក្មេង​អាយុ​ក្រោម ៦ខែ ផឹកទឹក​ផ្លែឈើ​ដែល​អាច​បង្ក​​ឲ្យ​ធ្មេញ​ពុក ។ ចំពោះ​ហេតុផល​មួយ​ដូចគ្នានេះ​ផងដែរ​គឺ​កុំ​ឲ្យ​ក្មេង​ផឹកទឹក​ផ្លែឈើ​មុនពេល​ចូលដេក​ឲ្យ ​សោះ ។​
​​- កំរិត​ទឹក​ផ្លែឈើ​ពី​ចំនួន ១២០ ទៅ ១៨០ មី​ល្លី​លីត្រ​ក្នុង​មួយថ្ងៃ​សម្រាប់​ក្មេង​អាយុ ១ ឆ្នាំ ដល់ ៦ ឆ្នាំ និង ២៣៦ មី​លី្ល​លីត្រ ទៅ ៣៥៤ មី​លី្ល​លីត្រ​សម្រាប់​មនុស្ស ​អាយុ ៧ ទៅ​១៨ ឆ្នាំ ។​
​​- ជំរុញ​ទឹកចិត្ត​ក្មេង​ឲ្យ​ញ៉ាំ​ផ្លែឈើ​
​​- កុំ​រារែក​ចិត្ត​ដោយសារតែ​ឃើញ​ទឹក​ផ្លែឈើ​មួយចំនួន​បិត​ស្លា​កថា​ផលិតផល​របស់ខ្លួន​ផ្តល់នូវ​សុខភាព​ល្អ​ឲ្យ​សោះ ។  គ្មាន​ជាតិ​ស្ករ​បន្ថែម​មិនមែ​នមានន័យថា​សុទ្ធ​តែមាន​​សារធាតុ​ស្ករ​ពី​ធម្មជាតិ​ទាំងអស់​នោះទេ ។ ហើយ​ថា​គ្មាន​សារជាតិ​កូ​ឡេ​ស្តូ​រ៉ូល​ផ្ទុក​ក្នុង​ភេសជ្ជៈ​នោះទេ​គឺជា​រឿង​មួយ​ផ្តេសផ្តាស​បំផុត និង​ថា​មានតែផលិតផល​ធ្វើ​ពីស​ត្វ​ទេ​ដែល​សំបូរ​​ជាតិ​កូ​ឡេ​ស្តូ​រ៉​ល​នោះ កុំ​សូវ​ជឿ​ពេក ។ ទឹក​ផ្លែឈើ​ជាច្រើន​ត្រូវបាន​បន្ថែម​ជាតិ​វីតាមីន ដូច្នេះ​វា​មិនមែនជា​ភេសជ្ជៈ​ដែល​គ្មាន​ជាតិ​កាល់​ឡូរី​នោះឡើយ ។ ប៉ុន្តែ​វា​មិន​ធ្វើ​ឲ្យ​បាត់​នូវ​សារធាតុ​បំប៉ន​មួយចំនួន​នោះទេ ។​

​​លោកស្រី កា​រ៉ែ​ន អាន​សែ​ល អ្នកជំនាញ​ខាង​ចំណីអាហារ​មាន​អាជ្ញាប័ណ្ណ​ត្រឹមត្រូវ​មកពី​ទីក្រុង​ញូវយ៉ក និង ជា​អ្នកនាំពាក្យ​សមាគម​ចំណីអាហារ​អាមេរិក​បាន​និយាយថា ‹​ប្រសិនបើ​វា​មិនមាន​ផ្តល់​សុខភាព​ល្អ​នៅ​កន្លែង​ដំបូង​នោះទេ ការបន្ថែម​នូវ​វីតាមីន​មិនអាច​ធ្វើ​ឲ្យ​វា​ទៅជា​ចំណីអាហារ​មាន​សុខភាព​នោះទេ ហើយ​ប្រសិនបើ​វា​បង្កឲ្យ​ឡើង​ទំងន់ នោះ​វា​មិនមែនជា​ជម្រើស​ដ៏​មាន​សុខភាព​មួយ​នោះទេ​› ៕

បុរសគ្មានកូនងាយកើតមហារីក

បុរស​គ្មាន​កូន​កើន​គ្រោះថ្នាក់​កើត​ជំងឺមហារីក​ខ្ពស់ជាង​៨​ដង​ប្រៀប​នឹង​ធម្មតា​
​ការស្រាវជ្រាវ​ថ្មី​១ របស់​សកល​វិទ្យាល័យ​វេជ្ជសាស្ត្រ Stanford អាមេរិក បាន​ឲ្យ​ដឹងថា បុរស​គ្មាន​កូន​អាច​កើន​គ្រោះថ្នាក់​កើត​ជំងឺមហារីក​ខ្ពស់ជាង​៨​ដង​ប្រៀប​នឹង​ធម្មតា ។​
​ការស្រាវជ្រាវ​បង្ហាញ​ថ​ថា បុរស​អាយុ​ក្រោម​៣០​ឆ្នាំ​ត្រូវ​វិនិច្ឆ័យ​មិន​ផលិត​មេជី​វិត រូបភាព​គ្មាន​កូន​១ មានការ​ប្រឈម​កើត​ជំងឺមហារីក​កើន​៨​ដង ប្រៀប​នឹង​បុរស​ធម្មតា ។​
​ប្រធាន​ក្រុម​ស្រាវជ្រាវ បណ្ឌិត Michael Eisenberg នៅ​សកល​វិទ្យាល័យ​វេជ្ជសាស្ត្រ Stanford ឲ្យ​ដឹងថា "​ប្រសិន​ពងស្វាស​មិនអាច​ផលិត​មេជី​វិត​... ផ្លូវ​នាំ​មេជី​វិត​អាច​ត្រូវ​ច្របូកច្របល់ នាំ​ដល់​ហានិភ័យ​កើត​មហារីក​ខ្ពស់​" ។​
​គ្មាន​កូន​ជា​ស្ថានភាព​ទូទៅ​គួរ​សមនៅ​អាមេរិក ឥទ្ធិពល​ដល់​មនុស្ស​៤​លាន​នាក់ ក្នុងនោះ ពី​៥-១០% ត្រូវ​វិនិច្ឆ័យ​ថា គ្មាន​មេជី​វិត ប្រហាក់ប្រហែល​នឹង ៦០០.០០០​នាក់ នៃ​បុរស​ក្នុង​វ័យ​បង្កើតកូន ។​
​ដើម្បី​ស្វែងយល់​ច្បាស់​ជាង​អំពី​ទំនាក់ទំនង​រវាង​មហារីក និង​គ្មាន​កូន បណ្ឌិត Eisenberg និង​ក្រុម​ស្រាវជ្រាវ​របស់លោក​បាន​វិភាគ​ទិន្នន័យ​របស់​បុរស​គ្មាន​កូន ២.២៣៨​នាក់ មាន​អាយុ​មធ្យម ៣៥,៧​ធ្លាប់ជា​អ្នកជំងឺ​នៅ​សកល​វិទ្យាល័យ​វេជ្ជសាស្ត្រ Baylor នៅ Howston ។ ក្នុងនោះ ៤៥១​នាក់ ពុំមាន​មេជី​វិត និង ១៧៨៧​នាក់ គ្មាន​កូន ។ ទឹកកាម​របស់​បុរស​ទាំងនេះ ត្រូវបាន​វិភាគ​និង​តាមដាន​ក្នុងអំឡុងពេល​ពី ៦-៧​ឆ្នាំ ។ លទ្ធផល​បុរស​ពុំមាន​មេជី​វិត​កើន​ខ្ពស់​គ្រោះថ្នាក់​មហារីក​ពងស្វាស ដុំ​គីស​កំណាច មហារីក​ក្រពេញ​ប្រូ​ស្តា​ត​... ។ ជាក់ស្តែង​ក៏​បង្ហាញថា ២៩​ករណី​ក្នុង ២២៣៨ ករណី នៃ​បុរស​គ្មាន​កូន​កើត​ជំងឺមហារីក​អំឡុងពេល​ពី ៥-៨​ឆ្នាំ ពីក្រោយ​ពេល​គេ​ទៅពិនិត្យ​សុខភាព ៕​M

ទម្លាប់អាក្រក់ទាំងឡាយមានគ្រោះថ្នាក់សម្រាប់បេះដូង

​មិន​ថែទាំ​សុខភាព​មាត់​ធ្មេញ ទទួលទាន​ប្រៃ ជក់បារី ជា​ទម្លាប់​ដែលជះឥទ្ធិពល​អាក្រក់​ដល់​សុខភាព​បេះដូង ។​
-​ស្រមុក​
​ពុំ​ត្រឹមតែ​ជា​ទម្លាប់​បង្ក​ការពិបាក​ទ្រាំ​ប៉ុណ្ណោះ​ទេ ស្រមុក​អាចជា​សញ្ញា​នៃភាពមិន​ប្រក្រតី​ធ្ងន់ធ្ងរ​ នោះគឺជំងឺ​ផ្អាក​ដកដង្ហើម​ពេល​គេង​ដោយសារ​ស្ទះ (Obstructive Sleep Apnea - OSA) ដែល​អាច​បណ្តាល​ឲ្យ​សម្ពាធ​ឈាម​ឡើង​ខ្ពស់ ។ អ្នក​កើត​ជំងឺ OSA ងាយ​មាន​កត្តា​គ្រោះថ្នាក់​ជំងឺ​បេះដូង​ខ្ពស់ជាង​៤​ដង​ប្រៀប​នឹង​មនុស្ស​ធម្មតា ។ មនុស្ស​ធាត់​ងាយ​កើត OSA ជាង តែ​រឿង​នោះ​ពុំ​មានន័យថា ហានិភ័យ​ថយចុះ​នៅ​មនុស្ស​ស្គមទេ ។ ប្រសិន​អ្នក​ឧស្សាហ៍​ស្រមុក​និង​ជាប្រចាំ​ភ្ញាក់​ពី​គេង​ជាមួយនឹង​អារម្មណ៍​អស់កម្លាំង​គឺត្រូវ​ទៅ​ជួប​វេជ្ជបណ្ឌិត ។​
-​មិន​យកចិត្តទុកដាក់​ដល់​សុខភាព​មាត់​ធ្មេញ​
​គេនៅ​ពុំទាន់ដឹង​ច្បាស់លាស់​ពីមូលហេតុទេ តែវាមាន​ទំនាក់ទំនង​ជិតស្និទ្ធ​រវាង​ជំងឺ​អញ្ចាញធ្មេញ និង​ជំងឺ​បេះដូង ។ប្រសិនបើ​អ្នកមិន​ដុសធ្មេញ​ទេនោះ​កំណក​ច្បាម​ជាប់​ធ្មេញ​ផ្ទុក​ពេញ​ដោយ​បាក់តេរី​នឹង​ប្រមូលផ្តុំ​ទៅតាម​ពេលវេលា នាំ​ដល់​ការកើត​ជំងឺ​មាត់​ធ្មេញ ។ បាក់តេរី​ទាំងនេះ​នឹង​រំញោច​សកម្មភាព​ប្រតិកម្ម​រលាក​ក្នុង​សរីរាង្គ ហើយ "​រលាក​ជំរុញ​គ្រប់​ជ្រុង​របស់​ការ​ក្រិន​រឹង​សរសៃឈាម​" ។ ព្យាបាល​ជំងឺ​មាត់​ធ្មេញ​អាច​កែប្រែ​ឲ្យ​ប្រសើរ​មុខងារ​សរសៃឈាម ។​
-​ផ្តាច់ខ្លួន​ជាមួយ​ពិភពលោក​
​ពុំមាន​អ្វី​ពិបាក​យល់​ទេ គឺ​អ្នក​អាច​ជួបប្រទះ​នរណាម្នាក់​នោះ​ធ្វើ​ឲ្យ​អ្នក​ពិបាក​ទ្រាំ មួម៉ៅ ឬ​មិនអាច​រស់នៅ​ជាមួយ ។ ប៉ុន្តែ អ្នក​ត្រូវ​ពង្រឹង​ទំនាក់ទំនង​ជាមួយ​មនុ​ស្ស​ដែល​អ្នក​ចូលចិត្ត​ពិតប្រាកដ ។ អ្នកមាន​ទំនាក់ទំនង​ផ្សាភ្ជាប់​ជាមួយ​គ្រួសារ មិត្តភក្តិ និង​សង្គម​ច្រើន នឹង​អាយុ​វែង​ជាង និង​មាន​សុខភាព​ល្អ​ជាង ។ អ្នកណា​ក៏ត្រូវ​ការ​មាន​ពេលវេលា​ដោយឡែក​សម្រាប់​ខ្លួន តែ​អ្នក​ក៏ត្រូវ​យកចិត្តទុកដាក់​ដល់​អ្នកដទៃ និង​រក្សា​ទំនាក់ទំនង​ជាមួយ​គេ​ពេលដែល​អាច ។​
-​ទទួលទាន​ស្រា ស្រា​បៀរ​ច្រើន​
​ការស្រាវជ្រាវ​ជាច្រើន​បានចង្អុលបង្ហាញ​ថា បរិមាណ​ស្រា​តិចតួច​រាល់ថ្ងៃ​អាច​ល្អ​សម្រាប់​បេះដូង ។ តែ​ជាក់ស្តែង​មនុស្ស​ជាច្រើន​បែរជា​ទទួលទាន​វា​ច្រើន​ជ្រុល ។ បរិមាណ​ស្រា ស្រា​បៀរ​លើស​នឹងធ្វើ​ឲ្យ​កើន​គ្រោះថ្នាក់​លើសឈាម ខ្លាញ់​ក្នុង​ឈាម​ខ្ពស់ និង​ខ្សោយបេះដូង ។ ក្រៅពីនេះ បរិមាណ​កាឡូរី​លើស​អាចធ្វើ​ឲ្យ​កើន​ទម្ងន់ គំរាមកំហែង​សុខភាព​សរសៃឈាម​បេះដូង ។​
-​ទទួលទាន​ច្រើនពេក​
​លើស​ទម្ងន់​ជា​កត្តា​គ្រោះថ្នាក់​ចម្បង​១​របស់​ជំងឺ​បេះដូង ។ ចូរ​ទម្លាប់​ទទួលទាន​តិច និង​ជំនួស​ទឹក​ផ្អែម​ដោយ​ទឹក​ធម្មតា ។ បន្ថយ​អាហារ​សម្បូរ Carbohydrate ផ្ទុក​កាឡូរី​ច្រើន (​ដូចជា មី និង​នំប៉័ង​) ។​
-​ជក់បារី ឬ​រស់នៅក្នុង​បរិស្ថាន​មាន​ផ្សែង​បារី​
"​បារី​ជា​គ្រោះមហន្តរាយ​មួយ​គ្រប់​ជ្រុង​ចំពោះ​បេះដូង​" ។ ជក់បារី​គឺ​ជំរុញ​ដុំ​កំណក​ឈាម អាច​បង្ក​ស្ទះ​ចរន្តឈាម​ទៅដល់​បេះដូង និង​រួមចំណែក​បង្កើត​ផ្ទាំង​ច្បាម នៅ​សរសៃឈាម ។ សម្ពាធ​ឈាម និង​កូ​ឡេ​ស្តេ​រ៉ូ​ល​ខ្ពស់ ទឹកនោមផ្អែម លើស​ទម្ងន់ និង​ជក់បារី ជា​កត្តា​គ្រោះថ្នាក់​ចាំបាច់​ត្រូវគ្រប់គ្រង ៕f/M

សក់១សរសៃជួយរកឃើញអ្នកមានជំងឺបេះដូងដែរឬអត់?

​ការស្រាវជ្រាវ​មួយ​ថ្មីៗ​នេះ រកឃើញ​លក្ខណៈពិសេស​របស់​សរសៃសក់​១​អាច​ទម្លាយ​ហានិភ័យ​កើត​ជំងឺ​បេះដូង ។​
​ពួក​អ្នកស្រាវជ្រាវ​បាន​ពិសោធន៍​វាស់​បរិមាណ​អ័រម៉ូន Cartisol របស់​មនុស្ស ២៨៣​នាក់ មាន​អាយុ​ពី​៦៥​ដល់ ៨៥​ឆ្នាំ ។ គេ​បាន​ដំណើរការ​វិភាគ​គំរូ​សក់​ប្រវែង​ប្រមាណ​៣cm របស់​អ្នក​ទាំងនេះ និង​បានកំណត់​បាន​បរិមាណ​អ័រម៉ូន​របស់​អ្នក​ទាំងនេះ​ក្នុង​រយៈពេល​៣​ខែ ។​
​លទ្ធផល​វិភាគ​បង្ហាញថា អ្នកមាន​បរិមាណ Cartisol ខ្ពស់​ជា​អ្នកមាន​ប្រវត្តិ​ជំងឺ​បេះដូង ស្ត្រូ​ក ជំងឺ​សរសៃឈាម និង​ទឹកនោមផ្អែម ។ បណ្តា​សរសៃសក់​ស្តែងចេញ​ព័ត៌មាន​ច្បាស់លាស់​អំពី​កម្រិត​តានតឹង​របស់​មនុស្សម្នា​ក់ ។ រឿងនេះ​នឹង​ជួយ​ពួក​អ្នកស្រាវជ្រាវ​កំណត់​បាន​ពិតប្រាកដ​គ្រោះថ្នាក់​បង្កប់​ដែល​អាច​វិវត្តន៍​រីកចម្រើន​ជា​ជំងឺ​បេះដូង​របស់​មនុស្ស​នោះ ។​
​ប្រសិន​លទ្ធផល​ពិនិត្យ​ឈាម​ស្តែងចេញ​បានតែ​កម្រិត​អ័រម៉ូន​តានតឹង​នៅពេល​វេលា​តែ​១​គត់ នោះ​លទ្ធផល​វិភាគ​សរសៃសក់​អាច​ចង្អុលបង្ហាញ​និន្នាការ​របស់​កម្រិត​អ័រម៉ូន​តានតឹង​ក្នុង​ពេញ​អំ​ឡូង​ពេលវេលា​១ ។​
​ពួក​អ្នកស្រាវជ្រាវ​ឲ្យ​ដឹងថា លទ្ធផល​វិភាគ​ពី​សរសៃសក់​១​អនុញ្ញាត​ឲ្យ​អាច​ងាយស្រួល​មើល​ដឹង​ការប្រែប្រួល​របស់​បរិមាណ​អ័រម៉ូន Cortisol ក្នុង​ឈាម ។​
​ក្រៅពីនេះ ការស្រាវជ្រាវ​នេះ នៅ​រកឃើញថា មនុស្ស​ចាស់​មាន​បរិមាណ​អ័រម៉ូន Cortisol ខ្ពស់ជាង ។ ប្រការនេះ​នឹង​បណ្តាល​ឲ្យ​ពួកគេ​ងាយ​ត្រូវ​កើត​ជំងឺ​បេះដូង​ជាង​មនុស្ស​ក្មេងៗ ។​
Laura Manenschijin អ្នក​រៀបរៀង​សំខាន់​របស់​ការស្រាវជ្រាវ​ឲ្យ​ដឹងថា បរិមាណ​អ័រម៉ូន Cortisol ក្នុង​ឈាម​ក៏ដូចជា​សម្ពាធ​ឈាម​ខ្ពស់ និង​ខ្លាញ់​ពោះ​សុទ្ធតែជា​សញ្ញា​សំខាន់​ព្រមាន​ហានិភ័យ​កើត​ជំងឺ​បេះដូង ៕​M

ជំងឺ​ស្ងួត​ភ្នែក​កំពុង​កើន​ឡើងលើ​ក្រុមមនុស្ស​វ័យក្មេង​

ការ​ចំណុះ​ទៅលើ​ឧបករណ៍​បច្ចេកវិទ្យា​ខ្ពស់​កំពុង​រំញោច​ស្ថានភាព​ជរាភាព​ចំពោះ​ភ្នែក​របស់​ក្រុមមនុស្ស​វ័យក្មេង ដោយសារ​ពួកគេ​មិនសូវ​ព្រិច​ភ្នែក​។​
​ស្ងួត​ភ្នែក ជា​ស្ថានភាព​ច្រើន​កើតឡើង​នៅ​មនុស្ស​ចាស់​។ នៅ​អាមេរិក​ឆ្នាំ​២០០៦ អាកា​រៈ​ស្ងួត​ភ្នែក កើន​ខ្ពស់​ចំពោះ​ស្ត្រី​ក្នុង​វ័យ​អស់​រដូវ និង​ក្រោយពេល​អស់​រដូវ ដោយសារតែ​ខ្វះ​អ័រម៉ូន androgen​។ ប៉ុន្តែ​ការ​ចំណុះ​ច្រើន​ហួស​ទៅលើ​ឧបករណ៍​បច្ចេកវិទ្យា​ខ្ពស់ តាំងពី​កុំព្យូទ័រ laptop... បណ្តាលឱ្យ​មនុស្ស​វ័យក្មេង​ជាច្រើន​នាពេល​បច្ចុប្បន្ននេះ ជួប​បញ្ហា​អំពី​ភ្នែក គឺ​ភ្នែក​ត្រូវ​ស្ងួត​។​
​ស្ថិតិ​របស់​មហាវិទ្យាល័យ Cardiff បង្ហាញថា យុវជន​រាប់លាន​នាក់​នៅ​អង់គ្លេស​កំពុង​កើត​ជំងឺ​ស្ងួត​ភ្នែក បណ្តាលឱ្យ​ភ្នែក​ធ្លាក់​ទៅក្នុង​ស្ថានភាព​រមាស់​, ក្រហម​, ដោយសារ​ពួកគេ​សម្លឹង​ជាប្រចាំ​ទៅលើ​អេក្រង់​កុំព្យូទ័រ ឬ​ទូរស័ព្ទ​។​
​បណ្ឌិត Christine Purslow បានឱ្យដឹងថា ក្រុម​របស់​អ្នកស្រី រកឃើញថា ពេល​ប្រើប្រាស់​ឧបករណ៍​បច្ចេកវិទ្យា​ខ្ពស់ ខួរក្បាល​របស់​មនុស្ស​ម្នាក់ ប្រមូលផ្តុំ​ហួស​កម្រិត​ទៅលើ​អេក្រង់ ដល់​ថ្នាក់​ភ្លេច​ព្រិច​ភ្នែក​។ រឿងនេះ​វា​មាន​ឥទ្ធិពល​ទៅដល់​ប្រព័ន្ធ​លាប​រអិល​របស់​ភ្នែក​។​
​បណ្ឌិត Purslow បាន​បញ្ជាក់ថា តាម​ធម្មតា មនុស្ស​ព្រិច​ភ្នែក​ពី​១២ ទៅ​១៥​ដង​ក្នុង​មួយ​នាទី ប៉ុន្តែ​អត្រា​នេះ អាច​ថយចុះ​នៅត្រឹម​៧ ឬ​៨​ដង ក្នុង​មួយ​នាទី ពេល​មនុស្ស​ជក់​តាមដាន​អេក្រង់​កុំព្យូទ័រ​។ ការ​ភ្លេច​ព្រិច​ភ្នែក​នឹង​ជំរុញ​ឲ្យ​ស្រទាប់​ទឹកភ្នែក ដែលជា​ស្រទាប់​សារជាតិ​រំអិល​ការពារ​ផ្ទៃ​ខាងក្រៅ​របស់​ភ្នែក ធ្លាក់​ក្នុងស្ថានភាព​មួយ​ដែល​សកម្មភាព គ្មាន​ប្រសិទ្ធភាព​។ បច្ចុប្បន្ន ៣០​ភាគរយ​នៃ​ប្រជាជនមាន​អាយុ​លើស​៥០​ឆ្នាំ នៅ​អង់គ្លេស កើត​ជំងឺ​ស្ងួត​ភ្នែក ប៉ុន្តែ​តួលេខ​នេះ​កំពុង​កើនឡើង​ជាមួយនឹង​ការរួមចំណែក​របស់​ក្រុមមនុស្ស​ក្មេងៗ​។​
​បណ្ឌិត Purslow បាន​ព្រមាន​ថា ម៉ាស៊ីន​កុំព្យូទ័រ កំពុង​ធ្វើឱ្យ​មនុស្ស​ចាស់​ទៅៗ ប្រសិន​ពិនិត្យ​ពី​ស្ថានភាព​ភ្នែក​។ ពីព្រោះថា ការប្រើប្រាស់ laptop ឬ​កុំព្យូទ័រ​កាន់តែច្រើន​នោះ លទ្ធភាព​ត្រូវ​ស្ងួត​ភ្នែក ក៏​កាន់តែ​ខ្ពស់​ដែរ​។ មុននេះ មនុស្ស​ច្រើន​ប្រើ​កុំព្យូទ័រ​តែ​នៅ​កន្លែងធ្វើការ ប៉ុន្ដែ​សព្វថ្ងៃ ឧបករណ៍​បច្ចេកវិទ្យា​ខ្ពស់ បាន​ទៅតាម​ពួកគេ​នៅ​គ្រប់​ទីកន្លែង បណ្តាលឱ្យ​ភ្នែក ធ្លាក់​ទៅក្នុង​ស្ថានភាព ហួស​ចំណុះ​។​
​ពួក​អ្នកជំនាញការ បាន​ទូន្មាន​ដល់​អ្នក​ដែល​ប្រើ​ឧបករណ៍​បច្ចេកវិទ្យា​ខ្ពស់​ជាប្រចាំ​ថា គួរ​ហាត់​ទម្លាប់​សម្រាក​តាម​ម៉ោង ដើម្បី​បន្ថយ​សកម្មភាព​ភ្នែក និង​កុំ​ភ្លេច​ព្រិច​ភ្នែក​ជាប្រចាំ ដើម្បី​រំញោច​លទ្ធភាព​លាប

ទប់ទល់​ជាមួយ​ការឈឺ​ក្រពះ​

​ឈឺក្រពះ​ជា​ជំងឺ​ទូទៅ នាពេល​សព្វថ្ងៃនេះ ។ ជំងឺ​នេះ​ធ្វើឱ្យ​យើង​ពិបាក​ទ្រាំ​យ៉ាងខ្លាំង​ក្នុងការ​ទទួលទាន ហើយក៏​មិន​ងាយស្រួល​ក្នុងការ​ព្យាបាល ។​ខាងក្រោម​នេះ​ជា​វិធានការ​៧ យ៉ាង ដែលមាន​ប្រសិទ្ធភាព​គ្រាន់បើ ដើម្បី​ទប់ទល់​ពេល​អ្នក​ឈឺក្រពះ ៖
១-​ប្រើប្រាស់​ល្បាយ​ទឹកឃ្មុំ​
ប្រសិន​អ្នក​ត្រូវ​ជំងឺ​ក្រពះ​ធ្វើទុក្ខបុកម្នេញ​សម្បើម​អស្ចារ្យ ចូរ​ធ្វើ​ល្បាយ​ខាងក្រោម​នេះ និង​ប្រើប្រាស់​រាល់ថ្ងៃ ៖ លាយ​មួយ​ស្លាបព្រា​ទឹកឃ្មុំ បូក​១​ស្លាបព្រា​ទឹក បូក​២​ស្លាបព្រា​ទឹកខ្មេះ​ផ្លែ​ប៉ោម លាយ​ចូលគ្នា​ឱ្យ​សព្វ​និង​ផឹក​រាល់ថ្ងៃ​មាន​ប្រសិទ្ធភាព​យ៉ាង​ល្អ​សម្រាប់​រាល់​បញ្ហា​ខាង​ផ្លូវ​ពោះវៀន ។​
២-​បរិភោគ​យ៉ា​អួ​មួយ​កែវ​
យ៉ា​អួ​មួយ​កែវ​ក្នុងពេល​ឈឺក្រពះ ក៏មាន​ឥទ្ធិពល​យ៉ាង​ល្អ​ដើម្បី​បន្ថយ​ការឈឺចាប់​ដែរ​។ ប្រសិន​ការឈឺ​ក្រពះ​របស់​អ្នកមាន​មូលហេតុ​ដោយសារ​ភាព​បាត់ តុល្យភាព​បាក់តេរី​ធម្ម​ជាតិ​រស់នៅក្នុង​ពោះវៀន​នោះ យ៉ា​អួ​ជា​ជម្រើស​ដ៏​ល្អប្រសើរ​មួយ ។​
៣-​ទំពារ​ស្ករ​គ្រាប់​ខ្ញី ឬ​ផឹក​តែ​ខ្ញី​
ខ្ញី​ជា​ជម្រើស​ឥតខ្ចោះ​ដើម្បី​ធ្វើឱ្យ​អន់​ឈឺ ។ ទន្ទឹម​នោះ ផឹក​តែ​ខ្ញី ឬ បរិភោគ​ស្ករ​គ្រាប់​ខ្ញី អាច​បន្ថយ​បាន​អា​ការៈចង់​ក្អួត​ពេល​ជិះ​រថភ្លើង រថយន្ត ឬ​ចាញ់កូន ។​ប្រើប្រាស់​ខ្ញី​ស្រស់​ក្នុងករណី​ទាំងនេះ​គឺ​ល្អ​បំផុត​។​
៤-​ប្រើ​ថ្នាំ​រំលាយ​អាហារ​
ទល់លាមក ដើរតួនាទី​យ៉ាង​ធំ​ក្នុង​ការបង្ក​ជាការ​ឈឺក្រពះ ។ ពេលនេះ​ការប្រើប្រាស់​ថ្នាំ​រំលាយ​អាហារ អាចធ្វើឱ្យ​ធូរស្បើយ​ស្ថានការណ៍ ។ ចូរ​ស្វែងយល់​យោបល់​វេជ្ជបណ្ឌិត​អំពី​ប្រភេទ​ឱសថ​ដែល​អ្នកនឹង​ប្រើប្រាស់ ។​
៥-​ប្រើប្រាស់​ភេសជ្ជៈ​មាន​ហ្គាស​
ផឹក​ភេសជ្ជៈ​មាន​ហ្គាស នឹង​ដោះស្រាយ​ចំពោះមុខ​បានការ​ឈឺក្រពះ​ដ៏​ខ្លាំងក្លា ។ ប៉ុន្តែ​ចំពោះ​មនុស្ស​ធម្មតា ក្រោយពេល​ប្រើប្រាស់​ច្រើន​ហួស ប្រភេទ​ទឹក​នេះ​បែរជា​បង្ក​អាកា​រៈ​ភើ ខ្យល់​និង​ធ្វើឱ្យ​ក្រពះ​ពិបាក​ទ្រាំ​ជាង ។​
៦-​ប្រើ​ស្ករ​គ្រាប់​ជីរ​ត្រចៀកដំរី​
ជីរ​ត្រចៀកដំរី​ជា​ឱសថ​ព្យាបាល​ឈឺពោះ​នោះ ប្រហែល​នរណា​ក៏បាន​ដឹង តែ​វា​នៅមាន​បន្ថែម​ផលប្រយោជន៍​មួយទៀត​គឺ​ធ្វើឱ្យ​ធូរ​ស្រាក​ការឈឺចាប់​បណ្តា​លពី​ជំងឺ​ក្រពះ​។ រួមជាមួយ​ស្ករ​គ្រាប់​ជីរ​ត្រចៀកដំរី អ្នក​ក៏​អាច​ប្រើប្រាស់​ស្លឹក​ជីរ​ត្រចៀកដំរី​ស្រស់​ដាំ​ពុះ​និង​លាយ​បន្ថែម​ទឹកឃ្មុំ​បន្តិច ។ ប្រភេទ​តែ​នេះ​នឹង​ជួយ​ធ្វើឱ្យ​អន់​ការឈឺ​ក្រពះ ។​
៧-​ផឹកទឹក​ត្រជាក់​លាយ​ជាមួយ baking soda បន្តិច​
ក៏ដូចជា​ប្រភេទ​ទឹក​ផ្អែម​ដទៃទៀត​លាយ baking soda ជាមួយ​ទឹក​ត្រជាក់​បន្តិច បន្ទាប់មក​ផឹក​ភ្លាម ក្នុងពេល​លេចចេញ​ការឈឺ​ក្រពះ វា​នឹង​ជួយ​អ្នក​បន្ថយ​ការឈឺចាប់​បានដែរ ៕

​សូកូឡា ជួយ​ប្រឆាំងនឹង​ជំងឺ​បេះដូង

មិនមែន​រាល់​វត្ថុ​ដែល​មាន​ជាតិ​ផ្អែម សុទ្ធ​តែ​មិន​ល្អ​ចំពោះ​សុខភាព​ទាំងអស់​នោះ​ឡើយ ព្រោះ​តាម​ការសិក្សា​ដែល​បាន​ធ្វើឡើង លើ​មនុស្ស​ជាង ១០០.០០០ នាក់ បានឲ្យដឹងថា សូកូឡា មាន​ផល​ល្អ​ចំពោះ​បេះដូង​។​


​លោក​អូ​ស្កា​រ អេច ហ្វ្រង់​កូ (Oscar H Franco) អ្នកស្រាវជ្រាវ​មកពី​សាកលវិទ្យាល័យ​ខេ​ម​ប្រ៊ី​ដ​ច៍ (Cambridge University) បានឲ្យ​ដឹង​នៅក្នុង​កិច្ចប្រជុំ European Society of Cardiology Congress ថា ការ​ទទួលទាន​សូកូឡា ជាប្រចាំ អាច​ជួយ​បន្ថយ​ឱកាស​នៃ​ការ​កើត​ជំងឺ​បេះដូង បាន​រហូត​ដល់ ១​ភាគ​៣​។​


​​ប៉ុន្តែ​មុន​នឹង​ទទួលទាន អ្នក​គួរ​ដឹងថា សូកូឡា នំឃុក​ឃី និង​កា​កាវ ពោរពេញ​ទៅដោយ​ជាតិ​ស្ករ ជាតិ​ខ្លាញ់ និង​កាឡូរី​។ ដូចនេះ ប្រសិនបើ​អ្នក​ទទួល​ទាន​ក្នុង​បរិមាណ​ច្រើនពេក វា​អាច​បណ្តាលឲ្យ​កើត​ជំងឺ​បេះ​ដូង​បាន​៕

​ញាំ​បែបណា​ប៉ូវ​សុខភាព​ ​ ​

អាហារ​មិនមែនជា​មុខម្ហូប​សម្រាប់​ញាំ​សម្រន់​ភាព​ឃ្លាន​ប៉ុណ្ណោះ​ទេ ប៉ុន្តែ​វា​គឺជា​គ្រូពេទ្យ​គ្រួសារ​មួយ​ដែល​ជួយ​ឲ្យ​សុខភាព​យើង​មាំទាំ​បាន​ទៀតផង ប្រសិនបើ​យើង​ចេះ​ជ្រើសរើស​ញាំ​ឲ្យ​បាន​ត្រឹមត្រូវ​។​
​១-​ទឹកក្រូច​ច្របាច់ៈ​
​​ទឹកក្រូច​ច្របាច់​មិន​ត្រឹមតែ​ជួយ​អារម្មណ៍​ស្រស់ថ្លា​ប៉ុណ្ណោះ​ទេ ប៉ុន្តែ​វា​ថែមទាំង​មាន​វីតាមីន C ដែលជា​សារធាតុ​ជួយ​ទប់ស្កាត់​រ៉ាឌីកាល់​សេរី ជួយ​លាង​សម្អាត​ជាតិពុល និង​ជួយ​ជំរុញ​ការដុត​បំផ្លាញ​ជាតិ​ដែក ធ្វើ​ឲ្យ​រាងកាយ​បឺត​ស្រូបយក​អុកស៊ីហ្សែន​បានល្អ​ទៀតផង បើ​បាន​ផឹក​រាល់ថ្ងៃ ក៏​ធ្វើ​ឲ្យ​អារម្មណ៍​ស្រស់ស្រាយ​រាល់ថ្ងៃ​។​
​២-​ទំពាំងបាយជូរ​ក្រៀមៈ​
​ឃើញ​គ្រាប់​តូចៗ​បែបនេះ កុំ​ទាន់​អាល​មើលស្រាល ព្រោះថា​ទំពាំងបាយជូរ​ប្រមាណ​មួយ​ក្តាប់ដៃ អាចជួយ​បង្កើន​ប៉ូ​តា​ស្យូ​ម​ដល់​រាងកាយ​រហូតដល់​ទៅ ២១២ មិ​ល្លី​ក្រាម ជួយ​បន្ថយ​សម្ពាធ​ឈាម ជំនួយ​សរសៃឈាម​បេះដូង​ឲ្យ​ខ្លាំង សមស្រប​សម្រាប់​សុភាពនារី​ណា ដែលមាន​មិត្ត​ភ​ក្រ័​ចូលចិត្ត​ពញ្ញាក់​លេង បើ​បាន​ញាំ​ជាប្រចាំ បេះដូង​និង​ខ្លាំង មិន​ឈប់​ធ្វើ​ការងាយៗ ពេលដែល​មិត្ត​ភ​ក្រ​ពញ្ញាក់​លេង​ម្តងៗ​។​
​៣-​ជីរនាងវងៈ​
​​ជីរ​មួយ​ប្រភេទ​នេះ​មាន​សារធាតុ យូ​ជីណ​ល ដែល​អាច​សម្លាប់​បាក់តេរី​ក្នុង​ក្រពះ​និង​ពោះវៀន​។ មិនតែប៉ុណ្ណោះ​វា​ថែមទាំង​កែ​អាកា​រៈ​កន្ត្រាក់​ប្រឹង ធ្វើ​ឲ្យ​ពោះវៀន​មិន​រមួល បើ​ទោះណាជា​មាន​អាហារ​ឲ្យ​វា​រំលាយ​ពេញ​មួយ​ថ្ងៃនោះ វា​ក៏​នៅតែ​ធ្វើការ​បាន​យ៉ាងសកម្ម​ផងដែរ​។​
​៤-​ស្ពៃក្តោបៈ​
​បន្លែ​ប្រភេទ​នេះ​មាន​សារធាតុ ស៊ុ​ល​ហ្វូ​រ៉ា​ហ្វេ​ន ដែលជា​ពេជ្ឈឃាត​សម្លាប់​បាក់តេរី​ក្នុង​ពោះវៀន​។ អ្នក​ដែល​និយម​ចូលចិត្ត​ញាំ​ស្ពៃក្តោប គឺ​លែង​បារម្ភ​រឿង​ដំបៅ​ក្រពះ ដែល​អាច​រីក​រាលដាល​ក្លាយជា​សាច់​ដុះ​ក្នុង​ក្រពះ​ទៀត​។​
​៥-​ដំឡូងបារាំងៈ​
​ចំពោះ​អ្នក​ដែល​ឧស្សាហ៍​ឈឺក្បាល​ញឹកញាប់ ដំឡូងបារាំង​អាចជួយ​បាន ព្រោះថា​សារធាតុ​អាហារ​ដែល​បាន​ពី​ដំឡូង​មួយ​ប្រភេទ​នេះ នឹង​ចូលទៅ​រំញោច​រាងកាយ​ឲ្យ​បញ្ចេញ​សារធាតុ សេ​រ៉ូ​ថូ​នី​ន ដែលជា​ឱសថ​បំបាត់​ឈឺក្បាល​តាម​ធម្មជាតិ​ចេញមកក្រៅ ពេលនោះ​អាកា​រៈ​ធេងធោង​ធ្ងន់​ក្បាល​របស់​អ្នកនឹង​បាត់​ភ្លាមៗ​ដែរ​៕​

​ˆ​វិធី​បង្ការ​ជំងឺលើសឈាម​ដ៏​ប្រសិទ្ធភាព​

លើសឈាម ត្រូវបាន​ចាត់ទុកថា ជា​«​ឃាតក​សម្លាប់​មនុស្ស​យ៉ាង​ស្ងៀមស្ងាត់​» មួយ​។ ដូច្នេះ​ចូរ​ធ្វើការ​ផ្លាស់ប្តូរ​ទម្លាប់​ទ​ទួល​ទាន និង​របៀបរបប​រស់​នៅ ដើម្បី​ការពារ​សុខភាព និង​បង្ការ​ជំងឺលើសឈាម​។​

១-​បន្ថយ​អំបិលៈ
​កំហិត​បរិមាណ​អំបិល​ក្នុង​របប​ទទួលទាន ជួយ​ទប់ស្កាត់ និង​គ្រប់គ្រង​ស្ថានភាព​លើសឈាម​។ អង្គការ​សុខភាព​ពិភពលោក​(WHO) បានផ្តល់​ការ​ទូន្មាន​ថា មនុស្សពេញវ័យ គួរប្រើ​ប្រាស់ ក្រោម ២.០០០ មិ​ល្លី​ក្រាម សូ​ដ្យូ​ម ក្នុង​មួយថ្ងៃ​។ ក្រៅពីនេះ អ្នក​ក៏ត្រូវ​ប្រយ័ត្នប្រយែង​ជាមួយ​បរិមាណ​អំបិល​ក្នុង​អាហារ​កែច្នៃ​ស្រាប់​។​

២-​បង្កើន​បរិមាណ​ប៉ូ​តា​ស្យូ​មៈ​
​ប៉ូ​តា​ស្យូ​ម ជួយ​បញ្ចុះ​សម្ពាធ​ឈាម​, WHO បាន​ទូន្មាន​ថា គួរប្រើ​ប្រាស់ ៣៥១០ មិ​ល្លី​ក្រាម ប៉ូ​តា​ស្យូ​ម ក្នុង​មួយថ្ងៃ​។ អាហារ​ផ្ទុក​កាល់ស្យូម រួមមាន សណ្តែកដី​, សណ្តែក​, បន្លែ​ពួយ​ឡេង​, ស្ពៃក្តោប​, ចេក​,​ល្ហុង​។​

៣-​របប​ទទួលទាន​ត្រឹមត្រូវៈ​
​អ្នក​គួរ​ទទួលទាន​តិច​បំផុត ៥ ភាគ​នៃ​បន្លែ និង​ផ្លែឈើ ក្នុង​មួយថ្ងៃ ទន្ទឹម​នោះ កំហិត​អាហារ​កែច្នៃ​ស្រាប់​, អាហារ​មាន​ខ្លាញ់​ច្រើន​, អាហារ​ចៀន និង​មាន​អំបិល​ច្រើន​។ អាទិភាព​ផ្លែឈើ និង​បន្លែ ព្រោះ​វា​ពុំ​សូវ​មាន​សូ​ដ្យូ​ម និង​សម្បូរ​ប៉ូ​តា​ស្យូ​ម ជួយ​បន្ថយ​សម្ពាធ​ឈាម​។​

៤-​គ្រប់គ្រង​ទម្ងន់ៈ​
​ការ​លើស​ទម្ងន់ អាចធ្វើឱ្យ​កើន​ហានិភ័យ​ជំងឺលើសឈាម​។ ដូច្នេះ ចូរ​គ្រប់គ្រង និង​រក្សា​ទម្ងន់​ខ្លួន​ឱ្យបាន​សមរម្យ​។​

៥-​ហ្វឹកហាត់ៈ​
​ការប្រឈមមុខ​ជាមួយ​ស្ថានភាព​តានតឹង ឬ​ស្ត្រេ​ស អាចធ្វើឱ្យ​កើន​សម្ពាធ​ឈាម​បណ្តោះអាសន្ន​។ ចូរ​គេង​ឲ្យ​បាន​គ្រប់គ្រាន់​, ហាត់ប្រាណ​តិច​បំផុត ៣០​នាទី ក្នុង​មួយថ្ងៃ​, ហាត់​បច្ចេកទេស​ដកដង្ហើម​, សមាធិ ឬ Yoga ដើម្បី​បន្ថយ​ស្ត្រេ​ស និង រក្សា​កម្រិត​សម្ពាធ​ឈាម​ស្ថិរភាព​។​

៦-​ចៀសវាង​ទទួលទាន​ស្រា​ច្រើនៈ​
​ការ​ទទួលទាន​ភេសជ្ជៈ​មាន​អាល់កុល​ច្រើន អាចធ្វើឱ្យ​កើន​សម្ពាធ​ឈាម ពិសេស​គឺ​ចំពោះ​អ្នកទទួល​ទាន​ស្រា​ក្នុង​រយៈពេល​វែង​៕​

វិធី​៦​យ៉ាង​សម្រាប់​ព្យាបាល​ជំងឺ​ផ្តាសាយ​ពុំ​ចាំបាច់​ប្រើ​ឱសថ​

តាម​ធម្មតា មនុស្សពេញវ័យ​ម្នាក់ៗ ក្នុង​មួយឆ្នាំ ជា​មធ្យម​អាច​ទទួលរង​ជំងឺ ផ្តាសា​យមក​បៀតបៀន​ពី ២ ទៅ ៥ ដង ហើយ​ការប្រើប្រាស់​ឱសថ​សម្រាប់​ព្យាបាល​ញឹកញាប់​ពេក ក៏​ជាការ​ប្រការ​មិនសូវ​ល្អ​ដែរ​។​
​កាលពីពេល​ថ្មីៗ​នេះ តាមរយៈ​ការ​សែត “​ឯករាជ្យ​” របស់​អង់គ្លេស បាន​ណែនាំ​វិធី ៦​យ៉ាង សម្រាប់​ព្យាបាល​ជំងឺ​ផ្តាសាយ​ដោយ​ពុំ​ចាំបាច់​ប្រើ​ឱសថ​។​
១-​ស្រូប​ចំហាយ​ក្តៅៈ
​ចំពោះ​ជំងឺ​ផ្តាសាយ​ធម្មតា គឺ​ច្រើន​តែមាន​អាកា​រៈ​កណ្តាស់ តឹង​ច្រមុះ និង​ហៀរ​សំបោរ​។ ដូចនេះ វិធី​ដ៏​ល្អ​ក្នុងការ​សម្រាល​នោះ​គឺ ត្រូវ​រក្សា​រន្ធ​ច្រមុះ​ឲ្យ​បាន​ស្អាត ហើយ​ការ​ស្រូបយក​ចំហាយ​ក្តៅ ក៏មាន​ប្រសិទ្ធភាព​ខ្ពស់​ដែរ​។ ដំបូង ត្រូវយក​កន្សែងពោះគោ​ដាក់​ត្រាំ​ក្នុង​ទឹក​ក្តៅ រួចហើយ​ស្រង់​យកមក​ដាក់​ក្បែរ​រន្ធ​ច្រមុះ និង​ស្រូបយក​ចំហាយ​ក្តៅ​។ ម្យ៉ាងទៀត​បើ​បាន​បន្តក់​ប្រេង​រុក្ខជាតិ ដូចជា​ប្រេង​ដើម​ប្រេងខ្យល់ (Eucalytus) ពី ៣ ទៅ ៤ តំណក់ គឺអាច​កាត់បន្ថយ​អាកា​រៈ ជំងឺ​ផ្តាសាយ​បាន​ធូរស្រាល​ច្រើន​។ ក្រៅពីនោះ គេ​អាច​ងូតទឹក​ក្តៅ​ឧណ្ហៗ ឬ​អង្គុយ​ងូតទឹក​ក្នុង​បន្ទប់​ដែលមាន​ចំហាយ​ក្តៅ​ក៏បាន​ដែរ ហើយ​វិធី​នេះ​មាន​ប្រសិទ្ធភាព ជាពិសេស​សម្រាប់​កុមារ​ដែលមាន​ជំងឺ​ផ្តាសាយ​។​
២-​ផឹក​ភេសជ្ជៈ​ក្តៅៈ​
​ការស្រាវជ្រាវ​បាន​រកឃើញថា ការ​ផឹកទឹក​ផ្លែឈើ​ក្តៅ អាចជួយ​សម្រាល​ដល់​អាកា​រៈ​ផ្តាសាយ​ធម្មតា និង​ផ្តាសាយធំ​បាន ជាពិសេស​ទឹក​ផ្លែឈើ​ក្តៅ និង​មាន​ជាតិ​ល្វីង​រឹតតែ​ប្រសើរ​។ ម្យ៉ាងទៀត​ក៏មាន​គ្រូពេទ្យ​ជាច្រើន​បាន​ណែនាំ​ថា ការផឹក​ទឹក​ក្តៅ​ដែលមាន​លាយ​ទឹកឃ្មុំ ខ្ញី និង​ក្រូចឆ្មារ​ស្រស់ ក៏មាន​ប្រសិទ្ធភាព​ខ្ពស់​ដែរ​។​
៣-​សម្រាក​ឲ្យ​បាន​ច្រើនៈ​
​ពេល​មាន​ជំងឺ​ផ្តាសា​យមក​បៀតបៀន​ហើយ ការឈប់​សម្រាក​ជាច្រើន​ថ្ងៃ គឺជា​វិធី​ព្យាបាល​ដ៏​ល្អប្រសើរ ពីព្រោះ​មានការ​ឈប់សម្រាក និង​សម្ងំ​ដេក​ឲ្យ​បាន​ច្រើន​ប៉ុណ្ណោះ ទើប​អាចធ្វើ​ឲ្យ​រាងកាយ​មាន​កម្លាំង​ឡើងវិញ​។ ម្យ៉ាងទៀត​ឲ្យ​តែមាន​មេរោគ​គ្រុនផ្តាសាយ​ស្ថិតក្នុង​រាងកាយ​ហើយ ទោះបីជា​បាន​បញ្ចេញ​សកម្មភាព​ប្រសើរ​ក្តី ក៏​នាំ​ឲ្យ​មាន​អន្តរាយ​ដែរ ជាពិសេស​សម្រាប់​មនុស្ស​វ័យ​ចំណាស់​តែម្តង​។​
៤-​បន្ថែម​ជីវជាតិៈ​
​មាន​ជីវជាតិ​ខ្លះ​អាចជួយ​បង្កើន​កម្លាំង​នៃ​ការ​ស៊ាំ​នឹង​ជំងឺ ដូចជា ជីវជាតិ​A (​ស៊ុតមាន់​និង​ទឹកដោះគោ​) ជីវជាតិ​E (​ផ្លែឈើ​ក្រៀម និង​គ្រាប់​ធញ្ញជាតិ​) និង​ជាតិ​សេ​លេ​នី​ញ៉ូ​ម (​ផ្លែឈើ​ក្រៀម អាហារ​សមុទ្រ និង​សាច់ជ្រូក​)​។ ម្យ៉ាងទៀត​ត្រូវ​ទទួលទាន​ខ្ទឹមស​ឲ្យ​បាន​ច្រើន ពីព្រោះ​ខ្ទឹម​សមាន​សារធាតុ​ម្យ៉ាង​អាច​ប្រឆាំងនឹង​អតិសុខុមប្រាណ​។​
៥-​ខ្ពុរមាត់ៈ​
​ការ​ខ្ពុរមាត់​គឺអាច​សម្រាល​ដល់​ការឈឺ​បំពង់ក ជា​បណ្តោះអាសន្ន​។ ចំពោះ​វិធី​ធ្វើ​គឺ​ត្រូវ​បង់អំបិល​មួយ​ចឹប ក្នុង​ទឹក​ក្តៅ​ឧណ្ហៗ (​ប្រៃ​ឡ​មៗ​) ដោយ​ក្នុង​មួយថ្ងៃ​ត្រូវ​ខ្ពុរមាត់​ឲ្យ​បាន ៤ ដង​។
៦-​កើយ​ខ្នើយ​ខ្ពស់ៈ​
​ពេលដេក កើយ​ខ្នើយ​ខ្ពស់​ខុសពី​ធម្មតា គឺអាច​ធ្វើ​ឲ្យ​ជាតិ​សំបោរ​ខាប់​ហៀរ​ចេញមកក្រៅ​បាន​យ៉ាង​ងាយ​៕

 

ញើសអាចកម្ចាត់កំពូលមេរោគបាន

​ប្រភពពី Daily mail ដែល​ដកស្រង់​លទ្ធផល​ស្រាវជ្រាវ​មួយ​ចុះផ្សាយ​លើ Procesding of the National Academy of Sciciens របស់​បណ្ឌិត Ulrich Zachariae បាន​បញ្ជាក់ថា អង្គ​បដិបក្ខ​ធម្មជាតិ​ចេញពី​ញើស​អាច​កម្ចាត់​កំពូល​មេរោគ ក៏ដូចជា​អម្បូរ​មេរោគ​របេង​គ្រោះថ្នាក់​បាន ។​
​ជំងឺរបេង​អាច​ត្រូវបាន​ព្យាបាល​ដោយ​ប្រសិទ្ធ​ភាពល្អ​ជាង​មុន​តាមរយៈ​ថ្នាំ​អង់​ទី​ប៊ី​យូ​ទិ​ក ជំនាន់​ថ្មី​។
​ក្រុម​អ្នកស្រាវជ្រាវ​នៃ​សាកលវិទ្យាល័យ Edinburgh ប្រទេស​អង់គ្លេស ដែល​ដឹកនាំ​ដោយ​បណ្ឌិត​ខាងលើ បាន​រកឃើញ​ក្នុង​ញើស​របស់​មនុស្ស នូវ​សារធាតុ​គីមី​មួយ​ហៅថា Dermeidin ដែល​វា​រំញោច​សកម្មភាព​ក្នុង​ញើស​មនុស្ស ហើយ​រាង​ជូរ ។ វា​ក៏​អាច​បុក​ទម្លុះ​ស្រោម​កោសិកា​របស់​មេរោគ​បង្ក​ការគ្រោះថ្នាក់ ហើយ​សម្លាប់​វា​ចោល​តែម្តង ។​
​ធម្មតា​ស្រោម​កោសិកា ពុំ​ងាយ​ប្រែប្រួល​ឆាប់ ដើម្បី​តបត​នឹង​ការវាយលុក ។ អាស្រ័យហេតុនេះ សារធាតុ​គីមី​ខាងលើ​វា​បានរួម​ចំណែក​សម្រាប់​អភិវឌ្ឍន៍​ប្រភេទ​ឱសថ​អង់​ទី​ប៊ី​យូ​ទិ​ក​ជំនាន់​ថ្មី ។​
​ក្រុម​ស្រាវជ្រាវ​បាន​រកឃើញថា សារធាតុ​គីមី dermeidin​នេះ មាន​ចរន្ត​ម៉ូលេគុល​បន្ថយ​វែង​ជាង​ធម្មតា ហេតុនេះ​វា​អាច​ទម្លាយ​ជ្រៀបចូល​ទៅលើ​ស្រទាប់​កោសិកា​ផ្សេងៗ បង្កលក្ខណៈ​ដល់​ការ​វាយ​លុយ​កម្ចាត់​មេរោគ និង​ពពួក​ផ្សិត​ក្នុងពេល​តែមួយ ។​
Dermcidin អាច​ប្រឆាំង​តបត​នូវ​ពន្លក​មេរោគ​ជាច្រើន​ដូចជា​របេង និង​កំពូល​មេរោគ​បង្ក​ជំងឺ taphylococcus aureus ។​
​តាម​បណ្ឌិត Ulrich Zachariae នោះ ឥឡូវនេះ យើង​បានដឹង​លំអិត​អំពី​អង្គ​បដិបក្ខ​ធម្មជាតិ​ធ្វើ​សកម្មភាព​បែបណា ។ ផ្អែកលើ​មូលដ្ឋាន​នោះ​យើង​អាច​អភិវឌ្ឍន៍ នូវ​ឱសថ​ស័ក្តិ​សិទ្ធ​ប្រឆាំងនឹង​ការ​រលាក​ប្រសើរ​ជា ប្រភេទ​អង់​ទី​ប៊ី​យូ​ទិ​ក ដែលមាន​បច្ចុប្បន្ន​ច្រើន ៕ M​

​កាហ្វេ​អេស​ប្រេ​ស​សូល្អ ឬ​អាក្រក់​សម្រាប់​សុខភាព​រាងកាយ​?

សម្រាប់​អ្នក​ចូលចិត្ត​កាហ្វេ​ទាំងឡាយ អ្នកមាន​ដឹង​ដែរឬទេ​ថា កាហ្វេ​ដែល​អ្នក​ទទួលទាន​វា​ជាប្រចាំ​នោះ អាចធ្វើ​ឲ្យ​បេះដូង​របស់​អ្នក​ចុះ​ទ្រុឌទ្រោម ។​
ទោះបី​កន្លងមក គេ​ឃើញ​មាន​របាយការណ៍​របស់​គ្រូពេទ្យ​ផ្សាយ​ថា ការ​ទទួលទាន​កាហ្វេ​ក្នុង​មួយថ្ងៃ ១-២ កែវ ជួយ​ឲ្យ​រាងកាយ​បាន​ស្រស់ស្រាយ ហើយ​កាហ្វេ​អ៊ី​ន​មាននៅ​ក្នុង​កាហ្វេ ជួយ​ភ្ញោ​ច​ឲ្យ​ឈាម​រត់​បានល្អ​ក្ដី តែ​អ្វីៗ​គ្រប់យ៉ាង​តែងតែមាន​ទាំង​ផល​ល្អ និង​ផល​អាក្រក់ ។​
ពេល​ថ្មីៗ​នេះ មាន​របាយការណ៍​ផ្សាយ​ថា អេស​ប្រេ​ស​សូ​មាន​ផលប៉ះពាល់​ដល់​បេះដូង ។ ការ​ទទួលទាន​កាហ្វេ អេស​ប្រេ​ស​សូ ត្រឹម​តែមួយ​កែវ​ក៏​អាចធ្វើ​ឲ្យ​បេះដូង​ទ្រុឌទ្រោម​បានដែរ ។ នៅក្នុង​ការសិក្សា​ទៅលើ​ឥទ្ធិពល​របស់​កាហ្វេ អេស​ប្រេ​ស​សូ គេ​បាន​រកឃើញថា អេស​ប្រេ​ស​សូ មាន​កំហាប់​កាហ្វេ​អ៊ី​ន​ខ្លាំង ធ្វើ​ឲ្យ​ប៉ះពាល់​ដល់​តួនាទី​របស់​បេះដូង ព្រមទាំង​ធ្វើ​ឲ្យ​ឈាមរ​ត់ទៅ​ចិញ្ចឹម​បេះដូង​ថយចុះ​រហូតដល់ ២២ ភាគរយ ក្រោយពេល​ទទួលទាន​ហើយ​បាន​មួយ​ម៉ោង ៕

វិធី​ល្អ​៨​យ៉ាង ជួយ​ឲ្យ​មាន​សុខភាព​បេះដូង​

ពាក្យស្លោក​មួយ​ថា​«​ការពារ​ប្រសើរ​ជាង​ព្យាបាល​»​នោះ យើង​សូម​បង្ហាញ​អំពី​វិធី​៨​យ៉ាង​ដើម្បី​ជួយ​ធ្វើ​ឲ្យ​បេះដូង​ដំណើរការ​ទៅបាន​ល្អ​។​
១-​ស្គាល់​ខ្លួនឯង​:​ការប្រព្រឹត្តិ​ផ្ទាល់ខ្លួន និង​ដំណើរ​ជីវិត​របស់​អ្នក ជា​ប្រការ​សំខាន់​ជួយ​បន្ថយ​អត្រា​ប្រឈម​នឹង​ជំងឺ​បេះដូង ដូច​ជាការ​ទទួលទាន ការហាត់​ប្រាណ ការឈប់​ជក់បារី ...​។​
២-​បន្ថយ​ភាព​តានតឹង : ភាព​តានតឹង បណ្តាល​ឲ្យ​សម្ពាធ​ឈាម​ឡើង​ខ្ពស់ ហើយ​កម្រិត​អ័រម៉ូន​នៃ​ភាព​តានតឹង កើនឡើង​ខ្ពស់ ជា​គ្រោះថ្នាក់​មួយ​។​
៣-​សម្រក​ទម្ងន់​: ភាពធាត់ ជា​មូលហេតុ​នៃ​ជំងឺ​សរសៃឈាម​បេះដូង​ត្បៀត សម្ពាធ​ឈាម​ខ្ពស់ ជាតិ​ខ្លាញ់​ក្នុង​សរសៃឈាម​ខ្ពស់ សុទ្ធតែ​អាចឈាន​ទៅរក​ជំងឺ​បេះដូង​។​
៤-​ទទួលទាន​អាហារ​មាន​ប្រយោជន៍​: គួរ​បន្ថយ​អាហារ​ដែលមាន​ជាតិ​ខ្លាញ់​ច្រើន និង​ជាតិ​ខ្លាញ់​កែច្នៃ​។ គួរ​ទទួលទាន​បន្លែ និង​ផ្លែឈើ ប្រូតេអ៊ីន​ខ្លាញ់​តិច ក្នុង​បរិមាណ​សមស្រប​។
៥-​ពិនិត្យ​សុខភាព​ជាប្រចាំ​:​ការពិនិត្យ​សុខភាព ជួយ​ឲ្យ​រកឃើញ​បញ្ហា​ដែល​អាច​ក្លាយជា​ធ្ងន់ធ្ងរ​បាន​។​
៦-​គ្រប់គ្រង​សម្ពាធ​ឈាម​:​សម្ពាធ​ឈាម​ខ្ពស់ ជា​មូលហេតុ​ចម្បង​របស់​ជំងឺ​បេះដូង​។ ដូច្នេះ គួរ​ចៀសវាង​កត្តា​ដែល​បង្ក​ឲ្យ​កើតមាន​សម្ពាធ​ឈាម​ខ្ពស់​។​
៧-​កុំ​នៅ​ស្ងៀម​: ការហាត់​ប្រាណ យ៉ាងហោច​មួយថ្ងៃ ៣០​នាទី ១ សប្តាហ៍ ៤-៥ ដង ជួយ​បន្ថយ​អត្រា​ប្រឈម​នឹង​ជំងឺ​បេះដូង និង​ជំងឺ​ផ្សេងៗ​ទៀត​បាន​។​
៨-​ឈប់​ជក់បារី​:​ការជក់បារី ជា​កត្តា​គ្រោះថ្នាក់​ដ៏​ធ្ងន់ធ្ងរ​ចំពោះ​បេះ​ដួង​ដោយសារ​បារី​ពោរពេញ​ដោយសារ​ធាតុគីមី ដែលមាន​គ្រោះថ្នាក់​ចំពោះ​បេះ​ដួង និង​ប្រព័ន្ធ​ឈាម​រត់​។​
​    ​

​ˆ​អ្នក​មាន​សម្ពាធ​ឈាម​ទាប​ គួរទទួលទាន​អ្វី​?

ភាគច្រើន​នៃ​អ្នកជំងឺ​ដែល​ទៅ​ពិនិត្យ​នៅ​ផ្នែក​សរសៃឈាម​បេះដូង នៅតាម​បណ្តា​មន្ទីរពេទ្យ សុទ្ធតែ​មាន​សម្ពាធ​ឈាម​ខ្ពស់ ប៉ុន្តែ​មាន​មួយចំនួន​តូចមាន​សម្ពាធ​ឈាម​ទាប​ជា​ប្រចាំ​។​

១)•​ដូចម្តេច​ហៅ​ថា​សម្ពាធ​ឈាម​ធម្មតាៈ​
​សម្ពាធ​ឈាម​មធ្យម​របស់​មនុស្ស​ម្នាក់ៗ ប្រែប្រួល​ក្នុង​ចន្លោះ​ពី ១១០-១២០ mmHg ចំពោះ​សម្ពាធ​ឈាម​អតិបរមា (​សម្ពាធ​ឈាម​ខាងលើ​) និង​ពី ៧០-៨០ mmHg ចំពោះ​សម្ពាធ​ឈាម​អប្បបរមា (​សម្ពាធ​ឈាម​ខាងក្រោម​)​។ ពេល​សម្ពាធ​ឈាម​អតិបរមា ក្រោម ១០០ mmHg ហើយ​សម្ពាធ​ឈាម​អប្បបរមា ក្រោម ៦០ mmHg នោះ​អ្នកជំងឺ​លុះ​ទៅ​ក្នុង​ស្ថានភាព​សម្ពាធ​ឈាម​ទាប​។ សម្ពាធ​ឈាម​ទាប មាន​២​សណ្ឋានៈ ចុះ​សម្ពាធ​ឈាម​បន្ទាន់ ឧស្សាហ៍​កើតឡើង​ចំពោះ​អ្នកជំងឺ​សង្គ្រោះបន្ទាន់ ដោយសារ​របួស បង្ក​ការបាត់បង់​ឈាម​ច្រើន រាក​រូស បាត់បង់​ទឹក ខ្សោយបេះដូង ឬ​កើត​ជំងឺ​ផ្សេងៗ។

 

អ្នកជំងឺ​ទាំងនេះ ត្រូវ​បញ្ជូន​ចូល​មន្ទីរពេទ្យ​សង្គ្រោះបន្ទាន់ និង​អាស្រ័យ​ទៅតាម​មូលហេតុ​បង្ក​ការចុះ​សម្ពាធ​ឈាម ដែល​គ្រូពេទ្យ​ធ្វើការ​ព្យាបាល ឱ្យបានសមស្រប (​បញ្ចូល​សេរ៉ូម បញ្ចូល​ឈាម ថ្នាំ​ជំនួយ​បេះដូង​) រីឯ​សម្ពាធ​ឈាម​ទាប​រ៉ាំរ៉ៃ នៅ​អ្នកជំងឺ​នេះ សម្ពាធ​ឈាម​ជាប្រចាំ​ទាប​ជាង ១០០ mmHg ចំពោះ​សម្ពាធ​ឈាម​អតិបរមា​។ អ្នកជំងឺ​អាច​មាន ឬ​ពុំ​មាន​ភាព​ពិបាក​ទ្រាំ​ណាមួយ​ឡើយ​។

​មនុស្ស​ជាច្រើន​ដឹង​ដោយ​ចៃដន្យ​ក្នុង​កាល​ពិនិត្យ​សុខភាព តាម​កាលកំណត់ ឬ​ត្រូវ​បាន​វាស់​សម្ពាធ​ឈាម​ពេល​ទៅ​ពិនិត្យ​ជំងឺ​ណាមួយ ផ្សេង មិន​ពាក់ព័ន្ធ​ដល់​សរសៃឈាម​បេះដូង​។​

២)•​ចុះ​សម្ពាធ​ឈាម​គ្រោះថ្នាក់​ឬ​អត់​?
​ប្រាកដ​ណាស់ ប្រសិន​អ្នកជំងឺ ស្ថិតក្នុង​ស្ថានភាព​ចុះ​សម្ពាធ​ឈាម​បន្ទាន់ គឺ​គ្រោះថ្នាក់​ណាស់ និង​ចាំបាច់​ត្រូវ​ចូល​មន្ទីរពេទ្យ ដើម្បី​ព្យាបាល​ក្នុង​បន្ទប់​ថែទាំ​ពិសេស​។ បញ្ចូល​សេរ៉ូម និង​ឈាម ក៏ដូចជា​សូលុយស្យុង​ជំនួស​ឈាម ជា​វិធី​ព្យាបាល​ដំបូង ត្រូវបាន​អនុវត្ត​សម្រាប់​អ្នកជំងឺ​សឹងតែ​ទាំងអស់​។​

​ចំណែក​ស្ថានភាព​សម្ពាធ​ឈាម​ទាប​រ៉ាំរ៉ៃ​នោះ ហាក់ដូចជា​ពុំ​មាន​អ្វី​គ្រោះថ្នាក់​ពេក​ទេ​។ មិនតែប៉ុណ្ណោះ នៅ​មាន​អ្នក​ចាត់ទុកថា អ្នក​មាន​សម្ពាធ​ឈាម​ទាប នៅ​អាយុ​វែង​ជាង​អ្នក​មាន​សម្ពាធ​ឈាម​ធម្មតា​។ អ្នក​មាន​សម្ពាធ​ឈាម​ទាប​រ៉ាំរ៉ៃ ច្រើន​ឧស្សាហ៍​ងងុយគេង អស់កម្លាំង វិលមុខ ព្រិល​ភ្នែក ឬម្តងម្កាល ត្រូវ​សន្លប់​។ ពិសេស​គឺ​ពេល​ផ្លាស់ប្តូរ​កាយវិការ​ប្រថុចញ៉ុច​។ រោគសញ្ញា​ទាំងនេះ លេចឡើង​ដោយសារ​ថយចុះ​បរិមាណ​ចរាចរ​ឈាម​នៅ​ខួរក្បាល បេះដូង ថ្លើម និង​បណ្តា​ផ្នែក​ផ្សេងៗ​ក្នុង​សរីរាង្គ​។ ស្ថានភាព​ចុះ​សម្ពាធ​ឈាម​រ៉ាំរ៉ៃ ឧស្សាហ៍​កើត​នៅ​អ្នកធ្វើការ​ហួស​កម្លាំង ត្រូវ​ស្ត្រេ​ស ច្របូកច្របល់​អ័រម៉ូន ខ្វះ​ជីវជាតិ ទឹកនោម​ផ្អែម​។​

៣)•​អ្នកជំងឺ​ចុះ​សម្ពាធ​ឈាម​រ៉ាំរ៉ៃ គួរ​ទទួល​ទាន​អ្វី​?
​រឿង​ដំបូង គឺ​គួរ​មាន​របប​ធ្វើការ និង​សម្រាក​សមស្រប​។ គួរ​ទទួល​ទាន​អាហារ​សម្បូរ​ថាមពល និង​វីតាមីន​។ មាន​អ្នកខ្លះ​ចាត់ទុកថា អ្នកជំងឺ​គួរ​ទទួល​ទាន​ប្រៃ​បន្តិច ដើម្បី​បង្កើន​បរិមាណ​ចរាចរ​ឈាម​ក្នុង​សរីរាង្គ អាស្រ័យ​ដោយ​ប្រសិទ្ធភាព​រក្សា​ទឹក​របស់​អំបិល​។ ប៉ុន្តែ​រឿង​នេះ ក៏​គ្រោះថ្នាក់​ណាស់​ដែរ ព្រោះ​នឹង​បង្ក​ឱ្យ​លើសឈាម​ពេល​គេង​។​

​ជ្រើសរើស​វិញ្ញាសា​កីឡា​មួយ​សមស្រប​នឹង​សុខភាព ដូចជា​ដើរ ហែល​ទឹក ឬ​ហាត់ Yoga ។ ការ​ទទួលទាន​ទឹក​គ្រប់ ពិសេស​គឺ​ពេល​ធាតុ​អាការ​ក្តៅ ក៏​រួមចំណែក​បន្ថយ​គ្រោះថ្នាក់​ចុះ​សម្ពាធ​ឈាម​នៅ​មនុស្ស​មួយចំនួន​។ ហើយ​រឿង​សំខាន់​បំផុត​មួយ ដែល​មនុស្ស​ជាច្រើន​ក្នុង​ចំណោម​ពួក​យើង ពុំ​សូវ​យកចិត្តទុកដាក់​នោះ គឺ​ត្រូវ​ទៅ​ពិនិត្យ​សុខភាព តាម​កាលកំណត់ ៦​ខែម្តង​។ នេះ​ជា​និន្នាការ​ថ្មី​សំដៅ​បង្ការ​ជំងឺ​ក្នុង​សង្គម​ទំនើប​៕​

​អង្គុយ​ការិយាល័យ​ពេញ ១ ថ្ងៃ , គួរ​ទទួលទាន​ស្រា​ទំពាំងបាយជូរ​ក្រហម ១ កែវ

​ពួក​វេជ្ជបណ្ឌិត​អាមេរិក ចាត់ទុកថា ប្រសិន​មនុស្ស មាន​របៀបរបប​រស់​នៅ ខ្វះ​ចលនា​នោះ ស្រា​ទំពាំងបាយជូរ​ក្រហម អាចជួយ​ដោះស្រាយ​បញ្ហា អំពី​សុខភាព​បង្កឡើង ដោយ​របៀប​រស់នៅ​នោះ ។
​ពួកគេ​បាន​សង្កត់ធ្ងន់​ទៅលើ​ប្រសិទ្ធភាព របស់​ស្រា​ទំពាំងបាយជូរ​ក្រហម ដោយ​ទូន្មាន​ឲ្យ​ទទួលទាន តិចតួច​ប៉ុណ្ណោះ ។​

​ក្រុម​វេជ្ជបណ្ឌិត បាន​បញ្ជាក់ថា ក្នុង​ស្រា​ទំពាំងបាយជូរ​ក្រហម មាន​សារជាតិ resveratrol មាន​ឥទ្ធិពល​ល្អ ដល់​សរីរាង្គ​មនុស្ស , ជួយ​បន្ថយ​រលាក , កំហិត​កម្រិត​ស្ករ , មាន​ប្រសិទ្ធភាព​ប្រឆាំង​មហារីក ក៏ដូចជា ជំងឺ​អំពី​សរសៃឈាម​បេះដូង ។​

​ពួក​អ្នកវិទ្យាសាស្ត្រ បាន​ដំណើរការ​ពិសោធន៍​លើ​សត្វ​កណ្តុរ ។ ពួកគេ​ញាត់​កណ្តុរ ១៥ ថ្ងៃ ដោយ​វិធី​ព្យួរ​កន្ទុយ​វា​ឡើងលើ ។ កណ្តុរ​មួយចំនួន ត្រូវបាន​ប្រើ resveratrol រាល់ថ្ងៃ នោះ​បញ្ចៀស បានការ​ប្រែប្រួល​អាក្រក់ , ចំណែក​កណ្តុរ​មិនបាន​ប្រើ​សារជាតិ​នេះ នោះ​ផ្ទាំង​សាច់ដុំ និង​ដង់ស៊ីតេ​របស់​ឆ្អឹង សុទ្ធតែ​ថយចុះ ។​

​ពួក​អ្នកវិទ្យាសាស្ត្រ បាន​សន្និដ្ឋានថា ៖ resveratrol បំពេញបាន​ការខ្វះ​សកម្មភាព​រាងកាយ និង​ទប់ស្កាត់បាន ផលវិបាក​របស់​ស្ថានភាព​អង្គុយ​ច្រើន ៕M/V/L

ទឹកដោះគោមានជាតិខ្លាញ់បង្កើនលទ្ធភាពលាប់មហារីកដោះ

-ទឹកដោះគោ​មាន​ជាតិ​ខ្លាញ់​ច្រើន បង្កើន​លទ្ធភាព​បាត់បង់​ជីវិត ដោយសារ​មហារីក​ដោះ​រើ​ឡើងវិញ​
​ការស្រាវជ្រាវ​មួយ​ថ្មីៗ​នេះ បាន​រកឃើញថា ទទួលទាន​កម្រិត​ខ្ពស់​បណ្តា​ផលិតផល​ទឹកដោះគោ​មាន​បរិមាណ​ជាតិ​ខ្លាញ់​ច្រើន​ក្រោយពេល​ព្យាបាល​មហារីក​ដោះ អាច​បណ្តាល​ឲ្យ​បាត់បង់​ជីវិត ដោយសារ​ជំងឺ​រើ​ឡើងវិញ ។​
​ការស្រាវជ្រាវ​ត្រូវបាន​អនុវត្ត ដោយ​ពួក​អ្នកវិទ្យាសាស្ត្រ​អាមេរិក ទើបត្រូវ​បានប្រកាស​លើ​ទ​ស្ស​នាវ​ដ្តី​របស់​វិទ្យាស្ថាន​មហារីក​ជាតិ​អាមេរិក ។​
​អ្នកជំងឺ​ក្រោយពេល​ត្រូវបាន​វិនិច្ឆ័យ និង​ព្យាបាល​មហារីក​ដោះ របប​ទទួលទាន និង​អាហារ​ទាំងឡាយ​អាច​ឥទ្ធិ​ពេល​ដល់​ពេលវេលា និង​ស្ថានភាព​រស់នៅ​ទៅ​ថ្ងៃមុខ​របស់​ពួកគេ ។​
​គំនិត​របស់​ការស្រាវជ្រាវ​នេះ​ចាប់​ប្រភពពី​ការទទួល​ទាន​ទឹកដោះគោ​នៅ​បណ្តា​ប្រទេស​លោកខាងលិច ។ បណ្ឌិត Candyce Kroenke នៅ​បន្ទប់​ស្រាវជ្រាវ​វិទ្យាសាស្ត្រ Kaiser Permanrente ឲ្យ​ដឹងថា estrogen ក្នុង​ទឹកដោះគោ អាច​បង្ក​ការ​លាប់​ជំងឺមហារីក​ដោះ មិនតែប៉ុណ្ណោះ អាច​បណ្តាល​ឲ្យ​បាត់បង់​ជីវិត​ដោយសារ​ជំងឺ​នេះ ។​
​ពី​ទឡ្ហីករណ៍​នេះ ពួក​អ្នកស្រាវជ្រាវ​បាន​តាមដាន​ស្ត្រី​១៨៩៣​នាក់ ត្រូវ​វិនិច្ឆ័យ​កើត​មហារីក​ដោះ​២​ឆ្នាំ មុនពេល​ស្រាវជ្រាវ ។ អ្នកចូលរួម​ម្នាក់ៗ​នឹង​គូស​នៅក្នុង​តារាង​ស៊ើបអង្កេត​រួមមាន​បណ្តា​ព័ត៌មាន​អំពី​អាហារ​ដែល​ពួកគេ​ទទួលទាន​រាល់ថ្ងៃ រាល់​ឆ្នាំ អ្នកចូលរួម​ស្រាវជ្រាវ​ត្រូវបាន​តាមដាន​ក្នុងអំឡុងពេល​១២​ឆ្នាំ ។​
​លទ្ធផល​បង្ហាញថា ស្ត្រី​ទទួលទាន​ទឹកដោះគោ មាន​បរិមាណ​ជាតិ​ខ្លាញ់​ខ្ពស់ មានលទ្ធភាព​បាត់បង់​ជីវិត​ដោយសារ​មហារីក​ដោះ ឬ​ជំងឺ​ផ្សេងៗ​ដូចជា​លាប់​ជំងឺ​បេះដូង ៕M​

​ហាត់ប្រាណ​បង្ការ​មហារីក

តាម​ការសិក្សា​ស្រាវជ្រាវ ដោយ​មូលនិធិ​ស្រាវជ្រាវ​មហារីក​ពិភពលោក (The World Cancer Research Fund) បាន​រកឃើញថា  អ្នក​ដែល​ហាត់ប្រាណ​ជាប្រចាំ​ប្រមាណ ៣០ នាទី ជា​រៀងរាល់ថ្ងៃ មាន​អត្រា​ប្រឈម​តិច ចំពោះ​ការ​កើត​ជំងឺមហារីក ពេល​អាយុ​កើនឡើង ។ ទាំងនេះ​អាច​បណ្ដាលមកពី​ការ​ហាត់ប្រាណ​ជាប់លាប់ នឹង​ធ្វើឲ្យ​មាន​រូបរាង​សមសួន​មិនធាត់ ដែល​ការ​ធា​ត់ ក៏​ជា​កត្តា​មួយ​ឈាន​ទៅរក​ជំងឺមហារីក​បាន ។​
លោក​វេជ្ជបណ្ឌិត រ៉ា​ឆេ​ល ថម​ភ៍​សុន (Dr.Rachel Thomspon) នៃ​មូលនិធិ​ខាងលើ​បាន​ដឹងថា ខណៈ​នេះ​មាន​ភស្តុតាង​ដែល​អះអាង​យ៉ាង​ច្បាស់​ថា ការ​ហាត់ប្រាណ គឺជា​កត្តា​ដ៏​សំខាន់ ក្នុង​ការបង្ការ​ជំងឺមហារីក និង​មិន​ត្រូវ​គិតថា ទាល់តែ​ហាត់ប្រាណ​ខ្លាំងៗ​ប៉ុណ្ណោះ ទើប​អាច​បង្ការ​មហារីក​បាន​នោះទេ ព្រោះ​មនុស្ស​ជាច្រើន ដែល​ធ្វើការ​ហាត់ប្រាណ​ស្រាលៗ ជា​ប្រចាំ​រាល់ថ្ងៃ​ដូចជា ការដើរ​លឿន ការរត់​ត្រឹកៗ ឬ​ការឡើង​ចុះ​កាំជណ្ដើរ ក៏​អាច​បង្ការ​ជំងឺមហារីក​បានដែរ ។​
ការ​ហាត់ប្រាណ មិន​គ្រាន់តែ​ជួយ​បន្ថយ​អត្រា​ប្រឈម​នឹង​ជំងឺ​មហារីក​ប៉ុណ្ណោះ​ទេ ប៉ុន្ដែ​ក៏​ជួយ​បង្ការ​ការបាត់បង់​ជីវិត ដោយសារ​ជំងឺ​មហារីក​ជំងឺ​សរសៃឈាម​ក្នុង​ខួរក្បាល រួម​ទាំង​បន្ថយ​ឱកាស​កើត​ជំងឺ​ទឹកនោម​ផ្អែម​ទៀតផង ៕

នឹងមានថ្នាំព្យាបាលហ៊ីវក្នុងប៉ុន្មានខែខាងមុខ?

ពួក​អ្នកវិទ្យាសាស្ត្រ​ដា​ណឺ​ម៉ាក បាន​រកឃើញ​វិធី​ផ្តាច់​វីរុស​ហ៊ី​វ​ចេញពី ADN របស់​មនុស្ស ផ្តើម​ពី​នោះ​អនុញ្ញាត​ឲ្យ​ប្រព័ន្ធ​អង្គ​បដិបក្ខ​កម្ទេច​វីរុស​នេះ​

ពួក​អ្នកវិទ្យាសាស្ត្រ​ដា​ណឺ​ម៉ាក​ជឿថា គេ​នឹងមាន​ថ្នាំ​ព្យាបាល​ហ៊ី​វ "​ក្នុង​ប៉ុន្មាន​ខែ​ខាងមុខ​" ។​
​តាម​សារព័ត៌មាន Telegraph (​អង់គ្លេស​) ពួក​អ្នកស្រាវជ្រាវ​នៅ​មន្ទីរពេទ្យ​សាកលវិទ្យាល័យ Aarhus (​ដា​ណឺ​ម៉ាក​) កំពុង​ពិសោធន៍​បច្ចេក​ព្យាបាល​ថ្មី​មួយ លាង​សំអាត​វីរុស​ហ៊ី​វ​ចេញពី ADN របស់​អ្នកជំងឺ ។ វីរុស​បន្ទាប់មក​នឹង​បាត់បង់​តាម​វិធី​ធម្មតា នោះ​គឺ​ត្រូវកំទេច​ងាប់​ដោយ​ប្រព័ន្ធ​អង្គ​បដិបក្ខ​របស់​មនុស្ស ។​
​ពួក​អ្នកវិទ្យាសាស្ត្រ​ដា​ណឺ​ម៉ាក​កំពុង​ទន្ទឹង​ចាំ​លទ្ធផល​ពី​ការពិសោធន៍​វិធីសាស្ត្រ​ថ្មី​នេះ ដើម្បី​បញ្ជាក់ថា ពួកគេ​បាន "​រកឃើញ​ឱសថ​ព្យាបាល​ហ៊ី​វ​មានតម្លៃ​សមស្រប និង​អាច​ផលិត​ជាទូទៅ​" ។​
​បាន​មាន​អ្នកជំងឺ​ហ៊ី​វ​ស្ម័គ្រចិត្ត​១៥​នាក់ ចូលរួម​វគ្គ​ពិសោធន៍​ខាងលើ​ក្រោយពេល​ការវិភាគ​បង្ហាញថា វិធី​ព្យាបាល​ទទួលបាន​ប្រសិទ្ធភាព​លើ​កោសិកា​ត្រូវ​ឆ្លង​ជំងឺ​របស់​មនុស្ស ។​
​ដោយ​សង្កេតឃើញ​វិធី​ព្យាបាល​ហ៊ី​វ​នេះ​មាន​សក្តានុពល​ធំ​ហេតុនេះ​ក្រុមប្រឹក្សា​ស្រាវជ្រាវ​ដា​ណឺ​ម៉ា​កបាន​ឧបត្ថម្ភ​ប្រាក់ ២,១​លាន​ដុល្លារ ដើម្បី​ក្រុម​ស្រាវជ្រាវ​បន្ត​ប្រដេញ​តាម​ការពិសោធន៍ ។​
​ប្រសិន​អ្នកជំងឺ​ហ៊ី​វ ១៥​នាក់ ត្រូវបាន​ព្យាបាល​ជា នោះ​ពួក​អ្នកវិទ្យាសាស្ត្រ​នឹង​ដំណើរការ​ពិសោធន៍​លើ​ចំនួន​អ្នកជំងឺ​ធំ​ជាង ។​
​ពួក​អ្នកស្រាវជ្រាវ​ដា​ណឺ​ម៉ាក​បាន​ប្រើ​ថ្នាំ​មួយ​ប្រភេទ​ដែល​មុននេះ​ប្រើ​ក្នុងការ​ព្យាបាល​មហារីក ដើម្បី​ផ្តាច់​វីរុស​ហ៊ី​វ​ចេញពី​កោសិកា ADN ផ្តើម​ពី​នោះ​អនុញ្ញាត​ឲ្យ​ប្រព័ន្ធ​អង្គ​បដិបក្ខ​របស់​សរីរាង្គ​កម្ទេច​វីរុស​នេះ ។​
"​យើងខ្ញុំ​នឹង​ជោគជ័យ​ក្នុងការ​ដោះ​បំបាត់​បាន​វីរុស​ហ៊ី​វ​ចេញពី ADN មនុស្ស​" វេជ្ជបណ្ឌិត Ole Sogaard សមាជិក​របស់​ក្រុម​ស្រាវជ្រាវ​នៅ​មន្ទីរពេទ្យ​សកលវិទ្យា​ល័យ Aarhus ឲ្យ​ដឹង ៕​M

​ចេកអំបូង​ជា​ឱសថ​ព្យាបាល​រោគ​រលាក​ពោះវៀន​រ៉ាំរ៉ៃ​

សកលវិទ្យា​ល័យ លី​វី​ភូ​ល ដ៏​ល្បីឈ្មោះ​របស់​អង់​គ្លេ​ងសបាន​រកឃើញថា សារធាតុ​ចម្រាញ់​ចេញពី​ផ្កា​ស្ពៃ​ខាត់ណា និង​ចេកអំបូង​​ជួយ​ព្យាបាល​រោគ​ក្រពះ​ផ្សេងៗ​បាន ។

បើ​យោងតាម​ការសិក្សា​ស្រាវជ្រាវ​នៅក្នុង​បន្ទប់​ប្រតិបត្តិ​ការពិសោធន៍​គេ​បាន​រកឃើញថា កាក​សរសៃ​ពី​បន្លែ​វា​ជួយ​ការពារ​រាងកាយ​តាម​ធម្មជាតិ ប្រយុទ្ធ​ជាមួយ​អាការៈ រលាក​ក្នុង​ក្រពះ ។​

អ្នក​ពិសោធន៍​កំពុងតែ​រង់ចាំ​មើល​លទ្ធផល​ថា និង​ប្រើ​វា​ជា​អាហារ​ជា​ឱសថ ជាមួយនិង​រោគ​រលាក​ពោះវៀន​រ៉ាំរ៉ៃ​បានដែរ​ឬ​អត់ ព្រោះ​រោគ​នេះ​វា​ធ្វើ​ឲ្យ​រាគរូស និង​ឈឺពោះ​ដែល​បច្ចុប្បន្ន​គេ​ជឿថា វា​កើតចេញពី​កក្តា​ក្នុង​បរិស្ថាន និង​ប្រព័ន្ធ​ពូជរបស់មនុស្ស​ម្នាក់ៗ ។​

អ្នកវិទ្យាសាស្ត្រ​កំពុង​ផ្តោត​ការស្រាវជ្រាវ ពិនិត្យ​មើលថា អាហារ​ដែលមាន​កាក​ស​រ​សៃ ច្រើន​ដែលជួយ​ការ​បន្ទោ​របង់ ដូចជា​បន្លែ វា​ជួយ​កោសិកា​ក្នុង​ពោះវៀន បណ្តេញ​បាក់តេរីបង្ក​គ្រោះថ្នាក់​ចេញមក​បាន​ដោយ​របៀប​ណា ។ គេ​បាន​រកឃើញថា កាក​សរសៃ​ពី​ផ្លែ​ចេក​ខ្នាត​ដ៏​ធំ​មួយ ជាមួយនិង​ផ្កា​ស្ពៃ​ខាត់ណា​អាច​និង​មាន​ប្រយោជន៍ ក៏ប៉ុន្តែ​សារធាតុ​ការពារ​ផ្អូម​ដែល​មាននៅ​លាយ​ក្នុង​អាហារ ចំអិន​ស្រាប់​អាច​បំ​ឡែ​ង​ឲ្យ​កើត​ប្រតិកម្មបញ្ច្រាសទិស​គ្នា ។​

វេជ្ជបណ្ឌិត បារី​ខែម​បែ​ល បាន​ពិសោធន៍​ឃើញថា ចំណែក​ផ្សំ​ផ្សេងៗ​នៃ​អាហារ​អាច​ផ្តល់​ផល​ចំពោះ​ការ​បំលាស់​ទី​របស់​បាក់តេរី​ឆ្លងកាត់​ក្រពះ​ ។ លោក​បាន​បន្តទៀតថា ការងារ​របស់​យើង​បាន​បង្ហាញថា ​អ្នកជំងឺ​ប្រភេទ​នេះ ​ត្រូវ​ជ្រើសរើស​ទទួលទាន តែ​អាហារ​ដែលមាន​ប្រយោជន៍ នឹង​កំហិត​អាហារ​ចំអិន​ស្រាប់​ឲ្យ​កាន់តែ​តិច​ ៕f

ពេល​ភ្ញាក់​ពី​ព្រលឹម តើ​ទឹក​អ្វីខ្លះ​ពុំគួរ​ផឹក ?

ពេល​ភ្ញាក់​ពី​ព្រលឹម ការ​ពិសា​ទឹក​ត្រូវបាន​គេ​ចាត់ទុកថា​ជា​វិធី​ដ៏​ល្អ​សម្រាប់​សុខភាព ប៉ុន្តែ​ពុំមែន​ទឹក​ទាំងអស់​សុទ្ធតែ​ពិសា​បានតែ​ទាំងអស់​នោះឡើយ ។​
ខាងក្រោម​នេះ​ជា​ទឹក ឬ ទឹក​ភេសជ្ជៈ​ខ្លះៗ​ដែល​មិនគួរ​ពិសា​ពេល​ភ្ញាក់​ពី​ព្រលឹម​ឡើយ ។​
-​ទីក​លាយ​អំបិល​ប្រៃ​ឡ​មៗ : មាន​គេ​យល់ថា ការ​ពិសា​ទឹកប្រៃ​ឡ​មៗ​មាន​ផលប្រយោជន៍​ចំពោះ​សុខភាព​រាងកាយ ។ ដូច្នេះហើយ​ទើប​ពេល​ភ្ញាក់​ពី​ព្រលឹម​ភ្លាម​ក៏​ប្រញាប់ប្រញាល់​ពិសា​ទឹកប្រៃ​ឡ​មៗ​មួយ​កែវ ប៉ុន្តែ​នោះ​គឺជា​កំហុសឆ្គង​មួយ ។ តាមពិតទៅ​ការ​ពិសា​ទឹកប្រៃ​ឡ​មៗ​មាន​ផលប្រយោជន៍​ដល់​សុខភាព​ពិតមែន ប៉ុន្តែ​នោះ​គឺ​សម្រាប់​ប៉ះប៉ូវ​ជាតិ​ទឹក​ក្រោយពេល​បែកញើស​នៅក្នុង​រដូវក្តៅ​តែប៉ុណ្ណោះ ។ ការ​ពិសា​ទឹក​ប្រើឡ​មៗ​ពេលព្រឹក​ព្រលឹម​ពុំ​គ្រាន់​តែមាន​ផលប្រយោជន៍​ប៉ុណ្ណោះ​ទេ ថែមទាំង​អាច​បំផ្លាញ់​សុខភាព​ទៅវិញ ។​
តាម​ការស្រាវជ្រាវ​ផ្នែក​សរី​សាស្ត្រ​បាន​រកឃើញថា មនុស្ស​ដែល​ដេក​ពេញ​មួយ​យប់​ពុំបាន​ក្រេបទឹក​មួយ​ដំណាក់​ឡើយ ប៉ុន្តែ​ការដកដង្ហើម ការបញ្ចេញ​ញើស ការ​បត់ជើងតូច​កំពុងតែ​ដំណើរការ​ធម្មតា​ដូច្នេះ​សកម្មភាព​នៃ​សរីរៈ​អស់ទាំង​នេះ បានធ្វើ​ឲ្យ​បាត់បង់​ជាតិ​ទឹក​អស់យ៉ាង​ច្រើន ។ ម្យ៉ាងទៀត​នៅពេល​ភ្ញាក់​ពី​ព្រលឹម ឈាម​ក្នុង​ខ្លួន​នៅ​ខាប់​នៅឡើយ ដូច្នេះ​ប្រសិនបើ​បាន​ពិសា​ទឹក​ដាំ​ឆ្អិន​គឺអាច​ធ្វើ​ឲ្យ​ឈាម​ប្រែ​មកជា​រាវ​ឡើងវិញ ហើយក៏​ជួយ​បំពេញបន្ថែម​នូវ​ជាតិ​ទឹក​ដែល​បាត់បង់​ពី​ពេលយប់ ។ ផ្ទុយទៅវិញ​ការ​ពិសា​ទឹកប្រៃ​ឡ​មៗ បានត្រឹមតែ​បង្កើន​នូវ​ការខ្វះ​ជាតិ​ទឹក និង ស្ងួត​បំពង់​-​ក​តែប៉ុណ្ណោះ ។​ម្យ៉ាងទៀត​នៅពេល​ព្រឹម​ព្រលឹម សម្ពាធ​ឈាម​ឡើង​ខ្ពស់​ដល់​កម្រិត​កំពូល ដូច្នេះ​ការ​ពិសា​ទឹកប្រៃ​ឡ​មៗ អាចធ្វើ​ឲ្យ​សម្ពាធ​ឈាម​រឹតតែ​កើន​ខ្ពស់​ថែមទៀត ហើយ​អាច​បំផ្លាញ​សុខភាព​ទៀតផង ។​
-​ទឹកកក : មាន​មនុស្ស​ជាច្រើន​ចូលចិត្ត​ពិសា​ទឹកកក​មួយ​កែវ​នៅពេល​ភ្ញាក់​ពី​ព្រលឹម ជាពិសេស​នៅក្នុង​រដូវក្តៅ ។ តាមពិតទៅ​វា​ជា​ប្រការ​មួយ​មិនល្អ​ឡើយ ហើយក៏​អាច​ប៉ះពាល់​ដល់​សុខភាព​ផងដែរ ។​
-​ភេសជ្ជៈ : ពេល​ភ្ញាក់​ពី​ព្រលឹម ពុំគួរ​ទទួលទាន​ភេសជ្ជៈ​ដូចជា ទឹក​ផ្លែឈើ ទឹកក្រូច កាហ្វេ ទឹកដោះគោ ។​ល​។ ដោយសារ​ភេសជ្ជៈ​អាស៊ីដ​កាបូ​និក​ទាំងនេះ​ភាគច្រើន​សម្បូរ​ទៅដោយ​សារធាតុ​អាស៊ីដ​ជូរ​ដែល​អាច​បង្កើនល្បឿន​ក្នុងការ​បញ្ចេញ​ជាតិ​កាល់ស្យូម​ក្នុងពេលដែល​ការដុត​រំលាយ​កំពុងតែ​ដំណើរការ​ហើយ​ធ្វើ​ឲ្យ​បរិ​មាណនៃ​ជាតិ​កាល់ស្យូម​នៅក្នុង​ឈាម​ថយចុះ ។ ដូច្នេះ​បើ​ពិសារ​រយៈពេល​យូរ​អាច​បណ្តាល​ឲ្យ​ខ្វះ​ជាតិ​កាល់ស្យូម ។ ចំពោះ​ភេសជ្ជៈ​ខ្លះ​ដែល​ជួយ​ឲ្យ​បត់ជើងតូច​បាន​ស្រួល​នោះ ពុំ​គ្រាន់តែ​ពុំបាន​ជួយ​បំពេញ​ជាតិ​ទឹក​នៅក្នុង​រាងកាយ​ឲ្យ​បាន​គ្រប់គ្រាន់​ប៉ុណ្ណោះ​ទេ បែរជា​ធ្វើ​ឲ្យ​ខ្វះ​ជាតិ​ទឹក​ទៅវិញ ។ មិនត្រូវ​ប្រើប្រាស់​ទឹក​ផ្លែឈើ ទឹកដោះគោ និង កាហ្វេ សម្រាប់​ធ្វើជា​ភេសជ្ជៈ​កែវ​ដំបូង​នាពេល​ព្រឹក​ព្រលឹម​ឡើយ ពីព្រោះ​ភេសជ្ជៈ​អស់ទាំង​នេះ​ពុំ​អាច​ផ្តល់​ផលប្រយោជន៍​ដល់​សុខភាព​រាងកាយ​ឡើយ ប៉ុន្តែ​អ្នក​អាច​ពិសា​ភេសជ្ជៈ​ទាំងនេះ​ក្រោយពេល​ក្រេបទឹក​ដាំ​ឆ្អិន​មួយ​កែ​រហើយ ។​
-​ទឹក​ដាំ​ឆ្អិន​ទុក​យូរពេក : ដាំទឹក​ឆ្អិន​ដែល​ទុក​យូរពេក​អាច​បង្ក​ឲ្យ​មាន​មេរោគ ហើយ​ក្រោយពេល​ពិសា​រួច​អាច​ជះ​ឥទ្ធិ​ពេល​អាក្រក់​មុខងារ​នៃ​ខ្យល់​អុកស៊ីហ្សែន​នៅក្នុង​ឈាម ដូច្នេះ​ទឹក​ដាំ​ពុះ​អាច​រក្សាទុក​បាន​មិន​ឲ្យ​លើសពី ២៤ ម៉ោង​ឡើយ ។

ចូរស្តាប់តន្រ្តី​ពេលត្រូវឈឺ

​តន្ត្រី​ពុំ​ត្រឹមតែ​ជួយ​ឲ្យ​អារម្មណ៍​រីករាយ ល្ហែល្ហើយ​ប៉ុណ្ណោះ​ទេ តែ​ក្នុងករណី​ជាច្រើន វា​នៅ​ជា​ឱសថ​ព្យាបាល​ជំងឺ​យ៉ាងពិត​ប្រាកដ ។​
​ឱសថស្ថាន​ធំៗ​មួយចំនួន នៅ​អង់គ្លេស កំពុង​ទូន្មាន​អតិថិជន ស្តាប់​តន្ត្រី​ជំនួស​ឲ្យ​ប្រើ​ថ្នាំ​បន្ថយ​ឈឺចាប់ បន្ទាប់ពី​ការស្រាវជ្រាវ​បង្ហាញថា តន្ត្រី​អាចធ្វើ​ឲ្យ​ធូរស្បើយ​រោគសញ្ញា​ឈឺ ។​
​ក្នុងចំណោម​មនុស្ស ១០ នាក់ ត្រូវ​ឈឺ​រ៉ាំរ៉ៃ នោះ​មាន ៤ នាក់ (៤១%) ឲ្យ​ដឹងថា បទ​ចម្រៀង​ដែល​ខ្លួន​ស្រឡាញ់​ចូលចិត្ត ជួយ​ឲ្យ​គេ​មាន​អារម្មណ៍​ធូរស្បើយ និង​គ្រាន់បើ​ជាង ។​
​តន្ត្រី​ប៉ុប ត្រូវបាន​បង្ហាញថា ប្រសិទ្ធិភាព​បំផុត ចំពោះ​អ្នកជំងឺ ២១% បន្ទាប់ពីនោះ គឺ​តន្ត្រី​បូរាណ (១៧%) ហើយ​តន្ត្រី​រ៉ុ​ក ឬ តន្ត្រី​ទីផ្សារ (១៦%) ។
​បទ​ចម្រៀង “​ស័​ក្ខិ​សិទ្ធ​” បំផុត គឺ “Bridge Over Troubled Water” របស់ Simon និង Garfunred, “Angels” របស់ Robbie Williams និង “Albatross” by Fleetwood Mac, បន្ទាប់មកទៀត គឺ “Candle in the Wind” របស់ Elton John និង “Easy” របស់​ក្រុម “The Commodores” ។​
​ជនជាតិ​អង់គ្លេស​ប្រមាណ ១០ លាន​នាក់ មាន​ការឈឺ​រ៉ាំរ៉ៃ ដែល​រួមមាន​ឈឺ​ខ្នង និង​ឈឺ​ឆ្មា​, រលាក​សន្លាក់​, ឈឺសន្លាក់ និង​ឈឺក្បាល ឬ ឈឺ​១​ចំហៀង​ក្បាល ។​
​តន្ត្រី​មាន​ប្រសិទ្ធិ​ភាពខ្លាំង​បំផុត ចំពោះ​មនុស្ស​វ័យក្មេង​, ជាមួយនឹង ៦៦% ចំនួន​មនុស្ស​អាយុ​ពី ១៦ ទៅ ២៤ ឆ្នាំ ឲ្យ​ដឹងថា វា​ជួយ​ពួកគេ​បន្ថយ​ឈឺចាប់ ។​
David Bradshaw ជំនាញការ​ស្រាវជ្រាវ​នៅ​មជ្ឈមណ្ឌល​គ្រប់គ្រង​ឈឺ នៃ​សាកលវិទ្យាល័យ Utah ចាត់ទុកថាៈ “​អ្នក​ត្រូវ​ឈឺ គួរ​រក​សកម្មភាព​ណាមួយ​នោះ អាច​អូសទាញ​ពេញទំហឹង ទៅក្នុង​នោះ ។ ស្តាប់​តន្ត្រី​ស្រឡាញ់​ចូលចិត្ត ល្អ​ខ្លាំងណាស់ ព្រោះ​វា​ស្រូប​ទាញ​ទាំង​ពុទ្ធិ និង​អារម្មណ៍ ។ ទោះ​បើ​អ្នក​កំពុង​ខ្វាយខ្វល់ ដល់​កម្រិត​ណាក៏ដោយ ប្រសិន​អ្នក​អាច​ទទួល​អារម្មណ៍​ពី​តន្ត្រី នោះ​វា​នឹង​ជួយ​ជា​ប្រយោជន៍ សម្រាប់​អ្នក ក្នុងការ​បំបាត់​ឈឺ​” ៕M​/f

ទទួលទាន​អ្វី​ដើម្បី​មាន​កាល់ស្យូម​ច្រើន​?

​កាល់ស្យូម​ជា​សារជាតិ​រ៉ែ​ធ្វើឱ្យ​ឆ្អឹង​និង​ធ្មេញ​រឹងមាំ ព្រមទាំង​ជួយ​ឱ្យ​ឆ្អឹង​រីកចម្រើន​ល្អ​។ កាល់ស្យូម​នៅមាន​តួនាទី​ជួយ​សម្រាប់​ភាព​កន្ត្រាក់​សាច់ដុំ ចង្វាក់​លោត​របស់​បេះដូង ភាព​កកឈាម និង​ជួយ​ប្រព័ន្ធ​សរសៃប្រសាទ​ផ្ញើ​ព័ត៌មាន​ទាំងឡាយ​។​
​ក្នុង​សរីរាង្គ ៩៩​ភាគរយ​នៃ​បរិមាណ​កាល់ស្យូម ស្ថិតនៅក្នុង​ឆ្អឹង មួយ​ភាគរយ​នៅសល់​នៅក្នុង​ទឹករងៃ និង​កោសិកា​ទាំងឡាយ ។ ករណី​មិនបាន​ផ្គត់ផ្គង់​កាល់ស្យូម​គ្រប់គ្រាន់ ឬ​សរីរាង្គ ស្រូបយក​មិនបាន​គ្រប់ នោះ​បរិមាណ​កាល់ស្យូម ត្រូវ​បាត់បង់​នឹង​ច្រើនជាង សន្សឹមៗ​ធ្វើឱ្យ​រលាយ​ឆ្អឹង ស្ពោត​ឆ្អឹង​និង​ងាយ​បាក់ ។​
​ដោយសារ​កាល់ស្យូម​សំខាន់​ដូច្នេះហើយ ទើប​ពួក​អ្នកវិទ្យាសាស្ត្រ​ទូន្មាន​ថា តាំងពី​នៅ​តូច​យើង​ត្រូវ​បញ្ចូល​ឱ្យបាន​នូវ​គ្រប់​បរិមាណ​សារជាតិ​រ៉ែ​នេះ សម្រាប់​សរីរាង្គ​ពី​ប្រភព​អាហារ​សម្បូរ​កាល់ស្យូម រួមមាន​ទឹកដោះគោ និង​បណ្តា​ផលិតផល​កែច្នៃ​ពី​ទឹកដោះគោ ដូចជា​ហ្វ្រូ​ម៉ា យ៉ា​អួរ​.....​។ ករណី​ត្រូវ​ទទួលទាន​តម ឬ​សរីរាង្គ​មិនអាច​ទទួលបាន​ទឹកដោះគោ នោះ​អ្នក​ត្រូវ​រក​អាហារ​ជំនួស​មាន​ផ្ទុក​កាល់ស្យូម ដូចជា​ទឹក​សណ្តែក​, បន្លែ​មាន​ស្លឹក​ពណ៌​បៃតងចាស់ ដូចជា​ផ្កា​ស្ពៃខៀវ  សាឡា​ត់​សង ពពួក​គ្រាប់​ដូចជា ល្ង សណ្តែកដី ពពួក​ផ្លែឈើ ដូចជា​ផ្លែ​ខាត់ណា គ្រឿង​សមុទ្រ​មាន​ត្រី​ប្លាធូ បង្គា​...​។​
ដើម្បី​ធានា​សម្រាប់​ការរីកចម្រើន​របស់​ឆ្អឹង ក្នុង​មួយថ្ងៃ​មនុស្សពេញវ័យ​ត្រូវការ​ប្រើប្រាស់ ៧០០​មិ​ល្លី​ក្រាម​កាល់ស្យូម​(​ប្រហាក់ប្រហែល​០,៥​លីត្រ​ទឹក ដោះ​គោ ឬ​យ៉ា​អួរ​២​កែវ ឬ​៨០​ក្រាម​ហ្វ្រូ​ម៉ា មាន​កម្រិត​ប្រូតេអ៊ីន​ខ្ពស់​)​។ ទន្ទឹម​នោះ យើង​ត្រូវ​បង្កើន​ការហាត់​ប្រាណ លេង​កីឡា ព្រោះ​ការហ្វឹកហាត់​ធ្វើឱ្យ​កើន​ចរាចរ​ឈាម​ក្នុង​ឆ្អឹង បង្កើន​លទ្ធភាព​ស្រូប​កាល់ស្យូម​របស់​ឆ្អឹង ធ្វើឱ្យ​ឆ្អឹង​ប្រែជា​រឹងមាំ​ជាង​៕

គ្រប់គ្រងទម្ងន់ជួយបន្ថយគ្រោះថ្នាក់មហារីកដោះ

ការស្រាវជ្រាវ​របស់​ពួក​អ្នកវិទ្យាសាស្ត្រ​នៅ​មជ្ឈមណ្ឌល​វេជ្ជសាស្ត្រ​សកល​វិទ្យាល័យ​កាលីហ្វ័រ​ញ៉ា​ខាងត្បូង (​អាមេរិក​)​ឲ្យ​ដឹងថា ស្ត្រី​កើន​ទម្ងន់​នៅ​អាយុ​ពេញវ័យ )​ប្រមាណ​ពី​១៨​ឆ្នាំ​ឡើង​) នឹង​ងាយ​កើន​គ្រោះថ្នាក់​កើត​មហារីក​ដោះ​ខ្ពស់ ។​
​ពួក​អ្នកវិទ្យាសាស្ត្រ​បាន​តាមដាន​ស្ត្រី ២៤៣៧​នាក់ អាយុ​ពី ៥០-៧៤​ឆ្នាំ ប្រមែប្រមូល​ពត៌មាន​អំពី​ទម្ងន់​ក៏ដូចជា BMI របស់​ពួកគេ​ក្នុង​រយៈពេល​ស្រាវជ្រាវ និង​ទាំង​ពេល​ពួកគេ​ទើប​ឈានចូល​វ័យ​១៨​ឆ្នាំ ។ ក្រៅពីនេះ កត្តា​ផ្សេងៗ​ក៏​ត្រូវបាន​អ្នកវិទ្យាសាស្ត្រ​គិតដល់​ដូចជា​របៀបរបប​រស់​នៅ ការងារ ស្ថានភាព​អាពាហ៍ពិពាហ៍​... ។ តាមរយៈ​នោះ​ស្ត្រី​នៅ​អាយុ​ពេញវ័យ កើន​មធ្យម​ពី ៩,៥-១៣,៦kg ប្រហាក់ប្រហែល​ប្រមាណ​៤០% នៃ​ស្ត្រី​ទាំងនេះ ប្រឈម​កើត​មហារីក​ដោះ​ខ្ពស់ជាង​ប្រៀប​នឹង​ស្ត្រី​កើន​តែ​ប្រមាណ ២kg ឬ​តិចជាង​ក្នុង​អាយុ​ពេញវ័យ ។ តាមរយៈ​នោះ​ពួក​អ្នកវិទ្យាសាស្ត្រ​បកស្រាយ​ថា គ្រោះថ្នាក់​មហារីក​ដោះ​កើន​ពេល​ទម្ងន់​សរីរាង្គ​កើន​ដោយសារ​បរិមាណ estrogen ផ្តុំ​ក្នុង​ខ្លាញ់​បង្កលក្ខណៈ​អំណោយផល​សម្រាប់​ការរីកចម្រើន​របស់​កោសិកា​មហារីក ។​
​ទន្ទឹម​នោះ​ពួក​អ្នកវិទ្យាសាស្ត្រ​ក៏បានផ្តល់​ជា​ដំបូន្មាន​ដល់​ស្ត្រី​គួរ​តាមដាន​ទម្ងន់​របស់ខ្លួន​ជាប្រចាំ​ចាប់តាំងពី​ក្រោយ​អាយុ​១៨​ឆ្នាំ ដើម្បី​បញ្ចៀស​ហានិភ័យ​មហារីក​ដោះ​នៅ​វ័យ​អស់​រដូវ ។ មិន​ប្រើប្រាស់​ស្រេច​តែ​ចិត្ត​នូវ​វិធីសាស្ត្រ​អ័រម៉ូន និង​ផ្លាស់ប្តូរ​របប​ទទួលទាន ដោយ​វិធី​កំហិត​ជាតិ​ខ្លាញ់​ពុំ​ត្រឹមតែ​បន្ថយ​គ្រោះថ្នាក់​មហារ​រីក​ដោះ​ប៉ុណ្ណោះ​ទេ តែ​នៅ​បន្ថយ​ការ​ប្រឈម​បាត់បង់​ជីវិត​ឡើងដល់ ៦៦% ៕​M

ស្ត្រី​មាន​អារម្មណ៍​សុភមង្គល​បំផុត​ក្រោយ​អាយុ​៩០

​ពេល​ស្ត្រី​មាន​អាយុ​លើស​៩០​ឆ្នាំ ទើប​មាន​អារម្មណ៍​សុភមង្គល​បំផុត នេះ​ជាការ​សន្និដ្ឋាន​របស់​ពួក​អ្នកវិទ្យាសាស្ត្រ​ជប៉ុន ។​
​ការស្រាវជ្រាវ​ត្រូវបាន​ដំណើរការ​នៅ​ជប៉ុន មានការ​ចូល​រម​រប​ស់​តំណាង​ទាំងឡាយ​រៀប​ជា​៥​ក្រុម​អាយុ​ផ្សេងៗ​គ្នា ។ អាយុ​អប្បរ​មារ​បស់​ពួក​អ្នកចូលរួម​គឺ​៧០ ។ ពួក​អ្នកជំនាញការ​ចិត្តសាស្ត្រ និង​វេជ្ជសាស្ត្រ​បានកំនត់​នៅ​វ័យ​ណា​មនុស្ស​ម្នាក់​ស្ថិតនៅក្នុង​ស្ថានភាព​ផ្លូវ​ចិត្តល្អ​បំផុត​ពេញចិត្ត​ចំពោះ​ខ្លួន​បំផុត ហើយ​លទ្ធផល​ត្រូវបាន​វាយតម្លៃ​លើ​ប្រព័ន្ធ​ពិន្ទុ​មួយ​យ៉ាង​ល្អិតល្អន់ ។​
​សរុប​មកវិញ មនុស្ស​នៅ​អាយុ​៧០ បានទទួល​៧,៤​ពិន្ទុ , ៨០​ឆ្នាំ ទទួលបាន ៨,២​ពិន្ទុ ហើយ​ពិន្ទុ​ខ្ពស់បំផុត​បាន​លើ​មនុស្ស​ចាស់​អាយុ​៩០​ឆ្នាំ ។ ក៏​ក្នុង​វ័យ​នេះដែរ លោកយាយៗ​សង្កេតឃើញ​ខ្លួន​សុភមង្គល​ជាង​ប្រៀប​នឹង​លោកតា ។​
​សាស្ត្រាចារ្យ Takeshi Nakagawa បកស្រាយ​ថា "​លោកតាៗ​ចំណុះ​ទៅក្នុង​ការវាយតម្លៃ​រប​ស់​មហាជន​អំពី​បណ្តា​សកម្មភាព​សង្គម​របស់​ខ្លួន​ត្រូវ​ថមថយ ពួកលោក​មាន​អារម្មណ៍​ព្រួយចិត្ត​" ។​
​តាម​លោក ពេល​អាយុ​កាន់តែ​ខ្បស់ ទោះបីជា​បុរស ឬ​ស្ត្រី​នោះ​កាន់តែ​គ្រប់គ្រង​ល្អ​ជាង​ស្ថានភាព​ផ្លូវចិត្ត​របស់ខ្លួន ហើយ​ជានិច្ចកាល​រកឃើញ​ផ្នែក​សកម្ម​របស់​ជីវិត​ទោះបី​ក្នុងស្ថានភាព​ដ៏​លំបាក ។​
​ប្រសិន​ស្ត្រី​ជប៉ុន​ចាត់ទុក​ខ្លួន​ថា សុភមង្គល​ជាពិសេស នោះ​នៅ​បណ្តា​ប្រទេស​ដទៃ​ដូចម្តេច​ទៅវិញ ?
​ពួក​អ្នកវិទ្យាសាស្ត្រ​នៅ​សកល​វិទ្យាល័យ Calumbia បាន​ស៊ើបអង្កេត​តួលេខ​សុភមង្គល​របស់​ប្រទេស​ចំនួន ១៥០ ប្រទេស លើ​ពិភពលោក ។ លទ្ធផល​គឺ ជនជាតិ​អឺរ៉ុប​ខាងជើង​ចាត់ទុក​ខ្លួន​ថា សុភមង្គល​បំផុត ។ នៅ​ដើម​តារាង​គឺ ដា​ណឺ​ម៉ា ,​ទី​២ គឺ​ណ័​រវេ​ស ,​ទី​៣ ហ្វាំ​ង​ឡង់ ,​ទី​៤ ហុ​ល្លង់ ,​ទី​៥ ស្វី​ស ។ តួលេខ​សុភមង្គល​នៅ​ប្រទេស​ទាំងនេះ​គឺ​លើ​៧,៦ ក្នុង​កាំ​ពិន្ទុ​១០ ។​
​អាមេរិក​ឈរ​លំដាប់​ទី​១១ , រុស្ស៊ី​ជាមួយ​ម៉ុ​ល​ដូ​វ៉ា និង​ប៉េ​រូ ស្ថិតនៅ​លំដាប់ ៧៦ ។ បណ្តា​ប្រទេស​អឺរ៉ុប​ខាងកើត​ស្ថិតក្នុង​ចន្លោះ​កណ្តាល​នៃ​តារាង​រៀប​លំដាប់ថ្នាក់ ។​
​ចុង​តារាង​គឺ​បណ្តា​ប្រទេស​ទ្វីបអាហ្វ្រិក ដូចជា Togo , Benin, សាធារណរដ្ឋ​អាហ្វ្រិក​កណ្តាល , សេ​រ៉ា​ឡេ​អូន ដោយ​ទទួលបាន​ប្រមាណ​៣​ពិន្ទុ ៕M

ញ៉ាំ​កាហ្វេ​តិច មាន​សុវត្ថិភាព​ចំពោះ​សុខភាព​

យោង​តាម​ការស្រាវជ្រាវ​ថ្មីៗ ដោយ​សាលា​វេជ្ជសាស្ត្រ​នៃ​សាកលវិទ្យាល័យ​រដ្ឋ​ល្វី​សៀ​ណា (Louisiana State University School of Public Health) នៅ​ក្រុង​ញូ​វ​អរ​លី​នស៍ (New Orleans) បានបង្ហាញ​ថា ការ​ទទួលទាន​កាហ្វេ គឺ​មាន​សុវត្ថិភាព​ចំពោះ​សុខភាព ដោយ​មិន​ប៉ះពាល់​ដល់​អ្នកជំងឺ​សម្ពាធ​ឈាម​ខ្ពស់​(​លើសឈាម​)​ឡើយ​។​

 

ទោះបី​ការស្រាវជ្រាវ​មុនៗ​បញ្ជាក់ថា ការ​ទទួលទាន​កាហ្វេ​ច្រើន​ហួសកំណត់ មាន​ការពាក់ព័ន្ធ​នឹង​ជំងឺ​បេះដូង និង​ជំងឺ​ដាច់​សរសៃឈាម ប៉ុន្តែ​ការស្រាវជ្រាវ​ថ្មី​នេះ បានបង្ហាញ​ថា កាហ្វេ​មិនបាន​ធ្វើឲ្យ​សម្ពាធ​ឈាម​កាន់តែ​ខ្ពស់​ឡើយ​។ អ្នកជំនាញ​ជឿជាក់ថា ទំនាក់ទំនង​រវាង​ការ​ទទួលទាន​កាហ្វេ នឹង​សម្ពាធ​ឈាម គឺ​មាន​ភាពស្មុគស្មាញ ដូច្នេះ​ទាមទារ​ឲ្យមាន​ការស្រាវជ្រាវ​បន្តទៀត ដើម្បី​បញ្ជាក់​បញ្ហា​នេះ​ឲ្យ​កាន់តែច្បាស់​។ ប៉ុន្តែ​អ្នក​ស្រាវជ្រាវ​ជឿជាក់ថា ការ​ទទួលទាន​កាហ្វេ​ក្នុង​បរិមាណ​តិចតួច គឺ​មាន​សុវត្ថិភាព​ចំពោះ​សុខភាព​៕​    ​

​កាំបិត​ឆ្លាត​វៃ ព្យាបាល​មហារីក និង​ជំងឺ​គ្រោះថ្នាក់ ជាច្រើន​ផ្សេងទៀត​

៖ អាស្រ័យ​ដោយមាន​កាំបិត​ឆ្លាត​វៃ
​ពួក​វេជ្ជបណ្ឌិត ថ្មីៗ​នេះ បានប្រកាស អំពី​ប្រភេទ​កាំបិត​វះកាត់​មួយ កំពុង​ពិសោធន៍ អាចជួយ​វះកាត់ ធានាថា ពួកគេ​នឹង​កម្ចាត់​ចោល​ទាំងស្រុង ជាលិកា​មហារីក ។ ពួក​វេជ្ជបណ្ឌិត​ប្រើ​កាំបិត ធ្វើ​ឲ្យ​ក្តៅ​ជាលិកា ពេល​គេ​កាត់ បង្កើតជា​ផ្សែង​មួយ មាន​ក្លិន​លោហធាតុ ។ កាំបិត​វះ​ថ្មី​នេះ អាច​វិភាគ​តំបន់​ផ្សែង​នោះ និង​ប្រកាស​សញ្ញា ជាលិកា​នោះ​ល្អ ឬ​មហារីក ។
​បន្ទាប់មក អ្នក​វះកាត់ នឹង​ផ្ញើ​គំរូ​ជាលិកា​នោះ ទៅកាន់​បន្ទប់ពិសោធន៍ និង​រង់ចាំ​លទ្ធផល​ពិនិត្យ​បញ្ជាក់​។​
​ហេតុនេះ ការព្យាបាល​មហារីក រួមជាមួយ​នឹង​ជំងឺ​គ្រោះថ្នាក់ ជាច្រើន​ផ្សេងទៀត ងាយស្រួល​ជាង​
​បណ្ឌិត zoltan Takats នៅ​សកល​វិទ្យាល័យ​រាជវង្ស London បាន​សង្ស័យ​ផ្សែង បង្កើត​ចេញ ពេល​វះកាត់​មហារីក អាច​ផ្ទុក​ព័ត៌មាន​សំខាន់​មួយចំនួន ។ លោក​បាន​ស្ថាបនា ជា​ប្រភេទ​កាំបិត "​ឆ្លាត​វៃ​" ភ្ជាប់​ជាមួយ​ម៉ាស៊ីន​មួយគ្រឿង ទំហំ​ប៉ុន​ទូរ​ទឹកកក ដើម្បី​វិភាគ​ផ្សែង​ចេញ ពី​ជាលិកា​ត្រូវធ្វើ​ឲ្យ​ក្តៅ ។
​ផ្សែង​ទទួលបាន​ពី​កាំបិត​ឆ្លាត​វៃ នឹង​ត្រូវបាន​ប្រៀបធៀប ជាមួយនឹង​បណ្ណាល័យ​ផ្សែង "​សញ្ញា​" ត្រូវបាន​យក​ពី​គំរូ ជាលិកា​មហារីក និង​មិន​មហារីក ។ ព័ត៌មាន​ត្រូវបាន​លេច​ឡើងលើ​អេក្រង់ ពណ៌​បៃតង មានន័យថា ជាលិកា​នៅ​ល្អ ក្នុងពេល​ពណ៌​ក្រហម មានន័យថា មហារីក ហើយ​ពណ៌​លឿង គឺ​ពុំ​អាច​ដឹងបាន ។​
ដើម្បី​ប្រាកដថា គេ​បាន​កម្ចាត់​ចោល​ដុំ​គីស​មហារីក​ទាំងស្រុង ពួក​អ្នក​វះកាត់ ត្រូវ​ផ្ញើ​គំរូ​ទាំងឡាយ ទៅកាន់​បន្ទប់ពិសោធន៍ ក្នុងពេល​អ្នកជំងឺ គេង​រង់ចាំ​លើ​តុ​វះកាត់ ។ ត្រូវ​ចំណាយពេល​ជិត ៣០ នាទី ដើម្បី​បាន​លទ្ធផល​ល្អ​បំផុត​ក្នុង​មន្ទីរពេទ្យ តែ​សូម្បីតែ​វេជ្ជបណ្ឌិត​ក៏​ពុំ​អាច​ប្រាកដ​ទាំងស្រុង ។ ហេតុនេះ គេ​ច្រើនតែ​កម្ចាត់​ចោល​ថែម​ជាលិកា​បន្តិចទៀត ។ ប្រសិន​មាន​កោសិកា​មហារីក​មួយ​ចំនួន​នៅសល់ អ្នកជំងឺ​អាច​នឹងត្រូវ​វះកាត់​ឡើងវិញ ព្យាបាល​គីមី ឬ​ព្យាបាល​កាំរស្មី ។​
កាំបិត​វះកាត់ និង​គ្រឿង​ម៉ាស៊ីន​ជំនួយ អម​ជាមួយ មានតម្លៃ​ពី ២៥០.០០០ ផោន (៣៨០.០០០​ដុល្លារ​) ប៉ុន្តែ​ពួក​អ្នកវិទ្យាសាស្ត្រ បាន​និយាយថា តម្លៃ​ដើម អាច​ថយចុះ ពេល​ឧបករណ៍​នេះ ត្រូវបាន​លក់​ទូលំទូលាយ ។
​ពួក​អ្នកវិទ្យាសាស្ត្រ បាន​ពិសោធន៍​កាំបិត​ថ្មី​នេះ នៅ​មន្ទីរពេទ្យ​ចំនួន ៣ នៅ​ចន្លោះ​ឆ្នាំ​២០១០ និង ឆ្នាំ​២០១២ ។ គំរូ​ជាលិកា ត្រូវបាន​យក​ពី​អ្នកជំងឺ ៣០២ នាក់ ដើម្បី​បង្កើតជា​មូលដ្ឋាន​ទិន្នន័យ ប្រភេទ​ផ្សែង មាន​ផ្ទុក​មហារីក រួមមាន​ប្រភេទ នៅក្នុង​ខួរក្បាល សុដន់ ពោះវៀន ថ្លើម សួត និង​ក្រពះ ។ ឧបករណ៍​បន្ទាប់មក ត្រូវបាន​ប្រើ​ដើម្បី​វិភាគ​ដុំ​គីស នៅ​អ្នកជំងឺ ៩១ នាក់ កាំបិត​វះកាត់​ឆ្លាត​វៃ​នេះ បាន​រកឃើញ​ច្បាស់លាស់ ករណី​ទាំងអស់ ។​
កាំបិត​នេះ នៅ​អាច​ប្រើ​សម្រាប់​កិច្ចការ ជាច្រើន​ផ្សេងទៀត ដូចជា រកឃើញ​ជាលិកា មាន​ប្រភព​ផ្គត់ផ្គង់​ឈាម មិនល្អ ឬ​រកឃើញ​វត្តមាន​របស់​បាក់តេរី ៕M/V/L​

វិធី​គ្រប់គ្រង​ទម្ងន់​ឲ្យ​នៅ​ថេរ​ស្អាត​ជានិច្ច​

សម័យកាល​នេះ មនុស្ស​យើង​បានមក​យកចិត្តទុកដាក់ ចំពោះ​រឿង​សុខភាព​ស្ទើរ​គ្រប់ៗ​គ្នា ជាពិសេស​រឿង​គ្រប់គ្រង​ទម្ងន់ មិន​ចំពោះ​ថា ស្ត្រី ឬ​បុរស​ទេ​។ ដូច្នេះ​ថ្ងៃនេះ យើង​សូម​នាំយក​វិធី​គ្រប់គ្រង​ឲ្យ​នៅ​ថេរ​ស្អាត មក​ជម្រាបជូន​ដូចខាងក្រោម​នេះ​៖
១-​ព្យាយាម​ផឹកទឹក​ឲ្យ​បាន​ច្រើន​ក្នុង​មួយថ្ងៃៗ ពីព្រោះ​ទឹក​ជួយ​បង្កើន​ការដុត​បំផ្លាញ​អារ​ហារ ធ្វើ​ឲ្យ​ស្បែក​មើលទៅ​ភ្លឺ​ថា ហើយ​វា​មិន​ផ្តល់​ថាមពល​ទេ ទើប​ទទួលទាន​ទៅ​មិន​បង្ក​ជា​បញ្ហា​ឡើង​ទម្ងន់​។​
២-​ទទួល​វីតាមីន​ចម្រុះ​បន្ថែម​ដើម្បី​ការពារ​កង្វះ​សារជាតិ​អារ​ហារ និង​បង្កើន​ប្រព័ន្ធ​ការពារ​រា​ង្គ​កាយ​។
៣-​ហាត់ប្រាណ​ឲ្យ​បានជា​ប្រចាំ​។ យើង​អាច​ជ្រើសរើស​ការហាត់​ប្រាណ​បែប​លើក​ទម្ងន់ ឬ​រាំ​អា​រ៉ូ​ប៊ិក តាម​ចំណង់​ចំណូលចិត្ត ប៉ុន្តែ​មិនត្រូវ​ហាត់​ដោយ​គំហុក​ទេ ត្រូវ​រក​ពេលវេលា​ហាត់ប្រាណ​ឲ្យ​បាន​មួយ​ថ្ងៃមួយ​ម៉ោង ក៏​ជាការ​គ្រប់គ្រាន់​ហើយ ។​
៤-​គួរតែ​គ្រប់គ្រង​បរិមាណ​អាហារ ជំនួស​ការ​បង្អត់អាហា​រ​។ ការគ្រប់គ្រង​ទម្ងន់ មិនចាំបាច់​ត្រូវ​បង្អត់អាហារ​ទេ គ្រាន់តែ​ចេះ​ជ្រើសរើស​ការទទួល​ទាន​អាហារ​ឲ្យ​បាន​ត្រឹមត្រូវ កាត់បន្ថយ​អាហារ​ពពួក​ម្សៅ ស្ករ និង​អាហារ​ខ្លាញ់ ហើយ​បង្កើន​បរិមាណ​ប្រូតេអ៊ីន​។​
៥-​ត្រូវ​ជ្រើសរើស​អាហារ​បន្ថែម ឲ្យ​សម​ទៅនឹង​កម្មវិធី​សម្រក​ទម្ងន់ ដូចជា កាក​សរសៃ​ប្រភេទ​ផ្សេងៗ និង​អាស៊ីដ ជាតិ​ខ្លាញ់​មិន​ឆ្អែត ដូចជា អូ​មេ​ហ្គា​-៣ និង ៦ ជាដើម ។​
​ប្រសិនបើ​ប្រិយ៍មិត្ត​ទាំងអស់ ធ្វើតាម​ការណែនាំ​តែ​ប៉ុណ្ណឹង​នោះ អ្នក​ក៏​អាច​គ្រប់គ្រង​ទម្ងន់​ឲ្យ​នៅ​ថេរ​ស្អាត​បាន​ហើយ​៕

រកឃើញមហារីកដោយការវិភាគ...ទឹកមាត់

អាច​រកឃើញ​មហារីក ជំងឺ​បេះដូង ដោយ​វិភាគ​ទឹកមាត់​សាមញ្ញ
មហារីក និង​ជំងឺ​គំរាមកំហែង​ដល់​អាយុជីវិត​ផ្សេងៗ​អាច​ត្រូវបាន​វិនិច្ឆ័យ​ដោយ​វិធី​វិភាគ​ទឹកមាត់​សាមញ្ញ​ក្នុង​ទសវត្សរ៍​ខាងមុខ ។​
​តាម​ការស្រាវជ្រាវ​ថ្មី​បំផុត​របស់​អ្នកជំនាញការ​ស៊ុយអែត លទ្ធផល​ស្រាវជ្រាវ​នេះ​មាន​សក្តានុពល​បដិវត្ត​រូបនីយកម្ម ការរកឃើញ​ជំងឺ​បេះដូង ទឹកនោមផ្អែម និង​មហារីក ។ វិធីសាស្ត្រ​ថ្មី​ជួយ​សន្សំសំចៃ​ពេលវេលា ប្រាក់កាស​សម្រាប់​អ្នកជំងឺ និង​វេជ្ជបណ្ឌិត ។​
​ប្រធាន​ក្រុម​ស្រាវជ្រាវ សាស្ត្រាចារ្យ Bjorn Klinge នៅ​សកល​វិទ្យាល័យ Malmo ស៊ុយអែត ឲ្យ​ដឹងថា វិនិច្ឆ័យ​ដោយ​ទឹកមាត់​មាន​អត្ថន័យ​សំខាន់​ចំពោះ​ទាំង​អ្នកជំងឺ និង​សេវាកម្ម​ថែទាំ​សុខភាព​និយាយ​រួម "​ជំនួប​ឲ្យ​ត្រូវ​រង់ចាំ និង​ឆ្លងកាត់​ការវិភាគ​ស្មុគស្មាញ អ្នកជំងឺ​គ្រាន់តែ​ផ្ញើ​បន្ទះ​...​មាន​ផ្ទុក​គំរូ​ទឹកមាត់​ទៅដល់​វេជ្ជបណ្ឌិត និង​ដំណើរ​ការវិភាគ ។ ប្រសិន​ពិសោធន៍​បង្ហាញ​សញ្ញា​របស់​ជំងឺ វេជ្ជបណ្ឌិត​នឹង​ហេវ និង​ជូនដំណឹង​ឲ្យ​អ្នកជំងឺ​លទ្ធផល​វិភាគ​" ។​
​សាស្ត្រាចារ្យ Klinge ឲ្យ​ដឹង​បន្ថែមថា "​យើងខ្ញុំ​សង្ឃឹមថា លទ្ធផល​ស្រាវជ្រាវ​នេះ​នឹង​ជួយ​មនុស្ស​គ្រប់គ្នា​លើកកម្ពស់​ការយល់ដឹង​អំពី​ស្ថានភាព​សុខភាព​របស់​ពួកគេ​ជាង ព្រោះ​ជាក់ស្តែង​ដោយសារ​មូលហេតុ​ជាច្រើន ដូចជា​លក្ខខណ្ឌ​សេដ្ឋកិច្ច​-​សង្គម ធ្វើ​ឲ្យ​ពួកគេ​រអែង​មិន​ចង់​ប្រាស្រ័យ​ផ្ទាល់​ជាមួយ​សេវាកម្ម​ត្រួតពិនិត្យ​សុខភាព​ជាប្រចាំ​" ។​
​ពួក​អ្នកស្រាវជ្រាវ​មានជំនឿថា បច្ចេកទេស​នេះ​អាច​ទូទៅ​ក្នុង​បណ្តា​សេវាកម្ម​ថែទាំ​សុខភាព​ក្នុង​រង្វង់​១០​ឆ្នាំ​ខាងមុខ នោះ​ក៏​ជា​ពេលវេលា​ដើម្បី​បច្ចេកវិទ្យា​នេះ​រីកចម្រើន​ជាង​ក្នុង​ការរកឃើញ​ជំងឺ​ផ្សេងៗ​ជាច្រើន ។​
​សាស្ត្រាចារ្យ Klinge លើក​ឧទាហរណ៍ "​បច្ចុប្បន្ន យើង​អាច​ប្រើប្រាស់​គំរូ​ទឹកមាត់​មួយ​ដើម្បី​កំណត់​មើល​អ្នកជំងឺ​កំពុង​កើត​ជំងឺ​មួយ​ប្រភេទ តែ​មិនអាច​ដឹង​ជំងឺ​នេះ​ស្នាក់អាស្រ័យ​ក្នុង​ក្រពះ ឬ​សន្លាក់ ។ ត្រូវការ​១០​ឆ្នាំ ឬ​យូរ​ជាង​ទៀត​ដើម្បី​ការស្រាវជ្រាវ​អំពី​ការវិភាគ​នេះ​សម្រេច​កម្រិត​ច្បាស់លាស់​ដូច្នេះ​" ។​
​ពពួក​ជំងឺ​បង្ក​រលាក​ដូចជា​ទឹកនោមផ្អែម ជំងឺ​បេះដូង និង​មហារីក​អាច​លេចចេញ​ស្លាកស្នាម​ចម្លែក​ក្នុង​ទឹកមាត់ ។ ប៉ុន្តែ​ដំណើរការ​អង្គ​បដិបក្ខ​ធម្មជាតិ​ក្នុង​សរីរាង្គ​អាច​បណ្តាល​ឲ្យ​ការវិភាគ​លំបាក​វិនិច្ឆ័យ​ច្បាស់លាស់​បណ្តា​ដំណាក់កាល​ជាក់ស្តែង​របស់​ជំងឺ ។​
"​យើងខ្ញុំ​សង្ឃឹមថា នឹង​រកឃើញ​សមាសធាតុ​ក្នុង​ទឹកមាត់ បង្ហាញថា អ្នកជំងឺ​កំពុងស្ថិត​ក្នុង​ដំណើរការ​រីកចម្រើន​ជំងឺ​សរសៃឈាម​បេះដូង ឬ​ហានិភ័យ​រីកចម្រើន​មហារីក​ដោះ មហារីក​ក្រពេញ​ប្រូ​ស្តា​ត​..."​បណ្ឌិត Klinge និយាយ​បន្ថែម ។​
​ការស្រាវជ្រាវ​មុន​នោះ​របស់​ពួក​អ្នកវិទ្យាសាស្ត្រ​អង់គ្លេស​ក៏បាន​ចង្អុល​បង្ហាញថា វិភាគ ADN ក្នុង​ទឹកមាត់​អាច​រកឃើញ​មុខសញ្ញា​ណា​មានការ​ប្រឈម​កើត​ជំងឺមហារីក​ដោះ និង​មហារីក​ក្រពេញ​ប្រូ​ស្តា​ត ៕​M

​ទឹកកក​ជួយ​បំបាត់​ការឈឺចាប់​

ទឹកកក ក៏​អាច​ប្រើ​បន្ថយ​អាការ​ជំងឺ​ផ្សេងៗ​បាន​ងាយ មាន​សុវត្ថិភាព សន្សំសំចៃ​។ គុណសម្បត្តិ​របស់​ទឹកកក គឺ​ភាព​ត្រជាក់ ដែល​ជួយ​បន្ថយ​ភាព​ហើម ឈឺរ​លា​កបាន​។

​ចំណុច​សំខាន់​នៃ​ការបំបាត់​អាការ​បែបនេះ គឺ​ការ​ស្អំ​បរិវេណ​ដែល​ឈឺ​ហើម ឬ​រងរបួស​ភ្លាមៗ ដើម្បី​ជួយ​ឲ្យ​កើត​ប្រសិទ្ធភាព ក្នុង​ការបន្ថយ​ការបំផ្លាញ​របស់​កោសិកា មុនពេល​ដែល​អា​ការឈឺចាប់​នឹង​ធ្ងន់ធ្ងរ​ឡើង ដោយ​យក​កន្សែងពោះគោ រុំ​ទឹកកក​ក្នុង​ថង់ យក​មក​ស្អំ​ត្រង់​បរិវេណ​ដែល​មាន​អាការ​ឈឺចាប់​ផ្សេងៗ​ដូចខាងក្រោម​៖

-​ឈឺ​សាច់ដុំ សន្លាក់ ថ្លោះ គ្រេច​: ទឹកកក នឹង​ធ្វើឲ្យ​មាន​អារម្មណ៍​ធូរស្បើយ បរិវេណ​សាច់ដុំ​ដែល​តានតឹង ឬ​ឈឺចាប់ ព្រោះ​វា​ជួយ​បន្ថយ​ការរីក​របស់​សរសៃឈាម​។​

-​ឈឺ​ខ្នង​: អាការ​នេះ ជា​បញ្ហា​ភាគច្រើន​របស់​ស្ត្រី ដោយសារ​ការ​ធ្វើ​ការងា​រ​ផ្ទះ ឬ​ថែ​សួន​។ ភាព​ត្រជាក់ អាច​ជួយ​បន្ថយ​អាការ​ឈឺ​បាន ដោយ​ត្រូវ​ស្អំ​ទឹកកក​ភ្លាម ក្រោយ​ធ្វើ​ការងារ​ដែល​ត្រូវ​ឱន​-​ងើបៗ ឬ​លើ​ក​របស់​ធ្ងន់​។​

-​ឈឺ​ក្បាល​ប្រកាំង​: ស្ត្រី​ស្ទើរ​គ្រប់គ្នា តែងតែ​ជួបប្រទះ​អា​ការឈឺ​ក្បាល ជាពិសេស​អំឡុង​ពេល​ម​ក​រដូវ​។ សាកល្បង​គេង​រាប​លើ​កម្រាល ប្រមាណ ៥-១០​នាទី រួច​ស្អំ​ក្រណាត់​រុំ​ទឹកកក បរិវេណ​ខាងក្រោយ​កញ្ចឹងក ថ្ងាស ឬ​សៀតផ្កា​។ ភាព​ត្រជាក់ នឹង​ជួយ​បន្ថយ​អាការ​ហើម និង​អា​ការឈឺ​ក្បាល​បាន ថែម​ទាំង​បន្ថយ​ផលប៉ះពាល់​ផ្សេងៗ ពី​អា​ការឈឺ​ក្បាល​ប្រកាំ​ង (​ឈឺ​មួយ​ចំហៀង​ក្បាល​) ដោយ​មិនបាច់​លេបថ្នាំ​ទៀតផង​៕​

​វិធី​ថែទាំ​សុខភាព​តាម​អាយុ​ដែល​ស្ត្រី​គួរ​យល់ដឹង​

៙ អាយុ​ពី ១៨-២៣ ឆ្នាំ​
អាច​និយាយបានថា អ្នកជា​មនុស្ស​ដែល​ឈាន​ជើង​ចេញពី​វ័យ​កុមារ ទៅកាន់​វ័យ​ពេញក្រមុំ​ពេញ​រូបរាង​ទៅហើយ ។ ចំណែកឯ​សុខភាព​រាងកាយ​វិញ គឺ​ស្ថិតនៅ​ក្នុងដំណាក់កាល​មួយ​ដែល​រឹងមាំ​បំផុត ប៉ុន្តែ​អ្វីដែល​ត្រូវផ្តោត​ការយកចិត្តទុកដាក់ គឺ​សុខភាព​ផ្លូវចិត្ត ពោលគឺ​ត្រូវ​ព្រម​ទទួល​ការផ្លាស់ប្តូរ​ក្នុង​ជីវិត ត្រូវមាន​ការទទួលខុសត្រូវ​កាន់តែខ្លាំង​ឡើង ចាប់ផ្តើម​បោះជំហាន​ចូលក្នុង​ជីវិត​ការងារ និង​ចាប់ផ្តើម​មាន​ស្នេហា ។​
- រោគ​ដែល​ឧស្សាហ៍​កើត : រោគ​ខ្លាច​ធាត់ រោគ​ឆ្លងតាម​ការរួម​ភេទ (STD) អាច​កើត​បាន​ដូចជា​រោគ​រើម ផ្សិត​ក្នុង​ទ្វារមាស រហូតដល់​រលាក​ថ្លើម​ប្រភេទ C, B រោគ​ហ៊ឺ​វ (HIV) និង​ការ​មាន​ផ្ទៃពោះ​ជាដើម ។​
- វិធី​ថែទាំ​ខ្លួនឯង : ត្រូវ​ត្រួតពិនិត្យ​សុខភាព​រាងកាយ​ទូទៅ សង្កេតមើល​ខ្លួនឯង​ឲ្យ​ល្អ ។ សម្រាប់​អ្នក​ដែល​ឧស្សាហ៍​ដូរ​ដៃគូ​រួមភេទ​ច្រើន គួរតែ​ត្រួតពិនិត្យ​រោគ​ឆ្លង​តាមរយៈ​ការរួម​ភេទ ។​

៙ អាយុ​ពី ២៤-២៩ ឆ្នាំ
អ្នក​គឺជា​ស្ត្រី​ដែលមាន​ការទទួលខុសត្រូវ​កាន់តែខ្លាំង​ឡើង ជីវិត​មិនមែន​មានតែ​មិត្តភក្តិ និង​គូសង្សារ​ទៀត​ទេ ប៉ុន្តែ​នៅមាន​ការងារ​រៀបចំ​ផែនការ​ជីវិត​នៅ​អនាគត​ទៀតផង ។ សុខភាព​រាងកាយ​ដែល​រឹងមាំ​អាច​នឹង​ថមថយ​ចុះ ភាពស្រស់​ស្រាយ​ក្នុង​ជីវិត​អាច​នឹង​ថមថយ នៅពេល​មាន​ភាព​តឹងតែង​ក្នុង​អារម្មណ៍​ខ្លាំង ហើយ​ពេលវេលា​ថែទាំ​សុខភាព​ខ្លួនឯង​ក៏​តិច​ដែរ ។​
- រោគ​ដែល​ឧស្សាហ៍​កើត : រោគ​តានតឹង​ក្នុង​អារម្មណ៍ រោគ​រលាក​ក្រពះ​អាហារ រោគ​ឈឺក្បាល ។
- វិធី​ថែទាំ​ខ្លួនឯង : ត្រូវ​ត្រួតពិនិត្យ​សុខភាព​ទូទៅ​មួយឆ្នាំ​ម្តង ចាប់ផ្តើម​សង្កេតមើល​កម្រិត​ជាតិ​ខ្លាញ់​ក្នុង​ឈាម ទម្ងន់​ខ្លួន​ធ្វើយ៉ាងណា​កុំ​ឲ្យ​ជាតិ​ស្ករ​ក្នុង​ឈាម​ខ្ពស់ជាង​ស្តង់ដារ ។
ត្រូវ​ត្រួតពិនិត្យ​ខាងក្នុង ត្រួតពិនិត្យ​រោគ​ឆ្លងតាម​ការរួម​ភេទ និង​ត្រួតពិនិត្យ​មហារីក​មាត់ស្បូន បើ​អ្នកជា​ស្ត្រី​ដែល​ឧស្សាហ៍​មានការ​រួមភេទ ។ ត្រួត​ពី​និត្យ​សុដន់​ដោយ​ខ្លួនឯង​មួយខែ​ម្តង​ពេល​ងូតទឹក ឬ​មុន​ចូលដេក ។ ហាត់ប្រាណ​ឲ្យ​បាន​ជាប់លាប់​ដើម្បី​ឲ្យ​សាច់ដុំ និង​ឆ្អឹង​រឹងមាំ សម្រាក​ឲ្យ​បាន​គ្រប់គ្រាន់ ធ្វើ​សមាធិ​ដើម្បី​កុំ​ឲ្យ​កើត​ភាព​តានតឹង​ក្នុង​អារម្មណ៍​ខ្លាំងពេក ត្រូវ​ទៅ​ពី​គ្រោះ​ជាមួយ​គ្រូពេទ្យ​ជាបន្ទាន់ នៅពេល​មាន​អា​ការខុស​ប្រក្រតី​ណាមួយ ។​

៙ អាយុ​ពី ៣០ ឆ្នាំ​ឡើងទៅ​
អ្នក​គឺជា​មនុស្ស​ដែលមាន​ជីវិត​ចាប់ផ្តើម​ប្រាកដប្រជា​មួយ ត្រូវការ​ស្ថិរភាព​ទាំង​ជីវិត​ការងារ និង​ជីវិត​គ្រួសារ ក្តី​បំណង​ក្នុង​ជីវិត​កាន់តែ​ខ្ពស់​ឡើង រាងកាយ​ក៏ដូចជា​រថយន្ត​ដែល​រត់​បាន​ពាក់​កណ្តាលផ្លូវ ហើយ​ចាប់ផ្តើម​ឆាប់​ហត់នឿយ ភាព​តានតឹង​ក្នុង​ជីវិត​ក៏មាន​ខ្លាំង​ឡើង ។ ស្របពេល​ជាមួយគ្នានេះដែរ​ការដុត​បំផ្លាញ ក្នុង​រាងកាយ​ក៏​ចាប់ផ្តើម​ថមថយ ត្រូវ​ប្រយ័ត្ន​រោគ​ទាក់ទង​នឹង​ភាពធាត់​ទៀតផង ។
- រោគ​ដែល​ឧស្សាហ៍​កើត : រោគ​តានតឹង​ក្នុង​អារម្មណ៍ រោគ​ស្រងូតស្រងាត់ រោគ​ធាត់ រោគ​សម្ពាធ​ឈាម រោគ​ជាតិ​ខ្លាញ់​ក្នុង​ឈាម ។
- វិធី​ថែទាំ​ខ្លួនឯង : ត្រូវ​ត្រួតពិនិត្យ​សុខភាព​ទូទៅ​មួយឆ្នាំ​ម្តង មើល​ផ្នែក​ផ្សេងៗ​ថា តើ​វា​មាន​អ្វី​ខុស​ប្រក្រតី​ឬ​អត់ ? ទោះជា​មិនដែល​មាន​សិច​ពីមុនមក ក៏​គួរតែ​ចាប់ផ្តើម​ត្រួត​ពី​និត្យ​ខាងក្នុង​ដែរ ។
ត្រូវ​ត្រួតពិនិត្យ​សុដន់​ដោយ​ខ្លួនឯង​មួយខែ​ម្តង​នៅពេល​ងូតទឹក ឬ​មុនពេល​ចូលដេក រក​ការងារ​ណា​រំសាយ​ភាព​តានតឹង​ក្នុង​អារម្មណ៍ និង​ហាត់ប្រាណ​ឲ្យ​បាន​ជាប់​ជាប្រចាំ ។ ត្រួតពិនិត្យ​សុខភាព​ទូទៅ​ដូចជា វាស់​សម្ពាធ​ឈាម និង​កម្រិត​ជាតិ​ស្ករ​ក្នុង​ឈាម កម្រ​តិ​ជាតិ​ខ្លាញ់​ក្នុង​ឈាម ដើម្បី​មើល​ការ​ប្រឈម​នឹង​រោគ​ផ្សេងៗ ។

៙ អាការ​សុខ​ភាពមិនប្រក្រតី​របស់​ស្ត្រី​វ័យ ៤០ ឆ្នាំ​ឡើង​
ស្ត្រី​វ័យ ៤០ ឆ្នាំ​ឡើង​នឹង​ចាប់ផ្តើម​មាន​អាការ​ខ្វះ​អ័រម៉ូន​ភេទ​ស្រី ជះឥទ្ធិពល​ដល់​ខួរក្បាល ផ្លូវចិត្ត​អារម្មណ៍ និង​មាន​អាការ​ផ្សេងៗ​កើតឡើង ដែល​អាច​ប៉ះពាល់​ដល់​គុណភាព​ជីវិត ។ អាការ​ផ្សេងៗ​ដែល​យើង​សង្កេត​ដឹងបាន​រួមមាន​រដូវ​មក​មិន​ទៀង ជួនកាល​មកជា​ប់ៗ​គ្នា ជួនកាល​មកជា​ប់ៗ​គ្នា ជួនកាល​ទៀត​ក៏​មិន​មក​ច្រើន​ខែ ។ ស្ត្រី​ខ្លះ​មាន​ឈាមរដូវ​បែប​ប្លែកៗ ដូចជា​ឈាម​មក​ច្រើនជាង​ធម្មតា ឬ​មក​រៀងរាល់ ២-៣ សប្តាហ៍​ម្តង​ជាដើម ។
អាការ​ដេក​មិន​លក់ មិន​ចំពោះ​ថា​ជាការ​លំបាក​ក្នុងការ​ដេក ឬ​ឧស្សាហ៍​ភា្ញ​ក់​ញឹកញាប់​កណ្តាលយប់ ឬ​ភ្ញាក់​ព្រលឹម​ពេក​ជាង​ធម្មតា ។ អារម្មណ៍​ប្រែប្រួល កើត​អាការ​ស្រងូតស្រងាត់ ឬ​ឆាប់​ឆេវឆាវ ។
- បញ្ហា​របស់​ទ្វារមាស : អ័រម៉ូន​អេ​ស្ត្រូ​ចេ​ន ដែល​ថយចុះ​ធ្វើ​ឲ្យ​ជាលិកា​របស់​ជញ្ជាំង​ទ្វារមាស​ស្តើង ភាព​រំ​យឺត និង​ភាព​រអិល​ថយចុះ ធ្វើ​ឲ្យ​ការរួម​ភេទ ដំណើរការ​ទៅ​មិន​រលូន ។
- ការប្រែប្រួល​ស្បែក : ភាព​តឹង​ណែន ភាព​សើម​របស់​ស្បែក មាន​បច្ច័យ​បណ្តាលមកពី​រាងកាយ​បង្កើត​សរសៃទឹក​ប្រូតេអ៊ីន នៅពេល​អ័រម៉ូន​ភេទ​អេ​ស្ត្រូ​ចេ​ន​ថយចុះ ការផលិត​សរសៃទឹក​ប្រូតេអ៊ីន នៅពេល​អ័រម៉ូន​ភេទ​អេ​ស្ត្រូ​ចេ​ន​ថយចុះ ការផលិត​សរសៃទឹក​ប្រូតេអ៊ីន ក៏​នឹង​ថយចុះ​ទៅតាម​ហ្នឹង​ដែរ ។ ស្បែក​របស់​ស្ត្រី វ័យ​អស់​រដូវ​នឹង​ចាប់ផ្តើម​ស្តើង​ទៅៗ មាន​ភាព​រំ​យឺត​ថយចុះ ស្ងួត និង​ងាយ​ជ្រីវជ្រួញ​បំផុត ៕

Sensor បង្កប់ក្នុងធ្មេញ បណ្តេញទម្លាប់អាក្រក់

មានSensor(ស៊ែនស៊័រ-ប្រដាប់ត្រួតពិនិត្យ) ថ្មី​សម្រាប់​តាមដាន​ទម្លាប់​បរិភោគ​របស់​ម​នុស្ស​
​ការបោះបង់ចោល​នូវ​ទម្លាប់​មិនល្អ​ជាអាទិ៍ ៖ ការជក់បារី បរិភោគ​អាហារ​តាម​..​ពេលខ្លះ​ទោះបីជា​បញ្ជា​របស់​វេជ្ជបណ្ឌិត​ក៏​ពិបាក​​អនុវត្ត​ដែរ ។​
​អ្នកជំងឺ​អាច​ផ្អាក​បណ្តោះអាសន្ន​ការជក់បារី បរិភោគ​តិច ឬ​តាមដាន​អវត្តមាន​វេជ្ជបណ្ឌិត ។​
​ប៉ុន្តែ Sensor ដែល​ភ្ជាប់​ក្នុង​ធ្មេញ​នេះ​អាចជួយ​ឲ្យ​អ្នក​បញ្ចប់​បាន​ទម្លាប់​អាក្រក់​ខាងលើ ។​
​តាម​គេហទំព័រ New Scientist អ្នកជំនាញការមួយរូប និងសហការីរបស់គាត់ នៅ​សកល​វិទ្យាល័យ​ប្រជាជាតិ​តៃវ៉ាន់ បាន​រកឃើញ ហើយ​ផលិត​សៀគ្វី​តូច​មួយ (Small Circuit) អាច​បង្កប់​ក្នុង​ប្រហោង​ដែល​គេ​ស្វាន​ក្នុង​ធ្មេញ ។ វា​អាច​សម្គាល់​ដឹង​រាល់​ចលនា​តាំងពី​ចលនា​ថ្គាម ការ​ទំពារ ផឹក និយាយ ក្អក ឬ​ជក់បារី ។​
Sensor នេះ​អាច​ត្រូវបាន​ភ្ជាប់​ក្នុង​ធ្មេញ​សិប្បនិម្មិត ឬ​សំបក​ស្រោប​ធ្មេញ ។ ក្នុងនោះ​មាន accelerometer មួយ​អាច​បញ្ជូន​ទិន្នន័យ​ទៅកាន់​ទូរស័ព្ទ​របស់​ក្រុមគ្រួសារ ឬ​វេជ្ជបណ្ឌិត ។​
​គំរូ​ដើម​នៃផលិតផល​ថ្មីនេះ ត្រូវបាន​ពិសោធន៍​លើ​អ្នកស្ម័គ្រចិត្ត ហើយ​ទទួលបាន​លទ្ធផល​វិជ្ជមាន​ខ្លាំងណាស់ ។ Sensor នេះ​វា​កំណត់​បាន​ចលនា​របស់​ថ្គាម​ត្រឹមត្រូវ​៩៤% ឯណោះ ៕f/​M

ˆ​ថ្នាំ​ទឹកនោមផ្អែម ជួយ​អ្នក​ជំងឺមហារីក ឲ្យនៅ​រស់​បាន​យូរ​

យោង​តាម​ការស្រាវជ្រាវ​របស់​ពួក​អ្នកវិទ្យាសាស្ត្រ​នៅ​មន្ទីរពេទ្យ Hayo នៅ Rochester នៃ​ប្រទេស​អាមេរិក បានបង្ហាញ​ថា ឱសថ​ព្យាបាល​ជំងឺ​ទឹកនោម​ផ្អែម មាន លទ្ធភាព​អូសបន្លាយ​ពេលវេលា​នៅ​រស់​របស់​អ្នក​ជំងឺ មហារីក​អូវែ បាន​យូរ​ជាង​។​

​ក្រុម​ស្រាវជ្រាវ​នេះ បាន​ប្រើ​ឱសថ metformine ជា​ឱសថ​មួយ​ប្រភេទ ត្រូវបាន​ប្រើប្រាស់​ទូទៅ ដើម្បី​ព្យាបាល​ជំងឺ​ទឹកនោម​ផ្អែម​។

 

បន្ទាប់ពីនោះ ពួក​អ្នកវិទ្យាសាស្ត្រ បាន​ពិសោធន៍​លើ​អ្នកជំងឺ ៦១​នាក់ កំពុង​កើត​មហារីក​អូ​វែ ដោយ​ឱ្យ​ប្រើ Metformine មួយ​រយៈពេល​។ ទន្ទឹម​នោះ ពួកគេ​ក៏​តាមដាន​ប្រតិកម្ម​សកម្ម​របស់​ឱសថ​នេះ​ចំពោះ​អ្នក​ជំងឺមហារីក​អូ​វែ ដោយ​វិធី​ប្រៀបធៀប​ពេលវេលា​នៅរស់​បន្ថែម​របស់​អ្នកជំងឺ ៦១​នាក់ ដែល​ប្រើ metformine ជាមួយ​អ្នក​ជំងឺមហារីក​អូ​វែ ១៧៨​នាក់​ផ្សេង​ទៀត ដែល​មិន​បាន​ប្រើ metformine​។​

​លទ្ធផល​បាន​បង្ហាញថា ក្រោយ​រយៈពេល​ប្រាំ​ឆ្នាំ ៦៧​ភាគរយ​នៃ​អ្នកជំងឺ​ប្រើ metformine នៅ​រស់​នៅ​ឡើយ បើ​ប្រៀបធៀប​នឹង​៤៧​ភាគរយ​នៃ​អ្នកជំងឺ​មិន​ប្រើ metformine ។ ចុងក្រោយ ពេល​យក​លទ្ធផល​មក​វិភាគ​គួបផ្សំ​ជាមួយ​កត្តា​ផ្សេងៗ ដូចជា​៖ IBM, ស្ថានភាព​ជំងឺ​ធ្ងន់ ឬ​ស្រាល ប្រភេទ​ថ្នាំ​ប្រើប្រាស់​ក្នុង​ការព្យាបាល​ដោយ​គីមី របប​ទទួលទាន និង​គុណភាព​វះកាត់​...​ពួក​អ្នកវិទ្យាសាស្ត្រ បាន​សង្កេតឃើញថា អ្នកជំងឺ​ប្រើ metformine អាច​អូសបន្លាយ​ពេលវេលា​នៅ​រស់​របស់​ខ្លួន​យូរ​ជាង​បួន​ដង​ប្រៀប​នឹង​អ្នកជំងឺ​មិន​ប្រើ  metformine​។​

​ជាមួយនឹង​អត្រា​បាត់បង់​ជីវិត​ខ្ពស់​ដោយ​សារ​ជំងឺមហារីក​អូវែ​ដូច​បច្ចុប្បន្ន​នេះ ពួក​អ្នកវិទ្យាសាស្ត្រ សង្ឃឹមថា metformine នឹង​ជា​ជម្រើស​ថ្មី​មួយ ក្នុង​ការព្យាបាល​ដ៏​ជំងឺ​គ្រោះថ្នាក់​នេះ ប្រកបដោយ​ប្រសិទ្ធភាព​៕​

​ˆ​ការភាន់ច្រឡំ​៥ " បំផ្លាញ " សុខភាព​របស់​អ្នក​

មានរឿង​មួយចំនួន​ដែល​អ្នក​តែង​គិតថា ល្អ​សម្រាប់​សុខភាព តែ​ការពិត​ពុំមែន​ដូច្នេះ​ឡើយ មិនតែប៉ុណ្ណោះ វា​នៅ​បង្ក​គ្រោះថ្នាក់​ដល់​សុខភាព​របស់​អ្នក​ទៅវិញ​ទេ​។​

*​ទឹក​ទទួលទានៈ​
​ក្នុងពេល​យើង​តែង​ឮ​ពាក្យ​ទូន្មាន​ថា គួរ​ទទួលទាន​ទឹក ៨​កែវ ក្នុង​មួយថ្ងៃ​នោះ អ្នកមាន​ដឹង​ទេ​ថា ការទទួល​ទាន​ទឹក​ច្រើន​ហួស គឺ​មិនល្អ​បន្តិច​ណា​ឡើយ​។ ព្រោះ​ពេលនោះ ទឹកនឹង​បង្ក​គ្រោះថ្នាក់​ឱ្យ​អ្នក ព្រោះ​វា​បណ្តុះ​កម្រិត​អំបិល​ក្នុង​ឈាម​របស់​អ្នក​។ ប្រសិន​កម្រិត​អំបិល​ទាប​ពេក សរីរាង្គ​នឹង​បង្កើត​អ័រម៉ូន aldosterone ធ្វើឱ្យ​កើន​បរិមាណ​អំបិល​ក្នុង​តម្រងនោម បង្ក​គ្រោះថ្នាក់​ឱ្យ តម្រងនោម​។​

​ក្រៅពីនេះ អ្នក​ក៏ត្រូវ​យកចិត្តទុកដាក់​ពេល​ទទួលទាន​ទឹក​ដាក់​ដប​ដែរ​។ ការស្រាវជ្រាវ​ជាច្រើន បាន​បង្ហាញថា ពពួក​សារជាតិ​គីមី (Phthalate) ពី​ដប​ជ័រ អាច​ជ្រាបចូល​ទឹក និង​បំផ្លាញ​តុល្យភាព​អ័រម៉ូន​របស់​មនុស្ស ពេល​ត្រូវបាន​ផឹក​ចូលក្នុង​ខ្លួន​។​

*•​ហាត់ប្រាណ​ធ្ងន់​ពេលព្រឹក​ព្រហាមៈ​
​មនុស្ស​គ្រប់គ្នា សុទ្ធតែ​ទទួលស្គាល់​ប្រសិទ្ធភាព​របស់​ការហាត់​ប្រាណ​រាល់ថ្ងៃ គឺ​ល្អ​បំផុត​សម្រាប់​សុខភាព ប៉ុន្តែ​តាម​ពួក​អ្នកស្រាវជ្រាវ បាន​អះអាងថា ការហាត់​ប្រាណ​នៅពេល​ព្រឹក​ព្រហាម អាច​ពុំមាន​ប្រយោជន៍​ប៉ុន្មាន​ឡើយ​។ ការស្រាវជ្រាវ​ពី​មហាវិទ្យាល័យ  Brunel, Middlesex បាន​បង្ហាញថា ការហាត់​ប្រាណ​ធ្ងន់ (​លើក​ដុំ​ដែក លើក​វត្ថុ​ធ្ងន់ នៅពេល​ព្រឹក​ព្រហាម អាច មាន​ឥទ្ធិពល​ដល់​ប្រព័ន្ធ​អង្គ​បដិបក្ខ និង​ធ្វើឱ្យ​អ្នក​ហាត់ប្រាណ​ប្រឈមមុខ​ជាមួយ​លទ្ធភាព​កើន​គ្រោះថ្នាក់​ឆ្លង​មេរោគ ដោយសារ​បាក់តេរី ឬ​វីរុស​។ ល្អ​បំផុត ប្រសិន​ហាត់ប្រាណ​ធ្ងន់​នោះ គួរ​ហាត់​នៅពេល​ផ្សេង គឺ​ពុំមែន​ពេលព្រឹក​ព្រហាម​ទេ​។​

*​បំពេញ​ថែម​ជីវជាតិៈ​
​យើង​សុទ្ធតែ​ដឹងថា ពពួក​វីតាមីន​សុទ្ធតែ​ល្អ​សម្រាប់​សុខភាព តែ​ការបំពេញ​ថែម​វីតាមីន មិនបាន​ត្រឹមត្រូវ បែរជា​ផ្តល់​គ្រោះថ្នាក់​ដល់​សុខភាព​ទៅវិញ​ទេ​។ ការស្រាវជ្រាវ​ជាច្រើន បាន​សន្និដ្ឋានថា ប្រសិន​បន្ថែម​ម៉ាញ៉េ​ស្យូ​ម ដែក និង​វីតាមីន B6 ក្នុង​បរិមាណ​ខ្ពស់ នឹងធ្វើ​ឱ្យ​កើន​អត្រា​បាត់បង់​ជីវិត​ចំពោះ​ស្ត្រី​ដែលមាន​អាយុ​ច្រើន បន្ថែម​ហួស​កម្រិត​វីតាមីន E អាចធ្វើឱ្យ​កើន​គ្រោះថ្នាក់​មហារីក​ក្រពេញ​ប្រូ​ស្តា​ត​ចំពោះ​បុរស​។

​ប្រសិន​ខ្វះ​វីតាមីន និង​ជីវជាតិ (​ឧទាហរណ៍​ខ្វះ​វីតាមីន D ឬ​វីតាមីន B12 ចំពោះ​អ្នក​ទទួលទាន​បួស​) នោះ​ជំនួស​ឱ្យ​ការប្រើ​ថ្នាំ អ្នក​គួរ​មាន​របប​អាហារ​មួយ​សម្បូរ​ជីវជាតិ​ពី​ផ្លែឈើ និង​បន្លែ គឺ​ល្អ​បំផុត​។​

*​ចៀស​ពន្លឺព្រះអាទិត្យៈ​
​តាំងពី​ច្រើន​ឆ្នាំ​មកនេះ ភាពគ្រោះថ្នាក់​របស់​មហា​រីក​ស្បែក ត្រូវបាន​ព្រមាន​ទូលំទូលាយ​លើ​ប្រព័ន្ធ​ផ្សព្វផ្សាយ​ជាច្រើន​។ ប៉ុន្តែ​ការការពារ​ស្បែក​ជ្រុល​ហួសហេតុ បែរជា​បង្ក​ផលវិបាក​ទៅវិញ គឺ​ស្បែក​មិនបាន​ប្រាស្រ័យ​ជាមួយ​ពន្លឺព្រះអាទិត្យ នាំឱ្យ​ខ្វះ​ធ្ងន់ធ្ងរ​ប្រភព​វីតាមីន  D ធម្មជាតិ​មួយ​។ ខ្វះ​វីតាមីន D អាច​បណ្តាលឱ្យ​ក្រឹ​ន​ឆ្អឹង ពុក​ឆ្អឹង និង​កើត​ជំងឺ​សោកសៅ​។​

​តាម​ការស្រាវជ្រាវ​មួយ​របស់​អង់គ្លេស បាន​លើកឡើងថា ដើម្បី​បន្ថយ​គ្រោះថ្នាក់​ក្រឹ​ន​ឆ្អឹង មនុស្ស​អាច​សំដិល​ថ្ងៃ អតិបរមា ១០​នាទី ដោយ​មិនចាំបាច់​ប្រើ​ក្រែ​ម​ការពារ​កម្តៅថ្ងៃ​។​

*•​មិន​ទទួលទាន​ខ្លាញ់ៈ​
​ពេល​ចាប់ផ្តើម​យកចិត្តទុកដាក់​ដល់​ការ​ទទួលទាន​ត្រឹមត្រូវ មនុស្ស​ជាច្រើន​បាន​ជ្រើស​យក​អាហារ​គ្មាន​ជាតិ​ខ្លាញ់ ដី​ម្បី​ជួយ​បន្ថយ​ទម្ងន់​។ ប៉ុន្តែ​ការ​កម្ចាត់​ចេញ​ជាតិ​ខ្លាញ់​ទាំងអស់ រួមមាន​ទាំង​អាស៊ីត​ខ្លាញ់ Omega-3 នឹង​អាច​បង្ក គ្រោះថ្នាក់​ឱ្យ​សុខភាព​របស់​អ្នក​ទៅវិញ​។ អាស៊ីត​ខ្លាញ់ Omega-3 ត្រូវបាន​រកឃើញ​នៅក្នុង​ប្រេង​ត្រី និង​ពពួក​គ្រាប់​មួយចំនួន​។ វា​ពុំ​ត្រឹមតែ​ជួយ​រក្សា​ឱ្យ​ស្បែក​របស់​អ្នក​តឹង​ស្អាត​ប៉ុណ្ណោះ​ទេ តែ​វា​នៅ​បញ្ចៀស​បាន​ស្នាម​ជ្រួញ​។ Omega-3  ក៏​ចាំបាច់​បំផុត​សម្រាប់​ខួរក្បាល និង​សុខភាព​សរសៃឈាម​បេះដូង អាចជួយ​ទប់ស្កាត់​ជំងឺ​រលាក​សន្លាក់​៕

​គេង​ថ្ងៃត្រង់​លើសពី​មួយ​ម៉ោង ប្រឈម​កើត​ជំងឺ​ទឹកនោមផ្អែម​?

ការស្រាវជ្រាវ​ថ្មី​មួយ បាន​ឲ្យ​ដឹងថា អ្នក​គេង​ថ្ងៃត្រង់​យូរ ប្រឈម​នឹង​ការកើត​ជំងឺ​ទឹកនោមផ្អែម​។ និយាយ​ម្យ៉ាងទៀត ពេលវេលា​គេង​ថ្ងៃត្រង់​ខុសគ្នា មាន​ឥទ្ធិពល​ផ្សេងគ្នា ទៅដល់​សុខភាព ។​
ដំណេក​ថ្ងៃត្រង់ នៅតែ​ជា​ប្រធានបទ​ជជែក​គ្នា​នៅក្នុង​មជ្ឈដ្ឋាន​អ្នកវិទ្យាសាស្ត្រ  ក្នុងពេល​ពួក​អ្នកស្រាវជ្រាវ​មួយចំនួន បាន​ចាត់ទុកថា ដំណេក​ខ្លី​មួយ​នៅ​ថ្ងៃត្រង់ អាច​នាំមក​ផលប្រយោជន៍​សុខភាព​សកម្ម​តែមួយ​ចំនួន​ផ្សេងទៀត និយាយថា ដំ​ណេ​ក​ថ្ងៃត្រង់​មិនល្អ​ទៅដល់​សុខភាព ហើយ​ថែមទាំង​អាចធ្វើ​ឲ្យ​ថយ​អាយុ​ផងដែរ ។​
.​គេង​ថ្ងៃត្រង់​យូរពេក មាន​ហានិភ័យ​កើត​ជំងឺ​ទឹកនោមផ្អែម​
ក្នុងការ​ស្