9 ប្រការធ្វើឲ្យអ្នកចាស់មុនអាយុ

១​ម៉ោង​មើល​ទូរទស្សន៍​កាត់បន្ថយ​អាយុ​របស់​អ្នក ២២​នាទី, ហាត់ប្រាណ​តិចពេក ច្រើនពេក សុទ្ធតែ​ធ្វើ​ឲ្យ​អ្នក​ឆាប់​ចាស់ ឬ​ផឹកទឹក​តាម​បំពង់​បឺត នឹងធ្វើ​ឲ្យមាន​ស្នាម​ជ្រួញ​លើ​មុខ​ច្រើន... ។​
​ភាពចំណាស់​ដំណើរការ​លឿន ឬ​យឺត​អាស្រ័យ​ទៅតាម​កត្តា​ផ្សេងៗ​គ្នា ។​
១.​មើល​ទូរទស្សន៍
​ការស្រាវជ្រាវ​មួយ ​របស់​ពួក​អ្នកវិទ្យាសាស្ត្រ​នៅ​សកល​វិទ្យាល័យ Queensland (​អូស្ត្រាលី​) បង្ហាញថា ១​ម៉ោង​មើល​ទូរទស្សន៍​នឹង​បំ​ព្រួញ​ជីវិត​របស់​អ្នក​២២​នាទី ។ ទូរទស្សន៍​ពុំ​ត្រឹមតែ​ធ្វើ​ឲ្យ​អាក្រក់​រង្វង់​ចង្កេះ​ប៉ុណ្ណោះ​ទេ វា​នៅ​បំ​ព្រួញ​អាយុ​របស់​អ្នក និង​ធ្វើ​ឲ្យ​កើន​ហានិភ័យ​កើត​ជំងឺ Alzheimer ។​
២.​ទទួលទាន​ទឹក​ដោយ​ប្រើ​បំពង់​បឺត​
​យើង​តែង​គិតថា ភេសជ្ជៈ​ដែលបញ្ចូល​ក្នុង​ខ្លួន នឹង​ជះឥទ្ធិពល​ដល់​សុខភាព ​ដោយ​មិន​ស្មានថា វិធី​ទទួលទាន​ក៏​ជា​មូលហេតុ​ជះឥទ្ធិពល​ដល់​ភាពចំណាស់​នោះទេ។ជាក់ស្តែង​ ការប្រើ​បំពង់​បឺត នឹងធ្វើ​ឲ្យ​កើន​ភាពចំណាស់​ដោយសារ​វា​ធ្វើ​ឲ្យ​ស្នាម​ជ្រួញ​កកើត​ជុំវិញ​មាត់ ដូច​អ្នក​ជក់បារីអញ្ចឹង ។ ពួក​អ្នកជំនាញការ​ទូន្មានថា ​ចូរ​ទទួលទាន​ផ្ទាល់​ដោយ​មិន​បាច់ប្រើ​បំពង់​បឺត ។​
៣.​ហាត់ប្រាណ​តិចពេក ឬ​ច្រើនពេក
​យើងមិនអាច​រៀបរាប់​អស់ពី​ផលប្រយោជន៍​នៃ​ការហាត់​ប្រាណទេ ។ ដោយសារ​វា​ ទើប​អ្នកមាន​អារម្មណ៍​ថា ខ្លួន​នៅ​ក្មេង ពោរពេញ​ដោយ​ថាមពល ភ្លឺស្វាង​ត្រូវបាន​ការពារ​ផុត​ជំងឺ Alzheimer ។ ជាងនេះទៀត​បរិមាណ​ឈាម​ទៅដល់​ស្បែក​ច្រើន ធ្វើ​ឲ្យ​ស្បែក​ភ្លឺ​ថ្លា ពេល​មិន​ហាត់ប្រាណ​ឬ​ហាត់​ឈប់​កណ្តាល​ទី​នឹង​បំ​ព្រួញ​ជីវិត​របស់​អ្នក ធ្វើ​ឲ្យ​កើន​គ្រោះថ្នាក់​ត្រូវ​ធាត់ បេះដូង​... ។ ប៉ុន្តែ​ហាត់ប្រាណ​ច្រើនពេក​នឹងធ្វើ​ឲ្យ​រឹង​សន្លាក់ បង្កើន​ហានិភ័យ​រលាក​សន្លាក់ ហើយក៏​ធ្វើ​ឲ្យ​អ្នក​ឈានទៅរក​ភាពចំណាស់​លឿន​ជាងធម្មតា ។​
៤.​ស្ករ​
​ទទួលទាន​ស្ករ​ច្រើនពេក​នឹងធ្វើ​ឲ្យ​កើន​ខ្លាញ់​ពោះ ។ បន្ថែម​លើ​នោះ​ ស្ករ​រួមជាមួយ​ពន្លឺព្រះអាទិត្យ និងការ​ជក់បារី​ជា​មូលហេតុ​សំខាន់​៣​នាំ​ដល់​ស្នាម​ជ្រីវជ្រួញ ។ ពេល​កម្រិត​ស្ករ​ក្នុង​ឈាម​ខ្ពស់ នឹង​បង្ក​ឲ្យ Collagen ក្រោម​ស្បែកដាច់​បាត់ ។ ពេល​ដាច់​បាត់ទៅ ភាពយឺត​យារ របស់ Collagen ក្លាយជារឹង​ បណ្តាល​ឲ្យ​ស្បែក​មាន​ស្នាម​ជ្រួញ និង​យារ​ធ្លាក់ ។​
៥.​ពាក់​កាស​ត្រចៀក​
​ការស្រាវជ្រាវ​មួយ​បានចង្អុលបង្ហាញ​ថា ប្រើ​កាស​ត្រចៀក​ក្នុង​១​ម៉ោង ​អាច​ជះឥទ្ធិពល​បណ្តោះអាសន្ន​ដល់​សោតវិញ្ញាណ​អ្នក​ស្តាប់ ។ ការស្រាវជ្រាវ​មួយ​ផ្សេងទៀត​បង្ហាញថា ជាមួយនឹង​បិ​រ​មាណ​សំឡេង​ខ្ពស់បំផុត​វាអាចធ្វើឲ្យ​សោតវិញ្ញាណ​ធ្លាក់ទៅក្នុង​គ្រោះថ្នាក់​របួស​ជា​ស្ថាពរ ។​
៦.​ការងារ​
​ការងារ​គឺ​ចាំបាច់​សម្រាប់​យើងទាំងអស់គ្នា ប៉ុន្តែ​ការចំណាយ​ពេលវេលា និង​កម្លាំង​ច្រើនពេក​ដើម្បី​វា នឹងធ្វើ​ឲ្យ​យើង​ឆាប់​ចាស់​ ។ ការស្រាវជ្រាវ​ទាំងឡាយ​បាន​បញ្ជាក់ថា ស្ត្រេ​ស​ក្នុង​ការងារ​អាចធ្វើ​ឲ្យ​កើន​ហានិភ័យ​ជំងឺ​បេះដូង បង្កើនល្បឿន​ចំណាស់​កោសិកា ។ ប្រើពេល​វេលា​ច្រើន​សម្រាប់​ការងារ មានន័យ​ដូចគ្នា​នឹង​ការថយចុះ​ពេលវេលា​ហាត់ប្រាណ ទទួលទាន សម្រាកកាយ ។​
៧.​សាប៊ូ
​យើង​គិតថា សាប៊ូ​ចាំបាច់​សម្រាប់​ស្បែក តែ​ជាក់ស្តែង​ពុំមែន​ដូច្នេះ​ឡើយ ។ ស្បែក​ត្រូវការ​ស្រទាប់​សំបក​អាស៊ីត​១ ដើម្បី​ធ្វើ​របង​ការពារ​ធម្មជាតិ ពេល​លាង​ដោយ​សាប៊ូ​មាន​​អាល់​កា​ឡាំង អាច​កម្ចាត់​បាត់​ស្រទាប់​ការពារ​នេះ បណ្តាល​ឲ្យ​មាន​ស្នាម​ជ្រីវជ្រួញ ។ អ្នកជំនាញការ​ទូន្មាន​គួរ​រក​ប្រភេទ​សាប៊ូ​មាន​កម្រិត PH ល្មម ។​
៨.​ខ្នើយ​សំឡី​
​ប្រសិន​ពេល​គេង ​អ្នក​គេង​ផ្អៀង​តែ​ម្យ៉ាង​នោះ ​ផ្ទៃមុខ​របស់​អ្នកនឹង​ត្រូវ​កៀប ហើយ​ខ្នើយ​សំឡី​អាច​បង្ក​ស្នាម​ជ្រួញ​លើ​ស្បែក ។ ដើម្បី​បញ្ចៀស​ចំណាស់​លឿន​ ចូរ​ប្តូរ​មក​គេង​ផ្ងារ ឬ​ប្រើ​ខ្នើយ​ព្រែ Satin អាច​បន្ថយ​ស្នាម​ជ្រួញ និង​រក្សា​កម្រិត​សំណើម​ឲ្យ​ស្បែក ។​
៩.​របប​ទទួលទាន​ពុំ​សូវ​មាន​ជាតិ​ខ្លាញ់​
​មនុស្ស​ជាច្រើន​តម​ទទួលទាន​ខ្លាញ់​ដើម្បី​បញ្ចុះទម្ងន់ ដោយ​មិនដឹងថា ខ្វះ​ជាតិ​ខ្លាញ់​ដូចជា Omega 3 អាចជះ​ឥទ្ធិពល​ដល់​ល្បឿន​ចំណាស់​នោះទេ ។ Omega 3 មាន​ច្រើន​ក្នុង​ប្រេង​ត្រី គ្រាប់​អាល់​ម៉ុ​ន​... ចាំបាច់​សម្រាប់​យើង និង​ជួយ​ឲ្យ​យើង​នៅ​ក្មេង​បានយូរ ។ វា​ពុំ​ត្រឹមតែ​រក្សា​ឲ្យ​ស្បែក​តឹង​រលោង ពុំ​សូវ​ជ្រីវជ្រួញនោះទេ តែវានៅបង្កើន​សុខភាព​ឲ្យ​ខួរក្បាល បេះដូង និងបង្កើន​អាយុ​ឲ្យ​អ្នកថែមទៀត ៕f/M

រកឃើញ​ហ្សែ​ន​មានលទ្ធភាព​គ្រប់គ្រង​ហ៊ី​វ​

ពួក​អ្នកវិទ្យាសាស្ត្រ បាន​រកឃើញ​ហ្សែ​ន​ថ្មី​មួយ ដែល​មាន​លទ្ធភាព​គ្រប់គ្រង​ជំងឺ​រ៉ាំរ៉ៃ ដូចជា​ហ៊ី​វ ជំងឺ​រលាក​ថ្លើម និង​ជំងឺ​សួត​។​

​​ក្រុម​អ្នកស្រាវជ្រាវ​នៅ​វិទ្យាស្ថាន Walter និង Eliza Hall នៅ​អូស្ត្រាលី បាន​រកឃើញ​ហ្សែ​ន Arih 2 មាន​តួនាទី​យ៉ាង​សំខាន់​ចំពោះ​ការ​មាន​ជីវិត​របស់​អំប្រ៊ីយ៉ុង​។ ពួក​អ្នកវិទ្យាសាស្ត្រ​សង្កេតឃើញថា ហ្សែ​ន​នេះ​មាន​តួនាទី​គ្រប់គ្រង​សមត្ថកិច្ច​របស់​ប្រព័ន្ធ​អង្គ​បដិបក្ខ​ប្រឆាំង​តប​ភ្នាក់ងារ​បង្ក​ជំងឺ​។​

​​គំហើញ​ថ្មី​នេះ ផ្តល់​ក្តីសង្ឃឹម​ក្នុង​ការជួយ​ពួក​អ្នកវិទ្យាសាស្ត្រ​អភិវឌ្ឍន៍​វិធី​ព្យាបាល​ប្រកបដោយ​ប្រសិទ្ធភាព​នូវ​ជំងឺ​ថមថយ​ប្រព័ន្ធ​អង្គ​បដិបក្ខ ដូចជា​ហ៊ី​វ ក៏​ដូច​ជា​ជំងឺ​រ៉ាំរ៉ៃ​មួយ​ចំនួន រួម​មាន​រលាក​ថ្លើម របេង រលាក​សន្លាក់​... ។​

​​បណ្ឌិត Marc Pellegrini អ្នកដឹកនាំ​ការស្រាវជ្រាវ បានឱ្យដឹងថា “​ហ្សែ​ន Arih 2 ទទួលភារៈ​ធ្វើ​ការសម្រេច​សំខាន់ៗ និង​ជា​មូលដ្ឋាន​បំផុត ដើម្បី​បញ្ជា​ប្រព័ន្ធ​អង្គ​បដិបក្ខ​ប្រឆាំង​តប​ការរីកចម្រើន​របស់​កា​រ​រលាក​ឆ្លង​រ៉ាំរ៉ៃ​។ ប្រសិន​លើកឡើង​ការសម្រេចខុស ប្រព័ន្ធ​អង្គ​បដិបក្ខ នឹង​ត្រូវ​បំបាត់​ប្រសិទ្ធភាព​ដោយ​បាក់តេរី ឬ​វីរុស​បង្ក​ជំងឺ​” ។​

​​បណ្ឌិត  Marc Pellegrini  ក៏​បាន​ឱ្យដឹងថា ទោះបី​ប្រព័ន្ធ​អង្គ​បដិបក្ខ​របស់​យើង ធ្វើការ​យ៉ាង​ល្អ ដើម្បី​ប្រឆាំង​តប​ពួក​ភ្នាក់ងារ​បង្ក​ជំងឺ តែ​វីរុស​មួយចំនួន ដូចជា វីរុស​ហ៊ី​វ រលាក​ថ្លើម B និង​បាក់តេរី​សួត មានលទ្ធភាព​រីកចម្រើន​បន្ត​ការ​ពួន​គេច ឬ​ប្រឈមមុខ​ជាមួយ​ប្រព័ន្ធ​អង្គ​បដិបក្ខ ដូចជា​អនុញ្ញាតឱ្យ​វា​នៅ​បន្ត​ក្នុង​សរីរាង្គ​។ ប៉ុន្តែ​ចំពោះ​គំហើញ​ថ្មី​នេះ អ្វី​ដែល​យើង​អាចធ្វើ​បាន គឺ​បំផ្លាញ​យន្តការ​ប្រឆាំង​ប្រព័ន្ធ អង្គ​បដិបក្ខ​របស់​ពួក​ភ្នាក់ងារ​បង្ក​ជំងឺ និង​បង្កើន​សមត្ថភាព​“​ប្រយុទ្ធ​”​របស់​ប្រព័ន្ធ​អង្គ​បដិបក្ខ ដើម្បី​កម្ចាត់​ពន្លក​ជំងឺ​ចេញពី​សរីរាង្គ​៕​

កំហុសឆ្គងមួយចំនួនក្នុងការត្រួតពិនិត្យសុខភាព

មនុស្ស​ជាច្រើន​យល់ដឹង​ពី​សារសំខាន់​របស់​ការ​ពិនិត្យ​សុខភាព ប៉ុន្តែ​ដល់ពេល​ទៅ​ត្រួតពិនិត្យ​សុខភាព​បែរជា​បំពាន​កំហុស​១​ចំនួន​ធ្វើ​ឲ្យ​លទ្ធផល​ពិនិត្យ​មិនសូវ​ប្រាកដប្រជា ។​
-​ទទួលទាន​ទឹក​មុន​ម៉ោង​ពិនិត្យ​
​ពេល​យើង​ពិនិត្យ​មុខងារ​ថ្លើម តម្រងនោម ខ្លាញ់​ក្នុង​ឈាម ជាតិ​ស្ករ​ក្នុង​ឈាម​សុទ្ធតែ​ត្រូវការ​ពោះ​ទទេ ព្រោះ​ពេលនេះ​សរីរាង្គ​ស្ថានភាព​បំប្លែង​ង​សារជាតិ​ប្រក្រតី អាច​ឆ្លុះបញ្ចាំង​ស្ថានភាព​ជាក់ស្តែង ។​
​ការ​ទទួលទាន​ទឹកនឹង​ធ្វើ​ឲ្យ​រាវ​ឈាម ធ្វើ​ឲ្យ​លទ្ធផល​ត្រួតពិនិត្យ​ជាតិ​ស្ករ ខ្លាញ់ កម្រិត ក្រង​ស្អិត​របស់​ឈាម​មិន​ស្តង់ដារ ។ ជាក់ស្តែង ក្នុង​ថ្ងៃ​ឬ​ពេលយប់​មុន​ថ្ងៃ​យក​ឈាម​គួរ​ទទួលទាន​ទឹក​តិច (៥០-១០០ml) ។ ចំពោះ​អ្នក​លើសឈាម ជំងឺ​ទឹកនោមផ្អែម​នោះ​ត្រូវ​ប្រព្រឹត្ត​តាម​ការណែនាំ​របស់​វេជ្ជបណ្ឌិត ។​
-​មិន​ត្រួតពិនិត្យ​ទ្វារ​លាក​មក​
​បច្ចុប្បន្ន​មនុស្ស​ភាគច្រើន​ទៅពិនិត្យ​សុខភាព​សុទ្ធតែ​រំលង​ចោលការ​ពិនិត្យ​ទ្វារ​លាមក​ព្រោះ​វា​ពិបាក​ទ្រាំ​ផង និង​ខ្មាសអៀន​ផង និង​ពុំមាន​ប្រសិទ្ធភាព​ច្រើន ។ ប៉ុន្តែ​ឆ្លុះ​ពោះវៀន​ស្មុគស្មាញ​គួរសម ។ ត្រួតពិនិត្យ​ទ្វារ​លាមក​ជា​វិធី​ផ្ទាល់ សាមញ្ញ និង​ប្រសិទ្ធភាព​បំផុត​ដើម្បី​រកឃើញ​ដុំ​គីស​ពោះវៀន សាច់​លើស ឫសដូងបាត និង​ការវិវត្តន៍​ប្រែប្រួល​ជំងឺ​ក្រពេញ​ប្រូ​ស្តា​ត ។​
-​ខ្លាច​ថត​កាំរស្មី X
​មនុស្ស​ជាច្រើន​មាន​អារម្មណ៍​ថា កាំរស្មី X , CT មាន​គ្រោះថ្នាក់​ចំពោះ​សុខភាព​ហេតុនេះ​បដិសេធ​វិធីសាស្ត្រ​នេះ ។ ប៉ុន្តែ​មាន​ជំងឺ​យ៉ាងច្រើន​សុទ្ធតែ​ត្រូវ​ត្រួតពិនិត្យ​តាមរយៈ​កាំរស្មី​ដូចជា​មហារីក​សួត មហារីក​ក្រពេញ​ទឹកដោះ ។​
-​ជឿជាក់​លើ​តួលេខ​ដោយ​ងងឹតងងល់​
​តួលេខ​មិន​ស្ថិតក្នុង​កម្រិត​ធម្មតា​ពុំ​មានន័យថា មាន​ជំងឺ ។ តួលេខ​មិន​ឆ្លង​ហួស​កម្រិត​ធម្មតា​ក៏​ពុំ​មានន័យថា ដាច់ខាត​ធម្មតា ។​
​តួលេខ​ត្រួតពិនិត្យ​សុខ​ភាពជា​តួលេខ​ផ្តួចផ្តើម​ពុំមែន​ជា "​ស្តង់ដារ​មាស​" ។ ឧទាហរណ៍​មាន​អ្នកត្រួតពិនិត្យ​តួលេខ​ដុំ​គីស​របស់​មហារីក​ក្រពេញ​លំពែង CA199 គឺ​៤០ ឆ្លង​ហួស​ក្របខណ្ឌ​របស់​កម្រិត​ធម្មតា​គឺ​ក្រោម ៣៧​នោះ ភ័យខ្លាច ។ ជាក់ស្តែង ជក់បារី រលាក​សន្លាក់​ក៏​ធ្វើ​ឲ្យ​តួលេខ​នេះ​កើន​ខ្ពស់​មានតែ​តាមរយៈ​ការត្រួតពិនិត្យ​ជា​បន្តបន្ទាប់ ពិនិត្យឡើងវិញ វិភាគ​ផ្គូរ​ផ្គង​ទាំងអស់​ទើប​ចេញ​លទ្ធផល​ត្រួតពិនិត្យ​ប្រាកដប្រជា ។​
-3-5​ឆ្នាំ ទើប​ត្រួតពិនិត្យ​ម្តង​
​មាន​អ្នក​ទុ​ដ្ឋិ​និយម​ចាត់ទុកថា ត្រួតពិនិត្យ​សុខភាព​ពុំមាន​ប្រសិទ្ធភាព​ច្រើន ហើយក៏​មាន​អ្នក​សុ​ទិ​ដ្ឋ​និយម​ត្រួតពិនិត្យ​សុខភាព​ម្តង​ទាល់តែ ៣-៥ ឆ្នាំក្រោយ​ទើប​ពិនិត្យឡើងវិញ ។ ជាក់ស្តែង ការពិនិត្យ​រាល់​ឆ្នាំ​ទើប​រារាំង​បានល្អ​ជំងឺ​ច្រើន​ជួបប្រទះ​ដូចជា​លើសឈាម ខ្លាញ់​ក្នុង​ឈាម​ខ្ពស់​... ។ ស្ថានភាព​សុខភាព​ផ្លាស់ប្តូរ​អាស្រ័យ​ទៅតាម​ពេលវេលា ដូច្នេះ​ត្រូវ​យកចិត្តទុកដាក់​ជាប្រចាំ និង​យូរអង្វែង ៕​M

​ˆ​ផលប្រយោជន៍​និង​គ្រោះថ្នាក់​នៃ​កាយវិការ​ទទួលទានដំណេក​

ជាធម្មតា យើង​មិនសូវ​យកចិត្តទុកដាក់​ដល់​កាយវិការ​គេង ដោយ​គ្រាន់តែ​ចាប់អារម្មណ៍​ធ្វើយ៉ាងណា គេង​ឱ្យ​គ្រប់ គេង​ឱ្យ​ស្កប់​។ យើង​អាច​ពុំទាន់​ដឹងថា កាយវិការ​គេង​ដែល​មិនបាន​ត្រឹមត្រូវ នឹងធ្វើ​ឱ្យ​យើង​ថយចុះ​អាយុ​។​

*​គេង​ផ្អៀង​
​ប្រយោជន៍​៖ ទប់ស្កាត់​ជំងឺ​ក្រពះ ច្រាល​បំពង់​អាហារ​
​គ្រោះថ្នាក់​៖ បង្កើន​ស្នាម​ជ្រួញ​នៅមុខ​

​យោបល់​ជំនាញការ : សាស្ត្រាចារ្យ Jim Horn នៅ​មជ្ឈមណ្ឌល​សណ្តំ​សកលវិទ្យា​ល័យ Loughborough Sleep (​អង់គ្លេស​) ឱ្យដឹងថា គេង​ផ្អៀង​ខាងឆ្វេង ជួយ​ក្រពះ បន្ថយ​ច្រាល​បញ្ច្រាស​អាហារ ជំរុញ​រំលាយ​អាហារ បង្ការ​ក្តៅ​ពោះវៀន​។ គេង​ផ្អៀង​ខាងស្តាំ មិន​សង្កត់​កៀប​បេះដូង សមស្រប​សម្រាប់​អ្នកជំងឺ​បេះដូង និង​ជំងឺ​ខួរក្បាល​។​

​សាស្ត្រាចារ្យ Dennis Wall នៅ​សមាគម​វេជ្ជបណ្ឌិត​សើរ​ស្បែក​អង់គ្លេស បាន​ចាត់ទុកថា ការ​គេង​ផ្អៀង នឹង​ធ្វើឱ្យ​សម្ពាធ​ច្រមុះ​ធំ​ពេក បង្កើន​ស្នាម​ជ្រួញ​នៅ​កៀន​មាត់ និង​ចុង​ភ្នែក​។​

​វិធី​កែប្រែ​៖ ប្រសិន​ក្រោយពេល​គេង​ផ្អៀង​ខាងឆ្វេង នៅតែ​មិន​កែប្រែ ប្រសើរ​ជំងឺ​ក្តៅ​ពោះវៀន និង​រំលាយ​អាហារ​ខ្សោយ គួរ​សម្រួល​ខ្នើយ​ឱ្យ​ខ្ពស់​បន្តិច នឹង​ទប់ស្កាត់​ជំងឺ​ក្រពះ ច្រាល បញ្ច្រាស​អាហារ​។​

​សាស្ត្រាចារ្យ Wall បានឱ្យដឹងថា ការជ្រើសរើស​គុណភាព​ខ្នើយ​ទន់ មាន​ប្រសិទ្ធភាព​បន្ថយ​ស្នាម​ជ្រួញ​នៅ​ផ្ទៃមុខ​។​

*​គេង​ផ្ងា​រៈ​
​ប្រយោជន៍​៖ មាន​ប្រយោជន៍ សម្រាប់​ជំងឺ​រលាក​សន្លាក់​
​គ្រោះថ្នាក់ៈ បង្ក​ការ​ស្រមុក ផ្អាក​ដង្ហើម​បណ្តោះអាសន្ន មិនល្អ​សម្រាប់​អ្នកជំងឺ​បេះដូង និង​ជំងឺ​សួត​។​

​យោបល់​ជំនាញការ​៖ ជំនាញការ Sami-Margo បានឱ្យដឹងថា ការ​គេង​ផ្ងារ សមស្រប​សម្រាប់​អ្នកជំងឺ​រលាក​សន្លាក់ និង​ឈឺសន្លាក់ ការ​គេង​ផ្ងារ ក៏មាន​ប្រយោជន៍​សម្រាប់​សុខភាព​ផ្លូវភេទ​របស់​បុរស ប៉ុន្តែ​បែរជា​គ្មាន​អំណោយផល​ល្អ​សម្រាប់​អ្នកជំងឺ​ធាត់ ដោយសារ​បង្ក​ការ​ស្រមុក និង​ផ្អាក​បណ្តោះអាសន្ន​ដំណក​ដង្ហើម​ពេល​គេង​។​

​សាស្ត្រាចារ្យ David Ecclestone ជំនាញការ​សណ្តំ Birmingham បាន​ចាត់ទុកថា ការ​គេង​ផ្ងារ កាន់តែ​បន្ថយ​បរិមាណ​ចរាចរ​ឈាម អម​ជាមួយ​អុកស៊ីហ្សែន គ្មាន​អំណោយផល​ល្អ​សម្រាប់​អ្នកជំងឺ​បេះដូង និង​ជំងឺ​សួត​។​

​វិធី​កែប្រែ​៖ អ្នក​ចូលចិត្ត​គេង​ផ្ងារ ល្អ​បំផុត​ជ្រើស​យក​ប្រភេទ​ខ្នើយ​រឹង បង្ការ​ចៀសវាង​សម្ពាធ​នៅ​ឆ្អឹង​កង​ផ្នែក​ខាងលើ និង​ក ធំ​ជ្រុល ផ្តើម​ពី​នោះ បង្ក​ការឈឺ​ពើត​ត្រង់​ស្មា និង​ក ។ មនុស្ស​ធាត់ ឧស្សាហ៍​គេង​ស្រមុក អាច​កល់​ខ្នើយ​មួយ​ក្រោយខ្នង​។​

*•​គេង​ហាមាត់ៈ
​ប្រយោជន៍​៖ បន្ថយ​ការឈឺ​ចង្កេះ​    ​
​គ្រោះថ្នាក់​៖ ឈឺ​ពើត​ក្បាល និង​រួយ ក​

​យោបល់​ជំនាញការ​៖ កាយវិការ​គេង​ហាមាត់ ជួយ​បន្ថយ​ការឈឺ​ចង្កេះ និង​សម្ពាធ​ទ្រនាប់​ឆ្អឹង​កង​។ ប៉ុន្តែ​ពេល​គេង កាយវិការ​នេះ ខ្នើយ​មិនត្រូវ​ឲ្យ​ខ្ពស់​ពេក ឬ​ទាប​ពេក ប្រសិនបើ​មិន​ដូច្នោះ​ទេ ក្រោយពេល​ភ្ញាក់ ងាយ​ត្រូវ​ឈឺ​ពើត​នៅ​ក្បាល និង​រួយ ក ។​

​វិធី​កែប្រែ​៖ ជ្រើសរើស​ខ្នើយ​សមស្រប ដើម្បី​ទប់ស្កាត់​ឈឺ​ពើត​ក្បាល រួយ ក ។ គេង​កាយវិការ​នេះ ឆ្អឹង​កង​ខ្នង និង​ឆ្អឹង​ក ត្រូវ​រក្សា​ត្រង់​ខ្លួន ទន្ទឹមនេះ គួរ​កៀប​ខ្នើយ​មួយ​នៅ​ចន្លោះ​ជង្គង់​ទាំងពីរ​។​

•*​កាយវិការ​គេង​ផ្អៀង​របៀប​ឱប​គ្នាៈ
​ប្រយោជន៍​៖ បន្ថយ​សម្ពាធ
​គ្រោះថ្នាក់​៖ បង្ក​ការឈឺ​ពើត

​យោបល់​ជំនាញការ​៖ បណ្ឌិត James Cohen ជំនាញការ​សរសៃប្រសាទ​វិទ្យា និង​ជា​អ្នក​ចិត្តសាស្ត្រ​អាមេរិក បានឱ្យដឹងថា កាយវិការ​គេង​ផ្អៀង​ឱប​គ្នា អាច​បន្ថែម​ភាពស្និទ្ធស្នាល ទំនាក់ទំនង​ប្តី​ប្រពន្ធ និង​បន្ថយ​សម្ពាធ​ផ្លូវចិត្ត​។ ប៉ុន្តែ​វា​នឹងធ្វើ​ឱ្យ​ឆ្អឹង​កង​ខ្នង ឆ្អឹង​ក​សន្លាក់ ស្មា ដៃ និង​សាច់ដុំ ឈឺ​ពើត​។​

​វិធានការ​កែប្រែ​៖ កាយវិការ​គេង​របស់​ប្តី​ប្រពន្ធ មិន​ដាច់ខាត​ត្រូវ​ដូចគ្នា មិនតែប៉ុណ្ណោះ​ខុសគ្នា​ទាំងស្រុង ដូច្នេះ​គួរ​ផ្អែកទៅលើ​ស្ថានភាព​ជាក់ស្តែង ជ្រើសរើស​កម្រិត​រឹង ទន់​របស់​ខ្នើយ រក្សា​គម្លាត​ដាច់ខាត និង​សមស្រប​ចំពោះ​មនុស្ស​២​នាក់​។​

*​គេង​ផ្កាប់ៈ
​ប្រយោជន៍​៖ បង្ការ​បញ្ចៀស​ស្រមុក
​គ្រោះថ្នាក់​៖ ងាយ​សង្កៀត​ធ្មេញ និង​ឈឺ​ពើត ស្ពឹក​ដៃ

​យោបល់​ជំនាញការ​៖ បណ្ឌិត Shinaersen បានឱ្យដឹងថា កាយវិការ​គេង ផ្កាប់​បែប​ហាលថ្ងៃ ជួយ​ទប់ស្កាត់​ស្រមុក​ពេល​គេង តែ​កាយវិការ​គេង​នេះ ក៏​បង្កើន​បន្ថែម​ការ​សង្កៀត​ធ្មេញ នៅពេល​យប់​។​

​បណ្ឌិត Manny បានឱ្យដឹងថា​៖ ដោយសារ​កាយវិការ​គេង​ផ្កាប់​ខ្ពស់​ពេក ឬ​ទាប​ពេក​នោះ វា​នឹង​បង្កើន​សម្ពាធ​ឱ្យ​ឆ្អឹង​កង​ខ្នង និង​ឆ្អឹង​ក បង្ក​គ្រោះថ្នាក់​សង្កត់​កៀប​សរសៃប្រសាទ អាស្រ័យ​ហេតុ​នោះ នឹងមាន​បញ្ហា​ចំពោះ​ប្រព័ន្ធ​សរសៃប្រសាទ​ពាក់កណ្តាល​ខ្លួន (​ពិសេស​គឺ​មនុស្ស​ចាស់​) ។​

​វិធីសាស្ត្រ​កែប្រែ​៖ អ្នក​ចូលចិត្ត​គេង​ផ្កាប់ ល្អ​បំផុត ជ្រើសរើស​ពូក​រ៉ឺ​ស័​រ ឬ​ពូក​កៅស៊ូ ប្រភេទ​ពូក​រឹង​នេះ ជួយ​ការពារ​ឆ្អឹង​កង​ខ្នង​។ អ្នក​អាច​កល់​ខ្នើយ​មួយ​ក្រោម​ពោះ ដើម្បី​បន្ថយ​សម្ពាធ​ឱ្យ​ខ្នង​ខាងក្រោយ​។ នេះ​ជាការ​អះអាង​របស់​បណ្ឌិត Sami-Margo ៕

ច្រៀងរាល់ថ្ងៃនឹងជួយ....បន្ថយស្រមុកពេលគេង

​ពួក​អ្នកវិទ្យាសាស្ត្រ​អង់គ្លេស​បាន​រកឃើញ​វិធី​មួយ​ដើម្បី​ទប់ស្កាត់​ការ​គេង​ស្រមុក​តាម​ពួកគេ ការស្រែក​ច្រៀង​រាល់ថ្ងៃ​នឹង​ជួយ​ទប់ទល់​ជាមួយ​ជំងឺ​នេះ ។​
​ពួក​អ្នកជំនាញការ​អង់គ្លេស​បាន​ដំណើរការ​ស្រាវជ្រាវ​មួយ​ជាមួយនឹង​ការចូលរួម​របស់​អ្នកស្ម័គ្រចិត្ត​ជា​អ្នក​គេង​ស្រមុក ។ អ្នកចូលរួម​ត្រូវបាន​ចែកជា​២​ក្រុម ។ ក្នុង​១​ថ្ងៃ​សមាជិក​របស់​ក្រុមទី​១ ត្រូវ​ហ្វឹកហាត់​សំឡេង​រយៈពេល​២០​នាទី ។ ក្រុមទី​២ នោះ​មិនបាន​ហាត់ ។​
​មូលហេតុ​របស់​បាតុភូត​ស្រមុក​ពេល​គេង​ពាក់ព័ន្ធ​ដល់​ភាព​ខ្សោយ​របស់​សាច់ដុំ​ក្រអូមមាត់ និង​បំពង់​កលើ ។ ច្រៀង​និង​ហាត់​សំឡេង​ដោយឡែក និង​ជួយ​សាច់ដុំ​ទាំងនេះ​រឹងមាំ​ជាង នឹង​កែប្រែ​ប្រសើរ​ស្ថានភាព​នេះ ។​
​បាតុភូត​ស្រមុក​ពេល​គេង​ច្រើនតែ​ពាក់ព័ន្ធ​ដល់​ភាពមិនប្រក្រតី​ចង្វាក់​ដង្ហើម ។ គ្រោះថ្នាក់​ជាង​នេះ ស្ថានភាព​នេះ​អាចធ្វើ​ឲ្យ​កើន​ហានិភ័យ​បាត់បង់​ជីវិត ក្នុងពេល​គេង​ដោយសារ​ខ្សោយ​ដំណក​ដង្ហើម ។​
​ក្រៅពីនេះ ស្រមុក​ពុំ​គ្រាន់តែ​ជា​បញ្ហា​បុគ្គល តែ​នៅ​ឥទ្ធិពល​ដល់​អ្នក​ជុំវិញ ។ គេង​រួម​គ្រែ​ឬ​រួម​បន្ទប់​ជាមួយ​អ្នក​គេង​ស្រមុក​យូរថ្ងៃ​អាច​នាំ​ដល់​ការ​គេង​មិន​គ្រប់ អស់កម្លាំង និង​ស្ត្រេ​ស ៕​M

ចំណីអាហារ​ពិសេស​សំរាប់​ជួយ​ឲ្យ​ស​ក់មាន​សោ​ភណ្ឌ​ភាព​ស្អាត​

សុភាព​ស្ត្រី​ទាំងឡាយ​បញ្ហា​ដែល​ច្រើនតែ​នាង​ជួបប្រទះ​នោះ គឺ​សក់​ស្ងួត​ហើយ​បែក​ចុង មាន​ទំងន់​ដែល​ជា​ចំណែក​មួយ​ដ៏​ធំំ​បំផុត ។ មនុស្ស​ជាច្រើន​នាក់​បាន​ស្វះស្វែង​រក​ទិញ​ក្រែម​តំលៃ​ថ្លៃ​មក​បំប៉ន​សក់ ខាតបង់​អស់​ថវិកា​មិន​ដឹង​ជា​ប៉ុន្មាន​ទៅ​ហើយ​ទេ ។​

ក៏ប៉ុន្តែ​អ្នកដឹង​ឬ​ទេ​ថា ដោយ​គ្រាន់តែ​អ្នក​ជ្រើសរើស​ទទួលទាន​អាហារ​មាន​ប្រយោជន៍ មាន​រ៉ែ​ធាតុ និង​វីតាមីន​នោះ វា​ក៏​អាចជួយ​បំប៉ន​សរសៃសក់​របស់​អ្នក​បាន ។​
ការអនុវត្តន៍​បែបនេះ គឺជា​ការជួយ​បំប៉ន​សរសៃសក់​ពី​ផ្នែក​ខាងក្នុង​រាងកាយ​យ៉ាង​ពិតប្រាកដ និង​ជួយ​ឲ្យ​សក់​របស់​អ្នក​បាន​ទន់​ស្រស់ស្អាត មាន​សុខភាព​ល្អ ។ ចំណីអាហារ​ដំបូង​ដែល​យើង​លើកយក​មក​ណែនាំ​នោះ គឺ​ចំណីអាហារ​ស៊ុត​ដែល​ជា​អាហារ​ចំបង​របស់​មនុស្ស​គ្រប់​គ្រួសារ​ទាំងអស់ ។ ព្រោះ​ស៊ុតមាន​អាស៊ីដ​អា​មី​ណូ​អេស៊ី​ត ដែល​មាន​ចំណែក​ផ្សំ​នៃ​ស្ពាន់ធ័រ​ជួយ​បង្កើត​ភាពរឹងមាំ​ដល់​សរសៃសក់ និង​អាហារ​ពពួក​​សាច់​ត្រី​ដែល​មាន​អាស៊ីដ​ខ្លាញ់​អូ​មេហ្គា ៣ ជួយ​ឲ្យ​សរសៃស​ក់បាន​រឹងមាំ ព្រមទាំង​ផ្តល់​នូវ​ភាព​ភ្លឺរលោង​ដល់​សរសៃសក់​ទៀតផង ។​

ចំណីអាហារ​បន្ទាប់មក គឺជា​ពពួក​សណ្តែក និង​ធញ្ញជាតិ ព្រោះ​នៅក្នុង​សណ្តែក​មាន​អាស៊ីដ​ខ្លាញ់​ដែល​ចាំបាច់​ចំពោះ​សរសៃសក់​ជាច្រើន ​ប្រភេទ ។ វា​ជួយ​ការពារ​មិន​ឲ្យ​សរសៃសក់​ស្ងួ​ត​បាត់បង់​សំណើម រីឯ​ធញ្ញជាតិ​ជួយ​ឲ្យ​សរសៃស​ក់មាន​ពណ៌​រលើ​ប​រលោង​ស្រស់ស្អាត ។​

ចំណែក​អាហារ​ចុងក្រោយ គឺជា​អាហារ​ប្រភេទ​បន្លែ និង​ផ្លែឈើ បន្លែ​និង​ផ្លែឈើ ដែល​មាន​ពណ៌​ក្រហម​វា​មាន​សារ​បេតា​ការ៉ូ​ទីន វីតាមីន A ជួយ​ប៉ូវ​បំប៉ន​សរសៃសក់​ឲ្យ​រឹងមាំ​មិន​ងាយ​ជ្រុះ ។ គ្រាន់​តែ​លោក​អ្នក​ទទួល​ទាន​អាហារ​ទៅតាម​ការណែនាំ​ក្នុង​បរិមាណ​ដ៏​សមរម្យ ដែល​បាន​រ៉ាយរ៉ាប់​មក​ខាងលើនេះ នោះ​មិន​ចាំបាច់​ងាក​ទៅ​ពឹងផ្អែក​លើ​សារជាតិ​អាហារ​ប៉ូវ បន្ថែម​ឲ្យ​ខាតបង់​ថវិកា​ដោយ​ឥត​ប្រយោជន៍​នោះទេ ៕​

ជិតមានវិធីព្យាបាលមហារីកប្រសិទ្ធភាព

ពួក​អ្នកស្រាវជ្រាវ​ជំងឺ​មហា​រី​ក្រពេញ​ប្រូ​ស្តា​ត​នៅ​សកល​វិទ្យាល័យ Alberta កាណាដា កំពុងអភិវឌ្ឍន៍​ឧបករណ៍​មួយ​ផ្អែកលើ​គ្រាប់ nano ដើម្បី​រកឃើញ និង​កំទេច​ដុំ​គីស ។​
​តាម​ពួក​អ្នកស្រាវជ្រាវ​វិធីសាស្ត្រ​គ្រាប់ nano ត្រូវបាន​ចាត់ទុកថា ប្រសិទ្ធភាព​ជាង​ប្រៀប​នឹង​វិធី​ព្យាបាល​គីមី ឬ​វិធី​ព្យាបាល​មហារីក​សព្វថ្ងៃ ។​
​ទស្សនា​វ​ដ្តី Toronto Sun (​កាណាដា​) ស្រង់​សម្តី​អ្នក​រៀបរៀង John Lewis ថា "​ចំពោះ​បណ្តា​ករណី​មហារីក​ដំណាក់កាល​ដំបូង ឧបករណ៍​នេះ​អាច​ត្រូវបាន​ប្រើប្រាស់​ដើម្បី​រកឃើញ​ដុំ​គីស​កំណាច ។ ចំពោះ​ដំណាក់កាល​បន្ទាប់ យើងខ្ញុំ​កំពុងអភិវឌ្ឍន៍​ឱសថ​មាន​ប្រសិទ្ធភាព​កម្ទេច​ផ្ទាល់​កោសិកា​មហារីក​" ។​
​អ្នកស្រាវជ្រាវ Lewis អះអាងថា វិធី​នេះ​អាច​ត្រូវបាន​អនុវត្ត​សម្រាប់​គ្រប់​សណ្ឋាន​មហារីក គឺ​ពុំ​គ្រាន់តែ​ព្យាបាល​អ្នកជំងឺ​មហារីក​ក្រពេញ​ប្រូ​ស្តា​ត​តែ​ម្យ៉ាង​នោះទេ​" ។​
Fong Cho អ្នកដឹកនាំ​ការស្រាវជ្រាវ​បកស្រាយ​ថា គ្រាប់ nano ត្រូវបាន​ប្រើប្រាស់​ក្នុង​បច្ចេកវិទ្យា nano នេះ​រួមមាន​ការរីក​ចម្រើនប​ច្ចេកទេស​របស់​គ្រាប់ nano មាន​ទំហំ​ស្មើ nanomet (nanomet ស្មើ​១​ភាគ​លាន milimet) ។ ហើយ​គ្រាប់​nano ទាំងនេះ​អាច​ត្រូវបាន​ប្រើប្រាស់​ដូចជា​វិធីសាស្ត្រ​មួយ​រកឃើញ​ដុំ​គីស​ផង និង​កម្ចាត់​កោសិកា​មហារីក​ផង ។​
​ពួក​អ្នកស្រាវជ្រាវ​ឲ្យ​ដឹងថា "​គោលដៅ​របស់​យើងខ្ញុំ​គឺ​អភិវឌ្ឍន៍​វិធីសាស្ត្រ​ព្យាបាល​តម្រង់​ផ្ទាល់​កោសិកា​មហារីក ដូច្នេះ​វា​មិន​បង្ក​អន្តរាយ​ឲ្យ​កោសិកា​ល្អ​ដូច​ពេល​អនុវត្ត​វិធី​ព្យាបាល​គីមី​លើ​អ្នកជំងឺ ។ ប្រាកដ​ណាស់​ថា ឥទ្ធិពល​បន្ទាប់បន្សំរ​បស់​វិធីសាស្ត្រ nano នេះ​ក៏​នឹង​តិចជាង​ប្រៀប​នឹង​វិធី​ព្យាបាល​មហារីក​ទាំងឡាយ​ស​ព្វ​ថ្ងៃ​" ។​
​ក្រៅពី​ការអភិវឌ្ឍន៍​វិធី​ប្រើប្រាស់​គ្រាប់ nano ដើម្បី​ព្យាបាល​មហារីក ពួក​អ្នកស្រាវជ្រាវ​ក៏​រក​វិធី​កំណត់ និង​ទប់ស្កាត់​រាលដាល ស្ថានភាព​រាលដាល​រប​ស់​កោសិកា​មហារីក​ទៅដល់​បណ្តា​ផ្នែក​ផ្សេងៗ​លើ​សរីរាង្គ ដែលជា​មូលហេតុ​បង្ក​ការបាត់​បង់ជីវិត​ជួរមុខ​នៅ​អ្នកជំងឺ​មហារីក ។​
​ប៉ុន្តែ ពួក​អ្នកស្រាវជ្រាវ​ឲ្យ​ដឹងថា ត្រូវការ​ដំណើរការ​បន្ថែម​ការពិសោធ​ន៍​ជាក់ស្តែង​វិធីសាស្ត្រ​នេះ​លើ​សត្វ​មុនពេល​ត្រូវបាន​អនុវត្ត​លើ​មនុស្ស ៕​M

ផ្លែក្រូច​អាច​កាត់បន្ថយ​ហានិភ័យ​ក្នុង​ការកើត​ជំងឺ​ដាច់​សរសៃឈាម​ក្នុង​ខួរក្បាល​របស់​ស្ត្រី​

យោងតាម​ទីភ្នាក់ងារសារព័ត៌មាន​ស៊ិន​ហួរ​ដែល​ដកស្រង់​អត្ថបទ​ទស្សនា​វ​ដ្តី​មួយ​កាលពី​ថ្ងៃ​ព្រហស្បតិ៍​បាន​ឲ្យ​ដឹងថា ក្រុម​អ្នកស្រាវជ្រាវ​បាន​រកឃើញ​សមាសធាតុ​មួយ​នៅក្នុង​ផ្លែក្រូច ទំពាំងបាយជូរ និង ផ្លែក្រូច​ដទៃទៀត​ដែល​អាច​កាត់បន្ថយ​ហានិភ័យ​ក្នុង​ការកើត​ជំងឺ​ដាច់​សរសៃឈាម​ក្នុង​ខួរក្បាល​របស់​ស្ត្រី​បាន។​

​    ​ការស្រាវជ្រាវ​ដែល​ចេញផ្សាយ​ក្នុង​ទស្សនា​វ​ដ្តី American Heart Association ស្តីពី​ជំងឺ​ដាច់​សរសៃឈាម​ក្នុង​ខួរក្បាល បាន​បង្ហាញថា ការសិក្សា​ដ៏​ពោរពេញ​ដោយ​ក្តីសង្ឃឹម​មួយ​នេះ​គឺជា​ការសិក្សា​លើកដំបូង​ហើយ​ ក្នុងចំណោម​កា​រសិក្សា​ជាច្រើន​ដែល​ក្នុងនោះ​ក្រុម​អ្នកស្រាវជ្រាវ​បាន​ពិនិត្យ​មើលឃើញថា​តើ​ការ​ទទួលទាន​សារធាតុ​ហ្លេ​វ៉ូ​ណត (Flavonoid) មាន​ឥទ្ធិ​ពល​យ៉ាងដូចម្តេច​ទៅលើ​ហានិភ័យ​នៃ​ជំងឺ​ដាច់​សរសៃឈាម​ក្នុង​ខួរក្បាល។​

​    ​ការសិក្សា​មុនៗ​បាន​លើកឡើងថា ការ​ទទួលទាន​ផ្លែឈើ និង បន្លែ​ជួយ​ការពារ​ប្រឆាំងនឹង​ជំងឺ​ដាច់​សរសៃឈាម​ក្នុង​ខួរក្បាល ហើយ​មនុស្ស​ជាច្រើន​ជឿថា​សមាសធាតុ​ប្រឆាំង​អុកស៊ីតកម្ម​មួយចំនួន​ដូចជា​សារធាតុ Flavonoid ជាដើម​អាច​ពន្យល់​ចំពោះ​ការលើកឡើង​នេះ​បាន ព្រោះ​សារធាតុ​នេះ​បានបង្ហាញ​ពី​ការជួយ​ឲ្យ​មុខងារ​សរសៃឈាម​កាន់តែ​ប្រសើរឡើង ហើយ​ពួកវា​ក៏មាន​ប្រសិទ្ធិភាព​ប្រឆាំងនឹង​ការ​ហើម​រលាក​ផងដែរ។​

​    ​ក្នុងចំណោម​សមាសធាតុ​ដទៃទៀត សារធាតុ Flavonoid ជួយ​ឲ្យ​ផ្លែឈើ និង បន្លែ​មាន​ពណ៌​សម្បុរ​ស្រស់ថ្លា។ ហើយ​សារធាតុ​នេះ​ក៏ត្រូវ​បាន​រកឃើញ​ក្នុង​ស្ករ​សូកូឡា និង ស្រាក្រហម​ផងដែរ។ នៅក្នុង​ការសិក្សា​ដែល​ទើប​ចេញផ្សាយ​ថ្មីៗ​នេះ​បាន​លើក​ឡើង​ថា សារធាតុ Flavonoid ដែល​ផ្ទុក​ក្នុង​ផ្លែក្រូច​ក្នុង​ចំនួន​មួយ​យ៉ាងច្រើន​ដោយ​គេ​ឲ្យ​ឈ្មោះថា Flavanones ប្រហែលជា​នឹង​ជួយ​ការពារ​ប្រឆាំងនឹង​ជំងឺ​ដាច់​សរសៃឈាម​ក្នុង​ខួរក្បាល​បាន​ច្រើន​បំផុត។​

​    ​ស្ត្រី​ដែល​របប​អាហារ​របស់ខ្លួន​មាន​រួមបញ្ចូល​ទាំង​សារធាតុ Flavanones ក្នុង​កំរិត​ខ្ពស់បំផុត ប្រឈម​ហានិភ័យ​ក្នុង​ការកើត​ជំងឺ​ដាច់​សរសៃឈាម​ក្នុង​ខួរក្បាល​តិចជាង​ស្ត្រី​ដែល​ទទួលទាន​សារធាតុ​នេះ​ក្នុង​ចំនួន​មួយ​ទាប​បំផុត​រហូតដល់ ១៩ ភាគរយ។​

​    ​លោកស្រី​អេ​ឌី​ន ខាស​ស៊ីន​ឌី ជា​អ្នកដឹកនាំ​ការនិពន្ធ​ការសិក្សា​នេះ និង ជា​សាស្ត្រាចារ្យ​ជំនាញ​ខាង​ចំណីអាហារ​នៅ​សាកលវិទ្យាល័យ University of East Anglia នៅ​អង់គ្លេស​បាន​និយាយថា "​ការសិក្សា​របស់​យើង​គាំទ្រ​នូវ​សេចក្តីសន្និដ្ឋាន​ដែលថា សារធាតុ Flavanones មាន​ជាប់​ពាក់ព័ន្ធ​នឹង​ការកាត់បន្ថយ​ហានិភ័យ​ក្នុង​ការកើត​ជំងឺ​ដាច់​សរសៃឈាម​ក្នុង​ខួរក្បាល​ដ៏​សម​ហេតុផល។ សារធាតុ Flavonoid ត្រូវបាន​គេ​ជឿថា​​ផ្តល់នូវ​ការការពារ​មួយចំនួន​តាមរយៈ​យន្តការ​ជាច្រើន ក្នុងនោះ​រួមមាន ការជួយ​ធ្វើ​ឲ្យ​មុខងារ​សរសៃឈាម និង ប្រសិទ្ធិភាព​ប្រឆាំងនឹង​ការ​ហើម​រលាក​កាន់​តែមាន​ភាពប្រសើរឡើង "។​

​    ​ការសិក្សា​នេះ​និយាយថា សារធាតុ Flavanones សម្បូរ​នៅ​ផ្លែក្រូច​ពោធិ៍សាត់​និង​ទឹក​ផ្លែក្រូច​ពោធិ៍សាត់ (៨២%) និង ផ្លែ​ទំពាំងបាយជូរ​និង​ទឹក​ទំពាំងបាយជូរ (១៤%)។ ទោះជា​យ៉ាងណាក៏ដោយ ក្រុម​អ្នកស្រាវជ្រាវ​បាន​ណែនាំ​ឲ្យ​ទទួលទាន​ផ្លែក្រូច​ជាជាង​ទទួលទាន​ទឹក​ផ្លែក្រូច​ដោយសារតែ​ទឹក​ផ្លែឈើ​កំប៉ុង​មាន​ផ្ទុក​ជាតិ​ស្ករ​ច្រើន៕

Immunovaccine សម្រេចជោគជ័យការពិសោធន៍ជំហានទី១ DPX-0907 ដែលជាវ៉ាក់សាំងព្យាបាលរោគមហារីក

តាម​ការប្រកាស​របស់​ក្រុមហ៊ុន Immunovaccine ឲ្យ​ដឹងថា ការពិសោធន៍​លើ​មនុស្ស​២៣​នាក់ ដោយ​ការចាក់​វ៉ាក់សាំង DPX ក្នុង​កម្រិត ០,២៥ml និង 1ml ក្រោម​ស្បែក​៣​លើក ចន្លោះ​គ្នា​៣​សប្តាហ៍។​
​លទ្ធផល​គឺ​សុវត្ថិភាព និង​ប្រសិទ្ធិភាព​ល្អប្រសើរ​ណាស់ ក្នុងការ​ព្យាបាល​ជំងឺមហារីក​សុដន់ និង​មហារីក​ក្រពេញ​ប្រូ​ស្តា​ត។ ប​ច្ចុ​ប្ប​ក្រុមហ៊ុន​នេះ បានទទួល​អាជ្ញាប័ណ្ណ​ពី FDA។ អាជ្ញាប័ណ្ណ​នេះ​បានទទួល​ស្គាល់​អង់​ទី​ហ្សែ​ន ៧​ក្នុង Immunovaccine DPF-0907 គឺជា​វ៉ាក់សាំង​ព្យាបាល​មហារីក សម្រាប់​អ្នកជំងឺ​មហារីក​សុដន់ មហារីក​ស្បូន និង​មហារីក​ក្រពេញ​ប្រូ​ស្តា​ត។​
​ជំហាន​អភិវឌ្ឍន៍​បន្ត​របស់​វ៉ាក់សាំង​នេះ នឹងត្រូវ​បានធ្វើ​នៅ​ប្រទេស​អ៊ីតាលី បំណង​ពិសោធន៍​ប្រសិទ្ធភាព​របស់​វ៉ាក់សាំង DPF-0907 ទៅលើ​ការព្យាបាល​មហារីក​ផ្សេងទៀត៕​M

​សម្រក​ទម្ងន់ បន្ថយ​ការ​ប្រឈម​នឹង​មហារីក​សុដន់​

ការសិក្សា​មួយ ដែល​ធ្វើឡើង​ដោយ​អ្នកជំនាញ​មក​ពី​មជ្ឈមណ្ឌល​ស្រាវជ្រាវ​មហារីក ហ្វ្រេដ​ហាត់ជី​ន​សុន (Fred Hutchinson Canser Research Center) បានឲ្យដឹងថា ស្ត្រី​ដែល​ស្រក​ទម្ងន់ អាច​បន្ថយ​ការ​ប្រឈម​នឹង​ជំងឺមហារីក​សុដន់​បាន​។


​​ការសិក្សា​នេះ បាន​ចុះផ្សាយ​លើ​ព្រឹត្តិបត្រ Clinical Oncology​។ អ្នកសិក្សា​ទាំងនោះ បាន​រកឃើញថា ការ​ស្រក​ទម្ងន់​បាន​ប្រហែល ៥% នៃ​ទម្ងន់​ខ្លួន​សរុប អាច​ជួយ​បន្ថយ​កម្រិត​អ័រម៉ូន អេ​ស្ត្រូ​ចេ​ន (Estrogen) ដែល​ជា​អ័រម៉ូន ធ្វើឲ្យ​អ្នក​ប្រឈម​នឹង​ជំងឺមហារីក​សុដន់​។

 

ក្រៅពីនេះ ការ​សម្រក​ទម្ងន់ ដោយ​ការ​ហាត់ប្រាណ រួមជាមួយ​នឹង​ការ​តម​អាហារ​ប្រភេទ​ខ្លះ អាច​ជួយ​សម្រក​ទម្ងន់ អ័រម៉ូន អេ​ស្ត្រូ​ចេ​ន និង​អេស្ត្រាឌី​អូ​ល (Estradiol) បាន​ល្អ​បំផុត រហូតដល់ ២០,៣%៕​

ហាត់ប្រាណទៀងទាត់ នឹងឈ្លាសវៃជាង

​ដោយ​គ្រាន់តែ​ហាត់ប្រាណ​៣០​នាទី​ក្នុង​១​ថ្ងៃ អាច​ប្រែក្លាយ​អ្នក​ទៅជា​មនុស្ស​ឈ្លាសវៃ​ម្នាក់ ។​
​នេះ​ជា​លទ្ធផល​ស្រាវជ្រាវ​ថ្មី​បំផុត របស់​សកល​វិទ្យាល័យ​តិច​សាស អាមេរិក ។ តាម​ជំនាញការ Althea Shah នោះ "​ហាត់ប្រាណ​កែប្រែ​សភាព​ផ្លូវចិត្ត​របស់​អ្នក ។ វា​ដូចជា​ឱសថ​ប្រឆាំង​រោគ​ផ្លូវចិត្ត​១ ជួយ​កែប្រែ​ឲ្យ​ប្រសើរឡើង​១​រំពេច​សភាព​ផ្លូវចិត្ត​របស់​អ្នក ។ ក្រៅពីនេះ​វា​ក៏​ជួយ​អ្នកប្រមូល​ផ្តុំ​ទៅក្នុង​របស់​ដែល​អ្នកធ្វើ ។ ដូច្នេះ​ហាត់ប្រាណ​រាល់ថ្ងៃ​ពុំ​ត្រឹមតែ​ល្អ​សម្រាប់​សុខភាព​ប៉ុណ្ណោះ​ទេ តែ​វា​នៅ​ធ្វើ​ឲ្យ​អ្នក​ឈ្លាសវៃ​ជាង និង​ជឿជាក់​លើ​ខ្លួនឯង​ជាង​" ។​
-​បង្កើន​ថាមពល​
​អ្នកមាន​ដឹង​ទេ​ថា កាន់តែ​ធ្វើ​ចលនា​អ្នក​នឹងមាន​អារម្មណ៍​ពោរពេញ​ដោយ​ថាមពល​ជាង ។ យើងទាំងអស់គ្នា​តែង​គិតថា ការ​បន្លាស់​ទី​ច្រើនពេក ឬ​ហាត់ប្រាណ​ច្រើន​អាចធ្វើ​ឲ្យ​អ្នកមាន​អារម្មណ៍​អស់កម្លាំង និង​វិលមុខ ។ តែ​ការពិត គឺ​ហាត់ប្រាណ​ជាប្រចាំ​ជួយ​កែប្រែ​ឲ្យ​ប្រសើរ​សុខភាព​សាច់ដុំ​របស់​អ្នក និង​បង្កើន​ភាព​ទ្រាំទ្រ​របស់​ខ្លួនឯង ។ ពេល​សរីរាង្គ​ធ្វើ​សកម្មភាព និង​ផ្គត់ផ្គង់​ឲ្យ​អ្នក​នូវ​ថាមពល ដើម្បី​អ្នក​ត្រិះរិះ​បញ្ហា​មួយ​ច្បាស់លាស់​ជាង និង​លើកឡើង​គំនិត​ថ្មីៗ ។ ប្រសិន​អ្នក​ហាត់ប្រាណ​១៥​នាទី វា​នឹងធ្វើ​ឲ្យ​សរីរាង្គ​អ្នក​ផលិត​ថាមពល​ច្រើនជាង ។​
-​បង្កើន​ការប្រមូលផ្តុំ​
​បណ្ឌិត John Ratey អ្នកដឹកនាំ​ការស្រាវជ្រាវ​ឲ្យ​ដឹងថា ៖ ហាត់ប្រាណ​ជួយ​កែប្រែ​ឲ្យ​ប្រសើរ​ខួរក្បាល​របស់​អ្នក​ក្នុង​រយៈពេល​ខ្លី ដោយ​វិធី​បង្កើន​ការប្រមូលផ្តុំ 2-3 ម៉ោង បន្ទាប់ពីនោះ ។ ឧទាហរណ៍ ប្រសិន​អ្នកមាន​បទ​ថ្លែងការណ៍ ឬ បាឋកថា ត្រូវការ​មានការ​ប្រមូលផ្តុំ ចូរ​អ្នក​ប្រឹងប្រែង​ហ្វឹកហាត់​១​ម៉ោង​មុន​នោះ ។ ហាត់ប្រាណ​យូរអង្វែង នឹង​ជួយ​អ្នកប្រឆាំង​ទប់ទល់​ភាពចំណាស់​ខួរក្បាល ឬ​ជំងឺ Alzheimer ព្រោះថា ពេល​ហាត់ប្រាណ​ជួយ​ឲ្យ​ឈាម​បាន​បូម​ឡើង​ខួរក្បាល​ល្អ ។​
-​បង្កើន​សភាព​ផ្លូវចិត្ត​
​ហាត់ប្រាណ​ជួយ​បង្កើតជា endorphins កែប្រែ​ប្រសើរឡើង​មុខងារ​ខួរក្បាល​របស់​អ្នក ។ ដូច្នេះ ក្រោយពេល​អ្នក​ហាត់ប្រាណ​សមត្ថភាព​រៀប​ចំ​របស់​អ្នក​ត្រូវបាន​កែប្រែ​ប្រសើរឡើង ។ រឿងនេះ​អនុញ្ញាត​ឲ្យ​អ្នក​ទប់ស្កាត់​ការរំខាន​ក្នុង​ជីវិត និង​ជួយ​អ្នកប្រមូល​ផ្តុំ​ល្អ​ជាង​ទៅក្នុង​ភារកិច្ច​ប្រចាំថ្ងៃ ។​
-​កែប្រែ​ការចងចាំ​ឲ្យ​ល្អប្រសើរ​
​ខួរក្បាល​របស់​អ្នក​ស្តុក​ទិន្នន័យ​បាន​ច្រើនជាង​ពេល​សរីរាង្គ​កំពុង​ធ្វើ​សកម្មភាព ។ ក្នុងការ​ពិសោធន៍​មួយ​ថ្មីៗ​នេះ និស្សិត​ត្រូវបាន​សំណូមពរ​ចងចាំ​ព្យញ្ជនៈ​១​ខ្សែ ។ រួចហើយ​ត្រូវបាន​ចែកចេញជា​២​ក្រុម ក្រុមទី​១ ត្រូវបាន​ឲ្យ​រត់​លើក​ដុំ​ដែក​... ក្រុមទី​២​អង្គុយ​ស្ងៀមស្ងាត់ ។ បន្ទាប់មក​ត្រួតពិនិត្យ​លទ្ធផល​ចងចាំ ។ និស្សិត​ហាត់ប្រាណ​ឆ្លើយបាន​ចម្លើយ​ច្បាស់លាស់​ជាង​ប្រៀប​នឹង​និស្សិត​អង្គុយ​ស្ងៀម ៕​M

ងាយធាត់​ ដោយសារខ្វះបាក់តេរីផ្លូវពោះវៀន

៖​បាក់តេរី​ផ្លូវ​ពោះវៀន ពាក់ព័ន្ធ​ដល់​ជំងឺ​ធាត់​
​ការស្រាវជ្រាវ​១​ថ្មីៗ​នេះ បាន​បង្ហាញថា អ្នក​ខ្វះ​បាក់តេរី​មាន​ប្រយោជន៍ ក្នុង​ពោះវៀន ងាយ​កើត​ជំងឺ​ធាត់​, ទឹកនោមផ្អែម​, សរសៃឈាម​បេះដូង និង​បញ្ហា​អំពី​កូ​ឡេ​ស្តេ​រ៉ូ​ល​។​
​អ្នក​រៀបរៀង​ការស្រាវជ្រាវ បាន​ឲ្យ​ដឹងថា គំហើញ​នេះ ជា​កក្តា​សំខាន់​ជួយ​ដោះស្រាយ​បញ្ហា​សុខភាព​របស់​សហគម​ន៍​អន្តរជាតិ -​ជំងឺ​ធាត់ ។ ជំងឺ​ធាត់ ត្រូវបាន​ព្យាករណ៍​នឹង​ឥទ្ធិពល​ដល់​មនុស្ស​ជាង ៧០០ លាន​នាក់ លើ​ពិភពលោក នៅ​ឆ្នាំ​២០១៥, កើន ៣០០ លាន​នាក់ ក្នុង​រង្វង់ ១ ទសវត្សរ៍ ។​
​ក្រុម​អ្នកស្រាវជ្រាវ​ជាតិ​បាន​ប្រៀបធៀប​ពពួក​បាក់តេរី​ផ្លូវ​ពោះវៀន ក្នុង​សរីរាង្គ​របស់​មនុស្ស​ធាត់ ១៦៩ នាក់ និង​មនុស្ស​មិន​ធាត់ ១៨៣ នាក់ នៅ​ដា​ណឺ​ម៉ាក ។ ក្នុងចំណោម​មនុស្ស ២៩២ នាក់​នេះ​, ៧៣ នាក់ មាន​បរិមាណ​បាក់តេរី​ផ្លូវ​ពោះវៀន​តិចជាង ៤០% ប្រៀប​នឹង​កម្រិត​មធ្យម​, អ្នក​ទាំងនេះ មានលទ្ធភាព​ត្រូវ​ធាត់ និង​ត្រូវ​រលាក​ផ្លូវ​ពោះវៀន ។​
​ក្នុងចំណោម​មនុស្ស​ធាត់ អ្នកមាន​បាក់តេរី​ផ្លូវ​ពោះវៀន​ច្រើន នឹង​ពុំ​សូវ​មាន​លទ្ធ​ភព​រីកចម្រើន​ជំងឺ​សរសៃឈាម​បេះដូង និង​ជំងឺ​ទឹកនោមផ្អែម ។​
​ពួក​អ្នកស្រាវជ្រាវ​ឲ្យ​ដឹងថា គេ​នឹង​បន្ត​ស្រាវជ្រាវ​ជាង អំពី​បញ្ហា​នេះ ហើយនឹង​ស្រាវជ្រាវ​ក្រុមមនុស្ស​ជាច្រើន​នៅ​បណ្តា​ប្រទេស​ផ្សេងៗ ។​
​លោក Stanislas Dusko Ehrlich នៅ​វិទ្យាស្ថាន​ស្រាវជ្រាវ​កសិកម្ម​ជាតិ​បារាំង (INRA) ចាត់ទុកថា ការពង្រីក​ការស្រាវជ្រាវ​នេះ នឹង​អាច​កំណត់​នូវ​ហានិភ័យ និង​វិធី​តុល្យភាព​បាក់តេរី ដើម្បី​ទប់ស្កាត់​ជំងឺ​ធាត់ ៕M​

​អាហារ​ចៀន បង្ក​ឲ្យ​បាត់​ការចងចាំ​

ក្រុម​អ្នកស្រាវជ្រាវ​នៃ​សកល​វិទ្យាល័យ​វេជ្ជសាស្ត្រ ញ៉ូ​វ​យ៉​ក បានបង្ហាញ​ពី​លទ្ធផល នៃ​ការស្រាវជ្រាវ​របស់ខ្លួន​ថា របប​អាហារ​ចៀន ប្រមូលផ្តុំ​ទៅដោយ​សារជាតិ​ម្យ៉ាង ដែល​គេ​ហៅថា AGEs ។ វា​ត្រូវបាន​បង្កើតឡើង នៅពេល​ជាតិ​ខ្លាញ់ , ប្រូតេអ៊ីន និង​ស្ករ ប្រតិកម្ម នៅក្នុង​សីតុណ្ហភាព​ខ្ពស់ ពិសេស​វា​ត្រូវបាន​រកឃើញ​ច្រើន នៅក្នុង​សាច់​អាំង , សាច់ក្រក , ភី​ហ្សា និង​ប៊ឺ​ហ្គើ​រ ។

​ក្រុម​អ្នកស្រាវជ្រាវ បាន​តាមដាន​មើល​សត្វ​កណ្តុរ​ពិសោធន៍​មួយក្រុម ដែល​ត្រូវបាន​ឲ្យ​ស៊ី​អាហារ មាន​ផ្ទុក AGEs និង​មួយក្រុម​ទៀត ឲ្យ​ស៊ី​អាហារ​ផ្ទុក AGEs ពាក់កណ្តាល​(​ក្រុម​១)​។ បរិមាណ​កាឡូរី​នាំចូល គឺ​ស្មើគ្នា តែ​ក្រុម​កណ្តុរ​ទី​១ រកឃើញ​កើត​បញ្ហា អំពី​ការចងចាំ​ច្រើនជាង​។ ទន្ទឹម​នោះ ក្នុង​ខួរក្បាល​ពួកវា មាន​ផ្ទុក​ច្រើន beta-amyloid សណ្ឋាន​ប្រូតេអ៊ីន​មួយ បង្ក​ជា​ជំងឺ Alzheimer ។ លទ្ធផល​នៃ​ការពិសោធន៍​លើ​មនុស្ស ក៏​ដូចគ្នា​ដែរ ។

​ក្រុម​អ្នកស្រាវជ្រាវ បាន​ត្រួតពិនិត្យ​លើ​ក្រុមមនុស្ស​ចូលនិវត្តន៍ មាន​សុខ​ភាពល្អ ហើយ​លទ្ធផល បង្ហាញថា អ្នកមាន​បរិមាណ AGEs ខ្ពស់ ប្រែជា​ឆាប់​ភ្លេច​ព្រឹត្តិការណ៍​ទាំងឡាយ ក្នុង​ប៉ុន្មាន​ខែ ជិតៗ​បំផុត ។ យោង​លើ​លទ្ធផល​នេះ ក្រុម​អ្នកស្រាវជ្រាវ បាន​សំណូមពរ​ដល់​មនុស្ស​គ្រប់គ្នា កាត់បន្ថយ​របប​អាហារ​ចៀន ព្រោះ​វា​នឹង​អាចជួយ​កាត់បន្ថយ​ហានិភ័យ នៃ​ការកើត​ជំងឺ​ភ្លេចភ្លាំង ។​

​ពួក​អ្នកជំនាញការ បានផ្តល់​ដំបូន្មាន​ថា មនុស្ស​គ្រប់គ្នា គួរ​បរិភោគ​អាហារ​ចំហុយ ឬ ស្ងោរ ជាជាង​ចៀន ឬ អាំង ពីព្រោះ​អាហារ​ចៀន និង​អាំង ពិតជា​មិនល្អ សម្រាប់​សុខភាព​នោះទេ ៕M/V/L

​បន្ថយ​អំបិល​ដើម្បី​បង្ការ​មហារីក​

តាម​មូលនិធិ​ស្រាវជ្រាវ​មហារីក​ពិភពលោក (World Cancer Research Fund-WCRF)​បាន​អះអាងថា ការបន្ថយ​អាហារ​មាន​រសជាតិ​ប្រៃ អាចធ្វើឱ្យ​ថយចុះ​គ្រោះថ្នាក់​រីកចម្រើន​មហារីកក្រពះ​។​
WCRF បានឱ្យដឹងថា នៅ​ប្រទេស​អង់គ្លេស ចំនួន​១​ភាគ​៧​នៃ​ករណី​មហារីកក្រពះ អាច​បង្ការ​បាន​អាស្រ័យ​ដោយ​ការប្រព្រឹត្ត​តាម​ការណែនាំ​រាល់ថ្ងៃ​។ តាម​ការស្រាវជ្រាវ​មហារីក​នៅ​អង់គ្លេស​នោះ តួលេខ​នេះ នៅ​ខ្ពស់​ជាងនេះទៅទៀត​។​
បរិមាណ​អំបិល​ត្រូវបាន​សំណូមពរ​ប្រើ​រាល់ថ្ងៃ គឺ​៦​ក្រាម (​ប្រមាណ​មួយ​ស្លាបព្រា​តូច​) ប៉ុន្តែ WCRF បានឱ្យដឹងថា មនុស្ស​ជាច្រើន​កំពុង​ទទួលទាន​ជាមួយ​បរិមាណ​អំបិល គឺ​៨,៦​ក្រាម ក្នុង​មួយថ្ងៃ​។​
​នៅ​អង់គ្លេស ក្នុង​មួយឆ្នាំៗ មាន​ប្រមាណ​៦.០០០​ករណី​មហារីកក្រពះ​។ WCRF ប៉ាន់​ស្មានថា ១៤​ភាគរយ (​ប្រមាណ​៨០០​ករណី​)​អាច​បង្ការ​បាន ប្រសិនបើ​គ្រប់គ្នា ទទួលទាន​អំបិល​តែ​៦​ក្រាម ក្នុង​មួយថ្ងៃ​។ ទទួលទាន​អំបិល​ច្រើនពេក គឺ​មិនល្អ​សម្រាប់​សម្ពាធ​ឈាម អាច​បណ្តាលឱ្យ​កើត​ជំងឺ​បេះដូង និង​ស្ត្រូ​ក​។ វា​ក៏​អាចជា​មូលហេតុ​នៃ​ការបង្ក​ឲ្យ​កើត​ជំងឺមហារីក​ផងដែរ​។​
​លោក Kate Mendoza នាយក​ព័ត៌មាន​សុខភាព​របស់ WCRF បានឱ្យដឹងថា "​មហារីកក្រពះ ពិបាក​ព្យាបាល​ឲ្យ​បាន​ជោគជ័យ​ណាស់ ព្រោះ​ករណី​ភាគច្រើន​មិនដឹងថា​ខ្លួន​កើត​ជំងឺ​ក្នុង​រយៈពេល​ដ៏​វែង​មួយ​"​។ លោក​ក៏​សង្កត់ធ្ងន់ថា គួរ​ជ្រើសរើស​របៀបរបប​រស់​នៅ​បង្ការ​ជំងឺ​នេះ ដូចជា​បន្ថយ​បរិមាណ​អំបិល​ទទួលទាន ទទួលទាន​បន្លែ និង​ផ្លែឈើ​ច្រើន​៕

​ទឹកកក​ជួយ​បំបាត់​ការឈឺចាប់​

ទឹកកក ក៏​អាច​ប្រើ​បន្ថយ​អាការ​ជំងឺ​ផ្សេងៗ​បាន​ងាយ មាន​សុវត្ថិភាព សន្សំសំចៃ​។ គុណសម្បត្តិ​របស់​ទឹកកក គឺ​ភាព​ត្រជាក់ ដែល​ជួយ​បន្ថយ​ភាព​ហើម ឈឺរ​លា​កបាន​។

​ចំណុច​សំខាន់​នៃ​ការបំបាត់​អាការ​បែបនេះ គឺ​ការ​ស្អំ​បរិវេណ​ដែល​ឈឺ​ហើម ឬ​រងរបួស​ភ្លាមៗ ដើម្បី​ជួយ​ឲ្យ​កើត​ប្រសិទ្ធភាព ក្នុង​ការបន្ថយ​ការបំផ្លាញ​របស់​កោសិកា មុនពេល​ដែល​អា​ការឈឺចាប់​នឹង​ធ្ងន់ធ្ងរ​ឡើង ដោយ​យក​កន្សែងពោះគោ រុំ​ទឹកកក​ក្នុង​ថង់ យក​មក​ស្អំ​ត្រង់​បរិវេណ​ដែល​មាន​អាការ​ឈឺចាប់​ផ្សេងៗ​ដូចខាងក្រោម​៖

-​ឈឺ​សាច់ដុំ សន្លាក់ ថ្លោះ គ្រេច​: ទឹកកក នឹង​ធ្វើឲ្យ​មាន​អារម្មណ៍​ធូរស្បើយ បរិវេណ​សាច់ដុំ​ដែល​តានតឹង ឬ​ឈឺចាប់ ព្រោះ​វា​ជួយ​បន្ថយ​ការរីក​របស់​សរសៃឈាម​។​

-​ឈឺ​ខ្នង​: អាការ​នេះ ជា​បញ្ហា​ភាគច្រើន​របស់​ស្ត្រី ដោយសារ​ការ​ធ្វើ​ការងា​រ​ផ្ទះ ឬ​ថែ​សួន​។ ភាព​ត្រជាក់ អាច​ជួយ​បន្ថយ​អាការ​ឈឺ​បាន ដោយ​ត្រូវ​ស្អំ​ទឹកកក​ភ្លាម ក្រោយ​ធ្វើ​ការងារ​ដែល​ត្រូវ​ឱន​-​ងើបៗ ឬ​លើ​ក​របស់​ធ្ងន់​។​

-​ឈឺ​ក្បាល​ប្រកាំង​: ស្ត្រី​ស្ទើរ​គ្រប់គ្នា តែងតែ​ជួបប្រទះ​អា​ការឈឺ​ក្បាល ជាពិសេស​អំឡុង​ពេល​ម​ក​រដូវ​។ សាកល្បង​គេង​រាប​លើ​កម្រាល ប្រមាណ ៥-១០​នាទី រួច​ស្អំ​ក្រណាត់​រុំ​ទឹកកក បរិវេណ​ខាងក្រោយ​កញ្ចឹងក ថ្ងាស ឬ​សៀតផ្កា​។ ភាព​ត្រជាក់ នឹង​ជួយ​បន្ថយ​អាការ​ហើម និង​អា​ការឈឺ​ក្បាល​បាន ថែម​ទាំង​បន្ថយ​ផលប៉ះពាល់​ផ្សេងៗ ពី​អា​ការឈឺ​ក្បាល​ប្រកាំ​ង (​ឈឺ​មួយ​ចំហៀង​ក្បាល​) ដោយ​មិនបាច់​លេបថ្នាំ​ទៀតផង​៕​

​ចំណុច​គួរ​យល់​ដឹង ៤​ប្រការ មុន​ប្រើ​សំឡី​អនាម័យ​

សំឡី​អនាម័យ គឺជា​របស់​ចាំបាច់​បំផុត​របស់​ស្ត្រី​គ្រប់ៗ​រូប ប៉ុន្តែ​សុភាពនារី​គ្រប់រូប អាច​មិន​ដឹង​បាន​ថា តើ​ត្រូវ​ប្រើ​សំឡី​អនាម័យ​ដូចម្តេច ដើម្បី​ឲ្យ​ចៀស​ឆ្ងាយ​ពី​រោគ​ផ្សេងៗ​។​

១-​ឧស្សាហ៍​ប្តូរ​យ៉ាងតិច​ពីរ​បន្ទះ​
​ភាព​ផ្អាប់​សើ​ម នឹង​ធ្វើឲ្យ​បាក់តេរី​នៅក្នុង​សំឡី​អនាម័យ វិវត្តន៍​បានល្អ រហូត​ទាល់តែ​អាច​ធ្វើឲ្យ​អ្នក​ឆ្លង​មេរោគ​ក្នុង​ទ្វារមាស ហើយ​ប្រសិនបើ​វា​ប្រមូលផ្តុំ​យូរៗ​ទៅ នឹង​បង្ករ​ទៅ​ជា​ជំងឺ​មហារីក​មាត់ស្បូន​។​

២-​ចៀសវាង​កន្លែង​សើមៈ​
​មិន​ត្រូវ​រក្សាទុក​សំឡី​អនាម័យ​នៅក្នុង​បន្ទប់ទឹក បើទោះបីជា​បាន​រក្សាទុក​ក្នុង​ថត​ឆ្ងាយ​ពី​រ៉ូ​ប៊ីណេ​ទឹក​ហើយ​ក៏​ដោយ ពីព្រោះ​សាច់​ក្រណាត់​សំឡី​ដែល​ទន់ៗ បឺត​ស្រូប​យក​ជាតិ​សើម​បាន​សម​ជាង​កន្លែង​សប្បាយ​របស់​មេរោគ​បំផុត​។ ដូច្នេះ​ដើម្បី​សុវត្ថិភាព គួរតែ​រក្សាទុក​សំឡី​អ​នា​ម័នៅកន្លែង​ស្ងួត​ល្អ​ដូចជា ក្នុង​ទូ​សម្លៀកបំពាក់​ជា​ដើម​។​


៣-​អាន​កាលបរិច្ឆេទ​ផុត​កំណត់ប្រើៈ​
​លទ្ធផល​នៃ​ការស្រាវជ្រាវ​មួយ អ្នកវិទ្យាសាស្ត្រ បាន​រកឃើញថា មាន​ស្ត្រី​មិន​ដល់​មួយ​ភាគរយ ដែល​បាន​សង្កេតមើល ថ្ងៃ ខែ ផុតកំណត់​ប្រើប្រាស់ របស់​សំឡី​អនាម័យ​។ បើទោះជា​វា​ដូចគ្នា​នឹង​ទំនិញ​ផ្សេងៗ ពោល​គឺ​កាន់តែ​ជិត​ដល់​ថ្ងៃ​ផុតកំណត់​ប្រើ នោះ​គុណភាព​កាន់តែ​ចុះថយ​។

៤-​សំឡី​អនាម័យ​ជប់​ខ្លាំង ប្រយោជន៍​តិចៈ​
​ស្ត្រី​ខ្លះ​ចូលចិត្ត​ប្រើ​សំឡី​អនាម័យ​ជា​ប្រភេទ​បឺត ជប់​ខ្លាំង ដើម្បី​មិនចាំបាច់​ប្តូរ​ពេញ​មួយថ្ងៃ​។ សូមជម្រាបថា នេះ​ជា​គំនិត​ដ៏​គ្រោះថ្នាក់​បំផុត ពីព្រោះ​ឈាមរដូវ ជា​អាហារ​របស់​បាក់តេរី ដូច្នេះ​គោលការណ៍​ប្រើ​សំឡី​អនាម័យ​ដ៏​ត្រឹមត្រូវ គឺ​ត្រូវ​ប្តូរ​រៀងរាល់ ២​ម៉ោង​ម្តង ដើម្បី​ឲ្យ​ទ្វារមា​សស្អាត មិន​សើម​ផ្អាប់ ហើយ​វិធី​នេះ​ជួយ​កាត់បន្ថយ​ឱកាស​កើត​មហារីក​មាត់ស្បូន​បាន​មួយ​ផ្នែក​ទៀត​ផង​៕

​ការថែទាំ​សុខភាព​បេះដូង

ការ​ហាត់ប្រាណ​សម្រាប់​បេះដូង និង​សរសៃឈាម អាច​ផ្តល់​ផលប្រយោជន៍​ទាំង​បេះដូង និង​សួត​។ លើសពីនេះទៅទៀត ការ​ហាត់ប្រាណ នៅ​ជួយ​បញ្ជូន​ឈាម​ដែល​មាន​អុកស៊ីហ្សែន ទៅកាន់​សាច់ដុំ​ផងដែរ​។​

​ក្រៅ​ពី​គេ​បាន​រកឃើញថា ការ​ហាត់ប្រាណ ជួយ​ឲ្យ​បេះដូង អាច​ទប់ទល់​ជាមួយ​ភាព​តប់ប្រមល់​បាន​ហើយ​នោះ គេ​នៅ​បាន​រកឃើញ​ថែម​ទៀត​ថា ការ​ហាត់ប្រាណ​បែប​អេរ៉ូប៊ិក នៅ​ជួយ​កាត់បន្ថយ​អាការរោគ​បេះ​ដូង​បាន​ទៀតផង​។​

​ចំណែក​ដំបូន្មាន​ដែល​ជា​មាត្រដ្ឋាន​ក្នុងការ​ហាត់ប្រាណ​ដើម្បី​សុខភាព​បេះដូង​វិញ គឺ​ហាត់​តែម្តង ៣០​នាទី ក្នុង​មួយ​សប្តាហ៍​ចំនួន ៥​ថ្ងៃ​។ ការសិក្សា​ស្រាវជ្រាវ​ធ្វើឡើង​ដោយ​សាកលវិទ្យាល័យ​មួយ​ក្នុង​ប្រទេស​កាណាដា គេ​បាន​រកឃើញថា ការ​ជិះ​កង់​ប្រភេទ​លឿន​បំផុត​រយៈពេល ១០​នាទី ហើយ​សម្រាក ១​នាទី ក្នុង​មួយ​សប្តាហ៍ ៣​ថ្ងៃ មាន​ប្រសិទ្ធភាព​ជួយ​បង្ហាប់​សាច់ដុំ​ប្រហែល​នឹង​ការ​ជិះ​កង់​រយៈពេល​យូរ​។ អ្វី​ដែល​ល្អ​ជាង​នេះ ទៅទៀត គឺ​ហាត់ប្រាណ​ប្រភេទ​ខ្លាំង វា​ជួយ​ធ្វើឲ្យ​សរសៃឈាម​សាច់ដុំ កោសិកា​រីក​មាឌ ដែល​លក្ខណៈ​បែបនេះ ជួយ​កាត់បន្ថយ​អត្រា​ប្រឈម​នឹង​រោគ​បេះ​ដួង ទឹកនោម​ផ្អែម​។​

*​អាហារ​ថែបំប៉ន​បេះដូងៈ​
​សមាគម​បេះដូង​ក្នុង​ប្រទេស​អង់គ្លេស បាន​ប្រាប់ថា គ្រាប់សណ្តែក​ខ្លះ ផ្តល់​ប្រយោជន៍​ដល់​ការ​លំហូរ​ចេញ​នូវ​សារធាតុ​ផ្សេងៗ ដោយ​សន្សឹម និង​មាន​ផល​ល្អ​ដល់​បេះដូង​។ ផលិតផល​ពី​សណ្តែកសៀង អាច​ជួយ​កាត់បន្ថយ​ជាតិ​ខ្លាញ់​នៅក្នុង​សរសៃឈាម ឲ្យ​ថយចុះ​។ ការ​ទទួលទាន​ប្រូតេអ៊ីន សណ្តែកសៀង ក្នុង​១​ថ្ងៃ ២៥​ក្រាម អាច​ជួយ​កាត់បន្ថយ​បេះដូង បាន​រហូត​ដល់ ១០​ភាគរយ​។​

*​ជ្រើសរើស​ត្រី​ស្រស់ៈ​
​គួរ​ជ្រើសរើស​អាហារ​ដែល​មាន ម៉ាក់​នី​ស្យូម​ខ្ពស់​ដូច​ជា សណ្តែក បន្លែ ពណ៌​បៃតង ហូល​ក្រេន ត្រី និង​អាហារ​សមុទ្រ​។ ម៉ាក់​នី​ស្យូម មាន​សារសំខាន់​ក្នុងការ​ផលិត​ថាមពល​ដល់​សាច់ដុំ​បេះដូង ព្រមទាំង​ជួយ​ថែ​ចង្វាក់បេះដូង​ឲ្យ​លោត​ធម្មតា​ទៀតផង​។​

​ការ​ទទួលទាន​អាហារ​ដើម្បី​សុខភាព​មាន​ផល​ល្អ​ជាង​ការ​ស្លៀកខោ​ខូវប៊យ​រឹប​ខ្លួន ព្រោះ​វា​ជួយ​ភ្ញោ​ច​សុខភាព​បេះដូង​។ ការសិក្សា​ពី​សាកលវិទ្យាល័យ​វ៉ាស៊ីនតោន​បាន​រកឃើញថា មនុស្ស​វ័យ​ពី ៣២-៨២ ឆ្នាំ ដែល​ទទួល​ទាន​បាន​ត្រឹមត្រូវ នឹង​កាត់បន្ថយ​កាឡូរី​ជាង​ធម្មតា ៣០​ភាគរយ មាន​ចង្វាក់បេះដូង​ល្អ ប្រហែល​នឹង​មនុស្ស​វ័យ​តិចជាង ២០​ឆ្នាំ​។​

*​ការ​ហាត់ប្រាណ​ដើម្បី​ភ្ញោ​ច​បេះដូងៈ​
-​ក្នុង​រយៈពេល ៤​នាទី រត់​ល្បឿន​រយៈពេល​២០​វិនាទី សម្រាក​១០​វិនាទី ធ្វើ​ចំនួន​៨​ដង ក្នុង​មួយ​សប្តាហ៍ ២​ដង​។​
-​ក្នុង​រយៈពេល ១០​នាទី ឈប់​ប្រើ​ជណ្តើរ​យន្ត ព្រោះ​ការ​សិក្សា​រកឃើញថា ស្ត្រី​នៅ​ស្ងៀមៗ​(​តែ​មាន​សុខភាព​ល្អ​) អាច​ឡើងជណ្តើរ ២០០​កាំ (​ប្រើ​រយៈពេល ២​នាទី​) ក្នុង​មួយ​ថ្ងៃ​ម្តង ក្រោយមក​បង្កើន​ដល់ ៥​ដង រយៈពេល​២​ខែ អាច​ជួយ​កាត់បន្ថយ​កម្រិត​លី​ប៉ូ​ប្រូតេអ៊ីន កូ​ឡេ​ស្តេ​រ៉ូ​លបាន ៨ ភាគរយ​។​
-​ក្នុង​រយៈពេល ២០ នាទី កំណត់​គោលដៅ​ទុក រួច​រត់​យ៉ាង​លឿន​ឲ្យដល់ បន្ទាប់​មក​រត់​មួយៗ មក​វិញ​រហូតដល់​ចង្វាក់​បេះដូង​ត្រឡប់​មក​ប្រក្រតី​វិញ​។ គួរ​ធ្វើ​បែប​នេះ​ជារឿយៗ នោះ​អត្រា​នៃ​ការ​ឈប់សម្រាក​របស់​អ្នកនឹង​កាន់តែ​តិច ព្រមទាំង​ជួយ​ឲ្យ​រាងកាយ​រហ័សរហួន​ទៀតផង​៕​

អាហារ៥យ៉ាង​ជួយ​បន្ថយ​កូលេ​ស្តេ​រ៉ូលក្នុង​រាងកាយ

៙ ផ្លែ​ប៉ោម : ជា​ផ្លែ​ឈើ​ដែល​សម្បូរ​ដោយ​គុណប្រយោជន៍ ព្រោះ​នៅក្នុង​ផ្លែ​ប៉ោម មាន​សារធាតុ​ផេកទី​ន (Pectin) ជា​កាក​សរសៃ​អាហារ​ដែល​លាយ​ក្នុង​ទឹក​បាន អាច​ស្រូប និង​បណ្ដេញ​កូលេ​ស្ដេ​រ៉ូល​ចេញពី​រាងកាយ​បានយ៉ាង​ល្អ ។ ម្យ៉ាងទៀត វា​ជួយ​បំប៉ន​បេះដូង និង​គ្រប់គ្រង​កម្រិត​ជាតិ​ស្ករ នៅក្នុង​រាងកាយ​បាន​យ៉ាង​ល្អ​ថែមទៀត ។​
៙ ទឹកដោះគោ​ជូរ : ក្រៅ​ពី​ជួយ​បន្ថយ​កូលេ​ស្ដេ​រ៉ូល​នៅក្នុង​ឈាម​ហើយ វា​ថែមទាំង​ជួយ​បំប៉ន​ស្បែក​មុខ ស្បែក​រាងកាយ​ឲ្យ​ស្រស់ស្អាត ភ្លឺ​ចែង​ចាំ​ថែមទៀត ។ ចំណែកឯ​សណ្ដែកសៀង ធញ្ញជាតិ​ពពួក​សណ្ដែក​មាន​ប្រូតេអ៊ីន​ខ្ពស់ ធ្វើឲ្យ​អ្នក​មាន​អារម្មណ៍​ថា​ឆ្អែត និង​ទទួលទាន​តិច​ជាង​មុន ។​
៙ ពពួក​ត្រប់​ផ្សេងៗ : ដូចជា ត្រប់​ស្រួយ ត្រប់​វែង ឬ​ប៉េងប៉ោះ សុទ្ធតែ​សម្បូរ​ដោយ​វីតាមីន C សារធាតុ​បេតា​-​ខា​រ៉ូ​ទីន និង​សារធាតុ​រ៉ែ មាន​ប្រយោជន៍​ដល់​រាងកាយ​យ៉ាងច្រើន​បំផុត ។​
៙ ខ្ទឹម​ស្រស់ៗ : មាន​គុណសម្បត្តិ​ក្នុង​ការជួយ​ការពារ​ជំងឺលើសឈាម បន្ថយ​កម្រិត​ជាតិ​ខ្លាញ់ និង​កូលេ​ស្ដេ​រ៉ូលក្នុង​សរសៃឈាម បាន​យ៉ាង​មាន​ប្រសិទ្ធភាព ។​
៙ ខ្ទឹម​បារាំង : អាច​ជួយ​ការពារ​កូលេ​ស្ដេ​រ៉ូល​នៅក្នុង​សរសៃឈាម ការពារ​ជំងឺលើសឈាម និង​បន្ថយ​កម្រិត​ជាតិ​ខ្លាញ់​បាន ។ ម្យ៉ាងទៀត សារធាតុ​មួយចំនួន​នៅក្នុង​ខ្ទឹមបារាំង អាច​បន្ថយ​កម្រិត​ជាតិ​ស្ករ នៅក្នុង​ឈាម​បាន​ថែម​ទៀត ៕f

សារប្រយោជន៍របស់អាពាហ៍ពិពាហ៍​ក្នុងការព្យាបាល​ជំងឺមហារីក

៖​ការរៀប​ការជួយ​ឲ្យ​អ្នក​នៅរស់​រាន​ល្អ​ជាង ក្រោយពេល​កើត​ជំងឺមហារីក
​ពួក​អ្នកជំនាញការ​អាមេរិក និយាយថា អ្នក​កើត​ជំងឺមហារីក បាន​រៀបការ​នៅពេល​វេលា​ត្រូវបាន​វិនិច្ឆ័យ​កើត​ជំងឺ រស់នៅ​បានយូរ​ជាង ប្រៀប​នឹង​អ្នក​មិន​រៀបការ ។​
​ជាក់ស្តែង​នោះ ចំពោះ​ជំងឺមហារីក​មួយចំនួន ការ​រៀបការ​អាចជា​ក​ក្តា​មួយ មាន​សារប្រយោជន៍ ចំពោះ​លទ្ធភាព​នៅមាន​ជីវិត ក្រោយពេល​កើត​ជំងឺ​, ធំ​ជាង​ប្រៀប​នឹង​វិធី​ព្យាបាល​គីមី ។​
​ប្រធាន​ក្រុម​ស្រាវជ្រាវ បណ្ឌិត Ayal Aize នៅ​សាកលវិទ្យាល័យ​ហា​វ៉ាដ នៅ​បូ​ស្តុ​ន (​អាមេរិក​) និយាយថា អ្នកជំងឺ​បាន​រៀបការ ក៏​អាច​ត្រូវបាន​វិនិច្ឆ័យ​ជំងឺ នៅ​ដំណាក់កាល​ឆាប់​ជាង នឹង​ងាយ​មានលទ្ធភាព​ទទួលបាន​វិធី​ព្យាបាល​សមស្រប ។​
​នេះ​ជាការ​ស្រាវជ្រាវ​ដំបូង បង្ហាញ​ពី​ផលប្រយោជន៍​ដាច់​ណាត់ និង​យ៉ាងច្រើន របស់​អាពាហ៍ពិពាហ៍ ចំពោះ​លទ្ធភាព​នៅរស់ ចំពោះ​អ្នកជំងឺ​មហារីក នៅ​អាមេរិក ។​
​ចំពោះ​អ្នកជំងឺ​មហារីក​ក្រពេញ​ប្រូ​ស្តា​ត​, ដោះ​, ពោះវៀន​, បំពង់ក​, ក្បាល និង​ក នោះ​ការ​រៀបការ​មាន​ពាក់ព័ន្ធ​ដល់​ការ​កើន​លទ្ធភាព​នៅរស់​ធំ​ជាង ប្រៀប​នឹង​របប​ព្យាបាល​កាំរស្មី​ស្តង់ដារ សម្រាប់​ជំងឺ​នោះ ។​
​ពួក​អ្នកស្រាវជ្រាវ បាន​វិភាគ​ទិន្នន័យ​ជាក់ស្តែង និង​អត្រានុកូលដ្ឋាន​វិទ្យា ពី​មូលដ្ឋាន​ទិន្នន័យ SEER របស់​វិទ្យាស្ថាន​មហារីក​ជាតិ​អាមេរិក អំពី​អ្នកជំងឺ ៧៣៨.៨៨៩ នាក់ ត្រូវបាន​វិនិច្ឆ័យ​ពី​ឆ្នាំ​២០០៤ ដល់ ២០០៨ ។​
​ការវិភាគ​ដែល​ត្រូវបាន​ប្រកាស​លើ​ទស្សនា​វ​ដ្តី The Journal of Clinic Oncology បង្ហាញ​ជារួម​ថា ពួក​អ្នកជំងឺ​បាន​មានគ្រួសារ មាន​ហានិភ័យ​កើត​ជំងឺ​រាលដាល​ទាប​ជាង ១៧% ពេល​ត្រូវបាន​វិនិច្ឆ័យ​កើត​ជំងឺមហារីក​ដំបូង ប្រៀប​នឹង​អ្នកជំងឺ​មិន​រៀបការ ។​
​ក្រៅពីនេះ អ្នកជំងឺ​បាន​រៀបការ​កើត​ជំងឺ​មិន​រាលដាល មានលទ្ធភាព​ទទួលបាន​វិធី​ព្យាបាល​សមស្រប ចំពោះ​ជំងឺ​របស់គេ ខ្ពស់ជាង ៥៣% ប្រៀប​នឹង “​សហសេវិក​” មិន​រៀបការ និង​មិន​ចំពោះ​ថា នៅពេល​វេលា​ជាក់ស្តែង​ណា ។​
​ចុងក្រោយ មិន​ថា ជា​នៅពេល​ណាក៏ដោយ អ្នកជំងឺ​បាន​រៀបការ មានលទ្ធភាព​នៅរស់​ខ្ពស់ជាង ២០% ប្រៀប​នឹង​អ្នកជំងឺ​មិន​រៀបការ ៕M​

គ្រោះថ្នាក់សុខភាព បណ្តាលពីការគេងខុសរបៀប

​១/៣ នៃ​ពេលវេលា​មួយថ្ងៃ របស់​មនុស្ស​ម្នាក់ៗ គឺ​សម្រាប់​ដំណេក​។ ដំណេក​ស្កប់ស្កល់ ជួយ​ឱ្យ​សរីរាង្គ មាន​សុខ​ភាពល្អ​។ ប៉ុន្តែ​មាន​ទម្លាប់​អាក្រក់​ជាច្រើន នៅពេល​គេង​ដោយ​អ​ចេតនា បែរជា​ផ្តល់​គ្រោះថ្នាក់​ឱ្យ​សុខភាព​ទៅវិញ​។​

​    ​១.​គេង​តាមរបៀប​មុខ​ទល់​មុ​ខៈ​
​    ​នេះ​ជា​កាយវិការ​គេង​របស់​មនុស្ស​ជាច្រើន ពិសេស​គឺ​របស់​គូ​ស្វាមី ភរិយា ឬ​រវាង​ឪពុក ម្តាយ និង​កូន​។ ប៉ុន្តែ​នេះ​ជា​កាយវិការ​គេង​ô​បាត់​អនាម័យ​õ បំផុត ព្រោះ​ពេល​គេង​ប្រឈមមុខ​ដោយ​អ​ចេតនា យើង​នឹង​ស្រូបយក​ឧស្ម័ន​កាបូ​និក ដែល​បញ្ចេញ​តាម​ដង្ហើម​របស់​មនុស្ស​ម្នាក់​ទៀត​។ រឿងនេះ​បណ្តាលឱ្យ​ខួរក្បាល ខ្វះ​ប្រភព​អុកស៊ីហ្សែន ចាំបាច់ អ្នក​គេងៗ​មិន​ស្កប់ ងាយ​ភ្ញាក់​កន្ត្រាក់​ខ្លួន យល់សប្តិ ឬ​ពេល​ភ្ញាក់​តែងមាន​អារម្មណ៍​អស់កម្លាំង ឈឺក្បាល​។​

​    ​ល្អ​បំផុត ចូរ​ជ្រើសឱ្យ​ខ្លួន​នូវ ô​ពិភពលោក​ដោយឡែក​õ​មួយ នៅពេល​គេង​។ ប្រសិន​គេង​រួម​គ្រែ​ជាមួយ​មនុស្ស​ម្នាក់ទៀត ចូរ​បែរ​ទៅ​ទិស​២​ផ្សេងគ្នា​។​

​    ​២.​ពាក់​គ្រឿងអលង្ការ​ពេល​គេងៈ
​    ​ស្ត្រី​ជាច្រើន មាន​ទម្លាប់​ពាក់​គ្រឿងអលង្ការ​ពេល​គេង​។ គ្រឿងអលង្ការ សឹងតែ​ទាំងអស់ សុទ្ធតែ​ធ្វើ​ពី​លោហធាតុ​។ ពេល​គេង​វា​ប្រាស្រ័យ និង​កកិត​ជាមួយ​ស្បែក ធ្វើឱ្យ​កើន​គ្រោះថ្នាក់ ត្រូវ​អាលែកហ្ស៊ី​ស្បែក​។ ក្រៅពីនេះ ពាក់​គ្រឿងអលង្ការ​ពេល​គេង នឹង​បង្ក​ជា​ឧបសគ្គ​ឱ្យ​ចរាចរ​ឈាម និង​បំប្លែង​សារជាតិ​ក្នុង​សរីរាង្គ ជំរុញ​លឿន​ដំណើរការ​ជរាភាព​។​

​    ​៣.​ហាមាត់​ដកដង្ហើម​ពេល​គេងៈ​
​    ​ជាធម្មតា យើង​ដកដង្ហើម​ដោយ​ច្រមុះ​។ ការដកដង្ហើម​តាម​ច្រមុះ ជួយ​បង្កើត​សម្ពាធ​ប្រតិកម្ម​ត្រឡប់ ដើម្បីឱ្យ​សួត មាន​ពេលវេលា​ច្រើន​ក្នុងការ​ស្រូបយក អុកស៊ីហ្សែន និង​តុល្យភាព PH ឈាម​។​

​    ​ការដកដង្ហើម​តាម​មាត់ អាច​បណ្តាលឱ្យ​កើត​ជំងឺ​ô​ឈប់​ដកដង្ហើម​ពេល​គេង​õ ឬ​បញ្ហា​សរសៃឈាម​បេះដូង​ផ្សេងៗ​។ ក្រៅពីនេះ ពេល​ដកដង្ហើម​តាម​មាត់ ចរន្ត​ខ្យល់​ចូល​ត្រង់​ទៅក្នុង​បំពង់ក និង​សួត មិនត្រូវ​បាន​ô​ច្រោះ​ស្អាត​õ ហេតុនេះ ងាយ​បង្ក​ការ​រលាក​បំពង់ក​។ យូរថ្ងៃ​ទៅ វា​អាច​ផ្លាស់ប្តូរ​កម្រិត​ឧស្ម័ន​ឈាម គេង​មិន​លក់ ផ្លាស់ប្តូរ​សំឡេង ឬ​ជំងឺ​ធ្ងន់ធ្ងរ​អំពី​ផ្លូវដង្ហើម​។​

​    ​៤.​ពាក់អាវ​ទ្រនាប់​ពេល​គេងៈ​
​    ​ក្រុម​អ្នកស្រាវជ្រាវ បាន​បង្ហាញថា ស្ត្រី​ដែល​ពាក់អាវ​ទ្រនាប់​ច្រើនជាង ១២ ម៉ោង ក្នុង​មួយថ្ងៃ មាន​អត្រា​មហារីក​ដោះ ខ្ពស់​ស្មើ ២១​ដង ពិសេស​អ្នក​ពាក់អាវ ទ្រនាប់​ពេល​គេង​នោះ គ្រោះថ្នាក់​នេះ កើនឡើង​ដល់ ១១៣​ដង​។​
​    ​ការពាក់​អាវទ្រនាប់​ពេល​គេង ពិសេស​អាវ​ចង្អៀត ធ្វើឱ្យ​សរសៃឈាម មិនបាន​ចរាចរ សារជាតិ​សំណល់ មិនត្រូវ​បាន​រំដោះ និង​ប្រមូលផ្តុំ​យូរថ្ងៃ បង្ក​ជា​ជំងឺមហារីក​ដោះ​។ ក្រៅពីនេះ អាវទ្រនាប់ សឹងតែ​គ្រប់​ប្រភេទ បច្ចុប្បន្ននេះ ត្រូវបានធ្វើ​ពី​សរសៃ​គីមី​។ សរសៃ​ទាំងនេះ ពេល​ប្រាស្រ័យ​ជាមួយ​ស្បែក នឹង​ងាយ​បង្ក​ឱ្យ​អាលែកហ្ស៊ី​។ ដូច្នេះ​ល្អ​បំផុត ស្ត្រី​ត្រូវ​ដោះអាវ​ទ្រនាប់​ចេញ ពេល​គេង ជ្រើសរើស​អាវ​ធ្វើ​ពី​ប្រភេទ​សរសៃ​ធម្មជាតិ​។​

​    ​៥.​គេង​ក្នុង​បន្ទប់​ក្តៅ​ពេកៈ​
​    ​សីតុណ្ហភាព​ខ្ពស់​ពេក​ក្នុង​បន្ទប់ អាច​បង្ក​ភាពច្របូកច្របល់​ដល់​ដំណើរការ​បំប្លែង​សារជាតិ​របស់​សរីរាង្គ​។ ឧស្ម័ន​ក្តៅ ពេល​ស្រូប​ចូល​អាច​បង្ក​ការ​របួស​ភ្នាស​ច្រមុះ ហើយក៏​ជា​បរិស្ថាន​អំណោយផល​ឱ្យ​ពពួក​អតិសុខុមប្រាណ កកើត​និង​រីកចម្រើន​។​
​    ​ចំពោះ​មនុស្ស​ចាស់ កើត​ជំងឺ​សរសៃឈាម​បេះដូង សីតុណ្ហភាព​ក្នុង​បន្ទប់​គេង​ខ្ពស់ អាច​បង្ក​ការ​ចុក​ទ្រូង គេង​មិន​លក់ ពិបាក​ដកដង្ហើម​។​

​    ​កម្រិត​សីតុណ្ហភាព​នៅក្នុង​បន្ទប់​គេង គឺ​២០​អង្សា​សេ កម្រិត​សំណើម ៦០​ភាគរយ ជា​បរិស្ថាន​ដ៏​ល្អ​សម្រាប់​ដំណេក​របស់​អ្នក​។​

​    ​៦. ដណ្តប់ភួយ​ជិត​ពេល​គេងៈ​
​    ​មនុស្ស​ជាច្រើន ចូលចិត្ត​ដណ្តប់ភួយ​ជិត​ក្បាល និង​ខ្លួន​ទាំងមូល ពិសេស​គឺ​ពេល​ភ័យខ្លាច ឬ​ធាតុអាកាស​ត្រជាក់​។ នេះ​ជា​ទម្លាប់​មិនល្អ ឥទ្ធិពល​អាក្រក់​ដល់​សុខភាព​។​
​    ​ក្នុង​ដំណើរការ​ដកដង្ហើម សរីរាង្គ​ស្រូប​បញ្ចូល​ឧស្ម័ន​អុកស៊ីហ្សែន និង​ដកដង្ហើម​ចេញ្ញ​ឧស្ម័ន​កាបូ​និក​។ ពេល​ក្បាល​អ្នក ត្រូវ​ដណ្តប់​ជិត ឧស្ម័ន​អុកស៊ីហ្សែន​ក្នុង​ភួយ កាន់តែ​តិច​ទៅ ចំណែក​ឧស្ម័ន​កាបូ​និក​កាន់តែ​ច្រើនឡើង​។ ដោយសារ​មិនត្រូវ​បាន​ផ្គត់ផ្គង់​គ្រប់​អុកស៊ីហ្សែន ហេតុនេះ ខួរក្បាល​អ្នក នឹងធ្វើ​សកម្មភាព​ខ្សោយ​ទៅៗ​។ ស្ថាន​ភាពខ្វះ​អុកស៊ីហ្សែន​អូសបន្លាយ នឹង​បណ្តាលឱ្យ​កោសិកា​ខួរក្បាល​ត្រូវរបួស​។​
​    ​អ្នក​ដណ្តប់ភួយ​ជិត នឹងមាន​អារម្មណ៍​ចុក​ទ្រូង ដង្ហើម​ដង្ហក់ ឬ​នៅ​ពាក់​កណ្តាលយប់ យល់​សុបិន​អាក្រក់ ភ័យខ្លាច​។ ព្រឹក​ឡើង ភ្ញាក់​ពី​ដំណេក​នោះ ខ្លួនប្រាណ​ទាំងមូល អស់កម្លាំង ដូចជា​ទើប​ឆ្លងកាត់​សកម្មភាព​ធ្ងន់​។ អាស្រ័យហេតុនេះ អ្នក​មិនត្រូវ​ដណ្តប់ភួយ​ជិត​ក្បាល នៅពេល​គេង​នោះទេ​។​
​    ​៧.​ប្រើ​ដៃ​ជំនួស​ខ្នើយៈ​
​    ​ចូរ​បោះបង់​ភ្លាម​នូវ​ទម្លាប់​ប្រើ​ដៃ កើយ​ក្បាល​ពេល​គេង ប្រសិន​អ្នក​មិន​ចង់​ជួប​បញ្ហា​អំពី​ការរំលាយ​អាហារ ក៏ដូចជា​គុណភាព​ដំណេក​។​

​    ​ការប្រើ​ដៃ​ជំនួស​ខ្នើយ​ពេល​គេង វា​មាន​ឥទ្ធិពល​ផ្ទាល់​ដល់​លទ្ធភាព​ចរាចរ​ឈាម​របស់​សរីរាង្គ នាំ​ដល់​ការឈឺ ឬ​ស្ពឹក​អវយវៈ​ខាងលើ ដូចជា​ឆ្អឹងខ្នង ស្មា ... ក្រៅពីនេះ ទម្លាប់​អាក្រក់​នេះ នៅ​ងាយ​បង្កើត​សម្ពាធ​នៅត្រង់​ពោះ យូរៗ​ទៅ នឹង​បង្ក​ការ​ច្រាល​បំពង់ក​៕

សើចសប្បាយជាឱសថថាមពលសរីរាង្គ

​តាម​ការស្រាវជ្រាវ​ថ្មី​មួយ​របស់​ពួក​អ្នកវិទ្យាសាស្ត្រ​អង់គ្លេស ការ​សើច​សប្បាយ​មាន​ប្រសិទ្ធភាព​រំញោច​សរសៃប្រសាទ​អាច​ប្រដូច​ជាមួយ​អាភៀន​... ។​
​ពួក​អ្នកស្រាវជ្រាវ​បាន​ដំណើរការ​ពិសោធន៍​ជាច្រើន ដោយ​វិធី​ឲ្យ​ពួក​អ្នកស្ម័គ្រចិត្ត​មើល​វីដេអូ​កំប្លែង និង​ត្រួតពិនិត្យ​កម្រិត​គាំទ្រ​ឈឺចាប់​របស់គេ ។ លទ្ធផល​បង្ហាញថា ដោយ​គ្រាន់តែ​សើច​សប្បាយ​ក្នុង​រង្វង់​ប្រមាណ​១៥​នាទី នោះ​លទ្ធភាព​ទ្រាំទ្រ​ឈឺចាប់​របស់​ពួកគេ​កើនឡើង​១០% ។ រឿងនេះ​ផ្អែកលើ​យន្តការ​បង្កើត endorphins សារ​ជាតិគីមី​ស្មុគស្មាញ​មួយ​ដើម្បី​បញ្ជូន​សារ​រវាង​កោសិកា​សរសៃប្រសាទ​អំពី​ការឈឺចាប់​រាងកាយ​និង​តានតឹង​ផ្លូវចិត្ត ។ Endorphins ត្រូវបាន​បង្កើត​ពេល​សរីរាង្គ​ចលនា​ច្រើន​ដូចជា​ហាត់ប្រាណ ហែល​ទឹក ហាត់ Yoga... ។ ពេល​យើង​សើច សាច់ដុំ​ជាច្រើន​ក្នុង​សរីរាង្គ​ក៏ត្រូវ​ចលនា អាស្រ័យហេតុនេះ ប្រសិន​យើង​សើច​ច្រើន សរីរាង្គ​នឹង​បង្កើតជា endorphins ជួយ​សរីរាង្គ​រំដោះ​សម្រាល​តានតឹង និង​ទ្រាំទ្រ​ល្អ​ជាង ។​

​ក្រៅពីនេះ សំណើច​ក្អាកក្អាយ​នៅ​ជួយ​បន្ថយ​ស្នាម​ជ្រួញ​ជុំវិញ​ត្របកភ្នែក ។ ពួក​អ្នកវិទ្យាសាស្ត្រ​សង្កត់ធ្ងន់ថា ពេល​សើច​វិញ​ត្របកភ្នែក ។ ពួក​អ្នកវិទ្យាសាស្ត្រ​សង្កត់ធ្ងន់ថា ពេល​សើច​សប្បាយ​ដោយ​អារម្មណ៍​ពី​ក្នុង​ខ្លួន​ពិតប្រាកដ​នោះ​ស្នាម​ជ្រួញ​ទើប​ត្រូវបាន​រារាំង តែ​ប្រសិន​នោះ​គ្រាន់តែ​ជា​សំណើច​ពិធីការ​តាមរបៀប​គួរសម គឺ​ពុំមាន​ប្រសិទ្ធភាព​បន្ថយ​ស្នាម​ជ្រួញ តែ​អាច​បង្ក​ស្នាម​ជ្រួញ​ច្រើនជាង ។​
​ទន្ទឹមនឹង​ឥទ្ធិពល​សកម្ម​ទៅដល់​សុខភាព ពួក​អ្នកស្រាវជ្រាវ​នៅ​វិទ្យាស្ថាន​ជាតិ​និពន្ធ​វិទ្យា​សង្គម និង​វប្បធម៌​ចំណុះ​សកល​វិទ្យាល័យ Oxford បង្ហាញថា សំណើច​នៅមាន​ឥទ្ធិពល​ផ្សារភ្ជាប់​ទំនាក់ទំនង​សង្គម ។​
​ដូច្នេះ ពួក​អ្នកជំនាញការ​ទូន្មាន​ថា គួរ​លេង​សប្បាយ​ជាមួយ​មិត្តភក្តិ​មើល​ភាពយន្ត​កំប្លែង​ជាប្រចាំ ដើម្បី​មាន​សរីរាង្គ​មួយ​រឹងមាំ និង​ស្មារតី​ភ្លឺ​ថ្លា ៕​M

ស្ត្រី​មានគភ៌ មិនត្រូវ​ទទួលទាន​ល្ហុង​ខ្ចី​

​ល្ហុង​ជា​ប្រភេទ​ផ្លែឈើ​ដ៏​ល្អ​សម្រាប់​សុខភាព​ប៉ុន្តែ​ពុំមាន​ប្រយោជន៍​សម្រាប់​ស្ត្រី​ដែល​ចង់​មានកូន​។ ពិសេស​ស្ត្រី​កំពុង​មានគភ៌ ត្រូវ​ទទួលទាន​តែ​ល្ហុង​ទុំ​។​
​បើតាម​ការស្រាវជ្រាវ​មួយ​របស់​មហាវិទ្យាល័យ​ស៊ូ​សិច​របស់​អង់គ្លេស​(Sussex)  បានបញ្ជាក់​ពី​ឥទ្ធិពល​គ្មាន​ប្រយោជន៍​របស់​ល្ហុង ចំពោះ​ស្ត្រី​ដែល​កំពុង​ចង់​មានកូន​។ អាហារ​នេះ​មាន​ឥទ្ធិពល​រារាំង​អ័រម៉ូន Progesterrone ធ្វើឱ្យ​រាំងស្ទះ​ដំណើរ​ការបង្ក​កំណើត​។ អាស្រ័យហេតុនេះ ការទទួល​ទាន​ផ្លែ​ល្ហុង​ជាប្រចាំ ធ្វើឱ្យ​ស្ត្រី​ពិបាក​មានគភ៌​។ ក្រៅពីនេះ សារជាតិ  papain ក្នុង​ល្ហុង​ខ្ចី បំផ្លាញ​ស្រោម​កោសិកា​អំប្រ៊ីយ៉ុង អាច​នាំ​ដល់​ការ​រលូត​គភ៌​។ ដូច្នេះ​ស្ត្រី​មានគភ៌ គួរ​ចៀសវាង​ទទួលទាន​ល្ហុង​ខ្ចី ។​
​លើកលែង​ស្ត្រី​ដែល​កំពុង​ចង់បាន​កូន ល្ហុង​ផ្តល់​សារប្រយោជន៍​ដ៏​ច្រើន​ចំពោះ​សុខភាព ដូចជា​អាច​បង្ការ​ជំងឺមហារីក ប្រឆាំង​អុកស៊ីតកម្ម និង​ជំងឺ​សរសៃឈាម​បេះដូង​។ ក្រៅពីនេះ ទឹក​ល្ហុង​នៅ​អាច​ព្យាបាល​ជំងឺ​ច្របូកច្របល់​រំលាយ​អាហារ ដូចជា រាគរូស រលាក​ពោះវៀន​។​
​វេជ្ជសាស្ត្រ​បុរាណ នៅ​ប្រទេស​មួយចំនួន​លើ​ពិភពលោក បាន​វាយតម្លៃ​ខ្ពស់​ពី​ប្រសិទ្ធភាព​របស់​ផ្លែ​ល្ហុង ការរួមចំណែក​ព្យាបាល​ជំងឺ​ទឹកនោមផ្អែម ហឺត ៕​    ​    ​    ​    ​   
​    ​

ពន្លឺព្រះអាទិត្យមានប្រយោជន៍សម្រាប់សុខភាពបុគ្គលិកការិយាល័យ

​ពន្លឺព្រះអាទិត្យ​ក្នុង​ការិយាល័យ​អាច​ឥទ្ធិពល​យ៉ាង​ធំ​ដល់​សុខភាព ដំណេក​របស់​បុគ្គលិក​ធ្វើការ ។​
​ការស្រាវជ្រាវ​បរិ​ដ្ឋា​ន​ធ្វើការ​របស់​បុគ្គលិក​ការិយាល័យ ៤៩​នាក់ ក្នុងនោះ​២៧​នាក់ ធ្វើការ​ក្នុង​បន្ទប់​បិទ​ជិត ២២​នាក់ ធ្វើការ​នៅ​បន្ទប់​មាន​បង្អួច ។ ក្រុម​អ្នកវិទ្យាសាស្ត្រ​បាន​វាស់វែង​តួលេខ​អំពី​សុខភាព គុណភាព​ដំណេក កម្រិត​ភ្លឺ​ក្នុង​ការិយាល័យ​របស់​ពួក​បុគ្គលិក ។​
​លទ្ធផល ប្រៀប​នឹង​បុគ្គលិក​ក្នុង​បន្ទប់​បិទ​ជិត បុគ្គលិក​ធ្វើការ​ក្នុង​ការិយាល័យ​មាន​បង្អួច​ទទួលបាន​ច្រើនជាង​១៧៣% ពន្លឺព្រះអាទិត្យ ។ ក្រុម​នេះ​ក៏​គេង​ច្រើនជាង​៤៦​នាទី ក្នុង​១​យប់ៗ ។ ជាងនេះទៀត​បុគ្គលិក​ធ្វើការ​ក្នុង​បន្ទប់​មាន​បង្អួច​ចូលចិត្ត​ធ្វើ​សកម្មភាព​ចលនា​ជាង ។ បុគ្គលិក​ធ្វើការ​ក្នុង​បន្ទប់​បិទ​ជិត​មាន​គុណភាព​ជីវិត​ទាប​ជាង ហើយ​គេ​ច្រើន​ជួប​បញ្ហា​អំពី​សុខភាព​ពិបាក​គេង ។​
"​ឥទ្ធិពល​របស់​ពន្លឺព្រះអាទិត្យ​ទៅដល់​បុគ្គលិក​ការិយាល័យ​គួរ​ឲ្យ​ចាប់អារម្មណ៍​ណាស់​" Ivy cheung នៅ​សកល​វិទ្យាល័យ Northvestern នៅ​ឈី​កា​ហ្គោ​ឲ្យ​ដឹង ។​
"​គុណភាព​ជីវិត និង​ដំណេក​របស់​បុគ្គលិក​ធ្វើការ​ពេល​ថ្ងៃ​អាច​កែប្រែ​ប្រសើរឡើង​អាស្រ័យ​ដោយ​ប្រភព​ពន្លឺ​ធម្មជាតិ​របស់​ព្រះអាទិត្យ​ក្នុង​បន្ទប់ធ្វើការ យើង​គួរពិនិត្យមើល​រឿងនេះ ពេល​ស្ថាបនា​ការិយាល័យ​" Cheung និយាយ ៕M

ដើរចុះដើរឡើងប៉ុន្មាននាទីក្រោយអង្គុយកន្លះម៉ោងម្តងល្អជាងដើរជាប់៣០នាទី

​តាម​របាយការណ៍​១​ចុះផ្សាយ​លើ​ទស្សនា​វ​ដ្តី​ជីវជាតិ​របស់​អាមេរិក ពួក​អ្នកស្ម័គ្រចិត្ត​ដើរ​ចុះ​ដើរ​ឡើងជា​ប្រចាំ​នឹង​បន្ថយ​ការ​ប្រឈម​កើត​ជំងឺ​ទឹកនោមផ្អែម និង​ថែមទាំង​ល្អ​ជាង​ការដើរ​៣០​នាទី ។​
​កម្រិត​ស្ករ និង​អាំង​ស៊ុយ​លីន ក្នុង​ឈាម​ខ្ពស់​ជាស​ញ្ញា​ព្រមាន​ជំងឺ​ទឹកនោមផ្អែម​ប្រភេទ​២ គ្រោះថ្នាក់​ចំបង​១​ក្នុងចំណោម​គ្រោះថ្នាក់​បង្ក​ជា​ជំងឺ​សរសៃឈាម​បេះដូង និង​ស្ត្រូ​ក ។​
​អង្គការ​សម្បុ​រសធម៌​ខាង​ទឹកនោមផ្អែម​១ នៅ​អង់គ្លេស​បានបង្ហាញ​ថា តួលេខ​ថា ជាមួយនឹង​ល្បឿន​រីកចម្រើន​សព្វថ្ងៃ ចំនួន​អ្នក​កើត​ជំងឺ​ទឹកនោមផ្អែម​ប្រភេទ​២ នឹង​កើន​ពី ២,៥ លាន​នាក់ ឡើងដល់ ៤​លាន​នាក់​នៅ​ឆ្នាំ ២០២៥ ។ នេះ​ជា​ជំងឺ​ដែល​សរីរាង្គ​បាត់បង់​លទ្ធភាព​បំប្លែង​គ្លុយកូស ប្រភេទ​ស្ករ​មួយ​ត្រូវបាន​រំដោះ​ពេល​យើង​រំលាយ​អាហារ បន្ទាប់មក​បំប្លែង​ទៅជា​ប្រភព​ថាមពល​ប្រើប្រាស់​ដោយ​សាច់ដុំ ។ ចាប់ផ្តើម​ពី​ចរាចរ​ឈាម​ត្រូវ​រង​ឥទ្ធិពល បន្ទាប់ពីនោះ​សរសៃឈាម​នៅ​បណ្តា​ផ្នែក​ដូចជា​បេះដូង ជើង និង​ភ្នែក​អាច​ត្រូវរបួស​ធ្ងន់ធ្ងរ​ដល់ក​ម្រិ​ត​មិនអាច​សារ​ឡើងវិញ ។​
​ប្រសិន​មិនត្រូវ​បាន​ព្យាបាល ជំងឺ​ទឹកនោមផ្អែម​ប្រភេទ​២ អាច​នាំ​ដល់​ជំងឺ​បេះដូង ងងឹតភ្នែក និង​វះកាត់​ចោល ។ ធាត់ និង​មិនសូវ​ធ្វើ​ចលនា​ក៏​បង្កប់​នូវ​បញ្ហា​ធ្ងន់ធ្ងរ​ក្នុង​អនាគត ។​
​ប៉ុន្តែ​របកគំហើញ​ថ្មី​បំផុត របស់​ពួក​អ្នកស្រាវជ្រាវ​នៅ​សកលវិទ្យា​ល័យ Otago ញូ​វ​ហ្សេ​ឡេ​ន បានចង្អុលបង្ហាញ​ថា ដើរ​ចុះ​ដើរ​ឡើង​ប៉ុន្មាន​នាទី​អាចជា​អ្វីៗ​ចាំបាច់​ទាំងអស់ ដើម្បី​បន្ថយ​អប្បរ​មា​គ្រោះថ្នាក់​ខាងលើ ។ ការស្រាវជ្រាវ​ត្រូវបាន​អនុវត្ត​លើ​មនុស្ស​ធំ​៧០​នាក់ ដែលមាន​សុខភាព​ល្អ ហើយ​ទាំងអស់គ្នា​សុទ្ធតែ​អង្គុយ​៩​ម៉ោង ត្រូវបាន​វាស់​កម្រិត​គ្លុយកូស និង​អាំង​ស៊ុយ​លីន​ក្រោយពេល​ទទួលទាន​ម្តងៗ (១​ម៉ោង ៤​ម៉ោង និង​៧​ម៉ោង​) ។ បន្ទាប់ពីនោះ​ពួក​អ្នកស្ម័គ្រចិត្ត ត្រូវបាន​សំណូមពរ ដើរ​លឿនៗ​កន្លះ​ម៉ោង​មុនពេល​អង្គុយ​ជាប់​៩​ម៉ោង ។ ចុងក្រោយ ពួកគេ​អង្គុយ​៩​ម៉ោង តែ​ក្រោយ​កន្លះ​ម៉ោង​ម្តង នឹង​ងើប​ដើរ​ចុះ​ដើរ​ឡើង​ក្នុង​បន្ទប់​១​នាទី ៤០​វិនាទី ។​
​ដូច្នេះ ដើរ​ចុះឡើង​រយៈពេល​ខ្លី​ក្រោយ​កន្លះ​ម៉ោង​ម្តង ដូចជា​ទៅយក​ពែង​កាហ្វេ អាចធ្វើ​ឲ្យ​ថយចុះ​គ្រោះថ្នាក់​កើត​ជំងឺ​ទឹកនោមផ្អែម​សម្រាប់​បុគ្គលិក​ការិយាល័យ​រាប់លាន​នាក់ ។​
​មុន​នោះ ការស្រាវជ្រាវ​ឆ្នាំ ២០១១ ក៏​បង្ហាញថា បុគ្គលិក​ការិយាល័យ​សម្រាក​ខ្លីៗ​ច្រើន​មាន​បរិមាណ​កូ​ឡេ​ស្តេ​រ៉ូ​ល​ល្អ​ជាង​អ្នក​អង្គុយ​ជាប់​នៅ​តុ ។​
​ក្នុង​របាយការណ៍​១​អំពី​គំហើញ​ថ្មី​បំផុត​របស់​ពួក​អ្នកស្រាវជ្រាវ​មាន​សរសេរថា "​ធ្វើ​ចលនា​នៅ​ម៉ោង​សម្រាក​ជាប្រចាំ​និង​បន្ថយ​បរិមាណ​ស្ករ ក្នុង​ឈាម និង​អាំង​ស៊ុយ​លីន​ប្រសិទ្ធភាព​ជាង ធ្វើ​សកម្មភាព​រាងកាយ​ជាប់​រហូត តែ​ម្តងគត់​" ៕​M

ពង​ក្រួច​:​ថ្នាំ​ប៉ូវ​មានតម្លៃ​

​សត្វ​ក្រួច អាច​ត្រូវបាន​ចាត់ទុក ជា​យិន​ស៊ិន​សត្វ ដូច្នេះហើយ គេ​ក៏បាន​ពិ សោធន៍​លើ​វា និង​បាន​រកឃើញថា ពង​ក្រួច​សម្បូរ​ជីវជាតិ​ជាង​ស៊ុតមាន់ និង​ទា​។​
​បើតាម​គ្រូពេទ្យ​បុរាណ បាន​ឲ្យ​ដឹងថា ពង​ក្រួច ប្រើ​សម្រាប់​បំប៉ន​សុខ​ភាពល្អ​បំផុត ពិសេស​ក្នុងករណី​មាន​ជំងឺ​យូរថ្ងៃ​។ វា​ជួយ​ប៉ូវ​គ្រឿងក្នុង និង​ជួយផ្ដល់​ថាមពល ដល់​ប្រព័ន្ធ​រំលាយ​អាហារ​ដែល​ចុះខ្សោយ និង​ចំពោះ​ស្ត្រី​ដែល​ទ្រុឌទ្រោម​សរីរាង្គ ក្រោយពេល​សម្រាលកូន​។​
​បន្ថែម​ពីលើ​នេះ ពង​ក្រួច​ក៏​សម្បូរ​សារជាតិ​ទាំងឡាយ ដូចជា​ស្ពាន់​, coban, niacin និង​ពពួក​អាស៊ីត​អាមីន​ចាំបាច់​។ Tyrosine ជា​ប្រភេទ​សារជាតិ​បំប៉ន​មានលទ្ធភាព​ធ្វើឱ្យ​ស្បែក​ស្អាត​។ ដូច្នេះហើយ​ពង​ក្រួច នៅ​ត្រូវបាន​ប្រើប្រាស់​ទាំង​ក្នុង​វិស័យ​ឧស្សាហកម្ម​ផលិត​គ្រឿងសម្អាង​។ កម្រិត lecithin ខ្ពស់​ក្នុង​ពង​ក្រួច​ក៏មាន​ឥទ្ធិពល​ធ្វើឱ្យ​ថយចុះ​បរិមាណ​កូ​ឡេ​ស្តេ​រ៉ូ​ល​ក្នុង​ឈាម​ផងដែរ​។​
​ចំណែក​ក្រុម​អ្នកវិទ្យាសាស្ត្រ​ប៊ុលហ្គារី បាន​ចាត់ទុកថា បរិមាណ​ហ្វូ​ស​ហ្វ័​រ​ក្នុង​ពង​ក្រួច​នៅមាន​ប្រសិទ្ធភាព​ខ្ពស់ជាង​ថ្នាំ Viagra​។ ពង​ក្រួច​ក៏​ជា​ប្រភេទ​អាហារ​មួយ មាន​លក្ខណៈ​ប្រឆាំង​បាក់តេរី​ដែរ​។ ប្រសិន​អ្នក​ត្រូវ​គ្រុនផ្តាសាយ​ជាប្រចាំ​នោះ ក្រុម​អ្នកវិទ្យាសាស្ត្រ បាន​ទូន្មាន​ថា អ្នក​គួរ​ទទួលទាន​ពង​ក្រួច នៅ​រាល់​ពេលព្រឹក​។​

ពង​ក្រួច ក៏​ត្រូវបាន​ប្រើប្រាស់​សម្រាប់​អ្នក​ខ្វះ​ឈាម ឈឺក្បាល​ធ្ងន់ ហឺត រលាក​ក្រពះ​។ Normalizes ក្នុង​ពង​ក្រួច​ក៏​ល្អ​សម្រាប់​សម្ពាធ​ឈាម និង​កែប្រែ​ឱ្យ​ប្រសើរ​ប្រព័ន្ធ​រំលាយ​អាហារ​។ ដូច្នេះ​អាហារ​នេះ មាន​ប្រយោជន៍​បំផុត​សម្រាប់​កុមារ អ្នកមាន​សុខភាព​ខ្សោយ និង​ស្ត្រី​មានគភ៌​។ មិន​ដូចជា​ស៊ុតមាន់ និង​ស៊ុតទា​នោះទេ ពង​ក្រួច​មិន​បង្ក​ឱ្យ​អាលែកហ្ស៊ី​ឡើយ​។ ផ្ទុយ​មកវិញ ប្រូតេអ៊ីន​មួយចំនួន ក្នុង​ពង​ក្រួច អាច​ទប់ស្កាត់​អាលែកហ្ស៊ី ហេតុនេះហើយ គេ​នៅបាន​ផលិត​ជា​ថ្នាំ​ដើម្បី​ព្យាបាល​អាលែកហ្ស៊ី​ថែមទៀត​។​
​បណ្តា​លទ្ធផល​ស្រាវជ្រាវ​ថ្មីៗ​នេះ បាន​បង្ហាញថា ពង​ក្រួច​មាន​ឥទ្ធិពល​ធ្វើឱ្យ​កើន​កម្លាំង​ទប់ទល់​ជាមួយ​វិទ្យុសកម្ម និង​រួមចំណែក​កម្ចាត់​ចោល​ពពួក nuclit វិទ្យុសកម្ម​។ អាស្រ័យហេតុនេះ គ្រូពេទ្យ​ជាច្រើន បាន​ទូន្មាន​ថា គួរ​បន្ថែម​ពង​ក្រួច​ទៅក្នុង​អាហារ​សម្រាប់​អ្នកជំងឺ​ដែល​ទទួលរង​គ្រោះ​ពី​ការឆ្លង​ពី​វិទ្យុសកម្ម និង​អ្នករស់នៅ​តំបន់​មួយចំនួន ដូចជា​ទីក្រុង​ធំៗ ដែលជា​កន្លែង​មាន​កម្រិត​វិទ្យុសកម្ម ខ្ពស់ជាង ៕

ក្មេង​ដែល​ទទួល​ការ​បំបៅ​ដោះ​មិនសូវមាន​ហានិភ័យ​ក្នុង​ការកើត​ជំងឺ​ទឹកនោមផ្អែម និង ភាពធាត់​ជ្រុល​នោះទេ​នៅពេល​ធំ​ឡើង​

ក្រុម​អ្នកវិទ្យាសាស្ត្រ​ជឿថា ការ​បំបៅ​ដោះ​អាចជួយ​ការពារ​កុមារ​មិន​ឲ្យ​វិវត្ត​ទៅរក​ជំងឺ​ទឹកនោមផ្អែម និង ទៅជា​ធាត់​ហួសប្រមាណ​នៅពេលដែល​ក្មេង​ធំ​ឡើង។​

​ ​ការសិក្សា​ថ្មី​មួយ​បាន​បង្ហាញថា ទារក​ដែល​ទទួល​ការ​បំបៅ​ដោះ​មានការ​ធំ​លូតលាស់​ក្នុង​ទំរង់​មួយ​ខុសពី​ទារក​ដែល​បៅ​ទឹកដោះគោ​ដែល​គេ​មើលឃើញថា​ទំនងជា​នឹងមាន​អត្ថប្រយោជន៍​ផ្នែក​សុខភាព​ក្នុងពេល​អនាគត។​

​ ​ទឹកដោះ​ម្តាយ​ជួយ​កាត់បន្ថយ​កំរិត​លូតលាស់​នៃ​អ័រម៉ូន IGF-1 និង សារជាតិ​អាំង​ស៊ុយ​លីន​នៅក្នុង​ឈាម​ដែល​ជួយ​ពន្យឺត​កំរិត​លូតលាស់​សូម្បី​បន្ទាប់ពី​កុមារ​ចាប់ផ្តើម​ទទួលទាន​អាហារ​រឹង​បាន​ក៏ដោយ។ ការឡើង​ទម្ងន់​សន្សឹមៗ​គឺ​ល្បី​ផងដែរ​ក្នុង​ការជួយ​ជំរុញ​ឲ្យ​មាន​ទំរង់​ក្នុងការ​ទទួលទាន​មួយ​ប្រកបដោយ​សុខភាព​ល្អ។​

​ ​ផ្ទុយ​មកវិញ ទឹកដោះគោ​សម្រាប់​ក្មេង​អាច​បង្កើន​នូវ​ផលិតផល​កោសិកា​សម្បូរ​ជាតិ​ខ្លាញ់​ដែល​ជំរុញ​ឲ្យ​ទម្ងន់​កើនឡើង​តាំងពី​កុមារភាព​ម្ល៉េះ។​

​ ​លទ្ធផល​ស្រាវជ្រាវ​បានមកពី LIFE ជា​ឈ្មោះ​កាត់​របស់​មហាវិទ្យាល័យ​វិទ្យាសាស្ត្រ​ជីវិត​នៃ​សាកលវិទ្យាល័យ​កូ​ប៉ិន​ហាក (The Faculty of Life Sciences) ក្នុងប្រទេស​ដា​ណឺ​ម៉ាក​ក៏បាន​លើកឡើង​ផងដែរ​ថា អំឡុងពេល​នៃ​ការ​បំបៅ​ដោះ​កូន​កាន់តែ​យូរ ទំងន់​របស់​កូន​នោះ​ក៏​កាន់តែ​ថយចុះ​នៅ​អាយុ ១៨ ខែ។​

​ ​លទ្ធផល​ស្រាវជ្រាវ​នេះ​កើតចេញ​មកពី​ការវិភាគ​នៃ​ការសិក្សា​មួយ​ផ្តោតលើ​របប​អាហារ និង សុខុមាលភាព​ដែល​តាមដាន​ទៅលើ​ទារក​អាយុ ៩ ខែ ១៨ ខែ និង ៣៦ ខែ។ លោក អាន​ចា លី​កកេ មេ​ដ​សុន សមាជិក​មួយរូប​នៃ​ក្រុម​ស្រាវជ្រាវ​នេះ​បាន​និយាយថា "​យើង​មើលឃើញថា​ការ​បំបៅ​ដោះ​ទារក​ពិតជា​មាន​ឥទ្ធិពល​ដ៏​មាន​សារៈសំខាន់​និង​អាច​វាស់វែង​បាន​ទៅលើ​ការគ្រប់គ្រង​ការលូតលាស់​នៅក្នុង​ឈាម​ដែលមាន​ដូចជា​អ័រម៉ូន IGF-1 និង សារជាតិ​អាំង​ស៊ុយ​លីន​ជាដើម។ ក្មេង​ដែល​ទទួល​ការ​បំបៅ​ដោះ​កាន់តែ​ច្រើនដង នោះ​កំរិត​អ័រម៉ូន​ទាំងនេះ​នឹង​កាន់តែ​ថយចុះ​"។​

​ ​ការស្រាវជ្រាវ​នេះ​បង្ហាញថា​ទឹកដោះ​ម្តាយ​ជួយ​ការពារ​ទារក​ប្រឆាំងនឹង​វីរុស​នៅក្នុង​ក្រពះ ជំងឺឆ្លង​ពាក់ព័ន្ធ​នឹង​ដើមទ្រូង ជំងឺហឺត ជំងឺរើម និង អាល់​ឡ័​រ​ហ្ស៊ី ហើយ​ទំនងជា​នឹង​នាំមក​នូវ​អត្ថប្រយោជន៍​សុខភាព​ជាទូទៅ​នៅពេល​ចាស់​ឡើង​ផងដែរ។​

​ ​វា​ក៏​អាចជួយ​កាត់បន្ថយ​ហានិភ័យ​ក្នុង​ការកើត​ជំងឺមហារីកស្បូន និង សុដន់​មុនពេល​អស់​រដូវ ហើយ​និង​ជំងឺ​ពុក​ឆ្អឹង​នៅក្នុង​ចំណោម​ម្តាយ​ផងដែរ។ ហើយ​ការ​បំបៅ​ដោះ​កូន​នេះ​ទៀតសោត​ក៏​អាចជួយ​ឲ្យ​ម្តាយកូន​ដំបូង​អាច​រក្សា​រាង​ឲ្យ​បាន​ដូចដើម​ឡើងវិញ​ទៀតផង។ ក្រុម​វេជ្ជបណ្ឌិត​បានធ្វើ​ការណែនាំ​ឲ្យ​ធ្វើការ​បំបៅ​ដោះ​កូន​ឲ្យ​បាន​យ៉ាងតិច ៦ ខែ​ដំបូង​ដល់​កូន​ទើប​កើត៕

តែ​ទឹកកក​អាចធ្វើឱ្យ​កើត​ក្រួសតម្រងនោម

​ក្រុម​ស្រាវជ្រាវ​ជនជាតិ​អាមេរិក នៅ​មជ្ឈមណ្ឌល​សុខភាព​មហាវិទ្យាល័យ Loyola បានផ្ដល់​ដំបូន្មាន​ថា តែ​ទឹកកក អាចធ្វើឱ្យ​អ្នកទទួល​ទាន​វា កើត​ក្រួស​ក្នុង​តម្រងនោម​។​
​ពួក​អ្នកវិទ្យាសាស្ត្រ បកស្រាយ​ថា ទឹក​តែមាន​ផ្ទុក Oxalate ច្រើន​ដែល​ជាតិគីមី បង្ក​ការកកើត​ក្រាម​អំបិល និង​សារជាតិ​រ៉ែ ត្រូវបាន​រកឃើញ​ក្នុង​ទឹកមូត្រ​។  ទោះបី​ក្រាម​នេះ​គ្មាន​គ្រោះថ្នាក់ តែ​មជ្ឈដ្ឋាន​វេជ្ជសាស្ត្រ​បាន​ទូន្មាន​មាន​ថា វា​អាច​កក​ទៅជា​គ្រាប់​ល្មម​ទប់ទឹក​មូត្រ មិនឱ្យ​ហូរ​ក្នុង​បំពង់​តូចៗ ពី​តម្រងនោម​ចុះមក ប្លោកនោម ។​
​សាស្ត្រ​ចា​រ្យ​ផ្នែក​មូត្រ​សាស្ត្រ John Milner ព្រមាន​ថា  " ចំពោះ​អ្នកមាន ទិន្ន​នា​ការងាយ កើត​ក្រួសតម្រងនោម​នោះ តែ​ទឹកកក​ជា​ភេសជ្ជៈ​មួយ​ក្នុងចំណោម​ភេសជ្ជៈ​អាក្រក់​បំផុត​។ ក៏ដូចជា​អ្នក​រាល់គ្នា​ដែរ ខ្ញុំ​ក៏​ចូលចិត្ត​ផឹក​តែ​ទឹកកក​រដូវក្តៅ ប៉ុន្តែ​សុំ​អ្នក​កុំ​ទទួលទាន​ច្រើន​ហួសហេតុ​"​។​
​លោក Milner ទទួលស្គាល់ថា មនុស្ស​ជាច្រើន​ជ្រើសរើស​យកតែ​ទឹកកក ពេល​ធាតុអាកាស​ក្តៅស្អុះ​ស្អាប់ ដោយសារ​វា​ពុំ​សូវ​មាន​កាឡូរី និង​ឆ្ងាញ់​ជាង​ទឹក​ធម្មតា​។​
​ក្រុម​អ្នកស្រាវជ្រាវ បានឱ្យដឹងថា មិនត្រូវ​ទុកឱ្យ​បាត់បង់​ទឹក​ពី​ខ្លួន និង​គួរ​ទទួលទាន​ទឹកក្រូច​ឆ្មារ ព្រោះ​មាន Citrate ច្រើន ដែល​សារ​ជាតិគីមី​ទប់ស្កាត់​ក្រួសតម្រងនោម​រីកចម្រើន​។ ក្រៅពីនេះ គេ​នៅ​ទូន្មាន​ថា មិនត្រូវ​ទទួលទាន​អាហារ​សម្បូរ Oxalate ដូចជា​សូកូឡា បន្លែ និង​គ្រាប់​មួយចំនួន ក៏​ដូច​បន្ថយ​អំបិល និង​សាច់ ទន្ទឹម​នោះ​រក្សា​ឱ្យបាន​គ្រប់គ្រាន់​បរិមាណ​កាល់ស្យូម ដែលជា​សារជាតិ​ធ្វើឱ្យ​សរីរាង្គ​បន្ថយ​ស្រូបយក Oxalate ។​
​ផ្អែក​តាម​ការស្រាវជ្រាវ​នោះ ក្រុម​អ្នកស្រាវជ្រាវ បាន​បង្ហាញថា បុរស​ងាយ​កើត​ក្រួសតម្រងនោម​ជាង​ស្ត្រី ៤​ដង ពិសេស​គឺ​នៅ​អាយុ​លើសពី​៤០​ឆ្នាំ​។ ប៉ុន្តែ​ស្ត្រី​ដែល​អស់​រដូវ និង​បាន​កាត់​ស្បូន​ចោល ក៏មាន​ការ​ប្រឈម​កើត​ក្រួសតម្រងនោម​ខ្ពស់​ដែរ​។​
​ពួក​អ្នកវិទ្យាសាស្ត្រ មាន​ចំណាប់អារម្មណ៍​ថា តែ​ក្តៅ ក៏​ផ្ទុក Oxalate ដូច​តែ​ទឹកកក​ដែរ តែ​អ្នកផង​ច្រើនតែ​មិន​ផឹក​ច្រើន​ហួស ដូច​ផឹក​តែ​ទឹកកក ពេលដែល ស្រេកទឹក​កណ្តាល​ធាតុអាកាស​ក្តៅ​នោះឡើយ​៕

​    ​
​     
​    ​

ហេតុអ្វីអត្រាបាត់បង់ជីវិតដោយសារជំងឺបេះដូងនៅរដូវត្រជាក់ខ្ពស់ជាង?

អាកាសធាតុត្រជាក់ធ្វើឲ្យកើនការផ្តុំខ្លាញ់ក្នុងសរសៃឈាម
យោងតាមការស្រាវជ្រាវត្រូវបានប្រកាសលើទស្សនាវដ្តី Cell Metobolism ពួកអ្នកវិទ្យាសាស្ត្របានមានជំហានលោតផ្លោះ១ក្នុងការបកស្រាយហេតុអ្វីមានមនុស្សស្លាប់ដោយសារជំងឺបេះដូងច្រើនជាងនៅរដូវត្រជាក់ ។
មុននេះការកើនឡើងអត្រាបាត់បង់ជីវិតដោយសារជំងឺសរសៃឈាមបេះដូង នៅរដូវត្រជាក់ច្រើនត្រូវម្លាក់ទៅឲ្យពលករប្រើកម្លាំងកាយដូចជាចូកព្រិល តែការស្រាវជ្រាវថ្មីៗនេះបង្ហាញថា ខ្លាញ់១ប្រភេទដែលមុននេះត្រូវបានចាត់ទុកថា មានប្រយោជន៍ ឥឡូវនេះអាចជាមូលហេតុនាំដល់ការរួញចង្អៀត សរសៃឈាមពេលមនុស្សម្នាក់ប្រាស្រ័យជាមួយសីតុណ្ហភាពទាប ។
ខ្លាញ់ពណ៌ត្នោត ប្រភេទខ្លាញ់ត្រូវបានសរីរាង្គប្រើប្រាស់ដើម្បីបង្កើតកម្តៅ មុននេះត្រូវបានចាត់ទុកថាមានឥទ្ធិពលសកម្មទៅដល់សុខភាពមនុស្ស ព្រោះវាធ្វើឲ្យថយចុះស្តុកខ្លាញ់សក្នុងសរីរាង្គ ។ ប៉ុន្តែពួកអ្នកវិទ្យាសាស្ត្របានរកឃើញថា ពេលយន្តការបង្កើតកម្តៅពីខ្លាញ់ពណ៌ត្នោតត្រូវបានរំញោចក្រោមអាកាសធាតុត្រជាក់ វាទន្ទឹមនោះជំរុញលឿនល្បឿនរីកចម្រើនរបស់ផ្ទាំងច្បាមក្រិនរឹងសរសៃឈាម បង្កើតជាជាតិខ្លាញ់ និងកូឡេស្តេរ៉ូលក្នុងសរសៃឈាម ។
ការពិសោធន៍លើសត្វកណ្តុរប្រែប្រួលហ្សែន ក្រុមអ្នកស្រាវជ្រាវស៊ុយអែត និងចិនសង្កេតឃើញថា ប្រាស្រ័យជាមួយសីតុណ្ហភាពទាបនឹងធ្វើឲ្យកើនល្បឿនដំណើរការនាំដល់ជំងឺបេះដូង និងហូរឈាមខួរក្បាល ។
បណ្ឌិត Yihai Cao ជំនាញការអំពីជីវសាស្ត្រសរសៃឈាម ប្រធានក្រុមស្រាវជ្រាវនិយាយថា "ពីដំបូង យើងខ្ញុំគិតថា ការរំញោចសកម្មភាពជាតិខ្លាញ់ពណ៌ត្នោតក្រោមអាកាសធាតុត្រជាក់គ្រាន់តែធ្វើឲ្យសត្វកណ្តុរស្គម និងមានសុខភាពល្អឡើង ។ តែយើងខ្ញុំរកឃើញថា សត្វកណ្តុរត្រូវងាប់ជាមួយនឹងសរសៃឈាមផ្ទុកខ្លាញ់ពេញ ។ នេះពិតជារឿងភ្ញាក់ផ្អើល១ និងផ្ទុយបញ្ច្រាសទាំងស្រុងប្រៀបនឹងអ្វីដែលយើងខ្ញុំគិត" ។
ការពិសោធន៍លើសត្វកណ្តុរក៏រកឃើញថា យន្តការរំញោចខ្លាញ់ពណ៌ត្នោតក្រោមអាកាសធាតុត្រជាក់រំដោះ Lipoprotein (កូឡេស្តេរ៉ូលអាក្រក់ ក្នុងបរិមាណទាប១ ក្នុងពេលបរិមាណខ្លាញ់ក្នុងសរសៃឈាមកើនឡើងមិនឈប់ឈរ ។
បណ្ឌិត Yihai ថ្លែងថា "នេះជាគំហើញដ៏សំខាន់អស្ចារ្យប្រសិនយើងក៏រកឃើញរឿងដូចគ្នានៅមនុស្ស ។ ប្រសិនរឿងនេះត្រឹមត្រូវនៅទាំងមនុស្ស វាអាចជាដំបូន្មានមួយសម្រាប់អ្នកកើតជំងឺសរសៃឈាមបេះដូងត្រូវចៀសវាងប្រាស្រ័យជាមួយអាកាសធាតុត្រជាក់ និងស្លៀកពាក់ឲ្យកក់ក្តៅពេលចេញក្រៅផ្ទះនៅរដូវរងា ៕M

ឈឺក្រពះត្រូវតមវីតាមីន C ឬ?

អ្នក​ឈឺក្រពះ​បើ​បរិភោគ Vitamin C ត្រូវ​ឲ្យ​មាន​របៀប

​មនុស្ស​ភាគច្រើន​ដែល​ឈឺក្រពះ​ដោយសារ​ការ​រលាក​ ដំបៅ​ ច្រើន​ត្រូវបាន​ទូន្មានថា​ពុំគប្បី​បរិភោគ​ជូរ ដើម្បី​បញ្ចៀស​កំណើន​អាស៊ីត ក្នុង​ទឹក​ក្រពះ បង្ក​ជាការ​ពើត​ផ្សារ​ដោយ​វា​រំញោច​នៅកន្លែងដែល​រលាក​ដំបៅ ។​
Vitamin C (acid Ascorbic) មាន​រសជាតិ​ជូរ ហេតុនេះ​អ្នក​ឈឺក្រពះ​ជាច្រើន​ភ័ន្តច្រឡំ​ថា បើ​ឈឺក្រពះ​ពុំគួរ ប្រើប្រាស់​វា​ទេ ។ ក៏ប៉ុន្តែ Vitamin C គឺជា​សារធាតុ​ចាំបាច់​សម្រាប់​សុខភាប ហើយ​មាន​សមត្ថភាព​ការពារ "​ជញ្ជាំង​កោសិកា​" បានល្អ​ផង ។​
​ជាងនេះទៀត Vitamin C ជា​សារធាតុ​ចាំបាច់ ​ពុំមែន​ជា​ឱសថ​ទេ ហើយក៏​ពុំមែន​មានតែ​នៅក្នុង​ផ្លែឈើ​ជូរ​ដូចជា​ក្រូចឆ្មារ ក្រូចពោធិសាត់ ឬ​ក្នុង​ផ្លែឈើ​ផ្អែម​ដូចជា​ឱឡឹ​ក ល្ហុង​...​ទេ តែ​វា​មាន​សម្បូរ​ណ៍​នៅក្នុង​ប្រភេទ​បន្លែ​ជាអាទិ៍ ផ្កា​ស្ពៃស​-​ខៀវ ម្ទេស​ប្លោក សណ្តែកបណ្តុះ ខ្ទឹម​... ។ ហេតុនេះ​អ្នក​ឈឺក្រពះ​ក៏ត្រូវ​ការបរិភោគ​គ្រប់គ្រាន់​នូវ​អាហារ​ខាងលើ​ដើម្បី​ឲ្យ​សរីរាង្គ​មាន កម្លាំង​ការពារ​នឹង​ចៀសវាង​ការខ្វះ​វីតាមីន C ។​
ការបញ្ចូល​គ្រប់គ្រាន់​បរិមាណ​វីតាមីន C ពុំ​ត្រឹមតែ​មិន​អន្តរាយ​ដល់​ក្រពះ​ទេ ថែមទាំង​ជួយ​កាត់បន្ថយ​ការ​រលាក ឆ្លង​មេរោគ H.Pyloru ដែលជា​មូលហេតុ​បង្ក​ឲ្យ​មានការ​រលាក និង​ដំបៅ ។ វីតាមីន C មាន​ប្រសិទ្ធភាព​ការពារ​ក្រពះ​ប្រសិនបើ​អ្នក​បរិភោគ​វា​ក្នុង​កម្រិត​មួយ​សមល្មម ។ ការរក្សា​បរិមាណ​វីតាមីន C ជាធម្មតា​ក្នុង​ទឹក​ក្រពះ​អាច​បង្កើន​សមត្ថកិច្ចរ​បស់​ក្រពះ​ ការពារ​ពោះ និង​បង្កើន​កំលាំង​ការពារ​ក្រពះ​ដោយ​ខ្លួន​វា ។ ល្អ​បំផុត​គួរ​បំពេញ​កង្វះ​វីតាមីន C ពី​ការបរិភោគ​បន្លែ​ផ្លែឈើ ។​
​ប៉ុន្តែ​ការប្រើប្រាស់​វីតាមីន C ចំពោះ​អ្នកជំងឺ​ក្រពះ​និយាយ​ដោយឡែក និង​អ្នកជំងឺ​ទូទៅ​និយាយ​ជារួម​សុទ្ធសឹង​ត្រូវ​អនុលោម​ឲ្យ​បានល្អ​ពី​បរិមាណ និង​ពេលវេលា​នៃ​ការប្រើ​វា ដើម្បី​បង្កើន​ឥទ្ធិពល​នៃ​ការព្យាបាល​ជំងឺ ។ ការប្រើប្រាស់​ច្រើន និង​យូរ​អាច​បង្ក​ឲ្យ​មានការ​រលាក និង​ដំបៅ​ក្រពះ​ដោយសារតែ​សារធាតុ​អាស៊ីត​របស់​វា ។ ហេតុនេះ​គួរ​គប្បី​ប្រើ​ឲ្យ​បាន​ត្រឹមត្រូវ​ទាំង​បរិមាណ និង​ពេលវេលា តាម​ការណែនាំ​របស់​វេជ្ជបណ្ឌិត ៕f/​M

សារៈប្រយោជន៍ដ៏អស្ចារ្យរបស់វីតាមីន D ទើបត្រូវបានរកឃើញបន្ថែម

​វីតាមីន D នៅតែ​ត្រូវបាន​ចាត់ទុកជា​វីតាមីន​សម្រាប់​ឆ្អឹង ព្រោះ​វា​ជួយ​ឲ្យ​ឆ្អឹង​រឹងមាំ​ល្អ ។ ប៉ុន្តែ​ថ្មីៗ​នេះ ពួក​អ្នកវិទ្យាសាស្ត្រ​នៅ​រកឃើញ​បន្ថែម​សារប្រយោជន៍​ជាច្រើន​ទៀត​របស់​វីតាមីន​នេះ ។​
-​ប្រឆាំង​ស្ទះ​សរសៃឈាម​បណ្តា​លពី​ជំងឺ​ទឹកនោមផ្អែម​
​ការសន្និដ្ឋាន​អំពី​ទំនាក់ទំនង​រវាង​វីតាមីន D និង​ជំងឺ​ទឹកនោមផ្អែម​ត្រូវបាន​ទាញ​ចេញពី​គំរោង​ស្រាវជ្រាវ​មួយ​របស់​ពួក​អ្នកវិទ្យាសាស្ត្រ នៅ​សាលា​ពេទ្យ​វ៉ាស៊ីនតោន (​ចំណុះ​មហាវិទ្យាល័យ​វ៉ាស៊ីនតោន អាមេរិក​) ។​
​ក្រុម​អ្នកស្រាវជ្រាវ​បាន​ស្រាវជ្រាវ និង​រកឃើញថា ហាក់ដូចជា​អ្នក​ដែល​ប្រើ​វីតាមីន D ជាប្រចាំ​កម្រ​កើត​ជំងឺ​សរសៃឈាម​បេះដូង​និង​ស្ទះ​សរសៃឈាម​ជើង ។ គេ​វិភាគ​វាស់វែង ហើយ​ចុងក្រោយ​ឈានដល់​ការ​សន្និដ្ឋានថា ប្រសិន​កម្រិត​វីតាមីន D ក្នុង​ឈាម​ទាប​ពេក អ្នកជំងឺ​និង​ឧស្សាហ៍​ត្រូវ​ស្ទះ​សរសៃឈាម​ជាង ។​
-​បន្ថយ​គ្រោះថ្នាក់​រលាក​សួត​កុមារ​
​រលាក​សួត​និយាយ​ដោយឡែក និង​រលាក​ផ្លូវដង្ហើម និយាយ​រួម​ជា​ជំងឺ​មួយ​ក្នុងចំណោម​ជំងឺ​ឧស្សាហ៍​ជួបប្រទះ​នៅ​កុមារ នៅ​បណ្តា​ប្រទេស​មាន​អាកាសធាតុ​ខុសធម្មតា ។ ជំងឺ​បង្ក​ផលវិបាក​គ្រោះថ្នាក់​ជាច្រើន ។ ប៉ុន្តែ​ប្រសិន​មាតា​ទ្រាំ​ពិបាក​ចិញ្ចឹម​កូន ដោយ​ទឹកដោះ​ខ្លួនឯង ថែទាំ​កូន​ជាមួយ​របប​វីតាមីន D គ្រប់គ្រាន់ និង​ឲ្យ​កូន​សំដិល​ថ្ងៃ គ្រប់​ម៉ោង នោះ​មាតា​អាច​ស្ងប់ចិត្ត​ថា កូន​ខ្លួន​និង​បន្ថយ​គ្រោះថ្នាក់​កើត​ជំងឺ​នេះ ។​
​ប្រសិទ្ធភាព​នេះ​របស់​វីតាមីន D រកឃើញ​ដោយ​ពួក​វេជ្ជបណ្ឌិត​នៅ​មន្ទីរ​ពហុ​ព្យាបាល​ម៉ាសា​ជូ​សេត (​អាមេរិក​) ។ ពួក​វេជ្ជបណ្ឌិត​មួយចំនួន​សង្កេតឃើញថា កុមារ​ខ្វះ​វីតាមីន D ក្រិន​ឆ្អឹង នោះ​ហាក់ដូច​ត្រូវ​រលាក​សួត​ធ្ងន់​ជាង ។ ហើយ​ចុងក្រោយ​លទ្ធផល​ស្រាវជ្រាវ បាន​បញ្ជាក់ថា ប្រសិន​កុមារ​ម្នាក់​មិនត្រូវ​ក្រិន​ឆ្អឹង មិន​ខ្វះ​វីតាមីន D នោះ​វា​នឹង​បន្ថយ​បាន​ពាក់កណ្តាល​គ្រោះថ្នាក់​រលាក​ផ្លូវដង្ហើម​នៅ​រដូវ​ត្រជាក់ ។​
​ជាមួយនឹង​ភស្តុតាង​ដំបូង​នេះ ដំបូន្មាន​មាន​ប្រយោជន៍​បំផុត​ចំពោះ​អាណាព្យាបាល​ទាំងឡាយ​គឺ​ត្រូវ​ឲ្យ​កុមារ​បៅដោះ​ម្តាយ​គ្រប់គ្រាន់​និង​ទទួលទាន​ទឹកដោះគោ​ទៀងទាត់ ។ នោះ​ជា​វិធាន​ការបំពេញ​វីតាមីន D មួយ​ដ៏​ល្អប្រសើរ ហើយក៏​ដើម្បី​បញ្ចៀស​រលាក​សួត​សម្រាប់​កុមារ ។​
-​បង្កើន​សមត្ថភាព​ប្រាជ្ញា​របស់​ស្ត្រី​
​ម្ខាង​ជា​សារជាតិ​ធ្វើ​ឲ្យ​ឆ្អឹង​មាំមួន ម្ខាង​ជា​សតិបញ្ញា​របស់​សរសៃ​ប្រសា​ទម​ជ្ឈឹ​ម ។ ស្តាប់ទៅ​ហាក់ដូចជា​រាង "​ចម្លែក​" ចំពោះ​គ្នា តែ​វា​ពិតជា​មានការ​ពាក់ព័ន្ធ ។​
​ក្រុម​វេជ្ជបណ្ឌិត​នៅ​មន្ទីរពេទ្យ Angers ចំណុះ​មហាវិទ្យាល័យ Angers (​បារាំង​) បាន​តាមដាន​សុខភាព​របស់​ស្ត្រី ៦.២៥៧​នាក់ មាន​អាយុ​ខុសៗ​គ្នា ។ ពួកគេ​សង្កេតឃើញថា ស្ត្រី​ដែលមាន​កម្រិត​វីតាមីន D ក្នុង​ឈាម​ទាប​ពេក (​ក្រោម 10ng/ml) នោះ​មានការ​ប្រឈម​កកើត​ជំងឺ​ថមថយ​ការចងចាំ​យ៉ាងខ្ពស់ ។ ផ្ទុយ​មកវិញ​ស្ត្រី​ដែលមាន​កម្រិត​វីតាមីន D គ្រប់គ្រាន់​នោះ​មានការ​ប្រឈម​តិចជាង ។​
​តាមរយៈ​ការវិភាគ​ចម្រុះ ពួក​វេជ្ជបណ្ឌិត​ផ្នែក​មនុស្ស​ចាស់​បាន​រកឃើញ​ទំនាក់ទំនង​ណាមួយ​នោះ​រវាង​វីតាមីន D និង​សមត្ថភាព​ចងចាំ​របស់​ស្ត្រី ។​
-​អូសបន្លាយ​អាយុ​
​នេះ​ជា​ព័ត៌មាន​ចុងក្រោយ តែ​ក៏​ជា​ព័ត៌មាន​គួរ​ឲ្យ​ចាប់ចិត្ត​បំផុត​ក្នុងឱកាស​ដើមឆ្នាំ​នេះ ។​
​ពួក​អ្នកស្រាវជ្រាវ​បាន​តាមដាន​ពួក​អ្នកស្ម័គ្រចិត្ត​នៅ​អាមេរិក ។ តាមរយៈ​ការវិភាគ ពួកគេ​ទាន​បានការ​សន្និដ្ឋានថា អ្នកមាន​បរិមាណ​វីតាមីន D ក្នុង​ឈាម​ទាប ក្រោម 20ng/ml នោះ​នឹង​ថយចុះ​អាយុ ជាមួយនឹង​ការ​ប្រឈម "​ឆាប់​ទៅកាន់​ពិភពលោក​ម្ខាង​ទៀត​" កើន​ដល់​៥០% ។ ចំណែក​អ្នកមាន​បរិមាណ​វីតាមីន D គ្រប់គ្រាន់ និង​បន្ថយ​បាន​គ្រោះថ្នាក់​នេះ និង​មាន​អាយុ​វែង​ជាង ។​
​ពាក្យ​ទូន្មាន​សម្រាប់​មនុស្ស​គ្រប់គ្នា​ប្រសិន​ចង់​មាន​អាយុ​វែង​ចូរ​សកម្ម​ធ្វើ​ចលនា ហាត់ប្រាណ​និង​សំដិល​ថ្ងៃ ដើម្បី​ទទួល​បន្ថែម​វីតាមីន D ធម្មជាតិ ។ តែ​ត្រូវ​ចាំ​ថា ចំពោះ​មនុស្ស​ចាស់​ត្រូវ​សំដិល​ថ្ងៃ​ប្រមាណ​តែ​១​ម៉ោង​ប៉ុណ្ណោះ​ក្នុង​១​ថ្ងៃ ៕M

ˆ​ថ្នាំ​ពន្យារកំណើត​ថ្មី ៤​ខែ ទើប​មាន​រដូវ​ម្តង​

ថ្នាំ​ពន្យារកំណើត​ថ្មី​មួយ នឹង​ត្រូវ​ដាក់​លក់​នៅ​អូស្ត្រាលី​។ នៅពេល​លេបថ្នាំ​នោះ  ក្នុង​រយៈពេល​៤​ខែ ទើប​វា​អាច​ធ្វើឱ្យ​ស្ត្រី​មាន​រដូវ​ម្ដង​។​

​​ប្រភេទ​ថ្នាំ​ថ្មី​នេះ មានឈ្មោះ​ថា Yaz Flex ក្នុង​មួយ​ប្រអប់​មាន​១២០​គ្រាប់ ស្ត្រី​គ្រាន់តែ​លេបថ្នាំ​នេះ​ជាប់​នោះ ក្នុង​មួយ​ឆ្នាំ មក​រដូវ​តែ​៣​ដង​ប៉ុណ្ណោះ​។ ថ្នាំ​នេះ​ត្រូវបាន​ដាក់​លក់​រួមជាមួយ​ប្រដាប់​ណែនាំ​ប្រើប្រាស់​អេឡិចត្រូនិក​មួយ​ដែល​កត់ត្រា​ពី​វិធី​ប្រើប្រាស់​ថ្នាំ​។ ប្រសិន​ភ្លេច​លេប អ្នក​នឹង​ត្រូវ​រំលឹក ពេល​នេះ​អ្នក ត្រូវ​ជ្រើស​យក​វិធានការ​ផ្សេង​។ ប្រដាប់​ណែនាំ​ថ្នាំ​អេឡិចត្រូនិក​នេះ នៅ​អាច​បញ្ចេញ​សំឡេង​ដើម្បី​ក្រើនរំលឹក​ស្ត្រី​លេបថ្នាំ​ទាន់ពេល​។​


​​តាម​ការអង្កេត​ស្រាវជ្រាវ​របស់​ក្រុមហ៊ុន​ឱសថ Bayer ដែលជា​អ្នក​ផលិត​ថ្នាំ​នេះ គឺ​ជាង​៨០​ភាគរយ​នៃ​ស្ត្រី​ទទួលស្គាល់ថា ម្តងម្កាល​ភ្លេច​លេបថ្នាំ ពន្យារកំណើត​, ៣១​ភាគរយ​នៃ​ស្ត្រី​ក្នុង​មួយខែ តិច​បំផុត​ភ្លេច​ម្តង​។​

​Yaz Flex ជា​ប្រភេទ​ថ្នាំ ដូច​ថ្នាំ​ពន្យារកំណើត Yaz ដែល​បាន​មាន​វត្តមាន​លើ​ទីផ្សា​រដែរ តែ​វា​ត្រូវបាន​បង្កើន​គុណភាព​ជាង​ថ្នាំ​ទាំង​២​ប្រភេទ​នេះ សុទ្ធ តែ​មាន​ផ្ទុក​សមាសធាតុ​អ័រម៉ូន​មួយ លេប​យូរថ្ងៃ នឹង​ជួយ​ស្ត្រី​បន្ថយ​បាន​ការកកើត​មុន​អង្កា​ម​។​

​​លោកស្រី Doborah Bateson អ្នក​ទទួលខុសត្រូវ​អំពី​ឱសថ​របស់​ការិយាល័យ​សេវាកម្ម​ផែនការកម្ម​គ្រួសារ​នៅ​រដ្ឋ​ញូ​វ​សៅ​វេល អូស្ត្រាលី នោះ បាន​អះអាង​ថា ការបារម្ភ​អំពី​ខួប​រដូវ​នៅលើ​ស្ត្រី​ត្រូវ​បំផ្លាញ គឺ​មិន​ចាំបាច់​ទេ​។ អ្នកស្រី​ថ្លែងថា "​ប្រសិទ្ធភាព​សំខាន់​របស់​ថ្នាំលេប​យូរ​ថ្ងៃនេះ គឺ​រារាំង​ការ​ក្រាស់​ឡើង​របស់​គែម​ស្បូន ដូច្នេះ​នឹងមិន​ហូរឈាម​។ ស្ត្រី​ជា​ច្រើន​មើលឃើញថា ពេល​លេបថ្នាំ​នេះ ពួកគេ​មាន​អារម្មណ៍​ជឿជាក់​លើ​ខ្លួនឯង និង​មាន​កម្លាំងកំហែង​មាំ​ទាំ ។ ព្រោះថា ឥឡូវនេះ គេ​នឹង​អាច​ស្វ័យ​ជ្រើសរើស​ខួប​រដូវ​នៅពេលណា​" ។​


ជំនួយការ​សាស្ត្រ​ចារ្យ​បណ្ឌិត  Rod Baber ជំនាញការ​ផ្នែក​រោគ​ស្ត្រី បានឱ្យដឹងថា ការស្រាវជ្រាវ​វេជ្ជសាស្ត្រ​ជាច្រើន បាន​រកឃើញថា លោត​រំលង​ខួប​រដូវ​ធម្មតា នឹង​មិន​បង្ក​គ្រោះថ្នាក់​ដល់​សេរី​រាង្គ​ទេ​។ ពិសេស​គឺ​ចំពោះ​ស្ត្រី​ដែល​ត្រូវ​ឈឺចាប់​ជាមួយ​ខួប​នេះ​។​

​​ជាធម្មតា ក៏​ដូច​ថ្នាំ​ដទៃទៀត​ជាច្រើន​ដែរ ថ្នាំ​ថ្មី​នេះ​ក៏​មាន​ឥទ្ធិពល​បន្ទាប់បន្សំ​មួយចំនួន រួម​មាន​ចង់​ក្អួត សោកសៅ ឈឺក្បាល ចុក​ទ្រូង និង​ច្របូកច្របល់​រដូវ ៕​

​សាច់មាន់ និង​ការ៉ុត​ជួយ​សម្រក​ទម្ងន់ ក្នុង​២​សប្តាហ៍​

​រូបមន្ត​នេះ សមស្រប​សម្រាប់​អ្នក​ដែល​មិន​ចូលចិត្ត​សម្រក​ទម្ងន់ ព្រោះ​ចង់​បរិភោគ​ប៉ុន្មាន​ក៏​បាន​មិនបាច់​ខ្លាច​ថា ឃ្លាន​អំឡុងពេល​ថ្ងៃ ព្រោះ​ការ៉ុត មាន​កាក​សរសៃ​ដែល​ធ្វើឲ្យ​ឆ្អែត​បានយូរ ។ រីឯ​សាច់​ទ្រូង​មាន់ ក៏​ស្ទើរតែ​គ្មាន​ជាតិ​ខ្លាញ់​សោះ ទើប​អាច​ទុកចិត្ត​បាន​ថា អាហារ​ពីរ​មុខ​នេះ មាន​កាឡូរី​ទាប​បំផុត ។ ដូច្នេះ អ្នក​គួរ​ប្តូរ​អាហារ​ពេល​ល្ងាច ប្រចាំថ្ងៃ​របស់​អ្នក ជា​ការ៉ុត និង​សាច់​ទ្រូង​មាន​អាំង ជំនួស​វិញ​ដោយ​ប្រើ​ការ៉ុត ក្នុង ១ ពេល ១-២ មើ​ម ចង់​បរិភោគ​ស្រស់ ឬ​ស្ងោរ​ក៏បាន ។ រីឯ​សាច់​ទ្រូង​មាន់ ចង់​ចម្អិន​បែបណា តាម​ចំណូលចិត្ត​អ្នក មិន​ថា ប្រឡាក់​គ្រឿង​ប្រឡាក់​អំបិល ស្ងោរ អាំង ចៀន ចំហុយ ប៉ុន្តែ មិន​ត្រូវ​បរិភោគ​សាច់​ជាប់​ស្បែក​ឡើយ និង​ត្រូវ​ពិសា​ទឹក​ស្អាត​ឲ្យបាន​ច្រើន គ្រប់ពេល​អាហារ ៕

​ហេតុអ្វី​ស្ត្រី​ចំណាស់​ងាយ​ឡើង​ទម្ងន់​ជាង​បុរស​?

ស្ត្រី​ជាច្រើន រកឃើញថា ឡើង​ទម្ងន់​ងាយ​ជាង​បុរស នៅពេល​វ័យ​កាន់តែ​ចាស់ ហើយ​ការសិក្សា​ថ្មី​មួយ លើ​សត្វ​កណ្តុរ ដែល​ចុះផ្សាយ​ក្នុង​ព្រឹត្តិបត្រ Diabetes អាចជួយ​បកស្រាយ​ពី​មូល​ហេតុនេះ​បាន​។​

​យោងតាម​ក្រុម​អ្នកស្រាវជ្រាវ បាន​ឲ្យ​ដឹងថា បន្ទាប់ពី​អស់​រដូវ សកម្មភាព​នៃ​អង់​ហ្ស៊ី​ម ដែល​ពាក់ព័ន្ធ​នឹង​ការផលិត​ជាតិ​ខ្លាញ់​ហៅថា Aldhlal ខ្ពស់ រួមទាំង​ស្តុក​ជាតិ​ខ្លាញ់​ជុំវិញ​នោះ ច្រើនជាង​សត្វ​កណ្តុរ​ឈ្មោល​ដែល​ស៊ី​អាហារ​ខ្លាញ់​ខ្ពស់​។ ផ្ទុយទៅវិញ សត្វ​កណ្តុ​រញី នៅតែ​រក្សាបាន​រាង​ស្គម ពី​អាហារ​ខ្លាញ់​ខ្ពស់ បើ​ពួកវា​ត្រូវធ្វើ​ឲ្យ​ខ្វះ​អង់​ហ្ស៊ី​ម​។​

​អ័រម៉ូន​អេ​ស្ត្រុ​ចេ​ន (Estrogen) របស់​ស្ត្រី អាច​ទប់ស្កាត់​សកម្មភាព Aldhlal​បាន​។ នេះ​មានន័យថា ស្ត្រី​វ័យក្មេង​ដែលមាន​កម្រិត​អេ​ស្ត្រូ​ចេ​ន​ខ្ពស់ ត្រូវបាន​ការពារ​ប្រឆាំងនឹង​ឥទ្ធិពល​របស់​អង់​ហ្ស៊ី​ម ប៉ុន្តែ​បន្ទាប់ពី​អស់​រដូវ កម្រិត​អេ​ស្ត្រូ​ចេ​ន​ធ្លាក់ចុះ ដែល​បណ្តាល​ឲ្យ​សកម្មភាព Aldhlal កើនឡើង និង​ធ្វើ​ឲ្យ​ស្ត្រី​ងាយ​ឡើង​ទម្ងន់​។ ដោយបាន​ផ្តោតទៅលើ Aldhlal ក្រុម​អ្នកស្រាវជ្រាវ​ប្រហែលជា​អាច​អភិវឌ្ឍន៍​ការព្យាបាល​ភាពធាត់ ជាពិសេស​សម្រាប់​ស្ត្រី​។​

​ទោះបីយ៉ាងណា លោក​អូ​លៀ​ណា ហ្ស៊ី​អូ​ហ្សេ​ន​កូ​វ៉ា (Ouliana Ziouzenkova) ដែលជា​ជំនួយការ​សាស្ត្រាចារ្យ​នៃ​សកល​វិទ្យាល័យ​អូ​ហៃ​យ៉ូ (Ohio State University) បាន​ឲ្យ​ដឹងថា ការព្យាបាល​ទាំងនោះ ប្រហែលជា​មិនអាច​កើតឡើង​ក្នុងពេល​ឆាប់ៗ​នោះទេ ព្រោះ​ការសិក្សា​នេះ ទើប​ពិសោធន៍​លើ​សត្វ​កណ្តុរ​។ ដូច្នេះ​ក្រុម​អ្នកស្រាវជ្រាវ នឹងត្រូវ​បង្ហាញថា របកគំហើញ​នេះ អនុវត្ត​លើ​មនុស្ស​បាន​ដូចគ្នា​សិន​។ ម្យ៉ាងទៀត Aldhlal មាន​សារសំខាន់​សម្រាប់​មុខងារ​ផ្សេងទៀត​ក្នុង​រាងកាយ ក្រៅពី​សណ្ឋាន​នៃ​ជាតិ​ខ្លាញ់​។ ដូច្នេះ​ក្រុម​អ្នកស្រាវជ្រាវ នឹងមិន​អាចបង្កើត​ការព្យាបាល​ដែល​កម្ចាត់​ចោល​នូវ​អង់​ហ្ស៊ី​ម​ទាំងស្រុង​បាន​នោះដែរ​៕​

មើល​ភ្នែក ​អាច​ដឹង​ពី​ជំងឺ

បណ្តា​រោគសញ្ញា​អំពី​ភ្នែក​ទូទៅ នឹង​ទម្លាយ​ប្រាប់​ពី​សុខភាព​របស់​អ្នក ក្រោម​ក្រសែភ្នែក​របស់​អ្នកជំនាញការ​ខាង​ភ្នែក​។ នេះ​បើ​យោងតាម​ទស្សនា​វ​ដ្តី Mirror ដែល​បានចេញ​ផ្សាយ​កាលពី​ខែកក្កដា​ឆ្នាំ​២០១៣ ។​

​វេជ្ជបណ្ឌិត​ចក្ខុ​សាស្ត្រ  នៅ Andy Hepworth ធ្វើការ​នៅ​សមាគម​ភ្នែក (​អង់គ្លេស​) បាន​មានប្រសាសន៍ថា  "​ភ្នែក​ជា​បង្អួច​ចូល​សរីរាង្គ​, វា​ផ្តល់នូវ​ការព្រមាន​មុន​សម្រាប់​ជំងឺ​ជាច្រើន គំរាមកំហែង​ដល់​អាយុជីវិត​"  ។​

​ខាងក្រោម​នេះ ជា​រោគសញ្ញា​ភ្នែក​មួយចំនួន តែង​ត្រូវបាន​រកឃើញ ដោយ​អ្នកជំនាញការ​ចក្ខុ​សាស្ត្រ និង​ទម្លាយ​ប្រាប់​អំពី​សុខភាព (​អាច​) របស់​អ្នក​។​

* ភ្នែក​ក្រហម​៖ លើសឈាម
​ពេល​វេជ្ជបណ្ឌិត​ផ្នែក​ភ្នែក បញ្ចាំង​ពន្លឺ​ទៅក្នុង​ភ្នែក​របស់​អ្នក គេ​នឹង​ឃើញ​សរសៃឈាម​តូចៗ​ក្នុង​ស្បែក ស្រោប​គ្រាប់ភ្នែក​។ លើសឈាម អាចធ្វើឱ្យ​សរសៃឈាម លេចឡើង​របួស ឬ​ថែមទាំង​ធ្វើឱ្យ​ភ្នែកមាន​ពណ៌​ក្រហម​។​
​តាម​ស្ថិតិ បង្ហាញថា  ១,៤ នៃ​មនុស្ស​ធំ ត្រូវ​លើសឈាម​មិនដឹងថា​ខ្លួន​មាន​ជំងឺ​។

•* តំណក់​តូច​ពណ៌​លឿង ក្នុង​ស្បែក​ស្រោប​ភ្នែក​៖ ជំងឺ​ទឹកនោមផ្អែម
​តំណក់​តូច​ពណ៌​លឿង ក្នុង​ស្បែក​ស្រោប​ភ្នែក ជា​សញ្ញា​របស់​ជំងឺ​ទឹកនោមផ្អែម ប្រភេទ​២​។ វិនិច្ឆ័យ​ឆាប់​ជំងឺ ដើម្បី​បញ្ចៀស​ការវិវត្តន៍​ប្រែប្រួល​ធ្ងន់ធ្ងរ​។​

•* រង្វង់​ពណ៌ ស ជុំវិញ​ប្រ​ស្រី​ភ្នែក ៖ កូ​ឡេ​ស្តេ​រ៉ូ​ល​ខ្ពស់
​រង្វង់ ស ជុំវិញ​ប្រ​ស្រី​ភ្នែក ឬ​ចំណុច​ស្រអាប់ ស ជុំវិញ​ត្របកភ្នែក ជា​សញ្ញា​របស់​កម្រិត​កូ​ឡេ​ស្តេ​រ៉ូ​ល​ខ្ពស់​។ ការស្រាវជ្រាវ បាន​បង្ហាញថា អ្នកមាន​រោគសញ្ញា​នេះ មានការ​ប្រឈម​ខ្ពស់​កើត​ជំងឺ​បេះដូង​។​

* ត្របកភ្នែក​ខាងក្នុង​ស្លេកស្លាំង​៖ ខ្វះ​ឈាម​
​ប្រសិន​ផ្នែក​ខាងក្នុង​របស់​ត្របកភ្នែក ស្លេកស្លាំង ពេល​ទាញ​ចុះ អ្នក​អាច​ត្រូវ​ខ្វះ​ឈាម​។ ជំងឺ​ខ្វះ​ឈាម អាច​ត្រូវ បាន​ព្យាបាល​ដោយ​វិធី​បំពេញបន្ថែម​ជាតិ​ដែក ។​

* •​ភ្នែក​លៀនៈ មាន​បញ្ហា​ក្រ​ពេញទី​រ៉ូ​អ៊ី​ដ
​ភ្នែក​លៀន អាច​ដោយសារ​តំណពូជ​, តែ​ក៏​អាចជា​ភស្តុតាង​របស់​ក្រពេញ​ប្រូ​ស្តា​ត ធ្វើ​សកម្មភាព​ហួស​កម្រិត​។ កម្រិត​ខុស​ប្រក្រតី​របស់​អ័រម៉ូន ក្រ​ពេញទី​រ៉ូ​អ៊ី​ដ ធ្វើឱ្យ​ជាលិកា​ជុំវិញ​ភ្នែក​ហើម​ឡើង​។​

* ភ្នែក​លឿង​៖  ជំងឺថ្លើម
​រលាក​ថ្លើម និង​ក្រិន​ថ្លើម អាចធ្វើឱ្យ​ផ្នែក ស ក្នុង​ភ្នែក​ប្រែជា​ពណ៌​លឿង​៕

ប្រើប្រាស់ទូរស័ព្ទចល័តច្រើនពេកងាយកើតមហារីក

​ប្រើប្រាស់​ទូរស័ព្ទ​ចល័ត​ច្រើនពេក​អាច​នាំ​ដល់​បាតុភូត​ស្ត្រេ​ស​អុកស៊ីតកម្ម គ្រោះថ្នាក់​មួយ​បង្ក​ជា​ជំងឺមហារីក ។​
​មជ្ឈដ្ឋាន​វិទ្យា​ស្រា​ស្ត្រ​តាំងពី​យូរ​មកហើយ​បាន​បារម្ភ​អំពី​គ្រោះថ្នាក់​ពេល​ប្រើប្រាស់​ទូរស័ព្ទ​ចល័ត តែ​ការស្រាវជ្រាវ​ភាគច្រើន​ពុំទាន់​គួរ​ឲ្យ​ជឿជាក់ ។ បច្ចុប្បន្ន ដែន​ម៉ាញ៉េទិក​អគ្គិសនី​ពី​ហ្វ្រេ​កង់ វិទ្យុ​បង្កើត​ដោយ​ទូរស័ព្ទ​ត្រូវបាន​រត់​ចូល​ប្រភេទ​អាច​បង្ក​មហារីក​ឲ្យ​មនុស្ស (​ក្រុម ២B) ដោយ​ស្ថាប័ន​ស្រាវជ្រាវ​អន្តរជាតិ​អំពី​មហារីក (IARC) ។ ការស្រាវជ្រាវ​មួយ​ថ្មីៗ​នេះ​របស់​សកល​វិទ្យាល័យ Tel Aviv អ៊ីស្រាអែល​អាច​នាំនូវ​ពត៌មាន​អាក្រក់​សម្រាប់​អ្នកប្រើប្រាស់​ទូរស័ព្ទ​ចល័ត ។​
​ដើម្បី​បន្ត​ស្រាវជ្រាវ​ទំនាក់ទំនង​រវាង​ទូរស័ព្ទ និង​ជំងឺមហារីក​បណ្ឌិត Yaniv Hamzang នៅ​មជ្ឈមណ្ឌល​សុខភាព Rabin សកលវិទ្យា​ល័យ TelAviv និង​សហសេវិក បាន​ស្វែងរក​ដើមទង​ក្នុង​ក្រពេញទឹកមាត់​របស់​ប្រើប្រាស់​ទូរស័ព្ទ​ល័ត ។​
​ដោយ​វិធី​ប្រៀបធៀប​អ្នកប្រើប្រាស់​ទូរស័ព្ទ​ច្រើន​ហួស និង​អ្នក​មិន​ប្រើ​ក្រុម​វិទ្យាសាស្ត្រ​រកឃើញ​ទឹកមាត់​របស់​អ្នកប្រើប្រាស់​ច្រើន​ហួស​មាន​សញ្ញា​ស្ត្រេ​ស​អុកស៊ីតកម្ម​ខ្ពស់ជាង​, នេះ​ជា​ដំណើរការ​អាច​បង្ក​របួស​ឲ្យ​កោសិកា​មនុស្ស​រួមមាន​ទាំង DNA តាមរយៈ​ការរីកចម្រើន​របស់​សារជាតិ​ពុល Peroxit និង​រ៉ាឌីកាល់​សេរី ។ សំខាន់​ជាង​នេះ វា​ត្រូវបាន​ចាត់ទុកជា​កត្តា​មួយ​បង្កើត​ហានិភ័យ​សំខាន់​បង្ក​ជំងឺមហារីក ។ លទ្ធផល​ត្រូវបាន​ចុះផ្សាយ​លើ​ទស្សនា​វ​ដ្តី Amtioxdants and Redox Signaling ។​
​ក្នុងការ​ស្រាវជ្រាវ អ្នកវិទ្យាសាស្ត្រ​ត្រួតពិនិត្យ​សមាសធាតុ​ទឹកមាត់​រប​ស់​អ្នក​ប្រើ​ប​ប្រាស់​ទូរស័ព្ទ​១២​ជាមួយ​ហ្វ្រេ​កង់​ធំ ពួក​អ្នកចូលរួម​ទាំងនេះ​ច្រើន​និយាយ​ទូរស័ព្ទ​តិច​បំផុត ៨​ម៉ោង ក្នុង​១​ខែ ជាក់ស្តែង​ពួកគេ​នៅ​និយាយ​ច្រើន​ជាងនេះទៀត ។ ប្រមាណ ៣០​ដល់ ៤០​ម៉ោង ក្នុង​១​ខែ ទឹកមាត់​របស់​ក្រុមមនុស្ស​នេះ ត្រូវបាន​ប្រៀបធៀប​ជាមួយ​ក្រុម​ផ្សេង​រួមមាន​អ្នកជំងឺ​ថ្លង់ អ្នក​មិន​ប្រើប្រាស់​ទូរស័ព្ទ​ចល័ត ឬ​ប្រើប្រាស់​ឧបករណ៍​ដោយឡែក​សម្រាប់​ការផ្ញើ​ឯកសារ​ឬ​មុខងារ​គ្មាន​ភាសា​ផ្សេងៗ​។​
​បណ្ឌិត Ham Zang និយាយថា "​លទ្ធផល​បង្ហាញថា មាន​ភាព​តានតឹង​ច្រើន​លើ​កោសិកា និង​បណ្តា​ក្រពេញ​ប្រាស្រ័យ​ជាប្រចាំ​ជាមួយ​ទូរស័ព្ទ​ចល័ត​ពេល​ប្រើប្រាស់​ច្រើន​ជ្រុល រឿងនេះ​អាច​នាំ​ដល់​បម្រែបម្រួល​បម្លាស់​ទី បង្ក​ការរីកចម្រើន​ដុំ​គីស​" ។​
​វិស័យ​ស្រាវជ្រាវ​ខាងលើ​ឆ្លុះបញ្ចាំង​ទំនាក់ទំនង​យូរអង្វែង​អំពី​ឥទ្ធិពល​របស់​ទូរស័ព្ទ​ចល័ត ពិសេស​គឺ​ឥទ្ធិពល​របស់​វិទ្យុសកម្ម​លើ​ជាលិកា​មនុស្ស​ស្ថិតនៅ​ជិត​ត្រចៀក ៕​M

​អាហារ​បួន​មុខ​មិន​ផ្តល់​ប្រយោជន៍​ដល់​រាងកាយ​

បើសិន​ជា​អ្នក​មិនមែន​ជា​មនុស្ស​ចូល​ចិត្ត​ទទួលទាន​អាហារ​ដើម្បី​សុខភាព​នោះ អ្នក​ចាំបាច់​ត្រូវតែ​ចៀសវាង​បរិភោគ​អាហារ​ជំពូក​ប៊័រ និង​ហ្វ្រូ​ម៉ា (Cheese) យ៉ាង​ប្រាកដ​។ ទោះបីយ៉ាងណា អាហារ​ដែល​លោកអ្នក​យល់ថា អាក្រក់​ទាំងនេះ ក៏​មាន​សារជាតិ​មួយចំនួន ផ្តល់​ផលប្រយោជន៍​ល្អ​ច្រើន​ជាង​អាក្រក់​ដែរ​។​ តើ​ប្រភេទ​អាហារ​អ្វីខ្លះ​ដែល​ផ្តល់​ផល​អាក្រក់ ហើយ​អ្នក​គួរ​ចៀសវាង​បរិភោគ​?



​​*​ហ្វ្រូ​ម៉ា (Cheese)
​​ជា​ការពិត​ហ្វ្រូ​ម៉ា សម្បូរ​ទៅដោយ​ខ្លាញ់ និង​កាឡូរី ប៉ុន្តែ​ក៏​ជា​ប្រភព​សំខាន់​របស់​កាល់ស្យូម រួម​ទាំង​អាស៊ីដ (​ឡៃ​ណូ​ឡេ​អ៊ីក​ម៉ូលេគុល​) ដែល​ជា​ប្រភេទ​ខ្លាញ់​ដ៏​ល្អ ជួយ​កាត់បន្ថយ​ការ​ប្រឈម​នឹង​ការ​កើតរោគ​មហារីក រោគ​បេះដូង រោគ​ទឹកនោមផ្អែមនិង​រួម​ទៅ​ដល់​ការ​បញ្ចុះទម្ងន់​ដោយ​ទប់ស្កាត់​ប្រមូលផ្តុំ​សារជាតិ​ខ្លាញ់​ក្នុង​រាងកាយ​។ ប៉ុន្តែ​យ៉ាង ណា​ត្រូវ​ជ្រើសរើស​ហ្វ្រូ​ម៉ាប្រ​ភេទ Strong-flavored ដូចជា ហ្វេ​តា​ស៊ី​ស ប្រូ​ស៊ីល និង​ស៊ិ​លផា​មេសា​ស្រស់ (​មិន​កោស​)​។ ត្រូវ​ចៀសវាង​ហ្វ្រូ​ម៉ា ដែល​មាន​ខ្លាញ់​ទាប ពីព្រោះ​បើ​ទោះបី​មាន​ខ្លាញ់​ទាប​ត្រឹម ៦​ក្រាម ក្នុង​ទម្ងន់​តែ​មួយ​អោន (ounce=២៨,៣៥​ក្រាម​) ពិតមែន ប៉ុន្តែ​នៅពេល​នាំយក​ទៅ​ចម្អិន​ជា​អាហារ មិន​មាន​រសជាតិ​ទេ ដូចនេះ​យើង​ចាំបាច់​ត្រូវ​ដាក់​ច្រើន ដែល​ប្រការ​នេះ​មិន​ផ្តល់​ផល​ល្អ​សម្រាប់​រាងកាយ​សោះឡើយ​។​


*​ស្ករ​សូកូឡា​
​​អ្នក​ប្រហែល​ភ្លេច​ហើយ​ថា ស្ករ​សូកូឡា​ជា​មូលហេតុ​នាំ​ឲ្យ​កើតរោ​គមុន និង​រោគ​ប្រកាំង ព្រោះថា ស្ករ​សូកូឡា មាន​លាយ​ផ្សំ​ទៅ​ដោយ​សារជាតិ​មួយចំនួន​ប្រឆាំង​ការ​កើតរោគ​មហារីក និង​រោគ​បេះដូង ដូច​បន្លែ​ផ្លែឈើ​ដែរ​។ ដូចនេះ​ឃើញថា នៅពេលណា​ដែល​យើង​មាន​អារម្មណ៍​ថា មាន​ទុក​កង្វល់ បើ​បានរ​កស្ករ​សូកូឡា​មក​បរិភោគ ក៏​គាប់​ប្រសើរ​ដែរ ព្រោះថា​ស្ករ​សូកូឡា ជួយ​បន្ថែម​សារជាតិ សេរ៉ូ​ថូនី​ន ក្នុង​ខួរក្បាល​ធ្វើឲ្យ​អារម្មណ៍​ស្រស់ថ្លា ប៉ុន្តែ​គួរ​ជ្រើសរើស​បរិភោគ​ស្ករ​សូកូឡា (​ដាក​ឆ​ក​កូឡេត​)​។ ត្រូវ​ចៀសវាង​ស្ករ​សូកូឡា ដែល​មាន​លាយ​ផ្សំ (​ខា​រ៉ា​មេ​ល​ម៉ាស​ម៉ូ​ល​ឡូ​វ​) និង​ខ្លាញ់​ដទៃៗ​ទៀត ដែល​ធ្វើ​ឲ្យ​ឆាប់​ឡើង​ទម្ងន់​។​


​​*​សាច់គោ​
​​សាច់គោ​ជា​ប្រភេទ​សម្បូរ​ទៅដោយ​ប្រូតេអ៊ីន​ល្អ ហើយ​ជា​ប្រភេទ​អាហារ​ដែល​ស្ត្រី​តែង​បាន​ពី​ប្រភព​ផ្សេងៗ មិន​គ្រប់គ្រាន់​ដូចជា​ធាតុដែក ស័ង្កសី និង​វីតាមីន B12​។ ចូរ​ជ្រើសរើស​សាច់គោ​ត្រង់​ភ្លៅ ឬ​សាច់​ត្រគាក ព្រោះថា​នឹង​មាន​ប្រភេទ​ខ្លាញ់​ឆ្អែត​ត្រឹមតែ ៤,៥ ក្រាម ឬ​តិច​ជាង​នេះ ក្នុង​ទម្ងន់​មួយ​គីឡូក្រាម​។ ប៉ុន្តែ​ត្រូវ​ចៀសវាង​សាច់​ឆ្អឹងជំនីរ និង​សាច់​លាយ​ខ្លាញ់ ពីព្រោះ​ថា​មាន​សារជាតិ​ខ្លាញ់ និង​កាឡូរី​ច្រើន​កន្លែង​ដទៃទៀត​។


​​*​កាហ្វេ​
​​មិន​ចាំបាច់​ដល់​ថ្នាក់​ផ្អាក​ផឹក​កាហ្វេ​នោះទេ ព្រោះ​ការស្រាវជ្រាវ កាលពី​ពេល​ថ្មីៗ​នេះ គេ​បាន​រកឃើញថា កាហ្វេ​មិន​ពាក់ព័ន្ធ​ជាមួយ​ការ​កើត រោគ​បេះដូង ជាលិកា​នៅ​ដើមទ្រូង​ខុស​ប្រក្រតី ឬ​ជំងឺ​លើសឈាម​ទេ​។ ទោះបីយ៉ាងណា កាហ្វេ​ជួយ​កាត់បន្ថយ​ផលប៉ះពាល់​ទាំងនេះ​បាន​មួយ​ផ្នែក​ដែរ​។​ ​សម្រាប់​កាហ្វេ យើង​មិនគួរ​ផឹក​ក្នុង​មួយថ្ងៃ លើសពី ២ ទៅ ៣ កែវ​ទេ និង​ក្រៅពីនេះ មិន​គួរ​ដាក់​ក្រែម និង​ស្ករ​ច្រើនពេក​ដែរ​៕​

​ចង់​សម្រាលកូន​នៅ​ថ្ងៃ​ណា​? គួរ​រាប់​ដូចម្តេច​?

ផ្នែក​វេជ្ជសាស្ត្រ ច្រើន​កំណត់​រាប់​អាយុ​ផ្ទៃពោះ​ជា​សប្តាហ៍ ដោយ​ចាប់ពី​ថ្ងៃ​មាន​រដូវ​ដំបូង​នៃ​គ្រា​ចុងក្រោយបង្អស់​។ ការ​គន់គូរ​ចំនួន​ថ្ងៃ​គ្រប់​កំណត់​សម្រាល គឺ​រយៈពេល​៤០​សប្តាហ៍​(២៤០​ថ្ងៃ​)និង​ទារក​នៅ​ក្នុង​ផ្ទៃ​គ្រប់​កំណត់​សម្រាល​ក្រោយ ពេល​ផ្ទៃពោះ​មាន​អាយុ ៣៨​គ្រួសារ​ជា​ដើម​។​


​​ការ​គន់គូរ​មើល​ពី​កំណត់​ថ្ងៃ​គ្រប់​ពេល​សម្រាលកូន​បែប​ងាយៗ គឺ​ចាប់ផ្តើម​រាប់​ពី​ថ្ងៃ​ដំបូង ពេល​មាន​រដូវ​ចុងក្រោយ បង្អស់​+៧​ថ្ងៃ -៣​ខែ​។ ឧទាហរណ៍ ប្រសិនបើ​ឈាមរដូវ​ចុង​ក្រោយ​មក​ថ្ងៃ​ទី​១​ខែតុលា​ឆ្នាំ​២០១២ អាច​កំណត់​ថ្ងៃ​សម្រាល​បាន គឺ​ថ្ងៃ​ទី​៨​ខែកក្កដា​ឆ្នាំ​២០១៣ (​នោះ​គឺ​+៧​ថ្ងៃ ហើយ​រាប់​ចំនួន​ខែ​ថយ​ក្រោយ​រយៈពេល​៣​ខែ​)​។​

 

​​អាយុ​ផ្ទៃពោះ​ដែល​ត្រឹមត្រូវ ប្រសិនបើ​មាន​ធ្លាក់​ស៊ុត និង​ចាប់ផ្តើម​បដិសន្ធិ​១៤​ថ្ងៃ រាប់​តាំងពី​ថ្ងៃ​មួយ​នៃ​ពេល​រដូវ​ចុងក្រោយបង្អស់​។​

 

ការ​សម្រាលកូន​មុន​ពេល​កំណត់ គឺ​សម្រាលកូន​មុន​អាយុ​ផ្ទៃពោះ​គម្រប់​៣៨​សប្តាហ៍ និង​អត្រា​នៃ​ការ​ប្រឈម​ជា​មួយ​គ្រោះថ្នាក់​ក៏​កើន ឬ​ថយចុះ ទៅ​តាម​នោះ​ដែរ ដូចជា​បើ​សម្រាល​លឿន​ជាង​ពេល​កំណត់​ប៉ុណ្ណា អត្រា​នៃ​ការ​ប្រឈម​នឹង​គ្រោះថ្នាក់​ក៏​ច្រើន​ទៅ​តាម​នោះ​ដែរ​។​


​​ការ​សម្រាលកូន​មុន​ពេល​កំណត់ ឬ​និយាយ​ជា​ភាសា​សាមញ្ញ​ថា កូន​កើត​មិន​គ្រប់​ខែ​នោះ អាច​បែងចែក​ចេញ​ជាកា​រ​សម្រាល​មុន​កំណត់​ដោយ​ខ្លួនឯង និង​ការ​ជម្រុញ​ឲ្យ​ឆាប់​សម្រាល​ដោយ​គ្រូពេទ្យ​ជំនាញ ឬ​ការ​សម្រាល​ដោយ​វិធី​វះកាត់ ដើម្បី​ជួយសង្គ្រោះ​ជីវិត​ទាំង​ម្តាយនិង​ទារក​នៅ​ក្នុង​ផ្ទៃ​ដោយ សារ​សភាវៈ​ឱកាសនិយម​ណាមួយ​។​


​​កូន​កើត​មិន​គ្រប់​ខែ​ក្នុង​ករណី​ផ្ទៃពោះ​មាន​អាយុ​ទាប​ពេក ភាគច្រើន​បាត់បង់​ជីវិត តែ​ក្នុងករណី​អាច​នៅ​រស់​បាន ក៏​អាច​ប្រឈម​នឹង​បញ្ហា​សុខភាព​រយៈពេល​យូរអង្វែង​ផងដែរ មាន​ជាអាទិ៍ ពិការភាព ប្រាជ្ញា​ទន់ខ្សោយ សាច់ដុំ​មិន​រឹងមាំ មាន​បញ្ហា​ផ្នែក​បេះដូង និង​ប្រព័ន្ធ​ដង្ហើម​។ ក្រៅពីនេះ​នៅ​មាន​បញ្ហា​សរសៃប្រសាទ​ខួរក្បាល បញ្ហា​ផ្លូវចិត្ត និង​ពិការភ្នែក ដោយសារ​ប្រព័ន្ធ​ផ្សេងៗ មិនទាន់​វិវឌ្ឍ​ពេញបរិបូណ៌ ជាពិសេស​អាចមាន​រោគ​ប្រចាំកាយ​ណាមួយ​ទៀតផង​៕​

​គួរ​ប្រយត្ន័​ក្នុង​ការជំរុញ​ឲ្យ​សម្រាល​កូន​មុន​ពេល​កំណត់​

ការជំរុញ​ឲ្យ​សម្រាលកូ​ន​មុន​ពេល​កំណត់ គឺជា​ការ​ដែល​គ្រូពេទ្យ​ជំរុញ​ឲ្យ​ឈឺពោះ​សម្រាលកូន ឬ​សម្រាលកូន​មុនពេល ដែល​ម្តាយ​ឈឺពោះ​ដោយ​ខ្លួនឯង តាម​ធម្មជាតិ ដើម្បី​សុវត្ថិភាព​របស់​ម្តាយ និង​ទារក​នៅ​ក្នុង​គភ៌ ព្រោះ​ភាពខុសប្រក្រតី​ខ្លះ ។ មុន​ពេល​សម្រាល គ្រូពេទ្យ​តែងតែ​ពិនិត្យមើល​មាត់ស្បួន​ជាមុនសិន ប្រសិនបើ​មាត់ស្បូន ចាប់ផ្តើម​ទន់​បង្ហាញថា ម្តាយ​អាច​សម្រាលកូន​បាន​ហើយ ។ តែ​ប្រសិនបើ​មាត់ស្បូន នៅ​រឹង​ការជំរុញ​ឲ្យ​សម្រាលកូ​ន មិន​អាចធ្វើ​បាន​នោះ​ទេ ដែល​តម្រូវឲ្យ​ធ្វើ​ការវះកាត់ ។​
ការជំរុញ​ឲ្យ​សម្រាល​នៅពេលដែល​មិនទាន់​ដល់​ពេល​សមស្រប អាច​ផ្តល់​ផល​មិន​ល្អ ព្រោះ​អាច​មាន​ជំងឺ​ដ៏​ទៃ​ជ្រៀតជ្រែក ឬក៏​មាន​គ្រោះថ្នាក់​ដល់​ម្តាយ បន្ទាប់​ពី​ជំរុញ​ឲ្យ​សម្រាល​កូនមុន​ពេល​កំណត់ សុក​ធ្លាក់​មុន​ពេល​កំណត់ ឬ​ស្បូន​បែក​ក្រោយពេល​សម្រាល ដោយ​លំបាក ។​
ហេតុនេះហើយ ប្រសិនបើ​អ្នក​មានគភ៌ និង​មាន​សុខភាព​ធម្មតា អ្នក​គួរ​រង់ចាំ​ឲ្យ​ឈឺពោះ​សម្រាលកូន តាម​បែប​ធម្មជាតិ គឺជា​ការ​ល្អ​បំផុត ៕

​ការ​ˆ​វះកាត់​បញ្ចុះទម្ងន់ អាច​ធ្វើឱ្យ​ឆ្អឹង​ខ្សោយ​

ពួក​អ្នកវិទ្យាសាស្ត្រ​អូស្ត្រាលី បាន​ព្រមាន​ថា ការវះកាត់​បង្រួញ​ក្រពះ ដើម្បី​បញ្ចុះទម្ងន់ ភាគច្រើន​ត្រូវបាន​អនុវត្តន៍​សម្រាប់​អ្នកជំងឺ​ធា​ត់ ដែល​មិន​អាច​សម្រក​ទម្ងន់​តាម​វិធី​ផ្សេង​បាន ករណីនេះ វា​អាច​ធ្វើឲ្យ​ឆ្អឹង​របស់​ពួកគេ​ចុះខ្សោយ និង​ទ្រុឌទ្រោម​។​

​វិធីសាស្ត្រ​សំដៅ​ជួយ​ដល់​អ្នកជំងឺ​ធា​ត់ បន្ថយ​បរិមាណ​ចំណីអាហារ​ទទួលទាន មាន​ច្រើន​ប្រភេទ តាំង​ពី​ការវះកាត់​បង្រួញ​តូច​ក្រពះ​, ចង​ក្រពះ​... ប៉ុន្តែ​ពួក​អ្នកវិទ្យាសាស្ត្រ បានឱ្យដឹងថា វិធានការ​ទាំងឡាយ​ខាងលើ អាច​ធ្វើឱ្យ​ថយចុះ​ដង់ស៊ីតេ​ឆ្អឹង​, ជា​រឿង​គួរឱ្យ​បារម្ភ​បំផុត​ចំពោះ​អ្នកជំងឺ​ក្មេងៗ ដែល​ប្រព័ន្ធ​ឆ្អឹង​នៅ​ពុំ​ទាន់​រីកចម្រើន​អស់​កម្រិត​។​

​លទ្ធផល​ខាងលើ ត្រូវបាន​បណ្ឌិត Malgorzata Brzozowska  នៅ​វិទ្យាស្ថាន​ស្រាវជ្រាវ​វេជ្ជសាស្ត្រ Garvan នៅ​ស៊ីដនី លើក​ឡើង​ក្រោយ​ពេល​ស្រាវជ្រាវ​ទំនាក់ទំនង​ស្មុគស្មាញ​រវាង​ខ្លាញ់​, ឆ្អឹង និង​ការរារាំង​អំពី​ផ្នែក​ជីវជាតិ​។​


បណ្ឌិត Brzozoska បាន​បកស្រាយ​ថាៈ «​មូលហេតុ​របស់​ស្ថានភាព​នេះ ត្រូវបាន​ចាត់ទុក​ថា ពុំ​គ្រាន់​តែ​ដោយសារ​ការបញ្ចុះ​ទម្ងន់​ប្រញាប់ប្រញាល់ និង​ស្រូប​យក​តិច​នូវ​សារជាតិ​ជីវជាតិ​ចាំបាច់ ដូចជា​វីតាមីន D និង​កាល់ស្យូម​ប៉ុណ្ណោះ​ទេ តែ​នៅ​អាច​បណ្តាល​ពី​ការប្រែប្រួល​នូវ​អ័រម៉ូន​បញ្ចេញ​ពី​ខ្លាញ់ និង​ពោះវៀន ក៏ដូចជា​ឥទ្ធិពល​របស់​វា​ទៅដល់​ប្រព័ន្ធ​សរសៃប្រសាទ​មជ្ឈិម​»​។​

​ក្រុម​ស្រាវជ្រាវ​របស់​បណ្ឌិត  Brzozoska បានឱ្យដឹងថា ការត្រួតពិនិត្យ​ឆ្អឹង និង​ព្យាបាល​ភាព​ថមថយ​ដង់ស៊ីតេ​ឆ្អឹង គួរ​ត្រូវ​បាន​ចាត់​ទុក​ដូចជា​ផ្នែក​មួយ​ក្នុង​សកម្មភាព​ថែទាំ​សុខភាព​អ្នកជំងឺ​មុន និង​ក្រោយ​ការវះកាត់​បញ្ចុះទម្ងន់​៕​

ទទួលទាន​ទឹក ១,៥ លីត្រ​ល្អ​ចំពោះ​សុខភាព

​ទឹក​មាន​ប្រយោជន៍​ខ្លាំងណាស់​សម្រាប់​សុខភាព ពីព្រោះ​រាងកាយ​មិន​អាច​នៅ​បាន​ទេ​បើ​ខ្វះ​ទឹក ។ វា​មិន​គ្រាន់តែ​ជួយ​សម្រួល​ចរន្តឈាម​ឲ្យ​រត់​ស្រួល​ប៉ុណ្ណោះ​ទេ ថែម​ទាំង​នាំយក​សារធាតុ​អាហារ​ផ្សេងៗ​ទៅ​ចិញ្ចឹម​កោសិកា កម្ចាត់​ជាតិពុល សម្រួល​សីតុណ្ហភាព ក្នុង​រាងកាយ​ឲ្យនៅ​ថេរ ។ ប្រសិនបើ​បាន​ផឹកទឹក​ឲ្យបាន​មួយថ្ងៃ ១,៥ លីត្រ និង​ជួយ​កាត់បន្ថយ​ឱកាស​ក្នុងការ​កើតរោគ​បាន​គ្រប់​ប្រភេទ​ទៀតផង ៕

ការហាត់​ប្រាណ​របស់​មា​តា​ក្រោយពេល​សម្រាលកូន

ស្ត្រី​ជា​មាតា​ក្រោយពេល​សម្រាលកូន​រួច គួរ​សម្រក​ទម្ងន់​ដែល​កើនឡើង​ដោយសារតែ​ការ​ពពោះ ។ ក្នុងអំឡុង ៦ ខែ​ដំបូង​ក្រោយពេល​សម្រាលកូន​រួច មិនគួរ​សម្រាក​ទម្ងន់​ទាំង​គំហុក គួរ​បណ្តោយ​ឲ្យ​រាងកាយ​បាន​សម្រាក​ក្រោយពេល​សម្រាលកូន​មួយរយៈ​សិន ។
មួយវិញទៀត​ស្ត្រី​ជា​មាតា​មិនគួរ​ផ្អាក​ទទួលទាន​អាហារ​ដែលមាន​ប្រយោជន៍​ឡើយ ។ ក្នុងករណី​សម្រាលកូន​តាមរយៈ​វះ ក៏​មិនគួរ​ធ្វើ​ចលនា​រាងកាយ​ខ្លាំងៗ​ក្នុង​រយៈពេល ១-១ ខែ​កន្លះ ធ្វើយ៉ាងណា​រង់ចាំ​ឲ្យ​មាន​អារម្មណ៍​តឹង​នៅត្រង់​ក្បាលពោះ​ជាមុនសិន ទើប​អាច​ហាត់ប្រាណ​បាន ៕

ជំងឺ​បេះដូង គ្រោះ​ថ្នាក់​លេខ​១​ចំពោះ​ស្ត្រី​

​មនុស្ស​ភាគច្រើន​គិតថា ជំងឺ​បេះដូង ជា​ជំងឺ​របស់​បុរស ប៉ុន្តែ​ការពិត គឺ​វា​ជា​មូលហេតុ​នៃ​ការស្លាប់​លំដាប់​ទី​១ របស់​វា​ស្ត្រី​ទូទាំង​ពិភពលោក ។ យោង​តាម​អ្នកជំនាញ ពី​សាកលវិទ្យាល័យ​អេ​មូរី (Emory Univrsity) បានបង្ហាញ​ថា ជំងឺ​បេះដូង ចំពោះ​ស្ត្រី គឺ​បញ្ហា​ចម្បង​សូម្បីតែ​ស្ត្រី អាយុ​ក្រោម ៤៥ ឆ្នាំ ក៏​អាច​កើត​ជំងឺខ្សោយបេះដូង បាន​ដូចគ្នា ។ ក្រៅពីនេះ ជំងឺលើសឈាម​ ទឹកនោមផ្អែម ឬអាការជ្រៀតជ្រែកផ្សេងៗ ក្នុងអំឡុងពេល​តាំ​ង​គភ៌ អាច​ជះឥទ្ធិពល​ចំពោះ​សុខភាព​បេះដូង​របស់​ស្ត្រី ពេល​ឈាន​ចូល​វ័យ​កណ្តាល​ទៀតផង ។ ប៉ុន្តែ ២ ភាគ ៣ នៃ​ស្ត្រី​ដែល​បាត់បង់​ជីវិត ពី​ជំងឺខ្សោយបេះដូង បែរជា​គ្មាន​អាការ​ប្រាប់ឲ្យដឹង​មុន​ឡើយ ។ ដូច្នេះ ទើប​វា​សំខាន់​ណាស់ ដែល​អ្នក​ត្រូវ​មាន​ទម្លាប់​ប្រចាំថ្ងៃ​ដែល​ល្អ​ចំពោះ​សុខភាព និង​ត្រូវ​សង្កេតមើល​សញ្ញា​ដាស់តឿន​ពី​រាងកាយ​ជានិច្ច ៕

​ហាត់​យោ​ហ្គា​ដើម្បី​បំបាត់​ការខ្វះ​ដំណេក​

ក្លឹប​មួយ​ត្រូវបាន​គេ​បង្កើតឡើង​ដើម្បី​បង្រៀន​ពី​យោ​ហ្គាដ​ល់​អ្នក​ខ្វះ​ដំណេក ដោយ​ចលនា​ហាត់​យោ​ហ្គាដ​ល់​អ្នក​ខ្វះ​ដំណេក ដោយ​ចលនា​ហាត់​យោ​ហ្គា​ឲ្យ​រាង​ស្រ​ឡូ​ន និង​ភី​លេត (Pilates)​។​


​​ការបង្រៀន​យោ​ហ្គា សម្រាប់​អ្នក​ខ្វះ​ដំណេក ជា​វិធី​ហាត់​មួយ​ដ៏​មាន​ប្រសិទ្ធភាព​សម្រាប់​អ្នក​ដែល​មិន​ងាយ​ដេកលក់ ឬ​ទទួលទានដំណេក​មិន​គ្រប់គ្រាន់​ជា​ញឹកញាប់​។ តាម​ការ​ពិសោធន៍​ផ្នែក​វិទ្យាសាស្ត្រ បានឲ្យដឹងថា ការខ្វះ​ដំណេក បណ្តាល​ឲ្យ​អ្នកមួរ​ម៉ៅ ដែល​ជា​ហេតុ​ធ្វើឲ្យ​ងាយ​កើត​ជំងឺ​ទឹកនោម​ផ្អែម សម្ពាធ​ឈាម​ខ្ពស់ ធា​ត់ និង​ជំងឺ​ផ្សេងៗ​ទៀត​។ ដើម្បី​ដោះស្រាយ​បញ្ហា​នេះ ក្រុមគ្រូពេទ្យ បាន​ណែនាំ​ថា អ្នកជំងឺ​គួរតែ​ស្វែងរក​វិធី​ហាត់ប្រាណ​មួយ​ដែល​សមស្រប​សម្រាប់​ខ្លួនឯង ជាជាង​ការរំពឹង​តែ​ថ្នាំ​មួយ​មុខ​។


​​លំ​ហាត់ប្រាណ​នេះ ផ្តោត​សំខាន់​លើ​កត្តា​បី​យ៉ាង គឺ​ដក​ដង្ហើមវែង​២ និង​ដកដង្ហើម​យឺត​២ ធ្វើ​កាយវិកា​រហាត់​ថ្នមៗ សម្រួល​ខ្លួន​ដោយ​សមស្រប​។ ការដក​ដង្ហើមវែង ជួយ​ឲ្យ​សួត​មាន​ដំណើរការ​បាន​ល្អ​ដែល​មាន​លទ្ធផល ផ្តល់​អុកស៊ីហ្សែន បាន​ច្រើន​ជាង​មុន​ដល់​រាងកាយ ធ្វើឲ្យ​ឈាមដើរ​បានល្អ ស្មារតី​ស្រស់ថ្លា ជួយ​ឲ្យ​បេះដួង​បានសម្រាក កែលម្អ​ចង្វាក់បេះដូង និង​ការពិបាក​ដេក​។ ទន្ទឹម​នឹង​ការ​ហាត់ប្រាណ​នេះ ការហូបចុក​ត្រឹមត្រូវ ក៏​ជា​ប្រការ​សំខាន់​ក្នុងការ​ធ្វើឲ្យ​ដំណេ​ក​បាន​ស្កប់ស្កល់​ផង​ដែ​រ​។​


​​យោ​ហ្គាស​ម្រាប់​ធ្វើឲ្យ​រាង​ស្រឡូន រួម​មាន​ចលនា​ជាច្រើន តាំង​ពី​មូលដ្ឋាន​ដល់​កម្រិត​កំពូល​។ ការហាត់​នេះ មិន​ត្រឹមតែ​នាំមក​នូវ​ប្រសិទ្ធភាព​ចំពោះ​សុខភាព និង​ស្មារតី​នោះទេ ប៉ុន្តែ​វា​ក៏​ជួយ​បញ្ចុះ​ទម្ងន់ ធ្វើឲ្យ​រាងកាយ​ស្រឡូ​ន និង​រឹងមាំ​ជាង​មុន​។​


​​ជាមួយនឹង​ចលនា​ភី​លេត (Pilates) អេច ភី​លេត (H.P Pilates) អ្នកជំនាញការ​ផ្នែក​លំ​ហាត់ប្រាណ​ជនជាតិ​អាល្លឺម៉ង់ យល់ថា “​ប្រសិន​បាន​ហាត់​រយៈពេល ១០​ថ្ងៃ អ្នក​នឹង​មាន​អារម្មណ៍​ថា មាន​ភាពខុសប្លែក​, ២០​ថ្ងៃ អ្នកនឹង​ដឹង​ពី​ភាពខុសប្លែក​យ៉ាង​ប្រាកដ ហើយ​បើ​ហាត់​បាន ៣០​ថ្ងៃ អ្នក​នឹង​មាន​រាងកាយ​មួយ​ថ្មី​”​។ លោក អេច ភី​លេត គឺជា​អ្នកបង្កើត​វិធី​ហាត់ប្រាណ​ចំនួន ៥០០ មេរៀន ស្តីពី​ការ​ហាត់ប្រាណ​ឲ្យ​រាងកា​យបាន​ទន់ភ្លន់​តែ​មាំមួន កែលម្អ​រាងរៅ និង​កាត់បន្ថយ​ភាព​តានតឹង​។ លំ​ហាត់ប្រាណ ភី​លេត សមស្រប​ជាមួយ​មនុស្ស​គ្រប់​វ័យ រាងកាយ​គ្រប់​ប្រភេទ ហើយ​វា​ត្រូវបាន​គេ​ប្រៀបធៀប​ជាមួយនឹង​យោ​ហ្គា​៕

រោគសញ្ញា​ចំនួន ៩ យ៉ាង ដែល​ព្រមាន​កើត​ជំងឺមហារីក​ថ្លើម​

ថ្លើម ជា​ផ្នែក​មួយ ដើរតួនាទី​សំខាន់ ក្នុងការ​ច្រោះ​ជាតិពុល ក្នុង​សរីរាង្គ​។ ដូច្នេះហើយ ពេល​មុខងារ​ថ្លើម ត្រូវ​ទ្រុឌទ្រោម អាច​បង្កើតជា​ហានិភ័យ ចំពោះ​សុខភាព ពិសេស​គឺ​មហារីក ។​
​តាម​ការវាយតម្លៃ មហារីក​ថ្លើម គឺជា​ជំងឺ​គ្រោះថ្នាក់​មួយ បង្ក​ការបាត់​បង់ជីវិត​ជួរមុខ ក្នុងចំណោម​ជំងឺមហារីក ។ ដើម្បី​រកឃើញ​ឆាប់ និង​ព្យាបាល​ទាន់ពេល អ្នក​ត្រូវ​យកចិត្តទុកដាក់ ដល់​រោគសញ្ញា​ដំបូងៗ ដែល​ព្រមាន​ឆាប់​នូវ​ហានិភ័យ​មហារីក​ថ្លើម ដូចខាងក្រោម​នេះ ៖
១.​ទឹកនោម​ពណ៌​ក្រ​ម៉ៅៈ​
​ពេល​មុខងារ​ថ្លើម ត្រូវ​ទ្រុឌទ្រោម អាចធ្វើ​ឲ្យ​កម្រិត bilirubin ក្នុង​ឈាម​កើន បណ្តាល​ឲ្យ​ទឹកនោម មាន​ពណ៌​ក្រ​ម៉ៅ ពណ៌​លឿង​ដិត ឬ​ត្នោត ។ ក្នុងករណីនេះ អ្នក​ត្រូវ​ទៅ​មន្ទីរពេទ្យ ពិនិត្យ​សុខភាព​បន្ទាន់ ព្រោះនេះ អាចជា​រោគសញ្ញា​ដំបូង របស់​មហារីក​ថ្លើម ។​
២.​ទឹក​ក្នុង​ប្រហោង​ពោះ​
​ស្ថានភាព​ទឹក ផ្តុំ​ក្នុង​ប្រហោង​ពោះ ជា​រោគសញ្ញា​មួយ ក្នុងចំណោម​រោគសញ្ញា​ទូទៅ របស់​មហារីក​ថ្លើម ដំណាក់កាល​ដំបូង ។ ពិសេស​ក្នុងករណី អ្នកមាន​អារម្មណ៍​ហើមពោះ ទល់ខ្យល់ រួមជាមួយ​ថ្លើមធំ​នេះ អាច​ត្រូវបាន​ចាត់ទុកជា សញ្ញា​ឆាប់​របស់​មហារីក​ថ្លើម ។​
៣.​ឈឺពោះ​
​ពេល​ថ្លើម​ត្រូវ​ធំ និង​ថមថយ​មុខងារ អាច​នាំ​ដល់​ស្ថានភាព​ឈឺពោះ ។ ក្នុងករណី អ្នក​ត្រូវ​ឈឺពោះ រួម​ជាមួយនឹង​ថ្លើមធំ អ្នកមាន​លទ្ធភាព​ច្រើន កើត​ជំងឺ​អំពី​ថ្លើម ក្នុងនោះ​មាន​មហារីក ។​
៤.​រមាស់ៈ​
​រមាស់ អាច​ត្រូវបាន​ចាត់ទុក ដូចជា រោគសញ្ញា​ដ៏​ឆាប់​មួយ របស់​មហារីក​ថ្លើម ។ រឿងនេះ កើតឡើង​សំខាន់ ដោយសារ​មុខងារ​ថ្លើម ត្រូវ​ទ្រុឌទ្រោម នាំ​ដល់​ការ​កើន​បរិមាណ bilirubin ក្នុង​ឈាម ដែលជា​ភ្នាក់ងារ​បង្ក​រមាស់​លើ​ស្បែក ។​
៥.​ថ្លើមធំៈ​
​ថ្លើម​ស្ថិតនៅ​ប៉ែក​ខាងក្រោម​ឆ្អឹងជំនីរ​ឆ្វេង អូសបន្លាយ​ដល់​កណ្តាល​ពោះ ។ ពេល​អ្នក​យកដៃ​ស្ទាប​ឃើញ អាច​ដោយសារ​ថ្លើម ត្រូវ​ធំ ។ ក្នុងករណីនេះ អ្នក​ត្រូវ​ត្រួតពិនិត្យ​សុខភាព​ភ្លាម ព្រោះ​នោះ អាចជា​សញ្ញា​ដំបូង​មួយ ដែល​នាំ​ឲ្យ​កើត​ជំងឺមហារីក​ថ្លើម ។​
៦.​អស់កម្លាំងៈ​
​ប្រសិន​អ្នក មាន​អារម្មណ៍​អស់កម្លាំង ត្រាំត្រែង​មិន​ដាច់ អម​ជាមួយ​រោគសញ្ញា​ផ្សេងៗ ពាក់ព័ន្ធ​ដល់​ភាព​ទ្រុឌទ្រោម​មុខងារ​ថ្លើម អ្នក​អាចមាន​ហានិភ័យ​កើត​មហារីក​ថ្លើម ។ ព្រោះ​ស្ថានភាព​អស់កម្លាំង អូសបន្លាយ ជា​រោគសញ្ញា​ទូទៅ​មួយ ចំពោះ​អ្នកជំងឺ​មហារីក​ថ្លើម ។​
៧.​ចង់​ក្អួត និង​ក្អួ​តៈ​
​ប្រសិន​អ្នក តែងមាន​អារម្មណ៍​ចង់​ក្អួត ឬ​ក្អួត​ដោយ​មិន​ច្បាស់​មូលហេតុ ចូរ​ពិនិត្យ​សុខភាព ដើម្បី​កំណត់​មើលថា តើ​អ្នកមាន​ថមថយ​មុខងារ​ថ្លើម ឬ​អត់ ។ ព្រោះ​ស្ថានភាព​ចង់​ក្អួត និង​ក្អួត ដោយសារ​ទ្រុឌទ្រោម​មុខងារ​ថ្លើម​ច្រើន ត្រូវបាន​ចាត់ទុក​ជាស​ញ្ញា​ព្រមាន​ឆាប់​កើត​ជំងឺមហារីក​ថ្លើម ។​
៨.​ស្រក​ទម្ងន់ៈ​
​ថ្លើម​ជា​ផ្នែក​មួយ ដើរតួនាទី​សំខាន់ ក្នុង​ដំណើរការ​បំប្លែង​សារជាតិ​របស់​សរីរាង្គ ។ ដូច្នេះ ពេល​មុខងារ​ថ្លើម ចុះខ្សោយ អាច​នាំ​ដល់​ស្ថានភាព​ស្រក​ទម្ងន់ ។ រឿងនេះ អាច​ត្រូវបាន​ចាត់ទុក ជា​រោគសញ្ញា​សំខាន់បំផុត​មួយ ព្រមាន​ហានិភ័យ​មហារីក​ថ្លើម ដំណាក់កាល​ដំបូង ។​
៩.​ស្បែក​លឿងៈ​
​ស្បែក​លឿង ពុំមែន​ជា​ជំងឺ​មួយ តែ​វា​ជាការ​ស្តែងចេញ​មួយ របស់​ស្ថានភាព​ទ្រុឌទ្រោម​មុខងារ​ថ្លើម ។ ពេល​មុខងារ​ថ្លើម​ថមថយ នាំ​ដល់​ហានិភ័យ ធ្វើ​ឲ្យ​កើន​បរិមាណ bilirubin ក្នុង​ឈាម បង្ក​ជា​ស្ថានភាព​មួយ ដែល​ធ្វើ​ឲ្យ​ស្បែក​លឿង ។ អាស្រ័យហេតុនេះ ស្បែក​លឿង​ច្រើន ត្រូវបាន​ចាត់ទុក ដូចជា​សញ្ញា​ដំបូង​មួយ ព្រមាន​កើត​ជំងឺមហារីក​ថ្លើម ៕M/VL​

ទឹកមាត់ ទប់ស្កាត់​ជំងឺ​ផ្តាសាយ

នៅពេល​ចាប់ផ្តើម​ដំណើរការ​រំលាយ​អាហារ​, ទឹកមាត់​ផ្ទុក​ប្រូតេអ៊ីន​ប្រឆាំង​ពន្លក​ជំងឺ បង្កើតជា​ខ្សែក្រវាត់​ការពារ មួយ​សម្រាប់​ប្រឆាំង​តប​ការឆ្លង​មេរោគ​។ អាយុ​របស់​មនុស្ស​ម្នាក់ មាន​ឥទ្ធិពល​កំណត់​ដល់​បរិ​មាណ glycoprotein  មាន​ក្នុង​ទឹកមាត់​។​

​តាម​ការស្រាវជ្រាវ​មួយ​ដែល​ទើបបាន​ប្រកាស​លើ​ទស្សនា​វ​ដ្តី   Proteome (​ចិន​) បាន​ឲ្យ​ដឹងថា ប្រូតេអ៊ីន​មួយចំនួន​ក្នុង ទឹកមាត់​របស់​មនុស្ស​ចាស់ មានលទ្ធភាព​ទប់ស្កាត់​កត្តា​បង្ក​ជំងឺ​ផ្តាសាយ​។​

​ពួក​អ្នកស្រាវជ្រាវ​ចិន បាន​វិភាគ​គំរូ​ទឹកមាត់​របស់​បុរស និង​ស្ត្រី ១៨០ នាក់  មាន​អាយុ​ខុសៗ​គ្នា និង​សង្កេតឃើញថា   glycoprotein ក្នុង​ទឹកមាត់​របស់​មនុស្ស​អាយុ​៦៥​ឆ្នាំ​ឡើង មានលទ្ធភាព​ទប់ស្កាត់​វីរុស​ផ្តាសាយ​។​

​អ្នកស្រាវជ្រាវ  Zheng Li និង​សហសេវិក​របស់គាត់ បានឱ្យដឹងថា គំហើញ​នេះ ជួយ​ឱ្យ​យើង​យល់​ច្បាស់លាស់​ថា មូលហេតុ​អ្វី​មនុស្ស​ចាស់ កម្រ​រង​ឥទ្ធិពល​ដោយ​អម្បូរ​ថ្មីៗ​របស់​ជំងឺផ្តាសាយបក្សី និង​ផ្តាសាយ​ជ្រូក​ជាង​មនុស្ស​វ័យក្មេង​។​

​គំហើញ​នេះ អាចជួយ​លើកកម្ពស់​ការយល់ដឹង​, វិធី​បង្ការ និង​វិនិច្ឆ័យ​ជំងឺ​មួយចំនួន​ពាក់ព័ន្ធ​ដល់​អាយុ​៕

​ˆ​ដើរ​និង​ជិះ​កង់ អាច​បន្ថយ​ភាព​អស់កម្លាំង​ដោយសារ​ជំងឺមហារីក

តាម​លទ្ធផល​ស្រាវជ្រាវ​របស់​ពួក​អ្នកវិទ្យាសាស្ត្រ​អា​ មេរិកទៅលើ​មុខសញ្ញា​ជាង​២.០០០​នាក់ ដែល​កំពុង​​ ព្យាបាល​ជំងឺមហារីក​នោះ ការដើរ​ឬ​ជិះ​កង់​ជាប្រចាំ អាច​ជួយ​ពួកគេ​បង្កើន​ថែម​ថាមពល​បន្ថយ​ការ​អស់ កម្លាំង​។​

ការ​អស់កម្លាំង​អូសបន្លាយ​របស់​អ្នក​ជំងឺមហារីក ច្រើន​ត្រូវបាន​ចាត់ទុក​ថា បង្ក​ឡើង​ពី​ជំងឺ​និង​ឥទ្ធិពល​របស់​ឱសថ​ព្យាបាល​។ ការស្រាវជ្រាវ​មុនៗ​នេះ បានបង្ហាញ​ថា ការពិគ្រោះ​អំពី​ជីវជាតិ និង​ចាក់​ម្ជុល​វិទ្យាសាស្ត្រ ជា​ដំណោះស្រាយ​មួយ អាច​ជួយ​សម្រាល​ភាព​អស់កម្លាំង​នេះ​។ ប៉ុន្តែ​គំហើញ​ថ្មីៗ​នេះ​របស់​ពួក​អ្នកវិទ្យាសាស្ត្រ​នៅ​អង់គ្លេស បែរជា​ឱ្យ​ដឹងថា ការ​ហាត់ប្រាណ​ពី​កម្រិត​ស្រាល​ដល់​ល្មម ក៏​ជួយ​អ្នក​ជំងឺមហារីក​បន្ថយ​បានការ​អស់កម្លាំង​ផងដែរ​។​

Fiona អ្នកចូលរួម​គម្រោង​ស្រាវជ្រាវ​ខាងលើ បានឱ្យដឹងថា​៖ «យើងខ្ញុំ​មិន​ទន្ទឹង​ឱ្យ​គ្រប់​គ្នា​រត់​ជាង​១​គីឡូម៉ែត្រ ក្នុង​មួយ​ថ្ងៃ​ឡើយ​។ មនុស្ស​មួយចំនួន នឹង​មាន​អារម្មណ៍​ធូរ​ស្រួល ពេល​ដើរ​ឬ​ជិះ​កង់​។ យើងខ្ញុំ​លើកទឹកចិត្ត​អ្នក​ជំងឺ មហារីក ចូរ​ធ្វើ​សកម្មភាព​ជា​មួយ​អាំង​តង់​ស៊ី​តេ​ទាប​ប៉ុណ្ណោះ​»។​

​Cramp និង​សហសេវិក​របស់​អ្នកស្រី គឺ James Byron-Daniel  បាន​ប្រមែប្រមូល​លទ្ធផល​ពី​ការស្រាវជ្រាវ ចំនួន​៣៨ ប្រៀបធៀប​ផ្ទាល់​លើ​មុខសញ្ញា​ជាង ២.៦០០​នាក់ ដែល​អស់កម្លាំង​ដោយសារ​ជំងឺមហារីក បាន​ចូលរួម ឬ​មិន​ចូលរួម​កម្មវិធី​ហាត់ប្រាណ​ណាមួយ​។ ភាគច្រើន​នៃ​ការស្រាវជ្រាវ ប្រមូលផ្តុំ​ទៅ​លើ​ស្ត្រី​កើត​ជំងឺមហារីក​ដោះ និង​រូបភាព​ហាត់ប្រាណ​ផ្សេងៗ​គ្នា ពី​ការដើរ ជិះ​កង់​ដល់​លើក​ដុំ​ដែក ឬ​យោ​ហ្គា​។ បរិមាណ​ហាត់​ត្រូវ​បាន​គិត ពី​២​ដង ក្នុង​មួយ​សប្តាហ៍ ដល់​ហ្វឹកហាត់​រាល់ថ្ងៃ ក្នុង​រយៈពេល​ពី​១០​នាទី ដល់​២​ម៉ោង​។ ពេល​ប្រមូលផ្តុំ​លទ្ធផល​មកវិញ ពួក​អ្នក​ស្រាវជ្រាវ បាន​សង្កេតឃើញថា ចលនា​រាងកាយ​ក្នុងអំឡុងពេល និង​ក្រោយ​អំឡុង​ពេល​ព្យាបាល​មហារីក ជួយ​ឱ្យ​អ្នកជំងឺ​ទទួលបាន​ថាមពល​បន្ថែម​។ ជាក់ស្តែង​រូបភាព​ហាត់ប្រាណ ដូចជា​ដើរ និង​ជិះ​កង់ ជួយ​បន្ថយ​ការ​អស់ កម្លាំង​ជាង​វិធានការ​ផ្សេងៗ​៕​

​ˆ​ពពួក​អាហារ​បណ្តាល​ឱ្យចេញ​មុន​ច្រើន​

របប​ទទួលទាន រួមចំណែក​មិនតូច​ឡើយ​ក្នុង​ការរក្សា​សម្ផស្ស​ស្បែក​។ មាន​អាហារ​ជួយ​ឱ្យ​ស្បែក​ស្អាត តែ​ក៏មាន​អាហារ​ធ្វើឱ្យ​ស្បែក​របស់​អ្នកចេញ​មុន​ច្រើន​។

 

មុន​លើ​មុខ ពុំ​ត្រឹមតែ​ធ្វើឱ្យ​យើង​ប្រែជា​អាក្រក់​, បាត់​ទំនុកចិត្ត​លើ​ខ្លួនឯង​ប៉ុណ្ណោះ​ទេ តែ​អាច​នៅមាន​ឥទ្ធិពល​ដល់​សុខភាព​របស់​ស្បែក​ថែមទៀត​។

 

ប្រសិន​គ្រាន់​ជាមុន​អង្កាម​តូចៗ​ធម្មតា នោះ​យើង​មិនគួរ​បារម្ភ​ឡើយ​។ ចំណែក​ក្នុងករណី​មុន​រីកចម្រើន​ធ្ងន់​ជាង (​មុន ខ្ទុះ​) នោះ​លទ្ធភាព​បណ្តាលឱ្យ​រលាក​ស្បែក​, ឆ្លង​មេរោគ​ស្បែក​, ហើម​... អាច​កើតឡើង​បំផុត​។​

​មាន​មូលហេតុ​ជាច្រើន​ដែល​បង្ក​ការចេញ​មុន ដូចជា ការប្រែប្រួល​អ័រម៉ូន​, ភាពកខ្វក់​, រលាក​ស្បែក​, ស្ត្រេ​ស និង​រួមមាន​ទាំង​រឿង​ទទួលទាន​។ ខាងក្រោម​នេះ ជា​ក្រុម​អាហារ​ដែល​អ្នក​គួរ​ចៀសវាង ដើម្បី​ទប់ស្កាត់​ចេញ​មុន​ច្រើន​លើ​មុខ​។​

​របស់​ចៀន អាំងៈ​
​របស់​ចៀន អាំង ច្រើន​សម្បូរ​ជាតិ​ប្រេង​, ខ្លាញ់​, ពេល​ស្រូប​ចូលក្នុង​សរីរាង្គ នឹង​ពិបាក​មានឱកាស​ត្រូវបាន​រំលាយ​អស់​។ សារជាតិ​ខ្លាញ់ មិន​ត្រូវបាន​បំប្លែង និង​ដុតបំផ្លាញ និង​ផ្តុំ​មកវិញ​នៅក្នុង​សរីរាង្គ ខ្ទប់​នៅក្រោម​ស្បែក បង្ក​សម្ពាធ​ចំពោះ​ក្រពេញ​ជាតិ​រំអិល ធ្វើ​សកម្មភាព​ក្រោម​ស្បែក​, បង្ក​ការរារាំង​, ធ្វើឱ្យ​ស្ទះ​ចរាចរ​របស់​ស្បែក​, ងាយ​បណ្តាលឱ្យ​កើតមុន​។​

​ចំណីអាហារ​ផ្អែមៈ​
​ចំណីអាហារ​ផ្អែម​ច្រើន ត្រូវ​ចាត់ទុកថា មាន​លក្ខណៈ​ក្តៅ និង​បង្កើត​ថាមពល​ច្រើន​។ ពេល​ទទួលទាន​របស់​ផ្អែម​,​បរិមាណ​ស្ករ​លើស នឹងធ្វើ​ឱ្យ​កើន​សកម្មភាព​របស់​ក្រពេញ​ជាតិ​រំអិល ក្រោម​ស្បែក ហើយ​ពេល​បញ្ចេញ​មក​ក្រៅ នឹង​បិទ​ជិត​រន្ធ​រោម​, ងាយ​បង្ក​ការកើត​មុន ។​

​របស់​ហឹ​រៈ​
​របស់​ហឹរ​, ពិសេស​ពពួក​គ្រឿងទេស ដូចជា ខ្ទឹមស​, ម្ទេស​,​ម្រេច​...​អាច​បន្ថែម​រសជាតិ​ឱ្យ​អាហារ​។ តែ​ប្រសិន​ទទួលទាន​ច្រើនពេក នោះ​នឹង​ជា ô​គ្រោះថ្នាក់​õ សម្រាប់​ស្បែក​របស់​អ្នក​។ របស់​ហឹរ មាន​លក្ខណៈ​ក្តៅ​, ប្រសិន​ទទួលទាន​ច្រើន នឹង​បង្កើន​ការកកើត​សារជាតិ​រំអិល​លើ​ស្បែក​, បិទ​ជិត​រន្ធ​រោម​, ធ្វើឱ្យ​ស្ថានភាព​មុន កាន់តែ​អាក្រក់​ថែម​។​

​ភេសជ្ជៈ​មាន​ជាតិ​រំញោច (​អាល់កុល​, ហ្គាស​, កាហ្វេ​អ៊ី​ន​...)
​ការ​ទទួលទាន​កាហ្វេ និង​ស្រា ធ្វើឱ្យ​កើន​លទ្ធភាព​សកម្មភាព​របស់​អ័រម៉ូន គ័​រ​ទី​ហ្សូ​ន​-​អ័រម៉ូន​បង្ក​ស្ត្រេ​ស​, ដែល​ស្ត្រេ​ស​ជា​មូលហេតុ​មួយ​ក្នុងចំណោម មូលហេតុ​សំខាន់ៗ​របស់​បញ្ហា​ស្បែក​, ច្រើន​បង្ក​ការ​កើតមុន​លើ​ស្បែក​។ ការ​ទទួលទាន​កាហ្វេ ពេល​ឃ្លាន និង​គួបផ្សំ​ជាមួយ​អាហារ​ផ្អែមៗ​ដទៃទៀត នឹង​កាន់តែ​ធ្វើឱ្យ​ស្ថានភាព​មុន វា​មានការ​ប្រែជា​ធ្ងន់ធ្ងរ​ជាង​៕

បង្រួញ​ក្រពះ​បង្ការ​មហារីក​ស្បូន​

​ការស្រាវជ្រាវ​របស់​ពួក​អ្នកវិទ្យាសាស្ត្រ​អាមេរិក នៅ​សកល​វិទ្យាល័យ​កាលីហ្វ័រ​ញ៉ា និង​នៅ​មជ្ឈមណ្ឌល​មហារីក Moores ទីក្រុង San Diego ជិត​ប្រកាស​លើ​ទស្សនា​វ​ដ្តី Gynecologic Oncology , បង្ហាញថា ការវះកាត់​បង្រួញ​ក្រពះ​អាច​បន្ថយ​ហានិភ័យ​មហារីក​ស្បូន​ដល់ ៨១% សម្រាប់​ស្ត្រី​ធាត់ ។​
​ក្រុង​ស្រាវជ្រាវ​បាន​វិភាគ​ទិន្នន័យ​ស្ត្រី​អាមេរិក​ជាង ៧ លាន​នាក់ ក្នុងនោះ​មាន ១០៣.៧៩៧ នាក់ ធ្លាប់​ត្រូវបាន​វះកាត់​បង្រួញ​ក្រពះ និង​អ្នកជំងឺ ៤៤.៣៤៥ នាក់ ត្រូវ​វិនិច្ឆ័យ​មាន​ដុំ​គីស​កំណាច​នៅ​ស្រោម​ក្នុង​ស្បូន ។ លទ្ធផល​បង្ហាញថា អ្នក​ត្រូវបាន​វះកាត់​បង្រួញ​ក្រពះ​មាន​អត្រា​កើត​ជំងឺ​ទាប​ជាង​ពី ៧១%-៨១% (​អាស្រ័យទៅលើ​ការរក្សា​ទម្ងន់​ត្រឹមត្រូវ​ក្រោយ​វះកាត់​) ប្រៀប​នឹង​ស្ត្រី​ធាត់​មិនបាន​វះកាត់ ។​

​តាម​ការវិភាគ​ខាងលើ , ពួក​អ្នកវិទ្យាសាស្ត្រ​សន្និដ្ឋានថា ហានិភ័យ​មហារីក​ស្បូន​ចំពោះ​ស្ត្រី​ធាត់​អាច​កែប្រែ​ប្រសើរ​បាន ហើយ​ជម្រើស​មួយ​ក្នុង​ជម្រើស​ដ៏​សមស្រប​គឺ​វះកាត់​បង្រួញ​ក្រពះ​ឲ្យ​តូច ។ ក្រុម​ស្រាវជ្រាវ​បកស្រាយ​ថា បរិមាណ​ជាលិកា​ខ្លាញ់​លើស​សម្រាប់​មនុស្ស​ធាត់​ធ្វើ​ឲ្យ​បាត់​តុល្យភាព​អ័រម៉ូន ។ តាមរយៈ​នោះ​កម្រិត estrogen ខ្ពស់​ហួសហេតុ​ពេក ងាយ​បង្ក​ដុំ​គីស និង​រាលដាល ។ ធាត់​ក៏​ងាយ​បង្ក​ការ​រលាក​រ៉ាំរ៉ៃ , ជំរុញ​ភាព​ប្រឆាំង​អាំង​ស៊ុយ​លីន ធ្វើ​ឲ្យ​កើន​ថែម​បរិមាណ estrogen ៕M/T/L​

វះកាត់​បង្រួញ​តូច​ក្រពះ​អាច​បន្ថយ​ហានិភ័យ​មហារីក​ស្បូន​នៅ​ស្ត្រី​ធាត់​

បាត់បង់ភ្នែកដោយសារកញ្ចក់ដាក់ក្នុងភ្នែក

​ស្ត្រី​អង់គ្លេស​មួយរូប​ត្រូវ​បាត់បង់​ភ្នែក​ម្ខាង​ដោយសារ​ឆ្លង​ផ្សិត​ពី​ កញ្ចក់​ដាក់​ក្នុង​ភ្នែក (Contact lens) ទិញ​តាម​បណ្តាញ​អ៊ិន​ធើ​ណេ​ត។​
Jacquelin Stone អាយុ​៤២​ឆ្នាំ ត្រូវ​ចូល​សម្រាក​ពេទ្យ​រយៈពេល​១៧​សប្តាហ៍​ក្រោយពេល​ពាក់ Contact lens ក្នុង​រង្វង់​តែមួយ​ថ្ងៃ។​

​ នាង Jacquelin មកពី Rayne , Essex អង់គ្លេស ជា​សាស្ត្រាចារ្យ​ជំនួយ​ផ្នែក​គណិតវិទ្យា បាន​ទិញ Contact lens មានឈ្មោះ Focus Dailies All-Day Comfort តាម​គេហទំព័រ Lenstore.com.uk របស់​ក្រុមហ៊ុន Alcon Eyecare អង់គ្លេស។ នាង​រៀបរាប់ថា "​វា​ផ្តល់​ឲ្យ​ខ្ញុំ​អារម្មណ៍​ធូរស្រាល​ពេញ​មួយថ្ងៃ។ តែ​ពេល​យកចេញ​កញ្ចក់​ខាងឆ្វេង​បែរជា​ជាប់​ក្នុង​ភ្នែក​ខ្ញុំ​"។ ដោយសារ​ភ្នែក​កាន់តែ​ស្រអាប់ ហេតុនេះ​នាង​បាន​ទៅ​ជួប​វេជ្ជបណ្ឌិត និង​ទទួលបាន​ថ្នាំ​ដាក់​ភ្នែក។ ប៉ុន្តែ​ស្ថានភាព​កាន់តែ​ធ្ងន់ធ្ងរ​ទៅៗ នាង​បាន​ទៅកាន់​កន្លែង​ពិនិត្យ​ភ្នែក A&E។ នៅទីនេះ វេជ្ជបណ្ឌិត​បន្ត​ផ្តល់​ថ្នាំ​បន្តក់​ភ្នែក​ឲ្យ​នាង តែ​គ្រាន់តែ​ធ្វើ​ឲ្យ​ជំងឺ​ធ្ងន់ធ្ងរ​ថែម។​

​អ្នក​ម្តាយ​របស់​កូន​២​នាក់ ​រម្លឹក​ឡើងវិញ​ថា "​ខ្ទុះ​ពណ៌​ស បានកើត​ក្នុង​ភ្នែក និង​បែកចេញ ។ ពេលនេះ ខ្ញុំ​ស្រែក​ឡើង ហើយ​កូនប្រុស​អាយុ​១៥​ឆ្នាំ Charlie បាន​ហៅ​ឡាន​សង្គ្រោះ។ ទោះបី​ត្រូវបាន​ផឹក Morphine តែ​នៅតែ​ឈឺចាប់​ខ្លាំង​អស្ចារ្យ។ ធ្លាប់​សម្រាលកូន​២​ដង តែ​គ្មាន​ការឈឺចាប់​ណា​ស្មើ​លើក​នេះឡើយ ហាក់ដូច​មាន​ដង្កូវ​កកេរ​ទំពារ​ភ្នែក​ខ្ញុំ​"។​

Jacqueline បាន​បន្ត​ការព្យាបាល​នៅ​មន្ទីរពេទ្យ​ជាច្រើន តែ​វេជ្ជបណ្ឌិត​នៅតែ​ផ្តល់​ថ្នាំ​បន្តក់។ មួយខែ​ក្រោយ​នាង​ត្រូវបាន​បញ្ជូន​ទៅកាន់​មន្ទីរពេទ្យ Adden brooke , Cambridgo កន្លែង​វិនិច្ឆ័យ នាង​ឆ្លង​ផ្សិត Funarium ពី Contact lens។ ផ្សិត​នេះ​បាន "​ស៊ី​" ទម្លុះ​៣​ស្រទាប់​កោសិកា​ភ្នែក និង​៧០​ខ្សែ​សរសៃប្រសាទ។​

​ក្រោយពេល​ឆ្លងកាត់​ការវះកាត់​២២​លើក ពួក​វេជ្ជបណ្ឌិត​បង្ខំចិត្ត ត្រូវ​ខ្វេះ​ភ្នែក​ឆ្វេង​ចោល។ នាង​និយាយថា "​ប្រសិន​មិន​ធ្វើ​ដូច្នេះ​ទេ វា​នឹង​សម្លាប់​ខ្ញុំ។ ឥឡូវនេះ​ខ្ញុំ​ភ័យខ្លាច​បាក់តេរី​វិល​មកវិញ​រាល់ពេល​សុខភាព​ខ្សោយ​"។​
​ ក្រោយ​ហេតុការណ៍​នេះ Jacqueline បានដាក់​ពាក្យបណ្តឹង​ប្តឹង​ក្រុមហ៊ុន​ផលិត​កញ្ចក់ភ្នែក Alcon រួម​នឹង​មន្ទីរពេទ្យ​២​ទៀត ដែល​គ្មាន​ការទទួលខុសត្រូវ។​
Fusarium ជា​ផ្សិត​មួយ​ប្រភេទ ប្រសិន​លុកលុយ​ចូលក្នុង​ភ្នែក​មនុស្ស​នឹង​បង្ក​ការ​រលាក​មេរោគ​ធ្ងន់ធ្ងរ។ ប្រភេទ​ផ្សិត​នេះ​អាច​មានឥទ្ធិពល​ដល់​ផ្នែក​ខាងក្នុង ក្រៅ​បំផុត​របស់​ភ្នែក និង​បណ្តាល​ឲ្យ​ខ្វាក់ភ្នែក។ រោគសញ្ញា​កើត​ជំងឺ​រួមមាន​ព្រិល​ភ្នែក ហូរ​ទឹកភ្នែក ហើម​ភ្នែក ឈឺចាប់ និង​រំញោច​ជាមួយ​ពន្លឺ៕M​

ដេក​មួយស្រឡេត​ពេល​ថ្ងៃ ជួយ​បំពេញ​ថាមពល​ដ៏​ល្អ​បំផុត​

​ក្រោយពី​បំពេញការងារ​ច្រើន ពេញ​មួយ​កំណាត់​ថ្ងៃ​រួចមក  បើ​យើង​បាន​ដេក​មួយស្រឡេត​ពេល​ថ្ងៃ នឹង​អាច​ឲ្យ​យើង​ត្រឡប់មក​ស្រស់ស្រាយ​បាន​ម្តងទៀត ហើយ​អាចមាន​កម្លាំងកំហែង ធ្វើ​ការងារ​នៅពេល​រសៀល​បាន​យ៉ាង​ខ្លាំងក្លា​ថែម​ទៀតផង​។​
​វិធី​នេះ​ទទួលបាន​លទ្ធផល​ល្អ​ពិតមែន ពីព្រោះ​ការសិក្សា​ស្រាវជ្រាវ​មួយ​ខាង​សុខភាព គេ​បាន​រកឃើញថា ការ​បាន​ដេក​ពេល​ថ្ងៃ ប្រមាណ​ជាមួយ​ម៉ោង នឹង​ជួយ​ឲ្យ​ខួរក្បាល​របស់​យើង​បើកទទួល​នូវ​អ្វីដែល​ថ្មី​បាន​យ៉ាង​ងាយ​។ ក្នុងនោះដែរ មេដឹកនាំ​លំដាប់​ពិភពលោក មាន​ទាំង​លោក​ប្រធានាធិបតី ប៊ី​ល​គ្លី​ន​តុ​ន លោក​បា​រ៉ា​ក់ អូ​បា​ម៉ា ក៏បាន​អះអាង​ចំពោះ​ទ្រឹស្តី​នេះ​ថា ការ​ដេក​ពេល​ថ្ងៃ​ជួយ​ឲ្យ​មាន​ថាមពល ក្នុងការ​បំពេញការងា​រ​បាន​ច្រើន​តែម្តង​។​
​សូម​សាកល្បង​នាំយក​វិធី​នេះ​ទៅប្រើ​មើល៍ ប៉ុន្តែ​កុំ​ដេក​រហូត​ទាល់តែ​ហួស​ម៉ោង​ធ្វើការ តិច​លោ​មិត្តភក្តិ​រួមការ​ងារ និង​ចៅហ្វាយ​របស់​អ្នក​ទេសនា​ដាក់​៕

​ពិសា​ប៉េងប៉ោះ ល្អ​ចំពោះ​សុខភាព​

​ការ​ទទួលទាន​ប៉េង​បោះ ផ្តល់​ប្រយោជន៍​ច្រើន ចំពោះ​សុខភាព​ដោយសារ​ក្នុង​ប៉េង​បោះ មាន​សារធាតុ​ឡៃ​ខូពីន ឬ​លីកូ​ប៉ែន (Lycopene) ដែល​អាច​ជួយ​ការពារ​មហារីក​ក្រពេញប្រូ​ស្តាត និង​បង្កើន​ភាព​ភ្លឺ​ថ្លា​ដល់​ស្បែក បំប៉ន​ឈាម​ធ្វើ​ថ្ពាល់​ក្រហម​ព្រឿងៗ ។ បើ​យក​ប៉េង​ប៉ោះ ទៅ​ធ្វើ​ជា​ស៊ុប ក៏​រឹតតែ​មាន​ប្រយោជន៍​ខ្ពស់ ព្រោះ​បរិមាណ​ឡៃ​ខូពីន នឹង​កើនឡើង ក្រោយពេល​ត្រូវ​កម្តៅ ៕

អាស៊ីត​អ៊ុយ​រិ​ក ជួយ​បន្ថយ​ហានិភ័យ​ពិការ ក្រោយ​ស្ត្រូ​ក​

បណ្តា​តួលេខ​ស្រាវជ្រាវ ត្រូវបាន​ប្រកាស ដោយ​សន្និសីទ​អន្តរជាតិ​មួយ ទាក់ទង​នឹង​ជំងឺស្ត្រូក​ថា ការប្រើ​អាស៊ីត​អ៊ុយ​រិ​ក អាចធ្វើ​ឲ្យ​ថយចុះ​បញ្ហា អំពី​សរសៃប្រសាទ ដែល​កើតមាន​ចំពោះ​អ្នកជំងឺ ឆ្លងកាត់​ស្ត្រូ​ក ។​
​ក្រុម​អ្នកវិទ្យាសាស្ត្រ បាន​ឲ្យ​ដឹងថា កម្រិត​អាស៊ីត​អ៊ុយ​រិ​ក ខ្ពស់​ក្នុង​ឈាម អាច​បង្ក​ជា​ជំងឺ​គ្រោះថ្នាក់ ដូចជា គ្រួសតម្រងនោម និង gout ក៏ដូចជា ហានិភ័យ​ទឹកនោមផ្អែម និង​ជំងឺ​អំពី​សរសៃឈាម​បេះដូង ។​
​តែ​ពួក​អ្នកវិទ្យាសាស្ត្រ ក៏​ជឿជាក់​ដែរ​ថា កម្រិត​អាស៊ីត​អ៊ុយ​រិ​ក​ខ្ពស់ ក្នុងពេល​កើត​ជំងឺស្ត្រូក បែរជា​ជួយ​កែប្រែ​ឲ្យ​ប្រសើរឡើង នូវ​សុខភាព​អ្នកជំងឺ​ដំបូងបង្អស់ គឺ​អាស្រ័យ​ដោយ​លក្ខណៈ ប្រឆាំង​អុកស៊ីតកម្ម របស់​បណ្តា​សារជាតិ រារាំង​ការកកើត​រ៉ាឌីកាល់​សេរី ពេល​ចរាចរ​ឈាម ក្នុង​ខួរក្បាល ដំណើរ​ការមិន​ស្រួល ។​
ដើម្បី​បញ្ជាក់​រឿងនេះ ពួក​អ្នកវិទ្យាសាស្ត្រ​អេ​ស្ប៉ា​ញ បាន​ស្រាវជ្រាវ​លើ​អ្នក​ជំងឺស្ត្រូក ៤២១ នាក់ មាន​អាយុ​មធ្យម ៧៦ ឆ្នាំ ។ អ្នកជំងឺ ២ ក្រុម ត្រូវបាន​ប្រើ និង​មិន​ត្រូវបាន​ប្រើ​អាស៊ីត​អ៊ុយ​រិ​ក ក្នុង​រង្វង់ ៤,៥ ម៉ោង ក្រោយពេល​ចាប់ផ្តើម មាន​រោគសញ្ញា​ស្ត្រូ​ក ។ ទន្ទឹម​នោះ អ្នកជំងឺ​ទាំងអស់ សុទ្ធតែ​ត្រូវបាន​ប្រើ​សារជាតិ រំញោច​សកម្ម​ភាពជា​លិ​ក Plasminogen ។
ក្រោយ ៩០ ថ្ងៃ ជិត ៤០% នៃ​អ្នក​ជំងឺស្ត្រូក ក្នុង​ក្រុម​ត្រូវបាន​ប្រើ​អាស៊ីត​អ៊ុយ​រិ​ក មិនត្រូវ​ជួប​បញ្ហា អំពី​សរសៃប្រសាទ ក្នុងពេល​ក្រុម​ប្រើ​ថ្នាំ​បន្លំ តួលេខ​នោះ​គឺ ៣៣% ។ ប្រសិទ្ធភាព​សកម្ម ត្រូវបាន​កត់សម្គាល់ ទាំង​អ្នកជំងឺ​បុរស និង​ស្ត្រី ក៏ដូចជា នៅ​អ្នកមាន​កម្រិត​ស្ករ​ខ្ពស់ ក្នុង​ឈាម ៕M/V/L​

​មូលហេតុ​បណ្តាលឱ្យ​គ្រោះថ្នាក់​ស្បូន​របស់​ស្ត្រី​

ស្បូន​ជា​ផ្នែក​ខាងក្នុង​មួយ​នៃ​ប្រដាប់​បន្ត​ពូជ​របស់​ស្ត្រី ហើយក៏​ជា​ផ្នែក​សំខាន់​បំផុត​មួយ​របស់​សរីរាង្គ​។ ស្បូន​មាន​ឥទ្ធិពល​ផ្ទាល់​ទៅ​ដល់​សុខភាព​ស្ត្រី និង​ទារក ដូច្នេះ​ស្ត្រី​ត្រូវ​ថែទាំ​ដោយ​ប្រយ័ត្ន ប្រយែង​ផ្នែក​នេះ​។​

​ខាងក្រោម​នេះ គឺជា​«​ជនល្មើស​» ដែល​ត្រូវបាន​ចាត់ទុក​ថា មាន​ឥទ្ធិពល​ធំ​ទៅដល់​ស្បូន​របស់​ស្ត្រី និង​ដែល​ចាំបាច់​ត្រូវ​យកចិត្ត ទុកដាក់ និង​ចៀស​ឱ្យ​ឆ្ងាយ​។​

១.​អនាម័យ​មិនបាន​ល្អៈ​
«​ទ្វា​រមាស​» មិនបាន​ធ្វើ​អនាម័យ​ឲ្យបាន​ស្អាតបាត និង​ជា​មូលហេតុ​មួយ អាច​បង្ក​ការ​រលាក​ទ្វារមាស រលាក​មាត់ស្បូន រលាក​ដៃ​ស្បូន ... ហើយ​ក៏​គ្រោះថ្នាក់​ឆ្លង​មេរោគ​។ ទ្វារមាស​របស់​ស្ត្រី​អាច​ត្រូវ «​ប្រឈមមុខ​» ជាមួយ​គ្រោះថ្នាក់​មហារីក​ទ្វារមាស មហារីក​មាត់ស្បូន មហារីក​ដៃ​ស្បូន និង​កត្តា​គ្រោះ​ថ្នាក់​សំខាន់ៗ​ផ្សេងទៀត​។​

​ពិសេស​ក្នុង​ថ្ងៃ​មក​រដូវ ហើយ​មុន ឬ​ក្រោយ​ការ​រួមភេទ ស្ត្រី​កាន់តែ​ត្រូវ​អនាម័យ​ឱ្យបាន​ស្អាតបាត​។ រួមភេទ​ជាប្រចាំ​ក្នុង​ពេល​មក​រដូវ ជា​កត្តា​សំខាន់ មួយ​ក្នុងចំណោម​កត្តា​សំខាន់ៗ បណ្តាលឱ្យ​កើត​ជំងឺមហារីក​មាត់ស្បូន​។​

២.​សិច​ក្នុងពេល​មាន​គភ៌ៈ​
​ពួក​វេជ្ជបណ្ឌិត​ផ្នែក​សម្ភព ច្រើន​តែ​ទូន្មាន​ស្ត្រី​ដែល​មានគភ៌​ថា ត្រូវ​ចៀសវាង​ការ​រួមភេទ​ឥតឈប់ឈរ ក្នុង​៣​ខែ​ដំបូង ឬ​មួយខែ​ចុងក្រោយ មុន​ពេល​សម្រាល​បុត្រ​។ ការ​តម​នេះ ពុំ​ត្រឹមតែ ដើម្បី​រក្សា​សុវត្ថិភាព ឱ្យ​ទារក​ប៉ុណ្ណោះ​ទេ តែ​នៅ​ដើម្បី បញ្ចៀស​គ្រោះថ្នាក់​ឆ្លង​បាក់តេរី​បង្ក​ការ​រលាក​ស្បូន​ថែមទៀត​ផង​។ ពេល​មានគភ៌ ទ្វា​រមាស បង្កើន​ការ​បញ្ចោ​ញ​រំអិល ងាយ​រលាក ទន្ទឹម​នោះ នៅ​ធ្វើ​ឱ្យ​ថមថយ​សមត្ថភាព ទប់ទល់​របស់​បាក់តេរី​មាន​ប្រយោជន៍ ដូច្នេះ​ហើយ​ប្រសិន​រួមភេទ​ច្រើន​នឹង ងាយ​បណ្តាលឱ្យ​ឆ្លង​បាក់តេរី​ក្នុង​ស្បូន និង​បង្កើន​គ្រោះថ្នាក់រ​លូត​កូន ។ ដូច្នេះ​ប្រសិន​មាន​ទំនាក់ទំនង​ផ្លូវភេទ​ក្នុង​ដំណាក់កាល​នេះ ស្ត្រី​ត្រូវ​យកចិត្ត​ទុក ដាក់​ដល់​ការរក្សា​អនាម័យ​ស្អាតបាត ពិសេស​មុនពេល​រួមភេទ​។​


៣.​ស្រុត​ស្បូនៈ​
​ក្រោយ​ពេល​សម្រាលកូន សរីរាង្គ​ស្ត្រី​ខ្សោយ​ណាស់ និង​ពុំ​ទាន់​ស្តារ​ដូចដើម​ទាំងស្រុង​។ ក្នុងពេលនោះ​ស្បូន​នៅ​ធំ និង​ធ្ងន់​សាច់ដុំ និង​សរសៃពួរ លើក​ទ្រ​នៅ​បាត​កញ្ចូញគូទ​នៅ​ទន់ខ្សោយ ពុំ​ទាន់​ដូចដើម​។ អាស្រ័យ​ហេតុ​នោះ ប្រសិន​មិន​ប្រយ័ត្នប្រយែង​នឹង​គ្រោះថ្នាក់​បំផុត​សម្រាប់​ស្បូន ហើយ​ផលវិបាក​ច្រើន​ជួបប្រទះ​បំផុត​ក្នុង​ករណី​នេះ គឺ​ស្រុត​ស្បូន​។ ស្រុត​ស្បូន ជា​ករណី​ស្បូន​ត្រូវ​ស្រុត​ចុះក្រោម ច្រើន​កើតឡើង ប្រសិន​ស្ត្រី​ឆាប់​អង្គុយ​ចោងហោង ឬ​ធ្វើ​ការងារ​ធ្ងន់​ក្រោយ​សម្រាល​។​

៤.​រំលូតកូន​ច្រើនដងៈ​
​មនុស្ស​មួយចំនួន ដោយសារ​មូលហេតុ​ណាមួយ​នោះ បាន​ធ្វើឲ្យ​ការ​រំលូតកូន​លើសពីមួយ​ដង​។ ចំនួន​ដង​នៃ​ការ​រំលូត​គភ៌ កាន់តែច្រើន កាន់តែ​គ្រោះថ្នាក់​សម្រាប់​ស្បូន​។ ពិសេស​ប្រសិន​ធ្វើ​នៅ​កន្លែង​ខ្វះ​ជំនាញ​នោះ លទ្ធភាព​គ្រោះថ្នាក់ ក៏​កាន់តែ​ខ្ពស់​។​

៥.​បែក​ស្បូនៈ​
​ស្ត្រី​មានគភ៌​ក្នុងពេល​សម្រាល លំបាក ឬ​អូសបន្លាយ​ហួស​កម្រិត​ផលិត Oxytocin នាំ​ដល់​ការ​បែក​ស្បូន​។ នេះ​ជា​ផលវិបាក​ធ្ងន់ធ្ងរ​មួយ អាច​ឥទ្ធិពល​ដល់​អាយុជីវិត​របស់​មាតា និង​ទារក​។ ការ​ដេរ​ស្បូន​ឡើងវិញ អាចធ្វើ​បាន​តែ​ពេល​ស្ត្រី​នៅ​ក្មេង ស្នាមរ​ហែក​មិន​សាំ​ញាំ មិន​ឆ្លង​មេរោគ​។ ចំណែក​ក្នុង​ករណី​ផ្សេងៗ​ទៀត ប្រសិន​ធ្ងន់​និង​លំបាក​នោះ អាច​ត្រូវ​កាត់​ស្បូន​ចោល​។ នោះ​ជា​មូលហេតុ​ដែល​ពេល​មាន​គភ៌ ស្ត្រី​ត្រូវ​ទៅ​ពិនិត្យ​សុខភាព​តាម​កាលកំណត់ តិច​បំផុត​៣​ដង ឬ​មួយ​ខែម្តង (​ខែ​ចុង​ក្រោយ​មួយ​សប្តាហ៍​ម្តង​) ដើម្បី​រក​ឃើញ​មុន​មូលហេតុ អាច​បង្ក​ការ​បែក​ស្បូន​៕​

​អង្គុយ​ការិយាល័យ​ពេញ ១ ថ្ងៃ , គួរ​ទទួលទាន​ស្រា​ទំពាំងបាយជូរ​ក្រហម ១ កែវ

​ពួក​វេជ្ជបណ្ឌិត​អាមេរិក ចាត់ទុកថា ប្រសិន​មនុស្ស មាន​របៀបរបប​រស់​នៅ ខ្វះ​ចលនា​នោះ ស្រា​ទំពាំងបាយជូរ​ក្រហម អាចជួយ​ដោះស្រាយ​បញ្ហា អំពី​សុខភាព​បង្កឡើង ដោយ​របៀប​រស់នៅ​នោះ ។
​ពួកគេ​បាន​សង្កត់ធ្ងន់​ទៅលើ​ប្រសិទ្ធភាព របស់​ស្រា​ទំពាំងបាយជូរ​ក្រហម ដោយ​ទូន្មាន​ឲ្យ​ទទួលទាន តិចតួច​ប៉ុណ្ណោះ ។​

​ក្រុម​វេជ្ជបណ្ឌិត បាន​បញ្ជាក់ថា ក្នុង​ស្រា​ទំពាំងបាយជូរ​ក្រហម មាន​សារជាតិ resveratrol មាន​ឥទ្ធិពល​ល្អ ដល់​សរីរាង្គ​មនុស្ស , ជួយ​បន្ថយ​រលាក , កំហិត​កម្រិត​ស្ករ , មាន​ប្រសិទ្ធភាព​ប្រឆាំង​មហារីក ក៏ដូចជា ជំងឺ​អំពី​សរសៃឈាម​បេះដូង ។​

​ពួក​អ្នកវិទ្យាសាស្ត្រ បាន​ដំណើរការ​ពិសោធន៍​លើ​សត្វ​កណ្តុរ ។ ពួកគេ​ញាត់​កណ្តុរ ១៥ ថ្ងៃ ដោយ​វិធី​ព្យួរ​កន្ទុយ​វា​ឡើងលើ ។ កណ្តុរ​មួយចំនួន ត្រូវបាន​ប្រើ resveratrol រាល់ថ្ងៃ នោះ​បញ្ចៀស បានការ​ប្រែប្រួល​អាក្រក់ , ចំណែក​កណ្តុរ​មិនបាន​ប្រើ​សារជាតិ​នេះ នោះ​ផ្ទាំង​សាច់ដុំ និង​ដង់ស៊ីតេ​របស់​ឆ្អឹង សុទ្ធតែ​ថយចុះ ។​

​ពួក​អ្នកវិទ្យាសាស្ត្រ បាន​សន្និដ្ឋានថា ៖ resveratrol បំពេញបាន​ការខ្វះ​សកម្មភាព​រាងកាយ និង​ទប់ស្កាត់បាន ផលវិបាក​របស់​ស្ថានភាព​អង្គុយ​ច្រើន ៕M/V/L

​ស្ត្រី​ដេក​មួយ​យប់​៧​ម៉ោង គឺ​ល្អ​បំផុត​

​យោងតាម​ការស្រាវជ្រាវ​វិទ្យាសាស្ត្រ​មួយ​ថ្មីៗ​នេះ ដើម្បីឱ្យ​ខួរក្បាល បាន ភ្លឺស្វាង មនុស្ស​ត្រូវការ​គេង​៧​ម៉ោង​ក្នុង​មួយ​យប់ គឺ​មិនត្រូវ​គេង​ច្រើន ឬ​តិចជាង នេះ​។​
​ក្នុងការ​ស្រាវជ្រាវ Nurses' Health របស់​បណ្ឌិត​វិទ្យាសាស្ត្រ Elizabeth Devore នៅ​មន្ទីរពេទ្យ Biigham នៅ​បូ​ស្តុ​ន (​អាមេរិក​) ប្រើប្រាស់​ទិន្នន័យ​របស់ ស្ត្រី​១៥.០០០​នាក់ ដែល​ដេក​ក្នុង​មួយ​យប់​៥​ម៉ោង និង​តិចជាង​នេះ បានបង្ហាញ ឱ្យឃើញ​តួលេខ​ភ្លឺស្វាង​ទាប​ជាង​កម្រិតស្តង់ដារ បើ​ប្រៀប​នឹង​អ្នក ដេក​៧​ម៉ោង​ក្នុង​មួយ​យប់​។​
​ស្ត្រី​ដែល​ដេក​៩​ម៉ោង ឬ​ច្រើនជាង​នេះ ក៏​បង្ហាញឱ្យឃើញ​តួលេខ​ភ្លឺស្វាង​ទាប​ជាង បើ​ប្រៀប​នឹង​អ្នក​ដេក ៧​ម៉ោង​។​
​ផ្តើម​ពី​នោះ បណ្ឌិត Elizabeth Devore បានធ្វើការ​សន្និដ្ឋាន​អំពី​ទំនាក់ទំនង​រវាង​ពេលវេលា​ទទួលទានដំណេក និង​ភាពឈ្លាសវៃ​នៅ​អាយុ​មជ្ឈិមវ័យ និង​វ័យ​ចំណាស់​។ ការ​ទទួលទានដំណេក តិចជាង​៧​ម៉ោង​ក្នុង​មួយ​យប់ ធ្វើឱ្យ​កើន​គ្រោះថ្នាក់​ជំងឺ​សរសៃឈាម​បេះដូង និង​ទឹកនោមផ្អែម​។​
នៅក្នុង​កិច្ច​ពិគ្រោះ​ពិភាក្សា​ថ្មីៗ​នេះ​អំពី​ដំណេក​នៅ​បូ​ស្តុ​ន ពួក​អ្នកស្រាវជ្រាវ​នៃ​មហាវិទ្យាល័យ​កាលីហ្វ័រ​ញ៉ា Berkeley ក៏បាន​ឱ្យដឹង​ដែរ​ថា ការអនុវត្ត Scan MRI ចំពោះ​អ្នកចូលរួម​ពិសោធន៍ បង្ហាញថា ស្ថានភាព​ដេក​មិន​លក់​ធ្វើឱ្យ មនុស្ស​បាត់​ភាពឈ្លាសវៃ ទទួលទាន​មិនបាន​៕

ទទួលទាន​ទឹកតែ​បី​ពែង​ក្នុង​មួយថ្ងៃ​អាច​បន្ថយ​សម្ពាធ​ឈាម​របស់​អ្នក​បាន​

ក្រុម​អ្នកវិទ្យាសាស្ត្រ​នៅ​សាកលវិទ្យាល័យ The University of Western Australia and Unilever បាន​រកឃើញថា ការទទួល​ទាន​ទឹកតែ​បី​ពែង​ក្នុង​មួយថ្ងៃ​អាចជួយ​បន្ថយ​កំរិត​សម្ពាធ​ឈាម Systolic និង  Diastolic បាន ។​

​ការ​វាស់​សម្ពាធ​ឈាមមាន​ពីរ​លេខ។ លេខ​ទីមួយ​គេ​ហៅថា Systolic ដែល​វាស់​សម្ពាធ​ឈាម​នៅពេលណា​ដែល​បេះដូង​លោត ឬ បង្រួម​ដើម្បី​រុញ​ឈាម​ឲ្យ​ឆ្លងកាត់​ក្នុង​រាងកាយ ។ លេខ​ទី​ពីរ​គឺ Diastolic ដែល​វាស់​នូវ​ចំនួន​សម្ពាធ​ឈាម​នៅ​ចន្លោះ​ចង្វាក់បេះដូង នៅពេលដែល​បេះដូង​ពុំ​សូវ​មមាញឹក ។​

​តែ​គឺជា​ភេសជ្ជៈ​ពេញនិយម​បំផុត​ទី​ពីរ​បន្ទាប់ពី​ទឹក​ធម្មតា ។ វា​សម្បូរ​ទៅដោយ​សារ​ធារ​ប្រឆាំង​អុកស៊ីតកម្ម​ឈ្មោះថា Polyphenols ដែល​អាច​បញ្ឈប់​កោសិកា​មហារីក​មិន​ឲ្យ​លូតលាស់​បាន ។ ការសិក្សា​មួយទៀត​ពី​សាកលវិទ្យាល័យ​ហា​វើដ​បាន​រកឃើញថា ទឹកតែ​អាច​បង្កើន​ប្រព័ន្ធ​ភាពស៊ាំ​បាន​ផងដែរ ។​

​​ឥឡូវនេះ​ក្រុម​អ្នកស្រាវជ្រាវ​បាន​រកឃើញ​ភស្ដុតាង​ច្រើន​ថែមទៀត​ដែលថា​ទឹកតែ​អាចជួយ​រក្សា​ឲ្យ​បេះដូង​មាន​សុខ​ភាពល្អ​បាន ។ អ្នកនិពន្ធ​ការស្រាវជ្រាវ​គឺ សាស្ត្រាចារ្យ លោក ចូ​ណា​ថា​ន ហុក​សុន បាន​និយាយថា "​មាន​ភស្តុតាង​ជាច្រើន​រួចទៅហើយ​ដែលថា​ទឹកតែ​ល្អ​សម្រាប់​សុខភាព​បេះដូង​នោះ ក៏ប៉ុន្តែ​នេះ​គឺជា​ការរកឃើញ​ដ៏​សំខាន់​មួយ ព្រោះ​វា​បានបង្ហាញ​នូវ​ទំនាក់ទំនង​មួយ​រវាង តែ និង កក្តា​ហានិភ័យ​ដ៏​ចម្បង​សម្រាប់​ជំងឺ​បេះដូង ។​

​​នៅក្នុង​ការសិក្សា​តូច​មួយ អ្នកចូលរួម​សញ្ជាតិ​អូស្ត្រាលី​ចំនួន ៩៥ នាក់​អាយុ​ចន្លោះ​ពី ៣៥ និង ៧៥ ត្រូវបាន​ជ្រើសរើស​ឲ្យ​មក​ទទួលទាន​ទាំង​ទឹកតែ​ខ្មៅ​បី​ពែង និង ថ្នាំ​សាកល្បង (placebo) ដែលមាន​រសជាតិ និង ផ្ទុក​នូវ​សារធាតុ​កាហ្វេ​អ៊ី​ន​ដូចគ្នា ប៉ុន្តែ​មិនមាន​ប្រភព​ចេញពី​តែ​នោះទេ ។​

​​ប្រាំ​មួយខែ​ក្រោយមក ក្រុម​អ្នកស្រាវជ្រាវ​បាន​រកឃើញថា បើ​ប្រៀបធៀប​ជាមួយ​ក្រុម​ដែល​ផឹកថ្នាំ​សាកល្បង​នោះ អ្នកចូលរួម​ដែល​ផឹក​ទឹកតែ​ខ្មៅ​បាន​ថយចុះ​តួលេខ​រង្វាស់​សម្ពាធ​ឈាម systolic និង diastolic នៅ​ចន្លោះ ២ និង ៣ mmHg (​មី​ល្លី​ម៉ែត្រ​បារត​) ។​

​​អ្នកនិពន្ធ​ការស្រាវជ្រាវ​ជឿថា ការធ្លាក់ចុះ​សម្ពាធ​ឈាម​ចំនួន ២ ទៅ ៣ មី​ល្លី​ម៉ែត្រ​បារត​ក្នុង​រាងកាយ​អាច​នឹង​នាំទៅដល់​ការធ្លាក់ចុះ​សម្ពាធ​ឈាម ១០ ភាគរយ​ក្នុង​ខ្លួន​មនុស្ស​ដែល​កើត​ជំងឺ​បេះដូង និង ជំងឺលើសឈាម ។​
​    ​
​​លោក ត្រេ​ស៊ី ផាក​ឃើ គ្រូពេទ្យ​ជំនាញ​ខាង​អាហារ​នៅ​អង់គ្លេស​បាន​និយាយថា "​ទន្ទឹមនេះដែរ ការកាត់បន្ថយ​អាហារ​សម្បូរ​ជាតិ​ប្រៃ និង សុរា​, ការទទួល​ទាន​បន្លែ និង ផ្លែឈើ​ឲ្យ​បាន​ច្រើន​, និង ការរក្សាបាន​នូវ​លំ​ហាត់ប្រាណ​ដ៏​សកម្ម គឺ​សុទ្ធតែជា​វិធី​នាំទៅរក​ការកាត់បន្ថយ​សម្ពាធ​ឈាម​របស់​អ្នក​បាន​ផងដែរ​"៕

​ញាំ​បែបណា​ប៉ូវ​សុខភាព​ ​ ​

អាហារ​មិនមែនជា​មុខម្ហូប​សម្រាប់​ញាំ​សម្រន់​ភាព​ឃ្លាន​ប៉ុណ្ណោះ​ទេ ប៉ុន្តែ​វា​គឺជា​គ្រូពេទ្យ​គ្រួសារ​មួយ​ដែល​ជួយ​ឲ្យ​សុខភាព​យើង​មាំទាំ​បាន​ទៀតផង ប្រសិនបើ​យើង​ចេះ​ជ្រើសរើស​ញាំ​ឲ្យ​បាន​ត្រឹមត្រូវ​។​
​១-​ទឹកក្រូច​ច្របាច់ៈ​
​​ទឹកក្រូច​ច្របាច់​មិន​ត្រឹមតែ​ជួយ​អារម្មណ៍​ស្រស់ថ្លា​ប៉ុណ្ណោះ​ទេ ប៉ុន្តែ​វា​ថែមទាំង​មាន​វីតាមីន C ដែលជា​សារធាតុ​ជួយ​ទប់ស្កាត់​រ៉ាឌីកាល់​សេរី ជួយ​លាង​សម្អាត​ជាតិពុល និង​ជួយ​ជំរុញ​ការដុត​បំផ្លាញ​ជាតិ​ដែក ធ្វើ​ឲ្យ​រាងកាយ​បឺត​ស្រូបយក​អុកស៊ីហ្សែន​បានល្អ​ទៀតផង បើ​បាន​ផឹក​រាល់ថ្ងៃ ក៏​ធ្វើ​ឲ្យ​អារម្មណ៍​ស្រស់ស្រាយ​រាល់ថ្ងៃ​។​
​២-​ទំពាំងបាយជូរ​ក្រៀមៈ​
​ឃើញ​គ្រាប់​តូចៗ​បែបនេះ កុំ​ទាន់​អាល​មើលស្រាល ព្រោះថា​ទំពាំងបាយជូរ​ប្រមាណ​មួយ​ក្តាប់ដៃ អាចជួយ​បង្កើន​ប៉ូ​តា​ស្យូ​ម​ដល់​រាងកាយ​រហូតដល់​ទៅ ២១២ មិ​ល្លី​ក្រាម ជួយ​បន្ថយ​សម្ពាធ​ឈាម ជំនួយ​សរសៃឈាម​បេះដូង​ឲ្យ​ខ្លាំង សមស្រប​សម្រាប់​សុភាពនារី​ណា ដែលមាន​មិត្ត​ភ​ក្រ័​ចូលចិត្ត​ពញ្ញាក់​លេង បើ​បាន​ញាំ​ជាប្រចាំ បេះដូង​និង​ខ្លាំង មិន​ឈប់​ធ្វើ​ការងាយៗ ពេលដែល​មិត្ត​ភ​ក្រ​ពញ្ញាក់​លេង​ម្តងៗ​។​
​៣-​ជីរនាងវងៈ​
​​ជីរ​មួយ​ប្រភេទ​នេះ​មាន​សារធាតុ យូ​ជីណ​ល ដែល​អាច​សម្លាប់​បាក់តេរី​ក្នុង​ក្រពះ​និង​ពោះវៀន​។ មិនតែប៉ុណ្ណោះ​វា​ថែមទាំង​កែ​អាកា​រៈ​កន្ត្រាក់​ប្រឹង ធ្វើ​ឲ្យ​ពោះវៀន​មិន​រមួល បើ​ទោះណាជា​មាន​អាហារ​ឲ្យ​វា​រំលាយ​ពេញ​មួយ​ថ្ងៃនោះ វា​ក៏​នៅតែ​ធ្វើការ​បាន​យ៉ាងសកម្ម​ផងដែរ​។​
​៤-​ស្ពៃក្តោបៈ​
​បន្លែ​ប្រភេទ​នេះ​មាន​សារធាតុ ស៊ុ​ល​ហ្វូ​រ៉ា​ហ្វេ​ន ដែលជា​ពេជ្ឈឃាត​សម្លាប់​បាក់តេរី​ក្នុង​ពោះវៀន​។ អ្នក​ដែល​និយម​ចូលចិត្ត​ញាំ​ស្ពៃក្តោប គឺ​លែង​បារម្ភ​រឿង​ដំបៅ​ក្រពះ ដែល​អាច​រីក​រាលដាល​ក្លាយជា​សាច់​ដុះ​ក្នុង​ក្រពះ​ទៀត​។​
​៥-​ដំឡូងបារាំងៈ​
​ចំពោះ​អ្នក​ដែល​ឧស្សាហ៍​ឈឺក្បាល​ញឹកញាប់ ដំឡូងបារាំង​អាចជួយ​បាន ព្រោះថា​សារធាតុ​អាហារ​ដែល​បាន​ពី​ដំឡូង​មួយ​ប្រភេទ​នេះ នឹង​ចូលទៅ​រំញោច​រាងកាយ​ឲ្យ​បញ្ចេញ​សារធាតុ សេ​រ៉ូ​ថូ​នី​ន ដែលជា​ឱសថ​បំបាត់​ឈឺក្បាល​តាម​ធម្មជាតិ​ចេញមកក្រៅ ពេលនោះ​អាកា​រៈ​ធេងធោង​ធ្ងន់​ក្បាល​របស់​អ្នកនឹង​បាត់​ភ្លាមៗ​ដែរ​៕​

គួរទទួលទានអ្វីនៅពេលយប់ ដើម្បីកុំឲ្យឡើងទម្ងន់?

​ការងារ​រវល់​អ្នក​ត្រូវ​អត់ងងុយ​ដល់​យប់​ជ្រៅ ។ ដើម្បី​បំពេញ​ថាមពល​ឲ្យ​សរីរាង្គ អ្នក​អាច​ទទួលទាន​អាហារ​ស្រាលៗ​មួយចំនួន ដែល​ល្អ​សម្រាប់​សុខភាព​ផង និង​មិន​បណ្តាល​ឲ្យ​ឡើង​ទម្ងន់​ផង ។​
-​ស៊ុតមាន់​
​តាម​ការស្រាវជ្រាវ​រប​ស់​ពួក​អ្នកវិទ្យាសាស្ត្រ ទទួលទាន​ស៊ុតមាន់​នៅពេល​យប់​ពុំ​ត្រឹមតែ​មិន​បង្ក​គ្រោះថ្នាក់​ចំពោះ​សុខភាព​ប៉ុណ្ណោះ​ទេ តែ​ផ្ទុយ​មកវិញ ស៊ុតមាន់​ជា​ប្រភព​បំពេញបន្ថែម​ជីវជាតិ ថាមពល​សម្រាប់​ប្រព័ន្ធ​សរសៃប្រសាទ ជួយ​រក្សា​ភាពភ្លឺស្វាង​សម្រាប់​អ្នកធ្វើការងារ​ខួរក្បាល ។​
-​ទឹករ៉ែ​
​មុនពេល​ទទួលទាន អ្នក​ត្រូវ​ដាំ​កម្តៅ​ប្រមាណ​ពី ៣-៥​នាទី ។ មូលហេតុ​គឺ​ដោយសារ​ពេល​ដាំ ពពួក​សារជាតិ​បង្ក​គ្រោះថ្នាក់​មាននៅ​ក្នុង​ទឹក​ដូចជា​ក្លរួ នី​ទ្រី​ត នឹងត្រូវ​កំទេច ។ ទទួលទាន​ទឹក​ពេលធ្វើការ​ពេលយប់​នឹង​ជួយ "​លាប​រំអិល​" សកម្មភាព​របស់​ប្រព័ន្ធ​សរសៃប្រសាទ និង​បង្កើន​ថាមពល​ភ្នែក ធ្វើ​ឲ្យ​អ្នក​ប្រែជា​ភ្លឺស្វាង​ជាង ។​
-​បន្លែ មើម​
​បន្លែ មើម សម្បូរ​វីតាមីន សារជាតិ​រ៉ែ និង​ជីវជាតិ​ចាំបាច់​សម្រាប់​សរីរាង្គ ទន្ទឹម​នោះ​មាន​ផ្ទុក​ទឹក ដូច្នេះ​អ្នកនឹង​ពុំមាន​អារម្មណ៍​ស្រេកទឹក ។ បន្លែ មើម ពុំ​សូវ​មាន​កាឡូរី និង​ជាតិ​ខ្លាញ់ ដូច្នេះ​ទទួលទាន​ច្រើន​ក៏​មិន​បារម្ភ​ពី​ការឡើង​ទម្ងន់ ។​
​អាហារ​កែច្នៃ​ពី​បន្លែ​បៃតង នឹងមាន​ប្រយោជន៍​សម្រាប់​ប្រព័ន្ធ​រំលាយ​អាហារ និង​បង្ក​ការ​ស្តុក​ទុក​ថាមពល បង្ក​ជា​ជំងឺ​ធាត់ ។​
-​ធញ្ញជាតិ​នៅ​ទាំង​គ្រាប់​
​នេះ​ជា​អាហារ​សម្បូរ​កាបូ​ស៊ី​ដ្រា​ត​ជួយ​បង្កើន​បរិមាណ Tryptophan អាស៊ីត​មួយ​បង្កើត Serotonin ។​
-​ទឹកដោះគោ​ក្តៅ​
​មុនពេល​ចូល​គេង​ទទួលទាន​ទឹកដោះ​ក្តៅ​១​កែវ នឹង​ជួយ​ឲ្យ​គេង​លក់​ស្រួល​ជាង និង​ស្កប់​ជាង ។ ព្រោះ​ទឹកដោះ​មាន​ផ្ទុក Tryptophan សារជាតិ​មួយ​មាន​ឥទ្ធិពល​ធ្វើ​ឲ្យ​ងងុយគេង ។ ទឹកដោះគោ​ក្តៅ​១​កែវ​មុនពេល​ចូល​គេង​នឹងមិន​ធ្វើ​ឲ្យ​យើង​ឡើង​ទម្ងន់ តែ​នឹង​បំពេញ​កាល់ស្យូម​ឲ្យ​សរីរាង្គ ៕M

គ្រាប់ថ្នាំពណ៌បៃតង

ធម្មជាតិ​មាន​ប្រសិទ្ធភាព​ដូចជា​ឱសថ​ព្យាបាល​ជំងឺ​
​លទ្ធភាព​ព្យាបាល​ជំងឺ​ពី​ទេសភាព​គួរ​ឲ្យ​ចាប់ចិត្ត​របស់​ធម្មជាតិ ត្រូវបាន​មនុស្ស​ដឹង​តាំងពី​យូរ​មកហើយ ឥឡូវនេះ​ត្រូវបាន​វិទ្យាសាស្ត្រ​បញ្ជាក់ ។​
​ការស្រាវជ្រាវ​វិទ្យាសាស្ត្រ​ថ្មីៗ​បានបញ្ជាក់​ពី​សមត្ថភាព​ដ៏​អស្ចារ្យ​របស់​ធម្មជាតិ​ក្នុងការ​ព្យាបាល​ជំងឺ ។​
-​មាននៅ​ក្នុង​វេជ្ជបញ្ជា​ថ្នាំ​របស់​វេជ្ជបណ្ឌិត​
​ក្នុង​ពិភពលោក​មួយ​ពោរពេញ​ដោយ​ភាពកខ្វក់​របស់​យុគ្គសម័យ​បច្ចុប្បន្ន ពួក​វេជ្ជបណ្ឌិត​បានផ្តល់​កិត្តិយស សម្រាប់​ការរួមវិភាគទាន​រប​ស់​ធម្មជាតិ​ចំពោះ​សុខភាព​មនុស្ស​ដោយ​ឈ្មោះ​មួយ​ទន់ភ្លន់ ៖ "​គ្រាប់​ថ្នាំ​ពណ៌​បៃតង​" ។ នៅ​អូស្ត្រាលី ពួក​វេជ្ជបណ្ឌិត​ក៏បាន​ចេញ​វេជ្ជបញ្ជា​ឲ្យ​អ្នកជំងឺ​មួយចំនួន​ដោយ "​គ្រាប់​ថ្នាំ​ពណ៌​បៃតង​" ហើយ​ឧទ្យាន​ឈើ​បៃតង​ទាំងឡាយ​នៅ​ប្រទេស​នេះ​ត្រូវបាន​ចាត់ទុកជា "​ប្រភព​សុខភាព​ជាតិ​" ។​
​ក្នុងការ​ស្រាវជ្រាវ​មួយ​ថ្មី​បំផុត​របស់​វេជ្ជបណ្ឌិត Townsend នៅ​សកល​វិទ្យាល័យ Deakin (​មែ​ល​ប៊​ន​) អំពី​តួនាទី​របស់​ធម្មជាតិ​ចំពោះ​សុខភាព​មនុស្ស អ្នក​ប្រាស្រ័យ​ជាមួយ​ធម្មជាតិ​ច្រើន​មាន​សុខភាព​ទូទៅ​ល្អ​ជាង ហើយ​ភាគច្រើន​ពេញចិត្ត​ជាមួយ​ជីវិត​ឯកជន​របស់គេ ។ ធម្មជាតិ​ជួយ​មនុស្ស​បង្កើត​សកម្មភាព​រាងកាយ មិនត្រូវ​រំញោច បន្ថយ​ស្ត្រេ​ស មិនតែប៉ុណ្ណោះ​បន្ថយ​កូ​ឡេ​ស្តេ​រ៉ូ​ល ។​
​ក្នុង​រយៈពេល​២​ទសវត្សរ៍ ១៩៨០ និង ១៩៩០ ការស្រាវជ្រាវ​ជាច្រើន​ធ្លាប់​បញ្ជាក់ថា ទេសភាព​គួរ​ឲ្យ​ចាប់ចិត្ត​របស់​ធម្មជាតិ បានផ្តល់​ឲ្យ​មនុស្ស​នូវ​ផលប្រយោជន៍​ដ៏​ធំ​អនេក ។ ពី​អ្នកជំងឺ​កំពុង​ស្ថិតក្នុង​មន្ទីរពេទ្យ បុគ្គលិក​ការិយាល័យ អ្នកទោស អ្នកបើកបរ​... ទាំងអស់គ្នា​សុទ្ធតែ​ទទួល​ប្រយោជន៍​ពី​ធម្មជាតិ ។​
​ការស្រាវជ្រាវ​មួយ​ផ្សេងទៀត​ត្រូវបាន​ដំណើរការ​នៅ​អង់គ្លេស​បង្ហាញថា ជាង​៧៥% នៃ​អ្នករស់នៅ​តំបន់​ទីក្រុង​មិន​ប្រាស្រ័យ​ជាមួយ​ធម្មជាតិ​ច្រើន​ងាយ​កើត​ជំងឺផ្លូវចិត្ត ។ ការស្រាវជ្រាវ​នេះ​បញ្ជាក់ថា អ្នកជំងឺ​ក្រោយ​វះកាត់ នឹង​ស្តារ​សុខភាព​យ៉ាង​រហ័ស​ប្រសិន​ត្រូវបាន​គយគន់​ទេសភាព​ធម្មជាតិ​តាំងពី​នៅលើ​គ្រែ​ជំងឺ ។ បណ្តា​ការស្រាវជ្រាវ​ស្ថិតក្នុង​វិស័យនេះ​ក៏​បង្ហាញថា ស្ថានភាព​ស្មារតី​កម្រិត​ផ្លូវចិត្ត កម្រិត​ស្ត្រេ​សត្រូវ​ចំណុះ​យ៉ាងច្រើន​ទៅលើ​បរិស្ថាន​ធម្មជាតិ​ជុំវិញ ។​
​តាម​ការស្រាវជ្រាវ​មួយ​ផ្សេងទៀត​នៅ​ហុ​ល្លង់ និង​ជប៉ុន អ្នក​នៅ​ជិត​តំបន់​សម្បូរ​ព្រៃឈើ​ពណ៌​បៃតង អាយុ​វែង​ជាង និង​មានជីវិត​សុទិដ្ឋិនិយម​ជាង ។ ក្នុងពេលនោះ ការស្រាវជ្រាវ​មួយ​នៅ​ស៊ុយអែត​បញ្ជាក់ថា បុគ្គលិក​ការិយាល័យ​ទ្រាំ​លំបាក​គយគន់​ទេសភាព​ពី​បង្អួច​ការិយាល័យ​ដែល​ខ្លួន​កំពុងធ្វើការ​នោះ​ភាព​តានតឹង​ក្នុង​ការងារ​និង​ថយចុះ​យ៉ាងច្រើន ។​
-​ខ្វះ​ធម្មជាតិ បង្ក​ភាពច្របូកច្របល់​រាងកាយ​
​ការស្រាវជ្រាវ​មួយ​នៅ​អូស្ត្រាលី​បង្ហាញថា រុក្ខជាតិ​បៃតង​មាន​តួនាទី​ក្នុងការ​ធ្វើ​ឲ្យ​ស្ថិរភាព​ស្មារតី ទន្ទឹម​នោះ​សំអាត​ប្រភព​បរិយាកាស ។ ពួក​អ្នកស្រាវជ្រាវ​បាន​ពិនិត្យមើល​តួនាទី​របស់​រុក្ខជាតិ​បៃតង​ក្នុង​បន្ទប់​ប្រឡង ។ ពួកគេ​រៀបចំ​ឲ្យ​បេក្ខជន​ប្រឡង​ក្នុង​បន្ទប់​មាន​ស្ថាបនា​រុក្ខជាតិ លើ​កុំព្យូទ័រ ។ ពួក​អ្នកស្រាវជ្រាវ​សង្កេតឃើញថា បេក្ខជន​ទាំងនេះ​មាន​សម្ពាធ​ឈាម​ខាងក្រោម​ទាប​ជាង ហើយ​សមត្ថភាព​ប្រតិកម្ម​ជាមួយ​វិញ្ញាសា​ប្រឡង​ខ្ពស់ជាង​បេក្ខជន​នៅ​បន្ទប់​ប្រឡង់​ផ្សេង ។​
"​ភាពមិនប្រក្រតី ដោយសារ​ខ្វះ​ការប្រាស្រ័យ​ជាមួយ​ធម្មជាតិ​" ជា​ស័ព្ទ​មួយ​ដាក់ចេញ​ដោយ​អ្នកយក​ពត៌មាន​អាមេរិក Ricard Louv ។ ក្នុង​សៀវភៅ Last Child In the Woods : Saving Our Children From Nature Deficit Disorder របស់ខ្លួន Louv បាន​បង្ក​ការចាប់អារម្មណ៍​សម្រាប់​មជ្ឈដ្ឋាន​វិទ្យាសាស្ត្រ និង​វេជ្ជសាស្ត្រ​ពេល​លើកឡើង​ភាពមិនប្រក្រតី​អំពី​រាងកាយ និង​ស្មារតី​នៅ​កុមារ​ពេល​វា​ត្រូវ​រស់នៅក្នុង​កន្លែង​ផ្តាច់ចេញ​ពេក​ជាមួយ​ធម្មជាតិ ។​
​បច្ចុប្បន្ន ពួក​អ្នក​សង្គមវិទ្យា​កំពុង "​ស្រែក​" អំពី​រឿង​រវល់​ហួសហេតុ​របស់​ឪពុកម្តាយ កាលវិភាគ​សិក្សា​ធ្ងន់ធ្ងរ​ជ្រុល​ធ្វើ​ឲ្យ​កុមារ​ពុំ​សូវ​មាន​លក្ខខណ្ឌ​ប្រាស្រ័យ​ធម្មជាតិ ។ ទន្ទឹម​នោះ បណ្តា​សមិទ្ធផល​បច្ចេកទេស​លេខ អ៊ិន​ធឺ​ណេ​ត​... កាន់តែ​ធ្វើ​ឲ្យ​កុមារ​ឃ្លាតឆ្ងាយ​ពី​ធម្មជាតិ ៕​M

ហេតុអ្វីស្ត្រីឧស្សាហ៍ត្រូវរលាកប្លោកនោម ?

​ស្ត្រី​សឹងតែ​ទាំងអស់​សុទ្ធសឹងតែ​ធ្លាប់​ឆ្លងកាត់​ម្តង​ក្នុង​មួយជីវិត​នូវ​រោគសញ្ញា​ចង់​បត់ជើងតូច​ឥតឈប់ឈ​រ ក្រហាយ​ពេល​បត់ជើងតូច រួច​ឈឺ​ផ្នែក​ពោះ​ខាងក្រោម ។ ជំងឺឆ្លង​មេរោគ​ប្លោកនោម (​ឬ​រលាក​ប្លោកនោម​) ថ្វី​ត្បិត​ងាយ​ដោះស្រាយ​តែ​អាច​ពិបាក​ព្យាបាល ប្រសិន​មិនត្រូវ​បាន​រកឃើញ​ឆាប់ ។​
​ក្នុងចំណោម​មូលហេតុ​ជាច្រើន​បង្ក​ការឆ្លង​មេរោគ​ផ្លូវ​មូត្រ មូលហេតុ​សំខាន់​គឺ​រចនាសម្ព័ន្ធ​ស្មុគស្មាញ​របស់​ប្រដាប់បន្តពូជ​ស្ត្រី ។ ហានិភ័យ​កើត​ជំងឺ​រលាក​ប្លោកនោម​នឹង​កើនឡើង​នៅ​រដូវក្តៅ ពិសេស​នៅ​បណ្តា​ប្រទេស​ក្តៅ​ពេល​មនុស្ស​បែកញើស​ច្រើន និង​បត់ជើងតូច​តិច ។ អ្នក​ក៏​គួរ​ប្រយ័ត្នប្រយែង​ជាមួយ​ថ្នាំ​ពន្យារកំណើត ព្រោះនេះ​ក៏​ជា​មូលហេតុ​មួយ​ក្នុងចំណោម​មូលហេតុ​បង្ក​ការ​រលាក​ប្លោកនោម ។ ការធ្វើ​អនាម័យ​មិនបាន​ល្អ​ក៏​បណ្តាល​ឲ្យ​បាក់តេរី​រីក​កើត​លឿន ។ ស្ត្រី​ត្រូវ​យកចិត្តទុកដាក់​ជាពិសេស​រឿងនេះ​ក្នុងអំឡុងពេល​មក​រដូវ ។ ពុំ​សូវ​ផ្លាស់​សំឡី​អនាម័យ​ក៏​ងាយ​បណ្តាល​ឲ្យ​ឆ្លង​មេរោគ ។ ផ្ទុយ​មកវិញ​ការធ្វើ​អនាម័យ​ច្រើនពេក​ក៏​ពុំ​ប្រាកដថា ល្អ​ដែរ ។​
​ការប្រើ​ចំពួយ​បាញ់​ផ្ទាល់​ទៅលើ​ទ្វារមាស​នឹងធ្វើ​ឲ្យ​បាត់​តុល្យភាព​ប្រព័ន្ធ​បាក់តេរី ក៏​ជា​ប្រភព​បង្ក​ជំងឺ ការ​រលាក​ប្លោកនោម​មួយចំនួន ក៏​ចំណុះ​ទៅលើ​ជីវភាព​ផ្លូវភេទ​របស់​អ្នក​និង​ការប្រែប្រួល​អ័រម៉ូន ។​
​ចុងក្រោយ​មាន​មូលហេតុ​មួយ​កម្រ​ត្រូវបាន​ចាប់អារម្មណ៍​ដល់​របស់​ជំងឺ​រលាក​ប្លោកនោម គឺ​ការ​ស្លៀកពាក់ ។ ស្លៀក​សម្លៀកបំពាក់​ចង្អៀត​ពេក​អាចធ្វើ​ឲ្យ​កើន​សីតុណ្ហភាព​សរីរាង្គ បង្ក​ឲ្យ​សើម​ទ្វារមាស បង្កលក្ខណៈ​ឲ្យ​បាក់តេរី​ស្នាក់អាស្រ័យ និង​រីកចម្រើន ។​
​ដើម្បី​បង្ការ​ជំងឺ​ស្ត្រី​ត្រូវ​
-​ទទួលទាន​ទឹក​គ្រប់គ្រាន់​ពី ១,៥-២​លីត្រ ក្នុង​១​ថ្ងៃ
-​មិន​ទ្រាំ​ទប់​បត់ជើងតូច ។ ប្រឹងប្រែង​បត់ជើងតូច​ឲ្យ​ទៀងទាត់ និង​ត្រូវ​ទ្រាំ​យូរ ។​
-​បត់ជើងតូច​ភ្លាម​ក្រោយពេល​រួមភេទ​
-​ចៀសវាង​ធ្វើ​ឲ្យ​សើម ធ្វើ​ឲ្យ​កើន​សីតុណ្ហភាព​សរីរាង្គ ។ ចៀសវាង​ស្លៀក​សម្លៀកបំពាក់​ចង្អៀត​ព្រោះ​នឹង​រំញោច​បញ្ចេញ​ញើស ។​
-​យកចិត្តទុកដាក់​រក្សា​អនាម័យ ក្នុងពេល​មក​រដូវ ៕​M

ហានិភ័យ​កើតជំងឺ​ពី “មីកញ្ចប់”

​អ្នក​អាច​កើត​ជំងឺ​សរសៃឈាម​បេះដូង​, ស្ត្រូ​ក​, លើសឈាម​, ថមថយ​សមត្ថ​ក​ចិ​ច្ច​តម្រងនោម​, មហារីក​... ប្រសិន​ទទួលទាន​មី​កញ្ចប់​ជាប្រចាំ -​នេះ​បើតាម​ការព្រមាន​របស់​សហគម​អ្នកប្រើប្រាស់ Penang (​ម៉ាឡេស៊ី​) ។​
​សហគម​អំពាវនាវ​ដ​ល់​អ្នកប្រើប្រាស់ មិនត្រូវ​ទទួលទាន​មី​កញ្ចប់ ព្រោះ​មាន​គ្រោះថ្នាក់​សម្រាប់​សុខភាព ។ ការស្រាវជ្រាវ​ជាច្រើន បាន​បង្ហាញថា កម្រិត​ប្រើប្រាស់​ម៉ូ​ដ្យូ​ម​ខ្ពស់ មាន​ពាក់ព័ន្ធ​ដល់​ជំងឺ​មួយចំនួន ដូចជា​លើសឈាម​, ជំងឺ​បេះដូង​, ស្ត្រូ​ក និង​បង្ក​របួស​ឲ្យ​តម្រងនោម ។​
​ឆ្នាំ​២០០៤ ម៉ាឡេស៊ី ប្រើប្រាស់ ៨៧០ លាន​មី​កញ្ចប់ តែ​នៅ​ឆ្នាំ​២០០៨ តួលេខ​នេះ​គឺ ១.២១០ លាន​កញ្ចប់ កើន​ជិត ៤០% ។​
. ពុំ​សូវ​មានតម្លៃ​ជីវជាតិ​
​មី​កញ្ចប់ ជា​អាហារ​ត្រូវបាន​កែច្នៃ​មានតម្លៃ​ជីវជាតិ​តិចតួច ហើយ​វា​ត្រូវបាន​ចាត់ទុកជា​អាហារ​កំប៉ិកកំប៉ុក ។ មី​កញ្ចប់ មាន​ផ្ទុក​បរិមាណ​ខ្ពស់ កាបូ​អ៊ី​ដ្រា​ត​, ម៉ូ​ដ្យូ​ម និង​គ្រឿងទេស​ផ្សេងៗ និង​ផ្ទុក​យ៉ាងតិច​កត្តាចាំបាច់​ដូ​ជាៈ សារជាតិ​សរសៃ​, វីតាមីន​, សារជាតិ​រ៉ែ ។​
. ឥទ្ធិពល​ដល់​សរសៃឈាម​បេះដូង​, លើសឈាម​
​តាម​ស្តង់ដារ Codex អន្តរជាតិ (​ស្តង់ដារ​របស់​អង្គការ​ស្បៀង​កសិក្ម​ពិភពលោក​) ចំពោះ មី​កញ្ចប់ នោះ​ពពួក​សារជាតិ​គ្រឿងទេស ២៤ ក្នុង ១៣៦ មាន​ក្នុង​ស្តង់ដារ Codex ជា​អំបិល​សូ​ដ្យូ​ម ហើយ​ការប្រើប្រាស់​សូ​ដ្យូ​ម​ជា​មូលហេតុ​សំខាន់ ដែល​មី​កញ្ចប់​មាន​បរិមាណ​សូ​ដ្យូ​ម​ខ្ពស់ ។ អាហារ​សម្បូរ​សូ​ដ្យូ​ម អាច​បង្ក​ការ​លើសឈាម​, ជំងឺ​បេះដូង​, ស្ត្រូ​ក​, របួស​តម្រងនោម និង​បញ្ហា​សុខភាព​ផ្សេងៗ ។​
​សហគម​អ្នកប្រើប្រាស់ Penang ដំណើរការ​ត្រួតពិនិត្យ​មី​កញ្ចប់ ១០ មុខ នោះ​រកឃើញ ៣ មុខ​មាន​ផ្ទុក​សូ​ដ្យូ​ម​លើ ១០០០ មី​លី​ក្រាម ។ បរិមាណ​សូ​ដ្យូ​ម​ជា​មធ្យម ត្រូវបាន​រកឃើញ​ក្នុង​កញ្ចប់​ផ្សេងៗ គឺៗ ៣៣០ មី​លី​ក្រាម ។ តាម​របប​ទទួលទាន​បង្ការ​បច្ចុប្បន្ន​របស់​អាមេរិក (RDA) បរិមាណ​សូ​ដ្យូ​ម សម្រាប់​មនុស្ស​ធំ និង​កុមារ អាយុ​ពី ៤ ឆ្នាំ គឺ ២៤០០ មី​លី​ក្រាម ក្នុង​១​ថ្ងៃ ។ ការទទួល​ទាន​មី​ក​ញ្ចា​ប់​ជាប្រចាំ អាចធ្វើ​ឲ្យ​បរិមាណ​សូ​ដ្យូ​ម​ប្រើប្រាស់​ហួស​កម្រិត​ធម្មតា ព្រោះ​សូ​ដ្យូ​ម​មាន​វត្តមាន​នៅក្នុង​អាហារ​ប្រចាំថ្ងៃ​ផ្សេងៗ​ទៀត ពិសេស គឺ​អាហារ​កែច្នៃ​ស្រាប់ ។​
. ប្រឈម​ឆ្លង​ជាតិពុល​
​ចំណាប់អារម្មណ៍​ធំ​មួយ ចំពោះ​មី​កញ្ចប់ កឺ​វា​អាចបង្កើត​ប្រេង ឬ ខ្លាញ់ ប្រសិន​មិនត្រូវ​បាន​គ្រប់គ្រង​ត្រឹមត្រូវ ក្នុង​ដំណើរ​ការផលិត ។ នេះ​ជា​រឿង អាច​កើតឡើង ប្រសិន​ប្រេង​ចំអិន​មិន​ត្រូវបាន​អ្នក​ផលិត​រក្សា​នៅ​សីតុណ្ហភាព​សមស្រប ឬ មិន​ត្រូវបាន​ផ្លាស់ប្តូរ​ជាប្រចាំ ។​
. ធ្វើ​ឲ្យ​ទ្រុឌទ្រោម​ប្រព័ន្ធ​អង្គ​បដិបក្ខ​
​មី​កញ្ចប់ ត្រូវបាន​គ្របដណ្តប់ ដោយ​ស្រទាប់​ក្រ​មូ​ន​មួយ ដើម្បី​ទប់ស្កាត់​មិន​ឲ្យ​វា​ស្អិត​ជាប់​គ្នា ។ រឿងនេះ អាច​ឃើញច្បាស់​ពេល​ចាក់ទឹក​ក្តៅ​ចូល ។ ក្រោយ​១​រយៈពេល ក្រមួន​នឹង​អណ្តែង​លើ​ផ្ទៃ​ទឹក ។​
​ស្តង់​ដ​សារ Codex ក៏​អនុញ្ញាត​ប្រើប្រាស់​ដល់ ១០.០០០ មី​លី​ក្រាម​/​គីឡូក្រាម សារជាតិ​គីមី Propylene glycol -​សមា​ធាតុ​ប្រឆាំង​កក​មួយ ដូចជា​សារជាតិ​រក្សា​សំណើម​ក្នុង​មី​កញ្ចប់ ។ Propylene glycol នឹង​ងាយ​ត្រូវបាន​សរីរាង្គ​ស្រូ​ម​យក និង​ផ្តុំ​ក្នុង​បេះដូង​, ថ្លើម និង​តម្រងនោម បង្ក​ជា​ភាពខុសប្រក្រតី និង​របួស ។ សារជាតិ​គីមី​នេះ ក៏មាន​លទ្ធភាព​ធ្វើ​ឲ្យ​ចុះខ្សោយ​ប្រព័ន្ធ​អង្គ​បដិបក្ខ ។​
​មី​កញ្ចប់ និង​កញ្ចប់​គ្រឿងទេស ក៏​ផ្ទុក​ប៊ីចេង​យ៉ាងច្រើន (MSG) ។ នោះ​ជា​សារជាតិ​បង្កើន​ក្លិន​រស​ជាំ​តិ ត្រូវបាន​ពួក​អ្នក​ផលិត​ប្រើប្រាស់ ហើយ ១ - ២% នៃ​ចំនួន​ប្រជាជន មានលទ្ធភាព​អាលែកហ្ស៊ី ជាមួយ​ប្រភេទ​ប៊ីចេង​នេះ ។​
. បង្ក​របួស​តម្រងនោម និង ស្ត្រូ​ក​
​ប្រើប្រាស់​សូ​ដ្យូ​ម ច្បើ​ន​ពេក មាន​ពាក់ព័ន្ធ​ដល់​ជំងឺស្ត្រូក ឬ របួស​តម្រងនោម​, នៅ​ម៉ាឡេស៊ី​, ប៉ានី​ស្ថាន មាន​អ្នកជំងឺ ១៣.០០០​នាក់ ត្រូវ​លាង​ឈាម ។ ក្នុង​១​ឆ្នាំៗ មាន​មនុស្ស ២៥០០ នាក់ ក្លាយជា​អ្នកជំងឺ​ខ្សោយតម្រងនោម​ដំណាក់កាល​ចុងក្រោយ ហើយ​ក្នុង​១​ម៉ោង នៅ​ម៉ាឡេស៊ី មាន ៦ ករណី នៃ​អ្នកជំងឺ​ថ្មី​ត្រូវ​ស្ត្រូ​ក ។​
. លទ្ធភាព​បង្ក​មហារីក​
​សារ​ជាតិគីមី​មួយចំនួន មាន​ក្នុង​មី​កញ្ចប់ មានលទ្ធភាព​បង្ក​មហារីក ។ ឧទាហរណ៍ សារជាតិ Dioxir និង​សារជាតិ​ធ្វើ​ឲ្យ​ស្វិត ។​
​តាម​អង្គការ​សុខភាព​ពិភពលោក (WHO) តិច​បំផុត ៣០% នៃ​អ្នកជំងឺ​មហារីក​ទាំងអស់ អាច​ត្រូវបាន​ទប់ស្កាត់ ដោយ​វិធានការ​សាមញ្ញ ដូចជា​ការអនុវត្តន៍​របប​ទទួលទាន​មួយ​ត្រឹមត្រូវ ៕M​

តែ​បី​ពែង​ក្នុង​មួយថ្ងៃ​អាចជួយ​ទប់​ទល់នឹង​បញ្ហា​បេះដូង និង ជំងឺ​ទឹកនោមផ្អែម​

ក្រុម​អ្នកស្រាវជ្រាវ​បាន​អះអាងថា ការទទួល​ទាន​ទឹកតែ​ត្រឹមតែ​បី​ពែង​ប៉ុណ្ណោះ​ ក្នុង​មួយថ្ងៃ​ អាច​ការពារ​ប្រឆាំងនឹង​ជំងឺ​គាំងបេះដូង និង ជំងឺ​ទឹកនោមផ្អែម​ប្រភេទ​ទី​២​បាន។ ទស្សនា​វ​ដ្តី​មួយ​បាន​បង្ហាញថា ការទទួល​ទាន​ទឹកតែ​ខ្មៅ ដោយ​លាយ ឬ មិន​លាយ​ជាមួយ​ទឹកដោះគោ​ក៏ដោយ អាច​កាត់បន្ថយ​ហានិភ័យ​ក្នុងការ​កើតមាន​បញ្ហា​បេះដូង​ ដោយសារ​ការថយចុះ​ជាតិ​ កូ​ឡេស​ស្តូ​រ៉ូ​ល ​មិនល្អ និង ជាតិ​ស្ករ​ក្នុង​ឈាម។​

​ក្រុម​អ្នកជំនាញ​បាន​និយាយថា អត្ថប្រយោជន៍​របស់ "​តែ​" គឺ​កើតមាន​ដោយសារតែ​ការផ្ទុក​នូវ​សារធាតុ Flavonoid ជា​គ្រឿងផ្សំ​ប្រឆាំង​អុកស៊ីតកម្ម​មួយ​ដែល​ការពារ​ប្រឆាំងនឹង​ជំងឺ​បេះដូង។ ទឹកតែ​មួយ​ពែង​ផ្តល់​ឲ្យ​យើង​នូវ​សារធាតុ Flavonoid ចំនួន ១៥០-២០០ ក្រាម ហើយ​វា​គឺជា​ប្រភព​ប្រឆាំង​អុកស៊ីតកម្ម​មួយ​ដ៏​ប្រសើរ​នៅក្នុង​របប​អាហារ។ ពាក់ព័ន្ធ​នឹង​ការ​ផ្តល់នូវ​សារធាតុ​ប្រឆាំង​អុកស៊ីតកម្ម​វិញ ទឹកតែ​ចំនួន​ពីរ​ពែង​គឺ​ស្មើនឹង​ប្រាំ​ចំណែក​នៃ​បន្លែ​ទាំងអស់​ផងដែរ។

​​ថែម​ពីលើ​នេះ​ទៀត ការសិក្សា​មួយ​ដែលមាន​រយៈពេល ១២ សប្តាហ៍​ទៅលើ​មនុស្ស​ស្ម័គ្រចិត្ត​ចំនួន ​៨៧​នាក់​បាន​រកឃើញថា ការទទួល​ទាន​ទឹកតែ​ចំនួន​បី​ពែង​ក្នុង​មួយថ្ងៃ​បានធ្វើ​ឲ្យ​មាន​ភាពប្រសើរឡើង​គួរ​ឲ្យ​កត់សម្គាល់​នៅក្នុង​កត្តា​ហានិភ័យ​ជំងឺ​បេះដូង​ផ្សេងៗ​ជាច្រើន។​

​​អ្នករស់នៅ​ទីក្រុង Britons ប្រទេស​អង់គ្លេស​ជិត​ ៨០​ភាគរយ​ គឺជា​អ្នក​ដែល​ចូលចិត្ត​ពិសា​ទឹកតែ ហើយ​ទឹកតែ​ចំនួន ១៦៥ លាន​ពែង​ត្រូវបាន​ប្រជាជន​នៅ​ទីនោះ​ទទួលទាន​រាល់ថ្ងៃ។ សរុប​ជារួម​មក សារធាតុ Flavonoid ដែល​រកឃើញ​នៅក្នុង​ទឹកតែ​ត្រូវគេ​គិតថា​ អាច​គ្រប់គ្រង​នូវ​ការ​ហើម​រលាក​, កាត់បន្ថយ​ការ​កកឈាម​ហួសប្រមាណ​, ជួយ​ជម្រុញ​មុខងារ​សរសៃឈាម និង ជួយ​គ្រប់គ្រង​ការរាំងស្ទះ​សរសៃឈាម​ធំ។​

​​លោក​វេជ្ជបណ្ឌិត ធី​ម បោ​ន បាន​និយាយថា "​សារធាតុ Flavonoid នៅក្នុង "​តែ​ខ្មៅ​" គឺ​ត្រូវបាន​គេ​ចាត់ទុកថា​ជា​សមាសធាតុ​ទទួលបន្ទុក​ លើ​ឥទ្ធិពល​ការពារ​របស់​តែ​ខ្មៅ​ទៅលើ​សុខភាព។ ហើយ​អាកា​រៈ​ជំងឺ​ធ្ងន់ធ្ងរ​ដូចជា​ជំងឺ​បេះដូង ជំងឺ​ដាច់​សរសៃឈាម​ក្នុង​ខួរក្បាល និង ជំងឺ​ទឹកនោមផ្អែម​ គឺ​សុទ្ធតែ​ជាប់​ពាក់ព័ន្ធ​នឹង​ដំណើរ​ហើម​រលាក និង វត្តមាន​របស់​ប្រតិកម្ម ​អុកស៊ីសែន Pro-oxidant មាន​ចំនួន​ច្រើន​ហួសប្រមាណ​នៅក្នុង​រា​ងកាយ​"។​

​​លោក​បន្តថា "​ឥទ្ធិពល​នៃ​សារធាតុ​ប្រឆាំង​អុកស៊ីតកម្ម និង សារធាតុ​ប្រឆាំង​ការ​ហើម​រលាក​នៅក្នុង​សារធាតុ Flavonoid របស់​តែ​ខ្មៅ​ អាច​នឹង​រ៉ាប់រង​ចំពោះ​ឥទ្ធិពល​របស់ ​តែ​ខ្មៅ ទៅលើ​សុខភាព​ប្រកបដោយ​ភាព​វិជ្ជមាន​"៕

ហេតុអ្វីស្ត្រីមានអាយុវែងជាងបុរស?

​តាម​ការស្រាវជ្រាវ​រប​ស់​អ្នកវិទ្យាសាស្ត្រ​ជប៉ុន​នោះ នារី​មាន​អាយុ​វែង​ជាង​បុរស​គឺ​ដោយសារ​ប្រព័ន្ធ​ការពារ​សរីរាង្គ​របស់​នារី មាន​ភាពចំណាស់​យឺត​ជាង ។​
​ក្រុម​អ្នកវិទ្យាសាស្ត្រ​នៃ​សកល​វិទ្យាល័យ​ធ្មេញ និង​វេជ្ជសាស្ត្រ​តូ​ក្យូ ប្រទេស​ជប៉ុន បាន​ដំណើរ​ការវិភាគ​គំរូ​ឈាម​របស់​បុរស​៣៥៦​នាក់ និង​នារី​អាយុ​ពី​២០​ឆ្នាំ​-៩០​ឆ្នាំ ។ បំណង​ត្រួត​ពិនិត្យមើល​កម្រិត នៃ​កោសិកា​ឈាមស និង​បណ្តា​កោសិកា សម្របសម្រួល​ប្រព័ន្ធ​ការពារ​សរីរាង្គ មាន​ឈ្មោះថា Cytokine ។​
​លទ្ធផល​បង្ហាញថា ចំនួន​កោសិកា​ឈាមស​របស់​ភេទ​ទាំង​២​សុទ្ធសឹង​ថយចុះ​ពេល​អាយុ​កាន់តែច្រើន ។ កោសិកា​ឈាមស T-cell និង B-cell ដែលជា​សំខាន់បំផុត​២​របស់​ប្រព័ន្ធ​ការពារ​សរីរាង្គ មាន​កម្រិត​ថមថយ​ច្រើនជាងគេ ។ ប៉ុន្តែ​កត្តា​ទាំងពីរ​នេះ​ចំពោះ​បុរសៗ​គឺ​ថយចុះ​លឿន​ជាងគេ ។ ប៉ុន្តែ​កត្តា​ទាំងពីរ​នេះ ចំពោះ​បុរសៗ​គឺ​ថយចុះ​លឿន​ជាង​ប្រៀប​នឹង​ស្ត្រី ។​
​ស្រដៀង​គ្នា​នេះដែរ Cytokine ២ គឺ IL-6 និង IL-10 របស់​បុរស​ក៏​ថយចុះ​លឿន​ជាង អាស្រ័យ​ដោយ​ដំណើរ​ការវិវត្ត​នៃ​ភាពចំនាស់​របស់​សរីរាង្គ ។ ក្នុងពេល​នោះដែរ កោសិកា​២​ប្រភេទ​ដែល​ពិសេស​របស់​ប្រព័ន្ធ​ការពារ​សរីរាង្គ CD4T-cell និង NK ចំពោះ​ស្ត្រី​មាន​កំណើន​លឿន​ជាង​ប្រៀប​នឹង​បុរស ។​
​អ្នកដឹកនាំ​ការស្រាវជ្រាវ​សាស្ត្រាចារ្យ Katsuiku Hirokawa បាន​ប្រាប់ថា ៖ រាល់​បន្លាស់​ប្តូរ​ពី​ប្រព័ន្ធ​ការពារ​សរីរាង្គ​ទាក់ទិន​ដល់​ភាពចំណាស់​កើតឡើង​ខុសៗ​គ្នា​ចំពោះ​បុរស និង​នារី ។ ការស្រាវជ្រាវ​បង្ហាញថា នារីៗ​មានការ​ថយចុះ​យឺត​ជាង ប្រៀប​នឹង​បុរស ហើយ​នេះ​ជា​មូលហេតុ​មួយ​ធ្វើ​ឲ្យ​នារីៗ​អាយុ​វែង​ជាង​បុរស ។​
​ក្រៅពីនោះ​តាម​សាស្ត្រាចារ្យ ដដែល គឺមាន​ហេតុផល​ផ្សេងទៀត ជាអាទិ៍​នារីៗ​មាន​អ័រម៉ូន Destroges ច្រើនជាង​បុរស ហើយ​វា​ជា​អ័រម៉ូន​ការពារ​ជំងឺ​បេះដូង​មិន​ងាយ​បៀតបៀន​បាន ៕M​

គ្រោះថ្នាក់មហារីក និងប្រវត្តិគ្រួសារ

ការស្រាវជ្រាវ​បង្ហាញថា ស្ត្រី​មាន​ទំនាក់ទំនង​ជិត​ជាមួយ​អ្នកជំងឺ​មហារីក​ដោះ អាច​ត្រូវ​ប្រឈមមុខ​ជាមួយ​គ្រោះថ្នាក់​មហារីក​អូវែរ
មាន​សាច់ញាតិ​កើត​ជំ​ងឹ​មហារីក​ពុំ​ត្រឹមតែ​អាច​កើន​ការ​ប្រឈម​កើត​ជំងឺមហារីក​ប្រភេទ​ដូចគ្នា​ប៉ុណ្ណោះ​ទេ តែ​នៅ​ឥទ្ធិពល​ដល់​ការរីកចម្រើន​ស​សណ្ឋាន​មហារីក​ផ្សេងៗ ។​
​លទ្ធផល​ស្រាវជ្រាវ​ថ្មី​តាមដាន​ស្ថានភាព​សុខភាព​របស់​មនុស្ស ២៣.០០០​នាក់ នៅ​អ៊ីតាលី និង​ស្វី​ស​បានកំណត់​ទំនាក់ទំនង​រវាង​សមាជិក​ជិតស្និទ្ធ​ក្នុង​គ្រួសារ​ជាមួយ​គ្រោះថ្នាក់​កើន​ជំងឺមហារីក​ប្រភេទ​ដូចគ្នា ។ ក្នុងពេល​ស្រាវជ្រាវ​ជំងឺមហារីក​ទូទៅ​បំផុត​១៣​ប្រភេទ ពួក​ជំនាញការ​ទន្ទឹម​នោះ​រកឃើញ​ប្រវត្តិ​មហារីក​ក្នុង​គ្រួសារ​នៅ​អាចធ្វើ​ឲ្យ​កើន​ខ្លាំង​ហានិភ័យ​កើត​ជំងឺមហារីក​ប្រភេទ​ផ្សេង ។ តាំងពី​យូរ​មកហើយ បណ្តា​អង្គការ​មហារីក​ឲ្យ​ដឹងថា កម្រិត​គ្រោះថ្នាក់​អាស្រ័យទៅលើ​ហ្សែ​ន របៀបរបប​រស់នៅ និង​បរិស្ថាន ។​
​ការស្រាវជ្រាវ​ត្រូវបាន​ចុះផ្សាយ​លើ​ទស្សនា​វ​ដ្តី Annals of Oncology បាន​តាមដាន​អ្នកជំងឺ​មហារីក ១២.០០០​នាក់ នៅ​បណ្តា​ផ្នែក​ផ្សេងៗ​គ្នា​របស់​សរីរាង្គ ពីលើ​ចុះក្រោម និង​ប្រៀបធៀប​ជាមួយ​មនុស្ស​មាន​សុខភាព​ល្អ ១១.០០០​នាក់ ។ ពួក​ជំនាញការ​ដំណើរការ​ប្រមែប្រមូល​ព​ត៌មាន​អំពី​ប្រវត្តិ​មហារីក​របស់​គ្រួសារ ពិសេស​នៅ​សាច់ញាតិ​កម្រិត​១ (​ពោលគឺ​អ្នក​ចែករំលែក​ប្រមាណ​៥០% សំណុំ​ហ្សែ​ន ដូចជា​ឪពុកម្តាយ បងប្អូន​ប្រុស​ស្រី ឬ​កូនចៅ​) ។ ពួកគេ​រកឃើញ​អ្នកមាន​សាច់ញាតិ​កម្រិត​មួយ​ត្រូវ​កើត​មហារីក​បំពង់​ដង្ហើម ការ​ប្រឈម​កើត​មហារីក​មាត់ និង​បំពង់ករ​ស្តាំ​កើនឡើង​៣​ដង អ្នក​គ្មាន​ប្រវត្តិ​គ្រួសារ​កើត​មហារីក ។ ចំណែក​អ្នកមាន​ទំនាក់ទំនង​ជិត​ជាពិសេស​ជាមួយ​អ្នកជំងឺ​មហារីក​មាត់ និង​បំពង់ក នឹង​ប្រឈមមុខ​ជាមួយ​គ្រោះថ្នាក់​កើត​មហារីក​បំព​ង់ក​ខ្ពស់​៤​ដង ក្នុងពេល​មហារីក​ដោះ​កើន​ទ្វេដង ការ​ប្រឈម​កើត​មហារីក​អូវែ​នៅ​សមាជិក​ស្រី​ក្នុង​គ្រួសារ ។ អំពី​ផ្នែក​បុរស នឹងត្រូវ​ប្រឈម​មុខជា​មួយ​គ្រោះថ្នាក់​ខ្ពស់ជាង ៣,៤​ដង ការកើត​ជំងឺ​នៅ​ក្រពេញ​ប្រូ​ស្តា​ត ប្រសិន​សាច់ញាតិ​កម្រិត​មួយ​កើត​មហារីក​ប្លោកនោម ។ ការស្រាវជ្រាវ​បញ្ជាក់​អំពី​ហានិភ័យ​មហារីក​មួយចំនួន​ត្រូវ​បានដឹង​តាំងពី​យូរ​ក្នុងនោះ​គ្រោះថ្នាក់​កើត​មហារីក ដោះ​នឹង​កើន​ប្រសិន​ស្ត្រី​ម្នាក់​មាន​ប្រវត្តិ​គ្រួសារ​កើត​មហារីក​ពោះវៀន ។​
​ប្រធាន​ក្រុម​ស្រាវជ្រាវ​បណ្ឌិត Eva Negri នៅ​វិទ្យាស្ថាន Mario Negri នៅ Milan(​អ៊ីតាលី​) ឲ្យ​ដឹងថា ប្រសិន​មាន​សាច់ញាតិ​កើត​ជំងឺមហារីក​មួយ​ប្រភេទ ការ​ប្រឈម​កើត​មហារីក​ប្រភេទ​ដូចគ្នា​របស់​មនុស្ស​ម្នាក់​កើន​ទៅតាម​នោះដែរ ។ ក្នុងករណី​មួយចំនួន ទំនាក់ទំនង​រវាង​សណ្ឋាន​មហារីក​ផ្សេងៗ​គ្នា​អាច​ដោយសារ​កត្តាបរិស្ថាន ដូចជា​ទម្លាប់​ជក់បារី ផឹកស្រា ។ ទន្ទឹម​នោះ​នៅមាន​ភស្តុតាង​បង្ហាញ​ពី​ការរួមចំណែក​របស់​ក​ត្តា​តំណពូជ​ឥទ្ធិពល​ដល់​ចំណុច​កើត​មហារីក​ជាច្រើន​ក្នុង​សរីរាង្គ ។​
​ជំនាញការ Jessica Harris នៅ​អង្គការ​ស្រាវជ្រាវ​មហារីក​អង់គ្លេស​ឲ្យ​ដឹងថា គ្រោះថ្នាក់​មហារីក​ត្រូវបាន​កំណត់ដោយ​ការ​គួបផ្សំ​មួយ​រវាង​ហ្សែ​ន​ដែល​មនុស្ស​ទទួល​បន្ត​ពី​ឪពុកម្តាយ កើតមាន​ក្នុង​ជីវភាព​ប្រចាំថ្ងៃ ហើយ​ដាច់ខាត​មិនអាច​ខ្វះ​ឥទ្ធិពល​ពី​បរិស្ថាន​ជុំវិញ ។ ជំនាញការ Harris សង្កត់ធ្ងន់ថា ទោះបី​គ្រួសារ​មាន​អ្នក​កើត​មហារីក​មុន​នោះ​ឬ​អត់ ការប្រកាន់យក​របៀប​របប​រស់នៅ​ត្រឹមត្រូវ​អាចជួយ​បន្ថយ​ហានិភ័យ​កើត​ជំងឺ​ទៅ​ថ្ងៃមុខ ។ រឿង​សំខាន់​គឺ​មិន​ជក់បារី ទទួលបាន​ជាតិ​អាល់កុល​សមល្មម រក្សា​ទម្ងន់​សមស្រប​ដោយ​របប​ទទួលទាន​តុល្យភាព និង​ហាត់ប្រាណ​ជាប្រចាំ ៕​M

មិនទទួលទានអាហារព្រឹក ប្រឈមកើតជំងឺទឹកនោមផ្អែម

អាហារ​ពេលព្រឹក​សំខាន់បំផុត​ចំពោះ​សុខភាព​មនុស្ស​។ ស្ត្រី​ដែល​មិន​ទទួលទាន​អាហារ​ពេលព្រឹក ​ទោះបី​តែម្តង​ក្នុង​១​សប្តាហ៍​ក៏​កើន​២០% ការ​ប្រឈម​កើត​ជំងឺ​ទឹកនោមផ្អែម​ប្រភេទ​២ដែរ បើ​ប្រៀប​នឹង​ស្ត្រី​ទទួលទាន​រាល់ថ្ងៃ ។​
​នោះ​ជា​លទ្ធផល​ស្រាវជ្រាវ​ក្នុង​រយៈពេល​៦​ឆ្នាំ ដែលទើបត្រូវ​បានប្រកាស លើ​ទស្សនា​វ​ដ្តី American Journal of Clinical Nutrition ។​
​ក្រុម​ស្រាវជ្រាវ​រួមមាន​ពួក​អ្នកវិទ្យាសាស្ត្រ​នៅ​សកល​វិទ្យាល័យ​ហា​វ៉ាដ (​អាមេរិក​) មន្ទីរពេទ្យ Brigham and Women's (​អាមេរិក​) និង​សកល​វិទ្យាល័យ​ជាតិ​សិង្ហ​បុរី បាន​វិភាគ​ទិន្នន័យ​របស់​ស្ត្រី​អាមេរិក ៤៦.២៨៩ នាក់ ។​
​ពេល​ចាប់ផ្តើម​ការស្រាវជ្រាវ ស្ត្រី​ទាំងនេះ​មិនកើត​មហារីក ជំងឺ​បេះដូង និង​ទឹកនោមផ្អែម​ប្រភេទ​២ទេ ។ ក្រុម​ស្រាវជ្រាវ​ប្រមែប្រមូល​ទិន្នន័យ​ពី​ទម្លាប់​ទទួលទាន​របស់​មុខសញ្ញា​​ក្នុង​រយៈពេល​៦​ឆ្នាំហើយតាមដាន ។ក្រុម​ស្រាវជ្រាវ​រកឃើញថា​មាន​មនុស្ស ១៥៦០​នាក់ កើត​ជំងឺ​ទឹកនោមផ្អែម​ប្រភេទ​២ ។ ពួកគេ​សង្កេតឃើញថា ស្ត្រី​មិន​ទទួលទាន​ពេលព្រឹក​ទោះបី​តែម្តង​ក្នុង​១​សប្តាហ៍​ក៏​ធ្វើ​ឲ្យ​កើន​២០% គ្រោះថ្នាក់​កើត​ជំងឺ​ទឹកនោមផ្អែម​ប្រភេទ​២ដែរ ។ ពិសេស​ពេល​បោះបង់​អាហារ​ពេលព្រឹក ការ​ប្រឈម​កើត​ជំងឺ​ទឹកនោមផ្អែម​ប្រភេទ​២​កាន់តែ​ខ្ពស់ជាង​នៅ​អ្នក​លើស​ទម្ងន់ ។​
​ការស្រាវជ្រាវ​មួយ​ក៏​ជា​របស់​ក្រុម​នេះដែរ ​ដែល​បានប្រកាស​នៅ​ឆ្នាំ ២០១២ ក្រោយពេល​តាមដាន​បុរស ២៩.២០៦​នាក់ ក្នុង​រយៈពេល​១៦​ឆ្នាំ​បង្ហាញថា មិន​ទទួលទាន​ពេលព្រឹក​ធ្វើ​ឲ្យ​កើន​២១% ហានិភ័យ​កើត​ជំងឺ​ទឹកនោមផ្អែម ៕f/M

អ្នក​ជក់បារី​ជា​ស្ត្រី​ដែល​ឈប់​ជក់​នៅមុន​អាយុ ៤០ កើន​អាយុ ៩ ឆ្នាំ

ការសិក្សា​មួយ​បាន​និយាយ​កាលពី​ថ្ងៃ​សៅរ៍​ថា ស្ត្រី​អាច​បន្ថែម​អាយុ​ប្រាំ​ឆ្នាំទៅ​ជីវិត​របស់​ពួកគេ​តាមរយៈ​ការឈប់​ ជក់បារី​នៅមុន​អាយុ ៤០ ប៉ុន្តែ​នៅតែ​ប្រឈម​នឹង​អត្រា​មរណៈ ២០ ភាគរយ​ខ្ពស់ជាង​ស្ត្រី​ដែល​មិន​ធ្លាប់​ជក់បារី។​

​ដោយ​ត្រូវបាន​ ចេញផ្សាយ​ក្នុង​ទស្សនា​វ​ដ្តី The Lancet ការអង្កេត​មួយ​ទៅលើ​ស្ត្រី​ជិត ១,២ លាន​នាក់​នៅក្នុង​ចក្រភព​អង់គ្លេស​ បានបង្ហាញ​ថា ការជក់បារី​ពេញ​មួយជីវិត​ធ្វើ​ឲ្យ​ខាត​អាយុ​ជា​មធ្យម ១១ ឆ្នាំ។ លទ្ធផល​ទាំងនេះ​គឺ​បន្ទរ​តាម​លទ្ធផល​នៃ​ការស្រាវជ្រាវ​មុននេះ​ដែល​ត្រូវបាន​ ធ្វើឡើង​ទៅលើ​បុរស។​

​ក្នុងចំណោម​ស្ត្រី​ដែល​បោះបង់​ទម្លាប់​ជក់បារី ​នៅមុន​អាយុ ៤០ ក្រុម​អ្នកស្រាវជ្រាវ​បាន​វាស់វែង​ឃើញ​ការកើនឡើង​អាយុ ៩ ឆ្នាំ​ជា​មធ្យម ​ធៀប​ជាមួយ​អ្នក​ដែល​មិនដែល​ឈប់​ជក់បារី​សោះ៕

​ខួរក្បាល​មិនល្អ មក​ពី​គេង​មិន​លក់​

​តើ​អ្នក​ធ្លាប់​មាន​អាការ​គេង​មិន​លក់​ញឹកញាប់​ដែរឬទេ​? អ្នក​ធ្លាប់​កត់សម្គាល់​ទេ​ថា អ្នក​តែងតែ​ភ្លេចភ្លាំង​ច្រើន នៅពេល​ដែល​អ្នក​គេង​មិន​លក់​នៅ​ពេលយប់​?

​ដោយ​យោង​ទៅ​លើ​ការវិភាគ​ទិន្នន័យ​ពី​មនុស្ស​វ័យ​ជំទង់​ជាង ១៥៥.៨៧៧ នាក់ បានបង្ហាញ​ថា អត្រា​នៃ​ការ​គេង​មិន​លក់​របស់គេ អាច​ប៉ះពាល់ ដល់​ការចងចាំ​ផ្នែក​ខួរក្បាល​។ របាយការណ៍ ក៏​បាន​បង្ហាញ​ផង​ដែរ​ថា មនុស្ស​វ័យ​កណ្តាល មាន​ទម្លាប់​គេង​លក់​ជាង​មនុស្សពេញវ័យ​។

លើសពីនេះទៅទៀត នៅពេល​ដែល​និយាយ​ពី​ទម្លាប់​នៃ​ការ​គេង ពេល​ដែល​មនុស្សវ័យក​ណ្តា​ល មាន​បញ្ហា​គេង​មិន​លក់ ពួកគេ​តែងតែ​ទៅ​ជួប​ជាមួយនឹង​វេជ្ជបណ្ឌិត ដើម្បី​ពិភាក្សពី​បញ្ហា​នេះ​។ ផ្ទុយទៅវិញ ចំពោះ​មនុស្ស​ពេញវ័យ​វិញ ពួកគេ​មិន​បាន​ទៅ​ពិភាក្សា​ពី​បញ្ហា​នេះ​ជា មួយ​នឹង​វេជ្ជបណ្ឌិត​នោះទេ ពួកគេ​បាន​ត្រឹមតែ​លាក់​វា​ទុក​តែប៉ុណ្ណោះ​។

​ជាទូទៅ បញ្ហា​សុខភាព និង​ការខកចិត្ត​ផ្សេងៗ តែងតែមាន​ទំនាក់ទំនង​ជាមួយ​ទម្លាប់​គេង​របស់​អ្នក ប៉ុន្តែ​តាម​ការស្រាវជ្រាវ បានបង្ហាញ​ថា ស្ត្រី​ភាគច្រើន​តែងតែ​មាន​បញ្ហា​ទាក់ទង​នឹង​ការ​គេង​ច្រើនជាង​បុរស ដែល​ជាហេតុ​ធ្វើឱ្យ​ពួកគេ​មាន​បញ្ហា​ភ្លេចភ្លាំង​ច្រើន​។

ដូច្នេះហើយ ដើម្បី​ឱ្យ​អ្នក​អាច​ជៀសផុត​ពី​បញ្ហា​នៃ​ការ​ភ្លេចភ្លាំង​ច្រើន​នោះ អ្នក​គួរតែ​គ្រប់គ្រង​ទម្លាប់​នៃ​ការ​គេង​របស់​អ្នក​ឱ្យ​បាន​ល្អប្រសើរ  ដើម្បី​ឱ្យ​អ្នក​អាច​ជៀសផុត​ពី​បញ្ហា​ផ្សេងៗ​ដែល​ទាក់ទង​នឹង​សុខភាព​៕​

ផ្សិត​បន្ថយ​ជំងឺលើសឈាម​

តាម​ការស្រាវជ្រាវ​បានឲ្យដឹងថា ផ្សិត គឺជា​អាហារ​មួយ​ប្រភេទ ដែល​មាន​សារធាតុ​អាហារ​ជាច្រើន ដូចជា ការ​បូ​អ៊ី​ដ្រាត កាល់ស្យូម ផូស្វ័​រ សារ​ធាតុដែក វីតាមីន B1, B2 ។ ក្រៅពីនេះ ផ្សិត​នៅ​មាន សារធាតុ​ស៊ី​លី​នៀម ឬ​សេលេ​នី​ញ៉ូម (Selenium) និង​សារធាតុ​ប៉ូ​តាស​ស្យូម ដែល​សារធាតុ​ទាំងពី​នេះ គឺជា​សារធាតុ​ប្រឆាំង​មហារីក និង​សារធាតុ​បន្ថយ​ជំងឺលើសឈាម គួរ​ទទួល​ទាន​ផ្សិត ឲ្យបាន​ញឹកញាប់ ដើម្បី​ឲ្យ​សម្ពាធ​ឈាម​ត្រឡប់មក​ជា​ធម្មតា ។ លើសពីនេះ វា​ជួយ​ឲ្យ​ប្រព័ន្ធ​រំលាយ​អាហារ​ធ្វើការ​បាន​ល្អ ធ្វើឲ្យ​ថ្លើម​រឹងមាំ មិន​ធ្វើឲ្យ​ឈាម​ក្តៅ​នឹង​បន្ថយ​កូលេ​ស្តេ​រ៉ូ​ល​ថែមទៀត ៕

ស្ត្រី​ធ្វើការ​វេន​យប់ បង្កើន​ការ​ប្រឈម​នឹង​មហារីក​សុដន់​

​ថ្មីៗ​នេះ​អ្នកស្រាវជ្រាវ​បារាំង បាន​ឲ្យ​ដឹងថា ស្ត្រី​ដែល​ធ្វើការ​វេន​យប់ មានឱកាស​ប្រឈម​នឹង​មហារីក​សុដន់ ប្រមាណ ៣០ ភាគរយ​។ នេះ​ដោយសារ​ការងារ​វេន​យប់ រំខាន​ចង្វាក់​ផ្លាស់ប្តូរ​នៃ​រាងកាយ​មនុស្ស ដែល​គ្រប់គ្រង​មុខងារ​ជីវសាស្ត្រ​យ៉ាងច្រើន​ក្នុង​រាងកាយ​។​
​លោកប៉ា​ស្កាល់ ហ្គឺ​ណេ​ល (Pascal Guenel) នាយក​វិទ្យាស្ថាន​ស្រាវជ្រាវ​សុខភាព​បារាំង (INSERM) បាន​ប្រាប់​ទីភ្នាក់ងារ​ព័ត៌មាន​បារាំង​(AFP) ថា របកគំហើញ​នេះ បាន​ចាត់ការ​ងារ​វេន​យប់ ចូលក្នុង​កត្តា​ប្រឈម ដូច​ការប្រែប្រួល​ហ្សែ​ន ការ​មាន​ផ្ទៃពោះ​ដំបូង នៅ​វ័យ​ចំណាស់ ឬ​ការព្យាបាល​ដោយ​អ័រម៉ូន​ដែរ​។​
​ការសិក្សា​ដែល​ចុះផ្សាយ​ក្នុង​ព្រឹត្តិបត្រ International Journal of Cancer ក្រុម​អ្នកស្រាវជ្រាវ​បាន​បញ្ជាក់ថា ទំនាក់ទំនង​រវាង​ការងារ​វេន​យប់ ជាមួយ​មហារីក​សុដន់ ត្រូវ​អង្កេត​ជា​ចម្បង​លើ​ស្ត្រី​ដែល​ធ្វើការ​វេន​យប់ ៤-៥ ឆ្នាំ ឬ​លើសពីនេះ និង​តិចជាង​៣​យប់ ក្នុង​មួយ​សប្តាហ៍​ជា​មធ្យម​។ លទ្ធផល​រកឃើញថា ទំនាក់ទំនង​រវាង​ស្ត្រី​ដែល​ចាប់ផ្តើម​ធ្វើការ​វេន​យប់ នៅ​វ័យ​ចំណាស់​។​
​អ្នកជំនាញ​បាន​សរុប​ថា ការរំខាន​ហ្សែ​ន “​នាឡិកា​រាងកាយ​” និង​ការ​គេង​មិន​គ្រប់គ្រាន់ អាចធ្វើ​ឲ្យ​ប្រព័ន្ធ​ការពារ​រាងកាយ​ប្រែប្រួល​។ ប៉ុន្តែ​ទោះជា​យ៉ាងណា ទាមទារ​ឲ្យ​មានការ​សិក្សា​បន្ថែមទៀត ដើម្បី​បញ្ជាក់​ពី​ហេតុផល ឲ្យ​កាន់តែច្បាស់​។​
​ការសិក្សា​នេះ ធ្វើឡើង​នៅ​ប្រទេស​បារាំង លើ​ស្ត្រី ១.២៣២ នាក់ ដែល​វិនិច្ឆ័យ​ឃើញ​មហារីក​សុដន់ ចន្លោះ​ឆ្នាំ​២០០៥ និង​ឆ្នាំ​២០០៧​។​
​គួរ​បញ្ជាក់ថា ជា​រៀងរាល់ឆ្នាំ មាន​ស្ត្រី​ប្រមាណ ១,៣​លាន​នាក់ ទូទាំង​ពិភពលោក ត្រូវបាន​វិនិច្ឆ័យ​ឃើញ​មហារីក​សុដន់​។​

​ជំងឺ​៣​ប្រភេទ​ងាយ​ចម្លង​ពី​ម្តាយ​ទៅ​កូនស្រី​

តាម​ការស្រាវជ្រាវ​ផ្នែក​វិទ្យាសាស្ត្រ បាន​បង្ហាញថា ឪពុកម្តាយ​ពុំ​ត្រឹមតែ​បញ្ជូនបន្ត​ទៅឱ្យ​កូនចៅ​នូវ​រូបរាង បុគ្គលិកលក្ខណៈ​ប៉ុណ្ណោះ​ទេ តែ​នៅមាន​ទាំង​ជំងឺ​តម្កាត់​ទៀត ។​
ការ​យល់បាន​ច្បាស់​ជាង​អំពី​ប្រភេទ​ជំងឺ​មាន​ចរិត​តំណពូជ ជួយ​ឱ្យ​អ្នកចេះ​វិធី​បង្ការ​ជំងឺ ឆាប់​រកឃើញ​ជំងឺ និង​ព្យាបាល​ទាន់ពេល ។​
ប្រភេទ​ជំងឺ​មាន​លក្ខណៈ​តំណពូជ​ពី​ម្តាយ​ទៅ​កូនស្រី​រួមមាន ៖

មហារីក​ដោះ

​កម្រិត​តំណពូជ​៖ ខ្ពស់ជាង​ធម្មតា​៧-៨​ដង​
មហារីក​ដោះ ជា​ប្រភេទ​ជំងឺ​មាន​លក្ខណៈ​តំណពូជ​ច្បាស់ក្រឡែត ។  ឧទាហរណ៍​ក្នុង​វង្ស​ត្រកូល​មាន​មនុស្ស​២​នាក់​កើត​មហារីក​ដោះ នោះ​ត្រូវ​សង្ស័យថា​តើ​ដោយសារ​តំណពូជ​ឬ​អត់​?
មូលហេតុ​កើត​ជំងឺ ៖ មហារីក​ដោះ​តំណពូជ អាច​ស្តែងចេញ​តាម​សភាព​២ ៖ ទី​១ គឺ​ម្តាយ​កើត​មហារីក​ដោះ កូនស្រី​ក៏​កើត​មហារីក​ដោះ កើត​ជំងឺ​ពេល​នៅ​ក្មេង តែង​រកឃើញ​មុនពេល​មាន​លេចចេញ​អស់​រដូវ​ភាគច្រើន គឺ​ដោះ​ទាំងសងខាង ។ ទី​២  គឺ​ម្តាយ​មិនកើត​មហារីក​ដោះ តែ​ក្នុង​គ្រួសារ​ខាង​ម្តាយ​មាន​តិច​បំផុត​បងប្អូន​ស្រី​១-២ នាក់ កើត​មហារីក​ដោះ និង​តែង​រកឃើញ​ក្រោយពេល មាន​លេចចេញ​ការ​អស់​រដូវ​ជាធម្មតា គឺ​ដោះ​ម្ខាង ។​
វិធានការ​បង្ការ ៖ ជាប្រចាំ​ស្វ័យ​ត្រួតពិនិត្យ​ដោះ ដើម្បី​ឆាប់​រកឃើញ​ជំងឺ ទៅ​ត្រួតពិនិត្យ​សុខភាព​តាម​ការកំណត់ មិន​រៀបការ​ឆាប់ និង​បញ្ចៀស​រាល់​ទម្លាប់​អាក្រក់​ដូចជា ជក់បារី ផឹកស្រា ស្រា​បៀរ អត់ងងុយ​យប់​ជ្រៅ​...​។​

មហារីក​ស្បូន​

កម្រិត​តំណពូជ ៖ ខ្ពស់ជាង​ធម្មតា​៤,៧-៧​ដង​
មហារីក​ស្បូន ជា​ប្រភេទ​ជំងឺ​មាន​គ្រោះថ្នាក់​តំណពូជ​យ៉ាងខ្ពស់ ។ មាន​យ៉ាងច្រើន​ករណី​២​នាក់ ម្តាយ កូន ឬ​បង​ប្អូនស្រី​២​នាក់​សុទ្ធតែ​កើត​ជំងឺ ។​
មូលហេតុ​កើត​ជំងឺ ៖ តាមរយៈ​ការស្រាវជ្រាវ​បង្ហាញថា មហារីក​ស្បូន​មាន​ពាក់ព័ន្ធ​ផ្ទាល់​ដល់​ការ​រៀបការ​ក្នុង​វង្ស​ត្រកូល ទំនាក់ទំនង​ផ្លូវភេទ​ឆាប់​ហួស សម្រាលកូន​ច្រើនពេក និង​អ្នក​កើត​ជំងឺរលាកស្បូន​រ៉ាំរ៉ៃ ។​
វិធានការ​បង្ការ ៖ ត្រួតពិនិត្យ​កោសិកា​ស្បូន​តាម​ការកំណត់ រៀន​វិធី​សង្កេត​ទឹករំអិល​ចេញពី​ទ្វារមាស និង​បាតុភូត​ចេញឈាម​ទ្វារមាស ឆាប់​ព្យាបាល​រលាក ក​ស្បូន រក្សា​អនាម័យ​ស្អាតបាត ចៀសវាង​កោស​រំលូតកូន ។​

លើសឈាម​ក្នុងពេល​មានគភ៌​

កម្រិត​តំណពូជ ៖ ខ្ពស់ជាង​ធម្មតា​៦-៨​ដង​
លើសឈាម​ក្នុងពេល​មានគភ៌ មាន​ចរិត​តំណពូជ​ដាច់ខាត ។ ប្រសិន​ជីដូន​ខាង​ម្តាយ​, ម្តាយ ឬ​បង​ប្អូនស្រី​អ្នក​ធ្លាប់​កើត​ជំងឺលើសឈាម​ក្នុងពេល​មានគភ៌ នោះ​អ្នក​ត្រូវ​យកចិត្តទុកដាក់​ដោយ​ពេញទំហឹង​។​
មូលហេតុ​កើត​ជំងឺ ៖ ប្រសិន​មុនពេល​មានគភ៌​ធ្លាប់​កើត​ជំងឺលើសឈាម រលាក​តម្រងនោម​រ៉ាំរ៉ៃ ទឹកនោមផ្អែម​...​សុទ្ធតែ​ងាយ​កើត​ជំងឺលើសឈាម​ក្នុងពេល​មានគភ៌ ។ ប្រសិន​មានគភ៌​ក្នុង​រដូវ​ត្រជាក់ នោះ​កាន់តែ​ត្រូវ​ត្រួតពិនិត្យ​ហ្មត់ចត់ ដើម្បី​អាច​ឆាប់​ព្យាបាល ។​
វិធានការ​បង្ការ ៖ មាន​ផ្ទៃពោះ​នៅ​វ័យ​សមស្រប គួរ​ត្រួតពិនិត្យ​សរុប​ទូទៅ​មុនពេល​មានគភ៌ រក្សា​ទម្ងន់​ខ្លួន​ឱ្យ​សមល្មម ចៀសវាង​កុំឱ្យ​ធាត់​៕

ភ្ញាក់​ពី​ដំណេក​ព្រលឹម​ពេក មិនល្អ​សម្រាប់​បេះដូង​

​អ្នក​គិតថា ភ្ញាក់​ពី​ដំណេក​ឆាប់​នៅពេល​ព្រឹក​ពេលណា​ក៏​ល្អ​បំផុត​ដែរ ទោះបី​កាលពី​យប់​ចូល​គេង​យឺត ដើម្បី​បញ្ចប់​ការងារ ឬ​មើល​ភាពយន្ត , លេង​ហ្គេម​?     ​ចូរ​បោះបង់​គំនិត​នោះ​ភ្លាម ព្រោះ​រឿងនេះ​មានលទ្ធភាព​ធ្វើ​ឲ្យ​អ្នក​ងាយ​ត្រូវ​លើសឈាម , ស្ត្រូ​ក ។​
​នោះ​ជាការ​សន្និដ្ឋាន​របស់​ពួក​វេជ្ជបណ្ឌិត​ជប៉ុន ក្រោយពេល​ដំណើរការ​ស្រាវជ្រាវ​មួយ​នៅតាម​សកលវិទ្យា​ល័យ និង​មន្ទីរពេទ្យ​នៅ​ទីក្រុង​តូ​ក្យូ ។ ពួកគេ​បានកំណត់​ទំនាក់ទំនង​រវាង​ពេលវេលា​ភ្ញាក់​ពី​ដំណេក និង​ស្ថានភាព​របស់​ប្រព័ន្ធ​សរសៃឈាម​បេះដូង ។​
​ពួក​អ្នកវិទ្យាសាស្ត្រ​បាន​សិក្សា​ស្រាវជ្រាវ​លើ​អ្នកស្ម័គ្រចិត្ត​ជិត ៤០០០ នាក់ អាយុ​ពី ២៩-៩០ ឆ្នាំ ។ ពួកគេ​ជា​ពួក​អ្នក​ភ្ញាក់​ពី​ដំណេក​យ៉ាង​ឆាប់ ដើម្បី​ទៅធ្វើ​ការ ឬ​ហ្វឹកហាត់​កីឡា ។ ពួកគេ​ច្រើន​ត្រូវ​ប្រឈមមុខ​ជាមួយ​ហានិភ័យ​ជំងឺ​សរសៃឈាម​បេះដូង ។​
​ផ្អែកលើ​លទ្ធផល​ស្រាវជ្រាវ , ពួក​អ្នកវិទ្យាសាស្ត្រ​បានលើកឡើង​ការសន្និដ្ឋាន​ថា អ្នក​ភ្ញាក់​ពី​ដំណេក​ព្រលឹម​ពេក​ងាយ​ជួប​ហានិភ័យ​លើសឈាម និង​ស្ត្រូ​ក ។ ពួកគេ​ទូន្មាន​អ្នក​ឆាប់​ភ្ញាក់​ពី​ព្រលឹម​គួរ​បន្ធូរ​អារម្មណ៍ និង​ឆាប់​ចូល​គេង​ជាង ទន្ទឹម​នោះ​អាច​សម្រួល​ស្មារតី​ដោយ​វិធី​ដាំ​ដើមឈើ និង​ដាក់​ផើងផ្កា​ក្នុងផ្ទះ ៕M/T/L​

វិធី​បង្កើន​ភាពស្រស់ថ្លា​ឲ្យ​កែវភ្នែក​

​អ្នក​ដែល​កំពុង​តែមាន​អារម្មណ៍​ថា កែវភ្នែក​របស់​ខ្លួនឯង មើលទៅ​ហត់នឿយ មិន​ស្រស់ថ្លា​ដូច​ពីមុន សូម​សាកល្បង​ធ្វើតាម​វិធី​ដែល​យើង​នឹង​ជម្រាបជូន​ថ្ងៃនេះ ។​
-​ត្រូវ​ពាក់​វែ​នតា ការពារ​ពន្លឺ​រាល់ថ្ងៃ​រាល់​លើក នៅពេល​ចេញ​ទៅណា​ត្រូវ​ពន្លឺ​ថ្ងៃ ដើម្បី​កាត់បន្ថយ​ការ​ប្រឈម​ការកើត​បាយ​ភ្នែក ដោយសារ​ការប្រមូលផ្តុំ​នៃ​ពន្លឺ​អ៊ុ​ល​ត្រា​វី​យ៉ូ​ឡេ​។​
-​វិធី​ធ្វើ​ឲ្យ​ភ្នែក​ស្រស់ថ្លា​ឡើងវិញ​បែប​ងាយៗ គឺ​រក​ទឹក​ក្តៅ​ឧណ្ហៗ មក​ប្រោះ​លើ​ត្របកភ្នែក ២០​ដង រួច​ប្រោះ​ទឹក​ត្រជាក់​ប្រមាណ​ជា ២០​ដង​ទៀត តែ​ប៉ុណ្ណឹង​ភ្នែក​របស់​អ្នក​ក៏​អាច​ស្រស់ថ្លា​បាន​ហើយ​។​
-​ពេលដែល​ត្រូវ​នៅមុខ​កំ​ព្យូ​ទ័​រ​យូរៗ គួរតែ​សម្រាក​ភ្នែក​យ៉ាងតិច​មួយ​ម៉ោង ។ គប្បី​សម្រាក​ភ្នែក ២​ដង គឺ​ក្នុង​មួយដង ពី​៥ ទៅ​១០ នាទី​។​
-​ផ្លែឈើ​មួយចំនួន ដូចជា ផ្លែ​ព្រូន ប្ល៊ូ​បឺ​រី សុទ្ធតែ​អាចជួយ​បង្អង់​រោគ​បាយ​ភ្នែក​បាន​យ៉ាង​ប្រសើរ​។​

ទឹក​ផ្លែ​ប៉ោម​ខាប់ ល្អ​សម្រាប់​សុខភាព

​ទឹក​ផ្លែ​ប៉ោ​ម ដែល​ខាប់ៗ មើល​ទៅ​មិន​គួរឲ្យ​ចង់​ទទួលទាន តែ​វា​គឺជា​ទឹក​ផ្លែ​ឈើ​ដែល​អ្នក​មិន​គួរ​មើលរំលង​ឡើយ ព្រោះ​នៅក្នុង​ទឹក​ផ្លែ​ប៉ោម​នោះ មាន​សារធាតុ​ប៉ូ​លី​ហ្វេ​ណុល (Polyphenol) ដែល​ជា​សារធាតុ​ប្រឆាំង​នឹង​រ៉ាឌីកាល់​សេរី ច្រើន​ជាង​ទឹកថ្លា ដល់​ទៅ ៤ ដង និង​អាច​កម្ចាត់​រ៉ាឌីកាល់​សេរី ចេញពី​រាងកាយ បាន​ថែម​ទៀត ។ ចំណែក​ទឹក​ផ្លែ​ប៉ោម​ថ្លាៗ មាន​ពណ៌​ស្អាត រសជាតិ​ឆ្ងាញ់ តែ​វា​មិនសូវ​មាន​សារធាតុ​ដែល​ល្អ​សម្រាប់​រាងកាយ​នោះទេ ។ ដូច្នេះ ដើម្បី​ផ្តល់​សារធាតុ​ល្អៗ​នានា​ដល់​រាងកាយ ឲ្យបាន​ច្រើន អ្នក​គួរ​ទទួល​ទាន​ទឹក​ផ្លែ​ប៉ោម​ខាប់​វិញ ៕

​ការព្យាបាល​បឋម​ក្នុងករណី​រមួលក្រពើ​

តាម​ធម្មតា ការ​រមួល​សាច់ដុំ(​រមួល​ក្រពើ​) តែងតែ​កើតឡើង​ មិន​យូរ​ប៉ុន្មាន​ទេ ប្រមាណ​ត្រឹមតែ ២-៥ នាទី​ប៉ុណ្ណោះ​។​


​​វិធី​ដ៏​ល្អ​មួយ ដែល​ហៅថា ការព្យាបាល​បឋម​នោះ គឺ​យើង​ត្រូវ​រុញ ឬ​ពន្លា​សាច់ដុំ​ដែល​រួញ​នោះ​យឺតៗ​ដោយ​ខ្លួនឯង ដូចជា នៅពេលរ​មួល​សាច់ដុំ​នៅ​កំភួនជើង នឹង​កើតមាន​អាការ​ប្រឹង​ចុង​ជើង ចង្អុល​ត្រង់​ទៅ​ដី ត្រូវ​រុញ​ចុង​ម្រាមជើង ឡើង​មក​វិញ​យឺតៗ ឬ​ឈរ​ឲ្យ​ត្រង់ខ្លួន ដើម្បី​ពន្យឺត​សាច់ដុំ​កំភួនជើង ក៏បាន មិន​ត្រូវ​កន្ត្រាក់ ឬ​ទាញ​ខ្លាំងៗ​នោះទេ ព្រោះ​វា​អាច​ធ្វើឲ្យ​របួស​ដល់​សាច់ដុំ​បាន​។​


​​អាការ​រមួល​សាច់ដុំ (​រមួល​ក្រពើ​) ទោះ​ជា​មិន​ធ្វើឲ្យប៉ះពាល់​ដល់​ជីវិតក្តី ប៉ុន្តែ​ក៏​ចាត់ទុកថា អាច​មាន​គ្រោះថ្នាក់ ប្រសិនបើ​កើតឡើង ក្នុងពេល​មិន​សមស្រប ដូចជា ក្នុង​ពេល​បើកបរ ឬ​ពេល​ហែល​ទឹក​ជាដើម​។ ការ​រមួល​សាច់ដុំ តែងតែ​កើតឡើង ចំពោះ​អ្នក​ដែល​មាន​រាងកាយ​ទន់ខ្សោយ ឬ​មិន​សូវ​បាន​ហាត់ប្រាណ​។​


​​ដូច្នេះ​វិធី​ការពារ គឺ​ការ​ទទួលទាន​ទឹក និង​អំបិល​ខនិជ ឲ្យបាន​គ្រប់គ្រាន់ ចៀសវាង​ការតានតឹង​អារម្មណ៍ នឹង​អាច​បន្ថយ​អាការ​រមួល​សាច់ដុំ​៕​

ដេក​បែបណា​ឲ្យ​លង់លក់​ស្រួល​

ក្រោយ​ហត់នឿយ​ពី​ការបំពេញ​ការងារ​អស់​រយៈពេល​ពេញ​មួយថ្ងៃ​មក ស្ត្រី​យើង​តែង​ជួប​បញ្ហាលំបាក​ក្នុងការ​ដេក​លង់លក់​ណាស់ ដែល​បញ្ហា​នេះ​នាំ​ឲ្យ​ប៉ះពាល់​កិច្ចការងារ​នៅ​ថ្ងៃស្អែក​។​    ​តើ​ត្រូវ​ដោះស្រាយ​ដូចម្តេច​ដើម្បី​ដេក​ឲ្យ​លង់​លក់បាន​ស្រួល​?
១-​ពាក់​ស្រោមជើង​មុន​ចូល​ដំណេកៈ​
​តាម​ការសិក្សា​របស់​ក្រុម​អ្នកស្រាវជ្រាវ​ជនជាតិ​ស្វី​ស គេ​បាន​រកឃើញថា​ការពាក់​ស្រោមជើង ឬ​ស្បែកជើងផ្ទាត់ (​សម្រាប់​ពាក់​នៅផ្ទះ​) មុន​ចូល​ដំណេក​នឹង​ជួយ​ឲ្យ​ប្រអប់ជើង​កក់ក្តៅ​។ នៅពេល​ជើង​កក់ក្តៅ​ហើយ យើង​ក៏​អាច​ដេក​លង់​លក់បាន​ងាយ និង​ឆាប់រហ័ស​។ ចំណែក​ការ​បាន​ងូតទឹក​ក្តៅ មុន​ចូល​ដំណេក ក៏​តែងតែ​ជួយ​ឲ្យ​លង់​លក់បាន​ស្រួល​ដូចគ្នា​។ ការធ្វើ​បែបនេះ​ងាយស្រួល​នឹង​ជួយ​ឲ្យ​រាងកាយ​សម្រប​សីតុណ្ហភាព វិល​ត្រឡប់មក​ប្រក្រតី​វិញ ទើប​ធ្វើ​ឲ្យ​យើង​មាន​អារម្មណ៍​ស្រួលខ្លួន​។​
២-​សីតុណ្ហភាព​ក្នុង​បន្ទប់​កំពុង​ត្រជាក់​ល្អៈ​
​សីតុណ្ហភាព​ក្នុង​បន្ទប់​ដែល​ល្អ​បំផុត សម្រាប់​ជួយ​ឲ្យ​ដេក​លង់លក់ គឺ​ត្រជាក់​ស្រួល ដោយមាន​ម៉ាស៊ីនត្រជាក់ ឬ​ខ្យល់​ធម្មជាតិ ក៏​កាន់តែ​ប្រសើរ​។ ការ​ដេក​ក្នុង​បន្ទប់​បែបនេះ ជួយ​ឲ្យ​ដេក​ស្កប់ស្កល់​ពេញៗ​មួយ​យប់​។​
៣-​ជ្រើសរើស​ឈុត​ដេក និង​សម្ភារៈ​ដេក​ដ៏​ល្អ​បំ​ផុ​តៈ​
​បើ​ចង់​ជ្រើសរើស​ឈុត​ដេក​ល្អ ត្រូវ​គិត​ទៅដល់​សាច់​ក្រណាត់ ថ្នេរ នឹង​ភាព​ម៉ត់ចត់​ក្នុងការ​ដេរ​បន្ទះ​ខ្យែ​រឹត​កៅស៊ូ ប្រវែង​របស់​ឈុត​ខោអាវ​ដេក​យប់ សមជា​មួយ​ខ្លួន​យើង និង​បរិយាកាស​។ ក្រៅពីនេះ អ្វីដែល​សំខាន់ កុំ​ភ្លេច​ជ្រើសរើស​សម្ភារៈ​ដែល​ដេក​ជួយ​ឲ្យ​យើង​លង់​លក់បាន​ស្រួល​ផង ក្នុងនោះ​មិន​ថា​ជា​គ្រែ​ដេក ក្រណាត់​កម្រាលពូក​ប្រភេទ​ធ្វើ​ពី​កប្បាស ក្រណាត់​សូត្រ ឬ សាច់​ក្រណាត់ ទន់ៗ ដែល​អ្នក​ចូលចិត្ត​ដេក​ហើយ​បាន​ស្រួលខ្លួន​។​
៤-​ប្រយ័ត្ន​ឈុត​ដែល​ងាយ​ឆាបឆេះ
​ឈុត​ដេក​ទាំង​មនុស្ស​ចាស់ និង​កូនក្មេង ភាគច្រើន​សុទ្ធតែ​គេ​យក​ប្រភេទ​ក្រណាត់​ដែល​ងាយ​ឆាបឆេះ​ភ្លើង​ណាស់ ដូចនេះ​មុននឹង​ទិញ ក៏ដូចជា​ប្រើប្រាស់​គប្បី​ប្រយ័ត្នប្រយែង និង​នៅពេល​ស្លៀកពាក់​មិនអាច​ធ្វេសប្រហែស​បានឡើយ​៕

​អាថ៌កំបាំង​អាយុ​វែង​នៅ​កោះ Ikaria

កោះ Ikaria  នៅក្រិក មាន​ដល់​ទៅ ១/៣ នៃ​ចំនួន​ប្រជាជន​អាយុ​លើស ៩០​ឆ្នាំ មាន​សុខភាព​មាំមួន ទាំង​ខាង​រាងកាយ និង​ស្មារតី​។ នៅលើ​កោះ មាន​ប្រជាជន​ស្នាក់នៅ ចំនួន ១០.០០០​នាក់​។

 

អត្រា​មនុស្ស​ចាស់ អាយុ​ដល់​៩០​ឆ្នាំ ស្មើ ១/៣ គឺ​ច្រើន​ជាង​២,៥​ដង ប្រៀប​នឹង​ប្រជាជន​អាមេរិក ហើយ​អត្រា​បុរស អាយុ​ដល់​៩០​ឆ្នាំ ស្មើនឹង​៤​ដង នៃ​ជនជាតិ​អាមេរិក ។

 

ប្រជាជន​នៅ​លើ​កោះ មាន​សុខភាព​ល្អ ទាំង​ខាង​ផ្លូវកាយ និង​ស្មារតី កម្រ​កើតមាន​ផ្លូវចិត្ត ហើយ​អត្រា​កើត​ជំងឺ​ថមថយ​ការចងចាំ គឺ​ស្មើ​តែ​១/៤ នៃ​ប្រជាជន​អាមេរិក​។​

​ចូរ​មើល George Kassiotis  នៅ​ចុងខែ​នេះ លោក​នឹង​មាន​អាយុ​គម្រប់ ១០៤​ឆ្នាំ​។ រៀងរាល់​ព្រឹក លោក​តែង​អាន​កាសែត​ដោយ​មិន​ចាំបាច់​ប្រើ​វ៉ែនតា លើ​ផ្ទៃមុខ​ហាក់ដូច​ពុំមាន​ស្នាម​ជ្រីវជ្រួញ​។ លោក​បាន​សួរ​ទៅ​អ្នកកាសែត​អង់គ្លេស ដែល​សុំ​ថតរូប​លោក​ថា «​នៅ​ប្រទេស​លោក មាន​អ្នកណា​ចាស់​ដូច​ខ្ញុំ​ទេ​?»​។

 

ការពិត​នោះ នៅ​ទីកន្លែង​មួយចំនួន​លើ​ពិភពលោក សុទ្ធតែ​មាន​មនុស្ស​អាយុ​វែង តែ​គ្រាន់តែ​ពុំ​មាន​ច្រើន និង ពុំ​មាន​សុខភាព​មាំមួន ដូច​នៅ​លើ​កោះ Ikaria នេះ​។ ស្ត្រី​អាយុ ៥០-៦០​ឆ្នាំ នៅលើ​កោះ​នេះ ស្បែក​នៅតែ​មាន​ភាព​តឹង​រលោង​។ ស្ត្រី​អាយុ ៥៨​ឆ្នាំ​មួយ​រូប និយាយថា អ្នកស្រី​ពុំមាន​វិធី​ថែទាំ​ស្បែក​ពិសេស​ណាមួយ​ឡើយ ដោយ​គ្រាន់តែ​ប្រើ​ទឹក​ជាមួយ​សាប៊ូ​លាងមុខ មាន​ដាក់​បន្ថែម​ទឹក​ក្រូចឆ្មារ​បន្តិច​។ ពេល​មាត់​ស្ងួត​នោះ លាប​ប្រេង​អូ​លីវ​។​

​របប​អាហារ ក៏​ជា​កត្តា​គន្លឹះ​នៃ​អាថ៌កំបាំង​អាយុ​វែង​របស់​ប្រជាជន​នៅលើ​កោះ​នេះដែរ​។ អាហារ​ពេលព្រឹក ភាគច្រើន​ជា​តែ ឱសថ​រុក្ខជាតិ នំប៉័ង​លាប​ទឹកឃ្មុំ ហ្វ្រូ​ម៉ា និង​ប្រេង​អូ​លីវ​។ ថ្ងៃត្រង់​ទទួលទាន​បន្លែ និង​សណ្តែក នំប៉័ង និង​ស្រា​ទំពាំងបាយជូ​រ បន្ទាប់ពី​នោះ​សម្រាក​ថ្ងៃត្រង់​។ ពេលយប់​ទទួលទាន​អាហារ ដូច​ពេល​ព្រឹក​ដែរ ។ អាហារ​សំខាន់​លើ​កោះ ប្រើ​វត្ថុធាតុដើម​តំបន់​ច្រើន ពុំ​សូវ​ទទួលទាន​សាច់​។ ភាគច្រើន គឺ​បន្លែ​ព្រៃ​បេះ​ជុំវិញ​ជើងភ្នំ រដូវក្តៅ​ដាំ​សាឡា​ត់ រដូវ​ត្រជាក់​យក​មក​ស្ងោរ រួច​ច្រូច​ប្រេង​អូ​លីវ និង​ទឹក​ក្រូចឆ្មារ​ទទួលទាន​។​

​អ្នកស្រី Evangelia Karnava ដែល​នឹង​ប្រារឰ​ខួបកំណើត​អាយុ ១០០​ឆ្នាំ នៅ​ខែ​មីនា​នេះ បានឱ្យ​ដឹង​ពី​អាថ៌កំបាំង​មួយ ក្នុងចំណោម​អាថ៌កំបាំង​អាយុ​វែង​របស់​អ្នកស្រី គឺ​មិន​ទទួលទាន​សាច់​ក្រហម​៖ «​ក៏​ពុំ​មែន​ថា​មិន​ទទួលទាន​ឡើយ គឺ​គ្រាន់តែ​ទទួលទាន​ខ្លាញ់ មិន​ទទួល​ទាន​សាច់​»​។ អ្នកស្រី​និយាយថា Ikaria ពុំមែន​ជា​ឋានសួគ៌​គ្រប់ពេល​ឡើយ ក្នុង​សម័យ​សង្គ្រាមលោក​លើក​ទី​២ កូនស្រី​ពីរ​នាក់​របស់​អ្នកស្រី បាន​ស្លាប់​ដោយសារ​ភាពអត់ឃ្លាន​។ អ្នកស្រី​តែង​ធ្វើ​កិច្ចការ​ផ្ទះ និង​ទៅ​ទិញ​របស់​របរ​ដោយ​ខ្លួនឯង ទោះបី​មាន​អាយុ ច្រើន​ណាស់​ទៅ​ហើយ​ក៏​ដោយ រហូតមក​ទល់​សព្វថ្ងៃ ពុំ​ដែល​ឈឺ​ម្តងណា​ឡើយ ពុំ​ដែល​ទៅ​ពេទ្យ មានតែ​ភ្នែក​ម្ខាង​ប៉ុណ្ណោះ​ដែល​ហាក់ដូច​ត្រូវ​ងងឹត​ទាំងស្រុង​។​

​ប្រជាជន​គ្រប់រូប​នៅលើ​កោះ សុទ្ធតែ​និយាយ​ថា ស្រា​ទំពាំងបាយជូរ គឺ​សំខាន់​បំផុត​។ អ្នកស្រី Christina Tsantiri ដែល​នឹង​ឈាន​ចូល​វ័យ​១០១ ឆ្នាំ នៅ​ខែ​មិថុនា​ឆ្នាំនេះ បានឱ្យដឹងថា ពេល​ទទួលទាន​អាហារ​ថ្ងៃត្រង់ អ្នកស្រី​តែង​ចេញ​ទៅ​រានហាល​មុខផ្ទះ​សម្លឹង​មើល​ផ្ទៃសមុទ្រ និង​ក្រេប​ស្រា​ទំពាំងបាយជូរ​រាល់ថ្ងៃ​។ ក៏ដូចជា​ចំណីអាហា​រដែរ ស្រា​នៅលើ​កោះ គឺ​ផ្សំ​ឡើង​ដោយ​ខ្លួនឯង ពី​ទំពាំងបាយជូរ​ក្រហម និង​ទំពាំងបាយជូ​រស មាន​នៅ​លើ​កោះ ដោយ​មិន​បន្ថែម​គ្រឿងទេស និង​អំបិល Sulfite, សម្បូរ​សារជាតិ​ប្រឆាំង​អុកស៊ីតកម្ម​។​

​កោះ Ikaria មាន​ទំហំ ២៦០ គីឡូម៉ែត្រ​ការ៉េ មាន​សណ្ឋាន​ផ្ទៃដី​ទួល​ច្រើន ដែល​អំណោយផល​ល្អ​ដល់​ការ​ធ្វើ​ចលនា​បាន​ពេញលេញ ដោយសារ​ត្រូវ​ចុះ​ឡើង​ទួល​។​

​លោកតា Grigoris Tsahas  ទើប​គម្រប់​អាយុ​៩៩​ឆ្នាំ បានឱ្យដឹងថា ថ្ងៃ​ណា​ក៏​លោកតា ត្រូវ​ដើរ​ឡើង​ចំណោត​ប្រមាណ ៨០០​ម៉ែត្រ ដើម្បី​ទៅ​ដល់ តៀម​កាហ្វេ ជជែក​លេង​ជាមួយ​មិត្តភក្តិ​។ ទោះបី​លោកតា បាន​ជក់បារី​ជាង​៧០​ឆ្នាំ តែ​សុខភាព​នៅ​តែ​មាំមួន សក់ស​ក្រាស់ តាំងពី​កើត​មក​ទល់​សព្វថ្ងៃ ទើប​ចូល​មន្ទីរពេទ្យ​តែ​ម្តង​គត់​។ ប៉ុន្តែ​លោក​តា បង្ហាញ​ក្តីបារម្ភ​អំពី​កេរ្តិ៍ឈ្មោះ​កោះ​អាយុ​វែង​ថា វា​អាច​នឹង​ត្រូវ​បាត់​ពេល អស់​ពី​ជំនាន់​លោកតា​ទៅ​។ លោក​តា​និយាយ​ថា​«​កូនចៅ​ខ្ញុំ ប្រសិន​ចង់បាន​អាយុ​វែង​ដូច​ខ្ញុំ​នោះ ពួកវា​ត្រូវ​យកចិត្តទុកដាក់​ដល់​រឿង​ចំណីអាហារ និង​ជីវជាតិ តែ​ពួក​វា​បែរជា​ចូល​ចិត្ត​តែ​ដំឡូងបារាំង​ចៀន​»៕​

​រោគ​ឫសដូងបាត​ចំពោះ​ស្ត្រី​ធ្វើការ​នៅ​ការិយាល័យ​

អាការ​ម្យ៉ាង​ដែល​គេ​ហៅថា រោគ​មិនមែន​រោគ ដែល​អាការ​បែបនេះ កើត​ពី​កិច្ចការ​ប្រចាំថ្ងៃ ដូច​ជា​ការ​ទទួលទាន​អាហារ ការ​ដេក ការ​ឈប់សម្រាក ការធ្វើការងារ និង​ការ​ហាត់ប្រាណ​ខ្វះ​សមតុល្យ​។

 

ឧទាហរណ៍ រោគ​ដែល​មិនមែន​រោគ ដូចជា មហារីក​សរសៃឈាម​ខួរក្បាល បេះដូង  ទឹម​នោម​ផ្អែម លើសឈាម តប់​ប្រមល់​។​ល​។​

​ការពិត​ស្ត្រី​តែងតែ​មាន​ការអៀនខ្មាស់​មិន​តិច​នោះ​ទេ នៅពេល​ទៅ​ជួប​គ្រូពេទ្យ ដើម្បី​ព្យាបាល​រោគ​ឫសដូងបាត ព្រោះ​ជា​អវយវៈ​ដែល​ស្ថិត​នៅ​ទី​អាថ៌កំបាំង​។​

​​*​អាការរោគ​៥​យ៉ាង​នៃ​រោគ​ឫសដូង​បាតៈ​
​​សុភាព​ស្ត្រី​ណា​ម្នាក់​ដែលមាន​អាការ​ដូចខាងក្រោម​នេះ នឹង​មិន​អាច​អង្គុយ​ជាប់​កៅអី​បានយូរ​ឡើយ​៖

​​១-​មាន​ធ្លាក់ឈាម​ស្រស់ៗ​តាម​ទ្វារធំ​ក្រោយពេល​បត់ជើងធំ​រួច​។​
​​២-​មាន​ដុំ​សាច់​ដុះ​លៀន​ចេញពី​ទ្វារធំ​ពេល​បត់ជើងធំ​។​
​​៣-​មាន​អាការ​រមាស់​ជុំវិញ​ក្រសាល់គូទ​។​
​​៤-​ឈឺ​ត្រង់​បរិវេណ​ទ្វា​ធំ ជា​ពិសេស​ពេល​ប្រឹង​បត់ជើងធំ​។​
​​៥-​ស្ទាប​ប៉ះ​ដុំ​សាច់​ត្រង់​បរិវេណ​ទ្វារ​ធំ​។​
រោគសញ្ញា​ទាំង ៥ យ៉ាងនេះ អាច​បញ្ជាក់បាន​ថា អ្នក​កើត​ឫសដូងបាត​យ៉ាង​ប្រាកដ​។​


ក្នុងករណី​ខ្មាស់អៀន​គ្រូពេទ្យ ហើយ​ចង់​ព្យាបាល​ដោយ​ខ្លួនឯង គ្រូពេទ្យ​ផ្តល់​ដំបូន្មាន​ថា សម្រាប់​អ្នកមាន​អាការ​ស្រាល គប្បី​សម្រួល​សកម្មភាព​ទទួលទាន​ជាមុន ដូចជា ទទួលទាន​បាយ​អង្ករសំរូប ទទួលទាន​បន្លែ ផ្លែ​ឈើ​មាន​កាក​សរសៃ ផឹកទឹក​ឲ្យបាន​ច្រើន និង​ឧស្សាហ៍​ហាត់ប្រាណ​។​

​​ចំណែក​អាការ​មិនសូវ​ធ្ងន់ធ្ងរ ដូចជា មាន​លៀន​សាច់ ឈឺ​ហើម អាច​ទិញ​ថ្នាំ​មក​ទទួល​ទាន​ខ្លួនឯង តែ​គួរ​ពិនិត្យមើល​ទិន្នន័យ​លើ​ប្រអប់ ឬ​កញ្ចប់​ថ្នាំ​មាន​ចុះ​លិខិតអនុញ្ញាត​ពី​ក្រសួង​សុខាភិបាល​ត្រឹមត្រូវ និង​ផុតកំណត់​ថ្ងៃ​ប្រើប្រាស់​ឬ​អត់​? ជាពិសេស​ទីតាំង​ផលិត គួរឲ្យ​ទុកចិត្ត​បាន​ដែរឬទេ​?

​​ក្នុងករណី​មាន​អាការ​ធ្ងន់ធ្ងរ ដូចជា​បត់ជើងធំ ធ្លាក់ឈាម គួរ​ទៅ​ពិគ្រោះ​ជាមួយ​គ្រូពេទ្យ​។ ទោះបី​ឱសថ​មាន​ប្រសិទ្ធភាព​ក្នុង​ការព្យាបា​លក្តី តែ​ការការពារ​មុន​ពេល​ឈឺ ដោយ​ការ​ទទួលទាន ការ​ដេក ការ​សម្រាក ការ​ហាត់ប្រាណ និង​ការបំពេញ​ការងារ ឲ្យមាន​សម​តុល្យភាព​គ្នានោះ ជា​វិធី​ដែល​ល្អ​ជាងគេ​៕​

អ្នក​ដែល​ចូលចិត្ត​ពិសា​តែ​បៃតង​ពុំ​សូវ​ធ្លាក់ខ្លួន​ពិការ​ដោយសារ​វ័យ​ចំណាស់​នោះទេ​

យោងតាម​ការសិក្សា​មួយ​របស់​ជប៉ុន​ដែលមាន​ការចូលរួម​ពី​មនុស្ស​រាប់ពាន់នាក់​បាន​ឲ្យ​ដឹងថា មនុស្ស​វ័យ​ចំណាស់​ដែល​ទទួលទាន​តែ​បៃតង​ជាប្រចាំ​អាច​កាន់​តែមាន​សភាពរ​ហ័សរ​ហួន និង រឹងប៉ឹង​ជាង​មនុស្ស​ចាស់​ដទៃទៀត​នៅ​អំឡុង​វ័យ​កាន់តែ​ចាស់​ទៅៗ​ទៅទៀត ។

​តែ​បៃតង​មាន​ផ្ទុក​សារធាតុ​គីមី​ប្រឆាំង​អុកស៊ីតកម្ម​ដែល​ជួយ​បង្ការ​ការបំផ្លាញ​កោសិកា​ដែល​អាច​នាំ​ឲ្យ​កើត​ជំងឺ។ ក្រុម​អ្នកស្រាវជ្រាវ​បាននិងកំពុង​តែ​សិក្សា​អំពី​ឥទ្ធិពល​របស់​តែ​បៃតង​ទៅលើ​គ្រប់​អ្វីៗ​ទាំងអស់​រាប់​ចាប់តាំងពី​សារធាតុ​កូ​ឡេ​ស្តូ​រ៉​ល​រហូតដល់​ហានិភ័យ​ក្នុង​ការកើត​ជំងឺមហារីក​ផ្សេងៗ​គួបផ្សំ​ជាមួយនឹង​ការសិក្សា​ដទៃទៀត​ផងដែរ​រហូត​មកទល់ពេលនេះ ។​

​​សម្រាប់​ការសិក្សា​ថ្មី​ដែល​ចេញផ្សាយ​ក្នុង​ទស្សនា​វ​ដ្តី American Journal of Clinical Nutrition មួយ​នេះ ក្រុម​អ្នកស្រាវជ្រាវ​បានសម្រេច​ពិនិត្យ​ទៅលើ​សំណួរ​ថា​តើ​អ្នក​ដែល​ចូលចិត្ត​ពិសា​តែ​បៃតង​មាន​ហានិភ័យ​ទាប​ក្នុង​ការកើតមាន​ភាពទន់ខ្សោយ និង ពិការ បានដែរ​ឬ​យ៉ាងណា ។​

​​លោក យ៉ា​ស៊ូ​តា​កេ តូ​ម៉ា​តា មកពី​សាកលវិទ្យាល័យ​វិ​ជ្ជ​សាស្ត្រ Tohoku University Graduate School of Medicine និង សហការី​របស់លោក​បាន​ធ្វើការ​តាមដាន​មនុស្សពេញវ័យ​ប្រមាណ ១៤.០០០ នាក់ ដែលមាន​វ័យ​ចាប់ពី ៦៥ ឆ្នាំ​ឡើងទៅ​អស់​រយៈពេល​បី​ឆ្នាំ ។​

​​ពួកគេ​បាន​រកឃើញថា មនុស្ស​ដែល​ទទួលទាន​តែ​បៃតង​ច្រើន​បំផុត​គឺ​មិន​ងាយ​នឹង​វិវឌ្ឍន៍​ទៅរក​ភាព​ពិការ​រយៈពេល​វែង ឬ មាន​បញ្ហា​ជាមួយនឹង​សកម្មភាព​ឬ​តម្រូវការ​ប្រចាំថ្ងៃ​ដូចជា​ស្លៀកពាក់ ឬ ងូតទឹក​នោះឡើយ ។​

​​ជាពិសេស មនុស្ស​ចាស់​ជិត ១៣ ភាគរយ​ដែល​ទទួលទាន​តែ​បៃតង​តិចជាង​មួយ​កែវ​ក្នុង​មួយថ្ងៃ​បាន​ធ្លាក់ខ្លួន​ពិការ​រយៈពេល​យូរ បើ​ធៀប​​ជាមួយនឹង​មនុស្ស​ចាស់​តែ​ជាង​ប្រាំពីរ​ភាគរយ​ប៉ុណ្ណោះ​ដែល​ទទួលទាន​តែ​បៃតង​យ៉ាងតិចណាស់​ក៏​ប្រាំ​កែវ​ដែរ​ក្នុង​មួយថ្ងៃ ។​

​​លោក តូ​ម៉ា​តា និង សហការី​របស់លោក​បាន​សរសេរថា "​ការទទួល​ទាន​តែ​បៃតង​ពិតជា​មាន​ជាប់​ពាក់ព័ន្ធ​នឹង​ហានិភ័យ​កាន់តែ​ទាប​ក្នុងការ​ធ្លាក់ខ្លួន​ពិការ​រយៈពេល​យូរ​ពិតមែន បើទោះបីជា​ក្រោយពី​មានការ​ផ្ទៀងផ្ទាត់​ពី​​កត្តា​រួមផ្សំ​ផ្សេងៗ​ក៏ដោយ​"៕

​វិធី​ប្រើ​ចំហាយ​ទឹក​ក្តៅ ដើម្បី​ព្យាបាល មហារីក​ឆ្អឹង​

ជំងឺមហារីក​ឆ្អឹង អាច​ត្រូវបាន​ព្យាបាល ដោយ​វិធី​ប្រើ​ចំហាយ​ទឹក​ក្តៅ ។​
​នេះ​ជាការ​ប្រកាស របស់​វេជ្ជបណ្ឌិត Gerardo Kico Martinez ប្រធាន​ផ្នែក​ព្យាបាល ជំងឺមហារីក​ឆ្អឹង នៅ​វិទ្យាស្ថាន​ស្តារ​មុខងារ​ជាតិ ម៉ិចស៊ិក​កូ (INR) ។​
ថ្លែងប្រាប់​អ្នកសារព័ត៌មាន នៅ​ថ្ងៃទី​២២ ខែមករា វេជ្ជបណ្ឌិត Martinez បាន​ឲ្យ​ដឹងថា ក្រុម​អ្នកវិទ្យាសាស្ត្រ ប្រទេស​នេះ បានទទួល​ជោគជ័យ ក្នុងការ​អនុវត្ត​វិធី​ព្យាបាល មហារីក​ឆ្អឹង​ថ្មី​។ តាមរយៈ​នោះ ពួក​វេជ្ជបណ្ឌិត បាន​នាំ​ចំហាយ​ទឹក​ក្តៅ​ផ្ទាល់ ចូលទៅក្នុង​តំបន់​ឆ្អឹង​ត្រូវ​ឈឺ និង​ប្រើ​កម្រិត​ក្តៅ របស់​ចំហាយ​ទឹក​ក្តៅ ដុតបំផ្លាញ​កោសិកា​មហារីក​។​
​តាម​វេជ្ជបណ្ឌិត Martinez វិធី​ព្យាបាល​នេះ ត្រូវបាន​អនុវត្ត​ផ្អែកលើ​ការស្រាវជ្រាវ​មួយ ហើយ​បាន​ត្រូវ​បង្ហាញថា កោសិកា​មហារីក ត្រូវ​បាត់​លទ្ធភាព​កែសម្រួល​កម្រិត​ក្តៅ​។​
ក្រុម​អ្នកស្រាវជ្រាវ​ខាងលើ បាន​អះអាងថា វិធី​ព្យាបាល​នេះ អាច​ត្រូវបាន​អនុវត្ត​ផ្ទាល់ សម្រាប់​តំបន់​ជំងឺ​តូចៗ អាច​សង្កេត និង​កំណត់​ទីតាំង​បាន ដោយ​ភ្នែក​ធម្មតា​។
​ចំពោះ​តំបន់​ឆ្អឹង​ជ្រៅ ខាងក្នុង​សរីរាង្គ​របស់​អ្នកជំងឺ វេជ្ជបណ្ឌិត នឹង​ចាំបាច់​ត្រូវ​កំណត់ កំណាត់​ឆ្អឹង​ត្រូវ​ឈឺ មុនពេល​នាំ​ចំហាយ​ក្តៅ ទៅក្នុង​ប្រមាណ ១៥​នាទី​។ ចំពោះ​ករណី​ជំងឺ​រីកចម្រើន​ធ្ងន់ អ្នកជំងឺ ចាំបាច់ ត្រូវបាន​ព្យាបាល​គីមី មុនពេល​អនុវត្ត​បច្ចេកទេស​ខាងលើ​។​
​វិធី​ព្យាបាល មហារីក​ឆ្អឹង ត្រូវបាន​អនុវត្ត​សាកល្បង ពី​ឆ្នាំ​១៩៩០ និង​ត្រូវបាន​ក្រសួងសុខាភិបាល ម៉ិចស៊ិក​កូ ទទួលស្គាល់​។ តាំងពី​នោះ វិធី​នេះ ត្រូវបាន​ប្រើប្រាស់​ប្រសិទ្ធភាព សម្រាប់​អ្នកជំងឺ​ប្រមាណ ២០០ នាក់ ហើយ​ឆាប់ៗ​នេះ នឹង​ត្រូវបាន​ពង្រីក​ទូលាយ នៅ​ទូទាំងប្រទេស​។​
ក្រៅពី​ប្រទេស​ម៉ិចស៊ិក​កូ ពួក​វេជ្ជបណ្ឌិត នៅ​ជប៉ុន ក៏​ប្រើប្រាស់​វិធី​ដូចគ្នា ដើម្បី​ព្យាបាល​មហារីក​ឆ្អឹង តែ​ប្តូរ​ចំហាយ​ទឹក ដោយ​នី​ត្រូ​ហ្សែ​ន​រាវ ដើម្បី​បញ្ចុះ​កម្តៅ​តំបន់​ឈឺ និង​កំទេច​កោសិកា​មហារីក​៕M/V/L​

​ជុំ​ចង្កេះ​កើនឡើង ជុំ​ជីវិត​ថយចុះ​

សូម្បីតែ​ពេល​តួលេខ BMI ធម្មតា ក៏​មិនអាច​ធានា​ទាំងស្រុង​ថា មាន​សុខ​ភាពល្អ ព្រោះ​រង្វង់​ចង្កេះ កាន់តែ​ធំ​នោះ ហានិភ័យ​កើត​ជំងឺ​កាន់តែ​ខ្ពស់ ។​
​លើ​មូលដ្ឋាន​នៃ​ការវិភាគ បាន​ត្រូវ​បង្ហាញ​ពី​តួលេខ ដែល​ប្រមូលបាន​ពី​មនុស្ស ៦០០.០០០ នាក់ លើ​ពាសពេញ​ពិភពលោក , ពួក​ជំនាញការ បាន​អះអាងថា ប្រសិន​រង្វង់​ចង្កេះ​ធំ​នោះ មនុស្ស​គ្រប់គ្នា សុទ្ធ​តែមាន​ហានិភ័យ​ខ្ពស់ កើត​ជំងឺ​អំពី​ផ្លូវដង្ហើម សរសៃឈាម​បេះដូង និង​មហារីក ។​

​​ក្នុងនោះ បុរស​មាន​រង្វង់​ចង្កេះ ១០០ សង់ទីម៉ែត្រ ឡើងទៅ ត្រូវ​ប្រឈមមុខ ជាមួយ​ហានិភ័យ ត្រូវ​បាត់បង់​ជីវិត​ខ្ពស់ជាង ៥០% (​ឬ​ថយ​អាយុ ៣ ឆ្នាំ​) ប្រៀប​នឹង​អ្នកមាន​រង្វង់​ចង្កេះ​ក្រោម ៨៩ សង់ទីម៉ែត្រ ។ ស្ត្រី​មាន​រង្វង់​ចង្កេះ ៩៣ សង់ទីម៉ែត្រ ជួប​ហានិភ័យ​បាត់​បង់ជីវិត​ខ្ពស់ជាង ៨០% (​ឬ​ថយ​អាយុ ៥ ឆ្នាំ​) ប្រៀប​នឹង​អ្នកមាន​រង្វង់​ចង្កេះ ៦៨,៥ សង់ទីម៉ែត្រ ។​

​រង្វង់​ចង្កេះ ចេះតែ​កើន​ថែម 5 សង់ទីម៉ែត្រ​នោះ ហានិភ័យ​បាត់បង់​ជីវិត កើន ៧% នៅលើ​បុរស និង​ប្រមាណ ៩% នៅលើ​ស្ត្រី ។ តួលេខ BMI កើន​នោះ អត្រា​បាត់បង់​ជីវិត កាន់តែ​ខ្ពស់ ៕M/V/L

​៩ វិធី ធម្មជាតិ​ការពារ​ផ្ដាសាយ​

ទោះបីជា​បច្ចុប្បន្ន​នេះ​មាន​វ៉ាក់សាំង​ការពារ​ផ្ដាសាយ ហើយ​យ៉ាងណាក្ដី ប៉ុន្ដែ​ការការពារ​គ្រុនផ្ដាសាយ តាម​ធម្មជាតិ​គឺ​ល្អ​បំផុត ដោយ​ពង្រីក​ប្រព័ន្ធ​ការពារ​រាងកាយ​ឲ្យ​រឹងមាំ ហាត់ប្រាណ​ឲ្យបាន​ជាប់លាប់​ជា​ប្រចាំ និង​ការទទួល​ទាន​អាហារ​ដែល​មាន​ប្រយោជន៍ ប៉ុន្ដែ​បើ​អ្នក​ធ្វើ​មិន​សូវ​បាន​នោះ​ទេ ការការពារ​ផ្ដាសាយ​ដោយ​វិធី​ធម្មជាតិ ១០ យ៉ាង​ខាងក្រោម​នេះ អាច​នឹង​ជួយ​ឲ្យ​អ្នក​ឆ្លង​រដូវភ្លៀង និង​រដូវរងារ​ក្នុងឆ្នាំនេះ​បាន ដោយ​មិន​ត្រូវ​រោគ​ផ្ដាសាយ​គ្រប់​ប្រភេទ​មក​បៀតបៀន​ឡើយ ។​
១. លាងដៃ : វីរុស​ផ្ដាសាយ​ចម្លង​តាមរយៈ​ការប៉ះពាល់ ដូច្នេះ​ប្រសិនបើ​អ្នក​ដែល​កើត​ផ្ដាសាយ​កណ្ដាស​ដាក់​ដៃ រួច​ទៅ​ចាប់​យក​ទូរស័ព្ទ ចាប់​កាន់​គន្លឹះទ្វារ ពេល​នោះ​អ្នក​ផ្សេង ដែល​មក​ចាប់​របស់របរ​អស់​ទាំងនោះ​បន្ត ក៏​នឹង​មាន​ឱកាស​ឆ្លង​វីរុស ចូល​មក​កាន់​រាងកាយ​បានដែរ ។ ដូច្នេះ​គួរតែ​លាងដៃ​ឲ្យបាន​ញឹកញាប់ ប៉ុន្ដែ​បើ​មិន​បាន​នៅ​ជិត​ក្បាលម៉ាស៊ីនទឹក និង​មិន​មានចេ​ល​អាល់កុល សម្រាប់​លាងដៃ​ទេនោះ អ្នក​អាច​ប្រើ​វិធី​ត្រដុស​ដៃ​ទៅ​មក​ខ្លាំងៗ​ប្រមាណ ១ នាទី ក៏​អាច​ជួយ​បានដែរ ។​
២. កុំ​យក​ដៃ​ទៅ​បិទមាត់ ខណៈ​ក្អក ឬ​កណ្ដាស : ព្រោះ​វា​អាច​ធ្វើឲ្យ​វីរុស ដែល​នៅ​ជាប់​ដៃ​ឆ្លង​ទៅ​កាន់​អ្នកដទៃ ។ ដូច្នេះ​គួរតែ​ប្រើ​ក្រដាស ជូត​មាត់​យកមក​ខ្ទប់មាត់ រួច​បោះចោល​ក្នុង​ធុងសំរាម​ភ្លាមៗ ។​
៣. កុំ​ចាប់​មុខ : ពីព្រោះ​វា​ធ្វើឲ្យ​វីរុស​ផ្តាសាយ​ចូល​មក​រាងកា​យ​តាម​ភ្នែក ច្រមុះ ឬ​មាត់ ។ ក្រៅពីនេះ ការ​ដែល​ឪពុក​ម្តាយ​យកដៃ​ចាប់​មុខមាត់​កូន ឬ​កូនចាប់​មុខមាត់​ឪពុកម្តាយ​នោះ ក៏​ជា​មូលហេតុ​មួយ​ដែល​ធ្វើ​ឲ្យ​កូន ឬ​ឪពុកម្តាយ​ឆ្លង​វីរុស​ផ្ដាសាយ​ពីគ្នា​បានដែរ ។​
៤. ផឹកទឹក​ឲ្យបាន​ច្រើន :  ទឹក​ជួយ​លាង​សម្អាត​ជាតិពុល​ចេញពី​ប្រព័ន្ធ​ផ្សេងៗ នៃ​រាងកាយ ។ តាម​ធម្មតា​មនុស្ស​ធំ ត្រូវ​ផឹកទឹក​មួយថ្ងៃ​ប្រមាណ ៨ កែវ ហើយ​បើ​យើង​មិន​ប្រាកដ​ក្នុង​ចិត្ត​ថា ផឹកទឹក​បាន​គ្រប់គ្រាន់ ឬ​មិន​គ្រប់គ្រាន់​ទេ​នោះ យើង​ត្រូវ​សង្កេតមើល​ពណ៌​របស់​ទឹកនោម ។ បើ​ទឹកនោម​មើលទៅ​ថ្លា​ល្អ​បញ្ជាក់ថា ផឹកទឹក​បាន​គ្រប់គ្រាន់ ប៉ុន្ដែ​បើ​ទឹកនោម​ឡើង​ពណ៌​លឿង បញ្ជាក់បាន​ថា យើង​ផឹកទឹក​តិច មិន​បាន​គ្រប់គ្រាន់​ឡើយ ។​
៥. ហាត់ប្រាណ​បែប​អ៊ែ​រ៉ូ​ប៊ិក​ឲ្យ​បាន​ជា​ប្រចាំ : ការ​ហាត់ប្រាណ​បែប​អ៊ែ​រ៉ូ​ប៊ិក ធ្វើ​ឲ្យ​បេះ​ដូង​ស្រូប​បាញ់​ឈាម ក្នុង​បរិមាណ​ច្រើនឡើង ជា​ហេតុ​ធ្វើឲ្យ​យើង​ដកដង្ហើម​ញាប់ឡើង ដើម្បី​នាំ​យក​អុកស៊ីហ្សែន​ចូល​មក​កាន់​សួត រួច​បញ្ជូន​ទៅ​សម្ពាធ​ឈាម និង​ធ្វើឲ្យ​បែកញើស ដោយសារ​តែ​សីតុណ្ហភាព ក្នុង​រាងកាយ​កើនឡើង​ខ្ពស់ ជាហេតុ​ជួយ​ឲ្យ​កោសិ​កាក្នុង​រាងកាយ​ទប់ទល់ នឹង​វីរុស​បាន​កាន់តែ​ខ្លាំង​ឡើង ។​
៦. ហូប​អាហារ​ដែល​សម្បូរ​ទៅ​ដោយ​រុក្ខ​គីមី : រុក្ខ​គីមី​ឃើញ​មាន​ច្រើន​នៅក្នុង​រុក​ជាតិ ជាពិសេស​បន្លែ​ដែល​មាន​ពណ៌​បៃតងចាស់ ក្រហម និង​លឿង រួម​ទាំង​ផ្លែឈើ​ផ្សេងៗ គួរ​ទទួល​ទាន​ឲ្យបាន​ច្រើន ។​
៧. ឈប់​ជក់បារី : មាន​ការសិក្សា​ច្រើន​រាប់មិនអស់ ដែល​បញ្ជាក់ថា អ្នក​ដែល​ជក់បារី​កើត​ផ្តាសាយ​ញឹកញាប់​ជាង​អ្នក​មិន​ជក់ ។ សូម្បីតែ​នៅ​ក្បែរ​អ្នក​ជក់បារី ក៏​ធ្វើឲ្យ​ប្រព័ន្ធ​ការពាររាងកាយ​ចុះខ្សោ​យ យ៉ាង​ឆាប់រហ័ស​ដែរ ដោយសារ​តែ​ផ្សែង​បារី ធ្វើឲ្យ​ប្រព័ន្ធរឿង​ដង្ហើម សួត និង​ធ្វើឲ្យ​ខន់​ស៊ីលៀ ដែល​គ្របដណ្ដប់​សន្ទះ​ស្រោប​អំបិល​ក្នុង​ច្រមុះ និង​សួត មិន​ព្រម​កម្រើក (​សកម្មភាព​របស់​ខន់​ស៊ីលៀ ជួយ​បោស​បក់​ល្អងធូលី រួម​ទាំង​វីរុស​ផ្ដាសាយ និង​គ្រុន​ផ្ដាសាយធំ​ចេញពី​ផ្លូវដង្ហើម​) ។​
៨. ផ្អាក​ផឹកស្រា : ការ​ផឹកស្រា​ច្រើន វា​នឹង​ទៅ​សង្កត់​ប្រព័ន្ធ​ការពារ​រាងកាយ បាន​ជា​ច្រើន​រូបភាព ។ ដោយហេតុនេះ​ហើយ បាន​ជា​អ្នក​ដែល​ផឹក​ច្រើន​តែង​ងាយ​ឆ្លង​មេរោគ និង​កើត​ជំងឺ​ឱកាសនិយម ។ ក្រៅពី​នេះ​ថែម​ទាំង​ធ្វើឲ្យ​រាងកាយ បាត់បង់​ជាតិ​ទឹក​ទៀត​ផង ។​
៩. សម្រាក : ការ​សម្រាក​បន្ធូរ​អារ​ម្មណ៍ ជួយ​ភ្ញោ​ច​ប្រព័ន្ធ​ការពារ​រាងកាយ ឲ្យធ្វើ​ការបានតា​មបញ្ជា ។ យ៉ាងណាក៏ដោយ អ្នក​ដែល​ព្យាយាម​សម្រាក ប៉ុន្ដែ​ក្នុង​ចិត្ត​ពោ​ពេញ​ទៅដោយ​ភាព​ធុញទ្រាន់​នោះ វា​នឹង​មិន​ធ្វើឲ្យ​កើតដំណើរ​ប្រែប្រួល​ក្នុងឈាម​អ្វី​ទេ ។ ដូច្នេះ​គួរតែ​ធ្វើ​ការស្វែងយល់ និង​ហ្វឹកហ្វឺន​វិធី​សម្រាក​ឲ្យបាន​ត្រឹមត្រូវ ៕

“ជំហាន​លោតផ្លោះ” អំពី​ថ្នាំ​ប្រឆាំង​ភាពចំណាស់

៖​ពពួក​ថ្នាំ​ប្រើប្រាស់​ភ្នាក់ងារ resveratrol មាន​ក្នុង​ស្រា​ទំពាំងបាយជូរ​
​ថ្នាំ​ប្រឆាំង​ភាពចំណាស់​១​ប្រភេទ នឹង​ក្លាយជា​ការពិត ក្នុង ៥ ឆ្នាំ​ទៀត អាស្រ័យ​ដោយ​ការរកឃើញ​របស់​ពួក​អ្នកវិទ្យាសាស្ត្រ​អូស្ត្រាលី ។​
​ការស្រាវជ្រាវ ត្រូវបាន​ចុះផ្សាយ​លើ​ទស្សនា​វ​ដ្តី Science បញ្ជាក់ថា អង់​ហ្ស៊ី​ម ប្រឆាំង​ភាពចំណាស់​មួយ ក្នុង​សរីរាង្គ​អាច​ត្រូវបាន​ប្រើប្រាស់ ដើម្បី​ទប់ស្កាត់​ជំងឺ​ទាំងឡាយ បណ្តាល​ពី​វ័យចាស់ និង​អូសបន្លាយ​អាយុ ។​
​អង់​ហ្ស៊ី​ម SIRT1 ច្រើន​ត្រូវបាន​រំញោច​ដោយ​ការរារាំង​បរិមាណ​កាឡូរី ស្រូបយក​របស់​សរីរាង្គ និង​ពេល​ហាត់ប្រាណ តែ​ក៏​អាច​ត្រូវបាន​កែប្រែ​ប្រ​ប្រសើរឡើង អាស្រ័យ​ដោយ​កក្តា​រំញោច​ផ្សេងៗ ។ កក្តា​ធម្មជាតិ​រំញោច SIRT1 ទូទៅ​បំផុត គឺ resveratrol តែង​ត្រូវបាន​រកឃើញ​ជាមួយនឹង​បរិមាណ​យ៉ាង​ទាប ក្នុង​ស្រា​ទំពាំងបាយជូរ ។ ច្រើន​ឆ្នាំ​កន្លងទៅ ពួក​អ្នកវិទ្យាសាស្ត្រ អាច​បង្កើតជា resveratrol សិប្បនិម្មិត ។ ៤០០០ សារធាតុ​សកម្ម resveratrol សិប្បនិម្មិត​ផ្សេងៗ​គ្នា​, ខ្លាំង​ជាង ១០០ ដង ស្រា​ទំពាំងបាយជូរ ១ កែវ កំពុង​ត្រូវបាន​អភិវឌ្ឍ ហើយ ៣ ប្រភេទ​ល្អ​បំផុត ក្នុងចំណោម​នោះ បានចាប់ផ្តើម​ត្រូវបាន​ពិសោធន៍​លើ​មនុស្ស ។ អនុវត្ត​ទៅក្នុង​ថ្នាំ ភ្ញាក់​ងារ​ទាំងនេះ អាច​បង្កើតជា​ប្រតិកម្ម ដូច​ការទទួល​តប និង​លេង​កីឡា ។​
​ការស្រាវជ្រាវ​បង្ហាញថា បាន​ពិសោធន៍​ជោគជ័យ ១១៧ ប្រភេទ​ថ្នាំ​ផ្សេងៗ​គ្នា រួមជាមួយ​យន្តការ​១​ប្រើប្រាស់ resveratrol ដើម្បី​រំញោច​អង់​ហ្ស៊ី​ម SIRT1 ។ រឿងនេះ មានន័យថា ពុំ​គ្រាន់​តែមាន​ថ្នាំ​១​ប្រភេទ គួរ​ជាទី​គាប់ចិត្ត​ប៉ុណ្ណោះ​ទេ តែ​ពួក​អ្នកស្រាវជ្រាវ​អាចបង្កើត​ជា​ថ្នាំ​ផ្សេងគ្នា ជាមួយនឹង​លទ្ធផល​ទប់ស្កាត់បាន​ទាំង​ជំងឺមហារីក​, Alzheimer និង​ជំងឺ​ទឹកនោមផ្អែម​ប្រភេទ​២ ។​
​សាស្ត្រាចារ្យ David Sin Clair អ្នកដឹកនាំ​ការស្រាវជ្រាវ​ឲ្យ​ដឹងថាៈ “​ធម្មតា ថ្នាំ​ទាំងនេះ ពុំ​ត្រឹមតែ​ប្រើ​ដើម្បី​ទប់ទល់​ជំងឺ​១​ប៉ុណ្ណោះ​ទេ តែ​នៅ​ទប់ស្កាត់​ជំងឺ​ផ្សេងៗ ២០ ប្រភេទ នាំ​ដល់​ប្រសិទ្ធភាព​ធ្វើ​ឲ្យ​កើន​អាយុ និង​ពន្យឺត​ជរាភាព​” ។​
​ក្នុង​អនាគត ពួក​អ្នកវិទ្យាសាស្ត្រ សង្ឃឹមថា ថ្នាំ​ទាំងនេះ ត្រូវបាន​ប្រើប្រាស់ ដើម្បី​ទប់ស្កាត់​ភាពចំណាស់​យ៉ាង​រហ័ស ៕M​

វិធី​សាមញ្ញ​៤​យ៉ាង ដើម្បី​បំបាត់​ភាព​អស់កម្លាំង​

អង្គការ National Health Service បាន​អះអាងថា ក្នុងចំណោម​ជនជាតិ​អង់គ្លេស​៥​នាក់ គឺមាន​ម្នា​ក់កើត​ជំងឺ​អស់កម្លាំង នៅ​អំឡុងពេល​ណាមួយ ក្នុង​មួយថ្ងៃ ហើយ ១​ភាគ​១០ នៃ​អ្នកជំងឺ​កើត​ជំងឺ​នេះ ក្នុង​រយៈពេល​វែង​។

ប៉ុន្តែ​មានតែ ១​ភាគ​៣ ក្នុងចំណោម​នោះ ជួបប្រទះ​បញ្ហា​សុខភាព​ពិតប្រាកដ អាស្រ័យ​ហេតុ​នោះ ពិបាក​ដើម្បី​ទប់ទល់​ជាមួយ​ជំងឺ​អស់កម្លាំង​រ៉ាំរ៉ៃ​។ ខាងក្រោម​នេះ ជា​វិធី​សាមញ្ញ​មួយចំនួន​ដើម្បី​ប្រឆាំង​តប​ជំងឺ​អស់កម្លាំង​។​

*​ទទួលទាន​ទឹក​៦-៨​កែវ​ក្នុង​មួយថ្ងៃៈ​
​ជំនាញការ​ជីវជាតិ Catherine Collins  នៅ​មន្ទីរពេទ្យ St Georges (​អង់គ្លេស​) បានឱ្យដឹងថា​៖ ô​ប្រសិន​មិន​ទទួលទាន​ទឹក​គ្រប់គ្រាន់ ធ្វើឱ្យ​យឺត​ដំណើរការ​ផ្គត់ផ្គង់​អុកស៊ីហ្សែន​ឡើង ខួរក្បាល បណ្តាលឱ្យ​អ្នកមាន​អារម្មណ៍​អស់កម្លាំង õ​។​

​បរិមាណ​ជាតិ​រាវ ត្រូវការ​ស្រូបយក​រាល់ថ្ងៃ​ចំណុះ​ទៅលើ​មនុស្ស​ម្នាក់ៗ ប៉ុន្តែ​អ្នក​គួរ​ប្រឹងប្រែង​បត់ជើងតូច​តិច​បំផុត​៣​ដង ក្នុង​មួយថ្ងៃ​។ អ្នកជំនាញការ បាន​ទូន្មាន​ថា អ្នក​គួរ​ទទួលទាន​ភេសជ្ជៈ​ពី ៦-៨ កែវ ក្នុង​មួយថ្ងៃ ក្នុងនោះ​មាន​ទាំង​តែ និង​កាហ្វេ​។​

*•​មិន​ទទួលទាន​ស្រា​នៅពេល​យប់ៈ​
​ពីដំបូង ពេល​ទើប​ទទួលទាន​ស្រា អ្នក​អាច​នឹងមាន​អារម្មណ៍​ស្រឡះ ប៉ុន្តែ​វា​នឹងមាន​ឥទ្ធិពល​ដល់​គុណភាព​ដំណេក​របស់​អ្នក សូម្បីតែ​ពេល​អ្នក​គេង​គ្រប់ ៧-៨​ម៉ោង ក្នុង​មួយ​យប់​ក៏ដោយ​។​

Collins បាន​បកស្រាយ​ថា​៖ ô​ស្រា​មាន​ឥទ្ធិពល​កម្ចាត់​ទឹក​។ បន្ថែម​លើ​នោះ សារជាតិ​ក្នុង​ស្រា ធ្វើឱ្យ​អាក់​ខួប​ដំណេក ធ្វើឱ្យ​អ្នក​មិនអាច​គេង​ស្កប់​õ​។​
​    ​
*​បំពេញបន្ថែម​ម៉ាញ៉េ​ស្យូ​ម និង​វីតាមីន B
​ម៉ាញ៉េ​ស្យូ​ម ដើរតួនាទី​សំខាន់​មួយ​ក្នុងការ​រក្សា​បរិមាណ​ស្ករ​ក្នុង​ឈាម សុខភាព​សាច់ដុំ និង​ការប្រមូលផ្តុំ​។ អាស្រ័យ​ហេតុ​នោះ ខ្វះ​ម៉ាញ៉េ​ស្យូ​ម អាចធ្វើឱ្យ​អ្នកមាន​អារម្មណ៍​រសេះរសោះ​។ ម៉ាញ៉េ​ស្យូ​ម មាននៅ​ក្នុង​បន្លែ​ស្លឹក​បៃតង និង​ពពួក​គ្រាប់ ប៉ុន្តែ​ប្រសិន​អ្នក​មិន​ស្រូបយក​គ្រប់​ម៉ាញ៉េ​ស្យូ​ម​ក្នុង​របប​ទទួលទាន អ្នក​អាច​ប្រើ​ថ្នាំ​បំពេញ​ម៉ាញ៉េ​ស្យូ​ម​។​

​ក្រៅពីនេះ មិន​ត្រូវឱ្យ​សរីរាង្គ​ខ្វះ​វីតាមីន B ។ ផ្គត់ផ្គង់​គ្រប់​វីតាមីន B គឺ​ចាំបាច់​បំផុត​ដើម្បីឱ្យ​សរីរាង្គ​ពោរពេញ​ដោយ​ថាមពល​។ វីតាមីន B1, B3, B5 និង B6 ចាំបាច់​សម្រាប់​ការ​បំប្លែង​អាហារ​ទៅជា​ថាមពល​។ អ្នក​អាច​ស្រូបយក​វីតាមីន B នៅក្នុង​សាច់មាន់ ពពួក​គ្រាប់ ស៊ុត និង​ហ្វ្រូ​ម៉ា​។​

*​គេង​ថ្ងៃត្រង់ៈ​
​ដំណេក​ថ្ងៃត្រង់ អាចជួយ​អ្នក​ចាក​ផុតពី​ភាព​អស់កម្លាំង​នៅពេល​រសៀល​។ ពេលវេលា​សម្រាប់​ដំណេក​ថ្ងៃត្រង់ ក៏​សំខាន់​ណាស់ដែរ​។
​បណ្ឌិត Chris Idzikowski នៅ​មជ្ឈមណ្ឌល Edinburgh Sleep Centre (​អង់គ្លេស​) បានឱ្យដឹងថា ô​ដំណេក​ថ្ងៃត្រង់​៣០​នាទី ជួយ ឱ្យ​អ្នក​ស្តារ​ថាមពល​ជីវិត​õ​។​

​ប៉ុន្តែ​ក្រោយពេល​ភ្ញាក់ អ្នក​មិនត្រូវ​សម្រុក​ធ្វើការ​ភ្លាម ដោយ​ទុកពេល ១៥​នាទី ដើម្បីឱ្យ​ស្វាង​ដំណេក​ទាំងស្រុង​សិន​៕

សញ្ញាស្តែងចេញ៥ ប្រកាសអាសន្នជំងឺបេះដូង

​ពិបាក​ដកដង្ហើម ឈឺទ្រូង​ជា​ជំងឺ​បេះដូង ពិសេស​គឺ​រោគសញ្ញា​ឈឺ​ពឺត​ទ្រូង តែ​រឿង​នោះ​ក៏មាន​ន័យ​ពុំមែន​នរណា​ក៏មាន​រោគសញ្ញា​នេះដែរ ។ អាស្រ័យហេតុនេះ​មិនត្រូវ​មើលស្រាល​រោគសញ្ញា​ទាំង​លាយ​ខាងក្រោម​នេះ ៖
-​ជ្រុះ​សក់​
​យុវជន​ជ្រុះ​សក់​នៅ​កណ្តាល​ក្បាល​កើន​ហានិភ័យ​ជំងឺ​សរសៃឈាម​បេះដូង ។​
​ការស្រាវជ្រាវ​បាន​បញ្ជាក់ថា អ្នកមាន​សក់​ក្រាស់ ប្រសិន​សក់​នៅ​កណ្តាល​ក្បាល​តិច​ទៅៗ នោះ​ហានិភ័យ​កើត​ជំងឺ​សរសៃឈាម​បេះដូង​កើន​២៣% ។ ចំណែក​បុរស​ក្បាលទំពែក​នោះ​មានការ​ប្រឈម​កើន​ជំងឺ​បេះដូង​ឡើង​៣៦% ។​
​ការស្រាវជ្រាវ​បង្ហាញថា ជ្រុះ​សក់​នៅ​បុរស​ពាក់ព័ន្ធ​ជាមួយ​អ័រម៉ូន​បុរស ហើយ​អ័រម៉ូន​នេះ​បែរជា​ពាក់ព័ន្ធ​ជំងឺ​ក្រិន​រឹង​សរសៃឈាម ។ ដូច្នេះ បុរស​ទំពែក​ដាច់ខាត​ត្រូវ​យកចិត្តទុកដាក់​ច្រើនជាង​ដល់​សុខភាព​សរសៃឈាម​បេះដូង ។​
-​ហើមជើង​
​ប្រើ​ម្រាមដៃ​ចុច​ខ្លាំង​ទៅលើ​ភ្នែក​គោល ឬ​កំភួនជើង​ប្រសិន​វា​ទ្រុត និង​មិនអាច​ត្រឡប់មក​ដូចដើម​ភ្លាមៗ​នោះ​គឺ​ជើង​ត្រូវ​ហើម ។​
​ពេល​បេះដូង​មិនអាច​ធ្វើការ​ធម្មតា ពោលគឺ​លទ្ធភាព​ចរាចរ​ឈាម​ថយចុះ​រំអិល​នៃ​សរីរាង្គ​នឹង​ផ្តុះ​នៅ​កំភួនជើង​ក្រោម ពេលនេះ​ច្រើន​អម​ជាមួយ​រោគសញ្ញា​ផ្សេងៗ​ដូចជា​បត់ជើងតូច​ច្រើន បរិមាណ​ទឹកនោម​តិច ទម្ងន់​ខ្លួន​កើនឡើង យប់​ក្អក​ច្រើន​...​និង​លេចចេញ​សភាព​ហើម​នៅ​កំភួនជើង​ក្រោម ពិសេស​គឺ​ផ្នែក​ភ្នែក​គោល ។ បន្ទាប់មក​សន្សឹមៗ​រីកចម្រើន​ដល់​ខ្លួនប្រាណ​ទាំងមូល ។ ពេល​មាន​បាតុភូត​នេះ​ត្រូវ​ប្រញាប់​ទៅ​ត្រួតពិនិត្យ​សុខភាព ។​
-​ជំងឺ​មាត់​ធ្មេញ​
​ឈឺ​ហើម​នៅ​គល់​ធ្មេញ ហូរឈាម​ជា​សញ្ញា​បង្ហាញថា​អនាម័យ​មាត់ បំពង់ក​មាន​បញ្ហា​ដ ទន្ទឹម​នោះ​ក៏​ជា​សញ្ញា​របស់​ជំងឺ​បេះដូង ។​
​ការស្រាវជ្រាវ​បានបញ្ជាក់​ការពិត​ថា ជំងឺ​ជុំវិញ​ធ្មេញ​មាន​ពាក់ព័ន្ធ​ជិតស្និទ្ធ​ដល់​ជំងឺ​បេះដូង ។ ការរក្សា​អនាម័យ​បំពង់ក មាត់​ធ្មេញ​ជួយ​បន្ថយ​ទាប​ជំងឺ​សរសៃឈាម​បេះដូង ។​
-​ស្បែក​លេចចេញ​ដុំ​ពក​ខ្លាញ់​ពណ៌​លឿង​
​ដុំ​ពក​ខ្លាញ់​ពណ៌​លឿង​ជា​ជំងឺ​ផ្តុំ​ជាតិ​ខ្លាញ់​មួយ​សំខាន់​ធ្វើ​ឲ្យ​របួស​ស្បែក ។ ពេល​ស្បែក ជាពិសេស​ស្បែ​កនៅ​ជិត​ជ្រុង​ភ្នែកមាន​ពណ៌​លឿង ចម្រុះ​ពណ៌​ទឹកក្រូច ស្នាម​កន្ទួល​ដុំៗ ឬ​ផ្ទាំង​ស្នាម​ជ្រួញ ពេលនេះ​ត្រូវ​ទៅពិនិត្យ​មើល​តើ​ជា​ដុំ​ពក​ខ្លាញ់​ពណ៌​លឿង ឬ​មិនមែន ។ អ្នកមាន​រោគសញ្ញា​នេះ​ច្រើន​ច្របូកច្របល់​ការ​បំប្លែង​សារជាតិ ហានិភ័យ​ជំងឺ​បេះដូង​ក៏​កើនឡើង​តាម​នោះ ដូច្នេះ​ត្រូវ​យកចិត្តទុកដាក់​កំរិត​ខ្លាញ់​ក្នុង​ឈាម​របស់ខ្លួន និង​ត្រួតពិនិត្យ​ទាន់ពេល ។​
-​ភ្នែក​ឡើងបាយ​
​ការស្រាវជ្រាវ​ជាច្រើន​សុទ្ធតែ​ឲ្យ​ដឹងថា អ្នក​កើត​ជំងឺភ្នែកឡើងបាយ នោះ​ហានិភ័យ​ជំងឺ​សរសៃឈាម​បេះដូង​កើនឡើង​ទោះបី​អត្រា​តែ​ប្រមាណ​១០% ៕M

​កា​រយំ​ចេញ​ទឹកភ្នែក មាន​សារប្រយោជន៍ ៥ យ៉ាង​

កា​រយំ​ចេញ​ទឹកភ្នែក ជា​វិធី​មួយ​ស្តែងឡើង នូវ​ការបង្ហាញ​អារម្មណ៍​របស់​មនុស្ស ។ ថ្វី​ត្បិត​ដូច្នេះ ក្នុង​ខឿនវប្បធម៌​មួយចំនួន វា​ត្រូវបាន​ចាត់ទុកជា​ភាពទន់ខ្សោយ ហើយ​មានតែ​ស្ត្រី​ទេ ដែលជា​និច្ចកាល យំ​ចេញ​ទឹកភ្នែក ។ តែ​លើស​ភាពជាក់ស្តែង កា​រយំ​ចេញ​ទឹកភ្នែក អាចជួយ​កម្ចាត់​ចោល​អារម្មណ៍ មិនអាច​និយាយ​ចេញ និង​អារម្មណ៍​ផ្តុំ​ខាងក្នុង នាំមក​នូវ​ផលប្រយោជន៍​សុខភាព​ជាច្រើន ។​
Meidic Magic បានលើកឡើង​អំពី​ផលប្រយោជន៍​មួយចំនួន របស់​ទឹកភ្នែក ដូចខាងក្រោម​នេះ ៖

 

១.​កម្ចាត់​ភាព​តានតឹងៈ​
​ពេល​មាន​អារម្មណ៍​តានតឹង ការ​យំ នឹង​ល្អ​ជាង​ការ​ទប់ សង្កត់​អារម្មណ៍ ។ ការ​យំ នឹង​ជួយ​អ្នក​កម្ចាត់​ចោល អារម្មណ៍​នឿយហត់ អស់សង្ឃឹម ។ នេះ​ជា​ឱសថ​បន្ថយ​ស្ត្រេ​ស ប្រកប​ប្រសិទ្ធភាព ។ ប្រសិន​មាន​អារម្មណ៍​ខ្មាស់អៀន ពេល​យំ​នៅ​កន្លែង​សាធារណៈ ចូរ​រក​កន្លែង​មួយ ដើម្បី​យំ ដើម្បី​កម្ចាត់​ចេញ​ភាព​តានតឹង ។​
២.​កែប្រែ​ប្រសើរឡើង​នូវ​សភាព​ផ្លូវចិត្តៈ​
​អ្នក​នឹងមាន​អារម្មណ៍​ផ្លូវចិត្ត ធូរស្រាល និង​ល្អ​ជាង ក្រោយពេល​យំ​។ តំណក់ទឹកភ្នែក អាចធ្វើ​ឲ្យ​ថយចុះ ការឈឺចាប់ និង​ភាព​តឹងតែង ដែល​អ្នក​ជួប ។ ដូច្នេះ​កុំ​ក្រែង​យំ ដើម្បី​កែប្រែ​សភាព​ផ្លូវចិត្ត ឲ្យ​ប្រសើរឡើង ។​
៣.​សំអាត​ភ្នែកៈ​
​មុខងារ​ពិតប្រាកដ​របស់​ទឹកភ្នែក គឺ​រក្សា​ឲ្យ​ភ្នែក​សើម ។ វា​ពុំ​ត្រឹមតែ​ជួយ​អ្នក មើល​ច្បាស់​ជាង តែ​នៅ​ជួយ​កម្ចាត់​ចោល ធូលី​កខ្វក់​ទាំងអស់ នៅក្នុង​ភ្នែក ។ ក្រៅពីនេះ ទឹកភ្នែក ក៏​ជួយ​កម្ចាត់​ចេញ​ជាតិពុល និង​កំទេច​បាក់តេរី ដែល​ទន្ទ្រាន​ចូល ។ ពេល​ទឹកភ្នែក​ហូរ​ចេញ ទោះបី​ដោយសារ​ព្រួយ ឬ សុភមង្គល វា​ក៏​ពិតជា​ធ្វើ​ឲ្យ​ភ្នែក មាន​សុខភាព​ល្អ​ជាង ។​
៤.​បន្ថយ​បរិមាណ​ម៉​ង់​ហ្គា​ណែ​សៈ​
​កា​រយំ​ចេញ​ទឹកភ្នែក នឹងធ្វើ​ឲ្យ​ថយចុះ កម្រិត​សារជាតិ រ៉ែ​ម៉​ង់​ហ្គា​ណែ​ស ក្នុង​សរីរាង្គ ។ សារជាតិ​រ៉ែ​ម៉​ង់​ហ្គា​ណែ​ស កើតមាន​ច្រើន វា​ក៏​អាច​បង្ក​ឲ្យ​មាន​ភាព​ជ្រួលច្របល់​ក្នុង​អារម្មណ៍​ផងដែរ ។​
៥.​បញ្ចុះ​សម្ពាធ​ឈាម​ខ្ពស់ៈ​
​កា​រយំ​ចេញ​ទឹកភ្នែក ពុំ​ត្រឹមតែ​ធ្វើ​ឲ្យ​ថយចុះ សម្ពាធ​លើ​សរីរាង្គ​ប៉ុណ្ណោះ​ទេ តែ​ទៅ​ជួយ​កម្ចាត់​ចោល​អំបិល​លើស ។ ទាំង​ភាព​តានតឹង និង​អំបិល សុទ្ធតែ​អាច​បង្ក​ឲ្យ​លើសឈាម ។ ដូច្នេះ​ប្រសិន​មាន​បញ្ហា​ជាមួយ​សម្ពាធ​ឈាម ចូរ​ឲ្យ​សរីរាង្គ​ចេញ​ដោយ​សេរី តាម​អារម្មណ៍​របស់ខ្លួន ៕M/V/L​

​ពិសា​ផ្លែ​ឈើ​ស្រស់ ល្អ​ចំពោះ​សុខភាព

ការ​ទទួលទាន​ផ្លែឈើ ល្អ​ចំពោះ​រាងកាយ ព្រោះ​ផ្លែឈើ​ស្រស់ សម្បូរ​ដោយ​វីតាមីន​ជាច្រើន​ប្រភេទ មិន​ថា​កាល់ស្យូម សារធាតុ​រ៉ែ ជាតិ​ដែក ផូស្វ័​រ ដែល​ជួយ
បំប៉ន​ផ្នែក​ផ្សេងៗ របស់​រាងកាយ​ដូច​ជា វីតាមីន C ក្នុង​ផ្លែឈើ ជួយ​ក្នុង​រឿង​សរសៃឈាម ធ្វើឲ្យ​សរសៃឈាម​ឆ្មា​រៗ​រឹងមាំ និង​ការពារ​ជំងឺ​ឈាម​ចេញ​តាមជើងធ្មេញ​ទៀតផង ។​
ប្រសិនបើ​អ្នក​ចាប់ផ្តើម​សង្កេតឃើញថា មាន​ជំងឺ​ដូច​រៀបរាប់​មកនេះ គួរ​ប្រញាប់​រក​ផ្លែឈើ ដែល​មាន​វីតាមីន C ទទួលទាន​ដូចជា ត្របែក ប៉េង​បោះ កន្ទួត​ព្រៃ ។ រីឯ​វីតាមីន​ប្រភេទ​ផ្សេងៗ ដែល​មាន​ក្នុង​ផ្លែឈើ ដូចជា វីតាមីន A ជួយ​បំប៉ន​ភ្នែក​បាន​ល្អ ។ ម្យ៉ាងទៀត ដោយសារ​ផ្លែឈើ ជា​ប្រភេទ​រួម​របស់​កាកសរសៃ​អាហារ ទើប​វា​ជួយ​ធ្វើឲ្យ​ប្រព័ន្ធប​ន្ទោ​បង់​ល្អ មិន​ធ្វើឲ្យ​ទល់លាមក ។​
ដូច្នេះ អ្នក​ដែល​មិន​ចូល​ទទួលទាន​ផ្លែឈើ ឬ​ចូល​ចិត្ត​ផ្លែឈើ​ត្រាំ គួរ​ងាក​មក​ទទួល​ផ្លែឈើ​ស្រស់​ល្អ​ជាង ព្រោះ​ប្រយោជន៍​ដែល​ទទួល​ពី​ផ្លែឈើ​ស្រស់
ប្រាកដជា​មាន​ច្រើន​ជាង​ផ្លែឈើ​ត្រាំ ។ លើសពីនេះ បើ​ជ្រើសរើស​ទិញ​ផ្លែឈើ​ត្រាំ ដែល​គ្មាន​អនាម័យ អាច​ធ្វើឲ្យ​រាករួស​ទៀតផង ៕

អស់រដូវយឺត ថយចុះជំងឺពុកឆ្អឹង

៖​ស្ថានភាព​អស់​រដូវ​របស់​ស្ត្រី មាន​ពាក់ព័ន្ធ​ដល់​ជំងឺ​ពុក​ឆ្អឹង​
​ពួក​អ្នកស្រាវជ្រាវ​ជប៉ុន​និយាយថា ស្ត្រី​អស់​រដូវ​យឺត ពុំ​ត្រូវមាន​ហានិភ័យ​កើត​ជំងឺ​ពុក​ឆ្អឹង​នោះទេ​, យោងតាម​ការចុះផ្សាយ​លើ​គេហទំព័រ​វេជ្ជសាស្ត្រ TeleManagement ។​
​ជាក់ស្តែង ស្ត្រី​អស់​រដូវ​យឺត ថយចុះ​បាន ៣១% ហានិភ័យ​ដង់ស៊ីតេ​ឆ្អឹង​ត​ទាប ហើយ​ស្ត្រី​មាន​តិច​បំផុត ៤០ ឆ្នាំ ក្នុងដំណាក់កាល​បង្កើត​កូន ក៏មាន​និន្នាការ​ថយចុះ​អប្បបរមា​ហានិភ័យ ។​
​ពួក​ជំនាញការ​នៅ​សាកលវិទ្យាល័យ Tsukuba បាន​ដំណើរការ​ស្រាវជ្រាវ​លើ​ស្ត្រី​ជប៉ុន​អស់​រដូវ​ចំនួន ១០៣៥ នាក់ ដើម្បី​វាយតម្លៃ​ឥទ្ធិពល​របស់​ដំណាក់កាល​អស់​រដូវ និង​ចំនួន​ឆ្នាំ​បង្កើតកូន ទៅលើ​ដង់ស៊ីតេ​ឆ្អឹង ។​
​តាម​ក្រុម​ស្រាវជ្រាវ បាន​ឲ្យ​ដឹង​ទៀតថា ស្ត្រី​មាន​ចំនួន​ឆ្នាំ​បង្កើតកូន​ធំ​ជាង និង​ស្ត្រី​អស់​រដូវ​យឺត បានទទួល​ផលប្រយោជន៍​ច្រើន​បំផុត ពី​ការ​កើន​ការប្រាស្រ័យ​ជាមួយ Estrogen កើត​ពី​ក្នុង ក៏ដូចជា​ការបង្កើន​ការការពារ​ផុតពី​ហានិភ័យ​បាត់បង់​កាល់ស្យូម​, តាមរយៈ​នោះ​រក្សាបាន​ដង់ស៊ីតេ​ឆ្អឹង ។​
​មុននេះ ការស្រាវជ្រាវ​មួយ របស់​មន្ទីរពេទ្យ​សាកលវិទ្យាល័យ Skane (​ស៊ុយអែត​) បង្ហាញថា  ស្ត្រី​អស់​រដូវ នោះ​ហានិភ័យ​ត្រូវ​ពុក​ឆ្អឹង កើន​ទ្វេដង​ទៅ​ថ្ងៃក្រោយ ។ ជាក់ស្តែង ៥៦% នៃ​ស្ត្រី​ឆាប់​អស់​រដូវ ត្រូវ​ពុក​ឆ្អឹង​, ក្នុងពេល​មានតែ ៣០% នៃ​ស្ត្រី​អស់​រដូវ​យឺត កើត​ជំងឺ​ពុក​ឆ្អឹង ។​
​ការស្រាវជ្រាវ ក៏​រកឃើញថា ស្ត្រី​ឆាប់​អស់​រដូវ មាន​ហានិភ័យ​បាក់ឆ្អឹង បណ្តាល​ពី​ឆ្អឹង​ពុក និង​បាត់​បង់ជីវិត​ខ្ពស់ជាង ៕M​

​ស្ត្រី​ឈឺក្បាល​ប្រកាំ​ង អាច​ប្រឈម​នឹង​ជំងឺ​បេះដូង​

យោងតាម​ការសិក្សា​ថ្មី​មួយ ដែល​នឹង​បង្ហាញ​ក្នុង​កិច្ចប្រជុំ​ប្រចាំ​ឆ្នាំ American Academy of Neurology បានបង្ហាញ​ថា ស្ត្រី​ឈឺក្បាល​ប្រកាំ​ង (​ឈឺ​មួយ​ចំហៀង​ក្បាល​) រួម​ជាមួយ​អា​ការរំខាន​ច​ក្ខុ ដូចជា មាន​ពន្លឺ​ឆ្វេច​ឆ្វាច អាច​មាន​អាការ​ប្រឈម​កើនឡើង​នៃ​ជំងឺ​គាំងបេះដូង និង​ស្ទះ​សរសៃឈាម​។​

​ការសិក្សា​នេះ រួម​មាន​ស្ត្រី ២៧.៨៦០​នាក់ ដោយ ១.៤៣៥​នាក់ មាន​អាការ​ឈឺក្បាល​ប្រកាំ​ង ជាមួយ​បញ្ហា​ភ្នែក​ដូចខាងលើ​។ ដែល​ហៅថា អូ​រ៉ា (aura)​។ ក្នុង​រយៈពេល ១៥​ឆ្នាំ​នៃ​ការសិក្សា ក្រុម​អ្នកស្រាវជ្រាវ បាន​រកឃើញថា មាន​ជំងឺ​គាំងបេះដូង ជំងឺ​ដាច់​សរសៃឈាម​ក្នុង​ខួរក្បាល ឬ​ការស្លាប់​ពី​ជំងឺ​សរសៃឈាម​បេះដូង ចំនួន ១.០៣០​ករណី​។ ការ​ប្រឈម​សម្រាប់​ស្ត្រី​ឈឺ​ក្បាល​ប្រកាំង ដែល​មាន​អាការ​អូ​រ៉ា មាន​កម្រិត​ខ្ពស់​ជាង​ស្ត្រី​ដែល​ឈឺ​ក្បាល​ប្រកាំង ដែល​ពុំ​សូវ​ជួបប្រទះ​អាការ​អូ​រ៉ា ដល់​ទៅ​បី​ដង​។​

​យោង​តាម​លោក ថូ​បៀ​ស ខឺត (Tobias Kurth) ដែល​ជា​អ្នកដឹកនាំ​ការសិក្សា​ពី​មន្ទីរពេទ្យ​ស្ត្រី ប្រាយ​ហែម Brigham and Women's Hospital) បាន​ប្រាប់ AFP ថា “​បន្ទាប់​ពី​សម្ពាធ​ឈាម​ខ្ពស់ ជំងឺ​ឈឺក្បាល​ប្រកាំ​ង រួម​ជាមួយ​អាការ​អូ​រ៉ា ជា​មូលហេតុ​ចម្បង​ទី​២ នៃ​ការ​ប្រឈម​នឹង​ជំងឺ​គាំងបេះដូង និង​ដាច់​សរសៃឈាម​ខួរក្បាល​”​។​

​តាម​ការសិក្សា​ទី​២ ដែល​បង្ហាញ​ដោយ​ក្រុម​ស្រាវជ្រាវ​ដដែល​នេះ បាន​និយាយថា ស្ត្រី​ដែល​ឈឺ​ក្បាល​ប្រកាំង ឬ​រួម​ជាមួយ​អាការ​អូ​រ៉ា និង​ការប្រើ​ថ្នាំ​ពន្យា​កំណើត មាន​ទំនោរ​កើត​អា​ការស្ទះ​សរសៃឈាម​បាន​៕​

"គោលការណ៍" ៥ពេលប្រើប្រាស់វីតាមីន

​ចំពោះ​មនុស្ស​ធម្មតា​ម្នាក់ បរិមាណ​វីតាមីន​ចាំបាច់​សម្រាប់​សរីរាង្គ​តាមរយៈ​ប្រភព​អាហារ​រាល់ថ្ងៃ​គឺ​គ្រប់គ្រាន់ មិនចាំបាច់​បំពេញបន្ថែម ។ បណ្តា​ករណី​ពិសេស​សរីរាង្គ​មិន​ស្រូប​បាន​គ្រប់​វីតាមីន នោះ​ទើប​បំពេញ​ថែម​តាម​ការណែនាំ​របស់​វេជ្ជបណ្ឌិត​ជំនាញ ។​
​ពេល​បំពេញ​ថែម​វីតាមីន​ឲ្យ​សរីរាង្គ យើង​មិនត្រូវ​រំលង​ចោល​គោលការណ៍​ទាំងឡាយ​ខាងក្រោម​នេះ ៖
-​មូលហេតុ​ប្រើប្រាស់​ច្បាស់លាស់​
​មនុស្ស​មួយចំនួន​ចាត់ទុកថា វីតាមីន​ជា​ថ្នាំ​ប៉ូវ ហេតុនេះ​សុវត្ថិភាព ។ ដូច្នេះ​ដើម្បី​បង្កើន​សមត្ថភាព​ទប់ទល់ ធ្វើ​ឲ្យ​សរីរាង្គ​រឹងមាំ​ជាង ស្បែក​រលោង​ទន់​ជា​សក់ខ្មៅ​រលោង​ជាង​...​ពួកគេ​បាន​ប្រើប្រាស់​វីតាមីន​ស្រេច​តែ​ចិត្ត ហើយ​រឿងនេះ​គ្រោះថ្នាក់​បំផុត​សម្រាប់​សុខភាព ។ ត្រូវ​ចាំ​ថា តែ​ពេលណា​ដែល​គ្រូពេទ្យ​វិនិច្ឆ័យ​ច្បាស់លាស់​សរីរាង្គ​ខ្វះ​ប្រភេទ​វី​មីន​ណា នោះ​ទើប​បំពេញបន្ថែម ដាច់ខាត​មិនត្រូវ​ប្រើប្រាស់​ស្រេច​តែ​ចិត្ត ។​
២.​បរិមាណ​ប្រើ​
​ថ្នាំ​ទោះបី​ល្អ និង​ប៉ូវ​ដល់​កម្រិតណា​ក៏ត្រូវ​ប្រើ​ក្នុង​បរិមាណ​សមស្រប ។ ប្រសិន​ប្រើប្រាស់​វីតាមីន D ហួស​កម្រិត និង​ពេលវេលា​នឹងត្រូវ​ពុល ។ សរីរាង្គ​សល់​វីតាមីន A អាច​ត្រូវ​ពុល​ជាមួយនឹង​រោគសញ្ញា​ស្បែក​ត្រូវរបួស រលាក​សន្លាក់ របកស្បែក​ពេញ​ខ្លួន មានការ​ប្រឈម​ត្រូវ​រលាក​ថ្លើម ។ ស្ត្រី​មានគភ៌​ប្រើ​វីតាមីន A ច្រើនពេក មាន​គ្រោះថ្នាក់​បណ្តាល​ឲ្យ​ទារក​មាន​រូបរាង​ខុស​ប្រក្រតី ។ ចំពោះ​វី​មីន E ប្រសិន​ប្រើ​ហួស​បរិមាណ នឹង​បង្ក​ការ​រាករូស ឈឺពោះ ច្របូកច្របល់​រំលាយ​អាហារ អស់កម្លាំង និង​ទ្រុឌទ្រោម​សរីរាង្គ ។​
៣.​រក​មូលហេតុ​បំពេញបន្ថែម​ឲ្យ​ច្បាស់លាស់​
​ករណី​ខ្វះ​វីតាមីន​ជាច្រើន គឺ​បង្កឡើង​ដោយសារ​ជំងឺ​មួយចំនួន ។ អាស្រ័យហេតុនេះ​ត្រូវ​ឲ្យ​គ្រូពេទ្យ​ពិនិត្យ​កំណត់​ជំងឺ​ច្បាស់លាស់ បន្ទាប់មក​ទើប​បំពេញបន្ថែម​វីតាមីន​យ៉ាងណា​ឲ្យ​ប្រសិទ្ធភាព ។​
៤.​ពេលវេលា​ប្រើ​បន្ថែម​
​វីតាមីន C , B1 , B2.... ជា​ពពួក​វីតាមីន​រលា​យ​បាន​ក្នុង​ទឹក ដូច្នេះ​លេប​ក្រោយ​បាយ​គឺ​សមស្រប​ព្រោះ​វីតាមីន​ទាំងនេះ​នឹង​ឆាប់​ជ្រាប​កាត់​ក្រពះ និង​គែម​ពោះវៀន ។ ប្រសិន​លេប​ពេល​ឃ្លាន ភាគច្រើន​នៃ​វីតាមីន នឹងត្រូវ​សរីរាង្គ​កម្ចាត់​ចេញ​ក្រៅ​ពេល​ជាលិកា​ក្នុង​សរីរាង្គ​ស្រូបយក​ពុំទាន​អស់ ។​
​ក្រៅពីនេះ ពពួក​វីតាមីន​រលាយ​ក្នុង​ខ្លាញ់​ដូចជា​វីតាមីន A , D ,E.... ត្រូវ​ប្រើ​ក្រោយ​ពេលបាយ ព្រោះ​ពេលនោះ​ផ្លូវ​ពោះវៀន និង​ក្រពះ​ស្តុក​ទុក​បរិមាណ​ខ្លាញ់​១​ពី​អាហារ ហេតុនេះ​មាន​ប្រយោជន៍​សម្រាប់​ការ​រលាយ​វីតាមីន ធ្វើ​ឲ្យ​សរីរាង្គ​ស្រូបយក​ងាយស្រួល ។​
៥.​ក្តាប់បាន​ឥទ្ធិពល​ទៅវិញទៅមក​របស់​វីតាមីន​ជាមួយ​ពពួក​ថ្នាំ​ផ្សេងៗ​
​វីតាមីន​អាច​ឥទ្ធិពល​ទៅវិញទៅមក​ជាមួយ​ថ្នាំ​មួយចំនួន ធ្វើ​ឲ្យ​ថយចុះ​ប្រសិទ្ធភាព​របស់​ថ្នាំ ឬ​បន្ថយ​ប្រសិទ្ធភាព​របស់​វីតាមីន ។ ឧទាហរណ៍ ថ្នាំ Paraphin សណ្ឋាន​រាវ​អាចធ្វើ​ឲ្យ​ថយចុះ​ការ​ស្រូបយក និង​បង្កើន​ការ​កម្ចាត់​ចេញ​វីតាមីន​រលាយ​ក្នុង​ខ្លាញ់ ថ្នាំ​អង់​ទី​ប៊ី​យូ​ទិ​ក និង​រារាំង​បាក់តេរី​ផ្លូវ​ពោះវៀន ធ្វើ​ឲ្យ​ថយចុះ​ការ​សំយោគ​វីតាមីន K ក្នុង​សរីរាង្គ ។ ពពួក​ថ្នាំ​មាន​ប្រសិទ្ធភាព​ធ្វើជា​សារជាតិ​កាតាលីករ​ដូចជា Phenal barbital និង aspirin... អាចធ្វើ​ឲ្យ​កើន​ការបញ្ចេញ​វីតាមីន B1 វីតាមីន C និង​កំទេច​វីតាមីន B12 , វីតាមីន C និង B1 មិន​សមស្រប​ទទួលទាន​ក្នុងពេល​តែមួយ​ជាមួយ​ថ្នាំ​ពន្យារកំណើត ព្រោះ​ធ្វើ​ឲ្យ​ថយចុះ​ប្រសិទ្ធភាព​របស់​ថ្នាំ​ពន្យារកំណើត ។ ថ្នាំ​ជាតិ​ដែក ប្រសិន​លេប​ជាមួយ​វីតាមីន C និង​ធ្វើ​ឲ្យ​កើន​ការ​ស្រូបយក​ដែក​របស់​សរីរាង្គ ៕​M

ទទួលទាន​អាហារ​ឲ្យ​បាន​ត្រឹមត្រូវ អាច​ដោះស្រាយ​បញ្ហា​រោគ​ខ្វះ​ឈាម​

​ប្រសិនបើ​យើង​ទទួលទាន​អាហារ​ដែលមាន​ធាតុដែក​មិន​គ្រប់គ្រាន់ ឬ​ធាតុដែក​ដែល​រាងកាយ​ប្រមូលផ្តុំ​ទុក​ថយចុះ​នោះ គ្រាប់​ឈាមក្រហម​ដែល​នាំ​អុកស៊ីហ្សែន​ទៅ​ឲ្យ​រាងកាយ នឹង​ថយចុះ​ដែរ ជាហេតុ​ធ្វើ​ឲ្យ​រាងកាយ មាន​អាកា​រៈ​ល្ហិតល្ហៃ ឈឺក្បាល មិនមាន​សមាធិ ស្បែក​ស្លេកស្លាំង ហើយ​នៅ​ទីបំផុត កើតរោគ​ខ្វះ​ឈាម​។​

​ដើម្បី​ជាការ​ការពារ និង​ព្យាបាល​រោគ​ខ្វះ​ឈាម​នេះ យើង​គួរតែ​ងាក​មក​ទទួលទាន​អាហារ​ឲ្យ​បាន​ត្រឹមត្រូវ ដោយ​អាហារ​ដែលមាន​ធាតុដែក​ខ្ពស់​រួមមាន សាច់សត្វ គ្រឿងក្នុង​សត្វ និង​អាហារ​សមុទ្រ​។ អាហារ​ទាំងអស់នេះ មាន​ធាតុដែក​ខ្ពស់ ហើយ​រាងកាយ អាច​នាំ​ទៅប្រើ​បានល្អ​។ ក្រៅពីនេះ ធាតុដែក​ក៏មាន​នៅក្នុង​បន្លែ​ពណ៌​បៃតងចាស់​ផងដែរ ដូចជា ខាត់ណា ត្រកួន រួមទាំង​សណ្តែក​គ្រាប់​ស្ងួតៗ​ផ្សេងៗ​។ ប៉ុន្តែ​អាហារ​ទាំងអស់នេះ នឹង​បឺត​ស្រូប​ចូលទៅ​កាន់​រាងកាយ​មិនល្អ​ដូច​ធាតុដែក​ដែលមាន​នៅក្នុង​សាច់សត្វ​ឡើយ​។ ប្រសិនបើ​បានទទួល​ទាន​ជាមួយ​អាហារ​ដែលមាន​វីតាមីន​ខ្ពស់​ដូចជា ក្រូច ត្របែក ល្ហុង ស្ពៃ​ប្រូ​ខូ​លី​ផង​នោះ គឺ​កាន់តែ​ជួយ​បឺត​ស្រូប យកជាតិ​ដែក បាន​កាន់តែ​ល្អ​។​

​យ៉ាងណាក៏ដោយ ទោះបីជា​យើង​ទទួលទាន​អាហារ​ដែលមាន​ធាតុដែក​គ្រប់គ្រាន់​យ៉ាងណាក្តី ប៉ុន្តែ​បើ​យើង​ទទួលទាន​ជាមួយ​អាហារ​ប្រភេទ​ខ្លះ ក៏​អាច​ទៅ​បង្អាក់​ដំណើរការ​បឺត​ស្រូបយក​ធាតុដែក​បាន ដូចជា កាល់ស្យូម​គ្រាប់ “​តែ​” កាហ្វេ ឬ បន្លែបង្ការ​ដែលមាន​ជាតិ​សរសៃ ឬ មាន​ហ្វៃ​តេត​ខ្ពស់ ជាដើម​៕​

អាហារ​បង្កើត​គ្រោះថ្នាក់​ជំងឺស្ត្រូក​

​ស្ត្រូ​ក​អាច​កើត​ចំពោះ​មនុស្ស​គ្រប់គ្នា និង​គ្រប់​វ័យ ។ ស្ត្រូ​ក​ច្រើន​កើតឡើង​ដោយ​ពុំមាន​សញ្ញា​ប្រកាសអាសន្ន​មុន​អ្វី​ឡើយ ។ ក្នុងនោះ​របប​ទទួលទាន ដើរតួនាទី​យ៉ាងសំខាន់​មួយ អាស្រ័យហេតុនេះ​អ្នក​គួរ​ចៀសវាង​ទទួលទាន​អាហារ​មាន​ពាក់ព័ន្ធ​ដល់​ការ​កើន​គ្រោះថ្នាក់​ស្ត្រូ​ក ។​
​​១)•​អំបិលៈ​
ពេល​ទទួលទាន​ប្រៃ យើង​មានការ​ប្រឈម​កើន​សម្ពាធ​ឈាម និង​អាច​ឈានដល់​ស្ត្រូ​ក គាំងបេះដូង ខ្សោយបេះដូង ខ្សោយតម្រងនោម ... ដូច្នេះ ហើយ​ក្នុង​របប​ទទួលទាន​ប្រចាំថ្ងៃ អ្នក​ត្រូវ​បន្ថយ​បរិមាណ​អំបិល​ប្រើប្រាស់ ប្រការនេះ​ពុំ​ត្រឹមតែ​បន្ថយ​បាន​ពី​គ្រោះថ្នាក់​នៃ​ស្ត្រូ​ក​ប៉ុណ្ណោះ​ទេ តែ​នៅ​កែប្រែ​សុខភាព​ឱ្យ​ប្រសើរឡើង​បាន ។​
​​•២)​សាច់​ក្រហមៈ​
​សាច់​ក្រហម​មាន​បរិមាណ​ជាតិ​ខ្លាញ់​មិន​រលាយ​ខ្ពស់ មិនល្អ​សម្រាប់​អ្នក​ចង់​បង្ការ​បញ្ចៀស​ជំងឺ​បេះដូង​និង​ស្ត្រូ​ក​។ មូលហេតុ​គឺ​ដោយសារ​ជាតិ​ខ្លាញ់​មិន រលាយ​ក្នុង​សាច់​ក្រហម បង្ក​ជា​បាតុភូត​ប្រមូលផ្តុំ​ផ្ទាំង​ច្បាម​ប្រូតេអ៊ីន ធ្វើឱ្យ​ស្ទះ​សរសៃឈាម បង្កើន​ការ​ប្រឈម​ជំងឺ​បេះដូង​និង​ស្ត្រូ​ក ។​
​​តាម​ការស្រាវជ្រាវ​ថ្មី​របស់​ពួក​អ្នកវិទ្យាសាស្ត្រ បាន​ត្រូវ​បង្ហាញថា អេ​ម៉ូ​ក្លូ​ប៊ី​ន ដែលជា​សារជាតិ​នាំមក​នូវ​បរិមាណ​ដែក​ខ្ពស់​សម្រាប់​សាច់​ក្រហម អាចជា​គ្រោះថ្នាក់​មួយ បង្ក​នូវ​ជំងឺស្ត្រូក ។ ប៉ុន្តែ​វា​អាច​នឹង​ជាការ​យល់​ខុស ប្រសិន​ចាត់ទុកថា សាច់​ក្រហម​ទាំងអស់ សុទ្ធតែ​បង្ក​នូវ​គ្រោះថ្នាក់ ។ ជំនួស​ឱ្យ​ការទទួល​ទាន​សាច់​ក្រហម អ្នក​អាច​ទទួលទាន​សាច់​បសុសត្វ ត្រី និង​ប្រភព​ប្រូតេអ៊ីន​ល្អៗ​សម្រាប់​បេះដូង ពិសេស​គឺ​សណ្តែក បន្លែ ពពួក​គ្រាប់ តៅហ៊ូ និង​ទឹកដោះគោ​គ្មាន​ជាតិ​ខ្លាញ់ ។​
​​៣)•​អាហារ​មាន​ផ្ទុក Trans-fat
​ពពួក​នំ​ផ្អែម ដំឡូងបារាំង​ចៀន សុទ្ធតែ​ផ្ទុក​ជាតិ​ខ្លាញ់​បំប្លែង Transfat ច្រើន ។ តាម​ពួក​អ្នកវិទ្យាសាស្ត្រ បាន​អះអាងថា Transfat ជា​ជាតិ​ខ្លាញ់​គ្រោះថ្នាក់ អាច​បង្ក​ការស្ទះ​សរសៃឈាម ជំរុញ​ខ្ពស់​កម្រិត​ប្រមូលផ្តុំ​លីពីត កូ​ឡេ​ស្តេ​រ៉ូ​ល​អាក្រក់​ក្នុង​ឈាម និង​បញ្ចុះ​ទាប​បរិមាណ​កូ​ឡេ​ស្តេ​រ៉ូ​ល​ល្អ ។​
​​តាម​ការស្រាវជ្រាវ​នោះ បាន​ត្រូវ​បញ្ជាក់ថា Transfat ជំរុញ​ដំណើរការ​រលាក​ជា "​ជនល្មើស​" ទូទៅ​នៅ​ស្ទើរតែ​គ្រប់​ជំងឺ​រ៉ាំរ៉ៃ​ឬ​ធ្ងន់ធ្ងរ​។​
​​៤)•​អាហារ​កែច្នៃ​ស្រាប់ៈ​
​​ពពួក​អាហារ​កែច្នៃ​ស្រាប់ សាច់​ឆ្អើរ​ក្រៀម ហ​ត​ដក សាច់ក្រក ... ផ្ទុក​សូ​ដ្យូ​ម និង​សារជាតិ​ថែទាំ​ច្រើន ។ សូ​ដ្យូ​ម​នីត្រាត និង​នី​ទ្រី​ត​ក្នុង​អាហារ ទាំងនេះ បង្ក​គ្រោះថ្នាក់​ដល់​សរសៃឈាម​ផ្ទាល់ ធ្វើឱ្យ​សរសៃឈាម​រឹង និង​ចង្អៀត ។ ការស្រាវជ្រាវ​បង្ហាញថា សូ​ដ្យូ​ម​ធ្វើឱ្យ​កើន​សម្ពាធ​ឈាម ហើយ មូលហេតុ​ជួរមុខ គឺ​ការបង្ក​ជា​ស្ត្រូ​ក ។​
​​•៥)​ភេសជ្ជៈ​ផ្អែម​គ្មាន​ស្ក​រៈ​
​​ថ្វី​ត្បិត​មនុស្ស​ជាច្រើន​ជ្រើស​យក​វិធី​ប្តូរ​ភេសជ្ជៈ​មាន​ស្ករ ដោយ​ភេសជ្ជៈ​គ្មាន​ស្ករ​(​ផ្អែម​សិប្ប​និមិត្ត​)​សម្រាប់​អ្នកទទួល​ទាន​តម​, តែ​នេះ​នៅតែ​អាចជា​មូលហេតុ​បង្ក​ស្ត្រូ​ក ។ អ្នក​ផឹកទឹក​ក្រូច មាន​សារជាតិ​ស្ករ​សិប្ប​និមិត្ត​មួយ​កំប៉ុង​ក្នុង​មួយថ្ងៃ កើន​៤៨​ភាគរយ​នៃ​គ្រោះថ្នាក់​ស្ត្រូ​ក ធៀប​នឹង​មនុស្ស​ធម្មតា ។​
​​•៦)​វិធី​បង្ការ​បញ្ចៀស​ស្ត្រូ​កៈ​
​​-​បន្ថយ​បរិមាណ​អំបិល​ប្រើប្រាស់ ។ គួរ​ទទួលទាន​បន្លែ និង​ផ្លែឈើ​ស្រស់​ច្រើន ។​
​​-​បញ្ឈប់​ជក់បារី (​ប្រសិន​មាន​) : អ្នក​ជក់បារី​អាច​ដឹង​អំពី​ហានិភ័យ​ត្រូវ​កើត​មហារីក​សួត ជក់បារី​ក៏​ធ្វើឱ្យ​ខូច​សរសៃឈាម និង​ជា​កត្តា​គ្រោះថ្នាក់​មួយ​បង្ក​ជា​ស្ត្រូ​ក ។​
​​-​ទទួលទាន​ស្រា​ល្មម​(​ប្រសិន​មាន​)​ៈ ការស្រាវជ្រាវ​បង្ហាញថា ស្រា ១​កែវ​(​សម្រាប់​ស្ត្រី​) និង​២​កែវ​(​សម្រាប់​បុរស​) អាច​បន្ថយ​គ្រោះថ្នាក់​ស្ត្រូ​ក ប៉ុន្តែ ផឹក​ច្រើន​បែរជា​ធ្វើឱ្យ​កើន​គ្រោះថ្នាក់​ទៅវិញ ។​
​-​ដើរ​លឿនៗ​ៈ តាម​ការស្រាវជ្រាវ ស្ត្រី​ដែល​ដើរ​លើសពី​២​ម៉ោង​ក្នុង​មួយ​សប្តាហ៍ ឬ​ដើរ​លឿន គឺ​កម្រ​កើត​ជំងឺស្ត្រូក​ជាង​អ្នក​មិន​ដើរ ឬ​ដើរ​យឺត ។ ការស្រាវជ្រាវ​ដទៃទៀត ក៏​បង្ហាញថា បុរស​ដែល​បាន​ហាត់ប្រាណ ក៏​កើត​ស្ត្រូ​ក​តិចជាង​អ្នក​មិន​ហាត់ ។​
​ក្រៅពីនេះ របប​ទទួលទាន​សម្បូ​រ​ម៉ាញ៉េ​ស្យូ​ម អាចជួយ​បន្ថយ​គ្រោះថ្នាក់​ស្ត្រូ​ក​ចំពោះ​អ្នក​ដែល​នៅ​ជក់បារី ។ អាហារ​មាន​ម៉ាញ៉េ​ស្យូ​ម​ច្រើន រួមមាន​ធញ្ញជាតិ សណ្តែកខ្មៅ​, ផ្កា​ស្ពៃខៀវ​, សណ្តែកដី​...៕

បណ្តាបញ្ហាសុខភាពចាំបាច់ត្រូវយកចិត្តទុកដាក់ទៅតាមវ័យ

​ប្រសិន​អ្នកជា​មនុស្ស​យកចិត្តទុកដាក់​ជាប្រចាំ​ទៅដល់​សុខភាព​របស់ខ្លួន​នោះ​អ្នក​ប្រាកដជា​នឹង​ឃើញ​រឿង​មួយ គឺ​នៅ​វ័យ​នីមួយៗ យើង​មានការ​ប្រែប្រួល​យ៉ាងច្បាស់​លាស់​អំពី​បញ្ហា​សុខភាព ។​
​សូម្បីតែ​ពេល​អ្នក​កំពុង​នៅ​វ័យ​២០​ឆ្នាំ កុំ​គិតថា ខ្លួន​មិនចាំបាច់​ត្រូវ​គិត​ទៅដល់​បញ្ហា​សុខភាព​អ្វី​ទាំងអស់ ។ ដើម្បី​ដឹងថា សុខភាព​ប្រែប្រួល​យ៉ាងដូចម្តេច ក្នុង​ជីវិត​របស់​អ្នក ចូល​ស្វែងយល់​រាល់​បញ្ហាសំខាន់ៗ របស់​សរីរាង្គ​ទៅតាម​វ័យ​នីមួយៗ​ដូចខាងក្រោម ៖
. អាយុ​២០​ឆ្នាំ​
-​បំពេញបន្ថែម ១០០០mg កាលស្យូម និង​២០០​ដល់​៤០០០IU វីតាមីន D ដើម្បី​ជួយ​ឆ្អឹង​រីកចម្រើន​ល្អ ។ កាល់ស្យូម​អាចបំពេញ​ពី​អាហារ​ឬ​បណ្តា​ផលិតផល​ពី​ទឹកដោះ ដើម្បី​បន្ថយ​រាល់​បញ្ហា​សុខភាព​ពាក់ព័ន្ធ​ដល់​ឆ្អឹង ។​
-​បង្កើន​ការហាត់​ពត់ ចលនា​រាងកាយ ។ ចៀង​វាង​អង្គុយ​ច្រើន អង្គុយ​យូរពេក​ពីមុខ​កុំព្យូទ័រ ។ គេង​គ្រប់​ពី 6-8 ម៉ោង​ក្នុង​១​សប្តាហ៍ ។​
. អាយុ​៣០
-​គេង​គ្រប់ 6-8 ម៉ោង​ក្នុង​១​ថ្ងៃ ។ ត្រូវ​ចលនា​ហាត់ប្រាណ​ប្រមាណ 20-30​នាទី ក្នុង​១​ថ្ងៃ ។​
-​យកចិត្តទុកដាក់ និង​ទៅធ្វើ​វិភាគ ត្រួតពិនិត្យ​សុខភាព​ដូចជា ត្រួតពិនិត្យ​សម្ពាធ​ឈាម បរិមាណ​កូ​ឡេ​ស្តេ​រ៉ូ​ល Papsmear (​វិភាគ​មហារីក​កោសិកា​មាត់ស្បូន​) ប្រឹក្សា​វេជ្ជបណ្ឌិត​អំពី​ជំងឺផ្លូវចិត្ត ស្ត្រេ​ស​... ។​
. អាយុ​៤០
-​កំហិត​ទទួលទាន​អាហារ មាន​ស្ករ​ច្រើន ខ្លាញ់ និង​រក្សា​ទម្ងន់​ស្ថិរភាព​គួបផ្សំ​ជាមួយ​ការព្យាយាម​ហាត់ប្រាណ​រាល់ថ្ងៃ ។​
-​ការត្រួតពិនិត្យ​សុខភាព​ត្រូវធ្វើ​គឺ ៖ ត្រួតពិនិត្យ​សម្ពាធ​ឈាម កូ​ឡេ​ស្តេ​រ៉ូ​ល papsmear ស្បែក មុខងារ​ក្រពេញ​ទី​រ៉ូ​អ៊ី​ដ​... ។ ឆ្លង​ចូល​វ័យ​៤៥​ឆ្នាំ ត្រូវ​ទៅ​ត្រួតពិនិត្យ​ជាតិ​ស្ករ ក្នុង​ឈាម​ដើម្បី​វិនិច្ឆ័យ​ការ​ប្រឈម​កើត​ជំងឺ​ទឹកនោមផ្អែម ។​
. អាយុ​៥០
​យកចិត្តទុកដាក់​ដល់​របស់​ទទួលទាន​ទៀងទាត់ តុល្យភាព ដើម្បី​ស្ថិរភាព​ទម្ងន់ បរិមាណ​ស្ករ ក្នុង​ឈាម និង​ពន្យឺត​ដំណើរការ​ចំណាស់​នៅ​ផ្នែក​ទាំងឡាយ ។​
-​ហាត់ប្រាណ កីឡា សមស្រប ដូចជា​ដើរ ជិះ​កង់​... ២០​នាទី ក្នុង​១​ថ្ងៃ និង​តិច​បំផុត​៣​ដង​ក្នុង​១​សប្តាហ៍ ។​
-​មិនត្រូវ​រំលង​ចោលការ​ត្រួតពិនិត្យ​សុខភាព​ពាក់ព័ន្ធ​ដល់​សរសៃឈាម​បេះដូង ទឹកនោមផ្អែម ឆ្អឹងសន្លាក់ ខ្លាញ់​ក្នុង​ឈាម​...
. អាយុ​៦០
-​សកម្មភាព​កីឡា​សមស្រប​តែ​ប្រសិទ្ធភាព​
-​ជានិច្ចកាល​យកចិត្តទុកដាក់​ដល់​របប​ជីវជាតិ ។​
-​របប​ជីវជាតិ​១​មិនល្អ​បូក​ជាមួយ​ការ​ពុំ​សូវ​ធ្វើ​សកម្មភាព នឹង​អាច​ពន្យឺត​សកម្មភាព​របស់​ខួរក្បាល ។​
-​ត្រួតពិនិត្យ​សុខភាព​ទូទៅ​តាម​កាលកំណត់ ៕​M

FDA អនុម័ត​ឱសថ​ព្យាបាល ហ៊ី​វ 4 in 1

Stribild ផ្ទុក​ឱសថ​ថ្មី​២​ប្រភេទ និង​សារជាតិ​ចម្រុះ​២​ដែល​ត្រូវ​បានអនុម័ត​មុន​នោះ ។ មុននេះ​វា​មាន​ឈ្មោះថា គ្រាប់ Quad មានន័យថា ព្យាបាល សម្រាប់​អ្នក​ឆ្លង​វីរុស​បង្ក​ការចុះ​ខ្សោយ​អង្គ​បដិបក្ខ ពួក​អ្នក​ដែល​ពុំទាន់​ធ្លាប់ ព្យាបាល​ឱសថ​ព្យាបាល​ហ៊ី​វ​មួយ​ប្រភេទ​ណា​នោះ ។​
​FDA ឱ្យដឹងថា Stribild ផ្គត់ផ្គង់​របៀប​ព្យាបាល​មួយ​សុក្រឹត​សម្រាប់​អ្នក មាន​ហ៊ី​វ​ក្នុង​គ្រាប់​ថ្នាំ​តែមួយ​គ្រាប់ ។ វា​គួបផ្សំ​រវាង​ឱសថ Truvada របស់​ក្រុមហ៊ុន Gilead មាន​ផ្ទុក​សមាសធាតុ Emtricitabine និង tenofovir រួម​ជាមួយនឹង​សារជាតិ​ចម្រុះ​ថ្មី​មួយ គឺ elvitergravir (​ដែល​រារាំង​អង់​ហ្ស៊ី​ម​មួយ​ក្នុងចំណោម​អង់​ហ្ស៊ី​ម​ដែល​វីរុស​ហ៊ី​វ ត្រូវការ​ដើម្បី​រីកចម្រើន​) និង Cobicstat (​ជួយ​អូសបន្លាយ​ប្រសិទ្ធភាព​របស់ elvitegravir) ។​
​មុន Stribild ក៏បាន​មាន​ឱសថ​គួបផ្សំ 3 in 1, ឱសថ Atripla (​គួបផ្សំ​របស់ Truvada ជាមួយ Bristol-Myers)​។​
ការស្រាវជ្រាវ​មួយ​ក្នុងចំណោម​ការស្រាវជ្រាវ​២​របស់ FDA បាន​ប្រៀបធៀប​រវាង Stribild និង Atripla ដូចជា​វិធី​ព្យាបាល​ដំបូង​មួយ​ទាក់ទង​នឹង​ការឆ្លង​វីរុស​ហ៊ី​វ​។ ការស្រាវជ្រាវ​ត្រូវបាន​អនុវត្តន៍​លើ​អ្នកជំងឺ​៧០០​នាក់ ឆ្លើយតប​ទៅនឹង​ថ្នាំ​ទាំងពីរ​ប្រភេទ​ដែល មាន​ឥទ្ធិពល​សម្លាប់​វីរុស ។ លទ្ធផល​បង្ហាញថា ៨៨ ភាគរយ​នៃ​អ្នក​ប្រើ Quad បាន​រាំងខ្ទប់​វីរុស ក្រោយ​៤៨ សប្តាហ៍ ក្នុងការ​ព្យាបាល​ធៀប​នឹង ៨៤​ភាគរយ​នៃ​អ្នកប្រើប្រាស់ Atripla ។ អ្នកជំងឺ​៧០០ នាក់​ផ្សេងទៀត ចូលរួម​ការស្រាវជ្រាវ​ប្រៀបធៀប​រវាង​ការ​លេប Stribild ជាមួយ Truvada បង្ហាញថា Quad ជួយ​បន្ថយ​បរិមាណ​វីរុស ៩០​ភាគរយ​នៃ​អ្នកជំងឺ ក្រោយពេល​ប្រើ​ឱសថ ៤៨​សប្តាហ៍ ធៀប​នឹង​៨៧​ភាគរយ​នៃ​អ្នកជំងឺ​ព្យាបាល​ជាមួយ​ឱសថ​ផ្សេងៗ ។​
​ក៏ដូចជា​ឱសថ​ព្យាបាល​ហ៊ី​វ​ច្រើន​ប្រភេទ​ផ្សេងទៀត Stribild ក៏មាន​ការព្រមាន​ចំពោះ​អ្នក​លើស​អាស៊ីត​ឡាក់​ទិ​ក​ក្នុង​ឈាម មាន​បញ្ហា​អំពី​ថ្លើម និង ពិសេស​មិនត្រូវ​ប្រើ​សម្រាប់​អ្នក​ឆ្លង​វីរុស រលាក​ថ្លើម B ។​
ឥទ្ធិពល​បន្ទាប់បន្សំ តែង​ជួបប្រទះ​របស់​ឱសថ​នេះ គឺ​ចង់​ក្អួត និង​រាគរូស​ធ្ងន់ធ្ងរ ជាង​នេះ គឺ​បញ្ហា​នៅត្រង់​តម្រងនោម​, ថយចុះ​ដង់ស៊ីតេ​ឆ្អឹង និង​ការប្រែប្រួល​ក្នុង​ប្រព័ន្ធ​អង្គ​បដិបក្ខ​។​
​ពាក្យ​ទូន្មាន​រួម​ចំពោះ​ការព្យាបាល​ដោយ Stribild គឺ​ត្រូវ​តាមដាន​តម្រងនោម​, ឆ្អឹង​របស់​អ្នកជំងឺ​៕

ភេសជ្ជៈ​ដែល​ពុំគួរ​ប្រើប្រាស់​ជាមួយ​ថ្នាំ​

ត្រូវ​ប្រយ័ត្ន​ពេលដែល​អ្នកមាន​បំណង​លេបថ្នាំ ជាមួយ​ពពួក​សារជាតិ​រាវ ដែល​ពុំមែន​ជា​ទឹកស្អាត​។ ភេសជ្ជៈ​ជាទូទៅ​ដូចខាងក្រោម​នេះ អាច​បង្ក​គ្រោះ ថ្នាក់​ដល់​ស្លាប់ ពេល​គួបផ្សំ​ជាមួយ​ថ្នាំ​។​
១)​ទឹក​ក្រូចថ្លុងៈ​
​ទឹក​ក្រូចថ្លុង មាន​ឥទ្ធិពល​អសកម្ម​ជាង ៥០ ប្រភេទ​ថ្នាំ រួមមាន​ទាំង​ថ្នាំ Statin​។ ដោយសារ​ឥទ្ធិពល​របស់​អម្បូរ​ក្រូចឃ្វិច ឡើងដល់ ២៤ ម៉ោង ហេតុនេះ​នឹង​គ្មាន​លទ្ធផល ប្រសិន​អ្នក​លេបថ្នាំ និង​ផឹកទឹក​ក្រូចថ្លុង​ក្នុង​ថ្ងៃ​តែមួយ​។​
២)​ទឹក​ផ្លែ​ទទឹមៈ​
​អង់​ហ្ស៊ី​ម​មួយ​ប្រភេទ ត្រូវបាន​រកឃើញ​នៅក្នុង​ទឹក​ផ្លែ​ទទឹម ដែល​អាចធ្វើឱ្យ​ថយចុះ​ប្រសិទ្ធភាព​ថ្នាំ​ព្យាបាល​ជំងឺលើសឈាម​។​
៣)​ទឹកដោះគោៈ​
​កាល់ស្យូម មាននៅ​ក្នុង​ទឹកដោះគោ ទឹក​សណ្តែក ទឹក​ផ្លែឈើ​ផ្ទុក​ទឹកដោះ អាច​រារាំង​ប្រសិទ្ធភាព​របស់​ឱសថ​ព្យាបាល​ជំងឺ​ក្រ​ពេញទី​រ៉ូ​អ៊ី​ដ​។ ល្អ​បំផុត​គឺ​ត្រូវ​រង់ចាំ​យ៉ាងតិច ៤​ម៉ោង ក្រោយពេល​ផឹកថ្នាំ​រួច ទើប​ទទួលទាន​ភេសជ្ជៈ​សម្បូរ​កាល់ស្យូម​។​
៤)​ភេសជ្ជៈ​មាន​ជាតិ​កាហ្វេ​អ៊ី​នៈ​
​ក្រុម​ភេសជ្ជៈ​នេះ រួមមាន កាហ្វេ តែ​បៃតង និង​ពពួក​ភេសជ្ជៈ​ថាមពល​...​។ កាហ្វេ​អ៊ី​ន អាច​គំរាមកំហែង​ធ្ងន់ធ្ងរ​ដល់​សុខភាព​។ ពេល​ប្រើប្រាស់ រួមជាមួយ​ពពួក​ឱសថ​មាន​សារជាតិ​រំញោច​នេះ ចូរ​ចៀស​ឆ្ងាយ​ពី​កាហ្វេ ពេល​អ្នក​កំពុង​ប្រើ​ថ្នាំ​រារាំង​ភាព​ឃ្លាន ថ្នាំ​ព្យាបាល​ហឺត និង​ពពួក​ថ្នាំ​រំញោច​៕

ភេសជ្ជៈ​កីឡា​

សារជាតិ​ប៉ូ​តា​ស្យូ​ម មាននៅ​ក្នុង​ពពួក​ភេសជ្ជៈ​សម្រាប់​អ្នកលេង​កីឡា អាច​ប្រែជា​គ្រោះថ្នាក់ ប្រសិន​ប្រើ​ផ្សំ​ជាមួយ​សមាសធាតុ​មួយចំនួន​នៃ​ឱសថ​ព្យាបាល​ជំងឺខ្សោយបេះដូង លើសឈាម​។ ពុំ​ត្រឹមតែ​ភេសជ្ជៈ​កីឡា​ប៉ុណ្ណោះ​ទេ អ្នក​ក៏ត្រូវ​ប្រយ័ត្ន​ជាមួយ​ចេក ព្រោះ​វា​ជា​ប្រភេទ​ផ្លែឈើ​សម្បូរ​ប៉ូ​តា​ស្យូ​ម​។​

ស្រា​

ត្រូវ​ចៀស​ឆ្ងាយ​ការទទួល​ទាន​ស្រា ពេល​អ្នក​កំពុង​ប្រើ​ថ្នាំ​ព្យាបាល​ជំងឺសរសៃប្រសាទ ផ្លូវចិត្ត​។ ការ​គួបផ្សំ​នេះ​អាច​បង្ក​ជា​ជំងឺ​ឈឺក្បាល ចង្វាក់បេះដូង​ញាប់ និង​ងាយ​ដាច់​សរសៃឈាម​ខួរក្បាល​៕

​ទទួលទាន​ទឹកក្រូច​ច្របាច់​រាល់ថ្ងៃ​ប្រឈម​នឹង​រោគ​រលាក​សន្លាក់​

ទោះបីជា​នៅក្នុង​ទឹកក្រូច​ច្របាច់​សំបូរ​ទៅដោយ​វីតាមីន​ក្តី តែ​ក៏​សម្បូរ​ទៅដោយ​ជាតិ​ស្ករ​ហ្វ្រុ​ក​តូ​ស​ដែរ​។ ក្រោយពេល​ស្ករ​ប្រភេទ​នេះ ចូលទៅ​សន្សំទុក​ក្នុង​រាងកាយ វា​នឹង​បំប្លែង​ទៅជា​អាស៊ីដ​អ៊ុយ​រីក ទៅ​បំផ្លាញ​ឈាម​ដែលរ​ត់ទៅ​ចិញ្ចឹម​សន្លាក់ឆ្អឹង​បណ្តាល​ឲ្យ​ហើម​និង​រលាក​។
​តាម​លទ្ធផល​ពិសោធន៍ ត្រូវបាន​គេ​រកឃើញថា អ្នក​ផឹកទឹក​ក្រូច​ច្របាច់​មួយថ្ងៃ​មួយ​កែវ មាន​អត្រា​ប្រឈម​និង​រោគ​រលាក​សន្លាក់​ដល់​ទៅ ៤១ ភាគរយ​។
​ចំណែក​ភេសជ្ជៈ​ដែល​ងាយ​ប្រឈម​នឹង​រោគ​ខាងលើនេះ​ឆាប់​បំផុត គឺ​ទឹកក្រូច​កំប៉ុង ឬ​ដប ព្រោះ​ក្នុងនោះ​មាន​ជាតិ​ស្ករ​ខ្ពស់ ជាពិសេស​មាន​អាស៊ីដ​កាត់​ក្រពះ​ទៀតផង​។ អ្នក​ផឹកទឹក​ក្រូច​កំប៉ុង​រាល់ថ្ងៃ​មាន​អត្រា​ប្រឈម នឹង​រោគ​រលាក​សន្លាក់​រហូតដល់ ៧០ ភាគរយ​ឯណោះ​៕​

​រកឃើញ​បន្ថែម គ្រោះថ្នាក់ ពេល​ប្រើប្រាស់​ទូរស័ព្ទ ពេលយប់​

​ការស្រាវជ្រាវ​ថ្មី បាន​បង្ហាញថា ប្រើ​ទូរស័ព្ទ ពេលយប់ នឹងធ្វើ​ឲ្យ​អ្នក​គេង​មិន​ស្កប់ និង​បន្ថយ​ទិន្នផល​ធ្វើការ នៅ​ថ្ងៃ​បន្ទាប់​។​
ការស្រាវជ្រាវ​មួយ ថ្មីៗ​នេះ របស់​ពួក​អ្នកវិទ្យាសាស្ត្រ នៅ​សកល​វិទ្យាល័យ វ៉ាស៊ីនតោន (​អាមេរិក​) បាន​ឲ្យ​ដឹងថា ប្រើ​ទូរស័ព្ទ នៅពេល​យប់ ពុំ​ត្រឹមតែ​បង្ក​គ្រោះថ្នាក់​ធ្ងន់ធ្ងរ ដល់​ដំណេក​របស់​អ្នក​ប៉ុណ្ណោះ​ទេ តែ​នៅ​ធ្វើ​ឲ្យ​ទិន្នផល​ធ្វើការ ត្រូវ​ថមថយ​នៅ​ថ្ងៃ​បន្ទាប់ ។​
ប្រធាន​ក្រុម​ស្រាវជ្រាវ Christopher Barnes នៅ​សាលា​ជំនួញ Foster នៃ​សកល​វិទ្យាល័យ វ៉ាស៊ីនតោន បាន​ឲ្យ​ដឹងថា "​ទូរស័ព្ទ​ឆ្លាត​វៃ​មួយ នឹង​ជួយ​អ្នកដោះស្រាយ​បញ្ហា​យ៉ាងច្រើន សូម្បីតែ​ពេល​អ្នក ពុំមាន​វត្តមាន ក្នុង​បន្ទប់ធ្វើការ​" ។​
​ប៉ុន្តែ​លោក​ក៏​បង្ហាញ​ពី​ផ្នែក​អសកម្ម​របស់​ទូរស័ព្ទ​ឆ្លាត​វៃ ។
​ទន្ទឹមនឹង​ការជួយ​ដោះស្រាយ​ការងារ រហ័សរហួន​ជាង​នោះ វា​ពិតជា​អ្នក​បំផ្លាញ​ដំណេក​ដ៏​ល្អ​របស់​អ្នក​។ ដំណាលគ្នា​នេះ វា​ក៏​ធ្វើ​ឲ្យ​អ្នក "​ឱប​" ការងារ​ច្រើនជាង​។​
ការស្រាវជ្រាវ មុនៗ​នេះ ក៏បាន​ចង្អុល​បង្ហាញថា ពន្លឺ​ពណ៌​ខៀវ ឬ​ពន្លឺ​បញ្ចេញ ពី​ទូរស័ព្ទ​ចល័ត អាចធ្វើ​ឲ្យ​អ្នក​គេង​មិន​លក់ ដោយសារ​វា​រំញោច​សរីរាង្គ​បង្កើត melatonin សារ​ជាតិគីមី​គ្រប់គ្រង​នាឡិកា ជីវសាស្ត្រ​ក្នុង​សរីរាង្គ​។​
​ដើម្បី​ប្រាកដ​ជាង ពួក​អ្នកវិទ្យាសាស្ត្រ បាន​ដំណើរការ​ពិសោធន៍ រាល់​ថ្ងៃមួយ ចំពោះ​មនុស្ស​៨២​នាក់ មាន​តំណែង​ជា​អ្នកគ្រប់គ្រង ក្នុង​រយៈពេល​២​សប្តាហ៍​។ លទ្ធផល​បង្ហាញថា អ្នក​ទាំងនេះ ក្រោយពេល​ប្រើ​ទូរស័ព្ទ ដល់​យប់​ជ្រៅ​ពេក មាន​និន្នាការ​អស់កម្លាំង និង​ឧស្សាហ៍​បាត់​មុខ នៅ​ស្ថាប័ន នៅ​ព្រឹក​ថ្ងៃ​បន្ទាប់ ។​
​ការស្រាវជ្រាវ​ផ្សេង ត្រូវបាន​ដំណើរការ ចំពោះ​បុគ្គលិក​ការិយាល័យ ១៦១ នាក់​។ ពួកគេ​នឹង​ត្រូវបាន​សំណូមពរ​ប្រើ​ទូរស័ព្ទ កុំព្យូទ័រ laptop ឧបករណ៍​អេឡិចត្រូនិក​ផ្សេងៗ​... នៅ​យប់​ជ្រៅ និង​ចូល​គេង​។ មុន​នោះ អ្នក​ទាំងនោះ ត្រូវបាន​តាមដាន អំពី​ជម្រៅ​របស់​ដំណេក ពេល​គេ​ប្រើ​ទូរស័ព្ទ មុន​នោះ​។ ក្រោយពេល​ធ្វើការ​ប្រៀបធៀប ពួក​អ្នកវិទ្យាសាស្ត្រ ប្រមូលបាន​លទ្ធផល​ថា ពុំ​ត្រឹមតែ​ទូរស័ព្ទ​ចល័ត​ប៉ុណ្ណោះ​ទេ តែ​ឧបករណ៍​អេឡិចត្រូនិក​ផ្សេងៗ​ទៀត ក៏​ធ្វើ​ឲ្យ​អ្នក​គេង​ក្រលក់ និង​មាន​អារម្មណ៍​អស់កម្លាំង នៅពេល​ព្រឹក​ថ្ងៃ​បន្ទាប់​។ ប៉ុន្តែ​កម្រិត​គ្រោះថ្នាក់ ដែល​ទូរស័ព្ទ​បង្កឡើង សម្រាប់​ដំណេក គឺ​ខ្លាំងក្លា​បំផុត​។​
​អាស្រ័យហេតុនេះ ពួក​ជំនាញការ បាន​ទូន្មាន​ថា "​អ្នក​គួរ​បិទ​ទូរស័ព្ទ​ចល័ត ពី​ម៉ោង​៩​យប់ ដើម្បី​មាន​ដំណេក​មួយ​ស្កប់ ជួយ​ខួរក្បាល មាន​ពេល​សម្រាក​ល្អ​បំផុត ត្រៀម​សម្រាប់​ថ្ងៃ​ធ្វើការ​ថ្មី​" ៕M/V/L​

ពេល​ភ្ញាក់​ពី​ព្រលឹម តើ​ទឹក​អ្វីខ្លះ​ពុំគួរ​ផឹក ?

ពេល​ភ្ញាក់​ពី​ព្រលឹម ការ​ពិសា​ទឹក​ត្រូវបាន​គេ​ចាត់ទុកថា​ជា​វិធី​ដ៏​ល្អ​សម្រាប់​សុខភាព ប៉ុន្តែ​ពុំមែន​ទឹក​ទាំងអស់​សុទ្ធតែ​ពិសា​បានតែ​ទាំងអស់​នោះឡើយ ។​
ខាងក្រោម​នេះ​ជា​ទឹក ឬ ទឹក​ភេសជ្ជៈ​ខ្លះៗ​ដែល​មិនគួរ​ពិសា​ពេល​ភ្ញាក់​ពី​ព្រលឹម​ឡើយ ។​
-​ទីក​លាយ​អំបិល​ប្រៃ​ឡ​មៗ : មាន​គេ​យល់ថា ការ​ពិសា​ទឹកប្រៃ​ឡ​មៗ​មាន​ផលប្រយោជន៍​ចំពោះ​សុខភាព​រាងកាយ ។ ដូច្នេះហើយ​ទើប​ពេល​ភ្ញាក់​ពី​ព្រលឹម​ភ្លាម​ក៏​ប្រញាប់ប្រញាល់​ពិសា​ទឹកប្រៃ​ឡ​មៗ​មួយ​កែវ ប៉ុន្តែ​នោះ​គឺជា​កំហុសឆ្គង​មួយ ។ តាមពិតទៅ​ការ​ពិសា​ទឹកប្រៃ​ឡ​មៗ​មាន​ផលប្រយោជន៍​ដល់​សុខភាព​ពិតមែន ប៉ុន្តែ​នោះ​គឺ​សម្រាប់​ប៉ះប៉ូវ​ជាតិ​ទឹក​ក្រោយពេល​បែកញើស​នៅក្នុង​រដូវក្តៅ​តែប៉ុណ្ណោះ ។ ការ​ពិសា​ទឹក​ប្រើឡ​មៗ​ពេលព្រឹក​ព្រលឹម​ពុំ​គ្រាន់​តែមាន​ផលប្រយោជន៍​ប៉ុណ្ណោះ​ទេ ថែមទាំង​អាច​បំផ្លាញ់​សុខភាព​ទៅវិញ ។​
តាម​ការស្រាវជ្រាវ​ផ្នែក​សរី​សាស្ត្រ​បាន​រកឃើញថា មនុស្ស​ដែល​ដេក​ពេញ​មួយ​យប់​ពុំបាន​ក្រេបទឹក​មួយ​ដំណាក់​ឡើយ ប៉ុន្តែ​ការដកដង្ហើម ការបញ្ចេញ​ញើស ការ​បត់ជើងតូច​កំពុងតែ​ដំណើរការ​ធម្មតា​ដូច្នេះ​សកម្មភាព​នៃ​សរីរៈ​អស់ទាំង​នេះ បានធ្វើ​ឲ្យ​បាត់បង់​ជាតិ​ទឹក​អស់យ៉ាង​ច្រើន ។ ម្យ៉ាងទៀត​នៅពេល​ភ្ញាក់​ពី​ព្រលឹម ឈាម​ក្នុង​ខ្លួន​នៅ​ខាប់​នៅឡើយ ដូច្នេះ​ប្រសិនបើ​បាន​ពិសា​ទឹក​ដាំ​ឆ្អិន​គឺអាច​ធ្វើ​ឲ្យ​ឈាម​ប្រែ​មកជា​រាវ​ឡើងវិញ ហើយក៏​ជួយ​បំពេញបន្ថែម​នូវ​ជាតិ​ទឹក​ដែល​បាត់បង់​ពី​ពេលយប់ ។ ផ្ទុយទៅវិញ​ការ​ពិសា​ទឹកប្រៃ​ឡ​មៗ បានត្រឹមតែ​បង្កើន​នូវ​ការខ្វះ​ជាតិ​ទឹក និង ស្ងួត​បំពង់​-​ក​តែប៉ុណ្ណោះ ។​ម្យ៉ាងទៀត​នៅពេល​ព្រឹម​ព្រលឹម សម្ពាធ​ឈាម​ឡើង​ខ្ពស់​ដល់​កម្រិត​កំពូល ដូច្នេះ​ការ​ពិសា​ទឹកប្រៃ​ឡ​មៗ អាចធ្វើ​ឲ្យ​សម្ពាធ​ឈាម​រឹតតែ​កើន​ខ្ពស់​ថែមទៀត ហើយ​អាច​បំផ្លាញ​សុខភាព​ទៀតផង ។​
-​ទឹកកក : មាន​មនុស្ស​ជាច្រើន​ចូលចិត្ត​ពិសា​ទឹកកក​មួយ​កែវ​នៅពេល​ភ្ញាក់​ពី​ព្រលឹម ជាពិសេស​នៅក្នុង​រដូវក្តៅ ។ តាមពិតទៅ​វា​ជា​ប្រការ​មួយ​មិនល្អ​ឡើយ ហើយក៏​អាច​ប៉ះពាល់​ដល់​សុខភាព​ផងដែរ ។​
-​ភេសជ្ជៈ : ពេល​ភ្ញាក់​ពី​ព្រលឹម ពុំគួរ​ទទួលទាន​ភេសជ្ជៈ​ដូចជា ទឹក​ផ្លែឈើ ទឹកក្រូច កាហ្វេ ទឹកដោះគោ ។​ល​។ ដោយសារ​ភេសជ្ជៈ​អាស៊ីដ​កាបូ​និក​ទាំងនេះ​ភាគច្រើន​សម្បូរ​ទៅដោយ​សារធាតុ​អាស៊ីដ​ជូរ​ដែល​អាច​បង្កើនល្បឿន​ក្នុងការ​បញ្ចេញ​ជាតិ​កាល់ស្យូម​ក្នុងពេលដែល​ការដុត​រំលាយ​កំពុងតែ​ដំណើរការ​ហើយ​ធ្វើ​ឲ្យ​បរិ​មាណនៃ​ជាតិ​កាល់ស្យូម​នៅក្នុង​ឈាម​ថយចុះ ។ ដូច្នេះ​បើ​ពិសារ​រយៈពេល​យូរ​អាច​បណ្តាល​ឲ្យ​ខ្វះ​ជាតិ​កាល់ស្យូម ។ ចំពោះ​ភេសជ្ជៈ​ខ្លះ​ដែល​ជួយ​ឲ្យ​បត់ជើងតូច​បាន​ស្រួល​នោះ ពុំ​គ្រាន់តែ​ពុំបាន​ជួយ​បំពេញ​ជាតិ​ទឹក​នៅក្នុង​រាងកាយ​ឲ្យ​បាន​គ្រប់គ្រាន់​ប៉ុណ្ណោះ​ទេ បែរជា​ធ្វើ​ឲ្យ​ខ្វះ​ជាតិ​ទឹក​ទៅវិញ ។ មិនត្រូវ​ប្រើប្រាស់​ទឹក​ផ្លែឈើ ទឹកដោះគោ និង កាហ្វេ សម្រាប់​ធ្វើជា​ភេសជ្ជៈ​កែវ​ដំបូង​នាពេល​ព្រឹក​ព្រលឹម​ឡើយ ពីព្រោះ​ភេសជ្ជៈ​អស់ទាំង​នេះ​ពុំ​អាច​ផ្តល់​ផលប្រយោជន៍​ដល់​សុខភាព​រាងកាយ​ឡើយ ប៉ុន្តែ​អ្នក​អាច​ពិសា​ភេសជ្ជៈ​ទាំងនេះ​ក្រោយពេល​ក្រេបទឹក​ដាំ​ឆ្អិន​មួយ​កែ​រហើយ ។​
-​ទឹក​ដាំ​ឆ្អិន​ទុក​យូរពេក : ដាំទឹក​ឆ្អិន​ដែល​ទុក​យូរពេក​អាច​បង្ក​ឲ្យ​មាន​មេរោគ ហើយ​ក្រោយពេល​ពិសា​រួច​អាច​ជះ​ឥទ្ធិ​ពេល​អាក្រក់​មុខងារ​នៃ​ខ្យល់​អុកស៊ីហ្សែន​នៅក្នុង​ឈាម ដូច្នេះ​ទឹក​ដាំ​ពុះ​អាច​រក្សាទុក​បាន​មិន​ឲ្យ​លើសពី ២៤ ម៉ោង​ឡើយ ។

ផ្នែក "គ្មានប្រយោជន៍" បំផុតលើសរីរាង្គមនុស្ស?

​សាស្ត្រាចារ្យ Robert Shmerling នៅ​សកល​វិទ្យាល័យ​ហា​វ៉ាដ ទើបនឹង​បញ្ចេញ​ទស្សនៈ​របស់ខ្លួន​អំពី​ផ្នែក​មិន​សំខាន់បំផុត​លើ​សរីរាង្គ​មនុស្ស ។​
​ក្នុង​មជ្ឈដ្ឋាន​វិទ្យាសាស្ត្រ និង​វេជ្ជសាស្ត្រ​បច្ចុប្បន្ន មាន​២​ក្រុម​រៀប​លំដាប់​សារសំខាន់​របស់​បណ្តា​ផ្នែក​ទាំងឡាយ​ក្នុង​សរីរាង្គ​មនុស្ស នោះ​គឺ​ផ្នែក​ណា​ពុំ​សូវ​មាន​ប្រយោជន៍​បំផុត ឬ​ផ្នែក​ណា​មនុស្ស​អាច​ខ្វះ ។​
​មនុស្ស​មួយចំនួន​ចាត់ទុកថា ផ្នែក​មិនសូវ​សំខាន់បំផុត គឺ​ផ្នែក​មាន​គូៗ ។ ឧទាហរណ៍​ប្រសិន​សំណាងអាក្រក់​បាត់​ភ្នែក​ម្ខាង ឬ​ត្រចៀក​ម្ខាង​នោះ​ពុំទាន់​ជា​គ្រោះមហន្តរាយ​ឲ្យ​តែ​អ្នក​រក្សាបាន​ផ្នែក​នៅសល់ ។ ការបាត់បង់​សន្លឹក​បាត់​មួយ​ឬ​តម្រងនោម​មួយ​ក៏​មិន​គំរាមកំហែង​ដល់​អាយុជីវិត​មនុស្ស ។ ប៉ុន្តែ​ទស្សនៈ​មួយចំនួន​ផ្សេង​ចាត់ទុកថា ដោយសារ​ផ្នែក​នេះ​សំខាន់បំផុត ហេតុនេះ​ទើបត្រូវ​ការ​មាន​បន្ថែម​ជា​គូ​ដើម្បី​អាច​បង្ការ ។​
​សាស្ត្រាចារ្យ Robert Shmerling "​ស្តុក​ជា​រឿង​ល្អ​មួយ​ក្នុងករណី​អ្នក​កើត​ជំងឺ ឬ​ត្រូវរបួស ។ ពេល​ត្រូវ​បាត់​តម្រងនោម​ម្ខាង​ទៀត​ដែល​នៅសល់​ត្រូវ​ធ្វើការ​អំណត់​ជាង ។ ប្រសិន​មិន​ដូច្នេះ​ទេ​អ្នកនឹង​ជួប​បញ្ហា​ធំ​" ។​
​ទឡ្ហីករណ៍​ផ្សេង​បែរជា​ចាត់ទុកថា មាន​ផ្នែក​សរីរាង្គ​មួយចំនួន​ទោះបី​តែមួយគត់​ចំពោះ​មនុស្ស​តែ​ហាក់ដូច​មិន​សំខាន់​ណាស់ណា ។ ចំពោះ​វៀត​ដុះ​ខ្នែង​ឈរ​លំដាប់​ដំបូង​ក្នុង​បញ្ជី​នេះ ។​
​ប៉ុន្តែ សាស្ត្រាចារ្យ Shmerling មាន​យោបល់​ថា ពោះវៀន​ដុះ​ខ្នែង​មិន​ប្រាកដជា​ផ្នែក​ឯករាជ្យ ។ "​ពោះវៀន​ដុះ​ខ្នែង​ជា​ផ្នែក​១​របស់​ប្រព័ន្ធ​រំលាយ​អាហារ ។ អា​មី​ដាន​ក៏​ដូច្នេះ​ដែរ វា​ជា​ផ្នែក​មួយ​ក្នុងចំណោម​ផ្នែក​អង្គ​បដិបក្ខ នៅ​ផ្លូវ​រំលាយ​អាហារ និង​ដំណក​ដង្ហើម​ខាងលើ ។ វា​ក៏​សំខាន់​ណាស់ដែរ ។ ប្រសិន​តម្រូវ​ត្រូវ​បោះបង់ចោល​ផ្នែក​ណាមួយ​នោះ​លើ​សរីរាង្គ​ខ្លួន​ខ្ញុំ​នឹង​ជ្រើស​យក​ថង់​ប្រមាត់ ។ ខ្ញុំ​ប្រាកដថា ខ្ញុំ​នៅតែរ​ស់មាន​សុខ​ភាពល្អ​គួរសម ដោយ​មិនចាំបាច់​មាន​វា​" ៕​M

កំណត់​អាហារ​រក្សា​ទម្ងន់​ខ្លួន​ដើម្បី​សុខភាព

ដើម្បី​រក្សា​ទម្ងន់​ខ្លួន​ឲ្យនៅ​ថេរ​ល្អ និង​មាន​សុខភាព​ល្អ ត្រូវ​ពិនិត្យមើល​ការបរិភោគ​របស់ខ្លួន ឲ្យ​ឋិត​ក្នុង​កម្រិត​សមស្រប​... ។​
- គួរ​រៀប​គម្រោង​ថា ត្រូវ​ទទួល​ទាន​ធញ្ញជាតិ​គ្រាប់ ឲ្យបាន​យ៉ាងហោច​ណាស់ ៤ ភាគ​ក្នុង​មួយថ្ងៃ ។​
- រៀប​គម្រោង​ឲ្យ​ខ្លួនឯង​បាន​ទទួលទា​ន​បន្លែ និង​ផ្លែឈើ យ៉ាងហោច​ណាស់​ឲ្យបាន ៥ ភាគ ក្នុង​មួយ​ថ្ងៃ ដែល​បន្លែ និង​ផ្លែឈើ​ទាំងនេះ អាច​ទទួល​ទាន​បាន​ទាំង​ស្រស់​, ក្រៀម ឬ​ផ្លែឈើ​កំប៉ុង​ក៏​បាន ។​
- ទទួលទាន​អាហារ​ប្រភេទ​ប្រូតេអ៊ីន​ឲ្យបាន ២-៣ ភាគ​ក្នុង​មួយថ្ងៃ ។​
- ត្រូវ​ទទួល​ទាន​អាហារ ពី​ទឹកដោះគោ​ជាតិ​ខ្លាញ់​ទាប យ៉ាងហោចណាស់​មួយ​ថ្ងៃ ២ ភាគ​ដូចជា ទឹកដោះគោ​យ៉ូ​ហ្គឺត ឬ​ហ្វ្រូ​ម៉ា ។ ប៉ុន្ដែ​ប្រសិនបើ​កំពុង​មានគភ៌ ឬ​បំបៅ​ដោះកូន ត្រូវ​បង្កើន​ការបរិភោគ​ឲ្យបាន​ច្រើន​បន្ដិច ពី​២-៣ ភាគ​ក្នុង​មួយថ្ងៃ ។​
- កំណត់​បរិមាណ​ការបរិភោគ​ជាតិ​ខ្លាញ់ និង​ជាតិ​ផ្អែម​ឲ្យនៅ​សល់​តិច​បំផុត ក្នុង​មួយ​ថ្ងៃ ៕f

​ˆ​ការពិត​អំពី​កាឡូរី ដែល​អ្នក​អាច​ពុំទាន់​ដឹង​

អ្នក​បានដឹង​ការកំណត់​ន័យ អំពី​កាឡូរី ហើយក៏​ដឹងថា ការទទួល​ទាន​មាន​កាឡូរី​ច្រើនពេក នឹង​បណ្តាលឱ្យ​ឡើង​ទម្ងន់​។ ប៉ុន្តែ​នៅមាន​ការគិត​ខុស​អំពី​កាឡូរី ដែល​អ្នក​អាច​ពុំទាន់​ដឹង​ពី​វា​។​    ​

​អ្នក​បានដឹងថា សរីរាង្គ ត្រូវការ​កាឡូរី​ប៉ុន្មាន​ក្នុង​មួយថ្ងៃ​? តាម​ការសិក្សា​ស្រាវជ្រាវ​ឆ្នាំ​២០១០ ដោយ​ក្រុមប្រឹក្សា​ព័ត៌មាន​អាហារ​អន្តរជាតិ មានតែ​១២​ភាគរយ​នៃ​ចំនួន​ប្រជាជន​អាមេរិក អាច​ប៉ាន់ស្មាន​ច្បាស់លាស់ អំពី​បរិមាណ​កាឡូរី ដែល​ពួកគេ​គួរ​បញ្ចូល​ក្នុង​មួយថ្ងៃ ឱ្យស្រប​ជាមួយ​អាយុ កម្ពស់ ទម្ងន់ និង សកម្មភាព​រាងកាយ​។​

១-​ហ្វឹកហាត់​ធ្វើឱ្យ​អ្នក​ឃ្លានៈ​
​ជាក់ស្តែង ការហ្វឹកហាត់​រាងកាយ អាច​រំញោច​ផង និង​រារាំង​ភាព​ឃ្លាន​ផង​។ មនុស្ស​ជាច្រើន​តែង​ប្រឹងប្រែង​ហ្វឹកហាត់​ជាមួយ​បំណង​អាច​ទទួលទាន​អ្វីៗ​គ្រប់យ៉ាង​ដែល​គេច​ង់​។ ប៉ុន្តែ​យើង​គ្រាន់តែ​ដុតបំផ្លាញ បាន​ប្រមាណ ១០០​កាឡូរី សម្រាប់​រយៈពេល ៣០​នាទី រត់​ក្នុង​ល្បឿន ៥ គីឡូម៉ែត្រ ក្នុង​មួយ​ម៉ោង ដូច្នោះ​អ្នក​មិនគួរ​សេរី​ហួសហេតុ​ក្នុងការ​ទទួលទាន ក្រោយពេល​ហាត់ប្រាណ​។​

​ដើម្បី​ប្រឆាំង​តប​នឹង​អារម្មណ៍​ឃ្លាន ក្រោយពេល​ហាត់ អ្នក​ត្រូវ​ទទួលទាន មុនពេល​ហាត់ ជាមួយនឹង​អាហារ​សម្បូរ​ជាតិ​ម្សៅ និង​ប្រូតេអ៊ីន ដូចជា នំប៉័ង​ឆ្អើរ ប៊័រ សណ្តែកដី ចេក ទឹកដោះ​។ អាស្រ័យ​ទៅតាម​អាំង​តង់​ស៊ី​តេ​ហ្វឹកហាត់ ក្រោយពេល​ហាត់ អ្នកត្រូវការ​បន្ថែម​បរិមាណ​កាឡូរី​មួយ​កំណត់​។ ឧទាហរណ៍ ក្រោយពេល​ហាត់​អូសបន្លាយ ៤៥​នាទី អ្នក​គួរ​បំពេញបន្ថែម ១០០​កាឡូរី​។​

២-​កាឡូរី​ក្នុង​សារជាតិ​រាវ​ត្រូវ​បំភ្លេចចោលៈ​
​អ្នក​អាច​ទទួល​បន្ថែម រាប់រយ​កាឡូរី ពី​ភេសជ្ជៈ ប្រសិនបើ​អ្នក​ជ្រើសរើស​ពពួក​ទឹកក្រូច​។ ភេសជ្ជៈ​ផ្អែម ស្រា ទឹក​ផ្លែឈើ ទឹកដោះគោ​មាន​ស្ករ ជា​ប្រភព​ផ្ទុក​កាឡូរី​ដ៏​ធំ​។ ភេសជ្ជៈ​អាច​ដណ្តើម​ដល់ ២១​ភាគរយ បរិមាណ​កាឡូរី សរុប​ប្រចាំថ្ងៃ​ដែល​យើង​បញ្ចូល​ក្នុង​សរីរាង្គ​។ រឿង​នោះ មានន័យថា គិត​ដោយឡែក​តែ​ភេសជ្ជៈ​រាល់ថ្ងៃ យើង​បាន​បន្ថែម​ដល់ ២២២​កាឡូរី​។​

​វិធី​ល្អ​បំផុត ដើម្បី​រារាំង​អតិបរមា​នៃ​បរិមាណ​កាឡូរី​ពី​ភេសជ្ជៈ គឺ​ទទួលទាន​ទឹកស្អាត និង​ភេសជ្ជៈ​គ្មាន​ស្ករ ឱ្យ​ច្រើន​ដូចជា​តែ​។ ប្រសិន​អ្នក​ឃ្លាន​ភេសជ្ជៈ​ផ្អែម អ្នក​ត្រូវ​គ្រប់គ្រង​បរិមាណ​។ មនុស្ស​យើង​សឹង​គ្រប់គ្នា ច្រើន​ទទួលទាន​ភេសជ្ជៈ​ផ្អែម​មួយ​កែវ ចំណុះ​ពី ៣០០-៣៥០ មិ​ល្លី​លីត្រ តែ​អ្នកមាន​ដឹង​ទេ​ថា នោះ​ជា​បរិមាណ​ទ្វេដង​នៃ បរិមាណ​ត្រូវការ​។​


៣-​ទទួលទាន​អាហារ​កំប៉ិកកំប៉ុក មាន​ជីវជាតិ​ច្រើនៈ
​អាហារសម្រន់​សំដៅ​បំពេញ​កាឡូរី ដើម្បី​រក្សា​ដំណើរ​ការដុត​បំប្លែង​ជាតិ​ខ្លាញ់​មិន​ឈប់ឈរ ជា​រឿង​ឈ្លាសវៃ​របស់​មនុស្សជាតិ​។ ប៉ុន្តែ​អាហារសម្រន់ ផ្ទុក​សារជាតិ​ជីវជាតិ​ច្រើន​ហួស បែរជា​រឿង​ផ្ទុយទៅវិញ​។ ពពួក​អាហារសម្រន់ ដូចជា​សូកូឡា នំ​ប៊ី​ស​គ្វី​ត ភេសជ្ជៈ​លើក​កម្លាំង គ្រាប់ស្វាយចន្ទី អាល់​ម៉ុ​ន ទោះបី​មាន​ទំហំ​តូច ងាយស្រួល​ដាក់​តាម​ខ្លួន តែ​ប្រសិន​ទទួលទាន​ច្រើន នឹង​បណ្តាល​ឱ្យលើស​កាឡូរី​។​

​ដើម្បី​បញ្ចៀស​ស្ថានភាព​ខាងលើ ជំនួស​ឱ្យ​ការទិញ​គ្រាប់ស្វាយចន្ទី ឬ​អាល់​ម៉ុ​ន ប្រអប់​នំ យកមក​ទទួលទាន​ម្តង ទាំង​ប្រអប់ៗ ចូរ​អ្នកយក​ប្រមាណ​មួយ​ក្តាប់ដៃ​ដាក់​ក្នុង​ថង់​តូចៗ ដាក់​តាម​ខ្លួន​ធ្វើជា​អាហារសម្រន់​។​

៤-​អាហារ​ល្អ​ត្រឹមត្រូវ​ក៏​ផ្ទុក​សមាសធាតុ​ " បង្កប់​ "
​អាហារ​មិន​ផ្ទុក​ជាតិ​ខ្លាញ់​ឆ្អែត ពុំ​មានន័យថា វា​គ្មាន​កាឡូរី​នោះទេ​។ សូម្បីតែ​អាហារ​ធម្មជាតិ ក៏មាន​ស្ករ និង​សារជាតិ​មិនល្អ​ជាច្រើន​សម្រាប់​សុខភាព​។ ដូច្នេះ អ្នក​កុំ​ទទួលទាន​ដោយ​សេរី​នូវ​អាហារ​ត្រូវបាន​ឃោសនា​ថា " ​ធម្មជាតិ​ " ព្រោះ​ទន្ទឹមនឹង​សារជាតិ​ជីវជាតិ បរិមាណ​កាឡូរី​ក្នុងនោះ​ប្រាកដជា​មិនតូច​ឡើយ​៕

ខ្សោយ​ផ្លូវភេទ ពាក់ព័ន្ធ​នឹង​រលាក​ចុង​សរសៃប្រសាទ​

​ព្រឹត្តិបត្រ​សុខភាព “​ជំងឺ​ប្រព័ន្ធ​បង្ហូរ​នោម​” របស់​សហរដ្ឋអាមេរិក បាន​ឲ្យ ដឹងថា អ្នកស្រាវជ្រាវ​ប្រទេស​អេ​ស្ប៉ា​ញ បាន​រកឃើញថា ជំងឺ​ខ្សោយ​សមត្ថភាព​ផ្លូវភេទ​របស់​បុរស ពាក់ព័ន្ធ​នឹង​ជំងឺ​រលាក​ចុង​សរសៃប្រសាទ​។​
លោក​វេជ្ជបណ្ឌិត​ផ្នែក​ប្រសាទ​សរីរវិទ្យា នៃ​សកល​វិទ្យាល័យ​សង់​ត្រា​ល់ ដឺ​អា​ស្ទុយ​រី​យ៉ា​ស៍ (Central De Asturias) បាន​ឲ្យ​ដឹងថា “​យើង​រកឃើញ​ក្នុងការ​ពិនិត្យ​អ្នកជំងឺ​រលាក​សរសៃប្រសាទ​ធ្ងន់ធ្ងរ​ចំនួន​៩០​នាក់ ដែល​បណ្តាលមកពី​ជំងឺ ឬ​អាកា​រៈរ​បួស​ធ្ងន់ធ្ងរ ដែល​ម្នាក់ៗ​ទទួលស្គាល់ថា ខ្លួន​បាន​ចុះខ្សោយ​សមត្ថភាព​ផ្លូវភេទ និង​ចង់​ឲ្យ​មានការ​ព្យាបាល​។​
​លោក​វេជ្ជបណ្ឌិត បាន​ឲ្យ​ដឹង​ទៀតថា ការរកឃើញ​នេះ បង្ហាញ​ឲ្យ​ឃើញ​នូវ​សារៈសំខាន់​ដែល​គ្រូពេទ្យ​ត្រូវ​ពិសោធន៍ លើ​អ្នកជំងឺ​ខ្សោយ​សមត្ថភាព​ផ្លូវភេទ  ខាង​ប្រសាទ​សរីរវិទ្យា ជាពិសេស​បរិវេណ​អាង​ត្រគាក ហើយ​លទ្ធផល​នៃ​ការរកឃើញ​នេះ ឆ្លុះបញ្ចាំង​ឲ្យ​ឃើញថា អ្នកខ្សោយ​សមត្ថភាព​ផ្លូវភេទ ភាគច្រើន មាន​ជំងឺ​រលាក​ចុង​សរសៃប្រសាទ​។​

អ្នក​ឈឺ​ក្រលៀន មិនត្រូវ​ទទួលទាន​ស​ណ្តែ​ក​សៀង​ច្រើន​

​សណ្តែកសៀង ត្រូវបាន​ចាត់ទុកថា​ល្អ​សម្រាប់​សុខភាព ពិសេស​ស្ត្រី​អស់​រដូវ ហេតុនេះ​ទើប​មាន​ផលិតផល​ជាច្រើន ពី​សណ្តែកសៀង ត្រូវបាន​ផលិត  ដើម្បី​ជួយ​ដល់​ស្ត្រី​លុបបំបាត់​ស្នាម​ជ្រីវជ្រួញ បង្កើន estrogen... ប៉ុន្តែ​បើតាម​ការស្រាវជ្រាវ​ថ្មីៗ​នេះ​របស់​អ្នកជំនាញ​ជាច្រើន បាន​បង្ហាញថា ការ​ទទួលទាន​សណ្តែក​សៀង​ច្រើន ក៏​ផ្តល់​គ្រោះថ្នាក់​ដែរ ពិសេស​គឺ​ពេល​មាន​ជំងឺ​។​

​ការស្រាវជ្រាវ​ជាច្រើន បង្ហាញថា ផលិតផល​ធ្វើ​ពី​សណ្តែកសៀង​ល្អ បំផុត​សម្រាប់​សុខភាព ប៉ុន្តែ​យើង​ក៏​ពុំគួរ​ប្រែក្លាយ​សណ្តែកសៀង​ទៅជា​អាហារ​ទទួលទាន​រាល់ថ្ងៃ ពិសេស​ចំពោះ​មនុស្ស​ចាស់ និង​អ្នក​កើត​ជំងឺ​ក្រលៀន ខ្វះ​ឈាម ខ្វះ​ជាតិ​ដែក ជំងឺ​ហ្គោ​ត (gout) ក្រិន​រឹង​សរសៃឈាម​នោះ មិនត្រូវ​ប្រើប្រាស់​តៅហ៊ូ​ជាប្រចាំ​ទេ ព្រោះ​វា​នឹងធ្វើ​ឱ្យ​ថមថយ​សមត្ថកិច្ច​ក្រលៀ​ន​។
​មូលហេតុ​គឺ​ក្នុងស្ថានភាព​ធម្មតា ប្រូតេអ៊ីន​រុក្ខជាតិ ពេល​ចូលទៅក្នុង​សរីរាង្គ នឹង​ឆ្លងកាត់​ដំណើរការ​បំប្លែង ហើយ​ចុងក្រោយ មួយផ្នែកធំ នឹង​ប្រែ​ក្លាយទៅជា​សារជាតិ​សំណល់​ផ្ទុក​នី​ត្រូ​ហ្សែ​ន និង​ត្រូវបាន​ក្រលៀន​បញ្ចេញ​ចោល​ទៅ​ក្រៅ​។ ពេល​ចាស់ សមត្ថកិច្ច​បញ្ចេញ​ចោល​សារជាតិ​សំណល់​របស់​ក្រលៀន ត្រូវ​ទ្រុឌទ្រោម ប្រសិន​មិន​យកចិត្តទុកដាក់​ដល់​ការទទួល​ទាន និង​ទទួលទាន​តៅហ៊ូ​ច្រើនពេក មានន័យថា​បញ្ចូល​ប្រូតេអ៊ីន​រុក្ខជាតិ​ច្រើន​ជ្រុល នោះ​វា​នឹង​បង្កើន​សារជាតិ​សំណល់​ផ្ទុក​នី​ត្រូ​ហ្សែ​ន​។ រឿងនេះ​មានន័យថា អំ​រែក​ធ្ងន់​របស់​ក្រលៀន ក៏​កើនឡើង សមត្ថកិច្ច​ក្រលៀន​បន្ត​ទ្រុឌទ្រោម និង​ជះឥទ្ធិពល​ដល់​សុខភាព​។ ក្រៅពីនេះ ដោយសារ​តៅហ៊ូ​ផ្ទុក​បរិមាណ​ប្រូតេអ៊ីន​ច្រើន ប្រសិន​ទទួលទាន​ម្តង​ច្រើនពេក មិន​ត្រឹមតែ​បង្ក​ឧបសគ្គ​ដល់​ការ​ស្រូបយក​សារជាតិ​ដែក របស់​សរីរាង្គ​ប៉ុណ្ណោះ​ទេ តែ​នៅ​ជះឥទ្ធិពល​ដល់​ការរំលាយ​អាហារ​ជាមួយនឹង​រោគសញ្ញា​ដូចជា​ហើមពោះ​ជាដើម​។​

​ជាងនេះទៀត ពួក​អ្នកជំនាញការ​វេជ្ជសាស្ត្រ​របស់​អាមេរិក បាន​ចង្អុល បង្ហាញថា បណ្តា​ផលិតផល​ពី​សណ្តែក សម្បូរ​ទៅដោយ methionine ។ Methionine ក្រោម​ឥទ្ធិពល​របស់​អង់​ហ្ស៊ី​ម អាច​ត្រូវបាន​បំប្លែង​ទៅជា Cysteine ។ Cysteine អាចធ្វើឱ្យ​ខូច​កោសិកា​នៃ​ជាលិកា​ក្នុង​សរសៃឈាម ងាយ​ធ្វើឱ្យរ​ងក​កកូ​ឡេ​ស្តេ​រ៉ូ​ល និង​ទ្រី​គ្លី​សេរី​ដ ក្នុង​គែម​សរសៃឈាម ជំរុញ​ការកកើត​នៃ​ការ​ក្រិន​រឹង​សរសៃឈាម ។​

ទទួលទាន​សណ្តែកសៀង​ច្រើន ក៏​ងាយ​បណ្តាលឱ្យ​ខ្វះ​អ៊ីយ៉ូដ ព្រោះ​នៅក្នុង​គ្រាប់​សណ្តែកសៀង មាន​ផ្ទុក​សារជាតិ​មួយ​ឈ្មោះថា Saponin ជា​សារជាតិ​ដែល​មិន​ត្រឹមតែ​អាច​ទប់ស្កាត់​ក្រិន​រឹង​សរសៃឈាម តែ​នៅ​ជំរុញ​ការបញ្ចេញចោល​អ៊ីយ៉ូដ​ក្នុង​សរីរាង្គ​មនុស្ស​។ ដូច្នេះ​ផឹកទឹក​សណ្តែកសៀង​ក្នុង​មួយរយៈ​ពេល​វែង អាច​ងាយ​បណ្តាលឱ្យ​ខ្វះ​អ៊ីយ៉ូដ និង​នាំ​ដល់​ការកើត​ជំងឺ​មួយចំនួន ៕

​អាហារ​គួរ​ចៀសវាង​សម្រាប់​អ្នកជំងឺ​អាល់​លែរ​ហ្ស៊ី​

អ្នក​ដែល​មាន​ជំងឺ​អាល់​លែរ​ហ្ស៊ី (Allergy) គួរ​ចៀសវាង​អាហារ​មួយ​ចំនួន​ដូចខាងក្រោម ដើម្បី​ការពារ​មិន​ឲ្យ​អាការៈ​អាល់លែ​រហ្ស៊ី រើ​ឡើងវិញ​។​

១-​ក្រុម​អាហារ​មួយចំនួនៈ​
​​ដូចជា​មី​កញ្ចប់ អាហារ​ស្រួយ ភេសជ្ជៈ​មាន​ជាតិ​ហ្គាស ស្ករ​គ្រាប់ ស្ករ​បៀម ព្រោះ​អាច​មាន​សារធាតុ​លាយឡំ បន្ថែម​ពណ៌ និង​ក្លិន សារធាតុ​ការពារ​ជូរ​ផ្អូម សារធាតុ​ការពារ​មេរោគ​ផ្សិត ព្រោះ​សារធាតុ​ទាំងនោះ អាច​ជំរុញ​ឲ្យ​អាការៈ​អាល់លែ​រហ្ស៊ី​រើ​ឡើង​បាន​។​

 

​​២-​ទឹកដោះគោៈ​
​​ក្នុងករណី​ក្មេង​មួយចំនួន ដែល​ធ្លាប់​មាន​អាការៈប្រតិក​ម្ម​នឹង​ទឹកដោះគោ ត្រូវ​សង្ស័យ​ថា អាការៈ​អាល់លែ​រហ្ស៊ី​លើក​នេះ អាច​កើត​ចេញពី​ទឹកដោះគោ​ទៀត​ក៏​ថា​បាន​។ ដូច្នេះ​គួរ​ចៀសវាង​ទឹកដោះគោ និង​ផលិតផល​ពី​ទឹកដោះគោ​គ្រប់​ប្រភេទ និង​ទទួលទាន​ទឹក​សណ្តែកសៀង​ជំនួស​វិញ​។​

៣-​ប៊ីចេងៈ​
​​គួរ​បញ្ឈប់​ជា​ដាច់ខាត ព្រោះ​សារធាតុ​សូ​ដ្យូ​ម​ក្នុង​ប៊ីចេង ធ្វើឲ្យ​ប្រព័ន្ធ​ការពាររាងកាយ​ចុះខ្សោ​យបាន​។​


​៤-​អាហារ​បំពងៈ​
​​បើ​ទទួលទាន​ច្រើនពេក ជាតិ​ខ្លាញ់​នឹង​ទៅ​ជំរុញ​ឲ្យ​កើត​ស្លេ​ស្ម​ក្នុង​ប្រព័ន្ធ​ដំណក​ដង្ហើម ធ្វើឲ្យ​មាន​អាការៈ​អាល់លែ​រហ្ស៊ី​កាន់តែ​ធ្ងន់ធ្ងរ​ជាង​មុន​៕​

​ប្រការ​គួរ​ធ្វើ ៦ ចំណុច​ដើម្បី​អាយុ​វែង

អ្នកជំនាញ​ផ្នែក​សុខភាព បាន​ណែនាំ​ពី​ប្រការ​គួរ​ធ្វើ ៦ ចំណុច​ដែល​ជួយ​ឲ្យ​មនុស្ស​យើង​ឲ្យ​អាយុ​វែង ប្រកប​ដោយ​សុខភាព​ល្អ​។​


​១-​អាហារ​: គួរ​ទទួល​ទាន​អាហារ ឲ្យ​សមល្មម​នឹង​រាង កាយ និង​វ័យ​របស់​បុគ្គល​នី​មួយៗ​។ អ្វី​ដែល​ល្អ​បំផុត គឺ​អាហារ​ស្រស់​ពី​ធម្មជាតិ ដែល​ចម្អិន​ឆ្អិន មិន​ឆ្លងកាត់​ដំណើរការ​កែ​ច្នៃ​ច្រើន​ដំណាក់កាល ព្រោះ​គុណប្រ យោជន៍​របស់​អាហារ នឹង​ថយចុះ ឬ​មាន​ការបន្ថែម​សារធាតុ​ការពារ ខូច​អាហារ​ចូលទៅ​។ បើ​ផ្តោតលើ​ការ​ទទួលទាន​បន្លែ និង​ផ្លែឈើ​ច្រើន វា​នឹង​អាច​ជួយ​កាត់បន្ថយ​ការ​ប្រឈម នឹង​ការ​កើត​ជំងឺមហារីក​។ ការ​ទទួលទាន​អាហារ​ដែល​មាន​ប្រយោជន៍ អាច​ពន្យារ​អាយុ​បាន ១០​ឆ្នាំ​។​


​​២-​ការ​ហាត់ប្រាណ​: មនុស្ស​មាន​សុខភាព​ជា​រួម ពេញ​លក្ខណៈ​នៅ​អាយុ ២៥-៣០​ឆ្នាំ បន្ទាប់ពីនោះ សភាព​រាងកាយ នឹង​ចាប់ផ្តើម​ខ្សោយ អត្រា​ដុតបំផ្លាញ​ថាមពល ក៏​ថយចុះ​។ ការ​ហាត់ប្រាណ​បែប​អ៊ែ​រ៉ូ​ប៊ិក​ជាប្រចាំ យ៉ាងតិច​៣​ដង ក្នុង​មួយ​សប្តាហ៍ ម្តង ៣០​នាទី​ឡើង​ទៅ ជួយ​បង្កើន​អត្រា​ដុតបំផ្លាញ​ថាមពល ជួយ​ឲ្យ​ប្រព័ន្ធ​បេះដូង និង​សរសៃ ឈាម​ធ្វើការ​បាន​ល្អ ធ្វើឲ្យ​ឈាមទៅ​ចិញ្ចឹម​គ្រប់​អវយវៈ​កាន់តែ​ច្រើនឡើង ជួយ​រក្សា​សភាព​របស់​សរសៃពួរ​សន្លាក់ សាច់ដុំ ធ្វើឲ្យ​រាងកាយ​ចុះខ្សោយស​ភាព​កាន់តែយឺ​ត ប្រព័ន្ធ​ការពារ​រាងកាយ​កាន់តែ​រឹងមាំ និង​ឈឺ​ថ្កាត់​តិចតួច ដោយ​ការ​ហាត់ប្រាណ​ជាប្រចាំ ជួយ​ពន្យារ​អាយុ​បាន ២​ឆ្នាំ​។​


​​៣-​ការ​សម្រាក​: ការ​គេង​លក់ ជាការ​សម្រាក​ល្អ​បំផុត​។ មនុស្ស​ម្នាក់ៗ អាច​ប្រើ​ពេល​ក្នុងការ​គេង​មិន​ស្មើគ្នា ប៉ុន្តែ​អាច​កំណត់ថា ភ្ញាក់​ពី​គេង ហើយ​មាន​អារម្មណ៍​ស្រស់ថ្លា មិន​អស់កម្លាំង​ល្ហិតល្ហៃ គឺជា​ការ​គ្រប់គ្រាន់​ហើយ​។​


៤-​ទទួល​ពន្លឺ​ថ្ងៃ​: ស្ត្រី​ភាគច្រើន តែង​គេច​កម្តៅថ្ងៃ​ធ្វើឲ្យ​អ្នក​រំលង​ឱកាស​ដែល​អាច​បាន​ទទួល​ប្រយោជន៍​ចំពោះ​ការ​មានជីវិត​យឺនយូរ គឺ​វីតាមីន D ជា​វិធី​ដែល​ជួយ​ការពារ​ការកើត​ជំងឺមហារីក សម្ពាធ​ឈាម​ខ្ពស់ និង​ពុក​ឆ្អឹង​បាន​។ កង្វះ​វីតាមីន D អាច​ធ្វើឲ្យ​សាច់ដុំ​ខ្សោយ​កម្លាំង និង​មាន​ការ​ប្រឈម​នឹង​ការ​ដួល និង​បាក់ឆ្អឹង​បាន​។ ជាពិសេស មនុស្ស​ចាស់ ដោយ​ការ​បាន​ទទួល​កម្តៅថ្ងៃ ពេលព្រឹក និង​ពេល​ល្ងាច ដែល​មិន​ក្តៅ​ខ្លាំង អាចជួយ​ពន្យារ​អាយុ​បាន​២​ឆ្នាំ​។​


​៥-​ចាក់​វ៉ាក់សាំង​ការពារ​ជំងឺ​: អាចជួយ​ពន្យារ​អាយុ​បាន​២​ឆ្នាំ​។ ការចាក់​វ៉ាក់សាំង មិនមែន​មិន​ចាំបាច់​តែ​ចំពោះ​ក្មេង​ឡើយ មនុស្ស​ធំ ក៏​គួរ​បាន​ទទួល​ការចាក់​វ៉ាក់សាំង ការពារ​ជំងឺ​ដូចគ្នា​ដែរ មិន​ថា​ជា​វ៉ាក់សាំង​តេតាណូស ឬ​វ៉ាក់សាំង​ជំងឺ​ផ្តាសាយ ដែល​ក្លាយជា​រឿង​កាន់តែ​ធំ អាច​បំប្លែង​ពូជ​ជារឿយៗ​។ សាកល្បង​ប្រឹក្សា​ជាមួយ​គ្រូពេទ្យ ដើម្បី​មើល​ថា គួរ​ចាក់​វ៉ាក់សាំង​ការពារ​ជំងឺ​អ្វី​ខ្លះ​?


​​៦-​ឧស្សាហ៍​ពិនិត្យ​រាងកាយ​: អាចជួយ​ពន្យារ​អាយុ​បាន​ថែម ៤​ឆ្នាំ​។ មនុស្ស​ភាគច្រើន មើលឃើញ​ភាព​សំខាន់​របស់​រាងកាយ នៅពេល​យើង​ឈឺ​ថ្កាត់ មិន​ស្រួលខ្លួន ដែល​ដល់​ពេល​នោះ ក៏​អាច​ហួស​ទៅ​ហើយ​។ ដូច្នេះ គួរ​ព្យាយាម​ត្រួតពិនិត្យ​រាងកាយ​នៅពេល​សុខភាព​នៅ​ល្អ ដើម្បី​រក​សញ្ញា​ដាស់តឿន​ពីដំបូងៗ​៕​

ប្រើប្រាស់​ទឹកដោះគោមិន​ត្រឹមត្រូវ​​ មានផល​អាក្រក់​ដល់សុខភាព

តម្លៃ​ជីវជាតិ​របស់​ទឹកដោះគោ គឺ​ខ្ពស់បំផុត ហើយ​មនុស្ស​ជាច្រើន​ក្នុងចំណោម​ពួកយើង តែងតែមាន​ទម្លាប់​ផឹក​ទឹកដោះគោ​រាល់ថ្ងៃ​។ ប៉ុន្តែ​តើ​អ្នក​បានដឹង​ពិតប្រាកដ​ពី​វិធី​ផឹក​ឱ្យបាន​ត្រឹមត្រូវ​ឬ​នៅ​?​ហើយ​បរិមាណ​ទឹកដោះគោ​ដែល​យើង​ផឹក​ចូល តើ​ត្រូវបាន​ស្រូបយក​ទាំងស្រុង​នូវ​សារជាតិ​ជីវជាតិ​ដែរឬទេ​?
​ប្រសិន​អ្នកជា​មនុស្ស​ឧស្សាហ៍​ផឹក​ទឹកដោះគោ ឬ​នៅក្នុង​គ្រួសារ​អ្នកមាន​សមាជិក​ដែល​ចូលចិត្ត​ផឹក​ទឹកដោះគោ​ជាប្រចាំ​នោះ ចាំបាច់​អ្នក​ត្រូវ​ដឹង​ពី​របៀប​ប្រើ​ទឹកដោះគោ ប្រាំមួយ​យ៉ាង ដែល​ផ្តល់​ផល​អាក្រក់​ចំពោះ​សុខភាព​។​
១.​ទឹកដោះគោ​ដែល​ដាំ​ពុះ​
​ការដាំ​ទឹកដោះគោ​ឱ្យ​ពុះ មុនពេល​ប្រើប្រាស់ ពិសេស​គឺ​ទឹកដោះគោឆៅ ដើម្បី​សម្លាប់​មេរោគ​ជាការ​យល់ដឹង​រួម​របស់​អ្នកប្រើប្រាស់​ជាច្រើន​។ ការពិត​នោះ បណ្តា​ផលិតផល​ទឹកដោះគោ​ដែល​ដាក់លក់​នៅលើ​ទីផ្សារ​បច្ចុប្បន្ន សុទ្ធតែ​ត្រូវបាន​សម្លាប់​មេរោគ មិនចាំបាច់​ត្រូវ​ដាំ​ឡើងវិញ មុនពេល​ទទួលទាន​នោះទេ​។​
​ប្រសិន​អ្នក​ពិតជា​បារម្ភ​នោះ អ្នក​គួរ​ដឹងថា ការដាំ​កម្តៅ​ទឹកដោះគោ ៧០​អង្សារ ក្នុង​រយៈពេល​បី​នាទី និង​៥០​អង្សារ ក្នុង​រយៈពេល​ប្រាំមួយ​នាទី គឺ​សម្រេចបាន​គោលបំណង​សម្លាប់​មេរោគ​។ តែ​ប្រសិន​ដាំ​ពុះ​យូរពេក នឹងធ្វើ​ឱ្យ Lactose ក្នុង​ទឹកដោះគោ ប្រែប្រួល​សារជាតិ មិនតែប៉ុណ្ណោះ​អាច​បង្ក​ជា​ជំងឺមហារីក​។ ទឹកដោះគោ មាន​ផ្ទុក​អំបិល​អាស៊ីត​ហ្វូ​ស​ហ្វ័​រ​រិ​ក មិន​ស្ថិរភាព​, ប្រសិន​ទុកឱ្យ​ក្តៅ​យូរ កាល់ស្យូម​ហ្វូ​ស​ហ្វ័​រ​រិ​ក មាន​លក្ខណៈ​អាស៊ីត នឹង​ក្លាយជា​កាល់ស្យូម​ហ្វូ​ស​ហ្វ័​រ​រិ​ក រង​កករ​មកវិញ ធ្វើឱ្យ​ទឹកដោះគោ​បាត់បង់​តម្លៃ​មាន​ស្រាប់​។ ក្រៅពីនេះ ពេល​ដាំ​ពុះ​ដល់​១០០​អង្សារ​នោះ ស្ករ​ក្នុង​ទឹកដោះគោ ចាប់ផ្តើម​រលាយ ហេតុនេះ​ទឹកដោះគោ នឹង​ប្រែ​ទៅជា​ពណ៌​ត្នោត ហើយ​បំបែក​ទៅជា​អាស៊ីត​ឡាក់​ទិ​ក​សន្សឹមៗ​។ ទន្ទឹម​នោះ​បង្កើតជា​អាស៊ីត​ហ្វ័​រ​មិ​ក ធ្វើឱ្យ​ទឹកដោះគោ​មាន​រសជាតិ​ជូរ ជះឥទ្ធិពល​ទៅដល់​ក្លិន​ទឹកដោះគោ​។ ដូច្នេះ​មិនត្រូវ​ដាំ​ឱ្យ​ពុះ​យូរ ដោយ​គ្រាន់តែ​ពុះ​ភ្លាម​គឺ​បិទ​ភ្លើង​។​
​ពពួក​ទឹកដោះគោ​ដាក់​ក្នុង​ទូទឹកកក ពេល​ចាក់ឱ្យ​កុមារ​តូចៗ​ផឹក ឬ​ត្រូវ​ការដាំ​កម្តៅ​នោះ គ្រាន់តែ​ដាក់​កម្តៅ​ដោយ​មិនចាំបាច់​ឱ្យ​ពុះ​ឡើយ​។​
២-​ថែរក្សា​ទឹកដោះគោ​
​ទឹកដោះគោ រង​ឥទ្ធិពល​ដោយ​ពន្លឺព្រះអាទិត្យ​។ ការស្រាវជ្រាវ អះអាងថា វីតាមីន B1, B2  និង​វីតាមីន C ក្នុង​ទឹកដោះគោ ដែល​ដាក់​នៅក្នុង​បរិស្ថាន​ពន្លឺ នឹង​បាត់បង់​គុណភាព​យ៉ាង​ឆាប់រហ័ស ព្រោះថា​សារជាតិ ជីវជាតិ​ទាំងបី​នេះ នឹងត្រូវ​បំផ្លាញ​ក្រោម​កម្តៅ​ព្រះអាទិត្យ​។ អាស្រ័យហេតុនេះ ការថែរក្សា​ទុក​ទឹកដោះគោ​នៅ​កន្លែង​មាន​ធាតុអាកាស​ត្រជាក់ គឺជា​រឿង​ចាំបាច់​។​
៣-​ផឹក​ទឹកដោះគោ​បួស​
ពេល​ផឹក​ទឹកដោះគោ​បួស ដោយ​មិន​ទទួលទាន​បន្ថែម​ចំណីអាហារ​ណា​នោះ ប្រមាណ​ពី​១​ទៅ​២​ម៉ោង​ក្រោយពេល​ផឹក នឹង​បន្សល់ទុក​នៅក្នុង​ក្រពះ​នូវ​បរិមាណ​ប្រូតេអ៊ីន​គ្មាន​ប្រយោជន៍ សម្រាប់​ការរំលាយ​អាហារ​ស្រូបយក និង​ប្រើប្រាស់​។ ល្អ​បំផុត គឺ​ពេល​ផឹក អ្នក​ត្រូវ​ទទួលទាន​បន្ថែម​ចំណីអាហារ​មួយចំនួន​សម្បូរ​ជាតិ​ម្សៅ ដូចជា​នំប៉័ង នំ​ផ្អែម ... ។​
៤-​ទឹកដោះគោ និង​សូកូឡា​
​មាតាបិតា​មួយចំនួន​គិតថា ដោយសារ​ទឹកដោះគោ​ជា​អាហារ​មួយ សម្បូរ​ប្រូតេអ៊ីន ឯ​សូកូឡា​ផ្គត់ផ្គង់​ប្រភព​ថាមពល​ខ្ពស់ ហេតុនេះ​ទទួលទាន​របស់​ទាំងពី​រ​មុខ ក្នុងពេល​ជាមួយគ្នា នឹងមាន​ប្រយោជន៍​ដ៏​អស្ចារ្យ​។ រឿងនេះ​មិន​ត្រឹមត្រូវ​ឡើយ ។​
​សូកូឡា និង​ទឹកដោះគោ​ក្នុងស្ថានភាព​រាវ មានប្រតិកម្ម​គីមី បង្កើតជា​អុក​សាឡាត​កាល់ស្យូម​។ ដូច្នេះ​តម្លៃ​ជីវជាតិ​របស់​កាល់ស្យូម បានប្រែក្លាយ​ទៅជា​សារជាតិ​មាន​គ្រោះថ្នាក់ នាំ​ដល់​ការខ្វះ​កាល់ស្យូម រាគរូស កុមារ​រីកចម្រើន​យឺត សក់​ស្ងួត ងាយ​បាក់ ធ្វើឱ្យ​កើន​ក្រួស​ស្ករ​ផ្លូវ​មូត្រ និង​ជំងឺ​ផ្សេងៗ​ទៀត​។​
៥-​លេបថ្នាំ​ជាមួយ​ទឹកដោះគោ​
​ទឹកដោះគោ​ផ្ទុក​កាល់ស្យូម ដែក និង​សារជាតិ​ជីវជាតិ​ដទៃទៀត ប្រសិន​លេបថ្នាំ​ជាមួយ​ទឹកដោះគោ ដូចជា តេ​ត្រា​ស៊ី​គ្លី​ន នឹងមាន​ឥទ្ធិពល​ទៅវិញទៅមក អា​ចក​កើតជា​អំបិល​មិន​រលាយ​។ រឿងនេះ​ពុំ​ត្រឹមតែ​បណ្តាលឱ្យ​បាត់បង់​សារជាតិ​ជីវជាតិ​របស់​ទឹកដោះគោ​ប៉ុណ្ណោះ​ទេ តែ​នៅ​ធ្វើឱ្យ​ថយចុះ​ប្រសិទ្ធភាព​របស់​ថ្នាំ អាស្រ័យ​ហេតុ​នោះ មុន​និង​ក្រោយពេល​ផឹកថ្នាំ ពី​១​ម៉ោង​ទៅ​២​ម៉ោង ល្អ​បំផុត​គឺ​មិន​ផឹក​ទឹកដោះគោ​។​
៦-​ទឹកដោះគោ​បង្កក​
ទឹកដោះគោ​បង្កក ពេល​យកទៅ​ដាំ​កម្តៅ​នោះ រសជាតិ​ក៏​ដូច​តម្លៃ​បំប៉ន​នឹង​ថយចុះ​យ៉ាងច្រើន ៕

ពណ៌​ទឹកនោម​បញ្ជាក់​ពី​បញ្ហា​សុខភាព​

១- ទឹកនោម​ពណ៌​ក្រហម​ចាស់ : អាច​បណ្តាលមកពី​ការ​ទទួលទាន​អាហារ​ដែល​មាន​ពណ៌​ក្រហម ឬ​ពណ៌​ដែល​ស្រដៀង​គ្នា ។ តែ​ប្រសិនបើ​អ្នក​ប្រាកដ​ក្នុង​ចិត្ត​ថា មិន​បាន​ទទួលទាន​អាហារ​ដែល​មក​ពណ៌​ក្រហម នោះ​វា​អាច​បញ្ជាក់បាន​ថា ជា​ឈាម​ដែល​ចេញមក​ពី​តម្រង​នោម ឬ​រលាក​ប្លោក នោម ឬ​អាច​មាន​អ្វី​ដំណើរការ​ខុស​ប្រក្រតី​ក្នុង​រាងកាយ ដែល​អ្នក​គួរ​ពិគ្រោះ​ជាមួយ​គ្រូពេទ្យ​បាន​ទាន់ពេលវេលា ។

​២- ទឹកនោម​មាន​ពណ៌​ត្នោត : អាច​បណ្តាលមកពី​ការ​ទទួលទាន​សណ្តែក ក្នុង​បរិមាណ​ច្រើនពេក ឬ​អាច​បណ្តាលមកពី​សំណក​ឈាម​ដែល​លាយឡំ​គា្ន ហើយ​ត្រូវ​បញ្ចេញ​តាម​ទឹក​នោម​ក៏​ថា​បាន ។ ដូចនេះ​វិធី​ដែល​ល្អ គួរ​គប្បី​ពិគ្រោះ​ជាមួយ​គ្រូពេទ្យ ។

​​៣- ទឹកនោម​ពណ៌​លឿង : ប្រសិនបើ​ទឹកនោម​មាន​ពណ៌​លឿង​ខ្ចី អាច​បញ្ជាក់​ថា អ្នក​បាន​ទទួលទាន​វីតាមីន B ច្រើន​លើសពី​តម្រូវការ ។ តែ​ប្រសិន បើ​ទឹកនោម​មាន​ពណ៌​លឿង​ចាស់ បញ្ជាក់ថា អ្នក​ទទួល​ទាន​ទឹក​មិន​បាន​គ្រប់គ្រាន់ ។​តែ​ប្រសិន​អ្នក​ច្បាស់​ថា អ្នក​បាន​ទទួលទាន​ទឹកបាន​គ្រប់គ្រាន់ ហើយ​ទឹកនោម​នៅ​មាន​ពណ៌​លឿងចាស់​ដដែល អ្នក​គួរ​ប្រញាប់​ពិគ្រោះ​ជាមួយ​គ្រូពេទ្យ ។

​​៤- ទឹកនោម​ពណ៌​ល្អក់ : សាកល្បង​ទទួលទាន​ទឹកក្រូច ជាមុនសិន ។ ប្រសិនបើ​អាការ​នេះ នៅតែ​មិន​បាត់ វា​អាច​បណ្តាលមកពី​ការឆ្លង​មេរោគ​ប្រភេទ​ផ្សេងៗ ក៏​ថា​បាន ។ ដូចនេះ អ្នក​គួរ​ទៅ​ជួប​គ្រូពេទ្យ ដើម្បី​រក​ដំណោះស្រាយ ។

​​៥- ទឹកនោម​ពណ៌​ទឹកក្រូច : អាច​បណ្តាល​មក​ពី​ប្រើប្រាស់​ថ្នាំ Pyeidium ដែល​ប្រើ​ក្នុង​ការព្យាបាល​ជំងឺ​រលាក​ប្លោកនោម ឬ​ការ​ពិសា​អាហា​រលាយ​ពណ៌​ទឹកក្រូច ។

ព្រមានគ្រោះថ្នាក់ទឹកនោមផ្អែមពីទឹកក្រូច

​ការស្រាវជ្រាវ​តាមដាន​របប​ទទួលទាន​របស់​មនុស្ស ៣៥០.០០០​នាក់ នៅ​៨​ប្រទេស ទ្វីបអឺរ៉ុប គឺ​អង់គ្លេស អាល្លឺម៉ង់ ដា​ណឺ​ម៉ាក អេ​ស្ប៉ា​ញ ស៊ុយអែត បារាំង អ៊ីតាលី ហុ​ល្លង់ បង្ហាញថា ការបន្ថែម​ទឹកក្រូច​មាន​ហ្គាស​១​កែវ នោះ​ហានិភ័យ​ទឹកនោមផ្អែម​នឹង​កើន​២២% ។​
​ពួក​អ្នកស្រាវជ្រាវ​រកឃើញថា ការបង្កើន​បន្ថែម​១២ ounce (340ml) ភេសជ្ជៈ​មាន​ស្ករ​ប្រហាក់ប្រហែល​ទឹក​កូកាកូឡា ឬ​ប៉ិ​ប​ស៊ី​១​កំប៉ុង នឹងធ្វើ​ឲ្យ​កើន​១/៥​ហានិភ័យ​កើត​ជំងឺ​ទឹកនោមផ្អែម​ប្រៀប​នឹង​អ្នក​១​ខែ​ផឹក​តែមួយ​កំប៉ុង ឬ​តិចជាង ។​
​លទ្ធផល​របស់​ការស្រាវជ្រាវ​ក៏​ស្រប​ជាមួយ​ការស្រាវជ្រាវ​មុននេះ នៅ​អាមេរិក​ដែល​ចាត់ទុកថា ភេសជ្ជៈ​មាន​ស្ករ​ពាក់ព័ន្ធ​យ៉ាងច្បាស់​លាស់​ជាមួយ​ជំងឺ​ទឹកនោមផ្អែម​ប្រភេទ​២ និង​ការឡើង​ទម្ងន់ ។
​ជំងឺ​ទឹកនោមផ្អែម​ប្រភេទ​២ ជា​ជំងឺ​យូរអង្វែង ដោយសារ​ស្ថានភាព​ប្រឆាំងនឹង​អាំង​ស៊ុយ​លីន ឥទ្ធិពល​ដល់​មនុស្ស​ប្រមាណ​២,៩​លាន​នាក់​នៅ​អង់គ្លេស ហើយ​តាម​អង្គការ​សុខភាព​ពិភពលោក (WHO) វា​ឥទ្ធិពល​ដល់​មនុស្ស​ជាង​៣១០​លាន​នាក់​លើ​ទូទាំង​ពិភពលោក ។​
Patrick Wolfe ជំនាញការ​១​រូប​មកពី​សាកលវិទ្យាល័យ College London មិន​ចូលរួម​ក្នុងការ​ស្រាវជ្រាវ ក៏​ឲ្យ​ដឹង​ដែរ​ថា លទ្ធផល​គឺ​ច្បាស់លាស់​បំផុត ទឹកក្រូច​ពុំមាន​តម្លៃ​ជីវជាតិ និង​មិនល្អ​សម្រាប់​សុខភាព ។ ប៉ុន្តែ ទទួលទាន​ទឹក​ផ្លែឈើ​នេះ​មិន​ពាក់ព័ន្ធ​ដល់​ហានិភ័យ​កើត​ជំងឺ​ទឹកនោមផ្អែម ។​
​ការស្រាវជ្រាវ​ត្រូវបាន​ចុះផ្សាយ​លើ​ទស្សនា​វ​ដ្តី The Journal Diabetologia ៕​M

ឥទ្ធិពលរបស់ស្ត្រូក អាចអូសបន្លាយ១០ឆ្នាំ

តាម​ការស្រាវជ្រាវ​១​ថ្មីៗ​នេះ នៅ​ស៊ុយអែត អ្នក​ជំងឺស្ត្រូក​ច្រើន​ជួបប្រទះ​នូវ​បញ្ហា​យូរអង្វែង​អំពី​លទ្ធភាព​បន្លាស់​ទី រាល់​សកម្មភាព​ប្រចាំថ្ងៃ និង​រោគ​ផ្លូវចិត្ត ដែល​អាច​អូសបន្លាយ​ដល់​១០​ឆ្នាំ ។​
​ពួក​អ្នកស្រាវជ្រាវ​ឲ្យ​ដឹងថា ឥទ្ធិពល​របស់​សណ្ឋាន​ស្ត្រូ​ក​នេះ បង្ហាញ​ពី​ភាពចាំបាច់​របស់ "​កម្មវិធី​ថែទាំ​សម្រាប់​អ្នក​នៅ​រស់រានមានជីវិត​" ។​
​ប្រធាន​ក្រុម​ស្រាវជ្រាវ បណ្ឌិត Ann-Christin Von Vogelsang នៅ​មន្ទីរពេទ្យ​សាកលវិទ្យាល័យ Karolinsk (​ស្តុក​ខូ​ល​) បានរួម​ជាមួយ​សហសេវិក​ដំណើរការ​តាមដាន​វាយតម្លៃ​លើ​អ្នកជំងឺ​២០០​នាក់ ត្រូវ​វះកាត់​ក្រោយពេល​ដាច់​សរសៃឈាម​ខួរក្បាល នៅ​អាយុ​មធ្យម​៦១​ឆ្នាំ ។​
១០​ឆ្នាំក្រោយ អ្នកជំងឺ​ទាំងនេះ​ត្រូវបាន​សួរ​អំពី​គុណភាព​ជីវិត​ពាក់ព័ន្ធ​ដល់​សុខភាព ដូច​ជាការ​បន្លាស់​ទី ស្វ័យ​ថែទាំ​ខ្លួន សកម្មភាព​ប្រចាំថ្ងៃ កង្វល់ ឬ​រោគ​ផ្លូវចិត្ត ឈឺ​ឬ​ពិបាក​ទ្រាំ ។ ចម្លើយ​របស់​ពួកគេ​ត្រូវបាន​ប្រៀបធៀប​ជាមួយ​ចម្លើយ​ដូចគ្នា​របស់​អ្នក​ពុំទាន់​ដែលមាន​ជំងឺស្ត្រូក ។ លទ្ធផល​គឺ​អ្នក​នៅរស់​រាន​ក្រោយ​ស្ត្រូ​ក​ជួប​បញ្ហា​ស្មុគស្មាញ​ច្រើនជាង មានតែ​៣០% នៃ​អ្នកជំងឺ​ចាត់ទុក​ដោយ​ខ្លួនឯង​ថា បាន​ស្តារ​ដូចដើម​ទាំងស្រុង ។​
​ពួក​អ្នកស្រាវជ្រាវ​និយាយថា អ្នក​នៅរស់​រាន​ក្រោយពេល​ដាច់​សរសៃឈាម​ខួរក្បាល​ត្រូវ​ប្រឈមមុខ​ជាមួយ​គ្រោះថ្នាក់​ជាច្រើន​មានគុណ​ភាព​ជីវិត​ទាប​ជាង និង​បញ្ហា​សុខភាព​ច្រើនជាង​ក្រៅពី​ពិការភាព ខាង​រាងកាយ និង​រោគ​ផ្លូវចិត្ត​... អាស្រ័យហេតុនេះ ចាំបាច់​ត្រូវបាន​តាមដាន ក្នុង​មួយរយៈ​ពេល​វែង​ចាប់តាំងពី​ពេល​ជា​ជំងឺ ៕​M

ជ្រើសរើសស្បែកជើងសម្រាប់អ្នកមានជំងឺទឹកនោមផ្អែម

​អ្នក​កើតរោគ​ទឹកនោមផ្អែម​ងាយ​រងរបួស (​ដំបៅ​) នៅ​ប្រអប់ជើង​ណាស់ វា​បណ្តាលមកពី​ការថយចុះ ឬ​បាត់បង់​អារម្មណ៍​នៅ​ប្រអប់ជើង ហេតុនេះ​ពេល​មានការ​ដាច់​រលាត់ អ្នកជំងឺ​ពុំបាន​ដឹង​ទេ ។ ដូច្នេះ​ស្នាមរបួស​ងាយ​ធ្ងន់ធ្ងរ​យ៉ាង​រហ័ស ។​
​ម្យ៉ាងទៀត​មុខរបួស (​ដំបៅ​) ពុំ​ងាយ​សះស្បើយ​ដោយ​កង្វះ​អុកស៊ីហ្សែន ខ្វះ​សារធាតុ​បំប៉ន ហើយ​សមត្ថភាប​នៃ​អង្គ​បដិបក្ខ​ខុះ​ខ្សោយ ។ ប្រអប់ជើង​ងាយ​រងរបួស​ចំពោះ​ឥទ្ធិពល​នៃ​កំដៅ​របស់​បរិស្ថាន​ខ្ពស់ ឬ​ទាប ។ វា​ក៏​ងាយ​រង​ផលវិបាក​ដោយ​ការប៉ះទង្គិច​ធ្ងន់ ឬ​ត្រូវ​គាប​ក្នុង​រយៈពេល​មួយ​វែង ។​
នេះ​ជា​ស្បែកជើង​បុរស ផលិត​សម្រាប់​អ្នក​កើតរោគ​ទឹកនោមផ្អែម​
​ស្បែកជើង​ចាំបាច់​ត្រូវ​ឆ្លើយតប​លក្ខណៈ​សំខាន់ៗ​គឺ មាន​ទ្រនាប់​ទន់​ជួយ​ទ្រ​ទម្ងន់​ដល់​ប្រអប់ជើង ពុំមាន​គំនាប​លើ​ម្រាមជើង អាច​សម្រួល​ទំហំ​ដោយ​ប្រើ​ភ្នែក​បិទ​បើក​ងាយស្រួល ហើយ​ត្រូវមាន​ប្រឡោះ​សម្រាប់​សម្រួល​សីតុណ្ហភាព​ខាងក្នុង ។​
​រូប ៖ ស្បែកជើង​សម្រាប់​នារី ដែល​កើត​ជំងឺ​ទឹកនោមផ្អែម​
​ត្រូវ​ចងចាំ​ថា ដំបៅ​ច្រើន​កើតឡើង​នៅ​ម្តុំ​ម្រាមជើង ហើយ​វា​ច្រើន​ផ្តើមចេញពី​ការពាក់​ស្បែកជើង​ដែល​ចង្អៀត ។ ម្យ៉ាងទៀត​អ្នកជំងឺ​គប្បី​ចាប់អារម្មណ៍​សំអាត​ពិនិត្យ​បាតជើង ម្រាមជើង ដើម្បី​រកឃើញ​មុខរបួស រលាត់​...​បំណង​ព្យាបាល​ទាន់ពេលវេលា ៕​M

ការ​ដុសធ្មេញ ជាប្រចាំ បន្ថយ​ហានិភ័យ រលាក​សន្លាក់​

ពួក​អ្នកវិទ្យាសាស្ត្រ ចាត់ទុកថា ការ​ដុសធ្មេញ​ជាប្រចាំ នឹងធ្វើ​ឲ្យ​ថយចុះ ការ​ប្រឈម​កើត​ជំងឺ​រលាក​សន្លាក់ ។ មូលហេតុ​គឺ ដោយសារ​បាក់តេរី បង្ក​ជំងឺ​អញ្ចាញធ្មេញ និង​រលាក​សន្លាក់ មាន​ទំនាក់ទំនង​ជាមួយគ្នា ។​

​ពួក​អ្នកស្រាវជ្រាវ នៅ​ផ្នែក​ទន្តសាស្ត្រ នៃ​សកល​វិទ្យាល័យ Louisville នៅ Kentucky បាន​ឲ្យ​ដឹងថា ប្រភេទ​បាក់តេរី បង្ក​ជា​ជំងឺ​អញ្ចាញធ្មេញ និង​ជំងឺ​រលាក​សន្លាក់ មាន​ទំនាក់ទំនង​នឹង​គ្នា ដល់​កម្រិត​វា​ងាយ​វិវត្តន៍ រីកចម្រើន​លឿន​ជាង និង​កម្រិត​ធ្ងន់ធ្ងរ​ជាង ។​

​បាក់តេរី​បង្ក​ជំងឺ​អញ្ចាញធ្មេញ បង្កើតជា​អង់​ហ្ស៊ី​ម​មួយ​ប្រភេទ មាន​ឈ្មោះថា Deiminanse peptidylargenine (PAD) អាច​ប្រតិកម្ម​ជាមួយ​បរិមាណ​ប្រូតេអ៊ីន​កំណត់​មួយ ។​

​ពួក​អ្នកវិទ្យាសាស្ត្រ បាន​រកឃើញថា អង់​ហ្ស៊ី​ម PAD ផ្លាស់ប្តូរ​បរិមាណ​ប្រូតេអ៊ីន បង្កើតជា​អាស៊ីត​អាមីន មិនចាំបាច់ Citrulline ។ អាស៊ីត​អាមីន​នេះ ក្លាយជា​ជន​លុកលុយ នាំ​ដល់​ការវាយប្រហារ ប្រព័ន្ធ​អង្គ​បដិបក្ខ​ក្នុង​សរីរាង្គ ។​

​លទ្ធផល​នៃ​ការស្រាវជ្រាវ បាន​ត្រូវ​បង្ហាញថា អ្នក​ត្រូវ​រលាក​អញ្ចាញធ្មេញ នឹង​មានការ​ប្រឈម​ខ្ពស់ កើត​ជំងឺ​រលាក​សន្លាក់ សណ្ឋាន​ទាប ៕M/V/L

​វីតាមីន D មិន​ជួយ​កាត់បន្ថយ​កម្រិត​កូ​ឡេ​ស្តេ​រ៉ូល​

យោង​តាម​ការ​សិក្សា​ដែល​ចុះផ្សាយ​ក្នុង​ព្រឹត្តិបត្រ American Health Association បានបង្ហាញ​ថា ការ​ទទួលទាន​ថ្នាំ​វីតាមីន D មិន​មាន​ប្រយោជន៍​ក្នុង​ការបន្ថយ​កម្រិត​កូ​ឡេ​ស្តេ​រ៉ូល​ទេ​។​

​ក្រុម​អ្នកស្រាវជ្រាវ​ផ្នែក​វេជ្ជសាស្ត្រ ដែល​ដឹកនាំ​ដោយ​ម៉ា​នី​ស ផុន​ដា នៃ​សាកលវិទ្យាល័យ​រ៉ុក​ខេ​ហ្វេល​ឡឺរ (Rockefeller University) បាន​សិក្សា​លើ​មនុស្ស ១៥១​នាក់ ដែល​ខ្វះ​វីតាមីន D ហើយ​បាន​ទទួលទាន​វីតាមីន D បរិមាណ​ច្រើន ឬ​ថ្នាំ​បញ្ឆោត​រាល់​សប្តាហ៍ រយៈពេល​៨​សប្តាហ៍​។

 

​លទ្ធផល​រកឃើញថា គ្មាន​ការប្រែប្រួល​ណាមួយ ត្រូវបាន​រកឃើញ​ថា អាច​កាត់បន្ថយ​កម្រិត​កូ​ឡេ​ស្តេ​រ៉ូល នៅ​ចុងបញ្ចប់​នៃ​ការព្យាបាល​ទេ​។ របកគំហើញ​នេះ ត្រូវ​បាន​ចុះផ្សាយ​ក្នុង​ព្រឹត្តិបត្រ Arteriosclerosis , Thrombasis and Vacula Biology​។​

​តាម​ការគ្រោងទុក នៅ​ឆ្នាំ​នេះ ក្រុម​អ្នកស្រាវជ្រាវ នឹង​ធ្វើ​ការសិក្សា​បន្ថែម​ទៀត ដោយ​ផ្តោត​លើ​ការ​ប៉ះ​ត្រូវ​ពន្លឺ​ថ្ងៃ រយៈពេល​យូរ (​ជា​វិធី​ធម្មជាតិ ដែល​រាងកាយ​អាចបង្កើត​វីតាមីន D) និង​កម្រិត​កូ​ឡេ​ស្តេ​រ៉ូល​។​

​ការសិក្សា​នេះ ក៏​គ្រោង​នឹង​ផ្តោត​ទៅលើ​កង្វះ​វីតាមីន D និង​ការកើនឡើង​នៃ​ការ​ប្រឈម​នឹង​ការបាត់បង់​ជីវិត ដោយ​ជំងឺ​ផ្សេងៗ ក្នុងនោះ រួម​ទាំង​ជំងឺ​បេះដូង ដែលជា​មូលហេតុ​នៃ​ការស្លាប់​ដ៏​ចម្បង នៅ​អាមេរិក​ផងដែរ​៕​

​អ្នក​ចូលចិត្ត​ទទួលទាន​ហឹរ​អាចជួយ​កាត់បន្ថយ​ជាតិ​ខ្លាញ់​

សម្រាប់​អ្នក​ដែល​ចូលចិត្ត​ទទួលទាន​ហឹរ​ចាត់ទុកថា ជា​មនុស្ស​មានសំណាង​ល្អ ព្រោះ​យោងតាម​ការពិសោធន៍​ថ្មីថ្មោង​នេះ​បានបង្ហាញ​លទ្ធផល​ឲ្យ​ឃើញថា វា​អាចជួយ​កាត់បន្ថយ​ជាតិ​ខ្លាញ់​នៅក្នុង​ឈាម​បាន ។​

តាម​កម្រង​ឯកសារ​សិក្សា​ស្រាវជ្រាវ​មាន​ចំណងជើង​ថា “ការពិសោធន៍​មើល​ប្រូតេអ៊ីន​” ក្រុម​អ្នក​ពិសោធន៍​របស់លោក​ចុង​វង់​យ៉ុ​ន បាន​រកឃើញថា សារជាតិ​អាហារ​បានផ្តល់​នូវរស​ជាតិ​ហឹរ​មាននៅ​ក្នុង​ម្ទេស វា​មាន​ប្រយោជន៍​សម្រាប់​ការកកើតឡើង​នៃ​ការប្រែប្រួល​ជាមួយនិង​ប្រូតេអ៊ីន ផ្សេងៗ​នៅក្នុង​រាងកាយ ធ្វើ​ឲ្យ​ទម្ងន់​ខ្លួន​ស្រក​ចុះ​បាន ។​

មិន​ត្រឹមតែ​ប៉ុណ្ណោះ​ថែមទាំង​ជួយ​កាត់បន្ថយ​អាការ​ស្រូបយក​កាល់​ឡូរី និង​ធ្វើ​ឲ្យ​សន្ទះ​សាច់​ខ្លាញ់​រួញ​មាឌតូច ជាពិសេស​កាត់បន្ថយ​ក​ម្រិ​ត​ខ្លាញ់ នៅក្នុង​ឈាម​ដោយ​មិនដឹង​មូលហេតុ​បាន​ទៀតផង ។​

អ្នក​ពិសោធន៍​បាន​រកឃើញថា សត្វ​កណ្តុរ ដែល​គេ​បានផ្តល់​សារជាតិ​ហឹរ​ឲ្យ​វា​អាច​សម្រក​ទម្ងន់​ចុះ​បាន​៨​ភាគរយ ។ ក្រៅពីនោះ​ថែមទាំង​បង្ហាញ​ទៀតថា វា​មានការ​ប្រែប្រួល​កម្រិត​ប្រូតេអ៊ីន ដ៏​សំខាន់​នៅក្នុង​ខ្លាញ់​យ៉ាងហោចណាស់​ក៏​មិន​ទាប​ជាង​២០​ប្រភេទ​ផងដែរ ៕f

​តិច​និក​ការពារ​មិន​ឲ្យ​កើត​ជំងឺ​ផ្តាសាយ​

ចំពោះ​កុមារ និង​មនុស្សពេញវ័យ​ដែល​មាន​ប្រព័ន្ធ​ការពារ​រាងកាយ​ខ្សោយ នោះ​ប្រាកដជា​ឆាប់​ទទួលបាន​ការឆ្លង​រាលដាល​ពី​មេរោគ​ផ្តាសាយ ដែល​វា​ងាយ​នឹង​កើត​ជា​ញឹកញាប់​។


​​ទោះបីជា​បែប​នេះ​ក្តី លោកអ្នក​អាច​ការពារ​ជំងឺ​នេះ​បាន ដោយ​គ្រាន់តែ​អនុវត្ត​នូវ​វិធី​ងាយៗ​ដូចខាងក្រោម​នេះ​៖


​​១-​ត្រូវ​លាងដៃ​ឲ្យបាន​ញឹកញាប់​។ កាលពី​ពេល​ថ្មីៗ​នេះ មជ្ឈមណ្ឌល​ស្រាវជ្រាវ​ផ្នែក​សុខភាព របស់​កងទ័ព​សហរដ្ឋអាមេរិក បាន​រកឃើញថា អ្នក​ដែល​លាងដៃ​ក្នុង ១​ថ្ងៃ ៥​ដង ការ​កើត​ជំងឺ​ផ្តាសាយ​ធំ និង​ជំងឺ​ផ្លូវដង្ហើម​ថយចុះ ៤៥%​។ ការលាង​ដៃ​នេះ គួរតែ​លាង​ពីរ​សារ​ក្នុង​មួយ​លើកៗ​។​


​​២-​ចាក់​វ៉ាក់សាំង ការពារ​ជំងឺ​ផ្តាសាយធំ​ជា​រៀងរាល់ឆ្នាំ​។​


​​៣-​ដាក់ចេល ជាប់​តាម​ខ្លួន​ជានិច្ច សម្រាប់​លាងដៃ សម្លាប់​មេរោគ​។​


​​៤-​ប្តូរ​ច្រាស​ដុសធ្មេញ​ថ្មី រៀងរាល់ ៣ ខែម្តង ព្រោះ​ច្រាស​ដែល​ធ្លាប់​ប្រើប្រាស់​យូរ​មកហើយ​នោះ អាច​ជា​ប្រភព​ប្រមូលផ្តុំ​មេរោគ​។ បើ​យក​ល្អ គួរតែ​ផ្លាស់ប្តូរ​ច្រាស​នោះ​ចោល នៅ​ពេល​ឈឺ​ផ្តាស​សាយ​ម្តងៗ​។ ធ្វើ​ដូច្នេះ ដើម្បី​ការពារ​កុំឲ្យ​ឆ្លង​មេរោគ​បន្ថែមទៀត​។​


​​៥-​បរិភោគ​ខ្ទឹមស ជា​រៀងរាល់ថ្ងៃ​។​


​​៦-​ហាត់​តាំងសមាធិ ១​ថ្ងៃ ១​ដង អាច​ជួយ​កាត់បន្ថយ ភាព​តប់ប្រមល់​បាន ព្រោះ​យោង​តាម​លទ្ធផល​ស្រាវជ្រាវ អ្នកឯកទេស បាន​រកឃើញថា អ្នក​ដែល​មាន​ភាព​តប់ប្រមល់ តានតឹង ប្រឈម​កើត​នឹង​ជំងឺ​ផ្តាសាយ ញឹកញាប់​ជាង​អ្នក​ដែល​មិន​តប់ប្រមល់​រហូតដល់​ទៅ ២​ដង ឯណោះ​។​


​​៧-​ប្រើ​ដៃ ក្រដាស ឬ​ក្រណាត់​បិទ​ច្រមុះ មាត់ នៅពេល​កណ្តាស់ ដើម្បី​កុំឲ្យ​ចម្លង​មេរោគ​នៃ​ជំងឺ​ផ្តាសាយ​នេះ ទៅ​អ្នកដទៃ​។​


​​៨-​ផ្លាស់ប្តូរ ឬ​បោកគក់​កន្សែង​ជូ​តដៃ រៀងរាល់ ៣-៤​ថ្ងៃ​ម្តង ក្នុង​អំឡុង​ពេល​មាន​ជំងឺ​ផ្តាសាយ ឬ​គ្រុន​ផ្តាស​សាយ​ធំ រាតត្បាត​។ ឯ​ទឹក​សម្រាប់​បោកគក់​នោះ ត្រូវ​ប្រើ​ទឹ​កក្តៅ​។​


​​៩-​កុំ​ពិសារ​ថ្នាំ​អង់​ទី​ប៊ីយ៉ូ​ទិក​ដដែលៗ​ពេក​។ គួរ​ទៅ​ជួប​ពិគ្រោះ​ជាមួយ​គ្រូពេទ្យ ដើម្បី​ទទួល​ការពិនិត្យ និង​ព្យាបាល​ជំងឺ​ឲ្យបាន​ត្រឹមត្រូវ​។​


​​១០-​ការលេង​កីឡា គឺជា​ឱសថ​ដ៏​វិសេសវិសាល ព្រម​ទាំង​ការ​ហាត់ប្រាណ​ជា​ប្រចាំ​ផង ជួយ​បង្កើន​កម្រិត​អង្គ​បដិបក្ខ (​ប្រព័ន្ធ​ការពារ​រាងកាយ​) នៅក្នុង​ខ្លួន ឲ្យ​កាន់តែរឹងប៉ឹង​មាំមួន​ជាង​មុន​។​


​​ទោះយ៉ាងណា បើ​អ្នក​កើត​ជំងឺ​នេះ ក៏​អាច​ព្យាបាល​បាន ដោយ​ការប្រើ​ថ្នាំ​ឲ្យបាន​សមស្រប និង​មាន​ប្រសិទ្ធភាព​៕​

​អាហារ​គួរ​ចៀសវាង​សម្រាប់​អ្នក​លើសឈាម​

លើសឈាម ជា​អាការៈ​ជំងឺ​ទូទៅ​និង​គ្រោះថ្នាក់ ។ របប​ទទួលទាន មាន​តួនាទី​សំខាន់ ជាពិសេស​ចំពោះ​អ្នក​លើសឈាម ។​ ​ខាងក្រោម​នេះ​ជា​ប្រភេទ​អាហារ​មួយ​ចំនួន​ដែល​អ្នក​លើសឈាមគួរ​ចៀសវាង​ប្រើប្រាស់​ ៖
​   ​ជ្រក់​ត្រសក់​ ៖ ជ្រក់ត្រសក់​ផ្ទុក​កាឡូរី​តិច ជា​រឿង​ល្អ​សម្រាប់​សុខភាព ។ តែ​ប្រភេទ​អាហារ​នេះ​មាន​បរិមាណ Na ខ្ពស់ (Na ធ្វើឱ្យ​កន្ត្រាក់​សរសៃឈាម មាន​ឥទ្ធិពល​ដល់​ដំណើរការ​ដឹកជញ្ជូន​ឈាម​ទៅដល់​បេះដូង និង​បង្ក​ជា​អាការៈ​លើសឈាម​) ។ ផ្លែ​ត្រសក់​ត្រាំ​មួយ​អាច​ផ្ទុក​៥៧០​មិល្លីក្រា​ម Na ប្រហាក់ប្រហែល​នឹង​១/៣​កម្រិត​កំណត់ Na ដែល​អ្នក​អាច​ប្រើប្រាស់​ក្នុង​មួយថ្ងៃ ។​
​   ​ដំឡូងបារាំង​ចៀន​ ៖ ទោះបី​ភោជនីយដ្ឋាន​មួយចំនួន​ចៀន​ដំឡូង បារាំង​ដោយ​ប្រេង ពុំមាន trans fat  (​អាស៊ីត​ខ្លាញ់​) តែ​បរិមាណ​សារជាតិ​ខ្លាញ់​និង Na នៅតែ​ខ្ពស់ ។ ដំឡូងបារាំង​ចៀន​មួយ​ចាន​ធុន​ល្មម​ផ្ទុក ២៧០ មិល្លីក្រា​ម Na និង​១៩​ក្រាម​សារជាតិ​ខ្លាញ់ ។​
​    ​ហ​ត​ដក​សាច់ជ្រូក​ ៖ អាច​ជា​អាហារ​ដ៏​ពេញចិត្តប្រសិន​អ្នក​មិន​លើសឈាម ។ ហត​ដក​៣​បន្ទះ​ផ្ទុក ២៧០ មិល្លីក្រា​ម Na និង​៤,៥​ក្រាម​សារជាតិ​ខ្លាញ់ ។​
​   ​ទឹកដោះគោ​ ៖ ជា ​ប្រភព​ផ្គត់ផ្គង់​កាល់ស្យូម​មួយ តែ​ក៏​ផ្ទុក​សារជាតិខ្លាញ់​ច្រើន ។ ក្នុង​ទឹកដោះគោ​មួយ​កែវ​មាន​៨​ក្រាម​សារជាតិ​ខ្លាច់ និង​៥​ក្រាមសារជាតិ​ខ្លាច់​មិន​រលាយ។ ជាតិ​ខ្លាញ់​មិន​រលាយ​មិនល្អ​សម្រាប់​អ្នក​ជំងឺថ្លើម ហើយ​ក៏​គ្រោះថ្នាក់​សម្រាប់​អ្នក​លើសឈាម ។​
​   ​នំ​ចៀន​ ៖ នំ​ចៀន​មួយ​អាច​ផ្ទុក​២០០​កា​ឡូរី និង​១២​ក្រាម​សារជាតិ​ខ្លាញ់មិន​ល្អ​សម្រាប់​សុខភាព​របស់​អ្នក​។​
​    ​ប៊័រ​រុក្ខជាតិ​ ៖ ប្រភេទ ​អាហារ​នេះ​មិន​គ្រោះថ្នាក់​ទាំងស្រុង​ឡើយ ។ ចំពោះ​អ្នក​លើសឈាម​ពួកគេ​ត្រូវ​ការធានា​ប្រភេទ​ប៊័រ​រុក្ខជាតិ ដែល​គេ​ប្រើប្រាស់​មិន​ផ្ទុក​សារជាតិ​ខ្លាញ់​មិន​រលាយ​។  ចូរ​អាន​ឱ្យ​ហ្មត់ចត់​ព័ត៌មាន​លើ​ប្រអប់ ដើម្បី​មាន​ជម្រើស​ល្អ​សម្រាប់​សុខភាព ។​
​    ​ស្ករ​ ៖ រឿង ​ចង់​និយាយ​ដល់​នៅទីនេះ គឺ​ប្រភេទ​អាហារ​មាន​បរិមាណ​កាឡូរី និង​ស្ករ​ហួស​កម្រិត ដូចជា​នំ​ប៊ី​សគ្វីត និង​សូកូឡា ។ អាហារ​នេះ​អាច​ធ្វើឱ្យ​ធាត់ ជា​កត្តា​គ្រោះ​ថ្នាក់​មួយ បង្ក​ជា​ជំងឺលើសឈាម ។​
​    ​ស្រា​ ៖ ផឹកស្រា​ អាច​ធ្វើឱ្យ​លើសឈាម ។ ស្រា​ក៏​អាច​បង្ករ​បួស​ឱ្យគែម​សរសៃឈាម ទន្ទឹម​នោះ​ធ្វើឱ្យ​កើន​គ្រោះថ្នាក់​ត្រូវ​បន្ថែម​ជំងឺ​ផ្សេងៗ​ទៀត ។​
​    ​សាច់​ក្រហម​ ៖ ចំពោះ​អ្នក​លើសឈាម​, ត្រូវ​កំហិត​ដល់​កម្រិត អតិបរមា​ការបរិភោគ​សាច់​ក្រហម​ក្នុង​អាហារ​ប្រចាំ​ថ្ងៃ ។ ប្រភេទ​អាហារ នេះ​ពុំ​ត្រឹមតែ​មាន​ពាក់ព័ន្ធ​ដល់​ជំងឺលើសឈាម​ប៉ុណ្ណោះ​ទេ តែ​នៅ​ធ្វើឱ្យ​កើនគ្រោះថ្នាក់ គ្រោះថ្នាក់​ដទៃ​ទៀត​ប្រសិន "​ជ្រុល​" ទទួលទាន​ច្រើន ៕
​    ​

ទទួលទាន​ទុរេន​បែបណា ឲ្យ​បាន​ត្រឹមត្រូវ​?

​ក្រុមគ្រូពេទ្យ បាន​ណែនាំ​ពី​វិធី​ត្រឹមត្រូវ សម្រាប់​ការទទួល​ទាន​ទុរេន នៅក្នុង​រដូវក្តៅ​ថា ដោយសារ​ពេលនេះ ទិន្នផល​ទុរេន កំពុង​វាតទី​នៅក្នុង​ទីផ្សារ ដូច្នេះ​គួរ​ទទួលទាន​ក្នុង​មួយពេល មិន​លើសពី ២​គ្រាប់​ធំ​ល្មម ព្រោះ​វា​ផ្តល់​ថាមពល​ខ្ពស់​រហូត ១៨៧ កាឡូរី​។ ក្នុង​បរិមាណ​នេះ រាងកាយ​និង​ទទួលបាន​ខ្លាញ់ ប្រូតេអ៊ីន កាល់ស្យូម ហ្វូ​ស​ហ្វ័​រ ដែក និង​វីតាមីន A ក្នុង​កម្រិត​សមរម្យ​។​
​ប៉ុន្តែ​ប្រសិនបើ​ទទួលទាន​លើសពីនេះ ថាមពល​ពី​រសជាតិ​ផ្អែម​ក្នុង​សាច់ ទុរេន​អាច​ប្រៀប​ស្មើនឹង​បានទទួល​ទាន​បាយ​រហូតដល់​៥​វែក​ឯណោះ ឬ​ស្មើនឹង​ទឹកក្រូច ២ កំប៉ុង បើ​ពុំនោះ​ស្មើនឹង​គុយទាវ​សាច់ជ្រូក ១​ចាន​ឯណោះ​។​
​សម្រាប់​អ្នក​ដែលមាន​រោគ​ប្រចាំកាយ ដូចជា ទឹកនោមផ្អែម បេះដូង និង សរសៃឈាម គួរ​ប្រយ័ត្នប្រយែង​បំផុត​ក្នុងការ​ទទួលទាន​ទុរេន ព្រោះ​អាច​ប៉ះពាល់​សុខភាព​ខ្លាំង​ជាង​មនុស្ស​ធម្មតា​។​
​កត្តា​សំខាន់ ហាម​ទទួលទាន​ទុរេន​ជាមួយ​ភេសជ្ជៈ​មាន​ជាតិ​ស្រវឹង ព្រោះ​នៅក្នុង​ទុរេន​មាន​សារជាតិ​ស្ពាន់ធ័រ ឬ​ស៊ុ​ល​ហ្វួ័​រ​ច្រើន​បំផុត​។ សារជាតិ​នេះ ងាយ​រលាយ​ជាមួយ​អាល់កុល ធ្វើ​ឲ្យ​ជាតិ​អាល់កុល​ហូរ​ចូលទៅក្នុង​ឈាម បាន​យ៉ាង​រហ័ស រហូត​ឆាប់​ស្រវឹង​ខ្លាំង និង​ធ្ងន់ធ្ងរ​ជាង​នេះ អាចធ្វើ​ឲ្យ​ប្រព័ន្ធ​ដកដង្ហើម​ប្រែប្រួល​ខុស​ប្រក្រតី ដែល​ប្រឈម​ទៅនឹង​ការបាត់​បង់ជីវិត ឬ​ក្តៅ​ក្នុង​ខ្លាំង​ថែម​ទៀតផង​៕

ប្រើ​អាស្ពីរីន​អាច​បង្ការ​ប្រឆាំង​មហារីក​

អាស្ពីរីន​អាច​បន្ថយ​តិច​បំផុត ៥០% ហានិភ័យ​បាត់បង់​ជីវិត​ដោយសារ​មហារីក​ពោះវៀន​

​ប្រើ​អាស្ពីរីន​ទៀងទាត់​អាចធ្វើ​ឲ្យ​ថយចុះ​ហានិភ័យ​រីកចម្រើន​មហារីក ឬ​បន្ថយ​អត្រា​បាត់បង់​ជីវិត​របស់​ជំងឺ ។​
​ការស្រាវជ្រាវ​វិទ្យាសាស្ត្រ​មួយ​ចង្អុល​បង្ហាញថា អ្នក​កើត​មហារីក​ខ្នែងពោះវៀន​នឹងមាន​លទ្ធភាព​នៅរស់​ខ្ពស់ជាង​ប្រសិន​គេ​ប្រើប្រាស់​អាស្ពីរីន ក្នុង​ដំណើរការ​ព្យាបាល ។​
​ការស្រាវជ្រាវ​មួយ​ពី​សកល​វិទ្យាល័យ​វេជ្ជសាស្ត្រ​នៅ​ហុ​ល្លង់ នៅលើ​អ្នកជំងឺ​មហារីក​ផ្តល់​លទ្ធផល​ថា ប្រសិន​អ្នកជំងឺ​ប្រើ​ថ្នាំ​អាស្ពីរីន​ជាប្រចាំ​ក្រោយ​វះកាត់​អាច​បន្ថយ​តិច​បំផុត ៥០% ហានិភ័យ​បាត់បង់​ជីវិត​ដោយសារ​មហារីក​ពោះវៀន ។ អាស្ពីរីន​ក្នុងករណីនេះ​មាន​ប្រសិទ្ធភាព​ទប់ស្កាត់​លទ្ធភាព​រាលដាល​របស់​ជំងឺ ។​



​ការស្រាវជ្រាវ​ក៏​បង្ហាញ​បន្ថែម​ភស្តុតាង​មួយចំនួន​ឲ្យ​ឃើញថា អាស្ពីរីន​មាន​មុខងារ​ទប់ស្កាត់​ជំងឺ និង​បង្កើន​លទ្ធភាព​នៅរស់​ឲ្យ​អ្នកជំងឺ ។​
​អាស្ពីរីន​ទប់ស្កាត់បាន​ឥទ្ធិពល​របស់​អង់​ហ្ស៊ី​ម COX - ជា​អង់​ហ្ស៊ី​ម​មួយ​រំញោច​សកម្មភាព​រលាក និង​បង្កើន​ហានិភ័យ​កើត​ជំងឺមហារីក​មួយចំនួន ។​
​ការស្រាវជ្រាវ​ថ្មីៗ​នេះ​បំផុត​ត្រូវបាន​អនុវត្ត​លើ​អ្នកជំងឺ ៩៩៩ នាក់ កើត​មហារីក​ពោះវៀនធំ​បាន​ឆ្លងកាត់​ការវះកាត់​ក្នុងអំឡុង​ពី​ឆ្នាំ ២០០២ -២០០៨ ។​
​អ្នកជំងឺ​សឹងតែ​ទាំងអស់​សុទ្ធតែ​ត្រូវបាន​វិនិច្ឆ័យ​កើត​ជំងឺ​នៅ​ដំណាក់កាល ៣ ឬ​ធ្ងន់​ជាង ។ លទ្ធផល​បង្ហាញថា ក្នុង ១៨២ នាក់ ប្រើប្រាស់​អាស្ពីរីន​ជាប្រចាំ​ក្រោយ​វះកាត់​នោះ​មាន ៦៩​នាក់ បាត់បង់​ជីវិត , ដណ្តើម​អត្រា ៣៨% ។ រីឯ​ក្នុងចំណោម​អ្នកជំងឺ ៨១៧ នាក់ មិន​ប្រើប្រាស់​ថ្នាំ នោះ​មាន ៣៦៩​នាក់ បាត់បង់​ជីវិត គឺមាន​អត្រា​ជិត ៥០% ។​
​ដូច្នេះ​អ្នកជំងឺ​កើត​មហារីក​ពោះវៀនធំ​ប្រើប្រាស់​អាស្ពីរីន អាច​បង្កើន​លទ្ធភាព​នៅ​រស់​ដល់​ជាង ៥០% ប្រៀប​នឹង​អ្នក​មិន​ប្រើ ។​

អាស្ពីរីន​មាន​មុខងារ​ទប់ស្កាត់​ជំងឺ និង​បង្កើន​លទ្ធភាព​នៅរស់​ឲ្យ​អ្នកជំងឺ​

​ឆ្នាំ ២០១១ ការស្រាវជ្រាវ​មួយ​ពី​សកល​វិទ្យាល័យ​អង់គ្លេស​បានបង្ហាញ​ថា ប្រើ​អាស្ពីរីន​រាល់ថ្ងៃ​អាច​ទប់ស្កាត់​មហារីក​រី​ក​ចម្រើន​ដល់ ៦០% ។​
​ពួក​ជំនាញការ​នៅ​និយាយថា មនុស្ស​ម​ជ្ឈឹ​ម​វ័យ​មាន​សុខ​ភាពល្អ​អាច​ចាប់ផ្តើម​លេបថ្នាំ​ឈឺក្បាល , សង្ឃឹម​បញ្ចៀស​បាន​ជំងឺមហារីក​ទៅ​ថ្ងៃមុខ ។​
​ប៉ុន្តែ​ពួក​ជំនាញការ​ចាត់ទុកថា ឥទ្ធិពល​បន្ទាប់បន្សំ​ហូរឈាម និង​បញ្ហា​អំពី​ក្រពះ​របស់​ថ្នាំ​អាស្ពីរីន ជា​បញ្ហា​គួរ​ឲ្យ​បារម្ភ​ចំពោះ​អ្នកប្រើប្រាស់​ថ្នាំ​សឹងតែ​ទាំងអស់ ។ ដូច្នេះ​មិនគួរ​ប្រើប្រាស់​ថ្នាំ​អាស្ពីរីន សម្រាប់​អ្នកមាន​ហានិភ័យ​មធ្យម​ចំពោះ​មហារីក​ពោះវៀនធំ ៕​M/T/L

ស៊ុត​ប្រឆាំង​ការចុះ​ខ្សោយ​នៃ​ខួរក្បាល

ជំងឺ​ភ្លេចភ្លាំង​វង្វេងវង្វាន់ អាច​កើត​ពី​ការ​ដែល​ខួរក្បាល​ត្រូវ​បំផ្លាញ ឬ​មាន​ការ​ចុះខ្សោយ​ទៅតាម​អាយុ មានការ​ថមថយ​មុខនាទី​របស់​ខួរក្បាល ។ ភាគរយ​នៃ​ការ​ប្រឈម​នឹង​ជំងឺ​វង្វេងវង្វាន់ គឺ​នឹង​កើតឡើង​តាម​អាយុកាល​របស់​មនុស្ស ជាពិសេស​អាយុ​ចាប់ពី ៦៥ ឆ្នាំ​ឡើង​ទៅ ដែល​គ្មាន​វិធី​ព្យាបាល​ឲ្យ​ជា​ដាច់​ឡើយ ។​
ទោះជា​យ៉ាងណា​ក៏ដោយ ការសិក្សា​ពី​សារធាតុ​អាហារ​ច្រើន​ប្រភេទ បាន​សរុប​លទ្ធផល​ថា សារធាតុ​ខូលីន (Cholin) ជា​សារធាតុ​អាហារ​ដែល​ចាំបាច់ ដល់​ការបង្កើត​កោសិកា​ខួរក្បាល ដែល​ចាប់ផ្ដើម​តាំង​ពី​ទារក​ក្នុង​ផ្ទៃ​ម្ល៉េះ ។ ដូចនេះ ខូលីន អាច​ការពារ និង​ព្យាបាល​ជំងឺ​វង្វេងវង្វាន់​បាន ។ ស៊ុត​ក្រហម ជា​អាហារ​ដែល​មាន​ខូលីន​ច្រើន​បំផុត ដែល​អាច​បង្កើន​ប្រសិទ្ធភាព​ក្នុង​ការចងចាំ និង​ជួយ​បន្ថយ​ការបាត់បង់​ការចងចាំ​របស់​មនុស្ស​ចាស់​បាន ។ លើសពីនេះ វា​មាន​ប្រយោជន៍​ជួយ​ការពារ​ខ្លាញ់ ក្នុង​សរសៃឈាម​បេះដូង​ទៀតផង ៕

ទទួលទាន​ត្រី និង​គ្រាប់​ធុញ្ញ​ជាតិ​អាចជួយ​កាត់បន្ថយ​ហានិភ័យ​នៃ​ជំងឺ​ភ្លេចភ្លាំង​ធ្ងន់ធ្ងរ

យោងតាម​ការសិក្សា​មួយ​ចេញផ្សាយ​លើ​វេប​សាយ​ទស្សនា​វ​ដ្តី​សុខភាព​អាមេរិក Neurology កាលពី​ថ្ងៃ​ពុធ​បាន​ឲ្យ​ដឹងថា ការទទួល​ទាន​ចំណីអាហារ​ដែល​ផ្ទុក​អាស៊ីត​ខ្លាញ់ Omega-3 ដូចជា​ត្រី ទឹក​សាឡា​ត់ និង គ្រាប់​ធុញ្ញ​ជាតិ អាច​បន្ថយ​កំរិត​ប្រូ​តេ​អ៊ីន​ក្នុង​ឈាម​ដែល​ពាក់ព័ន្ធ​និង​ជំងឺ​ភ្លេចភ្លាំង​ធ្ងន់ធ្ងរ (Alzheimer's) និង​បញ្ហា​ការចងចាំ​ជាច្រើន។​

​ពាក់ព័ន្ធ​និង​ការសិក្សា​នេះ មនុស្ស​ចំនួន ១.២១៩ នាក់​អាយុ​ច្រើនជាង ៦៥ឆ្នាំ ដែល​ពុំមាន​កើត​អាកា​រៈ​រវើរវាយ បានផ្តល់​នូវ​ព័ត៌មាន​អំពី​របប​អាហារ​របស់​ពួកគេ​សម្រាប់​រយៈពេល​ជា​មធ្យម ១,២ ឆ្នាំ មុនពេល​ឈាម​របស់​ពួកគេ​ត្រូវបានធ្វើ​តេស្ត៍​រកមើល​ប្រូតេអ៊ីន Beta-amyloid។ ពួក​អ្នកស្រាវជ្រាវ​ក៏បាន​ពិនិត្យមើល​យ៉ាង​ពិសេស​ទៅលើ​ជីវជាតិ​ទ្រទ្រង់​រាងកាយ មានដូចជា អាស៊ីត​ខ្លាញ់​សូ​លុយ​ស្យ៉ុ​ង​, អាស៊ីត​ខ្លាញ់ Omega-3, និង អាស៊ីត​ខ្លាញ់ Omega-6, អាស៊ីត​ខ្លាញ់​គ្មាន​សូ​លុយ​ស្យ៉ុ​ង​, វីតាមីន E, វីតាមីន C, វីតាមីន B12, អាស៊ីត Folate និង វីតាមីន D។​

​ការសិក្សា​នេះ​បាន​រកឃើញថា មនុស្ស​ដែល​ទទួលទាន​ត្រី​សម្បូរ​អាស៊ីត​ខ្លាញ់ Omega-3 កាន់តែច្រើន កំរិត​ប្រូតេអ៊ីន Beta-amyloid ក្នុង​ឈាម​ក៏​កាន់តែ​ថយចុះ​ដែរ។ ការទទួល​ទាន​អាហារ​មាន​ជាតិ​ខ្លាញ់ Omega-3 ចំនួន​មួយ​ក្រាម​ក្នុង​មួយថ្ងៃ​គឺមាន​ពាក់ព័ន្ធ​នឹង​ការថយចុះ​ជាតិ​ប្រូតេអ៊ីន Beta-amyloid ក្នុង​ឈាម​បាន ២០ ទៅ ៣០ ភាគរយ។ សារធាតុ​បំប៉ន​រាងកាយ​ផ្សេងទៀត​មិនមាន​ជាប់​ពាក់ព័ន្ធ​នឹង​ការថយចុះ​កំរិត​ប្រូតេអ៊ីន Beta-amyloid ក្នុង​ឈាម​នោះទេ​នៅក្នុង​ការសិក្សា​នេះ៕

​វិធី​៦​យ៉ាង​សម្រាប់​ការពារ​ក្នុង​ពេល​មក​រដូវ

ស្ត្រី​ជា​ច្រើន​តែង​ជួប​បញ្ហា​លំបាក​នៅពេល​ដល់​ថ្ងៃ​ធ្លាក់​រដូវ​។ បញ្ហា​តិច​ឬ​ច្រើន អាស្រ័យ​លើ​អា​ការៈកើតឡើង​ទៅលើ​ស្ត្រី​យើង​ម្នាក់ៗ​ប៉ុណ្ណោះ​។ បើ​ចង់​ទប់ទល់​ជាមួយ​អាការៈ​ទាំងនេះ លោកអ្នក​គប្បី​អនុវត្ត​វិធី​ដូចខាងក្រោម​៖


​    ​១-​ចង​ចាំ​ថ្ងៃ​ធ្លាក់​រដូវ​ឲ្យ​ជាក់លាក់ៈ​
​​ប្រការ​សំខាន់​បំផុត​បើ​ឧស្សាហ៍​ភ្លេច​ត្រូវ​កត់​ថ្ងៃខែ​នោះ ក្នុង​ប្រតិទិន​ថា អំឡុង​រដូវ​ខែ​របស់​អ្នក​តែង​ធ្លាក់​មក​ចំ​ថ្ងៃ​ណា ដើម្បី​ត្រៀម​ទប់ទល់​ឲ្យបាន​ត្រឹមត្រូវ​។


​    ​២-​កាត់បន្ថយ​អា​ការៈកើតឡើង​ក្នុងអំឡុងពេល​ធ្លាក់​រដូវៈ​
​​ដូចជា​អាការៈ​រមូលពោះ ចុក​រួយ ឈឺ​ដើមទ្រូង ឈឺក្បាល ឈឺ​ខ្នង ឈឺ​ត្រង់​ក្រោម​ផ្ចិត ស្រៀវស្រាញ​ក្នុង​ខ្លួន ចុកពោះ ។​ល​។​​ ​ចង់​បំបាត់​អាការៈ​ទាំងនេះ ស្ត្រី​ចាំបាច់​ត្រូវ​រក្សា​បរិមាណ​ទឹក​ក្នុង​រាងកាយ ដោយ​ការបរិភោគ​អាហារ​ដែល​មាន​វីតាមីន B6 និង​វីតាមីន​E កាល់ស្យូម និង​ម៉ាញ៉េ​ស្យូម​។ ស្ត្រី​ត្រូវ​ចងចាំ​ថា ក្នុងអំឡុង​នេះ មាន​ឈាម​ធ្លាក់​ច្រើន ដូច្នេះ​ត្រូវ​បរិភោគ​អាហារ​សំបូរ​ធាតុដែក​បន្ថែម​។


​    ​៣-​ចៀសវាង​ការផឹក​ភេសជ្ជៈ​ប្រភេទ​កាហ្វេ​អ៊ីនៈ
​​ព្រោះថា​នឹង​ធ្វើឲ្យ​ដើមទ្រូង​តឹង​អួល ឈឺក្បាល និង​មាន​អារម្មណ៍​តប់ប្រមល់ ពិសេស​គ្រឿង​ស្រវឹង​ដែលមាន​សារជាតិ​អាល់កុល ដែល​ជួយ​ឲ្យ​អ្នក​មាន​អារម្មណ៍​ប្រសើរឡើង​នោះ ពេល​បរិភោគ​ហើយ​មិន​ផ្តល់​ផល​ល្អ​ឡើយ​។


​    ​៤-​លំ​ហាត់ប្រាណ​យោ​ហ្គាៈ
​​ព្រោះ​អាច​ជួយ​កាត់បន្ថយ​អា​ការៈឈឺ​ក្បាល ក្តាមកាច់​ដៃជើង រោគ​ដេក​មិន​លក់ កាត់បន្ថយ​អា​ការៈឡើង​រឹង​តាម​ខ្នង ចុក​រួយ​ពោះ ក្រោម​ផ្ចិត​និង​ក​ញ្ចឹង​-​ក​។ ​បើ​កាត់បន្ថយ​អា​ការៈក្តាម​កាច់ដៃជើង ឲ្យ​បង្វិល និង​ម៉ាស្សា​-​ក ជើង​ទៅ​មក​ឲ្យបាន​ច្រើន​ដង​។​


​    ​៥-​បរិភោគ​អាហារ​ច្រើនដង តែម្តងៗ​បន្តិចបន្តួចៈ​
​​ជួយ​កាត់បន្ថយ​អា​ការៈតានតឹង​អារម្មណ៍ ជួយ​ទប់​កម្រិត​សារជាតិ​ស្ករ​ក្នុង​ឈាម ជួយ​ការពារ​អាការៈ​អស់កម្លាំង​ល្ហិត​ល្ហៃ និង​អា​ការៈឈឺ​ក្បាល​។​


​    ​៦-​បរិភោគ​អាហារ​ដែល​មានកា​ក​សរសៃ​ច្រើនៈ​
​​ដូច​ជា​បន្លែ ផ្លែឈើ សណ្តែក ដែល​ជួយ​កាត់បន្ថយ​ការបាត់បង់​សារជាតិ​ទឹក​ក្នុង​រាងកាយ​។ ត្រូវ​ចៀសវាង​ការបរិភោគ​អាហារ​ជំពូក​ទឹកដោះគោ ប៊័​រ សាច់​សត្វ ពីព្រោះ​ថា​សារជាតិ​ខ្លាញ់​បង្ក​ឲ្យ​កើតអា​ការៈឈឺ​ចុកចាប់​។ ក្រៅពីនេះ គួរ​បរិភោគ​គ្រាប់​រុក្ខជាតិ បន្លែ​ពណ៌​បៃតង និង​ខ្លាញ់ត្រី ដែល​អាច​ជួយ​កាត់បន្ថយ​អាការៈ​អស់កម្លាំង ល្ហិតល្ហៃ​បាន​យ៉ាង​ប្រសើរ​៕

​ផ្កា​អង្គាដី ជួយ​ព្យាបាល​អាការ​គ្រុន​ដោយសារ​ផ្លាស់ប្តូរ​រដូវ​

មនុស្ស​ជំនាន់​ដើម និយម​នាំ​គ្នា​ទទួលទាន​ផ្កា​អង្គាដី ជា ពិសេស​ទទួលទាន​ដើម្បី​ព្យាបាល​អាការ​គ្រុនដោយ សារការផ្លាស់ប្តូរ​អាកាសធាតុ​នៃ​រដូវ​នី​មួយៗ ដូចជា​ពី​រដូវក្តៅ​ទៅកាន់​រដូវរងា​។​


​​នៅក្នុង​ក្បួន​ឱសថ​បុរាណ បាន​កត់ត្រា​ទុក​ថា ផ្កា​អង្គាដី មាន​រសជាតិ​ផ្អែម​ល្វីង មាន​ប្រសិទ្ធភាព​បំបាត់​អាការ​ក្តៅ​ក្នុង ទើប​អាច​ជួយ​កាត់បន្ថយ​អាការ​គ្រុន ដែល​ភាគ ច្រើន​គេ​និយម​យក​ផ្កា​អង្គាដី​ទៅ​ធ្វើ​ជា​បន្លែ ឬ​អន្លក់​។​

 


​​ផ្កា​អង្គាដី​មាន​ប្រសិទ្ធភាព​ព្យាបាល​អាការ​ដូចជា​៖
​​-​ក្អក​ធ្លាក់​ឈាម ស្លេស្មិ៍​លាយ​ឈាម នោម​មាន​ឈាម​។​
​​-​ពិបាក​លេប​អាហារ ទោះបី​បាន​ប្តូរ​មក​ទទួល​ទាន​អាហារ​ប្រភេទ​ជ្រាយ​ក៏ដោយ​។​
​​-​អណ្តាត​ចេញ​អាការ​ជ្រាំង នៅក្នុង​ក្រអូមមាត់​លេច​ចេញ​អាការ​សៗ (​ជ្រាំ​ង​)​។​
​​-​មាន​ឈាម​ចេញ​តាម​ស្បែក ឬ​មាន​ស្នាមដំបៅ​ធំៗ​។​


​​ទោះបីជា​មាន​ការអះអាង​ទាក់ទិន​នឹង​ការព្យាបាល​អាការរោគ​ទាំងនេះ ជាមួយ​ផ្កា​អង្គាដី​ក្តី តែ​អ្នក​ត្រូវ​ប្រញាប់​រូតរះ​ទៅ​មន្ទីរពេទ្យ​ជាបន្ទាន់ ប្រសិនបើ​មាន​អាការ​បែបនេះ​៕

​មូលហេតុ​រោគ​អាស៊ីដ​ហូរ​បញ្ច្រាស​

ដោយសារ​សង្គម​មានកា​រ​វិវឌ្ឍន៍​លឿន​ទៅមុខ មនុស្ស​វ័យ​បំពេញការងារ តែងតែមាន​ភាព​ប្រញាប់ប្រញាល់​ខុស​វិធី ធ្វើ​ឲ្យ​ឈានឆ្ពោះ​ទៅរក​មូលហេតុ​កើត​រោគា​ផ្សេងៗ កាត់បន្ថយ​សុខភាព ធ្វើ​ឲ្យ​គុណភាព​ជីវិត និង​ប្រសិទ្ធភាព​ការងារ​ថយចុះ ដែលជា​ប្រភព​នៃ​រោគ​អាស៊ីដ​ហូរ​បញ្ច្រាស ដែល​កំពុង​កើតមាន​ច្រើន​បំផុត​ក្នុង​វ័យ​បំពេញការងារ​។​
​រោគ​អាស៊ីដ​ហូរ​បញ្ច្រាស ឬ Gastro Esophageal Reflux Disease (GERD) គឺជា​សភាវៈ​មួយ​នៃ​ការហូរ​បញ្ច្រាស​ក្នុង​ក្រពះ​អាហារ​ឡើងមក​បំពង់​អាហារ​។​
​*​មូលហេតុ​
​​កើតចេញពី​ភាពខុសប្រក្រតី ពី​រនាំង​ការពារ​រវាង​ក្រពះ​អាហារ និង​បំពង់​អាហារ ដោយសារ​រនាំង​មួយ​នេះ​បិទ​មិនបាន​ជិត ធ្វើ​ឲ្យ​អាស៊ីដ​នៅក្នុង​ក្រពះ​ដែលមាន​កម្រិត​ខ្ពស់ រួមទាំង​ប៉ិ​ប​សិន (Pepsin) ជា​ទឹក​រំលាយ និង​ទឹកប្រមាត់​ហូរ​បញ្ច្រាស​ឡើងទៅ​ដល់​
​បំពង់​អាហារ ហើយ​កាត់​បំផ្លាញ​ជញ្ជាំង​ក្នុង​បំពង់​អាហារ​ធ្វើ​ឲ្យ​រលាក ឬ​មាន​ដំបៅ​ក្នុង​បំពង់​អាហារ​។ ប្រសិនបើ​កើត​រ៉ាំរ៉ៃ អាចធ្វើ​ឲ្យ​មាន​បម្រែបម្រួល​របស់​កោសិកា​នៅក្នុង​សន្ទះ​សាច់​បំពង់​អាហារ ហើយ​អាច​ក្លាយទៅជា​រោគ​មហារីក​បំពង់​អាហារ​។​
​*​រោគសញ្ញា​ដែល​ឃើញ​ជា​ញឹកញាប់​
​-​មាន​អារម្មណ៍​ថា ផ្សា​ក្តៅ​នៅ​បរិវេណ​ដើមទ្រូង
​-​មានទឹក​រសជាតិ​ជូរ ឬ​ល្វីង​ច្រាល​ឡើងមក​ក្នុង​មាត់ ភើ​ហើយ​មាន​អារម្មណ៍​ថា​ជូរ​
​​-​ក្អក​ស្ងួត សំឡេង​ស្អក ឬ ឈឺ​-​ក ដែល​កើតចេញពី​អាស៊ីដ​ហូរ​បញ្ច្រាស​ឡើង​មកដល់​បរិវេណ​បំពង់​សំឡេង ធ្វើ​ឲ្យ​កើត​អាកា​រៈរ​លាក​បំពង់​សំឡេង​។
​​*​កត្តា​ភ្ងោ​ច​ឲ្យ​កើត​អាការៈរោគ​នេះ
​​-​បណ្តាលមកពី​ប្រើ​ជីវិត​ប្រចាំថ្ងៃ​ខុស​បែបបទ ដូចជា ផឹក​គ្រឿង​ស្រវឹង ជក់បារី ទទួលទាន​អាហារ​ខ្លាញ់ ឬ​មាន​ជាតិ​ហឹរ ការទទួល​ទាន​អាហារ​កៀក​ពេល​ដំណេក ស្លៀកពាក់​ចង្អៀត ទម្ងន់​ខ្លួន​កើនឡើង​ខ្លាំង និង​ទទួលទាន​ឱសថ​ប្រភេទ​ខ្លះ ដូចជា​ឱសថ​បំបាត់​ការឈឺចាប់​ជាដើម​។​
​*​ការព្យាបាល​
​​គេ​អាច​ប្រើ​ឱសថ​ដើម្បី​កាត់បន្ថយ​អាការៈរោគ​នេះ​ឲ្យ​ជាសះស្បើយ ក៏ប៉ុន្តែ​គួរ​ផ្លាស់ប្តូរ​ទម្លាប់​រស់នៅ​ប្រចាំថ្ងៃ​ទើប​ល្អ​៕​

ស្ត្រី​មាន​ផ្ទៃពោះ ទទួលទាន​ច្រើនពេក​ប្រយ័ត្ន​ធាត់​

The National Institute For Health and Clinical Excellence ឬ​ហៅ​កាត់​ថា Nice នៅ​ប្រទេស​អង់គ្លេស បាន​ចេញ​សេចក្ដីប្រកាស​ក្រើនរំលឹក ដល់​ស្ត្រី​មាន​ផ្ទៃពោះ​ថា ការ​ទទួលទាន​អាហារ ក្នុង​បរិមាណ​ច្រើន ព្រោះ​តែ​គិតថា កូន​អាចនឹងទទួល​សារធាតុ​អាហារ​មិន​គ្រប់គ្រាន់ រហូត​ដល់​កើន​ទម្ងន់​ខ្លួន​លើស​ពី​ទម្ងន់​ធម្មតា ដល់​ទៅ ១០-១២ គីឡូក្រាម រួម​ទាំង​មិន​សូវ​បានធ្វើការ​ហាត​ប្រាណ ទាំង​មុន និង​ក្រោយ​សម្រាល អាច​ធ្វើ​ឲ្យ​ម្ដាយ ឡើង​ទម្ងន់​លើស​ពី​ធម្មតា​បាន ។ ម្យ៉ាងទៀត ការ​ធា​ត់របស់​ម្ដាយ អាច​ធ្វើឲ្យ​កូន​មាន​ទម្ងន់​ធ្ងន់​ជាង​ក្មេង​ដទៃៗ​ទៀត ដែល​ធ្វើ​ឲ្យ​កូន​អាច​ប្រឈម​នឹង​ជំងឺ​ផ្សេងៗ ដូចជា ជំងឺ​ធាត់​ជាដើម ៕

ការ​ភាយ​ជាតិ​វិទ្យុសកម្ម​ពី​ប្រព័ន្ធ WiFi ធ្វើឲ្យ​គុណភាព​ទឹ​កកាមធ្លាក់ចុះ​

ការធ្វើ​ការងារ​នៅ​លើ Laptop ដោយ​ប្រើ Wireless អាច​រារាំង​ឱកាស​នៃ​ភាព​ក្លាយជា​ឪពុក​របស់​ក្មេង​ណា​ម្នាក់​បាន​។ ក្នុង​ការសិក្សា​មួយ​បាន​លើកឡើង​ថា ស្ពែម (​ទឹកកាម​)
​ដែល​ស្ថិត​ក្រោម​កុំព្យូទ័រ​ដែល​មាន​ភ្ជាប់​អ៊ី​ន​ធឺ​ណេត​តាមរយៈ WiFi ទទួលរង​ការខូចខាត​ច្រើន​ជាង​ការ​ដែល​រក្សា​ទឹកកាម​ក្រោម​សីតុណ្ហភាព​ដូច​គ្នា​ប៉ុន្តែ​ស្ថិតនៅ​ឆ្ងាយ​ពី​សញ្ញា    រ​បស់​Wireless ។​
​ ​
​លទ្ធផល​សិក្សា​នេះ​គឺ​មាន​សារៈសំខាន់​ណាស់​ព្រោះ​ក្តីបារម្ភ​កាលពី​លើក​មុនៗ​អំពី Laptop ដែល​បង្ក​ឲ្យ​គ្មាន​កូន (​អារ​) បាន​ផ្តោត​សំខាន់​ទៅលើ​កំដៅ​ដែល​បង្កើតឡើង​ដោយ​កុំព្យូទ័រ Laptop ។​
​ ​
​នៅក្នុង​ការសិក្សា​ចុងក្រោយ​នេះ ក្រុម​អ្នកស្រាវជ្រាវ​បាន​យក​ទឹកកាម​ពី​បុរស​ចំនួន ២៩ នាក់​អាយុ​ចាប់ពី ២៦ ដល់ ៤៥ ឆ្នាំ និង ទុក​ទឹកកាម​ទាំងនោះ​នៅ​ក្រោម Laptop​ដែល​មាន​ភ្ជាប់​ប្រព័ន្ធ WiFi និង ទាំង​នៅ​ឆ្ងាយ​ពី​កុំព្យូទ័រ ។​
​ ​
​ក្រោយមក Laptop បានធ្វើការ Upload និង Download ព័ត៌មាន​ចេញពី​អ៊ី​ន​ធឺ​ណេ​ត​អស់ពេល ៤ ម៉ោង ។ ក្រោយពី​បញ្ចប់​ការពិសោធន៍​រួចមក ២៥​ភាគរយ​នៃ​ទឹកកាម​ស្ថិតក្រោម Laptop លែង​ធ្វើ​ការផ្លាស់​ទី និង ៩ ភាគរយ​ទៀត​បាន​បង្ហាញ​នូវ​ការ​ខូច DNA ។​
​ ​
​ព្រឹត្តិបត្រ​ព័ត៌មាន​ស្តីពី​លទ្ធភាព​បង្កើតកូន និង ភាព​គ្មាន​កូន (The Journal Fertility and Sterility) បានឲ្យដឹងថា ដោយ​ធ្វើ​ការប្រៀបធៀប គំរូ​ទឹកកាម ១៤ ភាគរយ​
​ដែល​រក្សា​ទុក​ឆ្ងាយ​ពី WiFi បាន​ឈប់​ធ្វើ​ការផ្លាស់​ទី និង ប្រមាណ​តែ ៣ ភាគរយ​ប៉ុណ្ណោះ​បាន​រង​ការខូត​នូវ DNA ។​
​ ​
​ក្រុម​អ្នកវិទ្យាសាស្ត្រ​មកពី​អាមេរិក និង អា​ហ្សង់​ទីន ជឿថា ការភ្ជាប់​ប្រព័ន្ធ Wireless នឹង​បង្កើត​នូវ​ចំហាយ​ជាតិ​វិទ្យុសកម្ម​អេឡិចត្រូ​ម៉ាញ៉េតិច​ដែលបំផ្លាញ​គុណភាព​ទឹកកាម ។​
​ ​
​អ្នកដឹកនាំ​ស្រាវជ្រាវ​មក​ពី​វិទ្យាស្ថាន Nascentis Medicina Reproductiva ក្នុង​ទីក្រុង Cordoba ប្រទេស​អា​ហ្សង់​ទីន បាន​និយាយថា ‹​ទិន្នន័យ​របស់​យើង​បាន​លើកឡើង​ថា ការប្រើ​កុំព្យូទ័រ Laptop ភ្ជាប់​ប្រព័ន្ធ WiFi និង ការដាក់ Laptop នោះ​នៅ​ក្បែរ​សរី​រាង្គ​បន្ត​ពូជ​របស់​បុរស​អាច​បន្ថយ​នូវគុណ​ភាពស្ពែម ឬ ទឹកកាម​របស់​មនុស្ស​យើង​› ។​
​ ​
‹​នៅពេល​បច្ចុប្បន្ន​នេះ យើង​មិន​ទាន់​ដឹងថា​តើ​ឥទ្ធិពល​នេះ​ត្រូវ​បាន​បង្កឡើង​ដោយ​គ្រប់​កុំព្យូទ័រ​ដែល​ភ្ជាប់​តាមរយៈ WiFi ទៅ​អ៊ី​ន​ធឺ​ណេត ឬ​ក៏​ស្ថានភាព​ក្នុង​ការប្រើប្រាស់​កុំព្យូទ័រ​មួយណា ឬ​យ៉ាងណា​នោះទេ​ដែល​បង្កើនឲ្យមាន​ផលប៉ះពាល់​នេះឡើង​› ។​
​ ​
​ការ​ធ្វើ​តេស្ត៍​សាកល្បង​មួយ​ទៀត​ជាមួយ  Laptop ដែល​កំពុងតែ​បើក​ឲ្យ​ដំណើរកា​រតែ​មិន​មាន​ភ្ជាប់ Wireless នោះទេ បាន​រកឃើញ​នូវ​ចំហាយ​ជាតិ​វិទ្យុ​សកម្ម EM ដែល​គេ​មិន​ចាប់​អារម្មណ៍​ចេញពី​ម៉ាស៊ីន​កុំព្យូទ័រ​តែឯង​ផងដែរ ។​
​ ​
​លទ្ធផល​សិក្សា​នេះ​បាន​ធ្វើឲ្យ​កើត​មាន​ក្តីបារម្ភ​ដែល​លើកឡើង​ដោយ​ក្រុម​អ្នកស្រាវជ្រាវ​មួយ​ចំនួន​ផ្សេង​ទៀត ។ ក្រុម​អ្នកស្រាវជ្រាវ​មួយចំនួន​បាន​រកឃើញថា​ចំហាយ​ជាតិ​វិទ្យុសកម្ម​ចេញពី​ទូរស័ព្ទដៃ​បាន​ធ្វើ​ឲ្យទឹកកាម​ខ្សោយ​ទៀតផង ។​
​ ​
​ទោះជា​យ៉ាងណា​ក៏ដោយ វេជ្ជបណ្ឌិត Robert Oates មកពី Society for Male Reproduction and Urology បាន​ក្លាយទៅជា​ឪពុក​របស់​ក្មេង​២​នាក់​រួច​ទៅ​ហើយ​ថ្វីបើ​គាត់​កំពុង​ប្រើ Laptop និង iPhone ក៏ដោយចុះ ។ លោក​បាន​និយាយថា លោក​មិន​ជឿថា Laptop គឺជា​ការគំរាមកំហែង​ដល់​សុខភាព​បន្ត​ពូជ​របស់​បុរស​នោះទេ ។

​លោក​បន្ថែមថា ការសិក្សា​ថ្មី​នេះ​មិនមែន​ជា​ជីវវិទ្យា​ស្តីពី​ជីវិត​ពិត​របស់​មនុស្ស​នោះទេ នេះ​គ្រាន់តែ​ជា​ការរៀបចំ​ក្លែងក្លាយ​សុទ្ធសាធ​មួយ​ប៉ុណ្ណោះ ៕

​ˆ​ថ្នាំ​បញ្ចុះ​កូ​ឡេ​ស្តេ​រ៉ូ​ល អាច​ទប់ស្កាត់​ជំងឺមហារីក

តាម​ការស្រាវជ្រាវ​ថ្មី​មួយ ក្រុម​អ្នកវិទ្យាសាស្ត្រ បានឲ្យ ដឹងថា ថ្នាំ Statin ដែល​តាំងពីដើម​មក ត្រូវបាន​ប្រើ ប្រាស់ ដើម្បី​បញ្ចុះ​បរិមាណ​កូ​ឡេ​ស្តេ​រ៉ូលក្នុង​សរីរាង្គ​នោះ វា​មាន​លទ្ធភាព​ធ្វើឱ្យ​ថយចុះ​គ្រោះថ្នាក់​កើត​ជំងឺមហារីក​នៅលើ​មនុស្ស​បាន​។​

​យោង​តាម​ការស្រាវជ្រាវ​នោះ ក្រុម​អ្នកវិទ្យាសាស្ត្រ ក៏​បាន​បង្ហាញថា Statin នាំមក​នូវ​ប្រសិទ្ធភាព ពុំ​ត្រឹមតែ​ចំពោះកូ​ឡេ​ស្តេ​រ៉ូ​លឡើយ​។ តាំងពី​យូរ​មក​ហើយ គេ​នៅតែ​ពុំ​ទាន់​កំណត់​បាន​ច្បាស់​ថា ប្រភេទ​ថ្នាំ​មាន​ផ្ទុក Lipitor, Crestor និង Zocor នេះ​ធ្វើឱ្យ​កើន ឬក៏​ថយចុះ​នូវ​គ្រោះថ្នាក់​កើត​ជំងឺមហារីក​នេះ​នៅឡើយ​ទេ​។ ប៉ុន្តែ​ការស្រាវជ្រាវ​មួយចំនួន ថ្មីៗ​នេះ បានចង្អុលបង្ហាញ​ថា វា​អាច​បន្ថយ​ការ ប្រឈម​នឹង​ការកើត​ជំងឺមហារីក​មួយចំនួន​។​

Gabriel Chodiek និង​សហសេវិក​នៅ​ស្ថាប័ន​ថែទាំ​សុខភាព Macabi នៃ​អង្គការ​ការពារ​សុខភាព​មួយ​នៅ​ប្រទេស​អ៊ីស្រាអែល បាន​ពិនិត្យ​មើល​ឯកសារ​សុខភាព​របស់​អ្នកជំងឺ​ជាង ២.០០០​នាក់ ដែល​បាន​ប្រើប្រាស់ Statin ពី​ឆ្នាំ​១៩៨៨ ដល់​ឆ្នាំ​២០០៧ ។ គ្រោះថ្នាក់​កើត​ជំងឺ​មហារីក នៅលើ​អ្នក​ប្រើប្រាស់ Statin ជាប់​ជានិច្ច ក្នុងអំឡុងពេល​វែង​មួយ គឺ​មាន​សញ្ញា​ថយចុះ​។ តាមរយៈ​នេះ អត្រា​នេះ ថយចុះ ដល់​៣១​ភាគរយ​នូវ​ជំងឺមហារីក lympho​។ ក្នុង​អំឡុង​ពេល​ស្រាវជ្រាវ មនុស្ស​៨.៦៦២​នាក់ ត្រូវបាន​វិនិច្ឆ័យ​កើត​ជំងឺ​មហារីក​។ ប៉ុន្តែ​អ្នក​ដែល​បាន​ប្រើ Statin  ហាក់ដូច​ជាប់​រហូត​(៨៦​ភាគរយ ឡើងទៅ​) គឺ​ស្ថិតក្នុង​ក្រុម​មនុស្ស​ពុំ​សូវ​ត្រូវ​វិនិច្ឆ័យ​កើត​ជំងឺមហារីក​បំផុត​។​

​នេះ​ពុំមែន​ជា​ការស្រាវជ្រាវ​ដំបូង ដែល​បាន​បង្ហាញថា Statin អាច​ធ្វើឱ្យ​ថយចុះ​គ្រោះថ្នាក់​កើត​ជំងឺមហារីក​ឡើយ តែ​នេះ​ជា​ការស្រាវជ្រាវ​ទ្រង់ទ្រាយ​ធំ​បំផុត តាំងពី​មុន​មក​ទល់​បច្ចុប្បន្ន​។​

Statin តាំងពីដើម​មក មាន​ប្រសិទ្ធភាព​បន្ទាប​គ្រោះថ្នាក់​ឈឺ​បេះដូង និង​ស្ត្រូក ដោយ​វិធី​ធ្វើឱ្យ​ថយចុះ​បរិមាណ​កូ​ឡេ​ស្តេ​រ៉ូល​ច្បាម​នៅ​សរសៃឈាម​។ វា​មាន​ឥទ្ធិពល​ទៅដល់​គែម​សរសៃឈាម និង​បន្ថយ​ការ​រលាក​ឆ្លង​។ អាស្រ័យ​ដោយ Statin ការ​ប្រឈម​ស្លាប់​ដោយសារ​ជំងឺ​ផ្តាសាយ និង​រលាក​សួត​នៅ​លើ​មនុស្ស ក៏​ថមថយ​។ ថ្នាំ​នេះ​អាច​ការពារ​អ្នក​ជក់បារី​។​

​ថ្នាំ​បញ្ចុះ​កូ​ឡេ​ស្តេ​រ៉ូ​ល ជា​ប្រភេទ​ថ្នាំ ត្រូវបាន​ចេញ​វេជ្ជបញ្ជា​ជាទូទៅ​បំផុត​នៅ​ប្រទេស​អាមេរិក ។ ប្រមាណ​២៥​ភាគរយ​នៃ​មនុស្សពេញវ័យ និង​មនុស្ស​ចាស់​នៅ​អាមេរិក ប្រើប្រាស់ Statin​។ ប៉ុន្តែ​ថ្នាំ​នេះ ក៏​ពុំ​មែន​គ្មាន​គ្រោះថ្នាក់​ទាំងស្រុង​ឡើយ​។ Statin  អាច​បង្ក​ការឈឺ​សាច់ដុំ ហើយ​ក្នុងចំណោម​អ្នក​ប្រើ Statin ១០.០០០​នាក់​នោះ មាន​ម្នាក់​កើត​ជំងឺ rhabdomyolysis ។ ក្រៅពីនេះ ថ្នាំ​នេះ​ក៏​បង្ក​ឥទ្ធិពល​ទៅដល់​ថ្លើម​។ កាលពី​ខែ​កុម្ភៈ ស្ថាប័ន​គ្រប់គ្រង​ឱសថ និង​អាហារ​អាមេរិក ព្រមាន​ថា Statin អាច​ធ្វើឱ្យ​ថមថយ​ការចងចាំ និង​កើត​ជំងឺ​ទឹកនោម​ផ្អែម​។​

​ប៉ុន្តែ​ក្រុម​អ្នកស្រាវជ្រាវ នៅ Brigham និង​មន្ទីរពេទ្យ​ស្ត្រី​នៅ​បូ​ស្តុន បាន​ចាត់ទុកថា ផលប្រយោជន៍​ដែល Statin ផ្តល់ឱ្យ​គឺ​ច្រើន​ជាង​ឆ្ងាយ បើ​ប្រៀបធៀប​នឹង​គ្រោះថ្នាក់​ដែល​វា​បង្កឡើង​៕​

វីតាមីន C និងជំងឺគ្រួសតម្រងនោម

​បុរស​ប្រើ​ថ្នាំ​គ្រាប់​វីតាមីន C តិច​បំផុត ១.០០០mg ម្តង​ក្នុង​១​ថ្ងៃ គឺ​បង្កើន​គ្រោះថ្នាក់​កើត​ក្រួសតម្រងនោម​២​ដង ។​
​ នោះ​ជា​លទ្ធផល​ស្រាវជ្រាវ​របស់​ពួក​អ្នកវិទ្យាសាស្ត្រ​នៅ​វិទ្យាស្ថាន Karolinska (​ស៊ុយអែត​) ក្នុង​រយៈពេល​១១​ឆ្នាំ លើ​មនុស្ស​ចាប់ពី​ម​ជ្ឈឹ​ម​វ័យ​ឡើងទៅ​ចំនួន​២២.០០០​នាក់ ។​
​នៅ ​អ្នក​ប្រើ​វីតាមីន C រាល់ថ្ងៃ ៣,៤% កើត​ក្រួសតម្រងនោម ប្រៀប​នឹង ១,៨% អ្នក​មិន​ប្រើ​វីតាមីន C រាល់ថ្ងៃ ។ មូលហេតុ​គឺ​ដោយសារ​បរិមាណ​វីតាមីន C ដែល​សរីរាង្គ​ស្រូបយក​ត្រូវបាន​បញ្ចេញ​ក្នុង​ទឹកនោម​នៅ​សណ្ឋាន Oxalat ។ Oxalat និង​កាល់ស្យូម​គួបផ្សំ​ទៅជា​ក្រាម​តូចៗ និង​ក្លាយជា​ក្រួសតម្រងនោម ។​

​បណ្ឌិត Laura Thomas អ្នកដឹកនាំ​ការស្រាវជ្រាវ​សង្កត់ធ្ងន់ថា គ្រោះថ្នាក់​កើត​គ្រួស​តម្រង​នោះ​ដោយសារ​ការប្រើ​វីតាមីន C សំខាន់​ចំណុះ​ទៅលើ​បរិមាណ​ប្រើប្រាស់​រាល់ថ្ងៃ និង​ការ​គួបផ្សំ​របស់​វីតាមីន C ជាមួយ​ពពួក​សារជាតិ​ជីវជាតិ​ផ្សេងៗ​ដែល​សរីរាង្គ​ស្រូបយក ។​
​ការស្រាវជ្រាវ​ត្រូវបាន​ប្រកាស​លើ JAMA international medicine ។​
​ ក្នុងការ​ស្រាវជ្រាវ​មួយ​ផ្សេង​ត្រូវបាន​ដំណើរការ​លើ​មនុស្ស​មជ្ឈិមវ័យ ៤០០.០០០​នាក់ នៅ​៨​រដ្ឋ​របស់​អាមេរិក ពី​ឆ្នាំ​១៩៩៥ ដល់ ១៩៩៦ បង្ហាញថា បុរស​ដែល​ទទួលទាន​តិច​បំផុត ១.០០០mg កាល់ស្យូម ក្នុង​១​ថ្ងៃ នោះ​កើន​២០% គ្រោះថ្នាក់​បាត់បង់​ជីវិត ដោយសារ​ជំងឺ​សរសៃឈាម​បេះដូង ។​
​ប៉ុន្តែ ក្រុម​ស្រាវជ្រាវ​ពី​វិទ្យាស្ថាន​មហារីក​ជាតិ (​អាមេរិក​) មិន​រកឃើញ​ទំនាក់ទំនង​រវាង​ការ​ទទួលទាន​កាល់ស្យូម និង​ជំងឺ​សរសៃឈាម​បេះដូង​នៅ​ស្ត្រី ៕​M

​វិធី​ពិនិត្យ​សុដន់​ដោយ​ខ្លួនឯង​

អ្នក​អាច​ពិនិត្យ​សុដន់​ដោយ​ខ្លួនឯង​បាន​ម្តង ក្នុង​១​ខែ បន្ទាប់ពី​មក​រដូវ​រួច​ដោយ​សង្កេត​ពី​លក្ខណៈ​របស់​សុដន់ តើ​មួយណា​មាន​សភាព​ធំ​ជាង​ធម្មតា​ដែរឬទេ​?

 

សភាព​ស្បែក តើ​មាន​ពណ៌​ខុស​ប្រក្រតី​ដែរឬទេ​? ដូចជា​មាន​ពណ៌​ក្រហម​ខុស​ធម្មតា ឬ​មាន​ស្នាម​កន្ទួល​ដែរឬទេ​? បន្ទាប់មកទៀត អ្នក​គួរប្រើ​ចុង​ម្រាមដៃ​សង្កត់​ឲ្យ​ពេញ​សុដន់ ដោយ​អ្នក​អាច​សង្កត់​ជា​ផ្នែកៗ ឬ​ជា​រង្វង់​ក៏បាន​។


​អ្នក​គួរ​ច្របាច់​ក្បាល​សុដន់​ផង ដើម្បី​ពិនិត្យថា តើ​មាន​ទឹក​ហៀរ​ចេញមក​ដែរឬទេ​? ប្រសិនបើ​មាន​ទឹកថ្លាៗ វា​ប្រហែលជា​អាច​មាន​ដុំ​គី​ស នៅ​ខាងក្នុង ប៉ុន្តែ​ប្រសិនបើ​មាន​ឈាម​ប្រហែលជា​អាច​មាន​សាច់​ដុះ​នៅក្នុង​បំពង់​ទឹក​ដោះ​។​


​ម្យ៉ាងទៀត ប្រសិនបើ​អ្នក​ច្របាច់​ទៅ​មាន​ទឹកដោះ​ហៀរ​ចេញមក អ្នក​គួរ​ប្រញាប់​ទៅ​ជួប​គ្រូពេទ្យ ដើម្បី​ពិនិត្យមើល​ថា តើ​អ័រម៉ូន​នៅក្នុង​ខ្លួន​អ្នក មាន​ភាពខុសប្រក្រតី​ដែរឬទេ​?...៕​

​ផឹក​កាហ្វេ​ច្រើន​បំផ្លាញ​ខួរក្បាល

ការ​ផឹក​កាហ្វេ និង​ស្រា​ច្រើន​បំផ្លាញ​ខួរក្បាល ដោយ​លោក​សាស្ត្រ​ចារ្យ​វេជ្ជបណ្ឌិត ដេ​នៀល ជី​អេ​មែន អ្នកជំនាញ​ផ្នែក​ចិត្ត​វិទ្យា និង​សកម្មភាព​មនុស្ស​ពី​សាកលវិទ្យាល័យ​កាលីហ្វ័​ររ​នីញ៉ា​អឺ​វីន សហរដ្ឋអាមេរិក បាន​សរសេរ​សៀវភៅ​ឈ្មោះ ’Change Your Brain,Change Your Life” បាន​គូសបញ្ជាក់ថា ការ​ផឹកស្រា កាហ្វេ​បំផ្លាញ​ខួរក្បាល​ស្មើនឹង​អ្នក​ប្រើ​ថ្នាំញៀន​ប្រភេទ​កញ្ឆា ឬ​កូកាអ៊ីន ព្រោះ​រសជាតិ​នៅក្នុង​ភេសជ្ជៈ​នោះ ជា​ការរារាំង មិន​ឲ្យ​ឈាមរ​ត់​ទៅ​ចិញ្ចឹម​ចំណែក​ខ្លះ​នៅ​ក្នុង​ខួរក្បាល ។
លោក អេ​មែន បាន​ស្កែន​ខួរក្បាល​អ្នក​ជំងឺរយៈពេល ១៥ ឆ្នាំ មកហើយ ដើម្បី​ពិនិត្យមើល​តួនាទី​របស់​ខួរក្បាល​អ្នកជំងឺ ដែល​មាន​បញ្ហា​ខាង​រោគ​ចិត្ត ហើយក៏​បាន​រកឃើញ​បញ្ហា ដែល​កើតឡើង​មិនមែន​គ្រាន់តែ​ផ្លូវចិត្ត​ប៉ុណ្ណោះ​ទេ ក៏ប៉ុន្តែ​ខួរក្បាល​ធ្វើការ​មិន​បាន​ល្អ​ទៀតផង គឺ​ធ្វើការ​ច្រើន​ហួសពេក និង​តិចពេក ចាត់ទុកថា ជា​ការ​ធ្វើ​ការងារ​ខុស​ប្រក្រតី​របស់​ខួរក្បាល ។​
លោក​ពោល​បន្តទៀតថា មាន​អ្នកជំងឺ​ម្នាក់​បាន​មក​រក​លោក ហើយ​ប្រាប់​ថា មិនសូវ​មាន​កម្លាំងកំហែង មិនសូវ​មាន​សមាធិ​ដែល​ក្រោយពេល​ស្ដែន​ដោយ​ឧបករណ៍ SPECT ក៏​រកឃើញថា ខួរក្បាល​ត្រង់​ចំណែក​ខ្លះ រង​ការខូចខាត ។ អ្នកជំងឺ​អះអាងថា មិន​ធ្លាប់​ប្រើ​ថ្នាំញៀន មិន​ផឹក​ស្រា តែ​គេ​ព្រម​ទទួលស្គាល់​ថា ជក់បារី ១ ថ្ងៃ ៣ កញ្ចប់ ផឹក​កាហ្វេ ១ ថ្ងៃ ៣ កែវ ។ ទោះ​យ៉ាងណា​ក៏​ដោយ​មិន​មែន​កើតមាន​លើ​មនុស្ស​គ្រប់គ្នា​នោះទេ ដែល​ខួរក្បាល​រង​ការខូចខាត ប្រសិនបើ​ផឹក​កាហ្វេ និង​ស្រា​ច្រើន ព្រោះ​ខួរក្បាល មនុស្ស​ខ្លះ​អាច​ធន់​បាន និង​ខួរក្បាល​អ្នកខ្លះ​ទៀត​មិន​អាច​ធន់​បាន ។ ការ​ផឹក​កាហ្វេ ឬ​ស្រា ក្នុង ១ សប្ដាហ៍ ២-៣ កែវ វា​ជា​ទង្វើ​មួយ​ដែល​អាច​ទទួលយកបាន ក៏​ប៉ុន្តែ​ប្រសិនបើ​ផឹក​កាហ្វេ​ក្នុង ១ ថ្ងៃ ៨ កែវ ស្រា ២ កែវ គឺជា​បរិមាណ​ដ៏​ច្រើន​បំផុត​ហើយ ៕

​មនុស្ស​ស្គម​ដុះ​ក្បាលពោះ​ប្រឈម​នឹង​ជំងឺ​បេះដូង​

យោងតាម​ការសិក្សា​ថ្មី​មួយ បានបង្ហាញ​ថា មនុស្ស​ដែល​មាន​ទម្ងន់​ធម្មតា ឬ​ស្គម តែ​មាន​ខ្លាញ់​ច្រើន នៅ​ក្បាលពោះ (​ដុះ​ក្បាលពោះ​) មានការ​ប្រឈម​នឹង​ការស្លាប់​ពី​ជំងឺ​បេះដូង ខ្ពស់​ជាង​មនុស្ស​ធាត់​ខ្លាំង​។


​ការសិក្សា​នេះ​ត្រូវបាន​បង្ហាញ​ក្នុង​កិច្ចប្រជុំ​ជំងឺ​បេះដូង​អឺរ៉ុប (Eropean Society of Cardiology) នៅ​ក្រុង​មុយ​និច ប្រទេស​អាល្លឺម៉ង់ ដោយ​បាន​សិក្សា​ទៅលើ​មនុស្ស​វ័យ​ជំទង់​អាមេរិក ចំនួន ១២.៧៨៥ នាក់ ដែល​បាន​ចូលរួម​ក្នុង​ការ​ស្ទាបស្ទង់​ជាតិ និង​ត្រូវ​តាមដាន​ជា​មធ្យម ១៤ ឆ្នាំ​។ ក្នុង​អំឡុងពេល​នោះ អ្នកចូលរួម​ចំនួន ២.៥៦២ នាក់ បាន​ស្លាប់ ដោយ​ក្នុង​នោះ​រួមមាន ១.១៣៨ នាក់ ស្លាប់​ដោយ​ជំងឺ​បេះដូង​។​


​អ្នកស្រាវជ្រាវ​ចាត់ទុក​អ្នកចូលរួម​ថា មាន​ទម្ងន់​ប្រក្រតី ប្រសិនបើ​កម្រិត​សមាមាត្រ​រាងកាយ BMI នៅ​ចន្លោះ ១៨,៥ និង ២៤,៩ លើស​ទម្ងន់​បើ BMI ចន្លោះ ២៥-២៩,៩ និង​ធាត់​ខ្លាំង​បើ BMI លើស ៣០​។ រីឯ​បរិមាណ​ទម្ងន់ ធៀប​នឹង​ចង្កេះ ត្រូវ​កំណត់​ដោយ​អត្រា​ចង្កេះ ធៀប​ត្រគាក (​ទំហំ​ចង្កេះ ចែក​នឹង​ទំហំ​ត្រគាក​)​។ បន្ទាប់មក អ្នកចូលរួម​ត្រូវ​បែងចែក​ជា ៦ ក្រុម ទៅតាម​ក្រុម BMI ទាំងបី​។​


លទ្ធផល​រកឃើញថា អ្នក​ច​ចូលរួម​ដែលមាន BMI ប្រក្រតី ប៉ុន្តែ​មាន​អត្រា​ទំហំ​ចង្កេះ​ធៀប​ត្រគាក​ខ្ពស់ មានការ​ប្រឈម​នឹង​ការស្លាប់​ដោយសារ​ជំងឺ​សរសៃឈាម​បេះដូង និង​ការ​ប្រឈម​ខ្ពស់​នៃ​ការស្លាប់​ពី​មូលហេតុ​ណាមួយ​នៃ​ជំងឺ​បេះដូង​។​


​យោង​តាម​វេជ្ជបណ្ឌិត ការី​ន សាហា​គី​យ៉ាន (Dr.Karine Sahakyan) ដែលជា​អ្នក​ស្រាវជ្រាវ មក​ពី​គ្លីនិក​ម៉ា​យ៉ូ (Mayo Clinic) បាន​ប្រាប់ថា “​ការ​ប្រឈម​ខ្ពស់​នៃ​ការស្លាប់ ប្រហែល​អាចពាក់ព័ន្ធ​នឹង​ជាតិ​ខ្លាញ់​ក្បាលពោះ ដែល​កើនឡើង​ក្នុង​ក្រុម​ទាំងនេះ ដែល​វា​ជាប់ទាក់ទង នឹង​ការ​ស៊ាំ​អ៊ី​ន​ស៊ូ​លីន (Insulin) និង​កត្តា​ប្រឈម​ផ្សេងៗ​ទៀត​”៕

​មូលហេតុ​ដែល​ទឹក​សណ្តែក​ជា ​"​សត្រូវ​" របស់​បុរស​

ថ្វី​ត្បិត​សណ្តែកសៀង​ផ្គត់ផ្គង់​ផលប្រយោជន៍​សុខភាព​ជា​ច្រើន​ តែការស្រាវជ្រាវ​មួយចំនួន​បង្ហាញ​ថា វា​អាច​មាន​ឥទ្ធិពល​បន្ទាប់បន្សំ​អសកម្ម ចំពោះ​បុរស​ពេល​ប្រើប្រាស់​វា​ក្នុង​បរិមាណ​ច្រើន ។​
​    ​សមាសធាតុ​របស់​ទឹក​សណ្តែកសៀងៈ
​     ​ទឹក​សណ្តែក​មាន​ផ្ទុក isoflavones ។ តាម​សមាគម​មហារីក​អាមេរិក  isoflavones អាច​មាន​ឥទ្ធិពល​ធ្វើ​ឱ្យ​ខ្សោយ​សកម្មភាព estrogen នោះ​ជាមូលដ្ឋាន​សម្រាប់​មូលហេតុ​ ដែល​បុរស​មួយចំនួន​គួរ​ចៀសវាង​ទឹក​សណ្តែក ។ ធម្មតា ទឹក​សណ្តែក​មិន​ផ្ទុក​កាល់ស្យូម​ច្រើន​ប៉ុន្មាន​ឡើយ​ ប៉ុន្តែ​អ្នកផលិត​មួយ​ចំនួន​ ក៏​បាន​បង្កើន​កាល់ស្យូម និង​សារជាតិ​ជីវជាតិ​ផ្សេងៗ​ សម្រាប់ផលិតផល​ធ្វើ​ពី​ទឹក​សណ្តែក ។​
​    ​បន្ថយ​មេ​ជីវិត​
​     ​មហាវិទ្យាល័យ​ហារ​វ៉ាដ បានប្រកាស​ការស្រាវជ្រាវ​អំពី "​ការបង្កើតមនុស្ស​" បង្ហាញថា របប​ទទួលទាន​ពាក់ព័ន្ធ​ដល់​សណ្តែកសៀង និង isoflavone ធ្វើឱ្យ​ថយចុះ​កម្រិត​មេ​ជីវិត​នៅ​បុរស ។ ថ្វី​ត្បិត​ថយ​ចុះ​តិច តែ​វា​ត្រូវបាន​ចាត់ទុក​ថា មាន​អត្ថន័យ​ស្ថិតិ ។ ការស្រាវជ្រាវ​ទាំងឡាយ​បានបង្ហាញ​ថា របប​ទទួលទាន​របស់​បុរស ប្រសិន​រួមមាន​ទាំង​សណ្តែកសៀង​នោះ នឹង​ជះ​ឥទ្ធិពលតិច​ច្រើន​ ទៅដល់​បរិមាណ​មេ​ជីវិត ។ ក្រៅពីនេះ ក្នុង​ការស្រាវជ្រាវ​ជា​ច្រើន មាន​និយាយ​ថា អាហារ​សណ្តែកសៀង​ នៅ​ជា​មូលហេតុ​ផ្ទាល់​បង្ក​ជា​ស្ថានភាពមេ​ជីវិត​ទាប​ នៅក្នុង​ខ្លួន​បុរស​លើស​ទម្ងន់​ និង​ធាត់ ។​
​    ​ច្របូកច្របល់​ភាព​ឡើង​រឹង
ការស្រាវជ្រាវ​មួយចំនួន​បង្ហាញ​ថា បរិមាណ​ដ៏​ច្រើន​នៃ​សណ្តែកសៀង អាច​ធ្វើឱ្យ​ថយចុះ​សមត្ថកិច្ច​របស់​លិង្គ ។ isoflavone កំណត់​មួយ​ត្រូវបាន​រកឃើញ​ក្នុង​សណ្តែកសៀង ដូចជា daidzein វា​មាន​ឥទ្ធិពល​ដល់​សមត្ថកិច្ច​ឡើងរឹង​របស់​លិង្គ​, រឿង​នេះ​ត្រូវបាន​ស្រាវជ្រាវ​នៅ​សត្វ​កណ្តុរ ។​
​    ​ការស្រាវជ្រាវ​ត្រូវបាន​ប្រកាស​លើ​ទស្សនា​វ​ដ្តី​នៅ Andrology បង្ហាញថា ការប្រើប្រាស់ daidzein នៅ​យុវជន​ អាចមាន​ឥទ្ធិពល​អសកម្ម​ដល់​ស​ម​ត្ថ​កិច្ច​របស់លិង្គ​ នៅ​វ័យ​កំលោះ ។ សត្វ​កណ្តុរ​ដែល​ស៊ី daidzein មាន​កម្រិត​ឡើង​រឹង​ខ្សោយជាង​ ប៉ុន្តែ testosterone មិន​ត្រូវ​រង​ឥទ្ធិពល ។ ក្នុង​ការស្រាវជ្រាវ​នេះ​  daidzein មិន​ឥទ្ធិពល​ដល់​ទំហំ​លិង្គ និង​ការលូតលាស់​។ ប៉ុន្តែ​ ពួក​អ្នកស្រាវជ្រាវទទួលស្គាល់ថា ការស្រាវជ្រាវ​លើ​កណ្តុរ​ មិន​ប្រាកដ​ថា​ឆ្លុះបញ្ចាំង​លទ្ធផលដូច​គ្នា​នៅ​មនុស្ស ។​
​    ​ទង្វើ​ពាក់ព័ន្ធ​
សណ្តែកសៀង​អាចមាន​ឥទ្ធិពល​ដល់​ទង្វើ​​បុរស ។ ពួក​អ្នក​ស្រាវជ្រាវ ពី​មជ្ឈមណ្ឌល​សុខភាព​ មហាវិទ្យាល័យ Wake Forest Baptis បាន​ចែក​ស្វា​ឈ្មោល ពេញវ័យ​ជា​ ៣​ក្រុម និង​ស្រាវជ្រាវ​ក្នុង​រយៈពេល​ ១៥​ខែ ។ ១​ក្រុម​ ស៊ី​ប្រមាណ ១២៥​មិល្លីក្រា​ម isoflavone ពី​សណ្តែកសៀង​រាល់ថ្ងៃ ។ ក្រុមទី​២ ប្រើ​ពាក់កណ្តាល​ចំនួន​នោះ​ និង​ក្រុម​ទី​៣ ស៊ី​ប្រូតេអ៊ីន​ពី​ទឹកដោះគោ និង​ពី​ប្រភព​សត្វ ។ ពពួក​ស្វា​ឱ្យ​ស៊ី isoflavone ជាមួយនឹង​កម្រិត​ខ្ពស់​ បាន​បង្ហាញ​ទង្វើ​គឃ្លើន​ជាង និង​ធ្វើ​តាម​ជាង ធៀប​នឹង​ក្រុម​ផ្សេងៗ វា​ក៏​ចំណាយ​ពេល​តិចតួច​ នៅក្បែរ​ស្វា​ដទៃទៀត ដោយ​បង្កើន​ពេលវេលា​នៅ​ម្នាក់ឯង ៕​

៦​មូ​ល​ហេតុ​ធ្វើ​ឲ្យ​អ្នក​គ្មាន​កម្លាំងកំហែង​

សម្រាប់​អ្នក​ដែល​ឧស្សាហ៍​ខ្សោយ អស់កម្លាំង​មូលហេតុ​អាច​មិនមែន​ដោយសារតែ​អត់ងងុយ​តែ​ម្យ៉ាង​នោះទេ ​មូលហេតុ៦យ៉ាង​ខាងក្រោម ក៏​អាចធ្វើ​ឲ្យ​អ្នក​គ្មាន​កម្លាំងកំហែង​បានដែរ ...​។​

១-​អស់កម្លាំង​ដោយសារ​បច្ចេកវិទ្យា :
អ្នកជំនាញ​បាន​ឲ្យ​ដឹងថា បច្ចេកវិទ្យា (Technology) គឺជា​ដើមហេតុ​ចម្បង​បំផុត​ដែល​ធ្វើ​ឲ្យ​មនុស្ស​ងាយ​នឿយ​ហត់ អស់កម្លាំង​ដោយសារ​បច្ចេកវិទ្យា​ទាំងអស់នេះ ចាំ​ជំរុញ​យើង​គ្រប់ពេលវេលា​ធ្វើ​ឲ្យ​ថាមពល​របស់​យើង​អស់ ។ ក្រៅពីនេះ ពន្លឺ​ពី​computer កាត់បន្ថយ​ការផលិត​មេ​ឡា​ថូ​នី​ន (Melatonin) ដែលជា​អ័រម៉ូន​នៃ​ការ​គេង​លក់​ផងដែរ ។​

មាន​មនុស្ស ៧៩% ប្រាប់ថា​នៅពេល​ស្ថិតក្នុង​បន្ទប់​ដែលមាន​កាបូនឌីអុកស៊ីដ​ខ្ពស់ ពួកគេ​មាន​អារម្មណ៍​អស់កម្លាំង ហើយ​ការបើក​បង្អួច​ឬ​ដាំ​ដើមឈើ​អាចជួយ​បាន ។ សីតុណ្ហភាព​ក្តៅ​ក៏​ជា​មូលហេតុ​មួយ​ដែរ ដោយ​អ្នកស្រាវជ្រាវ​រកឃើញថា​មនុស្ស​ចាប់ផ្តើម​មាន​អាការៈ​អស់កម្លាំង​ពេល​សីតុណ្ហភាព​ក្នុង​បន្ទប់​ខ្ពស់ជាង​២៥​អង្សា ។​

២-​ខ្វះ​ជាតិ​ដែក : អ្នកជំនាញ​បញ្ជាក់ថា អាហារ​ជា​មូលហេតុ​ចម្បង ដែល​ធ្វើ​ឲ្យ​យើង​អាច​ទទួលបាន​ជាតិ​ដែក​គ្រប់គ្រាន់ ប៉ុន្តែ​អ្វីដែល​ស្ត្រី​ជួប​ញឹកញាប់​បំផុត គឺ​ការបាត់បង់​ឈាមរដូវ​ប្រចាំខែ ។ ចង់បាន​ជាតិ​ដែក ១៨.​ម​.​ក្រ ក្នុង​មួយថ្ងៃ តាម​បរិមាណ​ដែល​អ្នកជំនាញ​បាន​ណែនាំ​នោះ​ត្រូវ​ទទួលទាន​សាច់​ក្រហម ៣​ដង ក្នង​មួយ​សប្តាហ៍ ទទួលទាន​ធញ្ញជាតិ​បន្ថែម​ជាតិ​ដែក រាល់ថ្ងៃ​និង​បន្លែ​បៃតង​ជាប្រចាំ ទើប​អាច​បឺត​ស្រូប​ជាតិ​ដែក​ពី​សាច់សត្វ ។ ដូច្នេះ​អ្នក​អាច​តម​សាច់​គួរ​ទទួលទាន​សណ្តែក រួមជាមួយ​អាហារ​ដែលមាន​វីតាមីន​C ទើប​រាងកាយ​ក្នុង​ត្រូវការ​បឺត​ស្រូប​អាហារ ។​

៣-​សោកសៅ : ជំងឺ​សោកសៅ អាច​នាំទៅរក​អារម្មណ៍​គ្មាន​សេចក្តីសុខ គ្មាន​កម្លាំងចិត្ត​ក្នុង​ជីវិត អ្នក​អាចមាន​អារម្មណ៍​អស់កម្លាំង គ្មាន​ថាមពល ។ ការហាត់​ប្រាណ​ជាប្រចាំ ជា​វិធី​ព្យាបាល​ជំងឺ​សោកសៅ កម្រិត​ស្រាល​បានល្អ​បំផុត ប៉ុន្តែ​បើ​ធ្ងន់ធ្ងរ​គួរ​ប្រញាប់រ​ត់ទៅ​ប្រឹក្សា​ជាមួយ​អ្នកជំងឺ​ផ្លូវចិត្ត ។​

៤-​អាល់​លែរ​ហ្ស៊ី : ការស្រាវជ្រាវ​ពី​ប្រទេស​អ៊ីស្រាអែល​បាន​ឲ្យ​ដឹងថា អ្នក​ដែល​រលាក​ច្រមុះ នឹង​ភ្ញាក់​ពី​គេង​ពេលយប់​ញឹកញាប់​ដល់ ៥០​ដង ទោះបី​ម្តង​តែ​ប៉ុន្មាន​វិនាទី​ក៏ដោយ ប៉ុន្តែ​វា​អាចធ្វើ​អាការ​ទន់ខ្សោយ​ធ្ងន់ធ្ងរ នៅក្នុង​អំឡុងពេល​ថ្ងៃ​បាន ។ ការ​លេបថ្នាំ​បំបាត់​អាល់​លែរ​ហ្ស៊ី (Allergy) នៅ​អំឡុង​ពេលយប់​មាន​ប្រសិទ្ធភាព និង​ជួយ​ឲ្យ​គេង​លក់​ស្រួល ។ លើសពីនេះ​ត្រូវ​កម្ចាត់​ធូលី​និង​មេរោគ​ផ្សិត ដោយ​ប្តូរ​ស្រោមខ្នើយ​ជាប្រចាំ បោកគក់​ជាប្រចាំ បោកគក់​កម្រាលពូក និង​ភួយ ក្នុង​ទឹក​ក្តៅ​៦០​អង្សា រាល់​សប្តាហ៍​និង​កម្ចាត់​មេរោគ​ផ្សិត បរិវេណ​ផ្អាប់​សើម ដូចជា​នៅក្រោម​អាង​លុបមុខ ជ័រ​ទ្វារ​ទូទឹកកក និង​គែម​បង្អួច​ជាដើម ។​

៥-​ទទួលទាន​ការ​បូ​អ៊ី​ដ្រា​ត​ខុស​ប្រភេទ : បើ​កម្រិត​ក្លុយកូស​ក្នុង​ឈាម​ធ្លាក់ចុះ​មួយ​រំពេច ដែល​អាច​កើតឡើង​បាន បើ​អ្នក​ទទួលទាន​កាបូ​អ៊ី​ដ្រា​ត (Carbohydrate) ដែលមាន​ជាតិ​ស្ករ​ខ្ពស់ វា​និង​ពន្យារ​ដំណើរការ​ដុតបំផ្លាញ និង​ធ្វើ​ឲ្យ​អស់កម្លាំង ។ ដូច្នេះ​អ្នក​គួរ​ជ្រើស​កាបូ​អ៊ី​ដ្រា​ត ដែលមាន​ជាតិ​ស្ករ​ទាប​ប្តូរ​ពី​នំ​បុ័ង​ពណ៌​ស មកជា​ហូល​ហ្គ្រែ​ន ប្តូរ​ពី​បា​យស មកជា​បាយ​សំរូប និង​ពន្យារ​ការរំលាយ​កាបូ​អ៊ី​ដ្រា​ត ដោយ​ការដាក់​ទឹកក្រូច​ឆ្មារ ទឹកខ្មេះ ឬ ជាតិ​ខ្លាញ់​ដែលមាន​ប្រយោជន៍​ដូចជា​ប្រេង​អូ​លីវ ។ ការ​ពិសា​អាហារ​ដែលមាន​ជាតិ​ស្ករ​ខ្ពស់ មុនពេល​ចូល​គេង ជួយ​ឲ្យ​គេង​លក់​លឿន​ជាង​មុន​២​ដង ។ ឬ​ម្យ៉ាងទៀត អាចមកពី​ខ្វះ​ជាតិ​ទឹក ព្រោះ​មុន​និង​អ្នកមាន​អារម្មណ៍​ថា​ស្រែក​ទឹក រាងកាយ​ខ្វះ​ទឹក ២-៣% រួចទៅហើយ ដែល​គ្រប់គ្រាន់​និង​ធ្វើ​ឲ្យ​មាន​អារម្មណ៍​អស់កម្លាំង ។​

៦-​មិន​ហាត់ប្រាណ : អ្នក​ដែល​ហាត់ប្រាណ​យ៉ាងតិច ២០​នាទី ក្នុង​មួយ​សប្តាហ៍​មានឱកាស​អស់កម្លាំង​តិចជាង​អ្នក​ដែល​មិន​ហាត់ប្រាណ​សោះ​ដល់​ទៅ ៣០% ព្រោះ​ការហាត់​ប្រាណ បង្កើន​ចលនា​របស់​ឈាម​ទៅ​សាច់ដុំ​ផ្សេងៗ និង​ជួយ​បង្កើន​ថាមពល​ដល់​រាងកាយ​ផងដែរ ។ ការហាត់​ប្រាណ​បែប​អ៊ែ​រ៉ូ​ប៊ិក (Aerobic) ជា​វិធី​ដែល​ទទួលលទ្ធផល​ល្អ​បំផុត ក្នុងការ​កម្ចាត់​ភាព​ខ្សោយ​អស់កម្លាំង ៕f

ធ្វើការជាមួយអ៊ីមែលជាប្រចាំទទួលជំងឺសម្ពាធឈាមខ្ពស់

លទ្ធផល​ស្រាវជ្រាវ​ថ្មី​បំផុត​របស់​សកលវិទ្យា​ល័យ Loughborough របស់​អង់គ្លេស​ឲ្យ​ដឹងថា អ្នក​ដែល​ធ្វើការ​ច្រើន​ជាមួយ​សារ​អេ​ឡិច​ត្រូ​និ​ច និង​បង្ក​ភាព​តានតឹង​ជាប្រចាំ​ងាយ​រង​ជំងឺ​បេះដូង និង​សម្ភា​ធ​ឈាម​ខ្ពស់ ។​
​តាម Daily Mail របស់​អង់គ្លេស​នោះ អ្នកវិទ្យាសាស្ត្រ​បាន​សិក្សា​សម្ពាធ​ឈាម ចង្វាក់បេះដូង កម្រិត Cortsol អ័រម៉ូន​បង្ក​ភាព​តានតឹង​ក្នុង​សរីរាង្គ​របស់​បុគ្គលិក​៣០​រូប ចំណុះ​បណ្តា​ស្ថាប័ន​នៃ​អាណាចក្រ​អង់ក្លេស ដែល​ប្រាស្រ័យ​ទាក់ទង​ជាប្រចាំ​ក្នុង​ការទទួល និង​បញ្ជូន​អ៊ីមែល ។​
​លទ្ធផល​បង្ហាញ​ឲ្យ​ឃើញថា មាន​ទំនាក់ទំនង​ដោយផ្ទាល់​រវាង​អ៊ីមែល និង​ស្ត្រេ​ស គ្រា​ដែល​៩២% នៃ​អ្នកចូលរួម​សុទ្ធតែ​កើន​សម្ពាធ​ឈាម និង​ចង្វាក់បេះដូង​ក្នុងពេល​អាន ឬ​ប្រើប្រាស់​អ៊ីមែល ទូរស័ព្ទ ។ ទន្ទឹម​នោះ អ្នកស្រាវជ្រាវ​សម្គាល់​ឃើញថា ពួក​បុគ្គលិក​ទាំងនោះ​សប្បាយរីករាយ​ពេល​ទទួលបាន​អ៊ីមែល ដែល​ខ្លឹមសារ​មាន​ប្រយោជន៍ ឬ​ការ​អរគុណ​ពី​អ្នកផ្សេង​ក្រោយពេល​សម្រេច​ការងារ ។ ប៉ុន្តែ​ផ្ទុយទៅវិញ ស្ត្រេ​ស នឹង​កើនឡើង​ពេល​ទទួលបាន​អ៊ីមែល​ដែលជា​សម្ពាធ​មកលើ​ការងារ ។​
​សាស្ត្រាចារ្យ Tom Jackson អ្នកដឹកនាំ​ការស្រាវជ្រាវ​អះអាងថា អ៊ីមែល​បាន​ក្លាយជា​មធ្យោបាយ​ពុំមាន​សារៈប្រយោជន៍​១ ឥទ្ធិពល​អាក្រក់​ដល់​អ្នកប្រើប្រាស់​វា ។ ប៉ុន្តែ​បើ​យក​វា​ទៅ​ប្រៀបធៀប​នឹង​ទូរស័ព្ទ ការសន្ទនា​តទល់​វា​មិន​អន់​ពេក​ទេ ព្រោះ​ទាំងអស់​សុទ្ធសឹង​នាំមក​នូវ​ស្ត្រេ​ស ។​
​ហេតុនេះ​បើតាម​លោក​គឺ​ចាំបាច់​ត្រូវមាន​ការបណ្តុះបណ្តាល​បុគ្គលិក​ពី​ការប្រើប្រាស់ ត្រួតពិនិត្យ​គណនី​អ៊ីមែល​របស់​ពួកគេ​ឲ្យ​បានល្អ​ប្រសើរ​ជាង​មុន​ចៀសវាង​ស្ថានភាព​តានតឹង​នាំ​ឲ្យ​មាន​ជំងឺ​រ៉ាំរ៉ៃ ដូចជា​សម្ពាធ​ឈាម​ខ្ពស់ ក្រពេញ​ប្រូ​ស្តា​ត និង​បេះដូង ៕M

ពេល​មានគភ៌​ត្រូវ​ពិនិត្យ​ជំងឺ​អ្វីខ្លះ ?

ភាគច្រើន​នៃ​ស្ត្រី ពេល​មានគភ៌ សុទ្ធតែ​ខ្វាយខ្វល់​អំពី​សុខភាព ពិសេស​គឺ​ហេតុការណ៍​ខុស​ប្រក្រតី បង្ក​ឥទ្ធិពល​ដល់​សុខភាព​មាតា និង​ទារក​។​
​ដើម្បី​ជួយ​ដល់​ស្ត្រី​ជា​មាតា​បន្ធូរ​បាន​នូវ​ការព្រួយបារម្ភ​នេះ ក្រុម​អ្នកជំនាញការ​នៅ​មជ្ឈមណ្ឌល​វេជ្ជសាស្ត្រ Cantor ញូវយ៉ក​(​អាមេរិក​) បាន​នូវ​ពាក្យ​ទូន្មាន​ខ្លះៗ អំពី​ការត្រួតពិនិត្យ​ជំងឺ​ចាំបាច់​មួយចំនួន មុន​និង​ក្នុងពេល​មានគភ៌ ដូចខាងក្រោម​នេះ​៖
១)​ពិនិត្យ​ធ្មេញៈ​
​ក្នុងពេល​មានគភ៌ ស្ត្រី​គួរ​ទៅពិនិត្យ​ធ្មេញ ដើម្បី​ឆាប់​រកឃើញ​សញ្ញា​រលាក​ឆ្លង​មេរោគ​។ ការស្រាវជ្រាវ​បង្ហាញថា ស្ត្រី​កើត​ជំងឺ​អញ្ចាញធ្មេញ រលាក​ធ្មេញ មាន​អត្រា​សម្រាលកូន​មិន​គ្រប់​ខែ​ខ្ពស់ជាង​៧​ដង​ធៀប​នឹង​អ្នក​មិនកើត​ជំងឺ​។ ក្រៅពីនេះ វិទ្យាសាស្ត្រ​នៅ​រកឃើញថា ស្ត្រី​មានគភ៌ និង​អ្នក​ប្រើ​ថ្នាំ​ពន្យារកំណើត ជា​ក្រុម​កើត​ជំងឺ​រលាក​ធ្មេញ និង​អញ្ចាញ​ដ៏​ធំ ដែល​បណ្តាល​ពី​អ័រម៉ូន ក្នុង​សរីរាង្គ​ប្រែប្រួល ធ្វើឱ្យ​សរីរាង្គ​ងាយ​រំញោច​ជាមួយ​សារជាតិ​បង្ក​ជំងឺ​។​
​តាម​ការ​ទូន្មាន​របស់​សមាគម​ទន្តសាស្ត្រ​អាមេរិក ( ADA) ស្ត្រី​មានគភ៌ គួរ​ពិនិត្យ​ធ្មេញ ៣-៤​ដង ក្នុង​មួយឆ្នាំ ដោយឡែក ក្រុម​អ្នក​ដែល​ត្រូវ​ហូរឈាម​ជើងធ្មេញ អញ្ចាញ​នោះ គួរ​ទៅពិនិត្យ​ជាប្រចាំ​ជាង​។​
២) វិភាគ TSH
TSH តេស្ត ជា​វិធី​ធ្វើតេស្ត​ឈាម ដើម្បី​រកឃើញ​លទ្ធភាព​កើត​ជំងឺ​ខ្សោយ អ៊ី​ពែរ​ទី​រ៉ូ​អ៊ី​ដ (hyperthyroid) យល់បាន​ពី​សុខភាព​ជាក់ស្តែង​របស់​អ័រម៉ូន​ក្រពេញ​ទី​រ៉ូ​អ៊ី​ដ​។​
​អ្នកជំនាញការ​នៅ​មជ្ឈមណ្ឌល​វេជ្ជសាស្ត្រ Mercy Baltimore (​អាមេរិក​) បានឱ្យដឹងថា ជា​មធ្យម​ពី ៥​ទៅ​១០​ភាគរយ នៃ​ស្ត្រី​មានគភ៌ និង​ក្រោយពេល​សម្រាលកូន ងាយ​កើត​ជំងឺ​ក្រ​ពេញទី​រ៉ូ​អ៊ី​ដ​។ ភាគច្រើន​នៃ​ករណី​កើត​ជំងឺ សុទ្ធតែ​ពុំមាន​សញ្ញា លុះត្រា​ដល់ពេល​អស់កម្លាំង​ខ្លាំង ឡើង​ទម្ងន់ ពេលនោះ​ទៅពិនិត្យ​ជំងឺ គឺ​ជំងឺ​បាន​រីកចម្រើន​ទៅហើយ​។ ប្រសិន​ស្ត្រី​មានគភ៌ កើត​ជំងឺ​នេះ​ធ្ងន់​នោះ ត្រូវ​ប្រឈម​ខ្ពស់​នឹង​ការ​សម្រាលកូន​មិន​គ្រប់​ខែ និង​រលូត​កូន នេះ​ពុំទាន់​និយាយ​ដល់​ឥទ្ធិពល​ផ្សេងៗ​ចំពោះ​ទារក​ផង​។​
៣)​ធ្វើតេស្ត CBC
CBC (Complete Blood Count) ជា​វិធី​ធ្វើតេស្ត​រាប់​ឈាម​គ្រប់​ជ្រុងជ្រោយ ដើម្បី​ត្រួតពិនិត្យ​កោសិកា​ឈាមស ស្ថានភាព​សុខភាព​ខួរឆ្អឹងខ្នង និង​ប្រព័ន្ធ​អង្គ​បដិបក្ខ​។ វិធី CBC នឹង​ឱ្យដឹងពី​បរិមាណ​កោសិកា​ឈាមស​(​ច្រើន​ហួស មានន័យថា ត្រូវ​រលាក​ឆ្លង​មេរោគ​) hemoglobin (​ទាប​ជ្រុល គឺ​ខ្វះ​ឈាម​) និង​ប្លា​កែ​ត (​ប្រសិន​ទាប មានន័យថា ឈាម​មិន​កក​)​។ ហេតុតែ​អ្នក​ហៀ​ប​មានគភ៌ ចាំបាច់​ត្រូវធ្វើ​វិភា​គនេះ ព្រោះ​ស្ត្រី​តែងតែមាន​រដូវ បាត់បង់​ឈាម​ពេល​សម្រាលកូន ហេតុនេះ​ងាយ​បណ្តាលឱ្យ​ខ្វះ​ឈាម ធ្វើឱ្យ​សរីរាង្គ​ទ្រុឌទ្រោម​។ ប្រសិនបើ​ខ្វះ​ឈាម វេជ្ជបណ្ឌិត​នឹង​ពិគ្រោះ​បំពេញបន្ថែម​ជាតិ​ដែក និង​ត្រួត​ពិនិត្យឡើងវិញ ក្រោយ​រយៈពេល​ប៉ុន្មាន​សប្តាហ៍​។​
៤)​ត្រួតពិនិត្យ​សម្ពាធ​ឈាម និង​កូ​ឡេ​ស្តេ​រ៉ូ​ល​
វិធី​ត្រួតពិនិត្យ​២​នេះ គឺ​ដើម្បី​វាយតម្លៃ​ពី​ស្ថានភាព​សុខភាព​សរសៃឈាម​បេះដូង ពិសេស​គឺ​គ្រោះថ្នាក់​កើត​ជំងឺ​បេះដូង ក្នុងដំណាក់កាល​មានគភ៌ និង​សម្រាលកូន​។ ការ​វាស់​សម្ពាធ​ឈាម​ល្អ​បំផុត គឺ​ដោយ​ប្រើ​ប្រដាប់​វាស់​ច្របាច់​ដៃ ដែល​គេ​និយម​ប្រើ​ជាទូទៅ​។ ធ្វើតេស្ត​ឈាម​ដើម្បី​ត្រួតពិនិត្យ HDL (​ខ្លាញ់​ក្នុង​ឈាម​ល្អ និង​ខ្លាញ់​ក្នុង​ឈាម​អាក្រក់​) និង triglyceride ។ សារសំខាន់​របស់​វិធី​ទាំង​២​នេះ គឺ​ជួយ​ឲ្យ​វេជ្ជបណ្ឌិត​វាយតម្លៃ​ពី​ស្ថានភាព​សុខភាព​ពិតប្រាកដ​របស់​ស្ត្រី​មានគភ៌​។ សម្ពាធ​ឈាម​ល្អប្រសើរ​បំផុត​គឺ ១២០/៨០, LDL កូ​ឡេ​ស្តេ​រ៉ូ​ល​គួរ​នៅក្រោម​កម្រិត​១៣០ និង HDL គួរ​នៅលើ ៥០ ។​
៥) វិធី​វិភាគ papSmear
pap Smear (​វិភាគ​កោសិកា​មាត់ស្បូន​) ជា​វិធី​វិភាគ​ឆាប់​រកឃើញ​គ្រោះថ្នាក់​កើត​ជំងឺមហារីក​មាត់ស្បូន​។ នេះ​ជា​បច្ចេកទេស​មិន​បង្ក​ការលំបាក​ទ្រាំ​នឹង​ការឈឺចាប់​ហើយ​សាមញ្ញ ដោយ​វិធី​យក​កោសិកា​បន្តិច​នៅ​មាត់ស្បូន​ទៅ​វិភាគ ដើម្បី​រក សញ្ញា​ខុស​ប្រក្រតី ពិសេស​គឺ​រក​វីរុស HPV ដែលជា​ប្រភេទ​វីរុស បង្ក​ជំងឺ​តាមផ្លូវ​រួមភេទ​។ អ្នកមាន​គ្រួសារ គឺ​តែងមាន​សកម្មភាព​ផ្លូវភេទ និង​វា​នៅតែ​អាច​កើត​ជំងឺ​នេះ​។ ប្រសិន​មាន​ទំនាក់ទំនង​ផ្លូវភេទ​មួយ​ទល់​មួយ​នោះ ក្រោយបី​ឆ្នាំ ត្រូវ​ត្រួតពិនិត្យ​ម្តង ផ្ទុយ​មកវិញ ប្រសិន​មាន​ទំនាក់ទំនង​ជាមួយ​ដៃគូ​ច្រើន​នោះ គឺ​ពី​៣​ខែ​ទៅ​៦​ខែ ត្រូវ​ទៅពិនិត្យ​ម្តង​។​
៦)​ត្រួតពិនិត្យ​ស្បែកៈ​
​គោលបំណង​របស់​ការ​ពិនិត្យ គឺ​ដើម្បី​រក​ជំងឺមហារីក​ស្បែក​។ ក្រុម​អ្នកជំនាញ​នៃ​វិទ្យាស្ថាន​សើ​ស្បែក​អាមេរិក​(AAD) បាន​អះអាងថា នេះ​ជា​ជំងឺ​ទូទៅ​នៅលើ​ក្រុម​ស្ត្រី​អាយុ​ពី​២៥-២៩​ឆ្នាំ ដោយសារ​ជាតិ​ពណ៌​ប្រែប្រួល ក្នុងពេល​មានគភ៌ និង​សម្រាលកូន​។ សឹងតែ​ទាំង​អស់នៃ​ករណីនេះ គឺ​គ្មាន​គ្រោះថ្នាក់ តែ​ជួនកាល​បែរជា​បណ្តាលឱ្យ​កើត​ជំងឺមហារីក​។ អ្នកមាន​ប្រវត្តិ​គ្រួសារ មាន​មហារីក​ស្បែក គួរ​ប្រាប់​ឱ្យ​វេជ្ជបណ្ឌិត​ដឹង ពេល​រកឃើញ​មាន​សញ្ញា​សង្ស័យ​នៅលើ​ស្បែក វេជ្ជបណ្ឌិត អាចធ្វើ​វិភាគ​ចាំបាច់​មួយចំនួន​។​
៧)​វិភាគ​ជាតិ​ស្ករ​ក្នុង​ឈាមៈ​
​វិធី​នេះ​គឺ​ដើម្បី​ឆាប់​រកឃើញ​គ្រោះថ្នាក់​កើត​ជំងឺ​ទឹកនោមផ្អែម​ក្នុងពេល​មានគភ៌​។ ស្ត្រី​ដែលមាន​មនុស្ស​ក្នុង​គ្រួសារ​កើត​ជំងឺ​ទឹកនោមផ្អែម លើសឈាម ធាត់​នោះ គួរ​ធ្វើ​វិភា​គនេះ រាប់ទាំង​អ្នក​ឡើង​ទម្ងន់​លឿន​ពេល​មានគភ៌​។ តាម​តួលេខ​ស្ថិតិ​ស្ត្រី​ដែល​កើត​ជំងឺ​ទឹកនោមផ្អែម​អំឡុងពេល​មានគភ៌​នោះ មានការ​ប្រឈម​កើត​ជំងឺ​ទឹកនោមផ្អែម​ប្រភេទ​២ នៅពេល​ចាស់ កើន​ដល់​៥០ ភាគរយ​។ ស្ត្រី​អាយុ​លើស​៤០​ឆ្នាំ គួរ​ពិនិត្យ​៨​ដង​ក្នុង​មួយឆ្នាំ​។ ដោយឡែក អ្នកមាន​ប្រវត្តិ​គ្រួសារ កើត​ជំងឺ​ទឹកនោមផ្អែម គួរ​ទៅពិនិត្យ​ឆាប់​ជាង​(​មុន​អាយុ​៣០​ឆ្នាំ​)​។​
៨) វិភាគ​ដង់ស៊ីតេ​ឆ្អឹងៈ​
​ការធ្វើ​វិភា​គនេះ គឺ​ដើម្បី​ដឹង​មុន​គ្រោះថ្នាក់​កើត​ជំងឺ​ពុក​ឆ្អឹង ដែលជា​ជំងឺ ទូទៅ​មួយ​នៅលើ​ស្ត្រី ដោយ​អនុវត្ត​សម្រាប់​ក្រុម​ស្ត្រី មុន​អាយុ​៣៥​ឆ្នាំ ពិសេស​គឺ​ក្រុម​មាន​ប្រវត្តិ​គ្រួសារ​កើត​ជំងឺ​ពុក​ឆ្អឹង ក្រុម​ប្រើ​ថ្នាំ​ព្យាបាល​ជំងឺ​ក្រ​ពេញទី​រ៉ូ​អ៊ី​ដ ប្រើប្រាស់ Steroid ដើម្បី​ព្យាបាល​ជំងឺហឺត ឬ​ជំងឺ ezeme ។ ប្រសិន​ដង់ស៊ីតេ​ឆ្អឹង​ទាប​នោះ ពេល​ចិញ្ចឹម​កូន​ដោយ​ទឹកដោះ​ម្តាយ អត្រា​នេះ​កាន់តែ​ថយចុះ​និង​ងាយ បណ្តាលឱ្យ​កើត​ជំងឺ​ស្ពោត​ឆ្អឹង ស្តើង​ឆ្អឹង និង​ស្រួយ​ឆ្អឹង ៕


ក្តីសង្ឃឹម​ថ្មី​សម្រាប់​អ្នកជំងឺ​ខ្សោយ​តម្រងនោម

​ពួក​អ្នកវិទ្យាសាស្ត្រ​អាមេរិក​បាន​ឲ្យ​ដឹងថា ពី​តម្រងនោម​របស់​សត្វ​កណ្តុរ​ពិសោធន៍មួយ គេ​បាន​បង្កើត​ឡើងវិញ​តម្រងនោម​ដោយ​ជោគជ័យ ដោយ​បច្ចេកវិទ្យា​ជីវសាស្ត្រ​, ផ្តល់​ក្តីសង្ឃឹម​ថ្មី​ក្នុងការ​ជំនួយ និង​ព្យាបាល​អ្នកជំងឺ​ខ្សោយតម្រងនោម​។​
ដំណើរការ​នេះ ត្រូវបាន​ចាប់ផ្តើម​ដោ​យស​ល្យ​កម្មបក​ផ្តាច់​ទាំងស្រុង​កោសិកា​រស់​ពី​តម្រងនោមរ​ប់ស​កណ្តុរ​ពិសោធន៍ ដោយ​បន្សល់ទុក​តែ​ស្រទាប់​ខាងក្រៅ​មានការ​រួមផ្សំ​ដោយសារ​ជាតិ​បង្កើត Collagen ។​
​មជ្ឈដ្ឋាន​អ្នកវិទ្យាសាស្ត្រ​បាន​បង្កើត​ជាថ្មី​ដោយ​ជោគជ័យ​តម្រងនោម​ដោយ​បច្ចេកវិទ្យា​ជី​វិ​សាស្ត្រ ពី​តម្រងនោម​របស់​កណ្តុរ​
​បន្ទាប់មក ដោយ​បំពង់​សាច់ដុំ ឬ​ហៅថា បំពង់​ផ្លូវ​ម៉ូត​, ពួក​អ្នកវិទ្យាសាស្ត្រ បាន​ផ្សាំ​កោសិកា​រស់​ផ្សេង​ទៅក្នុង​ផ្នែក​សមស្រប​របស់​តម្រង​នោម "​ទទេ​" នេះ​, រួមមាន​បណ្តា​ស្រទាប់​កោសិកា​មនុស្ស -​ច្រើន​លេចឡើង​នៅ​សរសៃឈាម​របស់​តម្រង​នោម​មនុស្ស -​និង​កោសិកា​តម្រងនោម​របស់​សត្វ​កណ្តុរ​ទើប​កើត​។ ជំហាន​ចុងក្រោយ គេ​ផ្សាំ​ភ្ជាប់​តម្រងនោម​ដ៏​សុ​ក្រិត​ទៅក្នុង​សរីរាង្គ​សត្វ​កណ្តុរ ដែល​មុន​នោះបាន​យក​តម្រងនោម​ចេញ​។​
​លទ្ធផល​ពិតជា​គួរ​ឲ្យ​ភ្ញាក់ផ្អើល ពេល​តម្រងនោម​បង្កើត​ជាថ្មី​នេះ ចាប់ផ្តើម​អនុវត្ត​ដំណើរការ​ច្រោះ​ឈាម និង​ផលិត​ទឹកនោម​តាមរយៈ Ureters, ទន្ទឹម​នោះ​នៅ​កន្លែង​ផ្សាំ​ភ្ជាប់ ក៏​ពុំមាន​សញ្ញា​ហូរឈាម ឬ​ស្ទះឈាម​។​
អ្នកដឹកនាំ​ក្រុម​ស្រាវជ្រាវ Harald Ott ឲ្យ​ដឹងថា ផ្សាំ​ភ្ជាប់​ពពួក​កោសិកា​ផ្សេងៗ​គ្នា​លើ​គ្រោង​តម្រងនោម​មាន​ស្រាប់ អនុញ្ញាត​ឲ្យ​ផ្នែក​នេះ​ធ្វើ​សកម្មភាព​ប្រសិទ្ធិភាព​ជាង​។ ប៉ុន្តែ តាម​លោក Ott ត្រូវ​ចម្រាញ់​សម្រួល​ពពួក​កោសិកា​សំដៅ​កែប្រែ​ឲ្យ​ប្រសើរ​មុខងារ​សកម្មភាព​របស់​តម្រងនោម និង​នៅមាន​ច្រើន​ជំហាន ត្រូវ​ដំណើរការ សំដៅ​បង្ការ​ឧបសគ្គ​អាច​កើតឡើង ពេល​បច្ចេកទេស​ត្រូវបាន​អនុវត្ត​នៅ​មនុស្ស​។​
លោក Ott សង្ឃឹមថា ជំហាន​អភិវឌ្ឍ​ថ្មី​ក្នុងការ​ស្រាវជ្រាវ​ខាងលើ នឹង​ជា​មូលដ្ឋានគ្រឹះ សំដៅ​អភិវឌ្ឍ​ទំហំ​ជាលិកា​ផ្សាំ​ភ្ជាប់​ធំៗ​ដូច​នៅ​មនុស្ស​, អនុញ្ញាត​ឲ្យ​អ្នកជំងឺ​អាច​ទទួលយក​តម្រងនោម​ថ្មី ត្រូវបាន​បង្កើត​ពី​កោសិកា​ក្នុង​សរីរាង្គ​ខ្លួន ដោយ​មិនចាំបាច់​ត្រូវ​រង់ចាំ​មាន​អ្នកផ្តល់​ឲ្យ​។ រឿងនេះ ក៏​សំដៅ​រារាំង​ភាព​ប្រតិកម្ម​របស់​តម្រងនោម​ទើប​ផ្សាំ និង​បន្ថយ​ការរារាំង​សកម្មភាព​របស់​ប្រព័ន្ធ​អង្គ​បដិបក្ខ ក្នុង​រយៈពេល​វែង​៕M

មហារីកដោះ កាត់ដោះចោលមិនប្រាកដមានប្រសិទ្ធភាព

​ស្ត្រី​អាយុ​លើស​៥០​ឆ្នាំ ដោយ​គ្រាន់តែ​កាត់ចោល​ដុំ​គីស និង​ព្យាបាល​ដោយ​កាំរស្មី មានលទ្ធភាព​នៅរស់​ខ្ពស់ជាង​អ្នក​វះកាត់​ដោះ​ចោល​ដល់​ជិត ២០% ។​
​ពេល​ត្រូវបាន​វិនិច្ឆ័យ​កើត​មហារីក​ដោះ ស្ត្រី​ជាច្រើន​បានជ្រើសរើស​វិធី​វះកាត់ កាត់​ដោះ​ចោល​ដោយសារ​គិតថា វិធី​នេះ​នឹង​កម្ចាត់​ចោល​ដុំ​គីស​លឿន​បំផុត និង​ផ្តល់​ឲ្យ​គេ​នូវ​លទ្ធភាព​នៅរស់​ខ្ពស់បំផុត ។​
​ប៉ុន្តែ​តាម​ការស្រាវជ្រាវ​១​ថ្មីៗ​នេះ ស្ត្រី​មានឱកាស​នៅ​រស់រាន​ខ្ពស់ជាង​ប្រសិន​ពួកគេ​មិន​វះកាត់​កាត់ចោល​ដោះ ។​

​ពួក​អ្នក​វិទ្យា​សា​ស្ត្រី​នៅ​មហាវិទ្យាល័យ Duke (North Carolina អាមេរិក​) បាន​ស្រាវជ្រាវ​ប្រវត្តិ​ជំងឺ​របស់​ស្ត្រី ១១២.១៥៤​នាក់ ដែល​ត្រូវបាន​វិនិច្ឆ័យ​កើត​មហារីក​ដោះ​ពី​ឆ្នាំ​១៩៩៤-២០០៤ ។ ប្រមាណ ៥៥% ក្នុងចំណោម​ត្រូវបាន​ព្យាបាល​តាម​វិធី​វះកាត់​រក្សាទុក​ដោះ ចំណែក ៤៤% ជ្រើសរើស​និង​វះកាត់​ចោល​ដោះ​ដោះ​ទាំងស្រុង ។​
​លទ្ធផល​ស្រាវជ្រាវ​បង្ហាញថា ស្ត្រី​ដែល​វះកាត់​រក្សាទុក​ដោះ​មានឱកាស​នៅរស់​ខ្ពស់ជាង​ប្រមាណ​១៣% ។ មិនតែប៉ុណ្ណោះ ចំពោះ​ស្ត្រី​ដែលមាន​អាយុ​លើស ៥០​ឆ្នាំ នោះ​អត្រា​នៅរស់​ខ្ពស់ជាង​ដល់​ទៅ​១៩% ។ ការស្រាវជ្រាវ​នេះ​ត្រូវបាន​ដំណើរការ​លើ​មុខសញ្ញា ស្ត្រី​ត្រូវបាន​វិនិច្ឆ័យ​កើត​មហារីក ដំណាក់កាល ១​និង​២ ។​
​ពួក​ជំនាញការ​ឲ្យ​ដឹងថា វិធី​ព្យាបាល​ដោយ​កាំរស្មី​នាំមក​នូវ​ប្រសិទ្ធ​ភាពជា​ង​ច្រើន​ប្រៀប​នឹង​ការវះកាត់​ដោះ​ចោល​ក្នុងការ​សម្រេច​កោសិកា​ម​ហា​រីក ។​
​ព្យាបាល​ដោយ​កាំរស្មី ត្រូវបាន​ដំណើរការ​ភ្លាមៗ​ក្រោយពេល​វះកាត់​បញ្ចប់ និង​ច្រើន​អូសបន្លាយ​ក្នុង​រយៈពេល​៥-៦ សប្តាហ៍ ។ ប៉ុន្តែ អ្នកជំងឺ​ជាច្រើន​មិនអាច​រក្សា​របប​ព្យាបាល​ដោយសារ​ឥទ្ធិពល​បន្ទាប់បន្សំ ដូចជា​ចុក​ទ្រូង អស់កម្លាំង ប្រព័ន្ធ​ការពារ​សរីរាង្គ​ចុះខ្សោយ និង​បញ្ហា​ទាំងឡាយ​អំពី​សរសៃឈាម​បេះដូង ។​
​មាន​ស្ត្រី​ប្រមាណ 50.000​នាក់ ត្រូវបាន​វិនិច្ឆ័យ កើត​មហារីក​ដោះ​ក្នុង​១​ឆ្នាំ​នៅ​អង់គ្លេស ។ ក្រៅពីនេះ ក្នុងចំណោម​៨​នាក់ នោះ​មាន​ម្នាក់​នឹង​កើត​ជំងឺ​នៅពេល​វេលា​ណាមួយ​នោះ​ក្នុង​ជីវិត ។ អាស្រ័យ​ដោយ​ភាពជឿនលឿន​របស់​វេជ្ជសាស្ត្រ ហេតុនេះ​អត្រា​នៅរស់​រាន​របស់​អ្នកជំងឺ​មហារីក​ដោះ​ខ្ពស់ជាង​អ្នក​កើត​ជំងឺមហារីក​ផ្សេងៗ ហើយ​៨០% នៃ​អ្នកជំងឺ​អាច​នៅរស់​ក្រោយ​៥​ឆ្នាំ ៕M​

ចិញ្ចឹម​ពពែ​បំរែបំរួល​ហ្សែន​​ ទទួលបានជោគជ័យ

ក្រុម​អ្នកវិទ្យាសាស្ត្រ​រុស្ស៊ី បានទទួល​ជោគជ័យ ក្នុងការ​ចិញ្ចឹម​ពពែ​បំរែបំរួល​ហ្សែ​ន ដើម្បី​គាំទ្រ​សម្រាប់​ការព្យាបាល​រោគ​មហារីក ។ ក្រុម​ស្រាវជ្រាវ​ចង់​អនុវត្ត​តាមរយៈ​ការប្រើប្រាស់​ទឹកដោះ​របស់​ពពែ ដែល​បាន​ប្រែប្រួល​ហ្សែ​ន មាន​សារធាតុ​ប្រូតេអ៊ីន​ច្រើន សម្រាប់​រំញោច​ការបង្កបង្កើត​ឈាម ក្នុង​ខួរឆ្អឹងខ្នង ។ នេះ​ជា​ដំណាក់កាល​មាន​អត្ថន័យ​ស្លាប់​រស់ ចំពោះ​អ្នកជំងឺ​មហារីក ។​
​អ្នកជំងឺ​ម្នាក់ ក្រោយពី​ទទួល​បានការ​កាត់ចោល ដុំ​ពក​សហាវ អ្នកនោះ​នឹងត្រូវ​បាន​បណ្តុះ​ផ្សាំ​កោសិកា​ខួរឆ្អឹងខ្នង​ល្អ មាន​ភារៈ​ស្តារ​សមាសធាតុ​ឈាម និង​បង្កើន​ប្រព័ន្ធ​ការពារ​រាងកាយ ។​
​ការព្យាបាល​នេះ ដោយមាន​ការគាំទ្រ​ពី Protein របស់​ពពែ​បំរែបំរួល​ហ្សែ​ន ធ្វើ​ឲ្យ​បណ្តា​កោសិកា​ខួរឆ្អឹងខ្នង បង្កបង្កើត​ឡើងវិញ​បាន​យ៉ាង​ឆាប់រហ័ស នូវ​បរិមាណ​របស់​វា ។​
​មកទល់ពេលនេះ ការពិសោធន៍​ជាក់ស្តែង​លើ​មនុស្ស បង្ហាញ​ឲ្យ​ឃើញថា ក្រោយ​ការវះកាត់​ពុំបាន​ពេញ​១​ខែ​ផង ដំណើរការ​បង្កបង្កើត​ឈាម​របស់​អ្នកជំងឺ​មហារីក បាន​វិ​វត្ត​ទៅរក​សភាព​ធម្មតា​វិញ ។​
​មកទល់​បច្ចុប្បន្ន ការប្រើ​វិធីសាស្ត្រ​ប្រូតេអ៊ីន បន្ត​ជា​វិធី​ព្យាបាល​មហារីក ត្រូវ​ចំណាយធនធាន​ច្រើន ។ ការព្យាបាល​១​វគ្គ​ពេញលេញ ទាមទារ​ចំណាយ​ប្រាក់​អស់​ប្រមាណ ៦០០០ ដុល្លារ​អាមេរិក ។ ប៉ុន្តែ ក្រោយពេល​ចិញ្ចឹម​បាន​ពពែ​បំរែបំរួល​ហ្សែ​ន នោះ​ការចំណាយ​ធ្លាក់ចុះ​ច្រើន ។​
​អ្នកស្រាវជ្រាវ Oleg Serov ដែលជា​អ្នកគ្រប់គ្រង​បន្ទប់ពិសោធន៍​ហ្សែ​ន របស់​វិទ្យាស្ថាន​កោសិកា -​តំណពូជ​វិទ្យា​របស់​រុស្ស៊ី​មក ស្រាយ​ថាៈ ក្នុង​១​លីត្រ ទឹកដោះពពែ បំរែបំរួល​ហ្សែ​ន​មាន​ប្រូតេអ៊ីន​តិច​បំផុត ៣០០ មី​លី​ក្រាម ។ វា​ជា​បរិមាណ​ត្រូវការ​សម្រាប់​ព្យាបាល​១​វគ្គ ដែល​ក្នុង​១​លើកៗ អស់ពី ៥  ទៅ ១០ មី​លី​ក្រាម ។​
​នេះ​ជា​ជំ​ហ៊ាន​លោត​ផ្លោះ ឆ្ពោះទៅរក​វិស័យ​ផលិត​ឧស្សាហកម្ម​ប្រូតេអ៊ីន ដ៏​មាន​សារប្រយោជន៍ ហើយក៏​ជួយ​ដល់​អ្នក​កើត​ជំងឺមហារីក មាន​ឱសថ​ទទួល​ការព្យាបាល​ច្រើន ៕M​

​អាហារ​អាំង ឃាតករ​ឈាម​ត្រជាក់​

​ប្រសិនបើ​អ្នកជា​មនុស្ស​ម្នាក់​ដែល​ចូលចិត្ត​ទទួលទាន​អាហារ​អាំង​ក្រៀមៗ សូម​មើល​លទ្ធផល​នៃ​ការស្រាវជ្រាវ​ខាងក្រោម​នេះ​។​
​​លទ្ធផល​នៃ​ការស្រាវជ្រាវ​ចុងក្រោយ​បំផុត ដោយ​ក្រុម​អ្នកជំនាញ​បារាំង បាន​រកឃើញថា ការ​អាំង​អាហារ ២ ម៉ោង នឹងធ្វើ​ឲ្យ​កើត​សារធាតុ ដាយ​អុក​ស៊ីន ដែលជា​សារធាតុ​បង្ក​ឲ្យ​កើត​មហារីក​ក្នុង​បរិមាណ​ខ្ពស់ ស្មើនឹង​ជក់បារី រហូតដល់​ទៅ ២០០.០០០ ដើម​ឯណោះ ហើយ​នៅលើ​សាច់​អាំង ក៏​នៅមាន​ជាតិពុល​ផ្សេងៗ​ជាច្រើន​ទៀត ដែល​ធ្ងន់ធ្ងរ​បំផុត គឺ​សារធាតុ​ផ្សំ​អ៊ី​ដ្រូ​ការ​បោ​ន ដែលជា​ភ្នាក់ងារ​បង្កើត​កោសិកា​អាក្រក់ ជាហេតុ​នាំ​ឲ្យ​អ្នក​ដែល​ចូលចិត្ត​ទទួលទាន​សាច់​អាំង​ក្រៀមៗ ត្រូវ​ប្រឈម​នឹង​ជំងឺមហារីក​បាន​គ្រប់ពេលវេលា​៕​

ទំពា​អាហារ​បានយូរ ល្អ​ចំពោះ​សុខភាព​

គ្រាន់តែ​ទំពារ​អាហារ​ឲ្យ​យូរ ពី​៣០-៥០ ដង ក្នុង​មួយ​ម៉ាត់ អាច​ជួយ​សម្រក​ទម្ងន់​ខ្លួន​បាន ព្រោះ​ការ​ទទួលទាន​អាហារ​យឺតៗ នឹង​ជួយ​ឲ្យ​រាងកា​យមាន​អារម្មណ៍​ឆ្អែត ថែម​ទាំង​ជួយ​ឲ្យ​អញ្ចាញ​ធ្មេញ មាន​ភាពរឹងមាំ​ទៀង​ផង ។ បើ​ទទួលទាន​អាហារ​ដែល​ពិបាក​រំលាយ មាន​កាក​សរសៃ​ខ្ពស់ គួរ​ទំពា​មិនតិច​ជាង ៦០-៨០ ដង ក្នុង​មួយ​ម៉ាត់​អាហារ ដើម្បី​បង្ការ​ការ​ទល់លាមក ហើយក៏​ជា​ការជំរុញ​ការ​ធ្វើការ​របស់​ខួរក្បាល ដើម្បី​អភិវឌ្ឍន៍​ប្រសាទ​ទទួល​អារម្មណ៍​ឲ្យ​កាន់តែ​ប្រសើរ​ថែម​ទៀត ។
ប្រសិនបើ​ទំពា​បាន​យូរ​រហូតដល់ ១០០-២០០ ដង ក្នុង​អាហារ​មួយ​ម៉ាត់ រាងកាយ​នឹង​អាច​បឺត​យក​សារធាតុ​អាហារ​បានល្អ ប្រព័ន្ធ​រំលាយ​អាហារ នឹង​ធ្វើការ​យ៉ាង​មាន​ប្រសិទ្ធភាព មិន​ធ្វើឲ្យ​មាន​ជម្ងឺ​ក្រពះ និង​សំខាន់ គឺ​ធ្វើឲ្យ​អារម្មណ៍​ស្ងប់​ជាង​មុន ៕

បង្ការ​រលាក​ផ្លូវដង្ហើម​នា​រដូវ​ត្រជាក់​ដោយ​ទឹកដោះគោ​ជូរ​

​តាម​អ្នកជំនាញ​បាន​រំលឹកថា​សីតុណ្ហភាព​ចុះ​ទាប​ជា​លក្ខខណ្ឌ​អំណោយផល​សម្រាប់​ពពួក​បាក់តេរី​មាន​គ្រោះថ្នាក់​វា​កកើត​ដុះដាល​ខ្លាំងក្លា និង​ឆ្លង​រាលដាល​លឿន​ក្នុង​បរិយាកាស ។ ក្នុងពេលនោះ កុមារ​គឺជា​មុខសញ្ញា​ងាយ​ត្រូវ​បាក់តេរី​វាយប្រហារ​បំផុត ដោយសារ​សមត្ថភាព​អង្គ​បដិបក្ខ​របស់​កុមារ​ពុំទាន់​ពេញលេញ​ដូច​មនុស្ស​ធំ ។​
​ការបង្ការ​ជំងឺ​ដោយ​វិធានការ​ខាងក្រៅ​ដូចជា​ឲ្យ​កូន​ស្លៀកពាក់​ជិតៗ ឬ​កំហិត​មិន​ឲ្យ​កុមារ​ចេញ​ក្រៅ​ផ្ទះ​គឺ​ពុំទាន់​គ្រប់គ្រាន់​ទេ ។ វិធានការ​ការពារ​មិនត្រូវ​ចាប់បង្ខំ​ឲ្យ​កុមារ​នៅ​ស្ងៀម​ក្នុងផ្ទះ តែ​គួរ​បង្កើន​ថែម​សមត្ថភាព​ការពារ​ពី​ខាងក្នុង ដោយ​របប​ជីវជាតិ ។ កុមារ​នៅ​រដូវ​នេះ​គួរ​ទទួលទាន​គ្រប់​អាហារ ៤ ក្រុម ពពួក​វីតាមីន A , C , D , E និង​សារជាតិ​រ៉ែ ដើម្បី​ស្តុក​ថាមពល​រក្សា​កម្តៅ​សរីរាង្គ ។ បន្ថែម​លើ​នោះ​អាហារ​ដែល​កុមារ​ទទួលទាន​ចូល​ត្រូវតែ​ជា​អាហារ​រលាយ​ល្អ ដើម្បី​បំប្លែង​ទៅជា​ជីវជាតិ​ចិញ្ចឹម ការពារ​កោសិកា បង្កើត​ថាមពល និង​សីតុណ្ហភាព​សរីរាង្គ ជួយ​កុមារ​មាន​អារម្មណ៍​កក់ក្តៅ​ជាង ។ ទឹកដោះគោ​ជូរ និង​បណ្តា​ផលិតផល​របស់​ទឹកដោះ​ជា​អាហារ​ចាំបាច់​មួយ​សម្រាប់​កុមារ​ក្នុង​រដូវ​នេះ ។​
​អង្គការ​សុខភាព​ពិភពលោក និង​ជំនាញ​ការបរទេស​ជាច្រើន​បាន​អះអាង​ប្រសិទ្ធភាព​របស់​ទឹកដោះគោ​ជូរ ក្នុង​ការជួយ​មនុ​ស្សប​ង្កើ​ន​សមត្ថភាព​អង្គ​បដិបក្ខ ។ ពួកគេ​សុទ្ធតែ​ឲ្យ​ដឹងថា អ្នក​ទទួលទាន​ទឹកដោះគោ​ជូរ​មាន​អង់​ហ្ស៊ី​មរ​ស់ Probiotics ជាប្រចាំ​នឹង​បន្ថយ​ហានិភ័យ​ត្រូវ​គ្រុនផ្តាសាយ​ជាង​អ្នក​មិន​ទទួលទាន ។​
​ទឹកដោះគោ​ជូរ​ពុំ​ត្រឹមតែ​មិន​បង្ក​ការ​រលាក​បំពង់ក ឬ​ត្រជាក់​ពោះ​ប៉ុណ្ណោះ​ទេ តែ​នៅ​អាចជួយ​កុមារ​ទប់ស្កាត់​ជំងឺ​រលាក​ផ្លូវដង្ហើម​ប្រសិន​អាណាព្យាបាល​ឲ្យ​កុមារ​ទទួលទាន​ត្រឹមត្រូវ ។ នោះ​គឺ​យក​ទឹកដោះគោ​ជូរ​ចេញពី​ទូរ​ទឹកកក​ក្នុង​រយៈពេល​ខ្លី ដើម្បី​ឲ្យ​វា​ត្រឡប់​ទៅ​សីតុណ្ហភាព​ធម្មតា​មុនពេល​ឲ្យ​កុមារ​ទទួលទាន ៕M/M/L​

មិនចាំបាច់​បំពេញថែមវីតាមីន​ D ឲ្យមនុស្ស​អាយុ​លើស ៥០ ឆ្នាំ

​ប្រព័ន្ធ​សុខាភិបាល​អង់គ្លេស អាច​សំចៃ​ដល់ ៨០ លាន​ផោន​ដ៍ អាស្រ័យ​ដោយ​ការបន្ថយ​បរិមាណ​វីតាមីន D ចែក​ឲ្យ​មនុស្ស​លើស ៥០ ឆ្នាំ ដោយសារ​វា​មិន​ជួយ​បន្ថយ​ស្ថានភាព​ស្រួយ​ឆ្អឹង ។​
​ពួក​អ្នកស្រាវជ្រាវ​សង្កេតឃើញថា សឹងតែ​ទាំង​អស់នៃ​មនុស្ស​អាយុ​លើសពី ៥០ ឆ្នាំ ដល់​ស៊ី​តេ​រ៉ែ​ឆ្អឹង មិន​កែប្រែ​ប្រើ​សើរ​ឡើង​ច្រើន (​តែ ០,៨% នៅ​ក្បាល​ឆ្អឹងភ្លៅ -​ការប្រែប្រួល ១ ពុំមាន​តម្លៃ​ជាក់ស្តែង​ណា​), រឿងនេះ បង្ហាញថា ការប្រើប្រាស់​វីតាមីន D បន្ថែម ដើម្បី​ជួយ​បញ្ចៀស​ពុក​ឆ្អឹង គឺ​គ្មាន​តម្លៃ ។​
​សាស្ត្រាចារ្យ Ian Reid នៅ​សាកលវិទ្យាល័យ Anckland (​ញូ​វ​ហ្សឺ​ឡែ​ន​) ប្រធាន​ក្រុម​ស្រាវជ្រាវ​បាន​ឲ្យ​ដឹងថាៈ “​សឹងតែ​ទាំង​អស់នៃ​មនុស្ស​ធំ មាន​សុខភាព​មាំមួន មិនចាំបាច់​បំពេញបន្ថែម​វីតាមីន D ។ ទិន្នន័យ​របស់​យើងខ្ញុំ បង្ហាញថា គោលដៅ​របស់​វីតាមីន D កម្រិត​ទាប បំពេញបន្ថែម​សមស្រប តែ​ចំពោះ​បុគ្គល​មានលទ្ធភាព​ត្រូវ​ខ្វះ​វីតាមីន​នេះ​តែប៉ុណ្ណោះ​” ។​
​លទ្ធផល​នេះ ផ្អែកលើ​ការវិភាគ​លទ្ធ​ផលរប​ស់ការ​ស្រាវជ្រាវ​ចំនួន ២៣ ដែលមាន​អ្នកចូលរួម​ជាង ៤០០០ នាក់ (​អាយុធ​ម្យ​ម​គឺ ៥៩ ឆ្នាំ​) អំពី​ទំនាក់ទំនង​រវាង​ការ​ទទួលទាន​បន្ថែម​វីតាមីន D និង​ដង់ស៊ីតេ​ឆ្អឹង ។​
​បណ្ឌិត Alison Tedstone នាយផ្នែក​ជីវជាតិ និង​ជំងឺ​ធាត់ នៅ​វិទ្យាស្ថាន​សុខាភិបាល​សាធារណៈ​អង់គ្លេស ឲ្យ​ដឹងថាៈ “​បច្ចុប្បន្ន​, ដំបូន្មាន​របស់​រដ្ឋាភិបាល គឺ​បំពេញ​ថែម​វីតាមីន D មិន​ជួយ​ទប់ស្កាត់​ជំងឺ​ពុក​ឆ្អឹង​” ។​
​ការស្រាវជ្រាវ​ត្រូវបាន​ប្រកាស​លើ​ទស្សនា​វ​ដ្តី The Lancet ៕M​

មនុស្ស​ធាត់​ក៏​អាចមាន​សុខភាព​ល្អ​ដូច​មនុស្ស​ស្គម​ដែរ​ដរាប​ណា​ពួកគេ​ហាត់ប្រាណ​

សម្រាប់​អ្នក​ដែល​មិនអាច​ស៊ូទ្រាំ​មិន​ញ៉ាំ​នំ​ប៊ី​ស្គី​ត​ជាមួយនឹង​ទឹកតែ​របស់​ពួកគេ​បាន ឥឡូវ​មាន​ដំណឹង​ល្អ​សម្រាប់​ពួកគេ​ហើយ។ ការសិក្សា​មួយ​បាន​បង្ហាញថា មនុស្ស​ធាត់​អាចមាន​សុខភាព​ល្អ​ដូច​មនុស្ស​ស្គម​ដែរ ដរាប​ណា​ពួកគេ​រស់នៅក្នុង​បែបផែន​ជីវិត​ដែល​ផ្តល់​គុណ​តម្លៃ​ដល់​សុខភាព។​

​លោក អេ​រីក អែម ម៉ា​ឌឺ​សុន និង ពួក​គ្រូពេទ្យ​មួយក្រុម​មកពី​សាកលវិទ្យាល័យ​វេជ្ជសាស្ត្រ Medical University of South Carolina បានធ្វើ​ការតាមដាន​មនុស្ស ១២.០០០ នាក់​ប្រើពេល​ជាង ១៤ ឆ្នាំ។​

​ពួកគេ​បាន​រកឃើញថា​មនុស្ស​ធាត់​ដែល​បាន​ចូលរួម​ក្នុង​សកម្មភាព​មាន​ប្រយោជន៍​ដល់​សុខភាព ដូចជា ការ​ទទួលទាន​ផ្លែឈើ និង បន្លែ​ចំនួន​ប្រាំ​មុខ​ឬ​ច្រើនជាង​នេះ​ជាប្រចាំ​, ការធ្វើ​លំ​ហាត់ប្រាណ​ឲ្យ​បាន​ទៀត​ទាត់​, ការ​ពិសា​សុរា​ក្នុង​កំរិត​មធ្យម និង ការមិន​ជក់បារី បាន​ទទួលរង​ហានិភ័យ​នៃ​ការស្លាប់​មុន​អាយុ​តិចតួច​ដូច​មនុស្ស​ស្គម​ដែរ។​

​ការសិក្សា​ដែល​ចេញផ្សាយ​ក្នុង​ទស្សនា​វ​ដ្តី American Board of Family Medicine បាន​លើកឡើងថា មនុស្ស​ធាត់​ដែល​មិនមាន​បែបផែន​រស់នៅ​ដែល​ផ្តល់​គុណ​តម្លៃ​ដល់​សុខភាព​គឺមាន​ហានិភ័យ​ខ្ពស់បំផុត។​

​លោកស្រី​លីហ្សា វេដ ជំនួយការ​សាស្ត្រាចារ្យ​បាន​និយាយថា ការសិក្សា​បានបង្ហាញ​មក​ថា "​ភាពស្គម​គឺជា​របាំង​ការពារ ប្រសិនបើ​មនុស្ស​មិនបាន​ធ្វើ​អ្វី​ទាំងអស់​ដើម្បី​លើកស្ទួយ​ដល់​សុខភាព​ពួកគេ​"។ លោកស្រី​បន្ថែមថា "​មនុស្ស​ធាត់ ឬ​លើស​ទម្ងន់​អាចមាន​ហានិភ័យ​ដល់​អាយុជីវិត​ដូច​មនុស្ស​មាន​ទម្ងន់​ធម្មតា​ដែរ ហេតុ​ដូចនេះហើយ យើង​គួរតែ​លះបង់​ចោល​នូវ​គំនិត​ដែលថា​មនុស្ស​ធាត់​គឺ​កំពុងតែ​សម្លាប់​ខ្លួនឯង​ជាមួយនឹង​ការឡើង​ទម្ងន់​បន្ថែមទៀត។ វា​មិនមែនជា​ការពិត​នោះឡើយ​"៕

សត្វកកេរជាកត្តាបង្កជំងឺទឹកនោមផ្អែមប្រភេទ១

​ការស្រាវជ្រាវ​ថ្មី​ត្រូវបាន​ប្រកាស​លើ​ទស្សនា​វ​ដ្តី Public Library of Science ONE ឲ្យ​ដឹងថា ពពួកសត្វ​ព្រៃ ពិសេស​គឺ​សត្វ​កកេរ​ដូចជា​កណ្តុរ​ជា​កត្តា​បង្ក​ជា​ជំងឺ​ទឹកនោមផ្អែម​ប្រភេទ​១​នៅ​កុមារ ពិសេស​ចំពោះ​កុមារ​មាន​ប្រព័ន្ធ​ការពារ​រាងកាយ​ខ្សោយ ។​
​ក្នុងការ​ស្រាវជ្រាវ ពួក​អ្នកវិទ្យាសាស្ត្រ​នៅ​សកល​វិទ្យាល័យ Newcasle (​អង់គ្លេស​) បាន​ពិនិត្យមើល​កុមារ ៤៦៨​នាក់ មាន​អាយុ​ក្រោម​១៤​ឆ្នា​ម ត្រូវបាន​វិនិច្ឆ័យ​កើត​ជំងឺ​ទឹកនោមផ្អែម ប្រភេទ​១​នៅ​តំបន់​ភាគ​អាគ្នេយ៍​ប្រទេស​អង់គ្លេស ។​
​មិន​ដូចជា​ជំងឺ​ទឹកនោមផ្អែម​ប្រភេទ​២ ដែល​វាយប្រហារ​ច្រើន​ទៅ​មនុស្ស​ចាស់ ជំងឺ​ទឹកនោមផ្អែម​ប្រភេទ​១ ច្រើន​ស្តែងចេញ​នៅ​កុមារ និង​មិន​ពាក់ព័ន្ធ​ដល់​ស្ថាន​ភាពធាត់ ឬ​ឥទ្ធិពល​ពី​ទម្លាប់​សកម្មភាព ។ ពេល​សរីរាង្គ​ផ្អាក​ផលិត​អាំង​ស៊ុយ​លីន កុមារ​នឹង​កើត​ជំងឺ​នេះ ។​
​ក្នុង​ដំណើរការ​ស្រាវជ្រាវ ពួក​អ្នកវិទ្យាសាស្ត្រ​សង្កេតឃើញថា រៀងរាល់​៦​ឆ្នាំ​ម្តង​តែង​កើតមាន​ចំណុច​ផ្ទុះឡើង​ជំងឺ​នៅពេល​វេលា​កំណត់​មួយចំនួន​ក្នុង​ឆ្នាំ ។ ផ្តើម​ពីនេះ ពួក​អ្នក​វិ​ទ្យ​សាស្ត្រ​សន្និដ្ឋានថា ទឹកនោមផ្អែម​ប្រភេទ​១ ក៏ដូចជា​ជំងឺ​ផ្តាសាយ ឬ​ក​ញ្ជ្រិ​ល ពេល​ស្ថានភាព​នេះ​អាច​រាលដាល ហើយ​ភ្នាក់ងារ​បង្ក​ជំងឺ​សំខាន់​គឺជា​ពពួក​សត្វព្រៃ ពិសេស​គឺ​សត្វ​កកេរ​ដូចជា​កណ្តុរ ។​
​តាម​បណ្ឌិត Richard Menally ប្រធាន​ក្រុម​ស្រាវជ្រាវ "​មាន​ភស្តុតាង​ជាច្រើន​បាន​អះអាងថា ការរីកចម្រើន​របស់​ជំងឺ​ទឹកនោមផ្អែម​ប្រភេទ​១​គឺ​ដោយសារ​ការឆ្លង​មេរោគ និង​មាន​ហានិភ័យ​រាលដាល ។ ក្រោយពេល​ផ្គូរ​ផ្គង​ជាមួយ​ជំងឺ យើងខ្ញុំ​រកឃើញ​ភាពដូចគ្នា ក្នុង​យន្តការ​រាលដាល​ប្រភព​ជំងឺ ។​
​លោក​ក៏​ចាត់ទុកថា ជំងឺ​ទឹកនោមផ្អែម​ប្រភេទ​១ មិន​ឆ្លង​ពី​មនុស្ស​ទៅ​មនុស្ស តែ​ប្រសិន​កូន​អ្នក​ប្រាស្រ័យ​ជាមួយ​សត្វព្រៃ នោះ​នឹង​កើន​ហានិភ័យ​កើត​ជំងឺ ។ អាស្រ័យហេតុនេះ អាណាព្យាបាល​ទាំងឡាយ​ត្រូវ​យកចិត្តទុកដាក់​រឿង​នេះ ដើម្បី​ឲ្យ​កូន​របស់ខ្លួន​មាន​សុវត្ថិភាព និង​ផ្តាច់​ចេញពី​ប្រភព​ជំងឺ ៕​M

​១០ អាហារ​ព្យាបាល​ជំងឺ

អាហារ ក្រៅពី​ជា​កត្តា​សំខាន់​ក្នុងការ​ចិញ្ចឹមជីវិត​ហើយ បើ​មានការ​យកចិត្តទុកដាក់ ចំពោះ​អាហារ​ទទួលទាន វា​ថែមទាំង​អាច​ការពារ និង​ព្យាបាល​ជំងឺ បាន​ថែម​ទៀតផង ... ។
១. អាកា​រៈ​ភើ​ញឹកញាប់ : ដោះស្រាយ​ដោយ​ការ​ផឹកទឹក​ត្របែក​ស្ងោរ មួយថ្ងៃ ៣ កែវ អាចជួយ​កាត់បន្ថយ​អាកា​រៈ​ភើ​បាន​យ៉ាង​ល្អ ។
២. ហើម​ឆ្អល់ពោះ : ច្រើន​មាន​មូលហេតុ​ពី​ការទទួល​ទាន​អាហារ​ពពួក​នំប៉័ង អាច​ដោះស្រាយបាន ដោយ​ការ​ទទួលទាន​ជ្រក់ត្រសក់ ឬ​ផឹកទឹក​កេក​ហួយ​ក្តៅៗ ១-២ ពែង​ក្នុង​មួយថ្ងៃ ។
៣. សម្ពាធ​ឈាម​ទាប : ក្រោយ​ក្រោក​ពី​គេង​ពេលព្រឹក ចូរ​ផឹកទឹក​មួយ​កែវ និង​ជ្រើស​ទទួលទាន​អាហារ ដែល​ផ្សំ​ដោយ​អំបិល ព្រោះ​អំបិល នឹងធ្វើ​ឲ្យ​សម្ពាធ​ឈាម​ខ្ពស់​វិញ ។ ចំពោះ​អ្នក​ដែល​តែងតែ​ងងឹតមុខ និង​មាន​អារម្មណ៍​នឿយហត់ ចូរ​ទទួលទាន​បន្លែ ផ្លែឈើ​ដែលមាន​វិ​តា​មីន C ដូចជា ផ្លែ​គី​វី​, ប៉េងប៉ោះ​, ត្របែក វា​នឹង​ជួយ​ឲ្យ​សម្ពាធ​ឈាម​ខ្ពស់​ឡើង ថែមទាំង​បញ្ចេញ​អ័រម៉ូន​នៃ​សេចក្តីសុខ​ផងដែរ ។
៤. សម្ពាធ​ឈាម​ខ្ពស់ : ទទួលទាន​ចេក​, ត្រសក់ ព្រោះ​មាន​ប៉ូ​តា​ស្យូ​ម​ខ្ពស់ ជួយ​កាត់បន្ថយ​ទឹក​ក្នុង​ឈាម ធ្វើ​ឲ្យ​សម្ពាធ​ឈាម​ចុះ​ទាប ។ បើ​សម្ពាធ​ឈាម​ឡើង​ខ្ពស់ និង​អស់កម្លាំង ចូរ​ទទួលទាន​អាហារ​ដែលមាន​អាស៊ីដ​អា​មី​ណូ​ទ្រី​ប​តូ​ហ្វា​ន (Tryptophan) ដូចជា ដំឡូងបារាំង​, សណ្តែក អង្គ​រអា​វ័ន , ប៊័រ ។ រីឯ​អាហារ​ពេលយប់ គួរ​បន្ថែម​ការ​បូ​អ៊ី​ដ្រា​ត ដូចជា បាយ ផលិតផល​ធញ្ញជាតិ​មិន​ខាត់​ពណ៌ បន្ថយ​សាច់សត្វ និង គួរ​បន្ថែម​វីតាមីន E ដែល​ជួយ​ការពារ សរសៃឈាម​មិន​ឲ្យ​ឡើង​រឹង ជាពិសេស វីតាមីន E ដែលមាន​ក្នុង​ប្រេងល្ង ។​

៥. ជំងឺ​សោកសៅ : ទទួលទាន​បាយ​បន្លែ​ឆ្អិន​, ប្រេងល្ង យ៉ាងតិច​មួយថ្ងៃ​ម្តង កាត់បន្ថយ​អាហារ​ប្រភេទ​សាច់សត្វ ជាពិសេស អាហារ​ពេលយប់ មិនគួរ​មាន​សាច់សត្វ​ឡើយ ។​
៦. គេង​មិន​លក់ : ទទួលទាន​សណ្តែក​មួយ​ថ្ងៃ មួយ​ក្តាប់ដៃ ព្រោះ​ក្នុង​សណ្តែក​មានណៃ​អាស៊ី​ន (Niacin) ខ្ពស់ ដែល​ជួយ​ឲ្យ​មាន​ការផលិត​អ័រម៉ូន​សេ​រ៉ូ​ថូ​នី​ន (Serotonin) ដែលជា​អ័រម៉ូន​នៃ​សេចក្តីសុខ ជួយ​ឲ្យ​គេង​លក់​ស្រួល ។
៧. អាកាសធាតុ​ផ្លាស់ប្តូរ ធ្វើ​ឲ្យ​ឈឺក្បាល ងងុយគេង : គួរ​ផ្អាក​ទទួលទាន​ផ្លែឈើ​នៅពេល​ព្រឹក ដោយ​ងាក​ទៅរក​ប្រូតេអ៊ីន និង វិ​តា​មីន B ដូចជា ជ្រក់ត្រសក់ ឬ​គួរ​ទទួលទាន​អាហារ​ស្រាលៗ ដូចជា បាយ បន្លែ​, ផ្លែឈើ និង​ត្រី ។​ល​។
៨. អាការ មុន​មក​រដូវ (PMS) : គួរ​ទទួលទាន​អាហារ​ដែលមាន​វិ​តា​មីន B6 ដូចជា​ផលិតផល​ធញ្ញជាតិ​មិន​ខាត់​ពណ៌ ដំឡូងបារាំង ផ្លែឈើ​សំបក​រឹង ជាដើម ដើម្បី​កាត់បន្ថយ​អា​ការមិន​ប្រក្រតី​មុន​មក​រដូវ ។
៩. ពុក​ឆ្អឹង : ទទួលទាន​អាហារ​ដែលមាន​កាល់ស្យូម ដូចជា ទឹកដោះគោ​, ប្រូ​ក​ខូ​លី​, ផ្ទី ចៀសវាង​អាហារ​កញ្ចប់ ទឹកក្រូច​ហ្គាស់​, គ្រឿង​ស្រវឹង ដែល​អាច​កាត់បន្ថយ​ការ​បឺត​ស្រូប​កាល់ស្យូម ។ សាកល្បង​ទទួលទាន​ក្រែ​ម​ទឹកដោះគោ​ជូរ ១ ថ្ងៃ ២ ពែង ព្រោះ​បាក់តេរី​ក្នុង​ទឹកដោះគោ ជួយ​ឲ្យ​ការ​បឺត​ស្រូប​កាល់ស្យូម កាន់តែ​ល្អ រួមទាំង​ទទួលទាន​អាហារ​ប្រភេទ​សណ្តែក តែ​បៃតង ត្រី ដែល​ជួយ​ជំរុញ​ការបង្កើត​កោសិកា​ឆ្អឹង ។
១០. វ័យ​អស់​រដូវ : គួរ​ផឹកទឹក​តៅហ៊ូ ១​ថ្ងៃ ១ កែវ ឬ​ទទួលទាន​ពពួក​ទឹក​សណ្តែក និង​ក្រែ​ម​ទឹកដោះគោ​ជូរ ១ ថ្ងៃ ១ ពែង ព្រោះ​មាន​បាក់តេរី​ល្អ ជួយ​ឲ្យ​ការ​បឺត​ស្រូប​អេ​ស្ត្រូ​ចេ​ន (Estrogen) ពី​អាហារ​បានល្អ ៕

កត្តា​ˆ៥​ប្រការ​ដ៏​ស្រពេចស្រពិល​អំពី​មហារីក​ដោះ​

​មហារីក​ដោះ ជា​សណ្ឋាន​មហារីក​មួយ​ក្នុងចំណោម​សណ្ឋាន​មហារីក​៣ (​រួមមាន​មហារីក​អូវែរ និង​មហារីក​ស្បូន​) ដែលជា​ទូទៅ​នឹង​បង្ក​ការបាត់​បង់ជីវិត​ខ្ពស់បំផុត​ចំពោះ​ស្ត្រី​។​
​ប៉ុន្តែ​ស្ត្រី​ជាច្រើន នៅ​ពុំទាន់​យល់​ព័ត៌មាន​អស់ អំពី​ជំងឺ​ដ៏​គ្រោះថ្នាក់​នេះ ។ ខាងក្រោម​នេះ​ជា​កត្តា ៥ ប្រការ​ដ៏​ស្រពេចស្រពិល​អំពី​ជំងឺមហារីក​ដោះ​។​

១.​ថ្នាំ​ពន្យារកំណើត​បង្ក​មហារីក​ដោះ ?
​រឿងនេះ​ពុំ​ត្រឹមត្រូវ​ទាំងស្រុង​ឡើយ​។ ពពួក​ថ្នាំ​ពន្យារកំណើត​បច្ចុប្បន្ន សុទ្ធ​តែមាន​ផ្ទុក​អ័រម៉ូន estrogen និង progesterone ក្នុង​កម្រិត​ទាប​មួយ​។ តាម​ការស្រាវជ្រាវ​ជាច្រើន នោះ ក្រុម​អ្នកវិទ្យាសាស្ត្រ បានចង្អុលបង្ហាញ​ថា ពុំមាន​ទំនាក់ទំនង​មួយ​រវាង​ការប្រើប្រាស់​ថ្នាំ​ពន្យារកំណើត​ជាមួយ​ការ​កើន​គ្រោះថ្នាក់​មហារីក​ដោះ​នោះឡើយ​។ ប៉ុន្តែ ការស្រាវជ្រាវ​មួយ បាន​ត្រូវ​បូកសរុប​លទ្ធផល​ពី​ការស្រាវជ្រាវ​ផ្សេងៗ​ជាច្រើន​មុននេះ បានឱ្យដឹងថា មាន​ទំនាក់ទំនង​តិចតួច រវាង​ការ​លេបថ្នាំ​ពន្យារកំណើត ជាមួយ​គ្រោះថ្នាក់​មហារីក​ដោះ ។ ម្យ៉ាងទៀត គ្រោះថ្នាក់ នៅ​អាច​ថយចុះ​ទៅតាម​ពេលវេលា​នីមួយៗ​។​

២.​អាហារ​សម្បូរ​ជាតិ​ខ្លាញ់ បង្ក​ជំងឺមហារីក​ដោះ ?
​រឿងនេះ ពុំ​ប្រាកដថា ត្រឹមត្រូវ​ឡើយ​។ ការស្រាវជ្រាវ​មួយចំនួន មិនបាន​បញ្ជាក់​ពី​ទំនាក់ទំនង​ច្បាស់លាស់ រវាង​ការប្រើប្រាស់​អាហារ​សម្បូរ​ជាតិ​ខ្លាញ់ ជាមួយ​ជំងឺមហារីក​ដោះ​នោះទេ​។ ពួក​អ្នកវិទ្យាសាស្ត្រ កំពុង​បន្ត​ស្រាវជ្រាវ​បញ្ហា​នេះ​នៅក្នុង​ពេលអនាគត​។ ប៉ុន្តែ​អ្នក​ត្រូវ​ដឹងថា ស្ថានភាព​លើស​ទម្ងន់ ជា​កត្តា​មួយ​ក្នុង ចំណោម​កត្តា​គ្រោះថ្នាក់​បង្ក​មហារីក​ដោះ ព្រោះថា បរិមាណ​ខ្លាញ់​លើស កើនឡើង និង​ជំរុញ​ដំណើរការ​សរីរាង្គ​ផលិត estrogen ខាងក្រៅ​អូវែរ ហើយ​ផ្តើម ពី​នោះ អាចធ្វើឱ្យ​កើន​ទាំងស្រុង​កម្រិត estrogen ក្នុង​សរីរាង្គ​ដែលជា​ភ្នាក់ងារ​បង្ក​មហារីក​ដោះ​។ ក្នុងករណី អ្នក​លើស​ទម្ងន់ ការចៀសវាង​ទទួលទាន​អាហារ សម្បូរ​ជាតិ​ខ្លាញ់ ជា​រឿង​ចាំបាច់​បំផុត​។​

៣. គ្រាន់តែ​ពិនិត្យ​ដើមទ្រូង​ដោយ​ខ្លួនឯង​?
​រឿងនេះ​ត្រឹមត្រូវ តែ​ក្នុង​ប៉ុន្មាន​ករណី​។ តាម​អ្នកជំនាញការ ការថត​កាំរស្មីអ៊ិច គុណភាព​ខ្ពស់​ត្រូវបាន​ចាត់ទុកជា​វិធី​គួរឱ្យ​ទុកចិត្ត​បំផុត​ដើម្បី​រក ឃើញ​មហារីក​ដោះ​ដំណាក់កាល​ឆាប់ និង​អាច​ព្យាបាល​ជា​ទាំងស្រុង​។​

​អ្នក​ត្រូវ​ដឹងថា នៅពេលដែល​ដុំ​គីស​មហារីក​មួយ ត្រូវ​ផ្តុំ​មកវិញ​(​រកឃើញ​ដោយ​ដៃ​) វា​តែង​ធំ​ជាង​ទំហំ​មធ្យម ត្រូវបាន​រកឃើញ​តាមរយៈ​ការថត​កាំរស្មីអ៊ិច ក្រពេញ​ដោះ ។ ប៉ុន្តែ​ការ​ស្វ័យ​ត្រួតពិនិត្យ​ដោះ គឺ​សំខាន់បំផុត​។ តាម​ស្ថិតិ​មាន​ប្រមាណ​២៥​ភាគរយ ករណី​មហារីក​ដោះ ត្រូវបាន​រកឃើញ អាស្រ័យ​ដោយ​ការ​ស្វ័យ​ត្រួតពិនិត្យ​ដោះ​ប្រមាណ​៣៥​ភាគរយ​។ ករណីនេះ ត្រូវបាន​រកឃើញ​ក្រោយពេល​ថតកាំរស្មីអ៊ិច  និង​៤០​ភាគរយ​ករណី ត្រូវបាន​រកឃើញ​អាស្រ័យ​ដោយ​អនុវត្ត​វិធី​ទាំង​២​ខាងលើ​។​

៤.​មិនអាច​ប្រឆាំង​តប​ជោគវាសនា ?
​មនុស្ស​ជាច្រើន គិតថា ពេល​ប្រមូលផ្តុំ​កត្តា​គ្រោះ​ថ្នាក់ខ្ពស់​ជាច្រើន នោះ​មិនអាច​ចៀស​ផុតពី​ការ​ប្រឈម​កើត​ជំងឺមហារីក​។ រឿងនេះ មិនត្រូវ​នឹង​ការពិត​ឡើយ​។ មាន​វិធីសាស្ត្រ​ប្រកបដោយ​ប្រសិទ្ធភាព​មួយចំនួន ដើម្បី​បន្ថយ ទោះបី​មិនអាច​កម្ចាត់​ចោល​ទាំងស្រុង​នូវ​គ្រោះថ្នាក់​មហារីក​ដោះ ដែល​ស្ត្រី​ភាគច្រើន មាន​កត្តា​ប្រឈម​ខ្ពស់​។​

​វិធី​ដែល​អ្នក​ត្រូវ​ជ្រើសរើស​នោះ រួមមាន​៖ ផ្លាស់ប្តូរ​របៀបរបប​រស់នៅ (​កំហិត​ទទួលទាន​ស្រា បញ្ឈប់​ការជក់បារី ហាត់ពត់​រាងកាយ​ជាប្រចាំ​) ទទួលទាន​ថ្នាំ tamoxifen និង​ក្នុងករណី​គ្រោះថ្នាក់​ខ្ពស់​មួយចំនួន​។ វេជ្ជបណ្ឌិត អាច​ចេញ​វេជ្ជបញ្ជា​ឱ្យ​វះកាត់​(​វះកាត់​ដោះ​) ចំពោះ​ស្ត្រី​មួយចំនួន​អាច​ត្រូវ​វះកាត់​ចោល​អូវែរ ដើម្បី​ព្យាបាល​ជំ​ងី​មហារីក​ដោះ​។ ចូរ​ធានាថា អ្នក​បាន​ពិគ្រោះ​យោបល់​ជាមួយ​វេជ្ជបណ្ឌិត​ជំនាញ មុនពេល​ទទួលស្គាល់ថា ខ្លួន​មាន​កត្តា​ប្រឈម​ខ្ពស់​ត្រូវ​កើត​មហារីក​ដោះ​។​

៥.​មហារីក​ដោះ មានន័យថា ស្លាប់ ?
​រឿងនេះ មិន​ត្រឹមត្រូវ​ឡើយ ។ តាម​ស្ថិតិ បាន​ឲ្យ​ដឹងថា ប្រមាណ​៨០​ភាគរយ​នៃ​ស្ត្រី ត្រូវបាន​វិនិច្ឆ័យ​ថា មាន​កើត​ជំងឺមហារីក​ដោះ ច្រើន​ពុំមាន​សញ្ញា​របស់​ការ​រាលដាល​ណា​ឡើយ (​កោសិកា​មហារីក ពុំទាន់​រាលដាល​ឆ្ងាយ និង​ទន្ទ្រាន​ចូល​កូនកណ្តុរ​ឈាមស​ក្បែរ​ខាង​)​។ ហើយ​៨០ ភាគរយ​នៃ​ស្ត្រី ត្រូវបាន​វិនិច្ឆ័យ​មហារីក​ដោះ​ពុំទាន់​រាលដាល អាច​អូស​បន្ថយ ជីវិត​តិច​បំផុត​៥​ឆ្នាំ ស្ត្រី​ជាច្រើន​នៅរស់​បានយូរ​ជាងនេះទៀត ។ សូម្បីតែ​ស្ត្រី ត្រូវបាន​វិនិច្ឆ័យ​កើត​មហារីក​ដោះ បាន​មាន​សញ្ញា ក៏​អាច​នៅរស់​មួយរយៈ​ពេល​វែង បន្ទាប់ពីនោះ គួបផ្សំ​ជាមួយ​វិធី​ព្យាបាល​ដែល​ត្រូវបាន​វេជ្ជសាស្ត្រ​រកឃើញ​ថ្មីៗ​នេះ នឹង​នាំមក​នូវ​ក្តីសង្ឃឹម​សម្រាប់​អ្នកជំងឺ​ជាច្រើន​ក្នុង​ថ្ងៃ​អនាគត​៕​

អត់ងងុយដល់យប់ជ្រៅមានការប្រឈមលើសទម្ងន់ និងឥទ្ធិពលអាក្រក់ដល់បេះដូង

​ការស្រាវជ្រាវ​មួយ​ត្រូវបាន​ប្រកាស​លើ​ទស្សនា​វ​ដ្តី Plos One របស់​អ្នកវិទ្យាសាស្ត្រ​អាមេរិក​បាន​ឲ្យ​ដឹងថា អ្នក​ចូល​ដំណេក​យឺត​អាច​ប្រឈម​ជំងឺ​ធាត់ និង​ឈឺបេះដូង ។​
​វេជ្ជបណ្ឌិត Giovanni Cizza នៅ​វិទ្យាស្ថាន​សុខភាព​ជាតិ​នៅ Bethesda ឲ្យ​ដឹងថា ជនជាតិ​អាមេរិក​ជាច្រើន​គេង​មិន​គ្រប់ និង​លើស​ទម្ងន់ ។​
​ការស្រាវជ្រាវ​បង្ហាញថា អ្នក​ចូល​គេង​យឺត​នៅពេល​យប់ គេង​តិចពេក និង​ធាត់​ក៏មាន​មាន​សញ្ញា​ធ្វើ​ឲ្យ​កើន​ថែម​ការព្រួយបារម្ភ​អំពី​ហានិភ័យ​ឈឺបេះដូង ។​
​វេជ្ជបណ្ឌិត Cizza បាន​វិភាគ​ទិន្នន័យ​របស់​មនុស្ស​១១៩​នាក់ ស្ថិតក្នុង​ក្រុម​ចូល​ដំណេក​យឺត គេង​តិចពេក និង​លើស​ទម្ងន់ ។ ការស្រាវជ្រាវ​បាន​រកឃើញថា អ្នក​នៅ​ដល់​យប់​ជ្រៅ និង​គេង​មិន​លក់​មាន​ចង្វាក់បេះដូង​ពេល​សម្រាក​ញាប់​ជាង ហើយ​កម្រិត​អ័រម៉ូន​តានតឹង​ខ្ពស់ជាង ។​
"​ប្រសិន​អ្នកជា​មនុស្ស​ម្នាក់ ឧស្សាហ៍​ធ្វើ​សកម្មភាព​នៅពេល​យប់នោះ​អ្នក​នឹងមាន​និន្នាការ​ទទួលទាន​ច្រើនជាង​និង​ទទួលទាន​ជាតិ​ខ្លាញ់​ច្រើនជាង​ប្រៀប​នឹង​កាបូ​អ៊ី​ដ្រា​ត ទន្ទឹម​នោះ​នឹង​ទទួលទាន​ជាប្រចាំ​ជាង​ក្រោយ​ម៉ោង​៨​យប់​" វេជ្ជបណ្ឌិត Cizza និយាយ ៕​M

អាថ៌កំបាំងបញ្ចុះទម្ងន់របស់ស្ត្រីជប៉ុន

មី Soba
ជប៉ុន​ជា​ប្រទេស​មាន​អត្រា​អ្នក​កើត​ជំងឺ​ធាត់​ទាប់​បំផុត​ពិភព​លោ ។ ពិសេស​អត្រា​របស់​ស្ត្រី​ជប៉ុន​ទាប​ជាង​យ៉ាងច្រើន​ប្រៀប​នឹង​ស្ត្រី​ប្រទេស​ដទៃ ។ ស្ត្រី​ជប៉ុន​មាន​អាថ៌កំបាំង​អ្វី​ដើម្បី​រក្សាបាន​រូបរាង​ស្រ​ឡូ​ន ។​
​វិធី​ទទួលទាន​របស់​ស្ត្រី​ជប៉ុន បានបង្ហាញ​ចម្លើយ​នោះ ។​
-​ជាតិ​ម្សៅ​បន្ថយ​ធាត់​
​ក្នុង​ម្ហូបចំណី​របស់​ជនជាតិ​ជប៉ុន បរិមាណ​ជាតិ​ម្សៅ​អត្រា​យ៉ាងខ្ពស់ ។ ប៉ុន្តែ​ចំពោះ​អាហារ​របស់លោក​ខាងលិច​ជាតិ​ម្សៅ​បែរជា​ត្រូវបាន​ចាត់ទុកជា​សត្រូវ​របស់​កិច្ចការ​បញ្ចុះទម្ងន់ ។ គន្លឹះ​របស់​ភាពខុសប្លែក​គ្នា​នោះ​ត្រូវ​ពិនិត្យ​ទៅដល់​សុខភាព​របស់​ជាតិ​ម្សៅ ។​
​ក្នុង​ម្ហូបអាហារ​របស់​ជនជាតិ​ជប៉ុន​សុទ្ធតែ​ផ្ទុក​ជាតិ​ម្សៅ​គុណភាព​ខ្ពស់ ។ ដោយសារ​ក្រោយពេល​កែច្នៃ​សាមញ្ញ ជាតិ​ម្សៅ​នៅតែ​រក្សាបាន​សារជាតិ​ដើម សម្បូរ​សារជាតិ​ជីវជាតិ ផ្ទុក​ជាតិ​សរសៃ​ច្រើន ផ្គត់ផ្គង់​គ្រប់គ្រាន់​ថាមពល​ចាំបាច់​សម្រាប់​សរីរាង្គ ជំរុញ​ដំណើរ​ការបញ្ចេញ​ជាតិ​រំអិល​ពោះវៀន បង្កើត​អារម្មណ៍​ឆ្អែត ។​
​ប៉ុន្តែ​អាហារ​លោកខាងលិច​ត្រូវបាន​កែច្នៃ​ម៉ត់ចត់​ពេក ហេតុនេះ​ជាតិ​ម្សៅ​ត្រូវ​ប្រែប្រួល​សារជាតិ បរិមាណ​ជាតិ​សរសៃ​ទាប​ងាយ​នាំ​ដល់​ការ​លើស​បរិមាណ​សីតុណ្ហភាព និង​បង្ក​ជា​ជំងឺ​ពាក់ព័ន្ធ​ដោយសារ​កូ​ឡេ​ស្តេ​រ៉ូ​ល​ខ្ពស់​ក្នុង​ឈាម ។​
​ក្រៅពីនេះ ពពួក​អាហារ​ផ្ទុក​ជាតិ​សរសៃ​ច្រើន​មាន​ប្រសិទ្ធភាព​ធ្វើ​ឲ្យ​ថយចុះ​បរិមាណ​កាឡូរី ហើយក៏​ជា​សារជាតិ​បន្សាប​ពុល​ដ៏​ល្អ​បំផុត ។ តាម​វិធី​កែច្នៃ​អាហារ​ប្រពៃណី​របស់​ជនជាតិ​ជប៉ុន នៅពេល​បាយ​នីមួយៗ​អត្រា​ជាតិ​ម្សៅ​ច្រើន​ដូចជា​បន្លែ​បៃតង មី Soba (​មី ស្រូវ​សាឡី​) និង​ពពួក​សណ្តែក ។ ជាងនេះទៀត​ក្នុង​វិធី​កែច្នៃ​អាហារ ជនជាតិ​ជប៉ុន​មិន​ប្រើប្រាស់​ផលិត​កែច្នៃ​ពី​ទឹកដោះគោ ហើយក៏​មិន​បន្ថែម​ជាតិ​ខ្លាញ់​ពី​ខាងក្រៅ ។​
-​សណ្តែកសៀង​

​ក្នុង​អាហារ​ប្រចាំថ្ងៃ​របស់​ជនជាតិ​ជប៉ុន​មិនអាច​ខ្វះ​សណ្តែកសៀង ។ សណ្តែកសៀង​សម្បូរ​ជាតិ​ប្រូតេអ៊ីន ដំណើរ​រំលាយ​នឹង​បំប្លែង​ទៅជា amino acid ជួយ​ឲ្យ​ការរំលាយ​ងាយស្រួល ជាងនេះទៀត​សណ្តែកសៀង​ជា​ប្រភេទ​អាហារ​បន្ថយ​ធាត់ ជួយ​សរីរាង្គ​បន្ថយ​បាន​កូ​ឡេ​ស្តេ​រ៉ូ​ល​ក្នុង​ឈាម បញ្ចុះ​សម្ពាធ​ឈាម ទប់ស្កាត់​ក្រិន​រឹង​សរសៃឈាម ។ ក្នុង​ចាន​សម្ល​សណ្តែកសៀង​នៅ​ផ្ទុក​វីតាមីន E កាល់ស្យូម​និង​សារជាតិ​រ៉ែ ហើយ​នេះ​ជា​អាថ៌កំបាំង​រក្សា​រូបរាង​របស់​កូនស្រី​ជប៉ុន ។​
-​ចង្កឹះ​ហូប​តម​
ចង្កឹះ​ហូប​តម​
​ក្រៅពី​អាហារ ប្រើប្រាស់​ចង្កឹះ​និង​ចាន​តូច​ក៏​ជា​អាថ៌កំបាំង​មួយ​ដើម្បី​កូនស្រី​ជប៉ុន​មិនត្រូវ​ធាត់ ។ "​ប៉ុន្មាន​ឆ្នាំមុន ដើម្បី​សរសេរ​សៀវភៅ​ចម្អិន​អាហារ​ប៉ុន ខ្ញុំ​បានចាប់ផ្តើម​ប្រើ​ចង្កឹះ ភ្លក់​ម្ហូប​របស់​ជប៉ុន​ត្រូវបាន​សរសេរ​ក្នុង​សៀវភៅ រឿង​ស្មាន​មិន​ដល់​គឺ​ទម្ងន់​របស់ខ្ញុំ​បាន​ថយចុះ 10kg សម្លៀកបំពាក់​ថយចុះ​២​លេខ​" ។ សៀវភៅ "​ចង្កឹះ​ហូប​តម​" របស់​អ្នក​អក្សរសាស្ត្រ Yoshihiko Barber ជនជាតិ​ជប៉ុន​បានប្រកាស​លទ្ធផល​បង្ក​ការភ្ញាក់ផ្អើល​ឲ្យ​អ្នកអាន​ជាច្រើន ។​
​ពេលបាយ​ប្រពៃណី​របស់​ជនជាតិ​ជប៉ុន មាន​សមាសធាតុ​សំខាន់​គឺ​បាយ​បន្លែ ផ្លែឈើ គ្រឿង​សមុទ្រ​ស្រស់ និង​ប្រើ​ចង្កឹះ​ដើម្បី​ចាប់​អាហារ ។ ចង្កឹះ​ប្រមូលផ្តុំ​ស្តែងចេញ​អត្ថន័យ​ធំ​២ នោះ​គឺ​ទទួលទាន​អ្វី និង​ទទួលទាន​ដូចម្តេច ប្រើ​ចង្កឹះ​ក្នុង​ពេលបាយ​ជួយ​បន្ថយល្បឿន​ទទួលទាន ផ្តើម​ពី​នោះ​បរិមាណ​អាហារ​បញ្ចូល​ក្នុង​សរីរាង្គ​ថយចុះ​ដែល​អ្នក​មិន​ចាប់អារម្មណ៍​ដល់ ។ ព្រោះ​ដំណើរ​ការនាំ​អាហារ​ចូល​ក្រពះ អារម្មណ៍​ឆ្អែត​ក្រោយ​២០​នាទី ទើប​ត្រូវបាន​ពត៌មាន​ឡើង​ខួរក្បាល ។ ប្រសិន​ទទួលទាន​ល្បឿន​ពេក យើង​ពុំទាន់​មាន​អារម្មណ៍​ឆ្អែត​នាំ​ដល់​ការ​ទទួលទាន​ច្រើន ។ ការទទួល​ទាន​យឺត​ក៏មាន​ប្រសិទ្ធភាព​ច្រើន​ក្នុង​ដំណើរការ​បញ្ចុះទម្ងន់ ៕​M

កងដៃឃ្លាំមើលសុខភាព តាមដានបានទាំងសុខភាព "ផ្លូវភេទ"

កងដៃ​បច្ចេកវិទ្យា​ខ្ពស់ Up របស់​ក្រុមហ៊ុន Jawbone
​ក្រុមហ៊ុន Jawbone របស់​អាមេរិក បាន​អភិវឌ្ឍន៍​ស៊េរី​ផលិតផល​កងដៃ​បច្ចេកវិទ្យា​ខ្ពស់ Up ដែលមាន​សមត្ថភាព​តាមដាន​ស្ថានភាព​សុខភាព​វាស់​ចង្វាក់បេះដូង ដឹង​ពី​ប្រភេទ​អាហារ​ដែល​អ្នក​ប្រើ​វា​ទើប​បរិភោគ ហើយ​ថែមទាំង​ឃ្លាំមើល​បាន​រឿង "​លើ​គ្រែ​" ទៀតផង ។​
​ដោយ​គ្រាន់តែ​សម្លឹង​ទិន្នន័យ​និមិត្ត​ឡើងលើ​អេក្រង់​ទូរស័ព្ទ​ត្រូវបាន​ត​ភ្ជាប់​នឹង​កងដៃ Up របស់​អ្នកនោះ ប្តី​ឬ​ប្រពន្ធ​គូស្នេហ៍​មាន​ដឹងបាន​ពី​ស្ថានភាព​រួមភេទ​ថ្មី​បំផុត និង​អារម្មណ៍​របស់​អ្នក​នៅពេលនោះ​ដូចម្តេច​ដែរ ។​
​ប្រការនេះ​ក៏​មានន័យថា ឧ​បរ​ណ៍ Up អាច​ប្រាប់​អ្នក​ដែល​ពាក់​វា​មាន​ធ្វើជា "​ស្រណុក​ដល់​កំពូល​" ក្នុង​ទំនាក់ទំនង​ផ្លូវភេទ​ដែរ​ឬ​អត់ ព្រោះថា ឧបករណ៍​នេះ​កត់ត្រា​ទុក​រាល់​សកម្មភាព​ទាំងអស់​ក្នុង​សរីរាង្គ បរិមាណ​កាឡូរី​ដែល​ចំណាយ​ចេញ ចម្ងាយ​ធ្វើដំណើរ​ពី​កន្លែង​មួយ​ទៅ​កន្លែង​មួយ រយៈពេល​ចលនា និង​ពេលវេលា​មិន​ចលនា​របស់​អ្នកប្រើប្រាស់ ។​
​កងដៃ Up អាច​ឃ្លាំមើល​បាន​ទាំង​ដំណេក​របស់​អ្នកប្រើប្រាស់ ដោយ​អាច​ប្រាប់​ពី​ពេល​គេ​ចាប់ផ្តើម​លង់​ដំណេក រយៈ​ពេលដេក​លង់លក់​ស្រួល​ឬ​មិនបាន​ស្រួល ។ ក្រៅពីនោះ​វា​នៅបាន​ប្រាប់​ពី​អាហារ​ដែល​អ្នក​ទើ​បរិភោគ​ហើយ​ទីតាំង​ដែល​អ្នក​បរិភោគ​អាហារ​នេះ ។​
​នៅ​អាមេរិក​ប្រភេទ​កងដៃ Up ខ្លះ​ត្រូវបាន​ផលិត​សម្រាប់​ពាក់បាន​គ្រប់ពេល​រួមទាំង​ពេល​ងូតទឹក ។ នៅ​ថ្ងៃ​អនាគត ប្រភេទ​កងដៃ​នេះ​នឹង​ត្រូវបាន​កែសម្រួល ដើម្បី​អ្នក​ពុំ​ចាំបាច់​សាក​ថ្ម ឬ​ពេល​ចាំបាច់​ត្រូវ​ដកចេញ​ពី​ដៃ ។​
​តម្លៃ​បច្ចុប្បន្ន​កងដៃ​មួយ​នៅ​អាមេរិក គឺ​ប្រមាណ 150USD/​គ្រឿង ។​M

ជាតិ​ស្ករ​ដែល​មាន​នៅក្នុង​ផ្លែឈើ គឺ​មិន​បង្ក​អោយ​គ្រោះថ្នាក់​ដល់​សុខភាព​ដូច​ជាតិ​ស្ករ​នៅក្នុង​ភេសជ្ជទេ​

ភេសជ្ជ​ដែលមាន​ជាតិ​ស្ករ​ទំនង​ជា​បង្ក​គ្រោះថ្នាក់​ដោយ​វា​ធ្វើអោយ​សម្ពាធ​ឈាម​ឡើង​ខ្ពស់ ប៉ុ​នែ្ត ការសិក្សា​ស្រាវជ្រាវ​មួយ​របស់​​សហរដ្ឋអាមេរិក​រក​ឃើញថា ជាតិ​ស្ករ​ដែល​មាន​នៅក្នុង​ផ្លែឈើ គឺ​មិន​បង្ក​អោយ​គ្រោះថ្នាក់​ដល់​សុខភាព ដូច​អ្វី​ដែល​គេ​បាន​រកឃើញ​​កាលពី​ពេល​មុន​នោះ​ទេ​។​

​ក្រុម​អ្នក​សិក្សា​ស្រាវជ្រាវ​អាមេរិក​នេះ បាន​សិក្សា​ទៅលើ​មនុស្ស​ជាង​២០០.០០០​នាក់​អស់​រយៈពេល​ជិត​៣៨​ឆ្នាំ ហើយ​បាន​រកឃើញថា​ការផឹក​​ជា​ទៀងទាត់​ភេសជ្ជដែល​ត្រូវបាន​គេ​ដាក់​បន្ថែម​ស្ករ​នោះ បង្ក​គ្រោះថ្នាក់​ប្រហែល​១៣​ភាគរយ​ទៅ​លើ​សម្ពាធ​ឈាម​។​

​ភេសជ្ជ​ដែលមាន​ជាតិ​ពពុះ​និង​ភេសជ្ជកូកាកូឡា​គឺ​បង្ក​គ្រោះថ្នាក់​ខ្លាំង​ដែល​នាំ​អោយ​សម្ពាធ​ឈាម​ឡើង​ខ្ពស់  ប៉ុន្តែ ជាតិ​ស្ករ​ដែល​មាន​នៅក្នុង​​ផ្លែឈើ​វិញ​មិនមែន​ជា​កត្កា​ដែល​នាំ​អោយ​សម្ពាធ​ឈាម​ឡើង​ខ្ពស់​នោះទេ នេះ​បើ​យោង​តាម​ក្រុម​អ្នកសិក្សា​ស្រាវជ្រាវ​នេះ​៕

តិចនិចសម្រកទម្ងន់ ដោយទឹកខ្ញី

ការបញ្ចុះ​ទម្ងន់​ដោយ​ទឹក​ខ្ញី ជា​វិធី​ដែល​បានមកពី​ត​ម្រ​ពេទ្យ​របស់​ឥណ្ឌា ដែល​ប្រាប់ថា ខ្ញី ជា​កំពូល​ថ្នាំ​ដែល​ទេវតា​ប្រគល់​ឲ្យ​មនុស្សលោក ។ ក្រៅពី​ជួយ​ព្យាបាល​ជំងឺ​ជាច្រើន​ហើយ ថែមទាំង​សម្បូរ​ដោយ​កាល់ស្យូម ម៉ាញេស្យូម ជាតិ​ដែក និង​វីតាមីន B1​និង B2 ដែល​ជួយ​ជំរុញ​ប្រព័ន្ធ​ដុតបំផ្លាញ​ថាមពល​បានល្អ ។ កា​បញ្ចុះទម្ងន់​ដោយ​ទឹក​ខ្ញី ប្រើ​គោលការណ៍​ទទួលទាន​អាហារ​ឲ្យ​បាន​គ្រប់ពេល និង​ផ្តោតលើ​ការជំរុញ​ប្រព័ន្ធ​ដុតបំផ្លាញ​ថាមពល ។
-​ផឹកទឹក​ខ្ញី​ មុន​អាហារ​ពេលព្រឹក ១៥ នាទី ។​
-​ត្រូវ​ផឹកទឹក​ខ្ញី គ្រប់ ១ ម៉ោង​ម្តង ដើម្បី​ជំរុញ​ប្រព័ន្ធ​ដុតបំផ្លាញ​ថាមពល​ឲ្យ​ដំណើរការ​គ្រប់ពេល ។​
-​បន្ទាប់ពី​បរិភោគ​អាហារ គួរប្រើ​ទឹក​ខ្ញី​១​កែវ​ធំៗ ជំនួស​នំ​ផ្អែម ដើម្បី​រាងកាយ​រំលាយ​អាហារ​ឲ្យ​បាន​កាន់តែ​ល្អ ទើប​មិន​សល់​ជាតិ​ខ្លាញ់​ប្រមូលផ្តុំ​ក្នុង​រាងកាយ ។​
-​មិន​បរិភោគ​អាហារ​ក្រោយ​ម៉ោង ១៧:00 បើឃ្លាន​ត្រូវ​ផឹកទឹក​ខ្ញី​ក្តៅៗ ដាក់​ស្ករ​មិន​លើស ១ ស្លាបព្រា​កាហ្វេ ។​
-​មុនពេល​ហាត់ប្រាណ គួរ​ផឹកទឹក​ខ្ញី មុន​ប្រហែល ១០ នាទី
-​ផ្អាក​បរិភោគ​នំ​ផ្អែម ម្សៅ និង​អាហារ​ដែលមាន​ជាតិ​ខ្លាញ់​ខ្ពស់ ។​
-​បរិភោគ​ញាំ​បន្លែ ១ ចាន មុន​បរិភោគ​អាហារ​គ្រប់ពេល ។​
-​ជំរុញ​ប្រព័ន្ធ​ដុតបំផ្លាញ​ថាមពល ដោយ​ការដើរ​ឡើង​ចុះ ជណ្តើរ នៅ​ម៉ោង​១​រសៀល រាល់ថ្ងៃ ។​ល

ទទួលទាន​សាច់​តិច ដើម្បី​បន្ថយ​ជំងឺមហារីក​

ទស្សនា​វ​ដ្តី "National Post" របស់​កាណាដា ចេញផ្សាយ​ថ្ងៃ ១០ មីនា បានប្រកាស​លទ្ធផល​ស្រាវជ្រាវ​មួយ​របស់​ពួក​អ្នកវិទ្យាសាស្ត្រ​អាមេរិក បង្ហាញ​អ្នក​ទទួលទាន​ប្រូតេអ៊ីន​សត្វ​ច្រើន​មានការ​ប្រឈម​កើត​ជំងឺមហារីក​ខ្ពស់​ស្មើនឹង​ការជក់បារី ២០ ដើម ក្នុង ១​ថ្ងៃ ។ ជាក់ស្តែង​អ្នកមាន​របប​ទទួលទាន​សម្បូរ​ប្រូតេអ៊ីន​សត្វ​មាន​ហានិភ័យ​បាត់បង់​ជីវិត​ដោយសារ​កើត​ជំងឺមហារីក​ខ្ពស់ជាង ៤ ដង ប្រៀប​នឹង​អ្នកមាន​របប​ទទួលទាន​ពុំ​សូវ​មាន​ប្រូតេអ៊ីន ។​

ទទួលទាន​ប្រូតេអ៊ីន​តិច និង​អាហារ​សម្បូរ​វីតាមីន និង​ជាតិ​សរសៃ​នឹង​ជួយ​បន្ថយ​ហានិភ័យ​កើត​មហារីក​

​បណ្ឌិត Valter Longo សមាជិក​របស់​ក្រុម​ស្រាវជ្រាវ​ឲ្យ​ដឹងថា ការស្រាវជ្រាវ​នេះ​ត្រូវបាន​អនុវត្ត​ផ្អែកលើ​ការតាមដាន​មនុស្សពេញវ័យ​រាប់ពាន់នាក់​ជិត ២០ ឆ្នាំ​កន្លងទៅ ។​

​ក្នុងពេល​ស្រាវជ្រាវ ពួក​អ្នកវិទ្យាសាស្ត្រ​រកឃើញថា អ្នកមាន​របប​អាហារ​សម្បូរ​ប្រូតេអ៊ីន​ដល់​កម្រិត ៧៤% ត្រូវ​ប្រឈមមុខ​ជាមួយ​ហានិភ័យ​បាត់​បង់ជីវិត​ខ្ពស់ជាង​មូលហេតុ​ណាៗ​ទាំងអស់​ប្រៀប​នឹង​អ្នកមាន​របប​អាហារ​មាន​បរិមាណ​ប្រូតេអ៊ីន​ទាប ។ ក្រៅពីនេះ​អ្នកទទួល​ទាន​សាច់សត្វ​ច្រើន (​សាច់​ក្រហម​) ក៏មាន​ហានិភ័យ​ដូចគ្នា ។​
​ពួក​អ្នកវិទ្យាសាស្ត្រ​ឲ្យ​ដឹងថា មនុស្ស​ម​ជ្ឈឹ​ម​វ័យ​គួរ​ទទួលទាន​មធ្យម​ប្រមាណ ០,៨ g ប្រូតេអ៊ីន​សម្រាប់ ១ kg ទម្ងន់​សរីរាង្គ , ពោលគឺ​មនុស្ស​ម្នាក់​ទម្ងន់ ៦០ kg គួរ​ទទួលទាន​តែ​ប្រមាណ ៥០ g ប្រូតេអ៊ីន​ក្នុង ១ ថ្ងៃ ក្នុងពេល​សាច់​ក្រហម ១ បន្ទះ ៣០០g ផ្ទុក ៧៧g ប្រូតេអ៊ីន ។ រួមជាមួយ​នឹង​សាច់​ក្រហម , បណ្តា​ផលិតផល​ពី​ទឹកដោះ​មាន​បរិមាណ​ប្រូតេអ៊ីន​ខ្ពស់​ក៏​គ្រោះថ្នាក់ ព្រោះ​ទឹកដោះគោ ១ កែវ​ចំណុះ ២០០ ml ផ្ទុក ១២% បរិមាណ​ប្រូតេអ៊ីន ឬ​ហ្វ្រូ​ម៉ា ១ ចំណិត ៤០g ផ្ទុក ២០% ប្រូតេអ៊ីន ៕​M

បូថក់ស៍ អាចព្យាបាលជំងឺប្រអប់ជើង

​យោងតាម​ការសិក្សា​ថ្មី​មួយ​របស់​ក្រុម​អ្នកវិទ្យាសាស្ត្រ​នៃ​ប្រទេស​មិច​ស៊ិ​ក បាន​រកឃើញថា ការចាក់ បូថ​ក់ស៍ ជួយ​ព្យាបាល​ជំងឺ​រលាក​កែងជើង (Plantar Fasciitis) បាន​ប្រសើរ​ជាង​ការព្យាបាល​ដែល​ប្រើ​ថ្នាំ​ស្តេ​រ៉ូ​អ៊ី​ដ​។​
​    ​ក្នុងចំណោម​កីឡាករ​រត់ប្រណាំង និង​មនុស្ស​ធាត់​លើស​ទម្ងន់ ជំងឺ​រលាក​កែងជើង កើតឡើង​នៅពេល​ជាលិកា​ភ្ជាប់​កែងជើង (Plantar Fascia) កើតការ​រលាក​។ យោងតាម​ក្រុម​អ្នកវិទ្យាសាស្ត្រ បាន​ឲ្យ​ដឹងថា ការព្យាបាល​ដោយ ស្តេ​រ៉ូ​អ៊ី​ដ អាច​នាំទៅរក​ការ​ធ្លាយ​ភ្នាស​គ្រប់​ជាលិកា​ភ្ជាប់​កែងជើង​បាន​។​
​    ​ហេតុដូច្នេះ ក្រុម​អ្នកស្រាវជ្រាវ មកពី​សាកលវិទ្យាល័យ នូ​អេ​វ៉ូ លី​យ៉ុង (Autonomous University of Nuevo Leon) ប្រទេស​ម៉ិច​ស៊ី​ក បាន​បង្កើត​នូវ​ការពិសោធន៍​ថ្មី​មួយ ដើម្បី​ប្រៀបធៀប​ការព្យាបាល​ដោយ ស្តេ​រ៉ូ​អ៊ី​ដ ជាមួយនឹង​ជម្រើស​ការចាក់​បូថ​ក់ស៍ ដែល​ធ្វើការ​ដោយ​រារាំង​ប្រព័ន្ធ​ប្រសាទ neurotransmittter acetylcholine ដែល​ធ្វើ​ឲ្យ​ខ្សោយ​សាច់ដុំ រយៈពេល​ច្រើន​ខែ​នោះបាន​។ ក្រុម​អ្នកស្រាវជ្រាវ បានជ្រើសរើស​អ្នកជំងឺ ៣៦​នាក់ និង​បែងចែក​ពួកគេ​ជា​ពីរ​ក្រុម ដោយ​មួយក្រុម ព្យាបាល​ជាមួយ​ស្តេ​រ៉ូ​អ៊ី​ដ និង​មួយក្រុម​ទៀត ព្យាបាល​ជាមួយ​បូថ​ក់ស៍ ហើយ​ក្រុម​ទាំងពីរ​បាន​បំពេញ​នូវ​លំ​ហាត់ប្រាណ ពន្យឺត​សាច់ដុំ ដែលជា​ពិធី​ព្យាបាល​មួយបែប​ទៀត​។​
​    ​លទ្ធផល ដែល​ចុះផ្សាយ​ក្នុង​ព្រឹ​ត្ត​ប​ត្រ Foot & Ankle International បាន​បង្ហាញថា ខណៈដែល​ក្រុម​ទាំងពីរ ត្រូវបាន​រកឃើញថា បាន​ធូរស្បើយ ក្រុម​បូថ​ក់ស៍ ត្រូវបាន​រកឃើញថា មានការ​ឈឺចាប់​តិចជាង និង​ត្រូវ​វាយតម្លៃថា ជំងឺ និង​មុខងារ​នៃ​ប្រអប់ជើង មាន​ភាពល្អប្រសើរ​ជាង​៕

ការពិតគួរឲ្យភ្ញាក់ផ្អើល៥ ពាក់ព័ន្ធដល់សុខភាព

ទទួលទាន​មុខ​កញ្ចក់​ជួយ​បញ្ចុះទម្ងន់ អូ​រ៉ា​ល់​សិច មាន​ប្រយោជន៍​សម្រាប់​សុខភាព​ស្ត្រី មើល​កុន​រន្ធត់​ព្រឺព្រួច​នឹង​ដុតបំផ្លាញ​កាឡូរី​ច្រើន ... អ្នក​បានដឹង​រឿង​សាមញ្ញ​២​នេះ​ឬ​នៅ​?
​មានរឿង​យ៉ាង​សាមញ្ញៗ​មួយចំនួន​ពាក់ព័ន្ធ​ដល់​សុខភាព តែ​ពុំមែន​នរណា​ក៏​បានដឹង​នោះឡើយ ។​
១.​ទទួលទាន​មុខ​កញ្ចក់​ដើម្បី​បញ្ចុះទម្ងន់​
​មាន​មនុស្ស​មិន​ច្រើន​ឡើយ​មាន​ទម្លាប់​ទទួលទាន​មុខ​កញ្ចក់ ព្រោះ​មិន​ជឿ​រឿងនេះ តែ​ជាក់ស្តែង​វា​ត្រូវបាន​បញ្ជាក់ថា មាន​ប្រសិទ្ធភាព​ជួយ​បញ្ចុះទម្ងន់ ។ ហេតុអ្វី​ទៅ ? តាម Christine Morgan មកពី​មូលនិធិ Butterfly (​អាមេរិក​) អង្គការ​មួយ​ឧបត្ថម្ភ​ប្រជាជន​ទប់ទល់​នឹង​ភាពច្របូកច្របល់​ទទួល​ទាន និង​រូបភាព​អសកម្ម​របស់​សរីរាង្គ​នោះ "​ប្រសិន​គ្រប់គ្នា​ប្រឹងប្រែង ដើម្បី​ផ្លាស់ប្តូរ​រូ​បរាង្គ ឬ​ទម្ងន់​របស់ខ្លួន គេ​ត្រូវ​ការប្រើ​កញ្ចក់​មួយ​ផ្ទាំង​មក​ដាក់​ពីមុខ​រាល់ពេល​ទទួលទាន​" ។​
​ទទួលទាន​មុខ​កញ្ចក់​នឹង​ជួយ​អ្នក​យល់ដឹងបាន​ពី​ការ​ទទួលទាន​របស់ខ្លួន ហើយ​ពេល​ឃើញ​រូបរាង​ត្រូវការ​បញ្ចុះទម្ងន់​របស់​ខ្លួន​អ្នកនឹង​ទទួលទាន​តិចជាង​ប្រៀប​នឹង​ធម្មតា ។​
២.​អូ​រ៉ា​ល់​សិច​ក៏មាន​ប្រយោជន៍​សម្រាប់​សុខភាព​ស្ត្រី​
​ពួក​អ្នកស្រាវជ្រាវ​នៅ​សាកលវិទ្យាល័យ​ញូវយ៉ក បាន​ប្រៀបធៀប​ជីវិត​ផ្លូវភេទ​របស់​ស្ត្រី ២៩៣​នាក់ ។ លទ្ធផល​បង្ហាញថា ស្ត្រី​មាន​ទំនាក់ទំនង​ផ្លូវភេទ​តាមផ្លូវ​មាត់ ច្រើន​មាន​សុខភាព​ស្មារតី ផ្លូវចិត្ត​ល្អ​ជាង ។ នោះ​គឺ​ព្រោះតែ​ក្នុង​ទឹកនោម​របស់​បុរស​មាន​ផ្ទុក​សារជាតិ​គីមី​ជួយ​លើកកម្ពស់​សភាព​ផ្លូវចិត្ត ធ្វើ​ឲ្យ​កើន​មនោសញ្ចេតនា នាំមក​នូវ​ដំណេក​ស្កប់ និង​ប្រឆាំង​រោគ​ផ្លូវចិត្ត ។​
​ពួក​អ្នកស្រាវជ្រាវ​ក៏​ចាត់ទុកថា ស្ត្រី​ដែលមាន​សិច​មិន​សុវត្ថិភាព​ជាប្រចាំ កើតរោគ​ផ្លូវចិត្ត​តិចជាង ។​
៣.​សិច​ជាប់​រហូត​ពី 3-6​ខែ មុនពេល​ចង់​មានកូន​
​គូ​ស្វាមីភរិយា​ដែល​រៀប​ផែ​ប​ការ​សម្រាប់​ការ​ផ្តល់កំណើត​កូន​គួរ​រួមភេទ​ជាប្រចាំ​ក្នុងអំឡុង 3-6​ខែ មុនពេល​ចង់​មានកូន ដើម្បី​បង្កើន​ឱកាស​មានកូន​មាន​សុខភាព​ល្អ ។ នេះ​ជាការ​ផ្តើមគំនិត​របស់​សាកលវិទ្យាល័យ Adolaide (​អូស្ត្រាលី​)​។​
​ការប្រាស្រ័យ​ជាមួយ​មេជី​វិត​ជាប្រចាំ​នឹង​ជួយ​បង្កើន​ប្រព័ន្ធ​ការពារ​សរីរាង្គ​របស់​ស្ត្រី​ដើម្បី​ជំនួយ​យ៉ាង​ល្អ​សម្រាប់​ការ​មានគភ៌ យោងតាម​សាស្ត្រាចារ្យ Sarah Robertson នៅ​វិទ្យាស្ថាន Robinson មានប្រសាសន៍ ។​

៤.​មើល​ភាពយន្ត​រន្ធត់​ព្រឺព្រួច ដើម្បី​ដុតបំផ្លាញ​កាឡូរី​
​មើល​ភាពយន្ត​គួរ​ឲ្យ​ខ្លាច​ក្នុង​រយៈពេល​៩០​នាទី អាចជួយ​ដុតបំផ្លាញ​ដល់​១១៣​កាឡូរី ជិត​ស្មើ​បរិមាណ​កាឡូរី​ត្រូវបាន​ដុតបំផ្លាញ​ក្នុង​កន្លះ​ម៉ោង​ដើរ និង​ប្រហាក់ប្រហែល​បន្ទះ​សូកូឡា​មួយ​ដុំ តាម​ការ​ឲ្យ​ដឹង​របស់​សាកលវិទ្យាល័យ Westminster ។​
​ភាពយន្ត​ទាំងនេះ​ច្រើន "​ចាប់​"​ពពួក neuron សរសៃប្រសាទ​ធ្វើការ​ច្រើន ហេតុនេះ​សរីរាង្គ​ទាំងមូល​ក៏ត្រូវ​បាន "​កេណ្ឌ​" ឲ្យ​ចូលរួម ។ នោះ​គឺជា​មូលហេតុ​ដែ​លេ​ហេតុអ្វី​កាឡូរី​យ៉ាងច្រើន​ត្រូវបាន​ដុតបំផ្លាញ​ដូចនេះ ។​
​នៅ​បណ្តា​ឆ្នាំ​១៩៨០ ភាពយន្ត​ព្រឺព្រួច​ផ្លូវចិត្ត "The Shining" ត្រូវ​ចាត់ទុកជា​ភាពយន្ត​ដុតបំផ្លាញ​កាឡូរី​របស់​អ្នកទស្សនា​ច្រើន​បំផុត ជា​មធ្យម ១៨០​កាឡូរី ភាពយន្ត "Jaws" ដុតបំផ្លាញ​មធ្យម​១៦១​កាឡូរី និង "The Exorcist" ឈរ​លំដាប់​ទី​៣ ជាមួយនឹង​កាឡូរី​ត្រូវ​ដុតបំផ្លាញ​មធ្យម ១៥៨​កាឡូរី យោងតាម​ការ​ឲ្យ​ដឹង​ពី Telegraph ។​
៥.​ផ្នែក​ក្រហម​នៃ​ស៊ុត​ល្អ​សម្រាប់​បេះដូង​
​នេះ​ជា​រឿង​មួយ​ក្នុងចំណោម​រឿង​ត្រូវបាន​ជជែក​ពិភាក្សា​ច្រើន​បំផុត ។ ទទួលទាន​ផ្នែក​ក្រហម​នៃ​ស៊ុត​នឹងធ្វើ​ឲ្យ​កើន​ល្បឿន​ក្រិន​រឹង​សរសៃឈាម ។​
​បណ្ឌិត David Spence នៅ​សាកលវិទ្យាល័យ Western (​កាណាដា​) និង​ក្រុម​របស់លោក​បាន​ស្រាវជ្រាវ​លើ​អ្នកជំងឺ ១២០០​នាក់ និង​រកឃើញថា អ្នក​ទទួលទាន​ផ្នែក​ក្រហម​នៃ​ស៊ុត​ជាប្រចាំ​នឹងមាន​គ្រោះថ្នាក់​ដូច​ជក់បារី ពោលគឺ​នឹងមាន​ការ​ប្រឈម​កើន​ផ្ទាំង​ច្បាម​នៅ​សរសៃឈាម កត្តា​មួយ​នាំ​ដល់​ស្ត្រូ​ក និង​ឈឺបេះដូង ៕M​

ប្រយ័ត្នគ្រោះថ្នាក់បាត់បង់ជីវិត ដោយសារថ្នាំព្យារកំណើត

​ថ្នាំ​ពន្យារកំណើត​ជា​វិធានការ​ត្រូវបាន​ស្ត្រី​ជាច្រើន​ប្រើប្រាស់​ដើម្បី​ទប់ស្កាត់​មានគភ៌​ក្រៅ​បំណងប្រាថ្នា និង​ថែមទាំង​ប្រើ​ក្នុង​ការរក្សា​សម្ផស្ស ។ ប៉ុន្តែ​ក៏មាន​ករណី​បាត់​បង់ជីវិត​ដោយសារតែ​ថ្នាំ​នេះ​ក៏​មិន​តិចតួច​ដែរ ។​
-​ករណី​បាត់​បង់ជីវិត​ដោយសារ​ថ្នាំ​ពន្យារកំណើត​ជាច្រើន​នៅ​កាណាដា​?
​ស្ថាប័ន​សុខាភិបាល​កាណាដា បាន​ឲ្យ​ដឹងថា មាន​តិច​បំផុត​ស្ត្រី​២៣​នាក់ នៅ​ប្រទេស​នេះ​បាន​បាត់បង់​ជីវិត និង​រាប់រយ​នាក់​ផ្សេងទៀត​កំពុង​ប្រឈមមុខ​ជាមួយ​ហានិភ័យ​សុខភាព ដោយសារ​បាន​ប្រើ​ថ្នាំ​ពន្យារកំណើត​២​ប្រភេទ ដែល​ត្រូវបាន​និយម​ប្រើប្រាស់​លើ​ពិភពលោក ។​
​ថ្នាំ​ពន្យារកំណើត Yaz និង Yasmin ត្រូវ​សង្ស័យ​ជា​មូលហេតុ​បង្ក​ការស្លាប់​របស់​ស្ត្រី​ខាងលើ​ដោយសារ​ឥទ្ធិពល​គ្រោះថ្នាក់​របស់​ថ្នាំ ។ សម្ព័ន្ធ​ក្រុមហ៊ុន​ឱសថ​ដ៏​ធំ Bayer (​អាល្លឺម៉ង់​) ក៏​ជា​អ្នក​ផលិត​២​ប្រភេទ​នេះ​ដែល​បច្ចុប្បន្នកំពុង​ត្រូវ​អ្នកប្រើប្រាស់​នៅ​កាណាដា អាមេរិក និង​ប្រទេស​មួយចំនួន​ផ្សេងទៀត​ប្តឹង ។ ពួកគេ​ចាត់ទុកថា ថ្នាំ​ពន្យារកំណើត​ជំនាន់​ថ្មី​២​ប្រភេទ​នេះ​មាន​ផ្ទុក​អ័រម៉ូន​ចម្រុះ​១​ឈ្មោះថា drospirenine បង្ក​គ្រោះថ្នាក់​ឲ្យ​សុខភាព ។​
-​បារាំង ៖ ស្ត្រី​២០​នាក់​ស្លាប់​ដោយសារ​ថ្នាំ​ពន្យារកំណើត​?
​ការស្រាវជ្រាវ​មួយ​ថ្មី​នេះ​របស់​ស្ថាប័ន​សុវត្ថិភាព​ឱសថ និង​ផលិតផល​សុខាភិបាល​ជាតិ​បារាំង (ANSM) បាន​ដំណើរការ​ស្រាវជ្រាវ​មួយ និង​រកឃើញ​ទំនាក់ទំនង​រវាង​ថ្នាំ​ពន្យារកំណើត​ជាមួយ​ជំងឺ​ឈាមកក​ដុំៗ ។ តាម​ការស្រាវជ្រាវ ដុំ​កំណក​ឈាម​អាច​គ្រោះថ្នាក់​សម្លាប់​មនុស្ស បង្ក​ដាច់​សរសៃឈាម​ខួរក្បាល ឬ​ឈឺបេះដូង ប្រសិន​វា​កកើត​ក្នុង​ខួរក្បាល ឬ​ក្នុង​បេះដូង ។​
​តាម​របាយការណ៍​ស្រាវជ្រាវ​របស់ ANSM , 14 ករណី​ក្នុងចំណោម​២០​ករណី​បាត់​បង់ជីវិត​ដូចខាងលើ​គឺ​ដោយសារ​ថ្នាំ​ពន្យារកំណើត​ជំនា​ន់ទី​៣ ឬ​ទី​៤ (​ថ្នាំ​ចាប់ផ្តើម​ត្រូវបាន​ចរាចរ​ពីមុន​នេះ​២០​ឆ្នាំ​) ។ ក្នុងពេល​៦​ករណី​បាត់​បង់ជីវិត ត្រូវបាន​ទម្លាក់​ទៅលើ​ថ្នាំ​ពន្យារកំណើត​ជំនា​ន់ទី​១ ឬ​ទី​២ ។​
​បានដឹងថា បច្ចុប្បន្ន​បារាំង​កំពុងស្ថិត​ក្នុងចំណោម​ប្រទេស​ប្រើប្រាស់​ថ្នាំ​ពន្យារកំណើត​ខ្ពស់បំផុត​ពិភពលោក ។ នៅ​ឆ្នាំ​២០១១ ស្ត្រី​បារាំង​ជិត ៤,២៧​លាន​នាក់ បាន​ប្រើប្រាស់​វិធី​ព្យាបាល​ពន្យារកំណើត​នេះ ។​
​ដើមឆ្នាំ​២០១៣ ស្ថាប័ន​គ្រប់គ្រង​សុខាភិបាល​របស់​បារាំង បាន​បើក​ការស៊ើបអង្កេត​ថ្នាំ​ព្យាបាល​មុន​មាន​ប្រសិទ្ធភាព​ពន្យារកំណើត Diane-35 ពាក់ព័ន្ធ​ដល់​ការស្លាប់​របស់​ស្ត្រី​៤​នាក់ ។ ថ្នាំ Diane-35 ក៏ត្រូវ​បាន​ផលិត​ដោយ​ក្រុមហ៊ុន​ឱសថ Bayer របស់​អាល្លឺម៉ង់ ។ ផលិតផល​នេះ​ត្រូវបាន​១៣៥​ប្រទេស​ផ្តល់​ច្បាប់​អនុញ្ញាត និង​ដាក់លក់​នៅ​ជាង​១១៦​ប្រទេស ។ តាម​របាយការណ៍​រប​ស់ ANSM ឆ្នាំ​២០១២ មាន​ស្ត្រី​បារាំង​ប្រមាណ ៣២៥.០០០​នាក់ ប្រើប្រាស់​ថ្នាំ​នេះ ។ ក្នុងចំណោម​នោះ​មាន​៤​នាក់​បាន​បាត់​បង់ជីវិត​ដោយសារ​ឈាមកក​ដុំៗ ៕​M

​អាហារ​ទឹកដោះគោ​ជួយ​កាត់បន្ថយ​ការ​ប្រឈម​នឹង​រោគ​ទឹកនោមផ្អែម​ ​ ​

​យោងទៅតាម​ការសិក្សា​ទៅលើ​បុរស ២.៤០០ នាក់ ដែល​ទទួលទាន​ផ​លិ​ផល​ទឹកដោះគោ ឬ ប៊័រ​រាល់ថ្ងៃ ក្នុង​រយៈពេល​ជាង​២០​ឆ្នាំ គេ​រកឃើញថា ក្រុម​បុរស​ទាំងនោះ មាន​អត្រា​ប្រឈម​នឹង​រោគ​ទឹកនោមផ្អែម ថយចុះ​អស់​ដល់​ទៅ ៦០ ភាគរយ ព្រោះ​ការទទួល​ទាន​ទឹកដោះគោ យ៉ាងហោចណាស់​ក្នុង​មួយថ្ងៃ​កន្លះ​លីត្រ ជួយ​កាត់បន្ថយ​កម្រិត​ជាតិ​ស្ករ និង​កម្រិត​ជាតិ​ខ្លាញ់​នៅក្នុង​ឈាម ក្នុងនោះ​រួមមាន​ទាំង​កាត់បន្ថយ​សម្ពាធ​ឈាម​ទៀតផង​។​
​តែ​ទោះ​យ៉ាងនេះ​ក្ដី គេ​ណែនាំ​ឲ្យ​ទទួលទាន​ប្រភេទ​មាន​ជាតិ​ខ្លាញ់​តិច ទើប​ទទួលបាន​ប្រយោជន៍​ដោយ​មិនបាច់​បារម្ភ​នឹង​ការឡើង​ទម្ងន់​ខ្លួន​នោះទេ​៕​

វ៉ាក់សាំងផ្តាសាយមានប្រសិទ្ធភាពដូចម្តេច?

​រហូតមកទល់​សព្វថ្ងៃ ពុំទាន់​មាន​ថ្នាំ​ព្យាបាល​ពិសេស​សម្រាប់​ផ្តាសាយ ហេតុនេះ​វិធានការ​តែ​១​គត់​សម្រាប់​ជំងឺ​នេះ​គឺ​ចាក់​វ៉ាក់សាំង​បង្ការ ។​
​ ផ្តាសាយ​និយាយ​រួម និង​ផ្តាសាយ​បក្ស​និយាយ​ដោយឡែក​តែង​ប្រែប្រួល​ស្មុគស្មាញ​បង្កប់​នូវ​ គ្រោះថ្នាក់​ឆ្លង​រាលដាល​ជាមួយនឹង​អត្រា​បាត់បង់​ជីវិត​ខ្ពស់ (​ផ្តាសាយ A/H1N1, A/H5N1 , A/H7N9...) ។ វ៉ាក់សាំង​ផ្តាសាយ​មាន​ប្រសិទ្ធភាព​បង្ការ​ល្អ​ចំពោះ​បណ្តា​មុខសញ្ញា​រំញោច ជួយ​ឆ្លង​ផុត​ពេលវេលា​គ្រោះថ្នាក​បំផុត គំរាមកំហែង​ការផ្ទុះ​ជំងឺ​ផ្តាសាយ ។​
-​ប្រសិទ្ធភាព​របស់​វ៉ាក់សាំង​បង្ការ​ផ្តាសាយ​
​វ៉ាក់សាំង​ផ្តាសាយ ​ត្រូវបាន​ផ្សំ​ពី​វីរុស​ផ្តាសាយ ។ វា​ជា​ពពួក​វីរុស​បាន​គ្មាន​សកម្មភាព ឬ​ពពួក​វីរុស​បាន​ត្រូវធ្វើ​ឲ្យ​ថមថយ​លទ្ធភាព​បង្ក​ជំងឺ តែ​នៅ​ដូចដើម ។ ពេល​ចាក់​វីរុស​ក្នុង​វ៉ាក់សាំង​នេះ​ចូល​លក្ខណៈ​បង្កើត​អង្គ​បដិបក្ខ​ សរីរាង្គ វា​មិន​បង្ក​ជា​ជំងឺ​ផ្តាសាយ តែ​បែរជា​អាច​រំញោច​សរីរាង្គ​ផលិត​អង់ទីគ័រ​ដ៏​ខ្លាំង និង​ច្រើន​ដើម្បី​ប្រឆាំង​ទប់ទល់​ពេល​មាន​វីរុស​ពិត​ពី​ក្រៅ​ទន្ទ្រាន​ចូល ។​ធម្មតា​គេ​ជ្រើស​យក​វីរុស​ផ្តាសាយ​បក្សី B និង​វីរុស​បក្សី A ២​ប្រភេទ​ដើម្បី​ផលិត​វ៉ាក់សាំង​ផ្តាសាយ ។ បរិស្ថាន​ដើម្បី​ចិញ្ចឹម​ផ្សាំ​គឺ​ស៊ុតមាន់​ត្រូវបាន​បង្ក​កំណើត ។​

​ វ៉ាក់សាំង​មាន​២​ប្រភេទ គឺ​សណ្ឋាន​ចាក់ និង​សណ្ឋាន​បាញ់​ច្រមុះ ។ សណ្ឋាន​ចាក់​ជា​វ៉ាក់សាំង​ផ្ទុក​វីរុស​ត្រូវ​សម្លាប់ រីឯ​សណ្ឋាន​បាញ់​ច្រមុះ​ជា​វ៉ាក់សាំង​ផ្ទុក​វីរុស​ផ្តាសាយរ​ស់ត្រូវ​បន្ថយ​ កម្លាំង​ពុល ។​
-​ថាមពល​មិន​រៀងរហូត​
​ទោះបីជា​ផលិត​វ៉ាក់សាំង​ក្រោម​ សណ្ឋាន​នា វីរុស​រស់​បន្ថយ​កម្លាំង​ពុល ឬ​ជា​វីរុស​បាន​ត្រូវ​ងាប់ នោះ​វា​សុទ្ធ​តែមាន​រួម​លក្ខណៈពិសេស​១​គឺ​រំញោច​សរីរាង្គ​បង្កើត​ស្រទាប់​ អង់ទីគ័រ​មានតម្លៃ​១​ប្រឆាំង​ទប់ទល់​ផ្តាសាយ ។​
​ថាមពល​បង្ការ​របស់​វា​ មិន​វែង និង​មិនមាន​លក្ខណៈ​យូរអង្វែង ។ ដោយសារ​វ៉ាក់សាំង​អាច​ផ្ទុក​តែ​១​ឬ​២​ប្រភេទ​អង់​ទី​ហ្សែ​ន​ពិសេស​សម្រាប់​ វីរុស ១​ឬ​២​ប្រភេទ ហេតុនេះ​វា​ពុំមាន​ប្រសិទ្ធភាព​បង្ការ​ចំពោះ​អម្បូរ​ផ្សេងៗ​គ្នា​ទាំងអស់ ។ ហើយ​វីរុស​ផ្តាសាយ​នោះ​មាន​ច្រើន​អនេក ត្រូវបាន​បង្កាត់​ពី​១៨​អម្បូរ H(H1-H17) និង ៩​អម្បូរ (N1-N9) ។ ដោយ​ត្រូវការ​តែ H មួយ​គួបផ្សំ​ជាមួយ N មួយ​នោះ​នឹង​បង្កើតជា​វីរុស​ថ្មី ។ ឧទាហរណ៍ H1 គួបផ្សំ​ជាមួយ N1 ជា​វ៉ាក់សាំង​ផ្តាសាយ​ជ្រូក ។ ប៉ុន្តែ H3 គួបផ្សំ​ជាមួយ N2 នោះ​បែក​បង្កើត​វីរុស​ផ្តាសាយ H3N2 ជា​វីរុស​ផ្តាសាយ​មាន់ ។ វ៉ាក់សាំង​បង្ការ​ជំងឺ​របស់ H1N1 មិន​អាចមាន​ប្រសិទ្ធភាព​បង្ការ​ជំងឺ​សម្រាប់ H3N2 ។​
​លក្ខណៈ​ បម្រែបម្រួល និង​ផ្លាស់ប្តូរ​រចនាសម្ព័ន្ធ​អង់​ទី​ហ្សែ​ន​របស់​វីរុស​គឺ​ឥតឈប់ឈរ និង​ទៅតាម​ខួប​ឆ្នាំ ។ អាស្រ័យហេតុនេះ ថ្ងៃនេះ​វ៉ាក់សាំង​នេះ​មាន​ប្រសិទ្ធភាព​បង្ការ​ជំងឺ តែ​ឆ្នាំក្រោយ​វា​បែរជា​គ្មាន​ប្រសិទ្ធភាព ។​
​សូម្បីតែ​ចំពោះ​វ៉ាក់សាំង ​១​ប្រភេទ ប្រសិទ្ធភាព​បង្ការ​ជំងឺ​របស់​វា​ក៏​ខ្លី​ដែរ អូសបន្លាយ​តែ​ពី​៦​ខែ​ដល់​៤​ឆ្នាំ ទោះបី​អ្នក​បាន​ចាក់​ច្រើន​ម្ជុល​ឬ​បាញ់​ច្រើនដង ។​
​អ្នកនឹង​បារម្ភ​ថា ចាក់​វ៉ាក់សាំង​ផ្តាសាយ​ចូលខ្លួន​នោះ​ខ្លាច​តែ​កើត​ផ្តាសាយ​ទៅវិញ​ទេ ។ តែ​ការពិត​រឿងនេះ​ហាក់ដូច​មិនដែល​កើតឡើង ។ ព្រោះ​ចំពោះ​វ៉ាក់សាំង​ចាក់ វីរុស​បាន​ត្រូវកំទេច​ទាំងស្រុង ពោល​គឺថា ពុំមាន​លទ្ធភាព​លុកលុយ​ចូល​កោសិកា​ទៀត វា​បាត់បង់​លក្ខណៈ​ចម្លង​មេរោគ​បង្ក​ជំងឺ ។ ចំពោះ​ប្រភេទ​បាញ់​ច្រមុះ វីរុសរ​ស់បាន​ត្រូវ​បន្ថយ​កំរិត​ពុល​យ៉ាងច្រើន ។ ទន្ទឹម​នោះ ដោយសារ​បរិមាណ​នាំចូល​តាមផ្លូវ​បាញ់​ច្រើនតែ​មិនធំ ហេតុនេះ​អ្នក​អាច​ស្ងប់ចិត្ត​ទាំងស្រុង គឺ​មិនអាច​កើត​ផ្តាសាយ​បាន ។​
-​យកចិត្តទុកដាក់​ពេល​ប្រើប្រាស់​
​ ប្រសិទ្ធភាព​បន្ទាប់បន្សំ​១​តែង​ជួបប្រទះ​នោះ​គឺ​អ្នក​ត្រូវ​គ្រុនក្តៅ​ ដូចជា​ផ្តាសាយ​ពិត សីតុណ្ហភាព​ឡើង​ខ្ពស់ ឈឺ​រួយ​សាច់ដុំ សន្លាក់ និង​ធុញ​មិន​ចង់​ទទួលទាន​របស់​អ្វី​សោះ ។ នោះ​គឺ​ដោយសារ​ប្រតិកម្ម​អង់​ទី​ហ្សែ​ន​អង់ទីគ័រ​បង្កើតឡើង​ដើម្បី​ធ្វើ​ឲ្យ ​លេចឡើង​អង់ទីគ័រ​ថ្មី ។ ក្រោយ ២-3​ថ្ងៃ គ្រុនក្តៅ​ថយចុះ​សន្សឹមៗ ហើយ​យើង​អាច​ត្រឡប់មក​ធម្មតា​វិញ ។​
​ប្រសិទ្ធភាព​បន្ទាប់បន្សំ​ផ្សេង​គឺ ហើយ​ដរ និង​ឈឺ​ត្រង់​កន្លែង​ចាក់ ។ អ្នក​មិនចាំបាច់​ត្រូវធ្វើ​អ្វី នោះ​ជា​សញ្ញា​ធម្មតា​ពេល​ចាក់​វ៉ាក់សាំង ។ ប៉ុន្តែ​ប្រសិន​ឈឺ​ខ្លាំង និង​ទ្រាំ​មិនបាន​នោះ​អ្នក​អាច​ស្អំ​ទឹកកក ។​
​ការ​វិវឌ្ឍន៍​ប្រែប្រួល​ គ្រោះថ្នាក់​បំផុត​អាច​ឥទ្ធិពល​ដល់​អាយុជីវិត នោះ​គឺ​អាលែកហ្ស៊ី​ជាមួយ​បណ្តា​សមាសធាតុ​នៅក្នុង​វ៉ាក់សាំង ។ ប្រសិន​កំរិត​អាលែកហ្ស៊ី​ខ្លាំង​ជ្រុល​នោះ​អាច​បង្ក​ការបាត់​បង់ជីវិត ។​
​ នៅ​ចំពោះមុខ​ហានិភ័យ​ដូច្នេះ គេ​នឹងមិន​ប្រើ​វ៉ាក់សាំង​បង្ការ​ផ្តាសាយ​សម្រាប់​បណ្តា​ករណី ៖ កុមារ​អាយុ​ក្រោម​៦​ឆ្នាំ អ្នក​អាលែកហ្ស៊ី​ធ្ងន់​ជាមួយ​ស៊ុតមាន់ អ្នក​ឆ្លង​មេរោគ​ធ្ងន់ ឬ​គ្រុនក្តៅ​ខ្ពស់​ពេក ស្ត្រី​កំពុង​មានគភ៌ ឬ​មានបំណង​មានគភ៌ ក្នុង​រង្វង់​១​ខែ​ខាងមុខ អ្នកមាន​រាងកាយ​អាលែកហ្ស៊ី​ដូចជា​ហឺត អាលែកហ្ស៊ី រលាក​បំពង់ក​អាលែកហ្ស៊ី រលាក​ស្បែក​អាលែកហ្ស៊ី ៕​M

ហេតុអ្វីបុរសឆាប់ស្លាប់ជាងស្ត្រី ?

​សម្ពាធ និង​របៀប​រស់នៅ​ខ្វះ​វិទ្យាសាស្ត្រ​ជា​មូលហេតុ​បណ្តាល​ឲ្យ​បុរស​ឆាប់​ស្លាប់​ជាង ។​
​បុរស​ខ្លាំង​ជាង​ស្ត្រី តែ​អាយុ​ទាប​ជាង អាច​ឆាប់​ស្លាប់​ជាង​ស្ត្រី​ជា​មធ្យម​៧​ឆ្នាំ មូលហេតុ​ពុំមែន ដោយសារ​ជីវសាស្ត្រ​តែ​គឺ​ដោយសារ​គំ​រូពី​របៀប​រស់នៅ តាម​ការស្រាវជ្រាវ​មួយ​នៅ​សាកលវិទ្យាល័យ Emory (​អាមេរិក​) ។​
​បុរស​ហាក់ដូចជា​ស្លាប់​ច្រើនជាង​ដោយសារ​ហិង្សា ឬ​គ្រោះថ្នាក់ ហើយ​ពួកគេ​ហាក់ដូច​ពុំ​សូវ​ចង់បាន​ការថែទាំ​សុខភាព​ជាង​ពេល​មាន​អារម្មណ៍​មិន​ស្រួលខ្លួន ។ Tean Bonhomme វេជ្ជបណ្ឌិត​ខាង​សុខភាព​សហគមន៍​នៅ​សាកលវិទ្យាល័យ Emory ថ្លែងថា "​បុរស​ត្រូវបាន​បង្រៀន​ឲ្យ​ដឹង​ត្រូវ​ទប់​ការឈឺចាប់ និង​មិន​ប្រតិកម្ម​តប​រោគសញ្ញា​ជំងឺ​" ។​
​អ្នកស្រី Marianne legato អ្នកនិពន្ធ​សៀវភៅ "Why Men Die First" បានលើកឡើង​នូវ​មូលហេតុ​មួយចំនួន​បកស្រាយ ហេតុអ្វី​បុរស​មានជីវិត​ខ្លី​ជាង​ស្ត្រី ។ ទី​១ គឺ​ដោយសារ​ការខ្វះ​ខាង​ផ្នែក​រចនាសម្ព័ន្ធ​ជីវសាស្ត្រ ។ ក្នុងពេល​កោសិកា​ទាំងអស់​ក្នុង​សរីរាង្គ​ស្ត្រី​មាន​ក្រូម៉ូសូម X ដល់​២ នោះ​បុរស​មានតែ​ក្រូម៉ូសូម X មួយ និង​ក្រូម៉ូសូម Y មួយ ។ ក្រូម៉ូសូម Y មាន​ទំហំ​ស្ទើរតែ​ពាក់កណ្តាល​ក្រូម៉ូសូម X ។ អាស្រ័យហេតុនេះ ការផ្លាស់ប្តូរ​ក្នុង​ក្រូម៉ូសូម X ច្រើនជាង​ពី​៣​ដល់​៦​ដង ប្រៀប​នឹង​ក្រូម៉ូសូម Y ។​
​ក្រូម៉ូសូម X ពីរ​នឹង​បំពេញ​ឲ្យ​គ្នា ជួយ​ការពារ​សរីរាង្គ​ស្ត្រី​ផុតពី​គ្រោះថ្នាក់​ទាំងឡាយ ។ ការខ្វះ​នេះ​អាចជា​ផ្នែក​មួយ​ក្នុង​មូលហេតុ​ដែល​ហេតុអ្វី​បុរស​ច្រើនតែ​ឆ្លង​ទម្លាប់​អាក្រក់ ជំងឺមហារីក និង​បញ្ហា​សុខភាព​ជាច្រើន​ផ្សេងទៀត ។​
​មូលហេតុ​ទី​២ គឺ​ការ "​គំរាមកំហែង​" តាំងពី​ពេល​ទើប​កើត ។ ពេល​ទារក​ប្រុស​ម្នាក់​កើតមក គេ​នឹង​ស្ថិតក្នុង​ការគំរាមកំហែង​របស់​មច្ចុរាជ​ខ្ពស់ជាង​ពី ១,៥ ដល់​២​ដង​ប្រៀប​នឹង​ទារក​ស្រី ។ ប្រព័ន្ធ​អង្គ​បដិបក្ខ​ខ្សោយ សួត​រីកចម្រើន​ខ្សោយ បរិមាណ​ឈាម​ទៅដល់​គភ៌​មិន​គ្រប់ គឺជា​មូលហេតុ​បង្ក​ជា​ជំងឺ​នៅ​ទារក​ប្រុស​ដូចជា ហូរ​ឈាម​ខួរក្បាល សរីរាង្គ​ពិការ​ពី​កំណើត ជំងឺ​រលាក​សួត និង​បំពង់​ម៉ូ​ត្រ​ត្រូវ​ឆ្លង​បាក់តេរី ។​
​មូលហេតុ​ទី​៣ Marianne Legato គឺ​បុរស​ច្រើន​កើត​ជំងឺ​ច្របូកច្របល់ រួមមាន​សមត្ថភាព​អាន​ត្រូវ​យឺត ថ្លង់ សរសៃប្រសាទ ជំងឺ​ចង់​ចេះ​ចង់ដឹង​ហួសហេតុ និង​ខ្វះ​ការប្រមូលផ្តុំ (ADHD) ខ្វាក់ ច្របូកច្របល់​សមត្ថកិច្ច​របស់​សរីរាង្គ ទម្លាប់​និយាយ​ត្រដិត ភាពមិន​ប៉ិនប្រសប់ ដែល​ខ្ពស់ជាង​៣​ដល់​៤​ដង​នៅ​ស្ត្រី ។ នេះ​ជា​មូលហេតុ​ប្រយោល​នាំ​ដល់​ការបាត់​បង់ជីវិត​រប​ស់បុ​រស ។​
​បុរស​ច្រើន​ត្រូវ​ទ្រុឌទ្រោម នេះ​ក៏​ជា​មូលហេតុ​បណ្តាល​ឲ្យ​គេ "​ប្រថុចញ៉ុច​" ។ ថ្វី​ត្បិត​ស្ត្រី​ច្រើន​មានលទ្ធភាព​ធ្វើអត្តឃាត​ខ្ពស់ជាង​ពេល​ជួប​បញ្ហា​ផ្លូវចិត្ត ឬ​ស្មារតី​តែ​ជាក់ស្តែង​អត្រា​បុរស​ស្លាប់​ដោយ​ធ្វើអត្តឃាត​ខ្ពស់ជាង​៤​ដង​ស្ត្រី ។​
​បុរស​ច្រើន​ធ្វើ​កិច្ចការ​គ្រោះថ្នាក់​ជាង ។ បណ្តា​ការងារ​គ្រោះថ្នាក់​ដូចជា​នាវិក នាយប៉ូលិស កម្មករសំណង់ នោះ​តែង​រ៉ាប់រង​ដោយ​បុរស ។ បុរស​នៅ​ត្រូវ​គំរាមកំហែង​អាយុជីវិត​ពេល​ត្រូវ​ចូលរួម​ក្នុង​ទំនាស់​យោធា ។ អាស្រ័យហេតុនេះ អាយុ​បុរស​ច្រើនតែ​ទាប​ជាង​ស្ត្រី ៕​M

សារធាតុអាហារសម្រាប់អ្នកចង់សម្រកទម្ងន់

១. ក្រូមីញ៉ូម : ជួយក្នុងការរំលាយជាតិស្ករ យ៉ាងមានប្រសិទ្ធិភាព ជាពិសេសអ្នកដែលកំពុងបញ្ចុះទម្ងន់ មិនគួរមើលរំលងជាតិក្រូមីញ៉ូមឡើយ ។ វាមាននៅក្នុងស៊ុត សាច់គោ ថ្លើម ទឹកផ្លែឈើ នំបុ័ងហ្គ្រេន (Whole Grain) ។

ចាក់វ៉ាកសាំង​ផ្តាសាយ​បន្ថយ​ ៥០% ការប្រឈម​ជំងឺ​សរសៃឈាមបេះដូង

​ការស្រាវជ្រាវ​១​ថ្មីៗ​នេះ របស់​កាណាដា បង្ហាញថា ការចាក់​វ៉ាក់សាំង​ផ្តាសាយ​រាល់​ឆ្នាំ នឹង​ជួយ​អ្នកជំងឺ​មាន​ប្រ​វត្ត​ជំងឺ​សរសៃឈាម​បេះដូង បន្ថយ​ជាង​ពាក់កណ្តាល​ហានិភ័យ​ត្រូវ​ដាច់​សរសៃឈាម​ក្នុង​ខួរក្បាល​, សរសៃឈាម​បេះដូង ដូចជា ស្ត្រូ​ក ឬ គាំងបេះដូង ។​
​លទ្ធផល​ស្រាវជ្រាវ​ប្រកាស​ថ្ងៃទី​២២ តុលា បង្ហាញថា អ្នកជំងឺ​សរសៃឈាម​បេះដូង បន្ថយ​បាន ៣៦% ហានិភ័យ ត្រូវ​គាំងបេះដូង​, ស្ត្រូ​ក ឬ ខ្សោយបេះដូង ក្នុង​រង្វង់​១​ឆ្នាំ ក្រោយពេល​ចាក់​វ៉ាក់សាំង​ផ្តាសាយ​តាម​រដូវ ។ អត្រា​នេះ កើនឡើង​ជាង ៥៥% នៅ​អ្នក​ទើប​កើត​ជំងឺ ។​
​ការស្រាវជ្រាវ ត្រូវបាន​ដំណើរការ​ផ្អែកលើ​លទ្ធផល​ពិសោធន៍ អំពី​សុខភាព​សរសៃឈាម​បេះដូង នៅ​អ្នកជំងឺ​សរសៃឈាម​បេះដូង មាន​អាយុ​មធ្យម ៦៧ ឆ្នាំ ។ ក្នុងចំណោម​នេះ មាន​អ្នក​ត្រូវបាន​ចាក់​វ៉ាក់សាំង​បង្ការ​ផ្តាសាយ​, មាន​អ្នក​ត្រូវបាន​ចាក់​ឱសថ​ក្លែងបន្លំ និង​មាន​អ្នក​មិន​ត្រូវបាន​ចាក់ ។​
​លទ្ធផល​បង្ហាញថា ក្នុងចំណោម​អ្នក​មិន​ចាក់​វ៉ាក់សាំង​ផ្តាសាយ ឬ ចាក់​តែ​ឱសថ​ក្លែងបន្លំ​, មាន​អ្នកជំងឺ ១៥១ នាក់ ត្រូវ​ដាច់​សរសៃឈាម​ខួរក្បាល សរសៃឈាម​បេះដូង​ធ្ងន់ ក្នុង​រង្វង់​១​ឆ្នាំ ។ ក្នុងពេលនោះ ចំនួន​អ្នក​ត្រូវ​ដាច់​សរសៃឈាម​ខួរក្បាល​ធ្ងន់ ក្រោយពេល​ត្រូវបាន​ចាក់​វ៉ាក់សាំង​មានតែ ៩៥ នាក់ ។​
​នៅ​អ្នកជំងឺ​ទើប​កើត​ជំងឺ​សរសៃឈាម​បេះដូង​, ហានិភ័យ​ដាច់​សរសៃឈាម​ខួរក្បាល ក៏​ថយចុះ​ទាំងស្រុង នៅ​អ្នក​ចាក់​វ៉ាក់សាំង​បង្ការ​ផ្តាសាយ ប្រៀប​នឹង​ក្រុម​មិន​ត្រូវបាន​ចាក់ ឬ បាន​ចាក់​តែ​ឱសថ​ក្លែងបន្លំ​, ជាមួយនឹង​អត្រា​គឺ ២៣,១% និង ១០,៣% ។​
​ប្រធាន​ក្រុម​ស្រាវជ្រាវ​, ជំនាញការ​សរសៃឈាម​បេះដូង នៅ​ទីក្រុង​តូ​រ៉ុ​ន​តូ​, Jacob Udell សង្កត់ធ្ងន់ថា ចាក់​វ៉ាក់សាំង​បង្ការ​ផ្តាសាយ ជា​វិធី​ព្យាបាល​ចំណាយ​អស់​តិច​, សុវត្ថិភាព និង​ងាយ​គ្រប់គ្រង ។ ប៉ុន្តែ ពួក​អ្នកស្រាវជ្រាវ​នៅ​ត្រូវ​បន្ត​ពង្រីក​ការពិសោធន៍ ដើម្បី​អាច​លើកឡើង​ការសន្និដ្ឋាន​ផ្លូវការ អំពី​ប្រសិទ្ធិភាព​របស់​ការចាក់​វ៉ាក់សាំង ចំពោះ​អ្នកជំងឺ​សរសៃឈាម​បេះដូង ៕M​

ប្រើ​ថ្នាំ​ពន្យា​កំណើត​ប្រភេទ​បន្ទាន់ ប្រឈម​ផល​អាក្រក់​

ថ្មីៗ​នេះ អ្នកជំនាញ​បាន​បង្ហើប​ថា យុវវ័យ​មាន​ការប្រើ​ថ្នាំ​ពន្យា​កំណើត​ប្រភេទ​បន្ទាន់ ច្រើន​ជាង​ថ្នាំ​ពន្យា​កំណើត​ប្រភេទ​ធម្មតា ។ តាម​ការស្រាវជ្រាវ​ឃើញថា
អ្នក​ដែល​ទិញ​ថ្នាំ​ពន្យា​កំណើត​បន្ទាន់ ភាគច្រើន​ប្រហែល ៤៧.៧៣ ដែល​មាន​អាយុ​ចន្លោះ ១៦-២៤ ឆ្នាំ ក្នុង​ឆ្នាំ ២០០៩ រកឃើញថា មាន​ការដាក់​លក់​ថ្នាំពន្យា​កំណើត​ប្រភេទ​បន្ទាន់ រហូតដល់ ៨ លាន​ប្រអប់​ឯណោះ ។​
យោង​តាម​អ្នកជំនាញ​បាន​ដាស់តឿន​ថា ថ្នាំ​ពន្យា​កំណើត​ប្រភេទ​បន្ទាន់ មាន​ប្រសិទ្ធិភាព​បន្ថយ​ការ​មានគភ៌​បាន ៨៩% ប៉ុន្តែ​មិន​អាច​ការពារ​មេរោគ​អេដស៍ ជំងឺឆ្លង​តាម​ការ​រួម​ភេទ វីរុស​រលាក​ថ្លើម​ប្រភេទ B បានទេ ។ លើសពី​នេះ​វា​ថែមទាំង​មាន​ផលប៉ះពាល់ ធ្វើឲ្យកើត​អាការ​រមួលពោះ ក្អួត ចុកពោះ មាន​ឈាម​ចេញតាម​ទ្វារមាស រដូវ​មក​មិន​ប្រក្រតី និង​ករណី​ខ្លះ រកឃើញថា មាន​បញ្ហា​គភ៌​ក្រៅ​ស្បូន​ជាដើម ៕

ស្ត្រីមានគភ៌មិនគួរទទួលទានម្រះ

ម្រះ​មាន​ផ្ទុក​សារជាតិ​មានលទ្ធភាព​រំញោច​ស្បូន​ធ្វើ​ឲ្យ​ស្ត្រី​មានគភ៌​ងាយ​ត្រូវ​រលូត​កូន ឬ​កើត​មិន​គ្រប់​ខែ ។​
​ម្រះ​តាំងពី​យូរ​មកហើយ​ត្រូវបាន​ចាត់ទុក​ដូចជា​ឱសថ​មាន​ប្រសិទ្ធភាព​រំដោះ​កម្តៅ​សរីរាង្គ បង្កើន​ប្រព័ន្ធ​ការពារ​រាងកាយ និង​ល្អ​សម្រាប់​អ្នកជំងឺ​ទឹកនោមផ្អែម ។ វា​នៅ​សម្បូរ​សារជាតិ​ជីវជាតិ​សម្រាប់​សរីរាង្គ​ដូចជា​ហ្វូ​ស​ហ្វ័​រ ម៉​ង់​ហ្គា​ណែ​ស ស័ង្កសី ម៉ាញ៉េ​ស្យូ​ម វីតាមីន B1, B2, B3 វីតាមីន​C... ។​
​ប៉ុន្តែ ចំពោះ​ស្ត្រី​មាន​ព័ត៌មាន​និង​កំពុង​ឲ្យ​កូនបៅ​នោះ​មិនគួរ​ទទួលទាន​ម្រះ ។​
​មូលហេតុ​គឺ​ដោយសារ​ម្រះ​ពុំ​សូវ​មាន​ជាតិ​សរសៃ​និង​ជាតិ​ខ្លាញ់​មិន​សមស្រប​សម្រាប់​របប​ជីវជាតិ​របស់​ស្ត្រី​មានគភ៌ និង​ស្ត្រី​ក្រោយ​សម្រាលកូន ។ ក្រៅពីនេះ គ្រាប់​ម្រះ​មាន​ផ្ទុក​សារជាតិ​១​មាន​ឈ្មោះថា Vicine សារជាតិ​ពុល​១​មានលទ្ធភាព​បង្ក​ការឈឺ​ក្បាលពោះ និង​សន្លប់​ចំពោះ​អ្នក​រំញោច ។​
​ទន្ទឹម​នោះ ម្រះ​ក៏​ត្រូវបាន​ចាត់ទុកជា​ប្រភេទ​ផ្លែឈើ​រំញោច​ស្បូន និង​អាច​បណ្តាល​ឲ្យ​កើត​មិន​គ្រប់​ខែ ។ ស្ត្រី​កំពុង​ឲ្យ​កូន​បៅដោះ​ក៏​មិនត្រូវ​ទទួលទាន​ម្រះ ព្រោះ​សមាសធាតុ​មិនល្អ​មួយចំនួន​អាច​ត្រូវបាន​ចម្លង​តាម​ទឹកដោះ​ម្តាយ ៕​M

ក្រោយពេលស្លាប់ សរីរាង្គមនុស្សប្រែប្រួលយ៉ាងដូចម្តេច?

​មនុស្ស​យើង​គ្រប់គ្នា​សុទ្ធតែ​ចៀស​មិន​ផុតពី​សេចក្តីស្លាប់ ។ ទោះបី​ស្លាប់​ដោយ​វិធី​ណា​នោះ​ទាំង​គ្នា​ក៏​នឹង​ក្លាយទៅជា​ផេះ លើកលែងតែ​ករណី​ដ៏​កម្រ​ខ្លះ​ប៉ុណ្ណោះ ។​
​ដូច្នេះ​រឿង​អ្វី​នឹង​កើតឡើង ក្នុង​ដំណើរការ​បំបែក​បំផ្លាញ​សរីរាង្គ​មនុស្ស​ក្រោយពេល​ស្លាប់​?
-​ដំបូង កោសិកា​នឹងត្រូវ​បំបែក​បំផ្លាញ​
​ដំណើការ​បំបែក​បំផ្លាញ​សរីរាង្គ​មនុស្ស​ចាប់ផ្តើម​ក្រោយពេល​ស្លាប់​ប៉ុន្មាន​នាទី ។ ពេល​បេះដូង​ឈប់​លោត សរីរាង្គ​ប្រែជា​ត្រជាក់ស្រេង ។ សីតុណ្ហភាព​សរីរាង្គ​ទាំងមូល​នឹង​ថយចុះ​ប្រមាណ 0,65 អង្សា​C រៀងរាល់​ម៉ោង​រហូត​ដល់ពេល​វា​ស្មើនឹង​សីតុណ្ហភាព​បន្ទប់ ។ ហាក់ដូច​ជាមួយ​រំបេច​នោះ កម្រិត​អាស៊ីត​ក្នុង​ឈាម​កើន​ពេល​ឧស្ម័ន​កាបូ​និក​ប្រមូលផ្តុំ​មកវិញ ។ ស្ថានភាព​នេះ​ធ្វើ​ឲ្យ​បំបែក​បំផ្លាញ​កោសិកា ផ្តើម​ពី​នោះ​ពពួក​អង់​ហ្ស៊ី​ម​សន្សឹមៗ​សំរុកចូល​ក្នុង​ជាលិកា និង​ចាប់ផ្តើម​ដំណើរការ​ស្វ័យ​រំលាយ​ពី​ខាងក្នុង ។​
​ទោះបី​ស្លាប់​ដោយ​វិធី​ណាក៏ដោយ យើងទាំងអស់គ្នា​ក៏​ក្លាយជា​ផេះ មានតែ​ប៉ុន្មាន​ករណី​ត្រូវបាន​ថែទាំ​ដោយ​ក្រមួន​ខ្លាញ់​
-​សរីរាង្គ​សន្សឹមៗ​ប្តូរ​ទៅ​ពណ៌​ស និង​ពណ៌​ស្វាយ​
​ភូ​រិ​ពល (gryvity- កម្លាំង​ស្រូប​ទាញ​) បង្កើតជា​ស្នាម​ជាំ​លើ​សរីរាង្គ​មនុស្ស​ពេល​ទើប​ស្លាប់ ។ ក្នុងពេល​សរីរាង្គ​មួយផ្នែក​ស្លេក​បណ្តើរៗ ពពួក​កោសិកា​ឈាម​បម្លាស់​ទី​ទៅដល់​បណ្តា​ផ្នែក​នៅ​ជិត​ផ្ទៃដី​បំផុត ព្រោះ​ការ​ចរាចរ​ឈាម​បាន​ផ្អាក​ទាំងស្រុង ។ ផ្តើម​ពី​នោះ​កកើត​ជា​ស្នាម​អុចៗ​ពណ៌​ស្វាយ​ស្ថិតនៅ​តំបន់​ក្រោម​ទាប​លើ​សរីរាង្គ ត្រូវបាន​ហៅថា ៖ "​បឹង​ឈាម​សាកសព​" ។ លើស​ភាពជាក់ស្តែង ផ្អែកទៅលើ​ស្នាម​ជាំ​នេះ ដែល​ភ្នាក់ងារ​ស៊ើបអង្កេត​អាច​កំណត់​ច្បាស់លាស់ ពេលវេលា​ស្លាប់​រហ័ស​មនុស្ស ។​
-​កាល់ស្យូម​នឹងធ្វើ​ឲ្យ​សាច់ដុំ​រួញ​ថយ​មកវិញ​
​ប្រាកដ​ណាស់​ថា យើង​សុទ្ធតែ​ដឹង​ពី​ស្ថានភាព​ក្រោយពេល​ស្លាប់​សាកសព​នឹង​រួញ​រឹង​មកវិញ សរីរាង្គ​ប្រែជា​រឹង និង​ពិបាក​រំកិល ។ បាតុភូត​រួញ​រឹង​នេះ​កើតឡើង​ក្នុងអំឡុង​ពី​៣​ដល់​៤​ម៉ោង ក្រោយពេល​ស្លាប់ សម្រេច​ដល់​ចំណុចកំពូល​ក្រោយ​១២​ម៉ោង និង​ផ្អាក​ទាំងស្រុង​ក្រោយ ៤៨​ម៉ោង ។​
​ហេតុអ្វី​ក៏​ដូច្នេះ ? ក្នុង​សរីរាង្គ​យើង​មាននូវ "​ម៉ាស៊ីន​បូម​" របស់​ស្រោម​កោសិកា ជួយ​សម្រួល​កាល់​ស្បូ​ម ។ ពេល​ស្លាប់​ម៉ាស៊ីន​បូម នឹង​លែងមាន​សកម្មភាព បរិមាណ​កាល់ស្យូម​នឹង​សំរុកចូល​ក្នុង​កោសិកា ធ្វើ​ឲ្យ​សាច់ដុំ​រួញ​មកវិញ ។ ផ្តើម​ពី​នោះ​សរីរាង្គ​សន្សឹមៗ​ឡើង​រឹង ។​
-​បណ្តា​ផ្នែក​ទាំងឡាយ​នឹង​ស្វ័យ​រំលាយ​
​ក្រោយពេល​បាន​ស្ពឹក​រឹង សរីរាង្គ​ចាប់ផ្តើម​ស្អុយរលួយ​មើលទៅ​ដូច "​សត្វ​ឧត្បាត​" ក្នុង​ភាពយន្ត ។ ដំណាក់កាល​នេះ​ត្រូវ​យឺត​មកវិញ​ដោយ​ដំណើរការ​អប់​សព តែ​ចុងក្រោយ​ក៏​រលាយ​ទាំងស្រុង ។​
​ដំណើរការ​នេះ​ចាប់ផ្តើម​ដូចខាងក្រោម ៖ ពពួក​អង់​ហ្ស៊ី​ម ក្នុង​ក្រពេញ​លំពែង​ធ្វើ​ឲ្យ​បណ្តា​ផ្នែក​ស្វ័យ​រំលាយ ។ បាក់តេរី​នឹង​ច្បាម​តាម​អង់​ហ្ស៊ី​ម​ទាំងនេះ ធ្វើ​ឲ្យ​សរីរាង្គ​ប្តូរ​ទៅជា​ពណ៌​ខៀវ​ពី​ពោះ​ឡើងលើ ហើយ​ពេលនេះ​ពួកវា "​ស៊ីផឹក​" គ្រប់យ៉ាង​ដោយ​សេរី ។ ដូចដែល Caroline Wiliams សរសេរ​លើ​ទស្សនា​វ​ដ្តី Newssientist "​ជន​ទទួល​ប្រយោជន៍​ចុងក្រោយ​គឺ ១០០​ពាន់​ពាន់​លាន បាក់តេរី​បានរស់នៅ​ជាមួយ​យើង ក្នុង​ពោះវៀន​របស់​យើង​" ពេល​បាក់តេរី​ទាំងនេះ​ទម្លាយ​ចេញ វា​រំដោះ Putrescine និង Cadaverine ជា​សារជាតិ​ចម្រុះ​ធ្វើ​ឲ្យ​សរីរាង្គ​មាន​ក្លិន​ក្រោយពេល​ស្លាប់ ។​
-​សាកសព​អាច​ត្រូវបាន​ថែទាំ​ដោយ​ក្រមួន​
​ក្រោយពេល​ស្អុយរលួយ សរីរាង្គ​មនុស្ស​នឹង​នៅសល់តែ​គ្រោងឆ្អឹង ។ ប៉ុន្តែ នៅមាន​ករណី​លើកលែង ។ ប្រសិន​សាកសព​មួយ​ត្រូវបាន​ប្រាស្រ័យ​ជាមួយ​ដី ឬ​ទឹក​ត្រជាក់​នោះ​សារជាតិ adipocere (​ក្រមួន​ខ្លាញ់​) នឹង​កកើត ។ នេះ​គឺជា​ជាតិ​ខ្លាញ់ និង​ក្រមួន​ត្រូវបាន​កកើត​ពី​ពពួក​បាក់តេរី​បំផ្លិចបំផ្លាញ​កោសិកា ។ Adipocere ធ្វើ​សកម្មភាព​ដូចជា​សារជាតិ​ថែទាំ​ធម្មជាតិ​មួយ​នៅ​បណ្តា​ផ្នែក​ខាងក្នុង ហេតុនេះ​សរីរាង្គ​មិន​ស្អុយរលួយ ។ ចំពោះ​សាកសព​បែបនេះ​ពួក​អ្នកស៊ើប​អង្កេត​មិនអាច​កំណត់​ច្បាស់លាស់​ម៉ោង​ស្លាប់ ៕ M​

៣​ភេសជ្ជៈ បំបាត់​បញ្ហា​រដូវ​មក​មិន​ទៀង​

ស្ត្រី​ដែលមាន​បញ្ហា​រដូវ​មិន​ទៀង តែងតែមាន​កង្វល់​យ៉ាងខ្លាំង មិនដឹង​រក​វិធី​ណា​ដើម្បី​កែខៃ​បញ្ហា​អស់ទាំង​នេះ​ទេ ។​
តែ​អ្នក​មិនចាំបាច់​បារម្ភ​ឡើយ ព្រោះ​ភេសជ្ជៈ​ដែល​បានមកពី​ផ្លែឈើ អាចជួយ​កម្ចាត់​បញ្ហា​ទាំង​នោះបាន ។​
-​ទឹក​ទំពាំងបាយជូរ : នៅក្នុង​ទំពាំងបាយជូរ មាន​សារធាតុ​ផូស្វ័រ ស្ពាន់ធ័រ កាល់ស្យូម សារធាតុ​ដែក វីតាមីន B1 វីតាមីន​B2 វីតាមីន​C អាស៊ីដ​ហ្វៃ​តួ​ឃី​មី​ខ​ល​ឡ (Phytochemical)​ដែល​សារធាតុ​ទាំងអស់នេះ ជួយ​បង្កើត​ថាមពល​ដល់​ប្រព័ន្ធ​ដុត​បំពេញ​អាហារ នៅក្នុង​រាងកាយ ។ ចំណែក​ឯកសារ​ធាតុ​ថា​ថា​រិ​ក (Tartaric) នៅក្នុង​ទំពាំងបាយជូរ អាច​បណ្តេញ​សារធាតុពុល​ចេញពី​សរសៃឈាម ធ្វើ​ឲ្យ​ឈាម​ហូរ​បាន​ស្រួល និង​ធ្វើ​ឲ្យ​វដ្ត​រដូវ​របស់​អ្នក​ដំណើរការបាន​យ៉ាង​ទៀងទាត់​ផងដែរ ។​
-​ទឹក​ការ៉ុត​ក្រហម​(Betroot) : ការ៉ុត​ក្រហម មានគុណ​ស​ម្ប​តិ្ត​ក្នុង​ការសម្អាត​ថ្លើម និង​ពោះវៀន និង​មាន​ប្រយោជន៍​បំផុត​ចំពោះ​ថ្លើម និង​តម្រងនោម ។ វា​ជួយ​បំប៉ន​កោសិកា​ឈាមក្រហម និង ជួយ​ឲ្យ​គ្រាប់​ឈាមក្រហម បានទទួល​អុកស៊ីហ្សែន រហូតដល់​៤០%​។ អ្នក​ដែល​បានទទួល​ទាន​ទឹក​ការ៉ុត ជាប្រចាំ ប្រាកដជា​អស់​បញ្ហា​រឿង​រដូវ​មក​មិន​ទៀង ។​
-​ទឹក​ផ្លែ​ព្រូន : ពពួក​ទឹក​ដែល​បានមកពី​ផ្លែឈើ​ប្រភេទ​នេះ មានគុណ​ស​ម្ប​តិ្ត​យ៉ាងច្រើន​មាន​កាក​សរសៃ​ច្រើន សម្បូរ​ទៅដោយ​ម៉ាញេស្យូម សារធាតុ​ដែក ប៉ូ​តា​ស្យូ​ម និង វីតាមីន B​។​សារធាតុ​អាហារ​ទាំងនេះ ជួយ​បំប៉ន​ឈាម​ធ្វើ​ឲ្យ​រដូវ​របស់​អ្នកមាន​ភាពប្រក្រតី ហើយ​ថែមទាំង​ជួយ​រក្សា​ទម្ងន់ ធ្វើ​ឲ្យ​រាង​ស្វែ​ល​ស្អាត​ថែមទៀត ។

​ឱសថ​បុរាណ ៦ មុខ ដែល​ពោះវៀន​ត្រូវការ​

​នេះ​ជា​អាហារ ៦ មុខ​សម្រាប់​ណែនាំ​ឲ្យ​លោកអ្នក​បរិភោគ​ក្នុងការ​ជំនួយ​ដល់​ពោះវៀន​។ អាហារ​ទាំងនេះ​ដូចជា
​​**​ស្លឹក​ជីរ​លីង​ល​ក្ត​
​ប្រេង​ក្រអូប​ឈ្ងុយ​ពី​ស្លឹក​ជីរ​លីង​ល​ក្ត​ជា​ថ្នាំ​ជួយ​រំលាយ​អាហារ​យ៉ាង​ល្អ​ដល់​ពោះវៀន​។ ក្រៅពីនេះ​វា​ជួយ​មិន​ឲ្យ​ពោះវៀន​កើតមាន​អាកា​រៈ​ហើមពោះ ឆ្អល់ពោះ​ជាប់​ជាប្រចាំ​ផងដែរ​។
​​**​ម្ទេស​ស្រស់
​​ភាព​ហឹរ​របស់​ម្ទេស​ជួយ​ឲ្យ​រាងកាយ​បញ្ចេញ​ទឹកមាត់ ហើយ​បន្ទាប់ពីនោះ​អង់​ហ្ស៊ី​ម​របស់​ទឹកមាត់ នឹង​បញ្ចេញ​សារជាតិ ដែល​ជួយ​រំលាយ​ឲ្យ​សារជាតិ​ម្សៅ​មាន​សភាព​ទន់​។ ដូច្នេះ​ពោះវៀន មិនចាំបាច់​ត្រូវធ្វើ​ការ​ច្រើន​ក្នុងការ​កិន​រំលាយ​អាហារ​រៀងរាល់​លើក​នោះទេ​។​
​​**​ខ្ទឹមក្រហម​
​​គ្រាន់តែ​បរិភោគ​ខ្ទឹមក្រហម​តែ​ម្យ៉ាង ក៏​អាចជួយ​ពោះវៀន​បាន​យ៉ាង​ល្អ​រួចជាស្រេច​ទៅហើយ ព្រោះថា​ក្នុង​ខ្ទឹមក្រហម មាន​សារជាតិ​អាច​ជំនួយ​ដល់​ពោះវៀន ដោយ​វា​ជួយ​រំលាយ​អាហារ និង​ជួយ​ឲ្យ​បរិភោគ​អាហារ​បាន​ច្រើន​។​
​​**​ស្លឹក​ម្រះព្រៅ
​ម្រះព្រៅ​មាន​សារជាតិ​ពិសេស អាច​ផ្តល់​ផល​យ៉ាង​ល្អ​ចំពោះ​ពោះវៀន ដោយ​វា​ជួយ​ឲ្យ​ពោះវៀន កិន​រំលាយ​អាហារ​បានល្អ​។ ក្រៅពីនេះ ស្លឹក​ម្រះព្រៅ នៅ​ជួយ​ក្នុងការ​បញ្ចេញ​ទឹក​ក្នុង​ក្រពះ​មកជួយ​រំលាយ​អាហារ​ដែល​យើង​បរិភោគ​ចូល​ទៀតផង​។​
​**​ស្លឹកគ្រៃ​
​​ចង់​បរិភោគ​ស្លឹកគ្រៃ​ឲ្យ​បាន​ផល​ល្អ គួរ​ចិញ្ច្រាំ​ឲ្យ​ម៉ដ្ឋ ព្រោះ​អាច​បរិភោគបាន​ដោយ​ងាយ​។ ចំពោះ​ផលប្រយោជន៍​ចំពោះ​ស្លឹកគ្រៃ ជួយ​បញ្ចេញ​ទឹកប្រមាត់​មក​កិនបំបែក​អាហារ​បាន​យ៉ាង​ល្អ​។​
​​**​ខ្ទឹមស​
​​យើង​មាន​គន្លឹះ​ដ៏​ល្អ​មួយ​សម្រាប់​លោកអ្នក ដែល​កើតមាន​អាកា​រៈ​ក្រពះ​អាហារ​មិន​រំលាយ ដោយ​យក​ខ្ទឹម ស ៥ កំពឹស មក​ចិញ្ច្រាំ​ឲ្យ​ម៉ដ្ឋ ហើយ​បរិភោគ​ភ្លាមៗ​ក្រោយ​អាហារ​។ ខ្ទឹម ស អាចជួយ​ជំរុញ​ឲ្យ​ក្រពះ​កិន​រំលាយ​អាហារ​បាន​យ៉ាង​ល្អ ហើយ​បើ​បាន​បរិភោគ មិនយូរ​ទេ អាកា​រៈ​នេះ​នឹង​ប្រសើរឡើង​៕
​    ​

​ˆ​ការយល់​ខុស​មួយចំនួន​អំពី​ស៊ុត​

ស៊ុត​ជា​អាហារ​ដ៏​ពេញនិយម​ក្នុង​ជីវភាព​ប្រចាំថ្ងៃ​។ វា​សម្បូរ​សារជាតិ ជីវជាតិ មាន​ប្រយោជន៍​សម្រាប់​សុខភាព​មនុស្ស​។ ប៉ុន្តែ​ស៊ុត​ក៏​អាច​បង្ក​ផលវិបាក​ចំពោះ​សុខភាព ប្រសិន​អ្នក​ទទួល​ទាន​មិន​បាន​ត្រឹមត្រូវ​។​

•​សម្បក​ស៊ុត​ពណ៌​ក្រហម សម្បូរ​វីតាមីនៈ​
​មនុស្ស​ជាច្រើន តែង​គិតថា សម្បក​ស៊ុត​ពណ៌​ក្រហម សម្បូរ​វីតាមីន​ជាង បើ​ប្រៀប​ទៅ​នឹង​ស៊ុត ដែល​មាន​សម្បក​ពណ៌​ភ្លឺ​។ ជាក់ស្តែង​នោះ ពណ៌​សម្បុរ​របស់​សម្បក​ស៊ុត ត្រូវបាន​កំណត់​ដោយសា​រ​ជាតិ​មួយ​ហៅថា « porphyrin » ពុំ​មាន​ផ្ទុក​សារជាតិ​ជីវជាតិ​ណា​ទាំងអស់​។ តម្លៃ​ជីវជាតិ​របស់​ស៊ុត ចំណុះ​ទៅ​លើ​រចនាសម្ព័ន្ធ​ជីវជាតិ​របស់​របប​អាហារ​របស់​សត្វ​មាន់​ទា​។ គុណភាព​របស់​ស៊ុត ត្រូវបាន​វាយតម្លៃ ដោយ​បរិមាណ​ប្រូតេអ៊ីន​ក្នុង​ផ្នែក​ស​។ ផ្នែក​ស​នៃ​ស៊ុត កាន់តែ​ក្រាស់ ស៊ុត​កាន់តែ​ល្អ​ជាង​។​

​ការ​•​ទទួលទាន​ច្រើន​ជ្រុលៈ​
​ស៊ុត​ផ្ទុក​បរិមាណ​ប្រូតេអ៊ីន​ខ្ពស់​។ ដូច្នេះ​ប្រសិនបើ​យើង​ទទួល​ទាន​ច្រើនពេក វា​អាច​ធ្វើឱ្យ​មុខងារ​បំប្លែង​សារជាតិ​របស់​តម្រងនោម​ចុះខ្សោយ ដោយសារ​វា​ត្រូវ​ធ្វើការ​ហួស​ចំណុះ​។ ក្រៅពីនេះ ការ​ទទួលទាន​ស៊ុត​ច្រើន អាច​បណ្តាល​ឱ្យ​លើសឈាម រាក​រូស ចេញ​មុន​...​។​

​ក្រុម​អ្នកជំនាញការ បាន​ផ្តល់​ដំបូន្មាន​ថា កុមារ មនុស្ស​ចាស់ និង​ពលករ​ធ្វើការ​ដោយ​កម្លាំង​កាយ មិន​ត្រូវ​ទទួល​ទាន​ស៊ុត លើស​ពី​ពីរ​គ្រាប់ ក្នុង​មួយ​ថ្ងៃ​ទេ​។ មនុស្ស​ខ្សោយ ឬ​អ្នក​កំពុង​ស្ថិត​ក្នុង​ដំណាក់កាល​ស្តារ​សុខភាព ក្រោយ​ពេល​វះកាត់ មិន​ត្រូវ​ប្រើប្រាស់​លើស ៤​គ្រាប់ ក្នុង​មួយ​ថ្ងៃ​ទេ​។​

•​ចម្អិន​ស៊ុត​ជាមួយ​ប៊ីចេងៈ​
​ស៊ុត​មាន acid glutamic យ៉ាងច្រើន និង​ក្លរួ​សូ​ដ្យូ​មមួយផ្នែក​។ ក្រោយពេល​កើន​សីតុណ្ហភាព សារជាតិ​ទាំងពីរ​នេះ នឹង​បង្កើត​ជា​សារជាតិ​ថ្មី​មួយ គឺ  Sodium glutamate - សមាសធាតុ​សំខាន់​របស់​ប៊ីចេង​។ ពេល​ចៀន​ស៊ុត ប្រសិន​ដាក់​បន្ថែម​ប៊ីចេង នឹង​ធ្វើឱ្យ​ខូច​រសជាតិ​ធម្មជាតិ​របស់​ស៊ុត​។ ដូច្នេះ​ពេល​ចៀន​ស៊ុត មិន​ត្រូវ​ដាក់​ប៊ីចេង​ចូល​ទេ​។​

​ទទួលទាន​ស៊ុត​ឆៅៈ​
​ការ​ទទួលទាន​ស៊ុត ពុំ​ទាន់​ចម្អិន​ឆ្អិន ពុំ​ត្រឹមតែ​គ្មាន​អនាម័យ​ប៉ុណ្ណោះ​ទេ តែ​នៅ​ងាយ​ឆ្លង​មេរោគ និង​ពុំ​សូវ​មាន​ជីវជាតិ​។ ក្នុង​ស៊ុត​ឆៅ មាន avidin ឥទ្ធិពល​ដល់​ការ​ស្រូបយក biotin ក្នុង​អាហារ ងាយ​បង្ក​ជា​រោគសញ្ញា ខ្វះ  biotin ដូចជា​បាត់​អារម្មណ៍​ឆ្ងាញ់ រាងកាយ​ខ្សោយ ឈឺ​សាច់ដុំ រលាក​ស្បែក ជ្រុះ​ចិញ្ចើម​។​

•​ស្ងោរ​ស៊ុត​កាន់តែ​យូរ កាន់តែ​ល្អៈ​
​ស្ងោរ​ស៊ុត​កាន់តែ​យូរ ពពួក ion លោហធាតុ​ក្នុង​ផ្នែក​ក្រហម និង​ពពួក ion ស្ពាន់ធ័រ​ក្នុង​ផ្នែក​ស នឹង​កកើត​ជា​សារជាតិ​ស៊ុល​ហ្វួ​លោហធាតុ ពិបាក​ស្រូបយក​។​

•​មនុស្ស​ចាស់ មិន​គួរ​ទទួល​ទាន​ស៊ុតៈ​
​ស៊ុត​សម្បូរ​កូ​ឡេ​ស្តេ​រ៉ូ​ល​។ មនុស្ស​ជាច្រើន គិតថា មនុស្ស​ចាស់ មិន​គួរ​ទទួល​ទាន​ស៊ុត​។ តាម​អ្នកវិទ្យាសាស្ត្រ រឿង​នេះ​មិន​សម​ហេតុផល​ទេ​។​

​ផ្នែក​ក្រហម​នៃ​ស៊ុត មាន​ផ្ទុក lecithin ច្រើន​គួរសម​។ វា​អាច​ធ្វើឱ្យ​គ្រាប់កូ​ឡេ​ស្តេ​រ៉ូល និង​ជាតិ​ខ្លាញ់ ប្រជា​ល្អ​អស្ចារ្យ​។ ដូច្នេះ​ព​ពួកកូ​ឡេ​ស្តេ​រ៉ូល​ស្តើង និង​គ្រាប់​ជាតិ​ខ្លាញ់ អាច​ត្រូវបាន​ប្រើប្រាស់​ប្រសិទ្ធភាព​ដោយ​ពពួក​កោសិកា  ដើម្បី​បន្ថយ​កូ​ឡេ​ស្តេ​រ៉ូល​ក្នុងឈាម​។

 

ក្រៅពីនេះ lecithin អាច​ផលិត Sinkaline ដែល​អាច​ត្រូវបាន​សំយោគ​ជា Acetylcholine​។  វត្ថុធាតុដើម​សំខាន់​របស់​សារជាតិ​នាំ​បញ្ជូន​សរសៃប្រសាទ អាច​កែប្រែ​ឱ្យ​ប្រសើរ​នូវ​សមត្ថកិច្ច​របស់​ខួរក្បាល និង​បង្កើន​ការចងចាំ​៕​

​ពេល​មក​រដូវ​ស្ត្រី​មាន​អារម្មណ៍​ឆេវឆាវ​

ពេល​មក​រដូវ ស្ត្រី​តែងមាន​អារម្មណ៍​មិន​ស្រួល ភ័យព្រួយ​ថា នឹង​ប្រតេកប្រតាក​ធ្វើ​ឲ្យ​ពិបាក​ក្នុង​ការធ្វើ​ចលនា​រាងកាយ​។ ពេល ខ្លះទៀត ក៏​មាន​ការ​ឈឺពោះ ឬ​ចុក​រោយ​តាម​ខ្លួន​ផងដែរ ដែល​ធ្វើឲ្យ​ស្ត្រី​ជា​ច្រើន​មាន​អារម្មណ៍​រំខាន​ឆេវឆាវ​។ រីឯ​មូលហេតុ​មួយទៀត គឺ​អំឡុងពេល​មាន​រដូវ រាងកាយ​នឹង​មាន​ការប្រែប្រួល​ដូចជា តូចចិត្ត សង្ស័យ​ច្រើន ឬ​ក្រៀមក្រំ​។

 

 

​នៅ​ពេល​ដឹង​ខ្លួន​ថា ក្នុងអំឡុង​មក​រដូវ​មាន​អារម្មណ៍មិនល្អ ក្នុង​អំឡុង​ពេល​នេះ មិន​គួរ​គិត​ច្រើន ឬ​សម្រេច​រឿង​សំខាន់ៗ​ឡើយ ព្រោះ​អាច​ធ្វើឲ្យ​ភ្លាំងភ្លាត់​បាន​។ បើ​អ្នក​ឆេវឆាវ​ខ្លាំង គួរ​សម្រាក​ឲ្យបាន​គ្រប់គ្រាន់ ធ្វើ​កិច្ចការ​ណា​ដែល​ខ្លួន​ចូលចិត្ត ដូចជា ស្តាប់ភ្លេង អាន​សៀវភៅ​កម្សាន្ត លេង​ជាមួយ​សត្វ​ចិញ្ចឹម​ឲ្យ​សប្បាយចិត្ត នឹង​អាចជួយ​កាត់បន្ថយ​បញ្ហា​ជាមួយ​អ្នក​នៅ​ជុំវិញ​ខ្លួន​បាន​៕​

សកម្មភាព ៧ យ៉ាង​មិនគួរ​ធ្វើ​ក្រោយ​បាយ​រូ​ច​

ខាងក្រោម​នេះ គឺជា​សកម្មភាព ៧ យ៉ាង​ដែល​អ្នក​មិនគួរ​ធ្វើ​ក្រោយ​ទទួលទាន​អាហារ​រួច ព្រោះថា​វា​ជាការ​បំផ្លាញ់​ប្រព័ន្ធ​រំលាយ​អាហារ​របស់​អ្នក​ដោយ​មិនដឹង​ខ្លួន ។​
១- ងូតទឹក​ភ្លាម​ក្រោយ​ទទួលទាន​អាហារ​រួច : វា​នឹង​បង្ក​ឲ្យ​ដំណើរ​ឈាម​រត់​មកកាន់​ពោះ​ដែល​ធ្វើ​ឲ្យ​ប្រព័ន្ធ​រំលាយ​អាហារ​ធ្វើ​ការមិន​ពេញចិត្ត​ល្អ ។​
២- ដើរទៅ​ដើរមក : គួរតែ​ដើរ​ក្រោយ​ទទួលទាន​អាហារ​រួច​យ៉ាងតិច​មួយ​ម៉ោង ពីព្រោះ​បើ​យើង​ទទួលទាន​អាហារ​រួច​ភ្លាម​ដើរ​ភ្លាម វា​នឹង​ជះឥទ្ធិពល​ចំពោះ​ការ​បឺត​ស្រូបយក​សារជាតិ​អាហារ ។​
៣- ដេក : ធ្វើ​ឲ្យ​ប្រព័ន្ធ​រំលាយ​អាហារ​ធ្វើ​ការមិន​ពេញទី និង កើតការ​ប្រមូលផ្តុំ​រហូត​ក្លាយជា​រោគ​ធាត់ ។​
៤- ទទួលទាន​ផ្លែឈើ : គួរតែ​ទទួលទាន​ផ្លែឈើ​ក្រោយ​អាហារ​រួច​ប្រហែលជា ១-២ ម៉ោង ឬ ទទួលទាន​អាហារ បើ​មិន​ដូច្នេះ​ទេ វា​នឹងធ្វើ​ឲ្យ​ក្រ​ពេះ​របស់​អ្នក​ហើមប៉ោង​ដោយសារ​ខ្យល់ ។​
៥- ផឹក " តែ " : វា​នឹងធ្វើ​ឲ្យ​អាហារ​ពិបាក​រំលាយ ពីព្រោះ​ក្នុង ​មាន​អាស៊ីដ​ខ្ពស់ ។​
៦-​ដោះ​ខ្សែក្រវាត់ : នឹង​ជះឥទ្ធិពល​ដល់​ពោះវៀន ធ្វើ​ឲ្យ​ស្ទះ​ខុស​ប្រក្រតី ។​
៧-​ជក់បារី : អ្នកណា​ដែល​ចូលចិត្ត​ជក់បារី​ក្រោយ​ទទួលទាន​អាហារ​រួច ប្រឈម​ចំពោះ​ការ​កើតរោគ​មហារីក​ខ្ពស់ ពីព្រោះ​វា​ជា​អំឡុងពេល​មួយ​ដែល​ធ្វើ​ឲ្យ​យើង​បានទទួល​ជាតិពុល​ជាង​ការជក់បារី​ក្នុង

ទឹកមាត់បង្ការជំងឺផ្តាសាយ

​នៅពេល​ចាប់ផ្តើម​ដំណើរការ​រំលាយ​អាហារ ទឹកមាត់​ផ្ទុក​ប្រូតេអ៊ីន​ប្រឆាំង "​ពន្លក​ជំងឺ​" ដោយ​វា​បង្កើតជា​ខ្សែក្រវាត់​តបត​នឹង​មេរោគ ។ កម្រិត​វ័យ​របស់​មនុ​ស្សមាន​ឥទ្ធិពល​ទៅលើ​បរិមាណ glycoprotein នៅក្នុង​ទឹកមាត់ ។​
​តាម​ការស្រាវជ្រាវ​ថ្មី​មួយ បាន​ចុះផ្សាយ​ជា​សាធារណៈ​លើ​ទស្សនា​វ​ដ្តី Proteome របស់​ចិន នោះ​ប្រូតេអ៊ីន​ក្នុង​ទឹកមាត់​របស់​មនុ​ស្សវ័យ​ចំណាស់ មាន​សមត្ថភាព​បង្ការ​ទប់ស្កាត់​បណ្តា​កត្តា​បង្ក​ជំងឺ​ផ្តាសាយ ។​
​អ្នកស្រាវជ្រាវ​ចិន បាន​វិភាគ​គំរូ​ទឹកមាត់​របស់​បុរស និង​ស្ត្រី ១៨០​នាក់ ក្នុង​វ័យ​ផ្សេងៗ​ពីគ្នា និង​សម្គាល់​ឃើញថា glucoprotein ក្នុង​ទឹកមាត់​របស់​មនុស្ស ស្ថិតក្នុង​វ័យ​ស្របាល ៦៥​ឆ្នាំ ឡើងលើ​មាន​សមត្ថភាព​រារាំង Virus បង្ក​រោគ​ផ្តាសាយ ។​
​អ្នកស្រាវជ្រាវ Zheng li និង​សហការី​បាន​ឲ្យ​ដឹងថា របកគំហើញ​នេះ បាន​ជួយ​ឲ្យ​យើង​យល់​កាន់តែច្បាស់​ថា ហេតុអ្វី​មនុស្ស​ចំណាស់​រង​ផលប៉ះពាល់​តិចតួច ចំពោះ​អម្បូរ​រោគ​ផ្តា​យ​សាយ បក្សី​ជ្រូក​ថ្មី បើ​ប្រៀប​នឹង​មនុស្ស​ដែលមាន​វ័យក្មេង ។​
​លទ្ធផល​នេះ​ជួយ​លើកកម្ពស់​ដល់​ការយល់ដឹង វិធីសាស្ត្រ​បង្ការ​ក៏ដូចជា​ការវិនិច្ឆ័យ​ជំងឺ​មួយចំនួន​ទាក់ទង​នឹង​វ័យ​របស់​មនុស្ស ៕​M

ញើសអាចកម្ចាត់កំពូលមេរោគបាន

​ប្រភពពី Daily mail ដែល​ដកស្រង់​លទ្ធផល​ស្រាវជ្រាវ​មួយ​ចុះផ្សាយ​លើ Procesding of the National Academy of Sciciens របស់​បណ្ឌិត Ulrich Zachariae បាន​បញ្ជាក់ថា អង្គ​បដិបក្ខ​ធម្មជាតិ​ចេញពី​ញើស​អាច​កម្ចាត់​កំពូល​មេរោគ ក៏ដូចជា​អម្បូរ​មេរោគ​របេង​គ្រោះថ្នាក់​បាន ។​
​ជំងឺរបេង​អាច​ត្រូវបាន​ព្យាបាល​ដោយ​ប្រសិទ្ធ​ភាពល្អ​ជាង​មុន​តាមរយៈ​ថ្នាំ​អង់​ទី​ប៊ី​យូ​ទិ​ក ជំនាន់​ថ្មី​។
​ក្រុម​អ្នកស្រាវជ្រាវ​នៃ​សាកលវិទ្យាល័យ Edinburgh ប្រទេស​អង់គ្លេស ដែល​ដឹកនាំ​ដោយ​បណ្ឌិត​ខាងលើ បាន​រកឃើញ​ក្នុង​ញើស​របស់​មនុស្ស នូវ​សារធាតុ​គីមី​មួយ​ហៅថា Dermeidin ដែល​វា​រំញោច​សកម្មភាព​ក្នុង​ញើស​មនុស្ស ហើយ​រាង​ជូរ ។ វា​ក៏​អាច​បុក​ទម្លុះ​ស្រោម​កោសិកា​របស់​មេរោគ​បង្ក​ការគ្រោះថ្នាក់ ហើយ​សម្លាប់​វា​ចោល​តែម្តង ។​
​ធម្មតា​ស្រោម​កោសិកា ពុំ​ងាយ​ប្រែប្រួល​ឆាប់ ដើម្បី​តបត​នឹង​ការវាយលុក ។ អាស្រ័យហេតុនេះ សារធាតុ​គីមី​ខាងលើ​វា​បានរួម​ចំណែក​សម្រាប់​អភិវឌ្ឍន៍​ប្រភេទ​ឱសថ​អង់​ទី​ប៊ី​យូ​ទិ​ក​ជំនាន់​ថ្មី ។​
​ក្រុម​ស្រាវជ្រាវ​បាន​រកឃើញថា សារធាតុ​គីមី dermeidin​នេះ មាន​ចរន្ត​ម៉ូលេគុល​បន្ថយ​វែង​ជាង​ធម្មតា ហេតុនេះ​វា​អាច​ទម្លាយ​ជ្រៀបចូល​ទៅលើ​ស្រទាប់​កោសិកា​ផ្សេងៗ បង្កលក្ខណៈ​ដល់​ការ​វាយ​លុយ​កម្ចាត់​មេរោគ និង​ពពួក​ផ្សិត​ក្នុងពេល​តែមួយ ។​
Dermcidin អាច​ប្រឆាំង​តបត​នូវ​ពន្លក​មេរោគ​ជាច្រើន​ដូចជា​របេង និង​កំពូល​មេរោគ​បង្ក​ជំងឺ taphylococcus aureus ។​
​តាម​បណ្ឌិត Ulrich Zachariae នោះ ឥឡូវនេះ យើង​បានដឹង​លំអិត​អំពី​អង្គ​បដិបក្ខ​ធម្មជាតិ​ធ្វើ​សកម្មភាព​បែបណា ។ ផ្អែកលើ​មូលដ្ឋាន​នោះ​យើង​អាច​អភិវឌ្ឍន៍ នូវ​ឱសថ​ស័ក្តិ​សិទ្ធ​ប្រឆាំងនឹង​ការ​រលាក​ប្រសើរ​ជា ប្រភេទ​អង់​ទី​ប៊ី​យូ​ទិ​ក ដែលមាន​បច្ចុប្បន្ន​ច្រើន ៕ M​

អត្រាកើតជំងឺ​រ៉ាំរ៉ៃ​កើនឡើង​ ប្រសិនគេងច្រើន

​គេង​លើស ១០ ម៉ោង ក្នុង​១​យប់ ធ្វើ​ឲ្យ​កើន​ការ​ប្រឈម​កើត​ជំងឺ​បេះដូង​, ទឹកនោមផ្អែម និង ធាត់ ។​
​តាម​ការស្រាវជ្រាវ​ថ្មីៗ​នេះ របស់​វិទ្យាស្ថាន​ស្រាវជ្រាវ Sleep Medicine (​អាមេរិក​) បានចង្អុលបង្ហាញ​ថា គេង​លើសពី ១០ ម៉ោង ក្នុង​១​យប់ ធ្វើ​ឲ្យ​កើន​ហានិភ័យ​កើត​ជំងឺ​បេះដូង​, ទឹកនោមផ្អែម និង ធាត់ ។​
​ការស្រាវជ្រាវ ត្រូវបាន​ដំណើរការ​លើ​ជនជាតិ​អាមេរិក អាយុ​លើស ៤៥ ឆ្នាំ អំពី​ទំនាក់ទំនង​រវាង​ភាពមិនប្រក្រតី អំពី​ដំណេក​ជាមួយ​ជំងឺ​ទឹកនោមផ្អែម​, ធាត់ និង​សរសៃឈាម​បេះដូង ។ លទ្ធផល​បង្ហាញថា ជាង​១/៣ ក្នុងចំណោម​អ្នកចូលរួម​ស្រាវជ្រាវ​មាន​ដំណេក​វែង​ជ្រុល (​ជាង ១០ ម៉ោង ក្នុង​១​យប់​) ប្រឈមមុខ​ជាមួយ​ហានិភ័យ​កើត​ជំងឺ​រ៉ាំរ៉ៃ​ខ្ពស់ ។​
​បណ្ឌិត Janet Croff ជំនាញការ​ជំងឺ​រ៉ាំរ៉ៃ នៅ​មជ្ឈមណ្ឌល​គ្រប់គ្រង និង​បង្ហារ​ជំងឺឆ្លង​អាមេរិក ឲ្យ​ដឹងថាៈ “​លទ្ធផល​នេះ បង្ហាញថា វេជ្ជបណ្ឌិត​គួរ​ត្រួត​ពិនិត្យមើល​សុខភាព​ស្មារតី និង​ទម្ងន់​សរីរាង្គ និង​បរិមាណ​ពេលវេលា​ដំណេក ចំពោះ​អ្នកជំងឺ​មាន​ជំងឺ​រ៉ាំរ៉ៃ​” ៕​M

ˆ​សារប្រយោជន៍ និង​គ្រោះថ្នាក់ ពេល​ងូតទឹ​កក្តៅ​

១)​សារប្រយោជន៍ៈ​
​​-​ជួយ​សម្រួល​អារម្មណ៍ និង​ជួយ​ឱ្យ​គេង​លក់​ស្រួល​៖ មិន​ចំពោះ​ថា​អ្នកជំនាញការ​សុខភាព​ណាក៏ដោយ ក៏​នឹង​ទូន្មាន​អ្នក​ថា គួរ​ងូតទឹ​កក្តៅ ដើម្បី​សម្រួល​អារម្មណ៍ ក្រោយ​ការបំពេញ​ការងារ​មួយ​ថ្ងៃ​ដ៏​នឿយហត់​។

 

តាំងពី​យូរ​មក​ហើយ ការ​ត្រាំ​ខ្លួន​នៅក្នុង​អាងទឹ​កក្តៅ​ជាមួយនឹង​ប្រេង​សមស្រប គឺជា​វិធី​សម្រួល​អារម្មណ៍​ដ៏​ល្អ​វិសេស​។ ពុំ​ត្រឹមតែ​ប៉ុណ្ណឹង​ទេ ប្រសិន​ចេះ​គួបផ្សំ​ចុច​ជីពចរ​ថ្លើម​បាតជើង​ក្នុងពេល​ងូត អ្នក​នឹង​មាន​អារម្មណ៍​ស្រឡះស្រឡំ​ជាង​។ ចំពោះ​អ្នក​គេង​មិន​លក់​ជាប្រចាំ ការ​ងូតទឹក​ក្តៅ​មុនពេល​ចូល​គេង នឹង​ជួយ​សម្រួល​សរីរាង្គ​ឱ្យ​គេ​ង​បាន​លក់​ស្រួល​ជាង​។​

​​-​បន្ថយ​ឈឺ​សាច់ដុំ​៖ ការ​ធ្វើ​ចលនា​មិន​បាន​ត្រឹមត្រូវ ហាត់ប្រាណ​ធ្ងន់ ឬ​ហាត់​ចលនា​ថ្មី ច្រើន​តែ​ធ្វើ​ឱ្យ​អ្នក​ឈឺ​រួយ​សាច់ដុំ​។ ដោយ​ត្រូវការ​ពេល​តែ​១៥​នាទី ងូតទឹក​ក្តៅ​គួបផ្សំ​នឹង​ការ​ម៉ាស្សា​ប្រេង​បន្តិច ការឈឺ​រួយ​ទាំងនេះ នឹង​ធូរស្រាល​ភ្លាម​។​

​​-​បង្កើន​ចរាចរណ៍​ឈាម និង​បញ្ចុះទម្ងន់​៖ សីតុណ្ហភាព​ទឹក​ក្តៅ​រំញោច​ចរាច​រណ៍​ឈាម​របស់​សរីរាង្គ​។ ដូច្នេះ​ប្រសិន​មាន​ចំពួយ​ទឹក​ផ្កាឈូក អ្នក​គួរ​ចាប់អារម្មណ៍​បាញ់​ទឹក​ទៅ​ត្រង់​កន្លែងផ្តុំ​ខ្លាញ់ច្រើន ដូចជា​កំភួនដៃ កណ្តៀតក្អម ពោះ ភ្លៅ​។ វិធី​នេះ​នឹង​មាន​ប្រសិទ្ធភាព​សម្រាប់​អ្នក​ចង់​សម្រក​ទម្ងន់​។​

​​-​មាន​ប្រយោជន៍​សម្រាប់​អ្នកជំងឺ​ទឹកនោមផ្អែម​ប្រភេទ​ពីរ​៖ ការស្រាវជ្រាវ​ជា​ច្រើន​បង្ហាញថា អ្នកជំងឺ​ទឹកនោមផ្អែម​ប្រភេទ​ពីរ ប្រសិន​បាន​ងូតទឹក​ក្តៅសម្រួល​សរី​រាង្គ​១៥ ទៅ ២០​នាទី ក្នុង​មួយ​ថ្ងៃ រយៈពេល​ប្រាំ​ថ្ងៃ ក្នុង​មួយ​សប្តាហ៍ នោះ​សរីរាង្គ​នឹង​រឹងមាំ​ល្អ​ជាង រាល់​សញ្ញា និង​ការរំខាន​ពី​ជំងឺ​ទឹកនោម​ផ្អែម ក៏​នឹង​ថយ​ចុះ​ឱ្យ​ឃើញ​ច្បាស់​។​

​​២)•​គ្រោះថ្នាក់ៈ​
​​-​បន្ថយ​លទ្ធភាព​បង្កើតកូន​នៅលើ​បុរស​៖ ការស្រាវជ្រាវ​មួយ​ដែល​បាន​អូសបន្លាយ​រយៈពេល​បី​ឆ្នាំ​របស់​ពួក​អ្នកវិទ្យាសាស្ត្រ​អាមេរិក បានបង្ហាញ​ថា បរិមាណ​និង​គុណភាព​មេ​ជីវិត នឹង​ថយចុះ​នូវ​សីតុណ្ហភាព​ខ្ពស់​។ ដូច្នេះ​ប្រើ​ទឹក​ក្តៅ​ដើម្បី​ងូត ជា​មូលហេតុ​មួយ​ក្នុងចំណោម​មូលហេតុ​បណ្តាលឱ្យ ô​យុទ្ធជន​õ របស់​បុរស​មិន​មាំមួន​ដូច​បំណង​។​

​​-​សន្លប់​៖ ទោះបី​បាតុភូត​នេះ​មិន​ទូទៅ តែ​វេជ្ជបណ្ឌិត​ជាច្រើន​ក៏​កត់សម្គាល់ឃើញ​អ្នក​ជំងឺលើសឈាម នឹង​ងាយ​ត្រូវ​ងងឹតមុខ ព្រិល​ភ្នែក និង​សន្លប់​ពេល​ត្រាំ​ខ្លួន​ក្នុង​អាងទឹ​កក្តៅ ពិសេស​គឺ​ពេលវេលា​ត្រាំ អូសបន្លាយ​ពី ៣០​នាទី​ឡើង​ទៅ​។​

​​-​ស្ងួត​ស្បែក​៖ ងូតទឹក​ក្តៅ​ជាប្រចាំ ធ្វើឱ្យ​ស្បែក​ត្រូវ​បាត់​ទឹក នាំ​ដល់​ស្ថានភាព​ស្បែក​គគ្រាត​គគ្រើម និង​ឆាប់​ចាស់​។ ដើម្បី​រារាំង​គ្រោះថ្នាក់​នេះ អ្នក​អាច​ប្រើ​ក្រែម​រក្សា​សំណើម​ក្រោយពេល​ងូតទឹ​កក្តៅ​។​

 

​​-​ធ្វើឱ្យ​សុដន់​អាក្រក់​៖ ពួក​អ្នក​ស្រាវជ្រាវ​បានឱ្យដឹងថា ការ​ងូតទឹ​កក្តៅ ធ្វើឱ្យ​សុដន់​យារ​ធ្លាក់ និង​មិន​ម៉ដ្ឋ​ណែន​។ តែ​ប្រសិន​ងូតទឹក​ក្តៅ​រួច បាញ់ស្រោច​ឡើងវិញ​ដោយ​ទឹក​ត្រជាក់​នោះ លទ្ធផល​នឹង​បញ្ច្រាស​មក​វិញ សុដន់​នឹង​ទន់​ម៉ដ្ឋ​តឹង​ណែន​៕​

ប្រើ​អាស្ពៀរីន​ប្រចាំថ្ងៃ បង្ក​ផល​អាក្រក់​ច្រើនជាង​ល្អ

​យោងតាម​ការសិក្សា​ថ្មី​មួយ ដោយ​ក្រុម​អ្នកវិទ្យាសាស្ត្រ​អង់គ្លេស​បាន ឱ្យដឹងថា មនុស្ស​ដែល​មាន​សុខភាព​ល្អ ទទួលទាន​ថ្នាំ​អាស្ពៀរីន aspirin ជាប្រចាំ ដើម្បី​ការពារ​ជំងឺ​គាំងបេះដូង ប្រហែល​ជា​ធ្វើឱ្យប៉ះពាល់​ដល់​រាងកាយ របស់​ពួកគេ​ច្រើន​ជាង​ផល​ល្អ ។​

​ក្រុម​អ្នកស្រាវជ្រាវ​បាន​រក ឃើញថា អត្រា​ធ្លាក់ឈាម​ដោយសារ តែ​ការ​ទទួលទាន​ថ្នាំ​អាស្ពៀរីន ជាប្រចាំ ទៅលើ​មនុស្ស​ដែល​មាន​សុខភាព​ល្អ ô​មិន​អាច​ត្រូវបាន​គាំទ្រ​ទេ​õ តែ​យ៉ាង ណា​ពួកគេ​មិន​បាន​ជំទាស់​ការប្រើ​ថ្នាំ នេះ​ទៅ​លើ​អ្នកជំងឺ​ដែល​មាន​ប្រវត្តិ​មាន​បញ្ហា​សរសៃឈាម ។​

​លទ្ធផល​នៃ​ការ​សិក្សា​ដែល មានឈ្មោះ​ថា Aspirin for Asymptoma-tic Atherosclerosis(AAA) បាន​បន្ថែម ទៅលើ​ការពិភាក្សា​ដែល​ប្រើ​ពេល​ដ៏​យូរ​អំពី​ថា តើ​គ្រោះថ្នាក់​ដែល​អាច​កើត មាន​ក្នុង​ការប្រើ​ថ្នាំ​អាស្ពៀរីន​អាចមាន ច្រើន​ជាង​អត្ថប្រយោជន៍​ក្នុងការ​កាត់ បន្ថយ​អត្រា​ឈាម​កក ។​
​​
សាស្ត្រាចារ្យ​ភី​ធើ វ៉េ​ស​ប៊ឺ​ហ្គ ប្រធាន​ផ្នែក​វេជ្ជសាស្ត្រ​នៅ British Heart Foundation ដែល​បាន​ផ្តល់​មូលនិធិ ដល់​ការស្រាវជ្រាវ​នេះ​បាន​និយាយថា ô​យើង​ដឹង​ថា អ្នកជំងឺ​ដែល​មាន​រោគ សញ្ញា​ជំងឺ​សរសៃឈាម​ដូចជា​រោគ​ចុក ដើមទ្រូង ជំងឺ​គាំងបេះដូង ឬ​ជំងឺ​ដាច់ សរសៃឈាម​ក្នុង​ខួរក្បាល អាច​កាត់ បន្ថយ​អត្រា​នៃ​ការ​កើត​បញ្ហា​បន្ថែមទៀត របស់​ពួកគេ ដោយ​ការ​ទទួលទាន​ថ្នាំ អាស្ពៀរីន​ក្នុងបរិ​មាណតិច​តួចរៀ​ង រាល់ថ្ងៃ ។ លទ្ធផល​នៃ​ការសិក្សា​នេះ ស្របគ្នា​ជាមួយ​នឹង​ការណែនាំ​នាពេល​បច្ចុប្បន្ន​របស់​យើង​ដែល​មនុស្ស​មិន មាន​រោគសញ្ញា ឬ​ត្រូវ​បាន​ធ្វើ​រោគ​វិភាគ រកឃើញ​ជំងឺ​សរសៃឈាម ឬ​ជំងឺ​បេះដូង​នោះ មិនគួរ​លេបថ្នាំ​អាស្ពៀរីន​ទេ ពី​ព្រោះ​អត្រា​ធ្លាក់ឈាម​អាចមាន​ច្រើន ជាង​ផលប្រយោជន៍ ។​

ការសិក្សា​នេះ​ត្រូវបាន​ដឹកនាំ ដោយ​សាស្ត្រាចារ្យ​ហ្គឺរី ហ្វូវ​កេស​មកពី Wolfson Unit ដើម្បី​ទប់ស្កាត់​ជំងឺ​សរសៃឈាម​ផ្នែក​ខាងក្រៅ​នៅ​ក្រុង Edinburgh ប្រទេ​សស្កុ​ត​ឡែន ហើយ​ត្រូវ បាន​ធ្វើ​បទ​បង្ហាញ​នៅ​ឯ​សន្និសីទ​ស្តីពី ការសិក្សា​ជំងឺ​បេះដូង​នៃ​សង្គម​អឺរ៉ុប​នៅ ក្នុង​ទីក្រុង​បា​សេ​ឡូ​ណា កាលពី​ថ្ងៃ អាទិត្យ ។​
​ការសិក្សា​នេះ​ចូលរួម​ដោយ បុរស​និង​ស្ត្រី​ចំនួន​៣.៣៥០​នាក់ ដែល មាន​អាយុ​ពី​៥០​ឆ្នាំទៅ​៧៥​ឆ្នាំ ។​
​ពួកគេ​ត្រូវបាន​ផ្តល់ឱ្យ​ជាប្រចាំ ទាំង​ថ្នាំ​អាស្ពៀរីន​ទម្ងន់​១០០​មិល្លីក្រា​ម ឬ​ថ្នាំ​បញ្ឆោត ហើយ​ត្រូវ​បាន​តាមដាន អស់​រយៈពេល​៨​ឆ្នាំ ។​

​នៅពេល​ដែល​គ្មាន​ភាពខុស ប្លែក​គ្នា​នៅ​ក្នុង​ចំនួន​នៃ​ជំងឺ​គាំងបេះដូង  ជំងឺ​ដាច់​សរសៃឈាម​ខួរក្បាល និង​ជំងឺ សរសៃឈាម​និង​បេះដូង​ផ្សេងទៀត កើតមាន​នោះ ការ​ធ្លាក់ឈាម​ដ៏​សំខាន់ បាន​កើតឡើង​២​ភាគរយ​លើ​ក្រុម​អ្នក ដែល​ប្រើ​ថ្នាំ​អាស្ពៀរីន បើ​ប្រៀបធៀប ទៅ​នឹង​អត្រា​១,២​ភាគរយ ដែល​កើត មាន​លើ​ក្រុម​អ្នក​ដែល​ប្រើ​ថ្នាំ​បញ្ឆោត ៕

វាស់​សម្ពាធ​ឈាម នៅ​ដៃ​ទាំង ២ រកឃើញ​ឆាប់​ជំងឺ​បេះដូង​

ពួក​អ្នកស្រាវជ្រាវ​នៅ​មន្ទីរពេទ្យ​ម៉ាសា​ជូ​សេត , អាមេរិក បាន​ឲ្យ​ដឹងថា ការត្រួតពិនិត្យ​សម្ពាធ​ឈាម​នៅ​ដៃ​ទាំង ២ អាច​រកឃើញ​ឆាប់រហ័ស ពី​ហានិភ័យ​ជំងឺ​បេះដូង ឬ​ស្ត្រូ​ក ។​

​ពួក​អ្នកស្រាវជ្រាវ បាន​វាស់​សម្ពាធ​ឈាម​របស់​មនុស្ស​ជិត ៣.៤០០ នាក់ ។ មនុស្ស​ទាំងអស់នេះ សុទ្ធ​តែមាន​អាយុ​លើស ៤០ ឆ្នាំ និង​ត្រូវបាន​វាស់​តួលេខ​សម្ពាធ​ឈាម នៅ​ដៃ​ទាំងសងខាង​។ គ្មាន​នរណាម្នាក់ ក្នុងចំណោម​ពួកគេ មាន​សញ្ញា​ជំងឺ​បេះដូង ។​

​ពួក​អ្នកស្រាវជ្រាវ បាន​បញ្ជាក់ថា ភាពលំអៀង មធ្យម​រវាង​ដៃ​ទាំង ២ គឺ​ប្រមាណ ៥ លេខ អំពី​សម្ពាធ​ឈាម​ខាងក្រោម ។ ប៉ុន្តែ ១០% នៃ​អ្នកចូលរួម​មាន​ភាពលំអៀង ≥១០ លេខ​នៅ​ដៃ​ទាំង ២ ។​

​ពួក​អ្នកស្រាវជ្រាវ បាន​តាមដាន​អ្នកចូលរួម ក្នុង​រយៈពេល ១៣ ឆ្នាំ និង​ឃើញថា ក្នុងដំណាក់កាល​នេះ អ្នក​ពីដំបូង មាន​ភាពលំអៀង សម្ពាធ​ឈាម​ខាងក្រោម តិច​បំផុត​គឺ ១០ លេខ រវាង​ដៃ​ទាំង ២ កើន ៣៨% នៃ​ហានិភ័យ​ឈឺបេះដូង ឬ​ស្ត្រូ​ក ។​

​ពួក​អ្នកស្រាវជ្រាវ បកស្រាយ​ពី​ភាពលំអៀង​តិច រវាង​តួលេខ​សម្ពាធ​ឈាម នៅ​ដៃ​ទាំងសងខាង គឺ​ធម្មតា តែ​ការខុសប្លែក​ធំ បង្ហាញថា សរសៃឈាម​នៅ​ដៃ មាន​សម្ពាធ​ខ្ពស់ជាង ត្រូវ​ស្ទះ ។ ការស្ទះ​នេះ ជា​សញ្ញា​ឆាប់​ហ័ស របស់​ជំងឺ​សរសៃឈាម ហើយ​ប្រសិន​សរសៃឈាម នៅ​ដៃ​ត្រូវ​ស្ទះ​នោះ មានលទ្ធភាព​សរសៃឈាម នៅ​បេះដូង និង​ខួរក្បាល ក៏ត្រូវ​ស្ទះ​មួយផ្នែក​ដែរ ។ តាមរយៈ​នោះ វា​ងាយ​បណ្តាល​ឲ្យ​ឈឺបេះដូង និង​ស្ត្រូ​ក ៕M/V/L

​ផ្នែក​សរីរាង្គ​៨ កាន់តែ​អាក្រក់ កាន់តែ​ល្អ​

ផ្អែក​តាម​ការស្រាវជ្រាវ​ នាពេល​ថ្មីៗ​នេះ អ្នកវិទ្យាសាស្ត្រមួយក្រុម បានបញ្ជាក់​ថា​ផ្នែក​នៃ​សរីរាង្គចំនួន៨ បើ " វា​កាន់តែ​អាក្រក់​នោះ"គឺយើង "កាន់​តែមាន​សុខភាព​ល្អ " ។​

ម្រាមជើង​ខ្លី​៖ រត់លឿនៈ
​បើតាម​ការស្រាវជ្រាវ​ថ្មី​បំផុត​របស់​អង់គ្លេស បាន​បង្ហាញថា ក្នុង​ដំណើរការ​វិវត្តន៍​រប​ស់មនុស្ស​លោក មនុស្សដែល​មាន​ម្រាមជើង​ខ្លី គឺរត់​កាន់តែ​លឿន​។ ចំណែក មនុស្ស មាន​ម្រាម​ជើងវែង​ នោះសាច់ដុំ និង​ឆ្អឹង​ច្រើន ដូច្នេះ​រត់​កាន់តែ​បាត់បង់​កម្លាំង ។​

•​ត្រគាក​ធំ​៖ បេះដូង​ល្អៈ​
​តាម​ការស្រាវជ្រាវ​ជាច្រើន បាន​បង្ហាញថា ការ​ប្រឈមនឹងការ​កើត​ជំងឺ​ក្រិន​រឹង​សរសៃឈាម ចំពោះ​មនុស្ស​មាន​ត្រគាក​ធំ មានទាប​ជាង អាស្រ័យ​ដោយ​កូ​ឡេ​ស្តេ​រ៉ូ​ល​អាក្រក់​តិច  កូ​ឡេ​ស្តេ​រ៉ូ​ល​ល្អ​ខ្ពស់​។ ការស្រាវជ្រាវ​របស់​ស​កល​វិទ្យាល័យ Oxford (​អង់គ្លេស​) នៅ​រកឃើញថា ការ​ប្រឈម​កើត​ជំងឺ​ទឹកនោមផ្អែម​របស់​អ្នកមាន​ត្រគាក​ធំ ក៏​ទាប​ណាស់ដែរ​។


•​អាចម៍រុយ​ច្រើន​៖ ក្រចាស់ៈ​
​អ្នក​កើត​អាចម៍រុយ​ច្រើន មាន​ឥទ្ធិពល​ដល់​រូប​សម្រស់ និង​បង្កើន​គ្រោះថ្នាក់​មហារីក​ស្បែក តែ​បំពេញ​មកវិញ ប្រៀប​នឹង​អ្នក​មិនសូវមាន​អាចម៍រុយ គឺ​អ្នកមាន​អាចម៍រុយ​ច្រើន ក្មេង​ជាង​៦-៧​ឆ្នាំ ប្រៀប​នឹង​អាយុ​ជាក់ស្តែង​។ ទន្ទឹម​នោះ ការ​ប្រឈម​កើត​ជំងឺ​បេះដូង​, ពុក​ឆ្អឹង និង​ជំងឺ​ចំណាស់ ក៏​ទាប​គួរសម​ដែរ​។​

​សុដន់​តូច​៖ ឆ្អឹងខ្នង​កាន់តែ​ត្រង់ៈ​
​តាម​ការស្រាវជ្រាវ​រប​ស់​ក្រុម​អ្នកជំនាញ​នៃ​ប្រទេស​តួ​ក​គី បាន​រកឃើញថា សុដន់​កាន់តែ​ធំ ពិសេស​គឺ​អ្នក​ពាក់អាវ​ពី​ទំហំ D ឡើងទៅ កាន់តែ​ងាយ​លេចចេញ​អាការៈ​ឈឺ​ខ្នង និង​កោង​វៀច​ឆ្អឹងខ្នង​។ ចំណែកឯ​អ្នកមាន​សុដន់​តូច គឺ​ពុំ​ដូច្នោះ​ឡើយ​។​


ច្រមុះ​ធំ​៖ មិន​ងាយ​ត្រូវ​ផ្តាសាយៈ​
​ក្រុមអ្នកស្រាវជ្រាវ​របស់​ម​ហា​វិទ្យាល័យ Lowa (​អាមេរិក​) បាន​រកឃើញថា ច្រមុះ​កាន់តែ​ធំ គ្រោះថ្នាក់​ស្រូប​សារជាតិ​កខ្វក់​, ធូលី​បែរជា​កាន់តែ​ថយចុះ​។ សមត្ថភាព​ប្រឆាំង​ទប់ទល់​ពពួក​បាក់តេរី​បង្ក​ជំងឺ ក៏​កាន់តែខ្លាំង​។ ដូច្នេះ​អ្នកមាន​ច្រមុះ​ធំ កម្រ​ត្រូវ​គ្រុនផ្តាសាយ ឬ​ឆ្លង​ផ្តាសាយណាស់​។​

•​ភ្លៅ​ធំ​៖ បេះដូង​ល្អៈ​
​តាម​ការស្រាវជ្រាវ​មួយ​របស់​ក្រុម​អ្នកជំនាញ​ដា​ណឺ​ម៉ាក ដែលមាន​រយៈពេល​១២​ឆ្នាំ ពាក់ព័ន្ធ​ដល់​បុរស ៣.០០០​នាក់ បាន​បង្ហាញថា អ្នកមាន​សាច់ដុំ​ជើង​មាំមួន​ល្អ​, រង្វង់​ភ្លៅ​ជាង​៦០ សង់ទីម៉ែត្រនោះ​ នោះការប្រឈម​នឹងការ​ឆាប់​បាត់​បង់ជីវិត និង​កើត​ជំងឺ​បេះដូងមាន​ទាបជាង​។
​    ​
​ត្រចៀក​ធំ​៖ មិន​ងាយ​បាត់​សោត​ប្រសា​ទៈ​
​ជំនាញការ​សត្តវិទ្យា លោក បណ្ឌិត Ralph Holm បានឱ្យដឹងថា រង្វង់​ត្រចៀក​របស់​មនុស្ស កាន់តែ​ធំ​, ត្រចៀក​ស្តាប់​បាន​សំឡេង ក៏​កាន់តែច្បាស់​, លម្អិត​, ដូច្នេះ​អ្នកមាន​ត្រចៀក​ធំ កម្រ​ត្រូវ​បាត់បង់​សោត​ប្រសាទ ដោយសារ​វ័យ​ចំណាស់​ណាស់។


បាតជើង​ស្មើ​៖ ជើង​កម្រ​ត្រូវរបួសៈ
​តាម​ការស្រាវជ្រាវ​ដ៏​ថ្មី​បំផុត​របស់​អាមេរិក បាន​រកឃើញថា អ្នកមាន​បាតជើង​ស្មើ នោះ​មិន​ងាយ​ប្រឈម​ត្រូវរបួស​នៅ​ជើងទេ​។ ចំណែក​អ្នកមាន​បាតជើង​ផត មាន​គ្រោះថ្នាក់​ត្រូវរបួស​ជើង​ខ្ពស់ ស្មើនឹង ៦ ដង ប្រៀប​នឹង​អ្នកមាន​បាតជើង​ស្មើ​៕F

លាងដៃពេលមួម៉ៅ​ នឹងជួយ​អ្នក​មានអារម្មណ៍​ធូរស្រាល​ជាង

​ពួក​អ្នកវិទ្យាសាស្ត្រ បានចង្អុលបង្ហាញ​ថា ពេល​ខឹង​មួម៉ៅ នោះ​ការ​លាងដៃ​នឹងធ្វើ​ឲ្យ​អ្នកមាន​អារម្មណ៍​ជឿជាក់​លើ​ខ្លួនឯង​, សុទិដ្ឋិនិយម​ជាងមុន ។​
​ការស្រាវជ្រាវ​១​ថ្មីៗ​នេះ របស់​អ្នកវិទ្យាសាស្ត្រ​អាល្លឺម៉ង់ បាន​ឲ្យ​ដឹងថា ក្រោយពេល​បរាជ័យ ឬ ខឹង​មួម៉ៅ​, ទម្លាប់​សំអាត​ដូចជា​លាងដៃ​, បោកគក់​សម្លៀកបំពាក់​ដោយ​ដៃ នឹងធ្វើ​ឲ្យ​យើង​មាន​អារម្មណ៍​សុទិដ្ឋិនិយម​, សុភមង្គល​ជាងមុន ។​
​បណ្ឌិត Kai Kaspar នៅ​សាកលវិទ្យាល័យ Cologne (​អាល្លឺម៉ង់​) បាន​ដំណើរការ​ស្រាវជ្រាវ​ជាច្រើន អំពី​បញ្ហា​នេះ បន្ទាប់ពី​ព្រឹត្តិការណ៍​អាក្រក់​នីមួយៗ ។ លោក​សង្កេតឃើញថា អ្នក​លាងដៃ​ក្រោយពេល​បរាជ័យ​រឿង​អ្វី​១ បាន​ប្រែជា​ជឿជាក់​លើ​ខ្លួនឯង​ជាងមុន ដើម្បី​សម្រេច​កិច្ច​ការបន្ត ក្នុង​ពេលវេលា​ខាងមុខ ។​
​បណ្ឌិត Kasper បាន​អញ្ជើញ​អ្នកស្ម័គ្រចិត្ត ៩៨ នាក់ ចូល​បន្ទប់ពិសោធន៍ និង​ចែកជា ៣ ក្រុម ។ ក្នុង​ផ្នែក​ដំបូង នៃ​ការពិសោធន៍ ក្រុម​នីមួយៗ នឹងត្រូវ​ដោះស្រាយ​សម្រេច​ភារកិច្ច “​មិនអាច​ទៅរួច​” មួយ ។ ពេល​មនុស្ស​ទាំងអស់គ្នា​ក្នុង​ក្រុម សុទ្ធតែ​បរាជ័យ ពួកគេ​ត្រូវបាន​សំណូមពរ​ទៅ​លាងដៃ ។​
​ក្រោយពេល​លាងដៃ ទាំងអស់គ្នា សុទ្ធតែ​សម្តែង​ភាព​សុ​ទិ​ដិ្ឋ​និយម​ថា នឹងធ្វើ​ល្អ​ជាងមុននូវ ភារកិច្ច​ត្រូវបាន​ប្រគល់ ក្នុងពេល​ខាងមុខ ។
​បណ្ឌិត Kasper បកស្រាយ​ថាៈ “​ក្នុងពេល​សំអាត​សរីរាង្គ អ្នក​អាច​កម្ចាត់​ចោ​លនូវ​អារម្មណ៍​អសកម្ម តែ​វា​ក៏​ធ្វើ​ឲ្យ​ថយចុះ​ផ្នែក​ណា​នោះ នៃ​ថាមវន្ត ដើម្បី​អ្នក​ប្រឹងប្រែង​ជាង​ទៀត ក្នុងស្ថានភាព​ពិសោធន៍​ថ្មី​” ។​
​ការស្រាវជ្រាវ​១​មុននេះ របស់​សាកលវិទ្យាល័យ Michigan ក៏​ចង្អុល​បង្ហាញថា សកម្មភាព​លាងដៃ ធ្វើ​ឲ្យ​ស្អា​តដៃ​ផង និង “​កួច​រសាត់​” យកភាព​មួម៉ៅ ខឹងច្រឡោត​ផងដែរ ។ ពួក​អ្នកវិទ្យាសាស្ត្រ ក៏បាន​ឲ្យ​ដឹង​ទៀតថា អ្នក​លាងដៃ​ភ្លាម​១​រំពេច ក្រោយពេល​ធ្វើការ​សម្រេច​ចិត្ត​លំបាក​មួយ នឹងមាន​អារម្មណ៍​សុភមង្គល​, ជឿទុកចិត្ត​លើ​ខ្លួនឯង​ជាង ជាមួយនឹង​ជម្រើស​របស់ខ្លួន ប្រៀប​នឹង​អ្នក​មិន​ធ្វើ​រឿង​តូច​នេះ ។​
​ការស្រាវជ្រាវ​ត្រូវបាន​ចុះផ្សាយ​លើ​ទស្សនា​វ​ដ្តី​ចិត្តសាស្ត្រ​សង្គម និង​បុគ្គលិកលក្ខណៈ​វិទ្យាសាស្ត្រ ៕M​/f

អាថ៌កំបាំងគួរឲ្យភ្ញាក់ផ្អើលអំពីផ្នែកទាំងឡាយលើសរីរាង្គ

​ល្បឿន​កណ្តាស់​ឡើងដល់​១០០ ប្រយោជន៍​ក្នុង​១​ម៉ោង មនុស្ស​ម្នាក់ៗ​បង្កើត​អាងទឹក​មាត់​១ សរសៃឈាម​វែ​វ​ដល់​៦០.០០០​យោ​ច នោះ​ជា​អាថ៌កំបាំង​មួយ​ក្នុងចំណោម​អាថ៌កំបាំង​របស់​សរីរាង្គ ដែល​ពុំមែន​នរណា​ក៏​ដឹង​នោះឡើយ ។​
​ផ្នែក​នីមួយៗ​សុទ្ធតែ​ក្តាប់​ឯតទគ្គ​កម្ម​មួយ​គួរ​ឲ្យ​សរសើរ ។​
-​នរណា​ក៏មាន​ក្រ​យ៉ៅ​អណ្តាត​ដែរ​
​និយាយ​ដោយ​ពិត​ទៅ កុំ​ឲ្យ​អ្នកណា​មើល​អណ្តាត​ប្រសិន​អ្នក​ចង់​លាក់​ឈ្មោះ ។ ព្រោះ​ដូចជា​ក្រ​យ៉ៅ​ដៃ​ដែរ មនុស្ស​ម្នាក់ៗ​សុទ្ធ​តែមាន​ស្នា​មក្រ​យ៉ៅ​អណ្តាត​តែមួយគត់ ។​
-​ដល់​អាយុ​៧០​មនុស្ស​ម្នាក់ៗ​នឹង​បាត់​ស្បែក 47,6kg
​ជា​មធ្យម​មនុស្ស​យើង​ម្នាក់ៗ​បាត់​ប្រមាណ​៦០០.០០០ គ្រាប់​ស្បែក​ក្នុង​មួយ​ម៉ោង ។ ក្នុង​១​ឆ្នាំ​បរិមាណ​ស្បែក​ដែល​យើង​បាត់បង់​ឡើងដល់​ប្រមាណ​ជិត​៧០០g ហើយ​ដល់​អាយុ​៧០​នោះ​បរិមាណ​នេះ​នឹង​ឡើងដល់​47,6kg ។​
-​ឆ្អឹង​ចំនួន​៥៤ នឹង​បាត់បង់​ពេល​ធំ​ពេញរូបពេញរាង​
​មនុស្សពេញវ័យ​ម្នាក់​មាន​ឆ្អឹង​តិចជាង​ទារក ។ ពេល​កើត​យើង​មាន​ឆ្អឹង​៣៥០ ប៉ុន្តែ​ដោយសារ​វាត​ភ្ជាប់​ជាមួយគ្នា​ក្នុង​ដំណើរការ​រីកចម្រើន ហេតុនេះ​យើង​នៅសល់​ឆ្អឹង​តែ​២០៦ ពេល​ធំ​ពេញវ័យ ។​
-​ក្រពះ​ស៊ី​ក្រពះ​ខ្លួនឯង​
​អ្នកមាន​ដឹង​ទេ​ថា យើង​មាន​ស្រទាប់​ទ្រាប់​ក្រពះ​ថ្មី រៀងរាល់​៣​ឬ​៤​ថ្ងៃ ។ ប្រសិន​មិន​ដូច្នេះ​ទេ អាស៊ីត​ក្នុង​ក្រពះ​ពុំ​ត្រឹមតែ​រំលាយ​អាហារ​ប៉ុណ្ណោះ​ទេ តែ​នៅ​រំលាយ​ទាំង​ក្រពះ​របស់​អ្នក​ថែម​ទៀតផង ។​
-​ច្រមុះ​ចាំបាន ៥០.០០០​ក្លិន​
​ទោះបី​ឃានវិញ្ញាណ​របស់​យើង​មិន​រំញោច​ដូច​ពពួកសត្វ​ប្រមាញ់ តែ​វា​អាច​កត់​ចាំ​ដល់ ៥០.០០០​ក្លិន​ផ្សេងៗ​គ្នា ។​
-​ពោះវៀន​ខ្ចី​វែង​ស្មើ​៤​ដង​កម្ពស់​
​ពោះវៀន​ខ្ចី​របស់​យើង​វែង​ស្មើ​៤​ដង កម្ពស់​មធ្យម​របស់​ម​នុស្ស​ពេញវ័យ ។ ប្រសិន​ពោះវៀន​មិនត្រូវ​បាន​រៀប​បត់បែន​នោះ ប្រហោង​ពោះ​មិនអាច​ផ្ទុក​បានឡើយ ។​
-1inch សរីរាង្គ​មាន​៣២​លាន​បាក់តេរី​
​ក្នុង​1inch ការ៉េ ស្បែក​របស់​យើង​ផ្ទុក​ប្រមាណ​៣២​លាន​បាក់តេរី ។ ពិតជា​សំណាង​ណាស់​ដែល​ពួកវា​សឹងតែ​ទាំងអស់​គ្មាន​គ្រោះថ្នាក់ ។​
-​ក្នុង​១​ថ្ងៃ​ជើង​ផលិត​កន្លះ​លីត្រ​ញើស​
​ជើង​របស់​យើង​មាន ៥០០.០០០​ក្រពេញ​ញើស និង​អាច​ផលិត​ជាង​កន្លះ​លីត្រ​ញើស​ក្នុង​មួយថ្ងៃ ។​
-​ល្បឿន​កណ្តាស់​របស់​មនុស្ស​គឺ​១០០​យោជន៍​ក្នុង​១​ម៉ោង​
​ចរន្ត​ខ្យល់​ដែល​យើង​កណ្តាស​អាច​ឡើងដល់​ល្បឿន​១០០​យោជន៍​ក្នុង​១​ម៉ោង ។ នេះ​ជា​បុព្វ​ហេតុដែល​អ្នក​ត្រូវ​បិទ​ច្រមុះ និង​មាត់​ពេល​កណ្តាស់ ។​
-​សរសៃឈាម​ប្រវែង ៦០.០០០​យោជន៍​
​ប្រសិន​ភ្ជាប់​សរសៃឈាម​ទាំងឡាយ​ជា​បន្ទាត់​ត្រង់​មួយ​យើង​មាន​ដល់ ៦០.០០០​យោជន៍ ។ បេះដូង​របស់​យើង​បូម​ប្រមាណ​ជាង ៧៥០០ លីត្រ​ឈាម​ឆ្លងកាត់​សរសៃឈាម​ទាំងនេះ​ក្នុង​១​ថ្ងៃ ។​
-​បង្កើត​អាងទឹក​មាត់​១
​អ្នក​ពិតជា​មិន​ចង់​ហែល​ក្នុង​ទឹកមាត់​របស់ខ្លួន​ឡើយ​តែ​ធាតុពិត​ក្នុង​ជីវិត​យើង​បង្កើត​បរិមាណ​ទឹកមាត់​ស្មើ​អាងទឹក​មួយ ៕​M

​បែងចែក​មហារីក​ខួរក្បាល​ជាមួយនឹង​ជំងឺ​ឈឺក្បាល​ធម្មតា​

​មហារីក​ខួរក្បាល​មាន​រោគសញ្ញា​ជាច្រើន​ពាក់ព័ន្ធ​ដល់ និង​ជិត​ដូច​ជាមួយនឹង​ជំងឺ​ឈឺក្បាល​ធម្មតា ។

អ្នក​កើត​ជំងឺមហារីក​ខួរក្បាល និង​ឈឺក្បាល​ធម្មតា សុទ្ធ​តែមាន​រោគសញ្ញា​ទូទៅ​គឺ​ឈឺក្បាល ។ តែ​ចំពោះ​អ្នក​កើត​មហារីក​ខួរក្បាល , ឈឺក្បាល​នឹង​អូសបន្លាយ​ត្រាំត្រែង , ឈឺ​បំផុត​នៅពេល​ព្រឹក និង​ថយចុះ​សន្សឹមៗ ក្នុង​ថ្ងៃ ។​

អ្នកជំងឺ​ក្បាល​ធម្មតា នឹង​បាត់​ទៅវិញ ប្រសិន​លេបថ្នាំ , តែ​ចំពោះ​អ្នក​កើត​មហារីក ឈឺក្បាល​អាច​បង្ក​ថែម​អារម្មណ៍​អស់កម្លាំង , ស្លេកស្លាំង​ដើរ​ឈរ​មិន​មាំ ។​

អ្នក​កើត​មហារីក​ខួរក្បាល​នៅមាន​អារម្មណ៍​ចង់​ក្អួត​ជាប្រចាំ ។ ចំណែក​អ្នកជំងឺ​ក្បាល​ធម្មតា​នោះ​កម្រ​មាន​អារម្មណ៍​នេះ

មហារីក​ខួរក្បាល​រីកចម្រើន​ដល់​ដំណាក់កាល​កំណត់​នឹង​នាំ​ដល់​ការ​ថយ​ចក្ខុប្រសាទ​ដោយសារ​ដុំ​សាច់​សង្កត់​កៀប ។​

ដើម្បី​រកឃើញ​កើត​មហារីក​ខួរក្បាល ឬ​អត់ អ្នក​ត្រូវ​ទៅ​មន្ទីរពេទ្យ​ពិនិត្យ​ជំងឺ ។ ចំណែក​អ្នក​ឈឺក្បាល​ធម្មតា​អាច​បន្ថយ​ការឈឺ​ដោយ​ថ្នាំ ឬ​សម្រាក ។​

ឈឺក្បាល​ធម្មតា​ប្រសិន​អូសបន្លាយ​ក៏បង្ក​ការណ៍​អស់កម្លាំង , តែ​អ្នកជំងឺ​មហារីក​ខួរក្បាល​ច្រើន​មាន​រោគសញ្ញា​ផ្លូវចិត្ត , ប្រែប្រួល​ចរិត​ខុស​ប្រក្រតី ។​

មិនតែប៉ុណ្ណោះ​មហារីក​ខួរក្បាល​នៅ​បង្ក​ការបាត់​សមត្ថភាព​ភាសា​បង្ក​ការពិបាក​និយាយ , ពិបាក​សម្តែង​បង្ហាញ , រីឯ​ឈឺក្បាល​ធម្មតា​ពុំមាន​រោគសញ្ញា​នេះ ។​

ពេល​ដុំ​គីស​កំណាច​រីកចម្រើន​ក្នុង​ខួរក្បាល , អ្នកជំងឺ​នៅ​ពិបាកធ្វើ​ដំណើរ , ភ្នែក​ព្រិល ។ ចំណែក​ចំពោះ​ជំងឺ​ឈឺក្បាល​ធម្មតា​នោះ ហាក់ដូច​រោគសញ្ញា​ទាំងនេះ​ពុំមាន ។​

កន្ត្រាក់ , ប្រកាច់​ក៏​ជាការ​ស្តែងចេញ​របស់​មហារីក​ខួរក្បាល ។ ក្នុងពេល​ឈឺក្បាល​ធម្មតា​មិនសូវ​ជួប​រោគសញ្ញា​នេះ ៕​M/M/L

​​ទឹកដោះគោ​ជូរ ជួយ​កែប​ញ្ហា​ក្នុងការ​បន្ទោរបង់​

សម្រាប់​អ្នក​ដែលមាន​បញ្ហា​ប្រព័ន្ធ​បន្ទោរបង់ ការទទួល​ទាន​ទឹកដោះគោ​ជូរ (Yoghurt) មួយ​ពែង ក្នុង​មួយថ្ងៃ អាចជួយ​បាន ព្រោះ​អ្នកជំនាញ​បាន​ឲ្យ​ដឹងថា ការទទួល​ទាន​ទឹកដោះគោ​ជូរ ដែលមាន​ប្រូ​បៃ​អូ​ទិ​ក (Probiotic) អាច​ចាត់ទុក​ជាការ ការពារ​ជំងឺ ឬ​កែប​ញ្ហា​ក្នុងការ​បន្ទោបង់​ដូចជា ហើម ឆ្អល់ពោះ រាករូស ឬ​ទល់លាមក​បាន ។ ប៉ុន្តែ​គួរ​ជ្រើស ប្រូ​បៃ​អូ​ទិ​ក (Probiotic) ដែលមាន​ការធានា​គុណភាព​ថា មាន​ប្រយោជន៍​ចំពោះ​សុខភាព ដូចជា​អែក​ធី​រ៉េ​ហ្គូ​ឡា​រី​ស (Actiregularis) ។
រីឯ​ការ​ទទួលទាន​ទឹកដោះគោ​ជូរ ឲ្យ​ទទួលបាន​ផល​ល្អ​ចំពោះ​សុខភាព យ៉ាង​ពេញលេញ ត្រូវ​ទទួលទាន​ក្នុង​បរិមាណ​សមស្រប​ដូចជា ទទួលទាន​រាល់ថ្ងៃ​មួយ​ពែង ក្នុង​មួយថ្ងៃ​រយៈពេល​១៤​ថ្ងៃ​ជាប់ៗ​គ្នា មិនមែន​ទទួលទាន​តែ​ពីរ​-​បី​ថ្ងៃ​ឈប់​នោះទេ ៕f

​ប៉ូវ​ខួរក្បាល​ដោយ​ការ​ទទួលទាន​សាច់គោ​

បើ​យោងតាម​ការសិក្សា​ស្រាវជ្រាវ របស់​អ្នកវិទ្យាសាស្ត្រ​នៃ​សាកលវិទ្យាល័យ អុក​ហ្វ​ត បាន​បង្ហើប​ឲ្យដឹងថា អ្នក​ទទួល​ទាន​អាហា​របួស ឬ​មិន​ទទួលទាន​សាច់សត្វ​នោះ នឹង​ជះ​ឥទ្ធិពល​ដល់​ខួរក្បាល ធ្វើឲ្យ​សាច់​ខួរក្បាល​រួម​តូចជាង​អ្នកទទួលទាន​សាច់ស​ត្វ រហូតដល់​ទៅ ៦ ដង​ឯណោះ ។
ទិន្នន័យ​ដែល​គេ​ទទួលបាន​ក្រោយពេល​បាន​ពិសោធន៍ ទៅលើ​ក្រុម​អ្នកស្ម័គ្រចិត្ត​អាយុ ៦១-៨៧ ឆ្នាំ ចំនួន ១០៧ នាក់ ដោយ​បាន​ត្រួតពិនិត្យ​រាងកាយ​ខួរក្បាល និង​ពិសោធន៍​មើល​ការចងចាំ​អស់​រយៈពេល ៥ ឆ្នាំ​មក គេ​បែរជា​រក​ឃើញ​ម្តងទៀត​ថា អ្នក​មាន​វិតាមីន B12 ក្នុង​កម្រិត​ទាប​បំផុត​នៃ​រាងកាយ​ខួរក្បាល នឹង​រួម​នៅ​តូច​ជាង​អ្នក​ដទៃ ។
ការអះអាង​លទ្ធិ​ផល​ពិសោធន៍​កន្លងមក​បាន​បង្ហាញ ឲ្យឃើញ​ពី​ទំនាក់ទំនង​នៃ​ការ​មាន​កម្រិត​វីតាមីន B12 ទាប​សាច់​ខួរក្បាល​រួម​តូច​ដោយសារ​ថា វិតាមីន​ភាគច្រើន​ស្ថិត​នៅក្នុង​សាច់សត្វ ទើប​ធ្វើឲ្យ​អ្នក​ទទួលទាន​អាហារបួស​បាត់បង់​វីតាមីន ។ ក្រៅពី​ខួរក្បាល​រួម​តូច​ហើយ​នោះ អាច​ធ្វើឲ្យ​កើតរោគ​ខ្វះ​ឈាម និង​រលាក​ប្រព័ន្ធ​សរសៃប្រសាទ​ទៀតផង ។
ក្រៅពី​នោះ​អ្នក​ទទួល​ទាន​អាហា​របួស អ្នក​ផឹក​ស្រា​រាល់ថ្ងៃ​ខួរក្បាល​នឹង​ស្វិត​តូច​ដូចគ្នា​ផងដែរ ។ លទ្ធផល​ពី​ការពិនិត្យ ទៅលើ​អ្នក​ទទួល​ទាន​ស្រា​ជា​ង ១៨០០ នាក់​គេ​បាន​រកឃើញថា ខួរក្បាល​ពួកគេ​រួម​តូច​ជាង​អ្នក​ដែល​មិន​ទទួលទាន​ស្រា រហូតដល់​ជាង ១.៦ ភាគរយ ក្នុងនោះ​រួម​ទាំង​អ្នក​ទទួល​ទាន​ស្រាក្រហម រួម​តូច​ជាង​អ្នក​ដែល​ទទួល​ទាន​ស្រា​បៀ​រហើយ ចំណែក​អ្នក​ទទួល​ទាន​ស្រា​បៀរ​ក៏​រួម​តូច​ជាង​អ្នក​ដែល​ទទួលទាន​ស្រាក្រហម​ផងដែរ ។ ដូច្នេះ​គួរ​ងាក​មក​ទទួល​សាច់សត្វ​ពពួក​សាច់ ត្រី ទឹកដោះគោឆៅ ឬ​ថ្លើម ដើម្បី​ប៉ូវ​ខួរក្បាល និង​ចៀសវាង​ការ​ទទួលទាន​ភេសជ្ជៈ ដែល​មាន​អាល់កុល​ផងដែរ ៕

ការពិត​ដែល​អ្នក​មិនដឹង​អំពី​ទឹកកាម​

សុភាពបុរស​ទាំងឡាយ​​ពិតជាមាន​អំនួត​អំពី​ការបញ្ចេញ​ទឹកកាម​នៅពេល​រួមភេទ​។ ​ប៉ុន្តែ ​អ្នក​ប្រហែលជា​មិនទាន់ដឹង​អស់​ទេ​អំពី​អាថ៌កំបាំង​ទាក់ទង​នឹង​ទឹកកាម​។​ខាងក្រោម​នេះ​ជា​ការពិត​មួយចំនួន​ដ៏​គួរអោយភ្ញាក់ផ្អើល​ទាក់ទង​នឹង​ទឹកកាម​។​

ប្រើ​ទឹកកាម​សម្រាប់​លាងមុខ​

​ស្ពែ​មីន (spermine) គឺជា​សារធាតុ​ប្រឆាំង​អុកស៊ីតកម្ម ត្រូវបាន​គេ​រកឃើញ​នៅក្នុង​មេជី​វិត​ឈ្មោល ហើយ​វា​អាចជួយ និង​កាត់បន្ថយ​ភាព​ជ្រាវ​ជ្រួញ ព្រមទាំង​ធ្វើអោយ​ស្បែក​ទន់​រលោង​។ សារធាតុ​នេះ​កំពុង​ត្រូវបាន​គេ​យកមក​សំយោគ​ក្នុង​មន្ទីរពិសោធន៍ និង​លក់​ដោយ​ក្រុមហ៊ុនមួយ​។ ក្នុង​កន្លែង​ស្ប៉ា​ល្បី​ឆើតឆាយ​ក្នុង​ទីក្រុង​ញូ​ញ៉​ក គេ​ប្រើប្រាស់​ស្ពែ​មីន​លាងមុខ ក្នុង​តំលៃ ២៥០ ដុល្លារ​។​

​ទឹកកាម​នៅក្នុង​ពិភព​សត្វ​

​តើ​អ្នក​ធ្លាប់​បានដឹង​ទេ​ថា ប្រភេទ​សត្វ​អ្វីដែល​អាចមាន​មេជី​វិត​ឈ្មោល​ច្រើនជាងគេ​កំឡុងពេល​បញ្ចេញ​ទឹកកាម​ម្តងៗ​? អ្នក​ប្រហែលជា​អត់​ដឹង​នោះទេ ប៉ុន្តែ ចំលើយ​នោះ​គឺ​សត្វ​ជ្រូក បន្ទាប់មក​គឺ សត្វ​គោ សត្វ​ចៀម ហើយ​ជា​ចុងក្រោយ​នោះ​គឺ​មនុស្ស​។ សត្វ​ដែលមាន​មេជី​វិត​ឈ្មោល​តិចជាងគេ​នោះ​គឺ កណ្តុរ​។​

​ទឹកកាម​ស្អិត​


​ទឹកកាម​ស្អិត​ដោយសារតែ​វា​មាន​ផ្ទុក​នូវ​អង់ស៊ីម ដែល​ធ្វើអោយ​វា​កក​ដូចជា​ចាហួយ​។ ហើយ​កុំ​ព្រួយ មេជី​វិត​ឈ្មោល​មិនអាច​រស់នៅក្នុង​ទឹកកាម​បាន​នោះទេ បន្ទាប់ពី​ប៉ះ​ខ្យល់ និង​ស្ងួត ដូច្នេះ វា​មិនអាច​រស់នៅ​លើ​ខោអាវ សន្លឹក​ឯកសារ ឬ​ផ្ទៃ​ខាងក្រៅ​បានឡើយ​។​

តើ​ជាតិពុល​អាចមាន​ផលប៉ះពាល់​ដល់​មេជី​វិត​ឈ្មោល​ដែរឬទេ​?

​ផ្សែង​បារី​អាច​បណ្តាលអោយ​មេជី​វិត​ឈ្មោល​ច្រ​លំ​ផ្លូវ និង​ធ្វើ​ចលនា​យឺតៗ​។ បន្ថែម​ពីលើ​នេះ ការជក់បារី​អាច​បំផ្លាញ​ដល់ DNA របស់​មេជី​វិត​ឈ្មោល ដែល​វា​នឹង​ធ្វើអោយប៉ះពាល់​ដល់​ការលូតលាស់ និង​ការវិវត្តន៍​របស់​ទារ​ក ព្រមទាំង​ប្រឈមមុខ​ជាមួយនឹង​ជំងឺមហារីក​។​ការជក់បារី​ក៏​អាចធ្វើអោយ​ចំនួន​ទឹកកាម​ថយចុះ​ផងដែរ​។ មនុស្ស​ដែល​ស្រវឹង​ងប់​នឹង​ស្រា​អាច​កាត់បន្ថយ​បរិមាណ និង​គុណភាព​មេជី​វិត​ឈ្មោល​។ កញ្ឆា​អាច​កាត់បន្ថយ​ចលនា​មេជី​វិត​ឈ្មោល និង​បង្កើន​ចំនួន​មេជី​វិត​ឈ្មោល​មិនធម្មតា​។​

តើ​ជំងឺ​កាមរោគ​អ្វីខ្លះ​អាច​ឆ្លង​បាន​តាមរយៈ​ការរួម​ភេទ​តាម​មាត់​ដោយ​ទឹកកាម​?

​ទ្រនាប់​ខាងក្នុង​មាត់ គឺជា​តំបន់​ដែល​ងាយ​នឹង​ចម្លងជំងឺ​ជាង​ប្រដាប់ភេទ​នារី ហើយ​វា​ក៏​ជា​ប្រភព​ចម្លង​បាក់តេរី និង​វីរុស​ផងដែរ​។ ជំងឺ​កាមរោគ (STDs) ដូចជា ក្លា​មី​ដ្យា (chlamydia) អ៊ែ​ប៉េ​ស​ប្រដាប់ភេទ (genital  herpes) រោគ​ប្រមេះ ជំងឺ​រលាក​ថ្លើម B និង​ឬ​ស​ប្រដាប់ភេទ (genital warts) អាច​ឆ្លង​រីក​រាលដាល​តាមរយៈ​ការប៉ះពាល់​មាត់​-​ប្រដាប់ភេទ​៕​F

​ជំងឺ​រលាក​សន្លាក់ នឹង​ត្រូវបាន​ព្យាបាល​ជា​ទាំងស្រុង​

​រលាក​សន្លាក់​ជា​ជំងឺ​ពិបាក​ព្យាបាល , អ្នកជំងឺ​មានតែ​វិធី​ផ្លាស់​សន្លាក់ ឬ​លេបថ្នាំ​បន្ថយ​ឈឺចាប់ ។ តែ​គម្រោងការ​ថ្មី​តម្លៃ ៩ លាន​អឺរ៉ូ​របស់​គណៈកម្មការ​អឺរ៉ុប (EC) , អាចធ្វើ​ឲ្យ​ស្ថានភាព​មានការ​ប្រែប្រួល​ទាំងស្រុង ។​
​គម្រោងការ​ផ្អែកលើ​ការស្រាវជ្រាវ​កោសិកា​ពន្លក​យក​ពី​សរីរាង្គ​អ្នកជំងឺ​ផ្ទាល់ ។ កោសិកា​ត្រូវបាន​យក​ពី​ជាលិកា​ខ្លាញ់ រួច​នាំចូល​ទៅកាន់​សន្លាក់​, ដែល​នៅ​កន្លែង​នេះ​វា​ចាប់ផ្តើម​បង្កើត​ឡើងវិញ​នូវ​ឆ្អឹងខ្ចី ។ ការពិសោធន៍​ជាក់ស្តែង​ថ្មី​បំផុត​ទទួលបាន​ជោគជ័យ និង​បង្ហាញថា នេះ​ជា​ដំណោះស្រាយ​ជាក់ស្តែង​បង្ការ​រលាក​សន្លាក់ ។​
​ក្នុង​រយៈពេល ៥ ឆ្នាំ​ខាងមុខ , វេជ្ជបណ្ឌិត​នឹង​អាច​ចាក់​កោសិកា​ទៅក្នុង​សន្លាក់​ជង្គង់​អ្នកជំងឺ ។ សាស្ត្រាចារ្យ ហ្វ្រេ​ង ប៊ែ​រី​(Frank Berry) នាយក​បច្ចេកទេស​វិទ្យាស្ថាន​វេជ្ជសាស្ត្រ​បង្កើត​ជាថ្មី​អាយ​លៀន (Ailen) សង្កត់ធ្ងន់ថា ៖ "​អ្នកជំងឺ​នឹង​ជាសះស្បើយ​ជា​ស្ថាពរ​" ។​
​ពត៌មាន​រីករាយ​មួយទៀត​ចំពោះ​អ្នកជំងឺ​រលាក​សន្លាក់​គឺ​ថ្មីៗ​នេះ​ពួក​ជំនាញការ​នៅ Ailen ក៏បាន​រកឃើញ​លក្ខណៈ​ពិសេស​របស់​ថ្នាំ Spironolacton ដែលមាន​តម្លៃថោក ដែល​ត្រូវបាន​ប្រើ​សម្រាប់​ព្យាបាល​ជំងឺលើសឈាម និង​ខ្សោយបេះដូង , ការពិត​វា​នៅ​ជួយ​បន្ថយ​ការឈឺ​បន្ទាន់​សម្រាប់​អ្នកជំងឺ​រលាក​សន្លាក់​ដោយ​មិន​បង្ក​ឥទ្ធិពល​បន្ទាប់បន្សំ​ណាមួយ​ឡើយ ។​
​គេ​បានដឹងថា Spironolacton រារាំង​អ័រម៉ូន aldosterone មាន​ពាក់ព័ន្ធ​ដល់​ជំងឺ​រលាក​សន្លាក់ ទន្ទឹម​នោះ Spironolacton នៅ​ធ្វើ​ឲ្យ​កើន​កម្រិត Cortisol ដែល​ជួយ​បន្ថយ​ការឈឺចាប់ ។​
​ពួក​អ្នកវិទ្យាសាស្ត្រ Ailen ចាត់ទុកថា Spironolacton អាច​ជំនួស​ថ្នាំ​បន្ថយ​ការឈឺចាប់​នាពេល​បច្ចុប្បន្ន ហើយ​ពួកគេ​គ្រោង​ពិសោធន៍​ថ្នាំ​នេះ​លើ​ទ្រង់ទ្រាយ​ធំ​ជាង ៕M/T/L​

ស្ត្រី​បរិភោគ​ត្រី​ច្រើន ជំនួយ​ដល់​សុខភាព​បេះ​ដួង​

ក្រុម​អ្នកស្រាវជ្រាវ​របស់​ប្រទេស​ដា​ណឺ​ម៉ាក បាន​ឲ្យ​ដឹងថា ស្ត្រី​វ័យក្មេង​ដែល​ចូលចិត្ត​បរិភោគ​ត្រី សម្បូរ​ទៅដោយ​ជាតិ​អាស៊ីដ​ខ្លាញ់​អូ​មេ​ហ្គា​-៣ ជាប្រចាំ កាត់បន្ថយ​នូវ​គ្រោះថ្នាក់​ដោយសារ​បញ្ហា​បេះដូង​បាន​។
​ការសិក្សា​ជំហាន​ដំបូង បាន​ត្រួតពិនិត្យ​តាមដាន​ទៅលើ​ស្រី​វ័យក្មេង ដែលមាន​ចន្លោះ​ពី ១៥​ឆ្នាំ ដល់ ៤៩​ឆ្នាំ ហើយ​បាន​កំណត់ថា តើ​តាម​ការបរិភោគ​សាច់​ត្រី របស់​ពួកគេ​ពិតជា​មាន​ផល​ល្អ​ដល់​សុខភាព​បេះដូង​របស់​ពួកគេ នាពេល​បច្ចុប្បន្ន ឬមួយ​យ៉ាងណា​នោះ​។​
​ក្រុម​អ្នកស្រាវជ្រាវ បាន​លាតត្រដាង​ថា ស្ត្រី​ដែល​កម្រ ឬក៏​មិនដែល​បរិភោគ​ត្រី​សោះ អាច​ប្រឈម​នឹង​អត្រា​គ្រោះថ្នាក់​ដោយ​បញ្ហា​បេះដូង ចំនួន ៩០% ក្នុង​រយៈពេល ៨​ឆ្នាំ​ខាងមុខ បើ​ធៀប​ជាមួយ​ស្ត្រី​ដែល​ទម្លាប់​បរិភោគ​ត្រី​ប្រចាំថ្ងៃ​។ ម្យ៉ាងទៀត លទ្ធផល​ស្ទាបស្ទង់​ខាងលើ ក៏បាន​បង្ហាញ​ផងដែរ​ថា ក្នុងចំណោម​ស្ត្រី​ទាំងនោះ ស្ត្រី​ដែល​កម្រ ឬ​មិន​បរិភោគ​ត្រី​សោះ មាន​បញ្ហា​បេះដូង​ច្រើនជាង​៥០% ក្នុង​រយៈពេល ៥​ឆ្នាំ បើ​ធៀប​ជាមួយ​អ្នក​បរិភោគ​ត្រី​ជាប្រចាំ​។​
​​ជាមួយគ្នានេះ នៅពេល​ក្រុម​អ្នកស្រាវជ្រាវ បាន​ត្រួត​ពិនិត្យមើល​បញ្ជី វាយតម្លៃ​៣​ខុសគ្នា ចំពោះ​ជំងឺ​បេះដូង ក្នុង​រយៈពេល​បី​សប្តាហ៍​នៅ​មន្ទីរពេទ្យ បាន​រកឃើញថា វា​មានការ​កើនឡើង​ខ្ពស់​ដល់​ទៅ​បី​ដង ក្នុងចំណោម​ស្ត្រី​ដែល​បាន​បរិភោគ​ត្រី​។​
​ការចុះផ្សាយ​នៅក្នុង​ព្រឹត្តិបត្រ សមាគម​បេះដូង​អាមេរិក បានធ្វើ​ការសិក្សា​តាមដាន​ទៅលើ​ស្ត្រី​ដា​ណឺ​ម៉ាក ៤៩.០០០​នាក់ ដែល​នៅ​វ័យ​ចាប់ពី​អាយុ ៣០​ឆ្នាំ តាមរយៈ​បទសម្ភាសន៍​តាម​ទូរស័ព្ទ ដោយ​សាកសួរ​អំពី​ទម្លាប់​រស់នៅក្នុង​គ្រួសារ ជីវិត​ប្រចាំថ្ងៃ និង​ការបរិភោគ​ត្រី នៅក្នុង​រយៈពេល ៨​ឆ្នាំក្រោយ​។​
​លោក​ម៉ា​រី​ន ស្ត្រូ​ម (Marin Strom) ជា​ប្រធាន​ក្រុម​ស្រាវជ្រាវ និង​ជា​វេជ្ជបណ្ឌិត នៅ​មជ្ឈមណ្ឌល​សម្រាប់​កម្មវិធី​ទារក របស់​វិទ្យាស្ថាន​ស្តេត​ធេ​ន​សឺ​រ៉ូម (Statens Serum Institute) ក្នុង​ទីក្រុង​ខូ​ផេ​ន​ហា​ហ្គេ​ន (Cophenhagen) ប្រទេស​ដា​ណឺ​ម៉ាក បាន​និយាយថា យើង​សង្កេតឃើញ​ពី​សម្ព័ន្ធ​ទាក់ទង​នឹង​ជំងឺ​បេះដូង ចំពោះ​ស្ត្រី​ដែល​ជិត​ឈានចូល​វ័យ ៣០-៤០​ឆ្នាំ​។
​ទោះបីជា​យ៉ាងណា ស្ត្រី​ភាគច្រើន​បាន​រាយការណ៍​មក​ថា ការបរិភោគ​ត្រី​ម័​រ​រុយ ត្រី​សាល​ម៉ន ត្រី​សារ​ឌី​ន និង​ត្រី​ស្បៃ​កា ដែល​សុទ្ធសឹង​តែមាន​កម្រិត​អាស៊ីដ​ខ្លាញ់​អូ​មេ​ហ្គា​-៣ ពិតជា​ជួយ​ការពារ​ប្រឆាំងនឹង​ជំងឺ​បេះដូង រួមទាំង​ជំងឺ​សរសៃឈាម​ផងដែរ​។​

ឪពុក​ជក់បារី​, កូន​ងាយ​កើត​មហារីក​ឈាម​

ក្រុម​អ្នកជំនាញការ​ផ្នែក​សុខភាព បាន​អះអាងថា កុមារ​ដែលមាន​ឪពុក​ជក់បារី​នៅ​អំឡុងពេល​ចាប់កំណើត​ក្នុង​ផ្ទៃ​ម្តាយ មានការ​ប្រឈម​កើត​ជំងឺមហារីក​ឈាម​ខ្ពស់ជាង ១៥​ភាគរយ បើ​ប្រៀបធៀប​ទៅនឹង​ករណី​ធម្មតា​នោះ​។​
​លោក Elizabeth Milne ប្រធាន​ក្រុម​ស្រាវជ្រាវ​នៃ​វិទ្យាស្ថាន​ស្រាវជ្រាវ​សុខភាព​កុមារ Telethon បាន​បញ្ជាក់ថា “​លទ្ធផល​ស្រាវជ្រាវ​របស់​យើងខ្ញុំ​បង្ហាញថា ឪពុក​ដែល​ជក់បារី​ច្រើន នៅ​អំឡុងពេល​ភរិយា​មាន​ផ្ទៃពោះ បណ្តាលឱ្យ​កូន​មានការ​ប្រឈម​ខ្ពស់ នឹង​ការកើត​ជំងឺ​ឈាម ស lympho កំណាច (ALL) ” ។​
ក្រុម​ស្រាវជ្រាវ​បាន​អង្កេត​លើ​គ្រួសារ​របស់​កុមារ​កើត​ជំងឺ ALL ជិត ៣០០​នាក់ ដោយ​សួរ​អំពី​ទម្លាប់​ជក់បារី​របស់​ឪពុក​និង​ម្តាយ​។ ពួកគេ​ក៏​ប្រៀបធៀប​ជាមួយ​គ្រួសារ​របស់​កុមារ​ជិត ៨០០​នាក់ នៅ​វ័យ​ស្របាល​គ្នា តែ​មិនកើត​ជំងឺ​ឈាមស​នេះ​។​
​លទ្ធផល​បាន​បង្ហាញថា ការ​ទម្លាប់​ជក់បារី​របស់​ម្តាយ​មិនមាន​ឥទ្ធិពល​ដល់​គ្រោះថ្នាក់​កើត​មហារីក​រប​ស់​កុមារ​ទេ ប៉ុន្តែ​កុមារ​ដែលមាន​ឪពុក​ជក់បារី​ច្រើន​នៅ​អំឡុងពេល​ចាប់កំណើត​នោះ នឹង​មានការ​ប្រឈម​នឹង​ការកើត​ជំងឺ​ឈាមស​ខ្ពស់ជាង​១៥​ភាគរយ​។ កុមារ​ដែលមាន​ឪពុក​ជក់បារី តិច​បំផុត​២០​ដើម ក្នុង​មួយថ្ងៃ នៅ​ចន្លោះពេល​ភរិយា ព ពោះ​នោះ មាន​អត្រា​វិនិច្ឆ័យ​ជំងឺ​ខ្ពស់ជាង​ដល់​៤៤​ភាគរយ​។​
​ក្នុង​របាយការណ៍​ចំនួន​ប្រាំបួន​មុននេះ ដែល​ត្រូវបាន​ប្រើប្រាស់​ដើម្បី​ប្រៀបធៀប​ជាមួយ​ការស្រាវជ្រាវ​ថ្មីៗ​បំផុត​នេះ ក្រុម​ជំនាញការ ក៏​រកឃើញ​គម្រោង​ប្រាំមួយ ចង្អុលបង្ហាញ​ពី​ទំនាក់ទំនង​កើនឡើង​នេះ​។​
​អ្នកស្រី Patricia Buffler សាស្ត្រាចារ្យ​នៅ​មហាវិទ្យាល័យ Berkely នៃ​កាលីហ្វ័រ​ញ៉ា បានឱ្យដឹង “​សារសំខាន់​របស់​ការ​ប្រាស្រ័យ​ជាមួយ​ផ្សែង​បារី និង​ជំងឺមហារីក​កុមារ បាន​ត្រូវ​បោះបង់ចោល​រហូតមកទល់​ថ្មីៗ​នេះ​”  ។​
​អ្នកស្រី​ក៏​បំពេញ​បន្ថែមថា ដោយសារ​បារី​ផ្ទុក​ពេញ​ដោយសារ​ជាតិពុល ក្នុងនោះ​មាន​សារជាតិ​បង្កើត​មហារីក ហេតុនេះ​វា​អាច​បំផ្លាញ​កោសិកា​មាន​ភារកិច្ច​បង្កើត​មេជី​វិត​។​
​បណ្ឌិត Milnes បាន​មានប្រសាសន៍ ថា​“​សារសំខាន់​របស់​ការ​ប្រាស្រ័យ​ជាមួយ​ផ្សែង​បារី និង​ជំងឺមហារីក​កុមារ បាន​ត្រូវ​បោះបង់ចោល​រហូតមកទល់​ថ្មីៗ​នេះ​”​។​
​របកគំហើញ​នៃ​ការស្រាវជ្រាវ​ខាងលើនេះ ត្រូវបាន​ចុះផ្សាយ​លើ​ទស្សនា​វ​ដ្តី American Journal of Epidemiology​។ ថ្វី​ត្បិត​ជំងឺ​ឈាម ស lympho កំណាច​ជា​សណ្ឋាន​មហារីក ប្រឈម​ជាទូទៅ​នៅលើ​កុមារ​ក៏ដោយ តែបើ​ធៀប​ជាមួយនឹង​ដង់ស៊ីតេ គឺ​នៅ​ទាប​បំផុត បានន័យថា ក្នុងចំណោម​កុមារ​ប្រមាណ ១០០.០០០ នាក់ មាន​កុមារ​ពី​បី​ទៅ​បួន​នាក់​ប៉ុណ្ណោះ ដែល​កើត​ជំងឺ​នេះ​៕​    ​    ​

ស្ត្រី​ដោះ​ធំ​ប្រឈម​នឹង​ហានិភ័យ​នៃ​ជំងឺមហារីក​សុដន់​កាន់តែ​ខ្ពស់​

យោងតាម​ក្រុម​អ្នកវិទ្យាសាស្ត្រ​បាន​ឲ្យ​ដឹងថា ស្ត្រី​ដោះ​ធំ​អាច​នឹង​កាន់តែ​វិវត្តន៍​ជំងឺមហារីក​សុដន់ ។ ការសិក្សា​មួយ​ទៅលើ​ស្ត្រី​ចំនួន ១៦.០០០ នាក់​បាន​រកឃើញថា ការផ្លាស់ប្តូរ​ហ្សែ​ន​ដែលមាន​ជាប់​ទាក់ទិន​ទៅនឹង​ទំហំ​ដោះ​នោះ​ក៏មាន​ទំនាក់ទំនង​ទៅនឹង​ជំងឺមហារីក​ដោះ​ផងដែរ ។​

​ក្រុម​អ្នកស្រាវជ្រាវ​និយាយថា បម្រែបម្រួល​ហ្សែ​ន​មួយចំនួន​បាន​ចូលរួម​ក្នុងការ​គ្រប់គ្រង​អ័រម៉ូន​ភេទ​ស្រី Oestrogen ដែល​អាចធ្វើ​ឲ្យ​ដោះ និង ដុំ​សាច់​ធំ​លូតលាស់​បាន ។ បើទោះបីជា​ការស្រាវជ្រាវ​នេះ​បាន​ភ្ជាប់​ភាព​តឹង​ហាប់​នៃ​ដើមទ្រូង (​សំដៅលើ​ចំនួន​ជាលិកា​គ្មាន​ខ្លាញ់​) ទៅនឹង​ហានិភ័យ​នៃ​ជំងឺមហារីក​សុដន់​ក៏ដោយ ក៏​គេ​មាន​ភស្តុតាង​អំពី​ការជាប់​ពាក់ព័ន្ធ​នឹង​ទំហំ​ដោះ​តិចតួច​ណាស់​កាលពី​លើក​មុន ។​

​ក្រុម​អ្នកចូលរួម​ក្នុងការ​សិក្សា​ដែល​រៀបចំ​ដោយ​ក្រុមហ៊ុន​អាមេរិក​មួយ​ត្រូវបាន​ស្នើ​ឲ្យ​ប្រាប់​អំពី​ទំហំ​ដោះ​របស់​ពួកគេ​នៅលើ​កំរិត​រង្វាស់ ១០ ចុច​ដែលមាន​ចាប់ពី​ទំហំ​តូច​ជាង AAA រហូតដល់​ទំហំ​ធំ​ជាង DDD ។ តំណពូជ​ស្ត្រី​ដែលមាន​ប្រភព​មកពី​តំបន់​អឺរ៉ុប​ទាំងអស់​ត្រូវបាន​ពិនិត្យ​ស្រាវជ្រាវ​ដោយ​ក្រុម​អ្នកវិទ្យាសាស្ត្រ​ដែល​បាន​ពិសោធន៍​មើល​បម្រែបម្រួល​ហ្សែ​ន​តូចៗ​រាប់លាន​នៅក្នុង DNA របស់​ពួកគេ​ដែល​គេ​ហៅថា Single-nucleotide polymorphisms ។ ក្នុងចំណោម​ស្ត្រី​ប្រាំពីរ​នាក់​ដែលមាន​ជាប់​ពាក់ព័ន្ធ​ខ្លាំង​បំផុត​ទៅនឹង​ទំហំ​ដោះ មាន​ស្ត្រី​បីនាក់​ក៏មាន​ជាប់​ទាក់ទិន​ទៅនឹង​ជំងឺមហារីក​សុដន់​ផងដែរ ។​

​ជំងឺមហារីក​សុដន់​គឺជា​ជំងឺ​កើតមាន​ទូទៅ​បំផុត​ក្នុងប្រទេស​អង់គ្លេស ដោយមាន​ករណី​ថ្មីៗ​ចំនួន ៥ ម៉ឺន​ករណី​ក្នុង​មួយឆ្នាំ ហើយ​ស្ត្រី​ម្នាក់​ក្នុងចំណោម​ប្រាំ​បីនាក់​បានកើត​ជំងឺ​នេះ​អំឡុងពេល​នៃ​ឆាកជីវិត​របស់​ពួកគេ ។​

​វេជ្ជបណ្ឌិត​លោក Nicholas Eriksson មកពី​ក្រុមហ៊ុន  23andMe ដែលមាន​មូលដ្ឋាន​នៅ​រដ្ឋ​កាលីហ្វ័រ​ញ៉ា​បាន​និយាយថា វា​គឺជា​ទំនាក់ទំនង​គួរ​ឲ្យ​ទុកចិត្ត​ដំបូង​គេ​រវាង​ទំហំ​ដោះ និង ជំងឺមហារីក​ដោះ ប៉ុន្តែ​បាន​បន្ថែមថា ការស្រាវជ្រាវ​ច្រើន​ថែមទៀត​ចាំបាច់​ត្រូវតែ​ធ្វើឡើង​មុនពេល​វា​អាច​ត្រូវគេ​ចាត់ទុកថា​ជា​អំណះអំណាង​ដ៏​រឹងមាំ​មួយ ។​

​លោក​បាន​និយាយថា "​លទ្ធផល​ស្រាវជ្រាវ​របស់​យើង​បាន​រកឃើញថា​បម្រែបម្រួល​ហ្សែ​ន​បាន​ជះឥទ្ធិពល​ទាំង​លើ​ជំងឺមហារីក និង បម្រែបម្រួល​ទំហំ​ដោះ​តាម​លក្ខណៈ​ធម្មជាតិ ។ ខណៈពេលដែល​ទំនាក់ទំនង​ច្បាស់លាស់​រវាង​ទំហំ​, ភាព​តឹង​ណែន​, ភាព​ធំធាត់​នៃ​សុដន់ និង ជំងឺមហារីក​ដោះ​នៅតែមាន​ការពិបាក​ក្នុងការ​បកស្រាយ​នៅឡើយ​នោះ ការយល់ដឹង​អំពី​ក​ត្ត​ជីវវិទ្យា ... អាច​ផ្តល់​ជា​តម្រុយ​មួយ​ក្នុងការ​អភិវឌ្ឍន៍​ឧបករណ៍​ពិនិត្យ​ថ្មីៗ​ឡើង​" ៕

ទទួលទាន​កាហ្វេ​អាចជួយ​បង្ការ​ប្រឆាំង Alzheimer

​នោះ​ជា​របកគំហើញ​ថ្មី​ត្រូវបាន​ក្រុម​អ្នកស្រាវជ្រាវ​នៅ​សកល​វិទ្យាល័យ Johns Hopkins (​អាមេរិក​) ប្រកាស​លើ​ទស្សនា​វ​ដ្តី Nature Neuroscience នៅ​ដើម​សប្តាហ៍​នេះ ។ តាមរយៈ​នោះ​ការ​ទទួលទាន​កាហ្វេ​នឹង​ជួយ​មនុស្ស​រក្សា​ការចងចាំ​យូរ​ជាង​ក្នុង​រយៈពេល​ខ្លី​មួយ ។​
​ដើម្បី​ដំណើរការ​ពិសោធន៍ ក្នុង​ថ្ងៃ​ដំបូង​ក្រុង​ស្រាវជ្រាវ​សំណូមពរ​អ្នកស្ម័គ្រចិត្ត​៧៣​នាក់ មើលរូប​ភាព​អំពី​របស់​ឬ​សត្វ​អ្វី​ជា​កំណត់​ក្រោយពេល​មើល​រួច អ្នកស្ម័គ្រចិត្ត​ទាំងនេះ​នឹងត្រូវ​បាន​ចែក​ថ្នាំ​មួយ​គ្រាប់​មាន​សណ្ឋាន​ដូចៗ​គ្នា ។ ប៉ុន្តែ​មានតែ​ថ្នាំ​ចំនួន​ពាក់កណ្តាល​ផ្ទុក​កាហ្វេ 200g ប្រហាក់ប្រហែល​កាហ្វេ​២​ពែង ។ បន្ទាប់ពីនោះ ពួក​អ្នកស្ម័គ្រចិត្ត​នឹងត្រូវ​បាន​ឲ្យ​មើល​បន្ត​រូបភាព​កំណត់​ផ្សេងៗ ។ ក្នុងចំណោម​នោះ​មាន​លាយ​បន្ថែម​រូបភាព​ថ្មីៗ​និង​រូបភាព​ដូចគ្នា​មួយចំនួន ។​
​លទ្ធផល​បង្ហាញថា ភាគច្រើន​នៃ​អ្នកស្ម័គ្រចិត្ត​សុទ្ធតែ​មើល​ដឹង​រូបភាព​ថ្មី ។ ប៉ុន្តែ អ្នក​បាន​ប្រើប្រាស់​កាហ្វេ​អ៊ី​ន បែរជា​បែងចែក​បាន​យ៉ាងច្បាស់​លាស់​នូវ​រូបភាព "​ជិត​ដូចគ្នា​" ។​
"​ការប្រើប្រាស់​រូប​ភាពស្រដៀងគ្នា​ធ្វើ​ឲ្យ​ខួរក្បាល​ត្រូវ​ប្រមូល​ជាង ។ ការស្រាវជ្រាវ​ទាំងឡាយ​បង្ហាញថា អ្នកប្រើប្រាស់​កាហ្វេ​អ៊ី​ន​មានលទ្ធភាព​បែងចែក​ល្អ​ជាង ។ ពុំ​ត្រឹមតែ​ប៉ុណ្ណឹង​ទេ កាហ្វេ​អ៊ី​ន​នៅមាន​ប្រសិទ្ធភាព​រក្សា​សុខភាព ទន្ទឹម​នោះ​បង្កើន​លទ្ធភាព​បង្ករ​ប្រឆាំង​ជំងឺ​ថមថយ​ការយល់ដឹង​ដូចជា Alzheimer ឬ​ជំងឺសរសៃប្រសាទ​ផ្សេងៗ​មួយចំនួន​" Yassa ប្រធាន​ក្រុម​ស្រាវជ្រាវ​ឲ្យ​ដឹង ៕​M

ព្យាករណ៍​សុខភាពតាមពណ៌​ទឹកមូត្រ​

ងើប​ពី​ដំណេក​នៅពេល​ព្រឹក​ព្រលឹម ប្រសិន​ទឹកនោម​បង្ហាញ​លក្ខណៈ​បួន​យ៉ាង​ខាងក្រោម​នេះនោះ អ្នក​ចាំបាច់​ត្រូវ​ប្រយ័ត្នប្រយែង​។ សុខភាពមនុស្ស​ម្នាក់ៗ​អាច​ព្យាករណ៍​តាមរយៈ​ពណ៌​ទឹកនោម​យ៉ាងច្បាស់​។​

​    ​ពេល​ទឹកនោម​មាន​ពពុះ :  គ្រោះថ្នាក់​សម្រាប់​ក្រពេញ​ប្រូ​ស្តា​ត​
​    ​ប្រសិន​នៅលើ​ផ្ទៃ​របស់​ទឹកនោម​ឃើញ​មាន​លេចឡើង​ស្រទាប់​ពពុះ​មួយ​និង​មិន​រលាយបាត់ វា​អាច​ជាការ​ស្តែងចេញ​របស់​ការ​រលាក​តម្រងនោម​ដំណាក់កាល​ដំបូង​ឬ​ព្រមានអំពី​ជំងឺ​រលាក​ក្រពេញ​ប្រូ​ស្តា​ត​។​

​    ​ជំនាញការ​ឱ្យដឹងថា សណ្ឋាន​ពពុះ​នេះ​បង្កឡើង​ដោយ protit  ក្នុង​ជាតិ​រំអិល​ផ្លូវ​មូត្រ ។​

​     ប្រសិន​បុរស​កើត​ជំងឺ​រលាក​ក្រពេញ​ប្រូ​ស្តា​ត នោះ​ក្នុង​ទឹកនោម​អាច​នាំមក​ជាមួយ​នូវ​ជាតិ​រំអិល​ក្រពេញ​ប្រូ​ស្តា​ត ហើយ​រំអិល​នេះ​បង្កើតជា​ស្រទាប់​ពពុះ​មួយ​នៅ​ផ្នែក​ខាងលើ ឬ​នៅក្នុង​សភាព "​ទឹកនោម​ពពុះ​" រហូត​។​

​    ​ប្រការ​គួរឱ្យ​យកចិត្តទុកដាក់ គឺ​ប្រសិន​ពពុះ​ទឹកនោម​ធំ​គួរសម ឬ​តូចធំ​មិន​ដូចគ្នា ហើយ​មាន​ក្នុងអំឡុងពេល​មួយ​ខ្លី នោះ​គ្រាន់តែ​ជា​បាតុភូត​ធម្មតា មិន​គួរឱ្យ​បារម្ភ​ឡើយ ។​

​    ​ទឹកនោម​លឿង​ដូច​ទឹកតែ​ខាប់ : បញ្ហា​អំពី​ថ្លើម​

ប្រសិន​ទឹកនោម​មាន​ពណ៌​លឿង​ដូច​ទឹកតែ​ខាប់​រយៈពេល​វែង អ្នក​ត្រូវ​ចាប់អារម្មណ៍​មើល​សរីរាង្គ​ខ្លួន​នៅមាន​សញ្ញា​ផ្សេងៗ​ទៀត​ឬ​អត់ ដូចជា​លឿង​ភ្នែក អស់កម្លាំង ពិបាក​ទ្រាំ​និង​ឈឺ​ពឺត​នៅ​ពោះ​ខាងលើ ពេលនោះ​គួរ​ប្រញាប់​ទៅពិនិត្យ​ជំងឺថ្លើម​។​

​    ​តែ​ប្រសិន​ទឹកនោម​មាន​ពណ៌​លឿង​តែមួយ​-​ពីរដង​ក្នុង​រយៈពេល​ខ្លី និង​មិន​ភ្ជាប់​ជាមួយ​នូវ​រោគសញ្ញា​ផ្សេងៗ​នោះ ចូរ​ស្ងប់​អារម្មណ៍​។ ពណ៌​ទឹកនោម​ប្រែប្រួល​មាន​ពាក់ព័ន្ធ​ដល់​ការ​ទទួលទាន​និង​បរិ​មាណទឹក​ផឹក​និង​ញើស​។ ប្រសិន​បែកញើស​ច្រើន​, ផឹកទឹក​តិច ពណ៌​របស់​ទឹកនោម​ក៏​នឹង​ដិត​ជាង រឿងនេះ​អាច​ជម្នះ​បាន​។ ក្រៅពីនេះ ពេល​ទើប​ភ្ញាក់​ពី​ដំណេក​ក្នុង​តម្រងនោម​ស្តុក​ទឹកនោម​ពេញ​មួយ​យប់ ដូច្នេះ​ពណ៌​ទឹកនោម​ក៏​ដិត​គួរសម និង​មាន​ក្លិន​ឆួល ប៉ុន្តែ​ក្រោយពេល​អ្នក​ផឹកទឹក​ចូល នោះ​ពណ៌​របស់​ទឹកនោម​នឹង ស្រាល​ជាង ហើយ​ក្លិន​ក៏​អន់​ឆួល​។​

​    ​​ទឹកនោម​ពណ៌​លឿង​មាន​លាយ​ពណ៌​ក្រហម ៖ រលាក​ផ្លូវ​មូត្រ​

​    ​ក្នុង​ទឹកនោម​មាន​លាយ​ពណ៌​ក្រហម នោះ​មានលទ្ធភាព​អ្នក​អាច​ត្រូវ​រលាក​ឆ្លង​មេរោគ​ផ្លូវ​មូត្រ ។ ធម្មតា​ពេល​ទឹកនោម​ពណ៌​ក្រហម​ភ្ជាប់​ជាមួយនឹង​រោគសញ្ញា​ដូចជា​ឈាម​ច្រើនដង នោម​ផ្សា ឬ​ចង់​នោម​ឈឺ​ម្តងៗ​នៅ​ពោះ​,​ខ្នង ... ពេលនេះ​ត្រូវ​ប្រញាប់​ទៅពិនិត្យ​ផ្នែក​តម្រងនោម ដើម្បី​ព្យាបាល​ទាន់ពេល ។

​    ​តែ​នៅពេល​យើង​ទទួលទាន​ការ៉ុត ឬ​ពពួក​បន្លែ​ផ្លែឈើ​មាន​ពណ៌​ក្រហម​ធម្មជាតិ​នោះ វា​អាចធ្វើឱ្យ​ទឹកនោម​របស់​យើង​មាន​ពណ៌​ក្រហម ។ តែ​បាតុភូត នេះ​គ្រាន់តែ​បណ្តោះអាសន្ន ដោយ​យើង​គ្រាន់តែ​ផឹកទឹក​ប៉ុន្មាន​កែវ ពណ៌​ទឹកនោម​នឹង​ត្រឡប់​ទៅ​ដូចដើម​វិញ ។​

​    ​តែ​ប្រសិនជា​លេច​ចេញឈាម​ក្នុង​ទឹកនោម​នោះ​បញ្ជាក់ថា សរីរាង្គ​កំពុង​ប្រឈម​កើត​ជំងឺ​មួយ​ក្នុងចំណោម​ជំងឺ​រាប់សិប​ប្រភេទ៕ S
​    ​

​ស្វែងយល់​ពី​វិធី​ប្រើ​ថ្នាំ​ពន្យារកំណើត​សម្រាប់​ស្ត្រី​មាន​កូនខ្ចី​

ស្ត្រី​មាន​កូនខ្ចី ហើយ​មាន​បំណង​ប្រើ​ឱសថ​ពន្យារ កំណើត គួរស្វែងយល់​អំពី​ផលប៉ះពាល់ និង​វិធី​ប្រើប្រាស់​ឱសថ​ពន្យា​កំណើត ពេល​កំពុង​មាន​កូនខ្ចី​។ បើ​យោងតាម​ការសិក្សា​ស្រាវជ្រាវ គេ​បាន​រកឃើញថា ស្ត្រី​មាន​កូនខ្ចី ហើយ​ប្រើ​ឱសថ​ពន្យារកំណើត អាច​ធ្វើឲ្យ​ទឹក​ដោះ​ចេញ​តិច​។ ខាងក្រោម​នេះ​ជា​ដំបូន្មាន​សម្រាប់​ស្ត្រី​មាន​កូនខ្ចី ហើយ​មាន​បំណង​ប្រើ​ឱសថ​ពន្យារកំណើត​ដូចតទៅ​៖

​​ប្រការ​ទី​១: អ្នក​គួរ​លេប​ឱសថ​ពន្យារកំណើត​ប្រភេទ​ដែល​មាន​ជាតិ​ឱសថ​ខ្សោយ​បំផុត ព្រោះ​គេ​រកឃើញ​ថា ឱសថ​ពន្យារកំណើត​ប្រភេទ​ខ្សោយ ប៉ះពាល់​ដល់​ប្រព័ន្ធ​ផលិត​ទឹកដោះ​តិច​ជាង​បំផុត​។ កុមារ​ដែល​ចិញ្ចឹម​ដោយ​បៅដោះ ដែល​ម្តាយ​ប្រើ​ឱសថ​ពន្យារកំណើត​ប្រភេទ​ខ្សោយ គេ​ពុំ​ឃើញ​មាន​ភាព​ខុសប្លែកគ្នា​ជាមួយ​កុមារ​ដែល​បៅដោះ​ម្តាយ​ធម្មតា​នោះ​ទេ​។​

​​ប្រការ​ទី​២: អ្នក​គួរ​លេប​ឱសថ​ពន្យារកំណើត ក្នុងពេល​ដែល​ទឹក​ដោះចេញ​បានល្អ យ៉ាងហោចណាស់ ២-៣ ខែ ក្រោយ​ពី​សម្រាល​រួច​។ ប៉ុន្តែ​សម្រាប់​អ្នក​មាន​ជីវភាព​ក្រីក្រ ចាំបាច់​ត្រូវ​ចិញ្ចឹម​កូន​ដោយ​ទឹកដោះ ខ្លួនឯង​ឲ្យបាន​រយៈពេល​យូរ យ៉ាងហោច​ណាស់​រហូតដល់​ទារក​បាន​អាយុ​៦​ខែ ឬ​នៅ​ពេល​មាន​រដូវ​ធ្លាក់​ធម្មតា​វិញ​។​

​​ប្រការ​ទី​៣: លេប​ឱសថ​ពន្យារកំណើត ក្នុង​ថ្ងៃ​នី​មួយៗ គួរ​ជ្រើសរើស​ចន្លោះ​ពេល​ឲ្យមាន​គម្លាត​គ្នា ពី​ការ​បំបៅ​ដោះ​កូន​ឲ្យបាន​ឆ្ងាយ​បំផុត ឬ​បើ​និយាយ​ឲ្យ​ងាយ​យល់​ជាង​នេះ គួរ​លេប​ឱសថ​ពន្យារកំណើត នៅ​ពេល​បញ្ចប់​ការ​បំបៅ​ដោះ​កូន​ម្តងៗ​។​

​​ប្រការ​ទី​៤: ចំនួន​ដង​នៃ​ការ​បំបៅ​ដោះ​កូន គួរ​មាន​ច្រើនដង​ជាង​ធម្មតា ឧទាហរណ៍​ដូចជា​ក្នុង​មួយ​ថ្ងៃ ធ្លាប់​បំបៅ ៦​ដង គួរ​បង្កើតឲ្យបាន ៨​ដង ដើម្បី​ឲ្យ​កូន​បាន​ទទួល​បរិមាណ​ទឹក​ដោះ​ស្មើ​ដើម​ឡើងវិញ​។​

​​ក៏​ប៉ុន្តែ​មធ្យោបាយ​ដែល​ល្អ​បំផុត ក្រុម​អ្នកស្រាវជ្រាវ​បាន​ផ្តល់​ដំបូន្មាន​ថា គួរ​អនុវត្ត​ផែនការ​ពន្យារកំណើត​ឲ្យ​ស្ថិត​ក្នុង​ពេលវេលា​មួយ​មាន​គម្លាត​សមរម្យ ព្រោះ​មិន​ចាំបាច់​ពិបាក​ចិញ្ចឹម​កូន​ក្នុង​ពេលវេលា​តែមួយ រហូត​ដល់​ពីរ​នាក់ គួរ​យក​គុណភាព​ប្រសើ​រ​ជាង​បរិមាណ​៕​

​ទទួលទាន​បែបណា​ធ្វើឲ្យ​ឆ្អឹង​រឹងមាំ​?

**​ទទួលទាន​អាហារ​ពណ៌​បៃតងៈ​
​ផលិតផល​ដែល​ធ្វើ​ពី​ទឹកដោះគោ ភាគច្រើន មាន​ទាំង​សារធាតុ​កាល់ស្យូម និង​ប្រូតេអ៊ីន ដែល​ចាំបាច់​ចំពោះ​ឆ្អឹង ប៉ុន្តែ​ទឹកដោះគោ ក៏​វា​មាន​គុណវិបត្តិ ដូចគ្នា​ដែរ ព្រោះ​ប្រូតេអ៊ីន​យ៉ាងច្រើន នៅក្នុង​ទឹកដោះគោ អាច​ធ្វើឲ្យ​ឈាម​មាន​ជាតិ​អាស៊ីដ ជា​ហេតុ​ធ្វើឲ្យ​រាងកាយ ត្រូវ​ស្រូប​យក​សារធាតុ​កាល់ស្យូម​ពី​ក្នុង​ឆ្អឹង ដើម្បី​ធ្វើឲ្យ​មាន​តុល្យភាព​នៅ​ក្នុងឈាម បណ្តាល​ឲ្យ​អ្នក​បាត់បង់​សារធាតុ កាល់ស្យូម​ច្រើនជាង​បរិមាណ​ដែល​អ្នកទទួលបាន​។​

​ក្រៅពីនេះ មូលលេគុល​ប្រូតេអ៊ីន​ក្នុង​ប្រព័ន្ធ​រំលាយ​អាហារ នឹង​ធ្វើឲ្យ​ប្រព័ន្ធ​ការពាររាងកាយ​ចាត់​ទុក​វាថា វា​វត្ថុ​ចម្លែក ជា​ហេតុ​ធ្វើឲ្យ​មនុស្ស​ជាច្រើន បន្ទាប់ពី​ទទួល​ទាន​ទឹកដោះគោ​រួច ពួកគេ​មាន​អារម្មណ៍​ថា គ្មាន​សមាធិ នឹង​គ្មាន​កំលាំងកំហែង​។ ចំណែក​មនុស្ស​ដែល​ខ្វះ​អង់​ហ្ស៊ី​ម ដូចជា ឡាក់​តូ​ស (Lactose) ការ​ទទួលទាន​ផលិតផល​ដែល​ធ្វើ​ពី​ទឹកដោះគោ អាច​ធ្វើឲ្យ​មាន​អាការ​ឈឺពោះ មាន​ខ្យល់​ក្នុង​ពោះ មាន​ខ្យល់​ក្នុង​ក្រពះ ឬ​រាគរូស​បាន​។ ដូច្នេះ ដើម្បី​ការពារ​ជំងឺ​ពុក​ឆ្អឹង អ្នក​គួរ​សាកល្បង​ទទួលទាន​កាល់ស្យូម ដែល​មាន​នៅក្នុង​បន្លែ សណ្តែក និង​គ្រាប់​ធញ្ញជាតិ​ទើប​ជា​ការប្រសើរ​។​


•**​ទទួលទាន​អាហារ​ពណ៌​ទឹកក្រូចៈ​
​កាល់ស្យូម និង​វីតាមីន មាន​សារសំខាន់​ដូចគ្នា​។ កាល់ស្យូម​សំខាន់​ចំពោះ​ការកសាង​ឆ្អឹង​ឲ្យ​រឹងមាំ ចំណែក​វីតាមីន មនុស្ស​គ្រប់គ្នា មិន​អាច​ខ្វះ​បានឡើយ ចំពោះ​រាងកាយ​ខ្វះ​វីតាមីន D​។ ទោះបីជា​អ្នក​បានដឹងហើយថា ទឹកដោះគោ​ជា​អាហារ​ដែល​ល្អ​បំផុត​ចំពោះ​ឆ្អឹង តែ​ការសិក្សា​កាលពី​ថ្មីៗ​នេះ បានដឹងថា រាងកាយ​អាច​ស្រូប​យក​យក​សារធាតុ​កាល់ស្យូម និង​វីតាមីន​D ពី​ទឹកក្រូច​ច្របាច់​ចូលគ្នា​។ ដូចនេះ​នៅ​ពេល​ព្រឹក អ្នក​គួរ​ទទួល​ទាន​ទឹកក្រូច​ច្របាច់​ជា​រៀងរាល់ថ្ងៃ ដើម្បី​ធ្វើឲ្យ​ឆ្អឹង​រឹងមាំ (​តែ​ដោយសារ​តែ​ទឹកក្រូច​ច្របាច់ មាន​ជាតិ​អាស៊ី​ដ ដូចនេះ​អ្នក​មិនគួរ​ដុសធ្មេញ ក្រោយ​ទទួលទាន​រួច​មួយ​ម៉ោង​ឡើយ​)​។​

•**​ទទួលទាន​ផ្លែ​ភ្ញៀវៈ
​ផ្លែ​ភ្ញៀវ​អាច​ជួយ​ធ្វើ​ឲ្យ​រឹងមាំ ព្រោះ​វា​មាន​សារធាតុ​រ៉ាឌីកាល់ បូ​រុន (Boron) បូ​តា​ស្យូម និង​វីតាមីន K ដែល​ចាំបាច់​ចំពោះ​ឆ្អឹង​។​

•**​បញ្ឈប់​ការ​ទទួលទាន​ភេសជ្ជៈ
​ទឹកក្រូច មាន​ជាតិ​ហ្គាស​ត្រជាក់ៗ ឬ​ទឹកក្រូច​មាន​ជាតិ​ហ្គាស់ ដែល​គ្មាន​កា​ឡូរី ធ្វើឲ្យ​អ្នក​មិន​មាន​ការបារម្ភ​ពី​កាឡូរី តែ​វា​សម្បូរ​ដោយ​ជាតិ​អាស៊ី​ដ ហ្វូ​ស្វូ​រិក (Phosphoric Acid) ដែល​ជា​សារធាតុ ស្រូប​យក​កាល់ស្យូម​ពី​ឆ្អឹង និង​បង្ហូរ​ចេញ​តាម​រយៈ​ទឹកនោម​។​

•**​គួរ​ទទួល​ទាន កាល់ស្យូម​ប៉ុន្មាន ក្នុង​មួយ​ថ្ងៃ​?
​ដើម្បី​មិន​ឲ្យ​ខ្វះ​សារធាតុ​កាល់ស្យូម (Calcium) អ្នក​ត្រូវ​ទទួល​ទាន​សារធាតុ​កាលស្យូម ឲ្យបាន ១.០០០ មិល្លីក្រា​ម ក្នុង​មួយ​ថ្ងៃ​។ ចំពោះ​ស្ត្រី​ដែល​មាន​ផ្ទៃពោះ គួរ​ទទួល​ទាន​ឲ្យបាន ១.៣០០​មិល្លីក្រា​ម ក្នុង​មួយ​ថ្ងៃ​៕​

វិធី​សាមញ្ញ​៧​យ៉ាង​បង្ការ​មហារីក​សុដន់​

ប្រមាណ​៣០​ភាគរយ​នៃ​ករណី​កើត​មហារីក​សុដន់ ត្រូវបាន​សង្ស័យថា បណ្តាលមកពី​ធាត់ ។ ក្នុងពេល​ដែល​ត្រូវ​ការដើរ​ដោយ​ទៀងទាត់​ប្រមាណ ១២​នាទី​ក្នុង​ថ្ងៃ​គឺ​អាច​ជួយ​បងប្អូន​ស្ត្រី​បន្ថយ​១៨​ភាគរយ​គ្រោះថ្នាក់​ កើត​ជំងឺ ។​ ​ខាងក្រោម​នេះ​ជា​ការផ្តួចផ្តើមមតិ​មួយចំនួន​លើកឡើង​ដោយ The Sun ជួយ​ដល់​បងប្អូន​ស្ត្រី​បន្ថយ​គ្រោះថ្នាក់​មហារីក​សុដន់​ ៖
​   ​១-​បន្ថយ​បរិភោគ​សាច់​ក្រហម​
​     ​ស្ត្រី​បរិភោគ​សាច់​ក្រហម​ច្រើន​មាន​គ្រោះថ្នាក់​ត្រូវ​មហារីក​សុដន់​ ខ្ពស់ទ្វេដង យោង​តាម​ការស្រាវជ្រាវ​មួយ​លើ​ស្ត្រី​៩០.០០០​នាក់ ដំណើរការដោយ​មហាវិទ្យាល័យ​ពេទ្យ Harvard  (​អាមេរិក​)​។ សាច់​ក្រហម​មាន​ផ្ទុក​ពពួក អាស៊ីត​អាមីន​រំ​ញោច insulin  ក្នុងពេលនោះ insulin ឈាម​ខ្ពស់​មាន​ពាក់ ព័ន្ធ​ដល់​មហារីក​សុដន់ ។​
​    ​ពពួក​សាច់​បាន​កែច្នៃ​ដូចជា ហ្សាំង​បុង​និង​ហតដក ក៏​មាន​ទំនាក់ទំនង​ជា​មួយ​ជំងឺ​នេះ ព្រោះ​វា​ផ្ទុក​អំបិល  ស្ពាន់ធ័​រ អាច​បង្ក​ជំងឺមហារីក ។​
​   ​២-​សម្រាលកូន​មុន​អាយុ​៣០​ឆ្នាំ​
​     ​ស្ត្រី​គ្មាន​កូន ឬ​សម្រាលកូន​ដំបូង ក្រោយពេល​បាន​ឈាន​ហួស​អាយុ​៣០ ឆ្នាំ នោះ​ការ​ប្រឈម​កើត​មហារីក​សុដន់ក៏​ខ្ពស់ជាង ។ ពួក​ជំនាញការ​មានជំនឿថា ការ​សម្រាល កូន​មាន​ពាក់ព័ន្ធ​ដល់ជំងឺ​នេះ គឺ​ដោយសារ​វា​ជួយ​បន្ថយ​ចំនួន ខួប​រដូវ​ក្នុង​ជីវិត​ស្ត្រី ។​    ​
​    ​សាស្ត្រាចារ្យ Valerie Beral, ​ធ្លាប់​មាន​ការស្រាវជ្រាវ​អំពី​ហា​រីក​សុដន់ ឱ្យដឹងថា " ខ្ញុំ​បាន​យល់​ហេតុអ្វី​មនុស្ស​ជាច្រើន​ស្លាប់​ដោយសារ​ជំងឺ​នេះ ។ យើង​សុទ្ធតែ​ដឹង​មូលហេតុ​សំខាន់ គឺ​ការសម្រាលកូន​ឬ​អត់​" ។​
​    ​៣-​ដើរ​ជា​ប្រចាំ​
​     ​ឥទ្ធិពល​របស់​ការដើ​រ​ចំពោះ​សុខភាព​ស្ត្រី​ត្រូវបាន​ពួក​ អ្នកវិទ្យាសាស្ត្របញ្ជាក់​តាំងពី​យូរ ។​ពុំ​ត្រឹមតែ​ប៉ុណ្ណឹង​ទេ ការ​ហាត់ប្រាណ​ដ៏​សាមញ្ញ​នេះ​បែរជាមាន​ប្រយោជន៍​បំផុត​ក្នុង​ការបង្ការ​ បញ្ចៀស​ម​ហា​រីក​សុដន់ ។ ប៉ុន្តែ​ពួកជំនាញការ​នៅតែ​ពុំទាន់​ឯកភាព​បាន​ការដើរ​ប៉ុន្មាន​គឺ​ គ្រប់គ្រាន់ ។​
​    ​ការស្រាវជ្រាវ​មួយ​បង្ហាញថា អ្នក​ចាំបាច់​ដើរ​លឿន​តែមួយ​ម៉ោង​ដល់ជាង​២​ម៉ោង​ក្នុង​មួយ​សប្តាហ៍ គឺ​អាច​បន្ថយ​១៨​ភាគរយ​គ្រោះថ្នាក់​កើត​ជំងឺ​។  ប្រសិន​អ្នកដើរ​ប្រមាណ​១០​ម៉ោង​ក្នុង​មួយ​សប្តាហ៍​នោះ​នឹង​នាំមក​ ប្រសិទ្ធភាពច្រើន​ជាង​នេះ​ទៀត ។​
​   ​៤-​ប្រេង​អូ​លីវ​
​     ​ប្រេង​អូ​លីវ​បន្តិច​នៅ​ក្នុង​ការ​ទទួលទាន​អាហារ​ពេល​យប់​អាចជួយអ្នក​ បង្ការ​មហារីក។ ពួក​អ្នក​ស្រាវជ្រាវ អេ​ស្ប៉ាញ​សង្កេតឃើញថា វា​អាចវាយប្រហារ​ដុំ​មហារីក រារាំង​ការរីកចម្រើន​របស់​វា​និង​ការពារ ADN ។ បណ្ឌិត Eduard Escrich អ្នកដឹកនាំ​ការស្រាវជ្រាវ​ឱ្យដឹងថា ១០​ស្លាបព្រា​កាហ្វេ ប្រេង​អូ​លីវ​សុទ្ធ​ក្នុង​មួយ​ថ្ងៃ​គឺ​អាច​នាំមក​នូវ​ប្រសិទ្ធ​ភាព ។​
​  ​៥-​បញ្ចុះ​ទម្ងន់​
ប្រមាណ​៣០​ភាគរយ​នៃ​ករណី​កើត​មហារីក​សុដន់ ត្រូវ​សង្ស័យ​គឺបណ្តាល​ពី​ធាត់ ។ ក្នុងចំណោម ៤៥.០០០​ករណី​មហារីក​សុដន់​ត្រូវ បាន​វិនិច្ឆ័យ​ក្នុង​មួយ​ឆ្នាំៗ​នៅ​អង់គ្លេស ពួក​ជំនាញការ​នៅ​វិទ្យាស្ថាន​ស្រាវជ្រាវ​មហារីក​អន្តរជាតិ​មាន​ជំនឿ​ថា ស្ត្រីជាង​១៤.០០០​នាក់​នឹង​មិន​កើត​ជំងឺ​នេះ ប្រសិន​ពួកគេ​បញ្ចុះ​ទម្ងន់ ។
​     ​វេជ្ជបណ្ឌិត  Rachel Thompson, មូលនិធិ​ស្រាវជ្រាវ​មហារីក​ពិភពលោកឱ្យដឹងថា "​ស្ត្រី​អាច​បង្ការ​ជំងឺ​ដោយ​វិធី​ឧស្សាហ៍​ហ្វឹកហាត់​និង​បរិភោគ​ជាតិ ខ្លាញ់​តិច​" ។​
​  ​៦-​ឱ្យ​កូន​បៅដោះ​    ​
​     ​ការស្រាវជ្រាវ​មួយ​ចំនួន​បានចង្អុលបង្ហាញ​ថា ការ​ឱ្យ​កូន​បៅដោះ  ក៏​អាច​ជួយ​បន្ថយ​គ្រោះថ្នាក់​កើត​មហារីក​សុដន់ ពិសេស​ប្រសិន​ស្ត្រី​ឱ្យ​កូនបៅ​ពី ១៨​ខែ​ដល់​២​ឆ្នាំ ។​
​    ​មូលហេតុ គឺ​ដោយសារ​វា​ជួយ​បន្ថយ​ចំនួន​ខួប​រដូវ​ក្នុង​រង្វង់​ជីវិត​ស្ត្រី ។​
​    ​៧-​មិន​ផឹក​ស្រា​
​     ​ស្រា​ជា​កត្តា​គ្រោះថ្នាក់​ធំ​មួយ​ចំពោះ​ជំងឺមហារីក​សុដន់ ។ ការផឹក ស្រា​តែ​១​កែវ​ក្នុង​១​ថ្ងៃ​ក៏​បាន​ធ្វើឱ្យ​កើន​គ្រោះថ្នាក់​កើត​ជំងឺ ។ ស្ត្រី​ផឹក​ច្រើនជាង នេះ​ទៀត​នោះ​គ្រោះថ្នាក់​កើត​ជំងឺ​ស្មើ​១,៥​ដង​ប្រៀប​នឹង​អ្នក​មិន​ផឹក​ស្រា ។​
​    ​ពួក​អ្នក​ស្រាវជ្រាវ​នៅ​អ៊ីតាលី ក៏​ចាត់ទុកថា អត្រា​រួចផុត​ពី​សេចក្តីស្លាប់នៅ​អ្នក​ជំងឺមហារីក​សុដន់​មិន​ផឹកស្រា​គឺ​ជិត ​៩០​ភាគរយ តែ​នឹង​ថយចុះ​៦៥​ភាគរយ​ប្រសិន​ស្ត្រី​ផឹក​តែ​១​កែវ​ក្នុង​មួយថ្ងៃ ៕

បី​ចំណុច អ្នក​ហាត់ប្រាណ​ថ្មី​គួរ​ដឹង​

សម្រាប់​មនុស្ស​ចាស់ ឬ​អ្នក​ដែល​មិនមាន​ជំងឺ​ប្រចាំកាយ គួរ​ពិគ្រោះ​ជាមួយ​គ្រូពេទ្យ​ជំនាញ​សិន មុននឹង​ហាត់ប្រាណ ដើម្បី​កុំ​ឲ្យ​ប៉ះពាល់​ដល់​អាកា​រៈ​ជំងឺ ដែល​នាំ​ឲ្យ​មាន​គ្រោះថ្នាក់​ចំពោះ​រាងកាយ​។​

​ចាប់ផ្តើម​កំណត់​គោលដៅ​នៃ​លំ​ហាត់ប្រាណ ចាប់ពី​១០​នាទី ហើយ​បន្ថែម​ជា​បន្តបន្ទាប់ រហូត​បាន ៣០-៦០​នាទី ឬ​អាចបែងចែក​ការហាត់​ប្រាណ​ជា​ពេល​ខ្លីៗ ប៉ុន្តែ​រួមគ្នា​ឲ្យ​បាន​យ៉ាងតិច ៣០​នាទី ដូចជា​ពេល​ក្រោក​ពី​គេង អាច​ដើរ​លឿន ២០​នាទី បន្ទាប់ពី​បញ្ចប់​កិច្ចការ​នៅ​កន្លែងធ្វើការ គួរ​ដើរ​លឿនៗ ២០​នាទី ហើយ​មុន​ចូល​គេង គួរ​ធ្វើ​លំ​ហាត់ប្រាណ​ក្បាលពោះ​ថែម ១០​នាទី​ទៀត​។​

​អាច​ទិញ​ឬ​ជួល វីដេអូ វីស៊ីឌី ឬ​ឌី​វី​ឌី លំ​ហាត់ប្រាណ មក​អនុវត្ត​នៅផ្ទះ ដោយ​ខ្លួនឯង ឬ​ជួល​គ្រូ​មក​បង្រៀន​ដល់ផ្ទះ​។ ប៉ុន្តែ​ត្រូវ​ពិចារណា​ពី​គុណ​ស​ម្ប​តិ្ត​របស់​គ្រូបង្វឹក ដែល​គួរ​ឲ្យ​ទុកចិត្ត​មានចំណេះដឹង​ច្បាស់លាស់ ផ្នែក​ការហាត់​ប្រាណ​នេះ​៕

​មិន​ធ្លាប់​រួមភេទ ក៏​មាន​ជំងឺ​ផ្លូវភេទ​

សូម្បី​តែ​នារី​វ័យក្មេង​ដែល​មិន​ធ្លាប់​រួមភេទ ប៉ុន្តែ​ក៏​មាន​លទ្ធភាព​ក្នុង​ការឆ្លង HPV ដែល​ជា​ប្រភេទ​មេរោគ​បង្ក​ឲ្យ​កើត​មាន​ជំងឺ​មហារីក​។ នេះ​បើ​តាម​លទ្ធផល​នៃ​ការស្រាវជ្រាវ​មួយ កាលពី​ពេល​ថ្មីៗ​នេះ​របស់​ក្រុម​អ្នកស្រាវជ្រាវ​។​

​ការស្រាវជ្រាវ​នេះ បាន​ធ្វើឡើង​ដោយ​លោក​សាស្ត្រាចារ្យ លា​វីដ ឌី​ស ធ្វើការ​ផ្នែក​កុមារ​នៅ​មន្ទីរពេទ្យ​ស៊ីន​ស៊ីន​ណា​ធី​(​អាមេរិក​)​។ លោក​និង​សហការី បាន​ប្រមូល និង​វិភាគ​ទិន្នន័យ​របស់​នារី​ចំនួន ២៥៩​នាក់ ដែល​មាន​អាយុ​ចាប់ពី ១៣​ឆ្នាំ ដល់ ២១​ឆ្នាំ នៅ​បន្ទប់​ពិនិត្យ ដោយ​ក្នុង​នោះ ៧៨​ភាគរយ ជា​ជនជាតិ​អាមេរិក ដើមកំណើត​អាហ្វ្រិក​។​

​នារី​ទាំងឡាយ​ដែល​បាន​ចូលរួម​ក្នុង​ការស្រាវជ្រាវ​នេះ ត្រូវ​ឆ្លើយ​ទៅ​នឹង​សំណួរ “​តើ​ធ្លាប់​រួមភេទ​ឬទេ ?”​។ តាមរយៈ​សំណួរ​នេះ គេ​រកឃើញ​ថា នារី​ចំនួន ១៩០​នាក់ (​ស្មើនឹង ៧៣​ភាគរយ​) ធ្លាប់​រួមភេទ ក្នុង​នោះ​ភាគច្រើន ពួកគេ​មាន​ដៃគូ​ស្នេហា​ច្រើន​។ ក្រោយមក ក្រុមគ្រូពេទ្យ បាន​ប្រើ​បន្ទះ​មួយ កៀរ​យក​កោសិកា​នៅត្រង់​ទ្វារមាស និង ក​-​ស្បូន ដើម្បី​ពិនិត្យមើល​ថា មាន​មេរោគ HPV ដែរ​ឬ​អត់​?


​លទ្ធផល​បាន​បង្ហាញថា នៅក្នុង​ចំណោម​មនុស្ស ១៩០​នាក់ ដែល​ធ្លាប់​បាន​រួមភេទ មាន ១៣៣​នាក់ (​ស្មើនឹង ៧០​ភាគរយ​) ត្រូវ​បាន​ពិនិត្យ​រកឃើញ​មេរោគ HPV​។ ចំណែក​មនុស្ស ៦៥​នាក់ ដែល​មិន​ទាន់​បាន​រួមភេទ គឺមាន ៨​ករណី ដែល​មាន​ជំងឺ HPV ក្នុងនោះ​មាន​ពីរ​នាក់ បាន​ឆ្លង​ជំងឺ  HPV-១៦ និង HPV-១៨​។​

HPV ជា​មេរោគ​មួយ​ប្រភេទ​ដែល​ឆ្លង​តាមរយៈ​ការ​រួមភេទ​តាម​ប្រដាប់ភេទ ឬ​រន្ធ​គូទ​។ ក្រៅពីនេះ វា​ក៏​ឆ្លង​តាម​ការ​ប៉ះ​ស្បែក​ត្រង់​ប្រដាប់ភេទ ឬ​ដៃ​ប៉ះ​ប្រដាប់ភេទ​។ ការរកឃើញ​នេះ ត្រូវបាន​អ្នកស្រាវជ្រាវ​បកស្រាយ​នូវ​មូលហេតុ ដែល​នារី​មួយចំនួន​មិនទាន់​បាន​រួមភេទ ប៉ុន្តែ​បែរជា​ត្រូវ​ឆ្លង​ជំងឺ HPV ។ យោង​តាម​ការ​ឲ្យដឹង​ពី​សមាគមមហារី​ក​ជាតិ មេរោគ HPV គឺ​មាន​ចំនួន ១០​ប្រភេទ (​ក្នុងចំណោម ៤០​ប្រទេស​) គឺជា​កត្តា​ដែល​បង្ករ​ជំងឺមហារីក​។​

​ជាទូទៅ ការឆ្លង​ជំងឺ HPV មិន​មាន​គ្រោះថ្នាក់ ប៉ុន្តែ​ប្រសិន​រលាក​ក្នុងពេល​យូរ វា​នឹង​នាំឲ្យ​កើត​ជំងឺមហារីក​មាត់ស្បូន​។ ការរកឃើញ​នេះ ត្រូវបាន​អ្នកស្រាវជ្រាវ​ស្នើ​ទៅ​កាន់​ស្ថាប័ន​សុខាភិបាល​ថា គួរតែ​ចាក់​ថ្នាំ​បង្ការ​មេរោគ HPV សម្រាប់​ក្មេងស្រី​ដែល​មាន​អាយុ ១១ និង ២១​ឆ្នាំ មុន​នឹង​ពួកគេ​អាច​មាន​សកម្មភាព​ផ្លូវភេទ​។​

​លោក​សាស្ត្រាចារ្យ លា​វីដ ឌី​ស បាន​ថ្លែង​នៅលើ​គេហទំព័រ Archives of Pediatric & Adolescent Medecine ថា “​គ្រូពេទ្យ និង​ឪពុក​ម្តាយ​ទាំងឡាយ មិន​ត្រូវ​មើលស្រាល​ការចាក់​ថ្នាំ​បង្ការ​មេរោគ HPV សម្រាប់​កូនស្រី​របស់​ខ្លួន​នោះទេ​។ សូម្បី​តែ​មុនពេល​រួមភេទ ពួកគេ​អាច​ឆ្លង​មេរោគ​នេះ​បានដែរ ដូចនេះ​ការចាក់​ថ្នាំ​បង្ការ​នៅពេលនេះ មិនមែន​ឆាប់​ពេក​នោះ​ទេ​”៕​

ហ្គេមជួយមនុស្សចាស់ចងចាំល្អជាង

​មនុស្ស​ចាស់​គួរ​ត្រូវបាន​លើកទឹកចិត្ត​លេង​ហ្គេម ដោយសារ​ប្រសិទ្ធភាព​បង្កើន​លទ្ធភាព​ប្រមូលផ្តុំ និង​កែប្រែ​ប្រសើរឡើង​ការចងចាំ​របស់​ល្បែង​អេ​ឡិច​ត្រូ​និ​ច ។​
​ល្បែង​ដែល​ពួក​អ្នកស្រាវជ្រាវ​លើកឡើង​សម្រាប់​ក្រុមមនុស្ស​អាយុ​ពី​៥០​ឆ្នាំ​ឡើង គឺ​បើករថយន្ត​លើផ្លូវ​ក្រវិច​ក្រវៀន ហើយ​ម្តងម្កាល​មាន​ប្រកាស​សញ្ញា​លេចឡើង​ចៃដន្យ​នៅ​សងខាង​ផ្លូវ ។ ដូច្នេះ​អ្នកលេង​នឹងត្រូវ​ប្រមូលផ្តុំ​អតិប្បរមា ដើម្បី​អនុវត្ត​កិច្ចការ​២​ក្នុងពេល​តែមួយ បើករថយន្ត​លើផ្លូវ​ក្រវិច​ក្រវៀន និង​យកចិត្តទុកដាក់​ដល់​ប្រព័ន្ធ​ប្រកាស​សញ្ញា​នៅ​សងខាង​ផ្លូវ ។​
​អ្នកចូលរួម​ត្រូវបាន​លេងល្បែង​នេះ​១២​ពេល ក្នុង​១​ខែ ហើយ​មួយពេលៗ​អូសបន្លាយ ៦០​នាទី ។ លទ្ធផល​ក្រោយ​១​ខែ ពួក​អ្នកស្រាវជ្រាវ​នៅ​សកល​វិទ្យាល័យ​កាលីហ្វ័រ​ញ៉ា​របស់​អាមេរិក បាន​រកឃើញថា សមត្ថភាព​ធ្វើ​កិច្ចការ​ច្រើន​ក្នុងពេល​ជាមួយគ្នា​របស់​អ្នកចូលរួម​ល្អ​ជាង​ពួក​អ្នកមាន​វ័យ​ស្របាល​គ្នា ជួនកាល​នៅ​ល្អ​ជាង​យុវជន​វ័យ​២០​ឆ្នាំ មិន​លេងល្បែង​ដូចខាងលើ ។ ពិសេស​សមត្ថភាព​ប្រមូលផ្តុំ​ធ្វើ​កិច្ចការ​ច្រើន​ក្នុងពេល​តែមួយ​របស់​មនុស្ស​ចាស់​នៅ​អូសបន្លាយ​ថែម​៦​ខែ ។​
"​ខ្ញុំ​មោទនភាព​ថា ឥឡូវនេះ​ខ្លួន​អាចធ្វើ​កិច្ចការ​បាន​ច្រើន​ក្នុងពេល​ជាមួយគ្នា និង​ធ្វើការ​បានជា​មួយ​មនុស្ស​ច្រើន ។ មុននេះ ខ្ញុំ​ច្រើនតែ​ភ្លេច​ធ្វើ​កិច្ចការ​ណាមួយ​នោះ​ពេល​មាន​កិច្ចការ​ផ្សេង​" លោកយាយ Ann Linsley (​អាយុ ៦៥​ឆ្នាំ​) ឲ្យ​ដឹង ។​
​ពួក​អ្នកស្រាវជ្រាវ​ក៏​សង្កេតឃើញថា សមត្ថភាព​ប្រមូលផ្តុំ ប្រតិកម្ម​រហ័សរហួន និង​ល្បឿន​ដោះស្រាយ​ពត៌មាន​របស់​មនុ​ស្សចា​ស់បាន​លេងល្បែង​អេឡិចត្រូនិក​ក៏ត្រូវ​បាន​កែប្រែ​ប្រសើរឡើង​ច្រើន ។​
​លោក Joaquin Anguera ជំនាញការ​ស្រាវជ្រាវ​សរសៃប្រសាទ នៅ​សកល​វិទ្យាល័យ​កាលីហ្វ័រ​ញ៉ា​ឲ្យ​ដឹងថា "​តាមរយៈ​ការស្រាវជ្រាវ យើងខ្ញុំ​សង្កេតឃើញថា ល្បែង​អេឡិច